بـيـن الـكـــــاف والـنـون
الثالث والسبعون
سجى الطائي🍃
شكالولك عليه وصار وجهك سيف
وتعرفني التكتلك والحجي مصدگه
شجره ومو بديه وتدري وكتك ريح
وتحملني ذنب من طيحت ورگه
خلك ساتر ولك سويت خلگي وياك
شكد موت وجثث ماضيجت خلگه
مو من صالحك عالجرف تزرع عود
ماتدري اعله ساعه يفيض ويغرگه
ومن شفت الخناجر خذت دور السيف
كلت ياروح صيري بهالوكت درگه
وتسالني تگلي شسوه وكتك بيك
شسولفلك شأكلك ؟! تكتل الحرگه
ذبني ابير بيده وكال اكلني الذيب
ورسم للذيب صوره وجثتي بحلگه
وطفاني وعالجمر بچفوفه رش الماي
ورد ينفخ رماد ويا جمر يلگه
تميم
ضجيج الشباب صراخهم ويه بعض ضحكهم شقاهم افواج افواج تلتحق المعسكر التدريبي انترس
القائد ابو علي مسؤل التدريبات قسم الشباب مجموعات مجموعات وحسب خبرته بالسلاح
تقسمنه الى مجاميع بلشت التدريبات بلمخففه يعلمونه على الرمي وحمل السلاح والخطط العسكريه
كنه مختلف الاعمار بينه ابن ١٤ واكو ابن ٦٠ اوكو شباب بعمري واكبر مني مكان اكو عمر محدد
لليل انام من التعب ونكعد من الصبح وجبت الريوك بعدها نبلش ندرب المجاميع القبلنه بدون تدريب بدون خطط تكتيكه واجهو ارض المعركه وحملو السلاح
انتهت الايام المحسوبه بلغونه ثاني يوم نلتحق للموصل
جهزنه باليل لبست بدلتي العسكريه انطونه الدرع السلاح
انطلقنه الفجر ويانه القائد ابو علي ابو قاسم
انقسمنه كل قائد وفرقته دخلنه الموصل منطقه مهجوره اصوات القصف والرمي يسيطر على الهدوء
بقاية البيوت عباره عن تراب منضر من مناضر الحروب العالميه سلاحي بيدي تقدمنه ويانه رتل الحشد
رهبت السلاح والرمي اول نزول النه كان بكلبنه يوم عن يوم نتعود وايدي تاخذ على السلاح ماكان بكلبنه خوف
نتقدم ابو علي ويانه الرمي مستمر اشتباكات قتال لحضات تحبس الانفاس اول كلمه كالها القائد احمو نفسكم بس توقعو باي لحضه تنالون الشهاده
خلو كلوبكم قوية لا تخافون انتو ابطال هذا بلدكم وهاي اعراضكم مو ابن حلال المايدافع عن عرضه حاملين
لواء ابوالفضل عيونكم على السواتر كل شبر بهاي الكاع
تحييكم وتدعيلكم
الله ومحمد وعلي ينصركم عفيه بولدي نشامه عفيه بابطال العراق فخر وسام شرف البلد
كلماته تخلينه اكثر عزيمه واصرار انقاتل وكل يوم نزف بطل من ابطال الحشد اعاين عليهم كلوبهم ميته وسط الحرب ويضحكون وسط النيران يتنومسون باصوات الهوانات
جنت اتقدمهم ابو علي بكد مايشجعنه بكد مخايف على ارواحنه وهمه واحدهم يلاوي السبع ميهابون الموت
اطفال بعمر ال١٥ يركض كدامي اجره اخلي وراي ميقبل ويريد هوه اليكون درع النه بوكت شدة القتال
لزمته من فانيلته شلته رجعته ضربني بطني كفخته على راسه وكع لزم خدمه غلط جريته من ياخته " ابن امك عيدها اذا مااخليك تفل سنون"
دفعني " شعليك بيه "
تميم"حيوان هي مال سباعيه واحنه محاصرين جريته مره لاخ اشرتله شوف ذاك البيت قناص بس يلمحك يكومك بمكانك"
"ميكدرلي"
"ابني هي مو هوبزه تره اذا نقصت من يمنه تأذينه ماتفيدنه لازم نحافظ هلى نفسنه ونسند بعض صح الغلبه مو بلكثره
بس نحتاج واحد واحد اني احتاجك وانت تحتاجني"
سكت ماقابل ماخذه الحماس القائد عبر ويا ثلث جنود للبيت المقابيلنه حاولنه نعبر مترصدين الحركتنه المسافه بين البيت بي القائد وبيتنه مسافة عشرين متر
تانينه يخف الرمي وياي ابو عباس وشباب صحت بيهم خلي نامن المكان ونتسلل منكدر نقدم دروح بشريه وهمه مسيطرين
تره بعدهم من يمنه عبر بيتين ومناك البيت مسدود محاصرين من الجهتين ابو عباس حاول يلهيهم وبلاخص القناص ماكدرت اعبر اول شي
صرنه دروع للشباب وكدرو يعبرون ضلينه اني وابو عباس
ساعتين نريد منفذ نعبر القناص مترصد اني وابو عباس قررنه
هي منتهيه نحاول نلهيهم ونعبر
ابو عباس واضح عليه ملتزم مدري شهمس وباوعلي ابني اذا الله كبلنه عمر نعبر ماكتبلنه بعد هاي امانته سكتت ونار بصدر
كعدت ادخن كتله عمي اصيرلك درع الحك الربع اني اكدر انفذ منهم حاولت اقنعه ماقتنع بلشافعات قبل لزمت مكاني
لهيتهم خرطتهم بلرمي وابو عباس عبر
كعدت الحايط مال البيت طايح بس البيت العبروله مابي شي
الولد كاعده تنتضرني خيم اليل والاصوات هدئة وهاي فىصتي وكفت الولد مناك فوك البيت اشرولي اعبر
لزمت اسلاحي وركضت بكل سرعتي عبرت حسيت بشخطه
وصوت القائد صاح "شوفو تصوب"
ضحكت"اليصوب يوكف سيدي"
القائد" فتشو ابني فتشه ميدري بروحه "
كضوني ثني نزهوني الدرع باوعو ماكو رجليه مابيهن شي
واحد كال ايده زنده ينزف باوعت صدك زندي البلده مشخوطه نزعوني قميص البدله جرح بسيط ماحاس بي
توالت الايام والاشهر نزول ماكو اكثر من مره نتحاصر ونطلع منها اكول بخت هاي الشباب ودعاوي امهاتهم
يخيم اليل وعيونه حارسه نتناوب على الحراسه عيوني متاخذ نوم
اخذت نفس احسد الباله صافي خلصت جكاير اخر باكيت واخر جكارتين دخنت الاوله طلعت مكان مكشوف للسمه
دخنت ورفعت راسي ذبيت الدخان احاجي السما" هم تلمحين عيونها
اخخخخ المن اشكي الماعنده بس انتي"
عيونج دوه لجمات كلبي اخذتني العالم العالم حلو ورجعتني وحدي
اعاتب واشكي المن للوكت للقدر للاهل الضيعوني وضيعوج
نتجيت والصفنات تاخذني وتودي حنيت الها وحنت جروحي
حنيتلك بواهس غريب بديرن مابيها عرف
غمضت عيوني اتخيلها ماناسي رسومها
اشهر راحت التعب غيرني مو ذاك تميم المعتني بروحه صرنه اسود مانهاب الموت اليواجهنه ناكله باحد القطاعات
تلاكيت ويا اسامه شافني ضحك اجه حضني بادلته الحظن
سولفنه قائد فرقتهم اخو ابو علي سلم فرفتنه اله نادو يرجع
للمعسكر سحبو يدرب المتطوعين
المهمه صعبه منعرف منو البيوت الي يسكنها المدنيين واليسكنها دو١عش
اسامه
شفت خالي فرحت بلقائه ايام كضيناها سوو ناكل نضحك نشاقه بس وياي يشاقه ماله دخل باحد روحه بالجكاير
بحيث الولد كلها انتبهت عليه ايام نقاتل وخالي اول واحد يصدر بحيل ثور مااعرف شياكل رغم اكله قليل منين جيب هاي الضخامه
اتمازح وياا يكفخني على علباتي ايده ثكيله صار مدمن جكاره بليوم ينفظ فد باكتين اذا وتلاثه
خلال فتره قصيره ثبت روحه واحد من الشباب كال "خاب انت دعلج مايلحكك" الشباب اخذوها بلشقه كامو يصيحو دعلج وهوه يضوج وتميم مايسكت اليصيحه
يكضه مايرحمه يأذي مايقبل احد يصحه دعلج ميحب الالقاب لحد مابيوم سمع القائد شقاهم وياا وعرف على الاسم كله تعرف الدعلج لقبمن
تميم سكت
كمل القائد لقب من القاب الذيب القوي المايخاف من سمع هز ايده يضحك عليهم " سموني تميم لا غير " ومشه عليه دعلج
صار موعد نزولي بعد ثلث اشهر التحاق الخال مانزل
رغد
نايمه وارغد بصفي غافي الغرفه ضلمه خاره الكهرباء والمولده طافيات ارغد علمودي سحب ١٠ انبير مااتحمل الحر علمود اشغل المبرده وبنكة الشحن حسيت على ونه مستمره
كعدت افرك بعيوني كمت تمشيت للشباك فتحت طلاكه وحده الغرفه بوخه المبرده متنطي هوه لان ماكو منفذ للهوى
دروكه يم راس ارغد بيها ثلج اخذتها شربت مي اسمع ونت جهاز يم راسه مديت ايدي جهازه
رفعته رقم غريب فز ارغد باوع شافني لزم ايدي يجر الجهاز اخذته بيدي الثانيه ابتعدت منه ركضت فتحت الخط ساكت
ارغد بمكان ضل يباوعلي ضليت ساكته اجاني صوت بنية
شايفين الي غركان بالمي ويريد يجر النفس ضليت اباوعله
رجع نام واني على وكفتي اسمع تنهيداتها " هيج صرنه غرب وصرت اجدي منك الكلام "
ماتحملت اسكت " شتردين من عده بهذا الوقت
ماحجيت
نترت بعصبيه" بلعتي لسانج عزيزتي اليدك هيج وكت عده مصيبه ابوج امج ماتو شمو دااسمعج كليبي
محتاجه شي دااساعدج اني تكدرين طلبين مني يسامعه البنيه للبنيه اقرب موو
واذا الج غير نيه عادي تردي هذا موجود انطي التلفون الستحو ماتو
سدته بوجهي شمرت الجهاز على الجربايه ارغد يضحك
واني شياطين دكمز على راسي رجعت المكاني مددت وهوه يباوعلي
كعدت شايطه اتافأف خله ايده على عيونه يريد ينام اخخخ ياناري وهوه مو يمه مااعرفتها من صوتها
ندسته حيل "منو هاي"
مارد ولا تحرك رجعت ندسته حيل وخر ايده "خيير مانام"
رغد "منو هاي"
ارغد" مااعرفها"
رجع ايده على عيونه
"شون متعرفها ارغد منين ماخذه رقمك اذا متعرفها"
مارد
ارغد ساكت رجعت كلت ارغد اريد اعرفها منو"
استغفر فرك وجها وكعد "بابا منو مسلطج بهل ليل اني لو اعرفها مااكلج شبيج مفرعنه عليه هيدي بنتي حبيبتي"
رغد" شنو متعرفها مبينه تعرفك وداكه عليك لو متعرفك تحجي وياك هيج ينطيك كلبك من ينطيها البين ويشل حالها
هيج صرنه غربه مو ثارد وياها للعكس
ارغــــــــــد صحت " عاط مات ارغد ونثبر شبيج مدكليل حامل واعذرج اكول هرمونات زايرتج ولج وكاعده عليه نص اليل وراي دوام رغد "
باوعتله بغضب سكت جرني حضني " تصورين اعرفها شفتي رقمها مسجله
سكتت كال جاوبي هزيت راسي "لا"
"بعد شبيج تخبلتي بله شكد الوقت ساعه ب٢ شمني من شعري اني عدي الكمر شلي بلنجوم مددت بصفه حضنته
رغد اني شاب حالي حال الشباب اتعرض الهيج مواقف ميصير كل موقف تنفعلين وسويلي هوسه شماخذه
براد بيت
سكنت صح بعد بكلبي نار بس سكنت لان وقت مومال اتعارك ودنيا ليل وهذا شعار بس تطبك عده ميندل دربه يكوم ويصير عصبي وصوته يطلع
ضميتها اله نمت بحضنه هوه هم نام كعدت الصبح وكعدته نزلت سويتله ريوك نزل اكل وطلع الجماعته واحد. منهم اشتره سياره ياخذهم وياا
صعدت رجعت نمت كعدت على صوت البنات نزلت صبحت عليهم بلشت تنضيف
ضحى تنضف سمج وسناء بالصاله ترتب بيها سندس تغسل بلطرمه للضهر كمل البيت
ضحى تقسم السمج واني اكلي كملنه البنات رتبن السفر
سعاد يمنه وبته وابنها الثاني كلها التمت ضميت الأرغد على صفحه خالتي متاكل اذا مضمله حصته
كملنه سناء عليه مواعين الغده بلشت بيهن واني سويت الجاي صبيتلهم قدمته وكعدت
عمو اخذ جايه وراح للصاله يكعد بيها اكثر شي تمام صعد الغرفته ضحى ورا راحت
خالتي" اسامه كالج نازل باجر "
سعاد "اي انطاني خبر كال باجر انزل كون يمه يجي بسلامه كلبي من راح لهسه يمه ليلي ماانامه اخاف عليه"
خالتي"حقج يمه وهذا هم اخوج راسه يابس نكله انزل ماينطينه نشده ماخذنه بسكوته نشكله يكول ان شاءلله
وهاي اله ثلث اشهر هوه مامبين "
سعاد"يمه تعرفين تميم عنودي ومياخذ اجايت احد والبراسه يسوي لو على حسابنه عوفي هوه من وحده ينزل للبيت هم يتعب ويريد يرتاح"
خالتي خايفه عليه لا يصيبه شي واني لومااعرفه اخاف اخوج متهور ميخاف يذب روحه بحلك الموت ومايهتم
اخخخ يايمه ياتميم"
طب ارغد كال السلام عليكم
ابتسمت ردينه السلا م نزع سترته وكعد كال"يمه هسه انتي مكابلته وتنوحين عليه شبي ابنج ياكل بي السبع سبوع ومايخلص شبي
تلكي متونس لو ماطيبتله الحرب هناك يضل "
خالتي"اسكت انت اساس البله اخخخ يارغيد تدري بي مطوع ومااجيتني وكتلي وانه حلفته لخوك ميروح وحلف جذب"
ارغد"يمه تميم طفل واكضه واربطه بالبيت هوه مقرر من زمان تذكرين الاتحاديه من فتحو تعينات وقدم فايله شكد كعدتي حجيتي وياا عاند وقدم لوما انتي تركضين الحجي.... ابنه سحب فايله وذبه من سمع شهرين ميخاجيج وكلب البيت مو كلب المعرض سواا طشار
اني وسناء كمنه نلم بلكزاز حتى الخشب نعوج
اشرلي اكل
كمل كلامه " يايمه ماتعرفي موب٢٠٠٧ من فتحو تعينات على مكافحة الارهاب هم هوه راح اول واحد وقدم وشفتي من شافو طويل وضخم وقوي كيفوو عليه وره فتره قبلو
وانتي لزمتي من ركبته حلفان لحد ما تخربطتي وصلتي تنجلطين يله بطل
ماتعوفي براحته هوه ميحب الكعده ولا شغل المحل يريد يتعب هوه حلمه جان يصير ضابط بس ضيع نفسه وماكمل
هسه اجته الفرصه مايضيعها من ايده خلي يشوف نفسه
تميم سبع ومينخاف عليه يطلع من حلك الموت بس ادعيله ولا تتفاولين عليه
خالتي سكتت بعد كلام ارغد بس كدامه من يروح ترجع توح وتبجي عدها قابليه للنعي والحزن مفاوله على الولد وهوه عايش
خليت الصينيه كدام ارغد سمج وزلاطه وطرشي وخبز ولبن
كعد ياكل رحت اجيبله مي صاحت خالتي الخريسه
هزيت راسي مقابله ترست الدوركه مي وخليتها يم ارغد
خالتي عوجن حلكها كالت"همزين سمعين جيبلي علاكه سوده على جربايتي بيها قطعه الوان
ارغد ياكل بحلكه لكمه رفع راسه كال "هاي الخريسه رغد"
كوه ضميت جحكتي خالتي "مالك خص اكل واسكت"
ارغد" كل هل لسان ينكط عسل ودكولين عليها خرسه "
خالتي " اخخخ يانار كلبي خايبين ماواحد بيكم فلح واخذله على مرامي"
ارغد"يمه شنسوي بمرامج انام ويه مرامج هاي الكمره تسوالها الف من البالج "
خالتي "خايبين من غمه التغم بطن النكلتكم وانتو واحدكم شالع افادي ومامريحني"
ارغد"لا يمه انتي الخير والبركه بس لوملقبتها كناري بلبل عصفوره اخير من الخريسه هم لقب هذا شوفيها حتى مالايكلها"
ارغد بدل مايرضي خالتي خلاها تفور بس ساكته على نار
كام يغسل شلت الصينيه رجعت الغرفتها اخذت العلاكه وانتيتها الها رجعت غسلت مواعين ارغد سويتله جاي
صعدت ورا انطيته الجاي جان يبدل
نزع وطب يسبح طلعتله كلابيته مال بيت يلبسها وخفيفه بالصيف طلع مدد اخذ الكلاص "عوفه ابدله الك هسه اصبلك واحد حار" عوفي "
شربه وخله الكلاص على الميز بصف الجربايه مددبس خله راسه نام ياريت مثله كانو مكوك
بس يغمض ينام مايفكر
تانيته يغط بالنوم لان نومه خفيف يفوز بسرعه التهيت ارتب بجرارات الميز مال المرايه المكياج والعطور والشالات جرارات جوه مخصصات للشالات وجواريب ارغد
كلشي ترتب مسحته نضفت المرايه مسحتها من المنضف صارت نضيفه انطيت بوسه النفسي
اذكرة ركضت الجيب سترته سحبت التلفون بي رمز كون مامغيره كتبته اخخخ مو هوه
حاولت اكثر من مره مانفتح لا مواليده ولا مواليدي ولا اسمه ولا اسمي ضليت احاول كام ميستجيب
تانيته يخلص العدد كعدت افكر ماخطر على بالي غير مواليد خالتي او تميم ذوله اقرب شي
كتبت مواليد خالتي نفتح ضخكت ياي واخيرن طحت بيدي
دخلت اول شي على الماسنجر ضليت ابحوش بالرسائل بس هوه واصدقائه
حجيهم مابي معنى بس فشار ارغد زين مو هلكد يغلط بس جماعته ميستحون
طلعت من محادثتهم طبيت على الفايبر هم مخادثات ويه المهندسين ومديره بالعمل والاهل اصعد بلأسماء هذا منوعقله ارغد واحد مسمي زعلول
واحد مسمي بعروره واحد برغي واحد ابو اليعو
واحد اسمه صادق شفطه بيهم كاتبهم باسمائهم
مامغيرهم
جذبني اسم شناطة الكلب دخلت للمحادثه طلعت اني ياربي رجلي شافط مو عاقل مسمي سناء جرثومه
صعدت بلاسماء استغربة اسم فاسقه دخلت على المحادثه صعدت بلمحادثه اريد من الاول محاجين هواي
من قريت الكلام نصعقت كعدت بالكاع مذهول ماكدت اقره اكثر نزلت الجهاز مااصدك الاشوفه مامعقوله من منوو
جسمي سارت بي رجفه اريد استوعب رجعت اتاكد من المحادثه قريت الاسم مره وثنين وثلاثه
ريحانه
من الضرب مااحس بجسمي حسيت احد ضربني ابرة بنج بس ايدي ذبحتني عيوني ماوكفت دمع
بعد ماطلكني طلع دخلت خالتي تركض شافتني لطمت
"دهر وج يمه شعامل بيج سوده بوجهي ولك مصطفى تخبلت شسويت بيها
رادت ادكومني كضت ايدي عطت" فدوه خاله خابري ابويا راح اموت ايدي موتتني "
خالتي" بس شيلي نفسج وياي صاحت زينب زينب
بالثلاثهاجت زينب شالتني ويا خالتي واني منين ميكضني اعيط
خلني على الجرباي اصيح من ايدي ركضت خالتي تخابر اشرت الزينب على جهازي واني ايدي اعيط منها
انتطتنيا اريد افتحه بالايد الثانيه مااسيطر عيوني مغوشه من الدمع
مااعرف شون طلعت رقم ابويا دكيت طول يله رد واني اتشعوط اصرخ الربي بس فتح الخط دموعي زادن استهضمت طرهت روحي وكرهت اهلي
بس اريد واحد ينقذني ويطلعني الالم ذبحني بجيت وكتله"بابا الحكني ايدي انكسره فدوه بابا بعد مااتحمل الالم "
نزلته ماكدر اشيل الجهاز من البجي مثل الطير المذبوح وهوه يتحسس بحد السكين
هيج شعوري دخلت خالتي تركض مهبوطه وجها اصفر حاولت تكعدني تلبسني حجابي واني كل ماتلزمني وصرخت
جسمي متقطع حارة شون تلبسني زينب واكفه ودموعها تجري دنكت ابجي بقهر ربي خلصني
ماكدرة ادعي غير هاي الكلمتين خالتي تفتر وتدعي وتندب حضها
"وين اوديج للمستشفى ياكلني الدكتورات من يشوفن حالج شكول عليك مصطفى انت العاقل الفاهم شكول غير الله يهديك
شمسويه معزايه وهيج تخبل عليج
هزيت راسي" والله مامسويا شي "
ضربت زرها حيل"اخخخخخ عين وصابتكم من زوجتو لليوم انتو من فركاعه الفركاعه مارتاحيتو كليلي شسوي هسه صفنت وهاي ايدج يمه الزهره
عاطت يمه هاي شبيها ايدج ولج ريحانه احجي شجاها ايدج
ايدي مدندله لان مكسور العضم لطمت على صدرها "تعوقت عزه بعيني دهر دهرني نخبصت زادت خوفي زاد بجيي اذرف دموع
موتني الالم اعيط منه وخالتي تصبر بيه روحي راح تروح متاكده مااتحمل اكثر على لحظه افقد الوعي
لحضات خالتي تلبسني مستحجله ندك الباب عاطت بزينب ولي فتحي كون مصطفى رجع
ثواني وطبت زينب كالت" يمه هذا ابو ريحانه بالباب
بهت وجه خالتي بلعت ريكها باوعتلي سكتت طلعت تلف بعباتها شويا ودخل والدي بجيت
شافني فك عيونه اول مره يرفع راسه على خالتي وباوعلي مصدوم
بجيت "بابا راح اموت"
انخبص بيه ابويا شالني بدون حتى عبايه بس الحجاب على راسي ركض بيها طببني بلسياره خالتي وراا فتحت الباب صعدت يمي لفتني بلعبايه
وصلنه للمستشفى بسرعه حولوني على ردهت الكسور فحصو ايدي مكسوره
اشعه وفحوصات وكل هذا اني الالم يدك بكلبي بس الدموع وسيلتي
ابويا وخالتي يمي اجه الطبيب يجبس ايدي من لزمها ابويا من الجها الثانيه لازمني
الطبيب لزمها مرغها كان الكسر من عضم الايد فوك الكف
هوه كل ما يخرك ايدي اني اعيط للسماء اخر محاوله
عدلها هنا من قوة الالم اغمه عليه ماحسيت بعد
كعدت بعد ساعتين بسبب ابر المسكنه للألم ضليت نايمه
فتحت عيوني ابويا كاعد السبحه بيده تحركت باوعت ايدي مجبره
رفعت نضري رضا كاعد بس جانبي صاير ميشوفني اله يدر وجها
ويه حركتي السديه طلع صوت منها رضا كام تقرب مني"الحيوان مسوي بيج هيج"
والدي كال"رضااا مو وكتها "
رضا "استغفرالله يابه تضل هيج خليني اروح اربي"
والدي"اسكت ياابني نشوف اختك ونطمن عليها ولكل حادث حديث يجي وكته ونفتهم كل الصار"
رضا"يابه لا تصور اسكتله "
والدي"ابني انت شون خطيب ماضابط اعصابك ميصير ابني اول مقومات الخطاب يكون هادء الطباع متزن الشخصيه الانسان من يعصب الشيان يتملك عقله
لهذا امير المؤمنين بمعركت الخندق عندما تمكن من عمرو بن عبد ود العامري لم يحتز رأسهُ مباشرتاً
تعرف السبب عندما بسق على الامام وشتمه فاطمة الزهراء اكيد امير المؤمنين راح يغضب بس الامام تعرف سوه
اخذ يخط الخطه حول عمر لتهدئة نفسه من الغضب عندها يعلم الامام ان الشيطان ساعة الغضب يوسوس للانسان ويفقد عقله
لهذا ابني اتأنه لا تستعجل بحكمك بافعالك.(اللهم اجعلنه من كاظمي الغيض)
اسمع حديث والدي ساعتؤن وراها خرجوني واكيد الدكتور راد نقدم بلاغ بحق مصطفى والدي سداها من يما
وصلنه للبيت امي متانيه بالطرمه اول مادخلت امي نشغت من شافت حالي
والدي"ام رضا بله بجي دخليها ترتاح وتنام يله بابا دخلي"
امي لزمتني تكودني وتبجي "سوده بوجهي على حالج شجا المسعور تخبل مصطفى شبي وهيج لاعب بيج شنو عدو هم العدو يرحم العدو"
ابويا وراها"ام رضا شكلنه بويا خل البت ترتاح تجر نفس طيب "
امي"شون تريدني اشوفها واسكت محمد بنتك مضروبه وكاسر ايدها وجها ازرك كلبي شون ينطيني اشوفها بهاي الحاله واسكت عنها "
ابويا " ماعايفه اريدها تستعيد وضعها وكتها مكعد نحجي ونفتهم الغلط منين وحتى لو ريحانه غلطانه مايحقله يمد ايده عليها"
امي "بجاه حبيبك كون كسر قوك كسوره ابويا زمخ امي" لا تدعين لا تدعين يابه متعرفون الدعاء ينزل البلاء صدك جذب ام رضا "
وصلوني لغرفتهم ممدونس على جربايتهم
امي غطتني شغلت المكيف طفت المبرظه دمعتها بعينها متكدر تحاجيني واني هم قوه كاعدي
طلعت وسدت الباب وراها بدقايق اسمع صوتها وصوت ابويا ضح عالي بس كان حوار بينهم على وضعي
نزلت دمعه مني استاهل هذا الضري والتعامل هيج ذنبي عظيم لحد كسر ايدي سيد شنو غلطي وهيج تعاملني
مااذكر غلطة بحثك لو بحق احد
اريد جواب اريد احد يبرد كلبي وينطيني ذب سويته واتحمل سبب الضرب والاهانه التعرضتلها من السيد
غلبني النوم واني تفكير ودموع
يومين مرن واني مبنجه كوه اكوم واكعد جسمي يون عليه اثار الضرب كانو حرك محتركه كل نشغه انشغها تصعد للسماء محد بيهم حاجاني
امي مداريتني ابويا يم راسي يسهر للصبح شكلت عدي صخونه هدتني هد
اكضي نهاري بجي اريد اكوم اصلي مااكدر مااكدر اتحرك
رضا ثاني يوم رجع للنجف سبوع ويرجع
ثالث يوم واني بمكاني دخل والدي عليه للغرفه وجها احمر بيده ورقه تقرب يريد يحجي سكت يستغفر
مشه مسافه ورجع اندار عليه نضرته بيها اسف ندم على حزن مااعرفت بلحضته والدي شبي
......... يتبع
صباح الخير
البارت صار بي خلل ومانشر ونحذف نصه ورجعت سهرت على كتابته كملته رغم قصير
احاول اليوم اكتب بارت احاول اذا الله انطاني قوة ومجال اتفرغ اكتب
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!