بـــــين الــكــــاف والـنـــون
الخـــامس والاربــــعـــــون
بقـلـــــــم.... سـجى الطائي
عاتبني ابعتابك خل ترد روحي
اوهسني . . ابدلالك . . ياشتل شمام
حتى ازهك . . وشوفك وينها اجروحي
بيه اشبع غرورك . .
يا أعز جتال
ــــــــــــــــــــــــــــــــــــــــــــــــــــــــ
عدنه والعوده احمد
نرجع نكمل القصه اعرف الاعتذار مايكفي
يشهد ربي كل وقت للكتابه ماعدي حالين
كدرت افرغ والتفت للقصه اتمنه تلتمسولي
العذر لان خجلانه منكم واعرفكم حبيتوها
وحبيتو ابطالها
انشاء الله بدعائكم اكدر اكملها لان وحق كل
حرف بلقرأن تجيني اشغال مااكدر حتى الزم
الجهاز وتعرفون القصه يرادلها واهس وتركيز
مااكدر اكتبها مجرد تصفيط بدون ترتيب واحساس
اتمنه تعذروني على هذا الغياب الطويل
أرغــــــــــــــــــــد
منو هذا بهاء رغد هادئه مو وكحه مجرد لسان وتصرفاتها برائه مو تصنع نص ساعة اجه محمد انطاني العلاج
كعدتها انطيتها علاج طلعت من يمها مددت ارتاح نمت تعبان من هم الدنيا حاير بعيشتي المن التفت ابو الايجار المولده النفط مخلصين لازم اروح اشتري
لو مصرف بيت اهلي لازم ادزلهم وذولاك الكواويد نايمين براسي فلس ماينطون لخاطر امي وابويا ادفع لو ماهمه
كاسرين ضهري اكول ميخالف اخوتي سندي بهاي الدنيا مهما يكون يبقون اخواني
نمت كعدت الصبح دكيت الباب كالت فووت
دخلت عليها مغطيه نفسها كومي سبحي وتريكي خلي تفكج شوية هزت راسها مبيه حيل بس ارتاح اكوم
تقدمت سحبت الغطه من وجها رفعت نضرها رفعت حاجبي عاجبتج النومه صحصح حتى تروح منج وكفت راح اسوي اكل اخلص الكاج كايمه مغسله
عفتها وطلعت طكيتلي بيضتين وخليتلها ثنين سويت جاي تريكت انتضرتها ماكو ادري بيها مراح دكوم رحت وكفت باب الغرفه صحت رغد كوه حجت صوتها رايح من الصخونه
" فدوه ارغد حباب بس ارتاح اني اكوم اكل واسبح واخذ علاج "
اذا رجعت ولكيتج على نومتج اغركج بلمي وتعرفيني اعوف دوامي واجيج
تنهدت ميخالف
اعرفها تنقهر لهسه غصت الدوام بكلبها وفلوسي ذبيتهن بلشط لان انطيتهن نهايتة الفصل للقسط الها اعتبروهه سنه الا راحت فلوسك يصابر تنهدت
رجعت حاجيتها واني بلهول هذا علاجج ومصرف اذا حتاجيتي شي دكي على جارنه ابو حازم لاطلعين انتي موصي عليج
ردت بس خلي يجيبلي حليب
طلعت وصيت ابو حازم اخذت نفرات وصلت للجامعه وبالي يم اسم بهاء ابن عمها مو اسمه منو بهاء طول اليوم بالي يمه
غيرتي ماتسمحلي بحياته شخص اشوفها عاقله رغم الرفض بعيونها عايشه بخوف من الجاي دائماً تخابر عمتها كدامها ودموعها تنزل من تعرف ابوها يهدد يحز بخاطرها
نص الشغل وطلعت ادخن الشارع ازدحام مديت ايدي الجيبي محفضتي فارغة امي تريد ادزلها مبلغ تروح للطبيب واني موشل كتلها اخذي من تميم ردت بحزن لو عده يمه اجي اطلب منك عصرت الجكاره وشمرتها
كملت شغلي ورجعت من وكت اخذت زمنيه بالي يمها رغم خابرتها صوته مطبك وصلت طبيت البيت اضلم فتت للغرفه شعلت الضوه على نومتها
وخرت منها الغطه حركتها منتهيه من الصخونه ركضت شلتها بيديه طببتها للحمام فتحت عيونها كوه
جريت الطشت والصونده فتحت البوري كعدتها على التخته تجيتها على الحليط حتى حجي متكدر تحجي بس عيونها ذابله فاتحتهن على النص
خليت رجليها بلطشت خليت الصونده بي تنترس طلعت دورت بكنتورها طلعتلها تراك قديفه وخاولي
رجعت لكيتها طكطك ضربت كصتي نسيت الصوبه خرررب انشلشت ترستها وشغلتها طببتها للحمام همست بتعب باااارده اراد رجعني لفراشي
حجيت مخبوص "هسه بس اسبحج هاي الصوبه تدفين بيها والمي كاسرته ربي ستر الكيزر بي مي وحار
دفيته الها ضلت تهز براسها متريد اتقرب منها شلون اسبحج صايره تنور
هزت راسها مااريد عفيه استحي رجعني الغرفتي فدوه
مايصير بابا وخري ايدج جريتها عقجت وجها مااباوع بس ابرد جسمج الحمام دفه نزعت القمصلة علكتها ضليت بلقميص الشتوي هم نزعته كفيت بنطرون لمت روحها
رغد شوفي روحج علاج ميجيب نتيجه وجسمج تعب صخونتج قوية اريد الزمها نترت كوه حجت
اطلع فدوة راح اموت لا تعاند وياي مااكدر فدووه لامه روحها بس اطلع اني اسبح
ماتكدرين ادير وجعي فوك ملابسج اذب عليج المي
عاندت ماتقبل طلعت عفتها كعدت على الكرسي فكرة اطلع احاجي ام حازم المره شايفها وعرضت عليه المساعده اكثر من مرة
شكللها زوجتي مااكدر اسبحها لابد اشك دخنت ورحت قريب الباب دكيته هااا رغد مايطلع صوتها بس صوت المي يطيح من طشت للكاع
افتح الباب ضليت ادك بلباب ماكو جواب قلقتني ماتحملت انتضر صارة فكري صايرلها شي
طبيت على كعدتها والصونده خالتها على رجليها مغمضه عيونها منضرها خوفني هزيتها ماتحركت ذبيت المي على وجها واصحي بيها منتهيا
طلعتها ركض لبستها تراكها وشالها وصايته وهي بيدي مثل المي طلعت اركض الدنيا ليل منو يفزعلي طلعت ادور تكسي على الشارع العام صوصي
ب2010 الناس تخاف تطلع بلاخص بغداد الذبح بلشوارع والحرب قائمه بين الامريكان وجيش المهدي والقوات الامنيه
بعد العشره ناس تقفل بيبانها حركت اليل تخوف رجعت اركض راح تموت اذا مالحكت اخذها
مصار كدامي غير بيت ابو حازم دكيت الباب فركت وجهي هسه شيكول الرجال والناس نايمه ازعجهم
فتحلي الباب حازم "هااا ارغد خير صاير وياك شي"
تعذرني نص اليل داك عليكم
يابه غير جيرانه واهل كول خويه خيرك
رحم الله والديك المره تخربطت عليه طلعت ادور تكسي مالكيت بس انتو صرتو كدامي
كال جايك بس البس مااتاخر
اخذتها الولد فتح سيارته صعدته اليوره ركبت يمه وطلعنه للمستشفى الصيطرات منتشره يحققون كوه وصلنه
طببتها بعد الركضه من طبيب الطبيب ضربوها ابر من اثر الصخونه غايبه عن الوعي الدكتوره شافتها لو ضاله للصبح
ماالحك عليه همزين مانشمرو
كعدت منهار الكانونه بيدها وجها اصفر عمتها من العصر خابرتني تطمن عليها لان دك على رغد ومترد بالها يمها حست بيها شي الجهاز ماسكت
الولد ماعافي "ماقصرت وكفتك ماانساها مااريد اعطلك اكثر توكل ارجع للبيت هسه الاهل ضال بالهم"
حازم "شنو السالفه يابه شمسوي على التوصيله سهلة المهم اهلك بخير وبعافيه من لحكنه عليهم
مااعرف شلون اشكرك لوماا انت الله دزك الي يمكن اخسرها لو صارلها شي "
حازم "الحمدالله عدت على خير واني هنا شتحتاج بس كول"
ارغد "ماتقصر وفضلك على راسي هسه الحجي بقلق يضل ارجع طمنهن واني مااضل للصبح راجعين"
حازم " كلنه اهل والرحمه موجودة وانت وحيد يمنه اذا مااني وغيري يوكف وياك المن بعد نصوم ونصلي وهاي ميزت العراقي توكل خوية شوف زوجتك شتحتاج ماتحتاج واني هنا منتضر "
دخلت الها مااكدرة اخلي يرجع بعدها الحنيه موجوده رغم الخراب والدمار الحتل العراق رغم الفتن والافات الي دخلت على بلدنه نشوف
هاي الحنيه وهاي الألفه موجوده الناس ماتغيرة والا البلد تغير بس الهاي العادات الجديده بدلت كلوبنه وخلتنه ناس ماتعرف ناس
طول اليل علاج مستمر كل ساعة يجون يغيرونه مانمت مددت على الكرسي سحبت باكيتي و رجعته
للصبح فتحت عيونها تقربت يمها الشال واكع عدلته باوعتلي عصرت وجها همست عطشانه
الحمدالله على السلامه همست الله يسلمك باوعت داير مدايرها عيونها تتنقل اني وين
وخرت انتي بلمستشفى جبتج بعد ماتخربطتي
انت راسي يووجعني
هسه يصير احسن على العلاج
طلعت صحت الدكتوره جيكتها كالت تكدرون طلعوها حازم بره خطيه نايم على الكراسي هل ولد الله درة كبر بعيني كعدته رجعنه تشكرت منه
طببتها سويت ريوك شربتها علاجها بعد ااكلت نامج
خابرت جماعتي يدبرولي عذر على الدوام كاعد ولازم ملازمي كدامي الصوبه رغد نايمه البيت دافي لان غرفة بن غرفه
ندك الباب بقوه وكفت هاي شكو اسمع صوت سيارة شرطه
طفرت جريت القصله ضل يندك خرب تفلش الباب صحت واني اسد بلسحاب
لحضه لحضه خرب لشتكم رغد طلعت مرعوبه شكو ارغد
اكو غير الكوا.... جماعتي مسوين مداهمه
رغد"افتحلهم والله عيب من الجوارين "
كتلها فوتي جوه
طبت طلعت فتحت الباب اشوف كدامي ابو حازم وبصفه ضابط ورا مجموعة عسكررين
عكدت حواجبي مستغرب ابو حازم "عمي شمسوي انته"
الضابط "حجي هذا شغلنه رووح بعد هذا عملي دليتنه مشكور"
ابو حازم "بويا الولد نازل جديد والبيت مامن يمي غير افهم شنو شغله وياكم"
الضابط "حجي عليه بلاغ ناخذه نستجوبه نسمع منه الحكنه اذا تريد تفهم"
عيوني تتنقل "شكو خير عمي"
الضابط تفضل ويانه عليك امر القاء قبض"
ســــــــــيف الــدين
صراع الاهل صراع الروح امشي متشتت الفكر عقلي مو براسي جبال كاتمه على صدري الحزن مخيم على البيت
الف سؤال بالي خشمي يطك دم كل نوبه والثانية طول اليل راسي من الألم ذبحني من وجع الوجع يمته ارتاح واكول فرجت انه هم بشر مثل الوادم اريد شغله بحياتي تكمل
بدون مشاكل حياتي كلها لوعات
لليلة خروجها دخلت للديوان الشيخ وبصفه ابو رائد
مدنك وكبر سنين كسرته مبينه بوجها ضهره منحني
الشيخ حاله امر من حالي حسبت ابوها رباها وحسبها بته مو بت اخته عاشت وياا اكثر من ابوها كان مسؤل عليها
كسرته هدت حيله تنهدت وكعدت كبالهم الحجيه هاا يمه الله يساعدك
هلا يام يساعد بختج
سحبت نفس حجيه بلازحمه عدي راس چلمه
كالت خير يمه كول ليش عود تريدني اطلع
تنهدت انتي الخير والبركه مو غريبه امي وتاج راسي ومحشومه اني اطلع وانتي مااطلعين مانسوه من بعدج شي بست ايدها وراسها حضنتني وخرت
كول يبعد امك لاضم عليه انه هم اريد اعرف اليصير وياكم
ابوي عاينلي نصيت راسي فهمني كال"ام زياد بيج البركه وانتي خيمت هلبيت بس عوفينه ويه وليدي مبينه حجايته
تخصه ويردها بين الابو وابنه"
سكتت الشيخ عيونه مليانه حزن بس طلعت امي الحجيه
كال ابوي "كول وليدي مبينه حجايتك واكفه بزردومك وماتريد امك تسمعها
هزيت راسي عاينت الابوها " عمي مصابك جبير ومقدر وضعك الانت بيه جبال ماتحمله وصعبه عليك وعلينه كلنه الما مو بس بتك جزء من يمنه وجعك وجعنه
لازم صير قوي تواجه الاحداث وتوكل امرك الرب العباد
قدر ويريد يصير مالنه اعتراض على حكمه
بس المفروض مانحسس الما بشي ونتعامل وياها طبيعي
على الاقل هاي الفتره لمن تتجاوز المحنه الصبر مفتاح الفرج
حالتها صعبه وتتازم بأي وقت
وضعها النفسي حرج الطبيب وصاني ننتبه لكل حدث يأثر عليها ونبعها عن كل شي يضايقها او يذكرها بلحادث
الشيخ"بويا انه بعد كلبي مو حمل تعب بهل عمر وشفت اشكال الوان من مصايب بس مثل هاي المصيبه ماماره عليه
هدت حيلي هد نزلت راسي بلكاع "
سيف"حجي انت مثال الي جنت دوم اشوفك صلب وتعالج الامور بعقل مافديوم شفتك محني ضهرك ولا كسرتك المصايب وراسك يضل مرفوع
الشيخ" منين نتلكاها ابني من خطفها والله اعلم شمسويلها لهسه من اذكر دمي يفور فور لو من ابن عمها الناقص الدار وجها وشرد وخلانه مانندل راسنه من رجلينه "
سيف "البركه بيك وجودك واكيد كلنه مانتركها وكلشي اله حل اني مااتارك الامور والخاطفين يجي يوم الزمهم بيديه على ركبتي مااعوفهم"
الشيخ" بارك الله بيك ابني وكفتك ماانساها ونعم ماربيت "
سيف "لا يابه مامقبوله منك اني ابنك وماكو واجب بين الاب وابنه"
الشيخ " فوضت امري لوجهه الكريم "
عاينت على ابوها ماانطق بحرف "عمي تسمحلي اشوفها ضروري لازم افهم منها هواي امور تخص الحادث مااعدي وقت
هز راسه" لا تاخذ اذني فوت "
عفتهم ودخلت امي وامها كاعدات الحزن بوجهن وعيونهن
"حجيه سويلي طريق"
امي "ليش يمه تريد تدخل"
سيف" ماكو شي كم سؤال بلكت نلزم خيط عنهم "
امها" تبجي وتنحب "
فتت للغرفه ضلمه مدده يفراشها كعدت مسافه عنها اعرفها كاعده تمثل نايمه عيوني محوطتها كلشي صار بيها مر كدام عيني احس نفسي بحلم
ماكو واقع واحد يتحمله كلبي ينزف دم عيوني من وحدهن يشبن نار غمضت اخذ نفس لازم اهدء فكيت ايدي باوعت
من قوة القبضه اضافري نابتات بلحم الكف
استغفرالله فركت وجهي
اجاني صوتها "لا تكابلني مالها فايده كعدتك"
فكيت عيني ورخيت "بنيتي
نترت" مو بتك ولا اكربلك عوفني بحالي اطلع مني مااريد اشوفك ولا اشوف واحد منكم اطلع لا احرك روحي
سيف"عليش يابه هسه اطلع بس كبلها جم سؤال جاوبيني عليهن واعوفج ترتاحين "
الما "ماكفاك تحقيق شتريد تعرف بعد اكثر لو جاي تشمت بيه وتردلي الضربه ضربتين حطمتوني دمرتو شبابي شتردون اكثر مني ماافيدك ولا راح تستفاد من اجوبتي كلشي مااعرف
سحبت نفس" عليمن اتشمت بيج الما عايني عليه ضلت دايره وجها متخلي عيونها بعيوني الصار محد يعرف بي جنس مخلوق بس انه وانتي وكل اليسألج كليليه ماواعيه بسبب
التعذيب "
غطت راسها بلبطانيه تشهك مثل طفل "سيف ليش ليش بس انه من دون البنات شنو ذنبي صرخت كله منكم بسببكم انتووووو وزياد وابويه حطمتووووو شبابي ملخت روحها
ضلت تضرب على وجها وتجر بشعرها صرت يمها كضيت ايديها تدفع بيه نهارت بلطم والصريخ اريد اسكتها مو زين عليها
جريتها حضنتها وايدي على حلكها لزمت راسها وضهرها على صدري هيج شيطرت عليها امها تهز براسها ودموعها بعينها امي الحجيه دخلت مرعوبه
وتخرط بخدودها" لا دكولها ولك يمه نتخزه ونتعره نطين روسنه سيف احضرينه يلزهره احضرينه يم الحسن وتضرب على صدرها
الما ترافس بيديه من شافت امها والحجيه مرعوبات خنشت تباوعلهن شاورتها لخاطرنم شوفيها ميتين رعب طاوعيني وخليني انقذج ووالملم السالفه تره موهينه واعرف بيج تتالمين وموسهله عليج تحملي لخاطرهم ولعيون الشيخ
هدئت نفسها انتضم وخرت ايدي ابتعدت لمت روحها مثل الجنين انزوت وامي تلطم وتبجي
درت "يام صدك جذب هسه انتي شفتهمتي واجيتي تونونين انطي صبر حجيه شعرفتي وكلبتيها مناحه هو الوضع منا متأزم زيديها عليه
الحجيه" سيف احلف بعافيتك طمني كلبي شعرفت يمه ولك دمي نشف هذا شرف مو شي قليل عليها كص ركاب
صحت "يااااام بس شو شويه عوفوها ترتاح جريتها طلعتها التفتت لم الما خاله بلا امر عليج شويه تعاي طلعتها وسديت الباب عليها
اخذت امي كتلها يام البنيه مصدومه والمر عليها زلم ماتتحمله متعذبه لحد مافاقده وعيها وضاله ايام جسد
بدون روح
يعني ماجايسيها
خرب حجيه هذا الهامج عفتي كلشي ورجعتها بلسلامه
سكتتني" اي هذا الهامني ولك لو ميته ولا نسمع شرفها يروح بجت ودنكت يمه عبالك موصعبه عليه الما حسبت حفيداتي
احبها وربت عدي بس الشرف عزيز ولك تعرف شنو محد يدك بابها وسمعتني اطش وينعلج بينه علج
لك يمه لو عليه مااهتم بس الناس صير سالفه بلسانتهم ويألفون قصص مالها اول لا الها تالي
عفتها وطلعت فاير طبيت للديوان على كدتهم فرات موجود
"ابو رائد الراح احجي خلي بالك وحك ناري ولهيبه مااتاركهم والما يرجعلها حقها اليوم باجر مااخذه واني كفالها"
ابو رائد "مو ذنبك ابني العليك سويته وكفيت وفيت ماقصرة اشهد ولد اخوتي من لحمي ودمي ماسوو السويته انت هذا دليل على اصلك حدك لهنا روح ارتاح"
سيف "لا عمي اني مو محشم عليكم انتم اهلي هذا واجبي والما اني كفالها اجيت وكتلكم هذا الحجي مااريد اطيب جرح ولا اثبت موقف بس حجايتي مااتنازل عنها "
الشيخ "شتقصد سيف يابه"
سيف" بوكته تعرف القصده "
ابو رائد" مامجبور عمي مامبتلش بينه انت وعايف نفسك "
سيف"عمي اني من لميتكم مااريد اهبطكم واعرف منتضرين التقرير وكلوبكم نار بس الاكدر اكلكم كلشي تتوقو احتمال لهذا قوو كلوبكم ومثل ماكتلكم يرادلنه صبر وقوه وسند بعض "
الشيخ" سيف شضام عنه كول ابني لا تزيد حملي حمل شطلع بتقاريرها "
سيف"ماطلع شي بس معذبيها لدرجه صاير عدها ضعف حاد ومتعرضه للأغماء وصايرة عدها صدمه "
اجه ابوها جر ايدي يتوسل احلفك بشبابك البنيه ماطاخيها ماواصليلها كل هاي الأيام "
منضره وجرت ايدي وتوسلاته مااتحملت سحبت ايدي حضني يبجي مااعرف وقته شحسيت غير شي يعصر كلبي يريد يطلع من مكانه
قسيت كلبي وحلفتله مامتقربيلها وعدنه تقارير طبيه
ماسكت اكثر من مره يحلفني ويصيح بشارتج ام البنين وطب للهول يركض صاح انسام بشارتج بتج سالمه
كرت عينج الاصوات علت بجي ونحيب مااكدرت اضل اكثر طلعت الغرفتي مختنك طبيت سبحت نار يطيح على جسمي مو مي الافكار اكلت راسي
طلعت نشفت لبست تراك سحبت جكايري والسويج سيارت الحكومه عدي طلعت من البيت كله
دك الامر صعب رفعت التلفون نعم سيدي
صعب "تعال للبيت مسوين شلون فطاير وكيك والولد يمي كتلهم الكعده ماتحله بدون سيف"
سيف"الف عافيه اكلو اني طالع "
صعب "ابني استدار وارجع متانيك مااريد اي عذر يله"
سيدي
صعب "بابا اعتبرو امر بوجهك للبيت اليوم شلون اونسك ونسه اطعلك من مودك انا كتلهم اليوم اونسوو لبو السيوف "
سكتت اخجل منه"جايكم المهم جاي مهيل "
"مهيل وعلى الفحم"
سديته وطبكت يمهم رغم مالي مزاج دخلت صدك مسوين لمه بلحديقه كراسي والنراكيل وهوه مسوي نص سقيفه دائريه نص الحديقه كاعدين جواها
سلام
كلها وعليكم السلام
الامر ومقدم علي وملازم اول عمار اني اصغر رتبه بيهم
من نكون خارج الدوام رتبنه ننساها نصرف طبيعي اني عمار ميانتنه زفره اول ماكعدت كلي تحشش لو شنو
سيف رفعتله حاجب لصير سخيف
عمار "انت حلو وترفع حاجب اشتهي..... عضلي شفته مرتي ماشايفها عشرتيام ارحم بحالي نفخ الدخان بوجهي
دفرته لعبت نفسي الله طيح حضك عاااار
صعب" خلي الولد مفول اليوم شلون اضربو بعقوبه اعدلو مزاجو واخلي يمشي مثل ميل الساعه "
عمار "اهووو باعو لو اوعوني وشويه تونسون روحكم
تلعنون ام الدنيا شووف هذا سيف لان ماشي عدل
ياهوه اليجي يكفخه لو اعوج تمشي ويااا"
صعب "انجب عمااار سيف خوش ولد لا تفسد اخلاقو مثلك"
عمار " ابو الصعوب حبيبي شكو غاث نفسك لا تستحي منه اول تالي سيف منه وبينه "
ضحك صعب "هتلي وخيخه مااخف غير من الخلقني والخلقو مو وكتو للشرب"
ضلو يضحكون واحد يحشش على الثاني عمار ضارب من وكت كضيت وقت يمهم وراها رجعت رغم جلبو بيه للعشه طالعه من عيني عفتهم
دخلت للبيت بوجهي للفراش احس التعب على اكتافي
غفيت كعدت ثاني يوم
لبست ورتبت ملابسي حتى اجتني كتاب شكر بسبب الاناقه كلشي محسوب يمنه العطور الاخذهن كلهن الحجي يجيبهن من البصره يوصلوله جماعته وزياد هم
يجيب واخذ منه يحسب حسابي وحساب فرات
اليوم عدي تحقيق لعبت روحي من النسوان اليلزموهن
حتى سفاحه جابولي ضربتها كف طلعت عيونها وعينها وكحه مااعترفت مبينه متعلمه على الكتل
رجعتها العمار لعبت روحي منها رغم ميصير هذا عملي
خلص دوامي رجعت للبيت لكيته كابه القيامه دخلت بعد مادكيت الباب ابو الما متخربط ويهفوله عارات عمامها موديلهم ورقه شيخ مطلكيها غيابي
للعصر كلش ابوها انتها نقلنا للمستشفى ذيحه صايره عده
سبوع ابوها منتهي اخر يوم رجعنا للبيت
زياد بيومها نازل
زياد دز عليه رحتله بليل تلكتني نور عمووو حبيبي
شلتها حبيبت عمج شلونج فصعونه
نور "عمووو انت تحبني واني اخذت عشره"
سيف" رفعتلها حاجب اي ست نواره شنو المطلوب "
نور"مدت براطمها عود هي مستحيه انت وعدتني تنطيني خمسه "
سيف " اعلكج فلقه على هاي البراطم عموو اني شوكت وعدتج لوتيه "
نور "والله والله وعدتني نزلني
نزلته ركضت طبت جوه لاكتني امها" هله سيف شلونك "
سيف "هله ام نور شلونكم"
ام نور" الحمدالله مانشوفك بعد "
سيف "ملتهي تعرفين الوضع بلبيت"
ام نور " الله يساعد ابو رائد مصابه صعب هاي الدنيا شوفت عينك اني من وره زياد حاطه روحي بشيشيه على ساعه يكتلونه يسولنه شي شكد اكله بطل واشتغلك اي شغله معاند"
سيف" لا ان شاءالله ماكو شي بعد الخطر راح واحنه داير مدايركم ميكدرون يسون شي وهمه جانت اصلاً غايتهم الفلوس وحصلوها "
ام نور " سيف اني ماتهمني الفلوس ولا المنصب خايفه علي وعلى الجهال والدنيا ضايره تخوف يوميه خاطفيلهم واحد وهمه يدرون بشغلكم ومناصبكم موبعيد يخطقون واحد من يمنه "
سيف"ام نور حقج وبعد ميكدرون زودنه الحمايه وخلينه نقطه بلشارع ونهايتته خالين صبات وشدينه كامرات
وهاي حمايه كدام بيتكم اطماني والسايق يمج واحد من جماعتنه مامن نفسه شتردين هوه ياخذكم ويرجعكم وين متردون "
دخل زياد ينشف براسه ضحكت ابتسم باوسني وضربني على كتفي "مو البالك ولك"
سكتت ضميت ضحكتي لهسه مااكدر اشاقه وياهم لهذا الحد الفرق بيني وبين زياد هواي كعمر ومقام احسه اب مو اخ
كعد كال ام نور حبيبتي جايج
كالتله هذا حاضر صبتلنه كوبين وخلتهن كدامنه وطبت
سحبت الكوب وزياد شرب سوالف دائماً يدز عليه يعرف اخباري واعرف اخباره منضم شي كلشي يصير امور دنيا
الحجي علمنه على هذا الطب من يجمعنه ويسولف ويانه سوه ويعرف شبينه مابينه كان يجبرنه نسولف كلشي كدام بعض واخذنها طبع لهذا قربي منهم كان حقيقي
سولفتله على وضع دوامي تنهد ساكت حسيت بكلبه حجي
سكت ثواني ورد تنهد سحب باكيته يدخن ورثها سحب نفس وذبه كال سيف دزيت عليك بسالفه وانه اعرفك كداها لو مامتاكد منك مااطلبك
رجع يدخن شوف اكو مقوله سمعتها من رجال يزيدي
العاشق لا يعرف اليأس أبدًا، وللقلب المغرم كل الأشياء ممكنة.
رجع سحب نفس بعدين عرفتها الجلال الدين الرومي معناها ماكو عائق امام الحب مهما كانت الاسباب والمسببات تمنع هذا الحب اذا اجت فرصه اغترمها
سيف افهمني قبل كل الامور مااريد اخليك بوضح تحرج مني وينفرض عليك وانت زلمه ماكو شي نفرض عليك
الوضع مخربط دايخ شلون احلها ابويا على ساعه ينجلط
ابو رائد شفت وضعه الرجال الله يعينه زين ومتحمل
اني لو بمكان يمكن كلبي يطك واموت تدري مااعرف شلون اكلك وشلون افاتحك بلموضوع بس انت بيناتنه
خالي مختلي ثق مااريد اورطك
بعد مابيها مجال لازم نسد السالف قبل مانخسر واحد. منهم مسطور بيهم البنيه شبه مخبله ابوها ضاربته ذبه
بعد مااعرف شيصير بي الحجي يلوب
تنهد اخذها سيف وسد حلوك العالم فتره وطلكها
......... يتبع
هذا حسابي الانستا تابعوني
عضيــــــــــــداتي
احبكم ❤
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!