رواية بين الكاف و النون الفصل الخامس 5 - بقلم saja altaie95

بين الكاف والنون (كن فيكون )

البارت الخامس

الكاتبه سجى الطائي

///////////////////////////////////

ومــرت الوحـشـه على آجفـوني
خـرز سـبحـه وتعـب روجـة بــلدنـه
وسـالفـة، وضحݘـة بـــدويـــّه تمـــوت بطراف النـــــدم

ومـرّت الظلمـه تـِغـِش الشـوف الأبيض
والطـــوارش حـامت بحـامي البخـــت تـوگـف عـَـلم
وݘـان جـفــّي يلاعـب النسـمة وذرى الگـذله عشـب
وݘـان گـلبي يريد يكبرأكبر من آسمه ويـا ذاتـه ويكره ويشگـى ويحب

وݘـنت آسمـّيكم الـذمـّـه...
وݘـنت أشيلنكـم وصـيـّة بغـير حـز مـاتنكـتب
عفـية نهران آشكثــر غـدرانـهـا ملهـا ومايهـا الراݘـد عـذب

____________________________________

ريحانه ▪

شغل بالي جني  ماشايفه ولد كبل وصدك هاي اول مره هيج يصادفني رغم التزامي عيني ماارفعها  بس صدت عينه حيرتني مستغربني وهوه يعايلي بتمعن

تعوذت من الشيطان كملت ختمت التسبيحات العدي
ضليت اردد ربي اعوذك من همزات الشياطين اذا حضرت

هواي وسوسلي ابليس ختمتها مية يله غفيت كعدت على صوت والده  تنده بيه فركت عيوني باوعت والدي وراها

سيد محمد"كومي بابا نومج ثكيل غسلي وتعالي وراي"

طلعو كعدت منتجيه على تاج الجربايه مطيت جسمي
فركت عيوني اصحصح وكفت عدلت الغطه جريت
روب عدي البسه فوك ملابسي من كشمير امي خيطته يفيدني من البس ملابس النوم

اباوعله بلأسم روب صايه من عرضه وخالتله سحاب
على طوله لميت شعري وطلعت

طبيعة  بيتنه هدوء قاتل ماعدنه احد غير والدي والدتي
واخويه الاكبر مني يدرس حوزه بلنجف الاشرف مقيم عد خوالي

خليت القوري على النار ادري وراي جلسه قرئانيه وحفظ للايات وترتيل بيها تركيز والسيد مايتركني
لحد ميشوف رسخ كل معلومات الموضوع

كملت صبيت كوبين اخذت الصينيه وكفت مقابيل
باب الصاله دكيت الباب وصل مسامعي صوت تجويده للأيات يعلن سماحي للدخول

والدي متوسط العمر تزوج وهوه مقتبل العمر ماجاوز
الثمنطعش عام وهاي كانت عاداتهم

والدتي تحمل نسب أل البيت من الشيرازي زواجهم تم من قبل والدها وجدي اصدقاء عمر التقو بموسم الحج من كانت رحلاتهم بزمن عبد الكريم قاسم رغم بعد المسافه

وكانت غير موجود انذاك بعد سنين من الزواج والدي ماانرزق بطفل اطباء وعلاجات كل محاولاتهم بأت بلفشل

توجه للرضا وطلب حاجته ونذر يتعنه للامام مشي
وره شهر بدت علامات الحمل تضهر على والدتي
هذا كان بشاره للعائلتين والدي من يسولفلي القصه
تلمع عيونه فرح وينصي بمنونيه للامام

وبلفعل اجه اخويا رضا وراها باربع سنين اجيت اني
بعد مائيسو عن الانجاب وصرت حبل نجاتهم خصوصاً
ال والدتي الي عانت من بيبيتي بسبب الاطفال وكانت مقرره زوج والدي

دخلت كعدت مقابيله بعد ماخليت صينيه كوابه على
جنب شفته مندمج بلتجويد صوته حلو ورث منه هذا الصوت انتهز هاي الفرصه وخلاني اجود بعذوبه تطرب
اسماعهم من اذكر بعض الايات بصوتي الهادء ذات
نغمه تخرج من حنجرتي

وكان هذا دافع كبير لوالدي ساعات طويله يقضيها وهوه يدرسني اصول هذا الدين والكتاب المقدس

كمل صدق  رفع راسه

سيد محمد"ناوشيني الكوب نشرب وراها نبدي درسنه "

انطيته كوبه شربنه واحذت كصحفي المخصص للدراسه
ودفتر الملاحضات تفقدت حجابي رغم يجوز قرائة القران دون تغطية الرأس اذا كان ليس هناك محرم

لكن من باب احترام الكلام المقدس واني بكامل حشمتي فتحته لحد موصلنه سورة الحج الايه ٤٧
رتلتها (جودتها) نفس المعنى معى النيه للتعلم
للجواز القطع من والدي وتصحيح مخارج بعض
الحروف ونطق الحركات بسرعتها المتناسقه
عند مرتبت التحقيق الدرسناها بداية تعليمنه
بلحوزه قواعد التجويد

المتداول عدها بجميع المحافل القرئانيه او
مجالس الحسينيه اغلبية الكبرى للقراء يستخدمون
مرتبة التحقيق في التجويد او الترتيل

امتنع والدي عن تقليد القراء العراقيين او المصريين
جعل تعليمي ذات طابع ذاتي تجويدي على قواعد
المتعارف عليها عند المدارس الشيعيه والحوزات
المتواجده انه ذاك بلنجف الاشرف او كربلاء
المقدسه

كان منهج والدي بتدريسي حفظ الجزء وانتقال الى
تعليم اصول والاحكام كل مايخص القرأن الكريم
واخر مرحله هي التجويد استمر اتمام السطعش
جزء من حفظ وتجويد خمس سنوات

اغلب اوقات حفظي هي بلعطله الصيفيه بأوقات
المدارس اعتزل التجويد فقط استمر على الحفظ
لكن الان اتممت حفظ الجزء السابع عشر انتقلنه للتجويد رغم اتقنت احكام التجويد بمستوى
المتوسط

كملت سديت المصحف بعد مااسجلت بعض الملاحظات واسترخصت طلعت امي تثرم بلحم والشحم تريد سوي كباب

رجعت الغرفتي صفطت كتبي بديت ادرس نوعن ما مسيطره على المواد بقت عدي صعوبه بلمواد الفهميه
اعاني منها اماني كانت عدها سهوله بيها لهذا نكعد
ندرس سوه اودي عليها تجي تعرف والدي ميخليني
اطلع مستعد هوه يروح المدرس يجي يفهمني ولا اطلع

كملت واني ضهري شكل من التدنيك دكت الباب امي طلعت وكت الصلا توضيت وكفت اصلي وره والدي لكيته مجهز يكبر والدتي نفس مستوى وكفتي

صلينه ورا كملنه رحت جهزت العشه وامي وياي ثرمت الزلاطه نقلت الاكل بلصينيه واخذتها فرشنه بلكاع كعدنه سوه

سفرتنه تفتقد لحس الفكاها اغلب اوقاتنه الصمت سيد الموقف تعودت على هذا الصمت والدي ميقبل نتكلم بكثره على سفره ولا يقبل نكوم نجيب حاجه ونكطع اكلنه

نظام مشينه عليه سنين استغرب طالبات من يحجن بواضيع متفرقه وينذكر عيشتهم اشوف فوارق كثيره
حيات غير حياتي الهن حريه التكلم وابداء الرئي

رغم والدي مامانعني من الحديث لكن هناك حاجز بينه مااكدر اكون ويا بحديث ونقاش غير مواضيع تخص الدين ودراسة الفقه والتجويد واصول الدين

بديت اذمر داخلي اخجل افتح هيج حديث ويااا امي
كانت انسانه مسالمه فقيره اطاعتها الوالدي بصوره
مفرطه اذا يكلها موتي تموت

رضا اغلب ايامه بلنجف تعلقه بخوالي زاد عن حده
اوقات العطل يجي يكضي سبوعين يضوج ويرجع يمهم  تعود عليهم كام ميرغب وجوده بيناتنه

الملل والهدوء النفسي والمحيط بيه قاتل ينهكني حد
التعب

التميز الحصلت عليه ماكو فتاة بمحيطي اتمت حفظ
اسبعطعش جزء قرئاني لكن هذا ما يدفعني للرضا

بكد ما شي يجول بخاطري اجهل امره

نمت بعد ماراجعت دروسي  كعدت على صوت الاذان
والدي دائماً يكرر هاي العباره من ينم قرير العين مسلم امره لله الملائكه تيقضه فأن اسيقض فرحت وان لم يسيقض سخطة منه وبسقت بوجهه مكان حديث مجرد كلامت حاول يوصلها النه بصوره ابسط

واني مرات اكعد ويه صوت الاذان بعض المرات تاخذني النومه واكعد منزعجه كمت توضيت سمعت صوت والدي يكبر ينطقها بصوت اعله

رجعت الغرفتي صلية وكملت صلا التسبيحات وتعقيبات الصلاوات مااتركها لان الله ينضر الى
سجودنه والى تعقيبات الصلاوات لهذا نطيل
السجود

رغم تعقيبات الصلاه من المستحبات وليست الواجبات
كملت رجعت لفراشي كملت نومتي

فزيت على لمسات امي وهي تندهني باوعتلي

اسماء"كومي ماما راح تتاخرين على مدرستج "

مطيت جسمي "ليش شكد الوقت"

اسماء"صارت بلسبعه "

طفرت ياربي هسه اتاخر على اماني والما بدلت على سريع لبست حجاب الامير الابيض محضره الجدول من البارحه اخذت الجنطه ركضت للطرمه جريت العبايه
من الحبل جنت غاسلتها لبستها طبقتها

طلعت اركض بيت اماني مسافه هسه دكوم تغرد
هي واختها ام لسان  بلعاده البس الجنطه جوه
العبايه هلمره من الاستعجال لبستها فوك العبايه

امشي مستعجله منصيه عيني على طريقي
وصلت مسافه قريبه على بيت اماني

ولد الاعداديه الي بيوتهم بلاطراف يجون باسكلات
لمحته نفسه البارحه شفته واكف على اطراف الشارع
بيت اماني مقابيل بساتين سيد جليل ابو زياد

ارتبكت نصيت احجي بداخلي شون بيج ريحانه قابل طريق مسجل بسمج يجوز متاني صديقه

وصلت الباب صار ضهري اله سحبت نفس عادي غلسي
طلعت اماني واختها رحنه وصلنه لبيت الما لكيناها داخل البستان متانيتنه طلعنه سوه

وهاي  مو اول ولا اخر مره الاحظ وجود هذا الولد
جنه مترصدني بديت اخاف شكد انتقده بداخلي هذا ميخجل

اماني والما حسن بوجوده وتكررت وكفاته رغم ذالك اكتفه بلبعيد

اماني ماعقبت والما غلست كمت مااحط عيني بعينهن حسيت روحي مسوي شي غلط لمجرد وكفته بطريقنه

قسمت اذا تكررت حالته اخلي اماني تحاجي اخوها هوه صديقه شفنا وياا اكثر من مره

سديم▪

رغم صغر سني لكن كنت واعيه على هواي احداث كانت سبب نقلتي من وعي الى وعي  اماني والتزامها
ويه ريحانه وصلت لمستوى طلبت من امي تفصللها
عباية راس وهذا الشي كان فرحه للبيت كله ماعده

والدي الي ماداري بينه المهم عده يجمع فلوس صح ماله دخل بينه مجرد عصبيته توترنه وحبه للفلوس
اخواني شغلهم قسم اله وقسم للبيت ويجمعون شويه الهم

كملت دروسي كرم كان خجول لحد ميكدر يخلي عينه بعيني واني كنت اقابله بلعكس اكثر جرئه منه

وصل بي الحد انتشر بين الطلاب كرم يحب سديم
وهذا كان بحد ذاته نمط معاكس الاخلاقياتنه

اهتمامه الزايد خجله المفرط نضراته الوديه ماكانت
تأثر بداخلي شي غير انو احب العب ادرس اخذ فلوس
اشتري طفله بما للكلمه معنى شنو يحبني

اليكولها عادي مااهتم اماني تعتني بلبسي ونضافتي
طلعت من المدرسه متانيه اماني والبنات

وكفت على صفحه لابسه حجاب بسبب البرد يدفي اذاناتي جنت من ارجع اشوفهن بلمرايه حمر

ضليت منتضره لمحتهن يتمشن تانيتهن

الما"سدومه الحلوه هاا شلونج اليوم شكد اخذتي بالملاء "

سديم درت وجهي ماده شفتي"مانطوني" جذب انطونه ماخذه ثمانيه مااريد اتفشل

اماني جرت ايدي لزمتها وطلعنه للبيت بحلتنه يحلون الولد اثناء مدنمشي والبنات يسولفن بس ريحانه قليلة الكلام هذا طبعها

اجت روجت باسكلات اجينه نندعم لو ما صيحتهم
وخررررن من الطريق هفونه هف سمعنه بس صيحة ريحانه

طايحه وجنطتها مشموره اماني والما يمها كومنها وهي منصيه تبجي مستحيه ركضت وراهم شفتهم شي تكومت فوك شي لمحت ارغد وسيف وحميد طاحولهم دك بوكسيات

اسمع بس المصايح والضرب لهناك طب تميم بنصهم كضهم واحد واحد شبعهم تكفخ وجلاق ويسب بيهم

كنت قريبه عليهم واكفه بنص الطريق بين البنات وبين عركت الولد تميم ماخله على حالهم حال استعدل بوكفته يعدل ملابسه سيف وحميد وارغد يحجون ويا
وهوه عينه صد ليمنه لمحت نضرته المن صارت

تميم اكبرهم عمر وجسم واضخم من الولد لهذا سيطر عليهم

رجعت يم البنات حايرات شلون يسكتن ريحانه نكتن عبايتها وعدلنها وهي منصيه ودموعها تنزل

هل للقلب ان يهوى من يشاء دون تلك النبضه

كأن كان هناك  بداية حب دفين بين طيات القلب
ونياطه اصفهُ بلقمر بسماء رمضان هكذا بدء
وهل للقمر يخفى عن رمضانه
وهل للتميم يقوى على هجران
هذهِ العاصفى المتوهجى نحو
تلك العلويه من بيت طالمه
شهد على سماع اعذب الاصوات
والكلمات الربانيه وترتيلها بانفس
زكيه
والسن صادقه واعين ناطقه للحب
أل بيت محمد
وليل يروي همسات ونقرات خرز مسبحة اليقين والدين
وهل للفؤاد يقين بتلك النبضات ؟

الايام شاهد على نضراتهم المخفيه ريحانه كانت انقه
من المي واطهر من ان تدنس روحها بلحب
لكن مشيئة الله اذا ارادت تحتم وقوعه

تميم اعتدنه انشوفه كل صباح نمر من يمه
مرور الكرام ماتعدى حدوده

الما واماني يضوجن وكم مره شفنه سيف الدين
وبقية الولد يحاجو وارغد اسمعه مرات يبرر
بس سيف مينطي مجال كل هذا يدور
من اعوف البنات يعبرن واكف قريبه يمهم
اسمع جدالهم من يلاحظني سيف يشحتني

بس اعاند يسكتون من يشوفون وكفتي
عرف تميم عده شي ويه البنات من كبرت فهمت
عينه من ريحانه

سنتين مضن الحال على ماهوه  عليه اني هسه صف خامس ابتدائي   كرم وماادراك
وصل حبه الي الاهله وحالته زادت الى ان اضطرو
ينقلو لغير مدرسه تحت انضاري

اهله شكو منه مستوا الدراسي هبط اذكر مره رادو يرشحون طالب من الشطار يكون قدوه للصف

كعدنه نكتب اسماء بقصاصات وننطيها للمعلمه هي التختار اثناء قرائة الاسماء كالت هذا منو الكاتب سيم كام صديق كرم صاح ست هذا كرم لان يحب سديم

وكف كرم سد حلكه الطلاب كلها تضحك واني صافنه بي هذا شبي هزيت ايدي 

شفت عيونه غزاهن الدمع درت وجهي ماكنت ادري هاي مو اخر مره اشوف وللقدر رأي اخر

سيف الدين▪

لحظات الامل ترست روحي اشتياق للقاء وصولنه للسليمانيه زرعت بيه حلم اصورت اشكالهم مثل اخر
مره قبل ست سنوات

جدي ابوي امي حبوبتي عمامي ولدهم چنت مناطر الصبح مناطر هيج واشوفهم واترس كلبي منهم

خالاتي اخر امل الي هلكد صليت ودعيت دموعي ماتركني رغم امنع رويحتي كبرت ولازم اكون كد
هذا الحمل الشيخ يحجواته مطبوعات هذا اختبار
مو كلمن ربك يختاره ويختبره مثل امتحاناتك كد
ماتقره بكد ماتحصل نتيجه ودرجه

شايف السطح لون ردت توصله لزوم تصعد بايه بايه
وهاي دنياك ابني خلي يقينك بربك چبير حيل چبير
دنياك لا تأمن بيها ربك رحمك يوم

التوجهت للمعمل وانه ماداري بهاي روحتي الكيك
وجنت مأجل الروحه على غير يوم بس ربك حزمني
عليك واصريت اروحن للمعمل الأسفلت  بهذا اليوم

وشفك قريب  البطحه يم طمر صحي (منطقه بلبصره اهل البصره يعرفوها) والمعمل بلرميله  شوف يعني
الله خلاك بطريقي  ياابني لا تقنط من رحمة الله

اذا اليوم مالكيتهم اذاً بيها رحمه الك وحكمه.

اتنهدت كمت طبيت نمت وكعدت من الصبح كبلهم صليت وردت بلهول ضليت مناطر فزتهم بلچن يكعدون ونروح ندور عليهم

طلع مقدام من الغرفه شافني كاعد ابتسم "انه اكول سيف اليوم مينام "تقرب خربط شعري

سيف الدين "نمت وكعدت من وكت صليت ومااجاني نوم"

مقدام توجه للحمام "كعد الحجيه سويلنه ريوك"

سيف وكفت "انه اسوي عليمن شيرادله "

طلع ينشف بوجها وايدي "اذا تعرف سوي واذا ماتعرف خلها الحجيه تحضره"

رحت كليت بيض وبصل وطلعت اجبان جايبيها من البارحه خدرت الجاي طلع الشيخ والحجيه ورا طلعت

اجتني الحجيه "ها يمه جان ندهتني انه اسويلكم "

سيف "لا يمه هنه بيضات وجاي"

التمينه تريكنه وراها الشيخ يحجي ويه مقداد وين نروح كله نتوجه للجنسيه ندور بلملفات صديقه هناك
يعاونه

كمت بدلت ومقدام سبقني طلعنه سوه الشيخ وامي الحجيه ضلو مايكدرون ومقدام ماخلاهم فرع وجودهم ماله لزوم

وصلنه لمكان الجنسيه تلكانه صديقه هود دخلنه
كعد وياي كتله عدي اربع  خالات انطيته اسمائهن
ضل يدور بلساعه يله لكاهن

من اجاني وكلي لكيتهن ضحكت من كلبي مقدام صفي ابتسم على فرحتي ضربني على زري كال  ياالله

ذكر عنوانهم

كان حالي بلفعل مثل غركان ولكه حبل النجات كلبي يريد يطلع هود مقابيلي ودي احضنه واعصره

انطلقنه الطريق جميل السياره تمشي بينه من على ارض على جنت خضار التلال الموجوده شغفي خلاني طول الطريق امتع نضري بهل مناضر

مقدام كاعد ليكدام مثلي يباوع من الجامه يشيع نضره من جمال الطبيعه

نزلنه بلمكان المذكور بلورقه لان الولد كتبه بلكردي
المنطقه فريناها فر محد يعرفهم

اتنقل من شارع الشارع بيت بيت تعبت رجليه وكلبي ماتعب عيوني تصيح وينكم بجيت والله انهضمت وكتها درت وجهي عصرت عيوني ماخليت مقدام يحس عليه

طول ما انه ادك البيبان لساني يلهج فدوه طلعولي
دلوني بيكم لو باشاره

صار اليل أيست لا اكل لا مكان نكعد بي رجعنه للفندق

همومي ثكلن  الشيخ فتح الباب من معالم وجهي المحمله حزن سكت مانشدنه

الحجيه صلي بس طبيت توجهة للغرفه كعدت منصي ايديه على وجهي دموعي تنزل وامسحهن رجعت بخيبه كلبي انفطر كرهت رويحتي ليش انه هيج
ضعيف

وكفت افتر اريدن شي يبرد ناري كل الافكار راودتني ليش عافوني مشو مادور عني بشهر واحد صفو املاكهم وسافرو وانه جنت بغيبوبه

شنهي الجرالهم وهيج خلاهم يهجون جدي مايترك
كاعه ولا يفرط بستانه ومكانته كل السلف تحلف بي
ليش هيج جدي

مااتوقع ضعف منك ولا اتوقع خوفك منهم جان صاحي حك الي انكتل بستانه حرامي ويستحق
الكتل

وين اروحن وانشدمن عليهم منو اليسولفلي الجره عليهم لزوم اعرف ولا اضلن هيج حاير واربد
بلحياطين

جفاني النوم ضليت على كعدتي طب مقدام ماحجه شي كلي" خلينالك اكل "بدل ومدد بفراشه

مايأس يوم يعدي يوم
اسبوع وره اسبوع

شهر وانه ادور عفت الونسه وعفت كلشي جان كل املي ادورهم الشي الوحيد الحصلنا اخوان امي اثنين سافرو التركيا وماخلين الهم عنوان

الشيخ شاف حالي "لا تهتم وليدي لو للهند رايحين اخذك ونروحلهم ولا تكدر خاطر "

انصي لو ابنهم من دمهم ولحمهم ضاع مثلي متاكد ماراح يترك هيج

ردينه للكوت كبرت والسنين كبرني وصرت ادور اسباب هروبهم

شهر وصفو املاكهم
انه وين عن بالهم

صرت اتخيل مو ابنهم يمكن وهل عافوني بدون ماينشدون عني هذا السبب المنطقي الوحيد

حميد وارغد شافو حالي صار يوميه يخيمون
باب الديوان وانه رافض اطلعلهم صرت احسدهم

ارغد لون غاب اكثر يجي اخو تميم يدور عليه
لو حميد ابو يدري بمكاناته مايرضه يطلع خارج
البستان

هاي انه عدت السنين وره اثلث  سنين رديت لنفس المكان ورحنه لصديق مقدام وهم نشدنه عنهم نفس الحجي لامن طارش منهم ولا من خيط يوصلني الهم

رديت نفس ماانه

حميد"شنهي سيف كدرت خاطرنه شبيك هيج مبوز جنك صخله حبله بشهرها ويجيها الطلوك "

ارغد"هههههه حميد شهل مثل صدك سيف كافي عاد
شنهي اول مره دور على اهلك وما تلكاهم "

حميد"سيف عاينلي عوفك من اهلك انه تعودت عليك والله صرت من اشوفنك تروح دورهم الزم
كلبي وانخه كون ترد وانت مالاكيهم "

باوعتله

"لا تعايلي هيج اي انه اناني بيك مااحبن ترد لهلك
لو يمنه اكيف بس اهلك بلبصره معناها نتفارك

عليك صحبتنه كلبك ينطيك هيج تعوفنه اسال
هذا المطي اتكدر واضلن احوس دامك مو يمنه"

ارغد"اني  هسه حمار مو مايماشي الحمار اله الحمار وجحش"

حميد"اي حمار بس فكنه عايلي سويف شمالك هيج كاره عيشتنه يبن الشيوخ"

سيف الدين"حميد انت تعرف معزتك عدي وارغد مثلك اذا انت وارغد  عدكم فصل واصل انه شنهي  اصلي اعرفنه بس غيري يعرف انه ابن شيخ رميض
غيري يعرف ابوي وجدي وعمامي شنو

خلنه بالعها بسلايتها اذا كبرت وردت ازوج منهو ينطيني بنته وانه نسب ماعدي مسجل بسم ابوك
ولو ماشيخ يضمني ويعرف وسال منهو يقبل

متاكد والدك من الناس مراح يقبل على كولتهم يمكن ابن حرام شمعرفنه هاي الناس هيج تفكر وحقها انه لو مكانهم هم هيج افكر "

ارغد "اووو سيف انت هواي محملها تره كلها تعرف قصتك ويعرفون شلون اجيت وكلها تدري بسيد جليل ماايطبب كان ماكان البيته لو مايعرف جدك
وابوك ورايح سأل حتى اخواني يحبوك لان
الشيخ معرف عدنه والقريه كلها تدري بي ليش
رباك لو مايعرف اصلك ميربيك "

حميد"فكها رحمه لهلك الشاردين لو ماخذيني وياهم  عنك جا هسه انه تركي ويهي ابيض وعويناتي
زرك وشعري اشكر "

ضحكت على سوالفه

ارغد"اييي همزين دكوم نروح للساكيه "

حميد"اي وانه اركض لميمتي كالت شاويتلك سمجه انت ورفجانك "

ارغد مسح على بطنه"ايي هاي السوالف الحلوه دمشي عاد"

اخذوني وياهم وبلفعل غيرت جو ورجعت لصحبان
دربي والمكانه وللبستان وللساكيه

رجعت لبت كلبي تخجل مني جنها وعت على المضموم بكلبي وحست  نوبات تنطيني نضره
تنعش هذا الميت بفراك اهله

صادفتها بطلعت للبستان لابسه صايته انه ويه كفاء من جابته

ابتسمت ونصت تعدتني همست "جبنه " وكفت فاكه عينها انداري فدوه رحت لهل عيون نصت والتفتت نص التفاته خايفه يشوفونه

سيف"ليش كاطعه بيه تدريني احومن عليج ومااكدر
ادخل للبيت حدي للديوان "

ساكته

سيف شفت خوفها ضجت "باوعيلي ماتريدني" حجيتها وكلبي دك

رفعت عيونها  ناعسات وكعن كلبي هدت حيلي

سيف"عليج ابوفاضل لا تهديني وتلوعين كلبي بيج
جنج عشعشتي بي "

ابتسمت وردت دنجت "سيف جدي يحبك هواي وانه مثله بس عيبه وكفتنه هيج وتعرف انت الوضع لاتخلي يطلع حجي وصيرلك لثكه دومك ابيض بنضرهم وانه احبن اشيم بيك "

سيف دوهنتي ماخلتلي مجال عافتني ومشت داخل البستان  عيني صد لممشاها الرزن هاي يمته كبرت

اختفت من كدام عيوني مشيت بطريقي للولد
وبالي يمها هيج انه فاضح روحي عرفت شني
بكلبي ماخلتني اكمل خافت ليلمحونه وانه

ماطالب منها شي غير اكلها بليدور بداخلي
اعرف طيش مني ومراهقه مااريدنها تتنوع
لاحد غيري وجنه جوابها جواب لكل اسألتي

وصلت يمهم مدوهن دامني كاعد فكري وعكلي
يمها ارغد وحميد حس رادو يعرفون شبيه
مانطيتهم نشده

التغير بيه دامني يمهم حجيي الجلفي التعلمته
من حميد ربات البستان ارغد حجيه اقل مني
لان جانو بلمدينه وحجيوهم نوعاً ما بي اختلاف
الشيخ والحجيه وكل البيت نص ونص لهجتهم

بس حميد وامه وابو هاي ذبتهم انوب حبيتها
وكمت احجيها بس من اصير كدام الشيخ الساني
ينعدل

بعد ذاك القاء كلبي انتعش صرت اصيد الفرص
بس كون المحها مااريدن شي غيره

بدت المدارس  وانه هسه بلخامس  الشغل ماتاركه
بس وكت المدرسه من ارجع اروحن ياخذني زياد
وبلرده نفس الشي

كمت اناطر الحله وامشي وراها خوف مو اكثر
ارغد وحميد يعرفون عمرهم مانشدو ليش هي
بذات لو جاوب طاريها يعرفون الاصول لنها
تابع الي ولان انه من بيت الشيخ

كمت اشوفن تميم اخو ارغد دومه يوكف بلطريق
عيوني تصير بكصتياتسودن  هذا شنهي سالفته حميد ضاج بس ارغد مايدري عن شي

لحد بيوم ذوله الهتليه مسوين سباق بايسكلات
بحلتهم واحنه رادين وراهن ضربت بت سيد محمد
ركضنه عليهم من وحدهم تكومو

واحد منهم انجفه كدامهم وشي صارت فوك شي
لزمناهم دك حميد عيد وجابه العباس يجي ركض
ويجيت فوكهم

انه وارغد عفنه العركه وكمنه نجر بحميد لك هوه هيج يهدنه ويركض عليهم ماحسين غير تميم
كضهم نعنعهم

ختمها بجلاليق هوه ضخم كدرلهم حميد نتر بي"انت ماتكللنه شنهي سالفتك لازم الدرب شنهي ناسي طريچك ولافي هنا لو صوبكم مابي بنوات"

تميم عكد حواجبه كله"احمد اعرف شلون تحجي لا يمكم ولا صوبكم والطريق للكل مامسجل طابو بسمكم ولو شفتني صجمت وحده تعال عاتبني خوش"

حميد"وانه انتضرك تصجم بويا شوف روحك يوميه مزروع هنانه جنك نخل بيت الشيخ  ماتباوع لروحك
وشوف انه غلطان بحكك واحنه بفرد قريه شي تعرف شي وندري وكفاتك هنا ماهي خاليه عيب استر على رويحتك واستر على عرضنه وكلهن من ديرتنه
وكلنه رفجان ونعرفهن بنات ابيوت وعوائل مستره"

تميم صاح حميد "اشو انت ماتعرف تحجي شمسوي اني شفتني راكض وره وحده وانت شعليك اشو حتى اخت ماعدك "

سيف كلامه نفرزني"حميد عده حك بكلامه تميم ان جان نيتك على هل بنات تره وحده بت الشيخ وحده بت ابو تحسين واعتقد حسام رفيجك وحده بت السيد وكلهن من ديرتنه سولفلنه علتك لا تخلينه
نلتم عليك لو نروح نخبر الشيخ وهوه يلكالك حل "

باوعلنه بنفاذ صبر وجنه مامهتم لتهديدي"اسمعوني ثنينكم اني مو ناقص غيره وعرض واباوع على عرض غيري واعرف اصرف زين ومالي نيه سوء
وان جان بالكم غير شي بعد ضلت يمكم ولو
مااعرفكم زين مااخلي ارغد يرافقكم يله
فيمالا"

عافنه وراح ارغد ساكت مايعرف ويامن يكون
وحميد يشايط وانه مثله فاتن البنات خزرت الما
نصت وكملت طريقها وياهن

.............. يتبع

مساء الخير

لازم اكتب احداث يمكن شوفوها مومهما بس تكون بوابه لاحداث مهما القصه هواي يسؤلون عنها حقيقيه قسماً باالله حقيقيه وماتخلو من لمسات الكاتب

الكل الداحجي بلسانهم هم ابطال

انطوني ارائكم

لاتنسون التصويت

اتمنالكم قرائه ممتعه