رواية بين الكاف و النون الفصل السابع وسبعون 77 - بقلم saja altaie95

بـيـن الـكـــــاف والـنــون

الرابع والسبعون

سـجا الطائي🍃

على واهسكم خبطنة الماي الازرك
طاليبن بدين واعرض دينة
وعلى واهسكم لكينة الكصبة كعبة
نزور حدها ولو سفاهة بعينة
وعلى واهسكم عرفنا الموت الاول
واستحة وعينة نثنت من عينة
وجان ليل الخوف لفحة ريح شتوة
ولو شبكنة الكاع يعرك ليلنة
وجانت الضحكة جوالي
تناثرت ضحكة بحوافر خيلنة
وعلى ريحتكم تلكتنة الشواطي
بفرح نفية وطحنة كلمنة اثنينة
كلمة بيها الماي ذبل كل زراكة
كلمة بيها العين غبش كل فرحها
وخضرت طاكات بخدود الرفاكة

سـديم

ايام اني مامرتاحه وحسام يدك تاخذين عثمان والناس مرتين اجوي واني ارفضهم حسام من يسمع يتخبل عليه

مو بيدي كلبي موكادر يتقبله ولا حابته ولا اكدر افكر بغير قصي اليوم كاعده اثرم بتيته ناعم وطماطه ناعمه وبصل اسويهن مخلمه للعشه

كملت العشه سويت جاي وقدمته لبويه وحسام وامي ساعه كاعدين نتعلل ونتابع مسلسل

ندك الباب طلع حسام شويه فات سد باب الهول وناده ابويه للصاله كام ابويا طب للصاله

دقايق فات حسام معصب وجه كلامه الي كومي سوي جاي ٣اشخاص

طبيت للمطبخ حضرت الستكاين والصينيه الزينه شكرت الستكانات الجاي جديد مسويته وره العشه بس حميته
القوري طلع دخان معناها فار طفيته وصبيت

شلن الصينيه دكيت باب الصاله طلع حسام اخذها مني حتى مباوع بوجهي

امي كالت منو
سديم"مدري "

ضلينه كاعدين مستغربين الخطار من ردت فعل حسام طولو بحدود الساعتين ماكو صوت منهم

سمعنه فتحت باب وصوت حسام يسلم عليهم شويه وطب دفر باب الصاله فات مدرعم ويعارك ذبان وجها خزرني وصعد
الغرفته

يومين مرن واجن اماني واريام شويه وصاحني انطن فلوس لمي تروح لمحل يمنه مره فاتحته تبيع بي شغلات نسائيه وقماش رادن قطعه

بس راحت امي جرني للغرفه وسدن الباب

اريام " ليش ماترضسن بعثمان شناقصه وماتقبلسن بي وضيفه وراتب زين علوييش نازكه عنه خوش ولد "

سديم"شعرف عنه واذا حماج اني مااريده "

اماني" انطينه عذر مقنع عاجبج الفكر العايشه بي وحصره عليج البسه لو عاجبتج مشاكل نعمه كليتج منين تكمليها
وامي يادوب مدبره زاد البطن "

اريام" مااتردين اداومين ما تحتاجين لبسه اكله مصرفج ملازمج تحسين جان ساتر عليج وعلى امي مخصصلج مصرف والمنا ومنا مدبريها "

سديم"ليش تلحون عليه اني مااريده هي غصب"

اريام"مو غصب بس غصبي كلبج وفكري بهذا عقلج محد دايملج امي مره على كد حالها لا تحل ولاتربط ولا دكولين عدي اب ابونا الله يجازي بلأسم اب

وحسام عصبي مومثل تحسين ويطول خلك وياج

اريام" جرت نفس تتنهد سديم انتي بنتي ربيتج وكبرتج واعرف مصلحتج انه خايفه عليج ابويا ساعه من الساعات
يخبلج ومااستبعد يسويلج عمل

وامي مره جبيره المن باقيه تتاملين بقصي

اريام هزت ايدها"لو بي خير جان جاب ابو مو يجي خزرتها اماني ماخلتها تكمل "

اباوع الأريام والأماني اريد افهم منها شنو الصاير " منو يدز اهله فهمني "

اماني هزت راسها مراضيه على اريام كضت ايدي" حبيبتي مرات الانسان توصل بي مرحله يجرع المر اهون من يتعايش ويه المر

انتي عايشه بوسط ثعالب مستعدين ينهشون لحمج وذبوج للجلاب احنه مكتوبلنه التعب مكتوبلنه نعاني هاي اني
واريام ربى رغم التعب بس متحملين واهون علينه

من العيشه هناا لا تتاملين بحسام ورا حوته ولا تتاملين بامي متكدر سوي شي وابويا اذا متاخذين عثمان يجبرج تاخذين
ستار

ومستحده انطيج سم واسممج ولا صيرين بيت عمي تره تاليتج تتخبلين مثل ماسوو بجنتهم وتعرفين البنيه اهلها تلاحكولها

ارضي بقسمتج وتوكلي على ربج احسن ماتخسرين جامعتج وتاليتج صيرين تحت رحمت الجناين لو تنغصبين على ستار وتاليها تعضين اصابع ايدج ندم

شوفينه واخذي عبره من يمنه نارهم ولا جنة هلي

سديم " قصي مواعدني ميعوفني بس نكمل جامعه يتقدملي"

اريام باوعت الاماني وكالت" سديم اسمعي مني تاخذين واحد اهله رافضيج هااا شون تعيشين وياا نفرض تانيتي وكملتو دراسه وتخرجتو وبعدين ابوو ياخذج

اكيد لا وهمه ميردونه جنه تدرس بناتهم كلهن مبطلات ناس بابت عرب ماعدهم بنيه تطلع وطب وتلبس وانتي متعوده
تكشخين وسفور ومامخليه شي بنفسج ترهمين يمهم

زين حسام وابويا ينطوج الواحد اهله ميردوج ولا حتى اجو ومشوو هااا

بعدين هوه ميريدج

هزيت راسي "لا شنو ميريدني"

نترت اماني بذني سمعته كال خل تزوج "

سديم" لا لو ميريدني مايتقدملي"

اريام" اكو واحد يتقدم لبنيه يجيب بس خاله وصاحبه وين صايره "

سديم"بس هوه يحبني "

اماني" بذني الياكلها الدود كال خل تزوج

باوعت الاريام غوركن عيوني هزت راسها بندم " خيه قابل نجذب عليج مانريدلج الخير"

بجيت اماني ماتحملت عافتني وطلعت اريام حضنتني

يومين اني مضايكه النوم كلمات اريام ترن بذاني كال خل تزوج جسمي نحل بس افكر وارجع بعلاقتنه

مااستوعب كل الحب الشوفه بعيونه جذب وتمثيل يعني انغشيت طلعت غشيمه ونضحك عليه

كلبي ينزف دم عيوني يوجعني من البجي اني ليش عايشه ربي ليش مخليني بهاي الدنيا وانت اعلم بحالي

ثالث يوم حسام انطه خبر الامي اليوم يجن النسوان هنا جانت قاضيه بالنسبه الي ماباليد حيله رضخت الامر والواقع وسكتت

اجوي امه وابو و عثمان لبست فستان عادي مال العام شعري رفعته كله ماخليت مكياج

قدمتلهن مي وجاي ثلث ساعات كاعدات على كلبي كوه تحملت وضليت كاعدع تفاصيل من اذكرها كلبي يعصرني
مااعرف هذا اليوم شون مر

لليل امي صاحتني اسوي جاي الحسام طلعت للمطبخ سويتلهم وقدمته امي كاعده وابويا كال"سديم الوادم انطيناهم مهله سبوع ونردلهم الخبر"
بجيت وكتله بدون تفكير مااريده

حسام خزرني وصك على سنونه" انطيتهم حجايه تقبلين ورجليج فوك راسج "

سديم توسلت بي" ليش مصدك اني مااعدي شي ويااا شون اقبل بي وهوه سوه هذا الفلم عليه "

صاح" اصدكج واجذب عيوني وصوركم وروحاتكم للبستان ولقائات الغراميه اجفي شري وسدي حلكج واستري على روحج غيري يدفنج وانتي عايشه"

امي "يمه بلهداوه اختك وين رايحه للبستان هي طالعه من باب البيت"

حسام "هذا العدي فوك شينها تتكلب علينه"

اداري بدموعي سكتت عفتهم ودخلت للسجن غرفتي صارة سجني

ايام مرت مثل السجاجين القهر اكلني كل غمضت عين تنزل دمعه كل نشغه انشغها وراها عتاب

القرار ساري ومتخذي والدي وحسام رجعولهم خبر بالموافقه

الايام مااعرف شون اوصفها كم الالم البداخلي ياكل بيه
ايام وحددو موعد المشيه

كلشي تحدد واني بغير عالم اريام واماني تكفلو بكلشي واني بس اباوع بعيوني ماانطي اي ردت فعل كانو مخدره

اريام متفقه ويه امي العقد بيتها اني ماادري بيوم العقد كعدت الصبح جفن عيني مجرح من البجي كمت على صوت ربى جرتني من الفراش

اخذتني للحمام جوه المغسله كضتني تغسلي وجهي"شبيج ميته غير اليوم خطوبتج ملخه روحج بالبجي

ساكته نشفت وجهي جرتني للمطبخ وكفت صبت جاي الي وطلعت جبن من الثلاجه سوت لفه "اكلي شويه سندي نفسج بيهن

اريام عازمتنه هم ياله ساعه كدامج

نزلت الفه من حلكي صفنت" شنو اريام عازمتنه "

ربى" الخطوبة بيت اريام هنا ماامن عليج من نعمه وابويا"

مغصتني بطني عفت الاكل ماكدرت اكمل اكل

الهضيمه بداخلي ادري بدموعي اخذت فستان جابتليا اماني
لبست تنوره وقميص وشال مجرد خليته على راسي وشمرته منا ومنا

طلعنه اني وامي وربى وصلنه ب١١ دخلنه بيت اختي اعيالها بصفها اريام كيفت بينه دخلتنه للبيت

اريام" يله حبيبتي هسه يجي عمر ابن حماتي ياخذج انتي واماني للصالونه "

كتلها"ياصالون اي صالون مااروح"

اريام" يااا سديم شني مترحين صالون منو يرتبج خطوبتج دادا حبيبتي لازم طلعين مرتبه امه نحسه وتنتبه "

ميحسن بيه خواتي ما يدرن شنو بكلبي من قهر " هسه اهد كلشي واروح والله افضحكم"

اماني عضت شفتها الاريام "ميخالف لا ترحين بس لا تبجين خواته يجن وتفضحينه"

مرت الساعه خواتي مخبوصات واني بالهول كاعده اجن خوات عثمان تعرفن عليه باسني

استغربن لهسه ممحضره نفسي اريام استحت شدكول كالت "متحب الصالون هي اصلاً تمكيج نفسها ماهره بالمكياج"

وحده من خواته عرفتها ام احمد" اني كوافيرا عليمن بدله تلبسين لو شنو "

اماني كالت"هذا فستانها زيتوني"

وره الغده لبست فستاني كعدت امكيج نفسي دخلت عليه اخته كالت " ياا ماصحتيني ابلش بيج"

دخلت اريام وراها اداري بعيوني ماكدرت نزلت دمعتي اريام انبهتت كالت " هاي عزيزت اخويه وتحبه الله يرحمه اليوم كله تذكره ومتمنيته ويانه"

ام احمد " كولي يالله عزيزتي ترحميله وتعاي ارتبج"

ماكدرت طفرت للحمام سديت الباب هسه ابطل مااكدر روحي تلوب شون غيره اسمه بسمه

مااتخيل نفسي ارتبط بغير كعدت لامه روحي ربي شسوي احس كلبي يريد يطلع من مكانه ضاكت بيه الدنيا

دكت الباب اماني من صوتها ترفتها فتحته دخلت " شجاج سديم خزيتنيه كلها تسأل شبيها تبجي لا تقبل تتمكيج لا تقبل تروح صالون مسحي وجهج ومشياليوم على خير

هزيت راسي "مااكدر اماني انتي مو دكولين حاسبتج مثل بتي حسي بيه مااريده ابوس ايدج خلصيني"

اماني" شنكول للعالم شكول الحسام الابويا تفشلين اختج بين عيالها ويصير طلاكها على ايدج

الناس جايبين ذهب ومحضرين كلشي مايكولون ليش وافقت وليش رفضت الف علامة استفهام دور عليج وتعرفين حبايبنه
يردن شالفه يسولفن بيها وصيرين سالفتهن

ويطششنها بين العالم ويوصل صيتج للصين

سكتت اداري بروحي بعد ماعدي عذر ولا عدي مقاومه مسحت دموعي رجعت للغرفه ماقبلت احد يمكيجني اني مكيجت نفسي طلعن كلهن من الغرفه

بديت اخط على وجهي حمره وردي فاتح خليت بس باودر ورسمت عيني بالأيلاينر
رتبت حواجبي كل مكياجي فاتح رخت ايدي دنكت صافنه مايسه

كمت بيأس شعري نازل على متوني طويل لنص ضهري ناعم مخصل بخصل شكار فاتح

شلته منا ومنا بماشات من الجوانب والوره نازل على ضهري فشتاني ارداناته شفافه للعكس و بينصل

اخذت نفس دخلت امي صفنت عليه"اللهم صلى على النبي عين الحاره بارده "

تقربت امي تقره ايات وتحصن بيه دخلت اريام واماني ابتسمن كالت اماني "شطالعه والله لو ام الصالون تمكيجج مطلعج بهذا الجمال"

اريام"هي حلوه مكياجها بارد بس مطلعها تخبل "

اخذني للهول كلها ضلت تباوعلي كعدت بمكان المخصصي النه دنكت مالي نفس اباوع الاحد اسمع اصوات الزلم

وحده من خواته كالت" عثمان منطانه درب حتى ناجر كوشه ركضنه "

امه" اخوج مستعجل مدري شجاا ماينطي عطوه للواحده يشوف دربه"

امي ابتسمت مجامله الها دقايق وكالو اتفقو جيبو البنيه يعقدولهم فكيت عيوني شبسرعه اريام مافاركتني واكفه يمي
كرصتني "ابتسمي شبيج فكيتي عيونج"
سديم"ابسرعه اتفقو"

اريام "هوه شنو حاضر وغايب قابل مجلس الامم دكومي خيه كومي "
كومتني قربتني من باب الصاله مااعرف كم بنيه نكسرت ركبته مثل هيج موقف وكم حلم انكسر وكم كلب انفطر

يردد الشيخ دنكت اداري مدموعي خليت ايدي هلى كلبي اجر النفس دقايق غبت عنهم بعالم مو يمهم اخذني بعيد

شكد مره دقيقتين تلاثه اريعه ماادري وعيت على كرصت اماني من جها الثانيه مخيمات عليه ميردن احد يحس

اريام حجت من بين سنونها انطي الموفقه "
اني باهته ياموافقه"

اماني"عزه بيت اهلج "ولج كولي نعم"

سديم " مااريد "

اماني فقدت من سمعتني دنكت عليه " لا تخزينه ولج كولي نعم الناس بدت تحجي دهر يدهر راسج شكد عنوديه"

كلت اي ودموعي تنزل شلال ذبحت نفسي حسيتها سيف على ركبتي حزتني من الوريد للوريد

اماني كومتني جر جر وكعدتني على الكرسي بدت الهلاهل والجكليت واجواء خطوبه عراقيه تقليديه

ساعه والناس بدت تروح ضلن خواته واهلي مادخل عليه صاحوني للصاله

كمت مثل الأله المسيره دخلت تفاجىة بي واكف بس هوه ميز بسيط علي كيكه بيضه جبيره وادوات الخطوبه والزينه وكراسي وره الميز شريط نفاخ معلك على الحايط

نفاخ الوان مطشر منا ومنا شافني جان مبتسم من لمحني بينت سنونه

دفعتني اخته ام احمد وطلعت وسدت علينه باب الستقبال
ضليت باهته مااحس بي شعور داخلي عباره عن ثلج بلحضه تبدل شعور الى الامبالا

تقرب وجها يضحك مبين عليه الفرحه كضني من ايدي قربني للميز كعدني على الكرسي

نضري صار على الميز والزينه فززني صوته " مااعرف بهاي شغلاتجن هذا الكدرت عليه اسوي كل الموجود عمل ايدي ضحك"

باوعتله تايها لزم ايدي رفعها باسها "تخبلين مصورت اشوغج بهذا الحسن"

درت نضري على الميز احس نفسي مخدره مااعرف شنو الصار شون كصينه الكيك شون شربني عصير وكلني

لبسني الذهب وطلع علبه فتحها بيها سوار هديت خطوبتنها

كل الدار خلال نص ساحه احسها ثواني مرت استغرب وضعي بس فرحته طاغيه عليه

رغد

ساعه اني اعيد بالرسائل مامصدكه يعني كلام سناء صحيح هيج اني غشيمه طول هاي الفتره

مدااصدك مااصدك ارغد وصل بي لهاي النذاله والانحطاط ويه منو ويوه مرت اخووو

اخخخخ ياربي رجعت اعيد واكرر بالرسائل ممستعوبه نتجيت غمضت عيوني اريد اهدء جسمي كله يرجف

اخذت نفس اذكرة بيزم دخلت عليه سناء وجها يخوف ببده السجينه

سناء" السمعتي ادفني اذا طلع حرف منج اذبحج تقربت خفت منها رجعت صارت كدامي يفصلنه شبر

رفعت ايدها تهدد "لا على بالج اخاف مااخاف من تكبر واحد اذا فكيتي حلكج تدرين شسويلج تبربت اكثر نبتت يجينتها
بخاصرتي حجت همس" اذا وصلت الرجلج الدثو لو تميم
ابتسمت ابوج بعده يدور عليج اتصال واحد يصير فوك راسج "

بهتت جسمي رجف باوعتلي بشماته متلذذه بخوفي نمس يم اذني" تدرين برجلج يركض وره مرت اخوه" ضحكت بصوت فززني عافتني مخنوسه وطلعت

نزلت اريد اجر النفس طلعت للطرمه الدنيا ضاكت بيه بجيت بقهر كعدت بالكاع حيلي نهد مااعرف شسوي وين اروح وين انطي وجهي

بجيت كلبي يتطكع ساعه جر ساعه اني نار نار تجويني طر الفجر عيوني حركني محاسه بروحي شكد كاعده

بده النهار يطلع كمت اريد اهدء مااصرف بتهور صعدت حيلي رايح طبيت للغرفه غسلت بالحمام بدلت

دك المنبه هوه كعد شافني كاعده

كام من الفراش اجه يمي دنكت رفع راسي باصبعه كال"اخخخ شون صباح اصبح بعيون بزونتي باسني بخدي وراح للحمام

بس طب متحملت بجيت طلعت مااريد يحس مسحت دمعتي نزلت سويتله ريوك حضرته نزل تريك وطلع
ماحسسته على اعصابي اصرف

طلعت غسلت الطرمه نشفتها وبلشت بالمطبخ نضفته طلعت للهول هم نضفته اشتغل بحراره

خالتي طلعت من غرفتها شافتني امسح بالهول "يااصلاوات شمغبشج على التنضيف حلمانه"

مارديت كالت" ماتردين شبيج كاليه جهرتج"

ضليت ساكته تحجي وياي واني كوه لازمه نفسي ماانفجر بيهم اخذ نفس واكول اهدئي لا تستعجلين كلشي يبين بالصبر

خالتي ملت اخر شي ختمتها "انلام من اسميج الخريسه"

عافتني وطلعت للمطبخ سمعتها دكول " طلع بيج فايده منضفته "

كملت شغلي وصعدت الغرفتي ساعات اني اطلع الشغل من جوه الكاع اريد الهي روحي ماافكر بنص تلشغل والكه نفسي صافنه

غسلت الملابس لعتهن بسله اريد اشرهن لاكتني ضحى طالعه من غرفتها واني اريد اصعد للسطح

شفتها لو روحي راحت اشتعلت نار خزرتها هي ضلت تباوعلي مشتغربه "شبيج نباعيلي هيج"

وعيت على نفسي "لا مابيه صافنه مو يمج"

تعديتها وصعدت شريت الملابس كعدت مو طبعي المكابره ولا روحي تتحمل اضم بداخلي واسكت ولا نفسي تتحمل اشوف خيانتهم واعبر

بجيت اندب حضي الخلاني بينهم الوم ابويا وادعي عليه من كلبي كون البيه تضوكه كون تشوف الماشفته وتجرع المر
المر عليه دهيت لحد ماكلبي نشك

سمعت صوت صياح ارغد كمت نزلت مستغربه لاكاني على الدرج وجها مخطوف مستعجل كال" وين مفتاح الخانه"

رغد،"شبيك مستعجل شكو"

ارغد" تمام سوه حادث بسرعه خرب وين خالته كلبت الغرفه

طب كدامي طبيت ورا للغرفه جريت مجر خالته بين علب ساعاته طلعته اله

اخذه طلع فلوس ونزل يركض صوت خالتي عالي تلطم نزلت ورا البيت مكلوب خالتي مخرطه خدودها البنات يبجن

ضحى ملخه نفسها خالتي لحكت ارغد هي وسعاد وضحى

ضلينه بس اني وسناء وسندس كطعن نفسهن على اخوهن
انشغلنه بمصاب تمام البيت نكلب كرايبهم هواي يجن يسالن يكعدن يشرب جاي ويرحن

سناء وسندس شيخن اخذن مكان امهم واني الاركض بالبيت
لليل محد رجع
كعدت الصبح على صوت الطكطه فتحت عيوني ارغد
"شوكت رجعت"

يطلعله ملابس كال"هسه رغد اذا بيج حيل سويلي ريوك من البارحه مماكل "

نزلت من الجربايه لميت شعري " شونه تمام"

نزع قميصه بحيث ضال بيهن من البارحه الصبح " ادعيله رغد اخويه حالته خطره "

وجها مطعون طعن سكتت طب للحمام نزلت لكيت سعاد وضحى كاعدت صبحت عليهن كتلهن "اسويلجن ريوك ويه ارغد"

سعاد"نيال كلب ارغد. اخوو بين الحيا والموت وهو يدور بطنه"

رغد" من البارحه مماكل وعده دون شون يموت نفسه من الجوع غير ياكل حتى يوكف على رجليه"

سعاد" سم اليهريكم ان شاءلله "

عفتها موطبيعيه سويت ريوك حضرته نزل ارغد اكله لكمتين وشرب الجاي وطلع حتى ما كمل الماعون مجرد سد جوعته

يومين مخبوصين بحالته تمام تحدد موعد عمليته هنا جانت الكارثه عمليته تكلف دفتر

خالتي رجعت للبيت طلعت العده مليونين عمو كل ماليته على البيت تقاعده قليل محد بيهم عده هذا المبلغ بس تميم وتميم صارله سبوع جهازه مغلق

نخابر على اسامه فرقتهم انفصلة عن فرقة تميم ارغد مطعون طعن على اخوو حاير منين يدبرله الفلوس ومحد بيهم يندل فلوس تميم

خالتي مفتاح كنتور تميم يمها دورته مابي بس غراضه وملابسه ارغد اليعزلهم من راتبه كلهن خمسه الباقي منين يدبروهن

كلها ملتمه بلهول حايره وخالتي ملخت روحها اذا ميسوله عمليه يتعوق

ارغد صافن ابراهيم حالته الماديه يادوب معيش جهاله ومرته وايجار البيت

خالتي"سوده بوجهي عليج يمه تالي هيج حالتك "
ابراهيم"كولي ياالله يمه نحاول ندبرهن"

خالتي"ولك يمه احنه يمته مدينه تيدينه الاحد منين دبروهن منو يسهل امركم اخخخ كون بيه ولا بيك عزيز امك "

ابراهيم"خالتي ام وسن ماعدها شهل امرنه"

سعاد" ميته عليك تنطيك لو على تمام لا تفشلون نفسكم وترحولها ماتنطي"

ضلو حايرين ارغد عافهم وطلع يومين ارغد نوم مينام بس يشرب جكاير واني مااكدر حتى اتقرب منه نفسي مكتفيه

مقدره وضعهم وصابره ومتغاضيه اليل بطوله هوه جكاره زره جكاره غير ااسمع عشتايمه على تميم حاولو يوصلوله ماكو

ثاني يوم كعدت الصبح مثل كل يوم كعد ارغد نزلت نزل وراي مابدل جهازه بيده كعد على الكرسي خابر واحد طلب اجازه

سويتله ريوك تريك صعد بدل وطلع طول اليوم ماشفته
ولا اني بادرت وخابؤته وسالت عنه احس نفسي صرت قالب ثلج

لليل اجه نام كعد هم ماداوم ب٩ بدل وطلع للعصر ضحى اخذت جنطتها وراحت الاهلها ساعه وطبت سعاد وخالتي

كعدت تجر النفس كوه كالت"مي ولج كلبي نكطع"
انطيتها كلاص مي

فاتت سناء وسندس

سناء" هاا شونه تمام"

خالتي"ان شاءلله يصير زين"

سندس" سوله عمليه"

خالتي" لا اليوم دبر الفلوس ارغد وسلمهن باجر يسوله"

صفنت "خاله منين دبرهن ارغد"

خالتي تنزع بجواريبها " سحب من واحد بالفائده ولج سندس ناوشيني شيلتي السوده هاي غدت مي عليه "

ثاني يوم سوو التمام عمليه وره سبوعين عمليته الثاني مشت الايام مثل بعضها البيت شويه هدء من طمنون على تمام بس ارغد حاله ماعاجبني بس يصفن ومو على بعضه

بيوم كاعدين اني ويا بالغرفه هوه على الابتوب يشتغل واني اعزل بخانته جذبني علبه بيها سبحه وعلبه زغيره

فتحتها محبس بشذره ماروني يسمو حريم السلطان بس ناعم ونازك رجعته ااني اهدء بروحي راح انجن

عباره عن الغاز مااتخيلين بيوم اوصل لهاي المرحله ويااا كملت تعزيل خانت جريت جنطه يخلي بيها اوراق ويه سحبتي وكع ضرف

شلته كلبته مكتوب عليه رمز k r 1987 استغربت مااعرف شنو الدفعني افتحه
بداخله ورقه وقلاده سوده شكلها مدرره وبيها خرز سحبت الورقه افتحها فزيت على لزمت ارغد سحبهن مني خزرني "من كلج تلعبين بالغراض"

رغد"ارغد شبي بعدني ممكمله كال اششششش اذا شفتج تتقربين يم غراضي تشوفسن غير شكل مني "

سد الخافنه حيل وقفلها اخذ المفتاح جر تشيرته من الجربايه لبسه وطلع وجها مكلوب

هوه محذرني العب بلأوراق اعرف شغله يعتمد عليهن ومهمات بعمله بس مشفته بهيج حاله ولا مره منعني الزم اوراقه لو غراضه

عفته على راحته بس مراحت من بالي الورقه

سبوع مر واني وياا بيناتنه بعد هوه يطلع الصبح للدوام منها ويروح للمستشفى يرجع تعبان يتعشه وينام اي حوار متبيناتنه

اليوم بتاريخ ٢٠١٤/٥/١٣
تفاصيل هذا اليوم بمدار حياتي مينسي ولا ينمحي من بالي بكل تفاصيله مر على حادث تمام ثلث اسابيع

ارغد كل العنده ذبهن عليه ماعده غير مصرف بيت

خالتي ماعده البيت كلها دخل انذار علاج تمام اسبوعين يوصل ٥٠٠ الف

بهذا اليوم ابراهيم وخالتي وسعاد وارغد كلهم ملتمين بالصاله

ابراهيم "حجيه الدكتور كتبله على ابر والابره الوحد بمليون"

خالتي" منين اجتنه هاي المصيبه يمه كل الجوه ايدي ذبيتهن على علاجه منين اجيب"

ابراهيم "ارغد شوفلنه صرفه اني فلس احمر مابجيبي"

ارغد جان كاعد يدخن مارد عليه

خالتي"اخيك ثكل الدين عليه هم عينو مو بس هوه يركض ويجيب ويصرف "

ابراهيم"حجيه اني عدي واقصر منه هوه خير من الله راتبه زين يكدر يسحب سلفه "

خالتي" انتو مو اخوته بس هوه اخوو ابراهيم ماعدكمرتك منيلها ذهب اذا انت ماعدك بس هاي صارت بيها اخوي شون اصرف عليه ولك شويه حس على دمك وحرك غيرتك"

ابراهيم "ها يمه تعيريني دومج صافه وياا مرتي ذهب عرسها اروح ابيعه ممصير شون اكلها انطينيا ابيعه"

خالتي "منيلها ذهب عرسه ولك لوما بعته من انت يمنه وشتريت بي سياره شوكت اجه ذهب عرسها"

ابراهيم" هوه من اشتغل جنت اناوشها وهي ضم وشترته بمكان ذهبها الباعته"

خالتي انفعلت"من امداها الجابتكم وغمت بطنها كون ميتين ولا جاين للدنيا وشايفتكم انتو حرام الربا بيكم
حرام حليبي الرضعتو لو مرضه شيطان جان حن عليه"

سعاد"يمه لا سويلج سالفه منين جيب وهوه بركبته كومت جهال"

خالتي"من غسل اليغسلج مو مره جبيره واحترمج لاتخليني اهينج ماعده احلف بالقران عليه ضام بس شكول غير كون حرك يصيرن رماد بيديك

شوفون حالنه حايرين بأخيك خليت العدنه والماعدنه وطلعنا من الموت ينطي الصحه والعافيه الأ ارغد يركض يدبرهن ويدبر فلوس علاجه

اني وين انطي وجهي بس هذا بيكم حليبه طاهر انتو مو ولدي واحدكم عدو للثاني ذاك مشعول الصفحه ذاب روحه بحلك الموت

سؤال مايسأل عليه ونحتاجه ضام فلوسه على كلبه وانت عدك وتبجي بوجهنه

بس ارغد اخووو. هااااا بس هوه اخووو الولد منين بعد يجيب يكص من لحمه شوفون حالتنه بامس الحاجه

بجت خالتي كون ميته ولا جايبتكم ارغد تخبل راح يمها جرها حضنها على صده باس راسها ارغد يتخبل اذا شافها ضايجه لو مغثوثه

"يمه محلوله لا تغثين روحج صدك تبجين علمود وصخ دنيا اني ادبرهن لا تغثين روحج ولا تفكرين يرحلج فدوه الفلوس نمونه"

خالتي" خاب يمه اني وين انطي وجهي لوماانت موجود وين اروح الله يستر عليك ويحفظك ويزيدك"

ابراهيم دفر الطبله الكدامه صاح"يمه اني ابن بطنج تدعين عليه وشبعتيني مسبه وشتايم

وهوه تخلي على صدرج شنو فرقنه ليش تفضلي علينه
ليش ميزته سنين نشوفج تميلين اله

وميزته بكلشي كافي ملينه بس هوه ابنج احنه ولدج موهوه اني ابنج تميم ابنج تمام ابنج مو هوه

خل يعرف حقيقته كليله هوه شنو بينه

خالتي نصعقت ارغد صفن فاك حلكه مافهم شي

خالتي صاحت" ولك ابراهيم من كون الغسل اسكت سد حلكك الله لا بوفقك"

ابراهيم جن جنونه "انيي الله لا يوفقني اني تدعين عليه اني دكليلي الغسل والله مااسكت بعد

ليوين نتحمل تفرقه كليله بالحقيقه وخل يعرف هوه شنو بيناتنه انت مو ابنه وهاي مو امك

..................... يتبع

لا تستعحلون جايتكم بالنهايه
خلوني اكتبها بلا استعجال

نوروني بتوقعاتكم

هواي بنات سالن الستوري النزل صحيح هاي صورة ارغد؟

جوابي.: اي صحيح صورته ونزلت على شكل ستوري

قراءة ممتعه