بين الكاف والنون (كن فيكون)
البارت السادس
الكاتبه سجى الطائي
//////////////////////////////////
هـلي ..
وثبتت گـلوبـنا ولايـه ،
وسـوالفـنا ظفـيره
وشـوگـنا لـدهـله ،
ومحـبـتـنا اظـنونـّـه
وخطـارنـا تـراب الجـزيرة .
وديـــره ديـــــره .
المـوت من يشـرب الـوادم ... ديـــره د يــــره
وديـره ديـره
الفيض من يمحي المعـالم ... ديــره ديــــره
________________________________
سيف الدين▪
صافن عاينت الارغد "بلقرأن تره اشوف شغلي ويا ارغد لا شوفني ساكت ادور خاطرك واكولن اخو رفيجنه وعيبه من الوادم شوفنه نتكاتل شنهي وكفته هيج وعينك عينك يكولها الشارع شارعك صحت شارعنه
وغصب عنه اردن اشوفن بعد هيج يتنوعلهن"
ارغد"سيف اخويه اعرفه ماعده هيج سوالف وينه وين الركون يكضي نهاره شغل ويرجع بليل لجماعته بلكهوه صارت صدف "
شيف"عميان مانشوف شنهي هاي وكفاته ومناطره
حلتهن انه اثول وتغشمني اخيك ماعده هيج سوالف"
ارغد" هوه لان اخويه اعرفه لو غيره مااعترض بس تميم عاقل مو طايش "
سيف"عاقل مسودن كله بعد لا يكرب صوبهن لان ساعته وحك علي وخيبر الي ماتحلفون بي جذب هاي انه احلف بي لا اسويه كعدت ديوان وانسه الرفجه"
عفته ورجعت وراي حميد اعرف خشنت خاطره بس سالفت اخو طلعت عن ماعونها وجنه زاده ماصخ ميغزر بي عشرتنه
صاني يوم طالعين للمدرسه والما وصاحباتها كدامنه نفس المدرسه بس عازلين صفوف الولد عن البنات بس بلفرصه سنجمعون سوه مع ذالك الما وصديقاتها مالهن شغل بينه ولا ويا اي زميل هذا شي ريحني
اشوفها هادئه مطيعه دومها منصيه وهذا الشي برد
كلبي
دخلنه بسنه جديده بعد مرور شهر
والوضع على ماهوه عليه انه وحميد منتفارك ارغد اخذ
بخاطره جم يوم وردته
اليوم شاد حزاني لا رحت للمدرسه ولا رحت للشغل مكابل العربي علتي هذا امتحاني باجر
حميد وصيته عينه على الما ها جبانه تستفقدني ويضل بالها انطيتها اشاره من طلعت للمدرسه فهمت مارايح
ضليت اقره ساعه اجنكل رجليه والكتاب فوك راسي
اقره وساعه اطفر افتر بلبستان انوب الضهريه صح بيها شمس والجو بارد ادفيني
بس مزاجي مدري شبي اليوم قريت لحدما الكتاب مل مني قريب العصر شمرته طلعت للمطبخ
دكيت الباب الحجيه تعرف دكتي صاحت "طب ابني "
دخلت الما وبراء ورجاء واكفات يسون عشه همست للحجيه جوعان وانه عيني على غزالتي البيضه
عاينتلي بخجل نصت تكمل شغلها رحت مستغل الوضع جدامها اراهق اووف يشوفتها وصدت عينها
الحجيه التفتت هاا يمه جوعان
سيف"لا يمه هيج ضايج وراسي موتني كلت ارتاح يمكم وهم افرغ مخي بلسوالف وياكم "
ابتسمت جنها حاسه بلنكره دنجت تكمل "اثارك ملعون يسويف وانه اكولن هلود على نياته والله منطي"
ضحكت" شمسوي ماترديني اكوم "
باوعتلي "اكعد اكعد الله يهدي النفوس ونطيك على صبرك "
سكتت اعرفها دوم هيج تدعيلي وكلبها صافي ضليت اداهرها وكيمري ضاله مره تعايلنه مبتسمه من تفطن على روحها ترجع تشتغل كفاء كل نوبه تجي تاكد
عليه تريد تختبرني
وانه طافر من كاعي وعايف الكتب جلبت كل نوبه ترد
تصيحني عاد كمت مجبور فتت منها همست على الماشي "يماي صبري من العطش تروي بثوب الخجل"
عفتها وكعدت مكابل كفاء على النقطه تحاسبني وانه شلوني منا اذا خليت بالي شغله اسويها عناد واثبت جدارتي
هفتني بلكتاب "ارد اشوف طلع خمسين على هاي قرايتك الشلاليه"
كامت متعصبه اووو هاي شلون سالفه رديت اقره من جديد وهلمره بدفتر ساعات انه مدنج حتى حميد اجاني شحته يقره يريد وياي وانه ماافهم اذا مااسلطن
كملت وانه اعين الساعه بلوحده يابويه ناسي روحي
طفرت مددت غفيت من التعب
امتحنت وطلعت مفول على كولت حميد عدنان درجال من يريد يهدف رجعت للبيت تعبان وصلت
اعاين البنات كالبات البيت واسمع مصايحهن هاي شنهي طب الشيخ شافني "هاا ابني شلونك بلامتحان"
سيف"اي شيخ "
"دكوم بابا عاون الكصاب "
"شنهي ثواب سوي"
ماسمعني طب يبدل
كمت عاونته صلخ الطلي كصصنا البنات كل شويه
صايحات واحد من الولد عدنه عرس وانه ماادري
شلت طشت الحم وزتيته باب المطبخ صحت ام مقدام كفاء هذا الحم انه بلديوان
طلعت جرته هي والبنوات وانه دشيت للديوان
شبحت بلحمام البي ونمت
فزيت على هوسه وربدت اجدامهم طفرت اعاين الديوان متروس العينه باب الديوان على البيت مفتوح على وسعه شنهي الصاير
طبيت للبيت وانه صدف اطبلهم للداخل
النسوان كلها ملتمه الحجيه مدمعه وتمسع بعيونها
كفاء والبنات يبتسمن بلنص كاعد الحجي ورجال شايب بلحيه طويله و ما مرتب
عاين على الما الي خاتله بكتر امها صاحها كم مره
ترجف ودموعها تجري استغربت ضليت اعاين
وكف على حيله تقرب الها وامها تبجي لزمها من ايدها
انه كل عكل ماضل براسي الشيخ شلون قابل
اكثر من مره حاول يجرها وهي مفرفحه ودموعها جوني جوي رد جرها قوي صاحت يمه وخري وخري ودفع بي تسودنت طفرت جريته بوكس كومته بلكاع
كلها صاحت وانه مخنزر عليه"شنهي انت ماتخجل ماتشوفها ماتريدك شرايد منها "
وكف عدل راد يحجي دفرته كفاء والحجيه ركضن دفعني واصواتهم عاليه وكفاء تضرب خدها" دهر صاب راسك ولك شسويت"
صحت "مشوفي يجر بيها شيريد منها "
الحجيه"دمشي للديوان اول تالي انت دش لهنا "
حسيت بجرت اذني الشيخ عاكد عواجبه وعيونه مغضبه عرفت سوايتي جبيره اول نوبه هيج الشيخ يلزمني فوتني الغرفتهم وسد الباب
"انت ماعدك عكل شلون تضرب الرجال ولك هاي
سوايه شبيك عكلك وين سيف"
سيف" شيخ ماشفته يجرجر بيها وهي ماقابله شيريد منها شعده وياها"
الشيخ"مسودن انه ملفيلي مسودن انت تعرف هذا منو البره ويأشر بيده تعرفه منين جاي وشنهي سالفته لو هيج من شور عكلك الزغير كمت ضربته "
شيف "شيخ ...."
الشيخ"ولا حجايه هذا ابوها وصاله 14 سنه ماشايفه هلشوفه كلبه عليها ويريد يسلم وياخذها بحضنه وهي ماقابله "
فتحت عيوني مصدوم ابوها وغايب 14 شنه وين جان
نصيت خجلان منه ومن عملتي السوده "انه ماادري بي لو اعرفنه مااهيج اسوي"
الشيخ"الله يسود وجهك مثل ماسودت وجهي "
ضليت منصي حسيت بذنب جبير شمالني ستعجليت
والشيخ يتنهد "ولك انه سنين معتني بيهم هيج صغرني كدامهم مااخجلت من ضربته بكد ابوك فوك حركت كلبه تجي انت زودها "
خلاني اجيت ابجي والله الدمعه جمعت بعيني سكت يتنهد ويزفر ماقابل على سوايتي "تمشي تعتذر منه نوبت الاخ لاتدخل دامني انه موجود "
صاح "سمعتني لو طورشت"
هزيت راسي
"دمشي كدامي خزيتني خليتني بوجه الاسود"
طلعت كدامه شفته كاعد منصي مبين عليه انسان عاقل وتفاجئ بيه من ضربته ورغم هاي ماردي الضربه جان يكدر
عاينلي وكف مديت ايدي"انه اعتذر منك عمي السموحه لو اعرفك مااهيج سويت سنين انه هنا ما مصادفني ولا الي علم بيك موجود كل ضني والدها ميت "
ابتسم "حكك يابه حكك وهاي عرفتني اريدنك هيج دوم دافعلها ماعدها اخي وانت اخيها"
هيج بسمار نكدني وجان محط شكوكه وهل جابها بكلبي سكتت وهزيت راسي بلرضا
طلعت من البيت توجهت لحميد شكيتله وهو يضحك
"جنه ابوها مو قليل وهيج يحاجيك وهوه اول نوبه يشوفك "
سيف"اوووف وهذا انه الخايف منه لا يطلع ابن سطعش..... ويحرمني منها "
حميد"لا خوش رجال ابوي سولفلي عنه خلي راسك بارد "
سكتت
وكف "شنهي سيف اذا ضل هيج ماد بوزك ورح جدي انكدك بدابوكه واكملها عليك كوم نزرع "
سيف"شزرع بهل هوسه"
"خس نزرع هذا موسمه"
صدك كمنه زرعنه وبدينه نضحك ونشاقه كملنه ورجعنه لمكان ساكيه
و راح و رجع بيده صينيه لبن و تمر و خبز
كعدنه ناكل نسيت سالفتي العوجه رديت للبيت نمت
كعدت يوم جمعه مطيت جسمي
باوع الشيخ كاعد ووبصفه صينيت الجاي ورجال
ماعرفته ضليت اباوعله جني شايفه
سلمت عليه ضليت مستغربه
كلي "منو انه"
سيف اعاينله واعين للشيخ "ماعرفك اول مره اشوفك"
" تاكد مني يلا تجاوب"
ابتسمت "ابو الما"
"ضحك اي عفيه هسه حفظتني"
هويت راسي وطلت اغسل ورديت كعدت وياهم
ريحانه▪
بعد حادثت البايسكل خرط عقلي انه شني الجاي يصيرلي الما نبهتني على شغله ماجانت بلحسبان وهي
دكولها"ولج هذا واكع ومسيس بلبلم"
باوعتلها "مسيس شنو"
غمت روحها"يعني يحبج ماشوفي لون يتانينه وبلرده ينتضر حتى بس يشوفج والخلانه نتأكد عركته ويه اهل بايسكلات كطعهم بعد بيتي بيهم "
صفنت يحبج حسيت بلويه بمعدتي من اذكرها ماادري شيصيرلي يعني واذا حبني شيصير اذكرت بت خالتي من ازوجت رجلها على حب بلحوزه جان استاذها واخذها من اروحلهم أسألها
ماجنت داريه هذا راح يفتح عليه ابواي جانت مسدوده
اليوم ختمت الجزء السابع عشر حفظ وتلاوه والدي وره كل جزء ياخذني للنجف صادفت عطلت نصف السنه
انه والبنات خلصنه اماحانات اخذنه كلنه كضيت العطله
ويه خوالي واجدادي شكد تونست زرنه الامام
والكوفه اجولنه بيها مقامات متعدده رحنالها ارتاحيت نفسين
اليوم بيت جدي اهل امي عازم العلاوي خالاتي ورجولتهن وبناتهن مسوي ثواب لروحي بيبي
التمينه اني وبنات خالاتي شغلونه على الزلاطه وترتيب الصحون مابينه وحده مفرعه كلنه لبسنه جبب مرتبه
وبلبيت دشاديش عراض مناسبه تخفي مفاتن الجسد
وربطاتنه على راسنه كلنه اليشوفنه نسخ مستنسخه
ضحكنه بينه ميرفع الصوت امي وخالاتي هم مثلنه
حجيهن على البيت والتدبير والاكلات ماعدهن غير شي
اجت يمنه سكينه هاي المزوجه عن حب من شفتها ذكرت ودك كلبي متلهفه اخذها بغرفت السيد( جدي)
اسألها
صدك كملنه وصبينه الاكل الزلم بستقبال واحنه النسوان بلهول
خلصنه طفرت اول وحده يشوفني ويسحلني وياهم اغسل مواعين واني اتخبل منهن شامرتهن على امي بلبيت ضليت كاعده
غفيت وانه على وضعي اني ونومي خفيف حسيت بدخلت احد هذني ميخلني نايمه بدون ازعاج رجعت غطيت بنوم ايدين غطتني لميت روحي
الغرفه ضلمه والجو بارد عطلة نص السنه نهايت شتويه واني منا نعسانه دفو ايد على خدي جنها
لمست ابوي
ابتسمت رحت بعالم الاحلام مافزيت غير سكينه دخلت معصبه وبتها تبجي كعدت كوه فاتحه عيوني
شافتني هزت ايدها
"اني شجاني وزوجت مو جنت مدلله عد ابويه وانام براحتي واكعد براحتي "
ريحانه"شبيج دردمين"
سكينه"دسكتي ماما شبيج اليوم مااعرف ريحانه بتي تعبتني متريد احد وبس تبجي ابوها عجز عنها"
ريحانه" خلي جدي يقره على راسها"
سكينه"هسه نشرلها سكتت ساعه وهسه رجعت"
ريحانه" جيبيها اني اسكتها"
سكينه"اني امها متريدني "
كمت وكفت يمها اخذتها البنيه فحطانه شلتها على متني وادك على ضهرها تناشخ خليت راسها على جتفي بديت اردد السور القصار وارجع اعيد
المعوذات الكرسي لحد ماوصلت لسورة الفجر
هاي السوره بيها خاصيه وهي مخصصه للأمام
الحسين كنت حافضتها والدي علمني عليها اقراها
بيها كانت من مميزاتها للازواج بليلة الدخله يقراها
من اراد الولد
مااعرف ليش وكتها قريتها كملتها اكثر من مره عدتها
سكتت لحد محسيت ثكل نفسها سكينه كاعد على الجربايه ولازمه راسها خفت انزلها وتفز
ضليت بلنص ساعه كامت سكينه اخذتها على كيف ونومتها غطتها وباوعتلي تتنهد بتعب
ضليت وياهاا لحد ماحسيناها نايمه صدك باوعتلي
شسويتيلها وهيج هدئة
"ماسويت شي مجرد رتلت بعض السور"
سكينه"لعد جدي غنه هم قره على راسها وماسكتت"
رفت كتفي شمدريني
تنهدت وباوعت البتها "شكد جنت مصوره الزواج راحه ومثل ماتعلمنه اكمال الدين واستقرار للنفس
واتمام ما خلقنه لاجلها بس الواجهته كان نقله بين
حياتي بيت والدي وبين بيت السيد مسؤليتي كبرت
كلشي بيه تغير طموحي اكمل دراستي قل بعد
ماجبت يتي صرت احمل مسؤليه فوك طاقتي "
ضليت استمعلها همست" والحب"
عاينت الي" موجود بكل مكان حياتنه مو كلها حب
ورومانسيه حب الزوج يختلف عن حب الضنه بكد
ماحبيته بس حبي لبنتي اضعاف "
ريحانه"شحسيتي من حبيتي سيد علي"
ابتسمت" عشت احساس محاسته قبل من همست صوته يدك كلبي من نضرت عينه اتغير واخجل
الحب حلو متكدرين سيطرين على روحج تنجبرين
تفكرين بي وتشتاقيله لو ماشفتي
تنامين تكعدين هوه على بالج وتتخيلي كلشي حلو بيج يشوفه بعيونه تحسين بأنوثتج امامه شايفه اذا
صارت مناسبه ولبست ثوب مميز وكلها كالتلج حلو عليج تتمنيت بذيج الحضه يشوفج بي "
تحجي واني صارت عيونه كدامي كلبي دك شلون دافع عني وشبعهم كتل ابتسمت على نضرت عينه من اعبر من يمه اضل مصفصفه رجليه متخط الكاع
وهوه ياجبل ميهزك ريح بس عيونه تتنقل
هيج ميخاف حتى سيف ماكدر ييعده ضل يجي يوكف ويباوعلي ضرت افرح من اطلع والكا متاني جيتي
نصيت اذكر يوم يوم نكرصت من الوجع صحت اخخخ
سكينه"وين رايحه وصافنه"
ريحانه" وياج اسمعج "
سكينه"لا سالفه عدج مادام سالتيني على زواجي "
ريحانه"لا ياسالفه ميصير نسال"
باوعتلي برييه "مااصدك ريحانه الفطيره متغيره وصايره مره وتفكر "
ريحانه "اكوم احسلي انتي ماعدج شغل"
ركضت طلعت لازمه روحي سكينه بس تلكفني مااخلص من السانه وطبيعتها ام بطيخه متنام بطنها حجايه اذا ماتوصل للكل هذا طبعها
لكيتهم ياكلون حلويات كعدت وياهم طبو الولد
رضا اخويا ولد خالي سلمو وكعدو
نضحك ونسوالف جدي كال"اليوم سيد محمد فرحني بخبر ريحانه كالي اتمت نص القرأن ترتيل "
ابتسمت ونصيت
جدي" بنتي اكو حفل قرأني وياها مسابقه قرأنيه بسيطه تنافس بين المدارس القرانيه وياخذون جوائز
زهيده كونهم اتمُ احكام التلاوه وهم اختبار
الامكانياتهم اسجلج وياهم "
باوعت رضا كال"مابيها شي شاركي وهم تخلصين وقت وتختبرين نفسج "
والدي يباوعلي مبتسم يعني القرار بيدج
ولد خالي ايدو الفكره ماعرفت شسوي غير مطيتهم الموافقه
يومين ورحت شاركت سوينه برفو وكان وكتها
مصطفى الصراف من ضمن الحضور
الارتباك سيد موقف والدي يمي مشجع الي
كنت خايفه مااعرف من شنو رهبت المكان
واعداد الحضور والاساتذه من كباريت قراء
القرأن
المشاركين بأعمار محدده اقامت بلعتبه العلويه بمكان معزول كنت الرقم ٢٢ المسابقه فقط لتجويد
وليست اختبار حفظ القرأن
كنت اني محدد لهم تجويدي من اختيارهم للايات
النصف الاول من القرأن كوني حافظته
صار الاختبار تحت جهد نفسي عالي وضغط
واجهاد فكري اول تجربه اخوضها
رغم الخجل والتوتر اتمتت المسابقه بامتياز
الرضا كان واضح على معالم والدي بحضوره
وحضور رضا وبقية ولد خالي وسيد علي
وجدي
وراها بيومين اعلنو النتائج اني بلمرتبه الثالثه
وكانت عشر مراتب
كان درع العتبه العلويه من اجمل مااحصلت عليه
بذاك الوقت ومصحف من دار النشر بقم ذات
طبعه اصليه
بعدها بأيام ودعنه بيت جدي ورجعنه للكوت
يومين ونباشر بلدوام
جيتي الان مختلفه عن سابقتها كلي لهفه كلبي
دكته تصعد الحنجرتي اغمض والتفكير ياخذني
هذا حرام الداحسه لو حلال
ضليت بريبه كمت توضيت وفتحت كتاب اسمه كنز الختوم قريت كم دعاء انتقلت لدعاء السمات
ختمته دوم من اقرا احس براحه
ناويه اختم دعاء الجوشن الصغير بلعطله احفظه
على ضهر قلب
كمت نمت وطردت الافكار الشيطانيه
كعدت من الفجر مثل عادتي صليت وره والدي وتوجهت بعدها للقرأن بلشت احفظ كل كم ايه سوه
بسبب ضغط الدراسه والدي مقسملي عدد الايات
الحفظ
كملت بعد ماراجعلي حضرت جنطتي صارت بلسبعه
تريكت ويه امي كملت بدلت وطلعت الاماني
منتضرتني
نصيت استغفر ربس مااريد اوكع بلحرام ضليت اسحل بروحي سحل وكفته طوله نضرت عينه
جسمه التارس يبين اكبر من ربعه بعشر سنين
صدته الي ربكتني هيج قلص جفن عينه في سبيل
يركز بملامحي واني انصي خجل ودي اختفي
منجي على جذع شجره مكتف ايديه من يعبرون شباب يضل يعاينلهم
دكيت الباب على السريع طلعت اماني تلبس بعباتها
استجلتها طلعت سديم ويانه تمشي وتتلفت ليوره مدامه هوه واكف هاي ترجع تلتفت
عاينتلي"هذا شعده وياج"
حجايتها صدمتني اماني ضاحت بيها"ام السان سدي حلكج ومالج دخل "
سديم"اني ادري بي واكف مو يتاني حسام يتانيها"
اماني جرتها من حجابها وكرصتها واني متت بدمي
ضليت طول الطريق متوتره حجاية سديم دك بكلبي وخجلانه خفت من الفضيحه وكلها صارت تعرف سيدم واماني والما الي متغيره على رجعت ابوها وحاسه بكلبها شي
رجعت للبيت ماشفته هلمره كملت صلات الضهر والعصر طبيت سبحت وطلعت نمت كلت اكعد اقره
ضليت افز وارجع انام احس روحي بردانه رغم لافه
روحي بطانيتين صوت امي من تندهني فتحت عيوني مغوشه ضلت تحجي وياي واني اغمض وافتح مثل السكرانه راسي وعيوني ثكال
شويه وحسيت بروده كصتي واطرافي همس امي وصوت والدي عرفت روحي صخنت واني كبل يوم حسيت بعضامي يوجعني
لنص اليل اني على نومه وحده اكعد على صوت والدي يقره يمي قرأن وارجع انام لو اسمع صوت تكبيره
ارجف محاسه بلوقت ولا بروحي ماكعدت غير وره يوم ونهار كامل
امي تهمس "شبيج امي هاي حرارتج بلعضم "
"ماادري شبيه يمكن لان سبحت"
"موتينه رعب "
"صخونه عاديه مو اول مره اصخن"
اسماء"يام غير جنج ميته ننده نريد ماكو ضربناج ابر ودينه على مرت المضمد تعرف تضرب كالت خلوها نايمه وحده تكعد "
"اوف صارلي شكد فزيت مدرستي"
اسماء"اخذنالج اجازه ابوج راح "
"عدي امتحان "اجيت ابجي
اسماء"بنتي ماكو شي يستوجب من صيرين زينه هوه المدرس يعيده الج "
سكتت ضايجه شربت العلاج ضليت ثلث ايام اني
مرايحه للمدرسه اماني اجت دقايق شافتني وطتني جدول التحاضير اخوها واكفلها بلباب
استعاديت صحتي ضليت نص نهار اني اقضي الفاتني
من الصلا رجعت لدروسي امي ماقبلت اعاونها
كملت كم درس
كعدت الصبح اليوم خميس استعجلت بلبلس متناسيه امره طلعت اطبق اخر طباقه من فتحت العبايه
مشيت خطوتين وانصدم بوكفته يم دكان يشتري
من طوله عرفته جانبه مبينه
عيونه شدني التفت عاينلي ضرب عليهن الشمس
صارن صفر صفنت وعيت نصيت امشي واتعثر بثوبي
الفرع اليطلع على شارع اماني ضيق
حسيته وراي سمعت همسته يدند
يايمه انطيني الدربيل انطر شاكي وأشوفه
يايمه انطيني الدربيل انطر شاكي وأشوفه
لابس عباة شغل الدير تبرج مابين جتوفه
ياربي بس مطرهَ وبلل درب محبوبي
ياربي بس مطرهَ وبلل درب محبوبي
دزيتلك بل خفيه اربعطش مكتوبِ
هب الهوه من فوگج وفصل شناشل طوكي
هب الهوه من فوگج وفصل شناشل طوكي
من حظن امج لا بو بيج ياملعب الشيطاني
اول مره اسمع اغنيه صوته حلو خفت لا يلمحنه احد واني مافاهمه من الكاله غير صوته دخل مسامعي
من وصلت للشارع العريض مال بساتين سيد جليل
التفتت ماهو طلعت لبيت اماني وكفت دكيت الباب
منصيه اباوعلى حذائي سوده نسيت امسحها واصبغها
بابا يجيبه من المدينه يسموها باته
مسحتها بكفه رجلي نفتح الباب صار بوجهي اخوها
رجعت للخلف مدنكه
كال فوتي ليجوه بعدها مامكمله طلع وخلالي الباب مفتوح صاح هااا ولك وين جنت مو كتلك قبل ساعه انت يمي
التفتت تميم بصفه يحاجي دار عينه عليه غمزلي
رجفت طبيت ركض شارده منه
اماني وسديم مامكملات شطلعني من وكت جنه يعلم بطلعتي ضليت منصيه كملن واني ادعي اطلع ماالكا
صدك مالكيته ارتاحيت اخذنه الما بوستني تتحمدلي على سلامه كملنه الدوام ورجعنه
صرت احب الروحه للمدرس اغالط روحي واتعوذ واركض اتوضه واصلي ويني وين هاي السوالف نوب
يغني يايمه انطيني الدربيل
فزت الصبح تنسيني كلشي امشي وافكر بي
ومثل مااتوقع متانيني بلطريق ميمل شهل
واهس العده
يوم يومين سبوع سبوعين ومرت الاشهر وتميم
هوه هوه وزادني تعلق زادني محبه شي محاسته كبل
هيج اليحبون كمت استفسر بكتب والدي الحب موحرام اذا ماكان يأدي الى الوقوع بلحرام او الانجراف اليه شيئاً فشيئاً
فرحت خلي محتفظه بي بداخلي شي ثمين كمت
حتى اخاف اباوعله اروح مدنكه وارجع مدنكه
مابطل يهمسلي بأنواع الاغاني اخر اغنيه سمعتها
يام العيون السود ماجوزن انا
خدك القيمر انا اتريگ منه
واگفه بالباب تصرخ يالطيف
لاني مجنونه ولا عقلي خفيف
من ورى التنور تناوشني الرغيف
يا رغيف الحلوه يكفيني سنه
ابتسم داخلي شكد صوته حلو ياربي اصبر على قلبي
من صبر ايوب واجعلني من العائدين الى طاعتك وابعد عنه بزغات الشياطين وهمزاته
صار جزء من يومياتي من اشيائي المحبه الى قلبي
ومانت اول خطوات كلبي نحوه بلدعاء بكل قنوت صلا بلهدايه ويعوف الاغاني كانت عندي من كبائر
الذنوب مفاهمه بس اعرف حكم سامعها
........يتبع
لتنسون متابعة الحساب sjo_a1995
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!