رواية بين الكاف و النون الفصل الخامس وستون 65 - بقلم saja altaie95

بـيـن الــكــــاف والـنــون

الـثـالـث والـسـتــون

سـجـى الـطـائـي

هسه انتَ رحت طير وخذتها الريّح
گلبي شبي بدونَك ماعِرف يروة !
أعاشر غيرَك واطلع واطُب واشتاگ ..
ماگلك وِفة بس روحي محرومة
شفت الأحلى مِنَّك والأحب والزين
وأهتموا بروحي وبِقت مهمومة ..
ثاري العشگ موش تگلب وتختار
مثل الموت هَم كل واحد ويومة.

ارغد

تميم"ضخام الصخمك عوزك تزوج والبنيه المركونه"

ارغد" متسكت تميم روحي طالعه منها لزكت"

تميم "طاح حضك لك غير مرتك"

ارغد "انت وين ربطت فيشه مو يم رغد"

تميم "دوختني شتريد هسه"

ارغد "وسن تعبتني سطرتني انثولت بينهن وامك اكلت راسي على الزواج"

تميم" شبيك ماعدك لسان ارفض "

ارغد" تدري امي ماتسكت وهي ماحبت رغد من اول ماشافتها "

تميم "لتهدم بيتك وان كانت امي مراضيه عليها بعد سجلت باسمك لا تصخم روحك وتتندم"

سحبت نفس ضليت ادخن ميدري بعيشتنه اني وياها مثل الاخوه عود هل مرتين تقربت منها وطفرت

حابها ودااميللها وهي بنزاكته ولبسها فرضت نفسها عليه رغم ماطلع منها شي وتسمع الكلام بس تصرفاتها

دل على انو هي ممرتاحه وتنتضر خبر من اخوها

وسن الرجعت تتوسل وتريد نضره مني واني كاره امها ونابذها بعد السوته زرعت فجوه بيناتنه

عفت كلشي للوكت

صافن على قوة تميم رغم المر بي واكف على رجليه
اكو اشخاص ميبينون  ضعفهم  واكف تحسه ميتأثر

بس يخزن بكلبه مايشكي  للان رافض الزواج الحزن بعيونه واضح رغم ملحت امي وهوه رافض رفض قطعي

اذكر موقف مشتله على وحده كرايب من الطرف بدون ماايدري امي محاجيه امها وصار عدهم علم وابويه عرف والبيت كله وتميم مايدري

ابويه وامي كعدوه وحجوله تخبل عليهم كلب البيت فقد وصل بي كسر طبلات الخشب

ختمها ويه امي "تفركشين كلشي لا بعلي اسويلي سواية اندمك عليه"

امي "متريد تزوج تفرح تستقر مثل جيلك البعمرك ولدهم بطولهم"

صاح يرجف"يمه يمه لاتلوين اذراعي وتخليني امام الامر والوقع  مايمشن عدي عوفيني بمزاجي  ازوج "

امي"فهمني شايف البت متعرف عليها يمكن تعجبك بس شوفها "

"يابه سد الموضوع منا وكافي مااريد هل وضع يتكرر هسه حجيت مرة لاخ اني اصرف"

عافم امي تحجي وصعد الفوك بعصبيه  وبلفعل امي فركشت الخطبه وبعد مافتحت حلكه والدي بيومها لعب بامي لعب شون تصرف من كيفها

تميم محد يتقارش ويااا عصبي ويفقد بسرعه بس من يهدء نكدر نحاجي بعد حبه اختلف جان انسان ماعلى كلبه هم

اذكر شقا وضحكا ماليا وجها سبع ميخاف من احد يحترم بس اذا احد  اجاز ويا ميعرف عم خال جبير زغير

رجعت للبيت صعدت للغرفه

شفتها نايمه مدت بفراشي دك الجهاز رفعته سيف رفضته وطلعت نزلت للحديقه

اتصلت بي "هلا بالحبيب"

سيف"شونك بذات "

ارغد" مر حبيبي اخذ اجازه ومرر  "

ضليت اسولف ويااا حوالي بالساعه خدمة وره ال12 ميصرف رصيد سديته من سيف دخلت للمطبخ شربت مي المطبخ بي بابين باب على الممر البراني وباب داخلي

فتحت الثلاجه اخذت بطل اصعد انام سمعت صوت خطوات وسدت باب التفتت بس خيال فتحت باب الثلاجه الجوه اشتغل ضواها بينت ملامحها

فركت وهي استغفر طيرة عقلي لا احساس لا مستحه هاي شسوي وياها

تقربت يمي تبجي "احبك مو بيدي لا تلومني"

لزمتني موته روحها الدموع على خدها دفعتها رصيت على سنوني اعصاب ماضلت عدي "اششش ولي فوك بله"

ماتسمع حضنتني طوقتني بيديها بقوه "اونسك انسيك الدنيا بس اسمعني مخسران انت الربحان"

تريد تصخم وجهي هاي تريد تلعب بالنار "وخرتها كوه دفعتها لازم شعرها" مافادن الراجديات ذيج المره "

ماهامها شي تتوسل " ضربك الي عسل على كلبي بس وافق نشرد اني وياك محد يحس نعيش سوهه متحسر والله متخسر"

تخبلت"انت شنو من طينه متخافين على شرف اهلج سمعتهم سمعت رجلج مهامج شي"

مسحت عيونها " حاولت انساك ماكدرت شكد حاولت مااشوف غيرك راح اموت من وراك بس افكر بيك حتى رجلي مامهتمتله شكد جنت احبه هسه ماله عدي اي مشاعر غير الكره

هديتها استغفر "اي اي كرهتا بسببك انت السبب اشوفه واشوفك الفرق بينكم مثل السما والكاع متاشبهون انت احسن منه بهواي واحله منه كلشي بيك احبه كلشي بيك يختلف"

هاي راح تخبلني عصرت وجعي حيل اريد الزم اعصابي اذا فقدت ادمرها واكعد البيت كله مااريد اتهوره "

ماتحملت لويت ايدها عاطت سديت حلكها "لا اخليج شوفين مني وجه مشايفته بحياتج اخليج تتمنين الموت ومتنولينه المثلج سا....  مالازم تعيش اصخمين وجهنه اهم شي راحتج

عاصر فكها طابكه احس عضامها طك بيدي شبعتها راشديات بتك ايد عمري ممديت ايدي على مره بس
هاي طلعتني من طوري غير الدشداشه الابستها

ضاهره جسمها اكثر مما ساترتها تمام شماخذ شمخلي بحضنه ملهى

اريد ابرد اعصابي بيها توليتها تكفخ مخليت شي بوجها
اريد ابرد ماكو وهيه تخاف تعيط بس تون من الضرب

حيوانه حتى فشار فشرة محاس بروحي نفتح الباب ثواني انعلك الضوه روكفت صافن تميم صافن مستغرب
المنضر

هديتها ركضت صعدت كعدت الهث ايديه على راسي
شسوي هسه وتميم يصدك اخوو لو عيونه

سديم

خلصت محاضره قاعتنه فوك واكو ممر يربك بين الاقسام ودرج ننزل منه اللمر بي سياج يطل على سنتر الكليه من الجهتيني  باوعت شفت كرم واكف يباوع القسمي

وكفتي صاير ه بضهر  نزلت فتت كلت سلام فزز كرم عفته وعبرته ضل يباوعلي

من الاول اني ماعدي مشاعر اتجاها واكثر من مره يصارحني وارفض بس هوه ضال على امل احبه

ماعافني كرم بديت اضوج من وكفاته يجي بلاسبوع مرتين يشوفني ويروح وقصي موجود اخاف يشوفه
قصي وصير مشكله

مرت الاشهر واني بين دراستي وقيصر وبين اهلي

امي كاعده تقلم بانيه وتخيطها بخيط وابره تجمدها للشته

بابا كاعد يشرب جاي ويكلب بالتلفزيون

واني لازمه ملزمتي واقره

دخلت نعمه زوجت اخويه وبيدها ابنها وبطنها الخشمها

كام ابويه رحب بيها شويه وياخذله حضن 🫂
امي رحبت بيها

كمت دخلت حضرة دولكة مي وكلاص قدمته الها وابنها
وراها قدمت مي جريته ابوسه كشت روحي

وخرت لزمته بيدي اخذته للمغسله متحملت غسلت بس وجها وايديه نزلته راح يركض

ضلت للعشه واني صافنه على تصرفاتها دخل حسام سلم وصعد شويه ونزلت ورا زوجتها

انجمعن الحيايه وكفت اسوي عشه عدنه مركت باميه مال الضهر طلعت كبه كليت وبتيته وزلاطه حميت التمن
سويت لبن وخضره مال الضهر

كملت حطيت السفره والحبابات كاعدات ولا بيهن كامت اساعدني ماهتميت نكلت الاكل تحسين كعدني بصفه

ناكل ونسولف سوه

زوجت تحسين مقابيلي كل شويه رافعه ردن دشداشته وتخرخش بيدها

شافتني اباوعلها"باركيلي "

رفعتلها نضري "على شنو"

نعمه"جابلي هذا السوار مبين غالي عريض وبي ليرات نازله داير مدايره من تحرك ايدها يطلع صوت

امي"بالعافيه يمه جعله ملبوس العافيه ويعيش ويجيبلج غيره"

نعمه باوعت التحسين "وعدني ياخذلي شباحيه"

تحسين مدنك ياكل وزوجت حسام وجها انكلب وتباوع الحسام

صفنت كتلها" راح يدخلج الجنه"

نعمه" حبيبتي الذهب زينه وخزينه شوفي هم تتباهين بي وهم من تحتاجي تكدرين تبعي "

رفعت حاجبي "اممم يعني اذا تحسين احتاج تبيعي وتسااعدي"

نبلعت "اييي شكو بيها"

زوجت حسام "تعلم تعلم من اخوك"

نتر بيها "مو مقصر منج"

"اي مقصر هذا اخوك يجيبلها التريده واني اذا كتلك ابدل حلقتي تكلي مابيها شي ويكسرون بسعرها اكلك جملتي دكلي ماعدي"

حسام"صيري قنوعه ذاك اليوم بدلتي كلادتج وجملتج ميتين

"عشتو واذا جملتين شمنطيني مليون"

حسام"كافي اسكتي "

ضلت تتناكر هيه وحسام

تحسين من شاف الوضع خزر نعمه الي مو يمها المهم تحرك مرت حسام وتغور بيها

صفنت على اخواني شمسوين بحياتهم وانطاهم هيج زوجات وحده شهر متسبح وريحتها تكتل واهمشي عدها تاخذ منه وتخزن ذهب ونايمه براسه

والثانيه جسره ومعيشه اهلها براس حسام  دنكت مقهوره
كملنه عشه شلت السفره

زوجت حسام صعدت زعلانه حسام تنهد وسكت

توالت الايام وراها عاديه دراستي وقيصر ينسوني همي

مرات توصل ابجي على حالنه على حال اخواتي وين وصل بينه الوضع اخواني يركضون ليل نهار يسدون حلك نسوانهم

ابويا الي يوميه اشوفها يرشرش وبس يريد يدمرنه عقلي ميتحمل الاشوفه اب اب ماعده محنه على بناته

ثنين شمرهن شمر ثنين زوجن شياب بكده وراحن في سبيل يخلصن من ضيمه

لو بيت عمي وبناته كل جيا يجن البيتنه بس يطلعن دكب العركه نوصل للضالين

تحسين بعد وكعته بالسهر الشاله بدالي كوه كام وكف على رجليه تعبت نفسين

قيصر مهون عليه يسمعني وينصحني ويصبر بيه

كاعده ادرس وفاتحه الخط ويااا

" يدخن واني احفظ واكتب بالورقه اندمج وانسه نفسي بالحفظ خلصت ورقتين ضلن ثنين

كلبت على ضهري اخذ نفس
همس "كملتي حبيبتي"

ابتسمت "لا بعد ورقتين"

"كملي كملي وياج "

"روح اتاخر لتنتضر"

"شعدي نفسج كافي عدي لتشغلين بالج بيه كملي قرايه"

تنهدت ساكته رجعت اكمل صدك حقضت كعدت عدل ضهري وجعني الساعه ب2

شهكت فزززز

"شبيج سديم"

"عزززه ب2واني كاعده روح روح انام"

"خرب بليسج  كلت شوشصار

نامي ورتاحي"

سديم"ليش سهرت وياي انت هم وراك دوام وتاخذ خطك"

قصي"اخذت اوكسجين وهسه رتاحيت "

سديم "عدك ربووو"

ضحك بخفه "لا اخذت اوكسجين  الكلبي"

فمهت عليه دنكت خجلانه سديته منه

خليت راسي على المخده كلبي يدك حبيته

داومت ركض بالخط رتبت وجهي  امتحنت وجاوبت

نزلنه اني وهبه ناخذ اكل طلبنه وكعدنه ننتضر الاكل
راحت هبه جابته واجت ادردم

شبيج

"مدري ياملطلط دافع الحساب"

"متاكده مدفوع الحساب"

هبه"اي ابو صماخ ميريد يكول صاحب الحساب"

ضلت تحجي واني حسيت بقصي كملنه وكعدنه بالحديقه
اكتب محاضره فايتتني وهبه تلعب بجهازها

فاتت بنيه شايفتها ويها رجال لابس دشداشه وفوكاها عبايه وخال عمامه سدوه

صفنت اذكرت ريحانه هاي  هي مرحله رابعه ماشايفتها داوم  قبل ناسيتها ماساله اماني دقايق وشفت تميم واكف بعيد  شايفته كبل واعرف شكله

شعده هنااا واكف بصفه ارغد يدخن كمت اخذتني رجليه اسلم عليهم يعرفون اخواني ويعرفوني مسافه بعيده عني

كمت  صاحت هبه "هووش وين"

سديم "بس اسلم تعالي ذوله جوارينه اعرفهم"

هبه"وانتي شكو جيران تعرفيهم سلمين عليهم"

سديم"شبيج غير اصدقاء خواني ويجون يمنه"

هبه "كعدي لا اكفخج"

سديم"ولج من اني بطن امي همه موجودين يطبون علينه وونروحلهم "

كوه اجت وياي مشيت قريب مااوصل منتبهولي بس ارغد منتبه بس مو عليه تميم عينه شابحه على باب الكليه قريب مااوصل

تميم يردد"شفتها متغيره ضعفانه بت كلبي رايحه"

ارغد"صوتك ياخويه منا الطلاب "

تميم"كلي شسوي راح اموت مااصدك راحت من ايدي الاخذها يحبها بكدي شايفها مثل مااني اشوفها"

ارغد "كول ياالله اجيت شوفها لا تحرك بروحك"

تميم " لك نار تاكل بيه ودي اكض ابوها واخوها احركهم ومايبرد كلبي بيهم "

تميم يحجي بحركه هبه مستغربه واني ضليت واكفه مااكدر اتقرب

ضل مقلص عيونه وخرنه رجعنه المكان المسطبات كعدنه قريب منهم اشوفهم بوضوح

ضل يحجي بحركه كعدت عيوني  مافاركتهم ساعتين يمكن هبه ضلت تضجور واني اريد اعرف شيصير مكانهم بعيد الجزه الوسطيه ببالطريق داخل الجامعه اكو اشجار مخيمات
على الطريق

طلعت ريحانه وياها يمكن ابوها تميم وكف بعد ماكعد منتجي على شجره يرتاح مناك وشفت رجفته عيونه شابحه عليها وهي مدنكه وتمشي وره ابوها يمكن

لحضه حست دارت راسها صفنت رجليه بطن ضلت عيونها عليه وهوه يباوعلها مانزل عينه

يمكن حتى مارمش  من كد مامركز بيها وهي رخت ملامحها مصدومه ابوها مالاحظ توقفها

منتضرهم يمكن مشهد تمثيل ميجي بصدقه واحد صافن بلثاني نضراتهم حجت اشتياق حب ماعرف افسرها

مااعرف شون شون ارغد ادارك الوضع من انتبه لبوها دار عليها من استفقدها راساً ارغد جر تميم ودار وجها ناحيه الاخره

دنكت ريحانه مشت شبه التركض لحكت بابوها رجع تميم يباوعلها من شافهم مشو لحد مااختفو كدام عينه

مشه فاقد وارغد يمشي وراا الله يساعد كلبه

رجعت ومنضرهم كدام عيني ميروح لليل دك قصي

متحملت سولفتله حبهم تنهد

"عمي الله يكون بعونهم زين من الولد واكف على طوله"

سديم"زوجت وهوه لهسه ممزوج ويباوعلها كانو اول شوفتهم "

قصي"هذا تلكي متحطم كلبه ميت "

سديم"منتهي مدري شون متحمل لك عيني ميت ميت عليها وهي من شافته فزت وحتى مشي مامشت ضلت
باهته "

قصي "اذا الهم نصيب ينجمعون لو بعد عشرين سنه"

سديم"لا وين ازوجت وزوجه سيد وحباب بامنية الجامعه جان يداوم "

قصي "منو بله منهم اني اعرفهم"

سديم "سيد مصطفى"

قصي"لا مااعرفه عوفينه شونج بلمتحان عايفتني وصايره كامره للعشاق"

ضحكت ضلينه نسولف قصي الحبيته بي ميطرق الغير مواضيع لو نضر طول اليل نتخابر كلامه حلو شفت بي رزانه واعي ميحاجيني على لبسي ومكياجي رغم هوه من عائله متحفضه ماعدهم بنيه تدخل جامعه ولا سافره

يسولفلي على عائلته مهتميت كونه هوه يحبني اكتفيت بهذا الشي

قصي جماله جذاب اسمر عيونه بيهن لون شعره ناعم وجها دائري لا طويل ولا كصير جسمه موضعيف ولا سمين

حسيت روحي بديت اغرك بي  تعودت ميفوت يوم منتواصل باليل صار ادمان عدنه من 12لل 2 نسد انام
اكعد اجهز روحي طايره راح اشوفه يشوفني

صح مانتقرب من بعض مكتفين هيج من بعيد

اليوم ربى تجي يمنه العصر طبت وراها جوكها باوستها وسلمت على البيت كعدت وامي بصفها

امي "كملي شغلج اخوانج على جيه والبيت يرادله ساعه يله ينشف"

ضجت"اوووو شبي المصخم البارحه ماسحته"

امي "كلشي مابي يبرج كووومي كملي مسح اضل عليج يذرع نصير نعمه الثانيه  دكوم المنطبه تحجي بجيف...ج

سديم" كلبت عيوني كوه كمت ترست الصطله مي وخلي قاصر وشويه تايت اوامر امي بلشت مسحت الغرف والهول  والمطبخ جريتهن جره وحده

جهال ربى بالحديقه يلعبون واني قبل ساعه غاسله الطرمه وراشه الحديقه

حديقتنه كوه يطلع بيها الزرع اشكال حاولنه نزرعه يموت الزرع كالو بدلو ترابها خواني كله شالو وجابو تراب جديد مافاد كامت طلع ملح ثلث مرات بدلنخ ترابها

وزرعنه حشيش ماطلع ميته ضاله بس طين

ذوله مشايفين طينه جايين من الخارج سوده عليه كل واحد صماخه بكد الحولي

كملت مسح شغلت البنكه الجوو بارد بعد بس تنشف الارضيه واطفيها سويت بخور بطاوه قديمه عدنه

بخرت البيت افتر بالطاوه البيت ريحته صارة طيبه طبوو جهال  شبعتهم دك دخلو بحذيتهم مطينه واني ستوني ماسحه كضيتهم بالماسحه خليت صريخهم ماله والي

اجت ربى تركض هي وعبايتها خفاش

ربى"خفه هل شكل سديمه ليش دكين عليهم"

سديم  تخوصرت " ادك شغل من الضهر لهسه اجو زعاطيطج مثل الهوش بحذيتهم طينو البيت "

ربى "ويطينون راسج مدي ايدج بعد مديها"

عوجت حلكي "و شسوين"

سرفنت ايدها حركتها المعتاده حتى ويه جهالها سوتها من كتلت نعمه زوجت تحسين هنا سحبت قواتي وماسحتي وركضت للغرفه وهي وراي

صيح"اجيج بالسنه حسنه تتلكيني بعوتج الصخله ام عطوب "

قفلت الباب تلمست راسي ماعدي عطوب دكت الباب حيل
"جلبه حالج حالهن عبالي اخت وتحن عله جهالي ودول جهال اختي"

"تعبانه واذا جهالج قابل اكرهم لو انتي طابه بحذائج هم اكتلج"

يمه سوت "بس فتحيلي الباب اذا ماانفشج نفش الصخله"

سديم"ربى دكافي هسه واذا شويه ضربتهم قابل فشختهم مااذيتهم والله وتدرين بيه احبهم"

ربى "باعي خدودهم حمر هاي محنتج هم الصخل يحن على الصخل واني اختج ماعدج كل احساس"

سديم" اطلع ابوسهم "

ربى"اي تعالي "

اني الثوله فتحت الباب اريد ابوسهم لزمتني عطت شبعتني عض لحد ماافوخت كلبها واني ابجي

شافتني صدك بجيت عافتني مقهوره بردت جرتني تبوسني دفعتها لليل اني زعلانه منها

نامت هي وجهالها يمي بالغرفه مطيه خبر القصي ميخابر
نص اليل حسيت على صوت جهازي ذكرت فزيت سديته

الغرفه ضلمه فتحت التلفون رفضته وسويته صامت ضل يدك عفتها اريد ارجع انام همزين ربى محاسه غاطه بالنوم

رجعت نمت  مااعرف شكد مر وقت حسيت على المخده تحركت ميته نعاس ماكعدت

سيف

بعد ازالت الرائد من منصبه وسحب الحمايه منه وتهرضه للغتيال واغتيالي ترتبن شي وره شي كلشي كان مدبر

كل الادله الحصلتها ومراقبتي حتى خارج دوامي اني متابع الملفات خطره اذا مشيت بيها اتعرض للخطر

ماهمني بكد اهلي اخاف على الشيخ وامي الحجيه اي خبر تروح بيها متتحمل اليل ماانامه الف زاغور طلعت

بس كلهن نتيجتهن وحده بعد ماخبرني عماد حضرت الكراسي والطبلات شغلت نشره واضوية الحديقه مانشعلهن بس من نلتم تصرف كهرباء

وصيت الحجيه متطله الحديقه مسقفيه بانين دائره مثل الطشت الجبير باني من طابوك وسمنت للحطب بلشته سويتها  خليت الخشب وشعلته الدنيا ليل وبارده

تانيتهم اجووو طببتهم للحديقه عمار وجهاد

عمار"بعرضي انتو فايخين اذا اخذ ابوك احصل خوش لهدات"

جنت ادخن كتله"شضال بي الحجي غير  ننسف من الوجود نسويك رماد"

عمار"اكلك صدك ابوك شنو شغله "

سيف"خليت عينك هسه يحترك البيت "

عمار"ك....  فشر عايز لبوك اسال لا صير نفسيه"

ضحك جهاد" شعليك تدخل من اجت تسال"

عمار"نجب حبيبي فضول لاصيرون مثقفين براسي"

سيف اعرف عمار شنو طبعه مو اي واحد يساله ولا يدخل بس ويانه هاي طينته كتله"الشيخ من زمان عده بساتين وجان عده حقول نخيل وبساتينه يزرعهن ويبيعون المعصول

جان عده معمل للاسفلت بلرميله وراح للبرطانين شركته اخذتها  بس جان خير

وهاي العد الشيخ بعد حاب تعرف غير شي"

ركص بحواجبه"ماياخذ امي حلوه احله من امك وبعدها زغيره دلله تخلي ينسه امك وينساكم"

ضحكت طفيت الجكاره"ماتنجب عزيزي"

جهاد "شباب عوفو الشقه الرائد سلمكم ملافتكم"

عمار" ماشكني غيره ابن الك....  يلغي مهمتي اخخخخ لو ما الرائد صعب جان زوعتهم الاول والتالي"

سيف"بهل سهوله لو مثل مدكول اني اول واحد اقدم كل الملفات للركن وهوه يحل امرهم بس تعرف زين كل الاوامر والقضايه مدبره بيناتهم يعرفون المن يرفعون والمن ينزلون بس اليمشي ويه مصالحهم "

عمار"والحل نشوف ونسكت تعب ست اشهر اني وياك شكد دورنه شكد سهرنه ونتاوب علي نريد نلزمه ال.....
وهوه حلقه من سلسلتهم كضينا

ليش يسحبون الملف منك ويركنون الرائد يعرفون اذا لزمنااا كل مخططاتهم تفشل وينكضون "

سيف" حبيبي افيدك كل القضيه بيدهم  الكضينا معناها ورقته حتركت يمهم  بعد ميفيدهم لو مهم عدهم جان لغو المهمه بامر منهم "

جهاد" والنتيجه منو الرابح ومنو الخسران"

سحبت جكاره من الباكيت ورثتها سحبت نفس عميق "همه الرابحين بيها اموال طائله"

جهاد"حتخبل مااعرف منو الالنه ومنو العلينه كمت مااثق لا يطلع من جماعتهم"

سيف"مو كلهم اكو يشتغلون بوطنيه واكو لا المهم يحصل حتى لو على حساب مبدئه وطنه وهي نخبطت الحابل بالنابل وضاعت البلد اليحكمه اكثر من شخص بلد ساقط

وانت شوف منو يحكم كل الدول المحيطه تحكمك تتصور يستقر والقانون يمشي مستحيل

اكو مقوله دكول( اذا كنت تعلم ان نهايتك الموت فمن المعيب انت تعيش جبان)

اذا حجيت وطالبت بالقانون راح يستهدفوك  لان صوتك حر طالب بالعدل قانونهم تشوف وتسمع وسد اذانك

لان اذا حجيت تقتل لو تسجن لو تنقل لاخر نقطه بالخارطه يحاربوك وهاي المؤسسه مع الاسف

مع الاسف مااعم بس اغلبيه القاده الفرق يسرقون بمال العام ناهيك عن نصف امري الاولويه والوحدات

ثاني يوم كعدت صليت وسبحت لبست ملابسي وطلعت  للدوام نص الدوام دز عليه الرائد الجديد انطاني كتاب الرائد مصعب لازم يداوم جبراً استغربت هوه بعده مطايب لازم يكطع اجازته

ضليت دايخ شجاي يصير عمار دخل شافني بهذا وضعي دخنت هوه كعد على الكرسي مقابيلي

سالني"شبيك"

شمرتله الكتاب  قراا  عكدت حواجبه"ليش يداوم"

سيف" مااعرف"

عمار"مو اكلك كواو.....  "سكت بدخلت النقيب

طلع عمار خلص دوامي رجعت تعبان فتت كبل الغرفتي  بدلت وطلعت للديوان فتت الشيخ مدد غافي عفته طلعت للمطبخ امي الحجيه كاعده تلف بشيلتها

امي الحجيه" الله يساعدج يوم"

التفتت"هلا يمه بطيت"

"نفس وقتي"

"يمه اكلك بالاوفن مال الطباخ تمن وفواكا فخذ دجاج محمص بس احمي السوب وهاي خضره بلثلاجه منضفه ومغسوله

" وين على خير "تلبس بجواريبها"

هيج بشغله اني وام الماا

سكتت ردت كالت لا شوو انت شتعرف كامت دخلت للهول سمعتها صيح برنا 

كعدت على الكرسي الميز بصفي الحاسبه يمي جبتها فتحتها خزنت كم شغله وسديتها امي فاتت للديوان وراها ام الما سلمت وطلعت

شويه ونزلت رناا مدنكه استغربت كوه سلمت

مانتبهت عليها شويه وفاتت امي من باب المطبخ البراني حاجت رنا "احمي الاكل وصبي يمه كله يمج الدجاج بالفرن لاتحمي مسلفنته يله رايحه

درت عيني على رناا هاي بله حجاب رفعت حاجبي مستغرب بس فطنت

تتحرك بخجل ومتوتره ضيفرتها طويله وشعرها نام كلهن هيج بس الما تختلف حتى بشكلها اخذت نفس

احتركت سحبت جكاره ورثتها ادخن واباوعلها شويه وتوكع على وجها كملت وقدمتلي الصينيه على الميز

ودارت وجها تروح صحت" اكو وحده تخلي الصينيه على الميز ليش سمو ميز طعام اندارت منحرجه

بسرعه رتبت الصحون على الميز قريبه يمي ضعيفه عوده بس حلوه كصيبتها لنهاية ضهرها كملت ويه متندار سحبتها من شعرها

نزت خايفه باوعتلي "شعرج حلوو"

نصت تعصر بيديها جريتها اكثر صاحت بصوت ناسي تخاف احد يسمع "متغيره وحليانه"

ساكته خانسه بس عيونه ترجف متباوعلي جريتها اكثر ونت بالم لحد. ماقربتها كانو مدنكه عليه واني كاعد على الكرسي اليشوفها  وكصيبتها لافها على ايدي همست يم اذنها "اذا شفتج نازعه الحجاب مره لاخ ازينج صفر فتحت عيونها لعب الجهال ميمشي وياي"
 
تيهت ضفيرتها ودفعتها بيد وحده صحت"امشي وليييي"

ركضت تبجي حيوانه بطول القندر....  ومتعلمه عود تغريني من هسه بعدها مافتشت وينجن وين المااا

كوه تغديت القند...  حاسبها مثل بتي  اخخخ امي  فكت عينه وهي الحيوانه شبسرعه سرسحت ويه الحجي

...... يتبع

اعتذر عن التاخير نمسح البارت ورجعت كتبته من جديد