رواية بين الكاف و النون الفصل السابع وأربعون 47 - بقلم saja altaie95

بيــن الــكـاف والــنـون

الـتـاسـع والاربــعــون

بـقـلـم.... سـجـى الـطائـي

وأول ما شفت طولك نسيت الصوت

وروحي بلاسبب بجفوفك افتلت

يا قمرة حياتي البعد ما هلت . .

يا انت . . وكفاني اتوهدنت وياك

تحسبني . . وحسبتي وياك ما فلت

كلمن عرف وشره . . وشال منها الشال

وتعده العمر والوادم اندلت

هسه الراح راح . . وبين ايديك الروح

بس ذمه ابركبتك يوم لو سلت

أرغــــد

الكل فرحان بلتخرج ماضل ايام ونمتحن القسم حدد موعد حلفة التخرج واني قاط ماعدي فلوس زيان مابجيبي

محمد شافني مامهتم رغم مكسراته بس وكفاته ماتنسي
سحب الجكاره من حلكي "
عشر ايام وندخل بلامتحانات النهائيه عفت البيت بعت اغراضه وشلت فلوس واهبد على شغل ماكو اليشغلني

مصرف ماعدي حولت بلاقسام الداخليه شكلت ويه الولد على كد الامتحانات على واهس الشباب اقره

تخرجت بحضور الاهل اول مره اشوف امي تهلهل وتدبج ضحكتني رغم سمنها وثكل جسمها

رجعت للكوت فكري يمها عمتها اتواصل وياها كل الطرق انسدت بوجهي مااعدي وسيله اكدر احميها

بيوم كاعد بلكوفي اني وتميم وجماعته دك جهازي باوعتله
ابو البار هذا اندل الدرب شيفكها بعد
جاوبتها بعد السلام كال"لكيتلك شغل يفيدك على مزاجك "

ارغد "مشكور حجي ماتقصر اني رجعت للكوت"

"لا تخاف مو يمي يم نائب حارس لو دور العراق كله مايحصلك هيج شغله وكرفان خاص بيك وراتب قوي
واذا استفادو منك يخولوك على القوات الخاصه ويشملوك بلوضيفه

تفيدك لا تخسرها واني ماافايد كبلك بلوشي بس الك
عوف الكرامه والحلال والحرام ابني بهذا الوكت صير
ذيب واغتنم الفرص لا ضيعها فرصه الك

صفنت حيرني كتله امهلني يوم وباجر اردلك خبر

سديته ضلت الفكره بالي الشهاده اركنها و مامحصل من الحكومه شي شهادتي مرغوبه هندسة نفط بس بضل الضروف الصعبه

تميم شجعني اقتنعت انطيت خبر الاهلي وحضرت نفسي
بليلتها سهرت بره ويه الشباب رجعت بلوحده

طبيت البيت اضلم طلعت جهازي اضوي صعدت الدرج البيت الفوك كامل حمام ومطبخ وغرفة تمام وغرفتي اني وتميم

ضوه الحمام مشتعل والباب مفتوح وصوت مي مشيت اسد المي ادردم بيت متروس جناين صحت خااارمات

فتت اسد البوري انصدم بضحى بثوب اشبه بثوب نوم خالته بلداخليات واصل للركبه رفعت الثوب خاله طشت ودوس برجليها مااذكر شنو كان فكيت عيني رفعت راسها ابتسمت
" يااهاي انت كمزتني "

بسرعه طلعت فتت للغرفه اخذ نفس قوي واذبه قنبله مو مره
بدلت ملابس فتحت الشباك اخذلي جكاره

ساعه واني فكري مو يمي دوختني بمنضرها ردت انام بس اتكلب للفجر صليت وكعدت حضرت جنطه السفر نزلت بوجهي بودن مااودعهم ركبت للكراج اخذت سياره البغداد

وصلت الضهر اخذت تكسي وصلت للبار نزلت سلمت عليه لكيته موجود ينزل بضاعه اثاث للبار

اضرب عمي براس الزواج كله يحجي ورق ضحك وضربني على متني "حاط عينك على رزقي ابو الغوغ"

ارغد "حجي براغي لساني فالته ما اجاملك انت اذا تموت ماايرشوك بمي ورد لا كل وسكي ابو الدبل"

"ههههههه قابلين حتى فاتحه لا تقره عووفك مني تعال جبت فايلك وغراضك الوصيتك بيهن"

"كلهن كاملات حجي واليرحم موتاك مااريد شغله فاكسه تعرفني لو على لوزتي مااسويها"

"لا تخاف شغله شريفه وتنكط طهاره اني مو غشيم من اتوسطلك ابن اخوي ماتوسطله خليته يتوسل شغلته وياي
ومااسويتها اله اعرف وين اخليك لا تخاف"

كملت الفايل وسلمته بعد يومين التقي بلمسؤل مااعرف شلون اسهلت يومين ودزو عليه التقيت بمسؤل الحرس
تعليمات هواي واوامر صارمه تحت الاختبار شهر وراها

اتلقه تدريبات اذا عجبتهم هم سالفه تعبانه باشرت من ثاني يوم السكن مقابيل بيت المسؤل هوه بيت لو قصر قليل بحقه

اول ايام واجهة صعوبه لازم اكون حذر مااغفل عن شي
شهر اني واتعلم وين مايروح المسؤل ويااا

اباوع الروحي رغم الطول بس ضعيف وهمه واحدهم ثور
من الضخامه والبنيه اذا التمينه على الاكل شفلات رب الحلو

خلوني اسابقوياهم اول ايام مااشبع واحد منهم ضحك لك عوف المستحه هي البطن يرادله مستحه صدك صرت ادوسلها
ماعدنه بريك سمنت شويه

ايام مشت عمت رغد اتواصل وياها مرتين كادره اشوفها

بعد مرور شهرين قررت اشوفها ويانه واحد يسمو ابو الويو
من سرعته بلركض ارتاحيتله سولفتله مختصر يساعدني

دكلي صدره "حبيبي اعتبرها صايره لا تشيل هم وياك"
اثناء اجازتي طلعنه اني وابو الويو دليته ضلينه نراقب
ونخطط سبوع اني اخطط اخذها مابيها مجال

كدرنه نعرف ابوها عده سفره وضل يمها مرت عمها وابن عمها
والحرس لليل تسللنه

ابو الويو كال الهي الحرس عرف المنطقه سوه نفسه مضيع بيت اقاربه وهوه بلخارج ورجع

اني ملثم استغليت انشغالهم دخلت للفرع عبرت من الباب الجانبي البيت بي صوت وحركه تحركت بلترك داير مداير البيت الهول شباكه على البره

ابن النكس كاعد ورجلج على رجل وامه يمه هاي ليش الاغنياء يبين عليهم امه اليشوغها بت الثلاثين

مشيت لباب المطبخ من دخلتلهم ذي المره حفظت الخارطه
المطبخ يجي ورا كليدور يجمع باب الهول وباب الهول الداخلي والدرج والحمام دخلت بسرعه

صعدت الدرج بخفه وسرعه كل هذا واكو بداخلي خوف بس انلكف اروح بيها مشيت على اطراف رجليه امنت المكان
مابي احد كل الغرف فارغه سلاحي بيدي

وصلت الباب غرفتها دكيته بخفه وهمست "رغد افتحي الباب بله صوت" ضليت واكف واتلفت ماكو حركه رجعت دكيت الباب شويه اقوه ولج رغددد افتحي الباب "

طولت يله فتحت الباب مخروعه طبيت وسديت الباب قفلته ضلت تكمز بله صوت "شبيج كل ماشوفيني طفرين"

"ارغد يذبحوك والله يذبوك سجن ويلفقولك تهمه سرقه اي شي فدوه العينك اشجابك خرب حظي"

مددت على فراشها "الله شلون ناعم رغد هاي انتي عايشه بهذا الخير وراكضه وراي رب الحلو شمحصله"

خايفه وتعصر بيديه "بااع البطران وكت تصنيف كوووم هسه وين اضمك يربي"

ركصتلها بحواجبي على وجهي شبه ابتسامه "ضميني بكلبج هلي من مكان" وسلهمت عيوني

"ضاحت بمياعه" ارررغد حباب عوف الشقه لا ضل هناا توكعنه بمصيبه هلمره اموت اذا صار بيك شي "

وكفه قريب واني مدد جريتها صاحت عليه همست "هيج تحبيني ياملعونه اعترفي وريحي كلبج وريحيني وياج رجال
عزابي ويرادله احضان"

دفعتني وكامت "انت ماتستحي وقح كووومه يله شوفلك حل ارغد تدري السويته شنو تره مصيبه على راسي وراسك
وهذا العار ابن عمي جوه وامه الحيه"

نمت على ضهري وايديه جوه راسي "حبيبتي انتي مو وجه رومانسيه شاغله بالج وعايفتني يراد اثني الوضعيه كسيفه"

جحضت عيونها تخازر

"مجذب رجال احتاج مره وين اولي بليل انام ويه المخده
خليني اثني وانتي ضلي بخوفج باوعت للسكف كون حاته
مثل البالي والافخاذ يلالن والدشداشه الدلعه ابوك نضرات عليها

وجها انكلب برطمت دارت وجها" من يجي اخويه طلكني وازوج نصت ارغد من اسافر هم تذكرني"

"شذكر منج بس المشاكل"

دنكت "هم صحيح اني تعبتك هواي ارغد قليل اليسوي السوي يوم انت غيرك مايدخل روحه بلمشاكل ويعيش مرتاح انت تستاهل احسن وحده تحبك وصيرلك زوجه"

ارغد "اي والله ادعيلي ازوج"
ضليت ساكت كعدت على الطابوريه مبوزه خنست بعد اعرفها من ضوج تكلب الوجه وتلتزم السكوت

اجتني رساله رفعت الجهاز ابو الويو انسحب دزيتله تم
يصير الفجر واطلعها دقايق وصوت واحد يجرخ بنعاله

وكفت تكمز بله صوت "اجه فدووه ارغد لا ضل اطلع من الشباك ضلت تروح وترجع تفتر كمت تاكدت الباب مقفول

من خياله وصل دك الباب" رغددد فتحيلي الباب لا اكسره فوك راسج ادبسسسززز "

سويتلها اشششش شاورتها كل مره هيج تفتحيله الباب باوعتلها عيوني بكصتي كوه لازم روحي

هزت راسها تحجي بذني "لا والله ابد يوكف يغلط ويصيح من يشوفني ماارد عليه يمل ويروح"

رفعت حاجبي همست "والله وروح امي"

سكتت خمس دقايق نبح وحده ونزل كعدت دمي يفور اهز برجلي التفتت كومي حضري نفسج ساعه ونطلع رادت تحجي اشرتله "سدي حلكج"

دزيت مسج لبو الويو انطيته الوقت يجي بسيارة الحمايه مضلله ضليت كاعد وهي ساكته ترجف ماحجيت

كتلها نامي من يصير الوكت اكعدج مددت على جربايتها واني كعدت على الكرسي مااكد انام قلق

صار الوقت فتحت الشباك غرفتها على شارع اشوف الحراس

كعدت على حافة السرير وخرت شعرها من وجها شنو من وجه مصبوب صبابه من الصفاء هزيته فزت طفرت

"بسم الله لا تخافين هاي اني يله يابه كومي لبسي"

فركت عيونه كامت لبست

الحرس بس واحد ويلعب بجهازه اشرتلها تعالي يمي "جهزي نفسج بطرك روحج مستمسكاتج وين"

مثل الذكرت شي ضحكت "تدري بكتهن بس مستنسخات مو الاصليه الاصليه عد بابا"

كتلها "يفيدن يله بسرعه"

كملت فتحت الباب بحذر كتلها ضلي هنا من اصيحج تعالي
شفت الفوك ماكو شي اخذ ايدها نزلتها طلعت من المطبخ

واني عيوني تفتر لا يكعد العار ويخرب عليه اخذتها للترك دكيت على ابو الويو "هااا وينك"
براس الفرع مو على الشارع سحبتها ويه عبرتي الباب سمعنه فتحت باب داخل البيت كتلها جلبي بيه لزمت ايدها

طلعنه من الفرع على الشارع الله سترنه لازمين كلبنه بيدينه اركض واتلفت تركض وتبجي ترجف بيدي

طلعنه من الفرع على الشارع ابتعدنه عن البيت ضليت اباوع لا احد لاحكنه لازم نطلع منوالمنطقه اكيد هسه حسو اكو واحد فتحت باب الستقبال

ابو الويو انطاني اشاره اخذذتها للسياره صعدتها وصعدت ابو الويو يسوق وهي ماتت بجي كعدته اليوره

ابو الويو "الحمدالله على السلامه"

" الله يسلمك ابو الويو على البيت "

ابو الويو "هسه وصلنه"

اجرت بيت بلمدينه بعيد شويه أمن الي والها منطقه شعبيه تفيد ناسها بسيطين واني من نوع اجتماعي اذا حبوني كلشي يصير على الاقل بين ناسي

وصلنه نزلته شكرت من ابو الويو دخلت بس سديت باب الشارع حضنتني تشهك متكدر تحجي ابتسمت "شكو تعويين هيج تحبيهم ارجعج"

ضلت تبجي مجلبه بيه دافنه راسها بصدري "الله يخليك الي"
شمسوي يابه على هاي سهله

ريحانه

واكفه الف شالي باحكام ايدي ترجف اول لقاء مشاعري متضاربه ارتباك وخوف كملت صاحتني امي

اسماء"يمه الولد صارله نص ساعه هوه واخوج عيبه جاي يشوفج "

ريحانه "كملت بس يوم عادي البس عبااا"

اسماء "هاي شنو ريحانه ماما هوه غريب غير صار زوجج"

تكتم كاعده ترض بابنها " المن الحجاب محسسته داخله على ابن عمج "

ريحانه "استحي احسه روحي بله ملابس اذا انزعه"

تكتم " هسه طفشين الرجال تعودي عليه من تزوجين شلون بيج تكضيها عليه استحي "

اسماء" لا هاي هيه ضلي بحجابج بس ماما انطي فرصه احجي وياا شوفي هسه تحبي السيد خوش ولد ابوج كلش يحمد بي "

هزيت راسي مشيت دكيت الباب ودخلت رضا كاعد يسولف ويضحك كال "فوتي حبيبتي اليوم السيد دك انگر اله اشوف مرتي محسسني حابسيها عليه"

سيد مصطفى "بيك الخير ابو عباس بعد احنه اهل واني هم مااربد احرجها بس اريد اشوف حتياجاتها صارت مسؤله مني"

رضا "متقصر سيد مو جديده عليك ابو الاصول اخليك اني اترخص اخذ راحتك"

سيد مصطفى "مرخوص حبيبي"

طلع رضا واني واكفه تقدمت كعدت مسافه عنه مدنكه ميته من المستحه

تحمحم "شلونج"

ريحانه "الحمدالله بخير ونعمه"

سيد مصطفى" يستاهل الحمد ريحانه ليش مستحه ارفعي راسج اشوفج وشوفيني الخطبه مافتهمت منها شي "

تلعثمت كوه رفعت راسي "لا مامستحيه بس شويه مامتعوده"

سيد مصطفى "واضح ابتسم اي سولفيلي عن نفسج شويه خلي نتعود على بعض مثل متحبين"

مامرتاحه من الأرتباك وجهي صار مي بلعت ريكي "مااعرف اسولف عن نفسي انت شحاب تعرف اسالني"

صوت خرزات سبحته وترني صارت عيني عليها جفت ايده المحبص بخنصر ايده جذبلي نضريه صار عدي احساس قوي مثل ايعاز

ضليت اباوعله مو غريب عني سيد مصطفى مربوع رغم هوه اطول مني بشي بسيط وجها بشوش ملامحه هادئه

كان شكله جذاب بنفس الوقت انفه صغير لحيته مرتبه عيونه كبار حواجبه ثخان مابي عيب بشرته سمره

كل كان كل لبسه بنطرون قماش وقميص مرتب عطره مميز كل البلجامعه يعرفه ويحبوو انسان وقور واله شخصيته هدوئه وارتكاز شخصيته

يخلي المقابل يستمعله كل هاي هو ساكت واني عينس على ايده ضحك بصوت "عجبج اكثر مني لهذا باوعتيله نزل عينه على محبسه محضوض جذبت نضر يحانتي"

رجف كلبي ريحانتي سامعتها من تميم رفعت عيني عليه سرح بوجهي ابتسامته ماغابت عن وجها الفرحه طاغيه عليه

ربي ارحمني ربي خلصني احس رزحي اختنكت مو كادره لا اتقبله ولا انسه تميم كلبي يدك دنكت مهضومه حصرتني البجيه

كال "ريحانه انتي تعرفين البنيه من تعقد عقد الشيخ اصير بركبت زوجها وانتي حالين زوجتي شرعاً امام الله وامام الناس

عزيزتي مصرفج كله عليه اني ادزلج كل راس شهر ومن تحتاجين شي لا تستحين ادزلج شكد ماتردين

شافني ساكته وكف" اروح وان شاءالله الي جيه اشوف الوالد واسلم عليه "

ضليت ساكته ابتسم "يله يابه محتاجه شي ناقصج شي"

هزيت راسي لا طلع طلعت ورا لبس حذائه وصل لباب الشارع واني مسافه عنه رجع باوعلي تقدم خفت من نضرته جر راسي باسني بجبيني

مانزل ايده صل كاض راسي سحب نفس وخر رفعت عيوني عيونه ناعسه "الله يقدرني واسعدج"

طلع روحي راحت من الارتباك دخلت امي تلكتني "يمعزايه دجلبي بي على العشه شبيج مصخمه"

ريحانه "نسيت اكله ضل"

تكتم " هههههه خاله دعوفيها مشوفيها صايره حمره اكيد نسيبج ماكاعد راحه وخله البنت تنسه روحها "

امي باوعتلي " ريحانه خوما سوالج شي شو ماما ايااج تخلي يتقربلج لتخلي يكول عليج خفيفه وماصدكت "

تكتم "اووو خاله انتي والله قديمه هوه زوجها شنو خفيفه المن خطبها اذا خفيفه عوفيها خاله تشوف حياتها هسه غير زوجها ضلت على الزفه"

امي ماقبلت صارت عصبيه "تكتم لا تعلميها سوالف مزوجات خلي من تصير بغرفته هاي طلعت مني بعد
اني مضامنه الدنيا شصير ماصير بعدين"

تكتم "شيصير ياخاله والله تفاولين عليها بلموزين وتنغصين عليها حياتها"

امي "بله مالج دخل اني وياها"

سكتت تكتم وامي لزمتني محاضره ماتعرف اني ارجف منه

ايام راحت واني مامتقبله سيد مصطفى بحياتي احس روحي تايها بلش الدوام واني كل امل ماضل الي

اشوفه هناك مايتقرب محد يعرف هوه خطيبي صح عرفو انخطبت بس المن ميعرفون

يباوعلي من بعيد لبعيد لا حابه هذا الشي ولا كارهته

حنيني ياخذني لطيفه وارجع ائنب روحي مايصير التفكير
شايفين عذاب الضمير البجي صار ونيسي مايمر يوم واني دمعتي مانازله شهر وره شهر وروحي تعودت

هاي قسمتي ونصيبي واني رضيت بنصيبي لازم اجبر نفسي انسه صح ماعدت ذيج ريحانه النقيه لوثوني
بطغيانهم وبمبادئهم السطحيه

ايام اني اعاقب روحي بلستغفار والصلا اجبر نفسي التزم مثل سابق عهدي اماني من اسولفلها تبجي على بجيي تصبرني مااريد شي بس ارجع العبادتي

اتوب الربي ذنوبي غطني حياتي صارت سوده بسواد عباتي لان تهاونت بقرئاني بتسابيحي مجرد أدي الفروض
هاي هيه مكتفيه

اليزم الخط ذبني براس شارعنه مشي عشر دقايق اوصل وياي بنات واماني وصلت اماني مشيت الدنيه ضهر

ومشافه بين بيته وبيت اماني صح تعودت امشي وحدي بس مو بهيج وقت الخوف حاوطني

ضليت اردد اذكار اطمني صوت دندنه وراي وكفت
اريد التفت اتأكد هوه لو لا من بحت صوته عرفته

روحي راحت برطمت الدموع جمعن ربي مااريد
شي بس تغفرلي ماادر على شوكي مااكدر مااحن
اله

مو بدينه نودع عيون الحبايب موبدينه
والعشك لحظه عمر وتمر علينه

و يلى طعم المستحه على عيونكم
ويلي ويلي
ويلي شوكي يذوب بين ارموشكم
ويلي ويلي

ضليت امشي اريد بس اوصل وكفني صوته
ربي راح يشوفونه ويسويله مشكله والله
رضا هلمره يذبحني فات كدامي

وهوه ماشي حجه ثواني امشي وراي بهلي القطعه
احجي وياج وروحي

ضليت لا اخذ ولا انطي التفت " وداعت دموعج ينزلن تيزاب على كلبي بس احجي وياج وهاي هيه مااطول
وياج "

ماكدرت اجيت امشي لزمني من طرف عباتي "وسترج الزينبي وحك جدج الحسين مااطول وياج دقيقه وروحي خوفي من العالم يشوفنه

اخاف عليج من رمش عينج بعد كلبي بس كلمتين
ضل يتوسل بيه مشايفته بهذا الضعف

مشه بعد مشافني دنكت عبر للقطعه مشيت وراا واني رجليه مااسيطر عليهن نفسي يرجف من الخوف

وكف بسد الحايط اليعبر مايشوفنه لان القطعه ميسجه من ذاك الجانب ربع حايط وكف سحب نفس مدنك

ايدي وره ضهره" جبروج لو برضاتج "

نزلن دموعي بشهكه حسيته دار عيوني على عروك ايدي بارزات من اعصابه سكتت فرك كصته حيل

نفسه عالي اطول من الحايط دار يباوع و رد دنك حتى صوت ريكه عالي "بس ريحيني براضتج لو غصب عنج احلفج بضلع الزهره لا جذبين عليه انتي طاهره ونقيه
خليج هيج بنضري ولا تلوثين صورتج بعيوني"

ماكدرت احجي " ابريني الذمه تميم كال اششش تحركيني من دكولين اسمي واني مو كادر اسوي شي
ماطالب منج شي غير جاوبيني تره وكفتنه غلط

وعلى اعصابي جايبج هنااا كل البوب نسدت بوجهي اخوج طلعني من ديني يرحم ابوج انتي راضيه بقسمتج
من ذاتج قبلتي لو ضغطو عليج واني محلفج باجدادج اذا انتي صدك مؤمنه "

كتله "رضا خيرني خفت يأذيك وقبلت بنصيبي"

لازم جهازه ضربه بكل قوته بلكاع صك على اسنانه " خره عليه شكو تخافين خيخه كدامج وتخافين

سكت كاتم غضبه ماتحمل كال من عساها بحضه وبخته اخوج زاني بيج انه ماخذج غير درب شافني مكبل.... فشر سكت فرك وجها حيل

وجها انكلب احمر ضرب الحايط برجله خفت نتر روحي يابنت الناس ادري هذا اخر لقاء النه بس خليها بالج يضل نفسي بيج لاخر نفس بريتي "

مشيت دموعي تنزل اريد اسيطر على روحي مفجوعه ا

وصلت للبيت امي بلطرمه شافتني لزمت كلبها حضنتها ماتحملت شبعت بجي تريد تفتهم مني وخرتني "يمه سوده عليه شبيج ولج احد سوالج شي"

اريد احجي مااكدر اهز براسي لا واشهك طلعت تكتم تريد تفهم وراها رضا اجه كال "شبيج ريحانه منو وياج"

من سمعته زدت بلبجي كوه كتلهم جلب ركض وراي

رضا " الحمدالله من الجلب تبجيني شكو تركضين ضلي واكفه هوه يخاف "

امي " يمه الرحمان هذا لو عاضج يمرضج سوده بوجهي يله يام كومي غسلي تكتم مي وشكر لا يصير بيها سكر "

جابتلي شربته طبيت غسلت بلحمام وطبيت الغرفتي
لليل اني مطالعه احس جسمي بعدها الرجفه بي

الكل نام كعدت اصلي صلاة اليل اصليها وره ال١٢ علمود انام لل ٢ كملت طلعت اشرب مي واكلي تفاحه جعت بابا المطبخ مفتوح ميحت عيوني يوجعني من البجي

اخذت دوركة مي اكو حركه بره خفت اجيت اطب اريد اوصل اسد الباب لمحت تكتم يم الباب بيدها شي وخرت من الباب صرت يظ الشباك وخرت البرده

رشت باب الشارع والطرمه وجرت بطل مي طشته كله يم العتبه وعلى كل الطرمه ضليت فاكه حلكي هاي شسوي

استغربت ركبتها معوجه سترك ربي خفت هاي تكتم لو غير شي بهيئتها

ثواني ودارت غميت روحي خاله التلفون بين اذنها وجتفها وتشتغل بأيدها وعاوجه ركبتها تسولف مااسمع لان صوتها ناصي وتتلفت سدته اجت تدخل ركضت طبيت للغرفه

كعدت افرك بيديه اماني حذرتني ومااخذت حجايتها ضليت ارجف سمعت قفلت الباب خيالها من جوه الباب يعكس وصلت يم باب غرفتي ومنا تصعد درج

وكفت شفت مي عبر الغرفتي من جوه الباب ركضت
عدي مي مقري علي بس شفتها صعدت رشي المي المقري عليه

بلحضتها الباب ندفع دفعه خلاني افقد ضليت اصرخ من الخوف نسيت حتى روحي بس اعيط نفتح الباب ابويا يريد يعبر عطت اوووكف والدي خنس كتله "اوووكف لا تعبر مي مي لا دوس عليه

دنك شافه عبره اجاني كعدت ادك على راسي"بسم الله الرحمان الرحيم بسم الله الواحد الاحد بسم الله الفرد الصمد بسم الله خالق العدم بسم الله النور بسم الله
دنكت وابويا يقره على راسي ربي جاي يصير بيتنه ثواني واسمع عيطة امي وصوت طبه طفرنه

باب غرفتي طايحه

....... يتبع