بين الكاف والنون (كن فيكون)
البارت الثامن
الكاتبه سجى الطائي
///////////////////////////////
اشتاكلي..
المشتاك يطفه ابماي عينه ويشتعل ابجروح اديه
ويضحك ابوجه الضنون ابغير كلبه ويبتشر والبيه بيه
اشتاكلي
الماي يعثر عالجروف وداع صدفه ويعتني الهرش اليبس مايعتنيه
اشتاكلي..
اليعثر ابظله ايموت صاحي
واليعيش بلايه وعيه ابغير ظل
الشوج من ينبت بسجه ايبات وبنادم يزل
اشتاكلي..
اجروحي غلاتي
وعيبي صبري
ودفلتي السكته
ووحشتي بلايه هم
وحجتي الفشله التطشني تراب مايسواش لم
وهمي دنيه انبعت بيه اغيرك انت
وشنهو معناه الجرح من غير دم
اشتاكلي..
اتخضر اضنوني ابكاع صبخه ويشبج
ارموشه اعله طرواك الجفن
وتشرك اشموسي ابحضن ليلك نهار
ويحضن الغايب هوى الحاضر حضن
وتطفح البسمة اعله بال المبتلين الماي يضحك من
تشك صدره السفن
_________________________________
سيف الدين ▪
كلشي وكف عدي چنها دنياي غبره من يوم ماامي جابتني لهل حيات عشت مرارها ماكفاها لوعتي
على اهلي ماكفاها كسرت ضهري بلشغل وغربتي
خدعتني بزينتها جنها سفرتي وراها كسرت كلب
نطرتني ارد شافتني متونس كالتلي اوكف مايلوكلك
الفرح
اخوي عيونه عليه جنهن ناطراتني مدد بطوله
موهذا ملكاك الي حميد
شنهي الجرالك حيه تلويك بسمها ماجنك ابن هاي
الكاع شابرها شبار بجدامك
الشيخ نصه يمه وزياد ولد السلف واحد منهم تنهد
يستغفر لا اله الا الله مابي نفس
اعاينله هذا شيرطن حميد مايتركني بنص الطريق
هذا عضيدي اخوي اربات الشيخ
اريدن الزمه يااربي عيني عصرت جفوني جدامي مايحملني ربي بجاه كل جا عدك خلني الزمه
انه الاجفنه وانه الادفنه
جرني زياد "يول شبيك صوفرت انت زلمه شد حيلك
وامشي وياي "
شالو وعيني عليه زياد يجر بيه يريدني امشي للبيت
والله ساعتها رجليه ماتن اباوعله واباوع للكاع
مافهمني صاح "سيف اذكر الله"
مااغرف شلون طلع صوتي "خويه رجليه"
عاين مستغرب حجه بفزع" بسم الله شوو حركهن على كيف "
حاولت ارفعهن ماكدرت هزيت راسي لا
ضرب زره "شووو " كنبص دلكهن بخفة ايده "شبحت عيني عليهم اخذو للبيت ابو ولد عمه لحكو بلاخير وانه مامصدك
زياد "حركهن هسه "
كعدت بلكاع نصيت شنهي الصار هسه عصرت عيوني اريدن اركض ارد البغداد جني ماجاي ولا شايف شي
اتوسل بكلبي المنتهي ربي كون هذا حلم كون مو هوه واحد يشبها
كمت مشيت زياد ارتاح طبيت للديوان تلكاني الشيخ مبدل يريد يطلع تعديته عاينلي ودنج كمل مشي
مااعرف شلبست وشلون طلعت انه اغسله بيدي اخذت عهد صديقي محد يلزمه
امشي بس جسد هيج نزل عليه برود هذا شنهي كلبي من حجر طبيت عمومته ولدهم كلها تبجي اله اني
خالي بلنص وداير مدايره امه اسمع صوتها مفرفحه
مثل كلبي المفرفح
وصلت غمضت مثل مااردت يخوي جبتلك دشداشه بيضه تنصع لعرسك تالي حضرت موتك
سولي مجال وابو يصيح اكعد بويه اجه رفيجك
اكعد يماي عيوني هذا التكلي بويه احسن شي سويته
من خليته اخوي ونشارك بأسمك
والله وكدام هلسلف اردك للدراسه بس اكعدلي عيني
ولك حميد انه النتضر كبرتك يوم يوم تردلي راحتي
لك حميد جنك ناوي تموتني على ايدينك اكعد ورد ليه
خلني افرح بعرسك يضوه عيوني ياااوجع كلبي
دومي منصي مالي كلب اشوفه مالي عين اعاين
الطوله الحلو ماجنه ابن الثمنطعش عام جنه ابن
الثلاثين جندله
اهمس داخلي ولك عيوني ماراضيه طفي ناري عليك
حميد حتى عيوني خانني وياك كلبي بارد شنهي هيج
انه قاسي
نار داخلي تسعر بيه تاكلني اكل مااكدرت نصيت لزمت
وجها بارد عصرني عصر والله وكتها حسيت كلبي يريد يطلع مامصدك هاي اخر شوفه واخر وداع واخر حجو
بينه ولك وين اروح بعدك منهو الي منو اليفهمني
ويشاركني حزني
مااوعدتني تروح وياي ادور على اهلي جميد هيج تخوني وتسبكني هذا وعدك
صحت اكعد واجهني وصير كد حجايتك انت واعدني نرد للشمال ندور سوه ماحلفت تزوجني وراك
لك حمييييد شوفني انه سيف عزيزك
اهزه بيدي جثته باارده ثكل راسي لا ياربي لا تحرمني حتى من توديعه بعد ماحسيت
لحد فزتي وفرات والولد يكعدون بيه طفرت ابعدهم
صحت وينهم
فرات "سيف كول ياالله هذا يومه "
سيف"كتلك وينهم "
رد"راحو من زمان"
فتحت عيوني "شنهي راحو يمته"
فرك وجها " بس اكعد ارتاح"
صحت"يمته "
فرات "من ربع ساعه وانت مغمي عليك شكد حاولنه نكعدك "
ركضت تاركه يسولف ويصيح لاكاني ارغد يركض بطرك الفانيله وجها شاحب وحلكه يابس" سيف حميد وين "
سيف"الحكني صويحبنه راح "
وكف مصدوم "تمشي وياي لو ضل"
اجه وياي خانس لحكت الواحد منهم يريد يلحكهم كتله تاخذني وياك
الرجال"عمي الشيخ وصانه مانجيبك يخافن عليك وانت كلبك مايتحمل"
ركبت بدون ماانطي مجال"عمي وصلني وانه والشيخ نتصافه"
ارغد وراي طلعنه طول الطريق عيوني شابحه عليهم شفتهم وصلنه السيارتهم مددينه بنصهم بتابوت خشب
عصرت راسي بقوه النفس كوه يدخل ريتي صافن بلفراغ كلشي مايجي بالي حتى ذكرياتنه جنهن طارن
ويه روحه
ثكل راسي ونفسي مأذيني فركت وجهي وصلنه للمغيسل نزلت اولهم مشيت وصلت السيارتهم بعدنه بطريق المغيسل ازدحام
فتحت بابها عاينت "واحد منكم ياخذ مكاني"
عمه كال "تعال عمي اركب حقك حقك "
صعدت ونزل واحد منهم صرت بصفه كعدت مدنج
راسي على ايديه افور مااعرف شريدن
وصلنه وجنه مو طريق دهر دخلنه شايلي نزلو ابو محني الضهر حاله امر من حالي
ارغد اجه بصفي دموعه ماوكفن ويمسح بيهن
التفتت العمي جاسب"بويا من رخصت الجماعه تعرفون صحبتنه وانه ويااا رفجت درب سنين وانه وابو اريدن نغسله ونجفنه صكيت سنوني كوه نطقتها "
عمي جاسب كوه حجه"انه مالي عين اشوفنه صويحبكم ومكان اخوته طلع من الدنيا وحيد ورد
وحيد " سكت يبجي كلهم يبجون على كبجا
اخذته وارغد فحط من المناشغ مددت على المغيسل راد المغسلجي يعاوني عاينتله"مشكو عمي عوف الباقي علينه"
كال"لا عمي ميصير انتو ماتعرفون اصول التغسيل"
رديت"اعرف عمي اعرف بس عوفنه "
هز ايده وطلع مالي خلك احجي نزعنا ملابسه ارغد ويه كل حركه ينحب يناشغ صحت بي" اذا هيج روحك رجيجه عوفني واطلع"
كعد على صفحه منصي ودموعه تجري
بلشت اغسله ويه كل رشت مي اسمي وجنه يعرفني والله شفته مبتسم اخوي يعرف لمست ايدي
مره سمعت من الشيخ الميت يفز وجسمه يوجعه من طشت المي عليه لزوم نسمي وعلى كيفنه ندير عليه
سويتها وجني اغسل طفل انفاس واخافن المي يأذي
كملته قلمت اضافره وهوه نضيف رتبت شعره
الجفن يمي فركت وجعي رحت مسافه اريد اقوي كلبي
اخذت نفس بلعشر دقايق رجعت يمه كعدت يم اذنه
همست "صويحبي روح باالله ومحمد رسوله روح ورويحتك مرتاحه امك بامانتي وابوك ابوي شما تجره
عليهم الدنيا مااعوفنهم والماكملته انه اكملنه عنك
اطمن ونام مرتاح مسلمك بيد الواحد الاحد هوه
ارحم بيك يعرفك صايم مصلي وماماشي بلحرام "
"اوصيك تزورني لا تكطع باخيك حيله مهدود على
فراكك جدامي ماتعيني ادفنك بيديه حبيبي واخوي
وصويحب دنيا واخره مودع بلثنعش معصومين
مو دكول ائمتي اريدهم يحضروك واريدن علي
يحضرك ويهون عليك وعلينه فراكك "
"اخيك ارغد هذا هوه كلبه مكسور الرحيلك برد كلبه
اقسم عليك بامكم الزهراء تبرد عليه نار فراكك
امك كلبها مفرفح لا تعوفها طمنها عليك ومقامك
يم ربك عالي "
بسته بجبينه وكل كتر بوجها اريدن اشبع منه مسدت على راسه اصابعي بفروت راسه شعره ناعم
شميت راسه وبسته وخرت
كومت ارغد جريته "اوكف عدل روح ودع صويحبك ابو ناطر خطيه وعمومته موجودين "
عفته وطلعت تلكوني انه ملابسي بيها مي هزيت راسي كملت طبو اسمع موادع ابو وصوت بجيهم لمحت امه ونسوان كاعدات يمها تنود صوتها رايح
اجه واحد منهم اخذها طببها وعماته وياها طراخهن وبجيهن ترس الجوو ارغد طلع شارد وكف كبالي وجها احمر وعيونه رايحه
ساعه وطلعو زورنا الامام وردينه للمكبره الكبر جاهز
كلبي لزمني سحبت نفس نزلنا طلعنا من التابوت
الدفان راد ينزل ارغد صاح لا خويه عوفنه احنه نزله
عمه كال ابني تعرف تو جها للقبله وتوسد جبينه هز راسه يعرف تعاونه ويه ولد عمه نزلنا
هنا بدت الدنيا تضلم بعيني كلبي ينزف دم ارغد يوسد بي ودموعه تنزل طلع وابو وكف يودعه ويوصي بي
امه ذبحت روحه كلهم يبجون النه انه
كملو رادو يهلون التراب صحت اوكف وكفت يم كبره
صحت حميد هااي انه سيف كتلك وادعتك روح بكلب بارد ابوك ابويه وامك امي لا شيل همهم نام بكبرك مرتاح "
روح مبري الذمه مبري الذمه مبري الذمه ومحال موهوب على كلشي صار دنيانه وياك حلوه سبقتني
ماجنت مصورك هيج بسرعه بسرعه "
هاي امك وهذا ابوك ان ماشاتلهم الكاع بطن عيني
كاعك ضل مثل ماهي وزرعاتك انه الاعتني بيهن
اسمع بجيهم
حبيبي مودع مودع مالي كلب بس هذا امر ربي
امه صاحت "يمه صويحبك يودعك ولك حميد هيج تلوعني عليك هذا سيف هذا حبيبك "
يالكاسر بصدري نفس
وبروحي كاسر عافيه
يمتى ترد…..
طال البعد….
الدمعه بعدك مشكلة
كد ما غيابك بي قهر
الدمعه تنزل دافية
ردينه ورديت جسد بليه روح مااعرف شلون كضت الفاتحه وشنو الصار غايب مجرد اسلم واكعد صفنه
جيبني وتردني مامتخيل دفنته ورديت
سبوع وانه مغيب الشيخ وزياد يعاينون ساكتين
وانه شبه فاقد مجرد اكل واشرب
ارد للساكيه مكانه خالي
ارغد▪
حميد روحته اخذت جزء منه كسرلنه كلوبنه صاحبنه اسنين احنه سوه ماتعاوفنه مره وحده اذكر تعاوفنه وكت ترك دراسته
سمعت الخبر سودنت ركضت بلملابس النوم بطرك الفانيله تعلاكه والبجامه لاكاني سيف مو سيف الوجنه اصفر بس يصيح حتى عم حميد ماكدر يحاجي
كسرنه حميد مامصدك هيج موته بسبب سم حيه عاضته شلون غفل عنها
معصور عصر اغمض وتجيني سوالفه وضحكه وشقانه سيف اكثر تعلق مني كلها بجت عليه فاتحته صارت بيت سيد جليل ابو زياد
كل القريه اجت تعازيهم الوادم بجفه وسيف بجفه مو هوه واحد ثاني مجرد شبه انسان
رحت عاونتهم لابس اسود والشماغ على راسي
صورته معلكيها اباوعله مامصدك موته
شلت الفاتحه ويه الولد كلها تعرفنه اليجي يعزي والده ويعزينه عمامه ولدهم بعاد عنه اكرب شي احنه
خلصت والحزن مخيم على كلوبنه سيف كل كعداته بلديوان لاف راسه بلغتره وجنه مدوهن لا يقبل ياكل
لا يطلع الساكيه يروحله ساعه اليجي يطرده
عفنا وحده اني ابجي وافرغ الحزن البداخلي هوه ساكت بس يعاين
عدت الايام وهوه على ماهوه عليه عاف كلشي شغله الديوان البيت تقديم للكليه ماضل شي شهرين
الشيخ وده عليه رحتله اني وتميم
دخلت سلمت وكعدنه
الشيخ"الله بلخير عليكم "
تميم وارغد"الله بلخير حجي "
الشيخ"ابني اضن تعرف ليش دزيت عليك"
ارغد"معلوم شي الكلوب وحده وسنينه مشيناها سوه اعرف البكلبك وعدي علم "
شيخ"لهذا انه كلت انت رفيجه وتعرف شنو البكلبه وعشتو سوه وربتو سوه مااضن غيرتكم الدنيا ولا المواقف وصاحبكم راح الرحمة الله وهذا يومه
لا النه عتراض على حكمه "
هزيت راسي مهموم
الشيخ"ابني صاحبك مدوهن والحزن ماكل كلبه
وانه خايف عليه لا يصيرله شي والحجي كلبه عليه
مثل النار ضال لا اكل لاشرب سبح بلكوات يسبح
لوماصلاته مااضنه يشوف المي
حاجي خله يزوره ماراضي يزور ماداش عكله موتت حميد اهله عايشين حياتهم اله هوه دافن نفسه بهل غتره السوده والثوب الاسود "
ارغد "شيخ واني شبيدي عليه كم مره بمره يطردني
مايقبل نجي ونكعد يمه اصور مكان حميد مايرضه نكعد بي حتى مداسه مكتر يمه مايرضه نلزمه"
شيخ "وانه هذا الخايف منه لايسودن الولد فاصل
لا بحجيي يرضه لا بحجي خوانه زياد عجز وهوه
مو راضي يسوي شي"
تميم " عوفو لا ضغطون عليه خلو يبرد كلبه "
الشيخ"ابني ليا دوب هل مرن شهرين اربعينه كلنه رحنه وهوه ماقبل يروح دخلت ردت امه الحجي حجت ويااا رافض تعبنه "
تميم" حقه صاحبه وعشرت عمر بينهم وعلاقتهم قويه اكثر من اخوان مامستوعب موتت صديقه وحزنه بداخله مايعرف شلون يعبر عنه افضل شي تاخذو
الكبره يجوز من يشوف القبر يصدك ويرجع للواقع "
ارغد" خوفي لا يضرب عده شي هوه حتى بجي مايبجي من مات حميد لليوم مانزلت دمعه منه"
تميم "لا كولو ياالله سيف جبير وعاقل فتره وتعدي
بس خلو يصفي البداخله واخذو اله هسه يرتاح
ويرجع الوعيه "
الشيخ"والله ياابني اذا تكدرون طلعو من هاي محنته
تريحون كلبي وروحتكم وردتكم عليه اخلي واحد من الولد ياخذكم ويردكم "
ساكت بس تميم كله تأمر شيخ سيف ابن ولا يتنه مانقصر ويا وسهله اذا على روحت النجف
كمنه رحناله وكتها عصريه يريد يجلجل علينه اليل
لكيانه مثل مكانه النكعد بي لاف راسه بلغتره وعيونه تعاين للمي
حس علينه وكف سلم على تميم مجرد مد ايده سواله مجال يكعد اباوعله حاير شكله وشلون افاتحه بلموضوع
باوع عليه "كول ارغد شرايد"
تميم ابتسم "افا يا سيف هاي عود انت ابنه وارغد صاحبك متريدنه نكعد يمك "
سيف"لا تميم موهذا قصدي بس عاينتله صافن بوجهي حسبته رايد شي "
تميم "صويحبك كلبه يمك مشوفه يباوعلك "
سكت سيف مارد دار يعاين للمي
تميم"سيف لو عايش حميد تصور يقبلك بلتسوي "
باوعله فاز "حميد لو مكان مااضن يعيش وياكل ويشرب مااضنه مثل ان جان روحي وكحه برحيله
هوه روحه تفز ويه فزتي "
ارغد"سيف انت جاي تكفر وتعترض ارادت الله كلنه على هذا الدرب ماكو واحد يعيش العمر كله كلمن يجي يومه ويسلمها حرام الدسوي هذا اعتراض "
تميم"اذا حمسد اليوم باجر اني محد كاض عمره بيده ولا واحد بينه يعرف شوكت ربك ياخذ هلروح انت اقرب واحد اله كون متفاركه بلزيارت هوه هم يشتاقلك ويتانيك تجي"
نصه عيونه انكلبن حمر همس "جاي احترك افادي موجر نار بغيبته عليه تصورون مااشتاقله كل يوم اشتاقله كل يوم اناطر بمكانه واكولن هسه يرد ونكعد ذيج كعداتنه وذيج حجواتنه ونسامر حميد كسرني بروحته شلع كلبي والله لو ادري هيج ياخذ الموت فلا ارافكه ولا اكرب اله مااخلي روحي تتعلك بروحه"
ارغد عيوني دمعن"سيف مو بس انت اني مثلك كلبي يوجعني على افراكه وجرحي ينزف على روحته مااصورت يجي هذا اليوم ونودع واحد من يمنه "
تميم" الدنيا دار فناء والاخره دار بقاء استغفرو ربكم ادعوله بلمغفره اقروله قران يريحه تجي ريح بارده
تنعشه وهوه بكبره ويدري بلي يقراله "
ارغد"سيف شرايك نزوره مشتاقله"
فرك وجها بنتره"مالي حيل اوكف على كبره ولا لي حيل اصدك روحه فاركتنه وضل بس هاي الطابوكت
اذكرنه بي"
ارغد"صدك هوه متانيك والله موتين اجاني يسأل عنك ويريدك واني اخاف عليك اكلك هونها سيف
تره هوه مايقبل من يشوف حالك والله لو عايش مايرضالك وتعرف طبعه شكد ينزعج من يشوف واحد ضعيف "
يباوع للفراغ مايرد علينه
تميم"زين شرايك نزور كربله مااصور زايرها كبل خلي نروح وهم ترتاح وتغير جو "
سيف" مالي...."
تميم"لا تكمل قابل راح تحرث لو مطلعيك عماله سياره توصلنه نكضيلنه ليله ونرجع اني هم اريد ازور
صدك راح ترتاح "
ارغد"سيف لا تعاند سويها الروحه وامشي ويانه هي ليله تحملها ونرجع"
همس الله كريم
تميم"هاي هيه نجيك اليوم فجريه حضر روحك "
هز راسه ساكت
رجعنه للشيخ كال "زياد نازل ياخذكم وهم امن "
من الفجر طلعنه اني وتميم وزياد وهوه مبين طلعتنه على اصابه ساكت مايحجي شكد زياد فتح مواضيع
تحاورنه وياا تميم اخذ عليه وثنينهم انسجمو اله سيف طول الطريق ساكت اتفقنه من اليل ويه الشيخ نزور كربله ومناك نطلع للنجف حسبت يومين مانريد نتعب وزياد سيارته جوا
وصلنه الصبح دخلنه زرنه وصلينه صلاة الزياره ضليت ركعتين ثوابهن لحميد سيف مجرد طب زار وكعد يعاين علناس
الجو حلو ونهاية صيف ردينه زرنه ابو فاضل
زياد اخذنه للمطعم اكلنه
ورحنه زرنه بقية المراقد الموجوده
للضهر كعدنه بفندق كضينه اليوم طبيعي سيف مجرد ويانه مااله اي دور نحجي وياا يجاوب بختصار ورد سكت لليل رجعنه نمنه
ناوين نزور النجف من الفجريه كعدنه صلينه وتوكلنه
وصلنه للامام سيف عاين "وين جايبيني"
زياد"نزور الامير"
خنس متفاجئ حسيته راح يتخربط معالم وجها خيمت هيج يسوي بيك طاريه نزلنه وهوه ساكت
زرنه ودعينه اذن صلينه وياهم صلاة الجماعه
سيف بصف تميم رغم اختلاف العقيده
تعودنه اشوف الي يشوفه يعاينله
كل اليشوفه يبتسم كملنه طلعنه للمطعم على حساب تميم لوما الحزن جان نصبنه عليه حرك البلوكات
ردينه حركنه وهوه عيونه تعاين للدرب كال"زياد ردنه للبيت تعبت "
زياد"بزر نستله تعب شنهي ستونه اجيته ورانه الكوفه نزورها ونرد"
سيف نتر"انه مو بزر وتضحكون عليه ردنه خوش"
زياد وكف فجئه دار" تحملتك صارلك شهرين واكول حكه وصاحبه كوي كلبك لا صير رجيج سنهي محد ميتله عزيز كبلك كل هلوادم عدها عزيز "
حرك وهوه يحجي اتجه للمكبره "عاين هاي الكبور بيها اجدادك واجدادي وبيهم ام وابن واخ واخت وابو ياهوه عمر كلنه نموت
صير زلمه واوكف على حيلك صاحبك اجت منيته واخذته لو انت بمكانه جان صار نفس الشي هم هوه هيج راح يلبد بلبستان مثل النسوان اعرفه سبع
وراح يتقبلها
سيف الموت حق ويمشي علينه واحد واحد مالنه حكم على امر ربك زوره خطيه شنو ذنبه مايشوفك تره الميت يعلم وهذا حزنك يأذي يادوب ضل هيج
ماوراك جامعه بيت مستقبل ينتضرك شوف امي الحجيه راح تموت من وراك والشيخ كل مايعايلنك يرتفع ضغطه
مااكلك اضحك وتونس بس عيش يومك هاي بعد سنة الحياا هم السابقون ونحن الاحقون
لا تقنط وتكفر بنضام ربك مكتوبلك شوفه يموت كبلك ومكتوبلك تعيش هيج
سكت من وصلنه اباوع السيف مغمض وعاصر جفونه
صدره يرتفع وينزل نفسه عالي
نزلنه كوه نزل يباوع ليكدام سبحان الغير ملامحه
سبحان النزل دموعه
تعدينه الكبور تلكه كبره جدامه صااح ليششش حمييييد تعوف صويحبك وحده كبلك ماكالك يومت
بعدك
هاي انه اجيتك عدل مالي مثلك كوي حال والحكك
وصل يمه واكف جر الشماغ تلفه على كبره خويه
تركتني مثل هلي الخلوني وراهم لا اخ ولامن عم ينشد عني ليش هيج حميد ضنيتك اخو الي وتعاوني على دنياي ضنيتك تمشي وياي وندور
على اهلي
وعدتني وعد الحر دينك كوووم نمشي ننشد بيت بيت موحالف ماتعوفني وحدي
حميد بيديه غسلتلك ودفنتك ولك شلون الي كلب كام يضرب على صدره هنااا نار نار لو تطلع تحركني
بجه بحركه دموعه تسابق جنهن منتضرات هذا اليوم
كعد منصي يحجي ويبجي كلنه نبجي حتى زياد وتميم وانه مكابله
مااكدر انطق عايفه براحته يفرغ البكلبه ساعه واحنه معاتب ويااا سيف ماسكت ولا كلبه رتاح
كعدنه نقراله قرأن وهوه هوه صارت العصر وسيف ماقابل يعوفه جرينا كوه خبلنه يريد يبات يمه
رجعنه شي بيه رتاح من شفته وحاجيته وبجيت
سيف الدين ▪
من رديت وانه راسي منفوخ عيوني مااشوف بيهن كبل نمت والنومه نومه شهرين انه مرافك اليل نومي ساعتين وافز اكعد اركض للساكيه بلكت اشوفه
شهرين مرن مثل براكين النار يهيجن بداخلي اناطر بلديوان واغلط روحي هسه يدخل عليه ويشاقيني
هسه يجي ياخذني اعاونه بلزرع نزرع كل شي نريده الشيخ مخلينه على راحتنه
يوم يوم يمر وانه مامصدك موته اجذب عيوني واجذب الوادم الشيخ جزع مني ومن الحجي
كلها راحت لربعينه اله انه ماراضي اصدك موته
يخيم اليل واروحن للساكيه مناطر ويه كمريتنه
الي يوميه نسامر بيها يطر الفجر وانه مناطر
مالي حيل على فراكك ماكافي عليه فراك اهلي ماكافي علي لوعتهم بكلبي حيلي راح وانه من
ضربه الضربه شنهي الدنيا مالكه غيري
ارغد اقوه مني كم مره يجي يحجي هوه والشيخ وزياد وفرات كفاء ماراضيه ودوم تحجي عليه اله
انه مااسمعلهم
بيوم الي اجه ارغد وتميم اعرف دماراتهم بس من طلبو نزور كربله وانه اول نوبه اروحن بلكت ارتاح مثل ميكولون
زرنه وصدك انفتح صدري كل ضنتي نرد استغربت
زياد طببنه للامير كلبي دك نزلت على اعصابي زرت
وكتلهم ردوني اعصابي ترجف
زياد حجه وانه ماقانع بس من كلي عاين للكبور كلها فاكده عزيز مثلك عاينت على مد البصر كلها هيج
كلوبها متلوعه مثلي
احجاي الكبور كل واحد بيكم عاف اله اهل كلوبهم محتركه على شوفتهم
وصلنه كلشي فز بيه كلبي كبل كلشي مشتاقله ركضت وانه بيه امل الاكي واكف متانينه يتلكاني
تعديت الكبور واشوف كبره دموعي نزلن هسه انه احاجي الطابوكات اعاتبهن
شكد مااحجي مااعبر عن جزء من حزني عليه
نزعت حزني يمه ورديت توسلت بيهم اباتن يمه انامن يمه طول بطول مثل كعداتنه بلبستان
رديت مصخن بس نمت مااعرف شكد وحسيت بيد ناعمه تتحسس جبيني فتحت عيوني بنعاس اجفوني ثكال عليه صارت كدامي الما
..........يتبع
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!