بين الكاف والنون ( كن فيكون )
البارت الثاني
الكاتبه سجى الطائي
///////////////////////////////////
هـلي ..
وشـرّعني هـواكـم باب للخطوة الغريبـة
وخـايرنـّي عيـونكم :
ذِل لــوݘــتل ؟
وآنــا والمـوت آلتحمـنا بمـايكَـم سـاگ وحجــل
الروح شـاخص والعمـر بـرگـة گــــمر والموت ظـِل
أويـه كل مغـدرة زمــــرة رصاصـه
أويـّه كل لهـبة أصرخ بـدمّي إشتعل
الدنـيا من يشـح ضواهـا الدم بكل حيــــله يهـل
هـلي ...
وآخر مكاتيبي كتبتـه الكم على الگـاع
إبنـكم بـاعـته الدنـيا ولا آنــــبـاع .
__________________________________
جلجل اليل والوحشه دخلت كلبي كلمن لاهي
بشغله الشيخ ماتاركني يمي دامني بلديوان
صلينه سوه وهلمره رافكنه ولده وكم زلمه
دامني سلمت عيونهم علي تعايلي بريبه
نصبت مستحي اخافً صلاتي بيها غلط
كملت وكترت رويحتي على الحايط
ودي ادخل نفسي بين طابوكها
تنهدت واسمع صوت الشيخ يندهم صبو
العشا الحلو بيهم اقل تشدد من يمنه....
كامو ينكلون حطو كدامي نفس الغده
تمن ومرك سوب وفوك التمن وذرات
لحم كبار
الشيخ جنبي كتله " انه ما اكل هيج بليل"
_عاين الماعوني " اجيبلك حلويات"
"لا ما اكل حلويات"
_"شنو نجيبلك كول "
"شويه لبن و تمر و شوي خبز"
_نضرلي بستغراب اشر " هاي خير من الله"
نصيت خجلان ماودي اطلب وانه اذكر جدي شلون معودني همست "الشيخ يكول ياذي البطن بليل لان الملوك هيج ياكلون"
بعد جنت جاهل اسمع منا و احجي منا
جدي درسني على طبايعه مدري حكمت
ربي خلته يفطنلي من صغري ....
كملنه و همه كعدو يسولفون و انه كاعد يم الشيخ
و ساكت بس اباوع عليهم صار وكت النوم
عاينلي " كوم ابني نام يمي بالغرفه"
هزيت راسي وكمت دخلنه للبيت
و اشوفه نسوان و زلم كومه و انه وكفت
بيهم الصغير بعمري ودوني واكبر مني
ارتديت مامتعلم "شيخ عيب ندخل و همه نسوان"
لزمني من ايدي و مشاني ويا و يضحك
الكاعدين يعاينون الي دخلنه لغرف سرير ابو النفرين كنتور وميز مرايه بصفها جانت يسموها شمعه يعلكون بيها الملابس
دخلت مره ماصورتها زوجته شعرها اسود و ابيض
تباوع للشيخ وتباوعلي ابتسمت فرشتلك هنا تاشر
للكاع بصف الجربايه مسافه تريد تنام اونه واكف
ضليت حاير منصي راسي
الشيخ واكف يعلك بعباته وشماغه شافني
بعدني واكف "ابني نام بفراشك هذا يمنه "
نصيت " انه ما انام هنا عيب"
" تعال ابني انه نفس الشيخ"
" لا الشيخ ننام بس انه و هو وحدنه و يحضني و نام"
ضحك على ردي المره تباوعلي بحنيه " احضنك و نام"
هزيت راسي " بس خاله ما تنام يمنه ميصير السموحه
انه اعرف عيب تنام صفنه "
ضل يباوعلها ويضحك وهي تبتسم كال" هاي زوجتي"
نترت "لازوجت الشيخ بالگبر يعني مو يمنه"
زوجته ضحكت و انه دنكت
_تقرب نصه الطولي وجها مستبشر "ليش دنك ميصير ارفع راسك انته حفيد الشيخ مو تكول هيج رفع راسي بصبعه"
خجلان من وضعب " ميصير نباوع لمره و هيه تضحك"
هنا ضحك من كلبه عاينتله " ليش تضحك علي"
دمعت استهضم استصغارهم الي جرني حضني
و انه هنا انفجرت بالبجي
و كعت بالكاع و افترت بيه مااذكر صار غير زوجة الشيخ مدت ايدها و بعد مااتذكر وراها....
فتحت عيوني احس بصداع خليت ايدي
على راسي كلبت اشوف نفسي بلفراش الشايب
نايم يمي
ليش هيج فقدت الوعي
كمت بدون صوت الجو كاشف طلعت الكل نايم البيت
سنطه ماكو حس احد هاي الوادم وين راحت غسلت و رجعت كعدت يمه
ضليت مكاني مااعرف شكد مر الوكت انفتح الباب
رفعت راسي زوجته
شافتني " ها حبيبي كعدت "
دنكت هزيت راسي" اي "
الشيخ كف الغطه باسني براسي و ضحك و كام
غسل و توضى و راد يصلي وانه ويا شيسوي اسوي كمت يمه عاينلي هز راسه و ابتسم نشف ايده و عدل شماخه بده يصلي و هم نزل ايده من كملنه التكبير نفس الولد النشد عن اهلي واكف....
يباوع و مبتسم كملنه صاح لبنه عرفته اسمه فرات
"بويه الريوك" التفتلي مبتسم
الولد راح ورجع بيده صينيه
و كعد الشايب يتريك وانه ويا كملت
حمدت ربي
فرات ويانه اتريك كله "اريد عمامك هنا كلهم على الغده همه و نسوانهم و بناتهم وولدهم و الفلاح جاسب" الولد هز راسه وطلع
وصار الكاله الشيخ للضهر كبل اذان الضهر بساعه
اجتمعو كلهم عمامهم ولدهم والنسوان و صارت الكعده
شافهم مجمعين وكف بصف الدخان يخلون
عليها دلال الكهوه صاح الفرات
"وخر الدخان عني" يسموها غليون حاليا
فرات امتثل لطلب ابو
و كام الشيخ وكف وانه اعايله
جاهل امر لمتهم لزمني من ايدي
و أشرلي اكوم ويا....
و كمت و انه بديت اخاف و امشي علكيفي
وصلت لحده لزمني الخوف تملكني
طفل مايدرك الداير اليدوره كال بصوت
اشبه بلأمر
باوعلهم "يا اخوتي واخواني من امي و ابوي اليوم و بما انه عندي هالولد الصغير بذمتي و انتو تعرفون شنو قصته و شنو الي صار وياي من البدايه"
"هذا الولد راح اسجله ابن الفلاح جاسب
و اكتب تعهد انه اربي على ايدي
و يضل ويانه بالبيت طول عمره الى ان نشوف اهله
و يوم ما نلكه اهله نتصرف غير تصرف بذاك الوكت
و الي عنده مانع خل يرفع ايده و ينطي السبب"
اتلفت بخوف قريت بوجوهم الي علي علامات
اعتراض وبيهم المتعاطف وضعي ومأيد
_كام واحد هم رجال جبير كله" شيخ كلامك على العين و الراس بس اذا طلع ابن حرام بهاي الحاله
شنو علمك بعد سمه بسمنه ويعتبر منه وبينه "
الشيخ ضاج ومعالمه غيمت نتر " هذا حفيد شيخ من البصره شنو الحجي الي تحجي
ومن العصبيه صار وجه الشيخ احمر
رد صاح " لهنا و الي ميعجبه قراري ذاك الباب
يأشر بايده"
خلاهم كلهم سكتو حتى الرجال العترض كعد
وسكت عيونه علي تعايلي
رجع كعد الشيخ و انه ضليت واكف
باعولي "ليش واكف ابني"
كتله" ماكتلي اكعد"
ابتسم و دنك و رجع رفع راسه و كال استريح و كعدت يمه اشر لبنه" كوم بويه صبو الغده "
و جابو خاشوكه و خلوها يمي مااعرف اكل مثلهم ياكلون بيديهم عادي ....
و هالمره صارت نسوان و زلم سوه
و انه دنكت الشيخ يباوعلي والابتسامه مزينه
وجها بخفه نصيت اكل علكيفي وكملت و ضليت
كاعد و مدنك
الشيخ عينه مني هلكد باله يمي استغرب
حرصه مدري طبايعهم هاي الاهتمام نابع
من كلوبهم لو بس هوه
نصه راسه لمستواي "اكل ابني ليش صافن "
همست مثل نبرت صوته ميريد احد يسمع
"اكلت الحمدلله"
" تريد تغسل"
هزيت راسي" لا شيخ بعدين من تكوم انته"
هز راسه و رجع كمل ضلو ياكلون
خلص اشرلي و كال "يلا كوم حبيبي"
جانت اول مره اسمعها من احد بعد ابوي وامي
حتى جدي ميكلياها كلها ضلت تباوع علي
و غسلنه و رجع شرب جاي تمدد بعد مافرغ
الديوان كمت اهمزله رجلي ماخذها شمره
من جدي
ابتسم و غطه وجهه بالشماخ نام
شفته غفه رحت وكفت يم شباك الديوان
اباوع للرايح والراد ودي اطلع ارجع لحوش
جدي العب برمل اتخيل نفسي عامل بنه واعبي
رمل خشن واشيله لمكان وارجع ارده
عود انه جايبه من المعمل رجعت بذاكرتي
الطفوليه لصوت امي من تصيح وشوفني مترب
واكل رزاله مينطيها كلبها تضربني تكتفي بلكلام
صار العصر وانه مناطر جيه منهم
ذكرت الشيخ من فهمني شنو شمال
ضجت وتخيلت بعد ميردوني
سمعت صوت حمحمته حشرجت بلعومه
كعد شافني" هااا ابني اصلي "
كتله "اي "
رحت ورا توضينه ورجعنه
و هم نزل ايده انه بعقلي الفطن سؤال دار بالي
ارضي فضولي من كمل كتله" شيخ شون تصلي هيج"
ابتسم بحنيه "كلي ابني انه جبير و ايدي تاذيني
انته ضل صلي مثل ما تسوي يوميه"
رجع يسبح اشوفه يدعي تعقيبات الصلا
كمل وكف يطوي بسجادته التفت "تروح للبستان
تاخذ هوى تروي بي رويحتك "
كيفت اخذني ورحنه جان بدايه موسم الحنطه و الشعير اذكر جدي والفلاليح زرعو كبل لا انخطف
ووصلنا لبدايه مجره مياه شفت البنيه و امها
جانت تلعب وتركض صاحتها امها" الما "
وكتها استنكرت اسمها شنو هذا ماي
اكو وحده هيج يسموها
كانت بيضه بمعنى الكلمه شعرها كناكير نسمي
شايلته بقراصه نازل منه نهاياته جبينه ونهاية
راسها من وره بي نعومه لفته حلوه
سلم الشيخ على امها صاحها باسها
و حجه ويه امها وانه عيني عليه
وارد انصي اخجل ليشوفني
الشيخ
ترخص منها ومشينه مسافه البستان على
حد النضر يمكن ماينتهي اشجاره عاليه
اعرفهن النومي والتكي والبرتقال
مسافه والمح العنب وبيوته من خشب اعمده
افقيه مسويها لجل تسلق اوراك العنب
يعني اليفوت من جواها مسويه ضل على شكل
سروات منضر ماينشبع منه دامنه نمشي انه اباوع
وصلنا لمكان بي نخلتينو على وحده من النخلات
فراش نزلنا الفراش و كعدنا
ساكتين مابينه لغت حوار سبحته بيده
مثل جدي كل البعمره اتخيله جدي
اجو ولده ثنين الاول عرفته فرات بس الثاني
غريب عني جنه ابنه يشبها
كامله الشيخ الولد باسه براسه "شلونك يابه "
اشرله اكعد "ها بويه سويت ماسويت "
"اشتريناها مثل ماردت والطلبه تممنا كل حسب
امرك بس بويا جنه غلبنه بسعرها وانته يابه الله
يهديك ماناوي تخليني اصرف واعلمه منو زياد"
رد الشيخ"ابني ادفعها بكشايه هذا ماعده حريمه
تريدني اتكاتل وياا لجل جم فلس تسوالي الثارات
واخسركم شاخذ وياا هل زرعات لو التمرات شو
كلها فانيه عدي حياتك تسوه فلوس الدنيا "
باوعلي السمه فرات ابتسم حسياته زين
احسن من اخو الجبير زياد
كمنه رجعنه زياد وفرات لمو الفراش وخلو على
النخله يمشون وانه وراهم وكفو يم شجرت تين
كرب ساكيه زياد كام يكطع ويغسل وينطينه
رجعنه ومشت ايامي وانه مناطر كل نزلت زياد
اركض وكلبي يركض كدامني اتامل جايب خبر
عن هلي يتلكاني يسلم عليه ....
عيونه تحجي يكللي مامش خبر عنهم
يوم يجر يوم بديت اخذ عليهم رغم
غربت كلبي الماراضي ينساهم
مر على وجودي اسبوعين واكف اعاينلهم
و الاطفال يلعبون الشيخ كلي روح يمهم العب و تعال من يدخلون للبيت رحت يمهم و بديت العب
و بعدين اجت جبن العرب و صارت تلعب ويانه
جنها اول دكت كلب وجنها نبضت حب من الصغر
كلبي يركض وراها دامها تلعب والفايف يصعدن
وينزلن ويه ركضتها
صرت اناطر الصبح لجل العب وياها
كلها صيحلها مي اسهل من اسمها الما
بس انه اكلها جبن عرب
تباوعلي وتضحك سنونها الناعمه بياضها
شدهني عيونها الدواير جنهن بيض دجاج
من كبرهن خدوده تارسه وجها طاسه روبه
وهي من شوفني هيج اناديه تضحك تكلي
اسمي الما مو جبن ولا روبه
شهر والما منسيتني غياب اهلي لحد مابيوم
العب والهث كلت اطب للديوان اشرب مي
من يم الشيخ
اسمع زياد يكله " اهله مناك من الشمال طالعين
لعد سوريا مالحكت عليهم الناس شارده
الشيخ ياخ على اولاده واحفاده عشيرة****
مامخليتلهم حل حتى بساتينهم وكيعانهم
مصفيهن بطكه ونص بايعيهن بلرخيص "
رد الشيخ" لا حول الله هذا الطفل شنو ذنبه
المدارس كربت وهوه لاهويه لا احد من كرابته
يتكفله محد يريده "
-زياد"يابه الناس تخاف يكلك هذا مطلوب
هاي احنه بلكوت بعيده عن البصره هل
شوفنه مطمأنين غير ناس مالها شغل
يابه تريد الحك انه ماراضي على اخذتك
اله "
_الشيخ"بويا بزر ماله ذنب تريدني اغضب
ربي خلك مجانه لو صارلك الصارله ماتريد
احد ينقذك شنهي الرحمه ماتت بكلوبكم "
سكتو وانه كلبي تكسر فاهم حجيهم عليه
رديت محطم
طلعو اهلي مسافرين السوريا من الكردستان
وطالعين واحد من عمامي بالاردن
و اخو جدي اسمه صار بالتصفيات مال حزب البعث
ايران 7 مرات رادت تكتله بس ما مات
و طلعو اهله للقائم و هو اختفه
كل ذني عرفتهن من كبرت
اجه اليوم الي انتسب بسم شخص ماتربطني
بي صلة قرابه الشيخ لوما خوفه من العواقبه
جان سجلني بسمه
يعرف بعدين صير بيها مكاتل على كولته
دفعتها بكشايه (عود القش )
سجلوني بسم الفلاح جاسب بعد مرور
اشهر بت الشيخ معلمه هي وزياد سجلوني
مدرسه وكمت اداوم وياها
الما وياي انه سابقها بسنه هي روضه فنه
اليدنالها وهي فطيره تركضلي تضحك
مره نمشي راجعين من المدرسه للبيت بلطريق
تكل العمته بت الشيخ عمه هذا يكلي
"جبن عرب ليش "
_كفاء باوعتلي ضحكة _لا عمه بس لين بيضه
هيج يسميج موو سيوفي "
_نصيت "اسمي سيف الدين "
_"عاشت الاسامي حبيبي"
ضجت درت وجهي امشي بثكل ليش هيج
تعتبرني صغير مااقبل دكلي حبيبي
يوم يجر يوم والمناطر مثل سرب الطيور
وكت الشوك يجيني اردد دعاء امي واستغيث
بلنبي
ماادري هلسنين راح طول ولا ادري المناطر
ماله فايده مثل كاع صبخه شما ترويها تعطش
وترجع يابسه لو طكتها الشمس
اشهر تعبر وانه الاول على الشعبه كفاء ماله
لزوم بيه صح تقريني وانه الكف بسرعه
مااتعبها تحبني بس بلمدرسه ماتوصي
تعايير ولد اخوها بيها وذولاك يضوجون
مني يطلعوها بلعب
صادقت ابن الفلاح جاسب اسمه احمد فد
فقير وحباب كمت اماشي والشيخ وصاني
بي
من ارد انامن بلديوان مااحب ادخل ليجوه
صح ودي االعب ويه الما بس اخجل عيب
ماعدنه هيج ارد اكعد
بيوم جمعه نص الشته الجو بارد ساعات ونسمع
رمي سلاح كفاء واخواتها جرنه كلنه دخلنه الاخر
غرفه بلبيت الجو اشتعل
الشيخ بلديوان يمه زلام مااعرف منو
البنات والحجيه خايفات
اباوع الجهال تتراجف بس انه عادي
عدي الدنيا غوربت والبيت ضلم ماكو لالات
ولا كهرباء موجوده الحجيه صلي على محمد
والبنات يدعن
ردت اطلع صاحتني وحده منهن "سيف شعدك
وين رايح "
_ كتلها "اشوف الوضع شنو خاتل عيب "
_اجت جرتني "طب رحمه لمك مابينه حيلك"
_عكدت حواجبي "شنهي كاعد يمجن اروحن
يم الشيخ هناك مكاني يم الزلم "
_سيف وكت مكانك وكت عقلك مدري وين
حبيبي ضل لتطلع انوب تنضرب لو تجيك
طلقه تايها ونحير بيك "
_كفاء شافتني اخزر بختها تقربت يمي
نصت لطولي"سيوفي بره خطر عليك انت
جبير وتفتهم عليه وانت عاقل وتسمع الكلام
بس تطلع ياخذوك من يمنه شلون اخذوك من
بيت جدك "
_صح خفت بس مابينت "اريد اكعد يم الشيخ"
_هزت راسها "تأمر يطلعون ويهدء الوضع وروح"
سكتت مقتنع لليل ضلينه كاعدين التمينه يم
كفاء كامت سولفلنه قصص من ايام كبل
تخلص ونرجع نكللها بعد نتوسل تسولفلنه
غيرها
الجو اضلم بارده براء اخت كفاء شعلت الجونه
ندفه عليها وكفاء سدت فتحات جوه الباب
بملابس قديمه طلعتهن من الكوميه جانت محطوطه
على صفحه
نسمع صوت المصايح زلم والرمي يرجع يشتغل
شويه ويسكتون الحجيه خطيه اجت تموت
من الهبطه زياد مرتين اجه اطمأن علينه ورد
كفاء وبراء كامن سون اكل على الجونه
اكلنه وشبعنه رجاء اختهن فرشتلنه
انه الوحيد على صفحه تعرف طبعي
ثاني يوم كعدنه هدوء العرفنا الساده همه
بيت الشيخ من عشيرة الياسري وعشيرة
الرفيعات همه بستاتهم جنب بساتين
الشيخ والنهر داخل بستان الشيخ
ذولاك يرودنه الهم والشيخ يكلهم يمر من بستاني
قابل اسدنه واحوله يمكم هذا حجي هذا
صاير مطاحن سبوع هدء الوضع واستبشرنه
خير كلت هاي هيه خلصت
يوم اربعاء راجع وحدي كفاء عدهم لجنه
وانه والما راجعين هاي تمشي وصبعها بحلكها
ترضع وايدها الاخ تلف بفتاتيلها كاضه خصله
وتلف بيها اضحك عليها وهي شوفني
تضحك واصبعها بحلكها نمشي وعيني عليها
كل شويه التفت وهاي فاهيه ترضع وعينها زوغل
اخاف خوفت الام على ضناها انزرعت بكلبي
اطالعها جنها كمر ونازل على الاركض حكي
من اناديها جبن عرب لا والله كيمر عرب
مابيها شائبه تلج لج من البياض
قريب منوصل للبيت اشوف زلام مجمهره
كبال بيت الشيخ مسافه عنهم وانه اتلفت على هاي
ضال حاير بلفايفها جنهن سبرنكات
جريتها منيدها كلت الوف منهم مااخليهم
يشوفوني ركضت للبستان صرت على جانب
البيت يم الحوض مال المي اشتغل الرمي
لزمت كلبي الما طفرت خايفه ختلت وراي
دقايق المرت رجعتني لذاك اليوم الخوف رجفني
الرعشه سرت بجسمي لزمتي الايد الما ركضت
بيها للبيت ثواني وحسيت حراره نحرتني نحر
الالم وصل لكل انحاء جسمي اباوع دم ينفط
مني ترسني الما مصكصكه كدامي ترجف
حسيت بروده رجليه متحملن وكعت على
العشب حسيت بوجع فضيع اغمض وافتح
ثواني واعلنت الرحيل
............ يتبع
حبايبي القصه حلوه ثقو الجاي اجمل واعضم
بدايته كتمهيد للاحداث ابطالنه الباقين
بلبارتات القادمه يضهرون اتمنه منكم تنزلون
القصه بلكروبات تستحق الدعم
لاتنسون التصويت
اتمنا لكم قرائه ممتعه ❤
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!