بين الكاف والنون
الرابع والستون
سجى الطائي
ضمني بليل ثاني وحل حلال الخل
شحيحه آفراحنه ودکانه معزل
الضحكة نبوكها من الاه واليا ويل
وصيآد الهموم بدفتره يسجل
ريحانه
كلبي يتكطع اعيش الوجع بكل انواعه مصطفى مطايقني كانو اني سبب الحادث حاولت اتقرب منه يصدني
اخجل من صوت عياطه وغلطه خالتي تبجي كانو مصطفى ثاني مالومه ولا اعاتبه بس ليش مينطيني
مجال اساعده
توصل بي ايام هوه نافرنه كلنه حتى زينب متتقرب منه
احمد وزيد متناوبين عليه
اليوم واكفه اسوي سوب العضام البيت نضفته من الصبح
وزينب بالمدرسه وخالتي كاعده تقره قرأن بغرفتها
كملت السوب طفيت الجدر مسحت المطبخ
كعدت على الكرسي ارتاح خليت ايديه على راسي منتجيه على الميز ماعدي طاقه فكري كله يمه
امتحاني صعب والهم ترس كلبي مااريد اكون من القانطين تمر ايام واني اخزن بداخلي مااعرف اشكي اخجل مااعرف المن اكول
امي وابويا يوميه يتصلون ويوصوني بي وهم ميدرون
منكلب انسان اخر بعيد عن السيد غمضت عيوني
همست بكلمات الدعاء اريد يبرد كلبي الهي عظم البلاء وبرح الخفاء وانكشف الغطاء وانقطع الرجاء وضاقت الارض ومنعت السماء وانت المستعان واليك المشتكى وعليك المعول في الشدة والرخاء اللهم صل على محمد وآل محمد اولي الامر والذين فرضت علينا طاعتهم وعرفتنا بذالك منزلتهم
ففرج عنا بحقهم فرجاً عاجلاً قريباً كلمح البصر او هو اقرب يامحمد ياعلي ياعلي يامحمد اكفياني فانكما كافيان وانصراني فانكما ناصران يامولانا ياصاحب الزمان الغوث الغوث الغوث
نزلت دمعتي ادركني يامولاي ماكدرت اكمل الدعاء بجيت بقهر ووجع
ضليت ساعه واني عيوني ماوكفن تعوذت من الشيطان كمت غسلت على السنك
دخلت للهول اخذتني رجليه للصاله فتحت الباب بحذر وبدون صوت مديت راسي المكان اضلم بس صوت نفسه عالي فتت وسديت الباب
شغلت الضوه الخافت مااريده يفز المغذي مخلص وساده فصلته وقت علاجه
رحت صبيتله سوب ونكعت ويااا خبز وجبته اله بعده على نومته حرت شون اكعده
تحرك وكفت عن الحركه دار وجها الجهتي فتح عيونه شافني ضل يباوعلي واني على وكفتي
عقج وجها كال بصوت مطبك صيحي امي الحوار منقطع بينه احسه متكأب فاقد الحياة
خليت الصينيه على الطبله وركضت الخالتي صحتها راحتله واني رحت توضيت اصلي اذن الضهر
كملت حتى صلاتي اختلفت كلشي بيه تغير جنت اصلي واقره قران وادعيه ساعه يله اكمل
هسه مكتفيه بس بلصلا واكوم مرات اذا ماعدي شي اصلي براحتي
هسه لازم اصب غده صبيت وكملت صحت زينب وخالتي
خلص اليوم بهذا الروتين حايرين بمصطفى وساعات مزاجه
وبين الخطار بليل اجت عمته بوستني بالمطبخ من دخلت "شونج عماتي"
"هلا عمه الحمدالله بخير فوتي خالتي يم مصطفى"
دخلت واسمع اصواتهم بالصاله ملتمين يمه وزيد موجود
الولد من يتواجدون اتجنب اطلع وارتبك مااحب اشوفهم مااعرف بعدها الخوفه بيه من اي رجال غريب امن بس بابويا ورضا ومصطفى
احس بيه نقص عن غيري محضره بشت عريض خالته بغرفت خالي اركض البسه اي خطار يجيهم السيد شرط حتى جواريب ماانزعهم اذا احد موجود واني متعوده
ماضجت من كلي قدمتلهم جاي وكليجه مسويها دخلت شافني زيد اخذها من ايدي الصينيه"جيبها خويه "
كعدت بصف خالتي وعمته يسولفون ويضحكون
زيد"عمي عاشت ايدج اول مره اشرب جاي معدل "
عمتي" اي والله يخبل جايها هي شون ريحونه تخبل
بالغافيه على مصطفى عليه كلها تسال عنها منين
جبتوها "
خالتي "ينطيها العافيه شايله البيت والخطار لوماهي اني وين الحك وهاي زينب مدرسه وامتحانات حتى دوامها خطيه اجلته على السنه التجي"
عمتي "ازمه وتمر ام مصطفى ربج لطف بحالج وحال هل ولد الحمدالله يمه وتباوع المصطفى مرت احمد ربك واشكره الدكتور اول ما طلع من عمليتك كال دعوله بقت يم ربه"
زيد"حجيه ماشايفه تصوير الحادث السياره وين شمرته طيرته بالجوو منشفت التصوير كلت هذا ابو سبع اروح "
ضحك زيد ومصطفى يمكن مجامله ابتسم وسكت
ترخصت منهم وكمت ضلو يسولفون صعدت سبحت وبدات شسورت شعري
شنو التغير بحياتي غير المكان والناس لبشت الجادر وبديت اكمل حفظ حتى ذاكرتي مو مثل قبل جنت
احفظ بسرعه هسه الورقه اضل بيها ثلث ايام يره تنحفظ
تعوذت من الشيطان كضيت اليل
ثاني يوم اخذو السيد البغداد نقلو بسعاف على حسابهم رجله من الول للطول شيايش وبراغي منضهرا يخوف عرفت من عمته مسويله بلاتين ضلو يومين ورجعو جابو زيد واحمد وخالتي جانت بايته يمنه عمته
طبوو شايلي وجها رايح صاير اصفر وعيونه داير مدايرهن احمر
ساعه وهم يمه يعدلون بكعدته ويشكلوله المغذي
حسيت على صياحه ركنه انيزينب دخلنه
يعيط من كلبه رايح منتهي صوته مبحوح كوه يعيط
يضري ايده بالحايط والايد الثاني بالجربايه رغم مجبسات كوه يحركهن
من قوة الالم حركهن زيد يسحب بلابره يريد خلي الدوه بالمغذي واحمد لازمه
يفر براسه من الالم صوته راح كلنه كابلنا نبجي خالتي كامت تلطم "الولد راحزيروح من ايديه ولك يمه منين اجتك هاااي كون بيه ولا بيك"
ساعتين هوه ماهدء كل عيطه يعيطها يشلع كلوبنه خالتي تعاركت ويه الولد دكلهم ضربو ابره مسكنه وهمه يكلولها
ماتفيد ماسكن المكسن مشبع بي جان اول الايام بس يضربو يسكن وينام هسه اشبع بجسمه
ميصير ابرتين ينضرب وهوه يريد يلزم زيد ياكله بسنونه ميكدر ايديه يعيقنه لحد ماا سكت يون اليل كله كاعدين على كعدته لحد ماتعب ونام
خالتي ماعافته تقره على راسه للفجر وهي كاعده يمه
زينب نامت واني وعمته كاعدين زيد نام يمه
واحمد رجع مرت الايام مثل بعضها تعبت من صياح مصطفى اخاف اتقرب منه من بعيد اشوفه واحضر حتياجاته دوا على الوقت خالتي تنسه اكله
حمامه لو الولد يطببو لو يضل طول اليوم مطاب ميقبل نتقرب منه حتى تغسيل ميقبل خالتي تمسح جسمه ورله الصاحيه وجها ركبته غسلت راسه وهوه على الجربايه
خلته يكعد نص كعده نتجه على الجربايه بعد مازيد واحمد دفعوها من الحايط وكفت وراا خلت الخاولي داير مداير ركبتها خلت مي قليل كلش مجرد بللت شعره
وخلت شامبو هم قليل فركت راسه ورجعت خلت مي قليل ضلت تخلي مي وتمسحه بوصله وترجع تخلي لحمد ماوخرت الشامبوو ومسحت وجها رجع احمد مدده عدل
بس هاي شنو كل حركه مصطفى يرص على سنونه من الالم
الايام تمشي وهاي النه ثلث اشهر ومصطفى بده يتحسن نسبه ٤٠٪ فكو تجبيسة ايده بعد اخر روحه للطبيب مكدر ياخذو روحته شبه المستحيله جابوله الدكتور للبيت فحص ايده وجيكها سواله تمارين للعكس لازم يمشي عليهن
كمت يوميه الصبح بعد الريوك اسويله تمارين والضهر وبليل جنت اتردد اتقربله
الحوار بينه شبه منقطع مجرد اسوي تمارين الايده وابتعد
نضراته تلاحكني اخاف احجي اخاف يبدر مني تصرف يعصبه
اليوم النه سبع اشهر والسيد بده يوكف جابوله عكازه رباعيه يمشي عليها كدر يتخطه ذيج الايام واني تعودت على طبعه خالتي يومها تكضي ويااا تخاف عليه
هنا بدت مرحلت العلاج الفيزيائي بعد ماشالو جزء من السيام البرجله علاج مكثف وتمارين مكثفه
وصل مرحله جزع ومل كعد بالبيت ماقبل يكمل علاجه بسبب الم رجله البلاتين مربوط ويه العظم وهاي مرحله
استجابه الجزم للبلاتين خلال الايام الراحت بعد مخف الالم بدت مرحله العلاج الفيزيائي هنا السيد
تعب وملل الالم ينعاد عليه يوميه سيد احمد ياخذه ويرجعه من بده يمل اول مشافني طردني جنت جايبتله علاجه شمر الكلاص والعلاج
خالتي دخلت على صياحن وياي كوه سكتته واني رمضت للمطبخ ابجي صرت محط اله يلفرغ اعصابه بيه
تقتي خلصت وتعبت جزعت بس البجي وسيلتي خالتي متقبل عليه تجي ترضيني وسكتني
واني يوميه اشكو همي الربي على الصلا افرغ كل البداخلي مااعرف شون مرت هاي الايام مااعرف شون اجتازيتها وما فقدت عقلي
صالي بالسنه مرايحه بيت اهلي همه يجون اشوفهم رضا سنه مالامحته حتى من يجي يشوف مصطفى خالتي دخل الضيافه
نزلت للهول السيد وخالتي كاعدين زينب بغرفتها يحجون مامنتبهيلي
خالتي " ليش هل العناد رجلك بعدها مطايبه خل البت سبحك غير زوجتج "
مصطفى"ماتكدرلي يمه جسمي ثكيل وهي ناعمه اني اسبح وحدي"
خالتي "اذا هيج اخابر احمد يجي يعاونك وحدك صعبه"
مصطفى"يمه يمه ليش طلعين اعصابي وتلحين احمد ابتله بيه ماعده بيت عائله "
خالتي " اذا مو هوه اني ادخل وياك واعاونك "
استغفر وكال"يعني حالفه عليه اليوم"
فتت سكتو ضل عينه عليه كعدت بصف خالتي
اردفت سوده عليه حتى بايام عرسكم ماتهنيتو اشفتوو
كومي حبيبه كعدي بصف رلج وسولفو اشوفكم جن غربه دمو مره وزوجها حتى سالفه ماتجمعكم
كامت طبت الغرفتها واني على كعدتي عيوني بالكاع والعب باصابع ايدي اوخر التوتر
ثنينه ساكتين تنهد "ماتجين يمي"
رفعت راسي اشرلي بيده على المكان البصفه "
هزيت راسي لا مرتاحه هنااا
ابتسم بخفوت " الي من السماح شي في وجدانج "
هنا اني كل الايام المرت عليه صارت كبالي انهضمت نزلت دمعه مني سكت
ثواني وكام بعصبيه جر العكاز مشه دخل للصاله
ارغد
كعدت دايخ تميم صافن مايعرف شيحجي عكد حوتجبه تقرب مني سحبني بايد وحده رص على سنونه
"مااصدك ارغد انت انت ادنس عرض اخوك ولك شنو حيوانت انت مجرد من الانسانيه لك عرضك عرضك بحساب اختك مرت اخوك اختك اختك ياناقص رجوله
خررب ارغد مااصدك ليش ولك ليش ضل ينتر بيه واني حرف مانطق دفعني جهري صار على الكاونتر حسيت الحافه نبتت بضهري
كوه حجيت" لا تحكم بدون ماتسمعني اني مو ناقص غيره واحط عيني على زوجت اخوي اني هم عدي مره واخاف عليها "
بعدني مامكمل كلامي الراجدي فر راسي عضيت شفتي حيل غمضت عيوني اخذت نفس ودرت وجهي"مقبوله منك اخويه وتمون "
تميم رص على سنونه سمعت صوت الحك "هناا امردك تعرف شنو اكلك اكلك بعلي افنيك اخلي طلقه براسك وادخل بيك سجن ومايرفلي جف"
ارغد "لا تحكم خويه اسمع مني والتريده سوي بس هلمره اكلك تمون مره لاخ لا راح شوفني بوجهك مو ارغد اليحط راسه بالطين علمود نزوه"
تميم"الك عين وتحجي هااا الك عين وجادلني عفيه عفيه ارغد الضاهر اخذت شهاده وتعاليت على اخوك"
ارغد "انت مو بس اخويه لا بمكان ابويه واحترامك على راسي عمري ماقللت منك ولا واحد يجي يعلى عليك
بس انت استعجلت تميم مديت ايدك وكتلك تمون بس اسمع بالاول
نتر" شتريد ادكول
ارغد"موهنا خل نطلع بره الاصوت تنسمع"
طلعت كدامه فتحت باب الشارع اخذتني رجليه الحديقه براس شارعنه تميم ورايه وكف مقابيلي
تنهدت " خلي شغله بالك وذكرها زين رغد بنزاكتها ودلعها ونضافتها اتحده وحده بعشيرتنه مثلها تختلف بكلشي وكل اليشوفها يحسدني عليها وانت سامع باذنك
انت الجنت تجي دكلي ولد عمك عيونهم نكسه لتخلي زوجتك سلم عليها وانت الحذرتني من بنات سهيل ابن عمك كتلي خالت عينهن على زوجتك
يردن يصادقنها وانت تعرفهن مو راحه
"انت شتخربط رغد شجابها هسه بنص موضوعك لا تشبج شي بشي وتمشيهن عليه"
اخذت نفس وزفرته اسمع ولا تقاطعني "اني من اسولفلك هيج اريد ابينلك رغد بجمالها ونزاكتها ماتقربتلها ولا دنت نفسي وخليت غريزتي تحكمني
اكدر اخذ كلشي منها بالقوه وهي زوجتي بس اني مو حيوان بس الحيوان تحكمه شهوته
اعوف رغد واركض وره زوجت تمام وانت تعرفها شنو وتعرف طبعها سولفتله كل مواقفها وياي كعد حط ايدي على راسه
ارغد" هاي مو اول مره واني مكروه عد اخواني حرت وياها لا ضرب ماضربت لا تهديد وصلت بيه ماانزل بليل
مااعرف شون تحس بيه وتنزل وراي كاره نفسي من وراها لو بيدي اكعدها بكتله واكومها بكتله
اخوك عار بس يسمع يصدكها ويجذبني
تميم "حاس بيها مو راحا بس ماصورت توصل لهاي الدرجه من النحطاط
طلعت تلفوني من جيبي شوفتها رسائلها توديهن على الخط
صك على سنونه متاكد لو هي كدامه يموتها خلاص
اني احك عقلي عكسه من ينفعل ينسه الكدامه منو
رجعنه تميم دايخ واعصابه تلفانه واني اكثر منه انحكمنه باغوو غشيم مانكدر نخلي امام الامر الواقع ويصرف عدل
متاكد دمعه منها يجذبه ويصدكها
تميم بعد ماشاف ريحانه وجها نكلب طول الطريق يشرب جكاير دخل للبيت الاهل ملتمين على السفره يتغدون امي رحبت بينه تميم دخل للكليدور مقابيلي حط راسه جوه المغسله
عرفت غسل بمي بارد يفرك براسه بعصبيه جر الخاولي نشف راسه وجها شمره على التخم وجه كلامه للكل كال لحد يكعدني وتوجه للصاله وكف باب الصاله الداخلي سحب المفتاح من جيبه
وشمره المحل على تمام "مااجي انت فتح المحل دار وجها ودخل للصاله وقفل الباب
امي صفنت عليه كالت" شبي اخوك "
كعدت على تخم "مابي شي" فركت وجهي رغد كامت جابتلي مي شربت الكلاص كله
ثاني يوم بالدوام دك جهازي ابراهيم ابنه مندعم اخذت اجازه وطلعت للمستشفى سابقاً اسمها مستشفى صدام حالين الزهراء
دخلت للمستشفى لكيت تميم رحنه اني ويااا صعدنه لطابق الثالث امي وزوجت ابراهيم وابراهيم وبعد رجال جبير
ارغد"هااا "
ابراهيم "دخلوو للعمليه فوريه امعائه طلعن بجه وامه دك وتلطم"
تميم "ابنك شودا على الشارع العام"
بس هيج كاله ركض على زوجته تولاها تكفخ وهي البنيه بس تبجي حتى مادافعت عن نفسها سحبنا من يمها وهي فوك ضرب ابراهيم ملخت نفسه تلطم على وجها
ابراهيم وجها اصفر حلكه يابس "ارغد ماشايفا بطنه لميتها بيديه رجع يدك على راسه امعائه طلعن رجع يبجي
ويسولف"
الفهمته زوجته دازه ابنها للسوك وهوه طفل عمره عشر سنين منطقتنه بعيده عن مركز الكوت اله سياره وقرابة ٤٠ دقيقه يله نوصل وهوه طفل
مسوك وراجع الشارع العام السيارات بي سريعه هوه عابر مامنتبه للسياره داعمته الله ستر والطيحه صايره على مكان بي رمل بس حديدة شاكه بطنه
ساعات العمليه صعبه اجت سعاد واسامه نزل تميم جاب مي وكلنه واكفين ننتضر
اربع ساعات وطلع الدكتور مرجعين امعائه بمكانها مخيطين بطنه بس وضعه حرج لليل احنه ملتمين
تميم " يمه سعاد يله ام هاجر يله خويه مايفيد انتضارجن"
امي "مااروح اخذ البنات وارجعوو"
تميم " راح ترجعيله الحياة دكومي يمه سعاد يله خويه ام هاجر كولي يالله ان شاءلله مابي شي ساكته منزله راسها ودموعها ماوكفن
سعاد وكفت امي ضلت معانده متروح وتميم من نوع ماعده خلك وياخذ وينطي يعني اليكوله مايعيده ولا يحب احد يعانده بسرعه دكبواعصابه
تميم "حجيه واليرحم امج وابوج مادكومين لا تجلبين هناا وجودج ميغير شي"
كالت"انت روح شبيك وكفت فوك راسي روحو ورجع خواتك اني ضاله ويه اخوك مااعوفهم "
ارغد"ام هاجر ضلتج ينه مو زين وهم متقدمن شي روحن هسه وتعالن الصبح وين تنامن وين دكعدن"
ام هاجر "مااعوف ابني انتو روحو"
ابراهيم كاعد. بالكاع وايدي على راسه بس سمع رفع راسه كال"تمشين وياهم لا اجي ادوس بطنج"
بجت"حرام عليك هوه ابني قابل اتمناله الأذيه لو ادري بي يصير بي هيج والله امكص الساني الوداا احبسه بالغرفه ومااخلي يشوف الشارع"
سعاد جرتها سكت بيه وبراهيم كوه مصبر روحه
تميم نتر" يله يمه "
ضحكت لان كامت من شافته صوته ارتفع نزلن وياا يوصلهن
ثاني يوم الولد فاق حالته شويه تعبانه بس زين امي اجت اخذتني واخذت تميم على صفحه "اخوكم ماهده مصاريف المستشفى وعملية ابنه هواي ويه علاجه لازم يداين وانتو اخوته ساعدوو شيلو تكاليف العمليه وخلو العلاج عليه"
تميم "سهله اني ادفع فلوس العمليه بس علاجه هواي منين يجيب"
امي "بينكم قسموها والله اليعوض"
تميم سكت لان حساب عمليته ذاك الحساب نصف فلوس سياره وعلاجه يكلف كتلها "علاجه عليه" جنت ضام فلوس من راتبي زين وعازل هلى صفحه
رجعت للبيت اخذت اجازه كوه انطوني رغد. تلكتني بيديها بناطيري كاويتهن بغرفت البنات
صعدت الدرج لحكتني فتحت الكنتور سحبت الفلوس احسب بيهن
رغد"صار زين موو"
ارغد"بعده بس شويه احسن "
رغد "اوووي بعده زغير شون يتحمل"
ارغد" هاي بعد مكتوب عليه "
رغد"تسبح حتى احضرلك ملابسك شهكت التفتت عليه داخل بوتينك هاي شنووو ارغد والله حرام عليج حتى عطر معطره الزوليه "
قريبه يمي "كفخته طبج مرض واذا معطرتها"
رغد"خبث وخرت اخذت وصله دنكت تمسح الزوليه من عقلها صدك مدمره تراب من بوتيني شوارعنه مامبلطه
هي تمسح كالت"تريد اكل اصبلك"
ضميت الفلوس بجيبي وكفت كدام المرايه عدلت شعري
"لا تحسبون حسابي راجعلهم"
رغد "وين اسبح بدل وروحلهم حتى اكل متاكده مماكل"
تقربت منها مديت ايدي امسح خدها ببهامي "متانيني اخذ علاج انتي اكلي مكاني"
عيونها ضاعن بوجهي ابتسمت على حنانها هي الوحيده بعد امي تفكر بيه بستها براسها ونزلت صرفت الورق
تميم كمل اجرائات العمليه ودفع اخذت الراجيته من الدكتور ولازم العلاج من صيدلية المستشفى هم ذاك الحساب
الايام مرت بيت دوامي من ارجع اروح للمستشفى تميم يرجع يلزم المحل بمكان تمام وهي رتبانها
ابن ابراهيم وره عشرة ايام طلعو جابو يمنه بالبيت
كعدت من النوم الساعه ب ٤ العصر صوت البنات واصل يمي كمت اطب للحمام البراني بالهول اريد اغسل و....
جذبني صوت رغد تجبي وتحجي درت وجهي تسولف بالتلفون
"بعد مااتحمل شوكت اجي يمكم فدوه بهاء لا تكسرني بعد ابويه تحطمني تكسر كلبي مليت من الانتضار البيت ياكل بيه متحمله علمودك وصابره لو ماانته اني من زمان راجعه يم ابويا مهما يكون اهون من عيشت هذا البيت
سكتت تسمعله
رغد" ميهمني مااريده ولا اريد اضل يمهم حتى هذا الزواج مايتم على والورق انت تعرف اني من اول هذا شرطي
......
رغد"لا ميحبني يحب بت خالته من زمان "
.....
رغد" بهاء ليش متحس بيه اكلك ميريدني ولا اريده تعبت والله تعبت " ارتفع صوت بكائها "حس بيه مطايقتهم ميردوني كلها متريدني حتى هوه لتجبرني عليه اني مستحيل استمر وياااا"
سيف الدين
بعد المه الصارت بيني وبين جهاد وعماد ثاني يوم بعد الدوام اخذت امر الدوام للرائد صعب
اول ماانطيته الكتاب ودقق بي استغرب صفن صفنه طويله الرائد من زمن الحكم السابق هوه ضابط
ومرات عليه هواي
باوعلي اني كاعد مقابيله هوه المقيدني هواي امور يمنعني اخذ بيها اجرائات بينت ابتسامته بطرف خده
" نداوم و عندي شغله نسويها حته نعرف مصيرنا"
بعد هاي الجمله عرفت اني بخطر وكل الاوامر تصدر ضدي وضده
طلعت من يمه رجعت للبيت نزلت من السياره سيارة فرات موجوده راجعين من السفر
طبيت للديوان فرات وزياد والحجي وابو الما والكهوجي علاوان
سيف "ستوها مانورت الدنيا" مديت ايدي اصافح فرات صافحني وجرني حضني طبطبت على كتفه
فرات"النور نورك ابو السيوف "
سف"هاا حجي شونك "
الشيخ"هلا يابه هلا بيك"
سلمت على زياد والبقيه وكعدت
فرات"حجي خوش تعلف بي الولد راده روحه"
زياد"بعد ماعدهم احد يتونسون بسيف خالين بالهم وياا "
فرات"مورد مورد غاط علينه كلنه "
الشيخ"تحسدو على الكلمه عوفوو موزين نشوفه بس وكت الاكل "
زياد"مسربت مو بويا كلي ومالك شغل اني اعرف شون اداوي الك واخلي يكابلكم"
فرات"حجي حير بروحك انت بس اعلف بي والباقي التفت للحجيه هم اله حوبه مصحرها عليها"
الشيخ" بويه اتريد نصيحتي ابوك اصحه منك لا تفكر بيه"
زياد يضحك على مداهرهم لليل طبيت انام كعدت ثاني يوم شفت الرائد مداوم اخذتله تحيه وباشرت بدواي
ساعه ودز عليه الرائد عفت البيدي وكمت طبيت الغرفته عمار كاعد مقابيله الرائد عصبي يفور
"هاا سيدي"
شمر على الطاوله ملف تقدمت اخذته قريته رفعت راسي مافهمت اسم متهم باوعت العمار سوه حركه مايدري كتله"سيدي بيك شي"
كلي "شايف وكيل قسم يروح يدور على هاربين من الدوله"
كتله "لا"
الرائد"تعال فهم المدير الجديد "
يحجي بحركه واعصاب رجع اردف "على اساس مايعرف وضعي الصحي"
اعصابه فايره عمار كال"سيدي هاي خطوه من خطكهم اتغده بيهم قبل ميتعشون بيك "
هز راسه مفتهم باوعتلهم فهمت قصده كال امشو وراي اني اطلع الجريذي من الجحر"
سيف" سيدي المدير الجديد مشكوك بامره "
ابتسم ورجع انتجه على الكرسي"جراذنه "
عمار"النقيب مجاهد نقل للمركز "
الرائد" الولد موصوجه ميكدر على شغلهم حقه خلي يبتعد "
عمار سيف بحوشولي جيبو الجد السابع
طلع عما واني ورا بدينه شغل الرائد مايترك حقه عده جماعه هواي واغلبهم مسوي عليهم افضال واحد منهم
مطلعه من الموت وكلهم قاده ومناصبهم عاليه
ادرج الاسم يم صديقه بغداد اليوم الاول اني رجعت الرائد البيته بشيارة الحجي خالها يمي بين مااجمع فلوس السياره واشتري
شكد راد يشتريلي وحده ماقبلت يومين اني غاط الراسي الارقام يمي واتصالتنه مستمره بيني وبين عمار والرائد
الملف اليمنه صعب حيل الهارب تاجر مخدرات كان بشراكه بينه وبين نائب معروف بالدوله بس يلزم النائب
تحترك ورقته
سبوعين اني ليل نهار اجمع معلومات لهسه مامحددين مكانه واغلب امكانهم يتمركزهم بمناطقنه
اليوم واكف اشرب جاي يم الرائد دك تلفونه شاله
حجه ويه الطرف الاخر وجها استبشر خير
كمل يتشكر منه سد الاتصال باوعلي " تعرف المدير...... ابن عم مهرب المخدرات"
رفعت تك حاجب ضحك الرائد "شون ضاملهم ضمه اله اخليهم بول..... وش..... جواهم" بهاي العباره كالها
...... يتبع
احبكم كومات 💋
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!