رواية بين الكاف و النون الفصل الثالث وستون 63 - بقلم saja altaie95

بين الكـــاف والنــــون...

.. سجـى الطائــــــي

واحـد والسـتـون...

فـاهي اللـيل يمـهم حتـى مابي لـون

ولا بـي طيـف يرهـم عالجـفن رسـمه

ماصـخ مسـتحاهم واني مالـح طيــب

اليتبده وي غيــري بـروحـي مالمـه

بيها اعــناد روحــي وي الهـوى من يفوت

اذا يثـكل علـّـي لو مــوت مــا شمه

لحضه قوة
لحضة ادراك
ماهمني شنو شعوره المهم ارضي غروري شفت كرامتي واني واكف انتضر جوابه

مهما كانت النتائج المهم الفعل نزلت البايه دفعت الباب على كيف سويت روحي ادور عليه فتت

"حبيبي هاي انت هنا واني دورة البيت كله"

باوعلي مستغرب حسيت برتباكه

نبيت "يااا شبيج تبجين باوعتله ثاولتها شبيها التفتت ارغد منو وياها"

سكت صافن عليه غطت وجها بديها صوتها ارتفع بلبجي كعدت تنحب مثل وحده فاقده عزيز ميت عكدت حواجبي باوعتله

غمض عيونه بنفاذ صبر ضم شفايفه داخل حلكه ساكت تنهد بتعب "امشي"

مشا جرني ويااا عفناها تنحب بصوت بلحضتها ادركت كميت الحب الشايلته بكلبها اتجاها

صعدني وراا لازم ايدي نص الدرج سحبت ايدي التفت عليه وهوه قبلي بايه وكمل الدرج طبينه للغرفه طبيت وسديت الباب ذبيت اشال

اصنع الهدوء بس داخلي جمر شتريد منه اذا هيج كمية الحب بداخلها ليش عافته وعذبته هسه ذكرته وحنتله

احس نفسي مختنكه باوعلي حاير درت وجهي طبيت للحمام

غسلت وجهي بمي بارد اريد اخمد البركان المشتعل داخلي

حركة كلبي تنفي من كدامي سحبت نفس مااضعف ولا ابين غيرتي ولا اداري لحضات الحنان الجنت اتلمسه بعيونه

كعدت منتجيه اجابني اله شورطني ليش خليت روحي بنار ماتخمد شناويه اسوي وينك بهاء وين العار ابويه

حتى ماعدي اهل مثل البنات واستنجد بيهم ضعفت ونزلت دمعتي كرهت روحي كرهت ابويا كرهت حضي وحياتي

لو عايشه بفكر وعدي اهل عدي ام اب يسالون عليه كلبهم يمي ولا العز واني كل عزوه ماعدي بجيت بحركه والله شفقه يشفق عليه هي كوه مااوهم روحي

عيونه تحجي شفته شلون انخرس انسطر بدموعها منضرهم ميروح مني كدامي ضليت كاعده بلنص ساعه اسمع صوت خطواته

دك الباب اه مااريد اجوابه كمت فتحته واكف باوعلي يتفحص وجهي دنكت اربد اطلع

وخر وطلعت وكفت كدام المرايا وهوه ورايا يباوعلي حاير شيبرر شيكول ميعرف اول مره اشوفه بهل حيره مسحت وجهي حيل غمصت

اهدئي هاي هيه ايام وتمر وترحين منا درت وجهي اله

يباوعلي ويضيع عيونه بلغرفه ميريد يبين حيرته كدامي لميت شعري جريت الشال نزلت

للهول حبيبة الكلب كاعده عيونها ناطه من البجي

يمها خالتي تمسح على ضهرها وتهمس بذنها وهي مدنكه وتهز براسها موته روحها بلبجي

دخلت سناء بيدها صينية جاي وكعك ابو السمسم كابلت امها وبت خالتها تصب"خيه شمالج موته نفسج خليه وره ربج يحلها دهاج غمسي كعك وجاي والف عافيه بعد اختج"

رحت كعدت مقابيلهن
صبت للكل كامت توزع تعدتني رفعت راسي سوت روحها ماشوفني رجعت سناء كعدت بعد ماوزعت الجاي

فات تميم لابس بنطرون اسود وقميص قهوائي رغم عريض القميص بس حاضن اكتافه والبطرون قماش لابسه الساعه مزينه معصم ايده متخيلته بهاي الكشخه تعلمت عليه بلدشداشه وتراك

تميم: سناءجاي وياج"

امه"على خير يمه وين رايح كاشخ ومتعطر"

تميم"معزوم عرس "يحجي بس مابين عليه وجها شي لاهوه ضايج ولا هوه فرحان ملامحه بارده

ناوشته سناء استكان الجاي هوه واكف لزم ماعون الجاي هوه ويخوط الاستكان صاح اررررررغد فضني وراي شغل"

امه "عليش مستعجل"

تميم "المحل فارغ خليت واحد مكاني من الضهر"

امه" ليش ماخليت اخيك كاعد وهاي نوبت كعدته وماعده جيبه فارغ فلوس باكيت جكاير مايملك ناوشه بهل تكدر عليه"

استغرب تميم "منو"

امه"تمام يمه
كعد من الخلفه بطل ذيج النوبه خطيه ماكاعد جاي يدور سوده عليه وين مايدير مسدوسه بوجها"

رفع راسه شرب رشفه جاي ونزل الستكان

هز راسه"سهله سهله يجي للمحل بدل العامل طلعته "

ضحى"تمام مايصمخ يومين ويرجعلي الشفيه "

امه دارة عليها"كون الغسل ماشوفي ايدي ماكلهن السمنت ومخشبات ويطلع من غبشه بس كولي الخلفه مايخاف الله ولكه واحد من كرابته وبطل تمام "

"عمه جديد عليج تمام اول نوبه يبطل شكد ابويا لكاله شغل مايضل بالزايد شهر ويبطل"

"الشغله ماتناسبه تردي يكرب على حساب راحته هم يريد شغله يرتاح بيها مو يهلك نفسه"

ضحى" شتردين يكعد بمكتب وكرسي ورجل على رجل هذا الشغل ماصار مثل خوانه لافلح بدراسه ولا فلح بشغل هذا هم حظي الاغبر"

"ا شتردينه يموت نفسه ويرضي حضرة جنابت هسه تمام ماعجبج اشو فلفلتي عليه ليش يمه ماتدرين بيه شعده ماعده ضحيوه سوده عليه اخذناج مغمضه ماتدرين بتمام

عوجت حلكه دك رجل لو هيه لومااخذ وانه اكول هذا وين شايفها وين عارفها لا بصوبنه لا من كرابتنه
هسه صار كخه

ضحى لسان صح هي مرات تسكت بس مبينه لسان وترد بلوقت الازم ومحد يلحكها

ضحى"عشتووو شماخذه عيني هوه لوماالله مطيح حضي احب ابنج سوالي الدنيا كمره وربيع وماكو منه وادللج واعيشج اميره صح الباقي حصره عليه اروح طبيب اعالج نفسي "

ام ابراهيم تخبلت رادت تحجي صاح تميم "شكوووو يوم وكتجن عليمن هل مناكر زغار يمه عود انتي الجبيره عوفيها محروك كلبه منه زوجهااا

رادت تحجي عمتي سكتها" وانتي خويه حقج بس هم راعي ضروفه وسندي على الحلوه والمره مادوم هيج لابد يجي يوم وتنعدل اموركم

انطي خبر يجي وياي من زمان رايد واحد يوكف وياي بالمحل واجت اليوم عدله

ام ابراهيم "من كون يرزقك يامه ويفتحها بوجهك عينك عليه ساعده تعرفه ويستنكف"

شرب نص الستكان دفعه وحده ونزله بلماعون لازمه باليد الثانيه" اذا نضل بلخجل والستنكاف نرد ليوره يمه هذا الةكت نحفر الحجر واكل هوه مو بطرك نفسه مسؤل من مره باجر صارو عده جهال شنو مصيرهم لازم يلتفت الروحه ويشد حيله واذا اشتغل وياي قابل اعايره يعتبر المحل محله احسبله فوك اجرة العامل واساعده بل الاكدر عليه "

امه "هذا هوه ادخل حاجي وانت اطلب منه تعرف طبعه مايقبل ولا يريد ينزل نفسه يستصعبها"

هز راسه ساكت

نزل ارغد مبدل يعدل بشعره

تميم يله ارغد تأخرنه

باوعتله لابس قميص زيتوني وبنطرون اسود صفنت بشكله ارغد كلش حلو خشمه رفيع ماعده خدود لا بس مو ضعيف شواربه حلوه كاملات لحيته يزينها مايخليها نفس الزيان هوه وتميم

حواجبه من وحدهن مشمورات وعيونه بارزه مو كبار ولا زغار ملامحه حلوه مرتبه مشو طلعو ثنينهم

ام ابراهيم " اريد ازوج تميم كون يقنع والله يهدي "

سناء"وهوه وين يقنع وعاشك العلويه يسودن علينه يمه لا تفاتحي مابينه حيل مزاكطه"

خالتي"كون الغسل لهل حلك شنهي يزاكط مالج دخل اريد افرح بي ايضل على يامال لهل حزه المثله هسه فروخه تارسه البيت

تنهدت قابل مثل حظ اخوته واحدهم هلعرض افاده وتاشر بيديها وكل خير مابيهم حتى بزر مامحصلين

رجعت عاينت لوسن البصفها كاعده وسارحه بارغد وتباوعله تريد تشبع منه " البركه ببنيتنه لاتكدرين خاطرج وانه موجوده املصلج اذانات هل ثور مايفهم اعمه ماشايف كل هلحسن "

ختمت كلامها بوسه واني اباوع هيج كدام عيني ترضي بيها على ارغد وقاحة فعل مشايفه بحياتي تبجي علية وكاتله روحها ضليت ساكته

ضليت احمس بداخلي محد يعرف النار الاني بيها واكعه بين كلبي ودكاته المتخربطه وبين مستقبلي الضاع واخوية هوه نجاتي

الداير مدايري يباعون المضهري طريقة كلامي واسمع بذني الحجي واسكت مو خوف ولا قلة معرفه بس البداخلي يمنعني امتنان اله اعرف اهله مينطي بيهم

وصلت مرحله بيهم يحجون كدامي عينك عينك واني مضطره اسكت اذا سمع ارغد ردت فعلي راح يتماده بمشاعره

وصلت القناعه احبس كلشي بكلبي واتقبل واقع اني مجرد خطار مده واروح هي اوله بي مني ويبقه كان بيناتهم ايام حب ومشاعر تربطهم من سنين

هذا الاحساسي ذابحني كلبي ينعصر مااكدر اتخيل يوم يصير ويه غيري ويمكن تربطهم علاقة زوجية ويرتاح وياها وينساني احس يتملنكي ارغد كل مشاعري

بديت اغار بدت النار تكبر بكلبي بديت احسب النضاراته الخطواته الملامحه المرتاحه ومن يكون معصب ومن يكون متوتر

كل حركاته خزنتها بعقلي الباطني

ضحى كامت تسبح واني على صفنتي شويه وطلعت

فاتت بكامل اناقتها صح هي نضيفه بشكل مفرطه وعطرها طيب بس لاحظت عدها اطباع مو حلوه هواي متشلحه دشاديشه مشلتحه كوله ربع ردن

عطرها يفوح بلمكان التفوت منه اعطارها زيتيه قوية حتى ارغد كم مره الاحضه يعقج وجها من يشوفها من اسأله يكلي هاي شتخلي سابحه بلعطر احد كايللها راح ينقرض

مااكدر اتعود ولا كدرت اتوالم ويه اطباعهم بس يوم عن يوم البداخلي يكبر شي بيه تغير مو بيدي خارج حدود ارادتي

غيرته الزايده نضراته من يصفن واعاينله يدير وجها وكانو مكان صافن بيه مااعجبه لو بعده حب وسن بداخله حيرني ويا

وكفت عاجزه عن تصرفاته اوقات يقربني اله بطلب ويبعدني بتصرف صرت اهوه وجوده يمي واكتم على مشاعري مااريد قربه لهذا الحد ولا يتعبر زواجنه فعلي

مو هذا طموحي ولا هذامكاني صعدت فوك عفتهم وركنت روحي بلغرفه دخلت اطلقت سراح دموعي مااعرف شريد ولا البداخلي ينشرح

وصلت النقطه اريده ومااريده بجيت بقهر مخنوكه من كلشي من نفسي من الداير مداير مامتحمله العيشه ولا مستوعبه الامر بي اعاين النفسي بدشداشه وشال

هاي مو اني مو انتقاص منهم بس بيئتي غير عنهم مامتعوده
على نضامهم ولا تجمعاتهم ولا عاداتهم تعبت لحد اليحاجيني انفجر بي

صعدت طبيت سبحت وطلعت بدلت ومشطت ماعدي غير اكضي يومي هيج سمعت صوت البنات جوه طبيعتهم اصواتهم عاليه زلم ونسوان

نسوانهم ماعدهم اكو امور البنيه ميصير تصرفها كذوق وبرستيج الصوت العالي يخرب انوثت البنيه الحركات الفوضويه الضحك اللبس الكعده عدهن الفاظ مولايقه الهن

كلشي عدهم طبيعي اذا المره ماحفت ورتبت وجها لو تنضف بشرتها اني متعوده جسمي كله انضفه هنه مو الكل بيهن نضيفات وبيهن ضالت بشعرهن

ممتعوده شايفه عمتي ومرت عمي وجناينهم حتى وان كانت البنيه ممتزوجه من حقها تهتم بنفسها همه لا بس التنخطب يحقلها تحف وجها وتنضف نفسها

نزلت عاونتهن بلعشه
اجه ابراهيم وزوجته واطفاله كعدو ويانه على السفره
كلهم ملتمين ماعده تميم وارغد بلعرس

كملنه عشه لملمنه السفره وغلست مواعين العشه والبنات نضفن المطبخ القوري على الطباخ

واكيد وره الجاي بساعه يكعدن هم ياكلن حلا اني وارغد نكتفي بلوجبات الرئيسيه وهذا الخلانه محافضين على اجسامنه

بقية ولدهم تارسين وهمه ماشاءالله يمتلكون طول بنيا الضخامه بيهم عده ارغد صح طويل بس جسمه حلو مو ضخم

صعدت نزعت الحجاب بدلت لبست دشداشه خفيفه جريت كتاب من كتب ارغد الافندي اغلبهن تخص دراستنه بس مو ضمن كتبنه يعني يطور من ذاته

ايام مرت واني وياا مد وجزر عايشين بصراع التها بسالفة تعيينه تميم كله انطيك فلوس ومشي معاملتك ماقبل
شهر واجه خبر تعيينه بيومها فرحت واكيد البعض مايتمنه اله الخير بس امه وابو وتميم بينت فرحتهم امه حتى اني بوستني تفتر وتوزع جكليت نذرها

وراها بايام باشر بتعيينه بدره مكان موقع النفط كان دوامه يطلع الصبح يرجع قريب العصر

كاعدين بالطرمه فارشين بسط قديمه عد خالتي ضامتهن
وسناء مسوية جرك وقوري جاي الجو حلو ربيع بي بروده حديقتهم مزروعه

فات من الشارعه اسامه وكف مبتسم رفع ايده علينه يسلم
خالتي كالت "تعال بيبي فوت اكعد اشرب جاي وهذا شون كعك خالتك مسويته"

نزع شحاطته وفات كعد جر جركايه عضها ويحجي منو يمدح العروس ردت ضحى غير امها"

ضحك وخالتي كالتله "دكل وسكت فوك ما سد بطنك"

سكت يباوع لخالتي وياكل نبت عليه"اكل اكل هني ومري بطنك وبطن الخلوفك "

شرب الجاي واحنه نسولف طب ارغد جان بره "خوووونه مسوين لمه بدوووني"

اسامه "شون لمه بين المنافقين وكفار قريش شتلكه بيها"

فات من يمه كفخه على راسه برهاوت ايده " طاح حضك"

وكف يمي ماكو مجال اذا كامت ضحى يصيرله مكان كله شووو شويه وخري باوعتله دنيت بس هم ميكفي

كعد ولا يمه حصرني بحضنه هوه كاعد وراي بس ايده طبك يم رجليه وهو عاكف وحده وعاكس وحده
كاعد نص كعده

يباوع لاسامه ويسولف"عاار شلون تبطل من حجي توفيق عاتبني يكلي ابن اختك يصيح عليه واني بكد ابوو وضارب ابنه شبيك"

اسامه"خيولي الجلب ابن الجلب "

شبي وياك

"عارات حتى فلوسهم حرام اخوات....................."

فشر عاط ارغد بي "هيييووو شبيك مو بنات كاعدات خبل"

" دخلي يطير ابن........... اشتغل شغل المطايه لا يصير براسي سيد ال............. رجع يفشر عليه خالتي بصفه ضربتته بالوصله يمها وسدت حلكه بيدها

وخرها بسرعه عصب "لا تحجي كدامي متعرفون خياساته هسه اسطرهن الكم

خالتي" متستحي عابت تربيت سعاد العايبه ماعرفت تربيك لسانك نكس "

"تردين تنطينه سناء خلي ابشرج ابنه من كح... الكح..... مامخليهن بنفسه اذا مابليوم يسويله فد عشر......... محركه مال حصان

صاح ارغد" حيوان الصم لا الصمك بل شحاطه"

اسامه"لا صير شريف مايعرفن كلهن مفتشات بالبن "

ارغد"شون اكومله اوكله تبن ابن الزفره "

ضحى ضحكت مال عايقات"وين تعرفه شايفه وياهن"

باوعلها رفع حاجبه " شون بشريفة روما غير خاتمهن يريد يسقط الكوت على ايده مايخلي وحده بنفسه ههههههههه

هي هم ضحكت"مجاوبتني شدراك بي"

"حاشيتي مسويلهن باج وفسفوره لايلوحج طشاره"

ضحك بصوت عالي يريد يكمل اعددلجياهن من صابرين وشيلي ايدج هي فتحت عيونها

اني صافنه على الكلامه الحجا مااعرف ارغد بس سمعه طفر جره وطلعه وطلع وراا واسامه اول مره اشوفه هيج ينفعل حتى ماحسب للكاعدين ويااا

فقد يفشر ويحجي ارغد اخذه للصاله من شافه فقد وصار عصبي سد الباب نسمع صوته عالي الفتهمته من كلامه ابن اليشتغل عده خاطب سناء وهذا متخبل ميقبل بس محد يسمعه

وخالتي تريد تمشيها واخوانها مااعرف سبب سكوتهم وهوه
يكلهم لاتنطوها اله موزين ويحجي سوالفه بالقلم العريض

سناء "شويه وتبجي وجها صار شكدوته"

ضحى تسمع وساكته صافنه كعدتنه قريبه يم الصاله وشباكها على الحديقه مفتوح ميدري ارغد مفتوح والبرده صايره على الشباك ساده الفتحه نسمع حجيهم كله

اني غاطه بنص هدومي عفتهم وكمت صعدت الغرفتي
مانزلت ضليت ارتب بالغرفه غسلت ملابس ارغد بالحمام الفوك مشترك بي غساله كملت وطلعت شريتهن بالسطح رجعت للغرفه بدلت وخليت مكياج خفيف

باوعت صح سمنانه من كعدت البيت وخدودي بارزه صفنت لزمت دشداشتي من خصري ضيقتها ودريت روحي جانب ماجنت هيج ماعدي عيج بروزات اشو السمن كبر هواي مناطق عدي

وين وشلون صرت مااذكر بيوم هيج سمنت ولا تخيلت اهمل نفسي بهذا الشكل كعدت حتى ناسيه نفسي القديمه رغد الجانت اليشوفها يصفن بلبسي مايوم خليت الدشداشه على جسمي

صح البس بس اطول دشداشه لحد ركبتي رفعت ايدي اتحسس بشرتي صح ناعمه ونفس لوني بس احس مابيها روح سحبت نفس منتضر بهاء هواي طول عليه

الف فكره افكر فززني دخول ارغد طبيعي بعد عركة اسامه

"هاا ياحلو وين صافنن"

مصافنه افكر بهاء

شبي اخوج بعده يكمل معاملتج

تنهدت خايفه فتح الكنتور اخذ تراك

رغد"تتوقع تكمل معاملتي ويسحبني خايفه ومامطمأنه احساسي يكلي يصير شي"

سد الكنتور والتراك بيده تقرب يمي لزم خشمي حيل

صحت"اخخخخ اخخخخخ ارغاااااااد خشمي "

كزكز عليه دنك جر راسي من خشمي وعضني بخدي
شاطت روحي كمت اكمز ركض ركضت ورااا لازمه خدي وهوه يضحك

طب بسرعه وقفل الباب نزلت دموعي خدي يوجعني من العضه دكيت الباب حيل صحت "افتح الباب الا اموووتك خبييييث"

"شسوين بله"

انت بس افتح الباب واشوفك شسوي اخخخ يمه خدي جلب صاييير مو انسان

"افتحلج الباب وشوفيني شسوين"

"دكيت الباب بكل قوتي يستفزني الخبيث يضحك صحت انت بيك خير افتح الباب"

"انتي كدها طك القفل هاي فتحته شوفيني شطارتج ضحك بعلو صوته"

كمت اكمز هذا شو يضحك عليه واني بالي المهم اخذ حقي منه المهم اضربه لو اعضه واذي مثل مااذاني دفعت الباب مدرعمه واتحلف بي والله اله اموتك

دخلت بسرعه الحمام زغير مو جبير الدوش صار كبالي درت وجهي ادوره واكف مجتف ايديه مبتسم ركضت جريت ايده عضيته حيل اخذ حقي

صاح ههههههه اخ جلبه يدفع بيه واني مجلبه بيده خربان ضحك واني بجلبه بيده وهوه يدفع بيه

ماحسيت غيل دارني على ضهري وشالني هنا حسيت على نفسي هذا مصلخ بطرك الشورت كمت اصيح وخرررر نزلني

ماسمعني شايلني من بطني وضهري على صدره فتح الدوش وثنينه جوه الدوش كمت اكمز

دنكت عضيت ايده معبرها من بطني وخر ايده "خررررب جلببببه بت ابو الصماخ"

وخرت من الدوش نكعانه "حقير حيوان نكعتني اجر بثوبي لطش عليه واعصر بطرافه مستمره اغلط وهوه ساكت نزلت ثوبي

رفعت راسي شفته صافن عليه نضراته مو راح حسيت بتوتر تقرب مني عيونه اكلتني فعت اصبعي اهدد

"لا تتقرب اياااك ارغد تره اعيط والم اهلك عليك احسلك ابتعد من يمي"

لزم اصبعي لووا صحت من الوجع خفف لزمته نزل ايدي بيده يباوعي صافن بوجهي شعري لزك على ركبتي وجهي مبلل نزلت نضري للكاع

وترني اريد اوخر ساد عليه الطريق الحايط بضهري
نفسه ضرب وجهي

رفعت نضري التقت عيونه اعرف شنو شعوري اتجاها
تسارع نفسي ثواني واصابعه لامست حنجي رفع راسي كلشي بينه التقه مع بعض

خشمي طخ خشمه اصابعه لامسن شفتي بلع ريكه دكن باسني غمضت بهدوء كل ذره بيه استوعبت تلك اللحضه
باسني ابطء شديد

غبت عن الدنيا مااسمع بس صوت نفسه العالي كانو يلهث اريده مااريد افيق من هذا الاحساس محاسته بس ويااا

جر راسي بايده الثاني سندني وضمني الحضنه اكثر
رجليه رخت حس عليه كعد وكعدني بحضنه

يتوقف يجر نفس ويرجع محاسه بروحي سند جمسه على الحايط راسي على جتفه واني كل جسمي بحضنه كاعده على رجله

غمضت خجلانه اريد واخر مااعرف شون اطلع
ضمني بيديه راسه مرجعه على الحايط تنفسه سريع ماهدء

تحركت شد ايديه على جسمي همس صوته رايح رفعت نضري مخمض "اششش....خليج"

سكت ورجع همس "تايه بيج"

سكت طولت نضرتي تنفست بعمق عيوني تجول على ملامحه ماكو احد يشوفه مايحبه حقي لو ذبت بيك

مااعرف شكد مر الوكت واني بحضنه وهوه مغمض الحمام اضلم بس ضوه النهار يطب من شباك

ماكدرت اضل اكثر متوتره كلش دفعت ايده بسرعه وطلعت بسرعه اخذت ملابس دشداشه وطلعت من الغرفه طبيت بحمام الفوك سديت الباب غطيت وجهي

متت بدمي كلبي يدك مااعرف شون بدلت وطلعت

نزلت التهي اريد انسه الصار البنات يكلن بيتنجان وبتيته ضحى تسولف وتثرم التفتت "رغد طلعي طماطه وخيار ثرمي زلاطه واكو نومي يمكن ضاله وحده"

التفتت فتحت الثلاجه طلعت المواد شفت لهانه

درت عليها "اكو لهانه اسويها طيبه ويه الزلاطه

ماادري شوفي انتي سوي

كعدت يمها على البساط بعد ماحطيت التخته والطاسه اثرم

بديت اثرم

ضحى ابتسمت متردده" شوفي اخاف اسال وتزعلين "

لا حبيبتي اسألي براحتج

ضحى "علاقتج بارغد اشوفها بارده مااحسكم مزوجين وبينكم لهفه مثل كل ثنين يعني مو تفهميني غلط يعني
جامدين حتى من تنزلين سكتت

ضليت مستغربه اغلب اهله يعرفون طريقة زواجنه واسبابه من سؤالها مبين متعرف بس مافهمت قصدها يعني شبينه مابين علينه مزوجين

همست ببتسامه يعني مابينكم شي مثلنه اني وتمام ميتقربلج ارغد

ابتعدت منها ضلت تباوعلي متانيه جاوبي ماجاوبتها سكتت دنكت اثرم شافتني ساكته كامت من يمي شعليها بينه

كمت خلصت الزلاطه حضرنه الاكل نزل ارغد ينشف براسه شافني انزل بلصحون غمزلي

كوه كملت ترتيب السفره ورجعت للمطبخ مستحيه منه
لهيت روحي سويت الجاي وخليتالبنات يكملن بدالي

صاحوني مااعرف شون طبيت باوعت ماكو مكان صاح من يمه باوعت اشرلي اجي يمه

رحت كعدت بصفه مر الوكت كملت اكل كمت اول وحده تحججت بالجاي التهيت بي

صبيتلهم البنات لمن السفر صبيتلهم على العدد
ومثل يوميه لازم سعاد تجي وره العشه وخالته ام وسن

واذا ماكرايبهم هم يجون بيتهم مايفرغ من الخطار

للعشره ماكدرت
صعدت رتبت الغرفه مابيها شي فتحت الشبابيك الجو حلو رشيت معطر جو شسورت شعري لبست دشداشه حلو خياطها موديلها منتشر يسموها خفاش

بعدني الم بشعري رفعته وخليت كماشه هوه ناعم ينزل وكاصه كذله مرتب

صوت خطواته على الدرج صاحت سناء من جوه ااااااارغد الصخام ستوووووني ماسحه يمـــــــــــــه شلون والله بعد ماانضف

ارغد" صوتج حيوانه "

شعليك انت لو مرتك المكسور ضهرها بالمسح

دخل ابتسم متوتر راح فتح الكنتور اخذ تشيرت خفيف نزع تراكه لبس تشيرته وبرموده من اشوفه اشبع ضحك

كوه لزمت نفسي

لبس شمر روحه على الجربايه صاح فززني ضحكي ضحكي لاتحصريها وضر... ين

ضحكت بصوت وهوه عاكد حواجبه هز ايده "ماخذلي كاول... "

جر الكتاب يقره"برمودتك يطب بيه البيعير يضيح "

رفع نضره بدون ميحرك راسه"خالها للتهويه تغارين منها"

" اخذ قياسك منضرك يضحك"

سكتت حابسه الضحكه وهوه عاكد حواجبه عود ضاج كعدت على الكرسي بصف الشباك جريت الصبغ اصبغ اضافري

ساعه اني كاعده اقره قصه بالكتاب كال مي من يمج كمت رفعت البطل فارغ

"انزل اجيبلك

صاح اوكفي اني نازل اشرب جكاره واجيب مي"

رجعت كعدت مر وقت وارغد تعطل الساعه عبرة الوحده كمت فرشتله بالكاع نكتت البطانيه ميقبل اخليه بدون نكت يكول اذا بيها تراب او حشره تروح

رجعت عزل الميز رتبت المكياج والمجرات لزمت خاولي زغير  مبلله ردت وصله ناشفه اني خاله على المشره بالهول خاوليات غاسلتهن  طلعت لزمت الملابس ناشفات شلتهن

الهول بي ضوه الحمام فااشوف اسمع خطوات على الدرج صعدت ضحى صفنت على منضرها الروب مفتوح النقطه مال الضوه يمي شغلتها فكيت عيوني  السيت صلوخ وصدرها نصه مبين شعرها منفوش

وجها احمر دم مال واحد ضاربها   باوعتلي بغضب وتعدتني طبت للحمام وسدت الباب حيل منو مسوي بيها هيج وشون تنزل بهذا منضرها

على وكفتي صعد ارغد عصبي من شافني ارتبك والجكاره بيده

"ليش هنا واكفه"

"لميت الملابس تقربت يمه كلش احجي همس شبيها ضحى صعدت وجها احمر شبي اخوك وياها"

ماخلاني اكمل سحبني للغرفه وسد الباب فتح المجر طلع مطفايه سحك الجكاره بيها فتح الشباك بقوه

يباوع للشارع "مالج دخل بيهم رغد اسمع كلامي زين ضحى للتقربين يمها واي شي يصير بيناتنه لتحجيلها موبس الها الكل واحد بالبيت

لان اذا سمعت من اي واحد منهم شي يخصنه اكول انتي الحاجيه

اعرفي طبيعت امي وخواتي محد ضم على وحده السالفه طش بيناتهن فاني احذرج"

سكت ضل منطيني ضهره ويباوع للشارع

مشت الايام بين ارغد وحبي بده يكبر شويه شويه
وسن واكفتلي عضم بالزردوم وخالتي كامت تتماده وياي اشوف تصرفاتها اتجاهي زات مانقصت طكت روحي

ارغد

مختنك امشي واحش جكاير النار البيه ماتطفه وين مااروح المصايب تلحكني ويني وينه

من التفكير راسي طك لاكاني اسامه كال امشي وياي عبرته مال خلكه

اخذتني رجليه التميم سلمت ملتهي يصفط كراتين باوعلي ودار وجها يكمل سحبت كرسي كعدت

جريت الباكيت من الرف البصفي ورثت

تميم "خير"

ارغد"منين يجي الخير  نفثت الدخان"

تميم "شبيك"

ارغد" تعبان والدنيا طافره من عيني "

تميم "رجعها"

ارغد "باوعتله شنو"

تميم "الدنيا"

هوه واكف يعدل ويسولف بطران "انت شايف فارغ شكو على كلبي"

تميم "انجب لا تمضرط براسي تحجي لو تولي لاضل تافأفأ ومكابلني مثل وحده مطلكه وعده جهال وجهك يجيب الهم"

ارغد"صوج الك....  الاجاك انت وجه واحد يكعد يمك"

كمت التفت عليه "اكعد لا اوكلك......  شبيك"

كعد رجعت المكاني تنهدت "اريد ازوج"

سيف الدين

كعدت متوجع ايدي تصل عليه باوعت نازفه دم كمت البيت فارغ رجعت الغرفتي فتحت المجر عدي كطن وديتول

عقمت الجرح بعدين شديته باندج ماعدي بلاستر
كعت سحبت الباكيت ورثتلي جكاره

منو ذوله غايتهم شنو مامعقوله كل هاي الامور تزاحم بفتره وحده اغتياله مصعب وازاله من منصبه
نصب كمين الي بنفس الشهر

ضليت ادخن والافكار تتراطم وعصابي مشدوده ضال على لحم بطني احس كلبي مورم

على صفنتي ندك الباب سحبت المطفاية سكحت الجكاره بيه صحت ادخل

دخلت الحباب رنا اخت الما طفله شما تكبر مسويه ستوتات ثنين مبينات من وره الحجاب ابتسم رغم قهري

"عمو جدو يصيحك يكول خل يجي ياكله لكمه وبيبي دكول احميله الحمام يسبح وفرات يساعده ووو"

وكفت تذكر وعيونها بلسكف كانو ذاكرتها معلكه فوك اشرت بصبعها "هااا وعمو زياد جابلك علاج خلا يم بيبي وكلها لا تضغطون عليه اني احاجي عوفو هذا وراا مصيبه"

هزيت راسي سحبت النفس الاخير وذبيته رادار كتتهن كلهن طفيت الجكاره سحكتها وكمت راحت تمشي كدامي سديت الباب وراي

درت على البيت الحديقه متروكه الحجي ماله واهس هاليام دخلت للديوان سلمت وكعدت

شنهي بوية مالك خلك ومكدر خاطرك شعلومك

"تريد كهوه"

"لا يابه جاي راسي مصدع"

اشر لعلوان علوان ويه الوالد ومسؤؤل عن الديوان والضيافه متوسط العمر وامين الوالد يحبه

صبلي جاي وقدمه وراح للمطبخ داخل الديوان

والدي بوجها حجي اعرفه من يفر بسبحتع ويدنك حسباته تجي بالصفنات شربت جايي

رفع راسه الحجي كال "سيف شنهي سالفتك وين تريد"

"اخءت نفس ماعدي سالفه يابه حادث عرضي ويصير قابل اول مره وعدت على خير"

" رمقني بنضره عرفته مامصدك جابهن بكصتي سيف اول نوبه تجذب مو عوايدك شنهي عداوتك والرائد صعب شنهي الضامه عني لاتلجم كلوبنه كللنه ان جانك طايح بمشكله نكعد نشوفلك حل اياد باله يمك وكل نوبه يتصل"

"شيخ تعرفني اروح بطريقي وارجع بطريقه ماعدي عداوه ويه احد"

من يمته تناديني شيخ سنين وانت ابنيه بطلها وكلي مثل خوانك يابه

دنكت "هاي هيه يابه انسه واكلك شيخ"

هز راسه"اطبعها بالك لا تنساها"

فتحت باب الديوان الداخلي  امي الحجيه علوان سد باب المطبخ وطلع للبراني

تلكتني "نور عيوني امي شون صرت كمت بست راسها حضنتني وخرت كعدت وهي بصفي

" ولك يمه شبيك مصوفر وهامل روحك شنهي المدوهنك"

"كلشي مابيه لا تخلين بالج"

امي"شون مااخلي بالي وانت جايني دمك بطولك سويف يمه لا تلجمنه احجيلنه"

"وعيونج ومعزتج بكلبي كلشي ماعدي ليش ماصدكون حادث وصار"

"الله سترك ويحفظك روحي راحت من شفت دمك كلت الولد بي شي ابني واعرفك موعراك ولا صاحب مشاكل"

جريت راسها بستها"طمني بالج كلشي مابيه "

امي تجزعني اذا اضل يمها تاكل راسي مااريد اخلي بخاطرها اسمعها وساكت

دخلت رنا بيدها المشط شعرها منا ومنا نازل متدري بوجودي كعدت كدام الحجيه برطمت"مشطيلي يمه صوفتي تعكدت"

امي ضحكت ديري شبيها امج وياج"تريدني اشفط ابنها المعفن اووووع راح از.... ع من ريحته"

ضحكت امي "امج ماتلحك انتي جبيرتها غير صيرن عون الها وتساعديها

دكو على الشيخ طلع

عفتهن يسولفن كمت اطلع انتبهتلي كمزت رنا ضم بشعرها هيزت ايدي وطلعت

دكيت على عمار

" سكط العا......  وينك ابن الزفره "

سيف"قز القط شبيك لسانك نفلت حيوان"

عمار"اكل.....  طيحت كلبي ب......  كلت مات اول عار يموت "

"مو شفتك متت"

عمار"اني عدي مقاوله ويه الل....  ميموتني خاتمها منيمه"

سيف"استغفرالله سك...  متوب"

عمار"تعال يم الرائد وره العشه خابر جهاد العار ادك عليه ميشيله نفسه وجايب الكوا.... "

سيف"موقليل السويته بي"

عمار"خل ينجب اعوفه يسحبنه ورااا الحيوان جان روسنه نكصت من ورااا "

سيف"عمار عوف جهاد تره مهددي ويخاف على اهله "

عمار"واحنه مانخاف على ارواحنه بس هوه مطي ميعرف يصرف"

سديته منه لبست وطلعت اخذت سيارت الشيخ هم وكفني تحقيق كوه خلصت روحي منا اله حلفتله يم الرائد صعب سكت

وصلت البيتهم دكيت الباب طلعلي ابنه فتت للصاله خاليله جربايه وجهاز التنفس يمه شكل عده ربو واصلاً من زمان يعاني من ضيق بالتنفس

شويه وطب عمار ورا بدقايق فات جهاد

الرائد"عمار سيف ابنائي الله يجازيكم على اداء عملكم بكل مهنيه وامانه لهنا ومهمتكم انتهت سدون الملف وتسلمو للمقدم عصام "

سيف"سيدي ليش صاير غير النعرفه ليش بعد هذا التعب اسلم الملف وتعرف اني التعبت عليه واني الحققت
وكل معلومه بي اني بحثت بيها

مستحيل انطي قضيه تخصني خليت روحي بكفي انفعلت على اي اساس اسلمها من وصلت نلزمهم واحد واحد

عمار"اني مااسلم سيدي نعرف تخاف علينه وندري الصار مو قليل وصلونه للموت لولا لطف الله جان اني وياك وسيف هسه ياكلون لحم فاتحتنه

جهاد هم الك نفس تاكل بلحم فاتحتي ماتذكرني ادكول صديقي المات عيب استحي اكل بفاتحته

جهاد"هسه انت سويتني اكل بفاتحتك شايفني لو تريد تحجي وحدك"

عمار"ادري بيك عار مايهمك صاحبك ابن عمك المهم تشبع بطنك عزيزي بس اكلك من تفوت الكم كون سم هيج تغص وتطلع روحك لحد مادكول ابريني الذمه عمار اكلت بجدك وتعبك

اني هنا بذاك العالم اكلك لوتموت سكط عار فوك متاكل بتعبي ابريك الذمه

بس تدري راح ابريك الذمه تدري بكلبي مينطيني بس قبلها تغص وتوصل الموت يشفي كلبي يله

جهاد"دموت وانعل امه وابو الماياكل بفاتحتك اجيب عشيرتي كله تاكل وتترحملك "

عمار " التفتلي عمار سمعت مواكلك مايتامن عليه على بطنه باعني سيدي افصله من يمنه انقله هذا منافق"

سيف" منيلك انت بس تموت يضربوك جلاق يوصلوك الباب جهنم"

عمار"شكد عار بابا اني بس عملياتي تشفعلي قابل مثل جهاد الخاي..  مثل النعامه ضم راسه بالتراب "

جهاد"هواي سكتت جفصاتك اذا انت مرايد روحك اني بركبتي خوات وام منو الهن من بعدي اذا شوف نفسك خالي ماعدك مسؤليه "

عمار"مو اني نغ... ل ماعدي اهل بس مو جبان اختل وره امي وخواتي "

جهاد صار وجه احمر نتر "عمااار محترم نفسي كدام الرائد تره اكوم ادوس بطنك"

عمار"شبيج دادا نشاقه اوووي سوه بيديه عود هوه خايف  سكت وعفط اذني نطرشت كووووم لا اشكك
بز... ج ارجع البطن الماما"

عمار مايسكت صاح الرائد"عمااااار

فز عمار سكت"نعم سيدي"

"وزقنبوت بعدني عايش وهاي انتو محد بيكم يسمع الكلام التحجون عنه مصير ناس وعوائل ومصير بلد بصمتو بدمكم قسمتو بروحكم

  اني المن جايبكم وانته وين طلعتنه اعتبرو امر ويتنفذ

سيف الملف السلمه العصام وعمار سلم ملفك الحازم

عمار" سيدي "

الرائد صعب"لا تعبني الكلته يتنفذ لا تخلوني انطي بيكم امر وعقوبه اكعده عدل عمار لا تناقشني بامور اكبر منك"

وانت بابا جهاد عاشت ايدك بارك الله بيك

الملف تخلي بمكتبي لحد مااباشر واشوف شنو الحل
يله ابنائي عوفوني ارتاح

سلمنه وطلعنه جهاد وجه ينطي الوان وعمار كوه لازم نفسه واني نار بداخلي ماناقشت لصحت الرائد لان ندخل بجدال عقيم والرائد الضاهر التهديد هلمره قوي بحيث

استسلم وننخله عن القضيه مستحيل اسلم الملف لو اعرف تنزل بيه عقوبه

مشت الايام اداوم والقضيه ضليت مستمر بيها  اليوم لازمين طرف منهم ضحكت هذا يومي كمت دخلت وكعدت دك تحيقيق وكعته صفح ابن ال....  مااستفاديت شي اشرة للجندي شوفو شغلكم اسمع عياطه 

رجعت للبيت تلكتني الحجيه فدوه لهل وجه باستني بجتفي بستها براسها وخليته جوه ايدي تمشينه وصلنه للمطبخ

امي الحجيه"عساك ماتعبت "

سيف"شوفت وجهج يروح كل تعبي "

امي الحجيه"يمه تروحلك فدوه امك "

سيف "ابدل واجيج شمسويه صبيلي"

فتت سبحت وبدلت نشفت راسي وطلعت للمطبخ
لكيت الحجيه صابتلي تمن ابيض وباميه وخضره ولبن
يابه شون جوعان كعدت اكل

كملت والحجيه يمي تفتر بالمطبخ تعزل وجايبه ماعين مدري شنو ترتب وخابصه روحها

كعدت ترتاح تنهدت "يمه خل ازوجك وافرح بيك"

سيف"حجيه ماتفكيني من الزواج يرحم موتاج"

الحجيه"اي ادري شمتاني دراسه وكملت وضيفه وخير من الاه وراتبك زين شرايد بعد وابوك يريد يزوجك ويرتاح شايلين همك"

سيف"  يمه ابوس راسج لا كل يومين فاتحه سيرة الزواج من اريد اني اجي واكلج "

الحجيه "شوف سيف راح احجي اسمعني كلش زين هاي اخوانك كلهم زوجتهم محد فك حلكه بس انت متعبني اسمعي الله يرضه عليك"

سيف " زوجت شفتيني مستقر مندل دربي يمه من ارتاح واكول هسه اني انسان ذاك الوكت اني اكلج يمه زوجيني "

الحجيه"مقصرين منك بشي ليش دوم نحسك مامرتاح وتذكر اهلك يمه احنه اهلك اني الربيتك وابوك الشيخ واخوانك اياد وفرات وخواتك براء....  ليش تحسسنه ممرتاح ويانه مكرين وياك بشي يجوز ماحاسين على رواحنه"

دنكت اخذت نفس "فضلك جبير محد يسوي السويتو وياي حسبتوني ابنك واحد منكم وانتي امي والشيخ ابويا لاخر نفس بيه بس يمه اني اريد الكه اهلي اريد اعرف اصلي من فصلي ابن ناس ابن سكتت

الحجيه" اسكت يمه انت نضيف واهلك موجودين وهاي قسمتك ابوك الشيخ بنفسه راح وسال بذاك الوكت والناس كالوله على خطفك وانطو اصلك وفصلك وشهدو بختفائك

وكرابت اهلك لهسه بالبصره موجودين بس اهلك وين الله اعلم وين صفه بيهم الوكت بس ربك يعرف انت لا تخلي بالك وعيش حياتك بعد روحي امي شوف شبابك لا تطمر نفسك

سكتت كالت اني بالي ازوجك وافرح بيك وخالتلك وحده بالي كون الله وتقنع وتربه ويانه وانه اعرف نفسك ماتهوه اي وحده بس هاي من ريحت الغوالي

رفعت راسي "منو"

امي الحجيه"فكر زين يله تردلي جواب لا تستعجل وانه مخمتها زين يله كلت اكلك  رنا اخت الما "

فتحت عيوني "حجيه صدك تحجي هاي زعطوطا وينها وين الزواج"

الحجيه"انه بكدها زوجت وليش زعطوطه جبيره لا شوفه تصرفاتها  شايله امها شيل البيت كله عليها ومربيتها وهي واعيه عليك "

سيف"يمه رنا مو ازغر من نور بت اياد وينها وين الزواج "

الحجيه"هم كال وينها وين الزواج انت بس وافق والباقي مالك دخل بي"

سيف"يمه يمه يمه شوافق وين تتحملني واني شكبري بكد ابوها "

الحجيه "كبر سوي روحك شايب وليش ماتتحملك ازغر منا وزوجن وين تلك رنا مثلك"

كمت على صوت تكسر مديت راسي للهول رنا واكفه جامده بمكانه والكلاص طايح منيدها

درت وجهي لمي "ستلمي والله يمه عدج سوالف شيليها من بالج"

عفتها ورجعت الغرفتي البرانيه وره البيت كبال البستان دك جهازي فتحته عمار كال جايك بالطريق

...... يتبع

مساء الخير والسعادة والعافية عليكم

رجعنه نكمل وياكم القصه لتستعجلون على رزقكم
النشر بين يوم ويم لماذا لان الاحداث هواي

كل الاخبار انزلها على الانستا بحسابي ماعدي غير برنامج اكد اتواصل بي وياكم بس هوه الوحيد الاكدر انجمع بيكم

اليريد يشوف اخبار القصه يتابعني حبايبي

وتعذروني الماعدهم انستا ثقو جربت الفيس وسويت كروب مانجح بس الانستا هوه الامنفذ الوحيد اليجمعنا