تحميل رواية «بين الكاف و النون» PDF

بين الكاف والنون (كن فيكون )

الثاني والعشرون

الكاتبه سجى الطائي

/////////////////////////////

تعال بحلم... ,

أحسبها إلك جيّه واكَولن جيت

يلي شوفتك شبّاج للقاسم...

ودخول السنة من الكَاك

يا فيّ النبع واطعم....

عطش صبّير ولا فركاك

يلرهميت...

يا مفتاح فضة ولا رهم غيرك عليّ مفتاح

أجرت لك مخدتي وانطر الشبّاج اليجيبك

وانت عرس الليل والقدّاح

يا هلبت تجي وترتاح؟؟

طركَــ المسج والنوم......

طركَــ المسج والنوم

عمر واتعده التلاثين... لا يفلان

عمر واتعدّه واتعديت

ولا نوبة عذر ودّيت

سديم

اماني " ممرتاحه لهاي الحيه مأثر جيته مو خاليه اكلج يمه هي مو كل مره دكول تحسين يدري وهو سامحله تطلع "

امي " اندري يايمه هاي مصكوعة الجلوه تكللنه يدري وهسه طلع النوب مايدري واحنه ضالين باغافلين الكم الله"

اريام" زين هوه ماايحس عليها من تطلع من طب شلون تغافله"

امي " هوه من يطلع للشغل يرد ةره الغده تغدي ويصعد ينام يذب روحه جتيل مايحس بيها وهي تستغل تعبه تروح يمهن الضهريه ساعه وترجع مااعرف اليوم شدرا بيها"

اماني" اني شفته نزل يدورها كتله يم بيت عمي ضل مخنزر وكعد تحقيق وياي اني هم ماجذبت عليه خرطتله الاكو والماكو"

اريام" هي ليش هيج تتعامل ويانه يعني تدري بينه مو صلح ويه بيت عمي راحت صادقتهن وتدري نسوان عمامي ميردنه تروح طب عليهم وبيناتهن واجبات وحده تجيب الوحده هااي شنو غايتها"

اماني" كل السوي ضدنه جكاره بينه وبربى عرفت هي ورا سالفة الذهب وهي النبهتنه عليها وعلى نيشانها"

امي" اختج هم السانها شطوله تجي طلعها من الطهاره على غرفتها وعلى نفسها شوفيها حامل ومبينه هي ذبتها هيج النضيف نضيف تجين تحشين براس تحسين وهذا منا ماطايقها يرجع يكوم عليها"

اريام" يمه فدوه مااشفتيها من خطبتيها ماباوعتي لبيتهم وين لكيتوها"

امي" ياطلابة نعمه يمه اني وين اعرفها غير عمج نعيم وابوج وبيبيتج يعرفون ابوها وطلبوها حتى من رحت شفتها ماقبلت اجيت ابوج كاتله كال تاخذيها اله وسكتين تردين تفشليني ويه ابوها بعد طلبناها منه "

اريام" حبوتنه مااتتعده عمامي وعساها بناتهم ويشوفون الشفنا ويضوكون لوعتنه"

اماني " ابوج حطمنا بتدخل اخوانه وبيبي ماخلونه شخصيه حتى تحسين الي رفض يزوج وحده من بناتهم دبروله هاي هم وكاحه ومستفزه وهم مذرعه وشوفين اخوج طايح بيها"

امي "  الله كفيلهم "

مره اليوم عادي نزل تحسين كالب خلقته

مشت الايام مثل سابقتها

اماني بلشت تسوي نفانيف واريام تعاونها وهاي ضاله لاحس ولا خبر من زوجها منهد الكتله الاكله من اخوتي ودو عليه عمامي شارد

ونعمه شاده كورها وياها كاعدين نغسل بلبطاطين الشتويه بطشوته كبار امي مشتريتهن وحاطتهن بلمخزن وكت الغسل نطلعهن

وكفت اكمز عليهن وامي تصيح لا زفين الطشت العرمه ولج سديمه واني مااسمع واضحك واريام كبالي رافعه دشداشتها موزره بيها وتجلف بلبطانيه العدها

ابن اريام يمنه يلعب بوغف التايت اليطلع ويسوي طوبه وينفخه يموت صحك فدوه العينه

امي تكلم باميه واماني تعزل بغرفتها نعمه واكف باب المطبخ البراني مجتفه ايديها

من ازوجت لليوم مكعدت ويانه وسولفت مالها دخل بينه لو نذابح متمد ايدها اول زواجها جان تحسين يوصينه كعدن وياها علمنها شلون سولف وتحجي ماكو خرسه

بمرور الايام عرفنه على مثل امي من السكوتي موتي ومن المطكطك فوتي

وهي سكوتيه بس موفقيره وكانت تتعمد تبتعد من يمنه لحد مااصادقة بنات عمي وهي انكلبت كلش مطيق شوف خلقتنه

ماضل على حملها شهر وجيب كملنه لليل سوينه عشه وتعشينه

الكهرباء طفت كمنه فرشنه تحسين ومرته ماعدهم صوبه

صاحت "تعالي يمه صعديه لبيت خوج ماعدهم خطيه يثلجون غرفتهم بارده"

اخذتها الصوبه  صعدتها وصلت للبيتونه ماعدنه هي بس بيتونه وغرفة تحسين

البيتونه متروسه غراض بيتنه وبوفيه امي تخلي عليها فراش الخطار دكبت الباب

صاحت" فوتي "

فتت انطبتها الصوبه تحسين يباوع تلفزون مدد ابتسم " تعالي حبيبتي "

اجيت يمه جر المجر طلع جيس كرزات " هاج حصتج"

اخذتها منه " صرتي بالعداديه موو"

"اي"

تحسين" شوكت كبرتي هلكد ذاك اليوم اطلعج وياي"

سديم" تذكر من جنت ابجي اذا طلعت الجماعتك ومااخذتني"

" اي اذكر وضلين تعوين وتعال تحسين شيلها ورضيها "

سديم"هههه مره شلتني وسويتها عليك"

تحسين" ام خ.... خرب يومج لعبتي روحي ستوهم مسبحيج وما محفضيج اذكر يلبسوج لباس نايلون ماحصرتج اله عله متني "

خربت ضحك " ههههه مسولفلي تلعب روحي انت شلون تحملت"

تحسين يضحك" جنتي مدللتنه اني واماني واريام كبل لا تزوج ماتنزلين للكاع وحسام حتى من انتي نايمه يشيلج ويبوسج ويتعمد يكعدج "

مرات اماني دكلي شكد احاول مااشيل ذنب نعمه بس تصرفاتها تجبرنه

مر شهر اليوم كعدنه على عياط نعمه تطلك تحسين بلشغل وهي من البارحه عده تشلعات ضلينه وياها امي طببتها للحمام حمتلها مي دافي يرخي اعصابها وصدك شويه ارتاحت ضلت تدهنلها لحدما اجه تحسين وابويا وياهم امي واربام اخذوها لمستشفى صدام

بلمركز يوم كامل محد بيهم اجه اماني استلمت الطبخ سوت مركت حمص على معجون ودهن مرات اشم ريحت الحم من بيت عمي

وابويا بلشهر مره يجيب وكل واحد اله وزرة لحم لكمه وحده مرات امي تثرمه وسوي كبه

لليل لمتنه اماني حسام واني وابن اريام اكلنه وكمت ويا اماني نضفت المطبخ حسام كال رايحلهم اشوف الوضع تأخرو

ساعه وندك الباب طلعت فتحته اريام وحسام

طبو ركضت سألتها " هاااا جابت "

ذبت عباتها لفتها وشمرتها كعدت مددت تعبانه كالت " جابت الحوبه "

اماني " الحمدالله ولد مثل ماطلعلها بلسونار"

اريام" اي الحمدالله ولد"

اماني " الف الحمد والشكر ليش تاخرتو مارجعتو وبالنه ضل يمكم "

اريام" ولج كارثه اماني امي منين لفتها الهاي وطاحت طركاعه على راس اخوج ولج تخزينه وتعزينه بين الممرضات والدكتوره طلعتلنه كاشه روحها كوه قبلت جيبها"

اني واماني وحده تباوع لوحده تربعنه كدامها مشدوهين البال نريد نعرف ردت اماني " شبيها نعمه شمسويه ومتفبل الدكتوره جيبها "

اريام تحجي وتنزع بجواريبها " اني تورجت عليها بس ماامرقبتها مالي دخل انتن هنا عايشات وياها وتعرفن كل شكد تسبح"

اماني " ماادري بس هي بلسبوع مره تبدل دشداشتها"

اريام" وجسمها ونضافته "

اماني " لا مسوي مره بظاية زواجها تحسين تعارك وياها وكال علمنها بيومها اني وماما تكابلنه عليها وكنالها هيج سوي وهيج حطي وبعد ماادخلنه بيها"

اريام " ادري من قلت المي قلت الصابون شبيها شبيها شلون اخوجن متحملها وجارعها "

اماني " تره تحسين ماله دخل بيها حتى ميتقرب منها مره سمعته يشكي لمي وعايفها لعبانه روحه"

اريام" حياره بس شلون تغيضنه ماتكعد شوف نفسها ترتب روحها تسبح تنضف نفسها تعطر وحها والله سوتنه هلكدوتنه من طلعت الدكتوره تحجي وترزل وتحسين سمعها لو اشتعل للستار كوه لزم روحه ماكو شيره ماكو مز.... ولجن ريحتها طر اليافوخ استغفرالله ربي عمري بحياتي مراح اشوف مثلها"

اماني " هسه شنو جيبتها"

اريام" اي جابت "

ارغد

كملت المرحله الثاني نجحت الولد استلمولي النتيجه سويت برائة ذمه وانطيتهم همه يستلموها

رجعت لهلي بلشت شغل ويه تميم الصبح يطلع عماله اني الزم المحل للعصر هوه يستلمه لليل

نهاية 2005 وضع البلد فوضوي القتل والثارات بدت من سقوط النضام البعثيه شردو والبيهم نسجن والي نكتل على ايد الشعب الثائر

كلها انتفضت بلمقامل مال العام نهدر المباني الحكومي انسرقت والي احترك شي اشبه بلكارثه عمت على البلد لحقتها هاي السنين

الامريكان منتشرين بكل مكان بدت تجمعات لمحاربت المحتل حسب مااداوله شارع الشعب العراقي

هنا طلعت تنضيمات ضد القاعده الي اطلقوها على الامريكان سموها بلجيش المهدي انخبط بيها الحابل والنابل صارت تجمعات

صارت حرب اشبه بحرب الشوارع ايام شفتهم لعبوني ملثمين وبين البيوت يحملون اسلحه يتصيدو فرص لمهاجمت الرتل الامريكي

صارت اعتقالات كل مشتبه بي بيوم ضهريه ندفر الباب طفرنه اني وتمام طلعنه طب ابراهيم ملثم وخر لثامه ايده تنزف دم

ابراهيم " سدوه الباب يقصد باب الاستقبال قفلنه تمام طب جابله كطن وديتول

ارغد" شمسوي بروحك"

ابراهيم " ادافع عن بلدي اخلي بيد الانجاس ال....... ضل يفشر"

ارغد" وبهاي الطريقه الفوضويه"

ابراهيم " ياطريقه نقاتلهم ونطلعهم من البلد"

ارغد" الحكومه الامريكيا مجهزه بادق اسلحة القتال متدربين بدورات تدريبيه قتاليه يعني مجهزين نفسهم لكافة المهمات انت تجي تقاتلهم بهذا سلاحك مو راح صير فوضه وراح تأذي هواي ناس بعاي تصرفاتكم الهمجيه"

ابراهيم" انت كيكي بابا اعوف بلدي وارضي لولاد الزنا يسرقو ونهبو واضل كاعد اباوعلهم اقل مابيدي اشيل السلاح بوجهم اليوم كتلت واحد لاجر اكتل عشره اذا مااتي وانت نحارب الغريب يحارب"

هزيت ايدي" هاك اسمع صوت الرمي كم طلقه راح اصيب عراقي ام طفل شاب ذاك اليوم انضرب عماد ولد واكف بلباب لا حول ولا قوه يريد يطلع سيارته تجي طلقه تايها راح شبابه وتيتمو اطفاله وضاع دمه مينعرف منكم من الامريكان"

ابراهيم " اني عراقي ودمي حار مااعرف المغتصب يجي ينهب ارضي وعرضي واسكت واتحمل مثلك موجود جيش المنتضر ضد القاعده"

ارغد " هذا هتافكم من شيعت شهيد خسر حياته بسبب غبائكم"

تمام" كافي ارغد مااشوفه ينزف من جتفه وكت فلسفتك"

ارغد" ديضيعون نفسهم تمام هذا سمو انتحار مو هيج القتال وين قائدكم وين تنضيمكم ليش تقاتلون بين البيوت اكبر غباء المتضرر الاكبر العوائل"

ابراهيم " وين نحاربهم بصحراء الانبار وين "

ضلينه نجادل جرحه سطحي داوا تمام وحذرنه تسمع امي عفته وطلعت للسبعه المغرب حضر تجوال قفلت المحل رجعنه اني وتميم ميدري

التمينه على سفره وحده زوجة ابراهيم اسمها عبير كالبتها مناحه وامي ماتعرف عليمن عبالها متوجعه حامل

ثاني يوم اجة خالتي ام وسن وراها سعاد واسامه الي اول مره من يشوفني يحضني

اسامه" هلا بلضلع الماينشلع"

ارغد" هههه هلا بيك شني فاطمتك امك بيتنه شةكت مااجي الكاك"

اسامه" احبك موبيدي"

ارغد" حبك بعابع شو وخر ولك لا تلزك"

اسامه" تعال"

جرني طلعنه بلباب "تره كعدت النسوان قال وقلت خلينه نتمشه "

ارغد" وين تتمشه هي الكوت ترابه بس السده وساديها "

اسامه" هنا بلمنطقه "

صدك اخذته فترينه واشوف حنيش هوه وكرشه متر كدامه شايل علاكه مسواك خابطها طماطه والبصل الخيار والبيتنجان وماخذها البيتهم

ابتسمت داخلي اذكرت ام الاصفر بيومها دوختني لوما يلحك عليه عمها ويخليني اصحه على روحي

هاي ماعده رجال وهيج معتنيه بروحها توج وج بتل الذينه طيرت عقلي من راسي خلتني مااندل دربي

هزيت راسي وكملت طريقي للكهوه شربنه جاي ونزلنه طاولي

ساعه ورجعنه طبينه للبيت صاير مطاحن سعاد على تمام على سندس

اسامه " طارت عركه بصراويه بين الديج والواويه "

تميم هفه بل٤٤ وذاك لزم راسه "هااا خالو مستك"

تميم" سكط انعل ابوك لا بوخالك الك.... الملفي هيج عارات "

اسامه" خالو شني مامنطيتك وجاي ثاير علينه"

هوه بصفي ضربته على علبا كمز" لا ارغد خرب "

ارغد" ادبسزز هي هاي حجايه امي لو منتبها جان شكت بي "

اسامه" شني جديده عليه "

ارغد" مالك دخل جديده قديمه لتفتح باب عليه عوفه بحاله جبير مو صغير"

اسامه" لو اعرف منين يحصلهن "

ارغد" شيحصل ولك رجال بس شغل ومحل منيله "

اسامه" وحليب امي مره شفته بعيوني يمشي ويه وحده وابويا وياي كلي شوف خالك النجر اطلع مثله علمود اعلكك من ..... سترت على ذريتي وسكتت"

ارغد خربت ضحك عليه " اني اعلكك من ابوك امشي عدل "

اسامه" اكلك تره بيناتنه سنه لضل تاكل نعل وتهوبز براسي وصير جبير عليه "

ارغد" غصب عنك"

اسامه"وعلى شاربك هم هههههه لا لا والله اشاقيك شبيك ماتتحمل "

صعدنه نام يمنه ضلينه سهرانين للصبح ضحك وسوالف ساعه نكت ساعه تميم يغنيلنه ونكعد نسلطن ويااا وهوه كل اغانيه فؤاد سالم

ثاني يوم كعدنه وسن موجوده جايبها ابوها ابتسمت واني غلست عين خالتي صارت عليه سلمت وطلعت لللستقبال من صير لمه ننجمع بيها اني والولد

عبير من الصبح زعلانه وطالعه لهلها ابراهيم مو يمه البراسه براسه سبب عركتهم من سمعو بأصابته تميم مادخل يكلي بكد البغل يعرف الطريق خطر شسويله

امي ناصبتها مناحه على ابراهيم خايفه عليه

دخلت جوه الدرج اغسل وجهي وصوت البنات

تارس البيت وهوست جهال سعاد

دنكت اغسل وجهي بلمغسله حسيت بحركه وراي

غسلت وجهي من الصابون مدنك رفعت راسي صار

انعكاسها بلمرايه ابتسمت

همست" صباح الخير "

رديت" صباح الحب والياسمين صباح الورد الجوري

صباح العسل "

دنكت تضحك" شني هاي كلها الي "

اخذت منها الخاولي " اي الج وقليل بحقج "

وسن" حبيبي تدري شكد احبك واتمنه يوم يوم انجح من السادس وتخطبني يااااي متصور شكد

افرح من اذكر"

ارغد " ياابعد كلبي وخاناته افرحي يلوكلج الفرح

ان شاء الله على عينج خير بس الكه شغل دائمي وره

دوامي احسبيني ماقدم ومسجلج بسمي "

وسن" يعني متضحك عليه مو ارغد دائماً يجيني هذا الشعور وهواي افكر والخوف يتملكني لا يصير بيه

مثل البنات الي يحبوهن ويضحكون عليهن "

ارغد"  حبيبتي لتقيسيني ويه البقيه اني لبن خالتج يعني منج وبيج من دم ولحم مااكدر اضحك عليج

ولا اني هاي تربيتي اضحك على البنات عدي خوات

وراي عاقبه مااخف على روحي

وهاي العيون وهذا الوجه الوكعني يااثول ينطي كلبه يضحك عليه لتخافين ونامي وراسج بارد

وبعدين ازعل منج ليش هيج تفكرين بيه ماثقين يروحي يمته كتلج حجايه وضحكت بيها عليج"

وسن" لا والله من حبي الي وحقي من اخاف اني بنيه وحيدت اهلي ومرات الشيطان يوازيني واشك"

لزمت ايدها ضحكت التفتت محد موجود جريتها بستها من ايدها دنكت بخجل مكتسحها اي بنت

بهيج وضع تستسلم لمشاعرها عاطفتها تغلبها

كلبي طاك عليها امنيتي اخذها بحضني مااعرف شنو الجرالي وجريتها لحضني وشبكتها بين ضلوعي غمضت ارجف طولي وعرضي ملامس مره

وهي ترتعش جوه ايدي ذايبه ماحركت حتى مبادلتني الحضن مشدوها دفنت راسي بركبتها

اشمها اخخخ ياربي عنبر ضليت اشم بشعرها

متحملت نصيت لحد اذنها بستها منها رجفت

نزلت لركبتهاشفايفي تستطعم بشرتها الناعمه

ميلت راسها تخبلت انطتني الضوء الاخضر

ضليت ابوس بيها نزلت لنحرها

دخت انسطرت فقدت اخر ذره بعقلي ضليت اتلمس

بيها شكد مر الوقت ماادري تايه بحوريتي شجاك

ارغد محسيت غير شهكه وضربت خد

فزيت اباوع امها وراها سعاد اختي من شافتهم وسن كالت ارغد فدوه  غطت وجها شردت لغرفت امي

امها صاحت " سا.... ادبسزززز وسينه " هجمت على الغرفه تدفع بلباب صرت كدامها دفعتني بقوتها منضرها ماانسا وجها زنبر عيونها نطن

صح اني رجال بس بذاك الوقت خفت لا صير سالفه

وطش عليها وعليه

وكفت لزمت ايدين خالتي صاحت" عااار عاار مامنه بيكم ولد اختي خوش تربيه الكاك خاتل بيها وتمص..... بيها وخرررررر "

ارغد" تمونين خاله والغلط مني اني الجبرتها بس تعالي نكعد نتفاهم ميصير هيج اني رايدها واحبها ومستعد هسه اطلبها منكم جنت متاني الوضع يتحسن وهي تتخرج"

ام وسن " ولج خزيتيني ولج فضحتيني الله لينطيج ماعرفت اربيج مااعرفت شلون اعلمج التربيه حريمه بيج التعب وسينه اطلعي لا احركج وروح امي اطلعي "

سعاد" شكد صلفه متستحين تتختلين مزوجات ميسون سوايتج ادبسززز بله اخويه ولد وغريزته

ماتحمل انتي شمالج يمعزايه ماصبرتي "

ام وسن كعدت بلكاع تضرب على رجليه " الله لينطيج العافيه الله ياخذني كبل لا اشوفج بهذا

المنضر يااا كلبه يااا ....... يمه شلون بيه "

وكفت افرك بوجهي استغفرالله

ارغد" خاله فدوه بس صوتج والله هي معليها دفعتني وضربتني اني الجبرتها  لتكبريها فدوه

العينج هسه اخابر الولد واخذهم ونطلبها من ابوها"

سعاد" ولك خاف الله بلمره اشوف بتها بهيج

منضر وتريدها تسكت لو بتي والله اكسر ضهرها

واخليها سالفه تنحجي بيها متستحي بعدها مادخلت

جامعه المفروض تعيط صيح ليش ساكته ومستلمه

بيدك "

خزرتها مستمره تحجي وتوز بخالتي اريدها بس تسكت بت استغفرالله صحت كاافي معليج انتي

مره خطاره خليج بحترامج

اجت امي بعباتها جانت بلسوك "ياستار ياربي شكو

يمه هم تعاركتو تباوع عليه وعلى سعاد "

ارغد" يمه تعالي للستقبال وانتي خاله هم امشي كومي رحمه للكعبه باوعت السعاد وانتي اذا طبيتي وفكيتي علكج هنا حدي انسه انتي اكبر مني وانسه الخوه التجمعنه اوديج لرجلج جنازه"

سعاد" عشتو تايهتلك ابني بطولك متستحي شفتي

يمه من اكلج لسانه طويل وميحترم دكليلي انتي تعيلين بي كدامج شفتي شلون يحاجيني "

امي " شكو ارغد يمه ردينه لسوالفك خلونه مره وحده تنجمعون بله مشاكل شبيكم مدكلولي مناكر

بهل عمر شخليتو للجهال  "

باوعلت الخالتي دموعها على خدها" يااا شجاج خيه شكوو ولكم شمسوين "

ارغد " هسه تفتهمين جيبي خالتي وتعالي مشيت كدامهن للاستقبال كعدت لشتي كلها ترجف مسحت وجهي حيل اريد اسيطر على اعصابي واني طبت وجها ميتفسر تريد تعرف سعاد طبت وراهن

سكتت كوه عني مااريد اصيح واكعد اسامه والجهال

ارغد " يمه تذكرين من كتلج بس اخلص المرحله الثالثه ازوج "

امي هزت راسها " ايمه فهموني خالتك شبيها شدخل زواجك هسه "

سعاد عوجت حلكها" هي هنا المصيبه اسمعي اسمعي"

ارغد  كوه صبرت روحي " يمه الرايده وسن بت خالتي "

امي التفتت الخالتي تهز براسها ودموعها على خدها " شفتي تاليتها ياخيه تنزل راسي العايبه الماتخجل عمري جبته اعلم بيها تالي تفضحني كدامكم"

امي " شمسويه وسونه بتج حبابه وعاقله خيه انتي متردين ارغد لبتج ابني يعيبه شي مو مستواكم"

هزت راسها لا" دادا انتي تعرفين البير وغطا وارغد اعز من ولدي يوم المنه الازفها اله بس سوايته نزلته  من عيني من كالتها هدتني هد مااحترمني ولا قدر وجودي هيج اني مالي قيمه يمه ويدكون دكتهم وتالي سديها واسكتي"

امي " شمسوي ارغد باوعتلي ولك شمصخم فهموني سعاد احجي اخوج شسوه "

سعاد " كولي شنو الماسوه غير لكيناهم بوضع مال مره ورجال متحاضنين  غطت وجها بشهالها عود مستحيه يمه حتى ماادر اكمل من العيبه"

دنكت صكيت على سنواني لازم تستخدم ابهارات زايده استغفرالله "انتي الله مسلطج توزين لو تكعدين محضر خير لو دكومين وجفيني شر لسانج"

سعاد " فوك عيبه كوات عينه اخجل شويه عملتك بس ابن الحرام يسويه "

امي صااحت " صخمان هجمان البيت صمي بوزج خلينه بمصيبتنه مره ابنج بطولج بتج ذاك اليوم زوجتيها خليني محترمتج اسكتي عنه "

باوعتلي " الله يصخم وجهك مثل ماصخمت وجهي كدام اخيتي ماصبرت متوازي انت وذيج الماتستحي غدي منكم وينه احنه وين انتو جنه نخجل من خيالنه بزرت تالي وكت   "

غمضت عيوني " يمه مكعدج تحليها لو ترزلين بيه البت مالها دخل اني الجبرتها"

باوعت لختها" ام وسن دادا حكج والتكولي السوي مالومج عليه واني لو بتي وهيج اشوفها جان موتتها بيديها بس تعرفين هوه ابن خالتها وشباب والشيطان شاطر واحسبيها مملوجه اله "

خالتي " شحسب اجي الكاها ويا طول بطول واني اكعد اكوم كدام ابوها احمد بخلاقه اخلي على بزري ومااخلي على ارغد والله سودنوني عكل ماضل براسي من شوفتهم "

رجعت تبجي وتضرب صدرها" الله ليفقج ياوسن ولج اني تالي هيج حالي من وراج كح.... ماعرفت اربيج "

امي " كولي ياالله خيه ارغد وان غلط والشيطان وزه بس يغرف بروحه مراح يعوفها واني اليوم جايبه ابو ابراهيم وطالبتها منج بس هدي على عمرج ماتسوه

شباب وغلطو "

سعاد" يمه هي هاي هم غلطه لو ماخذها كل ثنين والشيطان ثالثهم شدكل لبوها لخوها حقها مالومها

بلسوي "

خالتي خرت وكعت على امي

امي " يمه الرحمان اخيتي راحت ولج كومي جيبي عباتها وانت اركض اجرلنه تكسي يمممه ام وسن دادت فوده العينج شووو باعيلي شووو يمه المره

صارت خركه بيدي

طلعت ركض الدنيا صبح بيتنه على الشارع فات تكسي وكفته ركضت طبيت امي تلبس بيها وعيونه تجري شلتها صعدته وامي صعدت وراها

سديت الباب سعاد وراي تريد تفتح الباب من الجه الثاني وتصعد صحت" وين موليه "

سعاد" وياكم يعني وين "

ارغد " سعاد اجفي شري وطبي للبيت يله مارايحين نلعب"

سعاد" اعون امي متكدر الخالتي وحده وبعدين شعليك اني وتحاسبني "

صحت روحي طالعه " امشيييي طبي " بعلو حسي

ضلت تتلفت كل البطريق سمعني  طبت تلغط عليه بأنواع الفشاير لازمها بيدي اذا مااطلع روحها

كبل للمستوصف المستشفى بعيده قاسو ضغطها صاعد علكولها مغذي ضربوها ابره كعدت بره

الله ماسلط غير سعاد هسه ماتسكت متأكد راح تحجي لخواتي فركت وجهي الله ينعلك ياشيطان

تانيتهم بره طلعت اشتريت باكيت كعدت ادخن افرغ النار البداخلي بالي كله يمها خالتي رغم حبابه ومالها بسالفة النفاق وحجي نسوان جيب ودي هذا الخلاني

احب وسن من حبي الها اشوف تربيتها الصح

من صغرها علمتها على الحجاب والصلا تعلقت بيها شفتها انسب وحده الي هم اعرفها ورابيه ويانه وهم

بت خالتي

ضليت ادخن واسحن بروحي مالكيت غير سيف اشكيله شلت التلفون مابيه رصيد كم سنت ومخلصات الدولارات

رجعته لجيبي بس الكم الف ارجع بيهن كروه

اجت امي من بعيد طفيت الجكاره وهاي شافتني

امي " كرت عيني بعد شعرف جكاير وسوالف طايح حضها كول يمه شعدك غيرهن "

ارغد" يمه لا زيديها عليه والله كوه لازم روحي وخجلان من خالتي "

امي " انت خليت للعيب مضرط  لو تعرف مادكيت دكتك يمه مادامها مو بعصمتك اختك تعرف شنو اخت يعني  شوفها مثل سندس وسناء وسعاد "

امشي نطلعها خلص مغذيها "

مشيت وراها لكيتها فاتحه عيونها دنكت ميت بدمي منها كوه لزمت نفسي امي طلعتها تجيها طلعت اخذت الراجيته جبتلها علاج  حب ضغط شكل عدها

اهذت تكسي رجعنه طببناها  باب الاستقبال مفتوح

ابن خالتي وزوجها موجودين

.....يتبع

لتنسون نجمه

وتفاعلكم

ومتابعة الحساب

❤❤❤

بين الكاف والنون (كن فيكون)

الثالث والعشرون

الكاتبه سجى الطائي

/////////////////////////////

آحن لـ گلبك المآحن ..

وآتلذذ بـ هجرك والوصل ويآك

وآذكرك .. وآبتسم !

والنوب آرد آحزن !!

ارغد

باوعت لسعاد دارت وجها اخذوها طببو خالتي لللستقبال غسلت ورجعتلهم الف حسبه وحسبه وجوهم مفزوعه عليها

ابو وسن" صار وياها وشكل عدها ضغط"

امي" ياخويه وحدها انه وياها كاعدين اذكرنه الموته ونقهرت طاحت علينه سوده عليه ماتحملت"

ابو وسن" شني جديده عليج وهيج تنقهرين عليهم صارلهم سنين راحو الرحمة الله شبعو موت زغير وهيج سوين بروحج"

امي" الله يرحمهم بعد تريد صير لا تلومها قابل بيدها هل اني صنين ومنين احن على بنتي وهي عمرها عشر سنين من راحت ومانسيتها"

سكت الرجال شويه وكالو نترخص جلبت بيهم مااقبل صاح على بته اجت وسن الوجه احمر عيونها منتفخه

عضيت شفتي بسنوني شجاني مالزمت روحي اني اتهور هيج سنين كدام عيني مادنيتلها

خالتي معتبرتني ابنها تالي خزيت روحي بهاي تسرعي الله ينعلك ياشيطان راحو وخالتي متباوع بوجهي بس طلعو ركضت على سعاد فايرر وامي وراي جرر بيه " رويغد هيد لا تفضحنه بين الناس وصواتكم طالعه عوفها"

ارغد" عاجبج السوي وين الله يحطج بيا قاع يحرك لشتج طلعيني من طوري شمسويلج ..... بيادين انتي اخت واتحاسب عليج"

اسامه دفعني شافني هاجم عليها" دوووخر شبيك مخبل انت "

ارغد" ولك امك من يامله من ياادين ياهوه صخم وجها وكلها انت مسلمه كافره يهوديه والله اشرف منها"

سعاد" اني فلا اضل هنا على هاي الاهاين بزر بطني كدام عيونكم بعد شويه ويجي يضربني وين عنه الوبيا تالي وكت انضرب"

" ويطبج عرج اليجي منيده الله يزيده "

صاح وسام " حدك هنااا اشوفك الزلم لا تتعده وانسه القرب "

وخرته" دولي عني لو احطها براسي وحك الله وحك كل لوعتي اطلع حليب امي من خشمها واحرم عليها تعتب باب البيت مو بعينك امك ماتنحمل"

طب ابراهيم من بره" هيووو هاي عليمن "

كعدت رجلي ترجف " شكوو يمه هذا شبي ويه سعاد عليمن تعوووين فهميني انتي "

امي كعدت تحجيله باوعلي " ماتخطبها اذا هيج كاتل روحك عليها ديج هراتي دكمز على اختك "

باوعتله" انطت مجال ابوها واخوها شدراهم بيها المن خابرتيهم "

تمسح بدموعها حية التبن" مو اني هذا اسامه كالهم على خالتي واجوي شفتني فاتنه بهذا عمري متستحي من وره مره سوي بيه هيج"

رفعت حواجبي " مسكينه سوده عليه "

سعاد" شوف حالك شلون كتلت نفسك بعدها مااجت "

امي " يمه انتي ليش تخلين راسج وراس هل بزر بكد ابنج وتعرفين طبعه مايتحمل عوفي اجاهلي اضل كل يوميه النه طنه ورنه "

ابراهيم " اطلبيها اله وفضيها "

امي " اشوف الوضع كدام عينك الايد كصيره والعين بصيره العرس مايرادله فلوس يايمه منين اجيبله ودراسته وروحاته البغداد البت ماتريد"

تميم فات شايل كارتونت بيض نزلها صاح يمه "جاي جاي"

كعد "اي لمت خير شبي وجهج"

سعاد" من المحنه هيج وجهي مورد "غطت وجها تبجي

كالي" شبيها ام اسامه"

اسامه" هيج خالي سالفه بينها وبين ارغد"

تميم" هذا الاغبر شغلاته عوجه شمسوي"

ابراهيم " كافي عاد بعد مااريدك تتعده على اختك سعاد بمقام امك ربتنه على ايدها من صرت انت جانت مزوجه متعرف مقامها ماعاشرتها كدنه "

امي" يمه عيب اختك جبيره تهينها على اي شي ماصايره واذا خابرت زوج خالتها ابل تريد اضرك هاي المره سكتتلك مرة لاخ لا بمه ازعل عليك زعل ثكيل "

تميم " غير افهم الداير هنا شبيها سعاد وارغد"

عفتهم وصعدت صاح ابراهيم تعال انزل على اختك حبها وصالحها مارديت عليه كملت طريقي روحي بخشمي اول مره هيج انفعل عليها جبت عمري اعدي واكول اكبر منك ومره جبيره وصلت حدها الفقير ينوكل يمهم

ريحانه

ايام وتمت خطبت رضا من تكتم والفرحه دخلت البيتنه وامي طايره بيها وخالتي سوت خطوبها مصايره الناس حصره عليها العيشه وهي هبر لحم ودجاج وعازمه عيالها وبيت جدي وحمواتها البيت نترس وجان وكتها نهابة السنه الجو حلو بي نسمة بروده

رضا وتكتم عصافير مندمجين ناسين وجودنه شكد هوسن البنات وركصن جرني بنصهن خجلت شكد اكره روحي من اشوفهن عادي يهوسن يهزن كدام الكل بس اني الخجل طاغي عليه احس روحي صفر كدامهن

كل البنات يركصن وهوه عرس اخوي واني ميته مستحه درت وجهي وفتت للمطبخ الهي روحي باي شي كعدت امسح بصواني المهر مالاتنه جبناعن من البيت

مر شهر على الخطبه اسابيع وابلش دوام مرحله ثانيه ماعدي اي لهفه للجامعه حالها كحال المدرسه امي من هسه بدت سوي سلف تلم لزواج رضا وحيدها ماعدها غيره رجع للنجف اخر سنه ويعطل والدي طلب منه يكمل الماجستير ويتعين استاذ وهذا هدف رضا

كمت فتحت خانت الكتب اذكرت كتاب مصغر كتيب كان عباره عن مجمع مال ادعيه قديم ممزق الاوراق الاماميه والخلفيه ضال جزء بسيط تابع للامام العسكري عليه افضل السلام بفترت العباسيين كتبه احد تابيعيه وانفقد بمرور السنين كدرو يحصلو واحد الساده العلويين بزن النضام

اعاد صياغته الكتاب ونشره كان من ضمن مكتبت جدي بمرور الايام والبعثين اعتقلو جدي وعمامي وحركو مكتبت البيت اذكر الحادث للان بالي شلون داسو على الكتب

ومن ضمن الكتب النحركت هذا الكتاب فقدت عنوانه كانت حوارات بين الامام الحسن والامام علي مجادله لطيفه احب اعيدها لمن الامام الحسن يطلب من ابيه وصف الكون

تمنيت الكه تكملت الحديث بحثت بكل مكتبت والدي مالكيته

رجعت كلشي المكانه طاحت حلقه تراجي خفق كلبي شمرتها سحبت نفس مااريد اذكر كافي تعب وحصره

ايام وابويا كال نروح للنجف قبل دوامج عده ندوه وقرر ياخذنه كيفت حضرت نفسي ثاني يوم طلعنه طريق خطر اباوع الصبات بلطرق النجف مهجوره بسبب المحتل صور لشهداء الانتفاضه

شهداء المقاومه كل شهيد نمر منه والدي يتنهد بقهر شبابهم ضاع بلد محارب على مر الازمان

وصلنه لليل قررنه نزور حمزه ورضا وبيبي ونرجس ومعصومه راحن ويانه هم داخلي يعيد نفسه صارت القبه امامي وكفت سحبت نفسي عن الطريق التفت رضا اشرته براسي هنا اضل عيوني مدمعه اريد اختلي بنروحي

غمضت نزلن قطرات الدمع ياوسيلة الله في الارض ياحبيبي يامولاي يوم الستنجدت بيك ماعفتني لزمتني من ايدي ودليتني على الطريق شفتك باب الفرج كلي ذنوب اغثني ياغياث المستغيضين

نسيني الماضي مااكدر اعيش والكابوس محاوطني واعدتك امشي على منهجك اقتدي ببنتك الحوراء زينب الكبرى بحقها عليك بدمعتها بسبيها لا تعوفني كمت اناشغ والله يامولاي جاي اموت على البطيء وساوست ابليس يحاولون يقيدوني اصرفهم عني عيني ياعلي اغثني ياعلي ادركني ياعلي انت باب الله واني جايه داكه بابك

كعدت غطيت وجهي كلي فده ونذر لترابك ماانسه معجزتك احاطتني بذاك اليوم ونقذتني لا تعوفني سيدي لا تعوف حفيدتك ضليت ابجي واباوع للكبه نرجس كاعده بصفي تعرف الصارلي حضنتني

نرجس" حبيبتي مسحي عيونج انتي طيبه وعلى نيتج لا تاذين روحج راح وله للدرك الاسفل من جهنم جدو يكول هاي رابع مره يزوج وميكدر ياخذها انفضح "

بجيت" حطمتي دمر نفسيتي "

نرجس" وكلي الله وحبوتج ماعافته شوفي حاله وجه اسود بين الناس ومحد يعتبره ويقدره كل شخصيه مااله"

ريحانه" لو منتهك عرضي بذاك اليوم هسه اني شنو حالي بينكم والله الموت اهولي "

نرجس" لا تحجين وتذكرين عوفي انتي معجزه الولد فجئه عجز وماكدر يسويلج شي احمدي الله واشكري امه لحد قبل سنه اجت البيبي تريد تجيج وطيح عليج تبرين ابنها"

دنكت امسح بعيوني" مااكدر اني مو غليظة القلب ولا جاحده الله يسامحنه على كل ذنوبه بس اني انسان داخلي وجع ماانسا نرجس شفتيني صار بيه"

نرجس" لا سامحي عوفي يجازه ويه ربه بس ريحي نفسج ذبي همج لا تاكلين بروحج"

طبينه للامام زرت ودعيتله من كلبي يهدي وينور طريقه بطريق الحجه ويجعله من الصالحين حسيت بضيق مجربه هذا الدعاء والصلا

من دعا بهذا الدعاء اصابه الفرج عن ابي حمزة الثمالي قال سمعت الامام السجاد زين العابدين (عليه السلام) يقول لابنه يابني من اصابه منكم مصيبة او نزلت به نازل فليتوضأ وليسبغ الوضوء ثم يصلي ركعتين او اربع ركعات ثم يقول في اخرهن

( يا موضع كل شكوى ويا سامع كل نجوى ويا شاهد كل ملأ ويا عالم كل خفية ويا دافع ما يشاء من بلية يا خليل ابراهيم ويانجي موسى ويا مصطفي محمد (صلى اللله عليه واله وسلم) ادعوك دعاء من اشتدت فاقته وضعفت قوته وقلت حيلته دعاء الغريب والغريق الفقير الذي لايجد لكشف ماهو فيه الا انت يا ارحم الراحمين لا اله الا انت سبحانك اني كنت من الظالمين) كملت داخل ضريح

اللهم صل على محمد وال محم

طلعت صلية صلاة الزياره وركعتان لوجه الله من بجيت ارتاحيت طلعنه افترينه اشتريت كم قطعة قماش اماني تخيطهن الي

الناس تفتر الشوارع ممليه الاجواء حلوه حسيت نعيق حمار وسط السوك وليل وين اكو

خفت ركضت لمي تكرر الصوت اتلفت ماكو همست النرجس ومعصومه صمعن صوت مطي

ضحكت وين اكو مطي كاعد هسه وهنا بنص السوك

اتلفتت ماكو كملت مشي الصوت رجع بغير طريقه صوت حيوانات رضا مسافه من يمنه فات شخص من يمنه وجه انسان رجلين ماعز

هنااا اني خرطت العافيه عطت من الخوف سديت عيوني حضنتني امي سمي جرتني يم المحل ارجف رضا والبنات التمو يمي

رضا " ريحانه شبيج "

ضليت ادور بعيوني ماكو اباوع للناس اليمنه يباوعولي مستغربين وينه كتله" شفت واحد رجليه رجلين حيوان"

دار وجها يباوع " ماكو يتهيألج وين انسان برجلين حيوان وين شفتي "

اشرتله "هنا هنا فات من يمك"

رضا" يمه هاي خاف نرفع عنها الغشاء "

امي" لايمه وينها وين هاي المرحله يجوز متوهمه"

بجيت " والله شفته مصدكوني "

رضا " لا حول الله ريحانه تعرفين اليشوفون الانسان على حقيقته بذنوبه هذا ياهوه بس الواصله مرحله متقدمه وتدريب روحي وترويض يعني اقل مايكون اربعين يوم ترويض النفس بلجوع والعباده وابتعاد عن كل لهو الحياة "

سكتت اذا احجي ياخذون نضره عليه مخبله واتخيل وادخل بتحقيق من والدي ادري بي يصدكني مااريد اشوف هاي الامور تخوف دخيلك ياربي كمت اخاف اباوع بوجوه الناس ولا بلكاع

لحد مارجعنه للكوت الخوف مسيطر عليه عايشه برعب بس وصلت للبيت ركضت توضيت وصليت دعيت بس هذا الشي ينشال مني مااريد اشوف شي والدي وره ايام عرف من ماما وكعدني حجيتله الصار كام يصلي على النبي واني ميته خوف مااريد شي بس اعيش مثل البنات مااريد اشوف شي

ايام مرت داومت والخط نفسه اماني وياي وهاي حالها امر من حالي عائلتها وضعهم مدهور اختها رجلها شامرها وماسأل عنها

شهر ورضا نصب الغرفه صاج عراقي شكد حلوه اخذو القاط الفوك بابا رممه وبيضه وجاب صباغ صبغ البيت كله العرس صار بسرعه بسرعه كلشي جهز امي راحت هي ورضا هم يشوف خطيبته وينطيها فلوس النيشان

حددو موعد العرس بداية السنه 2006 بلضبط نهار خميس الحنه الاربعاء وكتها الرادود.....الاسدي

بدت قصائده تنزل كاسيتات واقراص سيدي جابه وجماعة رضا بلنجف حضرو

حديقة بيتنه الاماميه والشارع انترس مواليد وجكليت والصفكات عشنه اجواء جنن بنات خالي يمنه قبل سبوع اجوي نرجس ومعصومه وسكينه ورقيه الكل حضر ويايه متونسات على صوت الرادود

ثاني يوم حضرته للزفه العروس اجت بيت عمي علمود تطلع من بيته الزفه من الحمزه للكوت مسافه بعيده وتتعب وطريق خطر

ايام العرس والمه حلوه فرحت خالتي ماضلت ثاني يوم رجعت وخالاتي وبيت جدي ماضلو

انضاف ضيف جديد للعائله مكيفه بيها خالتي خديجه شكد بجت من شافتني ابتسمت " هااي اجتج اخت تتونسن سوه ويه بعض "

كنت متستمره على نضام تهذيب النفس والتخلص من الذنوب صوم ثنين وخميس من كل اسبوع تدريب يخلي الانسان يسيطر على وساوس الشيطان وتخلص من ذنوب

داومت نزلت اخذ ملازم الاستاذ يتركها بلمكتبه واحنه نستنسخها اخذت وحده رجعت للقاعه الاستاذ داخل دكيت الباب باوعلي

"اكو علم عدكم المحاضره الثانيه والثالثه اليدخل وره الاستاذ ينطرد"

واحد من الطلاب كله" والي يصير عده طارء"

الاستاذ" ليدخل "

طالب " استاذ مشيها حتى بعدك ماامحاضر "

الاستاذ" عبد كاعد بكوفي وامشيها التفتلي روحي بنتي للمقرر جيبي ورقه "

دنكت صعدت للمقرر دكيت الباب يمه ولد شاب ورجال كال" دخلي هااا بابا شعدج "

"دكتور اتاخرت بمكتبته استنسخ والاستاذ رفض يدخلني "

مقرر" مرفوض بنتي كم مره نبهنه عليكم مسموحلكم بلمحاضره الاوله وراها يصير تسيب مو"

هزيت راسي مدنكه " بعد لتتاخرين انتبهي الدروسج الفره متفيدج ضيعن محاضره معناها مثل العميه تفتهمين من تقرين "فد انقهرت من رزلني وماصدك بيه

" اسمج الكامل"

"ريحانه محمد جبار "

سجل اسمي وختم الورقه اخذتها ونطيتها للاستاذ دخلت ميته خجل مشت بيه الايام كاعده انقل المسائل الشرح من الصبوره الذكيه الاستاذ موجود الخلص طلع ضليت اني وكم بنيه

دخل ولد سلم على الاستاذ عرف نفسه وبين بينهم معرفه من انطا اسمه واسم والده

ضليت انقل رفعت راسي هذا نفس الولد من شفته يم المقرر كمت انفتحت طباقت العبايه سديتها لميت جنطتي ضميت الاقلام مشيت يم بنيه وياي كلت اماشيها على كد الاكل

نزلنه شربت عصير ولفه كملت طلعنه نغسل حسيت بزه بخاصرتي طبيت للحمام غسلت نص ساعه والوجع يزيد البنيه وياي حست على جهي

كعدت بلقاعه يمكن ثكلت بلاكل هذا الاكلي المعتاد دخلنه محاضره ماطولت دقايق والالم زاد سديت حلكي بيدي خليت راسي على الستول البنات الكدامي شافني اشرن للاستاذ

ماكدرت احجي شي شكد حاجوني اني اتلوه طلعوني بره التمن عليه متت من الوجع صفحتي مثل السجاجين تطعن بيه العرك يصب من وجهي

عضيت عباتي غمضت عيوني اسمع صوت البنات والاساتذه فتحت عيوني مقرر ولد همست " فدوه بطني راح اموت"

البنيه شاورتني " العاده جايتج لو موعدها"

هزيت راسي " لا مو وكتها"

المقرر حاجه البنات " ثنين يجن وياها وثنين يكملن محاضرتهن "

كوه نزلوني اشرت للبنات وياي خابرو بابا من الالم فقدت بعد

حسيت بضوه بعيوني واصوات واحد يسلم "اي سيد اني ابنه "

سيد محمد" شبيها الصبح طلعت مابيها شي "

"لتخاف زائده مخزنه والحمدالله طلعت سالمه"

سيف الدين

الرجال باوعلي بي شبه من امي " تفضل بيش اخدمك"

سيف" حجي ماعرفتني "

الرجال" لا صغرن بيك منو "

"سيف الدين رياض رميض امي ع..... اختك"

عاينلي يتفحص شكلي ابتسم " اهلاً وسهلاً ابني زارتنه البركه تفضل " فتحلي الباب طبيت تارسني امل ضليت واكف بلممر سد الباب " طب بابا تعال "

دخلت ورا الشقه مرتبه مفروشه اثاثها هادء البنت الفتحتلي الباب واكفه بلمطبخ شافتني

الرجال" هاي هيج ع.... عدها رجال جبير زلمه امك شلونها اخبار جدك وابوك "

جنه مايدري بختفائي "جيتي الك علمودهم "

الرجال"خير ان شاء الله بلاول نضيفك جوان جدوو كهوه حبيبتي "

ردت عليه" انت ماتوب ياجدو هسه تصير مريز"

باوعلها بحنيه وهيه تمسح الكوب بلوصله

"للرجال بنتي يشرب وحده ميصير"

هزت راسها "انت عنيد "

الرجال"اي ابني كمل شبيها امك "

كعدت سولفتله بشكل مختصر وشلون جاي ادور عليهم وصارلي 14 سنه فاقدهم

الرجال"زين ماحاولت بلنفوس التركيا الاجئين عدهم سفاره واسمائم مدونه مطارات العراق نجف بغداد محاولت شوفهن "

سيف"ماعدي اي معلومه سفرهم عن طريق الطيران بذاك الوقت مكان اكو والسفارات ماعدي ضمان وجودهم هناك اقرب احتمال الي تركيا سوريا الاردن "

الرجل" يمكن بعدهم بلعراق مطالعين مغيرين محافظتهم "

سيف"جدي بفترة شهر صفه كل املاكه اقرب احتمال هنا انت وخالاتي ماعدهم غير مكان "

ابتسم"تدري اني خالها مو اخوها لمك"

عكدت حواجبي"يعني شنو"

الرجل "بيبيتك الله يرحمها سمت خالك على اسمي واسم جدك نفس اسم ابويا لهذا عبالك اني اخو امك واني خالها قبل شهرين رجعت للعراق استقريت بانطاليا "

نفخت بقهر "كنت بلنسبه اليه خيط نجاة عسى الكاهم "

الرجل"لا تأيس من سنة الثمانين تركت العراق بسبب النظام بعمر السطعش اخذت بيبيتك جدك توفه من زمان ضلت بس هي وخالاتك وحده بفرنسا وحده بتركيا والبقيه طشرن وخوالك هم

ماتت نهاية التسعين جانت تبجي على شوفة بناتها ولدها من ماتت نقطعة صلة التواصل بينهم

ارقامهم متغيره ماخليت احد عرف ماسألته هاي احجيلك بسنة التسعينات سنين مرات قهرتني ماصورت امك تنفجع بيك شيخ رميض انسان قوي ماصورت بشهر يعوفك وياخذ اهلك ويعوفك"

سيف"ماادري هذا المدوخني انه جنت اقرب شي اله من الاحفاد ليش ماتدورو انه وره شهر صحيت من الغيبوه انطيتهم اسمي الكامل وراح الشيخ جليل مالكاهم حتى عمامي شاردين "

الرجل "لا اله الا الله الله يكون بعونك "

طبت حفيدته بيدها صينية الكهوه قدمت وكعدت مقابيلنه ليش اليطلع للخارج البعض ينسه قيمه وعاداته هل المجتمع هوه سبب لو انفسنه السبب حفيدته كانت شبه عاريه كيمونه وشورت كابوي ومنا بيضه الشعر محلول الوجه صبابه هذا ميخاف عليه من النفوس الضعيفه يطمعون بيها

دنكت استغفر داخلي كان الي امل اتبعثر امامه انطيته رقمي اخذت رقمه حفظته شكرت منه ورجعت

هاي وحده من عشرات المحاولات ماأيس ضلت جمره وتاكل بكلبي اختفائهم الف حسبه وحسبه مرات اكول ميتين مقتولين

نزلت للدوام ثاني يوم اجانه امر نتوجه البغداد اطرافها القوات الاحتلات ومواجهات هنا الوضع يخوف وجود قوات الامريكيا كانت وجودها ليش فقط التحررمن النضام كانت غايتهم نهب البلد احلال بنضامه الاقتصادي زرع الفوضه

وبلفعل نجحت اندرج اسم من اكبر ارهابيه المرو مصعب زرقاوي الذبح على الهويا دخول ارهابيين من اراضي السوريه وذبح العراقيين بحديد التنكه واليجيب الراس ينطو عشره الف دينار عراقي

انهاريت وقتها من شفت الرجال مشمور وراسه مفصول عن جسمه

دخل العراق بنضام سياسي مجهول احتلال الامريكي الحروب الاهليه الذبح في الشوارع دخول جماعات ارهابيه من اربع محاور ايران تركيا سوريا سعوديه

مثل فريسه وسط ضباع الشفته شيبني على صغر تنصيب نوري المالكي والا نتخابات كانت نوع من انواع الفرج للشارع العراقي الكل طلع وانتخب وصل عدد الناخبين ثمانية مليوم ناخب عراقي

الامر التلقينا انفجار بمدينة الصدر راح ضحيتها 200 شخص سال بحر من الدم وتوالتها تفجيرات في مختلف بقاع المحافضه

انزل للبيت تتلكاني الحجيه تونون عليه وعلى زياد " يمه شسويلج بيدي اكعد واكابلج حرمه اني شعليه واذا داومت هاي مهنتي اكعد اخبز للعالم لو زياد شنسوي "

امي الحجيه" ولك يمه تضحك عليه وكلبك بارد شكل الكلبي يضل يمكم يامن يردهم من الدوام عوفه خلي يولي هذا بستان ابوك وعيش بي ماتموت من الجوع "

سيف" اي واكعد ازرعلج طماطه وخيار وفجل صدك جذب حجيه بزر انه وتخافين عليه وعلى زياد هذا صارله سنين بلمهنه ذاك هوه مايموت لا تخافين "

امي الحجيه" والله انت لسانك متبري منك اكله اخافن عليك كلبي يلعب "

سيف" كعدي "

امي الحجيه " والله انك ماتخجل وتضحك عليه دمشي موصوجك صوج كلبي "

جريتها حضنتها ابوس كلبج اني شعدي غيرج يمه وادري بيج تخافين وبالج يمنه اطماني مكاني امان وزياد مكانه هم ماعلينه شي بس انتي لا تنسينه بلدعاء والله الحافظ انتي مو دكولين محد يموت غير بيومه وهاي انه عايش مامتت "

امي الحجيه " اسمله عليك عيوني يومي كبل يومك وعساها بعدوينك "

نزل زياد التمينه الحجي كال لازم نرجع معمل الاسفلت بلبصره على طريق البطحه استلمو

الامريكان بعد الاحتلال استلمو المعمل البرطانين

نهب

يومين وراح زياد ويا الشيخ البيت فارغ زوجت زياد راحت لهلها بلكوت واني والحجيه ضلينه راس على راس بيوم منهن كاعد اكلب بلقنوات امي نايمه بغرفتها

نفتح باب المطبخ لي صوت فاتت الما سحبت نفس

" شجابج "

الما" كلبي الجابني "

سيف" روحي لشوفج الحجيه "

ذبت روحها كدام رجليه "اسمعني بعزيز كلبك ادري امي الحجيه بغلات روحك اسمعني بجت والله اليل مانامنه اهجيس روحي تطلع من مكانها مامرتاحه

والدنيا تكولبت عليه سيف انه غزال بين اسود

تناهشوني مناهش ماجتي بت اخوهم ولا جن

انه مره ضعيفه مااكدر عليهم "

سيف"شني الجد الجديد ماله فايده كلامج بعد صرتي على اسم رجال وحرام عليج لا تنزلين روحج

لجل شي صار من الماضي "

عيونها عشرها عشره كوه مقاوم روحي وكاعد واشوفها تكاتل بروحها من للحركه" لا تعايرني يسيف انت ادره بلبير وغطا وانت شاهد على عمايلهم بيه مااشايف شسوومن سمعو بيك طالبني لو ابويه الشيخ من طلبني منهم طلعت ايدها هاك شوف اثار الضرب والتجوي "

لزمت روحي اعصابي فارت نترت بين سنوني " لو جايه وحاجيه لو كايله لبوي لو مطيتني خبر زياد فرات موجودين وهمه حسبت اخوتج ولد خالج ليش ماطلبتيهم انه خلني اولي عذرج اقبح من فعلج "

كمت منتفض منها عاينت لدموعها بذاك الوكت دموعج تحركني حرك لو شفتهن نازلات هسه مالي حك بشي ضيعتي حكي وحك سنين المناطر

تذكرين من كلتي خليك جبير بعيني ولا تنزل من عين الشيخ وانه محترم هاي كلمتج مادنيتلج بلحرام ولا عاينتلج بعين الشيطان والشهوه خليتج بجام وسديت عيوني منج

انه اخاف من العاقبه البيه مايحملها احد وانه من صغري حملت الهم وضميت بكلبي اكولن يجي يوم

واجازه على تعبي انه زلمه مو مرله واجي اكلج تعاي خلي نهرب وانهبج

ولا اكلج ارفضي وانه الكاعد رحت لعد عمامج واحد واحد وره الشيخ وطلبتج منهم مطاحن صرت وياهم

وبيوم اجيت وشفت ملجتج صح اجيت اطب للبيت واخربها من راجعت نفسي صدك اصغر روحي بفعلتي

اليجي من ربج خير وبركه ان جان صرتي نصيبه فهذا حك تعبي والله جازاني بيج

وان جان مالي نصيب بي فروحي مهنايه والله يسعدج ولا دكولين هيج تحجي معناها ماتحبني

بس الله اليعلم البكلبي الج وحده شاهد على حركاني

دمي هذا شيبي منج بس مابيدي حكم

مااعارض حكم ربج ولا اوكف بوجها لجل رغباتي

كومي ردي للبيت ولا تعيديها ارضي بنصيبج وادعي

البي صالح يتممه والمابي صالح منها وتفض

عفتها تناشخ شلعت روحي بدموعها شكد مااقسه

واتلوع تبقه نارها تسعر بروحي بيومها للصبح مانمت

من الصبح خابرت عمي جاسب ابو حميد عينه على الحجيه طالع للصندوق اسراري

......يتبع

بين الكاف والنون (كن فيكون )

الرابع والعشرون

الكاتبه سجى الطائي

/////////////////////////////

سيف الدين

طلعت من البيت بعدني ستوني محرك ودمي فاير حسيت بدوخه من الضغط من شكل عدي اشتريت حب ينزله جريت الشريط طكيتلي حبايه شربت مي شكد الجو بي بروده احس روحي اصب عرك فتحت الباب نزلت اسحب هوى

تمشيت الطريق عام قريب يم الجامعه ضليت فاتح الباب كعدت رجعت راسي الحجي خله بركبتي المعمل وزياد يركض بي وين رايح وتارك الشغل الراسي هذا موحل

وين منطي وجهي بلسهله وكعت ونحنه ضهري بغيرها اموت روحي لفت السياره راجع

مامتعود ادير وجهي واشرد هاي شيم الجبانه انه تربات شيوخ التدريب لوني لوي واجهة مابطلت

الكليه العسكريه المتقدمين الف ويزيد اليكمل اربعميه من شدت التدريب من القسوه النشوفها حتى لحم ني وكلونه نطبن رواحنه ونركض يسون بحيرت طين نغط بيها ممدين يجي المدرب يدوس على صدورنه روحي شوغ اضل صامد شنهي تدريب يوكعني

مره عبرنه من اسلاك شائكه جسمنه شخط والله وكتها الدم يجاره منه ونكوم ونكمل تدريب اليوكع يشبع جلاليق غصب غنك تكمل ماتكدر يكلولك روح نام بحظن امك يعني انت مو رجال

عبرنه وصارت سوالف دك جهازي رفعته زياد" هلا ابو نور "

زياد" هلا خويه سيف انت وين"

سيف" بلطريق راجع للبيت "

زياد" لا ترجع اطلع كبل لبو.... كله انه من طرف الرائد زياد ينطيك الكتاب ضمه يمك"

سيف" كتابيش خويه شني كملت المعمل رجعته"

زياد" لا هذا سالفته طويله الضاهر مستولين عليه بلقوه والحكومه سايبه ضمو من ضمن معامل البتروكيمياوي "

سيف" وشني راح تعوفه "

زياد" مااعوفه تعب الحجي ان شاء اللة احاول اوصل لمكتب الوزير واقدم المستند والمعامله  ونشوف "

سيف" الله يسهلك ابو نور ماكتلي كتابيش هذا"

زياد" نقلي لصلاح الدين"

سيف" انطي مجال الحجيه بعدها ماقانعه وتعرف حلال الحجي هنا وياخذله وكت يصفي يبعي البساتين"

زياد" الله كريم تصفه منا لذاك الوكت "

سديته منه مصر على نقله الحجي ويا الحجيه وفرات ماقابلين لمن نشدوني ضليت بحيره يوميه متهجولين بديره كرهت حتى يوم الاجيت بي صحبان منطقه ماعدي اذا كل سنتين ثلاثه وكالو نصفي املاكنه ونشيل وانه ساد حلكي مااريد اعارض ويتحسسون مني

ضربت الستيرن اخخخخ ياحساس الغربه البروحي تاكل بيه اكل والله ناار بكلبي اليشوفني ايبااااه هذا شكد بارد وعاقل بس خله يدخل الكلبي

يشوف جروحي التنزف كل ليله انه اعاني واضل مناطر الصبح اشرد من وضعي يتلكاني الدوام شكو شغله فاكسه يذبوني عليها

جبت كتاب زياد رديت للبيت الحجيه متانيتني

" هااا يمه الله يساعدج"بستها من راسها

امي الحجيه " وينك من الضهر كلبي ضل بنار انشد ابو رائد مايدري لوماا تجي المره خطيه وتعلمني شمدريني بيك"

سيف"بسم الله تلكيتيني طلعت بشغله كلت خاف اتعطل يديرون بالهم عليج"

امي الحجيه " وين رحت بلضهريه وللجو بارد ضال بطرك هلبلوز يمه انت ماتخاف على روحك"

مددت " شعليه جلد تمساح وداعتج بلكليه بطركها وبعز البرد نركض تعودنه "

امي الحجيه " ماكتلي وين رحت "

سيف" زياد راد كتابه جبته واجيت"

امي الحجيه " شني ياكتاب "

سيف" هيج كتاب مال دائره ماتعرفيله لا دوخين روحج بي"

امي الحجيه " زين يمه تتعشه ام حميد مسويه كبه مكلايه وزلاطه ولبن  تاكل وانه هم متانيتك على واهسك اكل"

سيف" يله صبيلنه لو انه اكوم اصب اذا كايم انه اصبن كعدي جريتها كعدتها"

ضحكت تدفع بيه تريد ادكوم" لا يمه ماتعرف "

كمت قبلها" لا تخليني اخبصج ليش بلمقر منو اليسوي اكل غيرنه والجنود يوميه على واحد حتى كبه ام التمن خابصاتنه بيها ذاك اليوم لفيتها انه والضباط وياي "

ابتسمت" يايمه اريد ربي يستر عليكم ويحفظكم الشبابكم "

طبيت للمطبخ عليت صوتي حتى تسمع" ايي والله يمه كثري كثري من ذني دعواتج "

ضلت تدعي واني ابتسم على حنيتها عليه حضرت الصينيه ام حميد مكملته مجرد وزعته بماعين بسطنه بلكاع انه والحجيه ناكل ونسامر مره اشاقيها مره اوكلها

لحد ما كالت " يمه شوكت تجيني ودكلي اخطبيلي"

اجيت اغص " يمه لا تبدين وتبلش اسطوانتي وياج ومااكدر ازعلج اغث روحي واغثج وياي"

امي الحجيه " يمه ضل طول العمره بله زواج قسمه وماصارت نموت رواحنه هاي انتهت الحياة"

سيف" لا يمه يجي يوم وتفرحين بيه بس مو وكته بعدني مامصفي اموري وراي هواي حسابات"

امي الحجيه " قصدك اهلك يايمه الزواج مايعيق ازوج ودور عليهم ماهو عثره بطريقك عيوني"

سيف" يمه انتي جاي ترشين ملح فوك الجرح انطيني مجال ارتاح كلبي ينسه واتعود اشوف دربي وين اذا ابو رائد يعرفني ويدري بوضعي الناس الغربه شدراها ماتنطي لواحد مكطم "

امي الحجيه " لا يمه عاب حلكك شني مكطم انت ابني انه الربيتك ابن شيخ جليل منهي الماينطيك كافي عليهم تربات ايدينه وليدي انت بس كلي والله لاخذلك بت شيوخ"

سحبت نفس" الحمدالله والشكر نعمه دايمه" كمت كالت" انه مااخذ منك حك روح يمه تاليها ازوجك غصب"

ضحكت" رجال مشورب اني ونجماتي تغصبيني "

حجة بجديه" مالي عليك حك وطيعني الام مالها كلمه على امنها حته لو مارضه"

ابتسمت" الج ونص وانتي هنا اشرتلها على راسي تأمرين موهسه وكت الي ايكطع عكلي اجيج واكلج "

سكتت مامقتنعه عفتها غسلت وطبيت توضيت وصليت خلصت اجازتي التحقت خابرت ضافر مايرد يومين ودك جهازي الحجيه بيبية ضافر

شلت الخط" هاا حجيه شلونج"

اجاني صوتها كوه تحجي" يمه اغديلك نذر الحك على اخيك راح يروح بيها الولد روح حاله يمه ابوس ايديك الحكه ضيع نفسه "

كمت مرعوب" حجيه بس فهميني وينه ضافر"

الحجيه" راح يحرك معمل خواله اخذ دبة بانزين وركض بدرجته "

طلعت وبيدي التلفون الف سالفه اجت بالي" جايكم"

سديته ركضت للامر كتله اجازه حتى لو تكطع من راتبي صاح هذا تسيب ملازم سيف مو وضعيه مشاكلكم العائليه خارج الدوام "

" سيدي مااكدر للزم اطلع بيها شغله بيها حيا وموت "

" بس اليوم اذا تكررت ينحسب غياب يكصون من راتبك "

ميخالف خلي يكصونه

ريحانه

كعدت اون الوجع فضيع احس صفحتي مكصصه لزمتها بيدي ملزكه شي مثل النايلون ملمسه ناعم

فتحت عيوني امي كاعده على الكرسي وبيدها قرأن وابويا بره اسمع صوته عصرت عيوني من الوجع طلع صوت ونتي امي رفعت راسها صدقت وسدت الكتاب اجتني تمسح على راسي 

اسماء " هااا ماما متوجعه هاي عملية الزائده هسه شويه ويجون ينطوج ابره مهدء "

افتح بعيوني واسد روحي منتهيه مثل واحد وشامري من سابع قاط للارض ليش عضام جسمي توجعني

اريد احجي شفايفي يابسه ولازكات شي على شي اريد افتح حلكي تفطرن همست " مي عطشانه"

اسماء" اي هذا مي "فتحت سرنجه وخرت النيدل سحبت مي من بطل خلت السرنجه بحلكي دفعت المي ارتويت حسيت حلكي تبلل وبلعةمي فتح

طب والدي ابتسم " الحمدالله والشكر شلونج باباتي "

مااكدر ارد هزيت راسي تقرب باسني براسي " الف الحمد والشكر خير وبركه زينه احسن"

اسماء" الدكتور طمن رضا عمليتها سهله بس الخياط شويه عنايه وتعقيم سبوع وطيب "

سيد محمد" عنايه الاهيه مابيها شي ملحكين عليها قبل ماتنفجر بطنها الف الحمدالله يراد تجارت دم دفع بلاء "

اسماء" سيد هاي عوينه من خطوبة اخوها كلهن صافنات على هدوئها ورزانتها هي الوحيده من البنات وكت الاذان توضت وصلت وقرت قرأن ومالها دخل شكد رادنها تركص ماقبلت باقي البنات التهن فرحه وشابات وسوالف وضحك"

سيد " العين حق واليصير قضاء وقدر دفع بلاء عن الف بلاء والحمدالله زائده ولا غيرها وكامت سالمه"

اسمعهم ساكته ثاني يوم رضا يمي بمكان والدي الصبح عده درةس حوزه الدكتوره رفعتلي الصونده شفت الضيم كمت اعيط لحد ماخلصت

دموعي تكت عليه اول مره اتعرض لهيج الم ثلث ايام بلضبط وطلعت للبيت العصر وصلنه رضا من السياره شالني وطببني والدي ذابح لوجه الله ودفع البلاء

والاشوفه قدر ومكتوب ماله بلعين طببوني الغرفتي تكتم محضرته

شافتني مدده غطتني بلبطانيه ابتسمت" مو اكلج انتي مايعه ماتتحملين "

ابتسمت بتعب انزلت روحي للمخده"مااعامي من شي فجئه صار"

تكتم " تاكلين حب بكشوره "

عكدت حواجبي" لا مااكل "

تكتم " يله الحمدالله على سلامتج عدت على خير كايمه اصبلج شوربه اني سويتها ضوكيها جنن من ايديه ههههه"

ابتسمت " ليش تعبتي نفسج مااشتهي"

تكتم "لا تتعززين علينه كعد بصفي احسبيني اختج احنه وحيدات عشنه صح عدي خوات اصغر الفرق بينه سنين ماضدقتهن حسيت مسؤله عليهن اكثر من كونهن اخواتي "

ريحانه" اني هم اتمنه عدي اخت مثل صديقاتي من اسمع يسولفن بخواتهن كلش انقهر"

تكتم" ياعمري اني اختج وبت خالتج وحماتج هههه كلهن سوه والله اعوضج عن كلشي ونتشارك كلشي شعدنه راسي وراسج ونتكافش هاا لعبالج فقيره "

ضحكت من كلبي حسيته تحبني واني جنت محتاجتها هزيت راسي باستني بلهفه وطلعت صبتلي شوربه بمنكاسه وجابتها الي ضلت كاعده يمي وامي اطب وتطلع توصيها اخاف هيه تنسه اوقات علاجي تكتم ذكرها "

تكتم" لا خاله ملج دخل اني اشربها علاجها "

اسماء" الله يحفظجن ضلت صلي على محمد مااريد عين تنضربن مثل ماضربتها وكعتها"

تكتم " ادللي سهله هس اقره عليه الرقيه وان شاء اللة مابيها شي "

طلعت امي من هذا اليوم بلشت صداقتنه رغم الم العمليه تكتم ملت عليه البيت شالت البيت والشغل صح احنه ماعدنه هوسه هي ايدها بيد ماما شوكت ماصاحتها طفرت رضا طاير بيها

والدي من شاف تعاملها حبها اكثر بده يعلمها على اصول الدين انطاها كم كتاب تقرا بيه تحفظه ويختبرها

بديت اتحسن كل عصريه تحضر جبس جان يجيبه رضا تكلي بلدهن وتملحه يصير طيب وياا عصير طبيعي سويلها سفره تفرش حصير مم الكصب دائريه جبيره حاكته وحده صديقة بيبي بلنجف لمي نكعد عليه سوالف وضحك مرات اني وياها ندرس هي بكتاب بابا واني الفاتني اماني زراتني مرتين وجابتلي التحاضير والملازم مستنسختهن تكتم وهي صارن صديقاتي تبادلن الارقام

خلصت اجازتي المرضيه رجعت اداوم اول يوم

نزلنه من الخط وياي اماني مشينه من البوابه طبينه للجامعه كليتي ابعد من كلية اماني ضلينه نمشي ونسولف لازمه الكتب بيدي

كان اكو طريق سيارات داخل الجامعه عبرنه وصلت قريب الوفه صار وياي بوجه بوجه الولد الشالني

وكف باوعلي عيونه تتفحصني نصيت مستحيه من الموقف اماني كالت" شويه طريق خويه بلازحمه عليك"

كال" الحمدالله على السلامه اختي شلون صرتي"

يربي هذا يتحمدلي استحي اباوعله اماني ندستني "يعرفج هذا منين "

همست " بعدين اكلج"

الولد" اخذي راحتج خطاج السوء اختي شوكت متحتاجين شي اني موجود الوالد يعرفني وصاني بيج "

هزيت راسي " شكراً الك "

عافنه ومشه علرنه درت وجهي عليه شاب بعده لبسه عادي بس مرتب عده لحيه بقية ملامحه ماركزت بيهن

اماني " خلصتي صفنه منو هذا منين يعرفج ولج فد لا فتحت عيونه مااصدك ريحانه"

ريحانه" هاا هم درامه مااعرفه كلشي صدفه الولد من طحت هوه جان موجود ونقلني وطلع يعرف والدي شلون ماادري مثلج هم مستغربه وبابا موصي عليه يعني موثوق منه"

مشينه واماني كالت" مبين خوش ولد هم ابوج وصا بيج وهم الولد مارفع عينه وباوع ضل مدنك لو يباوع لليمرون "

ريحانه" من ارجع اسأله عنه "

اماني " تدرين هيئته ذوله خدام الاضرحه لبسه وقميصه وبنطرونه القماش محد من الطلاب هيج يلبس كله كابوي "

ريحانه" هاي نميمه"

اماني " صدك ولج مشلت ذنب احد محجيت على شخص معين"

ريحانه" النميمه انواع دع الخلق للخالق ملج شغل بلبسهم حبيبتي كلمن يشيل ذنبه ماما مره سمعتها دكول كل لشه تتعلك منكراعها"

اماني" لا شعليه بعد مااحجي "

ابتسمت انقهر على الاشوفه الناس مامتعمقه بتعاليم دينها خليك بديناك بس دينك اله حق عليك الكل يضن ان الدين تعقيد وهو على العكس الدين تعصم نفسك من الخطأ تكدر تدرس الواجب والمستحب والمحرم مسائل فقهيا

يعني قبل مده وحده اجتني من طالبات قسمي سالتني ميصير اصدق بعد كل ايه اثناء الصلا

" لا ميصير التصديق "

رجعت سالتني صدك اكو صلا يسموها صلاة الغفيله "

ابتسمت الها كعدت مقابيلي هزيت راسي " اي اكو صلاة اسمها صلاة الغفيله هي مستحبه بين صلاة المغرب وصلاة العشاء"

خلت ايدها على خدها تستمعلي " اي وشلون اصليها مااعرف "

" ركعتين هي تقرين بلركعه الاولى بعد سورة الحمد (بسم الله الرحمان الرحيم وذا النون اذ ذهب مغاضباً فظن ان لن يقدر عليه فنادى في الضلمات ان لااله الا انت سبحانك اني كنت من الضالمين فاستجبنا له ونجيناه من الغم وكذلك ننجي المؤمنين) اذا ماحافضتها تلكيها بسورة الانبياء من اية ٨٧الى ٨٨"

كالت "يعني لازم احفضها "

ريحانه" موشرط يصير تكتبيها بورقه وتخليها بيدج من توصليها تقرين بلورقه او تفتحين القران عليها وتقريها"

كالت" يعني ماتبطل الصلا اذا شلت القران وفتحته"

ريحانه"لا حبيبتي منو كلج تبطل"

كالت" ماادري هيج مني زين كملي ورها بلركعه الثانيه"

ريحانه" هم بعد سورة الحمد تقرين اية ٥٩من سورة الانعام بسم الله الرحمان الرحيم وعنده مفاتح الغيب لايعلمها الاهو ويعلم مافي البر والبحر وماتسقط من الورقة الايعلمها ولاحبة في ضلمات الارض ولارطب ولايابس الا في كتاب مبين "

" وبس هاي " كالتها بفرح

ابتسمت على لهفتها " اي بس وراها دعاء مستجاب اطلبين حاجتج وان شاء اللة تقظا "

كالت" طويل الدعاء لو زغيروني"

ضحكت " لا كم سطر "

كالت" راح اكتبه الايات كتبت بس ارقامهن اطلعهن من القران بس رديلي الدعاء"

كتلها" (اللهم اني أسألك بمفاتح الغيب التي لا يعلمها الا انت ان تصلي على محمد وآل محمد وان تفعل بي كذا وكذا) يعني طلبين حاجتج

وراها دكولين

(اللهم انت ولي نعمتي والقادر على طلبتي تعلم حاجتي فأسألك بحق محمد وآله عليه وعليهم السلام لما قضيتها لي ) "

كالت وهي تكتب " بعد لو بس ذني "

ريحانه " لا بس ذني "

ضمت الورقه بجنطتها وكفت بوستني " عادي من احتاجج اجيج لو ضوجين اني هواي امور مااعرفها واتعلم من البنات وكالو انتي علويه وابوج استاذ حوزه تعرفين"

ريحانه" تعالي شوكت ماتردين "

وصلت للقسم الكل تحمدلي على السلامه كنت خجوله بحيث مااكدر احط عيني بعين احد وارد غير كلمة الله يسلمك الله يسلمج ماعدي غيرهن اليشوفني يكول هاي معقده ميدري المريت بي عقدني الوصلت اله بفضل الله ورعاية امامي كان رفيق دربي

مرت الايام امتحنت امتحاني الفات البنيه العلمته كامت هواي تتردد عليه الاكدر عليه اعلمها نصحتها تقره قران لو بليوم سوره من قصار السور ينطيها راحه نفسيه اطمانان روحي

اليوم كملت محاضراتي مااعرف وين اقضي وقتي اجيب وياي كتب اليوم جبت وياي كتاب المسائل الاسلاميه للسيد صادق الحسيني الشيرازي كلش حلو وسلس عن امسائل الدينيه

عكس كتاب السيد الخامنائي طريقة طرحه للمواضيع ذات فكره مبطنه وطريقه صعبة الوصول للقارء يحاكي العقول ذات اطلاع علمي وعدهم حصيلة معلومات كافيه لستيعاب طرحه

تركته وتوجهة العلمائنه بشكل مبسط وسهل

دك جهازي تكتم جاوبتها " هاا عيني "

مو صوت تكتم صوت ولد وخرته قم تكتم رجعته على الاذني" شلونج ريحانه اني مسلم ابن خالتج "

ارتبكت " هلو مسلم انت شلونك"

مسلم" راح نمرلج اني ورضا مخلصه ماعدج محاضره "

ريحانه" هاا اي ماعدي بس ليش تجي عدي خط"

مسلم" انطيهم خبر مو امي هنا جبتها للطبيب تريد شوفج قبل منروح "

ريحانه" ماادري اشوف البنات"

مسلم" كيفج انطيني خبر"

سديته خابرت اماني لايتانوني دزيت رساله الرضا

طلعت للحديقه البره كعدت بلخارج على الرصيف دجه عليه عن الطريق خليت ملازمي بصفي والجزدان الاسود رفيقي احبه لزمته احاجي انت مرزوق شكد حاربوك ضليت صامد امي كم مره حاولت شمره ومااخليها مرتاحه عليه واذا قديم

رجعت خليته بصفي فوك الملازم لزمت تلفوني طلعت لعبة الحيه تاكل مااعرف شنو طوبه والحيه حمره احبه اوصل ليوين واخسر وارجع اعيدها مونستني

ضليت كاعده والعب خسرت عكدت حاجبي احاجيها انتي غبيه اكو وحده تاكل روحها ديري منا منا

مستمره العب وادردم صار ضل فوك راسي رفعت عيني الولد نفسه توترت مشكلتي هذا الخوف والخجل اليجيني من اي شخص غريب او محاجيه ويا قبل بسرعه سديت التلفون وحطيته فوك الجزدان

"محتاجه شي ليش كاعده هنا "

ريحانه" متانيه اخويه "

رفع راسه يباوع للطريق انتبهة بيده جهاز نداء  يستخدمو والامن رجع نضره عليه نصيت عيني

" تاني جوه لا تكعدين هنا شويه ويبدون الطلاب يطلعون والسيارات تفوت "

ريحانه" مو علمود اشوفه من يجي "

" عدج تلفون يدك عليج يكلج طبي هنا بلحديقه"

ريحانه خجلت منه فتت للحديقه نسيت عدي مبايل رضا يدك عليه شكد انثول اكره روحي من انحط بهيج مواقف

حديقه الاماميه محاوطه باشجار عاليه مسويه ضل وحاجز البنات ياخذن راحتهن بيها مرات اني واماني من نخلص من وكت نجيب اكلنه ونكعد بيها حتى عباتي انزلها على جتفي وامدد رجليه

دااكعد دك جهازي رضا طلعت بعده على وكفتها لابس نضارات شمسيه دنكت افوت منه عبرت طلعت باوعت ماكو رضا درت وجهي ناحيت الجامعه من بعيد واكف يم كرفان الحرس نضره اتجاهي

لميت روحي دك رضا " وينج "

ريحانه"بلبوابه انت وين "

رضا " عبري للصوب الثاني كدامج "

مشيت سريع عبرت ماكو دخت هذا وين رجعت دكيت كال" هااا "

ريحانه" ماكو وينك"

ضليت اوصفله كال ارجعي رجعت للسايد البضهري هم ماكو صار عصبي اجيت ابجي بلربع ساعه اني افتر

رجعت لمكاني الاول لمحت سيارته مسحت عيوني دمعت من الربكه مالته قبل ميوصلي اكو حاجز وكرفان الحرس وكف الولد

اشو رضا نزل وسلم عليه 

ضليت واكفه اشرلي اجيت عبرت الحاجز صعدت

مسلم بلصدر حتى ماسلمت عليه  نسيته

مسلم" وعليكم والرحمه "

غميت روحي " اعتذر شلونك "

مسلم" الحمدالله نسال عليج كالو مبطنشتها وضاربه دقله بلعمليه وهارجه الدنيا "

فتحت عيوني امي ماضم سالفه عن خالتي  حتى لمسلم

رضا يسوق " غير صارت عامر الكاظمي لزمتلك القاووش كله ركع قران وبعلو صوتها وجود قرتلهم جزء كامل ولج حتى بلعمليه علويه ريحانه "

مسلم" هاي بركه ولك غيرها تطلع فضايحهم تذكر خالي مهدي سوه مو حتى تفل على جدي وفشر عليه وسب المرجعيه استغفرالله ههههه من كالوله ضل مصكصك جدي عرف بوكتها خالي خارج عن ملته وميريد الانتماء لمرجعيته "

رضا" اي لتذكرني السيد شكد انقهر ميدري بنتماء خالي ولا شنو رغبته عباله خدمة الصحن العلوي والتقائه بمسؤلين العتبه وشغله بقسم الاعمال الخط ماشي على مبادئه ميدري خالي بعيد كل البعد مسوي الدين غطاء "

مسلم " الله يهدي بس رضا تره خالي لا الحد ولا طلع عن المله ونكر دينه وانتمه لغير دين مجرد انسان حدد رغبته باصحية الفكر الشيعوي هوه ماخلط بين الدين ولفكر"

رضا" مسلم الشيوعيه بحد ذاتها التخلي عن العقيده وعدم الايمان بوجود الله ونكر الخلق والاخره والثواب والعقاب ذني كلهن كفر وعدهم الانسان يفنى ولا وجود بعث ولا نشور

واذا تنضره تره اول مبادئهم محاربت الميراث والملكيه الفرديه يعني مالي وحالي للجميع هاي وين تصرف"

مسلم " وان كان خالي ضل بدينه مجرد فكرته الشيوعيه بأحق الحكم السياسي الهم دون غيرهم"

رضا" هاي كلها حجج واهيا متقنع جدك سيد مكانته وبيئته ومنشأه على عقيدة محمد وآ محمد يجي خالك يفكسها بلاخير تدري اهم اقوالهم داانطيك علمود ماتحاججني بسياسه فكر بعيده عن الدين

الشيوعين اقوالهم لا اله والحياة ماده الدين افيون الشعب نؤمن بثلاثه ماركس ولينين واستالين ونكفر ثلاثه الدين والله والملكيه الخاصه ويؤمنون بان اصل الاشياء هي الطبيعه

يعني عدهم اهم شي يوصلون الفكرتهم عدهم مقوله ان هلاك ثلاث ارباع العالم لا شيء انما الشيء الهم هوه ان يصبح الربع الاخر شيوعياً

استلم

يعني خالك من انتمه مااعرف اهدافهم العقائديه عدهم دعم الفقير وزرع الحقد بداخله اتجاه الاغنياء وأصحاب الأموال حتى ينعموا بمجتمع مفكك غير متماسك يتغذه على الكراهيه والفتن"

مسلم " يابه ماعدي كل معلومه عنهم انت مكفي وموفي "

رضا " قاري هواي عنهم للشيخ الفوزان هواي مفصلهم وشارح عن معتقداتهم وعقايدهم الرجعيه وفكرهم المسموم "

وهاي وصلنه

ريحانه" كلام رضا انطاني جانب خليته ضمن جدول العطله الصيفيه اقره عنهم

نزلت لكيت سلمت عليه اخذتني بحضنها  احبها حنينه صح هي قويه شخصيه والها كلمه حتى على زوجخا رغم بيبي وامي وبقية خالاتي ميكدرن يسون

السوي هيه

اذكر من سولف عن بناء بيتها هي الكانت تروح وتشرف على العمال وشوف البناء وزوجها ويها

ماعدنه امي للباب متمد راسها اذا ندك نباوع من

الزرف اذا ولد منجاوب اذا كان بابا ورضا ماموجودين

هي ضربت القاعده وكدرت جيب زوجها للوجود رغم فقر حاله كونت نفسها وبيتها

غسلت صليت رجعت وكفت ويا تكتم سوي  غده عاونتها فرحانه وتباوعلي مكيفه وتضحك

دندن يه نفسها ماافهم عليها كضيتها من زندها " شكو هلكد فرحانه"

ضحكت ورفعتلي حاجبها" يأبرني المابيعرف شي"

ريحانه" حولت الموجه سوري احجيلي شكو"

تكتم " عدنه عرس "

ريحانه" منو تعرس اختج زغيره اذكرت عليج الله نرجس لو معصومه "

هزت ايدها " لاااا لااا "

ريحانه" حمزه مووو"

تكتم " هههه هم لا خيه انتي "

......يتبع

بين الكاف والنون (كن فيكون )

الخامس والعشرون

بقلم... سجى الطائي

///////////////////////////

ريحانه

باوعتلها ابتسمت بفرح عفتها ودخلت للهول امي وخالتي يسولفن  رفعت راسها" هاا يمه كملتن الغده

لو اكوم اشوف بعيني "

ريحانه"كملنه تكتم كملت كلشي"

امي " لاصبن هسه تانن ابوج يجي ونصلي يله بعد وكت"

خديجه" شونج يمه ان شاء اللة الجامعه غيرت عليج الجو وكدرتي تتأقلمين"

ريحانه" الحمدالله "

خديجه" شلونها تكتم وياج مخبلتج مووو متوب من شعوذتها "

طبت تكتم بيدها وصلت الطباخ " شني يمه اني مشعوذه شمسويه حالي حالهم مو خاله عليج

الله مو البيت اني لازمته"

امي "تكتومه بنيتي حبابه شايله البيت ومابيها قصور   عمها يحبها "

خديجه" هي بعد بتكم صارت واجبها طبعكم وتكون على مايكم  دادا بعد رجليه ماتعيني مومثل كبل اشتغل وكلي حيل هسه من الكنسه افحط "

تكتم تبتسم" يمه ان شاء الله البركه بريحونه ماضل شي" جرتني جوه جتفها وخرت ايدها رجعت للمطبخ

جريت السله الخيار والطماطه ولهانه كعدت اثرم وبالي يمها هاي اخاف تشاقه مثل عادتها  شغلت بالي تكتم

طبت تهيج التمن وامي وراها طلعت جدر الدولمه هدرتا

وزعت الزلاطه بمواعين

طبيت توضيت سديت باب الغرفه تعوذت من بليس شلون خلت سالفه بالي لبست الجادر  لزمت المصحف الكريم  فتحته

قريت سورة يس ارتاح بيها  لكل شيء قلب وقلب القرأن يس  افضالها من قرائها  في ليلة قبل النوم وكل الله به الف ملك يحفظونه من شر الشيطان الرجيم

افضالها كثير مره قريت كتيب مصغر عن افضالها واقول الرسول عنها يحمسك تحفظها ومتتركها عظيما

وختما ب٤٠اعظم

كملت سمعت صوت والدي رفعت راسي مر على الاذان عشر دقايق غمضت عيوني اقمت الصلا

مااكدر اتاخر مثل كل مره براحتي اسبح نفتح الباب واني اطوي بلسجاده تكتم " عفيه ريحانه اذا كملتي

عاونيني نصب الاكل "

هزيت راسي " جايه وراج " نزعت الجادر جريت الربطه

على راسي طلعت صبينه سفره وحده انجمعنه عليها

اباوع لمسلم مارفع راسه طول الكعده طبيعي شلته من بالي هاي تضحك عليه ام راس

العصر وصلهم رضا للطبيب ومناك راجعين ركضت للغرفه طلعت كتبي بلشت بلامتحان شايله همه صعب

وهذا الدكتور يجيب من بين الاسطر مشهودله باسألته

ويحاسب على النقطه

حاولت اقره كل الماده لليل ختمت الملازم ذبيت روحي على السرير هلكانه راسي تنك من المعلومات هاي سديم

مره ضربتها اماني على راسها ضلت تلم بلهوه وترجعه العقلها واحنه صافنين عليها

اماني زمخت بيها" شسوين ولج"

سديم " بعد لضربيني على راسي على ضهري علباتي مسموح "

اماني "وهذا النلمين بي مسودنه اختي "

سديم" غير طشرتي المعلومات والاحرف واني كوه المهن"

اماني فتحت عيونها " منين جيبين هاي السوالف سديمه"

سديم" من جيبي الفارغ"

من اذكرها اضحك على سوالفه العفويه سحبت نفس وذبيتها  رجعت بيهة الذكريات الحلوه تميم طريق

الدكان وكفت الركن حنيت الصوته  ابتسمت اغني

موبدينه نودع عيون الحبايب موبدينه

والعشك لحضة عمر وتمر علينه

غمضت عيوني شعور حلو من تحس اكو شخص

يحبك مهتم بيك شكد اخاف من كل شخص يتقربلي

ويااا ناسيه روحي اول مره احب غنية وادندنها

طعمها بصوته احله بحه وتكسرات التصير ويه

ميغنيها اله حس اخرر تناغم ممعهود اسمعه

قريت ايه متعوده عليها من اقراها اكعد باي وقت اريد

ومخليته بالي  (واذ جعلنا البيت مثابة للناس وامنا واتخذوا من مقام ابراهيم مصلى وعهدنا الى ابراهيم واسماعيل ان طهرا بيتي للطائفين والعاكفين والركع السجود) كل شخص يريد يستيقظ بلوقت اليريده

نمت شارده من تفكيري كعدت قبل الاذان صليت وبلشت مراجعه صار وقت روحتي لبست جبتي والربطه والجواريب طلعت بيدي العبايه

طبيت للمطبخ امي وبابا كاعدين يتريكون

لفيت قطعة مثلثات اكلتها  وشرب الجاي اني واكفه امي مقابله تخزر بيه" اكعدي اكلي مثل الناس "

ريحانه" ماعدي وقت بلنادي اكل "

ابويا يشرب الجاي مره يباوعلي ومره يهز راسه" نعمة ربج اكعدي وسمي بالله بابا مطاير الامتحان بعد وكت كدامج احترميها هذا بخور الحلك"

سكتت ادري بي ميقبل اذا مااكعد واكل يحب النضام

طبيت للغرفه لبست عباتي شلت ملازمي سحبت نفس خليت ايدي على صدري قريت دعاء الامام الحسين للتوفيق  من اراد التوجه في يوم قد حذرت فيه من مخاوفك اقره الحمدو والمعوذتين واية الكرسي

وسورة القدر واخر اية في سورة آل عمران ثم

قل

(اللهم بك يصول الصائل وبقدرتك يطول الطائل ولا حول لكل ذي حول الابك ولا قوة يمتارها ذو قوة الامنك بصفوتك من خلقك وخيرتك من بريتك محمد نبيك وعترته وسلالته عليه وعليهم السلام صلِ عليهم واكفني شر هذا اليوم وضرره وارزقني خيره ويمنه

واقض لي في متصرفاتي بحسن العاقبه ........ليس

كمثله شيء وهو السميع العليم)

((الدعاء طويل اليحب يكتبلي باخر البارت اكتبه الكم))

امتحنت الحمدالله تم على اكمل وجه كدرت اجاوب رغم عدي اخفاقات بسيطه

اماني اليوم كملت من وكت عدها شاغل هواي اجت يمي حضرت وياي محاضره طلعنه سوه بين ربكت الطلاب شفت الولد اخذني للمستشفى عده معرفه بوالدي ورضا

يوم عن يوم اشوفه بستمرار اماني حست وكم  مره تنبهتني عنه اغلس مااعرف شكللها

اليوم الجو غائم بدت الدنيا تشتي عصريه امي وتكتم طالعات يم اماني واختها يخيطن سحبت الجاكيت صوف حياكت بيبي لبسته فوك ملابسي يدفي

لازكه بي سنين عدي ماانطي طلعت للطرمه رفعت راسي احب المطر اعيش اجواءه كلها لفيت روحي بارده

الهوه عالي

حسيت بقطرات طفرت على وجهي وكفت فرحانه راح تمطر ضليت متانيه المطر ساعه وبدت تقطر شويه شويه زاد وكفت وسط الطرمه الله

اضحك نغمضه لامه وجهي القطرات على كامل ملامحي

احساس حلو طبيت طلعت نجانه وخليته جوا السمه تنترس مي المطر يفيد من ينقري عليه الرقيه الشرعيه يبطل كل عمل

اكمز فرحانه هدئة سكنت ضليت مبتسمه نزلت ايديه وعيوني مغمضتها وجهي رافعته همست "ليش بينت"

ساكت ضليت جوه المطر بس ضبابيته واضحه همس

بذالك الصوت الحنين يدخل القلب لجماليته يرتل

الاية باعذب الالحان( قَالَ مُوسَى أَتَقُولُونَ لِلْحَقِّ لَمَّا جَاءَكُمْ أَسِحْرٌ هَذَا وَلَا يُفْلِحُ السَّاحِرُونَ  قَالُوا أَجِئْتَنَا لِتَلْفِتَنَا عَمَّا وَجَدْنَا عَلَيْهِ آبَاءَنَا وَتَكُونَ لَكُمَا الْكِبْرِيَاءُ فِي الْأَرْضِ وَمَا نَحْنُ لَكُمَا بِمُؤْمِنِينَ)

ابتسمت " شنو سالفتك احجي "

مارد غير فحيح صوته مثل العاصفه الهايجه بسرعه عاليه اخترق اذني بعصبية نبرته

احذري عبدة الشياطين

احذري عبدة الشياطين

احذري عبدة الشياطين

التفتت مرعوبه من كلماته نبتن بكلبي اجاني احساس مو حلو مااكو وين راح صحت " عبد الملك وينك جاوبني احلفك بلمسيح اليسوع والخضر "

الرعب دخل كلبي ليش هيج يحذرني منو عبدة الشياطين يقصدهم الهوى عالي المطر يزخ تنكعت

بدت ترعد الصوت يخوف نفتح الباب بدفعه قويه

رجفت تكتم بوجهي طبت تركض امي وراها شافتني جرتني دخلتني للبيت وتحجي عليه " انت زغيرونه متبطلين عادتج تسبحين بمي المطر ريحانه مو طفله

واعلمج"

جابت خاولي شمرته على راسي تنشف بشعري اني ايدي بادت صوته اول مره اسمعه بهاي الحده والقوه

كانو تغير مو هذا صوته الملائكي

خفت كلش عفت امي تلوم بيه فتت للغرفه سديتها

بدلت ملابسي ماكنت ضانه هاي الرساله وراها عذاب

وخسره ودموع والم يعتصرني

سديم

الحياة صارت صعبه الولد شغلهم توقف الناس موهلكد تبني وهمه عيشتهم على اليحصلو امي كامت كوه يدبر

لكمة البيت اخواتي ذابات جورهن على الخياطه اريام  الصبح تلزم المكينه واماني العصر اغلب اكلنه تمن ومرك

جدوره يله يشبع العائله

بدت امي تخبز للناس وساعد اخواني بمصروف البيت

ابويا شايل ايده ماايصرف الربع نباوع عليه بعيونه ونسكت منكدر نسوي شي امره بيد اخوانه وامه

اجه اليوم الي حسام يحجي على زوج اريام شامرها هي وابنها ومايسأل عليهم ولا يشوفهم " لو يطلكها لو يشوفله حل شنو ذابها هنا وداير وجها الافندي "

تحسين" اني اروحله واشوف الوضع هذا مومال احترام عبالي يتأدب طلع جلب وذيل الجلب اعوج ماينعدل"

ابويا" ياطلاك ابني وينها وين الطلاك اني اخذ عمك نعيم ونحاجي يرجعلها ويستسمع من يمها عدهم بينهم

ولد حرام تطلك "

حسام" صدك تحجي ياا رجعه وين بيته صريفه مااخلي هذا مو بشر حيوان الحيوان اشرف منه "

ابويا "لا ابني اني اخلي يعزللها بيت وحده ويستقرون"

تحسين ضحك وهز ايده " يعزلون خلي يعيش اهلها لو عده عزال مااضل بهذا البيت انت تعرفها وتحرفها اريام مترجعله انطلكها وتفض "

ابويا" منين اعيشها انتو كوم لحم بركبتي وعدها ولد ميريد منين اجيبله اوكلكم اوكلها هي وابنها هذا حجي

بله"

تحسين" تعيش اني اشتغل وحسام يشتغل وحالها حالنه ماعون واحد ماتأثر لا تخاف على فلوسك "

ابويا" شعدي اني وانت وراك عائله وطفل ماتلحك وحسام يلم الزواجه منو يعيشها عدها رجال مسؤل عنها وعن ابنها لا تشجعوها على الطلاك"

اريام واكفه وره الباب تسمع ودموعها تهل تعصر بصابعها  طبت للصاله " يابه اني اعيش روحي اخيط

ومااخليكم تحسون بيه وبمصروفي وعبودي زغير

مايحتاج شي بس لا ترجعوني له والله اموت هلمره اذا رجعتله مايرحمني مسويني خدامه من غير يوم اكل وثلث ايام انام بله اكل ويكتلني الجوع"

تحسين عيونه صارن حمر من الضغط" كوومي ام عبودي ماعاش اليذلج اذا ضطر الامر وابويا ماقبل

اخذج واخذ نعمه واعزل بيكم كاافي بجي بويا مسحي

دموعج "

باست تحسين وبدها تحضنه من البجي تشهك تريد تحجي تعتعت شكد قهرتنه خواتي عاشن بضلم العمام

والعمات والبيبيه مصيرهن بيدهم هم يلوحني ضلمهم

يلوح اماني

ربى دائماً تجي مكتوله تشكي وتبجي والدي يشوفها ويعبر ساكت مافديوم شفته لزم واحد من ازواجهن وعاتبه الشفنا يشجعهن بكلامه" المره اذا مااتستخدم وياها الضرب ماايمشن خليك متسلط شوف شلون يمشن عدل هنه هذا دواهن"

ومره سمعنا يكله" اني لو الله منطيني ولد ولا البنات مايجي منهن غير الشلاع كلب وتعال راقب وتابع لو يطيح بيدي كلهن ازوجهن من وكت واريح بالي عمي النسوان نقمه مايجن بلسياسه شني تطلع زعلانه واذا ضربج عادي يأدبج يريد مضلحتج انت قابل تكره

ربى غير غلطت ولازم تتأدب "

وكان هذا دافع زوج ربى واريام يستقوون عليهن وشوفوهن المر ميحجي كدام الولد يدري مايقبلوله

امي تسمع وتتكرضم علينه مابيدها شي وره ايام تحسين مشه بطلاك اريام تنازلت عن كلشي مقابيل ابنها وهوه ماراده

ربه بينه عبودي نسمة البيت الشته خيم علينه مطر ورعيده

نايمه صادف جمعه فزيت على اماني تنده بيه ضليت نايمه واصيح وخري

نفذ صبرها ساعه كامله واني انام وافز على صوتها

سديم صحت "شكووو شكووو"

صاحت اماني فزززي عاد وراي شغل كومي غسلي وتريكي خليتلج كيمر ومربه على صفحه"

سديم" نعسانه حبابه خليني انام"

اماني " تنبل ابو رطبه انتي مشبعين نوم من البارحه بلتسعه وهسه بثمانيه "

سديم" شسوي اذا مااشبع"

اماني " طالعه اشر الملابس ارجع الكاج كايمه واذا ماكمتي تعرفين شسويلج "

طبكت الباب كعدت اتأفأف ماتعوفني اذا ماتنغص عليه النومه كمت لميت شعري طلعت صبحت على امي واريام يكلمن باميه غسلت حميت الجاي وكعدت اكل

امي ناويه تبني الحديقه ببلوك غرفه تخصصها للخبز وتذب بيها كواني الطحين والتنور

رحت ويه اماني شلنه نص السكراب بعدنه نشيل ونعزل كامت تمطر خلينه طبينه كيفت ركضت بدلت تراكي وكابلت الصوبههاي العزيزه ام الكلب الدافي

شويه ونقطع المطر  على صوت نعمه ومأثر ونعمه بت عمي امي ترحب بيهن باب الغرفه مفتوح شفت نعمة اخذتهن للاستقبال

اريام طبت شايله عبودي وتكرص بي" ادبسزز بعد اخليك تطلع بره اجويك والله "

كام يبرطم صاحت عليه وقز القط الينام بضلوع ابوك وامه .... غلطت عليها ضحكت

سديم " سايكه عليهم شبيج"

اريام تبدلها" حيوان بدلتله الصبح ودخلتله البايسكل بلهول غاسلته اله غافلني وطلع للطرمه بنص الطين والحديقه زالك على وجها "

سديم " طفل شسويله "

اريام" مشوفين ابوج حصره لعب وصاح هوسنه عبيد هرج البيت عبيد "

سديم" صدك هوه اليوم وين "

احجي وصارت رعيده قويه اريام صاحت " ربي احمينه ياستار تعال ولك "سدت قمصلته ولبسته جواريب " اذا شفتك بعتبت هذا الباب اشوفه اجويك واحرمك حتى من الشرايه "

كامت طلعت تهف جريت عبودي بوسته ارضي بيه " امك مسودنه عده هيج واحد قسطه دمغ بي مالك دخل هسه نلعب اني وياك "

كعدته كبالي وكمت طلعت جكليت خليت بيدي وحده لعبته محيبس واذا حصلها ياكلها

ساع وكف المطر صاحت امي عليه كمت اشوفها بيدها الماسحه والسكف ينكط هاي الرطوبه تارسته وهوه عكاده يخر من كل جانب

امي " هاج يمه لحكي لا ينزل من البيتونه ويفيضه"

سديم" اووو يمه هم امسحه مااالي دخل تاني حسام هوه يمسح المي "

امي " يمه راح نفيض وينزل على الزوالي ويعدمنه فدوه العينج مسحي بس هلمره "

صحت" اووو كلمره بس هلمره دكولين ومن تمطر تركضين عليه "

امي " اصعد منو اخواتج عيب حتى ستاره ماعدنه واخليهن يصعدن اخوانج وطالعين "

سحبت نفس طالعه روحي رفعت بجامتي لبست قمصله ام الكبوس اخذت منها الماسحه وصعدت بديت امسح بلمي واشمره من جهت الترك وره البيت ينزل مناك

قبل جنه نخلي سطوله ينترسن نذب مايهن ونرجعهن طول اليل تكض امي والولد يتناوبون عليه خطيه مينامون وبلنهار احنه البنات

وصلت لحافت البيت من كدام كلت امد راسي لا واحد بلطرمه وارشكه بلمي

كعدت على ركبي ودنيت راسي انفتح باب الاستقبال اباوع هاي مأثر عباتها على راسه وخرتها مدت ايدها بجيب جاكيتها طلعت صره مال علاكه سوده مدري شنو قربته من حلكها شويه وبدت طشه على الباب وراها راحت جهت الحديقه الحافه رشتها

عقلي البريئ ضنيتها ترش بذور كملت عبرت باب الاستقبال وطبت جوه

كمت كملت مسح كله ذبيته بجهة الحديقه نزلت تعبانه بدلت ملابسي ومددت ستوني غافيه وكعدتني اماني كمت كوه عليه غير هسه تكتلني بس احجي

يومين وبست الكاع رجعت اماني شغلتني طلعنه كل الحديد والسكراب حساب القديمات ذبهن والبقيه ضلن عبرهن من السياج للشارع باب الشارع ضيك ميطلعن منه

بلشت اماني تكنس بلطرمه اريام ساعدتنه وطبت

كملت طلعت تراب الطرمه حديقتنه طين كل زرع مابيها جانت لامه الهوسه لامه الفار مكرض كل ملابسنه اماني لازمه المكناسه تريد تكنس الحديقه اذكرت البذور الرشتهن مأثر صحت لا اماني زارعين بذور

التفتت معصبه راسها ولابسه قمصلتها القديفه " يااا بذور "

سديم " بيها بذور لاتكنسين يرحن "

هزت ايدها" اول تالي تنبني كل الزرع يموت "

سديم" لا امونه حبابه حاجيهم يعوفون هذا الطرف نزرعه فدوه قنعي تحسين"

اماني " شسوين بيها هي حتى طينتها مو مال زرع شكد زرعها تحسين ومات الزرع بيها ميطول يراد يكلبوها ويغيرون نوع الزميج "

لزمت ايدها " لتكنسين هاي الجها عوفيها كنسي ذيج "

وخرت ايدي " بطرانه انتي ضلت تكنس شويه وصفنت كشت روحه ايععع ضروك فار "

اجيت تقربت " لا ولج هاي البذور الزرعتها مأثر البارحه راح احفر واطمهن"

نزلت المكتاسه منيدها صفنت عليه فاتحه عيونها" مأثر رشت ذني وين شفتيها يمته اولت البارحه رشتهن"

سديم" اي من مسحت السطح شفتها من فوك "

دفعتني وراحت مفزوعه التفتت قبل متوصل باب المطبخ" لتتقربين سديم ولجيسين شي فتحت عيونها بتحذير افتهمتي "

هزيت راسي " هاي مخبله اماني شكد تكرهم حتى زرعها متريدها تزرع "

طلعت بيدها علاليك واحد شدته على ايدها وراها امي تباوع " وين وين شفتي "

اماني " سديم وين ذبت بعد"

اشرتلها على الاستقبال كنبصت تباع لطرف الحديق وتقره قرأن اماني ترجف ايدها ممسيطره عليه شالت دعابل بكد حبة الفلفل الاسود جعصتها بيدها مثل العجيب تخبلت كنسته بهستريه

لماته عن التراب حطته بجيس وايديها مجيسات رجعت طبت وطلعت بيدها بطل عرفته خل جابته من ريحانه امها عدها خل حايل مال سنه

جرت سطلة المسح اريام تباوع وخايفه تدعي الله ليوفقهن الله لينطيهن شمسويلهن حتى طبه منطبلهم شيردون من يمنه

وجوهن المفزوعه فزعتني خفت شكو اشصاير اماني ترست السطله مي ودارت عليه ربع البطل حلته بلمي

كامت تقره قرأن بصوت عالي وترش الحديقه وترجع ترش الاركان ورها رجعت على صبابت الطرمه كلها ترستها ريحت الخل ترست الطرمه

صاخت "اريام شيلي زوالي الستقبال طلعيهن امي ماعارضت واريام شتكللها تنفذ طلعهناهت كلهن حلت الخل بمي ونكعتهن تنكع

اول مره اسمع اماني تفشر عليهن عمري ما سمعته تغلط

كملت وشرتهن هي واريام وامي رجعت للستقبال مسحنها بلخل انجبسنه راح نصير طرشي

نزلت نعمه ساده خشمه "هااي شنو شسون ايععع ريحت خل"

اماني تركت البيدها وطفرت يمها" والله العضيم يانعمه مااخليج تنولين البالج وراج وراج عبالج متقويه بنات عمي اذا مماخليت تحسين يسحلج سحل ويخليج تتمنين ترجعين هنا مااطلع من بطن امي "

دفعتها "امشي البايره جايه تهددني عليمن عيوني هااي انتي واعمالج وامج واختج المطلكه تحوسن متردني احسن منجن"

اماني " لتصورين الناس مثل شاكليتج رافكتيهن ورافكنج الطيور على اشكالها تقع شفتي بيهن البنفسج سحر ومكر وخباثه "

نعمه " ولي عني ولي دوده بيجن مني وشسوين سووووي متخوفين "

عافتنه وصعدت اماني كعدت ترجف ايديها على راسها البيت تكأب بيومها محد اكل

يوم يومين  نزلت تاخذ من امي حب معده التحسين ماطالع الشغله شكي منها

وتكررت طيحات تحسين خلال اسبوع انتها الياكله يذبه اخذه حسام وابويه رجعو يكلون مابيها شي معدته الدكتور انطا علاج شويه احسن عليها

مر شهر و طاح تحسين ميحرك لا ايد ولا رجل انخبصنه امي تبجي وتعيط اماني ركضت خابرت ابويه وحسام  اجو اخذو للمستشفى

اخذله ايام يشكي من راسه  وجع بعيونه ومعدته ماتتحمل اكل

بيوم وليله اخويه طاح طيحت موت ركضو بيه للمستشفى البيت يبجي ورا الكل ميعرف شكلبه حتى مرته قبل ميتخربط طردها لهلها

اماني تلطم ومتحلفه بنات عمي واني واريام نشوفها تاكل بروحها وساكتين نخاف نحجي وطلع حركت كلبها بينه

ارغد

شح بينه الصبر وين ماالتفت مسدوده بوجهي ابو الشغل بطلني كاعد وصافن وين اولي منو يشغلني كمت اندل بغداد دربونه دربونه

داومت روحي طالعه مابجيبي غير الخمسه تمشين الجم يوم ويني وين الجامعه ابطل اشرفلي ولا الذله

مشيت استنسخ ملزمه اخذتها ورجعت للقاعه كاعد طلعت جكارتي طلاب قاعتي نصهم هتليه مابيهن الزين من اوكف يمهم ولمتهم كلها على البنات

يفصلوها تفصيل واذا شافو وحده لابسه مضياك هاي الله كتبها عليها بعد بده يمد فراش حالي حالهم بس مااباوع مجرد نضره خاطفه وادير وجهي

الله يستر على بنات العالم  عدي خوات لا اتعاير بيهن بعدين واكو طلاب قمه بلاخلاق والتزام مالهم بلبنات

ضليت ادخن فاتت رغد خو هاي دافنه روحها من ماتت امها لليوم حقها بين عليها الحزن مورغد الحلوه الانيقه  شافتني نصت وكعدت بستيج فتحت دفترها ودفتر ثاني ضلت تنقل وبنيه وراها صديقتها

الله يساعده مالوما الام عزيزه ماتتعوض عدنه ريست ساعه مرت نص ساعه مااعرف ليش بالي يمها

بصفنتي دك جهازي ولد موصي على شغل وحلفته

شيلكه شغل اني قابل بي اريد اشوف وين تصفر ايجار شقه واكل وملازم وكراوي روح وتعال وبغداد

الطريق اذا بربع ساعه توصل هنا لا يلزمك الازدحام ثلث ساعه تطلع روحك يله توصل

طلعت بره احاجي كال لكيتلك شغله بصالة بليارد تحت التجربه يخليك الرجال سبوع يشوفك بعد انت وشطارتك

وكلت امري ثاني يوم ماداومت بلجامعه كبل لبو الصاله مغبش وهمه يبدي شغلهم العصر غميت روحي

داومت رحتلهم العصر حسب العنوان

مو قاعه مجمع كامل جوه الارض واجهته محلات وحرس استلموني تفتيش وراها نزلوني صاله مال ملها وستيج وميوزه وجانب كامل بطاله مسطره

يابه شنو نوع عملب ابو القاعه كال كل العليك ترتيب تنظيف السبالت تمسحهن الميوزه الجراجف عليك

مااريد وصخ كون لليل المكان يلمع

زين  منين ليوين شغلي كال تجي العصر تكمل شغلك وتروح مالك شغل بلباقي

عكدت حواجبي حاي شلون شغله اشتغل بملها كواد اني بس من كال الدفع شهري ومبلغ مغري كتله انطيني مجال لليل واردلك جواب بيد الولد

رجعت من البتاووين سالت واحد وياي على شغلهم هذا يندل هيج اماكن نص اليل ويجينه يطوطح اني مالي شغل بي مجرد يشاركني السكن من سمع عفطلي شوداك

سولفتله كال مابيها شي اذا بس ترتيب ميوزه وترجع العصر همه شغلهم بليل

ضليت بحيره العازه تخليك تحفر الصخر وتعيش روحك مرات اعذر اليجدي من ضيمه منين يعيش والكمه صعبه واذا بركبته عاىله هذا الله كتبها علي

ثاني يوم رحت للمكان قنبله ومفجوره بي بطاله والاكل والخيار والكرزات والكراسي مكلبه

بلشت بيهن ثلث ساعات اني ارتب وانضف طلعت جياسه زبال والله كرهت روحي خرب بهيج عيشه ذله ذله ربييي وين انت ماتباوع

اروح وارجع على اعصابي من غير الفلوس الكاهن جوه الميوزه احطهن بصندوك مفتوح خلاليا ابو المحل كال التلكا الك احسبه بخشيش استحرم مدري شغلي هنا حرام

شهر مره استلمت اجري سددت الاجار ضل عدي خوش مبلغ رحت اشتريت ملابس جامعه وقمصله وحده هاي العدي جردت اربع اسنين البس بيها

هيج فلوس الحرام هواي اذا اني انضف هلكد يحسبلي اليشتغل وياهم مليار ديريه

.........يتبع

مساء الخير

قرائه ممتعه

بين الكاف والنون....  (كن فيكون)

السابع والعشرون

بقلم...سجى الطائي

////////////////////////////

كلت انجفه الماي . .

وذبل عود الياس

والوادم نست وبغيرنه

اتسلت وأول ما شفت

طولك نسيت الصوت

وروحي بلاسبب

بجفوفك افتلت

سيف الدين

اخذت تكسي وتوجهة لبغداد طول الطريق اتصل عليه ميرد خرب غيرتك ضافر رد لك

كلبي يمه بس اوصل كبل ماايسويله مصيبه هذا مسودن عليهم حركت ابو التكسي حرك الرجال

من شافني هيج ضل يسألني

روحي طالعه خصمتها وياا عدي مريض اريد اتلاحكله

وصلت بعد ساعتين دخلت بغداد ولزمنه الازدحام

والصبات الكونكريتيه

قسمت على الحكومه تقسيم من اعله واحد ونزلت

بيهم شطت للسماء ابن ال.. ميجاوب واكفه بعيني

بيبيته

قسماً بذات العز لو اعرف عدها معين غيره لا اخلي

يخيس بلسجن وطبه عرج واحد مستهتر وراكض

وره الثار وناسي بيبيته اهم شي يرضي نفسه

وصلت بلشافعات انطيت الكروه ونزلت دكيت باب

بيتهم ماكو احد اتصلت على اخر رقم طلعتلي

بيبيته كتله دليني مصنع خواله المره دلتني سديته

ورحتله نزلني الولد ركن المنطقه ضليت اسأل دلوني

ركضت للمكان شابه بي النار والناس تتراكض طفي بلنار

وهذا اليستغفر وهذا اليصيح العمال طالعين يغسلولهم مختنكين

ادوره بينهم ماكو سالت كالو ماندري ولا واحد من خواله سالت عليهم هم ماموجودين

لمحتلي عامل بي روح يجاوبني كلهم مصخمه وجوهم من دخان الحريق اطفائيه صوتها من بعيد نسمعا

رحت للولد انشده شصاير وليش هذا الحريق كال مااندري ماحسينه غير نار شبت واحنه نشتغل تلاحكنه طلعنه من باب الجانبي على الفرع الثاني الله سترنه ومااحتركنه

اعاين المعمل جملون مبني من بلوك والسقف ثانوي حديد النار مالحكو عليةها ثواني وكبت داخله نسمع بس صوت المكاين مثل قنبله وتتفجر

ابتعدنه كلها ركضت مسافه عنه اهل المنطقه التموو واحد من بينهم كعد بلكاع ويدك على راسه عرفته خال ضافر

الناس حاولت اطفي النار ماكدرو لهبت المكان لهب الاطفائية وصلو متأخرين

خابرته ومتحلف جاوب صحت بي "وييييينك"

ضافر" ويني بلببت مخمود"

سيف" خمدت اهل الكبور جايك شويه واني يمك بلباب اذا ماالكاك خوتنه تنتهي ضافر "

ضافر" شعندي تعال متانيك"

سديته منه مطي مايعرف يصرف هسه يذب روحه

وهوه شغله حساس اي تهمه سجن تروح عليه تسجل عليه بسجله وياثر على مستقبله

رحتله اول ماوصلت طلعلي وجها عادي طبيت لبيتهم

صحت بي "مسودن انت"

كعد عكس المخده ومدد يدخن ولا يمه واني فاير دمي

عكدت حواجبي وصلت يمه دفتره " كوووووم لك حاجيني حيووووان "

نفث الدخان " سيف لاصيح واكعد شبيك جاي شايش استريح متغدي لو اخليهم يحضرولك اكل رفع نضره اكعد شماعة فكر واكف "

كعدت افرك بوجهي " ضافر لا تستفزني بهدوئك هذا وجهك البريئ اكوم اشوها الك اكعد مثل الاوادم وكتهن كلهن مااضل كاعد استجوبك"

ضافر" اهووو بابا منو حاركك عليه كلي اجابك شنو اجازتك ونازل عليه "

سيف" لاتبردني ضافر تره روحي طافره منك خيي شوداك عليهم جايز من روحك انت رجال نجمتك على كتفك ماكلت يلزمني واحد وتروح بيها"

سحب نفس وذبه بكل برود " سيف شكد تلح رحمه الربك جلبت اني شعليه رجال كاعد بيتي خابرتني خالتي كالتلي "

وكف والجكاره بحلكه مسوين تبسي تزقنب لو اطلع اجيبلك سم تشبع بطنك"

شلت المندر بصفي كفخته بي" سكط سم يهري معدتك

س.... مااريد زقنتني من الصبح "

ضافر" اهووو خليني محترمك ضيفي لباجر وارها اطلعك بلجلاليق لا تتعزز براسي وتتك.... شتريد"

كمتله ضل واكف ضحك " بداعت العزاز لا تمد ايدك جفك ثكيل واني حيل مابيه "

اني اطول منه بشي بسيط بس بنيت جسمي اقوه مره شاقينه وشبعته تكفخ ضل سبوع اذانه مسدوده وخزنت لان اجت على الكبله دكتور وعلاج رجعت

طبيعي من يشوفني اكومله يضل يداهرني وينسيني

حجايته

راح طب هوه وبيبيته بلبيت وبت خالته مرات من يلتحق تجي بمكانه متعود افوت واطلع براحتي

ماتتقيد وبيبيته ماخذ عليه وتحب جيتي

تغدينه تبسي وتمن وراها شربت جاي عدل راسي

وهذا السليت مكابلني جار وياا خلك منا لليل

احصره حصرت الجلب اخلي يكت شكو بطنه

مامر اربع ساعات والبيت نهجم طلعنه نركض

خواله بلباب بابهم ناصي واليدكه يشوف اىطرمه واحنه نشوفه

بس شافهم عقج وجها سد ايده حيل لزمته دفعته وراي ورحت فتحت الباب طب واحد معكل وثاني ورا بدشداشته والثالث هم دشداشه وبقيه ولد شباب

خاله المعكل لزم ضافر من تشيرته يم ركبته وجره يصيح" عاار علينه صرت امك مرضعتك ويه بليس

تحرك حلااااالنه تحركننننه عدك ثار ويااااانه ضااافر

انه جاااااي انهيك اليوم الحكك بامك "

دفعه ضافر بهدوء " خالي شبيك هاد عليه وبنص بيتي سالمين تايهتلكم الدنيا لام المزعطه وهاد عليه "

خواله من سمعو تخبلو واحد منهم هد عليه صرت بطريقه اهدي النفوس ضافر مبينه نيته دفينه ويريد

يطلعهم عن طورهم

" يواشك عمي موهيج الحجي تفضل كعدو ونتفاهم

بس كولو ياالله مومال مضارب وانتو خواله وعيب

كدام الوادم هدتكم عليه وبنص بيته "

رفع ايده يأشر" تسمعه تدري بصاحبك ضيع تعبنه ولسانه طويل شاايف روحك تتعاله علينه يبن داود وتشمخر على خوالك هنا ادوسك واكسر راسك"

كتلهم يابه كولو ياالله موهيج تنحل يبقه ابنكم شماا

صار بينكم اصحاب ديوان وتعرفون جيتكم هيج غلط

الحك يركبكم انجان عدكم حك بلمراشد تفضلو جوه

نكعد ونحلها بلتي هي احسن "

صاحو كاجايين الببته نكعد هذا الجلب "

خاله الوسطاني "شوووف ولك اليون ناويلك نيه كشره

ماتفلت من يمنه مو خال صاحبك وتزامط عبالك ماندري انت وره حرك المعمل "

ولد شاب كال" دومك عاااار علينه بتلينه عدنه خاله وخلفت شكولك الزفره شراااايد من يمنه خرب لشت

صفحتك واحد واحد التفتلي وانت رجال غريب مالك

دخل احنه عيال بيت نصافه على حكنه"

سيف صحت " شتردون سوون تذبحو جريت ضافر ودفعته كدامهم هاكم كطعو وذر وشربو من دمه وانه ماحطيت نجماتي على جتفي اتباها بيهن وشفت حليب

امي اذا مااخيسكم بلسجن "

صاح واحد منهم بعده شاب"تهددنه وكدام عينه شعليك رجال غريب خليك على كتر لا تكامز كدامنه "

خاله الجبير سكته ماقبل وصار حجي وكل واحد جاي حامي ودهم ياكلون ضافر وهوه بارد واكف يعاين جيب ودي كوه دخلتهم للديوان همه يسموها استقبال مدري صاله

كعدو كعدت وضافر شحته يجيب مي ويسوي جاي

انه اعرف بسوالف الكعدات والنزاعات الصير هواي

كعدت هيج كعده وحلينه مشاكل بكد شعر راسي

انه والشيخ

من عمري ١٥حضرت دواوين شيوخ القبائل تعلمت

الحك والمحكوك شايف اشكال وحضرت على كعدات

فصول بلمليارات ولوجه خالك وعمك وفلان شيخ وفلان سيد ونحلت

بعد ماكعدنه كتلهم "الله بلخير ياجماعت الخير

كله كالت الله بلخير

"ياوجوه الخير اعرفك بنفسي انه سيف الدين ابن شيخ

خليل شيخ من شيوخ الكوت صاحبت ابنك من بلكليه

والنعم منه ماشفت منه غير الاصل الطيب

محسوبكم ابن ديوان وربيت بين وجهاء ومشايخ تنحلف براسه وجهت حجيي لخاله الجبير اذا

تعرفون شيخ مناتي ابن شيخ صخيل من أل شمر

الخال كال" اي والنعم ياهو مايعرف ابو ادريس علم "

كتله " عليك نور هذا جان رفيج ابوي الشيخ خليل

ومسامرنه وكعداتنه وطلعاتنه سوه مااصير كعد

دون ابوي ودوني انطيتكم هلموجز تكون عدكم

درايه الجدامكم بي ملوحة البصره وربات الكوت

مااغفل عن سنن عشايرنه

وكعدتنه كعدت خوال وابنهم مااضن تطلع للغريب

وتخلو يتفرج على مشاكل عائليه انه من ادخل كونه

رفيجي وانتو جايين حامين

حكم مالومكم الصار بيكم مو هين وهذا رزقكم

بس كلشي بلهداوه ينحل "

كلهم صافنين عليه ضافر وزع الماي وكعد خاله كال "هسه انت متكفل ضافر على حجايتك"

هزيت راسي "خويي وشيصير انه حاضر ان جان الكم الحك تاحذو مني وان جان ضافر مال يد بعد انتو اهل وتصافه الكلوب ويادار مادخلج شر"

واحد منهم عيونه بكصته " كله الصاحبك ليش حرك المعمل وحرك كلوبنه وضيع تعب سنين وشغلنه صار

رماد"

ضافر " هههههه شغلكم اني شعليه بي رجال عسكري البارحه نزلت وكاعد بيتي مخليني شماعت مشاكلكم

يوميه هادين عليه "

خاله " منو غيرك اله ايد بليسوي باوعلي عمي احنه ناس مستورين ماعدنه طلايب روح ونرد بدربنه

ماعدنه وجه المكروه هوه اكثر من مره يهددنه يحرك

المصنع "

واحد كال" ماكو غيرك ضافر شرايد من يمنه امك ماعدها شي عدنا شتريد"

ضافر صاح " حقها الاكلتوو حق ابويا البلعتو فلوسه وكعتو على الحديد كل فلس اخذتو ترجعوو ماناسي

سنين الحرمان العاشت بيها امي وابويا من قهره مات"

واحد منهم طفر عليه يريد يضربه صاح بي خاله ورجعه

" يعني تعترف انت الحركت المعمل "

هذا فقد اعصابه كام يصيح واحد من ولد خاله لازم جهاز اني اعرفه هذا مال تسجيل نستخدمه بمكاتب

من نريد نسجل اقوال المشتبهين

صحت بضافر " اكعددددد اكعد وذاك كمت جريت من ايده المسجل "

تعلمنه النباها ندرس الشخص المقابيلنه حركاته حجيه

اشارات ايده نضرته نعرفه من اول ماطب وهيني طاحت عليه حسيت بي

سيف" يابه مرخصتكم دقايق نضيفكم جاي وميصير خاطركم اله طيب سكتو اشرت الضافر تعال وراي

كتله على جهاز التسجيل فرك وجها عصاب صاير دمارات ركبته بينن كتله " ادفعها بكشايه على كولت امي الحجيه ضافر لا تغلط وتتهور مبينه نيتهم"

ضافر" سيف شسويلهم ويبرد نار كلبي منهم ذوله ملة

خره وربكم حتى المر يبزعهم اني معاشرهم واعرفهم

ياخذون الكحل من العين "

سيف" عوفهم حبيبي يجي يوم تاخذ حك ابوك وامك وداعتك مادوملهم"

ضافر " مااسكت خويي حكي اليوم باجر اخذه "

سيف" عوفها وراي انه اخذ حكك ازوعهم فلس فلس بس اسكت انت ولا تحجي شي خيي مكانك خطر

اي غلطه يخسرك مكانك التسجيل البيدهم يستخدمو

ضدك بلمحكمه اي زله تروح بيها "

ضافر" مايفيد وياهم غير الدك ربعي واعرفهم "

سيف" ضااافر لاتتهور بويا انه اكلبهم على البطانه

الزم اعصابك ضافر ماتكدر ضل هنا سويلهم جاي

عيب "

ضل يفرك بوجها سكت دفعته للمطبخ كال اسويلهم زمهرير يهري بلعومهم ضحكت عليه وجها احمر

من الاعصاب

كعدت وياهم درست كل واحد بيهم حجايه مني حجايه منهم انفتح موضوع ورث امه

سيف وجهة كلامي لجبيرهم بلجن بي مروة عربنه كتله "السمووحه يابه عاينولي من جنتو ساكنين فرد بيت

البيت مسجل بسمن االوالد لو الوالده"

كال بسم الوالد

"عليك نور عمي بشرع الله ام ضافر الها حك تاكل وياكم ماتت بعد ابوكم صح لو انه غلطان هذا الشرع

والقانون كذالك "

واحد كال" ماله اي ورث بناتنه مايورثن هاي اختي ام حيدر ماطالبت معززات مكرمات عاشن اليردنه يوصللهن من يزوجن بعد مسؤليتهن بركاب ازواجهن

شنهي وياخذن حصه تعبن شكن طلعن شتغلن"

عرفت دماراتهم صار جدال حاد ضافر يفور وكل شويه يرد يهد عليهم والزمه طلع رجل خالته وياهم مشغلي

وسادين حلكه من حصة زوجته

طلعو وانه ماماخذ من هم لا حك ولاباطل كعدت سحبت جكاره من ضافر دخنتها

ثاني يوم التحقت للدوام حذرة ضافر يسوي اي شي

مدامني مداوم سالفته بالي خابرت محامي سالت عنه

كالو شاطر سولفتله كل الموضوع كلي سهلة

ابتسمت مااضنكم طلعون منها بشر تاكل الحرام

بكلب بارد مو ابن شيخ رميض ازوعكم ارباح

الشغل

خابرت ضافر اول ماصاح كتله سد حلكك واسمعني الاكلك بي نفذه كام يفشر لان اخر مره طلعو وانه ساكت عنهم غبي كلش عده استعجال وعرك

كتله توديلهم طارش نحلها بلود ونكعد كعدة اهل

لو امشيها بلمحاكم "

حاول يحجي خصمتها هذا يضل ينعثل براسي وهوه

مافاهم شي من صغري مره الشيخ كلي " ابني الله فضلنه على الخلق بشنو انطانه العكل هذا تمشي

بي الكون لا صير بهيمه وتمشي وره غضبك خلي

كلبك وسيع وكلشي ينحل بلتروي "

وهذا شفته بتصرفات الشيخ ويه النزاعات النحضرها

يجبر الكاعدين يسكتون بتزانه وهدوئه طبعت بطبايعه

مره زياد ضربني على جتفي " اييي ابو السيوف جنك

الحجي من يكعد يحجي والله يابه مشيته على طينتك

الماكدرنه احنه هوه الكدره "

الشيخ بيوها ابتسم" سيوفي سبع بعد بي ملوحت البصره واخذ طباعينه اكيد يطلع احسن مني "

حجاها بيوم حليت كعدة عشاير وانطيتهم حل يرضيهم ويرضي الخصم وطلعتهم منها دون فصل

دامني بلمركز بلناصريه اسأل على قضيه ضافر

ولكيت حلها متاني هذا الثور يردلي خبر

بيوم نزلتي توجهة للنجف مشتاك الخويي لصويحبنه

وصية الدفان يسويله سقيفه باخر روحاتي وتعاملت ويه ودفعتله الفلوس وصلت زرة الامير

رغم مااعدي معرفة قويه هيج اخذت عاده لان حميد يحبه وحالف بس يزوج يسمي ابنه علي يسمي هذا

حيدر علي الكرار شافع الامه بيوم الحشر

حجايته مداخله بالي رغم اسمع عنه هواي روحي ترتاح بزيارته توجهة لصويحب دربي ورفيج عمري

اخذت مي ورد وجلكان مي عادي وصلت يمه ولحتلي صورته جوه السقيفه ارغد سواها جبيره وكفت عاينتله

هااا ابو الحمود خويي رشيت المي مسحت الكبر ورديت رشيت الطابوك صح الجو بارد

كعدت طلعت القران من جيبي صغير بي سورة يس والواقعه والحشر قريتله الكتاب كله

مثل عادتي اسولفله على ارغد على امه وابو اطمنه عنهم اعرفه يسمعني الميت يسمع ويشوف مانزلت دمعتي

جنه كلبي صخر من مات واول زيارتي اله بجيت وراها

ماكدرت كلبي يتكطع يصرخ على فراكه بس انه كوووي

حال مو رجيج ماكو شي يلينه مااعرف منين اجتني

هل قساوه

جنه جدامي واحاجي شني دار بيه رجعت لذيج الايام يم الساكيه من ننجمع ونسامر انه ويا اخذني الشوك

والحنين لذيج الاماكن

مااطلع منه وانه كات كل البكلبي خليتهن يمه ودعته ورديت للبيت تلكتني امي الحجيه تعتب طول بنزلتي عليهم بوستها من راسها ضحكت" محنايه يوم شنو

تردين تحركين الحجي بحنتج وديرمج"

امي الحجيه" اسكت ييمه ابوك مو حيله الاولي وانه هم مابيه حيل للمغازل شعرات راسي صارت بيض وخليتلهن حنه "

ضحكت" يوم بعدج تحنين للحجيه وتردي بحيله هههه

غير صلاحيته انتهت واكسباير صار تردين اجددلج بس انطيني الضوه الاخضر وانه اطلكج منه دنيت يمها شلون عدنه عريف يلوكلج "

ضربتني على صدري" ولي مني سويف مو نزلت متحامي عليه ماازوج روحتك ضال بطرك نفسك

لا من ونيس لامن بزر شنهي يمه ماتفرحني وتفرح ابوك بعد عيوني عيونك "

مسحت وجهي "يمه كل نزله نفس الموال شعدي بلزواج خلي استقر اشوف وجه الله وين اجيبها وادولبها وياي عليش مزوهرها ومزوهر نفسي"

امي الحجيه" هاي ربعك مابيهم واحد زوج كلكم عزابيه بس انت مدولب ومامستقر شعوزك يمه اشو بيت حايم صايم والرزق جثير والسكف ساترنه وانت عدك رويتب ومامعتاز ودوامك حالك حال الوادم وشحلاتها التاخذك ضابط ونجماتك بعد عيني عينك يمه غير التسمع وشوفك تشمع عليك "

سيف" مو هسه حجيه انشيل ونشوف وين تصفه وان شاء اللة خير "

الحجيه" ضل قشمرني كوم يمه روح ارتاح انه مااستفاد من كعدته غير شلاع الكلب"

سيف" هاايمه مليتيني بساع هيج انه ثكيل عليج"

الحجيه" سويف تعرفني شكصد لا تغشم رويحتك

انه مااستثكل منك بس انت اشلع الفاد ومااخذ

منك حجايه تريحني"

سيف" هسه كنالج الله كريم قابل طاير "

الحجيه" ربي محمود مشكور هاي هيه كوم ارتاح وخلها وره ربك اشوفك شوكت تنوي ان شاء اللة لمن تجي منيتي ذاك الوكت تعض اصبعك ودكول اخخخ "

سيف"كمت بست راسها"عمرج طويل حجيه "

عوجت حلكها عفتها طبيت سبحت وصليت

يومين اني لاهي بمصيبة ضافر اي حركه منه ويدخل سجن يخسر شغله ضليت ورا ورا

اليوم بليل عرتلي نركيله وكعدت بلغرفه الجو بارد

شاعل الصوبه وعالك التلفزيون اباوع برنامج

جريت ماعون الحب اسلسل ندك الباب ويه صوت الرعيده الساعه بلعشره كمت هذا الحجي  ماايبطل

مايمام اذا ماايجي يشوفني حمامي بطن الغرفه ممر وبي باب يودي للمضيف وعدي باب على البستان داخل الغرفه

فتحته الباب والما كبالي طبت ركض

ضليت اعاينلها متفاجى"وين بويا شصاير "

نفضت عباتها وراحت كعدت صحت بيها" المااا شجابج هسه "

ضحكت"شووكي جابني تعال اكعد لاتخاف اهلي نايمين مايفزون للصبح"

عكدت عواجبي عيواني صارن بكصتي " شنو يعني "

الما" سيف بس هذا اليوم عدي وياك واكد اسولف واحاجيك بس اطلع منا معناها تنساني"

سيف" بت الناس تردين تبليني ويطلعوني موادمي ومدخلج غرفتي كوومي ردي لبيتكم "

الما" مااكوم ومااتحرك منا لهنا غير لمن تسمعني عدي حجي جثير يبن كلبي ماشتاكيتلي سيف هيج كلبك

حجر ولا جني صرت الغيرك "

سيف" شترديني اسوي اكثر من الصار تنهدت الما الكدامج مو مراهق وامشي وره كلبي واطيحج بمشكله مااطلعين منها سالمه عبالج مااتهورت دشيت بنص بيتكم وتلاحكلي زياد وفرات"

الما" جذاااب لو جاي جاان خربت وهسه انه مرتاحه منه"

سيف" وراها ابوج وعشاير تذابح على ابو ابنكم دش ديوانه ونزل روسنه تعرفين  زين عمامج شرانيين

والياخذ حاجتهم ينتقمون منه انه ماخايف على روحي

لو هنا السالفه اخذج من عيونهم والبي خير يواجهني

بس الشيخ ماراح يسكت وعمامج يدورون الطلابه دواره واطلع اني الغلطان وابوج باعج الهم لا تهيجين

جروحي المااا لهساع انه ماانايم مثل الوادم

كوومي انعلي الشيطان وردي الداركم واليرحم اهلج

لا تفتحين على رويحتج باب ماينسد واصير انه السبب

بجت غطت وجها بيديها وانه منا كلبي معلول دنكت وانه واكف احس جدامي ماتعيني ودي اكابلها العمر

كله ودي اخذها الحضني كل شرايني فزن لنشغتها

بين نشغاتها تتلعثم كوه تحجي " مااكدر اتحمل ابن عمي انت ماتحس جواتي هيج نار تسعر بيه وينه حبك اليه"

سيف" المااا بويا استري عليه وروحي البيتكم ولج راح طيحيني بهبيا"

صرخت" الله ياخذهم اهلي كلهم وعمامي وياهم هذا الهامك مطمورين انطيتهم فاليوم ماايكعدون وعساهم وعساني وراهم ماتلكون بيه نفس"

كعدت وراي الحايط انتجيت رجيت راسي عليه اعاينلها صارت طماطه شتغلن الكلوبات تمسح بخشمها وبخدودها عيونها مااوكفن انه شحارك هاروح

غير ذني اليضون بوجها غير هذا الكيمر

ساكت عاينتلي عيونها رايحات مبرطما ضربت زري " ارحمي بحالي بت الاوادم مالي حيل للذنوب "

ضلت مبرطما رجعت بجت " خرب عشيرته هيج من مصلمهم كاافي بابا ارحميني "

ماسكتت وكفت افرك بوجهي درت على الباب دفرته برجليه حضنتني من ضهري كلبي وصل لبلعومي

دكاته احسها تنسمع

اريد اوكف على طولي رجفه سرت بكل جسمي انداريت حضنتني تبجي مجلبه بركبتي واصله الجتفي ايدي مااكدر اشيلها واضمها الصدري تهمس لا تعوفني مااريد

غيرك يلمسني اريد اصبح وانام على صدرك "

لميتها الحضني صحت " يااابوياااااا  خليت راسي بركبتها اشم بيها ايام صباي ولعبنه مسامرنه حنية

كلوبنا دكته الها عصرتها لحد مااصاحت اخخخ

وينه حضنج عني هذا دواي شسويلج يبت كلبي جبنتي

وين اخذج واضمج واكلهم راحت بس انه الاندلج

وخرتها لزمت وجها ذبت شالها بويا مو شعر ملولو

وناعم لوحه اغريقيه بستها من جبينها واشمها شني

ريحتج مسج

هزت راسها تضحك " جنج امي الحجيه ضمت راسها بصدري رديت لميتها الي اخذتها للجربايه مددت وادري السوي غلط

واشيل اثم حالف يااالما لو اعرف احركهم لعمامج ماانطيج الهم خليتها على صدري ابوس بكصتها مااكدر اتعمق اكثر افقد نفسي اعصرها بحضني وهي تشم بركبتي وتبوس بيا ثنينه عطشانين

كل شويه احد راسي بركبتها واشمها غمضت وهي ذابت بيديه اخخخ ياضالمين النفس جاان هسه بحضني ومريتي

ضلينه هيج ساكتين ووووين وعيت على روحي كعدت وخرتها كمت العن بلشيطان ضلت مبهوته وكفتها لبستها الشال " روووحي "

رادت تحجي خزرتها " اذا بعد اجيتي اكسر رجلج "

"شجاك سيف"

سويتلها اششش فتحت عيوني احس الدنيا طبكت عليه

برطمت شلت عبايتها وخليتها على راسها ودفعتها كدامي طلعت امنت الطريق وهي وراي ترجف من عصبيتي وصلنه البيتهم

لزمتها من معصمها " بااعي لومااعرفج مااحجي سوايتج اليوم مومال بنات بيوت لو شوفيني اتوذر لو

تموتين بفراكي بعد لا تجين البابي انه من شوكي اخذتج بحضني لو بوعيي لا جاان علمتج زين وادبتج من جديد

لا تكربين صوبي والبيناتنه تنسي اذا جان النه نصيب اخذج لو مطي يركب مطي

عملتنه وراها ذنوب بكد راسي وراسج الله تردي يوفقني وانه طامع بيج شهوتي غلبتني الماا اعكلي

ولا كلشي تاخذي بسم الحب  خليج الما كبل

تربات شيخ جليل لا تنسين تعبه لا شوفيني تره

حالي حال الشباب تحكمتي غريزتي لو ماعدي

غيره استمتع وياج واشمرج افهمي كلامي

عدل واوزني الامور يله طبي بوجهج توضي وصلي

واستغفري

الله يصخم وجهج على هاي الدكه انه مصخم من الاول

ضلت عليج وتكملين ذنوبي "

عفتها تبجي ورديت شوازاني هيج الشيطان يركبني ويخليني طبيت غسلت راسي احس الحراره صعدت لعيوني

نشفت طريت الخاولي بلكاع كعدت كوه جارع نفسي

ضليت اليل كله كاعد اتعوذ من ابليس ارد اذكر وافرك وجهي من الحركه واسب بيهم طر الفجر وانه كاعد

اكل بروحي شوازاني شجابج الماا شجابج  الف حسبه بالي لو الشيخ طاب عليه لو اهلها مستفكديها

لو ولو مانمت كمت سبحت وتعوذت من الشيطان

صليت كوه

......يتبع

كل عام وانتم بالف خير يارب ينعاد عليكم بلخير

ويبعد عنكم كل مرض وسوء

عساكم من عواده 

بين الكاف والنون (كن فيكون )

الثامن والعشرون

بقلم....سجى الطائي

----------------------------

ياهو يلوگلي عُگبك ؟

يغَنيلي ، وأغنيله

ياهو لضحكتي يضحَك ؟

واذا أبچي يمد چفين منديله !

سيف الدين

طر الفجر وانه كااعد عيني مااخذت نوم كل نشغه منها طيح كلبي وارد ابرد ناره بحضنتها شوكها ولهفتها

جرئتها وجيتها لحد بابي طيرتلي عكلي هااي ناويه عليه طلعني من طوري دنكت افرك راسي ايدي طخت

اعاين الدشداشتي تك ترجيتها معلك يم صدري زارف الدشداشه اخذتها بيدي على شكل حلقه ذهب وبي دعبله عصرته بيدي

يومين انه مدوهن بعلت كلبي شجااااني الوب عليها تاخذني رجليه دون ماادري لعتبت بابهم وارد

الشيخ كلفني امشي ويااا للنجف عدهم عراضه مااعرف شلون مشيت ويااا لهناك اخذنه يوم كامل وردينه بليل

بس باجر والتحق خابرني ضافر رفضته هذا يرادله خلك دكيت على المحامي كلي خلي يجيني ويجيب مستمسكاته

خابرته ونطيته رقم المحامي يتفاهم وياا كل ساعه امد يدي بجيبي اتلمس ترجيتها

ارغد

ضلت رغد بالي اتحسف عليها تعوف الجامعه ضليت حاير شلون احاجيها على التلفون مترد ماضل عدي غير

اروحلها للبيت واتفاهم ويه عمتها بلكت تفهمني

صدك ثاني يوم توكلت اخذت تكسي ولبيتهم دكيت الباب الساعه صبح بلتسعه والجو بارد وغيم وجنها

تمطر

انفتح الباب مره متوسطة العمر الوجه دائري تلج من البياض استحيت من كد مابحلقت كالت "تفضل خاله شرايد"

ارغد" السلام عليكم اني زميل رغد بلجامعه وصارله فتره مامداومه ونزلو بيها فصل واجيت اطمن عليها

ان شاء الله المانع خير "

مدنك واحاجيها رد "خاله الجو مغيم وكامت تنكط تفضل خاله دامك زميل رغوده "

رفعت راسي " هاا مااحب اسببلج احراج اشوف رغد وارجع بلكت تتلاحك وترجع داوم ونحاول يرفعون الفصل عنها "

كالت" خاله مااكدر احاجيك هيج بلباب بس هي كالت بطلت بعد مااداوم "

ارغد" حرامات خاله ماضلت سنه وحده وهاي السنه ماضل عليها شي وتخلص لا ضيعهن "

الدنيا زختها زخا ويه حضي المره تبللت واني تنكعت رفعت راسي للسما شني متانيتني على حضي "

المره ضحكت " خاله دطب عيوني اني من وجهك عرفتك خوش ولد يمه طب واشربلك شي يدفي بطنك"

دخلت وراها البيت تعبان بلوك الحياطين والسكف جينكو وعمدان شي ميشبه شي الاعرفه حالة ابو رغد توب ليش عايف اخته هيج عايشه هاي العائله غريبه

كعدت بصالة قنفات خشب قديمه عليهن جودليات

وطبلات نايلون المره لابسه جادر صلا ابيض

شويه وطبت بيدها صينية استكان جي وكلاص مي

كمت اخذته منها" ليش كلفتي نفسج"

" لا يمه عليمن هوه ستكين جاي تعذرني ماعدنه صوبه بس وحده وخالتها يم رغد مريضه وترجف"

الاستكان بيدي خليته على الطبله" خيرها مستبرده"

" كعدت والله ياخاله شسولفلك البت تعبت من اجتنه هاي مدللة امها وسنين عاشت مامعتزاه شي تلبس من ارقه الاماكن يكلك اجت وبحلكها ملعقة ذهب واني هل شوف حالي على كدي والكمه كوه دابره ماتحملت عيشتنه"

ارغد" ابوها وينه ليش عايفها " اريد اعرف زبدتها وين هاي البنيه غامضه كلشي عدها سكوت

كالت" ابوها واحد ميخاف من ربه شامر هاي الماسه لو عد غيره والله باب الحوش مايطلعوها على حسنها واخلاقها وتالي يريد يزوجها لو احد صايع وعركجي

وصاحب مشاكل "

تنهدت بقهر " زين خاله وجامعتها شلون "

المره دنكت نزلن دموعها " والله لو عدي مااقصر وياها شبيدي العين بصيره والايد كصيره لو عدي ذهب جان بعته الها لو عدي شي جوه ايده اشيله واحطه بيدها

عايشه على الله وعلى هذا الرجال اليجيبه ادبر حالي بي

وهي مصاريفها هواي خط وملابس وكتب وقصاد

الكليه اني لو اشتغل خدامه بلبيوت هم ماادبر عيشتها "

سحبت نفس " واالله ماادري شلون الله يعينكم ويساعدج انتي مره صبوره ومؤمنه "

مسحت عيونها " الله مارزقني بجهال رغده من اجت للدنيا شمعت بكلبي من زغرها اني يوميه اسير عليهم اشوفها وربت على ايديه هذني صعبه اشوف حالها

وابوها اليسوي بيها"

مسحت وجهي ضلت تبجي وتشكي واني شبت بضلوعي نار والله لو كدامي ابوها اكسره ومايبرد

كلبي منهاكو اب يشمر بته هاي الشمر والله جلب

مايعيش عيشتهم الله يساعد هاي المره شلون صابره

ومقتنعه

دكيت صدري الها اني ادبر فلوس اقصاد جامعتها المره ماقبلت وكفت " يمه حسبيني اخوها واني مو ناقص غيره واشوف حالكم واسكت عوفيها عليه والج الصافي

احسبيها لوجه الله "

" لا خاله ابد والله ولا اقبل انت شعدك هم طالب

وراك مصاريف عوفها يمه هي اول تالي تاخذ

الشهاده وتكعد بلبيت"

ارغد " تره قسمنه مرغوب وتعيناتنه مضمونه حرام

ضيع عمره وابوها ماورا خير خليها تفيد نفسها وتفيدكم"

"يمه شنو ذنبك تتحمل اقصادها منيلك"

ارغد " دابره حجيه لا شيلين هم"

" الله يرزقك من اوسع ابوابه ويحفظك الشبابك

ويسعدك وينور طريقك ويبعد عنك اولاد الحرام"

طلعت وهي تدعيلي سلمت وتوجهة للشقه افر براسي

منين ادبرهن العدي ربع الاقصاد ضليت اليوم كله

افكر

اداين من جماعتي بس محمد متمكن البقيه ماعدهم يادوب يمشون امورهم اخابر تميم ينطيني من بلوكاته الحاطهن على كلبه

ماعدي غير حل خابرته وطلبت منه دخلين تحقيق وكوه كاض الساني لا افشر ويقفل عليه حاجتك

عد جلب كله حجي جلوب

قشمرته بمشروع ويه ولد وياي نفتحه ونسترزق

قبل ثاني يوم رحت جبتهن حتى مامريت لهلي

عدي دوام واذا شافوني يلزموني مايهدوني

وهم امي تسأل ليش نزلت ومالي خلك الهم

مريتله للمحل اخذتهن ورجعت باجر دوام

مددت انام دك الجهاز عمتها رفعته صوت رغد

كوه تحجي مبحوح ودكح ارتجيت على الجربايه

كالت بدون سلام " ارغد مالك دخل بيه

عفيه لا تحرجني اني مااريد اداوم لو اريد

اخذ من بابا "

" ليش رغد واذا ساعتج اعتبريهن دين وشوكت

مااتكدرين رجعيهن"

" مااريد عفيه فدوه لتلح مالي خولك احجي

واجادلك عيوني عوفني وبعد لا تجي لعمتي

زوجها مايقبل لا تخليني بموقف يدمر حياتي"

ارغد" اعتذر اذا اجيت العمتج وحرجتها ردت

اساعدج رغد بس هاي السنه كمليها والسنه الجايه

اجليها شوكت متريدين ارجعي علمود مضيع منج"

همست دكح كحتها من صدرها شكت صدري " ماااريد

مااريد انت مو اخويا ولا ابن عمي ولا تقربني ارغد

عوفني بحالي سكتت تاخذ نفس فدوه لا دخل روحك"

سكتت مقهور من اسلوبها تنتر تنتر كتلها "انطيني عمتج"

صرخت "مااانطيك افتهمت ماانطيك عمتي عوفني ابتليت مره فتحتلك كلبي وحجيتلك عوووووفني

تفهم تفهم "

صحت " وسم لهل صوت عرمه مالج دخل انطيني عمتج وطبج طوب مالي شغل بيج صوج الحمار

الكلبه يمج ويركض علمودج "

اسمع صوت عمتها تحجي عليها وهي ترادد ودكح اخر شي صاحت الله ياخذني ويموتني اخلص من ضيمكم

الله لينطي ولا يوفقه

حسيت بصوت قوي مبينه شمرت الجهاز سديته افور

منها صدك مطي شدخلني بيها والله قهرتني من شفت حالها تتوسل بلعميد مايفصلها وانطاها مهله بعدني الوم بنفسي

دك الجهاز رقم عمتها شلته اكيد هي اريد ابرد كلبي بيها

رفعته صوت عمتها سكتت المره تتعذر مني " خاله مالك دخل بحجيه والله مستحيه شوف انت شسوي علمودها وهاي الجلبه متستحي يمه امسحها بوجهي قدر نفسيتها

تعبانه وفجئه خسرت كلشي وابوها تبره منها وشمرها عليه لا تاخذ بخاطرك منها "

ارغد " لا خاله معذوره بس لسانها طويل واني مااكو وحده كبلها هيج علة صوته لو ما اعرف ضروفها لا جان صار الي غير حجي وياها "

" حقك مدري شجاها ماجانت هيج انجلبت عليه نوب

المهم يمه اني ردت اكلك هي عدها ذهبات امها جابتهن وياها كلت انبيعهن ونسددة اقصاد كليتها واليضل

دبر بيها حالها خط وهاي شغلاة دراستها"

وكفت تمشيت للبلكونه فتحت الباب طلعت اشتم هوى البارد كفخ وجهي رجعت شعري اليوره بلايد الثانيه

" لا خاله الفلوس جوه ايدي باجر باداوام اسدد اقصادها عليج ترجعيها العقلها وداوم وتحترم نفسها تكضيها شلون ماجان "

"الله ينطيك ويستر عليك بجاه حبيبه محمد بجاه

كلمن عده جااه اريده يوفقك ويهنيك ويفتحلك باب

رزق وشوف الخير من كل كتر"

ابتسمت " تسلمين يمه ماتقصرين مثل ماكتلك قنعيها داوم وهاي هيه "

المره ضلت تشكر مني سديته بله اني شورطني وياهم بت عم بت خال وهيج اني سبع البرمه واسوي بطولات

عفت كلشي ورجعت نمت صدك ثاني يوم سددت الاقصاد صار حجي وماقبلو جيب ودي وفلان استاذ وفلان دكتور ولخاطر هذا ولخاطر ذاك يله نسدت

خابرت عمتها كتلها خليها داوم باجر رجعت بوجهي للقاعه من وكت رايديني ابو الشغل بمجال شغلي

شفت الماشايفه العقل اشياء ماجنت متوقعها

موجوده بلعراق

بنات ليره مابيهن شخط جمال وكمال بلنها ببيوت

اهلهن بليل بلملهى

باشوات شيوخ تجار ضباط بكل الرتب كل هذا شفته

من تحيلت على صاحب الشغل وخلاني احضر ليله

اني وين عايش وذوله وين عايشين اصغرهم عده

بيت وسياره وكلهم متمرسين مابيهم اليسكر هذا

متمكن مارسها وجسمه ماخذ مايخاف ويعرف شوكت

يثكل وشوكت يخفف عدهم جلسات خاصه

ضحك مره من محمد راد يدخللها ماططبو هنا عرفت

هاي القاعه خاصه بس للروس الكبار

والحلو سياسين ميحضرون بقاعات بغداد كل قاعاتهم

اربيل سليمانيه مينعرفون بغداد ناس محتكه بناس

داخلين ب2007 الذبح بلشوارع والاشوفه بليل ملاهيهم

مااعدهم كل هم عايشين ومتونسين الفلوس مطشره

ادوس عليهن واطلع كبل

كرهت روحي كرهت الفقر بيومها رجعت اذب من راسي

شوصلني اني هنااك عااالم غير عن عالمي

بنات اليختاروهن مواصفات واليريد يدفع مزايده يسون عليها وجبيرتهم تنضمهن لبس ومكياج وصرف واعتناء

عقلي وكف ومااخفيا كان اعظم

حلفت بعد مااحضر اي حفله حتى صلاتي تركتها كوه رجعت وداومت عليها

يومين وداومت رغد الوجه اصفر ومكلوب مبينه على اعصابها مداومه صديقاتها لتمن عليها طلاب يعرفوها كلها تسألها وهي كوه جاوب عفتها وطلعت

سبوعين وامي خابرتني خالتي رافضتني توقعت هذا الشي بلعتها متاني بس انزل

شهر ورغد متباوعلي واني عايفها براحتها كملت اخر يومين ورجعت لهلي

ارتاحيت يوم تلكامي اسامه طلعنه افترينه سبحان الله

مااعرف شلون امه سعاد هوه وين هي وين

بيومها جلبت بي يبات يمي وتميم معزل من وكت حضر

تعشينه وصعدنه واتفاجئ بعود معلك يم راس جربايت تميم

هوه كاعد يحسب ببلوكاته خرب غيرته شكد يحب يجمع يموت على الفلوس

تقرب الزمه صاح " ايدك ابن الخره لا جيسه"

فزيت " شبيك وجع ماكله اريد اشوفه"

وخر الفلوس من حضنه وكام وخرني " لا جيسها وخر لا تخربها الي اريد اتعلم اعزف بي"

عفطتله " لا هاي هيه انت غني ودك واني اشدلي وصله واركص نصير بية ابو الهيوه ابويا شافك "

تميم " واذا شافني يكصهن الي شمسوي هي موسيقه

داك بملهى "

هزيت ايدي وكعدت " تميم شايف شسوي انت بنفسك يوم تغني بأعراس يوم جمع الولد وتكضوها دك وغنه وهسه مشتري عود شسوي بروحك"

تميم " مالك شغل هوفني بمزاجي ومن غنية مااخذت فلوس عرس جماعتي وغنية كفر بابا شبيكم شايفين الغنه عدوكم "

اسامه جان ستوه طاب كال "خالي غنيلنه هاي ذاك اليوم غنيتها "

تميم " موهسه " ورجع يحسب ويلف كل ضبه بلاستيكه

اسامه" لا عليك بروح العزاز خالو وعلي حبيتها وماتروح من بالي دغنيها يله يله "

تميم جان ملتهي يحسب ياغنه يابطيخ هس لو يكلوله امك وابوك ماتو مايدير بال

ضل اسمه يحجي ويا وهذا يحسب ويضم كمل ضمهن بكنتوره بقاصه قفلها وضم مفتاحها وقفل الكنتور

يحسسني كاعد بيت حراميه يشككني بروحي

كمل وكعد سحب باكيته طلع جكاره ودخن" هاا سليت تريد اغنيلك "

ذاك كمز " اييي شني نتوسل بيك لو حافضها اجيب كاسيتها واسمعها "

ضحك وذب الدخان من حلكه" احبها بصوت حاتم رغم ناظم غناها حلو بس حاتم يطرب "

اشرله " نزل العود واكعد"

كام هذا الطلي انطا العود معلك كلبه خلا على رجله وهذا جر الطبله وخلاها كدامه

تمبم يباوعلي ويدخن خلصها " معاجبك ولي جوه لا تنك "

" ماحاجي اريد اسمعها هيج حلوه "

تميم" قديمه وطربيه هااك اسمع "

جان الكلب ساليك لا لا خيي

ودك بصابعه على خشبة العود

وياا اسامه

ياعذابي لاجابك الله بويه لاجابك الله

جان الكلب ساليك لا لا خيي

ياعذابي لا جابك الله بويه لا جابك الله

حيوو صاح اييي حيووو الغنية دخلت بالي

ضليت اسمع تكملتها

ويلي شمصيبه ياهو الي جيبه

مالي قلوب ثنين لا لا خيي

ياعذابي خو تدري بيا

واحد واخذته وياك ياعذابي وشضل اليا

رجعو ثنينهم يغنون طب تمام يطك اصبع ويغني

وياا ورا ابراهيم كلهم حافضيها صارت لمه شباب

والضحك اشتغل طفر اسامه سد الباب

لا ابويا يسمع ورجعو يغنون بس اني ماسامعها

ويلي شمصيبه ياهو اليجيبه

ويلي شمصيبه ولفي شيجيبه

القمر تالي الليل لالا خيي هنا كلهم يغنوها

ياعذابي دزيته ساعي

يانجمه شوفي هواي لا لا خي

ياعذابي نايم لو واعي ويلي نايم لو واعي

ضليت مغمض واسمعهم طربت ويااهم جانت

لمه ماتنسي رجع جروها مواويل

تميم كملها بغنية

ارد ابچي بالعباس والطم بالحسين

وهذوله كلهم صاحو ايييي ابو التمم الله حيك

ضحك وكمل ارد ابچي بلعباس والطم بالحسين

وهمه يكملوها وياا

ما صابني من هواي بس دمعة العين

خية

خية

لوصي المار ما يقبل وصية

ولا اريدهم ولا اريد حنتهم علية

ويا دکة المحبوب دکة ياسريهمالي عتب وياك او يا نصيبي شمت بيّ اعداي ليش يا حبيبي

وضحك اسامه صاح يابويا

ثاري البنات اشكال شبه الچفافي

بيهن تخون الزاد بيهن توافي

لج خية

...خية

لوصي المار مايقبل وصيه

ولا ريدهم ولااريد جيتهم عليه

يادكة المحبوب دكه خزعليه

كلها تطرب من يمي كمت ادندن وياهم ابراهيم

وتمام الجو عجبهم واسامه وياهم

الكعده صارت حلوه ضحك وغنه وتميم متونس

جرها غنيه وره غنيه

تمام كله " غني موبدينه شلون صوووت عليك"

تميم يحب يغني مايتعب وبيده العود شرب

مي " ولكم صوتي راح "

ابراهيم "هنه سليمه مراد وناظم شغنيت "

ضحك هسه بس صيحو على وحده من البنات

سويلنه جاي وعدنه كرزات وكعك عدنه جعت

اسامه نزل يكللهن

رجع غنه مو بدينه اني هنا كمت اغني وياهم

حبيتها من تميم من كد مايغني بيها هوه يعشق

شي اسمه فؤاد سالم ماكو اغنية اله ماعده كاسيته

وكومه مطربين القدامه يسمعلهم

تمام شويه ويكوم يركص

وابراهيم مسلطن

ذاك المطبلجي طب كابله ويدك على الطبله

موبدينه نودع عيون الحبايب

موبدينه

والعشك لحضة عمر وتمر علينه

ويلي طعم المستحه على عيونكم

ويلي ويلي

ويلي شوكي يذوب بين ارموشكم

ويلي ويلي

و يلى طعم المستحه على عيونكم

ويلي ويلي

ويلي شوكي يذوب بين ارموشكم

ويلي ويلي

و ليلكم كمره وهوانا مسهرينه

موبدينه

مو بدينه نودع عيون الحبايب موبدينه

ايابه شلون اغنية صاارت كعده من العمر عمري

ماالتمينه هيج وكعدنه هاي الكعده ماتنسي

لنص اليل احنه ضلينه نشرب جاي وراها كرزنه

حب

مشت الايام رجعت تقدمت الوسن وخالتي قافله

ومبينه شغلة عناد

واني على نيت ناسي وراي حيايه غافل عن ناس

تحب تاكل بلحمي ايام واني خالتي ماعايفها حتى

ابو وسن حاجيته الرجال لا يحل ولا يربط

كلشي بيد خالتي

المعجبني تغيرة مية وثمانين درجه شني الكلبها عليه

بنزلتي الثانيه كااعد اصلح دراجة تمام واسمع

سندس تحاجي سناء يردن يشترن ملابس

ماهتميت ضليت غاط نفسي بلدهن والبلايسات

وغراض الدرجه فصختها

كمت شفت مابيها نفع اله مصلح طبيت اغسل

ولا كتني سندس تضحك نترت بيها " قرقوز كدامج

ضحكينه وياج "

" لا هيج مو يمك ميصير واحد يضحك بهذا البيت"

كتلها" اضحكي مو مكابلتني وتتبسمين " عفتها وطبيت جوه الدرج اغسل واباوع النفسي اليوم كل شغلي ناوشته التمام يكمل مهر

انقهر على حال اخوتي مابيهم المتمكن وشايل روحه غير تميم وهذا بس الروحه ومسواك البيت غير شي

ماينطي لو يحتركون حتى من تمام راد فلوس

ماانطا من عاتبته كال" بله اسكت ارغد بكد البغل يريد اشيل تعبي وانطي مايشتغل كاضيها خده وخدر اتهب بيهن الحلكه يجوز ويتفنكح على الجربايه

وبعدين متوازي على الزواج ارتب وضعي وازوج لو

دو.... بيه "

سكتت كلامه صحيح مامتوازي يزوج وهوه شغل مالاكي مااعرف هاي الناس انطتها على طوله شيوكل مرته حجار هم من تميم ومني منو ينطي مصرف البيت غيرنه

كملت تغسيل عدلت شعري طبيت للمطبخ جوعان فتحت الثلاجه طلعت طماطه وخيار

اذكرت فتوه واحد كالها الي مدري منين سامعها

حرام جمع بين الطماطه والخيار اعتبار بي شبها

ومثلوها على اعضاء الذكر والانثى وحرموها

رجعت ضحكت من اذكر الفتوه مالتهم اطك

من الضحك حتى عيوني دمع ضليت اثرم واتخيل

شلون تخيلوها الشياطين مناعيل الوالدين شجابها

على بالهم الخايس

كملت سويتلي لفتين وصعدت اكل زوجت ابراهيم

مخبوصا لاكتني على الدرج شايله ملابس

كتلها ولكمه بحلكي الوج بيها" شبيجن اليوم مخبوصات"

كالت" يااماتدري "

ارغد"شكو مادكولين"

كالت" غير خطوبة وسن "

وكفت اباوعلها هي حست على روحها فتحت عيونها تعتذر " يااا ارغد لا دكول ماتدري ودريت مني " ضربت غدها " عزه بعين امي لو ادري ولا احجي فدوه العينك "

شمرت الاكل من ايدي على الميز بلهول ونزلت صحت وين امي سناء وسندس بغرفهن طلعن " شكو شبيك"

صحت " امممممي ووووين"

كالت" طالعه هي وابويا للسوك"

يمي السله شمرتها طشرتها نايلون تكسرت

طلعت شايش وصلت للباب بطرك الفانيله والبرموده

رجعت بدلت ونزلت لاكاني تمام تعديته سمعت

زوجة ابراهيم تحاجي لحك عليه واني طالع جرني

دفعته" عووفني اليوم انعل شي الطلعو منه اميييي وييييين وين ولت "

تمام" طب فضحتنه " دفعني للبيت

سديم

يومين اماني متخبله على تحسين البيت داخل انذار

اريام بس صلي وتبجي امي مارجعت هي وابويا حسام يروح ويرجع يكول بس يتقيء وضعه متخربط

اماني ماتحملت ثاني يوم صعدت النعمه تحاجيها وذيج تنكر وتحلف مالها دخل

يومين عايشين على اعصابنه ثالث يوم طلعو فرشناله بلهول اماني من دخل مستشفى وهي كاضه قران وتقراله على بطل مي خابرت ريحانه مااعرف شعلمتها

وامها هم انطتها ادعيه خاصه وايات قرأنيه

بحيث نهار كامل اماتي ماتحركت على كد الصلا مكابله القرأن وتقره على المي من طلعو خلت حسام سبحه

شخلت الامبيثري عدنه صغير وبي رام شغلة قرأن

اول مره نشوف تحسين بهاي العصبيه صاااح طفووو

هنا اماني عرفت اخويا مشرب نعمه من فوك الفوك تجي تطمن اماني هي الزمت البيت

خلت اريام تطبخ وركبت التمن خلت بلمي مالته قبق من مي المقري عليه والمرك كذالك

تحسين راد مي هي ركضت دارتله من البطل وتنطي

وترجع اضيف على البطل مي وترسه

بلعدل سبوع اماني ملتزمه تحسين يوميه اشوفها تخابر ام ريحانه وريحانه ماادري شتكللها وتطبقهن وتنطيهن التحسين

مااطول اخر الاسبوع تحسين نكلب حاله رجع يتقيء

بس شي اصفر صافره مثل الكركم مخبوط بمي

ضل تحسين شهر وضعه موهلكد اماني تعبت وياا بس ماتاركته واريام وياها

نعمه اطب تطلع تستفز خواتي تعير اريام بطلاكها

غير تعيرها الاماني

يوم منهن اماني واكفه تمسح بلثلاجه ونعمه واكفه على الدرج اماني شافتها ورجعت تكمل تنضيف

نعمه " اييي هذا مقامجن "

اماني باوعتلها" غير نعرف بمرت اخونه جايفه ونضف جيفتها حظ اخويا المسكين طاحله مو مره مستنقع"

نعمه " اني الجايفه يابايره بيج حظ جان زوجتي ولفيتيلج زلمه حالج حاله البعمرج غيارات موووتن

بغيرتجن وجه الفكر "

اماني ضحكت" حبيبتي اني اخر همي ازوج شهادتي تسواج وهذا مقامج زواج وخلفه ومدكه للرجال اني

اعلى من هذا يله ولي نضفي غرفتج وطلعي جوه

الجربايه ميت فار بزون الله اعلم"

نعمه ماتحملت ضلت تهز برجلها هاي حركتها انحسها على كد عقلها " تموتن لان تحسين يحبني ويريدني

متردن هيج كبور تلفجن يابايارت معنسات موتن

موتن"

اماني غسلت الوصله وشرتها على حافت الكاونتر دارت عليها تمس ايديها بدشداشتها" بااعي ام عقلين وخليهن

بذانج الاحجيهن لو اريد ومزاجي كاعدلج اقنع تحسين

يقلعج يم خيست اهلج وهايشتكم وازوجه اغاتج

واجيبله النضيفه المعدله العطرها طيب من ينام

يمها مو انتي وسدة خشمها اوووي شلون متحملج

ماادري

ولج صابون ومي ابلاش شبيج امداج وهااا واحله منج هم وارتب منج بس الكاسر عيني هذا الطفل

وتحسين شلون يحبج ويريدج والله يركص بجفيه

بس اخويه يخاف الله واني مااريد اضلم هذا الولد"

نعمه خلت وصعدت تتكاتل واماني طبت تقره وعية

على خواتي كل وحده همها شكل كل وحده بيهن

مامرتاحه وعاشن المر وهنه شابات

اريام تتستر استر من السان نعمه ومعايرها اماني

رغم قوتها هم داخلها حزن مااعرف شنو نوعه

اشوفها دائماً تدعي نص اليل ومرات تبجي

داومت نفس معاناتي ويه كرم داخلي ماارغبه

نضراته وخجله لهفته بشوفتي يضايقني

الكل يعرف بمشاعر كرم الي رغم هواي طلاب

اشوف يردون يتقربون ناحيتي واصدهم

اليوم من دون الايام اجاني كرم طلب مني صوره

اخذناها بلابتدائيه يريد يطلع عليها صوره

كتله انطيها الك وترجعها هز راسه وراح ذكرة

ذاك اليوم بيوم الردنه ناخذ صوره

كرم صار وراي اجه ستار ودفعه واكو طالب ويانه

هم كرم يضوج منه ثلاثتهم تعاركو على المكان

المعلمه عرفتهم ليش يتعاركون صاحت بيهم

وكرم صار اخر شي خلته وستار بلنص

هذا اليوم ميروح من بالي ومااعرف راح يجي يوم

تنعاد بي هذيج الايام

.......يتبع

مرحبا

اعتذر عن عدم التزامي تعرفون اصابت والدي وكلنه مصابين الله يبعد عنكم كل مرض بنات نصيحه مني

شكد جنت مستهانه بلفايروس وعدي لاشي

من شفت وحسيت بي عرفة عظمتا الله ستر

والدي مااراح بيها كتلكم اشاهد بين اديه

احترزو ولا تطلعون دون كمامه وتباعد وتعقيم

ضروري واخذو مسحات

نرجع القصه احداثها هواي وجاي اشوف نفسي مااكدر اسيطر والقصه جاي تفقد احساسها بسبب

ضروفي وسردي صاير مو هلكد مامقتنعه ابد

القصه مو هذا استحقاقها

سيف الدين وراا احداث وفصول عظيمه

ارغد اكثر شخص راح يتعرض لعكوسات واحداث غير متوقعاا

سديم حياتها تبلش من السادس

ريحانه واعظم ماكتبت هااي الانسانه تستحق قصه وحدها من كميته المعلومات التملكا وانطتنياهن

تستحق كتابه اكثر واكثر دورها قليل لان ابطالنه هواي وحياتهم طويله ونهايات غير متوقعه

الاريده منكم تعذروني القصه راح اوقفه فتره معينه مو هواي بس نطلع من هاي الازمه وتعدي على خير

وارتب القصه وارجعلكم

مااطول فترة قليله وارجع اكملها

احبكم واخب تفهمكم واشكر البنات الدعلي واقره تعليق تعليق والمشاهدين بصمت هم احبهم

تعذروني لان والله العظيم القصه اكبر من هيج مااريد اضلمها

ان شاء الله بس ارتب اموري ونطيب اسوي بث بكروب ست مريم لان اغلبيتكم موجودين بي رغم شكد كتلكم كروبي موجود بحسابي دخلوله هواي امور تخص القصه افتح بث بي بس مع الاسف

محد بيكم دخل للكروب

اعتذر عن الاطاله

❤

بين الكاف والنون (كن فيكون)

التاسع والعشرون

بقلم .....سجى الطائي

‏‌‎هـذا حـال اليعطش وجـوه اليحبهم

لا قطار  يجيبهم وتنام عينة

ولا مطلعين أسمه مـن دگـة گلبهم

  ______________________🍃

سديم

مرات الفشل يعلم ومرات العثره صحي ومرات الخطاء يوعي حياتنه عباره عن اغلاط مرات البشر يوعه على نفسه ويراجع تصرفاته ويحاول يصحح لو شي بسيط

اكو ناس ماليها الذنوب واخطاء تمشي حياتها بله ضمير صاحي ومستمرين على طريقهم

والبيهم بين هذا وهذا وبيهم الي يحاسب نفسه كل يوم هذا لتخاف منه ضميره صااحي عن الامام علي (ليس منا من لم يحاسب نفسه كل  ليلة)

بعد حادثة اخويه ومرضه امي واريام واماني التزمن البيت تبخير ومسح بخل وملح خشن ويوميه اماني تقره عليهن سورة الجن سبع مرات والايات القصار هم على سبعه سبعه ريحانه انطت الاماني قطعة من ضريح الامام قاريه على رقية ابطال السحر خاليها بكلاص نشرب تحسين منها

الوضع احسن كدرنه نرجع مثل قبل خلصت عطلت نصف السنه وبلشنه بلفصل الثاني رجعت اداوم

اليوم احد كعدت من وكت اول يوم نداوم بي وره العطله متحمسه لصديقاتي اريام ضفرتلي شعري هندي من اليل ولفته بشال ونمت كعدت وخرت الشال لكيته مصفط

لبست صدريتي النيلي ممنوع غير لون والون الاسود وكت محرم شال ممنوع والربطه هم بس حجاب الاميره لبست وكفت كبال المرايه اعدل بنفسي دنيت روحي عيوني بيهن لون ابتسمت وشعري ذهبي وبياضي اول مره انغر بتفاصيلي جرت عيني حلوه رغم صغرهن مو واسعات ولا صغار كلش

ابتسمت بينن سنوني مرتبات بشكل رباني وخرت منها اجاني صوت امي صيعني اتريك اماني سدت باب غرفه واني بلهول واكفه بيدها عبايتها وجبتها الماروني جوه العبايه تلبسها حجابها المضبوط

تفاصيلها بارزتها العبايه رغم ضعفها دوران وجها منطيها جماليه تريح النضر تقربت يمي لبست عباتها دنيت عنها شوف روحها

ردن العبا بي خيد متين مثل الحلقه ينحط باصبع الابهام علمود الردن مينرفع اثناء حركت الايد شكلته وخرت تباوعلي على صفتي

اماني "سرحتي بيه اكو غلط لو عباتي بيها شي"

هزيت راسي " لا لايكتلج مطلعين اذا متكويها الج خلك صدك امونه باجر عدي كيميا اريدج تقريني هاي مدرستنه سطل ماتفهم ضاله مثل الاطرش بلزفه"

التفتت شايله الفكس " ماشي من ارجع ذكريني بليل اقريج اكضي دروسج الضهر "

مشت ومشيت وراها" الضهر انام خليها العصر وبليل اقره دروسي حبابه"

التفتت" سديم الضهر اقري للعصر ترتاحين وره العشه ابلش اقريج لتلجين تره اني مثلج عدي محاضرات"

سديم" شيفرق يعني اذا العصر لو بليل بااعي مو هم انتي ترتاحين وتدرسين بليل"

عكدت حواجبها عرفت بيها راح تحجي عليه " الضهر تكضيها نوووم والعصر اقريج علمود بليل تختلين وتكابلين المسلسلات بحجت تقرين الي يوم اشيل هذا الشيطان وتنحرمين منه "

نفخت بضجر "سبينه العنب السود "

مشت مسافه "اي ام لسان مو اكول شعجب مااردت "

طلعت للمطبخ ضوجتني مسويه عليه حصار تلفزيون ممنوع مسلسلات تلهيج لعب ماكو عيب كبرتي بيت جدي ميخلوني اروحله والعب ويه بنات عمي

طبيت للطبخ بعدها واكفه تحاجي امي "يوم يا بيض هسه عباتي تزفر صير بيها ريحه "

ام تحسين" طلعين على لحم بطنج يمه مشوفين نفسج صايره جلد وعظم مدكليلي شجاج من رافكتيلي ريحانه وانتي كاضيتها صيام انطي الروحج مفكه ارتاحي شهر رجب خلص وهل احنه نص من شعبان وانتي صايمه "

اماني"يوم مااشتهي شعلي الصوم وبعدين الصوم ترويض النفس جسمي يتخلص من السموم والذنوب "

ام تحسين" ادري يمه فدوه العينج هل احنه وياج نتاني رمضان يوم يوم نوصل نص الشهر نكون ناحط مناحط نريد بس يخلص ونرتاح شحال انتي ثلث اشهر صوميهن"

اماني " تعويد يمه وكمت مااحس بلجوع يله تأخرت دنكت تلبس حذائها كملت وكفت كالت مع السلامه باوعتلي وتاشر بصبعها الضهر كملي دروسج ياويلج اذا عاندتي احرم عليج هذا الملعون بلغرفه "

دارت وجها وطلعت امي باوعتلي " سمعي كلام اختج ولا تركبين هذا الحجاره حاطيها براسج تخاف على دروسج شوفيها الله التفتلها وهداها ولتزمت بدينها وحجابها وحتى دراستها متفوقه بيها"

كعدت اكل شبيدي اني قابل شمسويه هااي اروح وارجع من المدرسه للبيت لا مسيره ولامطيره بس يعرفون يحجون عليه

كملت وطلعت للمدرسه كملنه خمس دروس وحلينه بطريق الرجعه وياي صديقتي ودق تعرفت عليه نقل جديده همزين مدرستنه فصلو الولد عن البنات كمت حتى حجابي انزعه داخل المدرسه ويوميه مسويتلي فيكه بشعري

الله ينطي الاريام الها واهس ومتحملتني تصرفاتي بلبيت اليشوفني يكول شكد وكحه بس اني العكس اخجل بسرعه ومرات من يصير حديث ونقاش قوي مااعرف شرد اخواتي لان ماخذه عليهن اصرف على لاهيتي وموقف اليوم ثبت هذا الشي

رجعين ودق هواي تحجي سطرتني على اخواتها وامها واخوانها واخوها يحب بت عمها وذيج تحب ابن خالتها وهي تحب ابن خالت بت عمها عيوني زوغلن من سمعت

همست يمها قريب " حزورتج خابطه الكوت كلها انتو فلم هندي يحتاجلكم مخرج وسيناريو يرتبكم طلعون فد شي "

باوعتلي صفح" مصدكين هوه هذا حضي جابهم وخبطهم يمي ومااحبيت غير ابن خالتها اووي فدوه الطوله سديم شايفته شكد طويل تيل من يفوت من بابنا يدنك اوووي شكد احبه حتى قوطيت الببسي مالته ضامتها من اجانه مره للبيت تدرين مره نسه باكيت جكايره بي عطره متت عليه توسلت بامي تاخذني للسوك ونروح لبو العطور اغافلها واكله عليه اريده حتى الباكيت راح عطره من كد مااشتمه

صفنت عليها ضلت تحجي عنه بلهفه كلامها ضل بالي طول الطريق افكر اكو لوفه للشارع يودي البيتنه حسيت بولد يمشي وراي بعد ماوصلت ودق ضليت امشي بسرعه حسيت بخوف

كمت اتعثر بصدريتي اجيت اطيح على وجهي الخوف مله كلبي حسيت بوجوده بصفي ردت بس اشوفه منو وكفت كرم مدنك

كملت مشي " سديم مااريد منج شي بس اوكفي دقيقه احاجيج واروح"

التفتت وراي ماكو احد الشارع فارغ "عيب كرم هسه يشوفونه الناس ويحجون عليه "

كرم" اسف رايح مااعطلج بس اريد منج صورة الطكيناها بلبتدائيه "

عكدت حواجبي " ياصوره كل صف نطك صوره جماعيه ياصف منهن"

ابتسم " الرابع ابتدائي اذكرج بيومها تعاركنه اني وستار على الوكفه وراج والمعلمه رزلتنه وخلتني اخر شي "

نصيت خجلانه من مشاعره اخذت نفس هزيت راسي ولا بالي احساسه شكد يحاول يبين هذا الشي واني من صغري شايلته هزيت راسي " باجر اجيبها وانطيها الاختك وياي"

اعترض بلبدايه كتله " مااكدر بعد اوكف وياك كرم افهم عيب كبرنه "

هز راسه "ميخالف قابلين "

يله" باي"

ضل واكف مشيت خطوتين رد" لا تنسين ذكرياتي بيها "

التفتت لا ماانسه

رجعت للبيت حضرتها للصوره خليتها بداخل الكتاب وضميتها بجنطتي كضيت اليوم كله اماني درس بيه حتى دراستها عافتها

لليل كاعدين نراجع دك تلفون اماني شالته ريخانه فتحت خط بعدها دسلم عليه اماني وجها تغير ساكته بس تسمع صوت الصرصور عالي اسمعها تبجي مااعرف شتحجي

اماني" رياحين حبيبتي بس اخذي نفس اهدئي افهم عليج شبي اخوج وزوجته سكتت اماني

تسمع ردت " اي هذا عرفنا وكلتيلي نحلت ريحانه كلشي ماافهم عليج بسم الله الرحمان الرحيم رددي يالطيف انطي نفسج مجال حاولي تعين هاي اليله وباجر نحجي "

"ايي ياكلبي شبيدي هسه ليل منو يخليني اجيج واهلج اهبطهم صير صير ريحانه الناس تذابح وراها تنحل مشكلتهم وترجع المي المجاريها "

"ولج حتموتيني بس اهدئي والله مااعوفج كوومي غسلي وهدي روحج لا تقلقين تنحل اييي مااعوفج والله وداعت امي اييي ماشي نامي لشيلين هم الله وياج "

سدته اماني مختنكه عافتني وطلعت للطرمه ضليت كاعده بمكاني طلعت وراها

سديم" شبيها ريحانه ليش تبجي "

اماني دنكت مسحت عيونها اول مره اشوف اختي هيج مقهور تقربت يمها كامت تناشغ خوفتني مجرد صرت كبالها حظنتني

تهمس بقهر ودموعها على كتفي " اخيتي جاي ضيع مني مااعرف شسوي روحي تروح من اشوف حالها "

امسح على ضهرها " على كيفج اماني ماشايفتج من قبل هيج صاير وياها"

وخرت مني تمسح بعيونها " بيوم وليله نكلبت مااتحمل حالها وضم على اهلها مخوفتني علاماتها مشككتني "

سديم" شلون يعني فهميني مريضه بيها شي اسم الله"

باوعت للحايط الكامها هزت راسها لا مو البالج عاكده رايت ابو فاضل سبع الگنطره وهاي حفيدتهم يحلها وناخيته مااريد ادعي الك ثلثين الدعاء ياداعي اريدها بذمتهم "

سكتت مسحت وجها تلفونها بيدها باوعتلي مدت ايدها بصدرها طلعت فلوس " تلبسين عبات امي بدون مشوفج ترحين لم ابراهيم جيبيلي رصيد ابو الخمسه اثير وترجعين طيااره "

سديم " مااروح تردين امي تلزمتي وتموتني كتل باجر اجيبلج من ارجع من المدرسه "

لزمت ايديه " سديم سويها لوجه الله تفكين ازمتي ساعديني ضاله على الله وعليج تمشين جيبيلي رصيده محتاجته ضروري "

سكتت شفتها مو مال اسالها واعرف شبيها غافلت امي وصيت اريام تلزملي الباب اخاف ليكفوني اخواني رحت ركض اتعثر بلعبايه وضلت البابهم

مبينين ولدهم بلطرمه بلحديقه صوتهم عالي ونار شاعلين وسط الحديقه من ريحت احتراك الخشب

ترددت ادك الباب شيكولون عليه بين التفكير والخجل دكيت الباب ماسمعو لان ضحكهم عالي رجعت بقوة دكيته اجه واحد يكرخ بنعاله مال واحد لابسه بطرف اصابعه

طلعلي ولد طويل اجتافه اعراض مبين شكله لان ضوه الكلوب الاصفر بضهره وناصي مضلم وجها من صوتها عرفته "تفضلي"

سديم " خاله ام ابراهيم موجوده"

رد" اي جوه طبي يابه لضلين بلباب فوتي كبل للمطبخ " فتحلي الباب سوالي مجال باوع للحديقه كال بصوت عالي يسمعهم شاب صوتكم دنكت وطبيت وهمه هم سكتو

رحبت بيه المره عرفتها بنفسي بت ام تحسين تعرف امي والبنات اخذت منها رصيت راحت صاحت على نفس الولد شفت ملامحا واضحه مربي شوارب وسكسوكه ضخم مزين اكرع

اله هيبه وصوته لا هوه خشن ولا ناعم بي بحه من صاح على الولد بعلو حسه

انطاني رصيد وراح من طلعت شافني كال "اوكفي يابه انطي صبر لتركضين عاف جماعته واجه وراي

ضليت واكفه مستغربه فهم وكفتي ومتررده شعده جااي ضليت بعتبت الباب كلهم " اوصل الاهل وارجعلكم"

مشه كدامي مشيت ورا مشيته برزانه حاط ايده بجيوب قمصلته حتى ماباوعلي اطمأنيت

ماعدنه بنيه تطلع بليل الع وياها احد لهذا اجه  يوصلني عرفته صاحب غيره منين عرفني اني اخت حسام فات على اخر مره شفته بيها من الابتدائيه  قريب منوصل البيتنه وكف على صفحه  "صيحي على حسام بطريقج "

دنكت وفتت للبيت يمه لزمت كلبي احس روحي اركض ودالهث من الركض اخذت نفس بارد نزعت العبايه باب البيت من داخل مشيت علكتها بلمطبخ همزين محد موجود فتت للغرفه شمرت عليها الكارت

رفعت راسها عيونها مورمه " ليش تبجين عبالج زغيره ماافهم اذا كتيلي "

ماردت عليه زلغت الكارت وتعبي بلمبايل درت وجهي طلعت صحت حسام على صاحبه ورجعت للغرفه

ثاني يوم دزيت الصوره بيت اخت كرم كتلها يستنسخه ويرجعها الي

ريحانه

خبر حمل تكتم فرح الكل بابا وماما ورضا طاير بلخبر  بابا على سلامتها ويبعد عنها النفس والعين ذبح دجاجه ونطاها لبيت بلمنطقه على كد حالهم

تكتم صارت اقرب شي الي من بعد اماني مااعتبرها صديقتي اختي عوضتني عن كلشي فقدته كعداتنه

سوه مرات تنزل يمي نقره قرأن

بايام البيض صوم وياي نكمل شغلنه بليل والنهار نضل لو نايمين لو نصلي ونقره ادعيه حتى طبخ

بليل نطبخ

وجودها خل فرق عدي عشت اجواء احلم اعيشها علمتني على المكياج بلختلات خلتلي وغسلته

مر شهرين بيت خالتي خديجه مرتين اجونه ورجعو

احساسي مايخيب حسيت اكو امور ورا زياراتهم

واجه هذا اليوم فاتحتني بي تكتم طلب اخوها مسلم الي " اني مااريد اخسرج ريحانه صرنه خوات اني يمج وانتي يمي مااريدج ترحين لغير واحد اريدج

قريبه يمي شكد حلوه زوجي اخوج واخويه زوجج

شايفه اكو احله من هيج وننجمع بلمناسبات وجمعاتنه صير بيناتنه امي تحبج وابويا حابج

وكلنه رايديج

ادري بيج خجوله ومتكدرين تردين عليه خلي كلامنه بيناتنه اني حتى خالتي ماخليته تاحجيج كتلها اني

اكلها

مسلم حباب مو لان اخويه واحمد بي بس طبعه هادء وفقير ومسالم ميريد اكثر من مره تحبه

وصونه وزينه ويه امي يدللج والله وشفتي

ماعده سوالف بنات

فكري زين واني يمج لاتستحين مني يااا شو رفعي راسج خيه شبيج صرتي طماطه

رفعت راسي باوعتلها كوه صابره ضحكت وكرصت خدي يلوكلج الخجل ست البنات فكري تره ماانتضر واخويه ضال على نار هههه خطيه لو شوفين حاله

امر من حالج بس ركبيله جناحات وخلي يطير

تقربت همست سر بيني وبينج تدرين يمووت عليج

وشكد متمني صيرين اله ذاك اليوم وصه النجار على احسن غرفه رادها من ذني الثكال يكلي تستاهل الزين

بوست خدي وطلعت فرحانه كلبي نقبض وحسيت بضيق بصدري حسيت روحي محتاره ليش هيج احس متوتره

احتاجيت عبد الملك وينه اختفه من عهد ذاك اليوم

حلفته شكد مااجاني بجيت

كمت مسحت عيوني وطلعت اتوضه  للخلاص من الظالم او العدو او ضيق الصدر طفيت الضوه رحت للجرار طلعت شمعه وشعلتها مديت السجاده بيدي احرام الصلا لبسته كعدت مستقبله القبله

صليت  ركعين لوجه الله  بعد الانتهاء من الصلاة تقول بسم الله الرحمن الرحيم مرة واحده ثم نقول

(ولقد نعلم انك يضيق صدرك بما يقولون فسبح بحمد ربك وكن من الساجدين) (٧٠مره)

استغفر الله (٧٠مرة)

اللهم صل على محمد وال محمد (٧٠مرة)

نسجد ونكول يارزاق ياالله (٧٠ مرة)

وره ما نكمل نهدي  كل هذه الاعمال الى النبي محمد

صل الله عليه واله وسلم

فتحت كتاب مفاتيح الجنان عظي عاده من افتح الكتاب شيطلعلي من دعاء اقراه من البدايه

طلع كدامي دعاء التوسل غمضت نزلت دمعتي

احس بغصه داخلي مااعرف شنو نوعها ليش هاي

السلبيه العدي بسرعه تكأبت

بلشت اقره واتوسل الى ان ختمته عيوني وجعني

حسيت بغواش قوي ضليت اردد اسماء الله

كملت تسبيح واني على كعدتي فتحت عيوني

الشمعه واصله للنص مثل الهوى حرك نار الشمعه

ابتسمت داخلي ضليت ساكته اكثر من ربع ساعه

طول سكوتي انسد الكتاب من وحده

رفعت راسي ماكو خياله ضليت على هدوئي اعرف

اكو امر يحاول يوصله الي ثواني ونفتح الكتاب

على سورة يس حافظتها ميحتاج اقراها بلكتاب

سديته وخرت ايدي رجع انفتح

ابتسمت غمضت عيوني بسم الله الرحمان الرحيم

يس والقرأن الحكيم انك لمن المرسلين ... قريت نصف السوره سكتت حسيت بقربه

همسته واضحه بأذني  احذرو عبدة الشياطين

قشعر بدني فتحت عيوني على وسعهن التفتت ماكو

تحذيره دوخني شنو قصده بعبدة الشياطين ضليت طول الكعده افكر ساعه مرت كمت طويت السجاده

مددت بفراشي بيدي السبحه رددت تفيد من المجربات تنطي راحه نفسيه اطمأنان نتأجها

فوريه

وسخر لكم ما في السماوات ومافي الأرض جميعا منه ياعلي ياحي ياقيوم ١٠٠٠

من تسابيح الرسول صلى علية وآل وسلم  للشدائد تدفع الف شده ياحي ياقيوم ٧٠٠مره يومين

بسم الله الرحمان الرحيم ٧٨٦

كملت وبعدها ختمتها ب تسبيح (يادليل المتحيرين)

(٧٤)

نمت براحه كعدت ثاني يوم عدي دوام من الفجر كملت للسبعه واكفه منتضره الخط اماني اليوم مداوم 

خطنه غيرنا لتكسي واول يوم النه وياا فات بشارع

متوقعت يجي يوم اشوفه كان طريقنه يطلع على الشارع العام كل مره

فات عيوني صدت لذاك البيت كلبي دك حسيت بي

رعت ايدي على صدري عيوني ويه ديرت السياره

فتنه بطء الشوارع بيها طسات نفتح بايهم وكفت السياره الرجال دك هورن ويه االصوت رفع راسه

عكدت حواجبه تفحص السياره ضليت اتامل وجها

وفه بوعده وبعد ماوصل للجامعه

شاف السايق رفع ايده ردله السلام دار سد الباب بيده كارتونه حطها بلكاع عرفت الطالبه بيتهم كبال

بيته

رجع دنك خله الكارتونتين فوك بعض بيده بين اصابعه الجكاره خلها بحلكه وشال الكارتونات

وصلن الكتفه

مشه خطوه انتبه عليه وكف ضافن عيونه مركزات

حسيت برجفت كلبه مثل كلبي بينت ابتسامته رغم اليشوفه يكول وجه عادي

نصيت خجلانه فرحه بداخلي اول مره اشهدها احس بطاقه اجتني غريبه ونشوة حب عجيبه

بعد واكف حاير ليكدر يرجع وليكدر يمشي واني كوه ضامه الفرحه بداخلي اجت البنيه صعدت حتى من سلمت ماادري رديت لو لا

حرك السيارة وتميم واكف طول الطريق الفرحه

بداخلي يااربي حرام الاسوي ضليت بخوف على

قلق على فرحه

طول اليوم كضيته اصفن شي اخذ من كلبي حيز ملا وين ماادير وجهي تجيني ابتسامته ضحكت عيونه

لابس كلاو وجها اسمر وحمار خدوده شي انرسم كدام عيوني مثل صوره وبحايط كدامي

خلص اليوم وتوالت الايام عدي حسمت امري شفت نفسي مااكدر اصير المسلم وتميم عايش جواي

انطيت رفضي التكتم مباشرتاً انصدمت بلاول

وارتبكت عفتها ونزلت فرحانه هم ونزاح مني

ايام تمشي بيه وابواب السمه مفتوحتلي يارب يارحمتك كلشي مشه عدي بحماس اماني فرحانه

على فرحي حجيتلها البداخلي

اول مره احسه تايدني بلحب حاولت استفسر من

والدي مابي اشكال مشاعر الحب اتجاه الشخص من

غير الوقوع بلاذنب

وكانت صعوبه عدي ليحس من نبرتي المتلهفه سكتت

خابرت نرجس خليتها تسأل جدي واجاني الخبر

لابأس بذالك ما لا يقتربا من الحرام او امور محرمه

دخلت السعاده الكلبي وكان قصد جدي الكلام والغزل بين الجنسين محرم ولا يجوز لانه يؤدي الى الوقوع بلحرام واثارة الشهوه عند الجنسين اذا تطوره الامر

اطمانيت مابيني وبين تميم غير النضرات الخجوله الصادقه محسيت بي ينضرلي بغير نضره كوني مستوره من ناحية البدن

تكررت شوفتي اله وعرفت من عهدها ينتضر الخط من يسمع صوت هورن الرجال يطلع بحجت طالع للمحل

اماني تغلس جنها ماشايفه بس متهمس خدودج راح يطكن من الخجل

اصير بنص عباتي لحد مااجه اليوم اماني كاعد بصفي وصلنه للجامعه نمشي اني وياها وكفتني كبل مطب لكليتها رفعت ايدها بيها جيس

"امانه وصلت الاصحابها يله في امان الله "

ضليت اباوع على الجيس مستغربه " وين رايحه شنو هذا"

اماني " ماادري كالو وصليها وصلتها "

سوتلي باي وراحت رحت يم الحديقه كعدت على المستطبه فتحت العلاكه بيضه بطنها كارتونه بكد كف ايدي فتحتها ربطه جرجيت كربلائيه علامتها

لونها وردي وبيها تشجرات ناعمه على الحافه

شميتها عطرها عطر الحضره مي ورد مركز

رجعتها شلت العلاكه وطلعت لكليتي طول اليوم

كل ساعه اطلع الربطه اباوعلها اشبع منها شوف

وارجعها

رجعت للبيت تكتم واكفه تغسل بلجدر حضنتها من ضهرها وبستها من خدها

باوعتلي " فرحانه خير يارب شايفتلج طير طوير"

ابتسمت " لا شايفتج هي الجامعه بيها طيور "

علت الجدر وكلبته خلته على السنك ينشف مسحت ايديها بدشداشتها التفتت ناحيتي " عيونج طايرات ريحونه احنه مو كلنه اخوات والاخوات سرهن واحد

ليش ضمين عليه "

هيج اني مفضوحه وماحاسه على نفسي بحيث تكتم

عرفت بلجواي سكتت مااكدر اصارحها بحبي وهي متامله اتقبل اخواها

ضليت ساكته دنكت مقهوره " عمري حلمت يكون عدي احد قريب عليه وبعمري صح عدي خوات

بس محد بيها حسيتها قربها على كلبي بكدج

ريحانه مااجبرج عليه ولا اكلج تعالي سولفيلي

هذا الشي يخصج براحتج بس تاكدي شوكت ماتحتاجيني تلكيني يمج

واتمنالج الخير اني اختج واحبج من كلبي وما

معتبرتج حماتي بلعكس احسج قطعه مني

وكفت تقربت باستني بخدي

دنكت مستحيه " مااعدي شي احجيلج مجرد فرحانه بدرجاتي تكتم حبابه لتضوجين  "

ابتسمت بقهر" لتصورين  اضوج منج تعرفين شنو

الاخت شعوري وياج غير عن خواتي افضلج عليهن

براحتج شوكت ميعجبج اني يمج "

وفاتت صعدت اجيت ابجي شي يكلي لتحجين ودموع تكتم اذني

نويت بس بيت خالتي ينسون سالفت خطبتي اصارحها ومااضم عليه

ثاني يوم اخذها رضا لبيت اهلها مر عليه الاسبوع

مابي طعم خابرتها

ريحانه" تعالي البيت ضوجه بدونج تعودت عليج

وعلى طبخج "

تكتم" هههه ضوكو فراكي شويه اشوف معزتي عدكم خالتي شلونها متونسه على روحتي "

ريحانه" ماما هم تشتاقلج اليوم نسولف بيج وكلنه الرضا يجيبج كال بس يكمل يرجعج "

تكتم " شبيج حتبجين حبيبتي جايتكم هي كم يوم وارجع وهم اريد اكمل مراجعه هناا صدك ريحونه

شوفي سلة البغرفتي معوده رضا يذب بيها ملابس

الوصخه بلكت تغسليهن اله "

ربحانه " نزلهن  وماما غسلتهن وكويتله قمصانه"

تكتم "فدوه الجنتنه الحلوه اووووف لا ضوجين كلبي نسيت لساني وكلبي راهم على الفكره

يله ربج يعوض سلميلي"

سديته منها وره يومين رجعت طبت بيدها الجنطه فاتحه الباب وتكسي واكفه

امي طلعت واني وراها بوسناها حضنتني "ولج اشتاقيتلكم هووواي اخخخ شو وخرت بوستني بخدودي "

رجعت سلمت على امي

امي "منو جابج "

"مسلم وصلني ورجع "

امي"ليش يمه مادخل صدك جذب شوو جيبي تلفوني ريحانه بلعجل "

تكتم لزمتني "عليمن خاله عده شغل كوه قبل يوصلني وهم امي عدها روحه البيت جدي محد بلبيت "

امي "شكد عيب يمه جان ارتاح شربله ميه اسويله

ستكان جاي شني من الباب وراح مامقبوله منج خاله

الطريق بعيد وسفر من محافظه لمحافضه "

تكتم "لتخافين عليه متعود على الطرق وكتلج خاله البيت محد بي وتعرفين امي راحت وضل فارغ واخواتي وحدهن ميكدر يتعطل"

طبت ذبت عبايتها ضلت امي تعتب عليها "حتى ماسلم عليه يكول خالتي انزل اسلم واروح شني مزاعلنه مسلم "

تكتم "اهوو ياخاله عليمن يزعل مسلم كلبه طيب

وعادي هي قسمه بس كتلج ميلحك مستعجل واصلاً مستحي منج وكال وصليلها سلامي

اول مره نجي مو دائماً ينزل يتعشه ومرات يبات "

سكتت امي للعصر سوينه كيك ويه الجاي بابا يحبه وتكتم على موده سوي

عدت الايام وبيوم جمعه نويت اصلي صلاة اليل كاطعتها من داومت جامعه ماالحك

كملتها ومكابله مصلايتي اسبح متانية اذان الفجر

باوعت لجهازي بعد كدامي ساعه امدد بفراشي

بين مايأذن

نمت وبيدي السبحه الاضويه طافيه البيت هدوء

دقايق وحسيت صوت مشي اقدام غرفتي مباشرتاً بصف الدرج اليفوت يصعد وينزل يمر منها

رفعت راسي خيال من جوه الباب استغربت ضوه الحمام عاكس على الارضيه الخيال يروح ويرجع

ماكو صوت دااكوم يدت الباب نزلت رجعت راسي

عصرت السبحه بيدي انفاس شخص اعوذ باالله منو

والله احس بي قريب يمي عصرت عيوني مغمضه

جسمي يرجف ياارب دخيلك ربع ساعه واني على وضعي كلبي يدك وادعي بداخلي منو هذا

قويت روحي يمكن اتخيل فتحت عيوني الغرفه فارغه كمت نزلت من الجربايه ويه طخت رجلي للكاع حسيت برطوبه

ركضت شعلت الضوه الغرفه فارغه الكاع عليها قطرات مي مو هواي دنكت للكاع اشم بلمي مابي

عطر ولا شي لمسته باطراف اصابعي شميته

مره ثاني عادي منين اجه

كمت تقربت يم الباب اباوع فتحت عيوني مقفول

سلام قولاً من رب رحيم منو فتح الباب قبل شويه

كعدت مهدود حيلي اني مااقفل الباب

......يتبع

عدنا والعود احمد

ربي تكونون بخير وصحه وسلامه

اعرف طولت عليكم الحمدالله على كل حال شائة

الاقدار انو ضروفنه تكون بهذا الايام

رجعت وياكم نكمل بقية القصه حابه انوه على كم

شغله من هسه اكللكم القصه طوييييله

شكد طول ماادري تعرفون عدنه اربع ابطال وكل بطل حيات اكيد تاخذ من يمنه وقت حتى

اسرد كل بطل وبطله بادق تفاصيل حياته

طريقة النشر مااحدد ولا انطيكم موعد مااعرف باجر الله شضاملي لهذا التزم وياكم بس ماانطيكم كلمه

يجوز وره ساعه تتغير الاقدار

والمتابعني يعرفني متعرضه لهواي امور وكذالك بيتنه هواي يجونه خطار لهذا اليوم الماانزل بي بارت معناها اليوم الورا انزله

القصه ابد مااستعجل بيها ولا اختصرها

اي شي حابين سؤلوني عليه سئلوني بلانستا على حسابي sjo_a1995 والادعيه التطرحه ريحانه

مااكدر كلهن اكتبهن فاانزلهن بلانستا

صح البارت مو طويل 3200 كلمه ان البارتات الجايه مايقل عن 5000 لهذا اتاخر بتنزيل كل بارت

لان راح يحتوي على اربع ابطال مااختصر بحيات اي بطل

ونسألكم الدعاء

بين الكاف والنون ( كن فيكون )

الثلاثون

بقلم ...... سجى الطائي

؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

أذا مرك عطش وتريدلك ماي

دهاك ادموع عيني ابفرح ترويـك

حسبت احساب توفي العهد وياي

وخنت باول الممشه وكلت اوافيك

وبعت روحي ابرخص ماردك الطيب

وانه بنبض الكلب لو تنشره اشريك

بعد ماضل وفه ولاجلمه تنكال

أذا اولك هذا اشلون تاليك.

،،،،،،،،،،،،،،،،،،،،،،،،،،،،،،،،،،،،،،،،،،،،،،🍃

ريحانه

حسيت برجفه سرت بجسمي ضليت صافنه زويت روحي وعيوني على مكان قطرات المي بلكاع يم مداس جربايتي من جهة النزله ارجع اصد نضري للباب المقفول مااغلقه مجرد اسده وانام المفتاح بمكانه بلباب محطوط للضروره

اسده من اريد ابدل او عدي شي بلغرفه حسبه وره حسبه رغم ايماني وقوة كلبي الموقف رجفني

تعوذت من ابليس دخلني بشك يمكن المبرده مطفره مي دون مااحس كمت فتحت الباب جددت وضوئي صليت صلات اليل ركعتين الشفع والوتر اخذت وقت واني اتعوذ من ابليس واعوانه اكثر من مره اسهو بلصلا وفكري ياخذني لقفلت الباب

قفلت اجاني النعلس تانيت الوقت يمر واصلي الفجر وانام صار الوقت كملت ركضت للفراش مقفله بس خليت راسي

داومت متكأبه وبالي الف حسبه وحسبه حتى تميم ماكو استفقدته

مر اسبوع نسيت السالفه التهيت امتحانات شهر الثالث بديت اقره واماني هم ذابه روحه هاي البنيه مضلومه وطاحت بين ذيابه مو عمام يوميه  يردون يزوجوها وهي واكفه بعيونهم

هليام مالي خلك اصلي صلاة اليل كوه اكوم على اعصابي شكد اثاوب حلكي بس فاكته

تكتم خطيه حايره بلبيت متخليني اجيس شي هي قايمه بواجب البيت تنضيف وتركيب يوم عن يوم احبها من كلبي

بلتحديد شهر رمضان بقاله اقل من عشرين يوم وصادف امتحانات بهذا الشهر والجو بارد يهون علينه

اربعاء واركض ركض اريد الحك اراجع مااذكر شي شكد تعوذت من الشيطان الرجيم نصيت اعصر براسي من التوتر وصلت للقاعه توكلت على ربي وبديت امتحن مر الوقت واني نص الماده مااذكرها شنو الصار ماادري وصل بيه اجيت ابجي نصيت على الستيج غمضت عيني

يارب ذكرني ماانسانياه الشيطان ياعلي مدد ياعلي مدد ياعلي مدد ضليت دقايق اني اردد واهدء بروحي التوتر يجلب القلق يطي ايعاز للعقل يفصل عن المكنون داخله

هدئت شويه رفعت راسي عيوني بدفتري كدرت اخذ نفس واسترخي بديت من اسهل سؤال الى ان ختمت الاساله وطلعت بدون مااراجع

كميت شد الاعصاب خلاني افقد السيطره على نفسي نزلت من الدرج اخذت الطريق افكر باجوبتي وصلت للمكتبه اخذت الملازم ورجعت لكلية اماني اتانيها

سالت كالو بعدها بلامتحان رجعت للنادي انتضرها هناك هي من تخلص تجي هنا ترتاح مرت نص ساعه واماني مامكمله

مليت طلعت لاكيت طالبه وياي كالت خليني وياج صديقاتها عايفاتها وطالعه عاد مشينه للحديقه كعدنه صايره مقابيل الباب الرئيسي اليطلع ويطب نشوفه ويشوفنه

ساعه كاعدين نسولف مرو وجبة طلاب طالعين فاتو من يمنه مسافه واحد صاح بصوت مسموع حتى البنيه سمعت والتفتت بتجاه الصوت

"اغاااااتي اليوم زايرنه " وحضنه

ماشفنه عددهم هواي درت وجهي ضلينه اني والبنيه نسولف تناقشنه باجوبتنه

كامت الطلاب تطلع وعيني على ساعة الجهاز اماني بطت كمت مترخصه من البنيه اشوفها هواي تاخرت

خليت كتبي على كلبي حاضنتهن ومشيت افكر مدري شبيه مسطوره مدنكه وعيوني بلكاع ويه حركت رجلي وتفكيري مغيبه عن العالم

وسارعه بعالمي مااعرف شي عنه غير اهرب من الواقع امشي بسرعه اريد الحك الخط دك عليه شفته الرجال وصل واماني نايمه على الورقه حتى وقت الامتحان خلص

بطريقي امشي ومدنكه وفكري شارد فززني من صفنتي صوووته رفعت راسي مبهوته ولد كدامي لابس نضارات شمسيه وجها مصدةم مبين عليه هم شارد فكره مثلي

المسافه بينه اقل من نص متر التفتت على مصدر الصوت بهتت من شفته متفاجئه بجيته ونفس الحضه الفرحه دخلت كلبي

الولد يباوعلي مرتبك ويتعذر تقرب تميم شال الكلاو من راسه لابس بنطرون كابوي اسود  وستره شتائيه جلد زيتوني وجواها بدي ابيض

يباوع للولد مغضب عاكد حواجبه " انتبه الطريقك ابويه "

الولد"تعذرني طالع من الامتحان ودايخ بي هي هم مدنكه رفعي راسج شوفي طريقج اني مامنتبه انتي انتبهي "

تميم" ابنيه مدنكه وتمشي بطريقه انت شوف طريقك توكل عزيزي هسه عدت على خير مره لاخ ارفع عيونك وشوف الكدام لا تردم بنات العالم "

اني ابتعدت مسافه عنهم اباوع تميم وجها مايبشر بخير شويه ويضرب الولد وذاك خطيه يتعذر

الولد بعد مافشله تميم دار عليه يريد يعتذر

تميم نتر" كنالك هاي هيه حبيبي اعتذارك واصل"

سكت وعافنه وراح تميم باوعلي بطرف عيني ودار وجها انطاني ضهره وايديه بخواصره مثل واحد يهدء بنفسه

حاضنه الملازم واباوعله كلبي يطبل علي اني شوكت حبيته هلكد نبرت صوته من صاح ريحانه احسها دخلت بأعماق كلبي من الارتباك ارجف اطرافي تهتز

الجو مغيم والكليه تروش بلطلاب وهوه عينه على اليفوتون

دار بتجاهي اشرلي امشي وراي طلع كدامي واني وكفت وين يريد يروح مشه بتجاه حديقة الكليه جانبيه داير مدايرها اشجار

شافني واكفه من نضرته مشيت وراا هذا راح يبليني كعد على المسطبه نتر كعدي هنااا مااكلج

كعدت على طرف باوعلي بطرف عينه"بعد مددي بلكاع اكلج شفتيني كعدي عدل واخذي راحتج"

دنيت روحي شويه ساكت ونظره ليكدام مكتف ايديه لصدره ويهز برجله

"متعرفين تمشين وتعايني لدربج "

دنكت مستحيه" ماادري بروحي معبالي كدامي احد"

تميم" مو الطريق مخصصي الحضرتج لومااصيح عليج صرتي بحضن الولد شويه وطيحين وين بالج"

فد ستحيت تنهد وسكت ميباوعلي رد كال بصوت اقل عصبيه " ليش مطالعين لهسه "

"مو اماني متاخره عليه وبعدها مطالعه من الامتحان وتانيته بره "

تميم"بعدلج شكد وتكملين "

ريحانه" مكمله متانيتهن"

تميم "قصدي السنه بعدلج سنتين موو "

هزيت راسي اي

رد سكت خله ايديه بجيوبه رفعت عيوني يباوعلي ويرد يدير وجها ملامحه لاهوه عصبي ولا هوه هادء تركيبه غريبه

همس " وصلتج االعلاكه"

ابتسمت واني هناا حسيت ردلي الارتباك محاسه بهذا الشعور الحب فد شي عدي كانو ذنب جبير وانكشف وبابا يشوفه ويااي وكفت اريد اهيم على وجهي بااوعلي مستغرب

"الله يخليك ويحفظك لا تجيني بعد ولادز هديه بس هلمره مرة لاخ ارجعها اهلي ميدرون وابويا واخويا اذا شافوني يبطلوني والله يضيع مستقبلي فدوه لتحرجني كمت اسحب النفس بسرعه وشكراً على الهديه"حجيتهن دفعه وحده ونفس يلهث

وكف على وكفتي مشيت بسرعه لحكني يوكف بيه لحد مااوصل يمي لزم عباتي من وره بدون ميطخني وكفت درت عليه اصيح بي سكتني نضرت عينه الغاضبه

نتر كاز على سنونه " اني لا جاي اصجمج ولا واكفلج بلطريق سمعي مني والله وياج احسبي حسابج قبل العيد جااييكم "

عاافني صافنه ومشه التفتت ارد الاماني وكلبي يرجف صار بوجهي صديق اخويا رضا ابو الامنيه

ضغطي هبط دنكت وكوه وصلت لقاعتهم كعدت رجليه خيوط عرفته شافنه

ارغد

سنه بعدلي واتخرج وهااي رغد من سالفة القصط بعد محاجتني ويطبج مرض فوكاها بوجهي متباوع مرافكتلها وحده بس ملابسها مومثل قبل يوميه شكر ومن اخر موديل

متلبس شي بلسبوع وتكرره يوميه لبس شكل هيه تغيرت كامت متهتم المنضرعا رغم مرتبه اليعرفها يشوف الفرق

شغلي ماشي بي الاشكال التطب وتطلع تزوغل عيوني كل وحده صااروخ وابو الملهى يراقبني عباله من ذوله وذوله عاذره المايعرفك مايثمنك

هواي عرضو عليه شغل بليل اقدم طلبيات رفضت اني مصخم اكوم اصخم نفسي بلزايد منو يكول شغلي حلال خل افرغ واتوكل للنجف مناك استشرع ضال اكل بروحي على هاي الكمه لوماا الوضع اقبل اني جابني شوداني

فركت وجهي وطلعت من فلكت بيروت راجع للشقه مريت سوكت مخضر وصلت ذبيت المسواك بلمطبخ بدلت دك جهازي امي

رفعته هااا يمه الله يساعدج

"هلا يمه شلونك احوالك "

ارغد " بخير حجيه ماشيه طمنيني خطبتو لتمام"

ضلت امي تتنهد "الحكلي يمه هذا اخيك هم ناوي يخطب وره تمام حاجيت قنعت مايسمع مني والبست ضيك وين احطها اطلع خيوانك ابراهيم شوف حاله يوم ياكل يوم جوعان "

ارغد" على كيفك منو يريد يخطب غير تمام تقصدين تميم"

" اي اكو غير صخيم الصبح وكف كال قبل العيد بعشر تيام تخطبولي بت سيد محمد ابو رضا تعالي هذا وين شافه اني مره وحده لجحت امهم شمدري عدهم بت وشكد عمرها شلونها مالونها "

ارغد" يمه مابيها شي البنيه حبابه اني اعرفها واعرف اهلها خوش ناس ليش حاركه اعصابج "

"ولك يمه اكلك منيلي ازوجهم ثنينهم هوه الجبير حايره بفلوس ذهبات مرته لميتهن فلس على فلس وسديتهن يكلي زوجي الثاني بكملاتي ازوجه"

ارغد" ههههه هسه انتي مفوله شكو تميم عايز بلوكاته موجوده هوه يزوج روحه شعليج بي "

"ماينطيني مايشوف حال اخوو يدور الفلس يريد يلم روحه هذا اخيك يهودي ادري البطن النكلتك مانكلته يمه هذا من يااطينه "

ارغد" يمه تمام زغيرون مااشتغل وطلع شااف الناس وكون روحه هااي الزلم تحفر الحفر وطلع عيشته ابنج اخريه صخم روحه ويزوج وتميم حقه شووفي من العماله والحمل لم نفسه وفتح محل والعنده تره ياادوب يكفنه يبني غرفه ويسد حاجات الزواج "

"اخووكم تتبرون منه وهوه بعازت الربع شبيكم مجلوبين ولد بطني بعدني مامتت وهيج تبريتو من اخيكم ولكم اليوم احتاجكم باجر انتو تحتاجوو بس شكول بعدكم ماخليتو نسوان بحظنكم كلماً سحب روحه"

ارغد" هسه انتي اكلتيني على شنو العدي مايسدن حاجه تانيني استلم راس الشهر وانطيجياهن "

"اخيكم يمه شريد اني غير تتعاونون على زواجه ويشوف وكفتكم ويااا تكبرون بعين ابوكم ويرتاح كلبه يكول نعم ماربيت بعد عيوني عيونكم "

ارغد" ادللي مايكون خاطرج الله طيب اني جم حسنه عدني هل وحده وشالعه فادي"

" انجب انت الاخر اشوف شغلتك ويه خالتك ويلين كلبها عليك بعد ماارفضو الولد بلكن اكو امل الكم "

تنهدت" الله كريم"

سديته منها طلعت البيتنجان وبتيته كليتهن طب محمد طلع الزلاطه ثرمها والولد التموو هااي احنه مقسمين الشغل الي عليه الماعين والي عليه عشه والي ينضف ويمسح ويكنس متوزعين منحس بلشغل مرات نكلبها لعب بلصيف نمد الصونده وجلف الشقه كلها حتى البلكونه والمحجر نجلفه

ثاني يوم طلعت للملهى كملت شغلي ساعه وطب صاحبها صااح "تعال يمي "

رحت كعدت مقابيله اني من النوع اخذ الشخص على كد عقله "ايي سيد ارغد حبيبي تحول بلشفت اليلي ويضاعف اجرك"

"امممم حجي شنو اجوائها هم تخنكوني وتعال ارغد شوف واسكت "

"شعليك تشتغل وانت ساكت متفك حلكك وشغلك بسيط ارى ولا اسمع ولا اتكلم بس عيونك مفتشى"

ارغد" حجي اطلعلي بلنضيف شنو بلضبط "

"شوووف اني البره ماتخفه عليه النمله اذا مشفت اعرف وين تروح وشنو غايتها وليش كلشي عدي بي لماذا مااسيبهم ومااعدي اثق بيك واسلمك المفاتيح وادير ضهري واترندح

كلشي بحسابه فيد وستفيد واذا الك فائده الي بفائدتين يعني اشغلك واذب عليك كومته فلوس اذا مااضبطك ودبر اموري مااختارك لسواد عيونك تكضيلي شغل ادللك متفيدين اسرسحك مااعدي لحيه مسرحه

شووف ذوله كلهم اجدد واحد بيهم اعرفه قبل سنه ناخله نخل على ايدي موشل الصافي مالته

والنخاله مفلسها تفلس"

ارغد " هسه انت تهددني لو شغلني حجي اني كل هذا الكلام مالي بي الزبده عمي"

" ههههه الزبده اريدك عيوني "

ارغد" حجي اني سامع بس مااشايف شسوي بيه حجي كلنه صاحب ملهى وحاج بيت الله هم نعمه ساعه الكلبه وساعه الربه بس توصل لهل مواصيل هسه افلش الملها شاايفني "

"لا تهوبز ابني شصخم بيك صح عدي ملهى وكحاب بس مزوج وعدي جهال اقصد صير عيوني يعني انا بمكاني كاامره انت تلكد وشكو شارده وارده اعرفها منك"

ارغد" حجي شوفلك غيري ماافيدك لا عيونك ولا اذانك "

شكد حجه حاول يقنعني قفلت طلعت وتكرر طلب الحجي اكثر من مره وارفض خلص الشهر  نزلت يم اهلي الجمعتهن انطيتهن لمي ضل عدي بس كروت الرجعه ومصرف ملازم احتمال اداين من محمد واسد ايجار الشقه

مرن يومين وتحدد حنة تمام الحكومه حنت علينه وبلطت الشوارع وسوو حديقه جبيره بركن المنطقه قريبه يم المعهد اجرنه كراسي وامي والبنات كالن نرتب صينية الحنه تميم تكفل بلباقي ساهم ويانه رغم بلبدايه ماقبل

اعرفه بس لسان نرجع للواقع ميخلي محتاج قبل سبوع ناصبين الغرفه ومجهزين كلشي صارت الحفله متنزه المنطقه كلها التمت وعرف

عزمت سيف والولد والشيخ تعذرو زياد وابو السيوف بلدوام وفرات ملتهي محل العقاري والشيخ عده فاتحه بلناصريه

تميم شعل الجو بلمواليد جاانت فتره نزلن بيها كاسيتات علي الدلفي واحمد الساعدي اول ثنين بقصائد صدريه وعلى جيش المهدي ب 2006 و2007 منها ونعرفو

ثاني يوم زفينا لليل يله كفضنه الهوسه مددت بلصاله تعبانين مخلي ايدي على عيوني شكد خاولت اشوف وسن مامخليها تجي كلبي محمل عليهم شمسوي الخالتي نكلبت

طب تميم بيده دولكت مي اخذتها منه شربت ونطيتها لسامه طلعت ادخن بره صدري مختنك ميفكه غير الدخان

فتت بممر المطبخ يطلع على الطرمه اسمع صوت البنات بلمطبخ سادات الباب محذريهن ثنين من جماعتنه بايتين يمنه

ضليت ادخن صارت سنطه عرفتهن طبن للغرفه شباك الهول على الطرمه كملت الجكاره بيدي الكطف شمرته ودست عليه فتت عبرت الشباك وكفني صوت خالتي وامي تميم لاكاني سويتله اشش

ضل واكف

خالتي "ام ابراهيم خيه خلينه خوات ولدهلين النسب بينه ونتخارب حبيبه وتالي عمرنه نزاعل على بزرنه "

امي " عليش معضمتها الوليد يريد البت والبت رايدته ليش نوكف بقسمتهم حرام عليج والوليد يشتغل ومايخلي كصور على بتج عليش معطلتها وخاله ابني يتفرفرح "

خالتي " الله ينطي التلوكله زواجهم غلط بغلط وابنج لو حريص عليها مايتختل بيها جوه الدرج ماكل عيب هااي حسبت اختي يوم صير زوجتي سوي اليريحك موو لازمها ويك.... عيب ام ابراهيم تقرليها على ابني ويه بتج هوه يقبلها"

امي" هسه غلط وربج يغفر ويرحم انتي ماترحميهم وهذا موعذر هوه مالاعب عليها معشمها وغادر بيها ولا مسوي مكسوره وضم راسها مشاعرهم غلبت عليهم وغلطو احنه نسترهم لو نعاند ونركب راسنه ويردون يغلطون الاكبر منها "

خالتي " يعني شيسوي بعد خيه ولدج طلع من عيني والبت ماانطيها خلي يوچد على غيرها حبيبه وخلينه حبايب "

سعاد" يمه جلبتي للمره دكلج ماانطيها وحقها سوايته عايبه مو مال زلم اني بمكانه اسوي مثلها واكثر "

امي " صمي حلكج مابيج حظ غير بس الحجي على اخيج ليكول عدوج زغيرونه انتي بزر وتغارين منه والله عيب عيب مو ابنج بكده يمه كبرتي والبعمرج بيبيات "

سعاد" يااا يااا شحجيت لو هذا المدلل ماترضين حتى لو كان على غلط طلعينه احنه المصوجين وهوه الصح صدك حضوض وليدي شبع طرد منج علموده وهسه بهاي عملته وماتنطين بي"

امي " سعااد جانو جهال لا ضلين بحقدج واني ماافرق بس ابنج جان وكح وارغد هادء ودوم يضربه سنين راحت وحتركت اله تعيدين بيها"

سعاد " موحاقده يمه نايمات جواي جنتي طرديني اني وبزرتي علموده وتتفدينه تفدي واني بلجذب مادكليل ضلي تفضلينه علينه كلنه انتي وابوي ولا جن عدج بزره غيره كم عركه بعركه وطرديني "

امي " ااوووو سعاد انتي يرادلج كلب مامدشن اكو احسلي وضلي بهذا حقدج لحد مياكل كلبج ويعمي عيونج ترديني اكطعه واخلي بطنج يله ترتاحين "

سعاد "حجاية الحق ماترضين عليه روحي يمه تاليها يعوفج وكولي كالت سعاد يووم الي اليدري عبالج يلفي يميج ويعرف حك رباج وتعبج لا والله رس نكس يعوفج ويدير ضهره "

صاحت امي "اشششش اكص لسانج سعيده انتي خطار ضلي بحترامج ضلين تنعثلين لمي جوالاتج ولي منين مااجيتي وانعل امه وابو اليكلج تعالي حااقده لئيمه "

تميم جررني طببني ماخلاني اسمع حقدها على حب امي وابويه اني وابنه سنين متعادين على لا شي مجرد غيره زرعتها بداخل اسامه كبر وعرف ماعدي شي وياا ولا ويه امه صار اقرب شي الي كل نزلاتي هوه فوك راسي نفتر بلمنطقه عوض مكان حميد وسيف رغم ذلك محد يملي مكانهم

ضليت طول اليل ادوزن الامور بالي شني الياثر على خالتي ويلين كلبها الحجي ميفيد وهي مني وبيه اودي منو زحمه اكلهم خالتي متنطيني

طول اليل الجكاره ماانزلت من شفايفي كعد اسامه

الدنيا ضلمه وكلها نايمه بفراشها من جمرت الجكاره

عرفني

اسامة" مامليت ترستنه دخان والريحه تكتل "

مارديت عليه

اسامه "  شبيك تلوب ارغد سولفلي ليش ضم عليه اني مو اخيك ودكلي قريب عليه محتاج فلوس عليمن ضال تحرك بروحك يمكن اساعدك بلاكدر

عليه "

طفيتها بلمطفايه "يحلها ربك نام انت تعبان مركضيك

صار اسبوع ارجع نام "

اسامه "شلون انام وانت هذا حالك ماانام اذا ماافتهم منك العله تقشمر عليه من دكلي بحشبت اخوك"

ارغد "وداعت امي انت اعزز من ذوله واشرله على الفوك اقصد ابراهيم وتمام بلاسم اخوتي وكت طيحتهم مااقصر منهم لو اعتازو شي  بس اعتبرلهم

احزامي وعزوتي بعيده عوضني بيكم

سكتت وهوه ساكت كام كعد صفي روحي طافره مد ايده للباكيت كتله"حرامات تورط روحك بيها خلي بطنك نظيفه لجيبلها العله"

اسامه"ههههه عبالك مامعلول يااخويه الضوكه ضكته كبلك بس اني ماخذها بلضحكه وانت قافل على روحك دنعل ابو الحب لابو الجابه وعرفنه علي"

ورثتله الجكاره سحبها مو موال اول مره ابتسم عرف فكري "صارلي سنتين ادخن يعني اسطه"

ارغد"سكط ماحاس عليك "

اسامه" رغم ادخنها بس مااحب ريحتها دائماً افرش سنوني واعلج وهم محد يحس عليه"

مرت الايام وهم خطبت وسن ونفس الرد بس جان بصوره اوقح خالتي لسانن كالت انطيها للجب وماانطيها الك

رجعت داوومت احس الدنيا انسدت بوجهي ايام كضيتها تدخين وداوم وشغل انسه اكو شي اسمه اكل وجبه وحده بليوم

كلفت اسامه يحصلي رقمه باي وسيله وضليت مناطر خبر منه  كلها دكلي عوفها بعد لا تتامل تميم من الناس كلي لاتستعجل

ابوي اخر مره شبع قهر على رد خالتي سكتت لخاطره واشوف الشماته بعيون سعاد

باجر عدي متحان مااعرف شلون قريت داومت على اعصابي دخلنه امتحنه كبل مانبدي الاستاذ يصيح بلاسماء ويسجل حضور وصل الرغد ماكو

درت راسي اباوع بين الطلاب كرسيها فارغ  ماهتميت تضر نفسها العلي سويته

وتكررت الحاله اربع امتحانات رغد غايبه مر سبوعين

والكل يسأل عليه واني مو بحالها تتعيقل براسي

ثالث يوم بعد الاسبوعين بلضبط دك جهازي رفعته رقم عمتها استغربت

فتحت الخط اجاني صوتها مبحوح غير يمه الحكلي اني بشاربك "

سيف الدين

تلاوينه ويه المصايب ملاوه  علمتنه الايام الكوي يعيش لا ضل رچيچ حال ودكول مااكدر زلم

زلم جدامنه تهز الكااع

بلواجب وبجيبي تك ترجيتها ماتوكع من اصابعي اخر شي خليتها باصغر اصبع وصلت للنص اعاينلها بيها ريحتها وحتى عطرها راح

مدوهن بيها شلون احلها سمعت من الحجيه جاي تاجل بسالفة الزواج ويوميه كابه عركه بينهم والشيخ  يعلينلي مايخفه عليه شي ذيب امعط

يصيدني من عيوني والتعلمه انه تعلمته كعدت الدواوين درس والحيات اكبر درس للبشر

ضليت احسبها منا اردها منا مااعرف اروح احاجي الاجه بلحسنا خير على خير مااجه البسه تهمه واذبه سجن

تعوذت من ابليس مااريد استخدم مهنتي لمصلحتي

بعلي لشيخ واكف بعيوني انه ياخذه مني غير افكس عيونهم واخذها غصب عنهم

لو مو عمامها ونهوه بكيفهم ضليت استغفر دمي حامي وهذا المخوفني لا اتهور واسويلي سالفه

وبعدين اتندم

ولا اريد اخلي البت حجوه بحلوك الوادم مثل العلج وتعلج بيها ضال متاني رحمت الله شوكت تلوحني

بلكت بهاي يكعد حظي

كملت واجبي ورديت لهلي مناك مريت لبغداد ضافر فهمته على شغلة المحامي وصاير كض اخوك ليطيح

خابرني خاله يهدد كتله حك ورجع الصاحبه شتريد سوي سوي خطوه وحده تخطيها ندفعك سنين كبل والتزوير علي سجن وشوف انت شمزور مال سنين

والارباح مال المعامل تنطوهن ولا فلس ينقص اشششش خليني محترمك اكول بكد ابوي وعيب

على شيباتك اهينك

اسمعني زين تريد روحك واخوانك من هسه تبرو من السالفه وكالو انت الماشي بلمعامله الشور شورك يعني بتصال واحد ازوعهم العافيه ويشهدون ضدك

فخليني فاايدك واسمع مني فلوس ابو الاكلتو تردو اله فلس فلس

حجيييي شكلت انه خلي افيدك اي افيدك اخر مره اكلك سد حلكك حرررامي التاكله حرام مووو حكككك

حك هذا اليتيم سنين تاكلون بي واكلتو حصت ابو من الشراكه وحصت امه من الورث وارباع المعامل

بعد ازيد لو اكفي اييي شعبالك هي هيته

منين جيبون هااي مشكلتكم تبيعون المعمل تبيعون بيوتكم مشكلتكم دبروله الفلوس وهااا كاااش مو صك يله عمي وراي شغل مافارغلك

سديته هتليه مناعيل نايم على الفلوس وماكل حق اليتيم ويصيح ماعدي الله يخلص البلد من هيج

قذاره

كلت الضافر بكلشي وعلمته مايتهور الفلوس تجي بجنط بكواني وهوه يصرف بعد

مره على ركضة المحامي اربع اشهر وكلتله بدل الواحد ثنين وهذا ضافر طفره ونص مثل ماحرك المعمل بتهوره خليت تواصل المحامين وياي

بلطريق راد للبيت خابرتني الحجيه "يمه فدوه لعويناتك هذا ابن فرات مكرع راسي على سياره

ماجيبله بدربك"

نزلت بداية المنطقه مريت للسوك جبتلهم العاب وحلويات ترستلي علاكتين جهال فرات وجهال زياد

طبيت للبيت ملتمين  كلهم بيت الشيخ ذبيتهن بلمطبخ وطلعت للديوان فتت الغرفتي حللت وطبيت سبحت وطلعت ارتاح تعبان

غفيت من التعب حسيت بشي يمشي على راسي اصابع ناعمه مغروسه بفروت شعري هاي الحركه

تخدرني من النعاس بسرعه اقفل

رديت غفيت همسات بذني مامفهومه انه نومي يثكل من اتعب وجاي من طريق اريد بس اخلي راسي على المخده

ايد دافيه ماحسيت بعد ضليت نايم شكد ماادري كعدت على صوت الحجيه فتحت عيوني هي يم راسي وتمسح على شعري جريت ايدها بوستها من بطنها

الحجيه" نوم العافيه طولت كلت الولد صار بي شي"

ابتسمت "ربي يعافيج لا يمه تعبان ومادريت بروحي

هااي انتي منشوكت هنا "

الحجيه" ستوني اجبت دكيت الباب دكيته مافتحته عاد دشيت (طبيت) كبل ولكن غااط بنومك "

فركت وجهي وكعدت ردت كالت" كوم يمه مسويتلك تشرب بانيه على ضلوع وطرشي وخضره مزهبتلك

صينيه من صينيه "

سيف" الله يخليج ويحفظج الي "

الحجيه" ويحفظكم يمه ويوفقك ويستر عليك من مصايب الدنيه وبلاويها دكووم حبيب الاكل لايبرد

ويروح طعمه"

راحت الحجيه عاينت للساعه بثمانية بليل عكدت حواجبي مستغرب هواي نايم منو الدخل كبل الحجيه فركت وجهي فدلا سوتها الما مرت لاخ

كمت طبيت سبحت وطلعت نشفت روحي ولبست

تراك نيلي ثخين طلعت تعشيت والشيخ كاعد وبصفه فرات مبسطين يحسبون بلحسابات

الشيخ " سيف بويا كمل وتعال تاكد ورانه "

سيف"شني التاكد منه "

خليت لكمه بحلكي وهوه لابس نضاراته بس بلعرقجينه ضاله على راسه عكاله والغتره معلكات

بلشمعه رفع نضره " ابي كمل اكل وتعال"

كملت يدري بيه راح اعارض يريدني امام الامر الواقع

سنين انه امشي وره كلامه ادري مابخطي خطوه دون تخطيط انسان عملي مايؤمن خلها على الله

مرات يكلي بويا جاا الله المن انطانه عگل اذا كلشي ذابيها وراا ونعمه بلله  بس نتوكل ابامورنه لزوم نحرك رواحنه نسعى اسعى ياعبدي واعينك

مشت ليمه عاينت للحسابات عرفت ابوي ناوي على الشيله ومخطط هلمره المحطه لصلاح الدين تحت جسر ديالى ياخذ مجموعة بساتين

والدوهن احوالي بضلت ابو الما ضليت اعاين بلوجوه

شنهي ناوي عليه الشيخ  يكسرني يدري رويحتي بيها

ضليت ساكت كملت شغلهم كله اليل بطوله وانه سهران عليهن اخذت باكيت جكايري وطريت البستان

الجوو كشف حطيت يم الساكيه محطة المي تشتغل

جريت حصيرت الخوص حاطها بطن غرفة المحطه

فرشتها ومددت عيني للسمه والجو باارد اليشوفني

يكول هذا سكران طالع بهلحزه

حسبت شيلت الشيخ حسبت اهلي وين كااعهم مااخليت احد مااسالته كل الاعرفهم عدلين

ميتين شني مصيري بين الوادم بلايا اهل

حتى جنسية تثبت نسبي مالي اضل طول عمري ابن الفلاح جاسب وانه وابن شيوخ

خذاني الشوك لعد محبوبتي وانه اناطر الفرص قانع

وساكت كلشي بمشئة القادر وضال احسب حساب

الموشل نهاية شهر شوكت يجي الشهر وارد للشيخ

واشور عليه بلجن اكوو خيط امل واروي رويحتي

بي

اخذني الوكت لحد  الشمس حركت جسمي كمت رديت للبيت طبيت غسلت  وطلعت للديوان

طبيت الشيخ وفرات وزياد كاعدين صبحت عليهم

ردو عليه

زياد" شلونك يول اخوك الجبير ماتسأل عنه لو نتلاكه بلصدف لو مااشوفك مااضيتك هيج تنساني "

سيف" حكك يخوي لاهي عنك وعن دنياي نقلوني لاطراف الناصريه وشوف يوميه مكان وهذا القائد

حشاك ابن حرام مدري راضع ويه ابالسه حااطني

كدام عينه "

عكد حواجبه " منو هذا تعرف خااف لاعب بذيلك "

ابتسمت "شتعرفني زعطوط هاااي سوالفهم يرد يستفزني وانه خاله على مايه وين ميحطني

مايفرق اشووف وين يريد يوصل "

رد"انطيني اسمه وانه افتهملك السالفه "

كتله"مايحتاج يبعد اخوك خله شيريد يسوي يفصلني

مايكدر ماعده حجه "

ضل زياد يستفسر عليه ماانطيته نشد موزغير وادور واسطات عيب

ضليت احاجي بلحجي بلكن يغير رايه بشيلتنه من كربله شفته مصر مامنه رجه سكتت يبقه هوه صاحب

الحلال شني دخلتي بينهم يبقه شي يحز بداخلي

ابقه انه مو من صلبه ماالحيت ويااا حسيت بشعور رغم الشيخ عمره مااحسسني الفرق بينه وبين ولده

ويحاسبني مثل مايحاسبهم

لكن انه من الحركه احسب الف حساب والبشر اعرفه من نضرت عينه والبت اعرفه من نكلت جدامها

لهذا يكلولي انت نبه تربات عرب وشي افتخر بي

ان جان من جدي رميض لو من شيخ جليل

قرارهم غيم عليه مابيدي شي فرات والشيخ راحو صوب صلاح الدين اشترو البساستين انطو عربول

وردو

مشيت طالع من البيت كله ماعدي غير البستان افتر بي احرك روحي بلتدخين سلوتي صار بين هوست الافكار ضهرت جدامي بت رويحتي كمري سحبت نفس شمرت الكطف وسحكته

عاينت تعاينلي بهضم شبيدي عليج هيج مغيرج البعد

ضعفانه خديداتها الحمر الترفات ذابلات

ضلينه واحد يناطر الثاني يبادر وانه مبتعد مااريدن اتهور واخذها واهج بيها واخليها صير دم

عافتني وردت الببتهم الدمعه بعينها سحبت نفس

عصرت عيوني ياصبر ايوب

التحقت ومناك خابرني ضافر محولين واحد من جماعتنه محكمه عسكريه 

"وشسويله انه هوه مصخم "

ضافر" ماكو حل يخوي تره الولد صاحب اطفال وبركبته عائلتين واخو شهيد "

" ضافر شسويله اروح اشيل عنه التهمه هذا شلون حجي يتحمل اغلاطه لا اتوسطله ولا ادخل زياد

طلعوني منها  شودا للحرمنه عايز"

ضافر" يااخي نخاني نعوفه بازمته ادير وجهي مثل ماا كفتلي انساها الك  يمعود يهسر رتبته وينسجن يروح بيها بعلي يطم روحه احسله "

فركت وجهي هاي الكراوي التعبانه  سديته وخاابرت

زياد سولفتله ضل يحجي كوه قنعته كال احاول صعبه بعد اذا اجه امر

ثاني يوم اتفاجئ بأمر نقلي لصلاح الدين

رحت للقائد كال اجه من يومين هسه وصل اشوف شنو السبب ماعدنه نقل يجي بسهوله

دك زياد " سيف نقلتك وياي ضل يمنه وياي"

سيف" خويا حااير بامر نقلي منو مااحجيت من قبل

زين انت نقلت  هناك شششوف الوضع هم خطر "

زياد" لا خويا اامن من هناا ابويا شاد راسه وكرعني يوميه مخابر انقل سيف ويااك وسويتلك واسطه"

سيف" نعمه رحمه الله والديك شلت مني حمل"

زياد" من تنزل اخذ اجازه فوك نزلتك بعد البيت بلشو

يشيلون بلغراض واني هليام اروح لصلاح الدين اشوفلي بيت ايجار ندحس ارواحنه  منا لمن

نكمل بنيان"

سيف" ماشي سوو اليناسبكم "

سديته منا وطلعت للواجب كملت دوامي ورديت نزلت من غير قضية صاحبنه حاايرين بي جيب الامر ودي الامر زياد كاام يكمز مااقبل ادخل روحي

لومااصاحب جهال وجهال اخو ايتام وبركبته اشيل ايدي منه

اتفاجئ بابو الما دخل للشيخ طلب يروح ويااا واني كاعد ضليت اعاين الشيخ كله كل الهلا بيك ابن عمي واخوي الكاع كاعك التناسبك اخذها وبني بيها

الرجال كام باس الشيخ من راسه وشكر منه وراح الشيخ حس بيه تنهد " ابني بني ادم محكوم لا شوف روحك بطرك نفسك وماخذ الدنيا بزودك

اذا ماتخلي الناسك والمنك وبيك اعتبار يجي يوم

طيح ومحد يوكفلك

ابو رائد رجال فقير ويهاب اخوانه يبقون سند اله

والجهاله البينهم دم مو مي وانه ابوك الضفر مايطلع

من الحم

انه عاذره رغم شينات خوانه بوكت وكعته بس ينخاهم لابد يجوو مايتركو وهوه من انسجن يدري

باامك الحجيه ويدريني ويعرف اخيتي ماتترهم

يمهم طلب مني انه الاعتني بيهم

خلها وره ربك الكاتبه تنوله جبينك مكتوبلك اشوفه كدام عينك "

مشت ايامنه والشيخ وزياد لاكين بيت جبير ققررو

ياجرو وبلشن البنات زوجت زياد وفرات يلمن بلغراض  بنات الشيخ زوجن كلهن بعد كفاء ماضلت

وحده

كفاء ومقدام دوم نتواصل بلتلفون جنه داخلين ب2008 والوضع يسوء البلد فوضوي امر نقلي

اجه بسرعه بحيث كملت اجازتي داومت كم يوم

اجه امر  لازم تباشر بمكانك الجديد حولت كل اوراقي نزلت لهلي لكيت البيت كايم ماكاعد

الشيخ والحجيه ماكادرين ينقلون كل الغراض بايعيهن والمنطيهن ماخذين بس الفرش والوازم

وضع كسيف روحي طلعت صرت اعصاب انزل تعبان الكه الامه مكلوبه لكمه اريد اكل كله بارد حتى الطباخ بايعي ويطبخون على الكوزان وتعال ثاني

يوم نطلع من الصبح واكعد شي وحط بلغراض

تعوذت من ابليس امي الحجيه شافت روحي بخشمي صاحت على الشيخ "عوف سيف جاي

تعبان يمه سوده عليه "

سيف" لا يمه مابيه شي هسه اكلي لكمه واكوم انام "

الحجيه"يمه شوف روحك صااير اسود من التعب حمل شيله انت مالك لزوم بلغراض تعال ورانه من تكعد واخليلك المفتاح يم راسك "

سيف" شني السالفه حجيه شبيه طالع عماله اشو مكتب وتبريد  ومدللين "

الحجيه" يايمه شووف حالك متغير وغادي كلش مو مثل الاولي "

الشيخ" دللي دللي رجال شعليه مراح يموت ياكل بي السبع ومايخلص كووم بويه عوف امك اضل يمه

تلبس شيله وتكابلك "

ضحكت" لا بويا هي الخير والبركه رحت يمها بوستها من راسها "

الحجيه " ابوك مااعده كلب حتى على زياد هيج جان مايقبل مايكول كلب والده مو من حكي اخاف جاا المن اربي واتعب "

سيف" هههه الحجي يحب يداهرج يكدر دوونج ذاك اليوم اجاني تعال قنعك امك ترد تنام بغرفتها"

اعاين لابويا فتح عيونه عليه عود يكابر ضحكت " جاا اخليك تقرها واسكت "

امي الحجيه تعاينله ماقابله " ابوك دولبني بشمخرته علي ولا جني ام عياله وسنين حامله فصوله وخطاره

والرايح والراد فاتحه بيتي وماانمت ضهريه مرتاحه

اذا مو خطار مالي البيت وايعزب وانه اكول لاخير بلمره ماتلزم ضهر زلمتها هاي تاليها يكابر على زعله"

الشيخ" والله ياسويف فتحتلي باب ماينسد هااك حلها" اعاين امي صدك زعلت خليت ايدي على حلكي

عود اكحلها عميتها

والشيخ خله وكام يتوضه ويصلي  كمت انام ثاني يوم كعدت على صوت المنبه صليت لميت فراشي

برمته وشلته الغرفه مفرغيها غراضي ماخليتهم يبيعوهن طلعت سيارات ثنين  حمل ماجرين

بيت ابو الما ويانه جبنه واكفه يم زوجت زياد شايله ابنها  امي كاعده تلف لفات جبن وكيمر وبيض سلك وتوزع وكلاصات جاي  تريكنه وهمينه رواحنه

حملنه الوريات لل9 مكملين كلشي البيت صفينا ماضل بي شي قفلت البوب فرات خابر الرجال ابو الكيه فلاح جان يمنه عرفته امنت اجه ابنه انه واكف بره ادخن

اجه الولد بكيته بااوعتله رحت يمه " الله يساعدهم "

الولد" هلا خويه الك وحشه والله "

" حبيبي ان شاء الله الناس الجدد ولد اجاويد شني الوالد وين ان شاء اللة "

الولد" تسمع العافيه كلياته هايجات عليه من اليل واخذته للمستشفى نفس العلاج والحجي ورديته كبل ساعه "

"مايشوف شر اطبك هناا وتعال وياي يم الولد بين ما الاهل يصعدون ويرتبون امورهم"

اخذته وياي طببته بلديوان ابويا وزياد وفرات رديت طلعت دكيت باب المطبخ امي كالت ادخل يمه

فتت عاينت لمي " حجيه الكيه اجت مااعدكم شي خلي الاهل يصعدون ويقسمون شي بلكليه شي وياا زياد "

الحجيه " يمه اني وابوك وانت بسيارت زياد وفرات يركب ويه نسوان اخوك وابو رائد راح ويا سيارت الحمل كبلنه"

عاينت للما مكعده اخوه الصغير بحضنها وتناغي مدنجه عليه " هاي هيه بس خلي فرات وياكم اني اروح مكانه "

كالت " شووف اليريحك يمه هسه نتوكل "

هزيت راسي وطلعت فرات طبعه ماينتبه مثلي ومثل زياد والولد انه ماشايف عليه شي بس يبقه شاب وهاي تضوي يروح يحط عينه عليه

انه دخلته عمداً يم الولد اريدهن يصعدنه واصيحه

وكفت بره بلحوش بدن يطلعن مشيت صوب الكيه

فتحت الباب عدي ميانه ويه ام نور زوجت زياد

كتلها خويه خلي الجهال وره يله بويه صعدتهم الوره

عاينت ادورها اريد اصعدها يمها ضيع بت الاواد واكفه يم الحجيه وامها فورتني

افتريت اتحجج افتح بلجام صؤت قريب يمهن اريدها تنتبه تعاينلي فورت دمي وهي حايره

بخوها بت .....

من حرورت كلبي صحت يماااا ماصعدن شمنتضرات

زياد وفرات طلعو والولد وياهم وهااي حايره بلفرخ

من صيحتي فزت خزرتها فهت متعرف عليمن رجعت صحت يله فضني فتت من يمها همست "صعدي اخر شي لا احركج " نزت عفتها

واركب بلجهال وارتب اماكنهن وهيه ركضت صعدت صارت بين امها وام نور عضيت شفتي وهي عيونها تتراجف من عصبيتي

المكان ماكفه لكيتها حجه عاينت لم نور كتله "خويه المحروسه خليها تعبر يم الجهال ترهم روحها"

الما وجها صار يضرب الوان غيرت مكانها صارت على الجامه لهيتهن واني لفت من وره يم جامتها

مفتوحه همست وعيني على الشيخ وزياد كدامي يم سيارتهم يفحص بيها كبل منحرك" راسج مترفعي وصدين للسايق خليج مدنجه مفهوم الماا بويا

خلي كلبي بارد ومااسويلي سالفه"

همست صوته يرجف" لا والله ماعليه بي بس محصوره خلي واحد من الجهال يصير ليكدام"

" هسه احوله يمنه "

طلعت ليكدام يم السايق امي والشيخ وفرات ويه زياد حلولت ثنين من الجهال واحد خليته بيني وبين السايق واحد يم امه

طول الطريق انه بالي يمه الولد مؤدبه راسي برد نص الدرب ونزلتهم بمطعم زياد ماوكف خابرته رجع نزل ويانه

كعدتهم بجناح معزول وافتر عليهم واحد واحد حتى الحجي كام يحجي " بويا ناعور ماتكعد اكلك لكمه عوفهن عايزهن رجلين هاي العمال موجودين "

كعدت اكلتلي لفتين وطلعت اغسل طلعت من الحمامات الما واكفه لازمه عباية وحده ابتسمت

رجعت ابتسمت والخدود موردات من الله جبنتي

اشرتلها تخلص وترد هزت راسها

وصلنه للبيت وبلشنه تعديل وترتيب الغراض صرنه عرض واحد رغم ذالك ماخذ حذري ماادخل اذا مااصيح وامي دكلي ادخل يمه البنات لابسات

ثاني يوم لازم اباشر بلدوام البيت صح جبير مايكفي اربع عوائل قررنه نتحمل الشهر شلون ماكان

الشيخ بدل العامل يطلع عشر على البناء انه والولد

كعدتنه ومنامنه بلصاله البرانيه والبيت الجوه للنسوان ابو الما ويانه

السبوع الثاني  شتوني راد من الدوام وزياد طبك سيارته وراي نزل طبيت الصاله متروسه زلم عمام

الما

.........تبع

مساء الخير

اعزيكم واعزي الامه الاسلاميه بمصاب ابن بنت رسوله الله سيد الشهداء الامام الحسين (عليه السلام)

احسن الله عزائكم ويوصل ثوابكم ويحقق مرادكم

بحق قطيع الكفين ونحر الحسين ودم الرضيع

حبايبي مثل متعرفون مااكدر انزل يوميه بارت

لهذا كتلكم ماالتزم بلنشر مومعناها مااكتب

الله شاهد عليه يوميه جاي اكتب لقليل الفين كلمه

والبارت مقرر انزله قبل الحجه واجلته احترام لمصاب الامام والبارحه ليلة الوحشه وتعرفون

عدنه طقوس معينه بهذا اليوم زحمه انزل بارت

بهيج يوم

واليوم سويت تعديل على البارت وهذا البارت

يحتوي بارتين يعني فوك ال5000 كلمه

وراح يكون على هذا الطريق انزللكم بارت طويل

يحوي بارتين كل ثلث ايام

لاتنسون التصويت وحسابي تابعو لان ضال بس

4الف واني صالي ثلث اسنين بمجال الكتابه

هواي منك باخسين حقي وممنطيني استحقاقي

اتمنه تردولي القليل من تعبي

بين الكاف والنون

الواحد والثلاثون

،،،،،،سجى الطائي،،،،،،،،،

سيف الدين

دخلت للصاله عاينت اهاليت ابو رائد كلها موجوده سلمت وراي زياد سلم وكعدنه فرات صاير بصف الوالد عايلي عرفت معنى نضرته

جااين يحددون موعد العرس الشعور الاحس بي مثل واحد على قيد الحياة وجااين يقتلعون كلبه وهوه عدل الالم الاشعر بي هيج يعصرني عصر

تمالكت روحي وانه اناطر الفرج لو اكوم واهد الديوان عليهم مربطيني بعادات وتقاليد تذبحني وتشفا بذبحي

الشيخ واكفلي عظمه بزردوم لاهوه ناطيني الجلمه وانه اتصرف ولا هوه الشايفلي حل

الاب بيد خوانه لا يحل ولا يربط مسلم زمام الامور بيدهم وهمه مثل الذيابه ينهشون لحمها نهش ويردون يلزمونها شنهي غايتهم ماني داري

الكلام دار بينهم وبين الشيخ طلبو ينشدون البت عن موعد العرس يناسبها بعد شهر كام فرات كمت وراا واحد منهم صااح

شنهي شيخنه شعده داخل البيت وبي حرمنه(نسوانهم)

درت الشيخ باوعله" شنهي ابو عباس يدخل داره ماداخل دار احد

عاين الشيخ عليه ورد"افاا ابو عباس مامقبوله منك سيف وليدي حاله حال زياد وفرات يدخل للبيت يطلع بيته شنهي غريبه مابينه غريب غير الشيطان"

ابوعباس"حجي انه مااكاصد اقلل من قدره ونعم ماربيت بس حجي يبقه محلل عليهن وين صايره لامن دمنه ولالحمنه وبناتنه مكشوفات عليه "

الشيخ ارتفع صوته واول نوبه هيج يعلي دومه اشوفه هادي وماينفعل من نبرته بين البداخله" انه مو گليل اصل ولا بناتنه گليلات تربا اوزن چلامك ابو عباس لوله الــگربه

چان صار غير حجي والنه غير تصرف

وليدي يعرف الحرمه ماني مربي على الشينات العكل علا الراس تهابه وتحسبله حساب هذا تربات ايدي وانه اعرف

الصح من الغلط

لو تخلي عليه معناها تشكك بتربايتي وهاي مامرجيه منك

بنياتنه يعرفن بوجوده واخيتي فوك بطابقها "

اخوو كال"السموحه يبو زياد اخوي ماكاصد يقلل من شانك ولا من شان سيف هم بعتبار ابنه دام داخل دارك معناها منه وبينه حال ولدنه اله انت والنعم ماربيت

وعلمت والله صيته ليمنه وكلها دكول ماجنه من غير

ولايه جنه من بيت سيد جليل عبن ترباتك وزعت بيه

قيمنه "

زياد نب"عمامي سمعوني كلكم ماارد على ابو عباس من ناحيه الغيره اخذته واحنه كلنه اصحاب غيره بدمنه مانقبلها  بس لزوم يعرف سيف من عمره ست سنين

ربه ويانه مااكلك الحجي ماعلمه بس هوه اجه جان

مايقبل ينام بغرفة الحجيه والحجي مااخذ تربات اهله

عدهم عيب الرجال ينكشف على مرة من صغره معدل طفل مايعرف بامور الزواج

لا احنه نقيبلها ولاهوه

التفت صوب ابو عباس تعرف سيف عاش بهذا البيت ومادخله غير لمن البنات كلهن ازوجن جان مقيم بلديوان لحد ماكبر  عازل نفسه  لحد ماوالدي سواله غرفه بابها على الديوان وامي اجيبله الاكل

ان جان هذا البالك فأمن اخوي مايعتب الباب وصوته يسبقه يصيح علحجيه يعرف الاصول وهذا اهوو كدامك

والشيخ وفرات شاهد على طفولته 

جان كلمه والاخ كال جدي الشيخ هيج يكول ابوي هيج يحجي ويعلمني  مايحتاج تعلمنه عمي انت مو احرص من يمنه ولا احرص منه هوو بلذات يعرف العيب والحرام "

فرات رد "ماازيد على ابو نور  خلو بالكم سيف اخونه الثالث واله مثل ماالنه مستعد امنه على عيال بيتي واطلع راسي بارد مامنين حرمنه يمه ومطمانين

والحجيه لو عده شك ماتلمه بحظنها دكول هذا وليدي وسندي من بعدكم تنام بسده  تتفرع كدامه وابوي كاعد"

احس صدري انترس فرحت بردهم دخلت للبيت صحت الحجيه جانت بغرفتها "ادخل يبعد امك منو موجوده

بس انه وخالاتك عرفت يمها نسوان عمام الما

رجعت للمطبخ ادخن اطفي ناري بيها وين تصفه بيه صافن بالف فكره  فات فرات طبطب على جتفي"  هونها تهون عوف هاي مااتنفع بكد ماضر خويي عاين الروحك

مكانتك ورتبتك بالف عكال من ذولي  الك رب يجازيك"

"محتار بمري لاني تاركها وكاطع الامل وملتفت الدوامي

ومفرغ هذا اشر على عقلي الحجي مربطني وخالني معلك

بحك كرابته ولد عموما لا وحك علي اشلعها منهم واخلي

السبع يفك حلكه"

فرات" كول ياالله وعوفك منهم لو مااعرف ساسهم وانه منهم وبيهم جان كلتك اخذها وانه وياك راح تفتح عليك باب وابويا الينعاب  موهينه تنهب بت عمتي عليها دم

دام مملوجه "

اخذت نفس بقوه وجهي احسه عطب "روح خويه لا تعوف الكعده والله يفرجها علينه"

سمعت حسها وهي سلم الحجيه ودتها سوي ضيافه ضليت كا عد مااتدري بوجودي دخلت وانه صاير بضهرها كاعد على الكرسي ومنتجي على الحايط

ضلت واكفه كدام الكاونتر انتجت بيديها دنكت عرفتها بجت  سحبت جكاره  مجرد خليتها بحلكي ماورثتها

اعاين لمكفاها طولت رفعت راسها مسحت خدها باطراف اصابعها

مشت صوب الصواني ضلت تحضر بيهن دارت تغسلهن  عاينت فازه ملامحها بهتت  بشوفتي طكيت الجداحه ورثت

رجفتها بؤبؤ عينها بيني وبين الباب وتوترها حكها  وكفت  مشيت صوب الباب همست والقهري مالي كلبي

"ان جان جيتهم بيها اذيه لروحج مالج شغل فكي رويحتج وقبلي ببن عمج انه مااريد اورطج وعمامج

شرايين دم ومبيينين هاويها وانه لو علي برويحتي

افدي رمش رمش من عيونج

لا تكولين ماتحبني العيبه تاكلني كدام الشيخ وضال

بلوعت كلبي لجل عيونج

متاني اشاره منهم واهد الديوان عليهم واخذج من بين

عيونهم  مثل بلاع الموس ضال مناطر ان مالي بلراحه

نصيب فكي رويحتج يبت كلبي"

دنكت مغثوث من روحي واسمع نشغاتها  طلعت شارد من نفسي كاره الدنيا صاحت بصوت ستر ربي وماسموعوها واصواتهم غطه عليهم

الما" كلشي يرخلصك حبيتك من صغري وتانيت سنين عمري مو لجل اضيعك هسه بضعف وطمع عمامي مااراضيه واضل ارفض لوين مايصير عدهم احساس

ويبطلون وهاي يرادلها بخت الساده وانه حفيدتهم

نخيتهم بكلب متلوع ضايكه حر الشوك ان جان الي

بكلبك محبه لا تأيس وخليك صامد نحاول ثنينه

اعرف بالك انه صلفة عين بيوم دشيت دارك ماني

متندمه ولو يرجع بيه الوكت اعيدها واشبح كلبي

بيك لاني مستحيه ولا خجلانه لومااعرفنك انت

شنهي مااسلمك كلبي

ادعي ابو الحسنين يلين الكلوب ويفك باب من ابوابه

النه ماني زانيه ولاني ماشيه بلحرام والحب ماهو عيب

زينة الحياة رسولنه حب خديجه واميرنه حب فاطمه

واني مااحرم ماحلله ربنه بس الاقدار بيده ولعلل قدرنه

بيوم وليله يتغير وماهي بعيده انه مؤمنه وقانعه وصابره

وانت لا تقنطع يجي خليك وياي سند يبعد الروح واهلها"

درت عليها والمعه بعيونها تنطيني قوه وادري بداخلها

حزن وصابره مثلي وازود انه رجال وماكادر اكسر

جلمت الشيخ ولا ني كادر اصرف من وحدي

رديت "مون الزمن يوكف لهنا واسوي كلشي والغي ملجتج لبن عمج واخذج واضيع من هذا العالم واعيش وياج فرد غرفه ونريح كلوبنه وينزاح همنا"

رغم جرئتها بيها خجل طاغي جنه بس وياي تتواكح وهذا العرفته اليحب يشوف محبوبه كل اهله ويعرفهم سنين وماخذ عليهم ومايحسب لتصرفاته الينبع بكلبه يسوي

دنكت مهمومه وعيونها شايله حمول الدنيا كلها ردت بتعب" اتمنه سيف احس روحي فاضت من التعب

التفكير اخذ من حالي ودوهني  حايره شلون اقنع

ابوي وارفض ابن عمي كلها ضدي حتى خالي الجنت

شاده ضهري بي عده الگال والگلت ومحسوبيت العالم  اهم منه "

سيف"هانت وهونيها عليه متاني يفرغ وارد للشيخ وبلكت الكالها حل لو اعرف اطيح علية يله دخلي

شيكلولج سكتي والكت اليطلبون تبرير لا تخافين

عضيت شفتي اخخخ يانار كلبي وحك تعبي وغربتي

خال قدر للشيخ وسنين الربه لو مااثني لا ادوسهم

بقندرتي ودمعت عينج اسحكهم جواي

اصبري عليه وتهون وعيونج تهون  "

بجت لو شعلت روحي بنار وخلتني" رويحت كلبي هونيها

علية دنياي صعبه ومصعبها وياج وانه كوي ومااطالع من ضهر رياض اذا مااخذج من عيونهم "

سكتت تمسح بخدودها وتهز براسها

"دخلي سلمي وصيري الما العرفتها عاقله وخليهم يهرطون لين يكفون وحدهم تالي احجي العدج

ولا تخافين دام الشيخ والولد موجودين مايتعرضولج

بشي"

عفتها وطلعت اخذت سيارت فرات وين دربي مشيت والدنيا مسدوده بوجهي راسي من الضغط احسه جمر

مشيت مسافه وصلت للبساتين الاخذناهن البناء بعده

ماكامل دكو الاساس واصلين للسكف وابو القالب يدك

بلخشب والله كلبي مثل

هاي الخشبه دنكت شلتها من كثر الدك متفتحه

عفتهم وكملت طريقي افتر بشوارع المدينه وين ماخذني رجليه روحي مشتعله اعارك ذباني خشمي

تعده الضهر وصارت الغروب شني البيها وخلاني اتعلك

بيها مو اول بنت اصادفه بس هذا كلبي من صغرها

تعلك بدورة وجها

صافن ماخذني روجت المي الانسان شما يوصل بدنيته

يبقه كلبه اله سلطه عليه

دك الجهاز رفعته ضافر

سمعته صحت بي "لاتتهور ضافر التسمعه تسد اذانك منه وكتلك حقك يرجعلك ثالث مثلث مينقص منه شي بلقانون تضيع نفسك بتسرعك "

يتنهد بتعب وعصبي اسمعه يسبهم ويشتم بيهم افتهم منه خواله منطي نص والنص الاخ على طلعت اخوهم الجبير

سيف"يردون يضمنون العفو والكمبياله والاوراق يمك اذا ماسددو باقي المبلغ تكدر ترفع بيهم شكوى ويرجع ينسجن"

ضل يتنهد سبيته بداخلي "ضافر شدارس مدكلي عقلك طافر هاي الامور حتى الامي  يفطنلها دروح ارتاح وضب

فيوزاتك عدل"

ضحك الارعن"امون ابو السيوف تحملني الحايط يطيح على راعيه "

ابتسمت المثل كلبه " على راسي اذا مشيلك عيوني "

ختمته ويااا  الساعه الاطلع اخذ نفسك يخنكني

ضافر بمصايبه  بعدني احجي رجع دك

رفعته "امك متنسيه بيه خنكتني شرايد"

ضحك ضحكته المعتاده يخليني استغفر مثل

كح.. ومستمتعه 

ضافر"وجه الجوب هسه انت مسويها كمل جميلك وياي

بروح الغوالي لا ترفض واسمعه"

سيف"غير افهم منو يول "

ضافر"ابو جود طلب رقمك يفهمك سيف سويها ل لله

تره طايح من السطح وشغلته حرجه يروح بلرجين

وهوه صاحب بيت وايتام"

سيف" صار المؤمن النزيه صاحب المسجد الشريف ضافر لتبيعهن علية اشوفني حقاني واساعد المحتاج بس صاحبك اكبر انتهازي لتستغل تعاطفي "

ضافر"مابيك لزمه"

سيف"لتحاول يله عزيزي توكل شوف شغلك "

سديته منه ورجعت للبيت لكيتهم متوكلين لليل بعد العشه طلعت للباب الولد طالعين والشيخ نايم

البيت زغير وينسمع الصوت ابو رائد صوته عالي

ساعه واصواتهم طالعه دخلت الحجية واكف يم الدرج تريد تصعد والشيخ ماقابل "عائلة بيناتهم لاتدخلين ام زياد"

استغربت عصبيته عاينت للحجية "خير يمه شبي ابو الما صوته طالع"

هزت راسها ماقابله وخرت ايدها من المحجر وكعدت على اول باية  تعاين للشيخ  دار وجها مراضي وهي ساكته تتنهد

اصواتهم ضلت عاليه بكل البيت ينسمع لانكدر ندخل لغرفنه وكان ماسامعين شي ولا احنه الصاعدين

كلبي اكلني عليها الشيخ يستغفر ويتنهد بتعب عاين عليه بنضره مافسرتها اله بعد الحادث

حسبته ضايج على اخيته ضل ساكت لا عاتب وفرغ البكلبه ولا ريح فضولي

االي بلكلب ياكل الروح اصواتهم ماسسكتت لحد ماسمعت صرخت الما طفرت شبخت الدرج سويته بايتين الشيخ يصيح والحجيه جرجر بيه مانطيتهم نشده خليت

وصحت على ابوها وادك باب هولهم محكم يفصل بين غرف خواني زوجت فرات وزياد

واكفات حايرت دكيته بقوه "عمي افتح الباب لو اكسره"

اجاني صوت ام نور زوجت زياد "مالك شغل سيف  واستر عليها"

"وانه شمسويلها سمعون صوت الضرب"

ام نور" اب وبنته مشاكل عائلية وابو رائد تعرفه ميحب احد يدخل لازيد هم البنيه هم وعوفوه مراح يذبحها مجرد يادبها "

"غير افهم عليش يمد ايده عليها  "

وخرت عن الباب اعصابي تالفه احس شرايين راسي نطو

ام نور " خوية اخذها من اخت لخوها البت وكفت بوجه عمامها وحاربتهم لحد هسه وصاير سيف بركابهم  وبعدها زغيره وهيج ترادد  طريقكم مسدود "

سيف " ماامعلمها وكايللها شما حجو عليج السكوت وننطر لين ماربج يفرجها علينة اخخخ منج عضيت اصبعي عليمن ابوها يطكها"

ارتبكت "كولي خوية عليمن انطوها وقبلت بلعرس"

تعدل بشالها وجنها ماتريد تحجي كتلها"واليرحم اهلج الطيبين احجي وفضيني لا تشلهين كلبي كولي العدج ولا تخافين حملت الاكبر منها مااحمل هاي"

ام نور" عمامها لعبو بيها لعب لوما زياد وفرات لا جان جنزوها اليوم وربك لطف بيخا والشيخ سكتهم وكلهم ماكو زواج منا لحد ماالبت تقتنع وصارتلك لحم نوب

صارو على عمي والله لزمنه كلوبنه عليهم كلنه

راح يتعادون من وراكم ليش هسه ادخلت انت اخينه

ومااشفنه منك اله كل خير عوفها واستر على البت

وعلى الشيخ تاليها يتعاده ويه ولد عمامه وذولاك شرانيين يشترون الطلايب شراية عوفها ونصيبك يصيبك

لا انت اول واحد ولا اخر واحد ماياخذ الهواها كلبه "

الشيخ ورانه ستوه صاعد دنكت وهوه بعوجيته تقرب

ضرب الباب بيها صاااح "ابو رائد عووف البت واطلع نتفاهم هذا مو حل ياخوية"

بلنص ساعه واكفين والصياح مستمر مرة صوت الما مرة صوت امها عرفته ماضاربهن من الصوت مبين

وين يلة طلع شافني ابوها عيونه تعلكن بكصته اجه جرني من بدي الابسه "شعدك وياها شعدك وية بت الكلب"

تحملت نترته ولزمته خاطر لخاطر وخرته ايدية "شرايها بدمي لو تطلبة"

دفعني وعيونه ياكلني"البت مملوجه فك ياخه منها تعادية وية خواني بسبتها احطها وانحرها وحك الحك

واصحابه ماعدي مانع البت الماتخذ حجاية

اعيد تربيتها من جديد اشوف بعيني وساكت اعرفك

مادك الناقصه بعرضي يززي عاد طلعتوها من ماعونها

ماضلن بنات بكل السلف هاي انه حذرتك نوبت الاخ

لا تعذرني سيد اخذها واولي للكوت وغصب عنها تقبل

ببن عمها "

كوة لازم روحي وانة اليشوفني يكول شكد بارد مايدرون بلنار الجواي "عليش عازها علبة وتدري بخلاقي احلفك بامامك مو تحلفون ب علي والحسين

احلفك بيهم جايكم يوم عراك وطلابي وراي

شفتني مصادق وين الهتلي والزايحته الكاع واخلاقي

معيوبة

كالولكم يشرب ويعرب ومحاط الله بعيونه

مدنس عرض احد  متورج على بناتنه انه ادري

بروحي غريب مو من دمكم ولحمكم ماناسي

هذا الشي

اهلي ونسبهم معروف بلبصرة عمام عمام ابوي موجودين الموكفني وجودهم والله اجيب العشرة كلها لجل خاطرها

لان شانها عدي عالي

انه مااختاريتها لجل غاية ولا انة طامع بشي منكم طامع

اناسبكم لاخلاقها العفتها وحيائها ربينه حدر بيت واعرف البير وغطا كلي شرف اتوجه زوجتي

حلفتك بمحمد جاوبني شني العيب المايناسبكم

عمي شبي كصور وانت ماراضي تنطيها الي شكد نشدت الشيخ وطلبتها منه كبلك لانك مخولة على عيالك وبيتك ويشهد ربي لا طالت عيني عليها بلموزينة حسبت اختي كبل ماتسمة بسمي وانه لا من ذولي الشباب الخفيفية ولا ناي ناقص ضمير واتصيد الفرص وياها

بت حسب ونسب وان جان ماقابل على حسبي ونسبي وعدك شك حكك اخذك للبصرة افررك ديرت اهلنة وعموم ابوي وجدي واسال عن رياض ورميض الشيخ ذاك الوكت

الك كل الحك لون شفتنه ماناسبك

والموكفك مذهبي كلنة نؤمن بخاتم الانبياء علية افضل الصلات والسلام واربع الخلافاء لاني متعصب ولا ارضة بلطائفية سنين انة عايش تحت جناح الشيخ وماكالي

بويا لاجتف عايفني يعرف المذهب مليفرق والدين واحد

رد بنترة"  لا يعيبك مذهبك ولا نسبك نقطة وراس سطر البت لبن عمها شلون ترضاها اطلكها من ابن خوي واملجها الك  ماني مكرن واطلك وازوج منا ماني دلال بتي

احلفك بربات الشيخ عزيز علية ومااريد ازعلة واتخارب وياا بسبتك عوفها وخلها تروح بحال طريقه لو عدي بت بكبرها اشيلها واطيكياها وانه مغمض زين الشباب

مابيك لولة الولة بعكول اهاليتنه خلني اكف الشر واسيح دمه  واسد حلوك

كال وحسيتة الخجل منصي والشيخ يهز براسة ماراضي  " عمامها اولى بيها ابني قسمه مالك يمنه فك ياخة وخليها تنستر

الشيخ دفعني بلعصا نزلني  عفته وطلعت للديوانية الدنيا طافرة من عيني اخذت قرار ودست على روحي شغلة مابيها بركة ربي وتسهيل هااي مو نصيبي

عقلي يفكر وكلبي يتكطع من يومها تركت الما وديتلها خبر بيد ام نور  موجبن مني لا بس اعرف وراها دم

ولا اشوفها متاذية والسبب انه عفتها ومشيت للدوام سبوع انة مواصل البيت الحجية تحابرني اتحجج بلواجب 

نزلت اخر يوم رغم دوامي يومين بيوم طولت بنزلتي البيت يخنكني وابوها بوجهي 

البناء كمل اخذت البنات ينضفن البيت بس وصلتهن ورجعت مددت نعمت كعدت على صوت مصايح

جهال فرات وزياد مكيفين على طلعت المتنزه فرات ياخذهم

سديم

من دون خلك الله اله اني يدزوني مخلفيني  للخدمة وابن  

تحسين هذا الزعطوط نوب علية تعالي شيلي ولعبي

واني السنة خامس وماملحكة على دروسي من هوستهم

وابن اريام ويا يكمز

وهاي العرمة زوجة تحسين تتنحس وتكلب وجها حصرة

شوفنة نلاعبه ونشيلة

شكد مابية احاول اقرة  واكبر همومي اطلع بنتيجة ترفع راسي امن مستقبلي اكثر من خواتي الشفتة بيهن ماردت يلوحني طشارهن

اماني شكد مابيها تغلس على نعمة وهذيج ماجنها  ندري بكل دروبها الدكتهن ويا بنات عمي الي يشوفن دم سنونهن ولا يشوفنا

اخذت عباتي وطلعت اشتريلهم كايده عبودي ابن اريام وشايلة ابن تحسين عباتي تزلك من راسي واعاين للدرب

امشي والرياضيات يطافر كدام عيني اعيد بلقريتة شكد

اكرها ودي امحي من المدرسة علة على كلبي

امشي وادردم وصلت لمحل تميم شافهم ابتسم ضليت اشتري

انطة مصاصة لبن تحسين رجعتها مشكور المن مشتريتلهم

تميم' بنتي هداية للجهال وية الكراتين تطلع'

سديم'شوفلك غير طفل انطي'

تميم'لصيرين نحسة جنج جهرت حسام وخري انطيني الطفل اجه اخذه بوسه وانطا المصاص وذاك مكيف'

تميم بوسة ويلاعبة اجت بالي ريحانة ماادري حسيتة ملايكلها كون ماتحبة وتتورط وياهم وينشلع كلبها

اجاب اجاب هزيت ايدي ويه دورتي انتبهلي  لفيت

عباتي جريت عبودي وابن تحسين بعدة شايلة

انطانيا وانطاني العلاكه مدري شحط بيها اجيت احجي

نب'للجهال مو الج سلميلي على الوالدة'

طلعت احرك بروحي على شنو ينطيني عايزيلة فتحت الجيس جكليت ونستلتين فوك الاخذتهن ومصاص

وجيسين جبس

يله زايد خير ذني اخذهن الي والباقي الهم رجعت للبيت طبيت بعدني بعباتي مرت عمي يمنة كاعدة وامي بصفها

فتت'هااا عمة شلونج وين ماتبينين'

'هلا عمة شلون عافيتج انتي الماتبيني تعالي للبيت كولي لشوف عمتي عمي البنات يسالن عليج ليش كاطعه بينة

دارة على امي هاي نعمة تفتر علينة بيت بيت وتسلم بناتج

كطعيات'

سديم' هااا عمه بدينة لاكطعيات ولا شي ملتهبن اني مدرسة ومااحك راسي وامني كلية وبس اريام وهم ماتلحك تخيط وايدها بلبيت نعمة شعدها فارغة وين تروح وتكضي وقتها تجيكم تخلص يومها'

امي ردت والتفتت خزرتني'بعدهن زغار وتعرفيهن مدارس يادوب يجن ياكللهن لكمة ويردن لدروسهن'

مرت عمي" البحبك يعاتبك وانه يشهد علية النبي بمعزت بنياتي اي دادا سمعت حسام يريد يزوج لا دورين ولا تعبين روحج عدي بنات اخوووي فلعت كمر"

اريام نزت كبل ما تكمل مرت عمي"يااا عمة جاية على حسام غير يخزينة شتعرفين بي هذا مايسكت حط شروط ومواصفات خلي هوه يلكة ويحير بروحه"

مرت عمي " ليش يمة شنهي شروحطة لاتفوتوهن انة لو عدي وليد جبير مااخليها اخذها عيونها شذر كليلي شنهي يشرط نوب زلم هلوكت ازوجنه لانة شايفة عمج ولا هوه شايفني

نستحي نكول اريدن اشوف خطيبي ماتذكرين خية من اجيتو طلبتوني لحد ليلة الدخلة وانة مااعرف شكلة من شكل اخوو "

امي " خية هوه من الاول كال اريدها  طولها وسط وحلوه وكشاخة كون وهيج محيرني بختيارة"

مرت عمي"ابشري يمي جنتج بس انتي طاوعيني وتعالي شوفيها وخله يشوفها ان مارجعتي وكلبج مثلج وتدعيلي

ماني بت امي وابوي "

امي عاينت لاريام نضرتها جنها متوهوها قانعه وماقانعه عفتهن ودخلت اكمل دروسي لليل خلصت ركضت يم اماني جريتها "سويلي شامية فدوة"

اماني "وخري مني وراي محاضرات بكد لشتي اكملهن واكعد اكمل الختمة اليوم السهره صباحية"

كابلتها"  حبابة بدت مسلسلتي شلون اباوع "

اماني"انتي شلون وياج سديم بابا وتحسين مو منعوج من هاي الشيطان من هسة مفتحة عيونج على طيحان حظ شمستفاده منها علم فهم وعي ديانة دين "

سديم " اوووو وين اروح اكمل دروسي واباوع هي ساعة ومابيها شي المسلسل يلة حبابة  لصيرين نحسة "

كامت تتأفأف مشيت وراها محضرتلها الجدر والملح والزين ومنكاسة الاذره وكفت بصفه بدت تحضر حمة الزيت خلت الاذرة كلبتها شوية بلدهن وسدت الجدر يمة اموت على صوت التطكطك مالتها طك طك طك

الريخة ترست خشمي لازمة الجبجير اماني تباوعلي بطرف عينها ضحكت

"وجع لهل خلقة من تنكتلين لتجين تبجين يمي اكتلج فوك كتلتهم"

رفعت اكتافي " مالج شغل بابا هسه يم عمامي وتحسين يم جماعته يرجعون متاخرين واني كاعدة بصف التلفزيون من احس عليهم اطفر اطفي لتخافين اختج سحليه ميت لون"

كفختني على راسي صحت اخخخخ "سحلية مالكيتي غيرها تشبهين روحج بيها  يله هاج لطولين كملي وطبي نامي"

الله منضر الشامية يخبل وحارة مالحة لازمه الطاسه واكل اماني نترت "سمعتي تكملين المسلسل وترجعين تنامين لضلين سهرانه"

اكل وحلكي متروس "همه ابوج واخوانج ينطون درب للسهر بعد شوية ويسولنه قضبان حديد وزنجلون البيت علينة وانتي لاحكتني على هاي الساعه الاتونس بيها واشوف هنودي  سحت من ذكرته الشعر شنو العيون جنهن بحر من زراكهن الطول الشكار  جعل عيوني ماشوف غيرك

امشي وسارحة بمخيلتي مااعرف شلون شعلت التلفزيون ودرة على القناة رحت بااحملي تخيلت نفسي احبة ويحبني

وماخذة دور نور ام عيون الجقل جنها شيش شوي من الضعف والحلك سحاب ماينسد

بدت المسلسل وطلعلي هنودي كلبي رف كمت تقربت كبال الميز وطلعت بت عمه بان ربي فدواتك من وزعت الشكول ماشمرتلي خلقة من ذني  اباوع ومندمجة متخيلة روحي

يجي يوم واعيش قصة حب مثلهم واتاني جيته بلهفة واضل افكر بي دنكت بلواقع معايشه هذا الشعور اي شخص اشوفة ماايرف كلبي الة خليت اهتمامي بس دراستي

فزيت على طكت بابا طفرت خليت ايدي على النقطة اطفيها وعيني على الباب شفت بابا من بعيد طفيتها ركضت للغرفة لزمت كلبي همزين مااشافني كزيت على سنوني هاي موعيشة واذا تابعت مسلسل تركي نموت

كعدت على جربايتي اريام كبالي تخيط دكم الدشداشة  وطرف الخيط طابكه علية سنونها  رفعت نضرها

" باجر بلاعادة شوفيها مو دوامج ضهري "

سديم"وامج شيسكتها هسه نايمه وماتدري بس شوفيني صير مريم القديسة علية "

ضحكت "كون تسمعج دكوملج بلعودة تكسرج نامي وارتاحي"

اني هم نمت كعدت الصبح على صوت اماني تلبس وسمي هاي راح يصير بيها وسواس من وره ريحانة شكول عليج كامت حتى امي تعلمها وتفتح عيونة بحيث امي الجانت مالها دخل بلبس

هسه تحاسب على الجواريب اذل طلعت مالابستهن

سبوع مر ومرت عمي قنعت ماما اخذتها وراحن يشوفن البنية صير بت اخوها ورةساعه رجعت تلكيتها من الباب هاا بشري وخرتني

"ملكوفة انطي صبر ارتاح اجينة مشي الكيات طارن علينة

اخخخ يمة رجولي ناوشيني مي"

ركضت جبتلها مي اماني طلعت من الحمام تنشف براسها شافت امي كالت "هاا يمة شفتي البنية"

ام تحسين" اي شفتها "

اريام نبت "اي وشلونها حلوه لا"

ام تحسين "البت عيونها ملونه بس شنو يمة جنها كصبة من الضعف معصعصة الله يستر عليها وخايفة لا اخوج مايقبل"

اريام " شنو حجيتو بيها لو بس شوفة "

ام تحسين " هي مرت عمج انطت مجال اكلتنة حاصل فاصل مو جنة ابني واني الاعاين واشوف التناسبة لو لا على مرام ابني ماكو جيبي البنية كعديها كبالي كتت الاول وتالي "

اماني " يمة الزبدة اقتنعتي بيها على مرام حسام البنية شكلها مناسب مو مهم حلوة فائقة الجمال المهم مناسبة واخلاقها "

ام تحسين " ماادري شلونها كلبي مامرتاح"

اماني " الله كريم عوفيها هسه استخار وان شاءالله خير"

ثاني يوم داومت بطريق الرجعة لاكاني كرم درت وجهي هذا جابة مشيت خطوة وهوه يتلفت واكف

روحي جازة منه تعديتة وكفني بصوته درت وجهي "شرررايد مدكول عيب الناس شوف وتنقد وتحجي

متستحتي هااا يله ولي منا"

همس كوة يحجي مبين فحطان وجها شاحب زراك جوة عينة مامهتمة بس اريد افلت روحي تقرب وعينة على طريق متوتر وكوة يطلع الكلمة

همس " ماريد منج شي بس ديربالج من ولد عمج  كح صدرة يصعد وينزل "

دنك يفرك بركبته يجر النفس جر عفته ومشيت  وية طبتي ستار ومرت عمي تعيط بطرك ثوبها بنص بيتنه وامي تلبس بجواربيها تك وتك

......... يتبع

مساء الخير

البارت عبارة عن بطلين من ابطالة هيج يلة اكدر اوفي حق القصة اي اختصار ماختصر رغم كثرة السرد هذا

قليل بحق الاحداث العدي

البنات الميكدرن يقرن حبايبي اتركو القصه لحد مااكملة وارجعو اقروها جرة وحدة

اي شي متعلق بلقصة من هسه انطيكم علم انزلة كروب فيس وعلى حساب الانسته هذا  sjo_a1995

غش جزء من البارت نزلته ستوري واليوم راح اسولفلكم سالفة رنيم بطلة قصة رغم نار الحب وموضوع الخطة شلون حماها طلبها وهي طليقت اخوو

قرائة ممتعة

بين الكاف والنون

الثاني والثلاثون

،،،،،،،  بقلم.. سجى الطائي،،،،،،

وصوت النواعي يلوحني

ويلتم باديّة الصوت بي

ريحة عيوني وبي هلي

و وحشة مسية

هلي يامن ضيّعوني

ـ، ـ، ـ، ـ، ـ، ـ، ـ، ـ، ـ، ـ، ـ، ـ،،ـ، ـ، ـ، ـ،

سديم

وكفت مخروعة من صوت مرت عمي كلبها مفرفح  دموعها على خدها امي لبست عباتها وراها مرت عمي تعدني وطلعن اريام عيونها مغرغرة دمع عبودي لابد وراها من الخوف

سديت الباب وطبيت  "شكو شصاير وشبيها مرت عمي تبجي منو ماتلها"

مسحت عيونها" ولج مأثر مدري شبيها شالوها جثة لا ايد ولا رجل تحرك "

استغربت " ليش شبيها"

اريام" مانعرف اجت امها تلطم بس افتهمنة طايحة وراكض بيها ابوها واجت اخذت ماما وياها "

ذبيت جنطتي من جتفي انقهرت على مأثر شبيها طاحت كعدت مددت وانتجيت على الحايط جواي مدة امي فارشة وحصير الوان والكاع صبابة عود على زواج حسام يكيشون الارضية

اريام طبت تكمل خياط اماني بلكلية صوت دبجة رفعت راسي نعمة نازلة وبيدها لست هدوم الكفشة صفرة لافتها بجاروبة سودة والدشداشة هادلة من الجتف

صافنة عليها هاي متحس على روحها الوجه بي الف لطامة والحلك عاجته والحواجب اثخن من شوارب تحسين

وشواربها كل ست اشهر يلو تحفهن والريحة بعد متر اشتمها خرب جسمي كزبر  حست علية التفتت "شكو تباعين مشايفة خلقتي"

سديم " شباعنه بيها من كد ماامترسة معدتي كلبت "

نعمة"شنو قصدج"

سديم " مااقصد شي نعمة عوفج بحالج لا دورين تحاريف وياي حيري بروحج "

نعمة " كح....  انتي واختج ام الكليات البايرة تغارن مني ضلن نامن على كلب امجن وضبن الضيم علية وتتحارشن بذبان خشمجن "

عكدت حواجبي هاي عليمن" على منو تغلطين نعمة محد كربج ولا واحد واصلج متحمليج لخاطر تحسين ونعديلج سوالفج خليج بحترامج نحترمج لتفشرين عيب"

نترت" عفت العيب الجن مجذبة اختج ماتفرفر بلكلية ومن حظن ال.....  وماملفيتلها كوا.....  ياخذها  تنكت دو..  مني

لان اني مزوجة ورجلي يحبني وعدي ولد وهي ضالة

على كلب اهلج "

صحت "شبيج انتي مخبلة هوه منو يمج اماني شوكت متقربة منج جرتني اريام سدت حلكي انفعلت وصوتي عالي

اريام"   كافي نعمة كملي شغلج وصعدي فوك وكفينة من مشاكل هسه يجي ابويا والولد بس يسمعون صوتج دكب"

تخوصرت  صاحت " خل يجون يشوفون عرامتجن  واني اسوي مشاكل كولن انت حياية تنكتن مني غوارات علية المطلقة والعوانس  ماخايفة يجي عمي واكلة "

اريام خافت تعرف بابا ضدنة حتى لو هي الغلطانة يوكف بجانبها ويرزلنة وماتخلو رزايلة من الغلط " نعمة البيت بيتج

وشتردين سوين سوي بس فكينة ولا تاخذين بحجي هاي زعطوطة "

نعمة"  عشتو زعطوطة بكد البغل ولسانها اطول منها "

نار بية كبت مال اكلها بسنوني جرتني اريام تعت بية طبت وسدت الباب جسمي يرجف وجهي صار دم من القهر والحركة

ساكتين ومتحملين عرامتها وخيستها لخاطر تحسين والطفل

كم مرة وصلت باخوية يطلكها وابوية يكعدة عود لخاطر ابنة ميدري بابويا يشتغل ضدنه وكل همة يكسرنه

ورة ساعة طبت اماني مغيمة من التعب سبحت وصلت ونامت وراها بساعتين اجت امي العرفنا مأثر وكعتها عادية صاعدة على برميل يم سياج الفاصل بيناتنه

مدري شتريد وملتفة رجلها وطايحة ايدها مكسورة  جبسوها الها وراجعين بلطريق  بعدها امي تحجي يمنة بلغرفة رفعت راسها اماني وكالت" حبوتنه ماتتعداها بت فوزية "

امي " عاب حلكج ضلين حقودة يمة مو بنية شابة وبعدها زغيرة لضلين بحقدج كلبج ينملي ويقسة وربج مايرضه بجحود الكلب "

اماني كعدت تلم بشعرها وتحجي " هيج ناس سحارة الله يقبل متكولين الله يزيدهم ويمليهم ويحيطهم بعمالهم  من كل جانب ويجعلها بينهم ويشغلهم عنه كولي يكرفسهم  "

امي خلت ايدها على خدها متفاجئة " يااا يااا دهر  مو لسان رشاش شجاج يمة البت زغيرة وغلطت سبحانة المايخطاء

ربج قادر يغير حالها ويهديها "

اماني " شوف امي يااام ذولة ميتوبون التوبة بعيدة عليهم مثل اخوت يوسف اربعين سنة وماتابو ولا دكو باب التوبة عبالج التوبة لكل ماهب ودب يتوب توبه نصوحة ويصلح

حالة مو يومية زار....  زر...  خل اسكت احسلي انتي ترفعين الضغط"

اريام طكتها بضحكة  هههههههه اماني هههههه بداعت امي

عيدي الدعوة يحيطهم بينهم وشنو ههههه يكرفسهم  ههههههههه

امي ضلت تضحك واريام تسكت وترجع تضحك واني اضحك وياها على واهس بس اماني تباعلنة معاجبها

مرت فترة شهر وعرفنة مأثر عايدين الجبس مال ايدها العظم منحرف وباني على غلط

رجعت مرت عمي الثاني فتحت موضوع حسام وخطبتة من بت اخوها هناا كعدت امي تقنع بي بس شوفها واذا ماعجبتك

نكلهم ماكو نصيب ويادار مادخلج شر

ثاني يوم راحو كلهم ساعة ونص رجعو حسام ماقابل ومرت عمي تمدح وترجع اليورة كرعت راسنة وحسام ساكت بس داخلة رافض خلو يفكر

ثاني يوم كال ماعجبتني  امي رادت تحجي نبت اماني واربام هااا يام مثل تحسين عوفي على راحته نسد

الموضوع منها

ريحانة

يخنكني حتى الهوه احس روحي مو اني اردد وسبحتي بيدي طلعت للمطبخ افتر عسى تهدء نفسيتي اردد ١٠٠ مرة

يا مغيث أغثني

يا مغيث أغثني

يا مغيث أغثني

كملت رجعت رددت هذا الدعاء

اللّهم لك أسلمت وبك امنت، وعليك توكلت وبك خاصمت وإليك حاكمت فاغفر لي ما قدّمت وما أخرت وما أسررت وما أعلنت وأنت المقدّم وأنت المؤخر لا إله إلا أنت.

عن الامام الصادق  قال عجبت لمن خاف كيف لا يفزع الى قولة (حسبنا اللة ونعم الوكيل)  لانة تعالى يقول عقيبها ( فانقلبوا بنعمة من الله وفضل لم يمسسهم سوء)

وعحبت لمن اغتم وكيف لا يفزع الى قوله (لاالة الا انت سبخانك اني كنت من الظالمين)  لانه تعالى يقول عقيبها ( فاستجبنا لهُ ونجيناه من الغم وكذالك ننجي المؤمنين)

وعجبت لمن مكر به ولا يفزع الى قوله تعالى (وأفوض امري الى الله ان الله بصير بالعباد)  لان الله تعالى يقول عقيبها(فوقاه الله من سيئات مامكروا)

وعجبت لمن اراد الدنيا كيف لا يفزع الى قوله (ماشاءالله لا قوة الا بالله)  لانه يقول عقيبها (ان ترن انا اقل منك مالاً وولداً فعسى ربي ان يؤتينِ خيراً من جنتك)

رجعت رددت

يامنع من كل مانع ١٠٠ مرة لدفع الاذى

ياقدوس ١٠٠ مرة لراحة النفسية

اسبح وامي بلطرمة كاعدة  تنخل طحين  جسمي وحدة كزبر عرفتة موجودة غمضت عيوني سحبت نفس كمت يمها اعاونها باوعتلي

" وجهج اصفر خيرج امي منايمة من البارحة مريت من غرفتج شفت ضوه الشمعه مو كاعدة"

هزيت راسي " وحدي قلقة وخايفة احس البيت يخنكني وضعي مخربط ماما من يجي بابا خلي ينشرلي ايدة ارتاح عليها هوه وجدو"

" روحي ارتاحي بغرفتج من يجي اصيحج لضلين كاعدة نامي "

ريحانة " بعد ساعتين يأذن "

" لشيلين هم كومي امي عود اكعدج ماتفوتج الصلا "

صدك كمت طبيت الغرفتي صرت اخاف حتى من الضلمة رغم دنيا عصر واكره نوم الغروب يزيد الهم

مددت جريت الجرجف غطيت روحي عيني صوب الشباك المغطه بتور ابيض جوا بطانة بلونة  رجعت لذاك اليوم الشافني بي ابو الامنية بيومها متت من المستحة  صديق اخويا هواي حسابات صارت براسي

وحجاية تميم ادك براسي حضري روحج ورة العيد جاايكم  كل شي يدل على الصدق نبرت صوتة الهادئة

كونة وياي ويا جماعتة غير الداير مدايرة يسمعه

عمر احساسي ماخاب كنت اشوفة مستقبلي انزرع ويا نياط كلبي شكد حاولت ورددت اليصير مو من عاداتنه

ياهي تحب وتزوج بس سكينة وصارة من الصدفة الربانية قسمتها خلا يكون استاذها

غمضت شكلة يدور كدام محجر عيوني كل همسة كل نضرة كل بسمة ترويني وتمـليني شوگ  كل تفكيري

بوعدة وجيت اهله

الواقع يرجعني الف ميـل اليورة وتبدي مأسات الكلوب لو رفض والدي لو حس برتباطنة الروحي لو عرف بليصير

كلبت للجه الاخ والف وساس صار براسي ماكدرة انام من التفكير

سمعت صوت الجامع مشغلين الطبلاوي كعدت مالي خلك اقرة قران صايره اتكاسل كفيت الغطة وطلعت تكتم تحمس بلحم وبطنها بدت تبرز رقم بعدها بلاشهر الاولة

وكفت بصفها ابتسمت "ورة العشة نصعد بغرفتي اريد امكيجج عاجبني اشوفج بلمكياج"

عقجت وجهي "مااريد بابا بس يشوفني اترزل ومااريد ابجي عفية "

تكتم" منو يمنة ماايدري فوك نمكيج ونغسل وهم اسوي كيكة وعدي ببسي وحلويات جابهن رضا ولج مادام اخوج راح يشوف الطوبة ويه جماعتة نستغل الوقت ونونس روحنة"

ريحانة" بس مااخلي مكياج "

تكتم " معليج خليها علية محد يشوفج وخالو يرجع تعبان كبل ينام وين يشوفج بعد "

ضليت رافضة وهي تقنع سكتت بلاخير خلي اجرب شكو بيها تعشينة بلة بابا ورضا كمل وصعد يبدل كمت اني سويت جاي وتكتم لمت السفرة ومسحتها طلعت اشرها

واني حضرت طاست الاستكاين طب بابا واني اخلي المي الحار كال " بابا صبيلي وياج جاي وجيبي للصالة"

لاف عباته على ايدة وفوكاها كتب طب اسمعه يحجي ويه ماما كملت تحضير الصينية دخلت تكتم من الطرمة تمسح بيديها كالت " سمعت صوت خالو "

ريحانة " اي ستوه اجة "

اخذت الصينية كعدت صبيتلهم جاي وماما بلهول وبابا بلصالة وديتلة لستكان اخذة مني ونضاراته لابسهن كدامة اوراق يدقق بيهن

طلعت وسديت الباب باوعتلي تكتم كالت يلة وصعدت كدامي رحت وراها

راح يصير على زواجهم سنة الايام الدخلت غرفتها معدودة بدت طلع بعلب المكياج واني صافنة وخايفة

والدي اذا شاف هيج مجرد لون حمرة على شفتي يصير

غير واحد عدوة المكياج حتى تكتم تستحي منة وتتردد تخلي وتنزل يمنة بس بغرفتها مكتفية ورضا عاجبة هيج

تكتم واكفة تختار لون الحمرة والضلال ومااعرف ايش

واني كلبي مية دكة يدك  كتلها" فدوة تكتم عوفي المكياج"

صاحت اهووو شبيج حتموتين هوه هنا نخلي ومن تنزلين غسلي بلحمام شمدري هسة شوية وينام

سكتت غصب عني كعدت كبالي بلشت تخليلي واني فكري كلة يم والدي اتخيلة على ساعة يصعد ويشوفني

واللة يذبحني

قويت روحي وستسلمت تبلل السفنجة بمي وترجع تمسحها بعلبة الباودر وتمشيها على وجهي اكثر من مرة حكت وجهي حك " اخخخ وجه مو حايط تحكين بي بكاغد سنباده"

ضحكت" علمود تسحبة بشرتج الصفرة "

ريحانة مغمضة واسولف" مدري شنو لونها وجهي مائل للبياض ومرات يصير اصفر "

تكتم " لا انتي حنطاوية ولا بيضة اليشوف وجهج يكول حمرة بيضة وايديج بيض بس جسمج حنطي وبي  خيط بياض ومرات يصير ابيض "

ريحانة " مدري وحدة جسمي يتلون"

تكتم" ضلي مغمضة اخليلج لمع فوك الضلال يصير لون ملمح يخبل هههه"

ريحانة" اذا مو حلو شايفة هذا مكياجج كلة اخربة لو امكيجج مثلة "

تكتم " جاية على اخيتج سنة كاملة اجرب بخواتي لحد مااضبطة المكياج كمت اسوي مثل ذني بلجرايد والمجلات يومية اتمكيج لخوج يطيح على وجها"

ريحانة " هوه رضا يحبج "

تكتم " فدوه العمرة شعدي غيرة "

نسولف ويدها تشتغل متقبل اشوف وجهي بلمراية لحد ماتكمل واني ناسية روحي مكيفة اول مرة اجرب المكياج

ساعه تنومني على رجلها

ترجع تكعدني وتكابلني تباوع لعيوني وترجع تمسح وصحح خوش صالون تعبتني وهي تفر بيه لحد مااصحت "تكتم لو عدج صالون بليوم بس ثنين تستقبلين"

تكتم " والكبر  اسويتلج فوك ماامكيجها  "

ريحانة" فريتيني فرر جفن عيني راح كل شوية ماسحة وخالة  بس اخخخ عيني "

تكتم "هي هيج المكياج اني هم بلبداية خلتلي  ماعجبها مسحته عادي صير"

سكتت بلضبط ساعة ونص بس الحمرة ربع ساعة كملت وكفت تبعد بيدي وخرري افل شعرج يبوو فتحت الضفيرة وشعري طويل وصاير مدرج من كبست الضفيرة

كلبتة صفح وكفت تعدل بي كالت يلة كومي شوفي ابداعاتي وكفت كدام المراية تقربت ماعرفت نفسي

الضلال ازرك دامجته وية الرصاصي غامق والحمرة

حمرة بارزة شفتي والكحل جارته ومسكارة موسعة العين

طن خالة باودر حسيت روحي حايط بورك من البياض

كالت "لو حواجبج حافتهن على هاي شمرتهن اطلعين اطكين بلكاع صاكة بت الصاكة"

ضحكت طولت واني فرحانة بشكلي مانزلت عيني من المراية كعدنة سولفنة طلعتلي حلويات وحب سولفنة كومة اخذنة الواهس واني مكيفة بروحي كل شوية

شايفة روحي بلمراية وتكتم تضحك ساعة وطفرت غسلت وجهي ونزلت جوة ضال اثار مكياج كوة روحته

اجة العيد واني الخنكة مرافكتني شكد اسبح ارتاح بلشنة بتنضيفة العيد وهوستة يومين اني اكرب تكتم مانطيها ثكل الشغل الخفيف علمود حملها

بليلة العيد كعدنة سوينة كليجه سهرنة عليها ثاني يوم كعدت متكسرة عايدت اهلي بابا انطاني وانطا التكتم  خمسة اول عيدية احتفظ بيها ومااصرفها كل مرة اركض اودي ماما تشتريلي بيهن

ورضا انطاني وغمز المرته المايستحي وذيج تضحك امي كالت "لازم معايدها ولك كبلنة"

ابتسم "هي عيديتها تختلف صبحت بيها وانطيتها المقسوم هااا بويه مقصر"

شردت تضحك وابويا صاح بي "رضا اختك كاعدة انتبه الكلامك"

رضا رد" ادري يابة قابل رياحين زغيرونة ابتسملي شيطانة ولا جنها شوفها يابة  كاعدة جنها صل "

ريحانة "اني شعلية انت مدري شتحجي ومرتك فاكه حلكها للهوى"

ضحك "سيد  امن بتك جوزتها طافية ويكلي اختك"

امي صافنة مبتسمة على حجينة "اللة يستر عليها عوفها يمه لا تفك عينها وكلامك راجعة تبقة بنيت بيت"

كال " يابة بعد مانشاقة شنو سالفتكم هي مافتهمت عليمن تكبروها وبعدين عمرها يستحق الزواج اذا فهمت وعت من جانبها "

والدي رد "من يجي وكتها امك توعيها"

ديعاملوني وكاني طفلة صح مزاح رضا وية تكتم ماافهمت مقصودة من كلامها عرفتة شي  بي عيب

تريكو وطلعو يعايدون الجيران هاي عاداتنة يفترون على جار جار الصوبة كدامي مخلين قوري الجاي وماعون الكليجة بلصينية

وزعت الستكاين صبيت الي ولمي شربنة جاي وكليجة

بيتنة ميخلو من الخطار بهبج ايام جاراتنة بيت جدي وخالاتي نخابرهم ونعايدهم واحد واحد

مرن ايام العيد ثالث يوم العصر لبست دشداشة خيطتها اريام اخت اماني حلوة نيلي وبيها طوبات حمر وبيض لبست حجابي

كاعدين بلمطبخ وبابا بلصالة يمة صديقة شيخ حوزة ثواني وندك الباب

بابا طب وجه كلامة لمي "ام رضا نسوان عليج طلعي ستقبليهن"

ارغد

شهكتها وصوت نواعيها شكن كلبي  جاي ابن عمها وعمها مهدديها اذا ماقبلت يكتلوها وهاي شاردة منالصبح  " وين راحت خابرتي ابوها بيت عمها "

ردت عمتها " شدعي علية ابوها هم اب سالتة ولا عبالك بته من دمة يكلي شوفيها وياا يا كرن رايحه وعمها بس اخابرة يجي هداد علية يفضحني بلمنطقه والناس تعرفني  ومطالع صوتي تالي عمري يطلع صوتي  "

ارغد " خالة شسوي اذا مو يم ابوها وين ادورها بغداد"

عمتها" فدوه اروح الطولك خالة ابوس ايدك بنية شابه

وين تولي لا طيح بيد المايخافون ربهم دورها باي مكان خابر الشرطة "

فركت وجهي استغفرالله شلون بلوة  دخنت حاير ادخل روحي اتورط اعوفها ضميري يانبني بنية بعز شبابها وشكلها حلو يتعرضولها بلطريق يكيفون عليها الشارع مايامن ياخذوها يشغلوها دعارة وهي تريد بس تخلص

اشيل ذبنها العمر كلة بس اعوفها الحيرة اكلت راسي

ماتحملت ساعة وطلعت اخذت محمد وياي محد أمن بي غيرة مشيت وياا شكد لغة راد يعرف شكو ماتطيته فكة بس سد حلكك حالة انسانية

مااقنع كوة سكته بلشت بمنطقة ابوها دورتها فرع فرع

لليل واني بلمنطقه ادور عمتها وياي على التلفون مفرفحه وهاي المرة راح تموت من وراها

والله اذا الزمها اله اعلسها  مالكيتها بمنطقتهم رجعت بلطريق محمد ذبني بكوفي كعدت ادخن نزلت كهوة

سحبت الجهاز دكيت عليها ماكو مغلق الف فكرة اجتي براسي والف حتمال الخوف صار اضعاف لا صايرلها شي

مغتصبيها كاتليها

ساعتين من التفكير ماحصلت شي رجعت اليل مانمته من التفكير عمتها ماتت من البجي من الصبح  طلعت رحت العمتها اخذتها وبلغنة  الشرطة  طلعت دورية بعد مااعرفو مر يوم كامل على اختفائها

واني وياهم من بيت البيت اول ما بلشو بمنطقة عمتها

عممو البلاغ كل السيطرات

ضلينة اني وعمتها ندور طاحن رجلينة المرة فحطت كعدت تونون مهدود حيلها ماكسرني غير ونتها ودموعها شكت صدري رفعت راسها صوب الكاضم اشرت بيدها ابوالجوادين حلها والحلا ناخيتك بضلع امك الزهره بنية حديثة وين تولي بهاي الولاية الكشره

حلها احلفك بغربت ابنك بمصاب جدك بنحره بسبي زينب

ماسكتت كل حلفان يهز العرش ساعة نهد حيلها سكتت مدنكه وايديها على رجليها بس دموعها تحجي

واني الحاير وين الكاها حتى كلام مااعدي احجي وياها واصبرها واهون عليها دك جهازي طلعتة من جيبي رقم غريب

جاوبت "سلام عليكم ارغد وياي"

"وعليكم والرحمه اي ارغد منو حضرتك"

رد الرجال "عمي اني ابو حازم جار ام غايب"

"هلا بيك كول عمي محتاج شي"

ابو حازم " يابة عدي حجاية وية ام غايب اذا يمك انطينياها "

وخرت التلفون كتلها "خاله هذا رجال جاركم اسمة ابو حازم تعرفي"

كالت "اي يمة هذا ابو محل المخضر دوم اخذ منة ويانة عشرت عمر"

انطيتها التلفون "يريد يحاجيج"

اخذت التلفون سلمت علي مدري شحجة وشهكت "يمة سايمة الله ومحمد عليك مابيها شي"

"جانت يمكم من الصبح دخيلك يبو طلبة دخيل بختك يم ربك اي عيوني ابو حازم  لالا خلها بس انطينياها احاجيها"

" هاا يمة وكعتي حيلي ليش عمه هيج انا رخيصة عدج ماتفكرين بية دكولين هااي عمتي شيصير بحالة لو طلعت بدون ماتدري لو صاير بيه شي  اهون عليج رغيدة يمة وانتي الغالية ترخصيني وطلعين "

"كافي لا تبجين ادري بيج غير فريت بغداد ودولبت الوليد وياي ورحنة للمركز والشرطة هسة دور عليج

جان انطيتيني خبر ولا هذا نص حيلي راح احس رجلية بعد ماتحملني كاعده وانوح  عليج والخوف اكلني

مية حسبة حسبت اخذوج خفوج سولج شي"

وكبل جريتها منها واسمعها تبجي صحت  وشياطين كلهن جمعن براسي "طاااااايحت الحظ شلون طلعين بدون ماتكولين وين مولية ادبسزز حيواااااانة وين بالج من

وليتي  لو الزمج اله أعيد تربيتج من جديد  لج انتي مافكرتي

بعمتج مرة جبير نهبد من بيت البيت نفتر بلشوارع

على خلقتج الزفرررررة

خنست لااااااا سكتين احجي ماافكرتي من طلعتي

دماغ سزززز اماااخليتي عقل براسي الف حسبة

اجت على باااالي كلت اغتصبوج وذبوج اخذوج

عصابة خطفج ابن عمج العار

احجيييييي خرسيتي من اجي اغسلج احد يلومني

كلبة سديتة طالعة روحي المرة ساكتة

ماحسيت بنفسي من حركت كلبي اخذتها رجعتها لبيتها ورجعت للشقة ضلت يم الرجال جارهم ابو حازم لحد ماعمها يأيس منها لعبتها صح النغله

خلتنة ندور ونخابر ونبلغ الشرطة علمود عمها وابوها وابن عمها يصدكون بختفائها  وبلفعل وره يومين

جاااين مدورين ولاعبين جولة بختهم مر سبوع حتى للكلية اجو وسألو طش خبر اختفاء رغد  اشكال حجي اسمع عنها واكل بروحي مااكدر ابرر عنها يوصل خبرها

لعمها وابنه

بعد مااخابرت ولا اني الدكيت اعرف اخبارهما من عمتها الرجال مستقبلها ومتفهم وضعها

سبوعين واني بالي يمها عرفت حازم جبير بعمري وهم يداوم جامعه شد بالي يمها حاجيت عمتها توصيها دير بالها على نفسها ولتطلع كدام احد

والمرة تحذر وتخابرها من تلفون الرجال وتوصي وابوها ماساكت يوميه هاد على اخته حتى مخلي مراقب عرفة ابو حازم من وكفتة وسيارتة حذر ام غايب مااتجي البيتة

ويحسون

راحت عليها السنة وفلوسنة بلشط ضليت بين شغلي والجامعة خلص رمضان واجة العيد خابرتني امي

خالتي شارطة علية بيت وحدها فزيت على صوت امي

خليت ايديه على راسي شلون بيت وحدها منيلي اني عيشتي وكوه مدبرها  سديته منها

كعدت احسبلها الة تصبرلي ورة تخرج واقدم على تعيين اذا طلع سهلة  واذا ماطلع تعييني سحبت نفس واذبة بنفاذ صبر الهموم ماسد بابها بوجهي

سولفت السيف كال حاول وياها تصبرلك لحد ماتخلص هاي السنة والباقي الله كريم الف حلال يحلها

ابسط الحلول عدي اعظمها على كلبي المهم ماتروح من ايدي حاولت ويا الحجية تقنعها تصبرلي بس اتخرج

امي ماراضية دكلي عوفها واني روحي بيها شعوف مااعولت بس تقبل جبتها منا وديتها منا سكتت مجبورة

سيف الدين

شهر ترتب البيت زياد وفرات ورة بيتنة فرق بينة شارع سوينا عشر امتار  بيت بصف بيت

بيت ابو رائد بصفنة وبيناتنة امتار كل البيوت مسجات

نقلنة الغراض ونصهن اشتريناهن جاهز من اليوك اثثنة البيوت

زياد حار بيته وفرات مثلة اني توليت مسؤلية بيتنه وبيت ابو رائد الرجال ايدة وياي الشيخ مايكدر يروح ويرجع للسوك يتعب امي الحجية اخذها هي تشتري اعرف بلاجهزة منيوالمفروشات

كمل الشهرين استقرينة

كل هاي المدة راسي بكل شغلة لاهي الة روحي شيلهيها

يجي اليل وكلبي تبدي حسباتة يهيج الحنين

غبره دنيانة وعيشتها مرة ناار وتسعر بية سوتلي حديقة وسيجتها وخليت بيها كراسي وطاولة نلتم بيها انة والشباب خواني ومرات الشيخ

نتعلله بيها لتالي اليل وكلماً يرجع البيت وانة يابيت الارجعلة حالي مثل حالة الشباب اكول ارجع لبيت اهلي

البيتي واستقراري والكة مرتي تستقبلني

عاينت للمنفضه انترست كطوف كمت نفضت دشداشتي وردت لغرفتي صعدت مددت

سبوع مر

كعدت على صوت الشيخ وزياد ومصايح فرات بطرك الشورت والفانيلة نزلت

فرات " شنو مااكو شي لو نبيع ونسلمهم الفلوس لو يكتلوك لو يكتلون سيف وهاااي الطلقة "

زياد " بابا مخانيث ميكدرون يسوون شي جبناء يخوفونة بورقة "

فرات " زياد لا تكف.....  لك قتل قتللللللل رب الكعبة تعرف شنو قتل ماتخاف على جهالك امك ابوك اذا راح واحد بيهم "

......... يتبع

حبايبي رغم التاخير نزلت البارت بدون تصحيح

قرائة ممتعة