رواية بين الكاف و النون الفصل الثامن وسبعون 78 - بقلم saja altaie95

بـيـن الـكـــــاف والـنـون

الخامس والسبعون

سجا الطائي🍃

بين صلاة الفجر نروي ارواح مملوئه بشوائب الحياة
افئده تطمئن بذكر أذانك الله اكبر كبر كل من في السموات والارض واشهد انك حي ببدني وقلبي
وروحي ارتل أياتك بروح شاغفه لقائك

واذن تطرب بذكر كلماتك وجروح تشفه بطيب عبيرك وتهليلك وانفس ضائقه تفرج اساريرهه برياح فضلك

الهو بين دنياك يأخذني شقاق الارض عنك وعن لقائك
واذا بضميري يطرق باب قلبي ويقول لي

إنسيت من انساك همك وحزنك

إنسيت من ارواك من رحمتهه

إنسيت من سترك وعافاك وقدرك

لا انسا رحمت ربي ولا انسا عطفهه فهمومي اثقلت اكتافي و ضوقتني مرار الحياة وقالت لي خذ مثاقيل
الأرض واحملها وحدك وسر نحو دربك

كيف امشي وانا اوزان الحياة على ضهري كيف اشق
دربي والحياة تعثر خطواتي وتحفرلي حفر بعمق الوديان اقع واقوم واقع ولا اجد من يسحبني

رغد

صدمة لحضه ذهول الكل سكت ابراهيم ماسكت واكتفه ضل يصيح ويغلط على ارغد كانو شخص من سنين كاتم
بكلبه وبهاي الحضه فرغ غضبه

خالتي عيونها على ارغد وصيح على ابراهيم تريده بس يسكت

سعاد والبنات مامستغربات والوضع عدهن طبيعي كلبي وجعني اريد استوعب الصدمه

ارغد يباوع مامستوعب كلام ابراهيم وكف تقرب من ابراهيم " عيد الكلته شنو اني مو ابنكم ههههه خويه اكيد تشاقه

عاين علىخالتي يمه هذا ابنج شيحجي خويه روح للبيت رتاح بين عليك التعب

امي "كافي تهرج ولك راح تهجم بيتي وين انطي وجهي تالي عمري هيج اجازيني لان طلبت منك ساعد اخوك وهوه شوفه مامقصر كل العده ظفع عمليت تميم

اخخخ ياترباتي اخخخ كون ميته ولا اشوفك هيج سوي وتلوع كلبي روح لابارك الله بيك كامت تبجي

صاح اي اي انتي دافعيله من ويمج باطله وتعرفين زين نص فلوس ابويه بطنه ابنج المدلل الي الله ذبه انتقام كاافي عاد

ابراهيم ماسكت كام يهرج يمته تحسين احنه ولدج من بطنج شمحصلين اني الاركض بلبانزين خانه لو شغلي بلفيترجيه وارجع مدهن

وهوه كضه عمره يدرس ويلبس ارقه لبس ويطلع ويطب وضاربنه عرض الحايط كل تعب ابويا ذبي عليه وسويتي مهندس وحرتي وين ترحين وعينتي

ختلتي كالت كافي عاد مايوم فرقت بينكم كلكم

صاح لاااااااااا فرقتي وااااانتي رب التفرقه كاااافي حسي بينه وين اولي اضل عمري هنااااا اكضي بين الدهن والبانزين ولدي كبرو واني حاصرهم بغرفه

بسسسس عاااد كله الأرغد احنه ولدج هوه مو ابنج كليله وين لكيتو وجبتو ربيتو وسجلتي بسمج

صاحت خالتي ابراهيم بسسس سد حلكك

ارغد

مثل شخص ضربته سياره وفقد الوعي كمت مااسمع شي اباوع صافن عليهم رغد تباوعلي بقلق ومثلي مصدومه

ابراهيم مستمر يحجي امي اشوفه تخرط بخدوده وتأشرله اسكت الصحاني هذا مو ابنج

مانطقت غير بس كم كلمه يمه ابراهيم شيكول

ابراهيم رد اي مو ابنه لا الك اصل ولا ساس لكيناك بلسيد

بسرعه طفر اسامه مااعرف منين طلع جره طلعه بره اجت امي تبجي وجهه مطعون عيوني فاتحهن معقوله هذا شيحجي

باوعت امي ملخه روحه اجت تجر بيه يمه لاتسمع منه مخبل يريد يحرك كلبك انت ابني ربيتك وتعبت عليك
اني امك وابوك موجود اساله

اباوعلهه مزلغه خدودهه البنات واكفات على صفحه شنو اليصير

كمت حسيت شي يجر بيه التفتت امي نترت ايده صار كبالي اسامه واكف وعيونه تقره حيرته

تعديته وصعدت اخذت ملابس كم قطعه بجنطه وطلعت عفت امي ههه مااعرف شكول امي لو شنو هي بالنسبه الي معقوله شنو منو اني رنت حجايته لكيناك بالسيد

امشي واني هايم على وجهي كل فكري يم الصار محاس بروحي وين واصل لكيت نفسي عابر الشارع وماشي مسافه طويله وكفت سياره صعدت روحي فايره مالكيت نفسي غير واصل للشركه فتحولي الباب دخلت للبنايه لكيد جعفر تفاجئه بجيتي هاا شو هنا

اجيت اخذ مكانك

...استغرب ليش

بعد كم يوم عندي سفره اريد اطبكهن ويه ايام الاوف يصير اسبوع

...ليش مخابرت

طافي شحن

... ابو الأراغد مو على بعضك شبيك

مابيه جعفر بس روح وخليني ارتاح

...شون اعوفك هيج

رفعت نضري حتى اخجل اباوعله احس روحي نكس نار بصدري شلون اطفيه بيمن تطفه هزيت راسي روح

ضل كاعد كتله رحمه النبيك بس اليوم عوفني لتخليني احرك روحي جريت القميص طفرن الدكم

سكت كام اخذ جهازه وغراضه ماشي باجر اجي ونتفاهم

راح هنا اول مره تنزل دمعتي اول مره اختنك هيج خنكه البيه شكد صفنت واكول الله منعم عليه ام واب راضين عني وضيفه وزوجه وبيت وماليتي زينه معايز

هه اني وين وضربت الله وين كمت ادخن كلام ابراهيم يدور براسي يرن بأذني وعقلي ميستوعب صفنتي خذتني الشكلي هذا سبب عدم شبهي الهم الكل يكلي ارغد انت حلو هذوله اخوانك عليمن هذا سبب غيرت تمام هذا سبب كره سعاد

حقهم ححححححححقهم ياالللللللللله ليشششششش
ليششش ماحسيت غير اكسر بلغرفه الميز شلته وركعته

جريت البلازمه طحنتهه خراااااااب هيج منكم .........
اني لقيط اني ابن حرام هاي الكلمه نزلتني للحضيض
اني نكس ياربي اني نطفه نكسه بجيت بوجع لميت رجليه نزلت راسي ودموعي تنزل اخخخخ يابه

غمضت عيوني ورحت بين دموعي للأيام الي عانيت من تعاملهم وياي الوحيد تميم زين وياي رحت الايام الجامعه

ايام كضيته امشي بزودي والكل يحسدني على حب امي هه وابويه الي دلالهم خلاني اطب هندسه عيونهم التتاملني انطني دافع اتعب

يوم يوم اكضي واحمد ربي خلاهم خيمه الي واجه اليوم الي الخيمه تنهدم

يوم وره يوم اتعب شهيتي صفر بعد ماجنت اكل ست وجبات بليوم حديد وبروتين ورياضه

نفسيتي صفر كثر تدخيني امشي والجكاره بيدي اشتغل في سبيل امشي الوضع جنت ماابات بلشركه مااتحمل يوم يمر مااحضن امي واشمها واشوفها واشبع منها
اضطر اروح ب٧ الصبح وارجع ب٣ ويهون كل تعبي بشوفت امي هههه ضحكت امي

بجيت صدكيت على شنوني حتى انتي ماعدتي اليه ولا تخصيني اكثر شخص احبه بالدنيا اكثر انسانه اتنفسها

جهازي غالقه جعفر اجه مرتين وطردته اسامه حارك الدنيا عليه وياهوه من جماعتي يجي اكلهم لاتردون على احد اجه اسامه للشركه مامسموحل بدخوله حقل نفط اله باج

انطيت خبر للحارس كله ماموجود كل التجاهات تلتقي يم رغد بالي وكلبي وروحي يمها

وبيوم الي متوقعته يجي فتحت الجهاز بليل شفت اسامه وامي وتميم ورغد كلهم متصلين عليه

رحت كبل فتحت رسائل من رغد شي وكع عليه مثل الساعقه حرفين " حبيبي اني حامل "

رغد

كلبي نقسم نصين على موقف ارغد من سمع حقيقته وجها نطعن مامصدك بعد ماطلع عاف خالتي منتهيه
من الطم

سعاد اول الشامتين هي وخواتها كانو عيد عدهن كعدت ابجي مستاهل هذا التعامل ارغد مستعد يضحي بروحه علمودهم

شنو البدر منه وهيج حقد بكلبهم عليه ماصدك كلام ابراهيم بس وضع خالتي وبجيها ولطمها ثبت الحقيقه

طلع ارغد وايام اني اليل ماانامه خالتي نامت بالفراش ضغطها مانزل البيت حس مابي كانو نهجر من تمرضت خالتي

مالها صوت تحن ووتون على ارغد من اسمعها كلبي يتكطع روحي راحت وراا انسلت من بعده مسامحته
والله مااريد من شي بس يرجع

قابله بي شما يكون بس عيوني شوفه اسامه حاول يوصله ماكو اي خبر عنه اكثر من مره يروح الموقع الشركه ميدخلوو

من يرجع اني وخالتي كاعدين ننتضره على نار طب اسامه كال ماخلوني اطب

ايام مر مرة عليه ماعدي غير البجي عيوني راحن كرهتهم كلهم صرت خرسه مثل ماكالت خالتي

انزل اكمل شغل واصعد كطعت الاكل شون حالك هسه ارغد انت ماتستاهل اليصير بيك جابو تمام رجعت ضحى فرغوله الصاله

سبوعين البيت ماخلص من الخطار واليجي يسال على ارغد ميدرون بالصار ارغد محبوب بين كرايبهم

خالتي من يسألوها لوما عيب تنصب عزه صبر روحها وماتريد تبين الهم غيابه

بيوم نزل تميم اني فوك كاعده صافنه وبيدي محبسه ناعم مو جبير صديقه منطي هديه رغم هوه ميلبس محابس بس مستعز بي

سمعت صوت صياح رج البيت لبست شالي ونزلت

تميم " اروح ارجع الكاكم كالبين الدنيا ابنج طفل يغار منه وينه هوه وين راح خرررب روحه خرب كبرته
مو ابنه بطوله

مو طلعه من حلك الموت وارغد الدفعله تكاليف العمليه منو السد هاااينكرهن

اسامه"خالي عوف هذا الحجي ارغد جهازه مغلق ماخليت احد ماسالته مجاي يمهم

تميم" استغفرالله وين راح ماعرفت مكان جماعته"

اسامه" لا مانعرفهم رحنه للشركه ماقبلو يدخلوني ولا صاحو الي"

تميم " وين الكا هسه صار بي شي وجها نطعن احمر يمه الطبله دفرها طارت للمطبخ ضربت السنك

شوووون يمه اروح افرغ طلقه براسه العااااار شيريد منه ارغد بيمن مأذي اسبه هسه وحق الحق وحق علي داحي الباب اذا صار بأرغد شي اله انسه الخوه وادفنه بيدي "

خالتي بجت " بيدي شي اخوك ارعن باصرني بارغد وينه كلبي لاچمني عليه اله شهر طالع مانعرف وين اراضي

كعد تميم بالكاع ماد رجل وثاني الثانيه شافني رجع سال اسامه"اليداومون وياا ماعرفتهم منو "

اسامه" لا"

سكت يتنهد وجها احمر بلحضه وجها نكلب كال "خويه مااتعرفين جماعته"

رغد" لا مايسولفلي عليهم"

فرك وجها وكام طب للغرفه صاح سناء يعلو صوته طلعت سناء تتبلعم اشرتلها بغرفة خالتي طبت ورا

اكيد راح يستجوبها

ايام تميم واسامه ماكاعدين ماخلو عرف ماسالو تميم حالته اسوء من حالتنه اشوفه باليل مينام بالحديقه
يكعد يدخن

للفجر يله يطب

مشت الايام بينه اثكل من الجبل مهمومين سعاد بعد مااجت ولا وصلت

ضحى اشوفها دور بعيونها كلبي محمل عليها بدي اكضها اكطعها بس كل طاقه ماعدي ارغد شاغل بالي

اتصل بي وادز رسأل بدون جواب جهازه مغلق بالكت هذا الخبر يرجعه كتبتله عن شكوكي نمت وعلى امل يرد

اليوم شمس وحاره غسلت الطرمه ورشيت الحديقه خالتي بالهول البنات بالغرفه تميم نايم بغرفت خالتي

وتمام بالصاله وضحى يمه

كملت سديت المي ونشفت الطرمه طلع تميم مستعجل لبس البوت بستعجال حنى ماشد القيطان والتلفون على اذانه

لزمت كلبي خالتي طلعت كالت"شبي تميم مستعجل"

"والله خاله ماادري حتى قميصه مفتوح يمشي ويدكم بي"

خالتي ارتبكت وحايره خايفه واني من يمي خفت

ايدي بهتت عيوني غوشن طاح المبايل من ايدي رخت اعصابي بس بقلق بتوتر

استسلمت ماكو بعد ارغد بهاي الحياة انسان نكره ماله اصل استوعبت موقفي غمضت عيوني عرفت روحي طلعت حسيت نفسي طايره تفتر بيه بضلام دامس

اسمع اصوات واني مو يمهم اصواتهم توصلي وتروح
احرك ايدي متتحرك ولا عضو بجسمي اكدر احركه مقيد بس اذاني صاحيه هوسه وصوت احد يكله شيله على كيفك لا تلجمه

من فتحت عيوني عرفت اني بلمستشفى مااريد اشوف احد بيهم امي من شافتني كاعد ركضت تبوس بوجهي وبكصتي وبيدي جريت ايدي

تعبان مااكدر انطق حرف باوعت التميم وخرها طلعها تبجي عيونها منتهيها نزلت دمعتي

بجيت الحركه بكلبي عشت بوهم بينهم وحاسب روحي منهم وبيهم ابويا دخل ماتحملت اشوفه غمضت عيوني تعبان

جسمي مااكدر احركه غمضت عيوني رجعت نمت ايام اني على السديه طريح تميم يبدلي ويغرلي

كلبي يوجعني من اشوف نفسي بهذا الوضع اسامه ماتركني يروح يرتاح تميم بمكنه

ايام اني اتمنه الموت عرفت وضربتني جلطه دماغيه

امي وتميم واسامه ورغد كلهم يمي

رغد كم مره تجي المحها متغيره ضعفانه مو ذيج الحلوه
من شوفني تنتهي من البجي كارهم كلهم مااريد اشوف واحد بيهم

لساني ثكيل ايام اني بس نايم اكعد دقايق ورجع سكنت سبوع مر واشوف دموع امي وحركت كلبه ومااكدر افرط بيه ماانسه فضلهه ودلالهه وملكاهه الي

ماانسه من طحت بمعدتي ماخلت رايه ماشدته في سبيل ينقطع دم الاذبه من معدتي

بنفس الوقت مااكدر اباوع بعيونهم اشوف بيهن نكران الي اشوف بيهن حقيقتي

اسامه التحق بعد. ماوضعي تحسن كمت اكدر اتحرك بس بطئ بعد نزلت اسامه تميم التحق

رجعت الخاطر عيون امي ورغد بس مو ارغد القديم هواي امور تغيرة بيه نفسيتي تعبت الكل يجي يتحمدي واني اخجل اباوعلهم داخلي يكلي يعرفوك ابن حرام يستخطوك لو يشفقون عليك

اغمض واريد اشرد بديره مابيه احد صلاتي وصيامي نسيتهه كانو اعاقب ربي وهوه مامحتاج مني اني المحتاجه

ابراهيم يطب يطلع وكاني ماموجود الصاله صارت مكاني ماريد اختلط بأحد

رغد داريني مثل الطفل عيونها سولف لهفه طول الوقت ساكت بس اباوعلها ماكو اي حوار بيناتنه

اي لهفه ماعدي اتجاها كلشي طفه بيه خبر حملها اذاني مافرحني نزلني السابع ارض كرهني بروحي كرهت امي بلحضتها

لوماضامه عليه جان هواي امور تغيرت

ريـحــــــانـه

والدي خوفه وكسرة كلبه خاف عليه اتحطم من خبر طلاك مصطفى ايام اني اتعالج

كسر كلبي كبل ميكسر ايدي ساعات استرجع ذاكرتي اريد اعرف غلطي ويااا شنو السويته وهيج يعاقبني

البجي والوم والسهر اخذ من حيلي ماكدامي غير ربي هوه ملجئي ومؤنسي

يوم بعد يوم ارجع الطبيعتي رغم جرحي توصل النفس يضيق بصدي ارفع راسي واناجي ربي انت اعلم بما في النفوس

شهر مر واني بعدني بصدمتي للان مامستوعبة السيد وتغيرة المفاجئ ولا طلاكه بهاي السرعه

كعدت بالصاله قريت دعاء كميل احس نفسي بعالم بس اني وربي عمق كلمات الامام تاخذني بخيالي بس اني
بالفضاء

اللّهمَّ اغفر لي الذُّنوب الَّتي تهتك العصم، اللّـهمَّ اغفـر لي الذُّنوب الَّتي تنزل النِّقم، اللّهمَّ اغفر لي الذُّنوب الَّتي تغيِّـر النِّعم، اللّـهمَّ اغفر لي الذُّنوب الَّتي تحبس الدُّعاء، اللّـهمَّ اغفر لي الذُّنوب الَّتي تنزل البلاء، اللّهمَّ اغفر لي كلَّ ذنب أذنبته، وكلَّ خطيئَة أخطأتها، اللّهمَّ انّي اتقرَّب اليك بذكرك، واستشفع بك إلى نفسك، وأَسأَلك بجودك أن تدنيني من قربك، وأن توزعني شكرك، وأن تلهمني ذكرك

بجيت يارب المتحيير يارب المتكبرين يارب المستضعفين ارحم ضعفي وقلت حيلتي ومحنتي وزلتي وخطيئتي اللهم ارحم سوء حالي وفقري وفاقتي

اللهم بجودك وكرمك اكرمني بمنك علي وغفرلي  ذنوبي اثقلت كاهلي   بجيت بالم وبحرقه

ايام  ورضا رجع من النجف ثاني يوم عرف بموضوع طلاقي جن جنونه والدي كوه لزمه

صدمة عمري من عرفت رضا هوه سبب الطلاق والدي ضل ساكت  امي شهكت من عرفت

رضا" نعوفها يمه وهوه نص رجال "

محمد" انت بهءا تسرعك اختك اطلكت ودفعت ثمن غلطتك  ليش تصرف من كيفك  الرجال جاي يتعالج

وحالته النفسيه صفر اكيد يتاثر اصعب شي على الرجال رجولته  من يسمع منك اكيد راح ينفعل ويفقد اعصابه

ليش خليت اخاتك بهذا الموقف  وصلت الموت وخسرة زواجها

رضا"اضل ساكت يابه اليوين اختي اضل يمه وتتحمل مرضه شنو الخطا اذا سالته ليش مذبون الغلط عليه

حقي اعرف مستقبل اختي يمه ناوي يستكعدها طول العمر "

سيد محمد" رضااااا انت تعرف نفسك شتخربط هدمت بيت اختك  الرجال بضرف صعب وقدره  انكتب يتعرض
لحادث  نصير وياا عليه  استغفرك ياربي استغفرالله لا حول الله

الله يصبرني "

رضا" يعالج نفسه ويجي ياخذها مو تكعد بيته سنين  تخدم بي وبأهله  شنو مزوجيها للخدمه"

سيد محمد  نزع عمامته فرك وجها" بيا لغه احجي وياك ابني اختك اجتك شاكيه اجتك كالتلك فكني منه

الله يجازيها على صبرها المره اذا ماتتحمل زوجها وضروفه باصعب الحضات ماتسمه مره  نسوان تحملن زلمهن معوقين وفاقدين ساق وايد واكو بيهم على العربانه  استغفرك ربي 

رضا ماسكت ضل يترادد ويه والدي واني دموعي على خدي تكتم وامي بس ساكتات 

تكتم " عمو تره رضا حقه  شنو ذنبها ريحانه تتحمله مانجح ويا العلاج ضل طول عمرها يمه هوه لو صاير بريحانه الصاير بي يتحملها ويسكت "

سيد محمد" بنتي هاي الامور بيناتهم شوكت ماتجي ريحانه  كوكالت اني بعد مااكدر اتحمل ومااريده ذاك الوقت اصرف   سكت والدي ورد كال رفعتو ضغطي

رضا" المهم افتكينه منه خيولي الف من يريدها ضالين على المكطم  "

هنا والدي صاح واول مره هيج يطلع صوتن رضااااااااااا
استغفر ربك لا يبليك باخس من بلائه لا تشمت  لا اله الا الله اعوذ باالله من الشيطان الرجيم

كام رضا طب الغرفته تكتم سكتت تباوعلي واني دمعه تنزل امسحها  بيدي مهضومه

كمت طبيت للصاله حاجيت امي ارجع غرفتي رضا رفض يصعد فوك ولا انطاني غرفته الفوك مامتعوده اضل هيج مجهوله

لحد مابيوم اندك الباب طلعت امي فتحته فاتت عمت مصطفى  شفتها ركضت لبست حجابي ورجعت طلعت اسلم عليها شافتني اريد اباوسها دارت وجها

تفشلت رجعت بصف امي نقهرت "دخلي ام احمد  ليش واكفه بالباب"

ام احمد " لا عيوني  مستعجله فتحت الباب وسحبت جنط فوتتهن ذني غراض المحروسه بتكم وان شاءالله على الايام الجايه الولد ينقلون اخشابها

طلعت من جوه عبايتها علبه "هذا ذهبها بالخفظ "  امي صفنت اخذت العلبه من ايدها

ام احمد" شوفي ام رضا خاف بي نقص رايح منه شي تأكدي"

امي " ميحتاج تردون غراضها  متنازلين عنهن مو بحاجتهن"

ام احمد"لا هذا حقها بالشرع والدين يرجعلها وخل تتاكد اذا رايحتلها حاجه رقمي يمكم خابروني وان شاءالله يومين ويجيبون الخشاب"

امي" ام احمد محد مطالب بحقها احنه متنازلين عن حقها  ناخذ حقها يم صاحب الحق اشرت ليفوك هذا الحق الجايه بي حق دنيا مو حق اخره  "

دفعت علبت الذهب عليها" متنازلين عن كل حقوقها انطوعن المحتاج الفقير   انتو اعرف بهاي الامور وسلميلي على ام مصطفى كليلها مو هذا الحشم فيج

نعرفها مره حقانيه جان نصفت  واجت وافتهمنه منها هم تعتبر جنتها وعاشت وياهم سنه كامله "

ام احمد "كلامج واصل ام رضا الله يهدي النفوس"

سلمت وطلعت وعافت علبة الذهب على الجنط قبل متطلع

التفتتلي امي كالت"اندري حضج بيا طيانه مذبوب"

بالفعل يومين واجت سياره حمل نزلو الاخشاب والدي بوكتها موجود بلحضتها  حملها وانطاها الشاب يريد يزوج

بجيت احب غرفتي  ميهون عليه الصار بكلبي لجمه من السيد ونار ماتنطفي

مشت الايام  وخلصت العطله والعده  والدي اصر ارجع اكمل واني نفسي مامتقبله اطلع واداوم احس روحي تعبانه

قبل الدوام رصا وتكتم روح للحله للحمزه لهل تكتم

واني وامي والدي رحنه للنجف زرنه ورحنه البيت جدي
مشيت بدربونتهم كل الذكريات هاجمتني

هنا نلعب وهنا نكعد وهنا جدي ياخذنه للخان وخالي يرجعنه لان جدي يروح للأمام ينطي دروس

ارجع البيت جدي ويه نرجس وسكينه نكعد لعب يصير الغروب صوت المؤذن  ينملي المكان بالاذان الاسواق تعزل وتتجه للصلا

بيبي تدخل الغرفتها تصلي  واحنه وراها متحضرين بس نسمع الاذان نركض تنوضه كل تصرفاتنه توجيهات جدي
واني ونرجس وسكينه نقلد  نسوان الكبار من يصلن

وامي ومرت خالي بتد الصلا يسون عشه  يخلصن اني افرش السفره سكينه اكبرنه يخلنها تنقل مواعين الاكل اني ونرجس ناخذ الخواشيك دوركة المي الكلاصات سلت الخضره الخبز

نلتم بالحوش داير مدايره الغرف نشوف على ضوه الاله معلكيها بمكان عالي علمود مانلعب بيها ويخافون على الشيشه تنكسر كزاز

بعد العشه امي ومرت خالي يشيلن السفره ويغسلن المواعين اني وسكينه ونرجس ولد خالي الزغار   جدي يجمعنه بغرفته  

يعيدلنه الحفظ الدروس الناخذهن ويتعمق بتفاصيل جنت فضوليه اسال هواي سكينه ضوج تريد بس يخلص جدي علمود تصعد للسطح

من امي  تفرش الفراش علمود يبرد قبل ليصعدون للسطح تروح تباوع من الستار على الجوارين

خالي كم مره لكفها ورزلها ويسحبها من اذانها ماتوب
اشتاقت الايامنه وسوالف جدي

جانت احله ايام تمري رغم الحصار والحروب والقمع  بس بيها برائه بيها لذه  بيها حنيه وطيبت اهلنه

بيه الجار يحن على جاره  والناس كلوبها بيضه نحس بقيمت يومنه وسنينه حلوه

استرجعت ذكرياتي  خلصت ايامي بيت جدي شكد جنت مشتاقه السكينه ماكدرت التقي بيها مسافره ويه زوجها

رجعنه للكوت

اجه موعد الدوام  كعدني والدي بعد صلاة الفجر كمت غصب عني حضرة نفسي لبست جبه سوده وربطه سوده  وعبايه بدون نقاب اختنك منه

بيدي اوراقي والدي اله اصدقاء بالجامعه السنه الي اخيره اخلصه شون ماجان

اجواء الجامعه وهوسة الطلاب والتقديم  دخت صدري نقبض وضاق بيه النفس مااتحمل هاي الاصوات

بس اريد ارجع للبيت اريد بس اوصل اخذ نفس شعور الخوف ملازمني

بدة ايام الدراسه ناسيه كلشي دفعتي متخرجين والدفعه الاني وياها مااعرفهم اماني تخرجت احس بوحشه فضيعه

اليوم كعدت سهرانه  اكمل حفظ الجزءالتاسع عشر  بعد ماخلصت دراستي

ساده باب الصاله الضوه مطفيته مشغله شمعه القران كدامي والدي  معلك ضوه خفيف ميضر العين مرات من يسهر للمحاضرات ويكتبهن يشغله

شعلته ونصيت درجت الاضائه مشغوله بالحفظ سمعت حركه باالبيت باوعت الساعه ب٢ بعد وكت على موعد
الاذان ولا هوه وقت كعدت والدي

خفت كمت على كيف اريد افتح باب الداخلي توقفت من الصوت صار بعيد رجعت للشباك وخرت البرده

اعوذ بالله لوما ضوه الترك جان متت من الخوف تكتم بالطرمه شسوي خل اطلع اشوفها بعدني اريد اوخر

ابتعدت تقربت من الحديقه  لزمت الكرك وطبت للحديقه
استغربت هاي شسوي ركزت وياها اريد اشوفها شسوي

حفرت بالكرك دنكت فتحت علاكه سوده انخنست من شفت حيه ملفوفه  خلتها بوصلت قماش ونزلتها بلحفره
حسيت بغواش لحضه  لمحت خيال يطلع من الحفر مو دخان مااعرفت افسره

وخرت مرعوبه جسمي يرجف سدت البرده وطلعت منالصاله للمطبخ طلعت بره  تكتم وكفت نفضت ايديها
من التراب

اريد اعرف ليش دفنت الحيه كلبي مامرتاح واحساس راودني مو حلوو بشع

تقربت التفتت فكت عيونها" كاعده"

ريحانه،"شدفنتي "

تكتم  تلبكت  "مادفنت شي شدفن بهل ليل"

ريحانه" شفتج دفنتي حيه سوده"

وخرت من الحديقه تقربت مني"متوهمه كعدت ضايجه واجيت هنا"

ريحانه"والله شفتج بعيوني كليلي شنو هاي الحيه"

دفعتني من كتفي خيل"لا تدخلين خليج حبابه مفهوم"

عافتني وطبت للبيت اليل كله افكر شنو الدفنته

ثاني يوم داومت من رجعت دكت عليه سكينه" عدله ميته"

ريحانه"عايشه برحمت ربي"

سكينه"ابجي ابجي شبيج موته روحج جلب وراح"

ريحانه" عيب دادا عوفج كليلي شونج مشتاقتلج مالحكت عليج قبل مسافرين"

سكينه" شسوي هذا رجلي سيبندي يوميه طالعلي بدراسه ومجهولني ويااا بس والله تونست ايران حلوه وجوها وطبيعتها تخبل"

ريحانه "اي مو كتلج بس انتي جنتي ماحبين ترحين جدو شكد كلج تعالي ويانه متقبلين"

سكينه" ماتدرين بحالي هذا ابن المسموط شال حالي ومدولبني مخليني امشي مثل المسودنه ولد الزفره سودونوني  يمها حيدر زوجها كال همزين عبالي اني

ضحكت لان هي دائماً اسب جهالها كدامه وعباله اسبه

سكينه تخرب ضحك من اسولف وياها طلعني من الجو الاني بي اتمنه اخذ ربع من حيويتها وشون تصرف وتتعامل ويه الناس

رغم اشوف تصرفاتها مو موزونه بس محد يزعل منها تشاقه وتعارك وتمشكل واذا احد غاثها ماتفوتها اله

ورغم هذا حياتها ماشيه اني اخاف اعارك لا صير مشكله بسببي اخاف اجادل اخاف انطي رائي

سكينه "الحيه شونها"

صفنت فتحت عيوني "شمدريج بالحيه"

سكينه"احد مايعرفها اشهر من العلم حتى جدي يكول بذرة شيطان "

ريحانه" متوقعتج تقصديها سكينه سكتت اريد احجيلها وخايفه

سكينه"احجي ليش سكتي"

ريحانه"خايفه مااعرف حايره وبس افكر اني متوهمه لو هوه صدك الشفته"

هدئت سكينه حسيته استعوبت االأريد احجي

سكينه"سولفي لاضمين "

تنهدت"مااريد اخذ ذنبها بس حايره اني مو مخبله واتوهم سكينه شفتها دفنت حيه بالحديقه"

سكينه شهكت "شوكت شفتيها"

ريحانه "باليل سهرانه وسمعت صوت طكطكه لمن كمت وخرت البرده شفتها حفرت ودفنت حيه سوده منضرها يخوف"

سكينه"اي"

ريحانه" طلعت كتلها شدفنتي كالت متوهمه مادفنت شي"

سكينه"غير ثوله ريحانه انتي غبيه  شون ترحين تواجهيها اكيد تنكر وتعرف بيج فاهيه وتوكعين من الحلك تخليج شكين بنفسج انتي متوهمه

ترحين دكولين العمو محمد بسرعه بدون تردد وسولفيله على الشفتي ودلي مكان الدفن"

ريحانه" اكله لاصير مشكله هي شنو حيه"

سكينه"ريحانه راح اشك هدومي تعرفين امها وهيه رب الشعوذه مو بعيد عليهن يدفنن سحر"

شهكت "يمعوده ياسحر بيتنه مابي شي مشوغين دنصل ونقره قرأن  مابين شي اني  يوميه اقرة دعاء كميل والندبه

لو اكو كان بين بالبيت ماكو علامه دل على وجود السحر"

سكينه " اخخخخ ربي كون الزمج ترحين دكولين العمو لو اني اخابره ريحااااااانه بطلي فهاوه وركزي تسولفين العمو ودلي بمكان السحر  صيري قويه لا ضلين  خوثه"

ختمت الاتصال ويه سكينه واني اقارن بيني وبينها شنو فرق بينه ليش هي بهاي القوه واني بهذا الضعف

بالفعل شجعت وكعدت سولفت الوالدي عن الشفته

.......... يتبع

صباح الخير

بخصوص صورة ارغد من نزلتها بعد محاولات مريره يله كدرت انزلها هوه جزء منه

هواي طلبو انزل صورته مره لاخ  والله حاجيتهم رفضو اذا انطوني الاذن انزلها الكم