رواية بين الكاف و النون الفصل الخامس وأربعون 45 - بقلم saja altaie95

بــــــــيـن الـــكــاف والــنــون

الــسابـــع و الاربـــعـــون

بــقــلم..... ســجـى الـطـائــي

وشنو ذنبي ؟
عايشلي بحلم تايه
لا لاگيلي عين تنـام
ولا لاگي اليفسرني

واضحك . .
من تگلي الناس هنيالك

هـنيالي عليمن
عـلـ حزن عـلـ غربـه هـنيالي

بـنادم . .
ضال طـرگ الطـين

لـو عندي
بخت ممـلوح
چـا طحت بـوجه موسى
روج الشيب واصـل كسرة الـحاجب

وكـل تابوت
يخـزرني خزر عاهـر
لـو مشطت عشريـني

ريـــــحــانــــة

انزرع الخوف بكلبي رضاا كلامه واضع هذا الفهمته من تكتم اذا متوافقين على مصطفى معناها عندج مشاعر ويه تميم

انسحب التلفون مني ابويه يحجي ومايقبل على تصرفات رضا عشت برعب ليش هل خوف مسيطر عليه

مرت الايام بكئابه مرات اشتاق الاماني تمنيت بذاك الوقت عندي اخت ماكان حسيت بهاي الوحده

الخوف مراودني مربطني رغم والدي وامي معايفيني رجعت علاقتي بيهم دفئ حضنهم يغنيني عن كل الدنيا

التزمت اكثر واكثر تعمقت بصلاتي رجعت السابق عهدي دائماً
قول النبي اذ احب الله عبداً ابتلاه فأن صبر اجتباه فأن رضى اصطفاه

خالتي ام تكتم متاركتني اسمعها تقنع بامي رغم اضوج بس نفس الوقت احس بتأنيب الضمير لو ما تحبني ماتتمسك بيه

كعدت الصبح فازه تكتم فوك راسي جفلتني نكعتني مي

تكتم " كعدي جبتلج شغله تفيدج "

فركت عيوني سهرانه بلحفظ جرتني من ايدي كعدتني "ليش ترشيني بمي متحلمه بيه اليوم"

" صحصحتي "

هزيت راسي "بابا طلع لو بعده"

تكتم "تريك من وكت وراح للحوزه عوفي ابوج هسه ريحانه جبلتج ورقه تفيدج بس اسويهن بلكت الله ويهدي رضا عليج
جزعت واني اقنع بي"

ريحانه "ليش شبي رضا"

تكتم " شو تعالي اشوفج مصخنه حبيبتي ماشوفين اخوج شاد وياج واني من اشوفه هيج اتكطع عليج شمسويه
وهاي المصايب طايحه عليج "

ريحانه" عليج الله انتي حاجيتله على تميم تره وداعت بابا مابينه شي حرف ماناطقه ويااا ولا عدي علاقه بي مثل مامصور "

تكتم " صدك جذب ليش احجيله وانتي سريتيني مااقبلها منج ريحانه انتي اخيتي واني وياج بيت واحد ليش اروح افتن الرضا "

دنكت "ماادري عبالي سامع منج وعباله عدي علاقه"

تكتم "حبيبتي اخوج عصبي حتى وياي متغير ومايسمع حرف مني وحقه ذاك اليوم اخت صديقه شارده ويه صاحبها
هل خايف وشوفي متشدد عليج الولد مو مثلنه محبوسات بهل بيت مانعرف شيصير بره هوه يطلع ويطب ويسمع اشكال الوان

المهم عوفج من هذا الحجي وضيت وحده يمنه عرافه وخيرتها بلأيد وكتبتلي ذني ونطتني هاي التربه راح اعلمج عليها

استغربت ضليت استمعلها فتحت ايدها ورقه ملفوفه بدون شي هيج مبرومه وبصفها تراب كالت هاي تربت الامام الحسين من الضريح جايبيها نكعيهن بمي وشربي

ضلت تفهمني عليهن واني راسي مسطور مااكدر اركز وياها حسيت وشه صارة بأذاني كلش قويه حسيتها تزرف اذني
صوت تكتم كمت مااسمعه ثواني هزيت راسي قوي راح

خمضت عيوني بقوة وفتحتها تكتم تباوعلي مستغربه شبيج

كتلها "اذاني نسدت صفير صار بيها"

جرت كف ايدي خلتهن بيها "مو تنسين الكتلج بي سوي اني طالعه الم ملابس يبسن وانتي غسلي وسويهن بدوركه وخليهن يم جربايتي كل ماتعطشين شربيهن

عافتني وطلعت كمت عدلت سرير والفراش لميت شعري وبيدي الورقه خليتهن بدوركت مي رغم اني ماأومن بشغل العرافات ولا احب سوالفهن الله اقرب من حبل الوريد للأنسان

وإذا سألك عبادي عني فإني قريب أجيب دعوة الداعي إذا دعان فليستجيبوا لي وليؤمنوا بي لعلهم يرشدون

وإذا وصل المؤمن درجة الإحسان ، وراقب ربه ، واستشعر قربه ، ودنوه واستحيا منه حق الحياء كان من المحسنيين الذين لا ترد لهم دعوة ، وكانت رحمة الله وفرجه قريبة عاجلة ( ولا تفسدوا في الأرض بعد إصلاحها وادعوه خوفاً وطمعاً إن رحمة الله قريب من المحسنين )

ليس هناك عائق بين العبد وربه غير ذنوبه التي تبعد استجابة الدعاء اكثرو الاستغفار تقربو من هذا الاله العظيم تمعنو في عضمته وقربه من عبده

كملت شغلي رجعت الغرفتي بلشت اقره صارة صلات الضهر وكفت لبست احرام الصلا صليت وكملت على كعدتي بلشت بلحفظ اتيه بعالمي كل حواسي تتمتن بكل كلمه

وهذا استنتاج ان كل حرف بلقران يبعث طاقة قويه (ايجابيه) تتمحور حول الانسان كل حرف يكون
عباره عن ملك يحرس القارء

تدبر بالقران والها شروط التدبر

بالتأمُّل والنَّظَر والبحث فالتدبُّر عمليّةٌ ذهنيّةٌ ويمكن تحقيق الاستعداد باختيار المكان المناسب وتوطين القلب على التدبُّر واختيار الوقت الملائم لِئلّا ينصرف تركيزهُ عن القرآن، ويتأثّر بما يدور حوله وممّا يساعد على ذلك استقبال القِبلة عند القراءة

والحرص على الطهارة والخشوع في الجِلسة أمّا الأوقات المُفضَّلة فمنها وقت السَّحَر

توقفت اخذ ستراحه عطشت جريت الدوركه شربت مي
حسيت بوشه فضيعه وخفقان بكلبي اجتني نوبه ماكدرت الزم الدولكه شمرتها كعدت خاله ايدي على صدري

ضليت استغفر شي مصاير وياي من قبل

طلعت اسوي عشه لكيت امي تعجبن بلكباب اخذته منها كملته وكليته نزلت تكتم لازمه بطنها ماخليتها سوي شي
كملت العشه وتعشينه

مشت الايام واني احس بنوم فضيع بليوم انام ١٢ ساعه الكل استغربو نومي مر سبوع

صاحتني امي "تعاي ريحانه شيلي وياي"

باوعت زولية الهول جبيره كوه شلتها طلعتها بره نكطع نفسي فرشتها وامي وياي بلشت اغسل بيها وامي ترشلي مي نكسؤ ضهري ومااكدر اكل الولدي خطيه متكدر تغسل بمكاني

لليل كملت طبيت بدلت ملابسي صليت كعدت اقره زيارة عاشوراء لازم العصر قبل الغروب قاريتها ماكدرت

دخلت امي سظيت الكتاب

اسماء " حبيبه خلصتي سوي عشه ابوج واخوج على جيه
وهم حسبي حساب مرت اخوج مدد ماتكدر تنزل الدرج متعبها "

كملت وطلعت وكفت اكلي طماطه لاجعه وبتيته اقراص
وزلاطه ولبن كملت كلشي حطيت السفره والمواعين
كلشي كامل صعدت صينيه التكتم دخلت عليها وجها ذبلان
من الحباله

مدده رفعت راسها "ياعمري ليش صعدي"

ريحانه" مراح انكسر المهم انتي اكلي هاي سويت الطماطمه مثل ماتحبين "

تكتم "بيش اجازيج بيوم عرسج اوكفلج ومااخليج بعازت شي"

سكتت خليت ونزلت

كعدنه ناكل بعديني بثاني لكمه نب رضا "يمه الولد منتضر شمتانين وترجعوله خبر عيب منه هلكد انطول لوما نعرفه"

اسماء" شكو مستعجل شورا خلي البنيه تاخذ قرارها عدل وبعدين يمه انت لا تجلبلي نعرفه ومانعرفه ادري بس غير سالون هذا زواج مو لعب جعاب"

رضا "صدك يمه شسأل غير من سنين اعرفه ميحتاج نسال ولا احك راسي وين يجيها واحد مثله"

اسماء "ميخالف هم خل البنيه تفكر عدل وهي تتحمل نتيجه قرارها مااخش بخطيتها"

رضا باوعلي " اي ست ريحانه فكرتي زين اخذتي قرارج لو تردين ننتضر حضرت جنابج شوكت تتكرمين علينه وتنطين جواب "

دنكت مبرطمه والله كلبي يرجف منه مااتحمل صوته العالي

اسماء "رضا لا ترجع على اختك شجاك يمه ناشب وياها شمسويه يعني غلطت وجل من لا يخطأ"

بجيت وردت والله ماخطأنه بشي وكدامكم اروح وارجع حتى صديقات بلجامعه ماعدي

رضا " ابجي ابجي ليكول خال على ركبتج سيف العباس وهوه لو مايشوف منج وجه ماايتمسك هيج ويكتل روحه"

رفعت راسي ودموعي على خدي مسحتهن "وداعت بابا مالي دخل بي ولا شايفته بس من جنت بلعداديه لان طريقنه على بيتهم شفته ومااعرفه لو ماااماني صديقتي طلع صديق اخوانها"

رضا "هنا الربط ماعم عليج وفتح عيونج غير صديقاتج الزفت باعي الولد صديقي ماتفشليني ويااا باجر اكله موافقين
وفكي حلكج وكولي لا"

بجيت بقهر رضا مصر واني احس روحي انذبح بسجين بابا صاح بي "بس بس ولا صوت شبيك وياها اشوفك وساكت اكول حقه غيور عليها واخته ومن حقه بس زودتها ماكو اجبار بقناعتها لا انت ولا غيرك يجبرها"

رضا "شنو يابه تقويها عليه شنو العيب بمصطفى وماتقبل احسن ماتاخذ المطربكجي لا صوم لا صلا بس يعرف يغني"

بابا " ليش انت تنضر بسطحيه للانسان صح يغني وهذا عيبه الوحيد والا الولد ينحلف بي سبع وثابت وجوده وشاغول يكدر يفتح بيت ويكون عائل واني متاكد لو مايشوف اختك بكامل حشمتها مايتمسك بيها هيج "

نتررضا بصوت خله بابا يفتح عيونه"يابااااا صدك هيج تفكر اني شاف واعرف تفكير الشباب لاتكلي محاجي وياها خزرني وعيونه تريد تطلع حجه كلمه خنسني بيها دور الحبابه مايمشي عليه ولقائات الخنسه كلهن اعرفن

ضرب الخاشوكه بلسفره وكف محد خرب تربيتها غير دلالكم هذا

بابا فرك وجها "شايفه ابنج تالي تربيتي يرفع صوته بوجهي"

ضلت امي تهدء بي طبيت الغرفتي شبعت بجي اقل الربع ساعه نفتح الباب مخليه راسي بين رجليه واندب ربي
وكلبي معصور على بابا مايستاهل هيج رضا يسوي

بعني بتفكيري نفتح الباب رفعت راسي نزيت تكتم

كعدت تكتم يمي" اخخخ يمه شكول عليكم بله اني هذا حالي مال اكعد احل مشاكلكم "

جرت ايدي خلتها بين ايديها "حبيبتي لا تخافين اخوج يحبج وصدكي لوما يحبج ويريد يحميج مايحرك دمه وانت اعرف برضا طيب كلب قبل هم ضربج"

هزيت راسي "لا"

تكتم " ولا غاصبج على شي واكثر واحد جان يعتني بيج بصغرج تذكرين ايام المرض جنتي متردين احد غيره
ومتنامين غير يمه وهوه يعوف لعب وجماعته

ويطلعج ويشتريلج ويطب من وكت حتى ينومج "

يجيت ايام ماانساها رضا اقربلي من روحي " بس من راح يدرس وهوه ابتعد عني "

تكتم "لا مابتعد ولا انشغل بس ظراسته يرادلها تركيز وتعرفين الحوزات هناك يتعمقون بلفقه"

"تردين تحلين المشكله تردين ينتهي هذا الجدال البينج وبين اخوج وترجعون مثل كبل"

ريحانه"ميريدني بعد ومايحبني مااشوفين نضراته الي "

تكتم "حقج حقج حبيبه وهوه هم حقه تحملي فتره ويهدء وهوه مرده الج كم اخت عده بس انتي تذكرين لم كتيلي على تميم ومشاعرج اله

هزيت راسي اي

تكتم" هسه اريدج تعتبريني اختج وصارحيني بينج وبينه شي مهما يكون اني اوكف بصفج ومااتركج واحنه موبس بنات خاله صرت مرت اخوج يعني اختج "

امنت بلكت هي حبل نجاتي وارتاح "اني ماغلط ويا صح تميم يحبني بس ضل حبه ضامه بكلبه بس نضرات واني والله اخاف حتى اباوعله مااريد ينحسب ذنب وضل من بعيد يباوعلي لحد ماوصلت للجامعه

ايام اني ناسيته بايام امتحاناتي اجاني وطلب مني اتاني ومااقبل باي شخص يتقدملي

همست تكتم تحبي

بجيت" ماانكر اي حبيته وتعلقت بي مااجنت اعرف مشاعر الحب ومن حبيته عرفتها كلبي يدك اله اني قاريه عن الحب واعرف اذا مابين الحبيبين تواصل وكلام يؤدي للحرام مابي
اي حرام واني من هذا الباب حبيته

بس ماايوم وكفت ويااا وصارحته بمشاعري ولا هوه بس ثلث
مرات اجاني وكلهن علمود يحجي وياي بمشاعره وكلامه كله
كان متحفظ

يعرف كينونة مبادئي ماراد يحرجني وكل كلامه علمود يفتهم مني اذة تقدملي اقبل لو اكو رفض مني

دنكت راسي ابجي مهضومه وكلبي ينعصر على حبي التميم والحال الوصلناها بعدني اسولفلها

ندفع الباب رفعت راسي رضا عيونه تجدح بدون حرف جرني عصر فكي حسيته انخلع الالم الشفته عيويني وحدهن دمعن من قوت العصره

حجه بكلام مال واحد واصل مرحله من الاعصاب شويه ويمرد وجهي "موديج درسين وانتي تتمعشكين سا..... اشرف منج

ثواني وتولاني راشديات من الصدمه مااعطت وجهي اشتعل تكتم ركضت سدت الباب وهوه مستمر بلضرب وانواع الغلط مو هذا رضا الأعرفه

فحطت اريد اتنفص طبيعي مااكدر صدري يصعد وينزل الشهكه لزمتني رفعني من شعري"اني كواد اذا ماانطيج المصطفى والله هواي عليج ماحسيت غير ترس وجهي تفال ورفسني

تكتم كوه ساده حلكها ماتعيط جرته حاولت توخره ماتكدر دفعني على الجربايه" اذا فكيتي حلكج اله اموتج بيدي عاااار"

طلع وتكتم تخرط بخدوده فاكه عيوني مثل شهكه طفل من البجي هيج الشهكه جلبت تكتم طلع تركض ورا اسمع صياحه وتكسر

راح اموت ربي موتني ربي لا تخليني عايشه ضليت ادعي نزويت احس برجفه ايديه ورجليه ماتن مااحس بيهن هسه يجي يموتني هسه ابويا يعرف

نفسي انكطع اريد اتنفس ربي راح امووووت اشهك وعيوني تحركني مااعرف شلون تحملت وصلت لدولكة المي رشي على وجهي كوه كدرة اتنفس طبيعي

قفلت الباب ومددت على السرير هذا اليوم ماانسا بحياتي اول مره انضرب اول مره احس بهيج شعور مخيف بهذاك اليوم انكتلت البرائه البداخلي

ضلت عيوني تجري دمع بدون صوت عيوني للسكوف
اراجع كل السويته وينه خطأي وينه العار السويته

مااتحمل هاي النضره ولا هذا الاتهام اني بريئه مادنستهم بشي ليش هذا العقاب مااستحق هاي الاذيه

مااعرف شلون نمت وبلفعل ثاني يوم من الخوف انطيتهم موافقتي على سيد مصطفى

ارغــــــــــــــــد

اخذوني تحقيق وتوقيف والد رغد عرف بزواجها واتهمني بخطف بته واجبارها على زواج كدرت اخابر تميم

كل اهلي عرفو بزواجي وهنا اني سويت كارثه اكثر من ٦ اشهر مزوج بدون علمهم ابويا ميباوع بوجهي

محامي وشهر اني بلسجن وكعده وعشاير وروح وتعال لحد ماتقرر اطلع بكفاله وكل هذا ورغد ماشايفها

بيوم خروجي ابويا وتميم وابراهيم موجودين طبكت سياره حديثه مارسدس ابو رغد وياا حارس شخصي

ابو رغد "تفضلو وياي"

تميم "على شنو نتفضل"

ابو ارغد "ابنكم يطلك بتي ويروح ماعدي بعد شغل ويااا"

رفعتله حاجبي "ههه منو كلك اطلك وانت بأي حق تجي تحاسبني لا جبرتها ولا خطفتها مثل ماتدعي"

ابو رغد "الك عين بعد تحجي لو ماابوك والشيوخ الجبتهم هسه انت خايس بلسجن طلك ابني ولا اشوفك ولا تعتب بيتي"

ارغد "منو ميت على بيتك اسمع زين اغاتي طلاك مااطلك ومامجبور اسمع كلامك والسويته كله ارده الك هسه انت رجعلي مرتي وتوكل"

تهجم عليه ابن عمها "شننوووو مطلك بكيفك طلكها وغصب عنك طماع حرامي جبرتها عليك وهسه واكف بكل عين وكحه اطالب بيها لك منوو انت بابا بقندرتي ادوسك لاشوف نفسك عليه لك"

اجيت اضربه لزمني تميم وابراهيم ابويا لزم ابوها " عزيزي موهيج تنحل الأمور ثنينهم غلطو بتك وابني اني هم مثلك هسه عرفت بي مزوج لا كالنه ولا اجه شاورني

والعرفته البنيه مامجبوره السوي انت او ابن عمها فضيحه بحق بتك وعيب هاي سمعه بنت مو هينه انت جبير وفاهم توكل وياي باي مكان نكعد نحل الأمور

سكت الرجال واني اريد اكل ابن عمها بسنوني كدامي عيني ويطالب بيها

اخذنه ابوي البيت الشيخ صديقه بغداد ومانحل الموضوع اني مااكدر اتنازل عنها واعرف ازوجتني علمود تشرد من ضلم ابوها وابن عمها

كل فكري يمها سوو وياها كل الحلول الانطرحت ماقبلت بيها اذا مااشوفها واحاجيها وابوها وابن عمها رافضين

تميم كال اسكت انت كلشي بيدك ميكدرون يطلكوها اذا ماانت اطلك خوفي لا يجبروها اتوقع كلشي منهم

تاجلت الكعده ابويه والولد رادو نرجع للكوت باوعتلهم
"مااكدر دراستي وشعر اني غياب لازم ارجع اداوم واقدم تقرير طبي

رجعت للبيت خليت راسي على المخده مبين الولد جانو بي اخواني وابويه وين كعدو ذيج الايام ماعدهم غير مكان

نمت وكعت الغروب توضيت وصليت خابرت ابو المطعم
شايف غيري

صدك نسدت بوجهي كعدت فالس من كل الجهات الكفاله منو سداها واهلي منين دبروهن راسي يوجعني

شبحت وطلعت افتر بلمنطقه واني امشي ماعدي غير عمتها اكيد عدها اخبارها

اجرت تكسي وصلت انطيت اجرة التكسي ونزلت دكيت الباب مره مرتين ماكو صوت يمكن خايفه لان دنيه ليل

رفعت راسي قوك الباب" خاله اني ارغد "

شويه ونفتح باب المطبخ فتحتلي الباب

وجها مغيم والحزن طاغي عليها "ادخل خاله الحمدالله على سلامتك"

"الله يسلمج يوم بستها براسها"

"يحفظك الباري ويبعد عنك اولاد الحرام"

"ادخل خاله ارتاح شويه اجيبلك ميه

كعدت قدمتلي مي وكعدت" شلون طلعك المايخاف ربه "

ابتسمت "بكفاله شك الحلك"

"فدوه يمه يجن المهم انت طلعت سالم غانم"

ارغد "الحمدالله انت يمه شلون عافيتج رغد رحتيلها شفتيها"

"شكلك اني نص حيلي راح من عدها منعني حتى اسمع صوتها بهاي كبرتي من الباب وطردني اخته الوحيده وماعده غير الله واني وذاك الحرامي فضله عليه شكول

غير حسبي الله بي ماسالتني ومتعبتني غير هاي اليتيمه
وين يروح من ربه اخخخ يارغد

سكتت مدنك الف حسبه بالي" حجيه لازم شوفيها طالب اطلكها وخايف عليها جابرها"

"لا يمه ابد لاطلكها هذا يريد يزوجها واكيد ابن اخوي ويااا واخويه قرو بعقله هل جاي حامي عوفه اني لازم
اشوفها مااتحمل اعوفه يموتها على ايده واني كاعده
اشوف بعني واسكت"

ارغد " راح اراقب بيتهم بوكت طلعته اخذج شوفيها "

"ديربالك يمه عده حمايه وكلشي يكدر يسوي"

ارغد "لا تخافين اعرف شلون اراقبه بدون مايحس عليه"

ضليت اسولف وياها شويه وطلعت المره كلش متأذيه
بالي ضل مشغول بيها حتى دراستي هملتها على كد اسجل حضور وارجع ومناك اني شهر مامداوم

درجاتي من درجات كامله لل يادوب نجاح ضليت اراقب بيتهم من بعيد صدك حمايه وسيطره براس الشارع لان شارعم كل تجار واصحاب املاك وقاضي

شكد حاولت اعرف ش كت يفرغ بيتهم ماكدرت

وابوها ضل كل سبوع يدز خبر اطلك شهر مر واني
عاجز لحد ماوصلي خبر اذا مااطلك يطلكها غيابي

ســـيـف الـــديـن

طيحت الما مو طبيعيه من سمعت ام عبير اخذت سيارتي وصلت وكلبي مامطمان

بس وصلت دكيت على والدي طلعلي طبيت اشوفها
كاعده باوعتلي ابتسمت وكفت بصفها امي كاعده

سيف "شبيها الما شكاللكم الطبيب"

الشيخ مدنك رفع راسه عيونه بيهن حزن لمحت خيط حمار اعرف والدي مو بسهوله يطلع حزنه ولا يبين ضعفه

بذيج الحضه حسيت كلبي مااسيطر على دكاته يمكن رددت ربي استر الف مره الخوف اول مره اعيشه
بهاي الكميه

كتلها يام مو اسألكم شكال الطبيب "

الحجيه "مابيها شي هبوط بلضغط وهاي علكولها مغذي
وسولها تحاليل متانيهن يطلعن ويشوفها الطبيب"

درت على والدي مدنك وسبحته بيده يراودني احساس
مخيف بست ايدها دنكت خجلانه دارة وجها على امي تباوعلنه همست "عيب سيف حباب وخر مني"

"شمسوي هيه بوسه قابل ماخذ حلك وتستحين"

ست ني حجيت نبت الحجيه "وخر منها لا تتهيلك تالي وكت وخر يمه عيب لا يدخل احد وانت راسك فوك راسها ماشايف"

سيف "حجيه الله مسلطج عليه شمسويلها هاي كدامج ناقصه ايد رجل على الحبه تحاسبيني"

الحجيه "مو الحبه وراها مصايب دووخر صماخك لا تعبني مالي خلكك دنه من الفرخه ترتاح"

سيف "يافرخه مرتاحه هيج لو اجي بصفج امدد"

الما كاضه روحها من الضحكه والحجيه صاحت "شو ابو زياد ناولني العصه مالتك خلي اكرمعه بيها صاير بله خجل وحياء مستخف الولد"

سيف" يوم شنهي سالفتج شفتيني نايم وياها وكمتي عليه صاير ماتتحمليني "

باوعت لبويه "يااا عزززه شوف الولد خربت اخلاقه حجي تسمعه بذنك هاي تالي ربه لسانه فلت والله كله صوجك من شجعته يصير ضابط وهوه الولد خربت اخلاقه"

الشيخ ساكت مو يمنه "يمه هسه ابويا مغلس عنك يكول حكه خطيبته وبحساب مرته ليش اصير كطاع ارزاك
انتي هم صير مثله يجيج الصافي ثاني يوم تلكيها حامل"

اول مره امي هيج تعصب عليه ماتحملت اخذت عوجيت الحجي وضربتني بيها صح تأذيت بس مابينت ضليت اضحك وياها واداهرها وهي مصدكه والما مغطيه راسها
بلشرشف ميته مستحه بس اسدها مشتغله تكريص بيدي

ساعه وعفتهم طلعت بوجهي لطبيبها اشوف تحاليلها طلعن ماخليتهم يحشون كتلهم اغسل وارجع

رغم اشاقه واضحك بس بالي مو هنا كل يم تحاليلها وجه ابويه خرطني العافيه حسيته بوكتها كلشي اهون عليه ولا الما يصيبها شي

من واحد الواحد طلعن تحاليلها اخذتهن بيدي طلعت بلحديقه دخنت جكاره اطفي ناري بحياتي مامدخن هيج من خطف الما لىيوم صرت مدمن جكاير بليوم اخلصلي باكتين ثلاثه

طبيت للدكتور شلمته التحاليل ضل يكلب بيهن كال طبيعيات بس اكو خلل احجيلي عن اعراضها

مااعرف من شنو تشكي مابيها شي

صفن رجع كال راح اسالك وانت تحدد حسب الاعراض المرت بيها

هزيت راسي

كال عدها صداع وارتفاع بدرجات الحراره

مااعرف دكتور اني اغلب وقتي دوام
سكت كام طلع وياي دخلنه للغرفه

سالها عدج حراره بجسمج

كالتله اي عدي حتى اصخن وفلاونزه بس ماعدي عطاس
فحص الغده المفاويه وره اذنها شفته منتفخ

كلها اكو بقع بجسمج شفتيهن

هزت راسها اي اكو صارت بيدي وبصدري وعدت مناطق بجسمها ضل يفحص بيها وسالها على الشهريه نقص بوزنها خمول الكسل

هواي اساله خلاني بقلق كتب تحليل "ضروري سوو وهاا تره يبطي هذا التحليل يله يطلع من سبوع الى تسع ايام

ماقبل اسأله كدامها طلع وطلعت راا هز راسها متحسف
" ابني مااخوفك بس التحليل هوه الفاصل النهائي "

دكتور "احجي شبيها زوجتي"

"انت هم يراد سوي تحليل احتمال منتقل العدوه الك
وارد جبير زوجتك حامله فيروس الايدز"

ضحكت "دكتور كول غيرها ياايدز كلشي مابيها جانت جنها ورد"

دكتور "ابني مدام زوجتك متعرضه للاغتصاب احتمال وارد منتقللها من المغتصب وصير هيج حالات اهدء
وتمالك اعصابك اكو امل بس سوو التحليل باسرع وقت ممكن وانت جيك نفسك احتمال تحمل الفايروس"

عافني بصدمتي كعدت الدنيا انطبكت عليه شعور مااوصفه كميت الالم البصدري جبال ماتحمله

كتمت المي عقلي انشل يعني شنو ايدز يعني موت
يعني فراق

الما تروح مني وماا اشوفها حلم عمري يضيع بين ايديه
اليمر يباوع عليه كاعد بلكاع راسي بين رجليه التحاليل
بيدي

طلعت اريد اصرخ اريد احس اني بشر اريد ابجي جسمي يرجف وين اروح مشيت ومحاس بروحي سيارتي عفتها مركونه جهازي يدك سديته

....... يتبع

حبايبي مااريد اطول عليكم النشر يومين بيوم استراحه صح مومن حقي اكلب استراحه بس ثقوو جاي اضغط على نفسي وهيج اخلق الوقت واكتبلكم تحملوني

ولاتنسون متابعتي على الانستا احبكم