بـيـن الـكـاف والـنـون
السادس والسبعون
سجا الطائي
لا تخجل
سولف گول الك واهس تضلوياي
واذا ما الك واهس گول لا تخجل
ما اقبل احبك وانت مامرتاح
وما ارتاح احبك وانت ما تقبل
اذا متشدني بيك وبيه اشدك حيل
انحل بالسهل من عندك وتنحل
بكيفك من اجيت وما جبرتك يوم
وما اجبرك بكيفك لو ردت ترحل
فكر باليهمك والمهم شتريد
انه كل اليهمني المهم لا تزعل
ما مليت منك اگدر ابقه وياك
بس المشكله خاف انه راح انمل
ميهمني الدرب صار امشي بيهاسنين
ما اندل چنت بس هسه گمت اندل
ريحانه
بعد صراع ويه نفسي شجعت وكدرت اسولف الوالدي الشفته
ماصدكني ضل يتاكد مني اكثر من مره حلفتله شفتها بعيني وفت الكيس من فتحته وطلعت الحيه سوده برصاصي
توتره واضح عدم تصديقي دنكت حلفت بالمصحف مااتبله عليها عافني ابويا يستغفر وكام قبل ميطلع كال" لتحجين الامج عن ي ولا الاي شخص "
طلع واني اعاين عليه كمت طلعت من الصاله ملابسي بعدهم بجنط مجهوله رحت الامي كتلها لو ينطوني غرفتي لو اصعد بغرفتهم
مشت الايام واني بين الدوام والبيت بيوم كاعده اكلب بملزمتي كوني اعرف الجامعه الخوف قل
شفت ضل فوك راسي رفعت نضري بنية بشوشه مبتسمه كال" تسمحيلي اكعد بصفج اذا ماكو ازعاج"
دنيت سوتلها مجال"تفضلي عادي المكان واسع"
دنيا"تسلمين "
كعدت ساكته خلت كتبها بيناتنه كالت"دنيا اسمي وحضرتج"
رديت"ريحانه وياج"
ابتسمت دنيا " انت علوم حاسبات رياضيات منا مو"
هزيت راسي كالت" ليش وحدج كاعده"
رحانه "منتضره والدي"
كالت"اني قسم بايو يمكم بس مقابيلكم يعني قطعت كلامها بوكفتي
سكتت شفت والدي ترخصت منها مرت الايام و الصدف تجمعني بدنيا تعرفت عليها اكثر واكثر رغم عدم التازمها بس مؤدبه
وشايله كلب حلو
دنيا"منو الحلو بالماروني شطالعه "
خجلت ارد اكتفيت ببتسامه تقربنه اكثر رغم تحفضي من الصداقات واقرب شخص كانت اماني بس دنيا كدرت تكسر حاجز الخوف من الغرب
امشي وياها طايره بيها حبيتها اسولف بيها كدام امي امي حبتها من كد مااحجي بيها
اليوم كاعدين نقره ثنينه امتحان اريد الحك المواد صعبه دنيا تتأفأف واني اضوج كلها ميصير لا تتافأفين مايصلح
دنيا"وين جايبين هاي المعلومات اريد احفظ مصطلح واحد عقلي سوه ستوب بعد مابي مجال "
ريحانه"هاج باعي جابنه على الرياضيات وجاي ادرسه غصب عني "
صارة وكت الامتحان ركضنه هي القسمها واني القسمي امتحنت الحمدالله مسيطره على الماده كانت درجاتي جيد جداً
مرت الايام مثل سابقتها
امي "رياحين امي رايحه اخذ ابن اخوج للطبيب انتي وفي البيت بس ركبي تمن المركه مطبكتها ونضفي الخضره
ريحانه" ميخالف يوم بس تبطون بابا وين "
امي"ابوج راح لصديقه دزو عليه "
امي فاتت صاحت تكتم خاله نمتي هم يله نلحك من وكت نفوت على الدكتور خفي ايدج
طلعت تكتم تلبس بعبايتها ابنها كدامها يمشي عمره سنتين
اخذته امي شالته يكح صدره ملتهب
طلعت امي شايله ابن رضا وتكتم وراها سديت الباب نكعت تمن وره نص ساعه طبكته اعرف اسوي بس كبس بزل موهلكد ينجح بايدي
كملت اتصلت دنيا ضليت اسولف وياها فات والدي سدرته
والدي"وين امج "
ريحانه " اخذت ابن رضا للطبيب "
كعد نزع عمامته وعباته على صفحه "مي بابا بلا امر عليج"
كمت اخذتله دوركة مي اخذها " بارك الله بيج"
شرب مي وخلاها على صفحه "بنتي ويامن سولفين"
ريحانه"ويه دنيا زميلتي بالجامعه"
والدي" خوش بس بنتي اخذي حذرج "
هزيت راسي كام دخل للغرفه يبدل واخذ ويا عباته وعمامته
لليل اجت امي وتكتم شايله ابنها فاتت الغرفتها
خلصت العشه لميت السفره والمواعين غسلتهن مسحت المطبخ شويه وصاحني والدي مسحت ايديه
امي وتكتم بالهول
فتت للصاله اشرلي سدي الباب سديته
كعدت مقبليه مدنصي يفر بسبحته الكهرب
كال " بنتي ان بعض الضن اثم رب العباد نها عن التهمه الاهل والناس في غير محله الظن الخالي من الحقيقة والقرينة، وكظن السوء، الذي يقترن به كثير من الأقوال، والأفعال المحرمة، فإن بقاء ظن السوء بالقلب، لا يقتصر صاحبه على مجرد ذلك، بل لا يزال به، حتى يقول ما لا ينبغي، ويفعل ما لا ينبغي، وفي ذلك أيضًا، إساءة الظن بالمسلم، وبغضه، وعداوته المأمور
بنتي اني مشيت على كلامج المكان الدليتيني بي حفرته
كتله اي متفائله
كال " فارغه مالكينه الكلتي عليه بنتي شنو عداوتج ويه تكتم ليش مااشوف بينجن تقارب ولا وحده تود الثانيه
ريحانه" هي متودني"
والدي " شبيها البنيه مامسويه شي ودوم تسال عنج وتريد تسمع اخبارج واني شاهد وامج شاهده بنتي عوفي كلشي
وخلي كلبج سمح لا ضلين شايله بداخلج حقد وكره وضغينه
ريحانه"بابا والله ماضانه بيها اني بعيده عن الضن اقسملك باالله اني شفتها بعيوني ومتيقنه هي دفنت شي بالحديق"
والدي باوعلي باسف" تعرفين هاي تهمت سحر اجي وياج شنو غايتها من السحر تسحرني لو تسحر امج محد مايها
وتكتم فقيره "
سكتت ماعدي بعد كلام اكول كمت مترخصه طلعت من الصاله الهول فارغ دخلت للمطبخ صادفتني تكتم طابه من بره باوعتلي بستهزاء وابتسامه مخيفه
" ههههه شفتي محد صدكج خليج بعيده عن العب حبابه لا تدخلين بشي اكبر منج لان بكلمه وحده ادمرج فااستري على روحج ياكمر
شخطت خدي بطرف اصبعها وهي ماشيه عافتني وطبت
لزمت كلبي بيدي جسمي يرجف
رجعت للهول كعدت مااعرف شسوي ماعدي خير سكينه الساعه ب١١ وين احصلها هسه عيب نايمه
يومين اني اجنب تكتم وهي طبيعي كدام امي وابويا تتعامل وياي كانو اخت دخت بتصرفاتها حتى شغل البيت من اداوم اشيله عني خبلتني خلتني اشك بنفسي
ايام اني حذره واخاف اخطي اي خطوه
سكينه من سولفتلها شبعت تكتم مسبه وكالت اصبري وشيصير دزيلي مسج اخاف نايمه ريحانه بعد لا تخافين منها مثل ماعلمتج سوي حاولي تلزمين عليها لزمه
واني وياج بس الدليل يخلصج منها
سكتت مقتنعه ومامقتنعه اخاف سويلي مشاكل رضا ميصدكني ولا والدي شسوي بهاي الحاله
التهيت بدوامي دنيا ماليه عليه جو الجامعه
اليوم ماعدي محاضرات اخذت وحده وثنين اساتذه ممداومين رحت القسم دنيا
كاعده تكتب دخلتلها للقاعه شافتني ابتسمت اشرتلي شويه واجي طلعت وكفت بالممر كملت تجت تلبس بجنطتها
دنيا" صدقه اليوم القسم يضوي منو جاي علينه "
ريحانه" جوعانه وضايجه ماعدي محاضرات امشي ناكل ونطلع للحديقه
نزلنه اني وياها وهي كشكوليه تضحك وتسولف تنسيني نفسي دخلنه للنادي اخذت لفات ثنين وعصاير وطلعنه للحديقه كعدنه ناكل
كاعدين على السطبه هي سولف وتاشر واني مستمتعه وياها
شفنه من بعيد اخوها نزلن الفه من ايدها "هذا اخويا حشوفه واجيج"
عافت لفتها وراحتله اشرللها تجي ملازمها زجنطته تلفونها فوك السجلات دك الجهاز عيني صارت علي مكتوب ابن العم
دك مرتين وسكت
وراها كامت توصل رسائل وحده وره الثانيه جهازها يضهر الاشعارات والرسال يطلع محتواها
مااعرف شنو الخلاني اسرق النضر الجهازها واشوف محتوا الرسائل
"بت العم وينج"
هسه كدرت احصل الشبكه طمنيني اكو اخبار جديده"
"يمعوده وينج"
" دنياااا اسبج وينج"
"بكايه بس شوفين رسائلي ردي بعدين اقراهن "
ضحكت يسميها بكايه مبين يحبها اجت ضايجه" خري روحك ماشايفني"
كعدت تذمر اخذت لفتها تاكل"شراد منج اخوج"
دنيا"ماتعرفين سوالف يسال منو هذا اليوم وكف يحجي وياج"
ريحانه "شمدري"
دنيا"اكو غير علي ناظم يوصله كل تحركاتي كرهوني بلجامعه وهذا علي ميصدك يشوفله شغله يركض يوصلها لخويا "
ريحانه"علي ناظم شنو علاقته بيج"
دنيا" عشتو يحبني "
ريحانه"يااا وانتي شنو"
دنيا"اني هم بس هوه مضوجني بتصرفاته واكفي عظم بالزدوم مينضم عليه شي حتى من اطلع للمطم يدري "
ابتسمت منفعله تحجي " تره دك عليج من انتي يم اخوج"
صفنت عليه " ماعده رقمي وين يدك عليه "
ريحانه"مكتوب ابن العم " سكتت ماردت دارت وجها ورجعت باوعتلي " لا مو هوه هذا ابن عمي "
"دزلج رساله "
ارتبكت اخذت جهازها بسرعه كامت صترت على صفحه تكتب ضلت هواي واكفه تكتب رفعت جهازها شتغل الفلاش
شافتني اباوعلها نزلته بسرعه اجت يمي " ابن عمي يسال عني "
ريحانه "اي قريت من دزلج اعتذر اطفلت على جهازج بس يمج ماخذه راحتي"
سكتت صافنه ورجعت كالت"لا عادي حبيبتي "
همست " ريحانه هم حبيتي "
جريت نفس "مااعرف اسمي حب لو ارتياح او مغامره"
دنيا"كلبج يدك من شوفي تحسين نفسج تفرحين تنتضرين الدوام حتى شوفي "
ابتسمت" اي صارت وياي فتره حسيت نفسي مرتاحه رغم الفكره مداخله بالي وشي غريب بحياتي هذا الشعور محسيت من قبل ولا حسيت بعده معقوله هو هذا الحب"
دنيا "ريحانه انت مدام مرتاحتله اكو بوادر حب بداخلج بس الخوف مانعج تتقدمين جربتي تحاجي جربتي تتواصلين وياا"
ريحانه" لا مجرد نتصادف حاول يحجي وياي وصديته بعدها اختفه وازوجت ولهذا اليوم ماصادفته الله يوفقه يجوز ازوج وعده عائله "
دنيا ابتسمت ابتسام عريضه" ويجوز لا مامزوج شمدريج"
ريحانه"مااعرف احتمال اي او لا "
رغد
فرحتي ماسايعتني برجوع ارغد من دخل للبيت وياا اسامه وخالتي لازمه جيس الجكليت بحياتي مجرئت اسويها هلهلت وطشيته علي
خالتي هلهلت وراي رحت حضنته وبسته ماتحرك دخلو للصاله تمام تحسن وكام يكدر يتحرك صعد بغرفته مو صاله مستشفى يوميه واحد طايح وجايبي بيها
هدومي مالامتني من الفرحه اشتغل بواهس رغم حملي مامهتمه المهم ارغد عدي هنا عدهم الواجب شي عضيم ميفوتون مناسبه كراييهم
مو مثلنه وميجون ناس وره ماس لا يلتمون لمه وحده ويسون هجوم احير المن اروح سناء وسندس يفترن وياي نقدم جاي وكيك ومرات عصير وكيك
بيومها لنص اليل همه يمه الولد كرايبه مو كانو مريض كانو يوم عرسه مصار هيج ضحك وسوالف يمه معافو ماتحملت اضل اكثر صعدت نمت
كعدت ثاني سوم نزلت من السته البيت صنطه كلها نايمه حتى عمو كل مره هوه وخاله من الصبح يكعدون اليوم نايمي تعبو البارحه كلها سهرانه
تحركت على كيفت تقربت من الصاله فتحتها بدون صوت عزز ولد عمهم نايمي واسامه وياهم هوه على الجربايه دار وجها شافني ابتسمت باوعلي بحزن
وخرت سديت الباب كلشي يهون فتره وتمر رجعت صعدت
وره الريوك كدرت اشوفها حضنته اشم بي و مشتاقتله وخرني مبتعد كال تعبان رغد لاتلحين عليه صفنت شنو الح شهر مشايفتك
ارغد "عوفيني ارتاح"
كمت سحبت روحي وطلعت مهضومه بجيت سكتت بعده مقهور بس اني شنو ذنبي
ايام اني اداري من بعيد علاجه ملابسه اكله خاص خالي من الدهون سبوعين فاتن واني اركض احضرله كلشي ماخليته يحتاج احد
خالتي من شوفني مداريته ساكته عني مدري بعد هبطته ارغد اكتفت ومالها خلك
بعد هاي الايام وكت عصر امسح بالمطبخ ستوني سابحه ومكمله كملت المطبخ سناء سوت صمون بالفرن وسندس
تعزل بغرفتهن
خالتي وعمو بالهول كاعدين وكدامهم الصوبه بارده تميم كام ينزل بس كل عشرين يوم ومرات شهر
اجاني ابن ابراهيم كال خاله عمو ارغد يريدج بصراحه كيفت يجوز يعتذر مني شريت وصلت المسح فرشت الارضيه غسلت ايديه
ورحت فتت للصاله جان كاعد صافن وجها اصفر ضعفان لحيته مطولها
صرت قريبه مني انتبه من صفنته اشرلي اكعد كدامه هوه على الجربايه كاعد
باوعلي تفحص اني الابتسامه شاكه حلكي تنهد ضايج احس اهموم الدنيا كلها فوك متونه
ساكت يباوعلي ويدير وجها مااعرف شبي قلقني
كال "متاكد بنفسج حامل"
استغربت سؤاله هزيت راسي "اي حللت مرتين وطلع ايجابي"
دنك نفخ وكفت فتر كدامي مهموم شبي "ارغد شبيك"
كال شكد الج" يعني شهر ونص "
فرك وجها حيل حتى صار احمر " مااريد هذا الطفل"
عكدت حواجبي "شنو متريد هذا الطفل ارغد"
نتر بعصبيه وجه مطعون"مااريد اي طفل تفهمين ماااااريد اي طفل"
وكفت مصدومه " انت تسمع التكوله ابنه شنو مااريده وين اودي"
تنهد"نزلي"
شهكت "ابنك ارغد ابنك انزله شنو انت تخلبت"
"اي تخبلت رغد يرحم اعلي تره متعذب وروحي مامتحملها اذا الي خاكر يمج تسمعين كلامي هذا الطفل مااريده"
بهتت اريد احجي "يعني مافرحان بي لان مني لان اني امه ارغد تندمت موو كول متندم شغيرك شبدل رائيك مو جنت تتمنه يصير عدنه طفل مو دكلي اريد
جاهل يكبر كدام عيني واعيشه احسن عيشه مو كلت بس يصير عدنه نطلع منا واخذ امي"
صاح يصفك بايدي عيونه ناطه" بــــــــــــح كلشي تغير بعد ماكو ارغد ارغد مات لا طفل ولا امي ههههه ام ابراهيم مو امي اني ماعدي ام ولا اب ولا اهل
انسان لكوو بلزباله وتفضلو عليه وربووووووو تعرغين شنو يعني لقيط اني لقيــــــــــــــــط تعرفين شنو يعني نطفه نجســـه اني هذا سكت طفرة دمعه من عينه دار صاير نار خفت حتى احجي مسح وجها
وشعندج محتفظه بطفل من واحد مااله اصلا ولافصل
اشردي بريشاتج وشوفي حياتج ويه انسان يستاهلج
كلبي تكطع دموعي نزلن ماتحملت اسمع اكثر طلعت اركض صعد فوك ملخت روحي بالبجي اريد كلبي يهدء
منصره يكطع الكلب حركت كلبه ولوعته وحيرته والهموم الشايله وجت النار بكلبي الله يساعد كلبه
بلحضته قسمت قسم مااعوفه لو ينحرني مااتركه
سيف الدين
دخلنه ٢٠١٥ اجه كتاب ترقيتي ترقيت صرت نقيب الشيخ نفس عهدا مايفوت هيج مناسبه هم عزم بلب الحرب والضروف وذبح الوجه الله
وراها مشت الايام دوامي متعب بس تعودت احس لذت عملي رغم اداوم شهر وانزل سبوع مااهتم تعودت
بيوم دك عليه تمتم رفعت الخط بعد السلام استغربت صوته واضح عليه التعب سالني على ارغد
ضليت استفسر منه فاجئني لحضتها مااستوعبت الخبر
سديته استغفر لا حول الله ميستاهل ارغد هذا شون راح يتحمل صعبه ضل بالي يمه
ضليت على تواصل ويه تميم على امل يلكو قبل نزولي توجهة للكوت التقيت بتميم وابو واسامه
ضليت يوم هم دورنه حاولت اعرف جماعته منو وياا بلشركه ماكدرنه
ماكدرت اضل اكثر ثاني يوم توجهة الاهلي بس بالي يم ارغد ايام اني قلق
من تميم كال مجلوط اني بلدوام كل كياني اهتزز الله يساعد كلبه ماتحمل الصدمه خرب بالوكت وين الزين
يلوعه
حاولت اتواصل ويااا مايجاوب تميم كال طلع من المستشفى وحالته احسن بس بقه رافض اتواصل وياي
الحجي والحجيه دمروني اكلو راسي نريد نشوفك عريس يابه اني بيا حال دوامي ماخذ كل وقتي اركن المره شهر وانزل سبوع شتفتهم مني
تركت موضوع البحث عن اهلي شبه أيست مااريد اتعب نفسياً اكثر من مااني تعبان
اخذ حيلي ارغد مرتين انزل من دوامي اروحلهم للبيت يستقبلني والده اذا تميم ماموجود ابو رجال تعب
من التبرير تعب وهوه يشوف ابنه الربا متحطم
ارغد سبوع ماينزل من الدوام يجيله اسبوع يشوفهم ساعات ويرجع للشركه اكو سكن للعمال الاجانب والكادر
الاجنبي اعتبىه جبان المايواجه حقيقته
حاولت اوصل للشركه الحرس مشدد واي زائر خارج عن الشركه ماعده باج دخول ميدخلو ماكدرت استخدم هوية العمل ماشفتها لايقه
عفته ورجعت الاهل مرة الايام تركض بيه خلصت سنة ٢٠١٥ وماكو شي جديد بحياتي
الحمدالله جهاز مكافحة الأرهاب والجيش بكل صنوفه شاركو بتحرير الانبار وكدرو يحرروها
بجهودهم وتعبهم وبذلو كل ماعدهم وانطو شهداء في سبيل يحررون ارضهم من دنس د١عش واعوانهم
اجه امر بنقلنه اني ومفرزه كامله للانبار كان الجو متوتر بعد الخوف مالي وجوه اهل الانبار والعوائل بدت ترجع
اي شخص يجي يريد يرجع للانبار يسوي كتاب عوده
يتبرأ من كل شخص د١عشي كرايبه او اله معرفه بي
كاعد عمار ضل بغداد مانقلو بسجهاد وياي الرائد صعب ماكدر يجي وياي لازم مركز كامل بغداد وشغله اهم هناك
خابرني الحجي زوج براء اختي يريد نقل من صلاح الدين البغداد هوه موضف ونقله صعب بضل الحرب
حجي"ابني انقله واله شهر يخابر ويريد اتوصطله يمك فكني "
سيف"ههههه ها حجي طلعت اعصابك"
الشيخ" تعبني بابا اكله ذاك سيف وحاجي ميقبل صدك انت تفشله "
سيف" اي ماانقله ولا اله واسطه يمي "
الشيخ" ليش "
سيف"حجي يصير اجيبه وانقل غيره علمود حضرته قريب يم بيته تمسلت يابه وين صايره هاي كل نقل يمي
ماكو ولا اتوسطله"
الشيخ" انت فهمه مايفهم مني عباله مااريد تتوسطله"
سيف" ليش هوه غشيم مايعرف بس انت منطي عين واياد من عينه زرب بي مو جان متأدب وعده محلات يشتغل بيهن شكو عينته غيره احوج "
الشيخ" ابني انت ليش نحس رزقه هذا"
سيف"لا يابه شنو رزقه عايز المهم يابه لا يلح ولا يتعب نفسه "
الشيخ" سيف انت شنو عداوتك ويااا"
سيف" حجي مال اخذ مكان غيره وهوه يجي على البارد مااسويها "
الشيخ"استغفر الله بابا الخاطر اختك"
سيف"اختي شعليها كلشي يجيها حاضر وشبي موت نفسه مو هاي احنه شهر يله انزل ما نقلت نفسي
شبي اذا مايعيش من راتبه يعيش من المحلات "
الشيخ" انت خليت الولد على عيونك وهوه ومحلاته انقله واخلص"
سيف" وداعتك يابه واسطه ماتوسطله ونقل ماانقله "
الشيخ"لا حول الله انت تعب وامك هاي كدامي تسمعك سمعتي ام زياد هذا ابنج راكب راسه "
سيف" سلملي عليها"
الشيخ" يوصل روح يابه انتبه على نفسك اودعناكم "
سيف"هلا يابه مع الف سلامه"
سديته ناس شهايد ويشتغلون عماله في سبيل يعيشون وهذا يدورلي نقل والله اروح سبوع وانزل ٣ ايام وين لاكي هالدلال
شكد حاول زياد وياي الشيخ براء كم مره خابرت مانقلته
سبوع مر واحنه مستمرين العوائل التجي تسوي كتاب عوده وبرائه من د١عش
بيوم مشغول بعمل اجاني كتاب وكف شراين كلبي
صفنت مامصدك اقره بالأسماء هاي جنسية والدي
رياض رميض عبدالعضيم وكفت اضحك وارجع اقره بالاسم كلبت الورقه اسم امي بكفه الجنسيه
رجعت على بقية الاوراق كلبي دكاته صارت الف واني اقره اسم اسم
رضوان رياض وميض عبد العظيم
وميض رياض وميض عبدالعضيم
عمر رياض وميض عبد العظيم
قمر رياض وميض عبد العظيم
عروبه رياض وميض عبد العظيم
وكفت اضحك ربــــــــــــــي فرحه مابعدها فرحه افتر ولازم الورقه اتاكد من الاسماء خاف غلطان خاف متوهم باسمائهم
ساعه اني كل ويه تأكد افتر مااعرف شبيه شسوي ماادري بس اريد استوعب معقوله لكيتهم بعد ماأيست كلت هاي هيه بعد مادور معقوله الكاهم بهاي السهوله
كعدت ارجف ايدي متاخذ شغل دزيت على جهاد ياخذمكاني يكدر يمشي شغلي
طلعت اخذت سيارة الحكوميه مستلمها مااعرف وين اروح احس ملكت الدنيا الضحكه شاكه حلكي
خابرت عمار بس سمع هلهل طرش اذاني سمعت عيطت الرائد ترزل سديته من يمه
اجيت انزل احضن شكو واحد بالشارع ساعتين اني افتر اسرح بخيالي اسوق بالي مو يم السياقه فرحان مااعرف شون سقت وين رحت لكيت نفسي طالع سيطرت الانبار على طريق بغداد
رجعت شجاني تيهت روحي رجعت للدائرة مامصدك يمكن قريت الاسماء الف مره حرت شحجي تيهة ر
حلكي
يوم بعد يوم منتضر واحد منهم يجي ياخذ ورقة التبرءه
كاعد على نار اليل ماانامه الف فكره تمر والف حسبه
عدي خوان ٣ وخوات ٢
شنو ردت فعلهم من يعرفون بوجودي
تميم
ارغد كسرني من عرف تغير كبر عشر سنين صار انسان جامد شكن الشركه امي تخابرني تبجي مابيدها شي
كتلهم عوفو السويتو دمره حتى امي مايرد عليه عايف زوجته وعرفت جايهم طفل
متونس بالحرب يمكن محد يصدك افرح من يجي موعد دوامي وماودي انزل رغم التعب والحر والتربان
محد مرتاح بس روحي المرتاحه اكره من يصيحولي دعلج وهذا الأسم مشه عليه بينهم
كلها عرفتني بالدعلج تقبلته على مضض القائد يستنكر وضعي كلها تريد النزول يوم يوم واني انطي ايامي للشباب الي يريد يزوج المريض العده مريض
تقرب مني القائد ابو علي عرفته ابن بغداد بلتحديد المدينه حبيته لان طيب وبسيط وانسان مؤمن
واني اتخبل من هيج نوع بس هوه حبيته مااحب اليضهر ايمانه على كولتهم رياء بس اني اسمي قشمر يريد يقشمرنه بهاي السوالف
بس ابوعلي فرض نفسه عليه يحاول ينصحني يشوفني مغلس مايلح ولا يطرق الهيج مواضيع
اني تربيت بالشارع بس باليل الفي للبيت امي حايره بخواتي واكثر اهتمامها على ارغد صح اخواني يغارون منه بس اني اعتبره ابني فرق العمر بينه ١٠ سنوات وعيت عليه من جابته امي
اسبوع هي حايره شون تفاتج ابويا بالموضع من عرف ماقبل امي من نوع عنوديه ماتهتم الكلام والدي
ضلت مصره لحد ماتقبله ابويا ارغد صار واحد منه وبينه كبر وصار عمره سنتين حله بعيونه
جنت اخذه اشيله واطلع بي نفتر اشتريله وارجع الكه امي لازمتلي العوده لان متدري بيه ماخذه واتعمد اسوي هيج مااعرف اتلذذ بعصبيتها رغم تضربني بس مااحجي ولا ابين تأذيت تعوفني وتركض تاخ ارغد
وراها حبلت امي بسندس وهنا كان عمر ارغد ٣ من جابت امي كام يغار ومايتقبل سندس سناء جان عمره سنتين من اجه ارغد وتمام ٥ واني عشره وابراهيم ١٤ وسعاد ١٦
كبر ارغد وكبر وياي اكثر شخص احبه امي ارغد عدها ويه النفس فضلته حتى على سندس وكان الوحيد بينه حلو ابيض وملامحه كلها زغيره شعره سرح
طفل بهاي المواصفات اكيد ميجي النه يبين نشاز من يمنه كلشي بي حلو حنون ويحب اخواني رغم من الزغر يأذو
وهذا اكيد بدافع الغيره لان كل اهتمام امي وابويا بي كبر وكبرة المشاكل الغيرة زادة بكلوبهم وتحولت الى حقد وكره
امي كانت حذره ومحذرتنه احنه الكبار اني وابراهيم وسعاد منحجي شي كدامه واليحجي اكيد ينكتل جانو اخواني يخافون اني مااهتم ولان احبه مااحب احد يأذي
جنت اشوفه ابن رغم الفارق مو هواي الياذي بالشارع اروح اجنزه كل جهال المنطقه تخاف تتقرب يمه بس يلعبون وياا ميأذو وهوه اخذها خاوو
يلعب دعبل اذا مافاز ياخذ دعابلهم كلهم واءا مانطو يهددهم اجيبلكم تميم يجي شايل الدعابل ببطاله مجمعهن فرحان هوه فايز بيهن
جان شاطر امي اميه ماتعرف تقره تاخذ الجيرانه وهم كرايبنه معلمه تقري وتنطيها فلوس ارغد من الاول لحد ماتخرج هوه من الأوائل خواني محد فلح بيهم بالدراسه
من يجي ارغد فرحان نتيجته اول امي تفرح كانو بس هوه ابنها اطير بي وابويا مثلها يحيرون شون يشجعو وشيطلب يجي وهذا سو شرخ بينه وبين اخواني
رغم سناء وسندس خريجات معهد معلمات كانن هم ينجحن امي تفرح بس مو مثل فرحتها بأرغد
وارغد من زغره حنين عليها ميقبل تتعب اذا ضاجت من خواتي سناء وسندس يروح يضربهن لان ضوجن امي
حامل سره ومطمأن ماراح ينكشف ادري بنفسيته ماالومه
اوووو شكد الي صافن عاين الجكاره خلصت
سحبت وحده لاخ ورثتها دك جهازي ابتسمت وصلتني رساله بعد الدكه رمشت ام لسان فتحته
وسعت الدنيا الي ضحكت اخخخخ ياجمره افادي
اعاين اريد احفظ التفايل يايابه شكد ملهوف انسحت خرب يزيدج دكيت مافتحت خط
سديته ادخن شون ورثت كلبي بهل اليل اكو امل بداخلي انطاني ايعازز
يهون كلشي يهون لجلها
سديم
بعد خطوبتي للان مامستوعبه ولا متقبلته امي وخواتي فرحانات وكلها تسولف ب عثمان
مرت الايام متغير بحياتي شي بيوم ستوني سابحه لابسه تراكي الشتوي طبعي مالبس شي عريض لازم راهم الجسمي عكس خواتي وامي تعاركني من شوف لبسي
اغلس عنها
طلع ابن تحسين على دكت الباب دخل يركض عمه خطيبج الشرطي بالباب
دك جهاز امي"هاج جاوبي اريام اطلع ادخل العللم للبيت"
فتحت خط " ها عيوني شونج"
سديم"هلا اريام انتي شونج"
اريام" بخير سدوم راح يجوكم عثمان وخالتي حضري نفسج ولبسي لبس مرتب تعطري كلبي انتي نضيفه ومرتبه بس شويه اعاني بروحج"
سديم "منو داخل علينه المالكي الهم دادا اطلعله بهدوم العليه هذا الموحود مايعجبه يشوف غيري"
اريام"بعدنه بسم الله ماكلنه خير هدادا على الولد عيب ترتبي وطلعيله ولا ضلين معبسه وكالبه الوجه بعد صرتي خطيبته "
ماعجبني حجي اريام عفتها تكمل وسديته والله اطلعله بتراك البيت وهي بارده زوج اليبدل واني مكرفصه كدام الصوبه
كمت سويتلهم جاي وطلعت كيك من الثلاجه مسويته زوحت حسام رعت للغرفه خليت حمره وشويه على خدودي ورجعت
كملت الصينيه دكيت الباب وطبيت شايلتها امه صفنت من شافتني
هوه ابتسم وضم ابتسامته سلمت وقدمتلهم دنكت احط الصينيه على الطبله امه شهكت
رفعت راسي امي استحت اشرتلي على ضهري وكفت عدل نزلت التشيرت ابو الشعر ناعم وبجامته وياا
هوه دنك كعدت مقابيلهم امي وامه يسولفن ةاني اباوع بالوجوه عثمان طبيعيي مامرتبك ومانزل عينه مني
ضايقني نضراته ماحبيت يحرجني هيج
شويه وامي كالت " دادا نروح للهول خليهم براحتتهم"
نبت" لا ليش ماخذين راحتنه هنا شعدهم اني بنات زوجتهن كلهم محد كعدت ويه خطيبعا وشافها وشلفته ماعدنه هيج"
امي" خيه ذاك الزمن وحده وهسه صارة لازم واحد يتعرف على الثاني يتعودن على بعض "
امي اخذتها كوه للهول موراضيه
مشت الايام عثمان فرحان بيه امه من شوفني البس قصير لو تراكات تنجن ضل بس تبسمر
مااعرف اني متعوده على هذا لبسي بالبيت شنو الجديد
اليوم كاعده من وكت نضفت البيت نعمه رجعت يم اهلها وياها جهالها استقرة يمهم من طلع راتب تحسين بعد شسوي بينه
زوجت حسام شايله بتها تسكت بيها مااكو فحطت كمت اخذت جهازي فتحته الها شافته سكتت طلعتلها لعبه كامت تضحك تعرف الوتيه
ساعه اني ملتهيه شويه وفاتت زوجت تحسين جايبه جهازي كالت " رقم دك عليج مرتين "
خلته بيدي وتباوعلي بشك استغربت اخذته فتحته صدك رقم متصل عفته ماهتميت
......... يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!