بـيـن الـكـــاف والنــون
السابع والستون
سجى الطائي🍃
يگولون تحلم بيه رجعت من جديد
الگبل مآ قبلت أضل ابالها
ثروة مآ عندي وگدرت آنطيها روح
العمري مآ فكرت بأستغلالها
الرخصتني ودورت ع اليشترون
الرآحت وضل بالگلب تمثآلها
يگولون نبرة صوتها تحس بيهآ خوف
وابتسامتها الدمع يغتآلها
بأحلآمها خطوط المخآلب واضحات
موقعلها آعله الحلم چتالها
الوآدعتني ورآحت لكوكب بعيد
أظآهر الكوكب رفض مآ شآلها
سديم
عياط وصريخ البيت نكلب الناس خلال ساعه التمت اني بس اباوع ودموعي على خدي اجذب الخبر لو اصدك عيوني
حسيت عقلي وكف شنو اخويا مات شنو يعني راح بعد مااشوفه لالا جذب هسه يطب علينه هسه يكلي سدوم مشتاقلج بذات مسألين على اخوج
نص اليل اني منزويه على الدرج البيت خبصه صوت العياط وترني سديت اذااناتي
اخواتي ملخن نفسهن صافنه ومامصدكه بس دموعي تحجي البداخلي عيوني دوره
متامله يجيبو من كركوك ويجون مابي شي يجي يمشي على طوله وافرح بشوفته
امي تخربطة وغسلولها من وعت رجعت تلطم وتبجي
كوه دخللنها للغرفه
ساعه وصارت هوسه كدام البيت نفتح الباب طلاكتين نزلت من الدرج كوه امشي افوت بين النسون
وكفت باب الهول الخارجي يطلع على الطرمه فاتو الزلم شايلين تابوت اخويه وحسام ولد عمي وصدقائهم
اهز براسي لا هذا مو تحسين لا موهوه غلطانين فاتن النسوان جوه واني على وكفتي طبو كدامي واني عيوني وراهم
بس شافن التابوت خواتي شكن ثوبهن وصوت العايط ارتفع تقربت وكفت اباوع صدك هنا تحسين
لزمتني وحده كعدتني يم خواتي ابويا واكف على صفحه اريد اكله بابا مامصدكه هذاتحسين حسام فتح التابوت لافي بجفن ابيض وخر الجفن من وجها بعده بملابسه العسكريه من شفته بعد ماحسيت بروحي
يوم كامل اني غايبه عن الوعي كعدت فتحت عيوني صوت داير مدايري الضوه فجر اسمع ونين امي وخواتي هنا استوعبت موت تحسين عيطت من كلبي طفرت مرت عمي عليه
نعاد العزه خواتي يردن بس حجه يبجن ملخن روحهن واني فقدت من البجي والعياط
ايام صعبه الحزن خيم على البيت ثلاث ايام اني عايشه على المي امي انتهت كوه دكوم وتكعد
اجت السبعه ونعاد نفس الالم ونفس الحزن حسام كبر من القهر على تحسين ابجي وارجع اكول هسه يجينه هس يصيحني هسه يعاتب ابويه علمودي
هسه يسوك البيتنه وينطيها مصرف الامي انعزلت بغرفتي زوجته بس بالفاتحه تبجي وتسكت من وحدها
لا هي ولا ابويا متاثرين بروحته
مشت الايام بحزنها كلشي بينه انكسر
وره السبعه مال تحسين نعمه وجهالها يمنه واكفه اني انضف بالطباخ وخواتي كلهن رجعن لبيوتهن حسام يطلع الصبح يرجع باليل نعمة زوجت تحسين استقرة يمنه بطلب من والدي ثالث يوم الفاتحه كالها تبقين يمنه علمود الجهال وهي قبلت
امي فرغتلها غرفتها وامي انتقلت يمي بغرفتي وابويا مكانه الصاله
امي بالهول كاعده والسواد مغطيها وتبجي ليل نهار واني من يمي اتكطع وعيوني تجري بكل ركن اذكره بكل سالفه
كملت تنضيف كعدت بالهول لزمت القران اختمه الروح تحسين مستمره بالقراية امي شهكت بصوت
رفعت نضري نعمة لابسه دشداشه ربع برتقالي وكاعده على الكرسي ورجل على رجل خاله وتعلج
امي صافنه مامصدكه المنضر واني مامستوعبه هاي تخبلت
امي "شلابسه ستوه رجلك توفه"
طكت العلج ونبت"وشسويله اموت روحي ورااا"
امي لطمت على خدها "رجلج ابو بناتج ولدج معرسه ولتبسين برتقالي خافي ربج رجال مؤمن هم بي حوبه"
صاحت"اوووووي وشسويله اصلاً ناذره البس احمر بموته"
هنا امي ملخت نفسها وتعيط"ولك يمه اطلع وشوف منو الناذر يلبس احمر بموتك ولك يمه شمتين بيك
اخخخخخ يايمه عساهم ماتهنوو ولا راسهم برد ولا رتاحو كل المتمني موتج ولك تحسسسين يمه "
على عياط امي ابويا طلع من الصاله يهادد "خير غراب البين عليمز العياط"
امي "شوف جنتك شلابسه ورجلها ترابه اخضر"
باوع ال النعمه ورجه باوع لمي "شلابسه غير دشداشه"
امي"ابو تحسين انت هم نعميت شوف الون الابسته وابني اله سبوع من دفنته"
ابويا"اهوووو ولبست الوان الثوب يرجع ابنج بطرانه تنوحين على الدشداشه ماعدج سالفه"
امي" حسبي الله عليكم حسبي الله كون حوبته ماتتعداكم فرحانين بروحته شمتانين بي من عسا ناري بيكم ولوعت ابني بيكم "
نعمه"خاله لاتدعين ترجع عليج تره واني ماكفرة مامجبوره احزن والبس اسود ابنج مايربطني بي
بس هاي الجهال "
امي"يا الماتخافين من ربج ابني شمقصر وياج البس الاكل بشرايه بذهب مو حتى اهلج معيشهم بشنو مقصر وياج جابج من الحضيره وسكنج بيت حايم صايم
ردتي تعزلين وعزلج شتردين اكثر"
نعمه" اوووع هم حاسبته عليه رجال ابنج التفتخرين بي هاجرني صارله سنتين شايفه منه ينزل يكضيها يمكم شعارفه منه "
امي "من خيستج من جيفتج شهر يله سبحين شواربج اضخن من شواربه ناسيه من اجيج الكه الترك تل حفاضات جهالج وريحت البيت ماتنطاق
ناسيه الذراع اليطلع من الثلاجه اذكرج جوه الدرجه لكينه حتى سلابيح عبن اشهر مامنضف وابنج يبول جوه الدرج
امي نهدت بيها هاي من سمعت كومي وعيطي" اني تعيرني عجوز البين تعيرني بيتي الله فكني من ابنج المايخاف الله يوميه يهددني يزوج عليه ويوم الافتك منج"
ابويا واكف يرادد ويدافع عن نعمه
اني بس عيوني تجري على اخويه الضيع عمره ويه زوجه تشوف الموت ماشوفه اخخخ ياخويه عشت مضلوم وزوجت مضلوم ورحت مضلوم
نعمه بعد العركه طبت وسدة الباب حيل ابويا وكف بوجه امي "عجوز البين عوفي البنية شتريد اسوي اسوي مالج شغل بيها معاجبج لمي هدوج ولي البيت اخوج الشفيه"
امي بس دموعها تحجي عافنه ودخل للصاله دخلت بحالة اكتئاب بس ابجي محتاجه تحسين
لليل امي تخربطت يمي بالغرفه كمت اعيط طب حسام يركض شافها شالها واخذها طلعت وراا ابجي طلع بالشارع شايل امي
نزلت زوجته ونعمه طلعت من الغرفه ابويه طالع
حسام اخذها وراح بتكسي كعدت بالطرمه ابجي
منو الي بعد امي وتحسين محد بيهن سالت شبيه امج
ربي انت ارحم الراحمين بس عيشلي امي من بعدها اضيع
ساعتين طب حسام كايد امي ركضت عليها ابوس بيديها وجها وخرت كوه تمشي
طببناها للغرفه مددت تنام حسام غطاها واشرلي اطلع
طلعت ورا وسديت الباب
شايل علاكة علاج "شكل وياها سكر"
خليت ايدي على حلكي فوك الضغط شكل سكر
هز راسه حسام مقهور "هذا علاجها بالوقت تنطيها وكطعي منها الحلا والشكر ولا تخليها تبجي هواي يأثر على نفسيتها"
سديم"مابيدي اخليها تنسه تحسين ليل نهار تبجي عليه "
حسام"حاولي وياها تلهيها من القهر يرتفع سكرها لكينا واصل اربعميه ابر ومغذيات كوه نزلو الها "
اخذت منه العلاكه علمني علية ورح صعد فوك
طبيت للغرفه غطيتها زين مشغله المبردة والبنكه نامت
واني مددت انام لزمت تلفوني اخخخ ياقصي
من وفات تحسين وراها حضرته مالي نفس احاجي احد
كام يدك من ارقام غريبه ماارد عليه
مرة الايام
وبيوم كعدتني امي الفجر تسمع طكطه جايه من الترك كمت كوه فاتحه عيوني غسلت وهي طلعت تتوضه
بعد للاذان ساعه طلعت توضيت على السنك كملت اخذت لايت وطلعت للطرمه طبيت للترك اضوي ماكو شي قبل لا الوف للجه الثانيه من الترك اسمع صوت همس
اجيت اشرد من الخوف منو بتركنه طفيت الايت ورجعت ركض طبيت الغرفتنه امي كاعده تسبح طفيت الضوه
كالت"شعلي يمه اريد اصلي اقره قران"
سديم"بعد وكت من يأذن اشعلج الضوه "
سكتت امي ضلت تسبح
ضل صوت بالترك كل فتره اسمعه واغلس اخاف اروح للترك واشوف مني
نعمة زادة بطغيانه تعاونت هي وزوجة حسام ثنينهن تفرعنن على البيت المساندهن ابويا حسام ميدري شيصير بالبيت اني وامي نباوع وونسكت منكدر نحجي شي
جان تحسين نسولفله كلشي ومايقبل ويعالج المشكله بهدوء بدون صياح عكس حسام رغم هادء بسنو مثل تحسين
كاعده اكلب بالجهاز والدنيا ليل وره العشه سمعت صوت خطوات مطفيه المبرده ينسمع كلشي يربي منو يفوت باليل
امي بالهول كاعده ويا جهال تحسين
ضليت اطكطك حرامي يطفر علينه شسوي وين اروح
مااعرف شنو الخلاني اخابر اماني سولفتلها كالت "طفي الضوه وشوفي من الشباك منو
" يمه اخاف يطلع بوجهي ماعليه"
اماني"مثل مااكلج مراح يشوفج مجرد زيحي البرده شويه وشوفي منو اذا مشتعل ضوه الترك راح شوفي "
سديم"اخاف اماني لا يطلعلي "
اماني "وين يطلعلج لا تخافين بعد وكت اكو حرامي يطفر ب٩ ياحرامي غبي وبعدين الشبابيك مقفله وين يكدر يفوتلج"
شويه قتنعت بس ضل الخوف بكلبي مااعرف شون طفيت الضوه وتقربت من الشباك واني بس اسمي بااسم الله واماني وياي على الخط هذا المشجعني
وخرت البرده شويه بش عينس تطلع منها الترد اضلم همست الاماني "الضوه طافي مااشوف شي"
اماني "مالمحتي احد بزون حيوان"
ضليت مركزه وكل شويه اباوع"ماكوو احد بس غراض القديمه"
اماني "عوفي هاي الجها شوفي الجها الثانيه" مبردتنه بنص الشباك فصايره جهتين للشباك
وخرت رحت للجه الثانيه خنست من شفت انسان واكف وبيده بريك مي ضوه الحيران يضرب على تركنه ماواضحه ملامحه
دار وجها للشباك شافني طلعت اعيط
سيف الدين
سبوعين مرن واني بين سليمانية واربيل ودهوك ادور على ابره بكومت قش اريد بس خيط ينطيني امل بوجودهم
كل امل ماكو الياس البداخلي كبر اسوق واني الف حسبه وحسبه وينهم شنو صفه بيهم الدهر ميتين عدلين
مكتولين مهجرين تعبت نفسين ضاق بيه الوكت اليا زمن ابقه اعاني الفقد واني مسلوب العائله
حاش بنقص رغم الشيخ والحجيه مامقصرين بس يبقه هذا الشعور
الطريق طويل وموحش وصلت واني اجر ذيال الخيبه وراي تلكاني الشيخ حضني بادلته الحظن برود
امي الحجيه وجها يضحك بستها وكتدت وياهم دقايق وكمت طبيت الغرفتي سبحت وبدلت
مددت على الجربايه عيوني معلكه بالسكف شريط حياتي مر كدامي من لكاني الشيخ لليوم
يكمن محضوظ عشت وسط عائلة رب العالمين حط بكلوبهم الرحمه وحسبوني ابنهم ومنهم وبيهم
الخلل بيه مو بيهم شكد مايحاولون بينون اني واحد منهم
نمت واني افكر ثاني يوم داومت بين المركز والبيت والرائد صعب يعد. ماصعد رئيس قسم رجع المكانه
مرت بيه الايام عايش بيأس مجرد جسد
اليوم ضافر جاي يمي عزمت الولد عمار وجهاد انطيت خبر للحجيه بس يحضرن الضيافه العشه طالبه من مطعم
صارة لمتهم على العشه وضافر يبات يمي كملو طلعتهم بالحديقه مرتبها وخال ميز وكراسي عمرتلهم نركيلتين
وكعدنه ضحك ولمة شباب عمار انكس من ضافر واحد يكبس والثاني يرفع هتليه
جهاد "سيف مؤدب لاتفسدون اخلاقه"
عمار"رب الحلوو اغلط فشر مدكلي مربيك بمي ورد لسانك ينكط ورد "
ضافر"ابو السيوف ورده بس يااخي نفسي مره اخابرك واسمعك تكلي نجب ساقط غير اهلهل واوزع جكليت "
عمار "والحلو مايبقشش مثل ربعنه مره احتاجيت واجيت اسويها لزمني دك نصايح نثولت رجعني بك اليوره ليكول داعيت هذا الزمن
سيف انت مكانك مو هنا مكانك بالجامع تخطب وتحجيلهم عن الدين احلفلك على القران نص الناس تجر عدل وتمشي سيده وياك"
جهاد"ترحوله فدوه سحب نفس من النركيله الرائد مايشمي بس ويااا حتى طلعاتهم سوه وتعرفون الرائد
مايثق باكبر واحد"
اني اسمعهم وادخن عايفهم يصنفون براحتهم "
عمار "بس سيف اسالك وبروح العزاز اجاوبني"
نفثت الدخان وكتله"سولف"
عمار" انتو مو تحبون علي احلفك بعلي جاوب"
سيف "بجه غير يحجي"
جهاد" سيف خطيه راح يبجي "
سيف"مو اكلكم بس بوخه لاشوفو لسان وكت اليريد شي يتمسكن "
عمار"عار لاتدخل"
جهاد" مو مقتحم غرفتك"
عمار"اني وجاري شدخل حماري وياشر على جهاد عود جهاد الحمار"
جهاد"...... فشر بكد راسه واني شون احب سوالفلهم
عمار" غير مرافك...... شتطلع لسانك ينكط عسل"
جهاد"عمار لا تجاوز نشاقه يول"
عمار"دكل...... منو كلك اشاقه "
جهاد "صرة نثية ماتتحمل الشقه"
عمار"مو اني جهاد بعيطه من امي انسه نعالي "
جهاد"لطش لط سالفه ولت وصارت كدامك تلزمها بعد عيد عدك"
عمار "لتحشر روحك بين الكبار مكانك مو هنا يم امك اكبر وتعال"
شفت عمار كبرها كمت جريت الصونده مال الحديقه شغلت البوري رشيته طفر يصيح"سيييف شكد كو........
خرب عشيرتك.و........ كمل السيفونيه مالته عده حلويات الفشار مايكعد بدون فشار جهاد لاحه مي بس مو مثل عمار غركته كام يطفر يكض منا ومنا حار وين يدخل للبيت اخر شي افتر على الحديقه الوره سديت المي جهاد
اخذ الكراسي كلبهن من المي جر خاولي بطن ميز المغسله
نشفهن ورجع كعد يمسح بوجها
ضافر كاعد ولا يمه ينركلي ويكلب بالجهاز
شويه ورجع عمار مبدل لابس تراكي عرفت فات الغرفتي لان بابها على البستان وره البيت كعد يدردم
ضافر"جهال شبيكم واحد ميتحمل الثاني "
عمار كالب وجخا كوه يحجي"كله ليحشر خشمه لا اكصه اله "
جهاد"عود انت خوش زلمه وتهدد "
عمار"ضافر كله يلزم روحه لا اعرفه الامهات شجيب"
جهاد"شجيب واحد مخبل "
عمار "استغفرالله شون يريد اكوم امرع دينه"
سيف كلعو روحي "كااااافي زعاطيط جهال زياد احسن منكم شبيكم شرايج مو مثلكم"
سكتوو هاي همه كل لمه واحد. يدوس بطن الثاني وميسكتون
عمار سكت بس على اعصابه لو انطي مجال يتلازم ويه جهاد وجهاد هم ميسكت صح يحبه بس اذا وصل الامر يتلازمون علمود اشياء تافها ويرجعون يصالحون
والمصالحه مالتهم مجرد ثاني يوم يجون ناسين العركه والخبصه السووها ويسلمون على بعض
ضافر نزل النركيله كال"صدك سيف انت ماتخاف يدينوك بسالفة التحقيقات "
سيف"مامسوي شي غلط واني مستشير اطباء وكلهم اكدولي الاجراء الاسوي صح ومابي ايخطوره على صحتهم
واني هم كاسب راحتي لا اتعبهم ولت يتعبوني"
عمار"مره سالت الرائد كال مامتأكد بس على الاغلب خطر "
سيف"لا حبيبي كلشي مابيهم ازوعه الاريده وهوه الممنون"
ضافر"اذا ماابرد كلبي بيهم انت نستله "
سيف"ضافر تذكر تدريبات الكلية العسكريه هز راسه منو طلع الاول "
ضافر ضحك والقمجي بحلكه "لا دكول انت"
سيف رفعتله حاجبي "اني مااخاف قزت من اعلى ارتفاع اكلت لحم الحيايه زياد راد يسويلي واسطه من يشوف جسمي مشطب من الزحف والعناجير تارسه راسي
واني اكوم اكمل التدريب
موخوف بس كلماً واله اسلوبه تره الضرب مو شجاعه
ولا ايذاء الاخرين هاي وسام شرف مااتلذذ باذيت عدوي
امشي على القانون
لو اريد تلكه نص الازمهم ميتين جوه ايدي بس اتعامل بهذا واشرة على عقلي
ضافر طبعه عدواني ومايسامح لهذا سحبو ضمن مكافحة الارهاب جسر بس ارعن متسرع بدون تفاهم وهذا عيبه
الولد طلعو اخذت ضافر للديوان فارشيلنه سولفنه هواي
عرفت ماخذ كل ورثه من بيت عمامه مصفيهم صفي المعامل ماخذه مبقيلهم بس العماره ماشرين شققها ومحلاتها وعايشين عليها
يكلي عمامي بوكت الجانو ولدهم يصعدون بسياره موديل وينزلون من غير موديل هسه صفوو عمال جوه ايدي بالمعمل
وعايشين على ايجار العماره اذا تتقسم يمكن كل واحد يلوحله فد خمسميه
يحجي بنتصار سكت شويه ورد كال" مالكيت اهلك"
تنهدت واني متمدد وهوه على فراشه كلب منتجي على عكوس ايديه "دورتهم بكل الشمال ماكو احتمال ماموجودين بكل العراق"
ضافر باوعلي بتركيز " احتمال مطالعين "
باوعتله"شون واني دورتهم بكل اربيل وسليمانيه وكركوك ودهوك ووتكريت من اول ماوصلنه هنا اني بحوشت بيها"
ضافر"سيف انت دورت بالشمال ناسي الجنوب الغربيه مامدور بيها والعراق لا محافضه ولا ثنين اذا مسافرين اكيد يبينون اسمائهم موجوده بالمطار"
مثل واحد وانطاني ضوء عكدت حواجبي" يعني اسمائهم موجود اذا مسافرين"
ضافر"اكيد اذا طالعين تلكه اسمائهم "
كعدت عدل انطاني امل وطاقه "زين شون اعرف"
كعد ضافر خله المخده بحضنه "ماعدك احد بالمطار ضابط موضف يعني يكدر يجيكلك السجلات"
صفنت اذكر جماعتي بالدوره ولا واحد عدي علاقه بي بس ضافر وضافر مو بالمطار شغله
انتجه ضافر واني افكر اريدلي احد
كال"لكيتلك واحد على باجر اخابره بس انطيني اسم امك الكامل واسم ابوك "
تنهدت ثاني يوم ضافر رجع واني داومت يومين وخابرني ضافر صديقه بالمخابرات انطيته اسم والدتي والدي وجدي كال
شويه طول اجرائتهم لان بدون امر ميكدرون يفتحون السجلات كتله اصبر شوراي مر اليوم رجعت للبيت حتى ماشفت الشيخ ولا امي الحجيه صليت ونمت
ثالث يوم اني بالدوام اجاني خبرر يمكن لو يكلولي دمك ثمنه اشتري بدمي ٢٠١٣/٩/٣ اهلي مسوين جوازات بغداد ومستلميها
رغد
طلعت وجسمي يرجف احس روحي خاويه من الكهرباء السرت بجسمي
ارغد شالني طلعني للغرفه بس نزلني دفعت ايده باوعلي
جر الديباج غطاني وطلع الغرفه ضلمه والدنيا الصبح
ساعه وصعد عمي كعدت تحمدلي على السلامه ونزل
ضحى وزوجت ابراهيم شافني سولفن شويه ونزلن
مااذكر شحجيت وياهم شرديت من شافني ساكته نزلن
مااريد اشوف احد ولا اباوع بوجه احد
كمت على اعصابي سبحت وطلعت لبست دشداشت نوم مددت غمضت عيوني بس اريد انام غفيت
حسيت على لمست ايده حاوطت خصري جرني على كيف بحضنه نزلن دموعي
ماتحركن ضليت على نومتي مااريد اشوفه شمني بركبتي ضهري على صدره
كل شويه يتنهد ويرجع يدحس خشمه بركبتي ساعه وحسيت بنفسه ثكل غفيت
كعدت الصبح ماموجود كمت وخرت الغطه ساعه ب١٠ شعجب ماكعدوني يوميه من ٨ تغبش امه تكعدنه
نزلت البيت مابي احد مدري بغرفهم مااعرف هذا البيت شون جامعهم مساحته ٢٠٠ زغير
اذكرت بيت جدي مساحته ٤٠٠ غير الحديقه عمامي بس ثنين من صارو عدهم جهال عزلو البيت مايكفيهم
اسمع صوت سعاد بالمطبخ تحجي ويه امها والبنات غسلت المغسله جوه الدرج
سعاد"يمه شل حالي يريد يسجل اسمه ويه التطوعين شكد اكله عوفها وانت مامدرب شتعرف عنها وهوه راسه والف سيف اروح"
خالتي"حاجي ابوو يمنعه يكولون ذيج المناطق خطره عينج على ولدج لا يروح منج نوبه وهذا جبيرج"
سعاد"مرمرني يمه ماياخذ حجايه لا مني ولا من ابووو وابج الكواد مشجعه "
خالتي "بله احجي عدل كل سالفه وخلتي ارغد بحلكج شعليه الولد ملتهي بدوامه ومكموعته يطلع الصبح يرد العصر وطريقه بعيد وين شايف ابنج"
سعاد" يوميت باليل يلتمون يم تميم وهذا هد تميم مشجعه ومسويها عليه هوسات وهذا ابني الاغم مكيف
على دك الطبل خفن يرجليه"
خالتي"خوانج مالهم شغل وبعدين من الزينات شكو بيها اذا طوع غير وشام شرف ولبسي"
سعاد"يمه بطرانه ياوسام شرف ابني اذا راح مني يفيدني وسام الشرف مالتج"
ضلن يسولفن دخلت كلت صباح الخير بس سندس ردت ماخذه ورث الخلفوهن مالي مزاج الوحده سويت جاي وصبيت وسويتلي لفة جبن اخذتهن وطبيت للهول بيدي الكوب والايد الثاني الفه اكل واسمع سوالفن
صوتهن عالي خوه تميم اذا خابر صوته يوصل للشارع بس ارغد صوته ناصي بس من يكوم يرعد ضوته يرتفع
مر اليوم رجع ارغد صله وبدل ونزل اشر السناء صبله اكل اني كاعده
سعاد كاعده وبصفها امها كالت"مادكوم مرتك ايديها مجبره"
ارغد مارد عليها كامت سناء تحميله الاكل
سعاد"ماجاوب لو تعينت وصرنه مومن مقامك"
سعاد ضاجت من تصرف ارغد اليبزها تنفجر
ارغد يباوعلها وساكت تصرفه مستفز طبت ضحى شافت ارغد شهكت وطلعت كلنه التفتنه التصرفها
ارغد "شبيها بت ابو الديوجه"
خالتي "شبيك ويه البت خال كورك وكورها عيب الخاطر اخوك"
ارغد"يمه شمسويلها هي وحدها تتحسس مني ضحكت"
خالتي"والله انت صاير ماتنجرع يمه نتغير وين ارغد الفقير"
ارغد"مات حبيبتي انتي تقربت يمها بشت ايدها بشت خدها وخرت الشيله وحضنتها "
خالتي "وخررر عيار من عدك مصلحه تجي تحضن وتبوس"
ارغد وغر من صدرها يباوعلها"هاا حجيه نكرتي جميلي واني الشايلج بعيوني ردتي شي وماجبته"
خالتي بسرعه تغيرت نبرتها كانو تحاجي طفل ارغد روحه من الدنيا خالتي وخالتي مثله
عده كلهم بجفه وهي بجفه ميزعلها شكد.سعاد والبنات يدوسن بطنه هوه الخاطرها يسكت عنهن لان هي محلفته ميتقربلهن
ارغد
شفت حركت ضحى وبتسمت بداخلي بعدج ماشفتي شي بت ابو الديوجه
طب تميم معزل المحل سلم وكعد صبت سناء غده بصينيه الي والتميم
تغدينه صعدة رغد وسعاد فاتت الغرفة امي من شافتني لابسها وامي طبت وراها تنام
البنات راحن الغرفهن ضلينه اني وتميم
ارغد"شبيك"
جر الباكيت سحب جكاره دخن "تعبان"
ارغد "شنو الجديد"
تميم "سمعت بالاخبار"
ارغد"اي شنو راح تطوع "
تميم"وشبيه مكسر مكرم "
ارغد"خطر تره"
تميم "الخلاها ياخذها حبيبي"
ارغد "خابر سيف وشوف الوضع الاخبار كلها يمه"
سكت يدخن وعينه لبعيد شويه ومد ايده بجيبه طلع تلفونه كلب بي وشمره يمي
رفعته اشوفه ضحك تميم ابو الديوجه
ارغد"تلومني "
تميم "عوفه لا توصله اني استوه على مزاجي"
سكتت تميم بعد خلاهم براسه بده بلراس الجبير
صعدت ارتاح
رغد نايمه بالكاع اخذت نفس كعدت على السرير
اريد تصفه بيني وبينها بيها وماتتعقد
وين نوصل وهي بعنادها مااعرف شصرف شون اصلح الوضع لا هي منطيتني فرصه ولا اني اكدر اتقرب وهي نافرتني شايفتني مجرد محطة توقف
شمرت معاملتها عد معقب كمل جوازها جدده جسنسيتها وشهادة جنسيه ووووو
خابرني اخوها الوضع خطر الطريق ضعب لازم اطلعها تزوير ومن دوله الدوله اكدر اوصلها بدون هجره وبحر
ومايكدر يسحبها تتعلك باليونان وضع اليونان مومثل باقي الدول عدها غلاء مو طبيعي
مددت ارتاح لزمت جهازي اكلب بيي وصلت رساله على الماسنجر
دخلت للصفحه مانتبهة على الاسم وعلى على صورة الصفحه مضمون الرساله صوره حجر اسود منقوش عليه نقش بالخط العربي مامفهوم مداخل ويه بعضه استغربة
حاولت اقرا يمكن ايه قرئانيه وبصوالصوره صوره ثانيه ضهر الحجر مكتوب اسمي (ارغد _١٩٨٧)
جواها كلام "اعرف سر القلاده وين ضامتها امك وياها ضحكه طويله
............ يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!