رواية بين الكاف و النون الفصل الثالث 3 - بقلم saja altaie95

بين الكاف والنون (كن فيكون)

البارت الثالث

الكاتبه سجى الطائي

///////////////////////////////////////

وصبـّحت يهـلي على جفـون الخـواطـــر غـاليـات

وطيفكــــم ،

وطيفكـم عـاود على عيـوني حنيـنـه

وجـرّعت روحي لجلكم حنظـل الوحشـة

ولگـيت الروح بــالصفـنـــنات أمــــيـنـه

وذاك من ذاك اللـّـگـى النجمـة العـزيزة بلا سمـا ودگ

الهـا عـيـنـه

وذاك من ذاك ليحط گـلبـه آعلى ݘفــّه

ويغســل بــآخر نفـس وجــه المـدينـه

وبيـنـه بيـنـه

إشـما تعب لـف المغـازل بيـنـه بيـنـه

وبيـنـه بيـنـه

إشما ثــگـل صوت الهــلاهـل بيـنـه بيـنـه

__________________________________

همس واصوات عاليه عالقه بأذني چني بحلم هاي
كفاء وهذا الشيخ وهذا زياد وفرات انه وين دويهم
سطرني بجي الحجي وكفاء دوهني

مار عليه هذا الموقف جنه انه روحي طلعت اذكر
جد ابوي عبد العظيم من صعدت روحه للسمه
صار هيج بيتنه كلها تبجي عليه سألت امي

علمتني صعدت روحه وبعد مايرجعلنه بالي
صار يمهم معقوله متت وبس اسمع صوتهم
ومااشوف اهلي والما وين صارت چانت حدري

رجعت غبت مااعرف شكد كعدت على الم شل حالي
شل فتحت عيوني بثكل اجفاني چنه الخدر بيهن
ملزكات على عيوني كدرت افتحهن وارجع اسدهن
من الالم اعصرهن بوجع هد حيلي

ثكل اجفاني ماخلاني اباوع اهز براسي اريد اشوف
وين انه دقايق من المحاولات كدرت استوعب

الغرفه وحده من غرف المستشفى شايفه بيوم
خطفي اباوع كتفي ملفوف الغرفه بابها نصه
جام الممر اضلم بس ضوه الحمام يضرب
داخل الغرفه ضوه خفيف شفت الشيخ

نايم بعباته متغطي وعلى جانبي الاخر كفاء
غمضت بالم النعاس غالبني اغلب وكتي ....

رجعت استسلمت ونمت كعدت على طبكت
باب فتحت عيوني كفاء تلم بلبطانيه كترتها
على جنب التفتت ويا التفاتتها شافتني شهكت

_اجت ركض "حبيبي سيوفي الحمدالله على السلامه
شلونك متوجع"

هزيت راسي همست صوتي ماطلع مطبك كوه
حااولت ماحجي وهي تاعيلني بصدمه من كلت
شويه تنهدت براحه معالمها المفزوعه ارتخت

ابتسمت بعطف جرتني الحضنها تبوسني براسي
ضجت وخرت روحي بنتر همست "ولك اني مثل
خالتك عمتك لا تتحسس وصير نحس "

نصيت خجلان منها وضايج من تصرفه شنهي
تحضني اني مو زغير وعيبه عليها

طلعت ورجعت وراها الشيخ باسني براسي
وتحمدلي على سلامتي

سبوع انه بلمستشفى زياد وفرات يترددون علينه
شفتهم يحجون ويه ابوهم يردونه يرد للبيت
وهوه يكلهم انه اضل يمه

خلص السبوع وطلعوني وكتها المستشفى العسكري
صدام سوا للجيش وره انتهاء الحرب حولو اسمه
مستشفى صدام حسين حالين اسمه مستشفى الزهراء
(حقائق انذكرت من البطل ماكان عدي علم هذا المستشفى كان ااسمه العسكري)

رديت للبيت وسط احضان الشيخ ولده تلكوني اهل
بيته ذبحو طلي لسلامتي وانه الخجل ماليني وعيت
على شغلات ماخذ عهد على نفسي ارده جمايله
الغطتني من هامتي لحد رجولي

طببوني للبيت وكفت معترض ومنصي عاينلي الشيخ
جان بصفي "هااا ابني شبيك اصابتك توجعك"

_هزيت راسي بلرفض" شيخ خلني بلديوان واليرحم
والديك "كلتها بضجوره درت وجهي

_"ابني الحجيه تعتني بجرحك بكومتك بكعدتك "

_عكدت حواجبي"شنهي شيخ اني زغير وداريني
وعيب انكشف عليها "

_ ابتسم "ابني منو علمك على هاي السوالف انت
بعدك طفل وينك وين هل حجوات "

_ منصي همست بضجوره "انه موش ازغير وبعدين
انه تربات جدي الشيخ رميض وابوي علموني الحرمه
غير امي واخواتها وغير حبوبتي وعماتي واخواتي
يعتبرن نسوان غرب ولزوم نستحرم وعينه مصد
ليهن ونحمل ذنب "

_ضحك وهوه يشوف ردت فعلي كال " عاش الشيخ والله لنه غلبني بهيج ربه عرف شلون يعلمك وتأمر بلديوان بلديوان كلشي يهون لخاطرك يله يابه اخذه هناك فرات افرشله هناك وانه اروح ابدل "

سبوع لاخ وانه مكتف ايديه الشيخ تارك بيته ومكابلني بلديوان حتى كفاء مااقبل داريني لهناك وتجي جمرت
كلبي تعاينلي من طرف الباب تستحي تدخل مانعيها

وانه مااقبل عيبه هيج اسوي تتختل وكت يرحون
عمام والد اخوان الشيخ تحدر ليه تشوف تعاينلي
بعيونها الدواير السود اخخ يهل كناكر ماطيحني

غيرهن هلمره منزلتهن مارافعتهن كشرت بضحكتها
بينن سنونها الناعمه لوحه طفوله بكل معالمها الخلابه
وتفاصيلها الجذابه منحوته ببرائه ربانيه

تقربت بنفنوفها ابو القوله الدائريه ضحكتها ماليه وجها
عيوني تتاملها كعدت مقابيلي نزل ثوبها طلعن رجليها
رفعت عيوني الوجها همست "جبنه اوكفي ورجعي كعدي عدل"

ضلت تعايلني مامفتهما مني ردت"هاي شنو تاشر على ايدي"

-ابتسمت بحنيه "بس اكعدي مثلي واثني رجليج
وانه اكلج"

_سوت الكلته "هيج

_هزيت راسي اي " شطلعج بهل برد والدنيه صل "

_ اتلفت مثل الوحده خايفه يشوفوها ضحكت"ماما
ماتقبل اجي العب وياك نامت واجيت العبك "

_"لا تجين بعد انه مااقبل "

وكفت خلت اصبعها بحلكها وتحجي والكلمه ماتنفهم من وره اصبعها "نعست اروح انام وياها"

مشت وابدها رفعتها لزمت خصله من شعرها تلفها
منضرها لهلحظه يزورني فتاتيلها رغم برمتهن بس ناعمات مزينها حلاوه

مددت بفراشي المضيف فارغ الشيخ خله يمي صوبه لهسه اذكره علاء الدين وليغاد مني الدخانيه خلاها مجمره لجل يدفه الديوان كتفي وكت يلوحني برد يكوم يصل عليه لاف رويحتي

الحجيه كل نوبه تجي تكشف على وضعي وانه مااقبل اخجل منها مامتعلم هيج مصارلي ثلث اشهر ولهلحزه ماامتعود

حنيني ياخذني ليهم عمري سبعه وينهم عني مامعقوله
ابوي لو جدي يسافرون دوني ماينسوني تنزل دموعي
خنسه عنهم مجبور انه هم بشر والي مشاعر مانسي
تعلوم جدي بس شوكي يفطر كلبي

مره شهر الشدهني وضعي ليش اي وكعه لو صدمه
ينغمي عليه العرفته من سألة الشيخ صارحني كنت احبه لانه شايفني جبير مايجذب عليه عدي فطر بلجمجمه منهد ضربت الخاطفين جعب المسدس
سببلي ضرر ولهل نوبه موجود الفطر

الشيخ ماعافني اصابت كتفي اثرة على ايدي جان
عدهم دكتور شيصير يجيبو الولد وهوه اشرف على
حالتي ضل الشيخ كل مااحتاجه يدز عليه

ايدي احتاجلها علاج فيزياوي الدكتور علمني على
تمارين يوميه اسويهن الشيخ يمي يعاوني وهوه
يوكف على راسي اسويهن مر شهر وانه هيج

كدرت ارجع مثل كبل وايدي تحسب بس بقة
بيها رجفه لحد الان مارايحه

اليوم الي يمهم اربعة اشهر ونص ثاني يوم بلتحديد
صادف خميس اجه الشيخ جايب بيده شي بكد كف
ايده ملفوف بجيس انطانياها كلي "هاي جنسيتك ابني
صرت ابن الفلاح جاسب وهوه مثل ابوك بس بلاسم
انت ابني ويمي اني متكفلك شتحتاج تجي الي "

هزيت راسي فتحت الجيس جنسيه اسود وابيض
لذكرها ماناسي منضرها بدون صوره جنت مااعرف
اقره وافرزنها زين

هذا الاسبوع شهد على احداث جديد الكل يتحضر
ويلملم بلبيت وتعديلات حتى الما ماشفتها بسبب
امها ماتخليها وهي هم تصخره وتعاونها بلبيت

جان حدي للديوان رغم الحجيه والشيخ يردوني
ادخللهم للبيت واكعد بينهم انه الماراضي ابقه
غريب الشيخ يصف بيه يكلي "جدك زرع بيك
انه الماكدر ازرعه بولادي "

انصي خجلان اعرف حجيه مدح ابقه ابن شيخ رميض
وحتى لو الزمن غدرني والقدر غير احوالي من ابن شيوخ الى ابن فلاح

احمد ابن الفلاح مكيف صايرله اخو هوه وحيد اهله
امه ماعدها اطفال جان اقل فكر مني تصرفاته صبيانيه
رغم يطلع ويه ابو للبساتين يزرع ويفلاح وره المدرسه
بس عقليته مومثلي مدري ليش احس بلفرق الحواليه

الماتوقعته كفاء عدها وليد چبير بعمر فرات ودارس
جاي من الكويت لان جان عد ابو والشيخ محضرله استقبال يليق بمقامه

من كبرت عرفت كفاء مزوجه بصراوي عن طريق الاهل وزوجه لاكيله درب مصلحه وماخذها ويا اهله ورايح
للكويت وعايش هناك ضالين سنتين بلايه اطفال

شائة الاقدار بيوم رجعتها لهلها زعلانه وهي تحمل طفل
دون علمها وعلمه من عرفت ودتله مكتوب لكن عكس
المتوقع زوجها متخبل وتهمها هذا مو ابنه ليش من رديتي لهلج حبلتي كان وكتها عمر كفاء17

وهذا الامر خله الشيخ يحلف مايردها وجابت كفاء
مقدام وربته وهيه تدرس رغم عدهم ممنوع البنيه تدرس وتكمل لكن هي الوحيده جانت تدرس بامر من زوجها

قصة كفاء مثل الاف القصص بزمانه القديم والد زوجها كان صديق الشيخ وبيناتهم مصلحت عمل بذاك الزمن اول مااجت كفاء للدنيا جد مقدام طلبها لبنه وكفها من باب المعزه

كبرت كفاء وصارت صف رابع رفم صغر عمرها لكن جسمها اكبر من عمرها جد مقدام طلب يتممون الزواج رغم عدم بلوغها

حسان هوه والد مقدام رغم الفرق بينهم هواي قبل ازوجها ضلت يمه وخلاها تدرس ويه اخته من بلغت يله كدر يتمم زواجه منها وهي صف ثالث متوسط وكملت وصلت ثاني معهد رجعت لهلها بخلاف بينهم وكانت حامل انجبر الشيخ يخليها تكمل دراسه بسبب سوء حالتها النفسيه وانعزالها

عاش مقدام سنين يم جده واسمه بسمه وبسم الحجيه
وراحت سنين واجت سنين رجع مقدام لبو قبل الحرب العراقيه الكويته بسنه وره الحرب صار حضر منعو
2 الكويت دخول العراقيين ارضهم

زوجها من صار بالمقاومه الكويتيه و من بعدها اعتبرو الي بالمقاومه رغم همه مادارسين كليه عسكريه ولا متدربين لكن وكتها اجت وجبه تدريبيه وضموهم من ضمنهم واعتبروهم من ضمن الكليات عسكريه و مخلصيها و الهم حق ياخذون رتب عسكريه....

رغم اهل زوجها معروفين بلعشار بلبصره والهم مكانتهم
واملاكهم قريبين من بيت جدي هذا الامر فرح الشيخ بعد عودت مقدام

اكو طرف يوصلنه لهلي وخصوصاً ذكر الشيخ نسايب
جدي موجودين عائلة زوجة عمي هشام بعدهم هناك
واكيد يعرفون شلون نوصلهم

زرع الامل عدي من جديد اجه مقدام استقبلو بلذبايح
صارله سنتين ماراد لمه كبلها جان يمهم بعد ماابو اعترف بي راح يمه وامه ممنوع عليها دخول الكويت بسنة ال91 وال92 بسبب الحرب العراقيه الكويتيه

واستمر هذا الحضر لهذا يومنه مع بعض الاستثنائات

ايام ورجعت اداوم ويه كفاء واحمد ابن الفلاح صار رفيجي وهناك تعرفت على ولد اسمه غريب واول نوبه
اسمعه ارغد كان شاطر وانه حبيته وحجاياته معدله

كمت يوميه بعد دروسي اتمشه لحميد هيج سمو رغم اسمه احمد واخذت طبايعهم وكلامهم وارغد يبعد عن بستان الشيخ مسافه حالتهم على كدهم هوه اصغرهم
وعده زمرت اخوه

ياخذنه البستان ويردنه للدار ويه غروب الشمس
حبيتهم وصرت اعزهم جنهم خواني خو حميد
يموت عليه ويتباها بيه وين مانروح يكلهم هذا
اخيي وحتى اسمه بسم ابوي

فرحته جبيره وانه مااحب اكدر خاطر عايفه على ماييه
ارغد مثلي هادء ورزن وحلو ينكط حلا عكس اخوته شايفهم كم مره شكولوهم معقجه جنهم مضروبين شرجي ومغبرين

اكله "انت ليش هيج حلو دونهم "

_"ماادري حتى اخواني يغارون مني لان اختلف عنهم
وابويه وامي يحبوني اكثرهم "

حميد_"اي لانهم مغبرين شنهي هذا اخوك الجبير جنه شماعت مجانين وين مايشوفني يطردني متكلي كاع ابوكم وانه ماادري"

ارغد_"هذا موبس وياك وياي اكثر يضربني على اي شي وامي ماتقبل بس هوه يصيح عليها ومرات حتى يكسر ماعين البيت ومره دفر البوفيه طعج بابها "

حميد_"ماله رداد يخاف منه ابوك مايشوفه شيسوي"

ارغد_"ابويه بلشغل وبليل يحرس المدرسه يرد تعبان واكثر وقته بلشغل ماايدري وامي ماتكدرله "

كتله "احنه خوانك التريد تعال يمنه ونصير صحاب "

بعد هلجوله رديت لبيت الشيخ فتت دربي بلبستان
لين اوصل البيت شفت البنات يلعبن وياهن ام كناكير
دكمز تلعب توكي شافتني اجتني ركض تضحك "شوف اعرف العب مثلهن علمني "

ابتسمت عفتها ورديت للديوان هيج مشت ايامي بين
البستان وبين الدراسه وبين ارغد وحميد وبين كلبي السالبته ام كناكير

بيه ومااحب عيشتهم واحب كعدتهم ولمتهم واحب
الشيخ واتعلق بي والحجيه وخوفها وكفاء وبراء
ورجاء شي صار مني وبيه السنين تمر وانه اكبر بينهم

مقدام وعد الشيخ يروح النسابتنه ويوصلونهم خبر
عدي امل مزروع داخلي اهمس داخلي اذا ردو اهلي
والشيخ شلون اتركه تعودت عليه

وارد اكول ابوي امي جدي مشتاقلهم هذوله اهلي
مالي غيرهم

و الفلوس الي اخذها من الشيخ بيني و بين حميد
و البناطير بيناتنه كلشي سوه صار من اعز اصدقائي

و الشيخ يدري و يسكت ما يحجي و كام ينطيني زايد

بس ام زياد تحطلي 3 لفات بدل لفتين يوميه الصبح
تدخل تكعدني وتريكني تعودة على وجوده احن من حبوبتي عليه الما هم تطلع وياي وكفاء تاخذنه انه

اسبقهم لحميد وارغد نروح ونرد سوه اليوم رجعت من وكت كفاء رجعتنه ماعدنه دروس هواي وانهاية نص السنه بعد ايام ونمتحن

اول مارديت الديوان بي بس زياد والشيخ سلمت ودخلت جان اكو مثل المخزن مخلي الشيخ للغراض الزايده داخل الديوان فرغه ورتبه وفرشه وخلالي

كنتور خشب ابو خانتين هوه موصا نجار من السوك
وسوالي ادرس بي خلالي ميز خشب مرتب ومصبوغ
وكرسي خشب اذكره ضهره حياكه من نايلون قوي
بلونه ....

من كملت تبديل وعدلت ملابسي طلعت كعدة يمهم
زياد تغير تعامله وياي باوعلي "تروح وياي للمدينه
(مركز الكوت) "

_"شنسوي هناكه"

الشيخ رد"ياخذلك كم لبسه مال طلعه يفصلك الخياط"

_"شيخ انه مامحتاج عدي بناطير مخيطه انت مامخليني احتاج"

_"ادري ابني بس هدوم العيد يختلف ذني بس وكت العيد نلبسهن"

_نصيت افكر مااكدر ارد الشيخ"تأمر"

_ابتسم ومسح على راسي

اخذني زياد وكت عصريه المدينه بعيده عن القضاء
الاحنه بي طريق ساعه وصلنه للسوك نزلنه انه وزياد
اخذني لخياط مبين يعرفه من سلامه فصلي على قياسي كال يومين وتجون تلكونه جاهز

زياد فصل اله بنطرون كلاسيكي وقميص بين مربعات الوان حلو بوكتنه وانه قاط ستره وبنطرون زيتوني
عجبني لان يشبه الجنود النشوفهم

افترينه اشترينه كم شغله زياد اخذهم للحجيه والبنات
للغروب ردينه

زياد"سيف ليش مااتقبل نخيطلك هدوم عيد"

يسوق ويباوعلي ويرد نضره للطريق كتله"انه استحي البس وحميد وارغد ماعدهم اتخيل رويحتي بمكانهم
انقهر وحدي وهمه صحباني وعيب عليه البس جديد
وهمه لا"

_ رد"حميد تقصد ابن فلاح جاسب "

_هزيت راسي

_"حميد عده اب ويصرف عليه وبس هذا عدهم
يكدرون يفصلوله ملابس"

_التفتت لصوبه"اهله حالتهم تعبانه وابوه اليحصله يضمه يريد يشتري كاع حميد ابو ميرد يضل هنا
طول عمره يريد يخليله كاع بسمه وهل شوفه
مايشتري ومايكدر يكل لهله ميريد يضغط عليهم "

_كال "احنه مامقصرين من الفلاح وجاي نطي اتعابه
وشاكن بكاعنه واكله من المحصول شوكت ميريد
يروح يحصد مخضر بيته اكلهم متوفر وعيشتهم وبيتهم عدهم يكدر يفرح ابنه بعيد شنهي الكاع وهوه
مقصر من ابنه وحيده"

_كتله "خويه بلايا كاع بلايه وطن لو انته محله تكدر تعيش بيت مو بيتك وضل طول العمر "

_ابتسم رد "والله وغلبتني ياسيوفي منو معلكم وهيج
حجواتك حلوات ومعدلات "

_التفتت للطريق جانب الجامه مزعوج"انه جبير والسنة
الجايه يصير عمري ثمانيه ليش مسويني طفل وماافهم عليكم والكلي هذا الحجي الفلاح جاسب انه هم كتله
عمو ليش تطلع من البستان كلي بلايا كاع بلايا وطن
وفهمت كصده "

رد وهوه يسوق ويسمعني" سيف اني معتبرك جبير بس عقلك يفوق عمرك وجاي اشوف معدل رغم صغر سنك
وعلى كولتك التصرفات مو بلعمر تدري كمت احبك "

كتله"ادري بيك ماتحبني من اول ماشفتني وصارلي سنه انه وياكم هسه يله حسيت بيك بديت تحبني"

كال" سيف انت من اجيتنه مانعرف اصلك منين اهلك وين شنو المسوي وهيج تالفيك يم الطمر الصحي ولو ماطريق ابويا صوب الرميله يم معملنه شايفك يم البطحه قريب يم المخلفات

خفنه وانه اول المعارضين وضليت شهر غيبوبه ومن صحيت وكلت اسمك واسم جدك وابوك انه بنفسي وياي مقدام سألنه عنكم طلع صحيح افترينه العشار
شبر شبر مالكينه لهلك طرف

ردينه وضليت خايف منك لا تجينه بلوه من وراك
العرفته جدك وابوك شاردين من الثار خايفين لا
يكتلونهم وخصوصاً ذولاك سلابه وميخافون ربهم
واغلبهم بلبعث اكيد اخاف على اهلي وابويا
وانت شفت بيتنه متروس نسوان "

فاهم عليه حكه يخاف لو يعرفون مكان يجون يذبحوني مكان ابنهم النكتل بستانه

ردينه للبيت مثل عادتي وره الصلا والعشه اراجع
كتبي وارد انام اكعد من الغبشه متعود على الحجيه تندهني تجيبلي الحليب والزبد مرات جبن من اشوف
ابتسم اذكر النايمه جوه بحضن امها ابيض من هاي
الجبنه

حالين انه بلثالث ابتدائي ارغد وياي حميد غايب
مصخن كلت الكفاء اخذتله اجازه

رجعنه العصريه لتمينه نلعب دعبل بس حميد كاعد على صفحنه وانه ولد القريه كلنه نلعب سوه جنت
العب بصايين ارجع محمل دعبل بطل يشوفني
الشيخ ماله بيه مايحجي يكلي كلنه بوكتك

لعبنه دعبل وسيفونه وختيلان ذكرلي العاب مااذكرها
زياد دومه ياخذني ويااا للمدينه من يريد يسوك للبيت مسواك اقمشه وكيبورات وذني شغلات نسوان
مرات الحجيه تروح ويا ومرات هوه على معرفته

تعلقت بي كمت اشوفه اخ الي عاملني مثل ميعامل فرات اليوم ارغد اجاني يشك من اخوانه واخته
وانه مااقبل اكله عيب تشكي منهم ذوله اهلك كافي
عايش بنصهم وبينهم وامك وابوك فوكك

يرد "سيف اني مااعرف ليش يكرهوني ويضوجون مني اخواتي نص يحبني ونص لا واخواني كلهم ميردوني بس تميم زين وياي مامسويلهم شي شيردون اركض اجيبلهم "

اكله"تحملهم يبقون اهلك لاتتبطر شوف انه صح
الشيخ وزياد مامقصرين عليه بس ابقه غريب شوفني مااطب دارهم لان مومنهم وبيهم ولا انه من دمهم
ولحمهم اخافن احتاج شي والشيخ ماموجود المن
اطلب"

يسكت ومايرد

طلعنه رحنه لحميد دكيت الباب طلعتلي امه نصيت

_"هله يمه جاي على حميد"

_نصيت " شلونج خاله جاي عليه موجود صيحيله"

_"اي جوه يلف وياي سعف احوكنهن مكانيس
دش دش يمه البيت بيتك "

باوعت الارغد اشرلي لا عيب نطب

_همست ادري مااطب بس شلون همس نعوفه ونجي غير مره

_كالت المره"يمه سيوفي شجرالك ماتچي ادش "

_"لا خاله انه رايح عود امرله غير مره"

_"ياااا يااا يااا هاي عودن ليش يمه قابل انت غريب عنه اذا تستحي هسه انه اصيحنه "

اجييت اصيحها خطيه يساعدها مانطتني مجال
طبت جوه صيحه

ماطول طلع ضربني على جتفي ماطب شنهي تستحي امي كالت

_"انت تعرفني ماادخل بيت بي حرمه رد ساعد امك
غير مره نجيك "

_صاح "وين وين اذا على امي كملت بليل نحوك موهسه راحت سوي عشه وتنضف البيت "

_رد ارغد"ماشي امشو للبستان لو نروح للساحه نلعب طوبه "

_حميد نب" نروح للساحه البستان شبي شابعين منه"

مشينه للساحه لكينه الفريق يريد يلعب تلفنه نعولتنه حميد حارس مرما شلبه ايدي ورفع بجامته وانه لا لان جنت العب دفاع وارغد هجوم وكلنه نركض بلايا
احذيه ونعولتنه مسويها حاجز وخط

والترابه ورانه ثعول من ارد الحجيه تلزمني تحجي عليه لان مترب روحي وانه طبعي نضيف تلزملي الباب اطب اسبح وارد للديوان

غوربت كملنه لعب فازو علينه ردينه بلطريق كاضي ضحك ولازمين نعولتنه طريق الرده تراب وهي القريه كلها بلايا تبليط بس الشارع العام قريب
يم بساتين الشيخ مسويله طريق ومبلطه هوه
جاب عمال بلطو من يمه لان بيته بساتينه صايره
بلبدايه نمشي والبيوت مطشره هناك

وحميد يلمحه بنيه شكره مسويه شعرها ستوتات
صغيره وبيضه كال ينعل رس الجابج شهل شكار شنهي خيوط شمس

ارغد يضحك عليه ولك هاي جوارينه بيت ابو تحسين

_حميد"عليك علي هاي بتهم "

_ارغد"اي بتهم سديم "

_حميد"هاي شنهي نوبه سديس "

_ارغد"هههههههه ولك سديم اسمها سديم"

_حميد"اندري منين تجيبون هاي الاسماء انته لوما سيف يعلمني جنت اسميك ارعد شنهي اراد نوبت هاي الحلوه سديس "

خلانه نضحك وهوه يمشي على كيف ويباوعلها
وارغد نصب عليه وهي طفله يمكن عمره ثلث سنين

_حميد"بله انجبو شمالكم انه اخلي عيني على بزر
مشوفوها زغيره انه لين حلوه هيج باوعتلها ماعدنه بلقريه هيج وحده شكره بس انت وصمخ ارغد وانت مو اشكر بس حلو "

_ارغد"حميد ولي البيتكم كمت اكش منك

_سيف "هههه ماتعرفه فطير وبكلبه على لسانه "

_حميد"دمشو دهاك هذا تميم چدامك هسه يجيبك بعلابيه معدله "

_ارغد"تميم زين صح مايقبل اطلع وفرق بينه اربع سنين بس يحبني وزين وياي"

راح ارغد ويه اخو وانه وحميد ردينه للبيت

مشت ايامي هيج بين بيت الشيخ والمدرسه وبين
البستان وصحباني العوضوني عن الغربه عن احساس الفقدان حميد اكثر شخص قريب ليه شكد مااحبه
بكد مااخاف عليه فطير بفطره كلبه لكن هوه سبع
ويعرف البشر مايتقشمر

اليوم رد مقدام من البصره وكلي لهفه بلكت موديلهم طارش لهل زوجة عمي

تلكا الشيخ جان هوه محمل بلغراض طببوهن ليجوه
امه استقبلته حظنته

"افيش يابعد امك هيج كلبك ينطيك ضل بيت جدك وتعوفني لوحيدي

_مقدام"شنهي يمه هي عطله الثلث اشهر كضيتها يمهم وتعرفين حبوبتي ماراضيه تروح يم جدي وابويا بلكويت رغم كالولها تتجنسين تعرفين ابويه
بلمقاومه واله مكانته بس هي ماراضيه تقتنع"

_كفاء"حكها شلون تترك ديرتها وبيتها واهلها وتروح بلد غريب لان ابوك وجدك هناك مو سهله عليها بناتها ربن هنا وزوجن وهي خواتها وخوانها شلون تتركهم
وتروح جدك وابوك كلوبهم جلده من عافو كلشي
وراحو للكويت "

_مقدام"يام تعرفين ابويا صارله سنين هناك وابويا من التعحق بلمقاومه الكويتيه بعد صار منهم ورتبته انشملت من ضمن القوات الكويتيه وكل مهمه يزيد رتبه بعد استقر ماتني بس يفكون الحضر يسحبج "

_الشيخ"كفاء بويا تلكيتي الولد بهذا الحجي عوفك جدي منها شلونها البصره عمومتك شلونهم ان شاء اللة شبعت منهم وارتاحيت

_مقدام"بخير يسلمون عليك وحملوني بهلسلام ودولكم تمر مجبوس وصناديك رطب "

الشيخ"دايمين دامهم بخير "

هنا سأل باكثر سؤال جنت ناطره "بويا الامانه وصلتها مثل ماوصيتك "

_مقدام "يابه وصلته وسويت الكتلي عليه اخذت عمي ورحتلهم للبيت المره زوجت عمه ماخذها عمه وشارد"

الشيخ"افا ليش"

تنهد مقدام باوعلي متردد يحجي الشيخ باوعله "كول بويا سيف الدين كوي يتحمل"

_مقدام "عمه مضمن الي باكو يسمونه سروان بالكويت وبداية انسحان العراقي من الكويته عمه
انحصر بنقطه عسكريه تابعه للكويت على حدود سفوان

ويا كم شخص من معارفه يعني جماعته وصار تبادل بس الضباط العراقين و الكويتين و رجع للعراق

مالحكت عليه ماخذ اهله وشار للشمال "

اخاف عدي امل بذيج الحضه فقدته اخر نقطه وصل بيني وبين اهلي فقدتها شعور الخذلان والفقد صعب
اتأمل روحي يوم يوم ارد الهم

شون يكون لقائهم متغيرين على فقداني لو عدهم عادي مثل لوعتي كلبهم هم يحس بلاحسه

...........يتبع

يمكن ضهور جزء من ابطال قصتنه القادم يكتمل ضهور ابطالنه البقيه

مااريد منكم شي غير التصويت