بين الكاف والنون
الثاني والسبعون
سجى الطائي🍃
سيف الدين
ارتاحيت من طمنت على الحجيه والشيخ بخير واصلين وام نور واصله بخير وسلامه من الصبح ماماكل غير الجاي
حرت شسوي الحجيه مصفيه المسواك والثلاجه فارغه لكيت طماطتين اخذتهن نعمه حميت الطاوه وخليت الزيت سوبت الطماطه اقراص
دك جهازي عمار خليته على اذني ورفعت كتفي مثل واحد مايل راسه على كتفه
ضليت اثرب واسولف ويه عمار
عمار" شسوي اطكطك
سيف" ااثرم"
عمار "تثرم شنو"
سيف" طماطه حمس"
عمار "مشروع چنه بيها الخير"
سيف"لاصير عار جوعان وين اروح"
عمار" زقوم بطنك وبطن الخلفوك اعزم يااخي بلجذب شاملك ماشايف ماماكل كبل كول شبيك تتراجف هنه طماطات وخيرات وخبزات شبيك، اح تموت"
صفنت مستغرب طفرته "شبيك فتحت الغاره تريد تجي تعال"
عمار"مااريد انت مثل عزيمة....... "
سكتت شحاجي "عمي تعال ها اها مااكل لكمه اذا مو انت تجي"
عمار"اني شون بمرتي متكدر دوني اروحلج فدوه سندوسه جاي ركض بس على كيفج لا تتزوكين وتخرعيني حبيبه "
سيف"عمار اسبك هسه تعال ونجب "
نعم صوته "اخخخ هلكد مشتاقلي اووووي خرعتني يخراشي من اجيك ماتمعطني تره اني بنية كيوت واخاف من الحمشين"
سيف "استغفرالله ربي"
عمار اذا الك خلك تتمركص عليه اذا الزمك اشوغك دين الله حق "
عمار"او ووووي الحمشي اخخخ. خ. خ شسويلي تاخذلك جوله رومانتك اه كون بين ايدك واسلم حالي ليك واخذلي معطتين كام يغني ويلزك
ماتحملته تفلت عليه وسديته عمار يصعدلي ضغدي واني مااتحمل شقااا يدوس بالبطن الرائد يتونس عليه من يفك حلكه بعد مايسده يونسهم
حميت الخبز ثرمت خياره ودولكت مي وكعدت بالكاع والصينيه كدامي اكل وبالي هواي امور
اكل محاس على روحي بالي مو يم النعمه كملت كمت شلت الصينيه غسل الماعين غليتهن بمكانهن
خليت القوري على النار بي مي يفور واطفي واخلي الجاي طريقة الحجيه
بين ميصير الچاي ورثتلي جكاره افتريت بالمطبخ وكفت على دكت باب استغربت منو يجي بهذا الوقت
صعدت على الكاونتر يم الشباك الباب الشارع مسافه بعيده والسياج عالي والباب هم مينشاف الشخص
نزلت سحبت سلاحي سحبت اقسام طلعت للديوان خالين ميز وعليه تحفيه نزلتها وسحبت الميز الجام مضلل يعني ماانشاف وخرت البرده بلاخص الشباك من السكف للكاع
واكف شخص مامبين بس شعره نزلت طلعت وسلاحي بيدي المنطقه خطره والاخباريات التجي جارك متعرفه اذا وياك لو منضم هواي من الناس انضمت خوف واكو بيهم انغسلت عقولهم
وبيتنه معروف بلمنطقه وزياد حياته اكثر خطر
تمشيت طلعت للطرمه بدون صوت وصلت للباب بي زرف حاولت اشوف مامبين رجع دك الباب حيل صاح"هيووووو سيف منثبر بغرفتك سسسسسيف "
الشارع صنطه وهذا حس ك....... خرب لشتك عمار فتحت الباب "شجابك حيوان"
دفعني وفات" مدكلي نايم هسه لو مزوج اعذرك حركتني الشمس خرب دوخر "
راح يدردم للمغسله غسل وجها قتت فتحت الديوان اجه راسه ينكط مي "شبيك جنك عجوز ماكلين عشاها"
فات للديوان بحذائه القذر والديوان مفروش من الباب للباب صحت" قنادرك هيوووو انزع يلقذر الجايف المعفن "
وكف صفن دفعته طلعته دنك نزع وفات سديت الباب ورا
"مي بارد يبس ريكي"
جبتله من مجمدة بمطبخ الديوان كراتين بطاله نخليهن للخطار شمرتله واحدشرب ومدد ياخذ نفس صاير احمر من الشمس
كال" نعلله لشتك شتلتني بالباب اطرم مدكلي ساد اذانك"
سيف" اكل نعل ماادري بيك وماشفتك من الكامر منطيني ضهرك مامتوقعك انت "
سكت جر كوشه خلاها جوه راسه نام عفته شغلة السبلت الثاني الديوان جبير ميبرد بسبلت واحد طفيت الضوه طلعت قفلت البيبان الخارجيه لان البيت
صاير بستان والمساحه وره البيت تعادل ٦٠٠ متر فارغه بس مزروعه اليطفر من الخارج مانحس بي مزود البيت بكامرات والبستان موزع عليه الكامرات
ضبطت كلشي رجعت للديوان مددت ارتاح نمت ساعه وكعدت باوعت عمار فاك حلكه لليل اني وياا بلبيت يفتر وراي بيت الخلفوو
اكله استحي ارجع للديوان يكلي استقر مداخلك للحمام
اهز راسي واستغفر ساق... مصيرله چاره
صلينه سوينه عشه مايخلو من تصنيف عمار لزم الورد الخالته امي بمزهريات على الدرج لمهن كلهن وسواهن مثل الباقه
عود هوه العريس وكف قدملياها اخذتها ركعته بيه " كلهن تلمهن وترجعهن المكانهن "
رجع كابل صورنه معلكات شاف فرات بشبابه من هوه مراهق شاف شواربه كعده صنف تصنيف شك بطني من الضحك "اخوك شواربه مثل شعر ايد بعلج اشيلهن "
كعد بعد ماخلص من جولته بالبيت " وين ناوي تستقر"
سيف"وين يعني غير بيتي "
عمار"استجن حبيبي بيتك شنو غير المنطقه فرغت تره بشارعكم ثنين بيوت تخذوهن مواقعهن تفيدهن وسوهن مقر"
سيف" زلمه اليدك الباب "
عفط الجايف "دكوووم زلمه غير ب-----قنبله يسيسوك ويا الربع اكعد حبيبي لم جوالاتك والحك اهلك اشرفلك"
سيف"اي ميخالف" مومال اجادله"
جر باكيتي سحب جكاره ورثه سحب اول نفس ركز وياي رفعتله حاجبي كال" البالك شيله لان تخسر روحك ومتحصل شي وبالاخص انت لاتنسه سيف هي مو مجرد محاوله لا روحك بيدك تحطها "
عمار" الامر دز لك هذا "شمره عليه كتاب استغفرة ربي" يابه زغير تتحكمون بقرارتي عمار لاتخبلني اني مو طفل
اعرف اصرف والخطه من زمان ماشي بيها لا يخاف عليه ماانكشف "
عمار"لااااا طفلللل طفل ونص تريد تشمر روحك بحلك الموت شيسموها وانت كلها تحتاجك الرائد مستعد يضحي بينه ومايضحي بيك "
سيف"بيكم البركه خلوني بشغلي لحد يدخل "
عمار جن جنونه واني مصر خلال ذاك السبوع جنت مفكر بيها ومستعد انفضه بس ينطوني الامر وقدمت طلبي ومنتضر الجواب
عمار من نوع ميقنع ويسكت لا يضل يحجي بزعني واني ابرر واحجي اخر شي طلع
لثاني يوم بدلت ورحت للدائرة كاعد بمكتبي ساعه ودخل الرائد صعب فات وبيده ورقة الامر
فات عصبي وكفت تفضل سيدي
نتر "خليت بيها سيدي اكعد افتهم منك"
مااخلاني احجي فرغت مكاني كعد مقابيلي اضطريت ارجع المكاني " اي سيف اسمعك شنو البالك"
سيف"سيدي قراري ماخذه وحاسم امري اريد انضم الهم
عدي اولويات عملهم ماكو مانع يخليني اتراجع"
الرائد " ابني انت متصور العمل وياهم بهاي السهوله
محتاجك وياي كل شخص واله مكانه وانت شغلك
هنا غيرك كفوو وسدو مكانك "
سيف"يعني شنوو "
الرائد"التفت العمل وكف طلع من جيبه ورقه رفض الطلب عافني وطلع منطاني مجال احجي ويااا
فركت راسي حيل استغفر اني اكدر اشتغل وراي الرائد
فات عمار مدر راسه يركص بحواجبه جريت المطفايه اجيت انيمها براسه شراد يضحك
لليل خابرني الحجي تعال سكتت ماعارضته
تعبان وراسي من التفكير يريد ينفجر جهزت نفسي الصبح طلعت وياي عسكريين
عبرت على ايران و من ايران على سليمانيه مده يومين بالطريق
على الاهواز
و صلت اربيل بس ما ارتاحيت و نزلت اثاث للبيت
وشد وحط غير بيت زياد اسبوع طلعو من خشمي
صار موعد التحاقي رجعت البغداد طيران
لان اجه امر نقلنه العمليات المشتركه ببغداد
عمار وجهاد وياي
صار دوامي شهر نزول اسبوع نفسيتي صارة صفر المناطق. بدة تسقط بايدي داعش استولو على الانبار
كل المنطقه سقطت بيد د١عش
شكد حاولت انقل لمكافحة الارهاب يجي الرفض واكيد الرائد والحجي الهم ايد بلرفض
بالاخص الشيخ معارفه واصله للقمر اول
نزول الهم المنطقه حلوه صح جبليه بس مرتبه بيوتهم مو جبيره
بس سد الحاجه وراقيه بيوتهم بنائهم بترتيب
شويه اخذ نفس من انزل اسمع جماعتي وضافر يسولفلون عن الحرب وينقلون الاخبار
دمي يفور والشيخ واكفلي عظم بالزردوم تعبت الحجيه تضغط عليه بسالفة الزواج واني اتحججلها بلوضع
كانت اكثر اصرار بعد ماشافت بنية من المنطقه ام نور والحجيه اكلن راسي بيها
لحد ما خضعت للامر الواقع رتبلي لقاء وياها طلعنه لحديقه صايره مسافه عن مكان السكن والجو حلو يعجبك بس تمشي
اجت وياي ام نور ونور وهمام وصلنه للمكان كانت الطبيعه تجذب والخضار والجو جميل
اكو مساطب كعدت ام نور ونور همام جايب طوبته اخذتها مسافه نلعب حوالي ربع ساعه اني وهمام نتغالب
المطي كل شويه منجبح واكومه
سمعت صوت ام نور التفتت ثنين بنات شابات واكفات
اخذت نفس ومشيت وصلت قريب
ام نور ضحكت واشرتلي اتقرب اكثر ضاق صدري تقربت ام نور عرفتني رفعت نضري العهن بعد ماجانت نضرتي بعيده عنهن
بنات شابات وحده سافرات وحده شكره والثانية شعرها اسود فحم طويل حيل الشكره شعرها محلول لنص ضهرها ثنينهن يباعن
هزيت راسي من سلمن حتى مارديت درت وجهي الهمام صحت "تعال لا تبتعد مطي"
مرتاحيت المنضرهن رغم جمالهن الشكره نازله من اوربا العيون شذر من البياض تجدح غوشت بياضها
حسيتهن خفيفات منطلقات يسولفن ويا ام نور واني واكف ساكت كعدن على المساطب اني على وكفتي
هسه اني شقنعني ساعه يسولفن واني كلما يحاجني
كوه اجاوب
الشكره فصلتني اختها عيونها ماوكفن يركصن كصتني كص لعبت نفسي ترخصت وكمت
عفتهن ورجعت للبيت ام نور من ترخصت وجها انطه الوان شسويلج عاتب عليج
لليل امي من سمعت نفس الاسطوانه والكلام "حجيه مقتنعه انتي لا تخبلوني هنه وين اني وين"
"شبيهن جمال واخلاق ويدرسن وحده طب والثانية مضيفة طيران"
سيف"هزيت ايدي لا هاي هيه ربحت مضيفة كيران يمه ابوس راسج فكيني من سالفة الزواج اني من اقتنع اجيج وانتي خطبي"
امي" شمحصله منك سكتني وضال انت هيج بطرك رويحتك اني اعرفك تموتني وماتزوج"
اخذت نفس الشيخ يسمع واكيد يأيدها مااخلي بخاطرها
منو تقبل بواحد. ماعده اهل وميعرف اصله وين
٢٠١٤ اتعس سنه مرت على الشعب خبر ورا خبر غير الانفجارات المستمره بغداد
لحد واقعت مجزرة سبايكر
سديم
بعد ماامي اخذت السحر ايام توالت بعدها ونفس الحزن مخيم علينه كانت حياتي عباره عن بيت وتفكير وارهاق
وخنكه مااحس باي طعم للراحه
شنو البحياتي حلو غير اخويا تحسين ورةح وعافني
احن الابويه احن الحنانه اريد اب مثل بقية الناس يتفقدني يسال هليه يهمه امري يسندني
فاقده هذا الشعور التجئة القصي وكت الحتاجيت حنان من احد احتاجيت نصيحه احد يهون علي فقدان اخويا
ايام واني احس بلوحده الكئابه تاكل بيه يوم عن يوم
ومااعرف انو هذا مصير اعيش بحياة مو منصفه
اعيش تحت رحمة اب قاسي وام فقيره راح تنصفني الحياة لو تعدم وجودي واني بلوجود
حسام لليوم ميحاجيني وحقه واني ساكته وعاذرته ميحس بلاحس بي ميدري شنو مشاعري
الصبح واكفه اعزل بلثلاجه مطلعه غراضها نضفتها ومسحتها رجعت الغراض بمكانهن ورجعت المخضر
بيها
سديتها مسحت وجها سمعت صوت الباب غسلت وصلة المسح نشفتها
رجعت قاط ثاني على الثلاجه كملته اماني بلهول تحجي ويا امي ركضت غسلت ايديها ورحت سلمت عليها
عفت اماني ويه امي طلعت مي بارد من الثلاجه خليت القوري على الطباخ سويت جاي جديد
التهيت بااماني من تجي تغيرلي جوو ولو شويه
للعصر امي راحت تواجب كرايبنه اماني بالمطبخ واني بلغرفه عزلتها ومسحتها
حاره لحد هسه محد صلح المبرده ولا البنكه الحر اكل جسمي ماعدي مكان غيره اكدر انام بي
فاتت اماني بيدها صينية بيها ماعون كعك كلاصات ببسي
كعدنه نسولف وناكل كل ماارفع عيني الكه اختي تباوعلي
حسيت بيها تريد تحجي ونضرتها خوفتني
اماني"سديم ضامه عني شي"
استغربة سؤالها هزيت راسي"لا مافهمت "
اماني "سؤالي واضح حبل الكذب قصير من هسه كليلي ضامه عني شي اكدر اساعدج"
سكتت مااعرف شكلها اريد انكر سبقتني كال"منو قصي " نبهتت ريكي نشف دنكت شريد اكول انكر مااكدر
منين عرفت قصي
كالت " مراح اعاتبج بس هوه اذا صدك يحبج يجي يتقدملج وانطيته مهله ٣ اشهر بي زود يشوفنه جهرته
حذرته يتقربلج بس خليها بالج اذا سمعت لو شفتج متواصله وياج اخرب وياج واتنتهي خوتنه "
عافتني بصدمتي وكامت ضايجه مني
ركضت وراها "اماني شكالج"
" يحبج يظك باب اهلج "
سديم" اماني ليش استعجلتي مامتمكن بعده ويدرس "
اماني"مشكلته واني خابرته وكتله انت تقبل احد يحجي ويا خواتك ضل يماطل من شافني منطيته مجال كال مااقبله فهمته بناتنه مو للعب يريدج يجي يخطب
كلاواته مال هوه طالب ومامكون نفسه وهوه يختلف عن الشباب ويطلعلي عضلاته مو عليه يمشيهن ويه غيري
واني هاي احذرج لا تتصبين بي افتهمتي"
هاا تدرين من احجي وياا واحد يمه يكله كلها خل تزوج تجذب "
سديم "شنو قصي ميحجي هيج"
اماني "ميهمني شيحجي وهو الحجه كال خل تتزوج اذا ماتقدم هاي الفتره انسي حاله حال غيره يضحكون على البنات باسم الحب والزواج"
سدم "منين عرفتي رقمه"
ابتسمت نص ابتسامه " ماسحه رقمه من المستلمه وعايفته بالصادره"
عافتني حايره وراحت غميت روحي على الغباء العدي شون انسه رقمه لليل راحت اماني اخذها زوجها
جاهدت كدامها ماردت تنزل دمعه مني قصي مامستقر وبعده طالب ماعده امكانية يزوج
اخوانه الاكبر منه مامزوجين ماعدي غير الدموع
مشت الايام اعتذرت من حسام بالتواسيل جابلي تلفون طكيت من الوحده الاني بيها
طلعلي حسام شريحه تلفون اتصلة بالبنات هبه ودق
نزلت لعبه كلمات متقطعه اكملها روحي صارة بيها كد ماالعبه وصلت بيها مراحل متقدمه
مندمجه العب دك جهازي رقم غريب الساعه ب١١ يعني وقت نوم اهلي من ٩ ينامون كلها تكعد من وكت
سويته صامت خفت هذا قصي منين جاب الرقم منين كدر يحصله لا وين يكدر ياخذ رقمي بس اهلي يعرفون بخطي الجديد وخواتي وصديقاتي هبه و ودق
ضل الرقم ايام يتصل واني ماارد اخاف من حسام يشك
اغلقه واخلي بالغرفه
لحد بيوم اجتني رساله مضمونها (اني عثمان اخو ابو حمزه ردي من اتصل)
ضليت صافنه هذا حما اختي
اتصل جاوبت "الووو سديم"
سديم"نعم تفضل"
عثمان "زاد فضلج شونج اخبارج"
سديم " بنعمه الحمدالله تفصل رايد شي"
عثمان "سلامتج حبيت اسلم عليج"
سديم"الله يسلمك ويزيدك"
عثمان" وين وصلتي بالدراسه"
سديم " مرحله ثانيه"
ضل يسال عني ضوجني بسالته ماحبيت اطول وياا شويه وسديته
سده لزمت كلبي شجابه عليه حتى ماشايفته غير كم مره بزواج اماني لان زوج اماني اقارب زوج اريام لهذا كانو حاضرين
ومره من اجة اماني هوه جاي على تحسين من دخلت للصاله جان موجود هاي اول مره اشوفها ويشوفني بعد العرس
وثالث مره من اريام دزت غراض بيده اتصاله شغل بالي شيريد مني ومتصل عليه
مشت الايام صار شهر مشايفه قصي ميروح من بالي قصي زرع بيه حبه بدون مااحاسه على نفسي تعمقت بي
امي دخلت للمطبخ اني وزوجت حسام موجودات
امي "يمه هذا جهازي مخلص رصيد ماتخابريلي ربى"
الجهاز بجيبي طلعته "فتحته اريد ادخل الجهات الاتصال وكف مايتحرك حاولت وياا مااعرف شبي
سديم"يمه جهازي علك شوفي حسام"
زوجته "طالع حسام ماموجود"
امي " دهاج هاي فلوس روحي جيبيلي رصيد بالي يم اختج مو من عوايدها هيج تتاخر ماتجينه"
اخذت منها الفلوس جريت عبايت امي لبستها ولبست نعالي تكرمون ابو الاصبع طلعت المحل مسافه من يمنه
ويه طلعتي شفت سياره طابكه بعيد من بيتنه هذا قصي لزمت كلبي مشيت واني اتلفت خايفه منه مخبل كلشي
يسوي
اجيت ارجع بس شكول الامي ركض اشتريت رصيد ورجعت للبيت واني ادعي كون ما يسوي شي
كل شويه اركض اباوع من زرف الباب بعده لو روح
لحد. مااراح اني زايعه العافيه
سبوع مر وبيوم نزل حسام من فوك اني وامي بالهول كاعدين امي تقره قرأن ختمه الروح تحسين واني
بصفها اكوي بملابس ماضل شهر ونص على الدوام
حسام وكفه اول بايه وجها احمر ورا زوجته تباوعلنه وتبتسم
امي رفعت راسها صدقت وسدة المصحف "خيرك يمه شبيك"
عيونه عليه يريد ياكلني "امشي للصاله" كالها بدون مايلتفت حتى على امي
باوعت الامي خفت منه امي " شتريد منها نازل مدرعم "
كال" امشي سديم يمه لحكينه "طب للصاله اني وامي وحده تباوع للثانيه
مشيت ورا امي دخلنه للصاله كعدت مقابله وامي تباوعلنه كال" شعدج ويه عثمان"
بهتت ياعثمان "كتله عثمان منو حتى نسيت عثمان"
نتر"عثمان حما اريام خانم"
سديم "والله مااعرفه وماعدي شيا وياا"
صاح"لتحلفين جذب ماعدج شي ويااا واتصالاتكم ومخابراتكم هااا بيدي مرتين لزمتج
ثقيت بيج وسلمتج تلفون ومخليج تكملين وداومين ومطيج مطلق الحريه
دنكت كال"هسه سولفي شعدج وياا عثمان شنو البينكم"
خنكتني العبره" خويه صدكني مابينه شي اني وياا مجرد قبل كم يوم خابرني مرد عرف عن نفسه وعمله وبعد ماتتصل "
حسام " وين تلفونج بس رسائلكم "
سديم "اتصال والله ومره وحده قبلها دزلي رساله لان جنت مااجاوبه"
حسام"جيبي تلفونج"
ركضت اخذت تلفوني من الكنتور جنت ضامته رجعت للصاله انطيته اله اخذه كتله"هوه صارله كم يوم يعلك وميشتغل
بس فتح الرمز الجهاز اشتغل مابي شي باوعلي بغضب نزلت دمعتي يارب شنو اليصير وياي
والله جان مايشتغل ولا يتحرك الشاشه واكفه حتى شامرته اني واكفه وحسام كاعد قريبه منه
عيوني تكت دمع حسام صاير نار وصلت رساله الجهازي فتحها حسام من الفايبر
شهكت من عثمان فتح الرساله صوره العثمان ومكتوب جواها كلام غزل حسام باوعلي
ثبتت عليه التهمه كلبي احسه يريد يطلع
حيام لاصدك والقران ماببنه شي والله ماعدي وياا اي
تواصل فدوه لا صدك والله خابره وساله اذا اني مخابرته او هوه والله بس مره وحده
احجي واشهك حسام راص على ايده صاح " شخابره سديم الولد طلبج وكال بينكم علاقة سنتين وتلتقون ويه بعض بلبستان مال الشيخ
شهكت لطمت على صدي امي مامصدكه بس تباوع بعيونها باوعتلها بترجي
"بيش تحلفلك كله جذب جذاب والله جذاب ولج يمه اني طالعه مو كدامج باب الشارع ماافتحه احجيلج كلمه"
امي" يمه متاكد اختك طول اليوم يمي حتى من حانت داوم ماتتاخر وشفت تنزل من الخط اول وحده والبنات وياها"
حسام " اصدك منو لو منو يمه الولد ميخاف على روحه علمود يجذب بهيج موضوع لومامتاكد من نفسه يجي ويكلي بصراحه على علاقته غير مايسويها"
كعدت الطم "والله والله يجذي حسام لا صدكه ولج يمه يتبله عليه اني حتى مااعرفه ذاك اليوم عرفته وينها علاقتنه"
امي"شنو دليله بينه وبين اختك علاقه"
حسام صاح" اروح اخزي روحي واكله انطيني دليل لومابنتج الماتتسمه راحت نزلت راسي ويامن ويا عثمان الكاع ماجرعه بذني اسمعها تخابره اذا ماعدها علاقه بي
منو التحجي وياا هااااة منو
ضليت ابجي والطم حسام كال اخر شي وطلع اعصاب
امي خزرتني "يمه والله صدكيني اني بنتج وكدام عينج صدكين بينه علاقه"
عافتني بضيمي وطلعت ربي المن اشكي همي بس دموعي على خدي المايخاف من ربه يتبله عليه
شكله قصي هذا مو عثمان اعم على روحي
انحطيت بين نارين عيوني راحن واني ادك والطم بالصاله محد دخل وشاف حالي
يومين اني لا اكل ولا شرب بس الدمعه بعيني صرة منبوءه حسام ميحجي وياي امي حتى الصبح مدكعدني انضف وياها ولا تسال
انهضمت من تصرفهم ومحد بيهم يصدكني مابينه شي ثبتت عليه التهمه دهيت عليهمن كلبي ودمعتي عاى خدي ليش هيج يتهمني مايخاف
للعصر اني عيوني مااكدر افتحهن من البجي دنيا عصر وبس البنكه تفتر حاره جسمي مبند ماتكدر احرك نفسي
نفتح باب الغرفه طبت نعمه درة وجهي كالت"كومي عيني غسلي وبدلي عيال اختج هنا"
باوعتلها "شعليه ببهم"
نعمه" غير عليج جايين يخطبوج عشتوو"
سديم "مااطلع واذا سالوج كليلهم نايمه ميته كيفج"
نعمه"ولج كومي انتي هم دافره النعمه من يمج غير خير خير يغركج كومي بدلي ولبسي شبيج"
سديم اجيت اكوم ادفره نترت"معليج بيه كيفي مااريده"
هزت ايدها ويطبج مرض لاتردي الله هم ينطي حوز للماعده سنون"
عافتني وطلعت ضليت بعتمت الغرفه وره ساعه راحو
ماتحركت محد طب وسال عني
نمت بمكاني عشت هذا الاسبوع بضياع مجرد اطلع اكل لكمه واشرب مي وكون بوقت نومهم
عثمان مرتين تقدم ومن يجون يحاحوني ابجي والطم
وادعي بكلبي وينك قصي تعال شوف حالي
سبوع عده واني محاربه من اهلي من حسام سبوعين اني عايشه مجرد جسد لحد يوم قبل عيد الاضحى بأربع ايام
فات حسام واول مره اشوفه بعد سبوعين انقطاع صاح " اليوم يجي عثمان واهله اذا رفضتي حضج اطيحه وغصب عنج تقبلين "
سديم " خويه لا تكسر بختي وتضلمني ليش مصدكهم ومصدك بيه لا تجبرني فدوه اروحلك"
يمه الشاحنه قريبه يم الباب شالها وشمرها بقوته صارت يمي ماكختني اجت بالحايط الوراي تفلشت صرخت
حسام" الج عين وتعارضين مو هذا حبيب الكلب وسنتين انتو وعلاقتكم ولقائاتكم بلبستان سدي حلكج وتاخذي سواء قبلتي او لا "
بجيت بصوت ركضت لزمت ايده اتوسل دفعني بقوته رجعت على ضهري ماهتميت لوجع ضهري بكد الحزن البداخلي
طلع وركع الباي ضليت ابجي بحركه عيوني ماوكفن اسمع صوت صياحه ويه امي
كضيت ايدي اعض بيها اريد نار كلبي تطفه تعبت شنو ذنبي يتهموني وياا واني عمري مالتقيت بي
ريحانه
من فتت للبيت خالتي كانت ضايجه واضح عليها باجيه وعمتهم يمها ومبين عليها القلق
ماسالت ولا دققت وياهم شفت زينب كاعده بالمطبخ تقره عفتها وبلشت اعزل وانضف كضيت اليوم بالبيت ماخليت شي وراي
عمتهم رجعت البيتها ثاني يوم كعدت منز الفجر كملت باقي الجزء بعد الصلا
لل٨خلصت الجزء حفظته وجودي يم اهلي ساعدني اكمل الحفظ حمدة ربي من كملت جزء الثامن عشر
طلعت من الغرفه البيت هدوء دائماً خالتي شفتها واكفه ترتب بميز الطعام
صبحت عليها "هلا يمه صباحج عافيه"
سويت ريوك تريكنه سوه سالته على السيد "اليوم يجون طيارتهم ساعه ب٩ ان شاءلله للضهر همه واصلين
صدك للضهر اني مكمله البيت خالتي وياي تفتر سمعت صوت الباب
خالتي طلعت قبلي واني وراها بكامل حجابي فتحته فات سيد احمد ورا مصطفى خالتي حضنت مصطفى وهوه شبكها بثنين ايدي باسها براسها وهي تبوس بي
وخر عنها سلمت على احمد فاتو شافني السيد اشرلي براسه تعالي تقرب نص الطرمه سلمت على احمد وسلمت على مصطفى من بعيد ورجعت للمطبخ
طب مصطفى" جنج مامشتاقتلي "
دنكت "لا استحيت من سيد احمد"
تقرب جرني حضني خالتي فاتت وخرت خالتي " يمه الحمدالله على سلامتك شوفتك ترد الروح تقربت باسته مره لاخ وهوه بوس راسها
وخرت خالتي فات مصطفى شويه وفات احمد بيده الجنط دخلهن للمطبخ وفات للهول
التهيت اسويلهم غده انخبصت وخالتي وياي معافتني
مدت السفره فتت بيدي صينية المواعين وكف سيد احمد اخذها مني وزعهن بلسفر
مصطفى اشرلي لا دنكين كمت ماادنك بس اجيب المواعين بلصينيه وانطيها الاحمد
زينب ستوها كاعده من النوم شافت اخوها شهكت وركضت حضنته حتى مانتبهت الوجود سيد احمد الولد دنك لان جانت لابسه تراك نوع وبدون حجاب
مصطفى مافشلها حضنها وباسها همس بذنها شهكت ورفعت راسها شافت سيد احمد ركضت للغرفه
خلص اليوم بين جيت مصطفى وبين جيتهم عمتهم وزيد وبيت خالتهم سوالف وضحك مصطفى شويه نفسيتة احسن والدم راجع بوجها
لليل فرغ البيت خالتي توضت ودخلت الغرفتها زينب تقره بالصاله مصطفى سبح وطب الغرفتي دخلت ورا نزعت الحجاب متت من الحر دشداشه وجوها بطانه طويله
وحجاب وقدمات شصار بحالي اخذت دشداشة نوم وروب طويل وطبيت للحمام سبحت لبست وطلعت
طبيت للغرفه لافه شعري بخاولي وشعري طويل ومتعبني
ناوية اكصه بس السيد معارض اول ماكتله كال" اكص ايديج وياا بس تمدين ايدج وتكصي"
نشفت شعري وسرحته وضفرته واصل الركبتي من الضهره يوصل جوه وركي
رشيت عطر طفيت الضوه مصطفى نايم ومددت بمكاني
مجرد تغطيت وياا دار وجرني عليه
ضليت ساكنه بدون حركه شفته ماتحرك غمضت عيوني
نمت مرت الايام مصطفى تغير افضل وحالتة النفسيه
يسولف طبيعي ويضحك بس ميتقربلي مثل قبل يشرب علاج كومه ملتزم بي مايغفل عن العلاج
ولا يتيه الوقت بنتضام موقت منبه جهازه فترة مرت شهرين وبده يتقربلي وهنا كان وقتها ضهر تعبانه من شغل البيت ولد خالته وعمته يمنه
مي وجاي غير العشه والغده خالتي بس تركب تنضيف البيت يومي هنا طاقتي خلصت بديت اتعب بشكل ومالحك حتى اكعد يادوب اصلي صلاة الواجبه
جناين خالتهم يوميه العصر يسيرن يمنه وجهالهن وياهن غير وكاحتهم وهوستهم
ضهريه مدده ستوني سابحه من خلصت شغلي وصليت وغديتهم سبحت وطلعت حتى مامشطت اريد انام مصطفى تقرب مني حضني وعرفته من حركاته يريد يتقرب
واني راسي يوجعني وجسمي تعبان ونعسانه من فرة البيت غسلت قطع الشتويه خالتي بين فتره وفتره نغسل قسم
ماتحملت ثكل جسمه ولا خوفي دفعته ابجي " ارحموني والله تعبانه مصطفى جسمك ثكيل نخنكني "
مصطفى" اذيتج"
ريحانه"خنكتني وخر عني "
لزمني يريد يحضني دفعته ابجي وخر مستغرب من تصرفي كمت ابجي بصوت كعد يفهم مني كل ميتقرب مني ادفعه لامه روحي
مصطفى"شبيج عيوني شبيج منو وياج بس فهميني "
سكتت شكله وجودك يخنكني لو تعبت نفسي لو تعبت من خطاركم والشغل الاشتغله من ضغط النفسي
ضليت ابجي وكف يستغفر عافني ماحاجاني ولا لح طلع وسد الباب
اخذتن نفس صدري قبط كرهت روحي مااعرف شصرف كل مشاعر ماعدي ولا اريد اغضب ربي تعبت من التفكير
تعبت واني اجبر نفسي اتحمل
ضليت ساعات اني لافه روحي وابجي رجع مدد ونام
كعدت الصبح مالكيته كمت لبست دشداشه طويله
طلعت لكيته هوه خالتي يتريكون صبحت عليهم رد بثكل
غسلت وكعدت اتريك وياهم خلص اليوم مصطفى ميحاجيني بس طبيعي كدام اهله
يومين هوه ماله شغل بيه لحد يوم جنت انضف بالهول ساحبه التخم وشايله الحصيره
اكرف بلمي بالماسحه غاسله سيراميك الحمام من الصبح
كملت مسح جريت التخم ارجعه المكانه
رجعتهن المكانهن ضلت الزاويه بيه خشب وبيها رفوف كانو ميز متصل ويه التخم
ثكيل منزله كل غراضه وادفع بي ارجعه المكانه هالتي صاحت مصطفى يااشبيك يمه
حسيت بجرت كصيبتي وكفت الزم ضفيرتي اريد افتهم شكو عطت من قوة الزمه درت وجعي مصطفى عيونه حمر جرني من كصيبتي طحت الكاشي باقي بي مي ويزحلك طيعتي صارت على ايدي
الالم ذبحني صحت من كلبي لف كصيبتي على ايده ويجر بيه ساكت بس هوه صاير بركان
اني اصرخ وخالتي تريد تلزمني طلعت زينب على عياطي دخلني الغرفه وقفله
لزمت ايدي كمت اكمز من الالم جر حزامه هنا نتهيت
كضني ضرب لحد ماتعب واني كل عيطه تطلع من كلبي
ايدي فوك الالم الحزام يجي عليها شعوطت روحي لميت روحي احمي ايدي الالم ماينحمل
من كل مكان الضري يجيني عيوني انتهن ابجي واصيح اريظ بس يوخر مني اكثر من هذا الضرب تعب دفرني برجله على بطني
كل خذا الضرب وهوه حرف مانطق ساعه اني جوه ايده اصرخ والوذ بربي اريد احد يطلعني ويرحمني
جسمي كمت مااحس بالالم ولا احس اني عايشه لو متت حتى الصوت مااسمعه ولا احس بالدنيا
مااعرف شكد مر وقت بس سمعت صوت بجي رفعت جسمي مااكدر ايدي تصل عليه من احركها تشوغ روحي عدلت روحي شفته مدنك واكتافه تهتز كتله مصطفى
اريد بس يشوف ايدي اريد اموت من الالم
رفع راسه شافني وكف مسح وجها " انتي طالق يجي ابوج ياخذج باجر توصلج ورقت طلاكج "
..... يتبع
اعتذر
اعتذر
اعتذر
مساء الخير
اعتذر عن انقطاعي هاي اليومين اسم الله عليكم فجئه وكعت كلبي ويصير عدي ضيق بالتنفس وحتى جهاز مااكدر الزمه
تقبلوي اعتذاري
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!