بـيـن الـكــــاف والنون
الثـاني والســتـون
سجى الطائي
مو هين تعوف البيك عايش روح
ولا سهله أعيشن عمري من دونك
ترجيتك تجي وليهسه مآ رديت
وگالو مآ يرد المآيعرفونك !
وي ذكراك اعيشن دون شوفك لا
روحي يرد نفسهآ شما يذكرونك
تعآل الشهگه تگتل والنوايا اثگال
وچفوف التودك ناطرة متونك
تعآل استنزفت لو ترد لو ويآك
لو باچر أموت ومآ يخبرونك !
ريحـانة
كل المريت بي اذاني حسيت روحي متفتته حياتي تغيرة
بسنه تبدلت احساس عمري محاسته كانو فاقده اهل
بعد ذيج اليله كوه نمت مراضيه عن نفسي حرمته من حقه كعدت الصبح مطايقه روحي
سيد مصطفى كاعد قبلي ونازل كمت لميت شعري لبست شالي طلعت للحمام غسلت وتوضيت نسيت اصلي صلاة الصبح مااعرف شون اخذني النوم
لبست الجادر مديت المصلاية كعدت لزمت السبحه فريتها استغفر وتعوذت من الشيطان صليت وكملت الفرض
نزعت الجادر ولميت المصلايه خليتهز بمكانهن باوعت الساعه سبعه وربع طلعت بشت ابيض وشال ابيض
لبست ورتبت روحي
صفنت على نفسي باوع المراية عاكستني تقربت خشمي احمر عيوني منفوخات سحبت نفس كزبر جسمي
غمضت براحه ابتسمت حسيت براحه ((وما يلقاها الا الذين صبروا وما يلقاها الا ذو حظ عظيم))
فتحت عيوني اخذت نفس اهدء نفسي باوعت الميز متروس مكياج لزمت الباودر خليت باوعت
هاي منو جني وحده مريضه جريت كلنس مسحته
اممم حاولت اخلي ضل لزمت العلبه ورجعتها
لالا استر على نفسي واكعد
خليت شويه حمره حمره ونزلت البيت هدوء فارغ طلعت للطرمه فتريت ماكو احد خفت وين السيد من الخوف ركضت صعدت الغرفتي وسديت الباب
وره ساعه سمعت صوتهم للتسعه بده الخطار يجي نزلت كوه من المستحه كلها سلمت عليه واني كوه اجاوب
وحده من الموجودات سالت ام السيد "جاوينه العريس ماشفناا"
ام السيد "مصطفى طلع من الغبشه يلحك على موعده"
خالته"عريس شعده مسافر اكو واحد اول يوم عرسه يسافر"
ام السيد "هوه توازه وزواجه صار ويه امتحاناته مايكدر يعوف امتحانه يرسبوو ماينطو اجازه"
ضلن يسولفن عرفت وين راح كال عدي سفر بس ماعرفت سبب سفره كال اني ادرس ماستر وهسه عرفت وين يدرس بيران يم كرايب ابوو يكعد قريبه الجامعه يمهم
وره ساعه اجت امي وتكتم باركولي وكعدنه بالصاله وحدنه حضنت امي ضليت بحضنه
جابتلي محبس منها وكلاده من ابويه
تكتم ساكته بس تباوع البيت السيد لان حديث وبنائه راقي واثاثهم جديد ماسلمت عليها وهي هم مابادرت
كعدو شويه وراحوو بجيت اريد ارجع وياهم كلبي مقبط مامرتاحه ضليت امسح بدموعي
مر الاسبوع محاسه بي من الاخطار بس بليل اكضي اكمل حفظ الجزء
كمل الاسبوع واليوم طيارة السيد تجي راحت امه اسميها خاله وابن خالته يجيبو ويجون جنه طابخين ومكلين والغروب صار
كمت توضيت وصليت كملت كعدت على السجاده اسبح باوعت للصاله اذكرة والدي من يصلي بينه هو يكون بالأمام ورا امي واني اذا رضا مموجود واذا موجود
يوكف ورا والدي واني وماما ورااا المسافه بينه وبين رضا او والدي متر
غرغرن عيوني سبوع وشتاقيتلهم مسحت عيوني كمت عدلت نفسي لميت المصلايه
مرت ساعه وماكو لا خاله ولا السيد كاعده والقلق بده يتسلل الكلبي افتر بالهول رايحه راجعه
طلعت للمطبخ وكفت بالباب ساعين واني كاعده بعتبت باب المطبخ ودموعي على خدي
اكو شي خالتي كالت السيد طيارته ب٣ تطلع من قم اكيد واصل النجف ورا ساعه وطريق نجف كوت ياخذله ثلث ساعات وهسه الساعه ب٩
وخالتي كالت تستقبله من الكوت الوسواس اكل عقلي صايرلهم شي وين اروح هسه واني وحدي حتى حماتي يم بيت خالتها اهلي مسافه مااندلهم
ضليت ادعي واناجي ربي يوخر الخوف من داخلي
واني على كعدتي والخوف ماكلني ندك الباب
طفرت صرت ورااا الهبه من الانسان الغريب ماتفاركني
يربي منو هذا افرك ايد بايد الدنيا ليل واني وحدي
ضل يند ك الباب واني على وكفتي حسيت برجفه
يارب استرنه ياااربي قويني اريد اكول منو مااكدر من الخوف
ثواني وسمهت طبكت باب سياره واحد صوته بعيد هنا جسمي مات الف فكره اجتني
الصوت بده يتقرب نص حيلي نهدم لحد ماعرفت صوت والدي وهوه يكل الرضا " جان حاجيتها تدري بختك خوافه
فتحت الباب حضت والدي ابجي وهوه يمسح على راسي
"بسم الله الرحمان اخذي نفس ماكو شي بابا اهدي ولا ترجفين"
رضا يصيح "وووين المهجوم مالتج ليش غالقته"
والدي"اششششش صوتك منا الجيران "
وخرني واني امسح بدموعي رفعت راسي "بابا خفت اجيت امووت وحدي ومحد يمي وخالتي رتحت ولهسه مااجت واني بروحي"
"فوني كعدي جر كرسي بالطرمه محطوط بصف الكراسي البقيه كعدت امسح بعيوني كعد بصفي على الكرسي ورا واكف يباوع على الحديقه
"وين جهازج شكد دكينه عليج ليش سادته"
ريحانه" ماعدي جهاز انكسر عطل "
"ليش ماحجيتي قلقنه عليج وامج اجت تموت بابا لاضين بهذا برودج فكري نحتاجج تحتاجين شي يصير قدر لا سامح الله نكدر نوصلج"
ريحانه"دنكت ماخليت بالي يم الجهاز وجنت اخابر ماما من جهاز خالتي كلت مااحتاجه"
"كومي اخذيلج كم لبسه وجيبي جهازج وياج اذا يصلح نصلحه"
رفعت راسي الوالدي " وين اروح هسه خاله ومصطفى يجون"
بابا باوع الرضا وسكت واحد عينه على الثاني سكت شويه وستغفر"بتي السيد بطريقه تعرض الحادث ونقلو لمدينة الطب خالتج يمه مااترجع هسه"
فتحت عيوني "شنووو مصطفى شبي"
رضا "مكسر يلحكون عليه لو ضل بي روح لو يمون"
شهكت اباوعلهم والدي نزل راسه مقهور بجيت لازمه ثوني حيل المصايب منين تجيني ساعه اني كاعده ابجي مصدومه
مااعرف شلون صعدت اخذت ملابس وماادري شخليت بالجنطه لبست عباتي ونقابي بعد ماازوجت شرط السيد البس نقاب مااعارضت رغم ماارغبه
مشيت ويه والدي صعدت بالسياره مشت بينه واني دموعي على خدي افكر بحال مصطفى
وصلنه نزلت دخلت للبيت امي بالطرمه كاعدهمتانيتي ذبيت روحي بحضنه ابجي بقهر وامي تونون عروس بعدج مااتهنيتي
ماهمني شي بكد السيد وحالته دخلت الغرفتي بعدها على حطتها قبل سبوع طلعت منها وهسه رجعتلهانزعت العبايه والبوشيه بجيت بقهر تارس كلبي
ساعه والدي ورضا راحو البغداد توسلت بيهم اروح وياهم محد قبل امي ساندتني وتدعي رجعت الغرفتي لزمت الباقيات الصالحات بديت اقره الدعاء وجسمي يرجف
امي لازمه سبحتها سبح وعينها عليه امي بعد وكعتها ماصحت من طبيب الطبيب ويوميه مرض ضهرها دائماً
يوجعها من ارقيها تصير زينه فتره وترجع
على كعدتي الوجه الصبح طلع الفجر كمت صليت كعدت والدتي تصلي وياي كعدنه صلينه وكملت
امي كوه واكفه على السجاده كملت وكعدت تتنهد بتعب
اشوفها تعبانه بس كملت كامت لمت السجاده اردفت"اني انام شويه كعديني اذا خابر ابوج لو اخوج "
هزيت راسي اول مره امي تكتفي بلصلا متعوده عليه تقره قران وادعيه تاخذله بالساعة هي على السجاده
هل مره اكتفت بالصلا راحت مددت
كملت كمت غسلت وجهي بمي بارد صحصحت وكعدت اكمل الختمه البيت هدوء تكتم فوك ماتنزل للضهر تكعد
بين قرأني ومناجاتي محاسه على روحي تعبت مددت واني على السجاده نمت مااعرف شكد ضليت نايمه فزيت على امي تنده بيه
فتحت عيوني امي فوك راسي "ليش هنا نايمه كومي الغرفتج ارتاحي البارحه تعبتي"
رياحنه" راسي ياذيني "
"من السهر والبجي كومي يمه الغرفتج مددي واخذي راحتج"
فركت عيوني كعدت عدل "خابروج فدوه يمه اتصل بابويه تاخرو"
تنهدت باسف"خابر ابوج قبل شويه وطمني "
ريحانه "اي شكال فدوه السيد مابي شي"
"ان شاءلله مابي شي ويكوم بسلامه"
"يمه تحجين كووه احجي عليج الله لا ضمين عليه"
"حبيبه لو اكوو شي اكلج كومي يمه كومي ارتاحي عافتني وراحت للمطبخ
ماكدرت اقوم اكثر متت من السهر رجعت الغرفتي نمت يمكن ساعتين من القلق ماكدرت اضل اكثر كمت دخلت الغرفت امي اخذت جهازها سمعتها سولف ويه تكتم لازم الجهاز بيدي
مشيت للهول ادك على والدي بعني ابحث بالأرقام سمعت تكتم بالمطبخ واكفه على السنك وامي ضهرها للهول
تكتم" خاله اهم شي العمود الفقري ممتأذي رضا رايح السيد جاسم اخوو دكتور ماخذ اوراقه هوه وعمووو الله يساعد امه "
امي"بعد. كلب والده دكلي كلبي حاسني ابني بي شي اخذت ابن اختي ورحت استبطيته شوف كلب الام ابنها
بين الحيا والموت حست بي "
ضلو يسولفن واني استوعبت كلامهن يعني مصطفى بخطر ماتحملت دكيت على والدي
يدك ومايشيله ورضا مثله انتهيت
رحت للمطبخ وكفت مقابيل امي وتكتم تركب التمن
خليت التلفون كدام امي كعدت بتعب حاولت اعرف منهن محد حجت شبي السيد
لليل خابرت والدي بعد مانهلكت من التفكير عرفة اصابة مصطفى خطيره وعملياته خطره
ماعرف شون كضيت هذا الاسبوعين بين تعب وبجي واعصاب مشدوده امي حايره بيه متريدني اسمع واني اريد خبر يطمني عن وضع السيد
مر شهر واني يم اهلي ومحد بيهم قبل ياخذني حتى امي راحت ورجعت شبعت قهر وبجي مابيه اعارض والح
بس القران والدعاء وسيلتي السيد عملية وره عملية خلال هذا الشهر رجله منتهيه بقدرة الله ماكصوها اله وكدرو يربطوها حديد وبلاتين
ايام مره اخابر واسمع صوته يعيط وانتهي من البجي الوب بالغرفه من اسمع صوته
خالتي اخابرها ماطول دقيقه وسده عاذرتها بس تبجي مااجت للبيت والا اني اكدر ارجع رغم وجود رضا رجع للبيت منو يروح وياي امي ماتكدر تبات بغير بيتنه
والدي يروح ويرجع لبغداد ماتركهم
بيوم ٧/٨ موعد خروج مصطفى رحنه اني وامي للبيت
حاولت ارتبه مسحته عدلت الصاله طلعنه جرباية من غرفة خالتي ام النفر اله
للعصر رضا يمنه هوه وتكتم كال بالطريق جايين ساعه والتمن خالته وعمته ماعده عمام بس واحد وبيران واليوم جاي ويه مصطفى البيت نترس جانين خالته وعمته وجهالهم
حرت اعزل وراهم والدي جاب ذبيحه خلاها بالحديقه
كلنه مناضرين وصولهم شهر ونص
بنص الهوسه واكفه امسح بالكاونتر وسمعت همسات جنت خالته وبتها واخت مصطفى "مبين كصتها مو حلوه عليكم بس اجتكم اخوج انسحك"
وزينب اخت السيد مايده كلامها نهضمت ضليت واكفه اسمع كلامهن ايدي جمدت حز الكلام بخاطري ضل ياكل بكلبي دمعت عيوني
شدخلني بحادث السيد قضاء وقدر لو اني صدك كصتي مو حلوه عليهم ذكرت رضا من يكول ماتجي منج بس المشاكل
هل اني صدك فالي مو زين واجيبلهم المشاكل نقهرت
اجيت اعيط واستغيث بربي اني شمسويه ليش هيج
صعدت الغرفتي شبعت بجي امنت فالي موزين على الناس ضليت كاعده وابجي ساعه وسمعت صوت الموسيقه رفت البرده كلها ملتمه بالباب نزل من السياره عمه وابن خالته نزلو خلوله العربانه
سهكت خليت ايدي عل حلكي مو مصطفى شبح مصطفى وجها ملفوف بابيض رجله ممدوده ليكدام ايديه ثنينهن مجبرات ورجه الممدوده مربوطه بحدايد منضره يخوف وخرت كعدت على الجربايه منهاره
ماكدرت اضل واكفه مر وقت واصواتهم عاليه واكيد دخلو للصاله واني حابسه نفسي ودموعي على خطي
اني السبب بالصار
نفتحت الباب التفتت امي "ليش هنا ضاله انزلي سلمي على رجلج"
بجيت اجت يمي خايفه من صوت البجاي مالتي"الرحمان شبيج ولج لا تهبطيني شصاير"
على كعدتي حضنت امي صار راسي بطنها ضليت ابجي وهي تهدء بيه بين شهكاتي كلت"خايفه "
امي"منين خايفه وخرتني رفعت راسي بيدها لا دكليلي خايفه من شكل رجلج عكدت حواجبها"
هزيت راسي"شكله يخوف "
"ريحانه اششش مااسمعج تحجين هيج يمه بس يسموعج ينتقدوج المفروض انتي اول وحده تتلكي سوده بوجهي عليج"
مسحت وجهي "مااسمع اعتراض غسلي شصاير بوجهج كومي عدلي نفسج وانزلي سلمي علي واوكفي بالمطبخ يمه بعد صرتي جنت البيت تقومين بواجب خطارج ام مصطفى شحالها على ابنها عاونيها
انتو بشده واذا ماتوكفين وياهم منو يوكف وهذا رجلج جايتج ايام صعبه واعرف انتي ممتعوده ولا متورجه عليه بس ربج قدر هذا امتحانج كوني عون
بعده امي تحجي وياي فاتت عمتهم شايفتها بالعرس حبابه مااعرف كلبي رتاحلها شافتني بهذا وضعي
تقربت لمتني بحضنها بجت واني بجيت" سوده بوجهي عليك ياعمه بعدك مافرحان بعرسك ولا بمرتك منين اجتك يايمه"
ضلت تبجي واني ابجي كالت انزلي يسال عنج ويدورج بينهم كمت وياهمن نزلت كلها تباوعلي وجهي مبين باجيه
امي دخلت بعباتها اني لابسه دشداشه بيها عرض وحزام على الخصر تنشد وربطه وجواريب كلها كاعده بالصاله ولد عمته ولد خالته وعمه ورضا والدي
كلت السلام عليكم والتفتت على مكان مصطفى ماتحملت نزلن دموعي وهوه مابينه بس عيونه وخشمه وحلكه وجها الباقي وراسه ملفوف عمض عيونه اشرلي تعالي تقربت يمه
امسح بدموعي واحجي "الحمدالله على سلامتك"
همس كوه يحجي "الله يسلمج"
ماطولت دقيقه وطلعت منضره يخوف امشي وامسح بدموعي طبيت للمطبخ عمته واكفه ترشد بالبنات
هنا طبعهم مثلنه ماكو بنيه تفوت للصاله وان كان ابن عم ابن خال يسلمن بكامل حجابهن ويرطلعن صح بيناتهم تواصل وصلة رحم بس ماكو ختلاط بين الزلم والنسوان
حتى عمته وامه وخالته ماكدرن يضلن بالصاله رغم لابسات عبي لان والدي ورضا موجودين
بدينه نصب الاكل بين مايصلون اذن الغروب واني وياهن
اسبوع واني ملتهيه بالخطار مصطفى اشوفه دقايق مايفرغ البيت وينام يمه باليل ابن خالته مرات ابن عمته مايعوفو حركته صعبه
بس ماادمرني غير لمن عرفت يلبسو ح... لان ميكدر حركته صعبه كلش
اصدقائه ماعافوو يوميه يجوو بس من يجي اليل تبدي معانات السيد من الألم ونسمع عياطه اني وخالتي وعمته بس دموعنه تحجي زينب كلش متعلقه بي ماخلوها ودوها ويه خالتها
واني اسمع والوب كل عيطه يعيط يشوغ للسماء اني وخالتي صلا وقران بس يخف الم رجله وجزء من الورك هم صابي
اليوم الثامن خفت الناس بس ابن خالته يمه وابن عمته
راحو يجيبون علاج وخالتي بالمطبخ هيه وعمته استغليت الفرصه
فتحت الباب مديت راسي نايم فتت وسديت الباب وصلت قريب منه كعدت على حافة الجربايه
اباوعله ماحاس بوجودي لمست اصابع ايده الطالعه من التجبيس فزز دار راسه شافني ابتسم
كال بصوت ضعيف " ليش مااشوفج"
"توجعك" اقصد ايده
السيد "تموت"
همس "ادعيلي"
هزيت راسي وطلعت
كمت افوتله بين فتره وفتره اطمان عليه مايحجي وياي هواي اعتماده على زيد واحمد ولد خالته وابن عمته
احمد عده دوام كام بس بليل يجي بدل زيد وزيد بالنهار يمه
احمد حتى ملابس جابهن يمنه يطلع منا الدوامه بس بتغده بم اهله ويرتاح ويجي باليل
شهر منام ويه مصطفى اليل كله كاعدين حتى بجي بجه وخالتي تلوب عليه متعرف شسوي لحد مايطيب فد ٣اشهر اني يم خالتي نزلت
البيت كله براسي والخطار ضعفت وجهي صار اصفر من الشغل مرات ماالحك اكل
مر الشهر مصطفى شويه وضعه احسن كمنه اني وخالتي نداري بدة مرحله من المعانات اني وخالتي يمه نام
عمته واحمد وزيد كامو يجو مرات الصبح مرات العصر
بس ميباتون مثل قبل
كعدت الصبح لكيت خالتي كاعده وتمسح بوجه السيد بخالولي مبلل وصدره وضهره صبحت عليهم
خالتي ردت ومصطفى ساكت غسلت وطلعت سويتلهم ريوك مصطفى ضال على السوائل والمغذيات حميت الشوربه وصبيتله ويانه
اخذت الصينيه للصاله هوه منجي على الحايط وبس مو كلش مثل المدد ميكدر يكعد لان جزء من وركه يصبوب
خليت الصينيه بالكاع
خالتي "يمه اشرب شوربه علمود ابدلك"
غمض عيونه وراص على سنونه كلها مااريد
خالتي "شنو ماتريد يمه ضال عايش على المغذيات مايصير يمه شون تسند روحك ودكوم على حيلك هاي شوربه طابختها بمي كسور وخفيفه على معدتك"
مصطفى"فكي مني لا تلحين مااريد من اجوع اكلج"
امه"من البارحه على الغذي تريد تموت روحك وتموتني وراك الدكتور كال من هسه خل يشرب سوائل دافيه تقوي نفسك بيها "
نتره بصوت كوه يطلع"يمه ليش تخلين اصيح واني مامعلي صوتي عليج "
"شبيك صاير عصبي يمه ماتتحمل حجايه"
غمض بتعب وفتح عيونه يباوعلي "تعبت مااتحمل نفسي"
امه بجت"لو عمري اخدمك مااتعب منك يمه انت عدي ويه النفس ياما داريتني وركضت بيه عوفك من هذا الحجي ومريتك ماقصرة قايمه بواجب الخطار خطيه
ومادكول اخخخ
يمه الخاطرها بعدكم عرسان اشفتوو من حياتكم تحمل ايام وتخلص اهم شي هسه صحتك
سكت احسه مامتقبل نفسه صاير عصبي واي شي يصير
زمخ لو ينتر بينه مستغربه وضعه وخالتي وعمته يكولن تحملي المر بي مو قليل
بديت امسح جسمه انطي علاجه اني وياا مجرد كلام بسيط يتحسس مني ميخلين ابدله كله احمد حتى خالتي مايقبل
مره احمد صاير عده شغل وزيد طالع ماكدرنه نحصله وخالتي حارت منو يبدله
وكفت تحجي وياا وكالته اني ابدلك مانسمع بس الصياح نخلست "مااريد مااااااااريد اطلللعييييي"
اسمع بجي خالتي واني وزينب صافنات خايفات من صوته "يمممه اموت روحيييييي مااريددددد منيه احدد عوفيني بحالي لوووووو اخيييس
صوته رج البيت رج وضل يعيط ويصيح حسيت بلاعيمه طكن من الصياح وخالتي تبجي وتقنعه وهوه مايقبل
لحد وصل بي كفر هنا خالتي نخنست واني وزينب نصدمنه طلعت خالتي تمسح بدموعها كعدت دك على رجلها
ماحجينه شي شالت تلفونها دكت علة عمت مصطفى سولفلها وتبجي سدته منها شويه وفاتت عمته طبت هي وزوجها للصاله
ماكو دقايق ونعاد الصياح بيومها حتى غلط غلط حتى دعاوي دعه على نفسه تحطمنه بيومها
زوج عمته حاول يحجي وياا قفل الي سنه اني والسيد مابيوم تخيلت اشوفه بهاي الصوره منهار
مرت الايام مثل بعضها زيد واحمد من عرفو ماتركو
عصريه وكفت اعزل بالصاله وهوه نايم اتحرك بله صوت وافتر الملم الهوسه والتخم والطبلات رتبتهن كلش حذره
كوه ينام من الالم
استغل الوقت لان طول اليوم الصاله بيها خطار
مسحت الميز رتبت علاجه هاي اترك على كيف لازمه كلبي بيدي لا يفز
شلت الكوشات رتبتهن رتبت المدات شلت الكلاصات طلعتهن ورجعت يمكن طولت نص ساعه اشتغل بطء
عدنه تحفيه خاليه على طبله بنص الصاله جواها جرجف مطرز بنمنم فتت اريد اعبر للباب باوعت اخر نضره كلشي بمكانه بيدي الصينيه اطلعها
حضي عثرني والصينيه طفرت من ايدي للكاع ياريت طاحت على المده طاحت بصفها الصوت قوي
فزيت كعد مهبوط من الصوت فتح عيونه شافني
صاح بصوت رج البيت "كلبه طلعييييي بررره"
سديم
العطله اول ايام مشت عادي تعودت على قصي ومخابراته مرات اجاوبه دقايق واسده ومرات ماارد
شويه شويه بديت اطول وياا اسمع منه صح اضل ساكته ماعدي شي اسولفه وهوه حجالي هواي عن اهله عرفت معتمدين عليه وبس هوه الهم
ابو شيخ وهوه ويااا حجيه رزن عجبتني شخصيته كلامه موزون مشت الايام يوم اجاوبه واضل اسولف وياا وعشرة ايام اطنشه مااريد اتعلق ولا احب
شعوري متناقض حير وخوف على قلق وتوتر قنعت نفسي مجرد صديق لا اكثر اوهمت نفسي الاسوي صح وهذا الفعل خلاني ادفع ثمنا اضعاف وللان اني ادفع ثمنه
باليل لازمه ملازمي وارتب بيهن انطيهن الجيرانه السنه مرحله اوله تستفاد منهن
دك الجهاز قصي
هلووو
قصي "السلام عليكم"
سديم "وعليكم السلام ورحمة"
قصي "شونج"
سديم "زينه بخير"
قصي"وين مكضيتها"
سديم "بيت وشغل مللل بمللل"
سكت دقيقه كال"مشتاقلج "
سكتت استحيت شرد اكله مشتاقتلك واني اكذب ضليت على سكوتي
"اليوم عدنه عزيمه الوالد عازم شيخ..... وشيخ.... يراضيهم"
اممممم اسمعه يسولف عل. الكعده وشون ابو راضاهم
مرت فتره بديت اتعود على قصي وسوالفه كضيت العطله بين البيت وبين مخابراتنه وسهرنه
اكو خدمه جانت وره ال١٢ نستغلها ونسولف بديت اميل بديت اضعف مااعرف حب او اعجاب خلصت العطله
اليوم اول يوم الني بالمرحله الثانيه كعدت اركض لبست وغسلت لفيت شالي تنورتي طافره وقميصي ضيك فوكاا قمصله بارده لبست حذائي الكعب
خليت مكياج بسيط بس طوخت الحمره السايق السنه غير العام ولد شاب مرتب صعدت وسلمت البنات يمي
سلمت عليهن داومت فرحانه عدي الجامعه احله ايام اطلع من جو البيت كضينه اليوم الاول بين السلام وكل وحده تسال الثانيه عن العطله
وشون كضنها ضليت واكفه اسولف ويه البنات واضحك
هبه "شوفي شون يمشي"
التفتنه كلنه نفس الوقت واحد مشيته غريبه مثل واحد مشك
كلنه ضحكنه ودق "هبه شلتي ذنبه وتحملنه وياج ذنوب"
هبه"عبيهن بكواني "
سديم "لا هبه عيب"
مشينه ونسولف وكفت كالت خل اعبرجن صارت كدامنه مشت مثل الولد ودق طكت من الضحك واني كوه لزمت روحي وهي تمشي كامت تقلد
مشيت بنيه مايعه بغير مرحتلنه معروفه بالمياعه كوه صبرت روحي على هبه مشافه وكفت وصلنه يمها لكينه حديقه فارغه كعدنه بيها
هبه كالت اسمعن هاي النكته
ودق "اوووو هبه عوفي نكاتج البايخه"
هبه "لا لا والله ضحك بس اسمعيها"
سديم"هبه مالي مزاج اعركه اذا متضحك لا تحجيها"
هبه"لا حلوه اسمعنها شبيج شجعني سولي واهس اطور موهبتي الثمينه"
ودق"موهبه خايسه"
هبه" معاشرتج سنه مو اربعين يوم شطلع"
ودق كرصتها تناكرن لحد ماكلت سولفي وعوفي ودق قابلين بس اسكتي
كالت" شوفن..
ودق" شنسوي بيج نسمع "
هبه "اهوووو جلبه"
سديم "ودق بس اسكتي وانتي احجي نكتج بداعت العزاز وفضيني"
باوعت الودق بطرف عينه وحجت "اكو طالب كسلان بالانكليزي المعلم كل مره يوقع ويكتب على ورقته دونكي ههههه يعني حمار فمره بس وقع ماكتب
الطالب كاله استاذ نسيت تكتب اسمك ههههههههههه
هههههههههاااااايييي
اني ضحكت مو على النكته على ضحكته ودق تباوعلها بطرف عينها وتهز ايدها
هبه." والله حلوه هههههههااااييي بس انتن نفسيات "
سكتت رجعت كالت لعد اسمعن هاي ودق صاحت "يااربي شهل عيشه وبرطمت"
هبه ماسكتت "اكو اثول راد ينام فرش فراشين ليش"
سالتنه كتله مادري
ودق ساكته ماعاجبها
هبه " لان صار يومين منايم ههههههههه "
خرب متت ضحك عليها تحجي النكته وتضحك عليها ضحكتها ضحك حتى ودق ضحكت سكتت
رجعت كالت اكو وحده اسمها اسيا كبرت صارة افريقيا ههههههههههههه
يربي شهل البنيه
ودق سدت حلكها بيدها فضحتنه همزين ماكو طلاب سكتت وخرت ايد ودق رجعت كالت بس هاي اسمعنها والله وراها اسكت
ودق كالت بعلي اكوم اكتلح
هبه "لا والله اخر وحده لا تخليها بنفسي"
ودق"هوه انت شخاله بنفسج "
هبه"والله اخر وحده اسمعنها "
كالت اكو واحد شال اخته وحطها على الصوبه ليش
كنالها ليش
كالت علمود يحمي عرضه ضحكنه ضحك سويه بشكل مضحك وضحكتها جيب تايه وضحك شبعت ضحك من وراها كوه سكتناها
رجعت للبيت مر الاسبوع الاول طبيعي قصي ممداوم ملتهي يرممون بيتهم
تعودنه نتخابر يوميه نضحك نسوف مرات يحشش صاحب روح كلوه بديت احب واغار شعور حلو
مره كتله "هم تغار"
ضحك"واموت هم مو بس اغار"
ضحكت من كلبي
همس شعدج اليوم حلمانه حبيبتي
استحيت "لا هيج مجرد فضول ليش تسال متقبل اسالك"
"لا يابه على كيفج اباليعجبه كلبج"
شكراً
العفو خويا محتاج امر خدمه
ضحكت يصنف"ضحك محاجي اخويا ودكلي شكراً"
" تنهد ساكت واني هم سكت فتره وكال
هم يجي يوم تحبيني "
"ليش شبيك" حجيتها بثقه"
"اكو امل "
"لا ختام"
شنو كالها مستغرب
ضحكت"تعلمت من هبه تحشش
"هاي صديقتج سينما بلاش"
اي تونس فديتها
تحرك وصار صوت يمه
كتله"وين"
"مددت خرب رجليه راحن خدرت محاس بروحي"
"انت منايم"
"لا مكابل النوميه بالحديقه"
"يااا عبالي بغرفتك"
وانتي
"اني على جربايتي نايمه"
كال "نيالها"وسكت
جفص عرفت قصده غلست
وهوه سكت وره فترة سكون همس" باجر اشوفج وترد روحي"
"داوم"
"اي كافي شتاقيت"
ضحكت"فدوه اروح "
سكتت مااعرف شرد بتسمت على مشاعري اول مره اعيش هيج فتره فرحانه حتى الولدي ومضايقاته مامهتمه اخلص دراستي صير ب١٢ نتخابر لل٢ اطفي
وانام
ضلينه هيج ثاني يوم كعدت بنشاط حضرت نفسي وعتنيت بلبسي ومكياجي ردت اطلع حلوه
كملت اجه الخط صعدت وصلنه دخلت للجامعه من بعيد واكف لابس قميص ابيض وبنطرون اسود واكف يدخن عيونه ليكدام ويمه صديقه
شافني ابتسم بخفه مراد يحسس البصفه ضلت عيونه عليه لحد ماوصلت يمه وفتت هوه عينه عليه
عيونه يحجن حب مشايفته اول مره اعرف العيون تعبر
عن داخل الانسان دخلت للمحاضره فرحانه حتى الماده فهمتها بسرعه ارتبطنه ارتباط روحي
اصف والكا كدامي اخجل من نضراته كمت احب الدوام
ميفاركني على كد المحاضره نتفارك صح محد يتقرب يم الثاني بس عيونه تحجي
مشايفه هيج راحه ويه احد عيشني ايام حبيته بيها لون عيونه مزيج مره صفر مره خضر مره زيتوني
.......... يتبع
مشتاقين 💋
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!