رواية بين الكاف و النون الفصل السابع 7 - بقلم saja altaie95

بين الكاف والنون

البارت السابع

الكاتبه سجى الطائي

///////////////////////////////

على طولك اشعلني وصيح بيه الصوت

انه بطرك النفس بين الحياة والموت

وأسري بنبض دمي لشهكة الزردوم

حب تالي العمر علتة من البسكوت

ياشايل حلاوة خوف الحديثات

ومحمل سحر ضحكة بنات بيوت

يا مايع ترافة اتهيب من أحويك

خاف أصعب عليك وخاف بيدي أتموت

هلكد ماتلح راج الثمر بالعود

وأحمر على شفافك كبل وكتة التوت

يمعود دخيلك والكلب شيصير

من تكطع أبتوتة منين أجيب بتوت

____________________________________

سيف الدين ▪

يوم يوم انه اشوف نفسي الله مفضل عليه هيج من
خلاني بطريق الشيخ عشت بينهم ابنهم لو ما انه اخجل
جان هسه بينهم اكل واشرب واعيش وسط دارهم

انه الكترت روحي انه العزت عليه نفسي لا يجي يوم
والبنات يتقيدن بوجودي انه اعرف الساده وحرصهم
على عرضهم عدهم تشدد اكثر

مشت سنين عمري وسطهم ابوي الشيخ وامي الحجيه
ربتني جني ابنها من دمها ولحمها فرات زياد ماشفت منهم شي يضرني

خاويتهم وكت عازتي للعازه اتوجه عليها بيوم الطيح
ذبيت رويحتي بشغل لجل اعتمد على رويحتي مااريدن بيوم احتاج وماالكاهم دايري هاي دنيا
وماتتأمن مالها صاحب  واذا رادت ديروجها
وتلطش بيك

جبت وكتي دراسه وشغل حميد وارغد وكت المدرسه اشوفهم عفت السهرات والصياعه الي بوكتي والبعمري لاهين بلعب

رغم اعتراض الشيخ وزياد والحجيه عاندت واصريت
شلت حملي بروحي كل همي اوصل لهلي لو بعد حين
يجي يوم اوصللهم واول طموحاتي خليتها للسادس
انتضر يوم يوم اكمل واحصل نتيجه اجازي تعب
الشيخ واخليها فرصه لروحي

كلهم بالهم انه محب للدراسه وهيج ذاب رويحتي ماايدرون هذا العقل شال باله ايام وليالي مخططات
من صحلي الفرصه وين ادورهم بيا ديره خوفي
لا يطلعون مسافرين بره هنا أيسس واكعد

مشت بيه الايام لحد ما تفاجئة بنقلت اهل الما ابوها يرد السلفهم يم اهله رغم هوه ابن عم الشيخ وامنهم يمه لين ماطلع وام الما اخت الشيخ

بيومها انه العاونتهم ونكلت وياهم اغراضهم بيتهم
مسافه عن قريتنه مسافة نص ساعه واوصللهم

و بيوم نشيل الغراض

انه وياهم

كمت امشي ويه الما لبيتهم

هيه لابسه شيله مضويه وجها تمشي بصفي
ومنصيه تخاف لا ابوها يشوفنه وانه هم اخجل
اباوعلها

نص الطريق ابوها كال ككلو انته انه امر للدكان
والحكم كدامكم زياد والبنات

جانو كلهم متعاونين يشيلوهم
مشينه كالت" اي شلونك"

باوعت للشمس ودنكت "ماادري شلوني "

عاينتلها "انتي شونج"

كالت "زينه"

سكتنه ثنينه اباوع لطريقي وهي مثلي لحد ماصدمتني بسؤالها " اي منو ناوي تتزوج"

لان هنا بالقرى يزوجونهم همه و صغار  هيج
قصدها ابتسمت داخلي جبنه كبرت وكامت تفكر
بلزواج استغبيت سؤالها ورديت

" ليش اتزوج"

ردت" جدو يزوجك لان صرت شاب"

-عاينت " لا من الكه اهلي او اي احد منهم يلا اتزوج"

همست بخجل متردده " و منو بالك"

اضحك داخلي "مابالي احد"

نصت وكالت "زين زين اختار الي تحبك"

كوه متحمل روحي وجها زنبر اخخخ ياكلبي
ينطوج  انه وين انتي وين بعد الثرى عن الثريه

شوي و وصلنه لبيتهم دخلت الغراض بلطرمه كفاء
وخواتها يعاونن عمتهن وانه مادخلت عيب
يردن ياخذن راحتهن اعرف البنات من يشتغلن
يشلحن

الما تباوعلي وتباوع لباب المطبخ ليطلعن
همست" عود زورنه خاف نحتاج شي"

" تدللين"

رجعت للبيت تلكاني حميد وارغد رحنه للساكيه

حميد"شباب عندي حجوه وياكم "

عاينتله "كول شنهي "

حميد "انه بعد مالي بلمدرسه شي وصلت
للخامس وهاي عبرت نصف السنه شلي
بيها "

ارغد" من عقلك تحجي تعوف المدرسه "

حميد"اي من عكلي شنهي دراستي وابويا كاسر
ضهره بلفلح وانه ضال اروحن للمدرسه "

ارغد"ابوك مو بس هوه يفلح الشيخ خال وياا عمال
وانت شسويله مثلاً تحرث دونمات "

حميد"ارغد انه اختلف عنك كل ولد عمومتي بلفلع وزوج وذولاك كل واحد عده بزر وانه وابوي يوميه
طلابه من دون عار ومعيار من عمامي شنهي عايف
ابوك رجال شايب وانت تدرس

ماعدنه بس انه كملت وصلت هل يشوفني مثقف
وكلها تغار واعرف شنهي نيتهم بس انه ماناطيهم
نشده وكملت رغمن عنهم بس والدي تعب ويرجع
مترب وانه اعاين شنهي المن رباني اعينه لو ازيد
ثكله"

اني اعين له وادري بصوحبي دمه يغلي على ابو
يريد يقدمله شي ولو قليل ويجاز ربا "حميد خويه
ادري بكليبك وشنهي بي هاي السنين الطافت مو
كليله علينه رباتنه سو وزادنه مالح ومغزر بعروكنه

ان جان هذا رايك ومقتنع بي انه مااعارضك ولا
اوكف بطريقك تبقه هاي ارادتك وانت چبير مو
بزر واكعد اعلمك وان جان تنطينه علم وحاسم امرك
هاي هيه سوي اليشور عليه عكلك

راغد "سيف شنو بكيف..."

سيف" ارغد خلني اكمل ردست عاينت لحميد
وان جان رايد تشور علينه وتريد رائينه هيج
الحجي يختلف دامنه زلام وكبار سنه وندش
الكليه انه انطيك حجواتي واعلمك بيهن وانت
شوف هسه بينلي ياهيه منهن الدور بالك "

دامني احجي هوه منصي ويفر بلسبحه
تنهد بضوجه وجنه حامل هموم السلف كلها
" ادري بكلبكم عليه وتردوني الزينيه يعلم الله انتو
اخواني يمكن لو من نفس الدم ماهيج احبهم سيف
شورك على راسي بس ياخويه الوكت اختلف وانه
وحيدهم والوكت الاغبر  يرادله تعب وتشد حزامك
ماتجيك بلساهله ولاهي شمرت حجاره ونشوف
حضنه انه اجتمعت بيكم انطيكم اخر قرار عدي"

ارغد"بعلي خبل ماضلت عدك بس سنه وحده وتدخل
كليه حميد لا ضيع عمرك بين الغلح والبستان انت موذاك اليوم كتلي اتمنه اصيراً محامي لو محلل
وشجعتك وانت ادبي كتلك طلع "

حميد" ماتفهم انت ماتفهم تره انه عايش وحيدي
مومثل وسط اهلك وامك وبوك شتامر وشتطلب
الداير مداير وحوش بويا ياكلون الواحد لو طاح
اريد الم ابوي واسويله اسم لكبرته شنهي اعاينله
يتنوع علجهال ولد اخو ويتحسر اخره بلدراسه"

ارغد" شوف هنه حجايتين اكلك بيهن وانت كيفك
تاخذهن دوس عليهن ضلت يمك هذا الزمن العده شهاده
ينحسبله حساب وكلها تحترمه وتهابه تريد تدفن روحك بين الزرع كمل دراسه وزوج منو مانعك كلنه مثلك نتخرج منا بعد ندورلنه على وضيفه ونفكر بلزواج لاحك ماطاير الواق والويق حميد شغل عقلك لصير
ضعيف كلب الجهال ماتعينك مثل وضيفتك واذا على
ابوك يتحمل هنه اربع سنين كاضيات "

حميد منصي ويسمعله واضح قراره شما نحجي مايلين
ارغد شافه هيج كام بعصبيه

ارغد"جبت عمري ساكت واشوركم بلصغيره وبلجبيره واحترم كلمتك بس دام حميد هيج ميعبر حجايتي ولا يرد عليه ومنطيني اذن الطرشه لهنا حدي وياك تبقه صحبتنه بس معتزتنه البلكلوب  تختلف "

صحت ورا ارغد خبل شنهي هي عركه ولك يمعود
ولا التفتلي طبعه حلو شما نسوي يضل ساكت ويحبنه من كبله هيج بس من ينفجر يصير واحد ثاني وهذا
ثاني موقف يبن معدنه حميد ضل يتأفأف عاينتله
ضايج كلش ولا ارغد

ضلينه هيج كاعدين ساعه مابينه الحجه هدوء صوت
العكاريك والحشرات وطنينهن فوك راسي كمت

"كوم خويه توكل على الله ذب حملك عليه وهذا الثور عوفه يوم يومين ويبرد كلبه يعزك هل شوفه ثار عليك"

هز راسه وراح مهموم 

مشت الايام دامنه نداوم ارغد شايل على حميد
كملنه مدرسه وكلنه نجحنه وبلفعل بلشت العطله
ومثل ماعهود حميد ويه والده بلكاع وانه ويه الخياط

سجلت بلمعهد دورات تقويه للسادس وكتها مدرسسنه بلمدرسه ياخذونه انه وارغد سجلنه مدامنه نفتر على
القاعات ونسجل ارغد ضايج اليلزمه امه داعيه عليه
يذب حركت كلبه بي

اسبوع وبلشنه نداوم بلمعهد بيام العطله يفتحو للدورات التقويه

مشت ايامنه هيج وانه  بين يوم و يوم ازورهم لهل الما  اتحجج  اوصل الهم اكل من البيت

و اسولف وياهم و مرات اكل يمهم

و ارجع

ارغد ▪

واهسي انكسر بيوم سمعت طلب حميد اضلمت الدنيا بعيني صاحبي ورفيق دربي وسيف ويانه منتفارك
روحنه وحده طلعتنه وحده مشاويرنه سوالفنه المكسره
رغم احنه ولد قريه ومعروفين ناس متورجه على ناس مابينه اليباوع على عرض غيره

سوالفنه بينه المدرسه وصحابنه شاهدين رغم هدوئنه ورزانته لكن اليندك بينه ذيج الساعه تطلع سباعيتنه
ماتعدينه على احد بلايه سبب دومنه نمشي بدربنه

الساحه شكد شهدت على لعبنه ودورياتنه نضمها بيناتنه
ولد القريه سيف الوحيد الي هواي يتغيب عن المباريات
ذاب روحه بلشغل وعاذره سالفته سالفه

اني من احط نفسي بمكانه كلبي يوجعني عود اذمر على عيشتي وتعامل اخواني من يصير كدامي احمد الله واشكره عدي اهل امي وابويه كدامي يتفدوني

لهذا يومي عشت بينهم عشر سنين من تعارفنه لليوم
مامتعاركين مابينه الي خشن كلب احد بيناتنه

كملت الدوره وصلت سيف وطلعت بدربي للبيت
طبيت اخواتي بلحوش سعاد تلكط تمن وسندس
تكنس بلترابه صبه اصبها وترجع تتحفر

امي بلمطبخ من طكت الجدر عرفتها تجلف
صعدت الغرفتنه ويه اخوتي ابراهيم وتمار بغرفه
واني وتميم بغرفه

فتت  الكنتور  قاتح حلكه ومزوع الهدوم اريد اسبح وارتاح واكعد اقره اشيل بلطشار المسويها تميم ضليت اكلب بلملابس 

صكيت على سنوني اجيت ابد الكنتور اصوي وصل
نزلت على الدرج صحت يووووووم يوووووم

اجت تركض"شبيك يمه مكروص"

ارغد"اني ليوين اضل اشتري واستاذ تميم يلبس ويدير ضهره هاااا مايشتري البلوكات النايمات على كلبه المن رايدهن ماايخلكن روحه "

ام ابراهيم "لا اله الا الله هم رجعنه على سالفة الهدوم يمه شسويله ماتعزل ملابسك وتقفل كنتورك المن خاله مفتوح هوه هم اخيك واذا لبس منك "

ارغد"مايشتري اني شنو ذنبي هسه اريد اسبح مالكه ملابس نضيفه الي "

ام ابراهيم "ميخالف عيوني اخوك الجبير مابيها شي
تعاونون وشوفت عينك يطلع عماله ويرد العصر بلمحل علمود هاي الجم فلس يكون روحه بيهن "

ارغد"ابتليت صرت الزغير معناها يدوسون عليه مليت منه اذا بعد لبس مني وعلي احرك كل ملابس اشوف بعد يلبس شي منهن "

صعدت دمي فاير جريت تراك بيت قديم من الغسل راح لونه سبحت وطبيت امدد مجرد اريع عفلي واكعد اقره

مجرد اجفاني سبلت اجاني طيفها ابتسمت اخخخ يلوعتي يمته تجين واشوفج ماطلعت روحه لبيت
خالج جنها سنه مرت عليه

خليت ايديه على عيوني افكر بيها سري الثمين
محتفظ بي النفسي اوووف ياااصغيرونه

مادام بفكري الابتسامه مافاركت حلكي طردت
طيفها وكلبت انام غفيت

ساعه وفزيت على طبكت الباب فتحت عيوني
تميم شعل الضوه

تميم" دنيه غروب وكت نوم "

فركت راسي بجفوف ايدسه كفيت الغطه
كعدت اعاين على الكاع جرابينه من هاي
الحديد ام السيامه تغط بلواحد

اخذت نفس بعدني ضايج من تصرفاته صح اني
مااشتغل ذاب همي على الدراسه ومصروفي من
امي وابوي بس لليوم مامديت ايدي على غراضهم

دون اذنهم بس تميم ذبحني شيشوف كدامه يلبسه
ويطلع كبل ماهامه

نزلت توضيت اذن العشه صعدت صليت بغرفتي
تميم لا صلا لا عباده لا توجه حياته طربكه بطربكه

الشغله الوحيده بي نفع ذاب روحه على العمل مايكعد
يغبش من الفجر يرد الضهر يتغده ينام يرد للمحل عامل بي يرد بليل ينام ايام الميطلع بيها عماله يكابلني ويشغل المسجل

يطفرني لسابع سمه مايخلي عليه لا عباده لا صلا

تميم كاعد كبالي اسبح وهوه مخلي كدامه خرج ومسابح وخرز يدندن  مرينه بيكم حمد

هزيت ايدي الله يهديك وكفت اكمل صلا كملت ونزلت
اتعشه وراي سهره صباحيه جنها

صدك كملت وطفرت فوك لزمت الكتب درس درس اعيد
واسقل لحد ماكملت لل2 ونمت جفي

بين واهس كلبي وبين كتبي مشت ايامي احس
ارجف عليها وينها طولت عليه وكفت اباوع من
الشباك على الشارع

قريتنه كلها بساتين واغلب سكانها فلح قليل البينه
يتعلم ذاك من ذاك اني وحيد اخواني واهلي بيهم
الوصلت وتعبت على روحي

ذكريات ذيج الايام تحفر بكلبي ولحد هسه شماا
اريد انسه همه يذكروني كلبي ينزف منهم اباوع
على الاشجار وكل وركه بيهن الي ذكره حزينه

هذا الجام شهد على دموعي من تعاملهم وجفاهم
هاي الحياطين شكد تجتني اقسى طفوله واجهتها
منهم

اخخخ لو ما امي وابويا يوكفون بوجهم جا اني
هسه ماخذ الشوارع لو متخبل تنهدت بألم

شنو البدر منهي واني اشوف الحقد بعيونهم
ودهم يذبحوني ويشمروني للجلاب ابراهيم
تمام سناء سعاد مو اخوه اعداء

رغم اشوف امي ماتفرق بينهم وبيني بس البيهم
اكبر من تخيالتي واعتقاداتي كل الكدرت استوعبه
غيره مالها غير تفسير

مااعرف الايام شضامتلي بعد ؟

لليوم اذكر لزمت الاحزام من ابراهيم جلدي اشخط
مارحم صرخاتي ولا استغاثتي بيهم ضلام مابيهم
واحد كلبه بي رحمه سناء التشوفه وساكته جنها
متلذذه بصراخي لحد مااجه ابويه وسحبني من جوه
ايده واول مره يمد ايده عليه كونه الجبير

الراشدي الاخذه من ابويه دفعني ثمنه بلايام العدت
خلاني اكره روحي اكره حب امي وابويه الي

كرت الدلال ودي لو مشغليني عامل ولا معاملت اخويه الجبير الي

ححسيت بدمعة عيني مسحتها شفت اشكال الوان اخوان بلمدرسه يحز بخاطري المحنه البينهم يحز
بكلبي حبهم البعض وخوفهم

ليش بس اني هيج تميم زين وياي ويحبني بس
البقيه الكره بافعالهم مو بلسانهم ودهم يخفوني
مرات اتخيل روحي مو ابنهم وجايبيني من
الشارع

سنين عدت وهمه همه مابيهم تغير كبرت وفهمت
وعرفت شلون اتعداهم واتحاشه الخلاف وياهم يبقون اخوتي

امي شكد ماتحجي وتزرع بينه الحب بس اني وتميم بينه الي يسمعها البقيه كلوبهم جلده مخلوقه من روح ابليس

تنهدت اتعوذ من الشيطان رجعت اقره اني وسيف ذابين جهد بس ذاك الاثول حميد شكد شايل بخاطري منه بس اكول حقه لو اني بمكانه

وابوي طلب ابطل واعاونه مااتردد اووف يادنيا ماعدلتي ويه واحد شكد جان اله واهس يكمل
وهيج عود يتباها كدام ولد عمومه

اهذت نفس رجعت اكمل وتميم يمي ساعه
يدندن ساعه يكابل المرايه يعدل بروحه
ادري سوالفه مو خاليه وعركته كبل سنه
ويه سيف وحميد وراها انَ

اعرف اخويه كلبه يم العلويه عايفه مااريد احاجي وينكر ولا اريد افتح موضوع مو بصالحه

اخخ ياكلبك ماهوه بس بت السيد

مشت الايام وبلشت المدارس كملنه نصف السنه بتعب برد وبضيجة خلك واهس مخلص

دعا امي ولهفت ابوي بدخلتي وهوه يباوعلي متامل مني كل خير مرت هاي الايام

وهاي اني وسيف على عتاب اول متحان ادري بي
مايعوف الماده بدون مايختمه ذكي بشكل وحفاظ
اليقره يخزنه وماينسا اني اذا مو تعب وسهر يله
احضل نتيجه

مااكول هوه بله تعب بس هوه ذاكرته اقوه مني

وره كل امتحان ابويه يناطر بلباب متلهف هااا بويه
شلونك واني ارد عليه غير الميه مااقبل

ياخذني جوه جتفه فرحان ويطب يبشر امي
الوجها يتاملني بفرح عسى ربي مايخيب ضني
وضنكم ويسعد بختكم وبختي

خلصنه بتعب حيلي نهد من السهر والمناطر اليل على طولنه اني محنب

امي وابويه فوك راسي يسولي واهس واني ادفع بيهم اريدهم يعوفوني يناطرون وياي

اغفه وهمه كاعدين يتناوبون عليه امي التنزل وتصعد بيدها فواكه الي ابويه يجيبه مخصوص
الي دون ميدرون اخواني يشيف ويزقف يحلكي

تعبت من شيلت همي بكلوبهم مااريدهم يتعبون بسببي

امنيه اتمناها اردلهم تعبهم ارد مساهرهم ارد ثكل انفاسهم يم راسي وهمه متانين يطلع نهار وامتحن

ايام عشتها بحلوها ومرها اروح للامتحان مغمض عين  ومفتح عين  سيف مثلي

عدت واجه يوم استلام الانتائج

سيف الدين 

ايام السادس ومعاناتي جزء بسسط من الصار بلبيت

بيوم اجانه زياد موعلى بعضه الشيخ والحجيه يسألون بي ميرد على احد يوم يومين ثلاثه

الشيخ لزمه لزوم يحجي وياا العرفنا مهددي
بلقتل زياد جان مقدم بمعسكر ابو غريب

البيت توتر سبوع سبوعين هدء الوضع رجع
التحق واطمن  الحجي من وصله ورجع

هدئنه عليه وارتاحينه من رجع البيت مثل
قبل وزياد بخير كملت امتخاناتي

بيوم النتائج ارغد وياي حميد ماقبل يجي وياي
وانه هم عفته ادري بي يضوج

الفرحه ماوسعتنه معدلي 92 ومعدل ارغد 94
ثنينه ننقبل طبيه رجعنه طايرين

الشيخ وزياد كالو الك سفره الدبي على هذا المعدل
بكد مافرحان بكد ما هم بداخلي

ايام عدت والشيخ حضر روحه وانه وياا وزياد بنزلته ماخذ اجازه حسبت سبوعين ثلاثه

و كانت اول مره اشوف هيج اجواء وهيج ناس كلها كشخه و ماكو عمال غير البنغلاديش و هيج جنسيات

وصولنه للفندق ارتاحينه ثاني يوم  رحنه للبحر
و اشوف الي منشوفه بالعراق اجواء البنايات
النضافه النضام من اروع مايكون

ثالث  يوم اتذكر رحنه لصناعيه مال دبي
زياد اشتره سياره و من نرجع للعراق هيه ويانه
جانت بوكتها BM

و بيها مكان مال مسدس و حبشكلات الالمان
تعجبت هوه متونس عليه ركبناها للتجربه
انه اعرف اسوق معلمني اخذلتي فره ونزلت
مريحه بلسياقه

ضلينه 3 اسابيع ماتمنيت نرجع بس الشيخ واشغاله وزياد دوامه ماايكدر يطول اكثر  يوم 24 رجعنه بالباخره يوم 29 وصلنه ميناء ام قصر

وراها رجعنه للكوت

عشت اجواء ماتنسي مطبوعه بلذاكره قل السبوع بعد رجعتنه الشيخ كال اخذكم  سفره لبغداد
فرحنه الحجيه كيفت

حضرنه نفسنه و رحنه لمزرعه للشيخ  بالطارميه

وصلنه اوووف جو يرد نفس رغم بساتين الشيخ ماقاصره بس هاي كونها بغداد هواها يختلف عن هوانه و بيها حلال بقر و غنم مو مثل البساتين الي بالسلف بيها بس دجاج و كم غنم علمود الخطار

و وزياد وعائلته  ويانه والحجيه افتر وافتثد الما لو جايه ويانه جان تونست و ضلينه اسبوعين

ونسه طلعت من خشمي منا انه ستوني راد من دبي نوب هسه المزرعه

رحنه زياره للاعظميه دخلنه جوه يم محل ذهب
و عجبتني كلاده بيها اسم الله جل جلاله

عجبتني تخيلتها على الما تطلع جماره وهي بيضه
اخذتها واخذت  عبايه اسلاميه للحجيه
كتاب لكفاء

الكتاب شكله حلو اخذته مو علمود شي ثاني هيج عجبني و سبحه لزياد و ساعه لفرات و دشداشه لحميد

ذكرت ارغد هم اخذتله سبحه يختلف لونها عن سبحت زياد

رجعت متلهف عليهم حميد يابويا والله مشتاقله
وصلنه للسلف وكت عصريه ستوها الشمس
نازله تفقدت الهدايه ودشداشة حميد

وصلنه للبيت قريب البستان هوسه وزلام ملتمه
كرب بيت حميد

المنضر خمط كلبي شنهي الصاير الشيخ نزل وزياد ورا نزل الحجيه وعائلة زياد  وصلتها للبيت وطلعت لحكتهم

شنهي الصاير وهيج ملتمين كربت وياريتني مامكرب
وياريت ماراد وشايف الشفته

عيوني شخصت بس اعاين اجدامي ثكلت
اعاين لزياد يعايلي متحسف منصي

الشيخ خله ايده وره ضهري جنه يكلي انه ساندك
لو هويت وطحت

شنهي الجره والصار الموادع جريب

حزن الكابر سكته ويه الينشدون
وحرگ جوه الضلوع وي الهوه العابر

وعذر يشبخ عذر بس الجروح تريد
سبب خاطر نفزها يصير من خاطر

تره باچر چذب كل الجروح تطيب
يلتمن ويلچمن عگب باجر

( الشاعر_مرتضى بن عبدالله )

...........يتبع