رواية بين الكاف و النون الفصل السادس وأربعون 46 - بقلم saja altaie95

بـــين الـــكــاف والــنـون

الــــثامن والاربـــعـون

بـقـلــم... سـجـى الـطـائـي

نشف شط الگصص
وأنشطب رب الهم
ولا عثرة هـوه تحرك زراگ الدم

أحس روحي . .
ضوه مصلوب . .
شما جاسته زلوف الريح
يتكسر بحضن الماي

وبهداي أحترگ بهداي
گضه عمره الشمع من يحترگ سكته

وين الگه اليهيسني
درفعني الحزن حد ماصرت كاروك

ريــــحانه

الحلم مرات يكون نعمه الانسان من يوصل مرحله يتمنه اليعيشه حلم معناها واصل الاصعب مراحل الحياة

اسبوع صعب عشته من وافقت بسيد مصطفى كتبت نهايتي
كلشي صار خلال ايام مشيه وعقد ماحسيت بنفسي غير اني
وافقت

سيد مصطفى كان انسان خجول الى ابعد الحدود نقي النفس
خلص العقد اهله فرحانين بيه امه واخواته

ايام مشت امي قررت تجهزني للدوام طلعت وياها للسوك اول مره هيج اطلع كل مره امي تجهزني معتمده على ذوقها اخاف اطلع امشي واتعثر وصلنه محلات الملابس انواع واشكال

احب الجبب الوانها فاتحه اختاريت ثنين وياهن ربطات وجواريب وثلث جنط خلصت رجعنه مكنه بعيد عن مركز

مو قضاء ولا بلمركز بيناتهن يعني طريق نص ساعه نزلنه براس الشارع لان راكبين كيه مشينه اكو سوبر ماركت جبير

ماما كالت خلي نفوت بي اخذ كم شغله محتاجتهن دخلت وراها اجاني صوت هذا الصوت اعرفه رفعت راسي تميم وياا شخص يسولف وياا صافحه والرجال راح باوع على امي مامنتبهلي "تفضلي حجيه بيمن اخدمج"

امي "خادم ربك  اني اعين واخذ"

تميم "على راحتج المحل محلج"

امي "يبارك بيك ويحفظك"

امي كل الصار وهي ماشايفه تميم ولا اني شايفه مكان شغله الجديد ولا اعرف محله مغيره كان مقابيل مدرستنه

هسه على الشارع العام

ياربي وين اختفي وين اروح هوه ولا باوعلي ضل كاعد مدنك ويلعب بجهازه كاعد على كرسي وكدامه ميز وبيده جكارته

اريد عيوني تفاركه اني هيج اجرء واتمعن بي لحيته طولانه
رغم بعده بوسامته وشمرت حاجبه الاحبه انتبهت على نفسي هاي شحجي اني

وخرت انطيته ضهري عود اكلب بلغراض ضرت بلزاويه قريب يم الباب الهي بروحي مااريده ينتبهلي اسمع امي تتحاسب وياا كل جسمي يرجف النبرته

معقوله هذا الحب هيج يخليني ربي لا تحملني ذنب اني مو قاصدته اباوع محله اشكال بي شنو الموجود بلسوك بي

اكو تعلاكة مداليات وطواكه وقراريص شعر عبرت اطلع منهن بينهن وبين الباب مسافه قليله عباتي جلبت ويه مشيتي طاحن
غمضت عيوني دنكت اجيت ابجي من الفشله والموقف صاح "فدوه اختي"

دنكت اشيلهن اجه رفع العارضه  دنك يلمهن كال "عوفيهن اني اشيلهن لاتعبين نفسج رفعت راسي ويه رفعت راسه

سكت يباوعلي مصدوم نزلت عينه على ايدي لازمه بيه الغراض بهتت ملامحه  كمت مااعرف شسوي  خليتهن فوك الحلوات وطلعت اركض امي ضلت تتعذر منه حرف مانطق

نزل دموعي تمنيت الموت ولا اتمنه هذا القاء جابك عليه وخلاك بطريقي ليش خليتني اتعلق بيك واحس بهذا الاحساس

مو تعرف طرقنه مسدوده وصلت بس نزعت عباتي ودخلت للغرفه شبعت بجي اول مره بحياتي احقد على اخويا اول مره  اجرب شنو الحقد والكره

هذا القاء عشته بوجع وجعه ضل الايام ياكل بيه تركت حفظ القران ماادري مااحس بروحي مستعده يادوب اصلي حتى التسابيح ابتعدت عنهن

بيا وجه اقابل ربي  وصل بيه الامر كوه اكوم اصلي فقدت حتى ايامني بربي  تقربت من تكتم اول ماا حجيتلها على لقائي بتميم حضنتني كمت اشهك وهي تهدء بيه

تكتم اقترحت نروح للنجف يم بيد جدي حاجت بابا صدك كال حضرو نفسكم نسيت نفسي وطرت كملت روحي وطلعنه للنجف وصلنه خوالي التموو علينه فرحانين امي مكيفه

لليل اجت سكينه وجهالها تلكيته حضنتها بوستني وباركتلي
كعدنه نسولف تالي اليل بعد ماالكل نام واني وياها سهرنه شكو شي بخاطري سولفتلها

ايام كضيتها احله ايام ناسيه سيد مصطفى انطي خابر ثالث يوم دك جهازي رغم عاقدين شي لهذا اليوم لا شايفته ولا شايفني مجرد يتصل يسالني على شمحتاجه واني ارد

كل ألفه مابينه رغم هوه يحاول يخليني اندمج ويااا بس اني الخجل ياخذني ومااعدي كل كلام اكدر اعبره اله واخذ وانطي طبيعتي انطوائيه بس ويه اىاحبهم اندمج والكه نفسي ويا سكينه واماني

ارغــــــــــــــد

ايست اوصل الرغد صارت كل اهتمامي ايام اراقب بدون فائده بيوم ذكرة ابو البار وين راح عن بالي اتفقت التقي بي
رقمه الثاني مينطي الأي واحد عدي

وصلتله كعدت حجيتله كل السالفه كال عدي مالك شغل اني ارتبها الك كعدت خططت وياا كتله مو اخذها لان يوصلولي يوصلولي ومااستفاد شي وان حافي وين اوديها بس احجي وياها

"بابا انت مطي غير زوجتك اخذها وغصب عنهم وكبل روح محكمه صدق زواجك منها لو شيريد ايسوي بس قدم بلاغ للشرطه ميكدر يوصلك ابني واني عدي روس شك حلكه

ارغد"  عمي اني مو كده لو اريد اخذ سلاح واهد عليهم بس اريد احلها بلحسنه واول شي اشوف رغد اتفاهم وياها وبعدين لكل حادث حديث"

" يول اني احبك رغم كبر راسك ورافعه عليه بس ميخالف اني احب الانسان العاقل مايتلوت عليه لان اني ثعلب الوفها عليك لو صير ماادري ابن منو خليني ارتبها الك واكعدك بيت مرتب وشوف اليوصلك اله اكص ركبته "

" متقصر عوفها هيج احجي وياها بس دبرلي لقاء مااريد اكثر"

يومين وخابرني كال تطلع ب١٢ الضهر توكف بلركن من انطيك اشاره تروح نص ساعه تكفيك لو اكثر "

ارغد " ساعه وتكون ممنون منك "

"هاي هيه يدلل ابو الشباب ساعه ساعه"

ارغد "مشكور ماتقصر"

" تشكرني من تلين هذا الراس وتجي تشتغل عدي "

ارغد " الله كريم "

سديته منه لطش ششتغل وياك هوه غير الاقمار والملاهي والسلاح هوه اني طامس

على الموعد وكفت انتضر صدك صارة الساعة ب١٢ اشوف الحمايه انخبصو اجاهم اتصال كلهم ركبو بسيارتهم موجوده وطلعو

ركضت فتحت الباي وطبيت مو بيت قصر الكاع اشوف خلقتي بيها ضليت احجي ويا روحي كل هذا الخير وراكض وره اخوك توسع املاكك بعد شتريد من ربك

مشيت دكيت باب المطبخ ضليت ادك بيماكو احد فتحته نفتح يابه شهل الأدب العدي ادك بلباب وهوه مفتوح

دخلت اعرف ابوها ماموجود بس ضل الخوف بداخلي رجال جيس روبه ضليت اقلد على نفسي صعدت فوك افتح غرفه غرفه كلهن مأثاث باحسن اثاث

ملك ابن الزفره لحد ماوصلت الغرفه ماتنفتح ضليت احاول وياها بلكت غرفتها دكيتها حيل صاحت  مااريدك لا تحاول

" وقزل القط ياهوه الماتريدي ولج "

سكتت سمعت دبجتها مال وحده طفرت فتحت الباب مصدومه صاحت اررررغد جيتت بحضني حضنتها اضحك
"ههههه هيج مشتاقتلي"

وخرت "شطببك عززز بعيني شجابك هسه بابا يشوفك ويوكتاك والله مايعوفك"

ارغد "بس عدلي هذا السان واني ماعليه شي"

اخذتها نزلنه جوه اكدر احجي وياها "سولفيلي ابوج شنو خططه"

رغد "بابا مثل ماتعرف يريدني اخذ ابن عمي وهم علمود يلويني لا خالفته وشردت منه والزاد غضبه لان ازوجت دون
علمه وخلاني براسه"

ارغد "  زين شنو الحل نضل هيج واني خايف عليج لا يسويله سالفه وياج ويجبرج علية لو يطلكج غيابي "

رغد " ماادري خايف كولش منه بابا ماعده صبر كولشي احتمال يسوي وخايفه عليك لا يأذيك ايده طويله ويكدر يأذيك "

ارغد "تشردين وياي"

رغد "وين نشرد هي بس عمتي وهم يكدر يوصللها وانت بعد ترفك يكدر يوصلك"

ارغد "لا تخافين ايام واحسبي نفسج يمي بس اصبري ولا تنطينه وجه"

بجت غطة وجها بأيديها باوعت معصم ايدها ازرك فكيت عيوني جرت ايدها صاحت رفعت ردن تراكها لابسته ربع وخرتها زندها طكع طكع عيوني صارن بكصتي

صحت "هااااي شمسوي بيج ضااربج"

دموعها بعينها تشهك "موتني ضرب كل مااكله مااطلك يضربني لحد ماكمت اقفل الباب عليه واموت جوع بس بليل اهلي ينام انزل اصعدلي اكل"

صرت اعصاب "مااعوفج امشي لبسي شي اخذج وياي"

رغد "لا فدوه وين تاخذني حتى مكان ماعدك ومانستفاد شي يندل مكانك هم يجي ياخذني بلقوه"

ارغد "مااعوفج تحت رحمته لو اعرف اخذج لهلي شيريد يسوي خل يسوي"

رغد "اني خايفه عليك انت ماتعرف بابا شيكدر يسوي مستعد حتى يموتك وعادي عده"

خليت عيوني بعيونها "اشوفيني سهل مثل ماكدرت ادخلج هسه اكدر اخذج منا وكدام عيونه وميكدر يسوي شي"

مسحت عيونها " ارغد عوفني متانيه اخويه بس اوصله اكدر انقذ روحي "

تفاجئة "يااخ عدج اخ واني ماادري"

" اي عدي من غير ام "

ارغد "والله حلو ابوج مزوج قبل امج"

رغد "اي وطلكو اخذته وهاجرت بي"

رفعت حاجبي الها سكتت "ليش ضميتي"

رغد "علاقتي بيهم موهلكد مااردت افرض نفسي عليهم واني ادري بأمه متحبني حقه متريد دخل ابنها بمشاكل ويه ابو وهمه من سنين مايتواصلون ويه بعض بس اني وبهاء ضالين على تواصل ويحبني واحبه"

"اخوج جنتي تهذين بي من صخنتي"

رغد "شنو هذيت بأسمه ابتسمت جنت كبل من اصخن اهذي باسم امي"

ارغد "شلون اخوج يكدر يساعدج بله"

رغد " بابا يدور رضا يتمنه منه يطلب منه شي وينفذه اله بابا عاش هاي السنين كلها وبهاء مايحاجي بسبب امه لان امه مسولفتله كل السوا بابا بيها وهوه كبر وفهم شنو بابا لهذا
حاقد عليه "

ارغد "زين شعجب ضال يتواضل وياج اذا هوه حاقد على ابوج وحسب كلامج امه هم حاقده عليه اكيد يلوحج طشار هذا الحقد

"  مرت بابا صح متحب بابا ومتأذيه منه بس هي انسانه مثقه
ارغد انت مشايفه لو تحجي وياها دكول امده ابوج الضيعها من ايده انسانه قمة الانسانيه والتواضع بس هي كلش تخاف على ابنها لهذا متريده يختلط ويا بابا ويتعلم منه اطباعه
الجشعه "

ارغد "شلون اكدر اوصل الاخوج"

رغد "جنت اتصل بي من جهازي دولي بس هسه اكو برامج فيس اتصل بي على النت راح اسجلك حسابه

انطيتها جهازي كتبتلي حسابه كالت" ابحث عنه مخلي صورته وصورت امه واكفين بجزية وراهم كوخ

هزيت راسي " رغد خلي بالج اذا اخوج مشافلنه حل ماكدامي غير اخذج واطلع "

رغد "ميخالف بس ديربالك من تطلع لا الحمايه يشوفوك"

ارغد "يااا حمايه خليهم حايرين طلعي وشوفي اذا لكيتي واحد منهم"

فتحت عيونها ركضت فتحت باب الشارع طلعت وراها سدت الباب مصدومه "عزززه بعيني هاي شسويتلهم وطفرتهم وين راحو ارغد تدري ذوله شكد بابا تعب يله حصلهم ذوله حمايه خاصه بس المسؤلين يحصلوهم"

ارغد "ليش بويا قوة خاصه حتى بصعوبه يحصلهم همه كم واحد نافخ عضلته ولابس قاط"

رغد "ارغد شتحجي غير ذوله حتى بروسيا مدربين مو بسهوله يحصلوهم"

رفعت حاجبي ماعاجبني "المهم طفرتهم دير بالج على روحج ولا تنطين مجال الأبوج لحد مااصرف اني"

رغد "لا تتهور ارغد فدوه العينك اني على ساعه اموت بسبب الهبطات"

ارغد "لا تخافين سدي الباب وصعدي والكامرات اشعليهن وره عشر دقايق حتى ميحسون علينه"

ضربت خدها "شلون نسيتهن هاي شوكت طفيتهن"

ضحكت "شبيج مايصير شي مراح يحسون بس انتي احسبي عشر دقايق وره طلعتي وشغليهن جريتها بستها براسها وطلعت اعرف عينه وراي اوووف

ســــيـف الـــديـن

مشيت هايم على وجهي تمنيت امنيات بحياتي ماخاطره على بالي اول امنيه اندعم وافقد الذاكره اصير طير وتنسلب
مني حاسة الاحساس والمشاعر

امشي ومحاس بروحي باوعت ماشي مسافه طويلة اخذت تكسي ورجعت ركبت سيارتي وتوجهة للبيت ماعدي غير زياد

باوع للتحاليل فرك وجهه "متاكد بيها هذا المرض لو فرضيه الدكتور"

سيف "زياد حلها لا تسألني اعصابي تعبت"

زياد " ان شاءالله ماكو شي هسه اخابر صديقي "

كعدت وزياد يخابر شربت مي ريكي يابس كمل سد التلفون باوعلي امشي ناخذها نسويلها تحليل

اخذناها هي وامها  اقرب مختبل كملنه طول يله يطلع تحليل
رجعتهم  سبحت وصليت صاحوني على العشه كتلهم مااشتهي

اخذت سيارتي وافتر كل خلك ماالي شنو حياتي هم عيشه عايشها مثل الشباب طلعت باكيت الجكاير شمرته حتى انت

ركنت يم سوبر ماركت اخذت باكيت وجداحه وحلويات الها
طلعت خارج المحل ورثت جكاره وره الثانيه

رجعت للبيت ساعه ب١١ دخلت الحجيه كاعده تسبح "يام الما كاعده"

امي "لا قبل ساعه صعدت تنام"

سيف "كعدوها"

امي "اخذت علاجها ونامت شتريد منها"

سيف "اكلها يوم شريد منها اشوفها مثل كل مخطوبين كاعد وياها شايفها مفتهم منها شي"

امي "شبيك يمه هسه انه شكتلك لان نايمه كتلك شتريد منها"

سيف "اعذريني يوم تعبان وعقلي طافر مااعرف شكول وشحجي"

امي "الله يساعدك ويباوعلك عوفها اليوم باجر من ترجع وره دوامك اخليها تنتضرك"

سكتت حتى نقاش مالي خلك اناقش "هاي حلوياتها"
طبيت الغرفتي نزعت تراكي ضليت بلداخليات نمت
ثاني يوم بعد الدوام مجرد اكلت وكعدت اخابر
عدي اخو  صديقي من ايام الكليه اخو طبيب بمتياز

خابرته استفسرت منه انطاني امل يصير تشابه
بلاعراض واحتمال تساقط شعرها حاله نفسيه

اسبوع اني راسي مفتر ادخل عليها مو الما الاعرفه
اليل يمر اني عيني ماتغمض مرن التسع ايام

خابرت فرات هوه يجيب التحليل كاعد ويمي الشيخ
وابوها امها لازمه القران وتقره امي تنخه وسبحتها بيدها

سحبت شريط البندول راسي مصدع الما بغرفتها بس غواتها جوه يمنه واخوانها يلعبون بلحديقه

الوقت يمشي بطيئ االجو متوتر  زياد كم مره خابرني كتله بعد فرات يم الدكتور اخذ التحاليل اله

ساعه ودخل فرات الشيخ يعايله وكلنه منتضرين النتيجه
كعد مدنك عيونه حمر نزلت دمعته " ايدز"

الشيخ "لا اله الا الله لا حول الله حمتك اللهي رحمتك"

امها سدت القران تبجي بصوت كطع كلبي كلهم بجو الشيخ عمره بحياته مانازله دمعته اليوم اشوف دموعه

البيت نكلب فاتحه طلعت مااتحمل اضل اكثر مشيت بلبستان كعد يم الجرب والله حسيت كلبي نعصر عصره الألم فضيع
كمت اسحب نفس خنكه بصدري

دنكت اريد اكوم حسيت شي نزل من خشمي لزمته دم غسلت بلساكيه سكبت تلفوني  اتصلت بفرات كوه اجر النفس

اجاني يركض شافني مااكدر حتى احجي اشرتله كلبي ماكدر يشيلني اطول منه واضخم فرات طوله وسط وضعيف عكس زياد اني وياا نفس الطول

رغم البستان ضهر البيت  مزروع ومانفوت بي سيارة يموت الزرع صعدني وطلع للمستشفى وصلنه نقلوني اوكسجين ومعاينه عرفت بداية ذبحه صدريه ولحكو عليه

لليل خابرني زياد انطاني امل مخابر الدبي ودز تقاريرها  رجعت وفرات وياي اول ماوصلت تلكوني كتلهم اريد اشوف الما  فوتوني الها وخرتهم اكدر امشي مو مكرم

دخلت عليها  لازمه دفتر وتكتب رفعت راسها دارت وجها زعلانه "شكو جايني بعد وكت"

كعدت على السرير كبالها  ابتسمت " شسوي اذا الحجيه مسويه حصار عليه شوكت مااريد افوتلج تطلعلي "

الما "خابرني اني انزلك بدون ماتحس"

سيف "اي حتى هل مره الشيخ مو بس يرزل احصلي جم عوده عوفج مامشتاقتلي هزت راسها مبرطمه جريتها حضنتها
ترفه بستها من كتفها ضحكت كلبي ينعصر ماتحملت بجيت

سنين ضامهن اليوم هانن عليه عله صوتي ماسيطرت على نفسي خافت رادت توخرني شديت حضني الها كالت" حبيبي
سيف ليش تبجي 

سكتت وخرت درت وجهي مسحت عيوني مدت ايدها دارتني عليها باوعتلي عيونها غرغرن "هذا الاهتمام من اهلي يعني
صحيح السمعته"

ضليت اعاينلها وين اضمج واخفيج شلون اكدر ثواني وندك الباب دخل الشيخ ورا ابوها

الشيخ "شلونج يابه"

الما "هلا جدو الحمدالله"

الشيخ "شوف الوجه تفاحه بنتي سبعه على جدها مووو
حبيبتي انتي انسانه مؤمنه بالله وبلقضاء والقدر ودنيانه
كلها اختبارات وابتلائات انما الدنيا دار فناء والأخره
دار بقاء

وبشر الصابرين الذين اذا اصابتهم مصيبه قالو انا لله وانا اليه راجعون ربج يوصينه بلصبر اذا تعرضنه لكل امور الدنيا  كل هاي اعمالنه وحالنه ومالنه زوال بنتي هسه هنياله اليموت وهوه راضي ربه وراضي والديه

شناخذ ويانه غير الكفن وصله بيضه اخذي وياي اموالي لا
اولادي زوجتي بيوتي كلشي مااخذ بس اعمالي الشينه والزينه واتحاسب اني وربي البي خير هسه يكفر عن ذنوبه

اني اعرفج مومنه وصابره وانسانه قويه وحكيمه والرايده ربج يصير لو اي قوه تريد تدخل ماتكدر هاي بعد حكم الأهي

الجنه اجمل من الدنيا  كلها زائله وفانيه ربج اذا احب عبد ابتلا تعرفين شنو الابتلائات العظيم الي تهتز لها العروش
المرض والفقر ذني اعظم ابتلاء لان المرض يكهل عظم الانسان

وانتي يابنتي مبتلا ان شاءالله اكو امل كلشي بيد الله نما يقول  للشيء كن فيكون  كوني صابره بعدج شابه ودعائج مستجاب وهذا جهاد والمجاهد منزلته كبيره

الما دنكت" جدو انت الوحيد صادق صاحني بمرضي شنو "

الشيخ تنهد "بنتي هذا المايسمه الله يشافيج منه ايدز"

شهكت وايديها على حلكها فاكه عيونها "راح اموت"
امها جرتها حضنتنها لا يمه اسم الله الرحمان على طولج
ان شاء الله مابيج شي جدج كال اسفرها الاحسن دوله
وتتعالجين لا تبجين كلب امج وروحها "

الشيخ "شكلنه حبيبتي الغاليه وبت الغاليه حالي ومالي تحت رجليج لو اعرف اخذج الأخر العالم كم الما عدنه مسحي دموعج بتي"

الما دخلت بحالة صدمه تصفن وتروح بغير عالم شتفكر ماادري ايام منتضرين نتيجة من دبي

كل وقتي يمها ارجع للبيت كبل الغرفتها تانيني اوكلها بيدي واكل وياها اريد اشبع هذا الشعور قاتل اريد ارتوي منها
اصفن بيها تنام تكعد اني مجاورها

كل ساكت احضنها شعرها بيدي يطيح اموت الف موته من اشوفها تذبل بين ايديه راجعت بيها اطباء صلاح الدين العلاج بيدي اشربها  شنو يا اكل ينصحون بي اجيب منه

يافاكها تزيد المناعه كيلوات اجيبها
بيوم رجعت زياد كاعد بلديوان سلمت عليه وكعدت مقابيله
"هااا شكالولك نسفرها لو للهند ناخذها"

زياد "سيف مايفيد السفر كل نتيجه ماتحصل المرض ماله علاج مو سرطان ويكدرون يعالجو كيمياوي او اعمليه اذا يحتاج"

سيف "يعننيييي  شنووو اعوفها هيج كدام عيني واكعد واسكت"

زياد" شسوي شطالع بيدنه انت تعرفنه وبلأخص الما  اني والشيخ ربيناها مانقصر عليها بشي هي لو سالفت فلوس
مدبره لو سالفت طبيب ننخل العراق نخل ونعالجها مرجها
ماله علاج "

ابوها بجه "ابني خلها كدام عيونه نشبع من شوفتها كلنه ندري مرضها ماله علاج وسفرها مايفيديها خليها يمي سكت غص بكلمته ضل يبجي

طلعت مدخن عيوني مااشوف بيهن جريت الكرسي وكعدت
عصرت راسي عصر مامتقبل فكرة اشوفها تموت كدام عيني  ومجرد ننتضر وقت

ربي رحمتك راح اموت من التفكير نزل دموعي مسحتهن سحبت نفس زياد طلع كعد صفي ساكت ورثت جكارة

عيوني للسمه غمضتهن ساكت ماادري بروحي شكد لحد ما حسيت بطبكت باب حيل فزيت فتحت عيوني واني على
كعدتي متجي راسي على حافت الكرسي وره

الشيخ فوك راسي" بويا نام بغرفتك ليش هنا غافي"

وكفت اروح"ابني توكل على ربك وفوضامرك اله هو ارحم بعباده "

سكتت وفتت ياريت نمت ياريت عيوني اخذت النوم ساعه ورحت يمها دخلت نايمه والضوه طافي مددت بصفها حضنتها
فزت همست "اششش رجعي نامي"

دارت وجها بوجهي عيونها الناعسه دفو جسمها نعومت شعرها اتمعن بتفصيله تفصيله  رادت تحجي خليت اصبعي على شفايفها اشششش خليني اشبع

برطمت جريتها بستها بشوك بوست فقدان بوسكت وداع
ابوس دقايق مرن نكطع نفسي ماعفتها رجعت بستها خانتي
عيوني

اني ابجي وهي دموعها تنزل ويه كل بوسه كومة دموع شوك
وفراق والم وحزن وفقدان شنو شعورك من تعرف هذا الشخص ايام ويفارقك

والهم حبيب وسنين حب ولوعه وعشق سنين هذا الاحساس ماكدرت اعبره وولا تجاوزته كل طعم للحياة فقدته

ليله قضيتها وهي بين ضلوعي ضامها كل رغبه ماعدي تمنيت لو قابله تزوج عباس وبعيده وتشتم الهوه

المهم هي عايشه المهم وجودها طول اليل كاعد اباوعلها كل ساعه اتفقد نفسها اخر كلمات كالتها " تمنيت نزوج والبسلك البدله واشوف الفرحه بعيونك واشوف نفسي شكد محظوظه اخذت واحد مثلك كل بنيه تحلم بيه "

باستني بصدري ونامت ماتوقعتها انفاسها الاخيره ماتصورت تموت بحضني وعلى صدري فقدت روحي برحيلها روحها
جزء من روحي

كل مااذكر نفسي يضيق  كعدت على صوت امها فزيت مستحي وخرت عافتني وطلعت مديت ايدي اكعدها الما
ماتتحرك هنا خسرت كلشي وكف كلبي بذيج الحضه
اخر انفاسها واني نايم لليوم تندمت لان نمت واعض بأصبعي

لليوم اضرب صدري لحد. ماادمي عشت مجرد انسان مسلوب الروح والمشاعر اشهر اني مواصل البيت

بايدي دفنتها مكتوب ادفن احبابي واحد واحد
الجكاره صارت ونيسي عشت على احلامي وياها

(اعتذر لهنا طاقتي بهذا البارت صدقاً كلبي مايتحمل اكتب اكثر وسيف يقره اكيد يتألم ويزيد المواجع عليه

............  يتبع