رواية بين الكاف و النون الفصل الرابع 4 - بقلم saja altaie95

بين الكاف والنون( كن فيكون)

البارت الرابع

الكاتبه سجى الطائي

//////////////////////////////////////

وعـلى واهـسكم خبطنـا المـاي الازرگ
طـالبين بـدين وآعـرف ديـنـّه
وعلى واهـسـكم لگـينا ( الگـصبة) كـعـبـة
نــزور حـزهـــا ولـو سـفـاهـة يعيـــــنـّه
وعلى واهـسكم عرفـنا المـوت الآول وآسـتحى
وعـينـه آنـثـنـت من عـينـّـه
وݘـــان ليـل الخـوف لفحـة ريـح شـــتوه
ولـو شبݘـنا الگــــاع يعـرگ ليلنـه
هـاذبين ..
وݘــانت الظلـمة سـوالف ناثرت ضحݘـه بحـوافر خيلنـه
وعلى ريحـتكم تلگـتنا الشـواطي بفرح نثـيـة وعانگـتنـا وطحنا ݘلمة إثنينـّا
* * *

سيف الدين

الدنيا دارت بيه مثل دور ديلاب الهوى يوم اصعدني يوم تنزلني  شفت روحي كبرت كبل عمري الديوان مكاني البستان محط راحتي كرب الساكه

حميد وارغد رفجاني مالي غيرهم شفت بيهم عون
وكت طيحتي السنين تمشي بيه مثل هبة ريح

ناس غرب حطوني وسطهم راعوني مثل ولدهم
ناسي مني وبيه مارادوني اهلي ماطولو اشهر وسافر

عني ولاجن عدهم وليد مخطوف اريدن اعرف امي كلبها ماعلمها بعدني عايش شنهي حطتي وانه نصهم وغريب كامو يغشون بناتهم مني حكهم ساده وشيوخ

جبنة بعد ماجنت اتونس بشوفتها صارت حصره عليه
كبرت وصارت جمارة كلبي عيوني تلالي لو مرت من يمي احدر لممشاها جنه فراشه وطير من مكان لمكان

احب سوالفها كناكيرها المزينتها بياضها الشعل كلبي
شعل وجر بي النار هاي لون كبرت وصارت حديثه شلون بيه ماينطونياها وانه بله اصل و فصل
تنهدت وخليته وره ربي

هسه صرت صف سادس جنت الاول على المدرسه
كفاء مكيفه بدرجاتي والشيخ كل ماكبر يخاويني
زياد اكرب واحد الي

بعد ماكتله اريدن اشتغل وانه صف خامس ماقبل
ومنعني ضليت ورا ورا لحد ماقنعته اريدن اعتمد
على روحي صرت جبير الشيخ جنه ماراضي

بس ساكت مايريد يردني ويخلي بخاطري وهوه
يشوفني مصر على الشغل  رغم ذلك شرط
عليه وكت الدوام ابطل بس بلعطل اشتغل
جنت قانع انه هم مااريد اقصر بدراستي

اخذني زياد للمدينه شغلني ويا الخياط صاحبه رجال جبير ويا ابنه جنت مستغل حب الشيخ كملت العطله
وانه من الشغل للبيت بس بليل افرغ اروح الحميد اشوفه ارغد طول ماانه غايب مااشوفه

جان بليل مايطلع ابو مايخلي  صار وكت المدارس
دخلت بلشيخ لحد ما طحت صفح

شيخ "ابني انت مامحتاج واذا حتاجيت انه يمك"

_سيف"لا حجي انه اريد اعتمد على روحي واجمع "

_شيخ"ابني اشتحتاج انه مقصر عليك كلي التريده واخلي زياد يجيبه الك التفت الدراستك ولاتلتهي "

_سيف"مامقصر وياي وكلشي الاريده متوفرلي هسه انت مو خايف لا ينزل مستواي وانه اوعدك اطلع الاول جرب وشوف"

شيخ"بابا دراستك اهم والسنه بكلوريه عوف الشغل انه مااقبل "

_سيف" شيخ انه راغب الشغل لا تموت حماسي اريدن اكسب بعرك جبيني انت مامقصر عني بشي
وانه اعرف برويحتي اكدر اوازن بي شغلي والدراسه
وشوف راح اطلع الاول "

سكت يهز براسه نافي طلبي جبتها منا وديتها منا بلدفرات يله قبل

و صار زياد يوصلني من المدرسه للسوك و انه اروح للمحل وبلرده و بعدين يرجعلي ورا المغربيه

و من ارجع ادرس ويه حميد لليل نكمل يلا نام
ارغد اصادفه وكت المدرسه

كملت السنه امتحاناتي مفول بيهن ارغد مثلي بس احمد يشكي الحيال

الشيخ اول هديته ياخذني للشمال سفره وخلاني اعيش من سمعت غفل عنهم خوال امي هناك

اناطر النتيجه مناطر جنه ذاك الطفل كبل ست سنين ورجعو لهله الفرحه مزروعه بكلبي انام واكعد بيه امل

اليوم نتائج رغم كفاء كالت انه اجيبه الك ماقبلت
اتفقت ويه ارغد وحميد نروح سوه

بدلت من الصبح لاكاني حميد رحنه بدربنه الارغد
لكينا ناطرنه بلباب مشينه شفنه جماعتنه كلها جايه
مبدله بيهم الخايف وبيهم المستبشر

ارغد"حميد ارف ايديك ادعي دامك سيد "

حميد خايف باوعله صفح "چنك مامقتنع انه سيد تره عدي كارت هسه بس ارفع راسي يعبركن "

ارغد عاينلي" مو اكلك عده واسطه "

حميد"لنك ياسويف ضامن نجاحك دعاينله منو العده واسطه انه لو هوه دشوفه يمشي بحيل صدره"

سيف" حميد لاتستلمني خال عينك عليه الله يستر
اذا نجحت "

حميد"احلف عليك طالع كول بينه اذا ماا مفول لل ميه انه مااطلع احمد ابن جاسب "

اجت كفاء لازمه النتائج وياها معلم يوزعون على الطلاب اول واحد بينه استلم ارغد ناجح معدله
88 حميد فتح عيونه ارغد ضاج

ارغد "خليت عينك لحد ماكبستني "

حميد عاينلي"انه وشطالب من ربك "

اشرتله اسكت عوفه صاحوني استلمته كفاء
مبتسمه همست مبروك سيوفي

مدو الطلاب راسهم ضمنهم حميد معدلي 98 صاح
علييييي بالرياضيات 100 مدكلي ياباني مسطرهن
ميايه ابن الذينه

اخذها مني ارغد ضل يقارن بدرجاته ودرجاتي
عرفته ضاج حقه تعب مثلي مااعرف ليش ماطلع
نتيجه

حميد استلمها ناجح معدله بلسبعين فرحان ويركص
بجفيه اخذنه الطريق كله يطك اصبع 

كضة والله والكضاها بطيب وكفه
ولا رجلي على الشمات وكفه
نخيت الي حضرته الناس وكفه

يلين كل كلب قاسي عليه

كلها منيدي والله ضيم الفاني وعذباني
حميد يمه

ارغد يهز بيده وحميد يركص
بيومها عشت فرحه وعيشتها للشيخ
وانه اشوفه حاضني ويبوس بيه

طبطب على متني "ماخيبت ضني بيك"
جنت متاني يكلي اخذنك للشمال
يم ريحت هلي

مناطر ايام حميد شافني مكدر خاطري اخذني
ليم مكانه الساكيه رتبنا وخلينه حصيره من عمل
امه جانت من السعف تكفينه ثلاثتنه

همس "شنو المكدرك يخويه ماضنيت بيوم هيج
ماتريد عيشتنه اعرفنك ابن شيوخ من اول مادشيت دار الشيخ وسمعت سالفتك هندامك وحجواتك مومال ابن فلاح ولا ابن رجال عادي

معدل وكلامك مدوزن على كولت ابوي لهفتك
وشوكك لهلك يحز بخاطري وانه اتخيلك تغادرنه
وتلفي بكتر اهلك حكك ذول عزوتك بس انه احسبنك اخوي لون عدي اخو مااعزنه كدك "

نصيت "حميد الله شاهد عليه انت بمعزت روحي
رافجتك وكت حاجتي شفتك نعم الصاحب ومااخيرك على اهلي ويحز بخاطري فراكك
تعرف وضعي الشيخ مامكصر عليه بشي بس ابقه
هذا الغريب ابوك اله فضل عليه من قبل يسجلني بسمه وساكت غيره مايسويها وانه اشاركه حلاله

يخوي اريدلي على الاقل هويه اشوف بيها حالي
اضلن للكبر بسمك ابوك وانه عدي ابو واهل مادارين وين اراضيي "

نصيت بالم والله غصب عني نزلن دموعي  شنهي عيشتي مجهول لامن عمام لامن خوال لامن اخوه ولد عم بيمن اشد حزامي "

"انه موجود ليش هيج تحجي يخوي دامني يمك
ابقه اخيك والله لنك على كلبي مثل مي بارد بعز تموز هونها لاشيل هم ربك يفرجها "

نصيت ساكت متامل بلشيخ خير
ردينه للبيت دخلت للديوان ومنها لغرفتي
نمت كعدت ويه صيحت الديج صليت لكيت
الشيخ كاعد عاينلي يبتسم

الشيخ"اجيت اصحيك تصلي "

هزيت راسي اسبح كمت سويتله مكان وكف يصلي
هذا عمري ودراستي فهمت فرق عقايدي عن عقايده
رغم كل البيت ماحسسوني بهذا الشي

لجن من اوكف اصلي وياهم يبين الفرق واعتاديت عليه وهمه كذالك لليوم محد بيهم حاول يغير ولو شي بسيط من فكري

وانه طفل البعمري يعلمو ويخلو مثلهم بس الشيخ
كان متقبل هذا الشيخ وعرفت موكلها نفس اختلاف الفكري الزرعو البعثيه حميد مايدري شنو منهجي

ارغد ماعده علم موخوف ولا حذر هي هيج مشت الحيات ماكان عدهم اختلاف اذا كتفت ايديه

مر شهر الامل بده بكلبي يموت مااريدن احرج الشيخ مقدام وزياد يوميه اشوفنهم واخجل اطلب

شغلي مستمر بي كمت انه الاصرف على نفسي
من افتر بلسوك واشوفن قطعة قماش تعجبني احب اخذها للحجيه مااتردد وكفاء والبنات

الحجيه ماتقبل "يمه انه عايزه كطع كماش هل الديلاب متروس لعينه الي عمر واكطعهن عليه
لم لرويحتك خليلك تجوه للزمن محد دايملك "

سيف"لا حجيه انه احب اجيبلج يعجبني اشوفها
عليج اتخيل امي لابستها"

الحجيه"اروحن سبع فدوات لحجواتك ولاسويهن
والبسهن واخليك تشبع شوف بيهن"

ابوسها براسها واطلع اسمعها تدعيلي مره سمعتها
تكل لكفاء اخيوانج مايذكروني بكد هاليتيم

اليتيم تردد باذاني تجرح مسامعي جرح لحد متوصل
لكلبي تنزفني دم يمته الفرج يااللهي تعبت وتعب
الانتضار مني

نمت وراسي مصدع من التفكير وصلت القناعه انسه سالفة الشيخ وانه اعتمد على روحي اجمعلي جم فلس وانه اروحن بنفسي للشمال بس اخذ المكان
المضبوط من مقدام لو من فرات دون علم الشيخ
وزياد ادريهم مايخلوني اروحن وحيدي

اليوم كعدت نشيط كملت صلاة الفجر تريكت ويه الشيخ متعودين سنين انه وياا نصلي سوه بلديوان ونتريك سوه وراها يطلع للبستان وانه وزياد نروح للمدينه

كملت وشلت الصينيه وديتها للمطبخ شفت كفاء كاعده تعجب وبصفه جبنه تصبلها مي

رفعت راسها شافتني ابتسمت بخجل

همست لنفسي اروحن فدوات لخديداتج الموردات "

نصيت وطلعت شوفتها روتني روي شبعتني هسه صار عدي واهس للشغل

رديت للديوان اتاني زياد

طب مقدام صبح علينه وكعد

الشيخ"ها بويا كملت كلشي "

مقدام"كلشي جاهز وهسه زياد يجي ونتوكل "

الشيخ" حصلت المجان لو مثل نروح على وجهنا نهبد بولايه مو ولايتنه ولا عدنه معارف بيها"

مقدام" لا بويا اطمأن مرتب كلشي "

علينلي "هاا شلونها معنوياتك "

مافاهم شي كتله"بشنهو معنوياتي "

التفت للشيخ الشيخ ابتسم غمض عيونه ياكد كلامي
كال"لا مداري عني ابو السيوف كوم كوم حضر جنطتك"

عاينت للشيخ"شنهي حجي شيكول مقدام "

الشيخ"كوم ابني حضر ملابسك ياخذوك وياهم للشمال مثل ماوعدتك"

والله ساعتها ودي احضن الشيخ ودي ابوس مقدام وزياد من فرحتي عيوني خانني نزلن دموعي الشيخ
عكد حواجبه كال"جنك ناسي وصيت جدك "

هزيت راسي "لا ماناسي غصب عني حجي لا تلومني"

الشيخ"لا حبيبي يلوم روحه اليلومك بس روحتكم لو صايبه لو خايبه بعد هي يم ربك "

بست راسه وشكرته طبيت الغرفتي الم هدومي
ودموعي تنزل مسحت وجهي اخذ نفس هاي
هسه انه رجال عيبه عليه ابجي وعلى كولت
الشيخ لو صيب لو تخيب

ساعه ووجهزنه زياد طلعله شغل الحجيه والشيخ ومقدام رحنه توكلنه للشمال

مقدام عده صاحب ب هولير محامي من اكراد بغداد
يندل وعده واسطات بمديريات السليمانيه

وصلنه نزلنه بفندق

سديم▪

انا تلك صاحب الشعر الذهبي الذي خالطته
اشعة الشمس ليكن نقمت عيشي مرارت حياتي زرعوها
هم وليس انا

وكفه بصف اختي اماني تعدلي بشريط شعري حمر
اموت عليهم المديره طلبت نلبسهن بس المتميزات

_سديم"امانيي يله تأخرنه راح يدك الجرس "

_اماني"بعد وكت ستوها بالسبعه وربع خل نتاني ريحانه "

_ جريتها من صايتها واكفه تلف بحجابها وتعدل بي
"حبابه اريد اشتري نستله باعي لازمه خمسميه ثنين الي والج "

_كنبصت كدامي تلف اطراف ستوتاتي تباوعلي بحنيه  "مانتاخر بس تجي ريحانه  نطلع ومناك نشتريلج من عمو "

_اريد اعترض اندك الباب راح اماني تفتحه ريحانه بلباب

_اماني"وينج تاخرتي "

_ريحانه  تلهث "غير الوالد ماخلاني اطلع لحد ماختمت اخر ايه "

_اماني" بعد يركض وراج ويجبرج تحفظين اربع ايات الصبح "

_ريحانه  " اي مشوفيني تأخرت اليوم كعدت اصلاً فايت وكت يادوب صليت شفته مااكعدني كلت فلتت منه بعدني ابدل لكيته متانيني بلمطبخ وماما سوي فطور "

-اماني" هاي اكلت راسي تريد تشتري نستله "

_ريحانه  ابتسمت "تدلل سدومه شجم سديم عدنه
نصت باستني بخدي "

طلعنه للمدرسه بلطريق اماني و ريحانه يسولفن واني بينهن وحده منا لازمتني وحده منا

جانن مدارسنه وخده بصف الاخ اول بنايه الروضه وراها الابتدائيه والبصفه الثانويه مدارسنه مختلطه
بسبب قلة المدارس لهذا اغلب بنات القريه حدهن
للسادس ابتدائي بس العوائلهن منفتحه يقبلون يكملن

اماني حاربت ابويه يله خلاها تكمل رغم بطلها ثلث سنين وفاتها هواي رجعت كملت وربعها وصلن
للسادس اعدادي وهيه ستوها ثالث متوسط

وصلني بلاول وراحن اليشوفهن يكول اخوات مو صديقات والبينهن اشهر على التعارف

كملت دورسي ورجعت وياهن اول ماوصلنه احنه
ريحانه كملت دربها للبيت

دخلنه للبيت ميتين تعب الجو بارد ركضت كدام الصوبه
ابويه كاضنها مخيم عليها وامي شفتها بلمطبخ  سوي
غده

_ابوي باوعلي عاكد حواجبع "امشي بدلي "

سديم"ادفه وادخل ابدل" ضليت ادف بيديه واخليهن
على وجهي صاير قطعه ثلج

زمخ فززني "شكتلج بت ..... امشييييي"

اجت اماني جرتني طببتني للغرفه وسدت الباب

حجت بين اسنونها تخاف يسمعها"كم مره نبهتج لاتعاندي وسوي اليكلج عليه تردي يكضج يطبطبج "

_سديم"شسويت غير بردانه طايره الملابس ادفه
وعلى كيفي ابدل"

_اماني" وكحه مالومه بيج شوفي عصبي تحسين
شكد شكبره يخاف منه وميوكف بوجها انتي بطول
الجف تعاندي وتخلي يفور انوب احنه النطيح بيها
لو امي "

سديم"اني مو وكحه بس هوه ميحبني شمسويتله
صديقاتي ابهاتهن كلهم يحبوهن ويصرفون عليهن
بس بابا ميريدنه ودومه عصبي ويضربني"

وكفتني تنزعني بصدريتي "يحبج وحبنه كلنه بس
انتي وكحه وهوه ميحب احد يعانده لو يكلج على
شي مسوي ميصير شو رفعي راسج "

نزعتني ولبستني بلوز التراك تحجي وتلبس بيه

_اماني" حبيبتي هذا ابوج والاب مايكره هوه تعبان
من البستان والفلاحه هل شوفي عصبي ويضربج
وانتي هم ماتصيرين عاقله وتخلي مايمد ايده "

_سديم"حتى من اسكت ومالعب وين مايشوفني
يكفخني ويضربني على راسي دوم راسي يوجعني
مرات ينفخ هيج "واشر بيدي شلون يصير مكان
الضربه ....

_اماني جريتها حضنتها احاول اروضها ابويه حطم نفسيتنه خلانه مشتتين اشوف اخواني يشردون منه بلشغل يطلعون من الصبح لليل في سبيل مايشوفو
ولا يتورجون عله ضلمه

لو اخواتي الزوجن على صغر من ضلمه وراحن لضلم العيال مابيهن وحده مرتاحه كلهن مشلوعات كلب
اب اقل مايكون اكول عنه انسان عديم الرحمه والانسانيه

سديم بنتي مو اختي احاول بكل الطرق اعيشها بجو
غير العشنا مااريدها شوف الشفنا بطفولتنه نزلت دموعي مسحتهن بخفيه عنها سديم ذكيه بشكل

اخذتها نتغده جانو الولد ستوهم جايين ومغسلين لتمينه على السفره تحسين وحسام كاعدين

_سديم▪
كعدت بصف تحسين هذا مكاني ماافاركه عادتي اتجه على زره رغم تجوتي تاذي بس مايحجي واني مكيفه
بهاي عادتي

كملت كمت طبيت انام والعصر اطلع العب ويه صديقاتي

الصبح مثل ايامي معصومه واماني يمشن واني وياهن
طببني للمدرسه وراحن كعدت برحلتي وكفت نزعت جنطتي خليته على الرحله طلعت كتبي

اجاني بلهفه درت وجهي راح يلزك الازرك

_وكف مقابيلي  "اليوم حفظت كل النشوده مثل ماعلمتيني"

_ رفعت حواجبي بضجر "كرم روح الرحلتك ولاتجي
يمي اهلك مو كالو لاتلعب وياي "

_نصه خجلان واني اباوعله بطرف عيني ورافعه تك حاجب همس "سدومه انه مااكدر بس انتي احبج واريد العب وياج "

_"واني مااريد العب وياك يله روح طلعت من الرحله دفعته على كيف وصلته لحد سرا "

رجعت السراي بده الدرس وكملنا من التفت الكا يباوعلي ضايجه منه لان اخته مره طردتني وكالت
بعد لتجين عليه مايريد يلعب وياج

ضجت وضليت زعلانه وصارلي سبوع مااقبل احاجي
كرم رفيقي من اول ابتدائي لحد هسه واني هسه ثالث
ابتدائي

رجعنه للبيت ويه حلتنه حلو اخواني من الشغل امي اخذت فلوس من تحسين تشتريلنه قطع قماش

كعدنه نتغده

_تحسين "يمه بدربج شوفيلي قميص على ذوقج بس كون راهي مو ضيك "

_حسام"ماتروح انت تشتري امي شعرفها بمقاسك

_تحسين"لا هي تعرف مكدار جسمي ذيج المره جابتلي طلع فيت "

اباوع لمي والكمه بحلكي تغمز لتحسين وتاشرله عليه شفتها نزلت ايدها وعاينت على الاكل لكفتها

_سديم"عبالج ماشفتج والله اله اروح وياج كل مره تقشمريني وماتاخذيني "

_اماني"سدومه شعدج رايحه شرايج نكعد اني وياج نخيط لعاب "

_سديم"لا اروح ويه امي "

_ام تحسين "منو كلج اروح اخوج يحجي وحده"

_سديم"لا جذبين عليه عبالج مااعرف حركاتج وتأشريله وسويله هيج عود لاتحجي كمت ركضت
للغرفه لبست ملابسي وطلعتلها هاي اني متانيتج "

تحسين وحسام يضحكون وامي ضايجه بس اماني
تباوعلي بحنيه كالت "حبيبتي ليش تعاندين "

_سديم"ما اروح وياها ماما اروح وياج لو تموتيني
ماارجع وحتى اذا كلتي لبويه مااخليج ترحين "

_عاطت بيه "شنو انتي تحكميني اذا مااريد اخذج
لو تموتين نفسج مااخذج سديمه بيج وماتتوكحين"

_عكدت حواجبي مارديت ضليت كاعد بعتبت باب
الهول

_تحسين"تعالي كملي اكلج"

_مكتفه ايديه هزيت كتفي ودرت وجهي

_تحسين"لتعاندين سدومه حبيبتي تعالي اكلي وهي تاخذج وين تعوفج"

_مارديت

كامت اماني انطتني لفت بيتنجان مكله وطماطه نيه
وياها ريحان اخذتها اكلتها همه ياكلون واني كاعده بعتبت الباب متنحره ومعانده ماانام اضل كاعده
لحد ماتروح اخاف منها تغافلني وتروح تستغل نومي

وهاي اماني اطابقها ماتردلها طلب شتكلها تسوي

كلمن راح الغرفته تحسين وحسام ويانه بنفس الغرفه
ماما واماني لمو السفر وغسلن الماعين اسمع طكطك
الصحون امي فاتت ترتاح بغرفتها

واني بعدني بمكاني فاتت اماني شافتني تقربت يمي
"كومي وياي نام واني اكعدج من تروح"

سديم"مأ مأ اجذبين عليه وتخليني انام ومن تروح ماتكعديني"

كعدت تقنع بيه صح رحت وياها بس ضليت كاعده ماغمضت عيوني رغم نعسانه بس عاندت مر الوقت اغفي وافز اكعد واماني نايمه ضليت على نومتي
اتكلب ساعتين مرت

سمعت طكة باب اعرف صوتها باب غرفة امي كعدت على كيف لاتفز اماني وماتخليني اروح وخرت الغطه
طلعت امشي على اطراف اصابعي

طلعت للهول ماكو فارغ طبيت للمطبخ شفتها كاعده
على البساط لابسه حجابها الاسود وبيدها جواريبها
تلبسهن  كملت وكفت دنكت تاخذ عباتها ويه وكفته
شافتني

صاحت "ييييمه الرحمان اجت اعليه دهر فر راسج
وراس امج بت ..... طلعي صوت تنحنحي وكفتي كلبي"

اركض وتركض وراي وكفت فحطانه

سديم"ماسويت شي طلعت ادور عليج لكيتج بلمطبخ
وحدج هبطتي سويت"

ام تحسين" شكعدج مو جنتي نايمه "

سديم "مانمت سمعتج من طلعتي "

ام تحسين"عرمه من يومج عكس خواتج صوتهن مااسمعهن بس انتي عليمن طلعتيلي امشي يله كدامي البسي حذائج "

ركضت لبسته حذائي وطلعت وياها جان الجو شته والضهريه مابيها شمس وطلعنه مشينه للشارع العام ننتضر كيات تاخذنه للمدينه عبريه

اجت كيه صعدنه كدامي كرم وابو امي تعرف ابو لان وكيل حصه ودائماً هي جيب الحصه منه ويعرفني

والده صار يسوالف لوالدتي" ام تحسين تدرين كرم خابصنه بسدومه كام يضحك وين مايكعد يسولف بيها باوعلي بابا انتي معلمته شلون يحفظ الانشوده وماخذ عشره بيها "

"دشوفهه اشكد حلوة بيضه والشعر اصفر من يكول تقبل بيك انت اسود"

كرم ضاج دار وجه على الجامه واني اباوعله بكل صلافه وهو خجلان منصي

مرت الايام وكرم بي ومايتعلق بيه صار ميفاركني بعيونه ماجنت اعرف هذا الشي منبعه مجرد صديق الي

اماني صارت تروح يم ريحانه تجي مطبعه باطباعها تلزم القران تقره يوميه نص جزء لحد ملتزمت وصارت بليوم تقره جزء كامل

ريحانه كون عليوه ياسريه اقارب الشيخ جليل ابو زياد وبينهم صلت قرابه عميقه صرنه نعرفهم من خلال ريحانه هواي تحجي بيهم كدامنه

عرفت الما صير كرابتهم الح وعايشه هي وامها وياهم ابوها مسجون وضاله يمهم

كم مره طلعت ويه ريحانه واماني مشت ويانه
تباوعلي تحب تلزمني من خدودي اضوجن

بيوم حلتنه صارت ويه حلت ولد الاعداديه
ريحانه الوحيده بينهن مكبعه الما لابسه صدريه
واماني صايه وانه وياهن فاتو ثلث شباب

الما همست الريحانه واماني  هذا سيف الدين والبصفه الاسمر حميد والاخير ارغد اخوانه
يصيرون اصدقاء خالي زياد

ااباوع هذا الطويل بيهم صح منصي ويمشي بس عيونه النه ويتحج بسالفه علمود يلتفتت يباوع

نصيت اخذت حجاره ارد اشوفه بعد يباوعلهن
شافتني اماني كالت"خير ياطير المن لازمه حصوه"

اشرتلها "اضرب ذاك المايستحي كل شويه يباوعلجن"

الما همست "دهر لا عفيه اماني لزمي اختج تفشخ الولد نوب "

اماني"ياهوه تقصدين"

الما"هاي تاشر على سيف ماتعرفه يصير ابن الشيخ"

اماني"ياااا دهر يفرج ياسديمه شو جرت ايدي وخرت الحصوه تلفته بلكاع ترديني تبلينه"

"ماتستحن تحبن الولد يباوعلجن ومكيفات اذا ماكول الامي عليج "

كفختني اماني"ثوله ابنهم يصير كرايب الما يعرفها"

التفتلها"منيله يعرفج لو يعرفج جان اخذج ويا للبيت"

الما"مشوفين وياا اصدقائه وبعدين شعدي راجعه وياا غير وياجن دربي"

سكتت مامصدكتهن

ريحانه

خربانه ضحك بداغلي على سديم واكفتلهن عثرت حجر للبنات حصر احد يباوعلهن لمتلها كومت حجار
وتفشخ بيهم

قريب ماايوصلن سديم واماني بليتهن لمحت
شاب ويه الشباب اليمشون بس مبين اكبرهم
طويل حيل

واكف ويه هذا الولد الحلو الاشرت عليه الما كالت اسمه ارغد باوعلنه عكد حواجبه الما صفي

ضل يباوعلنه هوه واكف ويه الولد قريب منعبره
هذا مستمر يباوعلنه نصيت راسي اخجل من نضراته
جنه مايعرفنه واني هم اول مره اشوفه

الما حست كالت "هذا تميم اخو ارغد شعده هيج يباوعلنه "

سكتت نضرته عرتني لزمت عباتي عدل اخاف طالع مني شي واني ماحاسه بروحي اثناء المشي

عبرناهم حسيته بعدها عينه علينه كرهته شهل صلافه عيب يباوع للبنات اجيتنه نعثر من ربكتنه
بنضرته

طبيت للبيت ضايجه البيت هدوء محد بي مثل العاده امي اصلي وتنام الضهر بس بابا من يرجع
من الحوزه اصب اني ويااا ناكل سوه

طبيت للغرفه بدلت غسلت وتوضيت وكفت اصلي
مااعرف شلون كملت كعدت كارها نفسي اول مره بالي هيج يشرد غمضت عيوني شنو البيه وهيج
باوعلي

سامع عني شي احنه قريه صغيره ناس تعرف ناس رغم اني اول مره اشوفه بس اكيد يعرفني ويعرف عائلتي والدي سيد محمد معروف اغلب زواجات القريه هوه عاقدلهم

كمت تعوذت من الشيطان عدلت صلاتي وكملتها ويه تعقيبات الصلا وهذا ماراضي يروح من بالي

..........يتبع

تابعو الحساب كلشي يصير هم يتهكر الوات حسابي يمكم