تحميل رواية «بين الكاف و النون» PDF
بقلم saja altaie95
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
بين الكاف والنون (كن فيكون) البارت الاول الكاتبه سجى الطائي ////////////////////////////// هلي ... وسيّرتوا عليّ بوحشتي ... حݘاية بريد ، وبيت نايل وشتهيتوني آكتب الكم عن وفا البردي وحنين الماي ودموع السنابل وعن عين التلم اللّيل دمعه ،وتعتلگ وكت الوفا شموع ومشاعل وعن الگلوب التموت بلايا سم وبلايا رايه وعن شمس طلگت بسمها وعسّرت بآوّل قضية وغربتي وصوت النواعي يلوحنّي وتلتم إيديّه الصوت بيه ريحة عيوني ، وبيه هلي ؤوّحشة مسيّه هلي يامن ضيعوني _________________________ صوت الجيلات قويه واكف العب بلرمل...
رواية بين الكاف و النون الفصل الحادي وثلاثون 31 - بقلم saja altaie95
بين الكاف والنون
الثالث والثلاثون
،،،،،،،،،،،،، بقلم سجى الطائي،،،،،،،،،،،،،،
انا شوك الغريب الكرب ولاح
انا حسرة هذاك الايس وراح
تعنيت اليخوف جلمتي سلاح
انا العن الشماته بوجعته ارتاح
انا الكل ما تحصده يردله سباح
ذهب من زيج حلوه و بالدرب طاح
هوة عذيبي عل روح الشكر فاح
يلي مضيعين عمري هنا يلوك...
سيف الدين
فرات يحجي بحركة دمة فاير وزياد متوتر بس مايبين كعدت الشيخ خال ايدية على راسة
زياد" انتو لتكبروها ميكدرون يسون شي مصلحتهم الفلوس اسد حلكهم بكم مليون "
فرات"هذا حل نضل عايشين بخوف على ساعة ينكتل واحد من يمنة ماعرفتهم منو شوكت نرتاح ونعيش بستقرار زياد شوفلك صرفة اني مامستغني عن روحي وجهالي "
زياد" لسويها هوسة تعرف شغلي بزمن النظام وكلنة جمعونة وية الاحزاب واني واحد منهم ويشهد علية الله مااعدي دم بركبتي ولا بيوم وشيت باحد ولا انتميت للحزب "
الشيخ" ابني انت متعادي وية احد شلنة من الكوت يادار مادخلج شر شنهي ثارهم وياك ثلث محافظات نحط بيهن
ولاحكينك لهنا شنهي معناها بويا
دار صوبي كتلة " هاي جماعة مترصدتك وعدهم كل تحركاتنة شمعرفهم بمكانة والسكن "
رد " هسه ابلغ واشوف الولد ونعرف شنو تاليها"
كتلة" حول يابة شلك بدوخت الراس واطلع منها جهاز لمكافحة تعب "
نب" سيف شحول هي لعب ابني غير قانون وجيب فلان وفلتان "
سيف" جهاز مكافحة الارهاب افضلك هلمرة تهديد مرة لاخ يرموك وانت نازل صدك طلعتو شفتو الشارع دورتو على فد دليل تاركي اثر الهم "
فرات " خلي العناد ايفيده كوم سيف نطلع نعاين نسأل الجيران احد شايفهم "
كمت واني ناسي نفسي بطرك الشورت وكلهم كاعدين صعدت بدلت ونزلت فريت الشارع دورت بين القطع الفارغة بصف بيوتنه
لاكينة كم شخص سألناهم مايعرفون هوه شارع اشكال يفوتون منة البيت المقابيلنة دكينة بابهم طالعين اصلاً مامتواجدين
رجعنة وامي الحجية تلوب ودمعتها بعينها من القهر زياد رغم قوته يبقة بركبته اطفال وزوجة اخذنة احتياطاتنة بلغنة عن التهديد وزياد وياي اجت دورية كاملة
مرت الايام واحنة باواخر 2008 عمرة الاركيلة اخذتها للحديقة فرات يمي ولد صاحبي فرات نفسيتة طيبة وبعيد عن السياسة انسان يحب الهدوء مالة بلمشاكل عايش الروحه
انتجيت بعد مااراحو وتاخر الوقت عاينت الساعة ايدي ب12 الوقت رفعت رجلية خليتهن على الكرسي الكدامي السمة والجو حلو نزلت جسمي تجيت راسي غمضت اريح بالي
من التفكير
اكره الوحدة تعيد علية الذكريات ترجعني لكل نقطة تحيي بية الوجع كلبي موحمل هموم كاافي علية تعب الغربة فراك
اهلي جملتة لسنين واني اتأمل بيهم كمرة بليلة بدرية يضون
حياتي ويردوني لذاك الطفل
كل حلمة يغافل ابو ويطلع يلعب وية صحبانة وبين درابين السوك ويم المحلات يعرف كل زاوية بي طفولة بريئة عايش
على طيبت اهلنة
سحبت نفس اتنهد تخلل بانفاسي عطرها هدت روحي مثل مي بارد وروت بي عطشان بيوم من ايام تموز
خطواتها الهادئة داخلي مبتسم
طكت مفصلها
تنهيداتها الخايفة
مامنها مهرب شما ابتعد نضرة منها تردني وتجوي كلبي
عدلت روحي وية ديرة وجهي رفعت عيني همست منصية والخوف تارس وجها "باردة عليك ادخل للبيت"
سيف"مرتاح هنا لضلين هنا دخلي لا ابوج يشوفج "
لافة روحها رغم برودة الجو مااحس بي من حرارة جسمي
" ابوية نام من زمان وشفتك وحدك وضال بس بهاي البلوز
خمشني كلبي اخذ هاي الغطوة دفي رويحتك بيها"
مدتلي ايدها اخذتة دارة وجها تعاين الوراها وكفتها دكلي ناديني اكعد وانه شارد بروحي ابوها لو شافها هي التتأذة
تنهدت " ردي المكانج وريحي بالي وكفتج هنا غلط وجيبين الروحج المشاكل "
الما" صدك السمعته من ام نور سيف هيج كلبك بطل وعفتني ملوعه على شوفتك واناطر الدرب وانة عيني اصد للباب كونك موجود بلبيت ونفسك بي يكفي عدي مو الة نزوج"
عكدت حواجبي حجيها يذبحني " كتلج ردي لغرفتج مو وكت هلحجي "
بجت التفتت دموعها على خدها تنهدت بضيق احس صدري قبط " بيش احلفنك لا تعوفني انزف الغيرك روحي تروح والله اسوي بنفسي شي مااطيق غيرك روووحي بيك
شلون تكدر تخلي غيرك يلمسني "
نترت " جب جب الما لا طلعين حسي ودنيا ليل والوادم نايمة
شترديني انهبج وانزل راس ابوج ويضل العار لاحكنة طول العمر
لو ولد عمج وعمامج الي يحاسبون من عين باجر اخذج وين مصير خل صير بس فكري وراج اخوات واخوان وراج ام واب
الشيخ والولد ذنبهم شنو صير دم ويرجعون عليهم هيج انة مرخصهم ومتهمني حياتهم لو سمعت اهلج اصير بلحضيض
لتجبرني بدرب مو دربي احبج انتي روحي كلشي يتعوض بس الروح صعبة واحد يعوضها وانتي روحي البجسمي بيج احيا وبيج اموت اذا طلعتي منا وانتي على ذمت غيري
اهون علية ولا اخليج بصمة عار لهلج ولخوانج وللشيخ والناس تاكل بينة اتحمل عذاب بعدج ولا كربج واني
ابزق بلماعون الاكلت منه لتستسهليها وهي
بيها عار ومعيار لتنلضريها من جانب نرضي ارواحنة ونبرد نار كلوبنا بااعي للعاقبة جهالنة لو اجو للدنيا ويجي يوم يعيروهم ابوك نهب امك لو
مااريد اكمل واشكك باخلاقج اعرف من حبج الي تنهدت مخنوك فركت وجهي كمت افتر اريد اهدء صوت بجيها بخنيك وترني
دنيت اهدئها " وحك الحك والرفع السما بلايا عمدان والخلقهن بستة ايام انتي عدي بغلات روحي لو مااريد ارغصج وانتي غالية عدي لو مااريد اجيبلج لحجاية الموزينه
لو مااريد اخلي الوادم تعلج بيج جان من زمان ماخذج وخالهم ناس تاكل ناس
انتي غالية على كلبي وحبي الج اضعاف بس النسوي غلط يلوح حتى الشيخ وخواني والله الوادم تتكاتل من ورانة صير
بحر دم ولا تصورين زياد يسكت ولا الشيخ وتبلش حرب الكرايب علمود حبنة
ابوج فكري بي مهما يقسة يضل عينة عليج اطلعي منا برفعت راس اله ولا بعار ينزل راسة وراسج اخواتج السمعة تلوحهن اخوانج امج
والزمن بعدين شيصير يمكن نرجع نصالح وياهم بس المواقف تضل وهاي سمعة مو هينة حبيبتي جبنة اخخخخخ يالوعت كلبي وبلوتي "
دامني احجي الدموع عشرة عشرة والله تعبت روحي رايحة
هلكد دموعها تعتب عفتها درت وجهي اريدها تفكر بعقلها تعوف كلبها مو زغيره
مشت خطواتها واني منطيها ضهري شبيه من قوة ذبيتها هنا
مااريد اأملها على الفاضي ادوس على كلبي وخليها ترتاح واريح نفسي عايش بعذاب يوم يوم اكول باجر اسمع زفتها
طبيت نمت ثاني يوم رحت للمقر داومت عدنة الامر فد انسان اعجز عن وصفة الايام الداومت بيها كان وياي مساهل
بايام البناء اخذت كم يوم اجايز اشرف عليهم فرات ميلحك بين محلة والبناء زياد مسؤليتة جبيرة بعد الترقية
اساهل وياي بمرور الوقت تقربنة من بعض طلعاتنه روحاتنه للمطاعم عزمني اكثر من مرة لبيتة الرجال والنعم منة انسان
خدوم ونزيه هذا الريحني بي مثل ما وياي وية البقية
لكن كقرب وصداقة كان يعزني وشائة الصدف اخو لواء بمحافظة الموصل صديق زياد
كاعدين نحجي باوضاع البلد والهجمات الصارت بالبصرة والكوت والحلة والديوانية بين مسلحين وقوات الامنية
كلش اثرت على الوضع المالكي ورغم التبعات العدة كانت وقفتة جادة اتجاه هاي الهجمات وكدرو يسيطرون
وهذا كلة كانت هناك امور تحت الغطاء منها جيش المهدي ومحاربت القوات المحتل الامريكي كانت هناك حراك سياسي ضد هكذا نوع من الحرب
بلاضافة الى مصالح سياسية حسب وجودي بلسلك افتهمت هواي امور منها على حساب البلد تنطيني منصب اكون تحت الغطاء الديني لكن بلطاولة السياسية اني وياكم وبرة اني وية الشعب
انخبط الحابل بلنابل عشوائية وفوضة عارمة ملة البلد
كاعد يم الامر صعب دك جهازي شلتة فرات اخو ابو رائد
عم الما جايتة طلقة اثناء الاشتباكات ومسكتة بمكانة
كلي تروح رديت مايحتاج انت والشيخ تكفون
سديتة منه منا دكت الحجية منا هااا يام
" يمة هذا مقدام ابن اختك يريدك وانت مغير رقمك كال ضروري يتصل بية ومتانيك "
سيف" ماكلج شيريد"
امي الحجية" والله يايمة اختك كالت هذا صاحبة الكردي مخابرة والولد ضايع رقمك منة وداك على مقدام مدري شيردون دشوفهم بعد امك يجوز على اهلك "
سديتة ياالله كمت مترخص منهم صعب باوعلي " وين وجهك صوفر خيرهم الاهل بيهم شي "
سيف" لا ابو اركان طلعتلي شغلة ان شاءلله على غير مرة اجيك "
صعب " كول احنة اخووة وانت بمثابت حبيب اخوي اكدر اساعدك اني حاضر "
سيف" دايم والنعم منك ماتقصر اودعناكم "
سلمت وطلعت مباشرتاً للبيت
سديم
مرت عمي بعد ماسمعت رفض حسام جنجنونها سبوع هي تقنع بمي وحسام واماني واريام يشلن روحهن ويطكنها بلكاع
بس كون حسام مايقبل ويلين بلاخير ويضل رافض
واني اكلهن شبيها يجوز خوش بنية
اماني " سدي حلكج ام خوش بنيه منين عرفناها مو هاي نعمة جابنها حية من تحت التبن ونجيب حية لاخ "
اريام " يسويها البخت ويزوجن حسام اني الف جوالاتي واستر على روحي وعلى ابني غير يموتني "
سديم " هاي شبين شمدريجن مثل نعمة قابل تعرفها كل وحده من عشيرة شكل "
اريام" باعي سدومة بعدج متعرفين كلشي طرف من نسوان عمامي كولي نفس الطينة هم تطلع جلبة ومسمومة عوفي الاحساس المرهف وسوالف المسلسلات ونور ومهند"
سديم " ذكرتيني اليوم جمعة اففف ماتطلع شلون حظ وية العطلة مايطلعوها اخخ يبعيون الوسيعة الشيكر
ولا احس بلحب مجرد اتخيل واروح واعيش حياتهم
شكد حلوة عيشتهم بكيفهن يصولن ويجولنة ماكو حبسة الة احنة حواري الجنة ليكول وحدتنة جلحة ملحة مسوين عليها سور الصين
وهنة شكار وبياض والعيون عايشات حياتهن على صفنتي
فززتني اماني " الصلا ياعباد الله "
اماني مثل امام جامع ولكاله كافر من كفار قريش ويريد يهدي ويدخل الجنة بي تركض وراي على الزلة اذا طلعت بله جواريب هاي نكتب علية بذاك اليوم
البس مو قتناع مجرد اخلص من محاضراتها اذا مااصليت بوقتها تزيني صفر وشفت نفسي تعودت اذا مااصليها بوقتها احسها جبل من الهم وعلى صدري
للعصر نزلت نعمة وبيدها ابنها مجرد خلته بلحجلةوعبودي ابن اريام يلعب ويا
دخلت للمطبخ بي اني وامي واماني كاعدين نقرة وكدامنة الصوبة الجوو بارد
جرت الجد من الطباخ صبت فوكاا المرك هوه بارد خبطته واكلتة اماني تباوعلها امي تنهدت كالت " يمة انتي ماشوفين رجليج هاي المحاجر مكومات بلحمام اطب اجلف رجلية "
نعمة " اوي عمة مابية حيل اجلف وهم يرجعن مااستفاد من جلفهن هنه هنه عليمن بعد اتعب روحي "
امي " لا عمة بلاستمرار يرحن هاي انتي ابد مامحجرتهن ولازمتهن مرة مرتين يصيرن زبد وعدي دهن اخشاب حطي وشوفي "
دنكت تاكل هزت راسها الله كريم بعد ماردت رجليها حوافهن متروسات فطور اماني اتمتم بصوت ناصي وتستغفر الله يساعد تحسين ويعن كلبة على ما ابتلا
كملت واني اقرة اماني منتبهتلها من تكمل اكل ماتغسل ايديها وحلكها
اخوية نضلم وياها ويومية كابة عركتهم كم مرة امي تاخذها غصب للحافوفة وتسوي جسمها بعد حجي وعرك
وتحسين توصل بي يضربها وهوه اخوية
يتخبل من رجال يضرب مرة يكللنة هذا مو زلمة يستقوي على كائن ضعيف ومابيده حيلة او قوة يرد الضربة
وهوه كام يضربها مللته من طولت لسانها وصاختها
مرة ام الصالون اعتذرت من امي وحاجتها على ريحت
شعرها من رادت صبغة الها وتكصه
اجت امي فشلانة لان وتعرفها جنتها تعودنة على كلشي بيها وشيطلع منها
ساعة ودخلت مرت عمي ابو نعمة وجها مطعون طعن
سلمت وكعدت يم امي بين كلامهن فتحت عيوني اماني
عكدت حواجبها تهز براسها ماقبالة
مأثر ايدها تعوقت اثر الوكعة لان ربط الجبس كان غلط وانبنة على غلط رجعو كسرو واعادو وضعة الصحيح
كان خلل العضم متهشم اكثر من الازم حتى بلاتين
ميصيرلة
اماني سدت ملازمها وكامت عيونها ماكدرت افسر نضرتها
لحكتها لكيتها تبجي بذيج الحضه عرفت اختي شما تقسة بس كلبها يبقة يحمل حنية شكد تكره بنات عمي
بس ماتتمنالهم الاذية
اماني ضلت طول اليوم متكأبة وتستغفر عرفنة بت عمي تعوقت والله اعلم ليش صاعد على البرميل وعلى سياجنه الفاصل بين بيتنة وبيتهم وهي بنية يعني شتريد اسوي يم الحايط وكان شكنة بمحلة وكعت بشر اعمالها
نعمة من طيحت مأثر كامت متروح البيت عمامي ولا البيت جدي
هلمرة ماما قررت تاخذ اماني واريام ومرت عمي يشوفن البنية وحسام وياهن ساعتين رجعو
اماني دكول مو ذاك الجمال بس عيونها ملونة واريام دكول زينة البنية ومبينة حبابة
ايام وحسام انطة موافقة دوم المكر مايعيش ولا يطول
نسوان عمامي حياتهن كلها مكر وغيرة وحسد
بيتنة وحياتنه ضاعت من وراهن ونتأمل بلجاي افضل
وصابرين اماني دائماً تردد بعد الصبر فرج
والدي من عرفها بت اخو زوجت عمي كيف ربى من سمعت كومت الدنيا وماكعدتها لعبت بمي وخواتي لعب
كلبت حال امي كلاب غيرت تفكيرها ثاني يوم كاعدة من الصبح اراجع الساعة بلسبعه ماخذة اجازة للامتحان
طبت ربى وجهالها وزوجها سلم وطلع
ربى بس شافت زوجها راح كعدت حسام ووامي وسدت الباب طبت وجها معصب طلعت وجها يضحك اني واماني واريام نباوع عليها مستغربين
اول ماشافتنه طكت اصبع لزمت عباتها وفرتها "احنة الطكينة الصبع حتى الحاكم وكفنا"
احنة الطكينة حتى الحاكم وكفنا
دبجت وجهالها يهوسون وياها منضرها يخرب ضحك طبيت بنسهم اهوس وادبج
ايييي احنة الطكينة اصبع حتى الحاكم وكفنا "
شمرت عباتها ومددت كعدت " كوومي سدومة كلاص مي ريجي يبس كوومو يمه طلعو احذيتكم عاطت ببنها ابن المجلووووب ووووين خالها بشيب الخلفوك طلعهاااا لا اكوملك اشعلهم واحد واحد"
دارت على اريام " هاا الفاهية تعالي كعدي مشتاقتلكم وانتي لتفكين حلكج جيبيلي مي وتعالي "
امي واكفة " يمة انتي ماتعقلين عمرج دخل الخمسة وتلاثين وبزرتج بطولج لازمتهم ودبجيلهم "
ربى" يمة اكوووم اشد وصلة واركص واكلبلج البيت ملهى
خليني بادبي ومحترمة نفسي صدك عدنة دمبك لحسام اريام تذكري من جابة وين خالي"
امي نترت" شسوين بي خبالو ناوية علية اليوم عوفي الدمبك وكعدي وستجني استري علينة الدنيا صبح نكول ياالله نصلي على محمد نقرة دعاء مو ندك ونركص"
ربى " اهاااا دام ترديني اسكت عوفيني لا ضلين كل شوية خبالو تعرفين بت راكبها جني من طلعت من ضهر زوجج الحباب الحنين شايل حنيتة بكواني على جتفة ويوزع للعيالة ويچرم للعالم "
امي " يبوووو علي ويااا لسانج رشاش الله يسلمج يله بيبي شوو كعدو ريوم شعليلهم التلفزيون ودير على فلام كارتون خليهم يكعدون
جبت الربى مي وكابلت التلفزيون وية جهالها امي ساعتين اني مندمجه من كارتون الكارتون ناروتو هزين الرعد همتارو ماوكلي "
مندمجه وفزيت على عيطت امي " بت.... ماخذتلج اجازة تقرين بيها لو تكابليلي الكارتون وية المزعطة"
طفرة بيها مترين شردت الزم كتابي مااحس الة الچبچير على ضهري اخخخخخ
امي " وجعت امي الماتت بيها روحي خلي راسج بلكتاب لو تساعديني بلبيت بس مال تسربت "
بجيت من ضربتها اخذت كتابي وصعدت بغرفة تحسين همزين نعمة يم اهلها
بس طبيت استغفرت مثل اماني ريحت كمخة ومال شي معفن فتحت الشبابيك شغلت البنكة
كعت بانضف مكان بلغرفة شوية وكمت طفيت البنكة
ضليت اقرة اقل الساعة والريحه ماراحت
البيه مايخلين كمت ادور واشمشم جوة رجلية على القطة وخرت دنكت شميتها بول مكرم القارء
وخرت هاي بتها بايلة وعايفة القطعة والقطع الشتوية بلمي تكمغ نوب نول ماكدرت نوب عفت كتابي وكمت انضف طلعت الزولية عزلت الجرباية رتبت الغرفة ورجعت مسحت الارضية بزاهي وقاصر ومي خبطتهن
الله هسه الريحة طيبة وضليت فاتحه الشبابيك شغلت الصوبة الكهربائية مديت مدة زغيرة وكعدت اكمل
ثاني يوم داومت الخط ذبني بمدرستي قبل لا ادخل اذكرت ماعدي مساحة ومقطاطة عبور شارع مقابيل مدرستنه مكتبة ومحلات اشكال الوان
فتت من محل حدادة ويلة اكدر اوصل للمكتبة مستعجلة وراي امتحان وية فوتي طلع ولد وجه بوجهي ثواني وكفت قبل مااطخ بي
الولد رجع واني من خجلي نصيت مستحية تلبك واني مااكدر ارفع راسي تحمحم"العفو انسة تفضلي "
حجاها بجرئة رفعت نضري صفن بية ثواني ودخلت للمحل اشتريت الاريد ورجعت للمدرسة
ايام قليلة تولدة هناك حبًُ خفي نضرات
هائمة تعلوها عبرات لتلك النضرة
ريحانة
بعد ما ماما لبست احرام الصلا استقبلة النسوان مرة وابنية يمكن كد سُكينة بت خالي دخلتهن
كعدن امي تعرف المرة نادتها ام ابراهيم المرة سولف ويا ماما وعينها مني ربكتني نضرتها وبتسامتها
ضيفتهم وكعدت بعيد منهن وتكتم وكفت اترتب بلضيافة بعد الجاي المرة بشوشة والبنية البصفها مرة تبتسم مرة تباوع على البيت
شوية وكالت المرة انتي ريحانة
هزيت راسي
ابتسمت بينن سنونها " غديت فدوة وصفوج بس غلطو بلوصف اثاريج اهلة من الوصف واكثر "
خجلت من نبتها الفرحانة وامي المستغربة دك كلبي عرفتها ام تميم تمنيت اختفي واحط بغرفتي صوتة لاح باذني والطيبون للطيبات رديت "وبيج اكثر خالة"
ابتسمت من كل وخاطري كلبي دك وية رجفت ايدي واردد داخلي يامسهل الا ماجعلته سهلاً
ياودود يالطيف الساعة تمشي على كيف واني كلبي النط من مكانة همزين تكتم ماسمعت ترحيب المرة
نص ساعة وطلعت المرة طلبتني كدام امي وتكتم واني الرجفه فضحتني تكتم واكفة مسافة عني نضرتها اخترقتني حسيتها عرفت البداخلي
مجرد ماما فاتت تكتم نترت "خالة هاي شنو الشكولات جاية منين تعرفيهم"
امي " شبيج خالة غير جيران منطقة والنة سنين شلون مااعرفها "
تكتم" اوووع اني ماارتاحيتلها صدك خالة فد لا اقتنعتي وراح توصليها الخالو "
امي " شلون خالة غير ناس وجورة وزاد وملح وابوها الة حق يعرف والراي راية بعد ينطيها يرفض بكيفة "
تكتم " مااصور خالو ينطيهم اذا حال امة واخته هيج هوه شحالة"
امي " خالة شجاج ميصير هيج تحجين خوش ناس ولدهم اوادم ماسامعين عليهم شي وشبي حالهم ناس ميسورة حالتهم ومامادين ايدهم لحد والنعمة دابرة "
عوجت حلكها معاجبها والزادني خوف من كالت خالو مينطيهم يسويها القدر
عفت كلشي وركضت على مصلايتي ملجئي ومؤنسي
بهاي الحياة كملت طويت سجادتي
كعدت اول مرة احسب الوقت اول مرة انتضرة الساعة تمشي اول مرة احب المراية وكفت كبالها خدودي تفحن
لمعت عيوني زادت عدلت حواجبي بصابعي انشمرن برزن عيوني لان طبيعتنه حواجبنة بيهن مرة ومرتبات
مسحت وجهي لفيت شالي عدل وطلعت تكتم بلهول كعدت بصفها ندستها
باوعتلي صفح " شكو "
ريحانة" شبيج وياي "
تكتم"شوفي نفسج بعد شوية دكومين تركصين من الفرحة اشو مافرحتي من اخوية تقدملج كلبتي وجهج علينة والف حجة طلعتي "
ريحانة" اني كل هاي مسويتة شوكت واخوج ماقبلت لان اعتبرة مثل اخوية رضا "
تكتم" بدة رحمة الله مثل اخوية ورابين سوة ومالي نفس بي هاي كلاوات حبيبتي لا رابين سوة وبلسنة حسنة تشاوفون بعد منيلج هاي الكلاوات"
ريحانة دنكت "اعترف اني ماهويت اخوج والله هوه حباب واحبج واحب خالة بس مااعرف مااردتة"
دارت علية خلت ايدها على ايدي "صارحيني واذا كنتي صادقة وياي يمكن اساعدج حتى لو ماردتي اخوية بينج وبين هذا التقدم شي"
رجفت حسيت روحي بابا العرف امي ارتبكت حست على ارتباكي"اختج اني وسترج وغطاج لاضمين علية بس لا تكذبين وكيفج متردين مو لازم"
بساعة تسرع صارحتها بكلشي اول مرة هيج ارتاح وافضفض الاحد بعد اماني ضلت تسمعلي لحد ماكالت
الله يكتبلج البي خير حضنتها ادعيلي عليج الله ادعيلي
حضنتني وهي طبطب على ضهري ودكلي عوفيهاعلى الله الج يصير مو الج ميصير
امنت وارتاحيت يومين ماما ساكتة ماادريت هي حاجية البابا واني على نار استوي
،،،،،،،، يتبع
اعتذر عن التاخير ان شاءالله باجر
بارت بمكان يوم الاستراحة
رواية بين الكاف و النون الفصل الثاني وثلاثون 32 - بقلم saja altaie95
بين الكاف والنون
الرابع والثلاثون
،،،،،،،، بقلم سجى الطائي،،،،،،،،،،
يا انه و هلي وصبري
و جريب الناس
و يا عمري اليجي
و عمري العزيز الفات
سديم
مااعرف شنو يعني احب وانحب مااعرفت المشاعر الصيب الانسان مااعرفت شنو ولد يشوفني بكلبة كبل عيونة عفويتي
برائتي عشتها كلبي خالي يجي اليل انام وكل هم ماعدي
مشت الايام والبيت مثل ماهوة عدة الاسبوع وطبت مرت عمي وجها ينكط دم من العصبية كنت شاهدة على انفعالها
واصللهم خبر رفض اخويا وهنا لعبتها بحيلة وية اهلي
خلت العادات وحجي الناس كدامهم على ابو كسرتو سمعت البت ليش قبلتو وعمامها درو وخوالها ومخلينة احد ماكلنالة
هاي سمعة وبخت بت تكسرون بختها
امي نبت" عليمن نكسر بختها نصيب وماصار شني ماصايرة كبل "
"وعمامها ياهو يسكتهم من يسمعون رفضتوها مايحسبون البت معيوبة وبيها شي ورفضتوها"
امي "دادا الولد ماقانع اجبرة"
نترت" شبيها عورة صورة حلكها اعوج تسلك ثوبها مشكك شنو ذنبها ودمعتها بعينها ابوها واخوانها يكلولها شبيج وشردتي العالم "
امي فكت حلكها اماني استخطتها سكتنة كلنة حتى ربى من سمعت ردت فعل اهلها والف سؤال مخلين على رفض حسام وعدهم هذا الشيب عيب ويفتخرون بنسبهم
وعادتهم من يمشون على بناتهم الاب يكل لخوته اذا يريدها احد وطش السالفة
امي واماني كعدن قنعن حسام اقتنع امي ثاني يوم لبست عباتها وراحت هي وزوجت عمي سوتها من باب
الاصول
جمعة الكل ملتم امي وبنات عمي وعماتي وخالاتي والولد مشغولين بلسيارات يردون يركبونة
وصلنة البيتهم اول ماادخلنة ربى واريام وراي وحدة تباوع بوجه الاخ مرت عمي كدامنة لكيناها بعتبار من طرف العروس
ورة نص ساعة عقدولهم
كعدنة بلكاع ربى اولةنضرتها كشت روحها وكفت على صفحه تعضعض بصابعها امي واريام التهن يعدلن بطبلة خالين كدامها حتى جرجف ماعليها
الوضعية البيت خلتنة بصدمة بردات قديمة حتى لونهن رايح من الوصخ ربى عيونها تفتر نترت باعن بيوت العنكبوت امي انتحر بيها انجلط اني من نسوان اخوتي وين المعفنة جايبتها
اريام تقربت من شافت ربى دردم "كافي ربى مشيها على خير"
ربى"ولج شايفة بعينج الوضع النحطينة بي هاي خطوبة حتى كراسي مثل الاوادم مامخليات ذني جناين امي ذني نجي وناكل من ايديهن "
اريام "شبيدينة حكم القوي شوفي بعينج تأشر على بيبي"
ربى نترت" عساها بمرض يكعدها على الحديدة وتحك بط... ومتلحك "
اماني اجت تلطم ربى كالت خير شكو
اماني "لحكلي ولجن كراتين كيك وببسي وين راحن اريد اوزع للمعازيم ماكوو"
اريام" سألي تحسين اخاف ما نزلهن من السيارة "
اماني "ولج بيدية طببتهن للمطبخ بين مابدلت وعدلت روحي وطلعت للمطبخ مالكيت ولا قوطية"
ربى عوجت حلكها"راحن فلوسك يصابر انخمطن "
اريام "دسالي تحسين يجوز وزعوهن للزلم ماكفت حصتهم واخذو حصت النسوان"
اماني "يصير هسه اخابرة"
وكفت اماني تحاجي كاللها مامخذهن عضت شفتها كالتلة جيب للنسوان ماكو "
ضلت تفهم بتحسين سدتة تباوع للوضعية معاجبها وساكته
ربى نترت "هاي هم كيكة بكد كف ايدي ام خمستالاف جايباتها وين ودن فلوس امي مو انطتهن فلوس الصالون والكراسي والكيكة"
اماني "اسكتي ربى وعديها وبرداً وسلاماً بس سمعون حجايه منج يطلعوج انتي مو خوش هم ابوج وعمامج شوفي بيبي مونسها الوضع مكيفة
على خرابهم وتدرين ابوج اهم شي عدة امة دكلة يمين يمين دكلة شمال شمال هاي قسمتهم وحضهم من هاي الدنيا"
ربى "هوة سادة حلكي وساكتة يمجن افرغ حركت كلبي وين اولي خواتي وتتحملني غصب عليجن"
عفتهن ياكلن بروحهن اباوع كل وحدة من الجايات تسحل بروحها سحل مابيهن التركص ركص معدل جريت الشال كلبت السستم على ساجدة اركص واهزز مستمتعة ليغاد صاحو العريس يدخل يلبس العروس ذهب ركضن لبسن شالاتهن
واني مامهتمةكلهم اخوتي ولد عمي وكفت بصف اماني الي القهر غير وجها وينجانت من عدلت روحها طلعت تخبل
دخل حسام ورا تحسين وقسم من ولد عمي اول مدخل ستار وشاف وطاحت نضرتة على الكيكة كلهم جايبيها مال اقزام
ضحكنة لبسها الذهب جابة بثلث ملايين بذاك الوكت سدنها سد ربى واريام دخلن يركصن واني جفتت بيناتهم ستار شلولو يحب يردح استلمناهم اني وياا اكس مربع
ماطول حسام وكف يطلع صايرة قريبة من وكف رحت اباركلة مرت عمي نبت بلمبارك حسومي يوم النشوف اولادك"
حسام "الله يبارك بيج عمة سولي طريق اطلع"
دنت قريب وين يمة انطي العروستك فلوس "
صفن باوعلي وباوع لمرت عمي "فلوس شنو عمة محتاجة شي"
ابتسمت "يمة متعرف انت بهاي الامور لازم تنطي العروستك فلوس واول دخلتك عليها"
سكت طلع من جيبة فلوس ونطاها وطلع
ساعة وكالو يلة ركضنة لبسنة وطلعنة حسام صار رجعتة ويانة بلسيارة كعد بلصدر بلكية بصف السايق والسايق زوج ربى اول ماصعدت ربى كالت "خوية شنو هاي الفلوس النطيتها المرتك"
التفت" ماادري غير عاداتكم يومية شكل "
اريام ندستها "ربى اسكتي الة دققين"
بتها بحضنها "اني مااطلع ربى اذا مااطلعت انكس من نعمة الجايفة"
اريام "هذا حظهم شلكيتي حظ اخوتج"
سكتن بس ربى طول الطريق كلبها محروك ماانزلت رجعت وية زوجها حتى غراضها البيتنه اني لميتهن وصعدتهن بلسيارة
دخلت للغرفة مفجورة بيها قنبلة بدلت ومددت بسريري اريام واماني بدلن وطلعن للبيت يعزلنة غفية وفزيت على صوت اماني تصيح بسمي رفعت راسي وعيوني على النص فاتحتهن
باوعتلي "نيالي اي واللة البيت مكلوب كلاب وانتي حضرتج منبطحة ونايمة كووومي عزلي ويانة"
رجعت راسي على المخدة بطرانة ضلت تحجي لحد ماملت وطلعت عافتني هسة لو ينطوني ميدالية الذهبية ودكلي كومي مااكوم واعوف نومتي العزيزة
ساعة وكبت العيطة كعدت مفزوعة طلعت الحك البس نعالي فتحت الباب افرك بعيوني واشوف كابة تحسين يريد يهجم على نعمة واماني واكفة بينهم اصد بضرباتة
واريام لازمة المكناسة رافعة ايديها تحامي النعمة تلعلع بعلو حسها حسام وابوية طلعو من الصالة وكفو متفاجئين
تحسين كلبة مفرفح يريد يضربة لحد ماابوية عاط "شكوووو هلهوسة متستحون شكوووو بلة اصواتكم تلعلع"
حسام لزم تحسين جرة اشوو هاي نعمة ركضي يم ابوية ابجي وتمسكني دموع تماسيح
ابوية "شكو بنتي شبي وياج"
نعمة "عموو شوفة ملخني تملخ باوع ملابسي شككها علية مامسويتله شي ابنك مخبل وحدة يعارك"
تحسين صاح "مو خبلتيني ماخليتيلي عقل ارجع تعبان راسي مقبط من الشغل تتلكاني الريحة والولد وصخ اشيلة ابوسة وجها مدبك وخرت حفاضتة يصرخ موت روحة كلة حب ومشك متخافين ربج طفل شيفتهم"
نترت" شسويلة هوه يسويها هواي اخليلة دهن وبوطرة مايفيد "
تحسين ضرب زرة حيل "هاي امي يمج اساليها لو كبارت راس عليها وعايفة ابنج يصرخ"
ابوية كال"ماصار شي يابني ماتعرف واول طفل علمها وهي تسوي التريدة"
تحسين "شعلم يابة بعد شعلم ماخليت صلا وعلمتها عليها صوم قران ادعية تسبيح ماخليت شغلة ماعلمتها علية اني شمعرفني بتربية الطفل عايفها يم امي والبنات ماتعرف تنزل تسأل امي حابسة الولد بلغرفة غادي تنور وبس يصرخ"
نعمة"اخواتك جلبات ومايطن من نفسهن اجي اسالهن يشمتن بية ولا اسويها لو اموت"
تحسين"بت الجلب منو يمج منو مكرب صوبج اجيتي من العرس خمدتي روحج حتى شغل وياهن ماتمدين ايدج "
ضل يغلط عليها وهي عينها قوية الطفل صعدت نزلته صدك هوة بلفترة الاخيرة هواي يبجي ومنعرف السبب وامة ماتقبل تنزلة يمنة نسمع ونسكت
كوة امي وحسام طلعو تحسين وهي مو بعينها كعدت تعلج سولتها تستفز خواتي لو تغثهن بكلمة بايرات لو امها دودة
واشكال الحجي يبلعن الخاطر تحسين هم يرجع يضربها تعب وياها ومايفيد سبوع مر والبيت مكلوب من وراهم يومية عيطة ونازلة تتختل ورا حسام اذا موجود لو ابويا وتحسين يشب للستار منها تعب
امي ملت واخواتي صاحن الغوث منها كالوله اعزل بيت وحدك اول ماسمع صفن بينة ودنك حس البيت ماينطاق من مشاكلهم ويومية لازمين كلبنة يصير بيهم شي
تحسين على ساعة يوكف كلبة منها اخذلة يومين ساكت هادء من ماما كالتلة اعزل وريح روحك يمة البيت ماينطبلة حتى خواتك راح يهجن شوفلك صرفة وية مرتك لو تعقلها لو تعزل بيها لا من شاف ولامن سمع
اقل السبوع لكة بيت قريب على بيتنة طلع عمال كشطو وصبغ وتعديل كيفت امي واماني اخذهن نضفنة ورتبنة
نعمة بيوم يشيلون اخذي ابنج وروحي لهلج رجع تحسين مالكاها كعد مهدود حيلة امي دك وتلطم الولد راح يوكف كلبة من هاي الله ذبعا بلاء على ابني
سكت عنها شيلنا وحسام عاونة بفتح الغرفة وشدها وهمة ماعدهم شي ثاني يوم رحت اني واريام جابلنة غسالة بلشنة بملابسهم كلها والله خمس حبال وماكفن اريد هدم الهم نضيف ماكو
رجع اشترة مجمدة وثلاجة وكاونتر مستعمل بس اخو جديد صاحبة مستعجل يصفي بيتة اشتر تحسين ونصبة طباخ ابو اربع عيون امي جابتة وميز طعام نايلون وياا كراسية
نزلت امي قطع عدها زايدات فرشناهن بيتة مجكنم هول ومطبخ وغرفة نوم وطرمة وكراج زغيروني وحديقة يمكن مترين ضالة ترابة كلت التحسين يزرعها ورد تخبل
سبوع كامل ملتهين ويااا جان ينام يمنة رجعت مرتة يمنة
اول مادخلت كاعدين عسرية ناكل بسكت وجاي واريام مسوية كيك يخبل يموع بلحلك
دفعت الباب "الله يكثر كعداتكم شلونكم عيني"
امي ردت"هلا خالة تفضلي "
تحسين نب"منو جابج"
نعمة "ابوية منو يجيبني عبالي عدي رجال مثل النسوان"
تحسين"صمي حلكج "
سكتت تضحك ماضلت ربع ساعة وكامت تنك امشي اشوف بيتي كام غسل وسلم واخذها
وكفت اكمل تخضير دروسي دخلت للغرفة طلعت القميص اني حاطة الصدرية بلغسالة رحت للحمام اشوفها
وكفتها طلعتها عليتها ونشفتها بلمجفف تانيت تكمل طلعتها انكتها واشرها الصدرية طكع طكع بيض وهي سودة
اخذتها وركضت العبودي ابن اريام كضيتة من اضانة انت لاعب بلقاصر ضل يبجي فزز من صوتي وجهي محتقن
دفع ايدي اجت اريام شكو شبيج
باااعي الصدرية شمسوي بيها بلقاصر تعال ولك لاتختل ورة امك انت قاصرها كول
دموعه على خده ويهز براسها مو اني اريام "ولج شيودي للحمام شووفي خاف امي اماني ميدرن"
رحتلهن فزت اماني "عباتي وية صدريتج" ونلكاها محتركة
اماني عباتها الزينة قماشها توصا من السعودية جابوها جمعت واشترتها وية خياطها ذاك الحساب شوية وتبجي "
اماني "ماكو غير هاي المسمومة بحجت تغسل لبنها وحركتهن حسبي الله ونعم الوكيل حسبي الله ونعم الوكيل"
اني زين بس اماني عباتها الزينة ماداومت امي ثاني يوم اخذتني اشتري صدرية واماني داومت بعباتها القديمة
كان موديل الصداري الكتان ضيقة وقصيرة تسعين متت عليها امي تكرص تريد دكيت رجل اله هي اخذتها الي واعرف اماني اذا شافتها علية تموتني عاندت شعليها بيه
اشتريت وياها جنطة لولو كات وردية ودق صديقتي بس شافتني اشترت مثلي صرنة سيت فرق الجنط اني وردية وهي بنفسجي
داومت مكيفة بروحي والصدرية قالب علية واني مربربة والصدرية حاضنة جسمي فيت علية كلها البنات يكللي طالعة تخبلين
مكاني بلخط اخر كرسي يم الجامة البنات يعرفن هذا مخصوص الي التاخذة انتفها اشاقيهن بعد عرفن مكاني
مشت الايام واكو عيون تراقب مدري اني بله احساس مدري كبريائي وغروري يخليني اغلس عنة من اول واخر موقف صار تافة مصورتة يخليني بالة ومحلة كبال مدرستنة
ايام وايام تركض بينة اجتة نهاية السنة بعد شهر وتبدي امتحاناتنة يوم عن يوم الاحظ وكفتة باب محلة
بيوم منهن كاعدة بمكاني حلينة رفعت عيني دااعدل بحجابي واشوفة ويا مجموعة ولد ديركبون لافتة فوك محلة وبيها رقم لليوم اذكر محلات سلام للحدادة وجواها رقم اثير
عرفت اسمة سلام مهتميت شسويلة البنات كدامي دارن علية يتمضحكن غلست ايام وعرفت المدرسة كلها تعرف بية
البنات ملكوفات ماخذات رقمة ويدكن علية ومنا وعرفن بمشاعرة اتجاهي غير يومية وحدة تبسمرني والي تقنع احاجي واني بس يجيبن طاري ارجف خوف ودق تلح اتصلي بي وشوفي شيريد منج
غلست التهيت بدراستي شي بية اتحرك اشووف نفسي ليش مااجرب ليش ماانطي فرصة النفسي نغريت بروحي هواي
مراح ياكلني واقنع بنفسي وارد اتراجع امي لو خواتي بس يلكفني اموووت بيومها
امي حارت بتحضيرات زواج حسام زوجتة كوثر ماخلت على حالنة حال اذا كحت خابرت حسام انطيني فلوس اروح طبيب يوم عن يوم نكتشف بيها شي
بس النيشان مليونين غير البيت وتجهيزة وتعديل حسام جاب جماعتة صبغو البيت ابيض وبيجي جاب غرفتة
نصبها تحسين وياا ويااا وصار زواج حسام
بيومها المنطقة كلها اجت لبست بنطرون وفوكاا قميص طويل فوك الركبة حليت شعري بدون شسوار هوه سرع وبي لون متت لحد ماجهزت نفسي مااقبلت اماني احط مكياج على ملابسي وكلساع خازرتني اووي هي امي قابل
ستار يفتر وراي لحد مانترت بي شبيك جلب انت ويفتر ورة صاحبة "
فك عيونة وغمني لليل فضت والبيت فرغ ضلو بس الاهل وجماعت حسام بلطرمة بلحديقة وجماعت تحسين كلهم شايفيني ويعرفوني من صغري طلعت اركض اودي جدر التمن والمرك البيت عمي
كلهم نراكيلهم والنشرات مضوية الحديقة والجهال طابة طالعة وية فكت الباب صار بوجهي ابن ام ابراهيم صفن بوجهي باوعلي بنضرات مااعرف شحسيت بوكتها عراني
كلي "وين"عاكد حواجبة ماراضي
"البيت عمي اودي الاكل"
صاااح على ستار"تعال اخذهن بدالها وانتي طبي جووة "
ستار نتر "شعلية بيها تحير بروحها هي توديهن"
جرة من ركبته"ابني انت ماعدك غيرة مطلعيها بنص الشباب وبنية جبيرة امشي ودي الاكل ولا تلغي "
ستار "شكو اسامة انت ماتعرف لسانها غير رشاش وماعدها بريك اليوم صيحلي جلب"
اسامة" دمشي بابا زعاطيط انتو اخذه وروح عفية بلبطل"
اخذهن مني ستار طبيت هذا شعلية نوب علية
ودق جانت يمي هي وامها عزمتهن على العرس ضلت وياي لحد ماافرغت الغرفة شاورتني سلام يلوب عليج وبت عمه كالتلي يريد يحاجيج "
سديم "شسويلة يحير بنفسة والله بس خواتي يلكفني يملصن اذاناتي"
ودق "بس شوفي شيريد وهاي هية"
سديم "غبية متدرين حتى تلفون ماعدي"
ودق"من امج خواتج عدهن"
خفت هزيت كتفي "مااريد عفية اخااف"
ودق"متخسرين شي بااعي خل نسويها هسة قبل مااروح وامي صيحني واني اغطي عليج "
سديم "هااا عادي موعيب"
ودق "هوه يتمنة يحاجيج وماايكدر يلتقي بيج دوفي مبايل وحدة من خواتج وجربي وشوفي شيريد يحجي"
ضليت مترددة كلبي دك خوف على توتر ومرتبكة ودق راحت وخلتني حايرة امي والبنات ضلن يرتبن بلبيت بدلت وكعدت ربى يمنة ضالة تلفونها على الميز كمت جريتة
وكلبي يدك بلثانية الف كوة لزمتة اول شي كالت ودق سوي صامت وحطي بصدرج سويت الكالت علية لو متتت جسمي يرجف من الخوف
ركضت للحمام فارغ الرقم عدي اخذته مرة هي كتبتة بدفتري
مجرد دكيت ايدي كوة تاخذ بس دك سديته اختض
افتر بلحمام هسة تجي ربى وتعرف هسة امي تعرف وتكشفني مااطول دك كمزت هوه يمة
اعض بشفتي جسمي مااحس بي من التوتر والخوف قريب متخلص الرنة فتحتة كلت الووو
سلام"الووو منو "
سديم" سحر اني "
ضحك واني ميته خوف"هلا سحر شاريدة "
سديم" هااا "سكتت عضيت اصبعي شجاني وسمعت ودق
هسه شكلة سحبت نفس اقوي بنفسي" اتعرف عليك "
سلام"وشبيج ترجفين "
سديم "ماارجف مابية شي اكلك انت شسمك"
سلام"اسمي سلام ابن ابو سلام هههههه"
حسيتة مستهزء بية" ماحجيتلك نكتة تضحك"
سلام "اسفين عيني ايي ست سحر من وين وشكد عمرج"
سديم "اني من كركوك وعمري 20"
طكها بضحكه شطولها واني كمت افور حسيت روحي ازبل الزبايل وناصب علية "حضرتك مستهزء بية عيب متريد لا تجاوب وسدة"
سكت يسحب نفس همس " سديم اسمج وعمرج ١٧سنة ومدرستج كبال محلي وجنطتج وردية اعرفج منها من تمرين
ومكانج بلخانة الاخيرة بخطكم "
ارغد
حجي امي مداخل بالي كلي اريدها وين مااديروجهي صير كدامي وسن شكد خربطت بشبابي وتدري ومغلسة عرفت معزتي عدها شكد تريدني وهذا زاد تمسكي بيها
بيومها نمت مرتاح اكو امل كعدت على صوت محمد والولد طلعت للدوام قررت أجللها السنة وعمتها تخابرني وحاجيت المدير على فلوس القسط كال تعتبر راسبة وسقط حقها
حاولت أجللها السنة منا ومنا كدرنة اني ومحمد نأثر علية جبتلة عميد كلية الاقتصاد صديقة وعم محمد
حليتلها جانب كاعد بلسنتر يمي الولد نزلنة اكل ومقبلت ختمتها بستكان جاي يعدل راسي وبالي يم طركاعت راسي بلكت صير بالي شغلة اسويها الله يوفقني وتضبط
من بعيد واحد صااح عااار ماوكفت الكمة بلعومك تقرب شفته تميم كمت بوستها حضني شكد مشتاقله هاي النزلة طولت الف سالفة طلعتلي
كعدته عرفته على جماعتي "شنو شطببك وهمه ميخلون احد يفوت بلة بطاقة شخصية"
تميم " اخوك متفوتة جريتهم بموال خطية سلجوو واطكهم بحميد منصور كعدولي ركبة ونص طلع تلفونة حتى ارقامهم اخذتها خو الضابط مبين يحتسي عزمني على ليلة كمرية "
محمد ضحك" لك ارغد اخوووك يفيدني بعلي على الجرح"
تميم "عاارات لاتستلموني جاي تعبان اجي مسلم ارجع كافر من وراكم"
ارغد" ماادري بيك لو داكلي اوديك كبل للشقة ترتاح"
تميم " لا يمعود قابل جاي من البصر هي هاي الكوت وبغداد ساعتين وصلت "
ارغد "شتريد انزلك"
تميم "سالم حبيبي كوووم نزور"
ارغد"وين زور هااا تقصد الكاظم بعد وكت ستوك واصل خليها بليل هم احضر نفسي ونطلع نزور ثنينة "
تميم "شكووو معرس كوووم بابا متاني اوصلك ونطلع مااريد وحدي اروح"
حسيتة مامرتاح ترخصت من الولد جلبو بي كلهم بليل جايكم طلعنة ساكت ماحاجيتة تميم من ينغث مايحجي ويضل كاتمها بكلبة ويبين على وجها اخذنة تكسي وكبل للكاظم
مشينة بلشارع كبالنة الامام عينة على الكبة يتنهد كال وين الحمامات طبينة غسل وتوضه توضيت وراا طلعنة زرنة وكعدنة بضريحة اول مرة اشوفة يصلي وبخشوع عيونة على الامام احسة يحاجي بداخلة
فات من يمي وكف بعيد عني رفعي ايدي يحاجي الامام خليتة براحتة ابتعدت مسافه رجعت الترب بحدود الربع ساعة وطلعنة تعشينة بمطاعم الكاظمية
رجعنة ورة ساعة كعدنة دومنة ورق وكرزات وسوالف وضحك بعد شقت شباب
وراها استلمو غنيلنة وهوه يجاملهم تدللون هسه وهسة لحد ماكاللهم بطلت اغني ومحمد طفر الصبح استلمت الامنية مواويل ماكو
وهوه يضحك ويحلف عاف الغنة لحد مااستحة منهم واني اباوعلة تميم مو على بعضة
عد وانه اعد و نشوف ياهو اكثر هموم
من عمري سبع سنين و قليبي مهموم
راحوا ويلي راحوا بعد ما ظلوا احبابي
راحوا ويلي راحوا بعد ما ظلوا احبابي
عندي و اخاف صاحووو راح نبجي عوفها غير نتونس لو نبجي غييير هاي الاغاني الحلوة غنيلنة بين العصر والمغرب
كلهم اوكفو اغنيلكم المحمود انور اسمعو هاي احبها
صحيح ماشوفك بعد طيب اخذ عنواني
يمكن تحن ابغربتك تتمنى لو تلكاني
روح بس تذكر اتحن اليه اكثر
كلبك عليه اتغير لو انت ماتهواني؟
فكر كبل لاتسافر واجبر شويه الخاطر
عندك اليوم وباجر راجع قرارك ثاني
روح بس تذكر وتحن اليه اكثر
كلبك عليه اتغير لو انت ماتهواني
من كلمه وحده اتغيرت
ماتكلي من عندي اشفت
انت الي بروحي عشت وتفكر بنسياني
روووووح بس تذكر
كلبك عليه تغير لو انت ماتهواني
رادو يحجون اشرتلهم خلوو عرفته بي شي خلصها وذولة عفطية كلبوها ركص غنالهم بين العصر والمغرب
نبو نبة وحدة حافظيها
بين العصر والمغرب مرت لمة خيالة
مرت لمت خيالة
وعرفت فرس وليفي لانها شكره وميالة
لانها شكرة وميالة
هذا الهوى من عدهم يحمل طيوف احبابي
يحمل طيوف احبابي
والكلب ماينساهم والعشك مو جذابي
والعشك مو جذابي
لا تضربني لا تضرب كسرة الخيزرانة
كسرت الخيزرانة
صارلي سنة وست اشهر من ضربتك وجعانة
من ضربتك وجعانة
بين العصر والمغرب مرت لمة خيالة
مرت لمة خيالة
وعرفت فرس وليفي لانها شكرة وميالة
ولانها شكرة وميالة
سكت صاحوو بعد عيدها دنك يفرك براسة فت دكم قميصه
مختنك
ارغد "تميم بيك شي خوية ارفع راسك"
رفعة غيونة حمر "اعتذر شباب اعوضكم باجر تعبانة وراسي مصدع"
محمد "انت تعذرنة لحينة عليك مايمك غير العافية خوية ناخذك للمستشفى خاف بيك شي يول ارغد ناخذه"
وكفت "تميم شتحس"
ابتسم "لسوها سالفة شوية احتصرت هسه اهدء مابيه شي"
محمد"لا تحسب مكلف علينة هاي يمنة قريبة مانطول نطمان عليك ونرجع "
رفع ايده "ماتقصر حبيبي لا تكلف روحك كلشي مابية وكف اخذ باكيته التفتت هاي البلكونة تنفتح لو ملغية"
كالة "عادي نستخدمها اخذ راحتك يابه كملو سهرتكم اني شوية وجايكم "
كلولة "لا يابة شعدنة يومية سهرانين وشابعين"
اشرلي لاتجي فتح الباكيت سحب جكارة ورثها فتح الباب وكعد على كرسي البلكون خالي وميز بيها كعدت خال ايدي جوه حنجي الولد مثل الستحو كامو واحد لم الكرزات
كيفو اليوم نسهر ويطربكون كلمن كضلة شغلة يكضيها اليغسل ملابسة واليكوي واليزين والي يعدل بخانتة والي كاض جهازة وال يخابر
عفته براحته باجر اكعد ويااا وافتهم منه فرشت بلكاع خليتلة الجرباية اعرف طبعه ميحب نومت الكاع
مددت وذولة يهوشون اليحمس والياكل فواكه الي نام دوخوني كل مرة اعيط يلة يطبون الغرفهم
خال ايدي على غيوني منتضر ه يطب طول صارت الوحدة وهوه بره كعدت بعدة كاعد وعينة على الشارع طفرت
كعدت يمة باوعلي ورجع عينة للشارع يتنهد ساكت وطال السكوت سحبت منة جكارة ورثتها سحبت نفس
" شكالولك"
غمض عيونة سند راسة على الكرسي يسحب هوه"مثل ماتوقعت ابتسم وباوعلي احاول لحد مااجزعهم "
"وينطوك"
تميم" على كلبي امشيلهم وعدي مثل الحلوة لخجلها ينكط من ديرت عيونها اني وياهم والموت ثالثنة على حز هذا النحر
طلبتها من جدها الي نصيب بيها ان شاءالله لو الموت اهون علية من غربتها "
سكتت الطريق كدامة طويل مااضن ينطوها الة وبلاخص وشخصيتة رغم بساطتة بس تميم حجايتة وحدة مايثنيها
وفارضها على اهلي لهذا ابوية مسلمة البيت
اخواتي يخافن منه اكثر من ابراهيم عدة نضرة بلبشر مرة كال دربي وية بت كلبي طويل واني نوالها جنه يدري كلش
زين ويعرف مايطوها بلساهل
ثاني يوم رجع من الصبح جاي يزور ورا بيومين كملت الكورس الثاني نزلت للبيت ابو الشغل اخذت راتب مقدماً
اول ماوصلت امي الوحيدة تتلكاني هي وابويا سلمت عليهم صعدت غيرة ملابسي نزلت صار وقت صلاة الضهر توضيت وصليت
سناء وسندس مسويات برياني على حسابي رفعت راسي الهن اجيت احجي سكتت يردن يموتن كملت باوعتلهن عاشت ايدجن الاكل طيب
سناء"الف عافية سويته على حسابك "
سندس "مطرح ميسري يمري خوية"
امي نبت "خواتك من سمعن بيك تجي كالن خطية تعبان وهمة ولد ميطبخون مثلنة"
ابتسمت مجاملة "الله يخليهن ويديم المحبة"
كمت والدي كعد على التخم صاح سناء جاي بعد ابوج غست رجعت وية رجعتي نزلت مرت تمام دنكت منضرها استغفرالله
الركبة مطكعه (اثار)
ضحى"هلا ارغد شلونك اخبارك"
ارغد"هلا خوية بخير دامكم بخير كعدت عاينت لمي سكتت"
كعدت كبالي وخلت رجل على رجل والدشداشة قصير الرجلين مبرومات برم ضليت انافخ داخلي هذا الكرن مايشوفها العار
تضحك والصوت شعلوة امي تتكرضم واني على اعصابي
صارت بلثنتين طب تميم من صوت صويجة اليطك
شافني صاح"ياهلا وميت هلا بلعضيد حزام الضهر وكفت طالستة "
صاح جوعان سناء سندس وينجن
امي "ستوهن شالن الماعين وغسلنهن ماتجي من وكت يمة وتتغدة ويانة خواتك يتعبن"
تميم " يمة غداكم من وكت والطلاب يحلون بلوحدة بين ماسدون المدرسة صير بلثنتين اعزل واجي اعوف رزقي علمود الكمة عمي مااريد منهن اني اصبح الروحي "
عافنة وطب للكليدور "يمة رجال تعبان هنة البنات بلبيت شمسويات والبيت متروس جنانين قابل ضال عليهن"
ضحى" اوووي خواتك يتقنيجن وهنة كلشي ميسون غير الطبخ والماعين وهنة ثنين شدعواهن"
امي نبت"ضحى خالة مالج دخل بيهن سويتي شغلج جزاج الله خير وهنة بشغلهن اني شكلت مااريد وحدة تدخل بلثانية مالي حيلجن"
ضحى عوجت نونتها ضايجة"واني كلت ياخالة ماتتحملين مني حجاية حصرة جبت طاريهن ادري بناتج بس ميصير حجاية والثانية فشلتيني "
امي ردت" اي مااريد مشاكل لا منج ولا منهن مااتحملجن ولا اريد زلمجن تسمع صير كفاش وكطع كلايد على بو مرتي واني اصيح بناتي واحنة عائلة ماشاءاللة كلها تنضر وكلها تلوحها طشار"
ضحى"بعد مااحجي وافك حلكي ومااعتبركم اهلي واصرف على ابو اني غريبة هيج يريحج خالة "
ابوية رد"عمي كولي ياالله عمتج تحبج ومتريد يصير بينج مشكلة وياخذن على خطارهن منج وانتي اخيتهن وهي امجن واعتبر بمقام ابوج تعالي تقربي جرها والدي باس راسها
لا تاخذين بخاطرج منها الام من صير عصبيه مانتحملها امج من تعصب شسويلها مو تسكتين لحد ماتهدء وتحاجيها هااي هم
امج وحقها عليج لو اعصابها فلتت وهي تحبجن بعد ابوج
سكتت شوية وكامت صعدت امي تهز بيدها عشتو
ايام وضع مرت تمام ماعاجبني تميم كم مره يرزلها على لبسها وهي ولا يمها تعوج حلكها وتصعد
تمام بس بليل يجي من الشغل مااعرف يشوف بعينة لو هاي من وراا
بيومها مستعجل صحت من فوك على سناء تكويلي القميص الله هاديهن علية كالت جاي اغسل ملابس ماالحك كل السندس
انفتح باب غرفتهم طلعت الشعر كيرلي احمر الدشداشة سوده مطعمة بضهبي دلعة وربع ردن
هاي هواي ماخذ راحتها شكلها صطرني اجت جرت القميص اني اكويلكيا
ارغد "لا مشكورة هسة البنات يكونة"
ضحى"شني السالفة نمونه"
ارغد "ممنون منج مااريد اتعبج"
ضحى "تعبك راحة شمسويتلك هوه قميص"
اخذتة تتمضحك ماشايفها من زوجو نزلاتي كلها بوكت روحتها لهلها صدفة صير واني كل شهرين كل شهر مرة وحدة انزل يومين ثلاثة وارجع
كملت انطتني القميص حضرت نفسي يااللة ماكدامي غير هذا الحل متامل تضبط وتمشي الامور
...... يتبع
ناوية بارتين انزللكم شائت الصدف كملت بس هذا البارت وصار شغل بلبيت ولتهيت
رواية بين الكاف و النون الفصل الثالث وثلاثون 33 - بقلم saja altaie95
بين الكاف والنون
الخامس والثلاثون
بقلم.......... سجى الطائي
لا تمشي ابدرب مديوس
هاي ادروب تعبانه ، عليها اثار
سويلك درب تنشاف بيه وتشوف ،
درب تشتعل بيْه شمعة فرح للناس ،
بس لا تعتمد عالناس
سويلك درب تلكَه عليْه نفسك .......
سفينه وصاريه وبحّار
انت يجوز تلكة النار بالجنه
ريحانة
بعد مااحجيت التكتم كنت مرتاحة اخذت ملازمي ودخلت اكمل اقراية ساعة واذن الغروب سديت الكتب وكفت حركت جسمي رياضة اتكسر من الكعدة والتدنيك
طلعت امي بلهول واكفة تلبس جادرها وبابا كدامها مدنك يفرش سجادتة مشيت توضيت وطبيت الغرفتي رغم اعرف نفسي محافضة على وضوء صلاة الوسواس احس بي رجعلي بشكل ضئيل
طفيت ضوء الغرفة مشيت خطوات بسيطة بيدي احرام الصلاة حسيت محتاجة ارجع لعالمي
سديت الشباك بلبردة تعتمت الغرفة وخرت جوانب الستارة
مكان قليل يدخلي الضوة هاي الاجواء روحانية ثواني وكفت اصلي
الشياطن يااتي للانسان بالف وجه ووجه ولكل وجها ياتيها الشيطان حسب منزلتك وانقطاعك عن عالم المادة والدنيا
منا سهل المادة يمكن للشيطان اغوائك ويجعلك ترتكب الذنوب بكل سهولة
هناك فرق بين الوسواس الشيطان والنفس الامارة بلسوء
أن الشيطان يوسوس للإنسان وأيضا يوسوس له في مجال العقيدة والنفس الأمارة بالسوء توسوس بالأمور الخاصة بالشهوات
النفس توسوس كما أن الشيطان يوسوس، دون تفريق بين أمور العقيدة وأمور الشهوات.
دون تفريق بين أمور العقيدة وأمور الشهوات. وقد جمع النبي صلى الله عليه وسلم بين شر النفس وشر الشيطان في الدعاء الثابت في الصباح والمساء والنوم: اللهم عالم الغيب والشهادة فاطر السموات والأرض رب كل شيء ومليكه، أشهد أن لا إله إلا أنت، أعوذ بك من شر نفسي، ومن شر الشيطان وشركه.
ومما يدل على أن للنفس وسوسة، قوله تعالى: وَلَقَدْ خَلَقْنَا الْإِنْسَانَ وَنَعْلَمُ مَا تُوَسْوِسُ بِهِ نَفْسُهُ وَنَحْنُ أَقْرَبُ إِلَيْهِ مِنْ حَبْلِ الْوَرِيدِ
بديت اميل لتكتم اسراري صارت يمها اماني تتنحس منها متحجي عيونها التنطق احب على نفسي كون اماني صارتلي اخت أمن روحي يمها كلبي بارد لو شكيتلها اعرف سري مايطلع كملت الامتحانات وعطلنة
ثورة بداخلي عبد الملك مجافيني لا نسمت هوة منة تمر لا صوتة الروحي باعماقي من اغمض احس بقرانة بدون صوت كانو حلم يمر علية مجرد احساس بوجودة اغمض يمر مسمعي ترتيلة اطفة وتخمد روحي من ثورتها
ايامي تمشي واني اني زاد تعلقي بتكتم كعداتنة يجي العصر نركض نحضر مواد الكيك والفطائر نكلب المطبخ نكمل وتكتم تفحك من بطنها حملها من هسة ثكيل امد ايدي واتلمسها رغم صغرها تضحك تكتم دكلي شكد فطيرة انتي ولج بعدة فصمة
ابتسمت من هسا حابتة وميتة على شوفتة الفصعون بداخلي مشاعر اتجاها ضحكت كالت نياله على هيج عمة هم تحبة وهم صاكة
ستوها ماما تفوت جاية من الغرفة تعزل بكتب بابا وترتبهن طبيعة والدي نضامي بس وكت اليدرس بالة يتركز بس بلكتاب اليقرا والمصادر العد الاكثر من كتاب ينشرهن يمة
لهذا ماما من تكعد تبلش ترتبهن الة وتعرفه الكتاب اليحتاجة
والمايحتاجة
مرات تقرة ويااا وتشاركة بلبحث والمسائل الفقهية وشلون يفسرهن وهي سريعة الحفظ فمرات اذا اشياء مااعرفهن هي جاوبني بدون ماارجع الوالدي
دخلت للمطبخ خلت الوصلة البازة البيضة على السنك بهمال دارة علينة " بلشتن بلعشة هم ياله عمج على جية يمة ورا محاضرة بلمسجد يادوب ياكلة لكمة ويطلع للمجلس يصلي بيهم ويلقي الخطبة "
تكتم ردت " خالة مكملة سويت بيتنجان اقراص ونكعتة بمي وملح وعدنة برياني الضهر وروبة وهسة اسوي زلاطة "
امي " هذا هوه عاشت ايدج نبت علية يمة رايحة اجدد طلعيلي مصلايتي بلهول الغرفة ضلمة استاحش شوية من اسمع صوتجن ميضل بالي "
عفتها تتوضه دخلت للغرفة بيتنة ميخلة من البخور جانت بيبي تودي لمي توصى يجيبو الها احب ريحته
مشيت فتحت الجرار سحبت المصلا وجادرها السمائي وية سدت المجر طاحت سلت السبح سميت وشلتها رجعتها المكانها
طلعت مديت السجادة وخليت فوكاها الجادر سمعت صوت رضا مديت راسي واكف يقشب من زلاطة وتكتم تباوعلة مقابلة ماهامة شال نص المثروم وخلا بحلكة تكتم فكت عيونها
رضا ضربها بخفت ايدة على راسها وكام كوة ضام ضحكتة مبين على وجها
شافني ضحك "هاا مولاتي طلعتي من جحرج"
ريحانة" ليش سميها جحر رضا واللة اتكأب "
رضا" بابا شايفة روحج فاطمة الزهراء مصلي بكدج "
ريحانة" دااصلي الواجبات والمستحبات "
تكتم "حبيبتي اطلعي ونسي روحج وية تكتم حااج حال البنات ترة العزلة تسوي حالة نفسية وتزيد التوحد
تقرب باسني براسي جرني جوه جتفة ايي يام هاي بتج اشو ريحتها طيبة باوعي ولج شتحطين نوع خاص"
ابتسمت "لا مااخلي بس ارش ملابسي فانلة مخففا"
امي صدقت وردت " اختك من صغرها مابيها ريحة جنت اخليكم بلة سبح اخاف عليكم بلشتة تتمرضون ابوك من يحضنها ينب علية هاي ريحتها مميزه "
تكتم من يمها كالت " نازلة من الجنه وضحكت "
امي باوعتلها " لا يمة اكو بشر من ربج مابي ريحة واكو ناس ماتنطاق عوفينتهم كلمن وطبيعت جسمة "
رضا " يابة الحجية سوتج حورية من حواري السماء شوتعالي استبرك بيج واني جوة جتفة عصرني ضحكت يدغني واني تكش نفسي ادفع بي ماكو خربت ضحك
ايدي على خواصري كعدت ماتحملت صوتي طلع
امي وكفت تكمل صلاتها صاحت بس يمة رضا صوتها عالي جيران تسمعها "
خليت ايدي على حلكي وهوة بعدة يدغدغ بيه متتت لا حباب اتوسل بي بس يفك مني فلتت شردت للغرفة ختلت ورة الباب
مسحت عيوني فحطانة باوعت بعد نص ساعة ويأذن كعدت اكمل حفظ صايرة هواي اثاوب ومالي واهس مثل قبل
سبوع وخالة ام مسلم عزمتنة بيتهم فرحت اتونس شوية وية البنات رغم ماارتاح بغير بيتنه امي حضرت نفسها الربطة الجرجيت صاحتني احنكها بيها سويتها الها
كالت يمة معاصمي السود فدوة العينج مادوريلياهن اعوذ منك ياابليس ستوني خليهن هيانة لكيهن جوة غطة الجرباية
رضا كال اووصلكم ومناك يروح للنجف بابا يلحكة
الطريق رغم طويل مانمت مااعرف عيني ماتغمض
شكد مابية من قوة ابعده عن مخيلتي شنو البيك خلاني
اتعلق لغت الحوار مقطوعة بينة
نضرتة وعدة الي تفاصيل الي عمري مباوعت الولد وتمعنت بي بكدة دكت الشامة فوك لحيتة رمشة الطويل
ثخن حاجبة رغم معانية رجولية اكثر ماهية جميلة
ميزاتة عن اخوانة ارغد رغم طولة بس ملامحة مصفطة حلوة شعرة ناعم طايح منا ومنا
ايام المدرسة وطفولتنة شكد حبنة ويتمنن نضرتة واني اموت منهم تلعب روحي من اسمعهن اركض يم الما واماني اسولفلهن يخرب ضحك على اشمئزازي
مرات احس عدي نقص اختلف عن بنات عمري مااعدي مشاعر اتجاه الولد ميثيروني احسهم زايدين على الخلق
ههههههه حجيتها كدام تكتم كفختني بيومها
كالت انتي بس کڤر
تنهدت اجة الي غير نضرت ودك كلبي اله وكلت ربي وهو نعم الوكيل
وصلنة البيت خالتي استقبلتنة ابتسامتها مالية وجها جرتني تبوس بية "يمه هلا ومية هلا هلا بلغوالي"
وراي تكتم وخرتني "شوية خليلي شوية ام مسلم امها تضحك وهي ترد اشو خلصتي البوس على خالتي وريحانة"
خالتي" يايمة هلا بنضر عيني وفلذت كبدي شعدي غيرج بوستها وتكتم حضنتها " ضحكت غيرة تكتم حلوة
رغم المايعرفها يكول عصبية ومتكبرة بس اليعاشرها يع، فها عاي طبيعتها كلنة نعرفها رغم صارحتها عامة عليها
اذبها بلوجه ماعدها توقف ولا عيب
وصلنة ورة الغدة مجرد صلينة البنات صعدني فوك تاج اخت تكتم فد تنكرط بيضة والخدود حمر والغيون شهل على خالتي ماخذه ملامحها فرفوشة محضرتلي الغرفة نمت تعبانة
مااحسيت بنفسي غير تاج تنده بيه كعدت باوعتلها ابتسمت "خالة صيحج كالت كعديها لتنام المغرب"
ابتسمت على بشاشتها " ليش صارلي شكد نايمة "
كالت وهي دكوم توكف "راح يوذن الغروب"
وكفت لميت الفراش سفطتة وخليتة على صفحة جريت ربطتي ىلبستها عدلتها كدام المراية ونزلت الهول مالتهم
بناء بيتهم مثل بيوتنة العادية صالة ومطبخ بلبداية وهول بلنص وغرفتين والدرج جوا حمام
امي وخالتي مكابلات الصوبة والقوري على النار ريحت الهيل تارسة المكان والجاي مخدر شهني اكل خبز مكسب وكوب حليب وجاي
رفعت راسها ماما كطعت سالفتها وية خالتي "ماما اول تالي هلكد تنامين الضهر"
كعدت صفحها "ماادري اشو محسيت على روحي"
خالتي " تعبانة دادا طريق وبتج ترفه ماتتحمل سفر فدوة لهل وجه الحسن خالة شلونها كليتج "
ضحكت داخلي خالتي عدها مشكلة وية كليتي كل ماشوفني تسالني هزيت راسي زينة "
نسولف تاج قدمت كعك وكليجة امي تموت عليها واني احبها تكتم مددة وتباوع تلفزيون
رضا بس وصلنة وراح غرفت مسلم بلمحل يرجع بليل
مويمي بس اعرف خالتي متوب مني سويت الامور عادي رغم مااحب اختلط بي والولد هم ماعدة شي وياي صح مرات يجفص بس شي على شي زوين
اذن كمت توضيت صعدت بغرفت البنات يعرفون طبعي اصلي وحدي اذا بشر كان يمي احس نفسي اصلي رياء
من قرء هذه الايات في دبر اي صلاة (مرة واحدة) نظرة الله اليه ٧٠ نظرة وفي كل نظرة يقضي له ٧٠حاجة وقبله الله على مافيه من المعاصي الفاتحة و (شهد الله انه لا اله الا هو والملائكة واولو العلم قائما بالقسط لا اله الا هو العزيز الحكيم) و اية الكرسي و سورة الملك تعلمتها من جدوو ارتاح من اسويها
لليل واكفين نسوي عشة تكتم اتكلي واني اوزع بلمواعين خضيت البن عمو كاظم ابو مسلم بلصالة هوة واخو مبين متعود يجيهم عمهم يسير
تاج تترس بلدوارك مي فات مسلم سلم درت وجهي رديت السلام ابتسم رجعت اكمل فات للهول اسمع شلون يرحب بماما مكيف بينة
كملت واكفة يم السنك درت بيدي المواعين احطهن على الميز رفعت راسي مسلم مقابيلي كاعد بلهول ثاني رجل ورجل عاكفها نضرتة بعمق دااحسه يباوع التفاصيلي توترت
وخرت كعدت وانتجيت على الحايط الفاصل ميكدر بعد يشوفني شي بي انكتم على كلبي الولد ممسوي شي احس بغلط نضرة وحده كرهت روحي بيها
شعور قاتل تنهدت اعرف بنفسي دااحافظ على روحي فوك طاقتي اله مو الغيرة هيج مأثر بية هيج مخليني اتعلق شسويتلي
جنت طفلة مبالي غير دراستي وقرأناي اكبر طموحاتي ادخل جامعة واحفظ القران
نضراتة كبرتني مشاعرة الترسم على وجها فتحن كلبي على عالم مو عالمي سرحت بي كانو لوحة كدامي مشيت ونسيت رووحي بي اسمع داير مداير بس بالي مو يمهم
صفنه اخذتني الة اكنو اشوفة هياتة هذا بطولة بجسمة التارس بعيونة بشمارة المملوح على كولت اماني
دكلي هوة مو جميل بس مملوح تحسينة حلو رجولتة الطاغية
سديت اذاني ابعد هاي الافكار انتبهت تاج تباوعلي وتكتم بيدها الخاشوكة دكلب بية البتيتة اقراص دايرة علية مستغربة صفنتي
كمت طبيت للهول اخفي توتري صعدت فوك تحت انضارهم شاردة بروحي استغفر باصابيعي
مرت نص ساعة صاحوني على العشة كعدت وياهم ملتمين على السفرة ضحك وشقة ماخذين راحتنة رغم اني منتعودة على هيج بيتنة من نكعد على السفرة محد يحجي متعلمين احترام الزاد رغم نسولف بس باشياء بسيطة ناجل الكلام ورة الاكل
شلنة السفرة ساعدت البنات نضفنة المطبخ وكملنة تاج مرحة تضحك وسولف جرتني "امشي نكعد نشول ذني العجايز شيسون"
تقصد امي وخالتي ومرت عمهم اجت ورة العشة سلم على امي
ام علي مرت عمهم تشكي من ابنها عطال بطال
امي كالت" دادا الولد طبع وراثة اذا عدكم بلعائلة هيج واحد افبنج وارثها التزمي بتسبيحات واهديهن الصاحب العصر والزمان عجل اللة فرجه هوة باب من ابواب الله وسيلة الرب العباد ميردج "
ام علي " جزعت لا خليت دعاء لا خليت علوية لا خليت سادة مايفيد بي جنة صل مايمضي بي شي على حضي لو سحوره من اول كفخة مشه عدل "
امي "صلي علنبي مايجوز عيوني زين جربي هاي الختمة بلكت لفتة من لفتات ربج اله ويهدي"
ام علي " جزعت ام رضا وهاي اني ثلث سنين الولد طايش عكلة مو براسة جنة مسودن "
امي نصت مراضية " الله يهدي بحق حبيبة محمد هاي بعد طيش شباب الة يوم يعقل "
ام علي " ليا دوب لمن اموت هلجبير واعوج "
امي همست بصوت ناصي تستحي من عمو كاضم كاعد مسافة من يمهن بيدة كتاب ادعية
سوي هلي ومخسرانة والج اجر
ام علي " انه شريد اكيف واللة ادعيلج لو مشت بيدي"
امي " جربتها بريحانة من صار بيها توحد وطابت
باعي ام علي الحاجة التردية تكتبها بورقة وتعلكيها بلأيد اليمنة يعني على العضد وتنذرين ذني النذورة لا تنذرين غيرهن اسويهن كلهن سوين وحدة منهن كيفج
قراءة مصيبة مولانا عبدالله الرضيع عليه السلام
قراءة مصيبة مولانا مسلم بن عقيل عليه السلام مع اطعام المؤمنين بإسمه الشريف مساعدة سبعة من السادة الموسويين
هاي شغلة شغلة لاخ تسبيح تلزمين السبحة تفريها ١٤الف مره يعني ١٤٠٠٠ الصلا على محمد وآل محمد وتهديها للأربعطش معصوم بنية قضاء الحاجة
صح شوفيها هواي متعطلج جربيها بلاول وبعدين سعلة صير كل الف صلاة تهديها الامام مو شرد بيوم شكد تاخذ منج كملي لحد متخلصين ثقي بعدج مامكملة التسبيح
وحاجتج تنقضي الصلاة على النبي بركة
واكو شلغة لاخ من تكملين صلا وتسجدين ؤددي هذا الذكر التفتت الخالتي ام مسلم تذكرين من مسلم صخن وصل الموت سويت
خالة كالت اي علمني ابو رضا كلي ورة كل صلا اسجدي ورددي
(لا اله الا الله بعزتك وقدرتك لا اله الا الله بحقك وحرمتك لا اله الا الله فرج برحمتك)
اسمع وعيوني غوشن عصرتهن وفتحتهن راح نعست كمت صعدت امدد تكتم بلغرفة وتاج يمها قتت استغربت مسلم يمهم
باوعلي وكف تكتم كالت مسلم مو كوتة
مسلم نتر عكس ملامحة الهادئة " يمتة تكتم هاي سنة واني منتضر خليني اني اصرف واحلها اضل وراجن ماتنحل اصبر مو طكت حوصلتي "
تكتم" روح خوية وبعدين نحجي "
همست "شكو
تكتم" لا حبيبتي ماكو شي بيناتنه تعالي هاي بقلاوه جابها بابا عزلتلج حصتج "
مشلم ينافخ درت وجهي من اشوفه انمغص تعديتة وابعد بدشداشتي ودي اعرضه فد عشر امتار هاي شبية هيج
كارهته للولد حتى نضرة مو حلوة ميباوعلي
كعدت على الجرباية تاج طبت ضحكت صاحت " يلة ورق ربحت الرهان مو مثل كل مرة تضحك علية "
جرها باسها بخدها ابتسم "تستاهلين هل مرة هاا بس ذني عدي اباوع اربعتالاف"
برطمت "مااريد كتلي خمستالاف شنو تنقص منهن اريد اجظع والالف يفرق"
تكتم " شكد طماعة دخذي وسكتي مصحلج هيج فرصة"
هزت كتفها ومسلم يباوعلها بحنان "لا مااريد وعدني ولازم يوفي بوعدة"
مسلم "قفاصة يومية تبقشين من محفضتي وخالج على راحتج ذني عدي ترديهن لو ماكو وكيفج انتي"
جرتهن منه "اريدهن بس ابقة اطلبك الف"
مسلم "هاي شبيها توجة امشي ولي بنتي تحلمين بعد هلستيني منو طلعج للحلة مخليتي لعبة مالعبتيها
كال مكمل رياحين لتغرج براطمها حوتة مال فلوس بس جيب مال عمك مايهمك"
ضليت ساكتة تكتم كالت "دلالكم يخربها"
تاج"اهوووو راح يذلني بروحت الحلة ابقة اطلبك الف ومااتنازل عنة "
وكف مبتسم ضربها بخقة ايدة على علباتها "امشي لج كمركيه
ارغد
طلعت وبالي الحجي محضرة واعيد بي زادت ثقتي بنفسي اريد احلها وارتاح شاغلة فكري ومحيرتني مخلية بالي طول الايام وياها والخوف ياكل بية
امنية اتمنة شي ويصير من نصيبي دراستي رغم التعب والسهر وحلم الطبية المزروع بعقلي شائة الاقدار وانقبل هندسة نفط
النوم ماشفتة جفوني من السهر تحولن داخل هالات من السواد وصلت المرحلة افقد الوعي باي وقت وثابرت
لكن للة رائي اخر
وصلت للبيت وكفت اشجع روحي بروحي وكلت الله دكيت الباب طلع خالي سلمت علية
رحب بية دخلني للصالة اول مرة اجي بحاجة مستحي حيل مااعرف شلون أكعد
طب وراي يهلي ويرحب هلا وميت هلا ابن العزيزة "سد الباب وصاح بويا حسوون ماي والضيافة
ارغد" لا عمي ماجاي اجربكم جاي بسالفة وارد لهلي "
طالب " اول نوبة انت ابنة مو غريب ونضيفك راعي البيت واحنة الخطار ونوبت لاخ شغلتك مكضية بااذن الباري "
ابتسمت على كرمة رجال قليل منة موجود كلها الديرة تدري بوكفاتة مااجا واحد وردة وبيوم الوكع ابن خالتة وفصلوهم
بذاك الزمن عشرين مليون وحيد اهلة ماعدهم ينطون الفصل وطالب جان موجود مااخلاهم حايرين باع بستانة وسدد الفصل وهوه ابن خالتة
ابو حسين امي هواي تحترمة يصير ابن خال ابوها والكربة بينهم قوية زوجتة بت عمتها لمي من الطرفين جاية القرابة
كال "اي بويا سولفلي ابوك وامك احوالهم شلونهم عافيتهم"
ارغد " كلهم زينين وبصراحة مايدرون بجيتي الوالد لو يعرف جان اجة معزتك عده جبيره"
طالب" يعزز غالية ابو ابراهيم طيب انكطعت اخبارة من عهد شوفتي الة بفاتحة جدك من خفت الوادم كدرت اعرف احوالة وبعد مالاحلي بمكان
واللة ياابني مشاغل الحياة هواي ومصايبها كثرن والوادم مومثل كبل تبدلت واني رجال وحدي وبركبتي اربع عوائل
مافاضي اسال على احد امرلي على احد حك ابوك علية من بعد العزاء مامريتلة "
ارغد" لا عمي ابوي يعرفك عز المعرفة والعشرة البيناتكم حلوة ويدري بشغلك عاذرك مااعاتب عليك "
طب ابن ابنة جاب الجاي قدمة وطلع
ضليت حاير شلون افاتحة بلموضح نقذني من نب
طالب" مكضية لا تحيرلها بس كلي شنهي نشدتك "
تنهدت بتعب "عمي اني رايد بت خالتي على طريق الحلال وطلبتها بلسان امي وابوي الضاهر خالتي واصللها غير حجي عني وشرطت لو هلسنة تخطبها لو لادك بابي"
حط ستكانة على الطاولة "والبت شنو شورها ماخذهه منها لو حسبت بت خالتي اولة من الغريبة"
ارغد" مااخفي عنك البت شورها من شوري "
طالب"والاماية ليش ماقابلة وانتو متفقين "
ارغد"عمي ماكو بيت مايخلة من القال والقلت وكتلك موصليلها حجي مكرهيها بيه وهل حطت شروط بعد مااكلبي شلعتة وشوفتني نجوم بعز الضهر "
طالب"زين بوية هسة انة شنو المطلوب مني وشلون احل شغلتك خالتك ماعدي معرفة بيها مثل امك وزوجها رجال غريب يمكن بس مرتين شفتة وبهل مرتين انة مااعرفة لو ما ابوك يعرفني بي بس اعرف اخو ابو تيسير عدي علاقة بي "
ارغد حسيت بي متردد عرفت البالة "هسة بالك اني شنو بنصكم ومالي كلمة أثر عليها وكلت تعرف ابو تيسير مااريد منها شي توكفلي البت لبين مااكمل هاي السنة واقدم على تعيين"
ابتسم "اذا على هاي سهلة بوية نروح العمها وناخذه ونمشي البيتهم واطلبها الك من ابوها "
ارغد" عمي الرجال خير بس الحل كله يم خالتي "
ضحك وفر سبحته"سهلة سهلة مايكون خاطرك الة طيب اخذها مني ماارجع الة وانة حاجزها الك"
ابتسمت" فضلك هذا ماانسالكيا طول عمري "
طالب" أفااا بيناتنة افضال لا ابني حالك حال ولدي ميكون خاطرك الة طيب "
انترس كلبي تشكرت منة ورديت بعد مااخذت رقمة طبيت للبيت من عتبت الباب حس سعاد واصلي
عكدت حواجبي هاي ماتخجل ومنا الجوارين وصوتها يدلي التايه فتت للهول اشرتلها "صوتج بوية وين كاعدة بهيمة ومحد يسمعج"
سعاد"اللة يساعدك دسلم بلاول لو بعدك ماتحترم الاكبر منك"
ارغد" السلام عليكم "
سعاد "بعد وكت يمة من كتلك اذكرت"
اهووو هاي يرادلها كلب مامدشن فتت كعدت امي كاعدة مددة رجليها قريبة يمي واني على التخم كاعد وهي بلكاع سعاد وسناء وحدة بصف الاخ ومرت ابراهيم بحضنها ابنها
ارغد " ماسلمنة كلتي ماتحترم سلمت تعوجين نونتج شتردي خوية "
سعاد "سلامتك يمة شريد منك ابتسمت ودارت على سناء ورجعت باوعتلي تدري راح اخطب لصاحبك
عكدت حواجبي منو
ردت اسامة يااا ماكايلك عود انتو صحبة المهم اني وجدتلي على بنت دكول للكمر كوم واني اكعد مكانك"
ارغد "بيه الخير شكو منها"
عفتها تلغي سممتني بحجيها هااي فارغة الفارغ وماعده شغل وعمل وين يكضي وقتة يشغل روحه بهاي تفاهات
امي اشوفها تندس بيها ومقابلة على تصرفاتها واني مغلس
تبقى مرة اروح امد ايدي عليها هي شعدها غير هذا السان
متقوية بي صعدت ممدت اخذلي غفوة نمت وين حسيت على صوت تميم يصيح
كعدت فتحت الباب واني على الدرج اسمع بالش بسناء غلط وصياح نزلت كاضها من ثوبها خانكها بي وامي جر بي البقية مايكدرن يتقربن
تميم بصوت عالي "شوداج من ذاك الدرب حييوووووانة مالكيتي بس هذا الطريق هاااااي اررض اللة كلها مافتي بس مناك مناااااااك يم حنش الكوا....... يخلي على بت الله نغل
ماكو بنية ما باع...... ومطفرها سنااااااء اجرم بيج انومج مستشفى كليلي شسويلج تولااهااا تكفخ لحد مااخشمها تطفر دم
امي تخرط بخدودها وتدفع بيه جرها منة ولك يمة بنتي راح تموت جوة ايدة ماتقربت تميم اعقل واحد بينة مايضربها بلة سبب ومتاكد مسوية شي
اجة سعاد تركض تدفع بي وصيح" كدرتك علا هاي الفقيرة وخررر من الله لا ينطيك ويشل ايدك وخررررررر البت ماتتت ولك وخررر عنها "
تميم اعصابة طافره انطها السعاد دفعه وصلهاا للباب وصاح التدخل اطبكها فوكاها جرها للغرفة وسد الباب وامي وسعاد هجمن البيت علي يردن يفكنة
دارت علية "انت ك...... ساق....... شوفة يضرب بيعا واكف تباوع الل..... كعدت تلطم وتغلط امشششششي اكسر الباب
يمة سمعي صوتها راح يموتها
واني اسمع بس صوت تميم يحجي وياها بس بعصبية كعدت افرك براسي امي عيونها علية واني ساكت ضحى وزوجت ابراهيم خانسين ربع ساعة وطلع طفرت سعاد
صاح بوجها" التفك حلكها اشكة ويييين المفتاح جيبوليا
ركضت ضحى ادور علية وامي جرت ليدة"ولك اختك شمسويه فهمتي وين ولت وجبتها واجيت عيونك طايرة "
مارد وسعاد تعض بصابعها "تميم اذا مااتخليني اشوفها هسة اشتكي عليك واخليهم يجرجروك"
وخره ماهتم اخذ المفتاح وقفل الباب امي عاينتلة مقهورة طلع عيونة بكصتة والشرار يطلع منهن
امي باوعتلي بقهر ونبت "ماتخيلتكم بزر بطني تصيرون ذيابة على دمكم ولحمكم حسبي الله عليكم امداها البطن النكلتكم امداها الاشهر الشالتكم لهذا اليوم تتولون اخيتكم بدون مااتعرفون شبيها مابيها"
سعاد " كتللللج يمة كتلج ذولة ولد حرام ضايع بيهم الربة والتعب ابويا مو هنا تولوهن كسر بيديكم وهذا مكابلنه مثل الحرمة خنيثة اخخخخم لو اني زلمة ال اكصهن و...... واتفل بوجوهكم "
كوة متحمل لسانها صحت بسسسس عاد اختج خيرة وتميم مخبل من وحدة يضربها شوفيها شمصخمة الوجه "
سعاد"حاقد تريدلك حجة عليهن ادري بسوالفك ولئمك ولك خطية اختك تستنجد بيك وعيونها عليك ماكسرت خاطرك
حقير حيوان
ابو البنات الله اعلم شمفين هناك بغداد بملاهي بغداد وين لافي يم ياكواد يم يااعار مثلك الة اخلي ابراهيم يربيك من جديد ويعيد تربيتك كواويد انت واخووووك الكرن
هواي خربطت بلحجي رجولتي ماتقبل هي اسمع غلط واني شطولني ابويا بحياتة مهاني هيج ساكتلها اكول بكبر امي ابنها بعمري مااريد اتجاوز وامد ايدي جبرتني شبخة وحدة لزمتها من زياكها وعتيتها كدامي "وحق ربج اذا اخليج بالي ازوعج دم اخليج مثل المسودنة اكفي شري وعوفيني يموتها يحركها اخوها واني لو شفتها غلطت ادفنها حدج هناا
اذا سمعت منج حرف واحد غالطة علية وماتحترمين انسة الدم اليربطنة وادوسج بنعالي على الاحترامات وكباريتج احترمي شيبات راسج وسدي حلكج خلي بكلبي لو شوية
حب الج وبهذا حجيج محيتي كلشي
خاف كبل احبج هسه اموووت عليج احترمي روحج سعاد
ابنج بطولج مااريد اخسرة من ورة جهرتج الزفرة ودفعتها "
نترت "سكط عار..... حسيت شياطين تربعن براسي بخطوه وحدة درت وجها للجهه الاخ عاطت ولزمت وجها امي صرخت وكفت تصيح
" كاااافي ولكم خزيتوني وعزيتوني الله لاينطيكم ولكم كلبي راح يوكف منكم ومن مشاكلكم وين صايرة شبيكم تالي وكت
وين انطي وجهي واولي منكم ومن مصايبكم "
سعاد عيونها نار وتحركني لو بيدها امي جرتني اطلع مااريدك متبرية منك ليوم القيامة تولتني ادفع وصلتني الباب الشارع
"يمة ماسمعتيها ماتحترم مااخلت غلطة ماغلطتها علية جاهل اني بزرها وهي سبني"
ردت صاحت "روووح لا تكتلوني بقهركم ولكم ارحموني راح امووت ناقصة عمر ولي رووح الحك اخوك ولا تراووني وجهكم اللة ياخذ هذا العمر ولا اشوفكم بعيوني"
دفعتني لطخت بلباب جنت قريب علية كتمت غضبي وطلعت وحس سعاد للشارع اسمعة بعدها تفشر مو اخت غضب بلاء علية وامي تتستر منها
لو بيدي امردها الكاضني مرة بعمر ام امي لو جانت امي اصغر وابنها اصغر مني بسنة المثلها تحترم نفسها وتحكم عقلها جاهل
لليل كضيتها كهاوي وكلبي بكد البيت صاير رديت نص اليل دخلت للمطبخ اضلم بس فتحت باب الكلدور حسيت بشهكت شخص كلت منو ماكو حس
مشيت اصعد وكفني صوتها بهمسات التفتت "ضحى شعدج هنا"
ضحى"ضل بالي عليك وكلت خطية طلع بعد ماارجع "
ارغد"وليش يضل بالج شعليج نترت"
ضحى "هاي اختك سعاد اللة يساعدكم ماتنحمل اني من يمي كلبي وجعني عليك وهي مو يمها"
ارغد" مالج شغل اصعدي وبعد لاتنتضريني "
ضحى "مو خالة قافلة الباب وكلت منو يفتحلكيا نزلت فتحتة وانت اجيت"
ارغد "مشكورة متقصرين "
تقربت تباوع على البيبان همست البيناتنة شبرين مدت راسها شوية وطخ صدري "جوعان احضرلك العشة"
عيونها بعيوني وترمش بفهاوه مصطنعة جن جاهل كبالي يطلب عطفي فهيت شفتها الجوة نزلت مبرطمة
عطرها وحركت عينها يوكعن اكبر واحد
معالم وجها رخن اعصابي ضليت اباوعلها شيطان بشكل انثى متكاملة خلتني بثواني اسنح
همستها وعتني درت وجهي "لا خوية مايحتاج متعشي"
رفعت اكتافها "كيفك"
عقل مضل براسي منها
بعدتني عن الطريق جنت واكف بين الباية وباب المطبخ بلكليدور الداخلي ديرة وجهي وصدت عيني على معالم
جسمها كانت متعمدة تلم ثوبها من كدام برهاوة وضيك
الثوب من ورة برزت مفاتنها وصلت نهاية الدرج التفتت نص التفاتة وابتسمت بستهزاء فتحت عيوني تمام جايب منو وملفيها حركاتها تعبر على الغشيم نصيت افرك بكصتي
نوب هاي منين طلعتلي تعوذ
مرت الايام ونزلتي طولت سبوع قبل روحتي البغداد باايام واني رزحي طافرة من البيت وهاي نوب تتحرش بصوتها بنعومتها واني شارد بروحي وين انطي وجهي
وامي مقاطعتني وتميم ميقبل يحجي حابس سناء الف حسبة بالي شمسوية
حاجيتة نتر "مالك شغل اريد اربيها"
مادخلت روحي صح اخواتي بس تميم اكبر مني وعايش هنا اكثر مني
يومين ورجعت البغداد الشقة مفتوحة محمد واحمد جاايين هم يشتغلون بقسة الولد نزلو لهاليتهم
رقم حجي طالب عدي ضال متاني نزلت الشغلي بلطريق خابرت خالتها الرغد اشوف صار وياها
ادك مغلق وره ساعة دكيت نفس الشي ماادري ليش قلقت احس هاي البنية من مسؤليتي مدري لان انقهر على خالتها وضعها
ثاني يوم بعدني ستوني راجع من الشغل دك رقم غريب
جاوبت صوت بنية ناصي
الووو
الو عفية رقم ارفد
_رفعت حاجبي ارغد مو ارفد منو وياي
هاا العفو بس خوية خالة كالت اتصل عليك جهازها عطلان تريدك تمر عليها حلفتني احلفك تجيها
_فزيت شبيها صاير شي رغد ابوها لكاها
لالا هياتها يمي بس خاله تريدك كالت اوصلك الحجي
_شو انطيني الخانم شبيها متحاجيني
هااا مو تعبانة ومتكدر تحجي عفية خلص رصيدي حسدة بس امانة تجي الخالة كلش محتاجتك
_غير تحجي شبيها اصاير
مو ماادري انت من تجي تعرف يلة باي
وسدتة بوجهي الرعنة
....... يتبع
عدنا والعودة احمد
مساء الخير على عيونكم ربي تكون عطلة سعيدة
ان شاءاللة هذا البارت تمهيدة لباقي القصة
كثرولي تعليقاتكم
قراءة ممتعة احبكم 😍
رواية بين الكاف و النون الفصل الرابع وثلاثون 34 - بقلم saja altaie95
بين الكاف والنون
السادس والثلاثون
بقلم........ سجى الطائي
ردني ردني
يالبگتني
بليلة أجيتك
دورت روحي اعلئ روحي
لا شفتها ولا لگيتك
سيف الدين
ورة ما طلعت من الكوفي كبل للبيت تلكتني الحجية
امي الحجية " هلا يمة اخيك يدك عليك مشغول ومقدام
من البارحة يريد يحصلك شلعت كلبة "
سيف الدين " حفيدج ذاكرتة ذاكرت الذبانة مو منطي رقمي الجديد ذاك غالقة "
امي الحجية " دعوفك هسة يمة اتصل بي شوفة شيريد وصدك لاكي اهلك هاك هذا رقم اخيتك اتصل منه "
سحبت نفس جريت الكرسي بصفها كعدت ضليت انقل بلرقم
كل امل ماضل عدي هاي ثلث اسنين وانة اركض من واحد الواحد مثل الجاهل وضايع امة ولكاها هيج كلبي يفرفح على خيط منهم
درب سليمانية ودهوك سويتة مثل درب العمل رايح راجع حفظت المناطق اكثر من اهلها
دكيت على كفاء بعد السلام حولتلي رقم مقدام اتصلت بي يكول اكو ناس ستوهم راجعين من تركيا اسم الام نفس اسم خالتي ونفس اسم الاب والجد سديتة منه
دخل زياد بيدة مسواك "هاا كواهم الله"
وكفت باوستة "ليش متعب روحك عاينت لمي حجية مخلصين مسواك"
امي الحجية "لا يمة هذا خير الثلاجة متروسة"
زياد" ثواب بوية ثواب مايصير نصرف نوب مو بيتنة "
ضحكت "لا العفو ابو نور البيت بيتك انت عدك بيت مسؤل منه ودوام شوية نشيل عنك حمل"
تقرب بعد ماخلة العلاليك بلكاع حط ايدة على كتفي "متقصر سيوفي شووو يمة شعجب مارحتي الفاتحة ابو رائد"
الحجية "يمة بعيدة وضهري مايحمل طول الطريق والسيارة من تجي ام الما اخذ من خلطرها"
زياد"الله يرحمة يلة يابة محتاجين شي بعد"
سيف "ابو نور هذا المدير تعرفة عزمني وحلفني تجي وياي يابة منو انت يكلي بس كلة ثعلب وهوة يعرف منو"
ضحك زياد" ثعلب منو منهم مو سلك حديقة حيوانات "
سيف "مودة جديدة اسد ونمر وفهد وذيب يابة عي بلالقاب الدائرة كلها صيح ثعلب يابة منو هذا ثعلب جماعتي محد يغرفة الامر صعب من فات من يمنة وعرفني بلاسم وصعب كلة اخو زياد اكلني بلسلام ومسوي عزيمة جيب ابو نور وتعال
الامر خلا يروح كلي لا ثعلب ولا مطي واحد هتلي ونافخ روحة بروحة لزم واحد خبص نفسة
زياد" ههههههه عرفتة سويلم الكذاب حبيبي ذولة يدورون صيت منين يجي من طي..... لا ذيب ولا جلب لازمين عمليات بكد شعر راسة وياي زلم سباع ميلحكهم بشجاعتهم خضنة معارك يابو معارك صدام حتى جلاب وكنه اجة هذا
ثعلب عوة شنو الثعلب غير المكر عدة "
سيف" من كلي ثعلب اجيت اسمطة بزيج لزمت روحي وصعب يهز بيدة كلمن حط نجمة على جتفة صار عنتر زمانة وهوة تفلة ميسوة "
زياد" سيوفي همة هاي الشلة الطيحت البلد يستخدم مركزة لمصالحة مشوف طايح حظنة هاي هسة حركة جديدة الرايات السود ماكلة بسورية بدت بيها "
سيف" خوية البلد ضاع اضعنة ويااا "
زيادة "من شوف الثعلب عود اعفطلي علية هاا العفو اقصد سلملي علية هه هه واللة ياالله"
طلع يضحك ويفر بسبحتة البيت فارغ من صوت الما واخوانها ضليت يم الحجية حسابات براسي
كضيت اليوم بين صفنة وصفنة امي الحجية تتعب ماتسهر
اخخخخ يل عيونة مناطرة وطلبة المتولع شيجيب هذا اليوم هيج الي حظ وبخت والكاهم
اختنكت اخذت باكيتي وطلعت للحديقة كلبي مقبط خابرو جماعتي رفظتهم ماناسيهم متناسي من ينجاب طاريهم شكو ونة بكلبي تفز وين صفة بيهم الدهر
مددت على الكرسي ورجلية على الطبلة احرك بهل تتن وياريت يخدم لو شوية من حركة البداخلي صرت احسد العدة اهل احسد الفقير الله مكني وخير وبركة ماناقصني
بس وجودهم لو بس بلاسم
المايعرفني حتى يشكك باصلي وحك الله هذا مجتمعنة ماانكر الاصل ساس والمالة ساس مالة تاج بين الوادم
نص الباكيت طيرتة واني على كعدتي كمت طبيت انام
شكد الحجية دكلي اخذلك غرفة ونام فيها واني ماراضي
ماارتاح يعز علية اكول مقصرين مابيهم قصور لو واحد
بس انة الكلبي يحسب للكلمة الكولها شكد صير امور مااكدر ادخل
رغم ابوي الشيخ مخولني وكلها بلمنطقة تعرفني ابن حجي جليل هاي الي يريد مساعدة يصيحني بوية تعال شوفة وانة الاكدر علية اقدمة
امور البناء تحت اشرافي واشراف فرات الشيخ علية يمول شكد تعبت بلبناء سوينا قصر وزياد بصفنة وفرات يمة
مرت الايام كملنة البناء كعدنة بي وسياراتنة بلباب وهذا جان سبب الاستهداف عرفت من درو اني وزياد ضباط رادو يخوفونة ميدرون
من سابع كاع اطلعهم وصلت للمقر الامر صعب كاعد دخلت سلمت علية يابة شكد يحبني رجعت الشغلي كاعد اكمل بسجل المعتقلين وافاداتهم
دخل عصام جندي ضرب تحية رفعت نضرب "سيدي لزمو المجموعة الثانية..... متاجرت المخدرات
وكفت طفيت الجكارة طلعت ورا دخلت الغرفة التحقيق شباب بعمر الورد واحدهم استغفراللة سندس مو ولد الشعر مكفش العيون باندة من كد مايتعاطون
ابتسمت شكد مااكون هادء بس هنا لا يختلف وضعي صحت" اي حبايب شلونجن صدقة للكذلة ام كذيلة شيليها لا احشها الج "
رفع كذبتة ونزلت رجع رفعها اووي برهاوت ايدة عدي عرض صحت بي شيللللها للللللك......... "
ضل يبلعم ك....... بابا انت مخنث عدك عضوين شنهاي الكلان........ وين كاااعد بنيويورك زماااااااال "
دنك صحت ارفع راسك حيووووانة مو مرة وتنزل راسك خرب..... يمي عصام يضحك بلة عليك شوووف هاي النماذج
عصام "سيدي يرادلهم حار بحار يكعدون وزن وقافية"
ابوكذيلة تقربت منه واكفين واحدهم بطولي اخلاق ماكو خلقتهم شبيها كالبيها واحدهم اسمر احمر شحاطين
سيف الدين "اي عيني شووو عاين باااابااا ارفع راسك اشوفك هاي شبيها خلقتك شحاط كريم شمصخم اللة يصخم وجهك الازرك"
"محا ا ا ط شي اني هيج"
ضل يعتعت " رب الحلوووو شنو مخال شي وين اكو بطة تلعب شناو صحت بي احججيييييس للللك ساق........ ين
كوا......... مخانيث انتوووووو منين جاييين اكصه...... احسللكم بابا المن خاليهن زلم انتووووووو خرية انتو كر.....ونة شدولكم شمصخم بخلتك عاب هل خلقة السزز"
موتني يعتعت "ع ع ع ع صارة درمودين وكري م بت العرب"
عصام طكها بضحكة واني عيوني صارن بكصتي
سيف الدين " صدقة لمك الجابت هي جروو اي عيوني انتي شووو سولفيلي اسمج الكامل "
خرط اشمة واسم جدة السابعة زمخت بي سكت اخذنة اسماهم عصام كاعد يسجل والطاولة كدامة
عدنة اسلوب نستخدمة للي نريدة يعترف بدون مانتعب روحنة يعلكون كم واحد فلقة الي مصر مايعترف ونخلي البقية شهود عيان بعد وحدة يزوع الاول والتالي
هذا اليمول للناس وهذ اليبيع وهذا الي دلفري صاير ناس راحت بيها بسبب جشعهم مرة جابولنة واحد كاتل مغتص... اختى بسبب جرعة زايدة مايدري بروحة
غير القتل وغير تسليب غير الادمان انتهاك اعراض شبكة متكاملة بينهم اذا منلزم الراس منكدر نقضي عليهم كعدتلهم كعدة معدلة شفت بيهم مبين خبرة ميخاف ذولة الفلقة دواهم
حولتهم عصام وراهم رجعت المكتبي درجت اسمائهم دخلت اسمائهم بلحاسبة رفعت الاسلكي رقم ٧حول يمك واضح
اجاني صوتة واضح سيدي
" فلان....... وفلان....... معلومات كاملة حولهن للمكتب خلال ٢٤ ساعة "
علم سيدي سديتة راسي نفخ صحت ابو احمد طب الرجال متوسط العمر خير "عمي رحمة لذاك الاب الطيب جاي جديد كون مخدر تخديرة دوزن الراس"
ابو احمد "تدلل سيدي يجي كوب معدل"
سيف"شنو هناي عمي شكلنة عوف السيدي "
ابو احمد "ابني مماخذ الساني هذا مقامك الله يستر عليكم ويعلي شانكم انتو رفعت راس البلد"
سيف"رحم الله والديك اخذ راحتك عمي "
مر اليوم بين الشغل وفركي اليودي ويجيب ماارتاح ولا بالي يفرغ اذا ماالكة الدزولنة تهديد شافو امكانية الحجي كالو نستفاد مااطلع ابن حجي جليل اذا ماطلعتهم
مرت الايام غبشت الجمعة لسليمانية التقيت بصاحبنة عرفني بلولد وياهم موضف هوة لاكي الاسم طبعاً توصا من صاحب مقدام
كعدنة اني ويا ورة الدوام طلعلي المعلومات اسم خالتي واسم الاب والجد طبق الاصل فكيت عيني ذيج الحضة مااعدي اي شعور من كد ماا الجمت يجوز مو هية يجوز تشابه الف فكرة اجت بالي
رجال شكدني وشكبرني احس جسمي يرجف مسحت وجهي بكف ايدي كمت ترخصت دخلت للحمام غسلت وجهي لوما عيب اهلي راسي جوة البوري بوخت الحرارة صعدت لعيوني
مسحت وجهي بلكلنس رجعت يم الولدابتسمت مجاملة والة اني الحالة البيها مال اطلع اكعد وحدي حتى استوعب الموقف
نزلت اكل كوة اكلت لوما عيب من الولد كملنة دفعت الحساب وطلعنة حتى ماانزلت جاي بس اريد اوصل للبيت ربي وتطلع صدك خالتي اخذت تكسي وبوجهنة المنطقتهم حسب المعلومات العدة
سألنة على اسم الزوج فرينة المنطقة ثلث ساعات يلة وصلنة لان جدد ومحد يعرفهم نزلنة وكفنة كدام الباب دكا كاكا يحيى مدكن وايدية بجيوبي بالي بلداهل البيت ورة هاي الجدران
كون ينشالن واعرف الداخلها مااعرف حتى اسماء خالاتي نسيتهن انفتح الباب طفل يمكن عمرة عشر سنوات ابيضاني
شعرة اسود يباوعلنة مستغرب
كاكا يحيى حاجا بلكردي دخل الولد دقايق وطلع رجال بعمر زياد يحجي كردي ضل كاكا يحيى يتفاهم ويااا فتح الباب معناها تفضل
كاكا يحيى يعرف عربي وبطلاقة يحجي والدتة عربية بس ابو كردي فماخذ منا ومنا
دخلنة بلصالة كعد يحيى عرفه بية وبدة يحجيلة ابين الرجال من ملامحة مستغرب النكولة يحيى يحجي منطلق تمنيت بذيج الحضة اعرف كردي وافهم الرطن الصار كدامي مثل الاطرش بنصهم
التفتلي كاكا يحيى بعد مااكمل كلامة وية الرجال والرجال هم يجاوبة نقاش طويل واستفسار واني كل هذا ساكت متاني النتيجة
كال "يكول مااعدها اخت مزوجة بلبصرة"
سيف" كاكا رحمة الوالديك مال سوالف خلي تجي المرة يجوز ناسية ماتذكر "
رجع شولف ويااا ماقبل مبين من هزت راسة اني التوتر دمرني نترت بكاكا قنعة بوسة قنعة مراح اكلعا بس نستفسر منها "
كاكا يحيى " مبين خايف من يمنة لو ماا يشوفني احجي كردي مايطببنة اصبر اقنعة "
شكد رطن هوة ويااا واني مثل السمجة دكوم بابا شكد حقنة
اخيرن كام يصيحة واللة ربع ساعة تاخر وكاكا يحيى يكلي " هسة تطلع هية بس هذا مطفي "واني داخلي ادعي
شوية وطبت مرة اربعينية من شكلها بيضة تارسة سافرة
شعرها اسود عيونها كبار لابسة ترواكة وبجامة ثخينة حجت كردي رد عليها كاكا
مااعرف اني شمضيع بوجها مدري الامل دفعني اركز بوجها واذكر ملامح امي غمض حتى ملامحها ناسيهن استغفراللة
كاكا يحجي وياها وهي جاوب ويرجع يسالني اسم امي الكامل انوب ناسي اسم ابو جدها ضليت انطيها اسم خالاتي خالي اسم بيبي بس ذني المعلومات اذكرهن
شكد حاولت وياها تذكر وهي المرة متاكدة ماعدها اخت مزوة بلجنوب اخر خيط امر انكطع وحدت ربي وترخصنة وطلعنة اعتذرت منهم على الزيارة المفاجئة وكاكا يترجم
طلعنة وصلنة مفترق طرق كاكا وياي ماجر تكسي شلت مبلغ زين ناوشتة تشكر مني مارده نزلت اخذت تكسي للكراج مناك واخذت خصوصي للبيت
وصلت بليل تلكتني امي الحجية بلمطبخ بصفها الحجي بستهم من راسهم مااعرف شلون كعدت يمهم ساعدة وكمت طبيت الغرفتي ارتاح
سبوع مر عرفت عائلة ابو رائد رجعو اخت من خاطرة شكد مااكول انسة اكذب على روحي لليل واحس بروحها دور داير مدايري اغلس مااريد افقد روحي يمها انسة نفسي الما بتي ربت كدامي
تجيني ايام اقرر اشرد بيعا واليصير يصير ارجع اسيطر على روحي لو اكتل ابن عمها وادخل سجن ولا ياخذها مني
كاعد بغرفتي يمي الولد غرفتي بابها على الحولي البراني بزاوية من فرت الحديقة ادخلهم بيها ناخذ راحتنة تاخرو وطلعو
كمت نزعت ملابسي ستوني انام تلفوني رج رفعتة رقم هذا خط البيت بس اهلي منطيهم هذا الرقم وعدي خط للعمل جماعتي بلشغل الناس من تحتاجني واكو خط مخلي سبير للمهمات شوكت ماا احس بي مراقب اكسرهن وابدلهن
بس هذا خط العائلة محد يعرفة غريب جاوبت
الووو
محد يرد بس صوت نفس
كعدت رجعت كلت الوووو
ماكو جواب
يمعودين هسة انتو مااجاوبون ليش داكين ازعاج ليلي
حسيت بضحكة خفيفة من النفس
ابتسمت عرفتها هي ملعونة اموووت على ربها
"ولج الما مااتوبين"
ضحكت بخفة لينسمع صوتها "احبك"
حركت كلبي "اخخخخخخ يالوعتي وبلوتي ولج اعدمهم اكتب بيهم بلاغ واخيسهم وانعل اباتهم البعدوني عنج"
الما"لا خطية سيف "
سيف" مشتاقلج بطيتو هناك"
الما "بابا ماقبل ضلينة للسبعة ورجعنة"
سيف"الما ابن عمج الشفية خو ما صار عنتر زمانة وتقربلج"
الما"لالا واللة اني اصلاً مااضل بلمطبخ لان يطبون ياخذون اكل كاعدة يم ماما ولامة اخواني "
سيف" هااا بداعتي "
الما"وداعتك ومعزتك بكلبي"
سيف"بويه مارايده روحج امشي صدك منيبج هذا الرقم"
الما "رقم ماما سيف انت مااتريدني ريحني"
سيف "طريقنة طويل والدنيا كلها وكفت ضدنه"
الما " لا انت ماحاولت مااحربت علمودي ليش سيف متحبني وخليتني احبك "
سيف عكدت حاجبي "شنو هذا حجي جديد منو عبا براسج بنتي الما مو عيب اضحك عليج شنووو شفتيني
ناقص غيرة واقشمرج لو مااعدي غيرة"
سكتتت نترت جاوبي لا تنلصمين
سدتة ببت...... خرب روحج اني سدي بوجهي وراحت خفت ادك واحد يمها
ضليت اتكلب كمت شغلت التلفزيون كعدت اكلب بي حسيت بطكة حجارة طفرت حرامي سحبت سلاحي وكفت يم الحايط باب غرفتي خشب ميطلع صوت بطرك الشورت طلعت اتلفت البيت مملي اضوية وبوجكترات
مالية الحديقة والكراج طلعت للحديقة الامامية ماكو طبيت للصالة خال كامرات شفت الكامرات بوكتنة ذاك من ذاك شاد كامرات غالية
ماكو احد رجتت دخلت للمطبخ سحبت سلت الفواكة الغرفتي صوت نزلت احد مديت راسي الما بلة حجاب
وبيدها ممية اخوها وكفت طبت للمطبخ ضلمة ضوة البرة يعكس من جام الشباك
فاتت مستعجلة شافتني اجت تعيط سكتت لازمة كلبها تنهدت فحطانة" كمزتني "
سيف "اشايفة بعبع" رفعتلها حاجبي
دنكت "لا موادري محد هنا"
شعرها ناعم سبحان اللة جان سبرنكات شمسويتلها وهي نازل طويل مخربط مبين ضافرتة من ورة بهاوة دشداشتة الفانيلة مبينة تفاصيل جسمها بصراحة ثارتني
شكد اني لازم روحي منضرها اغراني
خجلها موتني كلبي المشاني شوقي ولهفتي تعب سنين
قادني مااكدرت غير اجرها واحضنها يابويا جسمها طري جوة ايدي عجينة سيف ماضل عقل براسك انت الثكيل
ذبحتني نوب راحت بحضني رفعت رراسها ترجف سيف
"روحة وكلبة عيون سيف وردتة الماا مااكدر واللة كوة مصبر روحي اريدج محتاجج بكد الدنيا تحمليني بس هسة
اباوع عيونها ذبلت فهت واني نخرط كلبي بتسبيلتها
مااكدرت اخذت شفايفها كانو اطفي كلبي بيهن غبت عن الدنيا قسيت ورخيت عالم اخر
مااكدر بعد اريد اسند روحي واسندها ماعت بين ايديه خرب اريدها توكف ماكو
واني رايح بطعمها واللة دخت مامجرب هذا الطعم روحي تلوب عليها كعدت بلكاع كعدت بحضني نلهث ثنينة راسها على صدري
غمضت متوتر احس روحي عركت وجودها بين ايديه بحث اخر واللة القتال اهون منه اريد ابعدها مااكدر حاضنها ساكتين شعور مختلف طعم ماكو منه محبوبتك بين ايديك
بعدتها وخرت مثل الوعت بستها براسها كوة حجيت النار بكلبي اريدها ومااضيعها لو اعرف ارتكب جريمة" مصيرين الغيري وريحت امي الماشبعت منها وحك رمش رمش عيونج "
عفتها وطلعت طبيت لغرفتي كبل للحمام مااعرف بيش سبحت بمي بارد بحار ماادري عقل ماضل براسي
بيومها اول مرة اكفر اول مرة اذنب هيج ذنب طلعت لفيت راسي مانمت ضليت كاعد اريد صورتها تروح من راسي قفلت بهذا اليوم
كرهت ابوها وعمامها سبيتهم سب حتى اجداها شعلتهم بكبرهم كرهوني بروحي وبليوم الكاني الشيخ وجابني يمة
داومت واني اسحك بلجكاير اعارك ذبان وجهي سبوع واني حدي للغرفة حتى المطبخ ماادخلة اول تالي اني مااكدر على نفسي
مرتين صادفني ابوها كوه اسلم علي
شهر مر وخلصت ٢٠٠٩ ودخلنة ب٢٠١٠
الحجي ناوي يشتريلي سيارة تفيدني واني مااريد سيارة المديرية عدي مااحتاج
سنة الالم سنة الحزن والسواد راسي قبط ستوني نازل من الواجب واسمع الشيخ يوصي بلحجية تجهزها مقدمين عرسها ياخذوها صنطاوي
وكفت معترض ناار بية ميحسون صيحت " يااااخررررة احركها وال خلقها اعددددمها ماتطلع عتبت الباب "
اول مرة هيج ارفع صوتي اول مرة افقد توازني لزمت مواعين المطبخ طحنتهن بدفعة وحدة جريت كرسي الميز ضربة بلميز سويتة نصين
ركضت للهول صحت بصوت احس حنجرتي طلعت "قندرة جهزززززين العرسج احركج والحرك كلبي ادفنج ومطلعين من نذا البيت وتنزفين اسوي جفنج"
نزل ابوها ينتر صحت بب " شكوووو الك عين تحجي انت حديده على الطنطة مو اجيت من تالي وكت وصرت ابوها وتخاف من خوانك الك..... ا الشيخ رباها انت اسمك اب طلقة براسها وبراسي مااخسر شي سحبت اقسام عاطت امي ركضت حضنتني بضهر
"يمة سايمه عليك الله سايمة عليك محمد بداعتي عدك بس عوف هذا والتريده يصير موو حجي احجيلك كلمة كله الك متروح الغيرك"
سيف" تقشمرين علية وهذا الرجال قشمر بمخابرة من اخو العار ينسة حتى رب.... "
طلعت عن طوري فقدت فرات ركض لزمني الحجي يريد يكضني مايكدر ابوها يباوعلي مراضي سبيته وهوة كدامي ساكت
وشة بذاني صارت
فرات " مخبل شبيك تخبلت امشي فوووت خزيتنة عمي رحمة لبيك اصعد البيتك ست الرجال واني مويمهم
عيوني يحركني اذاني قبطت شنو الصار سواد ضلام دامس محاس بشي
سديم
من يومها سلام صارت مخابراتي ويااا بلختلات مرات اخاف ومرات اجرء جنت حابة هاي التجربة احس روخي اساويت وية بقية البنات خالي حالهن
يوم يوم يعدي كمت عادي مااخجل منه مثل قبل عرفت سوة البوستر وعلكة بمحلة علمود ينطيني رقمة ويكدر يوصلي حبني بشكل مو طبيعي مقرر يتقدم بس اتخرج
اريام حاسة بية من اخذ تلفون بحجت اوقت المنه بس مغلسة واني مرتاحة
يصير وقت الحلة اوفة واكف كدام محلة اكعد بمكاني عيونة تحجي الهي روحي وية البنات اخجل منة بسيط
شكلة مألوف الية لحد مااوحدة من بنات الخط كالت " باعلة شكد حلو يشبة قائد حلمي اريدة اريدة صاحت "
والبنات يضحكن كلهن ضلن يباوعن علية اول مرة اركز بملامحة حنطاوي بياض عيونة كبار مدورة شمرت حاجبة حلوة تفاصيلة تجذب
مااعرف منو هذا قائد حلمي بعد زمن طويل بحث عنة بلفعل اله شبة بي
من رجعتمنا اول مااوصلت واهلي نامو رمشتله دك
" هلا بهل صوت يامية هلا "
سديم " لا هلاولا مدري شنو بعد متوكف بلمحل"
سلام " ياستار شسوي "
سديم "طب جوة لتوكف بلباب"
سلام " عاقلة انتي انتضر الدوام ساعة ساعة حتى اشوفج دكليل لتطلع بلباب وليش مضايقتج وكفتي "
سديم" حباب الخاطري لتوكف "
سلام" شكو ليش متردين اول مرة اشو هيج طلب "
سديم "مايعجبني يشوفنك البنات"
سلام" واني شعلية بيهن انتي حبيبتي واريد اشبع شوف بيج ذني مايهمني "
سكتت مراضية حسيت حركة بسرعة سديتة ومسحت المحادثة رعب رعب عايشة لتلكفني اختي
للعصر اجت ربى جايبة هدية البيت تحسين جلبت وياهن راحت امي وهي واني طبينة الطرمة فايضة مي مطر والركونة ضال التراب والرمل مجمع امي هزت راسها مقابلة
ربى دردم " ابن الزفرة سنين ماايقبل نعزل وهاي الخايسة ام الجيف.... حظ اخوية ركض بيها يعزل اوووع باع سطبة الزبل شدعي عليج مرت عمي بمرض بذاك
يخليج تح..... وماطيبين "
اضحك عليها ربى مااتسكت ماتخليها بكلبها دكينة باب المطبخ واكفين والدنيا بيها غيم نهاية شتة
ربى " مطمورة المسعدة وبيتها على الشط صدك على الشط اذا الطرمة غركانة "
فتحت الباب نعمة والعطابة كابة لمت شعرها سلمنة وطبينة نفس الطاس والحمام ونفس الوصخ
كعدنة مدري شعجب رحبت بينة وكيفت طبت سويت جاي واحنة بلهول ابن تحسين يمي بحضني العبة اخءته ربى تبوسة كشت روحه من يمة
وكفتة على رجلية ولازمة ايدية تهمسلة (جنتنة خبيثة وماتحب دكوم چملها وصاخة من تغسل هدوم شمالك ييمة وعرس المهيوم ) عينها على الباب رادت تكمل طبت نعمة سكتت ضامه شفايفها لداخل حلكها
امي كوة لازمة روحها واني اجيت اطحكها بضحكة لو ما تخزرني ربى سكتنة اقل النص ساعة ماتحملنة طلعنة
امي طول الطريق تاكل بروحها على اخوية شنسويلة تحسين ملتزم يخاف الله ميكدر يطلكها ولا يكدر يزوج عليها امكانيتة مو مال يفتح بيتين
مرت الايام وعلاقتي قوت بسلام
كاعدة نص اليل اهلي نايمين خاتلة بلحمام اخابرة سرحانة ويااا لازمة خصلات شعري والف بيهن
يومية من اكعد بلسيارة انتضر بنات الخط جانن طالبات السادس يتأخرون بسبب الدروس الاضافية نهاية الدوام
كاعدة وهوة كبالي ميته مستحة الخط كله عرف بي
يباوعلي غمز عود اسمعي اغنية نصرت البدر بوسة الروحك والكلب ياعمري اوديها
متت بدمي كل مااذكر حلفتة يبطل ميقبل يصيح احبج خرب لشتي سويتي بيه ويضحك واني اطير بمشاعرة
...... يتبع
مساء الخير
حبايبي شلون تعرفون هاي قصة اذا اتغاضة عن التفاصيل الصغيرة شلون ننقللكم قصة وتعيشوها بلة هاي سلسلة
هي غبارة عن ايام وسنين دااحاول شكد مااكدر مااطول بلقصة
مااخفي عنكم فرصتي هاي العطلة علمود اختمها وياكم خلوني براحتي اكتب لتقيدوني خلوني انقلها كما هي مااريد اختصر بيها
رواية بين الكاف و النون الفصل الخامس وثلاثون 35 - بقلم saja altaie95
بين الكاف والنون
السابع والثلاثون
بقلم........ سجى الطائي
باجر انسولف حزنه
وننسى كلشي
ونضحك بوجه الليالي العذبنه
سديم
ايام وليلاي اني وسلام على تواصل اريام اختي شكد ماتكون فطيرة اني مشاعري فاضحتني اول حب بحياتي اول علاقة هيج اخوضها مكيفة بروحي
منطلقة ويا بلكلام فاتحة مي الحمام سلام يغني صوتة يخزي خربانة ضحك شلون لعب بعدادات الاغنية خرب الحن
سلام" ايابة سددمدم هيج مااصبر ادز والدي نخطب"
سديم " لا عفية عدي دراسة "
سلام "يمتة تحبين مااعيقج مجرد نلبس خواتم اضمنج الي"
سديم " ماادري احس روحي مامستعدة حالين اكمل الخامس والسادس يمكن اكدر " ماخالة بالي الزواج كدامي طريق طويل اهم هدف احقق دراستي
سلام " ياسادس سديم سنتين مااصبر سنتين نخطب وتعالي يمي كملي ماامنعج الوالده تلح بس اني المعارض ادور وحدة على مرامي ولكيتج "
سديم ضليت مامقتنعة " السادس صعب وبس انجح من الخامس دورات وقراية الزواج صعب للتدرس بس اتخرج من السادس مااعدي شي عادي اكمل جامعة "
يتنهد مامقتنع "على راحتج"
سكتت وية صنطة الجو نفك الباب بقوة جفلت ملتفتة نسحب الجهاز من ايدي انعت بزمخة اريام خلتة على اذانها
صاحت الووو ماكو رد بعدته عن اذنها شافتة مسدود
خزرتني جرتني طلعتني سحل احس كلبي صار بيدية اريد احجي مااكدر البيت صنطة انصدمت اماني واكفة تشرب مي شافتنة استغربت دفعتني للصالة وسدة الباب
كلشي ولا اماني تعرف تموتني ثواني وطبت تباوع متفاجئة عيونها تسأل شكو
اماني "شكوو اريام شسون بهل وقت"
اريام تخزر بية واني بهاي الحضة ردت من اللة بس تسكت وتستر علية كلهن اهون من اماني شرطي البيت ماتفوتها فايتة وبلاخص اني ماترحمني اذا غلطت بشي
اتعاقب اتعاقب لو اموت اهم شي عدها اتحمل نتيجة افعالي
ردت اريام وعيوني متعلكة بيها "سمعتها تخابر بلحمام"
التفتت اماني مصدومة نضرتها المتفاجئة مامستوعبة السمعتة ذبحتني خيبت ضنها
اماني "اريام منتبها الكلامج شنو سمعتيها تخابر اخاف متوهمة"
اريام " اني حاسة علية من فترة تلفوني هواي يختفي من احتاجة بس اجي لمكان نومها الكا جوة مخدتها غير كعدتها نص اليل وتدخل الحمام
بلبداية عبالي تغسل او تبدل تكررت الحالة موقتة بس افز ب١٢ ماالكاها بفراشها الجو شتة شككتني بروحي ليش تسبح يومية المزوجة مو بكدها
من اتقرب من الحمام اسمع صوت همس اكثر من مرة اتفقد رصيدي الكا قليل واني اعبي اضل بي بلقليل سبوعين تعرفين بية ما استخدمه هواي
واليوم دخلت عليها فجئة لكيت التلفون على اذانها مااعرف ويامن سولف جريتة منها سمع صوتي سدة هاج هذا الرقم
اخذتة من ايدها شافت الرقم ضلت تبحوش شافت مدة المكالة نترت " نص ساعة تحجين ويااا "
اريام " اماني صوتج لا تسمع امي غرفتها قريبة والصوت يوصل بس يعرف ابوج يركض ينشرها يم اخوانة ونصير علج بحلوكهم "
تقربت اماني واللة من حركت ايديها ودها تذبحني نضرتها خلتني اختض نتر "هسة تحجين منو هذا ولا تكذبين سديم اي حركة منج اخذ الرقم واخلي بيد حسام وتعرفين اخوج شكد عصبي احجيلي منين تعرفي وصالج شكد تحجين ويااا"
دنكت افرك بصابعي بدون تفكير قررت احجيلها من عيونها اريام واضحة تحجي لخواني خفت يبطلوني من المدرسة كلشي ولا حلمي
كعدت بلكاع ارجف " عرفته كوة طلع صوتي نترت احجي عدل منين عرفتي
"بس حبابة لصيحين واللة احجيلج كلشي"
كتفت ايديها نزلت المستواي " مو لازمتلج سيف على ركبتج عيارة احجي "
حجيتلها كل الدار بيني وبين سلام وشلون تعرفت علية تباوعلي وتسمع صوتها مااطلع اني احجي الكلمة واحلف صدكني ماادري شلون كدرة اسولف نزلن دموعي مااعرف
حسيت روحي تورطت
كملت هزت راسها " بعد مااتخابري وتنتبهين الدراستج وشيلي من بالج "
سكتت اهز يراسي
اماني "يس اسمع او احس اكو بينكم تواصل مااخسر اسلمج لخوانج يتصافون وياج الضاهر انتي مو مال احترامات انطيتج اكثر من قدرج"
بجيت قهرتني اول مرة اماني تحاجيني بهاي الطريقة هانتني بدون ماتفتهم سلام رايدني بلحلال ماضاحك علية
نترت "كومي انطمري خفة بس سوالف العوجة تجي منج"
ركضت نمت غطيت راسي دمعتي على خدي بجيت بحركة كرهت حتى سلام
مااعرف شكد مر الوكت نمت بتعب كعدت على صوت امي تندهني عدي مدرسة "يمة شنو داخلة بغيبوبة انده بيج وانتي ماكو بس النفس يصعد وينزل"
وخرت الغطة لميت شعري ماجواوبتها ضلت واكة تلف بشالها "غسلي وتعاي تريكي وية اماني تلكيني تبدلين"
طلعت وسدت الباب سديت عيوني يوجعنيمن البجي اليل كلة كضيتة مقهورة احس روحي ضيعت ثقت خواتي بية مو طبعي اغلط هيج غلط
كمت طلعت طبيت للحمام غسلت من اصب المي عيوني يحركني مورمات رفعت راسي المراية كبالي منضرهن خوفني هنا منامو كبار انوب الجفن مورم صايرات زروف جفجير
طلعت رجعت للغرفة بدلت جانت بيها بس اريام نايمة واماني بلمطبخ متانية خطها بطني مغصتني ماودي التقي باماني اخجل منها طلعت بيدي الشال الجنطة سحبته من ورة الباب حتى الجدول ماحضرتة
داومت وطول اليوم مالي خلك ودق حست علية ضليت مجاهلة الضوع بس اريد اطلع بزعت روحي اجة الخط صعدت حولت مكاني بعد ماجان محجوز باسمي كلها تعرف محجوز الية محد تكعد
اسمع حجيهن ومهامزهن على سلام ساكته صح ضايجة منه بس بنفس الوقت تحرك شعور داخلي درت وجهي عنهن
استمر الوضع اشكال سمعت حجي عن البنات ماخذات رقمة ويتصلن بي وهوة مايرد عليهن ضليت صافنة على الجرئة العدهن بنية تتحرش بشاب كون تجي اماني وشوف وتسمع
تعتقني من يوم السالفة وهي محاربتني لتحجي وياي
مالها شغل بدراستي شكد جنت معتمدة عليها بلمواد العلمية شالت ايدها مني ازيد قهر واسكت الزم الكتاب اشبع بجي اجابني ورطت روحي
بيوم كاعدة احضر بجدول الدروس اشوف شعدنة باجر واخلي الكتب بلجنطة نفتح الباب اماني فاتت عبرتني وكعدت على الجرباية مقابيل
ساكتة دنكت اكمل ترتيب وبالي يمها افكر دخلتها بعد ذيج الايام اصور عدها حجي تحجي
دقيقة مرت الجو هادء واجواء الشتة توحي بلكئابة اماني حريصة علية بشكل مرات اتخيل روحي بتها وتخاف علية من الخطأ وتحمل روحها مسؤلية هذا الخطأ
حجت بقهر " السويتي ماينسي قهرتيني حيل متوقعت منج هيج تصرف مستواج نازل بلدراسة وهذا دليل ثاني علاقتج بي تأثر على مستقبلج يلهيج
ضليت مدنكة اسمعها والدمعة رفت بعيني
كملت كلامها " الولد عكس ماتوقعت رايدج بلحلال واكدلي شوكت مااتصح فرصة ونردلة خبر يجي يتقدم بس كل هذا مايشفعلج غلط تنطين مجال لاي ولد بلاخص اصحاب المحال
عدهم نضرة بلبنات واصحاب تجارب واحتمال يضلمج ويلعب عليج الله حابج وطلع الولد ابن ناس لو غير واحد يخلي الف احتمال مثل ماانطيتي مجال تنطين الغيرة هذا حد تفكير البعض مااعمم
انتبهي التصرفات اي فعل منج نتيجتة مردودة عليج وعلى حسام تحسين تجيهم حجاية وبلأخص احنة بمنطقة شعبية
اكيد الولد يعرفون بعض موقفهم صعب من يلاكيهم وهوة عدة علاقة بيج مااضمن الج شنو راح يفكر بيهم
خلي احتمال اذا علاقتكم مااستمرت ولا سامح اللة ماكو نصيب تبقين بذاكرة وكل ماا يشوف حسام او تحسين يذكرج واحتمال جبير يحجي بيج كدام جماعتة جانت عدي علاقة باختهم
سديم لتخطين اي خطوة بلة ماتفكرين بيها الف مرة لان اي غلط انتي دفعين ثمنة وبلاخص انتي بنية وعدج شماتة منج وبيج يحاولون بس زلة علمود يشوهون سمعتنة
خليج نقية لحد ماايجي نصيبج فد تكونين مرتاحة بالج صافي واذا الله كاتبلج تلكين نصيب بشخص رف كلبج الة
هاي عطاية ربج الج وينطيج على بياض كلبج وفطاريتج
ابثة اكلج كوني حذره وخليج قوية لتضحكين للكل اكو بيهم يستغلون هذا الشي لذاتهم الشيطانية
مااكلج بس انتبهي لدراستج وخلي كلشي للايام
بعد هاي لرزالة الناشفة مغلفته بموجز النصائح كرهت نفسي
شبعت بجي بس طلعت نزلت دمعتي حتى سلام بعد مااريده
التهيت بدروسي الايام تركض بية عرفت ابو سلام مخابر اماني وطالب ايدي يريد موعد يجي وهذا الشي ماكفة اختي
بعد شالت علية صار بخاطرها مني اكتفيت بدراستي اروح بدربي وارجع ابدربي اليوم اخر يوم بلامتحانات منها ونعطل احس حمل ونزاح عن كلبي شكد جنت شايلة هم
قررنة اني ودق نرجع مشي بما ان اخر يوم بعد مانلتقي لحد يوم النتائج
طلعت من المدرسة شفت السايق رجال جبير لازم نطي علم لا يضل منتضر وهم هوة يعرف تحسين احتمال يتصل بي ويقلق علية
وكفت يم الجامة ابتسمت هاي طبيعتي الضحكة متفارك وجهي تحسين يحبني على فطاريتي ابتسم الي "عمو راجعيني اني ودق مشي كلت اكلك ليض بالك"
ابو محمد " ليش بوية الجن حيل للمشي "
سديم " اي عمو حباب اخر يوم ونريد نسولف نكضي الطريق بعد وين اشوفها "
ابو محمد "تتاخرن بوية وطريق بعيد عن بيتجن ولا توصلن متاخرات"
سديم "عمو بس اليوم حباب واللة نرجع للبيت ومانروح منا ولا منا" بلاخص عمو ابو محمد كلش يخاف علينة امين بشكل بحيث تحسين وحسام موصي اذا نحتاج اي شي بطريق هوة ينزل ويانة نشتريها ونرجع
ضل يفكر وكوة اقتنع وكال اخابر اخوج اطمان اذا ما وصلتن من وكت
كيفنة ودق ودها تحضني عبرنة للسايد المقابيل بعيد عن السيارات صار بوجهنا محل سلام دنكت وعبرت بسرعة همزين مامنتبة جان داخل المحل
ضلينة نتمشة قررنة نمر للمكتبة اخذ دفتر مذكرات على الواهس رسم وتلوين وفرشت تلوين المكتبة تفتح النفس
ودق تكرس بية يلة واني لا شوية بس قلم بس ورق بس فرشة
كوة طلعتني ودق متونسة نضحك ونقشب بلعالم نقلد على هذا ودق فاطسة ضحك "باعي هذا خشمة يشبة بصلاية"
التفتت للشارع استدارة نعبر يلة نوصل الشارعنة قريب منوصل عبرنة من سرعتنة ماشفنة السيارة ورانة ثانية
وصوت البريك صحت يمـــــــــه وكفت مهبوطة ودق
عاطت مهبوطة
وكفنة ثنية مخترعين نزل الولد يصيح ثولااااات عرب جــول
تفوتن من الشارع بيت الخلفوجن مو شااارع عام استغفرالله شلون ضهرية كشرة بوجهي وين الي الله شايل عقلة
نبلع لساني نسيت اني وين بس الهبطة بية اباوعلة مااعرف شصار وهذا يلغي اريدة يسكت
يباوعلنة ودق خجولة طبيعتة مترد على اي احد متعرفة لو يذبحوها ضل يتلفت عبالة بية شي فرق بينة وبين السيارة ربع متر
تنهد يستغفر "نطقي عيني بيج شي لا الله الا اللة يمعودة شوفيها شبيها خرست نوب طيح براسي صير زليخة زمانها"
دموعي نزلن مسحتهن الرجفة مجاي تروح كوة نطقت"مابينة شي بس ولي "
فتح عيونة متفاجئة "مو صوجج ماكلي هبطة بكد لشتي وانتي لسانج اكول منج اللة يستر على بناتنة "
واحد مااعرف منين طلع كال خير عادل شكو تجوعر بهل ضهرية بنص الشارع منو ذني "
وكفتنة مريبة ببنص الشارع وثنين بنات وسيار ة حديثة كدامنة
شلت جنطتي وعفتة يسأل بي وذاك يجاوبة ودق انخرست واني مااعرف شبية صار عدي اختلال مدري من الهبطة كانو بغير عالم
ارغد
اخذت تكسي بعد الاتصال الاخذتة هسة اني بيها عليها اكض فلوسي تكاسي شورطني ويه هلناس
تعاملت وية الولد خمسة الاف اخذ خرب لشتك هية هاي هنا وين رايح لكربلة وكفت باب بيتهم دكيت الباب
الدنيا حارة سميطة والشمس وصلت لمعائي
والترابة كابة زفرت بضجر احاجي نفسي شلون خشمي الطويل اكصة وين شغلة فاكة ادخل روحي بيها
رجعت دكيت الباب بصوو اقوة هاي المرة ميتة شبيها
رجعت ادك ماكو اي صوت بل عشر دقايق اني مشتعل ابو ابوية تمنيت سطل مي بارد واديرة فوك راسي
رفعت شعري بصابيعي رجعتة ليورة رجع على عيوني انعل ابو اليخليك اذا مااحشك صفر طكت روحي صحت خالة خالللللة
هاي شلون سالفة المن دزيتي علية استغفراللة فدلا صايرلها شي هسة اني منين اعرف
الشارع يصوفر هاي اخر شي ادك الباب الطلعت طلعت ماطلعت الوف ورجع بين تفكيري نفتح الباب كلت يااللة اجة الفرج
مدت راسة المرة وجها اصفر تنهدت كوة تحجي ادخل يمة مابية حيل للوكفة
باوعتلها كوة تمشي طبت كدامي فتت وراها عيوني عليها شبيها هيج محنية وضحعها اربكني كعدت بلصالة وعي كدامي كعدت تجر النفس كوة
ارغد "خيرج خالة مبينة تعبانة"
خوفني وضعها هسة تموت كوة كالت "لا يمة مابية شي السكر بهذل احوالي تعذرني مابية اكوم اضيفك"
ارغد "حجية المهم وضعج اذا مالج خلك حضري روحج اخذج لاقرب مستشفى"
"ريتك سالم عيون خالتك تنهدت تسحب نفس صافنة علية عرفت بحلكها حجي
كتلها كولي حجية امريني
بجت يمة مالي غيرك بعد اللة انت واللة عازت العزوة عازة واني ضليت بلاية حايد اتجة علية فرد نوب هجروني
اسمعني يبعد امك واللة خجلانة اطلب منك اسمعني للاخر والقرار عائد الك
اني مواتة الي يوم تلكوني بلفراش مسلمتة للواحد القهار
اسمعها ميتة قهر كوة تجر النفس وتحجي دمعتة كل حجاية والثانية تطفر
يمة اابنية يتيمة من بعد الله اني الها اذا متت وين تروح يجي هذا لمايخاف ربة مو جن بته عدوتة الفلوس غاسلة ضميرة
يمة وحك الحي القيوم وحك كل لوعت كلبي حركت لوحي لوشوف كلبي مجمر نار مشتعلة بي البت ماسة لا احد. كايسة ولا مدنالها عمرها ماطلعت عن شور اهلها تروح بدربها وترد رجعت بجت تكطع الكلب
منصي اسمعها وصلت فكرتها فركت وجهي لا اله الا الله
اكو هيج ضلم اليشوف حال ومال اهلها مايتوقع بتهم بهيج بمكان عايشة صدك الناس ضمائر والضمير نقطة بلجبين اذا طاحت الانسان صار حيوان
يشوف الناس وحوش ويقاتل في سبيل يوصل المبغا
ضليت اتنهد هلكد بجت حاس بيها متكدر تنزل نفسها اكثر سحبت نفس" لا تكملين يمة وصلت "
غطت وجها بشالها ارتفع صوت بجيها كطعتني وصل كرهت حتى روحي
فوك مرضها وفراك اهلها وعيشتها الصعبة طاحت بركبتها رغد وطمع ابوها وعمها بلحضتها تيخلت روحي انحط بهيج موقف تمنيت الموت ولا هلذلة
طلعت برة اسواق قريب اشتريت جكاير مااعرف شنو اسوي المهم اخمد النار البية صح مااشرب هواي اوقات من اختنك
ضليت اسحك طيرت نص الباكيت رجعت الباب على فتحتها مشيت للصالة على كعدتها مدنكة صافنة بلكال تحمحمت فزت عيونها مصدمة
" يمة مامجبور انتخيت بيك ماكدامي غيرك اتنخة بي "
ارغد " حجية انطيني مجال وان شاءالله خير "
هزت راسها ساكتة ترخصت منها وطلعت وصلت للشقة بدلت وطبيت اسبح طلعت انشف براسي محمد كاعد
ينركل " اكو شي ينوكل بطني صوفر "
محمد " مخلمة اكو زادت "
فتحت الثلاجة بارد مو مال احميها " سويت بتيتة وكليتها كعدت اكل كملت غسلت ماعون والصينية
سحبت نفس اخر شمرت الكطف كعدت حسبه ورة حسبة لا اكدر ازوجها واضمن محد يدنالها وين اكعدها
ولا اكدر أمنها يم واحد. ثقة كل الداير مدايري عفطية
شكد شايف نذالة بحياتي بس مثل ابو رغد مشايف
للضهر صليت وطلعت للشغل وهذا الهتلي يفتر علية تعال الزم الملها بليل خاب دتطير لاكي شغل بي حظ واكابل جهرتك الزفرة تطرد النعمة
اخذت تكسي ورة الشغل وتوجهت للعتبة الكاظمية سالت على سيد دلوني رجال اربعين كعدت انطيتة رؤس اقلام عن الموضوع وشنو اصرف
كلي " ابني من رضيتم دينة وخلقه فزوجوه انت اذا كنت غير قادر على المعاشرة وكحكم شرعي حلال ماغاضب ربك اذا ثنيت لكن حسب ماطرحتة
شوفلها انسان خير يستر عليها ويراعي الله بيها هذا انسب حل لوضع البنت "
ارغد "سيدنه وضعها خاص واني لحد هل لحضة ماكاعد وية البت ولا ماخذ رائيها اصور الحجية هي الشارت الشور"
السيد " توكل على ربك واستخار وشوف الانسبلك ماكو امامك غير هلخيارين "
كمت منة شكرتة واخذت الطريق كلة افكر لا عدي امكانية افتحلها بيت واسترها بيت اهلي مقبط واذا اخذتها يمهم مايسألوني منين هاي وشنو ولازم اكعد اوضحلهم والبيها مايسولف
وسن وخالتي شيقنعهن علمو خالتي تقفل بعد واني كلبي متعلك بتها
وية رجعتي دكت امي
الو ها يمة
امي "هلا يمة شلونك بلجذب دك اطمن هيج كلب شايل
ارغد" افااا كلبي كلب سمجة لا ماشايل رغم مو قفج كسر خاطري بس تمونين "
امي " ادري كليبك طيب ومايشل على اميمته تعال يمة مشتاكتلك كلبي ناطف على شوفتك تعال بعد عيون امك"
ابتسمت " تدللين جم كوكة عدي اني شتردين اجيبلج بدربي "
امي " اريدنك سالم كلشي مااريدن بس اكحل عيوني بشوفتك "
ارغد " لا مايصير شلون شفتلج ثوب ملمع احمر يلوكلج تفرحين الحجي وتدلعيلة هههههههه بس هااا مو تخلي يحوم وعلى الناشف لا ابوية يستاهل
صاحت فلك طرك رغيد ما سد حلكك
اي مااقبل على تعب ايويا اريد وجبة دسمة حار بحار رجعي شباب بحيلة الاول وخلي يتونس شوية شباقي من عمرة
نترت اياا سا.... ولك انت رحت البغداد تفوسدت تعال واربيك من جديد
ارغد " تربيتج حجية "
عفتها تغرد وسديته خربان ضحك امي اموت عليها عدي هي النفس الاتنفسه رغم السوتة وياي لو غيرها يمكن احطة واكتلة بس هي غير عدي
مرت الايام الاسابيع واخذت شهريتي وبوجعي للنهضة ومناك للكوت وصلت الضهر
دخلت للبيت اشتم ريحة بامية اخخخ ياطبخج عرفتها هي المسوية الاكل من الريحة وصلت. لمطبخ نزلت جنطي
كاعدة مفرشة وتلكط خضرة كدمها طاسة رفعت راسة من صوت فتحت الباب شهكت " اجة نور البيت اجة شعت بيتي نزعت حذائي برجلي
حضنتها واشم بيها تبوس بوجهي وبعيوني واني مو جن شهر كان دهر فات على شوفتها
"ولك رغيد الك وحشة بلبيت هيج معزتك جبيرة وانة اكول هذا المشاغب بس يروح يهدء البيت
بست راسها" طعمي طيب منزل مخصوص الي "
باستني بخدي "افيش ياريحتك كطعي تزعل ودير وجهك مااتفكر هاي امي كلبها يمي واذا طردني قابل انة اكرهك"
انسي يام ومازعلان منج تكدرين دكولين عزت نفسي ماسمحتلي اضل اكثر كلت ابتعد "
امي " بعد لاتعيدها وهذني اخيواتك يطالعنكم بعد امك وابوك طبطبت على ايدي منصي يمها مالهن غيركم اذا غلطن واذا طلعن تبقون انتو عزوتهن علكيفكم وهذاك الله يهدي ماعدة عقل مثل الثور الهايج ينطح الكدامة
قبل يومين يلة فك اسرها وخلاها تطلع وطب حبسها حبست الجلب "
ضليت اسمعلها ساكت امي عيبها تغطي على خواتي وماتريد احد يدخلن بيهن وهنة من كاعهن عرمات ميخاف من احد الوحيد تميم صاكرهن لان ايدة والضرب ماشيات عدل حجي وسياسة مايجي وياهن من صغري اعتكفت عن مسؤليتهن
دخلت ضحى وراها سناء سلمن علية بس هاي اعوذبالله من نضراتها صعدت فوك
بدلت بتراك بيت تمددت ارتاح
شوية واسمع صوت امي اصيحني على الغدة
نزلت لكيت البنات ملتمات كعدت على القنقة اشترت السندس " صبيلي وحدي "
امي " ليش يمة مو هذا غدة خير من اللة "
ارغد " الف عافية ارتاح وحدي "
كامت سندس صبتلي رحت يمها بلمطبخ
اشرتلها خلي هنا عافت الصينية بلكاع
اكلت وكمت
صعدت نمت للمغرب كعدت نزلت توضيت
وصليت الولد ماموجودين كلمن بشغلة وتميم
يمكن جاي وكت نومتي
طلعت سبحت ورجعت بدلت اتمشة الجماعتي
لبست ساعتي سحبت العطر رشيت منة
نزلت امي بلهول كاعدة تباوع مسلسل البنات اسمع اصواتهن بلصالة وية فتحت الباب امي صاحت وية فتحتي وخررر يامعزة خواتك مالابسات صار مطافرهن مالة والي
سديت الباب وجهي مدخن من الخجل صحت " انعل بليسجن قفلن الباب "
ردت سناء من ورة الباب " مخليني امي حرس بعد لا طب "
ارغد " غرفتجن شبيها مرة لاخ احركجن واللة سون بلغرفة "
سناء " ارغد الغرفة مابيها قفل "
ارغد " شكو معرسات كلجن "
سناء "ههههه خوية غير نضافة"
ارغد " عود زلغي جلدج طلعي الاصلي اجيبلج كوسرة تفيدج طلعلج وجه جديد ام الوصخ مايفيد كلشي لسوين
هي صبابة "
سناء "لا تعيب ماما صيح بي"
ارغد "وجه الجوب خلفة مال عمالة مااطلعج يمه متاكدة منها بتج"
امي "اي جبتها هنا لو مستشفى اكلك بدلوها"
ارغد " عبالي لاكيها بطمر الصحي ولج حللي تاكد من نفسج تلاحكي الروحج "
ردت ضحى " اني هسة افحصة واتأكد شووو باعي دادا ارغد عيني يتكم وابصملك بلعشره وراثتكم قوية بس انت وتميم طافرين من الجدر
وانت لحضة احسك مو ابنهم لو ماخالتي شوفنة الصور "
ارغد " زين سوين خوية"
ضحى " بس انت تحسن انتاجهم ويرادلك وحدة لوز تكعد عدل "
عكدت حواجبي كلامها مشفر مارديت عليها
ضحكت مجاملة "يلة يام طالع محتاجة شي"
امي " لا يمة سلامتك "
امي صاحت كملن بساع يل
طلعت افتريت على جماعتي
مرن يومين وبالي ميت سالفة بي تميم عرف ماايدي
كال لو تزوج هاي وتزوجها زواج كامل لو تشوفلك
واحد يعقد عليها نفس كلام السيد
اخذني رجلية لبستان حجي جليل رغم مرة اسنين وسكنو ناس غير ناس وواغلبيت البستان انبنة شقق ومحلات المكان المطل على الشارع
عبرت من التبليط وكفت عبالي بعد بستان مفتوح مسيجي بسيم وخالين باب حديد باوعت منا منا
لاحلي فلاح بعيد يحرث رفعت ايدي صحت " عمي الله يساعدك "
رفع راسة عاف الكرك واجاني "هلا ابني"
ارغد هذا بستان استاذ صالح
الرجال "اي بوية شرايد منه
ارغد" لا ماريدة جنت مار منا وبيام شيخ جليل متعودين نفوت للبستان نعبر ونكعد يم الساكية وية فرات وسيف "
التفت ورد علية " اكو ساكية بس منو انت وشمعرفك بأبو زياد ماشايفك كبل "
ابتسمت " اني ابن ابو ابراهيم الزغير وابوزياد اعرفة من سنين كبل ابنة جان صديق الطفولة "
ضل يباوعلي بشك " ضحكت اترخص اني ازعجانك الف رحمة على روح حميد جان ابو سفلح بهاي الكاع واني وسيف نجي نعاونة اعتذر اذا سببتلك ضيجت خلك "
رفعت ايدي اسلم كال " لحضة انت اخو تميم وتمام "
هزيت كتلة اي
ابتسم الرجال فشلان " بوية العمر نسانة وانت الله ينطيك لسانك داهية خليتني بشك منين تعرف اصحابها
بس عمي مشايفة كبل
ارغد " لا بوية عليمن تعتذر وحقك اني نص حياتي بغداد واجي هنا زيارات وارد "
فتحلي الباب ادخل عمي ذيج صوب الساكية بين عليك تريد تذكر ايامكم انت بعد تندل بس احذرك لا تتدنة صوب بيوت الزجاجية اعبرهن لو تمشي على حوافهن
تشكرت منة كاعد كدام الساكية سحبت نفس اخخخ ياسنين العمر تمنيت سيف وحميد لو يرجع يوم واحد من ايام كعدتنة
ساعة تجر شاعة ناسي روحي صاير طريق ومنا ومنا حايط اتذكرت الشجر الزرعناهن اكو ثنين ماادري هنة لو لا
سحبت تلفوني دكيت على سيف مايرد ضليت اخذ صور
شبعنة بك بايام الصيف نجي جايبين فراشاتنة ونكعد ويانة حب وحلويات وفواكه حميد من كد ماامتعود عدة زلاطة بس اني اضل اكمز من الحشرات وسيف شبه هم متعود
لهسة اذكر حجاية حميد "اكعد شمالك تكمز مو زلمه لو بلأسم محسوب علينة"
رديتة " صدك تحجي ماشوف اشكال الون يمشي "
حميد " هي شنهي برجلي ادوسها تفطس يخوية اركد اركد بس طول اليشوفك يحوفك "
ماكعدت ضليت واكف وسيف خربان ضحك وحميد يخوزر بية ماراضي عدة عيب الرجال اذا خاف من حيوان يسمي خنيثة وسيف رغم مرتب ونازك
ومايوم شفتة مبهذل لو مترب لو بي ريحة
بس مايخاف جان يركض ورة الحية يفطسها وياخذها لمه الحجية طلع دهنها وتسوي للشعر من اشوفه تكش روحي
بعد اخذها حجة كام كلما يشوف حية واحنة كاعدين يكوم يلزمها ويركض وراي متعتة جانت حميد يهز بيدة من يشوفني
اكلة نفسيتي هاي خوية مااكدر تكش روحي من شوفت الحيوان والحشرات يكلي انت بزر نستلة
سحبت نفس ياايامنة الحلوة الف رحمة على روحك دكيت بيدي على الكاع هاي تربتج داسها جدام زلمة جان حيد يخوف المايخاف شبع واخو خيتة وندفن بيج
نزلت دمعتي الف رحمة على روحج اخوك مانساك وسيف ماناسيك ماكدرت كمت طلعت من البستان كلبي ينزف
غصة بكلوبنة موتت حميد من راح لليوم ماكعنة روحتنة للنجف اذا مو سوة على فراغنة سيف مرات بسيارت الشيخ يروح يزورة ومرات اني من بغداد مت تختنك روحي
اخذلي لبسة وحدة واغبشلة ساعات اكعد اسولف ويااا مااكدر امنع روحي من البجي علية جان بعز نفسي واكثر
رحت للكهوة شفت الولد كعدنة سوالف وضحك
اخذني الوكت لل ١٢ وصلت البيت هندس سديت البيبان صعدت اليفوك
وصلت للباية الاخيرة الهول الفوك اضلم بس ضوة طالع من غرفت تمام وصوت وحدة استغفراللة صعد الدم الراسي هاي ماتستحي الكرن الوياها مايكلها صوتج اخواني غرفتهم بصفنة لو مستمتع المكرن
طبيت للغرفة ركعت الباب فز تميم صاح منو
نترت انيييي
رد " وسم شبيك صيح "
مارديت علي بدلت ونمت مرت الايام ومرت تمام يوم تتغزل بشكلي يوم دكلي كامل مكمل طول وجمال وشهادة حاويهن يابخت التصير من نصيبك
كوة ارد عليها من يمي اخجل يوم تكابلني وتصفن مرات ادخن والملزمة بيدي تاكلني بعيونها اعوفها واكوم
تمام مطفي مدري لان اغلب وقتة برة البيت تميم من يطب ويشوفها يفس وجها وهي تتمضحك بس من يخزرها دير وجها
حذرني كال طايشة لا تدنالها صدك طايشة عمرها ١٧ سنة حلوة وجسمها يطك بلكاع اجابها على تمام الاجلح
مااعرف شلون مكابلتة وكاعدة
خابرت حجي طالب مارد علية يومين وكلت امر لهم قبل كااروح
ماكو كاعد اخلص بلمادة ودك تلفوني الحجي جاوبتة وعدي امل حالها بس جوابة صدمني ابني مو نصيبك عوفها مبينين مايردوك وهاي المهل حجة علمود يبزعوك
اخذها مني مدام بدايتها مشاكل تاليتها مو خوش شكتت اسمعله كمل ختمتة ويااا بعد مابيها مجال
ثاني يوم بدلت وتعطرت وحالف اشلعها من عيونهم
اخذت تكسي وصلتلهم دكيت الباب مرة مرتين سمعت صوت رجلها فتح الباب
شافني عقج وجها " السلام عليكم "
رد "هلا"
استغربت سحبت نفس " عمي جاي خطار تستقبل خطارك لو تردهم "
فتح الباب " تفضل "
تحمحمت وفتت للصالة كعدت طب كعد كال تفضل كول العدك "
ابتسمت " عمي احنه اهل والنة عمر وية بعض انجمعنة بافراحنة وباحزانة ومابينة غريب الة الشيطان انت تعرفني من صغري وتعرف تربيتي شنو العيب البية وشوف بتك هواي علية "
ابو وسن " مابيك كل عيب بس نصيب ماكو "
ارغد "غير اعرف شنو السبب لا اني زغير واكو بعدنة ولا هي وين السبب خالتي بيوم وليلة قلبت علية ماجانت هيج تعاملها تغير بدر مني شي خطئت بحقها
سكت الرجال فقير لا يحل ولا يربط كال كايم اصيحلك خالتك تفتهم منها
راح ورجع ورا خالتي كمت اسلم عليها نترت" شكو ارغد ليش تلح شنو الزواج غصب "
ارغد " ماكو شي بلغصب بلاخص الزواج بس من حقي اسمع منكم سبب الرفض "
خالتي " مامجبورة ابررلك وخلي بينة الزاد والملح حتى اختي خسرتها بسبب ملحتك الزايدة مالها معنى خالة البت منريد ننطيها كدامها حياتها "
ارغد هواي غثتني فركت وجهي " هذا اخر حجي عدج ماعدج سبب يدني "
نترت" اهووووو مايشرفني انطيك بتي امشي روح اطلع اطلع برة يلة امشي بعد مااريد اشوفك تعبر عتبت بابي "
زوجها " على كيفج ام وسن عيب هذا مو اسلوب "
"مليت بزعنة ميت واحد دز يومية واحد جاي ياطلابت بس هي بلدنيا ماانريد ننطيك احساس ماكو بتي وحرة بيها انطيها ماانطيها كيفي قابل تغصبني عليك "
كتلها "مااشرفج تنطيني"
كالت " اي واللة اتنكس هم لتورط روحك وتزوج وتبلش بنات الناس وية واحد بلة اصل استغفراللة روح وجفينة شرك وانساها البنتي لو صبها ذهب ماانطيها
طلعت ارعش صاحت امك عدها كل اجوبتي وهسة تفتهم ولو تكون مكاني سوي مثلي واكثر
........ يتبع
مساء الخير
تفاعلكم ميشجع 💔
الطلبو حساب الانستا هذا sjo_a1995
ممكن متابعة الكاتبة جديدة على الوسط 299_zahraa
قصتها ضابط الجنوب
والكاتبة دكتورة المستقبل قصصها خيوط الحب والقصة الثانية النقيب والعنودية
رواية بين الكاف و النون الفصل السادس وثلاثون 36 - بقلم saja altaie95
بين الكاف والنون
الثامن والثلاثون
بقلم...... سجى الطائي
ناري بيه
وشيلت عيني
اعله دربك من كثر ما فرفحت من مايهه
الما غسل كلبك
شيلتها..
وأملتها ابشوفتك وبطاري كربك
جذبتني..
وحملتني اذنوب وذنوب العتب
زود اعله صبرك
ونته
ياشاخه وتعدت
بدوفه وعايف مصبك
فيضت عمرين بيه وعطشتني
يالتعودنه اعله مايك
غيرنه اشلون اليشربك !!
''''''''''''''''''______''''''''''''''''''''
ارغد
كفتني اخر جملة التفتت "امي شدخلها هذا الخريط على شنو شو صيحيها للمدام دخلت جوة وهي جر بية
" امشي اطلع برة بيتي وخررر شكد صلف ومتخجل "
الرجال واكف يسكت بيها وهي تعيط "امشششششي اطلع برة حيوووان متخجلللل على روحك تدفع مرة بكد امك"
صحت "شوووو وينج افندية طلعيلي دخلت للهول كاعدة ودموعها تنزل فركت وجهي نار يطلع منة شكو تعوين سمعتي حجي امج هزت راسها"
الاماية صاحت "شعليك منها لتحجي وياها حجاية روح جفينة شرك"
مارديت عليها " وسن هاي كدام امج جوابج يقرر مصيرنة مقتنعة بكلام امج ماترديني صدك مثل ماوصلي لو منهم تمثيلية "
الرجال نط "عمي عوف البت الزواج قسمه صحت اعرف انتقام اريد افهم منها"
الاماية تلوب وتخزر بتها عرفت هي تضغط عليها " لا تخوفيها مو حرام عليج متخافين من اللة انحب بعض شتردين بس هاي السنة واتعين وراتبي زين اعيشها احسن عيشة مااقصر وياها بشي "
نترت وعيونها تخزر متخوفني بس محترمها لكبرها " شلون اودي على عمامها يصرفون وياك ماانطيها الك وبلأخص انت لو تموت روحك ماانطيها افهم كرامتك وين امشي يلة "
مادرتلها بال وسن باعيلي ترديني لو لا
رجفت شفايفها عيونها بيها كسرة مافسرتها شنو مامتعود اشوفها بهذا الحال همست وياريتني ماسمعت ولا حبيتها بيوم "عفيه عوفني واللة امي مالها شغل اني المااريدك بعد التكولة امي صحيح"
تخبلت "شنو يعني صحيح شنو ماترديني بااعي اعرف انت مضغوط عليج اعوفج ترتاحين بس فكري بحبنة لا تهدمين كلشي بسبب الخوف
دنيت يمة مباشرتاً كبالها احجي بصوت بس هي سمعه لا تكسريني شوفيني جواي احارب ضلي قوية لا تخافين امج فترة وتتعود من شوفج مرتاحة يمي واللة مااقصر وياج بشي
مو انتي تعرفيني شكد احبج بس اصبري عاي السنة اتخرج قسمي بي تعيينات مباشرتاً اتعين واخذج لبغداد مااضل هنا
هزت راسها رافضة"لا ارغد انت ماتعرف شي قراري هذا مااريدك بعد عوفني رجاأً وخر عن طريقي روح لهلك"نزلت دموعها تباوعلي بشفقه"انت متستاهل اليصير بيك"
دخلت الغرفتها الدنيا وكفت عدي احس سيناريو مسرحية طلعت اخذت تكسي كبل التميم ماعدي غيرة
بلمحل واكف ويمة زبائن شافني استغرب يمكن بين على وجهي كمل وياهم
تميم "خير ارغد صاير شي وية اهلي"
ارغد "اطيني باكيت"
استغرب شنو تشرب ولك "
نترت "اي ازقنب هم عدك مانع"
جر باكيت شمرة علية طبكمرض لتصيح "
اي مالكم شغل ادخن ماادخن هاي صحتي واني حر يطبني وجع محد يتأذه غيري "
تميم "ارغد من صغره انسان طموح بكلشي يختلف عن اخواني وعني شخصيته الهادئة وبنفس الوقت مرح مايهتم عايش لروحة
مدلل البيت امي وابوية النفس مالتهم ارغد وبلفعل رفع راسهم باخلاقة ودراستة
امن ينغث يقفل حالة يتبدل مو هذا ارغد النعرفة اول مرة هيج اشوفة منفعل اجاني وجها محتقن بعد مادردم سكتت عنة اخلي يرتاح
يفتر بلمحل ويسحك جاير طلع برة كعد على صفحة وبلاخص محلي صاير على الشارع بايام السقوط اشتريتة من البلدية بعد. رشاوي وروح وتعال طلعت القطع مقابيل الشارع العام لرجال بلكوت بلمركز بس بعد توزيعات ومشاريع المحافضة طلعت تقسيمات الاراضي صايرة ضمن مشاريعهم
يعني تعيق منضر المدينة وصير منتزهات الحكومة اشترتهن من صاحبها بس بعد مشاكل سنين يلة قبل واني المتضرر ضمن المحلات البقية
ماسكتت وضليت اراجع وكتلهم عدي عقد ملكية مشتريها من صاحب الارض وروح وتعال بهذلوني كل الجمعتهن ذبيتهن على معامله ماتنازت عن حقي وضل المحل ملكي لان ضمن المخطط ميعيق مشاريهم الاعمارية بس بشرط انطيهم اجار سنوي
قبلت رغم عني مجرد اسد حلوكهم فطنتلهم متفوتني فايتة مااسدد المال بدون كومبيالة تضمن اني دافعالهم المال وهمة مستلمينة وكنت اضم هذا الاوراق كلشي يصير والحكومة مامضمونة مدام كاع المحل دخلت ضمن املاك الحكومة
مكان المحل تجاري وكبر المحل يخليهم يستغلونة
عبرت الوحدة سديت المحل وارغد وياي حرف مانطق كمل الباكيت وشمرة بعد مااشترة تكت كامل مغلس عنة ولد جبير مو مال احاسبة وبلاخص هوة وبهاي حالتة لا يجفص وياي هنا اعدمة مااتحمل
وصلنة للبيت مجرد تغدينة والبنات بغرفهن امي وابوية ينامون الضهرية صعدت ارتاح نزعت ملابسي ضليت بلداخليت عادة ماابطلها اختنك من الملابس
خليت راسي على المخده سحبت نفس سحبت تلفوني واهسي ياخذني الها رقمها مسجلة بقدرت قادر حصلتة
مجرد وجودة بجهازي مريحني مااعرف شنو الغاية واني لا اتصل بيها ولا اكدر اسمع صوتها محافظ على وعدي وحلفاني كدامها ماادنسها بحرف
اخالف روحي وطيفي يزور طيفها واعيش وياها الاتمنا واكعد الوم روحي مو سهله امنع روحيمنها حتى بلحلم منضرت الوحدة غيرها ولا نفسي اشتهت شوفت غيرها
استعارو اهلها مني كوني مو من مستواهم الديني مدري المادي لو يدرون بية شاغول وماامل طموحي مو هذا
شني زلمة ينضر ليد ابو وينطي مصرفة
من صاري كونت نفسي جنت اضم الفلس على الفلس واسويهن الاف بوكت الناس حصرة عليها الدينار صح
اقتصاد العراقي صعد وصارت الالف شي عادي بس هم الها قيمتها وبنيت بيها هاي الغرفة وحزمت اخواني وجماعتي وبنيناها
نص الطابق الفوك تعب ايدي بكل طابوكة بيها عرك جبيني وكت الصيف وحرارة الشمس صك الراس وكل هذا اكول انة زلمة مااكولن تعبت مافلحت بلدراسة كضيتها اطفر من الحايط والكف بوتيني وبوجهي للساحة
وياهوة المايقبل يشرد وياي اشبعه غلط ورزايل احسسه مو رجال هذا اليخاف من ابو يلكفة وياكتلة كتلة والي يخاف من المدير
لحد مالكفني ابويا بلصوندة منين مايوجعني ههههه واني اكمز عرفت اهالي الولد مشتكين يم ابويا لان الفريق لامهم بلعشر ولد وكلهم وياي بلمدرسة
وماتبت لحد ما ابويه مل وبطلت بديت اشتغل وية والدي ماتحملني اتعارك وية ذباني خشمي بطلني وطردني للبيت
منها وضليت من شغلة الشغلة لحد. مااستقريت بهذا المحل الم واضم بلقاصة ماابدلها رغم عتكت وصارلها عدي بلعشر سنين بيها قفل ومفتاح اضم بيها واشيل المفتاح
اخخخ ياتعب عمري تمنيت اهلها يوافقون حالف اعزللها مااخليها ويا اهلي واني وارد محلي زين يعيشني ومااضل على شغلة وحدة اشوفلي غير مصلحة
شمرت التلفون يمي الفكير بيها يتعبني امنيتي اسمع صوتها واتردد اشوفها انقة من الماي ترفة بترافت فص العين مهووس بيها لحد كطع النفس حبيتها بعقلي والله قبل كلبي
شفتها ريشة وتمشي على الكاع مالها اثر كل حلم يمرني طيفها قطع تفكيري ارغد هذا شبي
كعد هلى الجرباية نزع قميصة وذب روحة خلة ايدة على اعيونة من يكعد اشوف شبي نمت وكعدت على طبكت باب
ارغد مو بمكانة نزلت غسلت لكيت امي كاعدة وبصفها ارغد عيونة حمر امي وجها محتقن
كلت "ياستار الووه مكلبة شكوووو منو مات"
ساكتين جريت كوب ضبيت جاي شفته حار محطوط على الكاونتر جريت الكرسي كعدت مقابيلهم شربت اول رشفة اباوعلهم مو طبيعية الوالدة
"ماتحجون شكووو ارغد شبيك من الصبح ماعاجبني"
امي تتنهد طفرت دمعة من عينها وكفت صحت شكووويمة لك ماتنطق خر..... بيك احجي شكو "
صاح " اني ابنمن منووووووو اهلي منوووووووو عاط
فتحت عيوني مصدوم اخاف احجي اباوع امي غطت وجها بشيلتها تبجي ضحكت اضيع السالفة "شارب نفط غير ابنه شنو ابنمن نترت بمي يمة من عقلج تبجين"
"يمة خالتك ماادري لاعبة بعقلة ومايصدك هوة ابني شلع كلبي يريد يحلل دم"
هزيت ايدي امدا الشوارب هوة انت منيلك شوارب ماعدك عقل لاكينك بلزبالة وربيناك كوووم لك كوم عبالي شو شبي الله يطيح حضك "
مااقتنع من صوتة "تضحكون علية تخبلوني انتو تخبلوني خالتي بعضمت لسانها كالت لو شوف اصلك منين مااشرف بيك يمة انتي زنيتي بية احجوو واللة ماضل عقل عدي
كام يدك على راسة خالتي اختج دكلي اتنكس بيك احسبها حساب شنو معناها تتنكس بطبتي الها يعني شنووو فهمني ابوس ايديكم خلت الشك يدخل العقلي فهموني شنو قصدها
تميم" لاصدكها تريدك تأيس من بتها وتجرح بيك تريدك تكرها اني اع، ف سوالف خالتي مسمومة وكتلك عوف بتها بس انت اغم مااصدك تروح تركض "
كعد مدنك خال ايدية على راسة صافن بلكاع فركت وجهي صكيت عىى سنوني اريد بس اقنعة واروحلها اله اهجم البيت على راسها وحق لا اله الا الله
فز وطفر يباوعلنة ثنينة "اذكرت سعاد سعاد اختي ضحك ضرب ايد بأيد واكول ليش تكرهني اني اني ان ن ن ن ي
كام ميكدر يحجي اختنك كح كح ركضت كعدتة شربته مي وامي مفرفحة
" يمة وداعتك وداعت معزتك عدي انت ابني ربيتك وكبرتك ليش مصدك انت ابني شجاك يمة ابوس ايديك لا تفرفح كلبي عليك "
دفعها عنة صحت "شبيك ارغد هااي امي تخبلت"
ماحجة شي مهموم زلمة وكعته حجاية مرة عافنة وصعد ضلت امي دك على رجليها "شدعي عليج بت امي وابوي شكول عليج فرقتي ام عن ولدها عساها بحضج وبخت لو اكول عساها بليحبة كلبج اخخخ يمة شيكول كلبك هسة
اخخخخ ياعيون امك وكلبها ربي احلفنك باابو الحسنين تبرد كلبة وتنسي انخاك بسبي بنتك وضلتها وفرتها من الخيام
انخاك نخوت ام كلبها متكطع على ضناها
ماتحملت خليت امي تدعي وتبجي عفت المحل وتوجهت البيت خالتي وصلت دكيت الباب طلع ابنها دفعتة وطبيت صاح وراي شبيكك التفتت شبابة شب بضلوعك ولي صيح امك ضل صافن اول مرة هيج اتهجم علية دخل مستغرب حتى ماخليتة يكمل خزرتة
طلعت خالتي تبتسم الحية بعدها ماحاجية زمخت بيها بين سنوني ابنج الخنيثة سرسحي لا ابتلي بي كبلج
ضلت مستغربة نترت يلة بساع طلع كال شكو ليش صيح على امي جريتة طلعتة برة وسديت الباب ضل يدك بي
طبيت للصالة وسديت الباب وهي وراي
" كالت شكو جايني مشحون خير تميم اول تالي تتهجم علية وعلى ابن خالتك"
"اولاً اني مااعترف بيج ولا بابنج جاي اخلي حد واطلع فما يهمني الاخذتي نضؤة والحبيتيني والكرهتيني"
"هاا خوش دادا اي بلة اسمعك"
"جاي احذر هل مرة بس بعدها اذا تكررت الحالة لا اخلي ايدي التشتغل ضحكت صحت مو البالج اني ماامد على مرة وبلاخص انتي ماتنحسبين مرة والها احترامها حالج حال السائبات بلشارع صاحت انج..... زمخت صووووووتج
لا افعصج بيدي وتعرفيني اسويها
ارغد خلي الف خط احمر جوااااا اياج ثم اياج ثم اياج تدنيلة متردين تنطينة بتج طبج مرض خليها على كلبج نايمة
مااريد اسمعج كايلته عن القصة تنسيها تمحيها من دماغج
كامت على حيلها" انت واحد بله خجل متستحي خالتك بكد امك هيج تحاجيها صدك بلة اخلاق منيلك الاخلاق ورابي بلشوارع "
"اشرف منج ما نهبت وزوجت ولا اجيت ادلل بتي لولد خالتها ولا اشوف الرذلة بعيني واستر عليها ترة ملاعيب العيد كلهن حافضهن غمزتلها العباية ماسترج يااا سا... او اكلج يا ليلى
فكت عيونها ضحكت وكعدت على التخم ضليت اكهكه خليت رجل على رجل سحبت باكيتي ورثت جكارة وجها انكلب اصفر سحبت اول نفس وهي خانسة
" شدكولين اكمل العدي لو اخليج بصدمتج لو اجلطج ذبيت النفس ستريحي حبابة متلوكلج الوكفة خالتووو ليلى ههههههاااااااايييي شلون اسم يلوك لم شلوك
واللة ضاربتلج حمرة يم عدنانو ابو كرش تسطر تشهين الواحد على الرذيلة
ردت "شتحجي انت شوو اطلع برة يلة شلون شكول لايفة يمي انت واخوك..... صحت بسسسسسسس اذا نطقتيها اكوم امردج مرد ام اليالي حبييييي كعدي
" كامت تلعلع كووووم متخوفني يلة يللللله بره برة تقربت "
كتلج اكعدددددددي لج مووو اخلي كتلج عمل شعبي مااخسر شي بس حرامات بتج تنضر لو اعرفها مو ادمية مااهتم بس حرامات تخرب سمعتها وتتعير بيج
"شتحجي انت لا تتبلة علية ماتستحي جايني بنص بيتي هسة اخابر امك والعب بيها فلك ناس بلة خجل يللة لدوخني اطلع"
رديت انتي ماتمشين بلعيني واغاتي سحبت تلفوني ضليت ادور بلاسماء تردين دليل بعيوني ورثت غير جكارة فتحت الحاكية
"هااا باشا اغاتي الگوة"
عدنان" هلا حبيبي ابو التمم شلونك عيني احوالك "
"الحمداللة باشا الله يخليك"
عدنان" كول محتاج شي بلخدمة "
" ههههه اي واللة طاكني الجفاف اريد اونس روحي شعوزني بعدني بشبابي وكلشي مامجرب بعد الحجيتة اشو دخل بالي"
ضحك من كلبة الخايس " كتلك تنسة روحك ايابة شلون راحة ماشايف مثلها تعيشك ملك طيرك ليفوك بدلالها اخخخ شلون اربعيني مربربة ضل يحجي بيها قاطعته لعبانة نفسي "
جاريتة بلكلام لحد ماكتلة "ماشوفليها رحمة لبيك لو دزلي رقمها او انت تتفقلي وياها وشوفلي الوقت واليوم اكون ممنون منك"
سديتة منه وهي فاكة عيونها تلفونها على الطبلة جريتة وهي طفرت تاخذه ودك رقم بلة صوت ضحكت "عمي زين تعرفين قائمة ترشيح الارقام" فتحته واجاني صوت عدنان سديتة
كعدت خانسة شافت مالها مجال تنكر
سحبت اخر نفس وذبيتة صفنت عليها رافع تك حاجب حجت
ست ليلو هههههه شلون ليلو حاته لو موخالتي جاان ليلتنة حمرا
صاحت "كبور التلفك"
"ضحكت متلف العارات بس الكحاب المستشرفات سدي حلكج وسمعي كدامج خيارين رفعت حاجبي اولهن تنسين ارغد وعشيرت ارغد وحياة ارغد
الخيار الثاني اذا سمعت حرف واحد وحك ربج حجاية حاجية على ارغد انسيج حليب امج اخلي سيرتج علم بلكوت يجوج من جميع الاماكن اسويلج اعلان هههههههههه باب رزقج وعلي بحياتج مراح تنسيني حتى ونسة جماعية افعلج الخدم يصير عليج بيتج ملها ليلي
وكفت وضربت على صدري اريد الزم ضحكتي مااكدر هههههه بلخدمة اصير وكيل اعمالج وانضملج الجداول واوقات الشغل واوقات الراحة والاستجمام واوقات البيت وتشوفين بيتج وزوجج وتقومين بواجبهم الامومي
تقربت وهي حرف مانطقت بس عيونها الغضب يطلع منهن عدها قابلية على التمثيل مو طبيعية يعني اكتشافي للموضوع صدفة خلاني ليلي ماانامة وايام اني اراقب واتحقق لحد ماتأكدت وعدنان مو اول واحد قبلة كم واحد
وكفت مقابيلها كاعدة على التخم دنكت وجها مقابيل وجهي
خالو لو اكلج ليلى كيفج بليعجبج اذا تختارين قربج مني مااندك بيج واعتبر روحي ماسمعت شي ولا شفتج واتعامل وياج بحجايتي وتعرفيني كد حجايتي
لو ليلو ترديني اكلج هنا تجنين على نفسك اختاري
وكفت اتمشيت شوية ولتفتت لزمت كطف الجكارة وطفيتها بلطفاية درت عليها "اشكلتي عيني لو كايلج اريد نومة ماطولتي هلكد خزرتني نترت عيونج لا افكسهن الج يلة خلصيني"
كالت مالي شغل بي بعد "
"خووووش هذا الحجي الزين"
ردت "كلوله لا تخلو ميدري انتو التخسرون"
صحت "مالج ششششغل عليج بروحج حذرتج كبل مالي خلك اعيد تنسين ارغد ماتدنيلة"
نترت "شدعواك اول تالي يعرف ماعده اهل"
جن جنوني "خطوة وحدة جريتها من زيجها خنكتها" منو كلج ماله اهل موجودين بس وجودهم وعدمة واحد لتدخلين بشي مايعنيج احركج والله اخليج تفلين من بيتج ومن جهالج
ترة كلشي عدي بدليل دفكري بعد تفكين حلكج وشوف اليجرالج
دفعتني ترجف "اي اي مالي دخل بس روح"
خزرتها وطلعت
بس رجعت لكيتة طالع البغداد همزين شوية يبتعد ويفكر زين طلعت للمحل فتحت وكلها تسالني متاخر وهي ساعة ونص تاخرت
مر سبوع واني مسطور اختنكت خنكة جبال كاتمة على صدري محتاجها من بين كل الناس كلت اسويها وشيصير يصير اوبتني خير على خير ماجاوبت بعد ماادك
هم اخاف تنضر واكون اني السبب رفعت الجهاز واني ستوني راجع والدنيا بدت تبرد بداية الشته شهر التاسع
دست الاتصال اول مرة احس بهيج توتر مااعرف شلون افسرة اشتياق ومخاوف من احد غيرها يلزم الجهاز
الساعة بلوحدة ضربت كصتي كعدت عادل هاي سويت هسة البنية اكيد نايمة نفتح الخط وية حطت اصبعي اسدة
خليتة على اذاني بسرعة متلهف ساكت كالت الووو شلون جرتها مال وحدة نايمة ذوبت كلبي رطبت روحي نعشتني واني بقمت اشتياقي قسماّ باالله بذيج الحضة عرفت طعم الحب مايجي طعم مثلة اذا كان صادق
ضلت دكول الوووو واني اروحي مسامعي بي رنة رنة
ضليت مغمض وصوتها راح رفعت الجهاز فاز سادتة
ضليت كاعد كمت فتحت شباك الغرقة دخنت واعاين للشارع ادزلها رسالة احلفها تسمعني مااريد منها شي
لو اعوفها مبينة محد يمها اخاف ترفضني واني ميت على صوتها
ضليت افكر واني افكر محاص بروحي مطير نص الباكيت اخر شي كعدت على الجرباية عكوس ايدي على رجلية واكلب بلجهاز قررت ادزلها رسالة وهي يعد بكيفها
كتبت " احلف باالله بس اريدج براس حجاية وسدي مااطول وياج واذا احد يمج ردي علية انتضرج "
دزيتها وكعدت انتضر اني بدون الجكارة ماايرتاح كلبي خل ادخن تهود علية
ماكو رد ساعة ساعتين ماكو ايست ونمت يوم ورة يوم واني بامل جاوبني اسبوع ايست تركتها على راحتها
بيوم ضهريه كاعد اعزل دخلت العارضات والصناديك عدي مخزن ورة محلي مسوي اسوك واحط بية الزائد ومسواك المحل فتحتة طببت الغراض البقية
دك جهازي رت رسالة عفتة كملت باقي الغراض طلعت عزلتة ورحو للبيت تغديت وصعدت ارتاح غرفت العفيفة شريفة روما مفتوحة مرت اخوية المكرن شادلة ستيل من هذا الاصلي ماينعوج
طبيت للغرفة وركعت الباب شكول زفرة ملفينة بيت ملهه
ذبيت البدي والبنطرون ضليت بلداخليات دخنت شوية فتحت الشبابيك هويت الغرفة لو اني اصيحهن ينضفنها لو تخيس طلعت من المحجر صحت شندس
صعدت تركض ورة كرصت الاذن صارت ادمية تمشي بصف الحايط ماادري عدنة رس مكحبة لو وراثت اهل امي قوية بيهن طالعة
ماشوفن الغرفة ماصعدن انت وشوف المهجومة لو الة اني اصيح عليجن نضيفيها
طبيت كعدت على الجرباية سحبت الجهاز اوقتة وانام رفعت راسي باعي راح انام مااسمع صوت اشتغلي على كيفج
شفت الجهاز دخلت على الرسائل سولتي ماافتحهن مااعرف شجاني اليوم ودخلت عليهن واشوف ارغد
داز رسالة
"زواجي الخميس اتانيك"
....... يتبع
مساء الخير
اعتذر عن التاخير وعدتكم انزل بارتين
ثقو زيارة اربعينة وقبلها بيوم مجلس عزاء
وتحضريات الزيارة ان شاءاللة على الايام الجاية اعوضكم
مافرغت ورجعت من الزيارة تعبانة يادوب اليوم ضغطت على نفسي وكتبت
البارت اليوم بقيادة ابو الهمم تميم هذا الانسان لازم تكون اله بصمة وبلاخص قصته تحمل هواي معاني وبلايام الجاية يكون جزء من الابطال
ضهورة حان الان
قرائة ممتعة
بعض التعليقات 😥🙂
رواية بين الكاف و النون الفصل السابع وثلاثون 37 - بقلم saja altaie95
بين الكاف والنون
التاسع والثلاثون
بقلم..... سجى الطائي
هذا الموت
جسر للا نهاية عليه كلنة انفوت
هذا الموت
هاجس يبتدينة بلحظة التكوين
ويرافكنة العمر من غير ضجة وصوت
على جف المناية مشرهدين انام
ونلهث على الدنية ونبني بيهة ابيوت
ونتعافة ونذم بالخلك هذا وذاك
وعلى غفلة وزرك جدامنة التابوت
سيف الدين
عفت البيت وطلعت موجر ناار اخذت سيارت المركز اسوق وبالي بكل كلمة كلتها ضربت الستيرن فقدت اعصابي سكوت الشيخ وعيون امي المستغربة وبنفس الوقت مقهورة على حركة كلبي
وكفت يم كوفي نزلت وقفلت السيارة اخذتلي زاوية باكيتي خلص ضربت على رجلي ويني انة وين العشك
ساعات مرت ومحد بيهم فكدني الكهوجي عينه علية شافني طولت كمت سحبت تلفوناتي وباكيت الجكاير شمرتة بسلت الزبل تحاسبت ويا وطلعت
وين اولي صار اليل وانة افتر بلشارع وكفت يم شارع اضلم دخلت بي مقفل البيبان وسلاحي بلجكمجة احتاط
رجعت الكرسي وغمضت عيني لحضة من لحضات الصمت تكفي تخليني ارجع لطفولتي
ذاك بستانة وذاك ابساط حبوبتي حايكتة بيدها والجودلية بصفة وكدامها طاست البامية تخزنة للشتة محاوط البيت اشجار
وجدي بديوانة لو يم الحلال روحة بيهن وابوية طالع بشغلة
وامي تخبز والشمس تضرب وجها حلوة والبياض يختلط بحمار خدودها تضوي تنور الطين المزوي باخر البيت بلبستان بعيد عن الديوان مادريت بروحي وين رحت سرحت بحلمي
لبعيد واخذني الشوك الاركان ديرتي وحضن جدي وحنيت امي وخوف ابوي
فززني صوت تلفوني الساعة بثنعش فكيت عيوني فركت وجهي كعدت عدل سحب الجهاز الما شمرتة مااريد ابتلي بيها وبروحي
مااسكت انتهت الرنة واعلن عن رنة ثانية لحت فتحت خط اجاني صوتها تناشغ " وينك ضل بالي يمك وين رحت وعفتني "
تنهدت "شسويلج الما احرك روحي بعد عوفيني بهمي امي الحجية شلونها"
"خالة منتهية عليك سيف مالك بية الخاطرها ارجع لاضل برة عيوني انت كلبي اكلني عليك بجت فدوة بس ارجع بعد كلشي مااريد بس لايصير بيك شي"
سحبت نفس استغفر نزلت الجامة الجو ثلج نهاية شهر ١٢ واني متت حر كوة كاتمة عبرتها تهمس وكلبي فاير "بعد ماافتح حلكي قابلة بنصيبي انت تحمل لخاطر خالو تعب وراك كعد وحدة بلديوان"
الما سدي راسي مصدع
الما"سيف لاتخوفني ارجع وخالة تنطيك براسيتول واشربة ونام "
سيف " ماشي روحي ومسحي رقمي رحمة لمج وابوج "
سكتت "روحي الله يوفقج"
الما "سيف بس اخر شي سكتت وهي سكتتت كلبي احسه يطلع من مكانة ياصبر يتحمل صبرنة همست وواعرف بيها تبجي العبرة خانكتها اني ماعدي احد اشكيلة وارتاح لشكواي غيرك دائماً ادعي ربي بلصلا اذا ماقسملنة نصير البعض ياخذ روحي ويقسملنة بلجنة ومرة حلمت اني بستان جنة ولابسة بدلة ومنتضرتك
تدري ماما فسرتلة بدون مااجيب طاريك راح ارتاح بحياتي بس انة مااصدك الي راحة بعدك بجت وعيوني اول مرة تنزل دمعتها تناشغ واني روحي مشتعلة
همست بين دموعها سيف ادعيلي بلصبر اريد انسة واعيش حالي حال البنات تعبت وكليبي مجاي يتحمل واللة كل اليل يبزني احس رويحتي مو انة الما بية شي تغير
مسحت دمعتي واسمع عذاب رويحتي فصلت مااكدرة اتحمل اكثر سديتة منها نزلت من السيارة شارد مشيت مسافة بطرك البدي ربع ردن بارز جسمي وبنطروني مال الدوام
ليلتها نمت بلفندق الصبح كعدت داومت وفرات وزياد يتصلون علية مااجاوبهم غلقتة اجتنة وجبة جديدة هلمرة سرقة ونسوان لزمتهن تحقيق للعصر كملت دوامي رجعت للفندق
سبوع اني طافرة روحي دك زيادة كتلة خلوني هيج مرتاح من يطك عقلي ارجع الشيخ مرتين رايد يشوفني ويحاجيني حسبالة زعلان منه ميدري انه روحي تحترك من ادخل للبيت واشوفها تجهز بروحها مستعدا اسويها طلابة ومحد يفك عمامها مني
ثاني يوم بلدوام ودك جهازي رفعته ارغد سولفلي كل المقتل كعدت بمكتبي سحبت جكارة ادخن واسمعه
"حبيبي هاي مسؤلية موفلم هندي ليش دخل روحك بهيج امور وانت بعدك بداية مسيرتك حياتك كدامك لا تتقارش ويه ابوها وعلى كلامك رجال شراني مسعد كلشي يسوي علمود مصلحتة"
ارغد " سيف هذا موحجي ماعدها غيري اعوفها بلشارع ورجل خالتها رجال ارعن وعينة زايغة منا ومنا يلصلص يروح يتحارش بيها ارتكب بي جريمة "
سيف " ازوجها زواج قانوني وجيبها يم اهلك بهاي الحالة تحافظ عليها من عمها وابوها ارغد لتلعب لعب جهال مو زعطوط انت تزوجها وتكعدها بلشقة شنو يعني ابوها ميكدر يحلصها بغيابك "
ارغد "دايخ سيف المن خابرتك شوفلي حل غير ارتبط بيها رسمي نفسي جازة ومااكدر اطلع من تجربة ادخل بزواج مباشر مااريد اضلمها وياي"
سيف " هي شنو رائيها بلفكرة "
ارغد "بلداية تخبلت خابرتني تلعلع بت القندرة من سمعت ماميت عليها ومجرد استر عليها بين ماتفرج وااتركها لحال سبيلها سكتت"
سيف " سالفتك مليوصة ماكدامك غير شوفلك شقة على كد فلوسك وتعقد عليها حبر على ورق وانتضر وشوف شون تفرج عليك وعليها "
ارغد " تعال اريدك وياي وتميم هم خابرته كال اجي خل تفض راسي شوش من بجيها "
سيف " شتريد المدام فوك ماتستر عليها ومدخل روحك بسالفة اكبر من راسها "
"يمعود مسكينة تلوعت تكسر الخاطر يتيمة وابن عمها حالف يذبحها بس يسمع بيها مزوجه وجاي لبيت الرجال الموجودة بي ومختليها بسطل الطحين وخالين فوكاها الدواشك مختنكة واصل الموت من خابرتني ونطتني موافقتها كوة اسمع صوتها من البجي صوتها مطبك"
سيف "اللة يساعدها عاار ابوها يلة ابو الاراغد حبيبي يطلبوني"
سديتة منه وكفت دكيت تحية للقائد صعب وخرت من الكرسي تفضل سيدي كعد كدامي بلكراسي المحطوطات للمقابلات سحب بنطرونة وكعد اكعد بابا مااحب هاي الرسميات
سيف " لا العفو سيدي ميصير تفضل رحمة لبيك "
صعب "لتلح وارجع اكعد"
سيف " ميصير واللة ماارتاح هذا مقامك سيدي " ابتسم كال عازمك على استكان جاي كلت اعزم روحي يمك يصير "
سيف خجلت منة وكعدت مقابيلة بلكرسي الكدامة
سيف" يصير سيدي واللة نورتني صحت على الحرس ثنين جاي جديد خلي ابو محمد يسوي مو مال الصبح يرجع يحمي "
صعب " اي سيوفي شني يابة لا نشوفاك لا نسمع اخبارك كتلهم هذا بعد مانكضبو لو حبيبتو ماتخلي "
سيف " حكك وانه وياك بنفس المركز بس تعرف الاشغال ويادوب ارد للبيت ارتاح "
صعب " لا يبة مو هذا عذرك ول سبوع انت تمر من غرفتي تتعداني ماحبيتو منك مو انت عزيز على كليبي وحسبت ولدي "
سيف نصيت خجلان وهو ياعتبني ومبين ماخذ بخاطر وانة اليدري بعلتي مايلومني لو جافيت خلك الله كلهم
عتب شوية وراها كعدنة كعدت حبايب مرة الساعات وانة وياا ورة الشغل اخذني ويااا حالف يغديني بيتة انتقل جديد
صعب انسان اعتبرني ابنه والفرق بينة قليل بعمر زياد
الزاد القرب شافني نضامي بعملي مااخاف من اكبر شارب مااعير اهمية للمناصب كم شكو اجت بحقي كوني مااتهاون وية النلزمهم لو ابو الواء
الامر صعب وكف وياي كل شكو تجي يطعن بيها ويبريني منها مااستقوي بي بس دعمني اترقيت فترت البناء مشيت
كان اغلب الضباط خوفهم من العقوبة تنزل رتبهم واني اخر همي
زياد شكد يحذر بيها واني مجرد اهز راسي والاريدة اسوي ميهزون جتفي شيردون ينزلون بيه عقوبة ماكلها وساكت ولا يلون ذراعي
يومين ورحت البغداد نزلت يم ارغد تميم بلطريق جاي
ارغد
سامع بمرارت الحياة لكن مابيوم تخيلت اعيش المر واضوكة واتجرعة الشك اتوغل لعقلي لحضة عقلي طار
عاركت وصيحت وعاتبت من ارجع للواقع مااشك بنفسي لو واحد بلمية كل المريت بي احس روحي طبيعي مثل اي عائلة صير غيرة بين الاخوان ومشاحنات
كبرت واني ابن هاي الشيبة احب جدام رجلية واحب جدام امي كد تعبها ودعائها وهذا توفيقي كله منها
كلام تميم ريحني بقمت غضبي ملامحه الراخية مابين علية مصدوم اصلان يضحك على عقلي
مامعقولة كلام خالتي اذا اني صدك مو ابنهم السنين الراحت وهي تسير يمنة وليالي كضيناها سوة وجهالها ويانة واني وياهم
وترجع الحيرة تاكلني من تمر كدامي ايام كره سعاد وبساميرها ومشاكلها وية امي من شوفها تحبني
يفتر راسي
بيومها اخذت غراضي وقبل اذان الفجر طلعت البغداد بدون ماانطي خبر الاحد منهم ثاني يوم خابرتني عمة
رغد تعيط الحكنة ابوها لكاها
لبست وطلعت ركض دون ماافكر بشي وصلت متاخر بسبب الازدحام تنهدت من عرفت بعدها يم جارهم
كعدت اسحب نفس بيت الرجال رغد بعد الشافتة اقتنعت بفكرت عمتها ثنينة مجبورين نساير الحياة
من ساعتها اني وجارهم رجال خير طلعنة ندور على بيت زغير وقريب على شغلي وكليتي بلمناطق الداير مداير
ماحصلنة اول يوم غاليات ثاني يوم من الصبح غبشت ادور احس روحي مكوك اتحرك بله شعور من اخلي راسي على المخدة واذكر اني راح ازوج افزز شسوي معقولة الجاي يصير مامستوحب اليصير انسان ألي خالي من المشاعر ينفذ المهمة
لكينة بلمدينة بيت اشبه بلبيت مايسمه بيت غرفتين وحدة غرفة والثانية هي مطبخ هي هول هي صالة ودرج بيها للسطح بدون حوش والحمام جوة الدرج
اول مندخل مباشرتاً للهول او الصالة المهم هيج تصميم البيت اجارة مناسب قنعني اجرته طلب عربون مال سنة
ماعدي موشل كل روحة لهلي اخذ الراتب وهناك اسلم نصة للوالدة والباقي بجيبي
ماكدامي غير تميم كتلة دين ماقبل كال اعتبرة هدية زواجك ضحكت على حجايتة يازواج عمي كول شلعان كلب وبلوة على كلبي
رجعت لعمة رغد انطيتها خبر باجر العقد ولكيت بيت بعد بس تنضيف ولوازم البيت كلشي ماعدي موشل
الرجال ماقصر كال عدي طباخ منضدي وميز دبر روحك عمتها طلعت كدورة وفراشات ودبت غاز
نقلتهن بساعتها بدون ترتيب مجرد نزلتهن بعد مااخذت المفاتيح من صاحب البيت
ثاني يوم اجة سيف ورا تميم حذرتهم يضل سر حتى جماعتي الوياي بلقسم ماكتلهم من عرفو راح انقل سكني
كلها تسأل واني طلعت جذبة كرايبي هنا ماعدي ادفع ايجلد محمد ماقتنع ودك صدرة هوة يشيل فلوس الايجار
تشكرت منها بينتلهم مامرتاح اولهم تاليهم يسكتون رغم دااخلي احب لمتهم ثلث سنين سوة عمر شفتهم اكثر من اهلي عشت بنصهم شقانة وضحكنة ومكسراتنة شي متورجه على شي ماشفت منهم اله كل خير
اخذت تميم وسيف لبت عمة رغد ويانة الشيخ المرة كوة دكوم وتكعد ماخليتها ضيفنة اني توليت المهمة كمت دخلت للمطبخ شفت رغدوبصفها بنية بعمرها رجعت طلعت من بعيد حاجيتهم "الجاي بلا امر عليج"
البنية يمكن بت الرجال كالت حاضر رجعت دقايق ورحتلهن اخذت الصينية رجل عمته شلون نافخ روحه وكوة يحجي الفكر على شنو مال اهفة اعدل فجوجة
تميم من شاف حال البيت وضعيت المنطقة باوعلي عرفت مقصدة ماراضي خايف من عواقب هاي الخطوة
توكلنة بعد الحديث وصاية الشيخ تم العقد عمتها بجت كمت بوست راسها حضنتني معتبرتني ابنها هاي المرة شكد شافت ضيم صرتلها طوق نجاة لبت اخوها
انطيتها خبر تحضر روحها سيف باركلي ومأيدني بهاي الخطوة شاورني تكسب بيها اجر هزيت راسي كل السويتة مداخل بالي مجرد ارضي ضميري
نص ساعة وطلعت رغد مو ذيج رغد الاعرفها ضعفانة الوجه شاحب لابسة عباية اسلامية سودة وشال اسود
ماحجت شي بيدها جنطة اخذتها منها ماحجت ولا اني البادرت
عمتها توصي بيها ورجعت توصيني اخذتها الولد كدامي طلعو اخذت تكسي للبيت نزلنة طببت الجنط وهنة عبارة عن جنطتين مو ذاك الكبر طبت تتلفت تباوع
ملامحها باهتة وباردة الوضع غريب ثنينة متوترين منعرف شنو نصرف
ارغد "البيت بعد بيتج رتبي على راحتج طالع اسوك هذا الطباخ مااعرف شلون سويتة بس رهم اذا تعرفيلة انتي نضمي واذا ماتعرفيليه لا تلعبين بي اجيب واحد يسوي"
دنكت وكعدت على كرسي جايبة ويا ميز طعام زغير مال نفرين وكرسيين
طلعت سوكت مسواك كامل مااعرف شجبت طببت العلاليك بعدها على كعدتها
البيت وصخ وهوسة الغراض مطشرة جريت الطوس النايلون عبيت بيهن المسواك وخليتهن على صفحة الجو بارد مايخرب رغم الثلاجة ضرورية كلت من افرغ اشوفلي واحد يبيع اقساط اجيب ثلاجة صوبات كهربائية الجو ثلج بديت ارتب وهي صافنة خلت ودخلت للغرفة
شبيها هاي خبلة
ساعة وندكت الباب طلعت فتحتها تميم وسيف شايلين كراتين واحد "هاي شنووو يمعودين"
سيف"مالك شغل لمرت اخونة مو الك "
ارغد " ليش مكلفين نفسكم مقرر اجهز البيت"
تميم "خاب اخذهن واسكت دافع فلس بيهن ماتكيف وجه البومة شبيك ماد بوزك متر"
ارغد "تفضلو تفضلو كعدو هوة البيت اصلاً مابي طرمة
كبل للهول شغلت الطباخ واللة اخو الجديد مابي شي ترست القوري مي من البطل وخليتة على النار
جايبين صوبة نفطية وجليكان نفط دفعة سيف بزاوية الهول قريب الباب بعيد عن البيت
تميم ينكت وسيف وياا يضحك واني بس اجاملهم
فار القوري خدرت الجاي وطفيت النار عفتة يهدر مدري يخدر
سيف انتبهلي طبطب على جتفي" لا تهتم تهون صغرها تصغر تكبرها تكبر ابو الاراغد اعرفك سبع وكداها مو تميم اول تالي مثلك هم ندخل القفص المزنجر "
تميم "ههههه يول تونس وانسة الدنيا معرس بعد شبيك كالب الخلقة المثلك هسة يضرب ثريد ويضرب هههههه رب الراحة انت"
سيف"هذا مو وجه نعم مال يكابل محمد وربعة يفك انت
كووم صب الجاي صار جبير "
صبيت الجاي وقدمتة سيف خابرو طلع برة يجاوب واني كمت دورتلي صوندة ترست الصوبة نفط وشغلتها تميم
اعرف طبعه مايحرك روحه ويعزل يكول مااعرف بيضة مايعرف يطك رجع سيف دفر تميم "سا.... بواسير راح طكلك حرك رووحك خرب لشتك شلو الك نفس تكعد بنص الهوسة"
تميم "وقز القط منو كلكلم اني الخدامة ماري شوفولكم غير شغلة اسويها"
سيف " هسة تقنعني ماتعرف ترتب هاي الغراض "
تميم "وين ياغراض ضل يتلفت الهول فارغ وين الغراض
سيف" غراض الخلفوك باوع عدل لا تحول عيونك وتميم كلبهن اله طلع لسانة اشوف الغرفة اربعة سيف لا تهز اوكف عدل "
سيف " لا تعاين هسة اخليك تشوفني عدل شال الدوركة طفر تميم صاح "بعلي احطك وامردك بس تذب قطر دنة سيف وتميم سواها خطوتين يم الباب اصيح هسة سيف باردة بروح العزاز عوفها"
مد كف ايدة "بوسها واعفيك"
تميم عفطلة "دكم ابو التيو.... ابو الوسخ كال ابوس ايده"
سيف دنة صار قريب "هااا هيج بعيني ورموشي جرر الدبة متروسة وتميم عاط" لا يمعود ابو الغيرة حبيبي اغاتي انت فدوة الكلبك بس وخرها
سيف "بوس ايد تاج راسك ماكدامك غير خيار"
تميم " مو اجي امعطك ابو الگلگ وخرررررر "
سيف "تفلت على صفحة اشعل شيب الخلف واحد واحد لتلعب نفسي لو تبوس ايدي لو سوي سبيحة والجو اشاااه بارد مال بطانية وصوبة
تميم" حضن بويا حضن يا بطانية مدفي باوع لرغد يول هذا يومك وجه الجوووب كووووم عدل رتب روحك اسبح ابو الجيف..... وجه مطلكة وماخذين نفقتها "
سيف وية مالتفتلي طفر تميم جر الدبة من ايدة صارت من الروس اليشوفهم ميكول واحد ضابط واحد صاكر البيت كبار وزغار
لحد مااتميم ضرب سيف على راسه كعكاية متنة ضحك يايابة شذكرك بيها
تميم "ماناسي سوالفكم البايخة"
سيف "ههههه تذكر ارغد من نضوج حميد نسويلة كعكاية"
ارغد "يتخبل الله يرحمة وحركة الصمونة جانت اقوة"
حركة الكعكاية نكور ايدنة بقوة مثل الواحد يريد يضرب بوكس بس احنة نضرب بلكفة مال الايد بلمكلوبي ونختار مكان حساس من ضربة وحدة والمكان المحدد هي كوكت الراس او وسط الراس هذا المكان يأذي
جنة مسويها لعبة اليخسر نسويلة كعكاية
والصمونة الراشدي بس هم بمكان معين ومكانها المخصص العلبات هذا المكان يأذي
ضلينة ضحك ونذكر ايام طفولتنة طلعت جبت عشة جاهز من حضرتة بصينية ومواعين عزلتلها على صفحة دكيت الباب ودخلت جرت الشال على راسها كاعدة على جودلية ولافه روحها بطانية ضربت كصتي
ارغد "نسيت احطلج صوبة هذا عشة اكلي وطالع اجيبلج صوبة جبت الصوبة بكارتونتها من سيف شغلتها الها وخليتها قريب
اي شي تحتاجي صيحي علية ترة الولد واحد اخوية واحد اعز من الاخو فلا تستحين اذا احتاجيتي حمام شي ورقمي يمج بس دكي علية واجيج ساكتة عفتها براحتها وطلعت الغرفة ثلج شلون تحملت وماحجت فارغة صير برودتها اكثر من البيها اثاث
والولد كعدتهم ماتنمل ضلينة سهرانين ومكابلين الصوبة النفطية وين يلة نمنه لو ماسيف ودوامة مااخليهم يرحون
وفكرت هاي اخاف تحتاج شي حمام وتستحي من الولد والبيت غرفة وسط خربة ماترهم
ثاني يوم راحو من الصبح طالعين بدون مايكعدوني حتى ماركيتهم
نايم واسمع طكطكة الصوت متقطع ارجع انام وافز على الاصوات رفعت راسي رغد ترتب بلصالة
كعدت على حيلي صبحت عليها
رغد" التفتت صباح النور اسفة الصوت كعدك مو داارتب بيهن هوسة واضوج منهن "
ابتسمت "لا عادي اخذي راحتج اني هم تاهرت بلنوم"
غسلت وطلعت اجيب ريوك حتى مااسالتها شتحب تالي جبت نوعين كيري وبيض
دخلت للبيت واكفة اصفط بلفراش متعرف شلون صفطة بلقسم الداخلي كلشي تعلمت وخرتها "اني ارتبة بس سويلنة ريوك بلة امر عليج"
هزت راسها واني ايدي اخذت ورة الفراش المواعين كومتهن بكارتونات الصوبات شوية يخففن الهوسة
فارشين بطانية قديمة وكاعدين عليها جابت الصينية خلتها بلكاع على البطاني
تربعت البيض مكليتة راحت ترتب رفعت راسي "شمو مااتتريكين"
هزت راسها "لا مااشتهي"
اهوووو بدة رحمة اللة والتعززز علية كلتها بيني وبين نفسي "مااكل اذا متجين تاكلين عوفي المستحة بعد صرنة بيت واحد لازم نتعود على بعض"
رغد" مامستحية بس اني مااكول تجر الحجاية مااكول الصبح مااشتهي تلعب روحي "
ارغد "شتلعب شناو يس يم ميفيدج غير كرشج شبعي وانتي لعبيها لتخليها تلعبج"
ابتسمت ضامة ضحكتها ماتحملت تضحك بهدوء ومستحة "لا واللة الف عافية من اريد الاكل مو بعيد
علية"
عفتها على راحتها " المسواك جبت كومة شتردين سوي واكلي "
سميت بسم اللة ومديت ايدي البيضة تنكط دهم وماصخة دم وزفرة خرب لعبت روحي وخرت الصحن وجريت باكيت الجبن بيضة مثل البنات متعرف
هزيت ايدي ادردم شلون راح تكضي وياها تاليتي اصير ام البيت بمكانها
اكلتلي قطعتين وكمت اخذت محفضتي عدي يادوب يكفني النعاية الشهر حتى عربون للغراض مايكفي
طلعت افتر وصيتها دير بالها واني طالع للشغل رحت للولد للشقة شبعتهم جلالق كعدتهم كلهم
وهم التمو علية جعصوني خنكوني يلة فكووو سووو ريوك وتريكت وياهم داس ثاني لتلاثة رحت الشغلي هوة شلون شغل يرفع الراس ماادري شلون متحمل الوضعية
بعد ما صاحب العمل صار يفتر علية ماعم علية غير خلقتي الزفرة يشوفني واجها لشغلة وتعال استلم عني وراتبك اضاعفة
واني شارد منة كارة روحي واشوف فلوسي مااعرف مصدرهن حلال لو حرام
ايام مرت ونفس الوضع اني رغد اكتشفت بيها متعرف تطبخ وشغلها صح بطيئ بس مرتب نضيفة اشوفها بهذا البرد تسبح يومية لو بين يوم ويوم
عايشين خوان بلبيت لا اني الي نفس بيها ولا هي الراغبة
تنام بلغرفة واني بلهول دبرت كاونتر وسنك مستعمل اخذتة بربع القيمة داينت من محمد وشتريت زوالي للغرفتين كلفني هواي المهم يدفن البيت
اشتريت شغلات نواعم تحتاجهن بردات مخاد ثلاثة كطن من النداف جبتهن
والتوصيني بي اجيبة الها نوعن ما ترتب البيت وتنظم اهون من قبل بدة الدوام صرت اداوم الصبح ب ١٢ ارجع لو عدي الف متحان ومتفق وية رئيس القسم عدي شغل ويادوب اكلي لكمة وابدل
ارجع الكاها لو مكلية بتيتة متروسة زيت لو بيتنجان مطوف من شوف نضراتي للاكل تيونها تباوعلي كانو تطلب رائي
واني اكلها وشليها زين من الزيت البيتنجان نكعي بمي وملح يذب حرارتة وهم ميمتص دهن بس تكلا الطماطة زينة بيها
كمت من ارجع احير بلاكل مااكدر اخجلها وهي مستغربة الوضع واشوفها اسوي التكدر علية اضطريت اكلها بعد لسوين شي تحججت اخت صديقي محتركة بلطباخ
اخاف عليج تانيني من اجي اني اسوي بس انتي جهزيلي المواد خرسة مجاوب لو تهز راسها لو ضل ساكتة
ماخذلي ألة اوتماتيكية
لحد مابيوم مار من الكرادة واشوف اعلان بحاجة الة عامل بمطعم معروف كلت اروح اشوف يجوز تفيدني اجرتة هواي جنت الكة شغل بس الاجرة مالتة قليلة
سألت ودوني على صاحب المطعم طالستة وبديت افهم منه طبيعة العمل والاجور واوقات العمل عرف بية طالب
رفض طوة قنعتة من شفت الاجر زين مقارنتن باقي اجور الاعمال والدوام شفتين ياما من ال٧ لل٤ العصر او من ل٤ لل١ بليل ختاريت الشفت الثاني عدي ثلث ساعات اكعد اقرة بيهن
ثاني يوم دزيت خبر صاحب الملهى امي تمرضت وراجع للكوت بس اكلة لكيت غير شغل يزين راسي مكلوبي
بلشت بشغل المطعم احس هسة ارتاحيت ورب الراحة
اكضيها من الدوام للبيت يادوب اتغدة واصلي واكعد اقرة ساعة ساعتين واناملي ساعة واطفر للشغل لل وحدة ارجع ميت تعب بس رغم هذا مرتاح
سيف الدين
بعد ماارجعت من ارغد للبيت دخلت سلمت الشيخ وجها ثكيل مااحبيت افتح موضوع واني بطلعات الفجئة الاكي امها وهي طالعات للسوك
ادير وجهي واركب السيارة سجاجين تدخل كلبي ليمتة اضل اشوف بعيني وغصب عني اتحمل
امي الحجية تلوب علية واعرفها مامرتاحة الوضع حتى اكل مااكل بلبيت شارد صارت طبتي وطلعتي للأمر صعب الرجال يكيف
اجانة امر سبوع نطلع مداهمة على بيت مشتبه بية بلتحديد يوم ٢٠١٠/١/٢٢
واكفين بأهب الاستعداد داخلين انذار معلومات مؤكدة عن وجود خلية نائمة باحد بيوت المدينة حددنة الاتجاه ونقاط الضعف وخطتة الهجوم دخل الامر ضربنة تحية
الامر صعب "سيف عثمان صالح ملازم جواد مااريد اي تخاذل كل واحد بيكم يمو جهازو الاسلكي ابنائي الغيارة
فرصتكم هاااي لتخلوهم ينتصرون
سباااع اسووووود امشو على الخطة اي استجداد بلخطة تتلقو من النقيب صلاح احتمال كبير معدات تفجير قنابل اعداد تأنتي كوونو حذين اقل الخسائر
ابطال يلة توجهو
كلنة بصوت حاضررر سيدي دكينة التحية وطلعنة ركبنة سياراتنة وصلنة النقطة المحددة وكفنة نشوف الوضع
ربع ساعة واجة امر التقدم والمداهمة داهمنة البيت ماواجهنة اي مقاومة منهم كدرنة نعتقلهم بسهولة
ونفس الاخباريات حصلنة على انواع الاسلحة والمخدرات واعداد هائلة من التيأنتي مجهزيهن لصنع متفجرات وقنابل
تكللت المهمة بلنجاح قبضنة على اربع اشخاص وانساء من ضمنهم كانو عشر اشخاص كدرنة نسيطر على الوضع
بحدود الستة كملت شغلي بلطريق واني راجع دك تلفوني الشيخ
فتحت الخط" الووو ها يابة "
الشيخ "ابني وينك انت اطلع من دوامك وتعال"
صوتة الخايف وكع كلبي "خير يابة شصاير"
الشيخ "ابني الما مختفيه ماهي"
........ يتبع
اعتذر عن التاخير
تفاصيل ماكدرت احصلها بليل كلش يلة كدرة اتواصل وية الابطال
تفاعلكم 💔 ماحابين القصة عفية جاي اتعب واليعلقون ويصوتون قليلين ليش مو هذا تعبي متردون اكملها
بغير قصص تتككاثرن لان كلة مح وميح واني قصتي ارقى مايكون من هاي الامور 🥺
اعوفكم انتو وضميركم
نشرو القصة بلكروبات توصل الاكبر عدد لان قصصي مضلومات
متابعة للكاتبة وقصتها يميني انتَ
والكاتبة ترنيم السماء قصتها عز الدليم
رواية بين الكاف و النون الفصل الثامن وثلاثون 38 - بقلم saja altaie95
بين الكاف والنون
الاربعون
بقلم....... سجى الطائي
حنين وچني جآمه بـ نآر
يكسرني الحچي البآرد ..
بـ كثر مآ حآب كل النآس
كلشي لـ روحي مآ رآيد !!
طفل وآبچي اذآ انعآف
آنه من اتوآدع أتشآهد !!
سيف الدين
مشيت بسرعة جنونية الطريق شطولة صار اريد بس اوصل مااعرف بشنو فكرت ولا الافكار الخطرت على بالي
وصلت ركنت السيارة شفت سيارة زياد وفرات يعني الخبر واصللهم نزلت بسرعة طبيت للديوان كلهم ملتمين بي امها منزوية وتبجي امي الحجية بصفها تهدي بيها
زياد كاعد كبال امها يستجوب بيها يريد يعرف ادق التفاصيل كلها ملتهية بحيث من دخلت محد انتبهلي زياد رفع راسة
زياد"الله جابك شوو خابر على الامر ادك علية مغلق هزيت راسي مغير خطة نعرف اجرائت الاختفاء ورة 24 يلة تدخل الشرطة "
اتصلت بلامر انطيتة خبر مااعرف شلون يصرف بس كلبي احس تطلع من عدة نار النفس ضاق عدي
فرات "يعني بنية شكدها شكبرها تضيع كدام عينج"
زياد "فرات اشوف المرة مو مال عتاب قدر وصار خلينة بلمهم خالة اذكري اي حركة احد منا منا مشة وراكم شفتي احد مارتاحيتيلة اي خيط يوصلنة الها"
هزت راسها "لا ماشفنة شي طالعين نكمل جهازها كون جهاز الاسود علية ابوها منزل راسة
ماكدرت اكعد وانتضر يوم طلعت لحكني فرات" وين رايح سيف "
سيف" ششوف اكعد اباوع بعيوني واني مااعرف خالها ضايعة مخطوفة "
فرات" شنسوي ننتضر ونشوف وزياد معايف الموضوع شوفه جاي يحقق وياها عسى ولعل نلكانة طرف يوصلنة الها"
مااكدر حتى اوكف اروح وارجع واسمع فرات " واضل منتضر اطلع ادور وين ماجان "
فرات "وين تلكاها وصلاح الدين جبيرة مكان واحد واكلك نطلع ندور"
سيف" فقدت صحت شنو الحلللل اختل بلبيت مثل الحرمة واخلي ايدي على خدي ضربت على صدري هنااا نااار مشتعلة بية مااكدر حتى اوكف وغربتي كلبي على ساعة يوكف "
فرات "غسل جوة المغسلة وتعال هنا بلحديقة " فات كدامي عفتة وطلعت صعدت سيارتي وتحركت عفتة يصيح وراي
من شارع الشارع وصلت للسوك وكفت ركنت السيارة طلعت سلاحي من الجكمجة سحبت اقسام اي حركة او خطر اكون جاهز
نزلت من السيارة لابس بطرون الزي بدي ابو الركبة نزعت قمصلة الزي مااريد اثير الشبها واجذب الانضار لبست قمصلتي الجلد سودة
السلاح بخصري غطيتة بلقمصلة مشيت دخلت للسوك عيني بكل مكان واذاني يم كل مار فريت السوك فر وكفت يم مجموعة يحجون بلحادث وكفت مفتح كل حواسي ماكو جديد بحديثهم
مشيت مسافة خابرت فرات كل شارع دورون بي لو ترجعون على الشارع خمسين مرة مايهم "
رحت بوجهي للامر صعب اخذته ورحنة للاستخبارت اخذت كتاب امر بلبحث وعممتة على كل السيطرات
خابرني زياد حمايتة وياا وجهم يدورون للوحدة بليل واني من شارع الشارع الانر صعب وياي بلصدر وكفت باقرب مكان تجيت راسي غمضت عيوني
ايدي من الضفط ماكدرة اسيطر عليها الامر ساكت بعد زمن من الهدوء "ابني كول ياالله السوا عملتو مايروح من ايدية لا ازوعو حليب امو وين يروح منا هونها هونها"
سحبت نفس يدخل الريتي تيزاب " وجدها يمهم يعني شنو يمكن يلزموها يمكن يعتدون عليها ضربت الستيؤن بكل قوتي كلااااااب سااقطين "
لزمني دفعتة "بنية بنية بين ايديهم وحلوة يباوعون عليها ويسكون الانجااااسسس خرب............... نزلت ماكدرت اسيطر على نفسي ضربت السيارت بايدي سمعت طكت اصبعين ماحاس باي الم
دخنت وعيوني مثل جمرت الجكارة رجعت للبيت
هدوء بس صوت بجي ام الما وعيونها على الباب شافتني دنكت تضرب على رجلها عفتها مشيت فتريت من الحديقة الغرفتي مجرد بدلت
وطلعت خابرت النقيب حمزة انطاني اخبارية اكو هواي حالات خطف احتمال يردون فلوس دين ماضل براسي بس يطمنونة وشيردون ننطيهم
ندك الباب واني اسولفلة دخل ابوية الشيخ نهيتة وية النقيب " ها يابة ليش مانايم "
الشيخ "ضل نوم بعد المصيبة الوكعت على راسنة كعد يهز براسه مهموم منين اجتنة بوية دبرني ماالاحلكم شي منا منا"
سيف "وين لو شاكين باحد مااخلي ينام ليله ولا يعديلة فجر وانة فوك راسة واخذها من عيونة واشوفة الامهات شجيب"
الشيخ "بويا جا وين راحت البت حمرة بيضة لا يوكعون روسنة بلطين سيف ادين راسي وشيباتي بهذا الطين ابوها يروح بيها البت بعدها بت بيت ويطمعون بيها"
سيف " ماا طيح حضنة غير ابوها حجي خليني ساكت وبالع قهري وكاتمة بكلبي لو احجي اطين راسة واوسدة النجف "
الشيخ "ابني لا تعابي بفعلتة باوع على البت التكدر علية سوي لاتقصر بعد ابوك اخاطر رباي ابني"
سيف"لا يابة مو انة الاعابي خلي هوة وربه شوفني ماكاعد "
هز راسة ساكت "شوف اخيك طلع من ساعة وندك علية ميرد مالي حيل بعد لمصيبة شوفة وين وطمني"
سيف" ليضل بالك طلع للامامين ويا حمايتة يتاخر يلة يرجع"
الشيخ "ماشي ناملك شوية اليوم تعبت"
طلع واني لبست وطلعت وراه خليتة يطب وحركت سيارتي برة لحكت زياد خابرتة من الاسلكي توجهت المكانهم طر الفجر واجة النهار وعيوني ماضايكة نوم واليوم جر ثلث ايام
خابرني فرات واني غافي بلسيارة مجرد اكدر اقاوم اذا اضل بلة نوم مااقاوم " هااا بشر اكو جديد "
سيف "لا بعدنة نبحث"
فرات " درجع للبيت عمام الما اجو ويردون يحجون وياكم "
سيف " فرااات اذا اجي ارفس ببطونهم الكوواوي..... حثالت المجتمع والقرأن اجي افعصهم فعص........... لا تخليني اطلع من ديني واكفر بيهم واصير ملحد هسة اذكرووو يجون وعرفو بت اخوهم مخطوفة ومانعرف وين ارضها وشصاير وياها "
فرات "هوب هوب رشاش شبيك شايش همة خاطفيها ويردون يعرفون شصاير ويدورون وياكم ترة هم تعبانين
بت اخوهم وخايفين عليها"
سيف " خايفين مااجو من اول يوم هسة اذكرو فرات عيوني يوجعني روح هسة وبعدين احجي وياك "
فرات "ماشي بس حاول تجي من وكت امي بالها يمكم وزياد ليش ميرد على تلفونة"
سيف" يابة الرجال غاط الراسة عايف دوامة ومنا يمشي شغلة وحاير وياي ندور ومكابلين اهل المحلات حتى دخلنة شراكة وية واحد في سبيل نسحب من عدة حجي بدون مايدري المطي "
فرات "اللة يهون عليكم"
سيف "طمن امي احنة بخير ليضل بالها مع السلامة"
سديتة من يمة فات زياد دك الجامة عدلت روحي نزلتها " بعد مااحتاجك روح ارتاح وخلي فرات يرجع ام نور والجهال للبيت ويضل يمهم يبات بلبيت مو يعوفهم وهسة وراك ادز حماية للبيت "
سيف" ساعة وارجع "
زياد" توكل حبيبي التعب مبين عليك لا تضعف وتنتكس حالتك شوية رتاح من احتاجك اودي عليك يلة ارجع ولا تطلع من اكلك طبطب على كتفي "
رجعت ضهرية وزياد انطانة امر نرجع الامام وداير مدايرة مأمن مابي شي اسمعه بلاسلكي وصلت بوجهي سبحت اسمع صوتهم حتى ماسلمت مااريد اشوف جهرهم ونمت يمكن ساعة
وفزيت الهث باوعت بلخمسة طفرت بدلت وطلعت البيت متروس زلم عمام الما وناس التعرفنة والكرايب من الكوت اجو فتت الحديقة متروسة زلم
عباس خطيبها كاعد مسوي روحة عصبي شافني رفعتلة حاجبي عبرتله ماسلم شفتة من وكف كوة طايق شوفتة
طبيت للديوان سلمت كلها كامت اتلكوني يردون يعرفون
واني تعبان انطيتهم المختصر وعمها لازمني من ايدي ابني ابني واختك احسبة ولا تعوفوها هذا شرف تالي عمرنة نزل روسنة
عشنة بقلق نفسي وتوتر هد حيلي والتفكير ماخلاني بوعيي مااعدي غير استخدم منصبي واول مرة اخطي هيج خطوة شكو بيت بلمنطقة مشتبه بي اخذت كم وتحد من الحماية وسيارتين وبزينة نداهم البيت بحجت اخبارية والناس من شوفنة بزينة وملثمين يخافون
بيت بيت فتشتة مااكو فس ملح وذاب فقدت اعصابي تلفت وجر اسبوع الراحة ماشايفها
ليلي ماانامة ونهاري ادور ماخليت صلاح الدين نبشتها الفرع اروح وارجع بي عشر مرات
ادخل للبيت بجي ونحيب ونين امها يكطعنة ابوها يبجي مثل النسوان المنطقة مشطناها اني وجماعتي
البيت مااشوفة ابدل واطلع صعب انطاني اجازة مفتوحة
حماية زياد والفريق الطلعنا بامر من الامر صعب مشطو منطقة منطقة لحد ماخابرني فرات تخربط الشيخ ماخذي لمستشفى مرتفع عدة السكر ومنا شكل عدة السكر
طلعت من المستشفى فقدت اخر ذرة بعقلي طلعت على الكريق السريع لمكان مجهول عقل ماضل عدي نزلت كعدت انتجيت على السيارة راسي بين رجلية اول مرة تنزل دموعي
رفعت راسي للسماء حتى دعاء مااعرف ادعي الكلمات طارن مني ماارددت غير بامانتك الما الاهي بس هي ضلتلي لا تغربني فوك غربتي جبنتي هاي
ساعات واني ماكبل الجول وبس صوت السيارت من تمر بسرعتها يمي صافن بلفراغ شسوي شنو حالها اذوها بس كون عايشة وبسلامة كلشي مااريد بس كون تجر النفس
اليل جكاير وسهر جبت عمري متعوب
جرت 11 يوم اخذن من عمري عمر وبيوم مدنك شكل عدي ضغط ضهري مكسور اصعب شعور من تعيش ايام تفقد بشر ومتعرف شنو حالتة عايش ميت جوعان عطشان معتدين علية
ابويا انتها وهوة يعاين بعيونة شايف عجايب بس هيج كسرة مامر بيها بعد ماكدامي غير الجكاير احش بيها كلبي ميت حاربت واخذت مجرمين براشدي يكت الاول والتالي صعبت عليه الما بيوم ٢٠١٠/٢/٧
ريحانه
سبوع واحس الخنكة زادة عدي اخاف اسولف الماما وتحجي كدام خالتي نومي مخربط بليل افز مرعوبة الزم كلبي واردد ايات قرئانية اطمان بيها
حالتي عجيبة ماجنت هيج احس بأحساس غريب ماحاستة قبل شي داخلي يحجي غواشة سوداء تجي
كدام عيني حلم يقضة تجيي واني اتعوذ من الشيطان
تروح مسافة وتقترب وترجع تبتعد مثل شخص يبعدها ويتعب وترجع باتجاهي
تعبت نفسياً طاقة ماعدي طاقة السلبية تحيط بية واهس ماضلي شي ماراهم يصير رددت ياقدوس ١٠٠مرة لراحة النفسية هدئة شوية
النة سبوع بيت خالتي مكيفين بينة خالتي العصرية جهز الكيك و قوري الجاي وقوري الحليب وككو تعرف بية احبة نلتم بلمطبخ سوالف وضحك تكتم منطلقة بيت اهلها
رتاج تكعد بصفي تحب تجي يمي تهمس دكلي ريحتج طيبة ليش تطلع منج ذكرتني بحجاية رضا ابتسمت
مقتنعه ذكر الله وآل بيتة كل حروفهم تبعث طيب
رجعتني كلمتة لايام المدرسة قبل كل امتحان والدي
علمني اهدي مئة الصلات على محمد وآل محمد لسيدي
صاحب العصر والزمان لتسهيل الامور
اثناء قرائتها كنت صف اول متوسط فاتت صديقتي سالتني اذا قارية المادة جاوبتها وكانت بشكل قريبة تكدر تشتم نفسي كالت الهيل موزين يضعف الكلب لتاكلين منه هواي
ضنت اني اكل هيل واني بلاصل مااحب الهيل هذا الحدث رويته الوالدي ابتسم كال كان الرسوال الكريم رائحتة اطيب من المسك كان رسول الله صلى الله عليه وآله وسلم أزهر اللون كأن عرقه اللؤلؤ ، إذا مشى تكفأ، وما مسستُ ديباجاً ولا حريراً ألين من كف رسول الله ، ولا شممت مسگاً ولا عنبراً أطيب من رائحة النبي .هذا حبيب الله ومن كان قريب
من الله يكرمه بعطره الجميل وطيب انفاسه وهذا تعتبر كرامة من الله وقربك منه
لا تستغربين بابا هذا كرم رب العباد وعظمت ديننا
وعلى اثرها ماتركت ترديد الصلاة على محمد وآل بيتة
رجعت للواقع خالة هي وماما يحبن بعض من اجينة لليوم ماطلعن كانو يردن يعوضن ايام الفراق تمنيت
عدي اخت واحس بشعورهن
لليل كملنة عشة ماما وخالة طلعن معزومات لمجلس عزاء
تكتم كابلت التلفزيون رتاج جلبت وية خالة واخذتها مسلم طالع وية جماعتة الولد شاف ردود فعلي اتجاها احترم هذا الشي وكان يجمعنة فقط السلام
نعست وصعدت وقتت جهازي لصلاة اليل اريد استرجع نشاطي وطاقة الاجابية احس تحيطني طاقة سلبيه وتسببلي نحول وتكاسل
بين النايمة والكاعدة شوط مر طبيعة نومي ماكنت اعاني من اي شي انام براحة واكعد نشيطة احلامي قليلة واذا احلم احلامي بسيطة مادل على شي نادرن مااحلم
اليوم سمعت صوت كانة واقع ادركت وجود عبدالملك يرتل (وَإِذَا قَرَأْتَ الْقُرْآنَ جَعَلْنَا بَيْنَكَ وَبَيْنَ الَّذِينَ لاَ يُؤْمِنُونَ بِالآخِرَةِ حِجَابًا مَّسْتُورًا
وَجَعَلْنَا عَلَى قُلُوبِهِمْ أَكِنَّةً أَن يَفْقَهُوهُ وَفِي آذَانِهِمْ وَقْرًا وَإِذَا ذَكَرْتَ رَبَّكَ فِي الْقُرْآنِ وَحْدَهُ وَلَّوْا عَلَى أَدْبَارِهِمْ نُفُورًا)
فزيت ماشفت اي صورة الة كعدت على كيلي مسحت وجهي هاي الايات اذكر والدي كال تستخدم للوساس بلاضافة الى اية ١٢٩ من سورة التوبة بعد كل صلاة
مافهمت اشارتة وين الغاية بيها اني كل يوم اقرة دعاء الاستغفار لمنع وسوسة ابليس
سحبت الجهاز يم راسي شفت الوقت قبل تنبيه بنصف ساعة كمت توضيت ودخلت للغرفة انتبهة البنات نايمات
قان امو شموع يستخدمو من تطفة الكهرباء طلعت شمعة من المجر شغلتة كان اكو شخاط خليتة بلكاع ثبتتها
بلشت اصلي للصبح اني كاعدة على السجادة قبل احس بوجود عبدالملك عن طريق ضوة الشمع من تهتز نار الشمعة لاكثر من مرة واحس برودة هوة على وجهي
سحبت كتاب مفاتيح الجنان من اعظم الكتب الدينيا ماكو بيت عراقي ماكو بي يوم جمعة زرت الامام الحجة المنتضر وقريت دعاء كميل لدفع البلاء عني، وعن عائلتي وهديت ثواب قرائتة للامام علي (ع)
مشت الايام وروحي تلوب على ساعة استفرغ ماما انتبهتلي اتررد اطلب منه نرجع اشوف فرحتها بخالة
تمنعني اطلب منها
هوه احنة كل سنة نجي مرة ونضل سبوع سبوعين بلهواي استكثر عليها اتحمل لحد مايجي رضا يرجعنة
اليوم اخر يوم حضرنة جنطنة وجهزنة نفسنة رضا والدي اجو سوة ورة الغدة طلعنة
حسيت مثل سلسلة ونفكت من ركبتي اجهل هاي الخنكة
وليش بس بيت خالتي تجيني الحالة
وصلنة وبلشت دوام وحنين روحي الة يخنكني مااريد افكر بي ولا مشاعري تكبر مااعرف نصيبي وين
بعد رفض والدي الة زرع بداخلي خوف من المستقبل
اماني تعبانة وجها ذبلان عرفت عدها مشاكل بعائلتها
عفية بيت بس مشاكل
مرت الايام بشهر الواحد ملتمين يم الصوبة الجو شتة والكهرباء طافية وملتمين بلمطبخ ماما مسوية كليجة ثواب ومبقيتلنة نجانة منهنا تعرف بينة نحبها
ملزمتي بيدي اكل واقر ندك الباب
بابا جان مدد بلغرفة يرتاح ورضا فوك بغرفتة نايم بس اني وماما بلمطبخ طلعت فتحت الباب واسمع صوت خالتي ام مسلم
جريت شالي حطيتة على شعري لبستة عدل سلمت كل العائلة جايه صعت كعدت تكتم ورضا وراي بشوية نزلو
يومين ضلو يمنة بليوم الثالث مجتمعين بلهول بابا يحب زوج خالتي يرتاحلة رجال خير
زوج خالتي" اني جاي والي امل بكرمك واحنة اهل ومالنه غرب عن بعض مااطول عليك رايدين نسبكم
محروسة بنتك ريحونة لبني مسلم "
ام مسلم " ابو رضا كلة خير وبركة احنة اهل ومابينة رسميات يومن المنة من طلبتو تكتم كلت ماالكة احن من اختي لبتي وامن عليها وكلبي بارد ان شاءاللة نرجع واحنة ماخذين منكم كل خير "
والدي " جيتكم على راسي افتتح حديثي بحديث النبي علية افضل الصلاة والسلام عن خيرة الزواج والنسب حيث قال من رضيتم دينه وخلقه فزوحوه صدق علية السلام نحن نسن بسنة النبي ونتبع ائمتنة عليهم السلام
هم خلائف الله بعد الرسول الكريم
احنة بعاميتنة نكول البت بتكم فمسلم ذات خلق كريم حسن المضهر ذات لسان حكيم من بعد اقتناع الاهل القرار يرجع للبت وهي تقرر
هذا زواج ومعاشرة فلا بد ان نحسن اختيار التبعل العفو التبعل للزواج تنطق او الاستبعالا وهنا يكون القرار قرار ريحانة مو بابا
جنت منصية الدمعة بطرفعيني بعد الحديث الدار كان الموقف محرج حسيت انحصرت بزاوية القرار ورفضي يحسبب احراج للطرفين بلاخص اشوف الطرفين راضين
ضليت خايفة وساكتة بس اريد ادخل الغرفتي رجعو يحجون وخلو المرة بملعبي الخوف تملكني
....... يتبع
اعتذر عن التاخيروعن قصر البارت
بعد شهرين واحنة بشهر الثاني
رواية بين الكاف و النون الفصل التاسع وثلاثون 39 - بقلم saja altaie95
بين الكاف والنون
واحد والاربعون
بقلم......... سجى الطائي
يالمبشر .. ممحله الروح ..
غيمك .. عزّت امطاره
اوجثيره المايهزها الضيم ..
جن اكَلوبها حجارة
ولو لذة عشيج الموت .. كَلبه ..
ايموت بسراره
لجن ، شانت على المذبوح .. دمه ..
ايضيع فجّاره
دَفك عينك ، زمانك ليل ..
ليل .. ايريدله انطاره
ولا كلشي الجليته ايطيح زنجاره
ولا كلمن يموت ايضيع تذكاره
ريحانة
بعد الحديث الدار بين خالتي والدي وامي تخربطت احوالي
طبعي مااعرف اجادل او انطي اي ردت فعل اضل كابتة بداخلي اطحن بروحي الروحي
قلق عمري وروحي دورة مدري ليش عمري ماعشت هذا الشعور كمت افور كل ماتجي عوينة المخنزرة نضره نضره كدام عيوني خشونت صوتة وية رنت حنجرتة من يطرب
اذوب روحي تروح ادوخ بي مااهمني كوني ضربت تعالم والدي عاداتنة طبيعت اهلنة اريد اعيش هذا الشعور بحذافيرة من اشوف بنات جامعتي وعلاقاتهن
مااتمنة مكانهم مكتفية بهذا القدر وفه بوعدة وماضايقني ولا احرجني ودز اهله ترس روحي فرح بوكتها وواحساس بجواب اهلي
ثاني يوم راحو بيت خالتي داومت اول مانزلنة من الخط اماني اجاها صداع حاد اخذتها لقاعت الصلا كعدنة بيها عفتها ترتاح
واخذت بندول من السكرتارية بلقسم واخذتلها بطل مي وبسكت وكوب جاي سفري ورجعت للمصلا
مخطية روحها بلعبا ووراسها بين رجليها مبين الالم قوي
شربتها الحباية كوة وكلتها بسكتابة وشربت الجاي
عيوني عليها محاضرة الاولة راحت علية كعدت بصفها عيونها مغوركة مااعرف شبيها مهمومة حاولت اسولف وياها ساكتة
مر الوقت طلعت اخذ محاضراتي من البنات فتت للقسم توجهت القاعتي اخذت كم ملزمة نزلت اشتريتهن من المكتبة
امشي وبالي يم اماني وافكر مركزة بطريقي اذكرت ناسية جنطتي بلقاعة من اخذت اسماء الملازم وكتبت المحاضرة الفاتتني رجعت للقسم صعدت
رغم تعودي على الكلية يبقة هاجز الخوف بداخلي من اي تجمعات اعصابي تتعب اريد بس اوصل لمكان هادء خالي من هاي الضوضاء التحبط بلمكان
ارتعب من الصوت العالي من الرجل الغريب ينتابني خوف فضيع ترجعلي الذكريات كلبي قوة دكاتة ودة يطلع
امشي وفكري مشتت
اخذت الجنطة طلعت من القاعة وصلت قريب باب القسم اتسعت عيوني اعصابي رخت اجتاحني موجة فرح وخجل سبحان الخله اماني نضرة عيونك
مشيت طلعت من المكان ووكلبي يدك الابتسامة مافاركتني طلعت خارج الكلية كعدت بلحديقة خليت
كتبي على المسطبة خليت ايدية على وجهي اخفي
توتري رحمتك ياربي غفرانك الاهي
ثانية ثانية ماهدئة روحي مشتعلة بي هيج طعم الحب
سبحان من خلق تلك الافئدة لتنبض
اشتنشق هوه الشجار مليء بلاوكسجين اغذي روحي
حمحمت صوتة فززتني التفتت وكف جانبي بس وجها اليكدام نضرتة للاشار المحيطة بلمكان
عيونة شع راحة روحي ارتاحت لشوفتة مسافة متر بينة
استند على سياج الحديقة شتت نضري انسه نفسي امامة
وجودة طاقة ايجابية تجتاحني كانو العالم توقف حولي بس اسمع انفاسة هدوء المكان وترني
سترتة الجلد وية بدية الاسود وبنطرونة الكابوي اسود وحذائة الجوزي منطي هيئة جذابة لاول مرة انغر بحبة
لا اول مرة اتمعن بي هلكد طولت نضرتي همس'متلفت ناحيتي مضيعة نفسي يمة " ارويني بعد لا تنداريني "
اجرائت وطولت نضرتي سكت ثواني ابتسامتة تخبل شبح ابتسامة ثكلة موتني حدت حاجبة وهيئة شكل المغضب ماتوحي بحنيتة " من اندار سبع فدوات لم عيون الوسيعة "
دنكت ميتة بدمي انداريت خجلانة الابتسامة مافاركتني
"ريحانة كلبي بوية جاي وكاسر وعدي اريد ارد احاجي ابوج جيتي لجل اشوف ردج اخافن تملين مني"
ضليت منصية رد كال "يلوكلج الحيا بس عايني الي جاي لجل هذني اىعيون السامرني بليلي الاضلم بيج احيااا وبيج اعيش ياثنايه كليبي"
يحجي براحة واني ميته مستحة خطواته قربت كعد بطرف المسطبة عينة ماطخت عيني "اريد اامن وانام بامان اللة حبيبة امشي انطيني الامان ماايضرج بشي ولا يكول عدك شي وياها بس خوفي عليج لا تملين وتجزعين ابوج لو طالب ومشارط لاخليلة نجوم السمة بيمينة وشايمر تم بس هوة سدها من الباب
" حك الوعد ماادنسج بشوفة متعني انطيج كلمة وتنطيني وعد وانة شيالها ماابزع ولا روحي تمل
تصبرين وياي على والدج
ادري طريقي طويل مو اول مرة نضرتي تصيب ابوج مايشوفني كد المقام ويشرف يناسبني حك الله حكة وانة بمكانة وعدي هيج جوهرة انطيها لليثمنها
بس يابت الناس الاعمال بلنيات لاني شراب ولاني ماشي بلموزينة لا صايم مثل الناس واعمالي زينة
شاب حالي حال الشباب امشي على هواي قناعتي مااجبر روحي وادخل حوزة لجل يرضه ابوج مااسوي عمل متوجه الة لخاطر ارضي اخد
من هسة اكلج رجال مالي بلدين والي بلسياسة ماشي بحياتي ماعيل بحد ولا واحد مندك بية سمعتي طيبة
مااغشج واكلج صوم وصلا وداعت رجفت عيونج بخياتي ماشايف التربة بس ماعاوج ناويج والله يشهد ماخذج
بطيب نية شغت بيج الريحني وامني
شايف ومعاشر بكد شعر راسي ولا شفت الدوزنتني وكالتلي هاي اليدورها كلبك يمج كلبي رجف
خليج على بينة مااريد بعدين دكولين غشني "
وكف "تسمحيلي اخون والوعد مااكدر مااروي عيوني بعيونج وتوقعي اجيج اي وقت لا دكولين هذا مو رجال مو كد كلمتة"
سكت ملامحة انشدة وحدها سحب نفس " صديق ولادج ذاك عرفتة تلميذة وهنا متعين يحومي بس دبارة يمي لتنطي وجها ماكو حاجة اوصي "
ابتعد مسافة حجة بحسرة "ادعيلي اتوفق وية والدج اليوم اني محاجي"
عافني ومشة باوعت صدك صديق والدي شغلة هنا واكف وياا شخص ماشافني بس لمحني ملامحة تعدلت نصيت وشفت تميم متجة الهم وكف سلم فتحت عيوني سترك ربي ثواني وصوت تميم عله
اخذت كتبي وطلعت للمصلا شارده اماني نايمة
اكو مغسلة غسلت وتوضيت وكعدت انقل المحاضرة بلدفتر وفكري يم اليصير اليوم شغل بالي
صار وقت طلعتنة كعدت اماني اخذتها وطلعنة قريب باب الخروج والسيد واكف بيدة الاسلكي التفتت يأشر من ملامحة مبين عصبي
نصيت وعيوني بلكاع خايفة من تصرف تميم وصوتة العالي مااعرف شنو الدار بينهم قريب منوصل وكفنة صوتة
"بلا امر عليج رقم الوالد ضيعتة مني" فكيت عيوني مرعوبة اماني باوعتلي شكو هزيت راسي "مااعرفة"
السيد مصطفى " محتاجة رحمة لجدج مااعدي وقت اجي للبيت اعرف سببتلج احرلج واعتذر على طريقة الطلب
مسافر اليوم ومااحصلة بعد "
حصرني بزاوية ماتكدر اطلع منها الاسلكي بيدة يجي نداء ويرد عليهم ابتعد مسافة يحجي وياهم ويأشر وقت الخروج صير هوسة اماني ندستني مالها خلك وتباوعلة "انطي الرقم وفضيها"
سحبت قلم ورقة سجلتلة الرقم اخذه مني
سديم
هبطة الموقف ماراح مني سبوع اني مصخنة وفلاونزة
داخل البيت متوتر بسبب والدي مشاكل علمود المصرف
وامي تتكرضم على اخواني ماتريد يتلازمون وية والدي ونصير فرجة للعالم وشماتت عمامي
يومين واماني اجتني عيونها توعدلي جرتني من اذاني دخلتني للغرفة وقفلت الباب ضربتني راشدي دمعت لزمت وجهي تحجي من بين سنونها متريد تحد يسمع
"حيوانة اني وين تيهتج شهل صلاااافة الجايبتها منين
مااعرفنة نربيج اني اعلمج منا وجاي"
سديم "مامسوية شي ليش ضربتيني"
دفعتني "وهاي كل السوي ودكولين مامسوية شي شسوين بعد كتلج اكون صديقتج مو بس اختج ليش هيج سوين بروحج سديم خنتي الثقة بعد ماعدي مصداقية بيج"
بجيت "واللة مامسوية شي وماحاجيتة ولا خنت ثقتكم اول مرة اسويها واخر مرة مسحت دمعتي مهضومة انضرب على لاشيء بس فهميني شمسوية"
كعدت عى السىرير عيونها تعتب كرهت اليوم الشفت بي سلام "ليش تودين روحج للمكان الخطأ يعني متخافين من حوبت الناس مو الدنيا دولاب ودور بيج بعدج طفلة والحياة كدامج تحبين شخص على ابواب زواج
يروح يخرب حياتة علمودج ويترك بت خالة شنو ذنب البنية فكري بيها وخلي روحج مكانها موقفج شنو بلاخص هوة الفسخ راح يكون موقفها سلبي والناس ماترحمها ويطلعون بيها الف عيب ماخفتي على روحج من الحوبة"
سكتت ارجف، ماادري بي خاطب ثواني وستوعبت الموقف حلفت ماادري اني لو اعرف مااخابرة
اماني "شسوي وياج الابو يخابر واثق من نفسة ننطي مرة واني مامرتاحتلة كلبي يلعب منهم فهميني اذا باول هبة ريح ترك خيبته انتي شيسويلج"
نطقت بتعب "مااريدة بعد خلي يروح"
نترت "موهية بكيفج تعال روح نلعب احنة نلعب خلي عقلج براسج وفكري عدل كدامج دراستج وبعدج سادس الزواج يلهي وينسيج حتى روحج هاي اذا مصارو اطفال عدج بعد تنسيخا المدرسة
القرار يمج اني تعبت منج شوفي شتردين واني وياج بس تتحملين نتيجة قراراتج الولد ماارايدته مو كونة سوة
علاقة بس لازم يتحمل افعالة من فكرة بأنانية وبروحة وفضل راحتة ومافكر بيت بحال خطيبتة هذا ماعلية اعتماد وانتي كيفج"
طلعت واني اكل بروحي وين حطيت نفسي بياا ضيم فوك ماخذلت اختي آفُکْر بلبنية كلام اماني مثل ضربة
وعتني
مشت ايامي سجلت بلمعهد للدروس تهيئة للسادس ودق وياي اماني وتحسين اخذوني اذكر اول يوم كان صعب علية المعهد مختلط ولد وبنات
بلشت اخذ الدروس مثل الدوام من الصبح وقت الضهر يكون رجعتي اول ايام ذبيت جهد على الدراسة
اكعد اول سرة عود شاطرة ونافخة روحي السراوين البصفنة للولد نص الدرس شقة وضحك شكله مو غريب
علية
واني على الواهس اضحك اني وحدي فاكة حلكي نوب ينكتون هاي الله ذبها علية عدنة ولد اسمة قصي شقاوجي يموتنة ضحك واني اخرب على سوالفة
واني ودق كاعدين بس نعيب على شكولهم وهوة يلصلص
على سوالفنة ومشاورنة
رجعت للبيت قريب الوحدة دخلت من الباب ماما صوتها طالع دخلت للهول حسام كاعد اول باية لازم راسة وزوجتة تهز برجلها متخوصرة
اريام وجها معقوج اشوفها مامرتاحة اجيت اسال سكتت شعلية من يوم يومنة بيتنه نار وكبريت
دخلت بدلت وطلعت اتغدة الجدورة على الطباخ حسام على كعدتة بس مرتة ماموجودة طب تحسين قلق وعيونة تتفحصنة كال"خيرر مودين علية حتى الشغل عفتة "
امي "سودة علية تعال طب الدنيا حارة تسمط وبهل حر جاي تعبان باوعتلي كلاص مي لخوج بسرعة"
رحت ترسلتة دوركت مي وبيها ضلج وقدمتها اله اخذها مني شرب نصها من كد التعب
تحسين "فهموني شنو موضوعكم يمة خير صاير"
امي " يمة اخيك قبل فترة انشكالت من جيب بنطرونة كم فلس اجة بيوهمها سأل البيت كلة وانت تعرفني وتعرف خواتك مو طبعنه يمدن ايديهن بدون مايستأذنن
معلمتهن ومربيتكم على الأمانة "
تحسين "اي شنو الجديد اشمر فلوسي على الميز ثاني يوم الكاهن نفسهن"
امي " اني وله اخواتك ماعدنة مشكلة بس الحالة تكررت كامت تروح منة فلوس بستمرار ومو مرة ولا كرتين اكثر من مرة وكل مرة ينزل يسالنة يمة منو بيهن تاخذ
ذني خواتك كضيتهن حلفتهن بلقران محد بيهن ماخذة كتلة شوف مرتك يجوز تحتاج وتستحي دكلك
ماادري شكايللها وكبت بينهم ذاك اليوم للستار وربك كوة سكتناها وعذرتها زوجها ويتهمها بايكة كول طفيت الفتنة وكعدت البت وسكتت
اليوم من صباحيت ربك نزلت تهرج لمت العالم علينة هم رايحان منة فلوس بس بس المبلغ اكبر من القبلة تحلف دكول مو اني وخواتك محد بيهن صاعدة فوك
وهسة حايرين منو ياخذهن ويجرء يمد ايدة على جيبة"
تحسين التفتلة " حسام انت متاكد اخاف دايخ ومضيع دماغك وجاي تخبط هنا وهنا شنو فلوسك تروح من جيبك "
حسام " شايفني مخبل ماادري بفلوسي صح مااحسبهن بس اعرف كميتهن "
وكف طلع للمطبخ غسل راسة تحسين يباوع لمي تنهد خرب قسمنة اذا بينه ارتاح فكوره
حسام فلوسة تروح بشكل يومي تفاجئنة بي ورة اسبوع جايب الزوجتة تخم ذهب نازك وناعم
اريام واماني صافنات امي مكيفة ودكلها بلعافية حلو تتهنين بي
تصرف حسام صدمة للكل بس امي وتحسين مأيدي ربى من اجت وعرفت همست حض الجايفات امهات عاطت بيها امي سكتت من خزرتها حسينة اكو شي مو طبيعي
أرغد
واكف اخذ تكسي من الجامعة للبيت وصلت دخلت للبيت
مثل كل يوم رغد بغرفتها رغم ميانتي بس بعدني ماماخذ عليها
البيت نضيف اشوف الجدورة على الطباخ صحت "ولج منج من الشيطان اليوم الشمس طالعة منين" نزعت ملابسي بدلت مدت راسها لابسة تراكها الشتوي وكبوس ضحكت شبيج شفتي عتوي
" داكول تأخرت وسويت التمن نصت راسها عرفتها مسويتة شوربة "
ارغد "ناكل شوربة شو شوفيني رحت للطباخ فتحت الجدورة المرة مي والبصل مطوف التمن عجين
برطمت واني ابو ابوي كامز اريد بس ارتاح سكتت اجي ارتاح صرة مدام ماري
طلعت للسوك اخذت نص دجاجة شوي رجعت شمرتها على اكاونتر وكفت حرتها من تحركاتها متوترة ماجمعتنة صينية هي وحد تاكل واني وحد هيج مرتاح
صبتلي جاي مددت ارتاح غفيت كعدت على منه جهازي فركت وهي كمت حميت الجاي البيت دافي لان صغير وقديم
صبيت كوب جريت ملازم ساعتين كافيات طكطكتهن وكمت بدلت كملت وكفت دكيت الباب عليها
دقيقة فتحت الباب مدت راسها حاجزة الغرفة" هاااا"
"الله يسلمج ليش كلفتي روحج وجعا طالع للشغل لتفتحين الباب الاحد ام فلان ام علان ملج شغل بوجدة من ادك عليج واكلج اطلع فتحي تفتحي لو تحترك الدنيا ماتعتبين للباب"
هزت راسها مطفية فاتحة عين وسادة عين " انت تكبسلين "
فكت عينها كوة "دروح بعد شاريد"
ارغد " لا هاي هية شريد ادثري زين هزيت ايدي عافتني ودخلت واللة بيها كتلة افرغ حركة كلبي
طلعت للشغل هيج مرت حياتي ماحاسب روحي مزوج مجرد امانة احافظ عليها ويجي يوم اعتقها لو جه اللة
غاض النضر وروحي مو يمي يم الخذلتني عايف نفسي يمها وراحتي مو ارغد اليحب الضحك والشقة صرت انسان ثاني
واقعي فوك الحد ماامتخيل نفسي اول لهذا الحد جنت طاز بلدنيا امي تخابر ارد عليها واطمان الي شهرين مانازل كل ضنها بسبب الحجي السمعتة
ماانكر الشك ياكل بروحي اكل اضيع روحي وعقلي بلشغل وبلدراسة من يجي اليل كلمة كلمة ادوزنها
بعقلي وافكر بيها
كم مرة حاولت اسوي تحليل وتاخذني رجليلة للمستشفى كلبي يعصرني الف فكرة وفكرة تجيني انكر نفسي
بس ماانكر دلال امي ومحبت الوالد ماحاس بنفسي ومااصدك ميدخل عقلي لحضة تخبلت وكلام تميم
يردني لوعيي هاي تريد تخبلك ولك تريد تاذيك اغم شنو مو ابنه وين لاكيها صحت مو حتى مااشبهكم عقل مااضل عدي
نتر "مو هذا اسامة ميشبه اهلة يعني مو ابنهم" جاهل وقتنع بنستلة مدري اقنع بروحي امي كل راتب اوديلها مصرف البيت اقصر من روحي ومااقصر عنها وعن البنات
رغم زاد الحمل ايجار وكلية وكراوي ومصرف بيت ارجع ل١٢ بليل اون من التعب انام جفي
ادخن اضعاف جكارة صارة صاحبتي اسامرها وسامرني تريحني بدخانها واوجها
خابرني تميم من الصبح حجالي عن سيف والمصيبة الطايح بيها طفرت من فراشي لبست ودكيت الباب وبيدي البدي
طلعت رغد فازة " استعجلي اوديج لبيت عمتج "
بهت وجها عيونها فكتهن بزون بعلي "دمشي لتستمطين مو وكتج"
لبست القمصلة حجت كوة واني افتر الم بغراضي "شسوي يم عمتي"
ارغد "مؤقتاً بس كم يوم وارجع اخذج ماابطي عليج"
شلت المحفظة حسبت الفلوس همزين عدي جربت الجواريب على الصوبة خالتهن يبسن وهي على وكفتها رفعت راسي شبيج
رغد " مااروح يم عمتي "
ارغد "وين اوديج مااخليج وحدج بلبيت امشي استعجلي ماعدي وقت"
رغد "حباب دعوفني هنا ماعلية شي بس لتوديني لبيت عمتي"
وكفت " بله حجي زايد امشي بابا اكلها مستعجل وهي واكفتلي "
ردت" دااكولك مااروح عوفني هنا اقفل الباب علية واخذ المفتاح وياك "
فركت وجهي "رغد صاحبي بمصيبة بس اللة يعلم بيها لازم اروحلة واللة لو ماا عزيز علية مااعوفج واعرف خايفة من ابوج وعمج بس اطمأني من اوصل اوصي الحجي عليج اي شي يصير ترحين يمهم"
هزت راسها رافضة اعصابي تالفة وتميم من سولفلي صعد الضغط الراسي وهاي واكفة تتمندل علية
صحت بيها فزت "امشيييي من كدامي ابو ابوي سمطي اكلها اريد الحك امشي شبيها عمتج هسة صارت تكرص"
برطمت وجها يوترني تعابيرها تجبرني استخطيخا "استغفراللة ربي العظيم واتوب اليه ربي صبرني لا تعوين كليلي شتردين مااكدر اخذج وياي ولا اكدر اعوفج وحدج ولا ترضين ترحين يم عمتج"
ضلت مبرطمه ودموعها تنزل تمسحهن وترجع تنزل كعدت سحبت باكيتي ورثت جكارة اباوعلها "حليها وبطلي بجي شسوي"
مسحت خدودها صارن حمر "باي مكان وديني مااحجي واللة حباب"
ارغد"عيني انتي كلبي وين اي مكان أمنه عليج غير عمتج يمج لتخافين ابوج ملتهي وابن عمج بلسجن عليمن هذا الرعب صيري قوية اني يمج مااخلي يجيس شعرة منج غصبن عنة انتي باسمي ميكدر بعد يطالب بيج "
ماقبلت موتت روحها بجي لحد ماصحت بيها ركضت للغ، فة وقفلت الباب حرت بيها ساعة واني افتر ماعدي غير حل اخذها وياي دكيت علية الباب
عاندت ضلت سادة الباب صحت تفتحي لو اكسرة لصيرين وكحة فتحي فتحت الباب عيونها مورما كتله امشي امري لله "
كالت وين
"وياي لبيت سيف صاحبي"
هزت راسها طبت ركض تلملم بغراضها صحت استعجلي واخذيلي وياج ملابس احتمال نضل اكثر من يوم "
كملت اخذتها قفلت البيت وطلعنة الصلاح الدين
طول الطريق احش جكاير حتى العبرية ضاجو
رغد بصفي ندستني "عفية بعد لدخن اختنكنة"
ماحاس بروحي جكارة ورة الثانية طيرت الباكيت وصلت لصلاح الدين خابرت فرات سيف اتصل مشغول دلاني مايكدر يجي يتعذر
اخذت تكسي وصلنة للمنطقة حسب الوصف كلها فلل مو بيوت منطقة مفتوحة مساحاتها واسعة فتنة بشارعهم عريض من السيارات المتواجدة كدام بيتهم عرفتة
نزلنة دفعت الكروة رغد سافرة وهي من يوم يومها حجابها ماضابطته انداريت عدلي حجابج ونزلي راسج من افوت لترفعي وكبل للمطبخ طبين وتعرفيهم بنفسج زوجتي هي ام زياد تعرفني بس دكليلها ارغد "
لزمت ايدي "ماا ماادخل وحدي استحي"
ارغد "مو وكتج رغد عوفي المستحة ودهلي سلمي عادي تلكيهم مشغولين مراح يركزون وياج"
"واللة اخجل تعرفني مو اجتماعية فدوة ضل وياي"
ارغد " ادخل وياج تردين شبيج رغد شسويلج المن جلبتي وياي لو ضالة يم عمتج "
سكتت دخلنة وهي خاتلة وراي دكيت الباب رغم مفتوح فرات واكف برة صاح فوت تقدم باوسني لمح رغد فوتي خوية اشر على باب
رغد
جيتي وية ارغد غصب عني وعنة ماايدري بليدور بيت عمتي الموت اهونلي ولا اروحلها الرجفة لهسة بجسمي
ماانسة يوم يوم محفور بذاكرتي
دموعي مانشفن عشت برعب كرهت ابويا كرهت امي الجابتني ايام جفت بيها شعري من الوسخ احسة عفن
ليل نهار احك بي انكس مكان عشت بي ارغد صارلي حبل نجات
عمتي شكت بيه جرب متدري من الوسخ ليلي اكضي حاطة السجين حوة مخدتي ونهاري مكابلة الباب ومتهيئة لكلشي تحطمت نفسياً ضعفت فوك ضعفي
اشهر عرفت طعم العائلة عرفت طعم السند فقدتهن كلهن عشت مرفها مادين بس محرومة من طعهمن حياتي كانت عبارة عن دلال وبزخ فلوس
بابا عدة العشره والمية نفس المقام ميهتم لو طلبت ينطيني شريد اشتري بيتنة بلكرادة من اقدم البيوت الموجودة كل جيرانة مسيح شارعنة جار يعرف جارة
احنة الوحيدين من طائفة العامة ومتعايشين رغم متوفرلي كل متطلبات الرفاهية سفرات طلعات فلوس ارقة الجامعات دخلت
من اداوم كنت البس كل يوم زي شكل مااعيد البسة بلشهر مرتين بحيث ينسن البنات اني هذا البس لابستة من قبل
جانا عدنة مرة تجي كل يومية تنضف وتطبق وتروح اجي اني مجرد اتغدة والدي يجي متاخر هوة يحمي وياكل
العصر الم صديقاتي ونطلع نتونس مطاعم بوكت ذيج من ذيج التدخل مطعم واني على حسابي اعزمهن
محاسة حياتي كانت باهتة مابيها لون احس كلشي متوفرلي مايصعب علية شي اول نجاحي هديتي سفرة الدبي وراها الفرنسا
كل سنة نروح دولة شكل والدي دلالة الي بخبال لكن كان جانبة السيء ممنوع اكلة لا وارفضلة امر
فزيت من صفتي بنية تقدملي مي اول مادخلت البيت ماشاءالله فخم بناءومءاحة مبين علية الرقي واسع
مطبخهم بكد بيتي الغرفتين ويجوز اكبر هولهم بعد اوسع مأثث اثاث كامل اول مطبيت المطبخ ملتمات بي بنات كبار وجهال ونسوان كبار لا مطبخهم نص كاونتر دوار ونص تخم
اجت بنية رحبت بية كتلها اني زوجت ارغد تعجبت بوستني مبينين يعرفونة عرفتني على امها مرة جبيرة عرفتها ام سيف صديق ارغد اذكرة اجة بلعقد وجاب صوبات ثنين وهوة وتيم شاركو دفعو اجار البيت مال سنة ليكدام
كعدت على صفحة حالهم ميسر عدو الحيرة بوجوهم
سيف الدين
١١يوم رعب مااشوف دربي اليحاجيني احطها وافوخ كلبي بي الولد ماكاعدين منطقة منطقة عممنة اسمها وصورتنها على كل الدوريات
ليلي مر ونهاري جمر اطلع الصبح ارجع الفجرية انام ساعتين واكعد البيت عبارة عن قنبله ابوها انجلط
وتلاحكولة اخوانة
مااشوف احد. كدامي حتى عباس ناسي مااشوفة اكل برة بطريقي يوم يجر يوم وماكو اثر الها عقل ماضل براسي
امي وامها سكنن الامام ويرجعهن فرات ايست روحي راحت طالع مثل الايام الفاتت بكل سيطرة اوكف ساعات اراقب ومرات افتش بلسيارت
دخلت بشغل مو شغلي بس ابرد نار كلبي كل حسابتي نفذتها
زياد على تواصل ويا بيدي لاسلكي امشي شغل
دك تلفوني الشيخ
"ها يابة"
الشيخ " تعال للبيت هاي اتصلو على ابوها يردون فدية "
دست بانزين رحمتك ربي " متاكد فديه لو لعبة يابة خابر زياد اخاف ذولة سمعو بلسالفة سدة يابة سدة "
اتصلت بزياد واني مالف كل شوية ادك هورن حركت الشارع شبعت مسبة اريد اوصل تمنيت انزع بلبيت فركت وجهي وصلت وزياد مايرد دخلت للبيت فتت دخلت راسي جوة بوري الغسلة احس وجة تطلع من اذاناتي
جريت النشفة نشفت راسي جريت كرسي قريب كعدت اجر نفس طك خشمي دم مسحتة بلخاولي ضل ينزف نزلت راسي يم المغسلة انقطع الدم غسلت ودخلت
كلهم ملتمين بلديوان اصواتهم عالية زياد يتفاوض عمامها
على كعدتهم طالبين عشر شدات
الشيخ "لموهن وجيبو البت شيطلبون انطوهم زياد فرات لو تبيعون بيوتكم لا تسكتون هذا عرضكم كوة يحجي السكر اخذ من حيلة
عمها كال" زياد عمي ارجع دك عليهم خلهم ينزلون منين انجيبلهم عشر شدات هنايا هنايا لو ابيع حالي ومالي مااجيب نص المبلغ "
رد عباس " عمي هسة احنة شدرانة عدهم لا صدكوهم احتمال نصابة ينصبون علينة بحجت همة الخاطفيها وتخسرون فلوسكم "
عمها رد " شنسوي ماكدامنه غير هذا الحل انه منين الملهم عشر شدات ابو رائد اشو ساكت ماتشوفلك صرفة"
ابوها رد بتعب " لو اعرف ابيع روحي فده الها مااقصر ششيردون اسوي بس كون بتي بخير وسلامة "
عمها" هذا حجيك مايوكل خبز شعدك انت جوة ايدك وانه اشوف العندي رد على زياد عمي درد خابرهم بلجن ينزلون من الفدية كلهم ابوها مااعدة رجال على كد. حاله وعمامها ناس فقرة "
وجرت نار واني اسمع تفاهاتهم كتلهم " هي لعب ويخابرهم يتفاوض وياهم غشمة همة ويكلولك اي تدلل
وديلنة مليون وندزلكم بتكم اطلعو منها خلونه نصرف "
عباس "شدخلك وانت تصرف صايرلي سبع احنة عمامها وهذا ابوها وانه زوجها ندخل انت خليك على صفحة"
الشيخ صاح "بس عباس لا تعلي صوتك بداري مالك حق تحاسب سيف صارلة ايام اليل مانايمة يركض وعايف دوامة ويدور عليها ويا زياد سد حكلك واحجي عدل"
عباس كام يشمر بيدية "وانة مااريدة يدخل روحة رجال غريب مالة لزوم يحشر حالة انه زوجها وابن عمها احق بلتصرف"
زياد وكف كال" مو وكت هذا الحجي وعباس انت زوجها ماناكرين هذا الشي بس الما وضعها خاص مو مال نجازف بسبب خلافات بينكم سيف اله منصبة وهواي اشتغل وياي وساعدني ويفيدني انفاوضهم ونلزمهم
هذا شغلنة وهوة ضابط معروف اكيد هاي مهمتة اعرف بيها منك لا تدخل وعوف هاي النزاعات والك الصافي "
اشرلي نطلع طلعت وراا توجهنا للمركز وية الامر صعب كعدنة نرسم ونخطط دخلنة جهاز الاستخبارات معارفنة
ماكدرنة نحصل شي ضل زياد على تواصل وياهم الشيخ باع بستان الجوة جسر ديالى وابوها باع كاعة والمنا ومنا لميناهم سويناهن غشر شدات
سبوع اني اتحرك بأعصاب حيل ماضل عدي عمامها لو مااالشيخ ادميهم هذا عباس متخلف بي بس افرغ الة ازوعه حليب امة النثية خاتل بلبيت عود راح يجيب
الفلوس شرد والشردة شردة عاد كمت طلعت الامهن وكمل المبلغ
طلبو التسديد يم الامامين صادف يوم جمعة كلبي مات ماحاس بشي بس كون الكاها ليلي مانمتة طر الفجر وانة كاعد بلبستان اعيد بلخطة الف مرة اتاكد اخاف ناسيلي ثغرة كمت دخلت للغرفة سحبت الابتوب وجهاز الاسلكي وتلفوناتي الاوراق يمي سجلت المعلومات المهمة بعثتها للولد انطيتهم خبر يلبسون مدني دشاديش والوقت والمكان
قفلت بعد جيكت الجهاز سديتة ونمت كعدت على صوت الحجية بستها براسها وطبيت سبحت رغم برودت الجو اريد جسمي تفكة الصخونة موجر وتيوني يحركني لحيتي عالية
طلعت جهزنة الحماية زياد كاعد منتضرني ارغد راد يروح منعته هوة وفرات مانحتاجهم
طلعنة بلوقت الحددو وصلنة زيارة وازدحام
الحماية متهيئين لابسين دشاديش ضاعو بين الناس اسلحتهم بجيوبهم اني مضبط وضعي بس زياد ماببل يلبس سلاحة
وكفنة بلمكان الطلبو ماحسيت غير طلقة ثارت بين الناس اجت برجل زياد وكع سحبت سلاحي ولد الز****
شردو ركضت صار صريخ النسوان اصوات الناس مرعوبة تتراكض ضااعووو خرب****** وين يفلتون مني كو****
اجو الولد كتلهم اركضو الزياد ماكدرت الزمهم صارو بين الناس ولا كدرت ارميهم لا تجي بواحد بريء رجعت الزياد ردت اشيلة كال عوفني دور الما روحلها تلكاها هنا
عفتة الولد شالو اخذت ثنين من الحماية حلكي يبس
بلعومي جرح من الركض دورة الامام كلة فرينا الولد على اتصال بيهم
من جميع الاتجهات كان مخطط ماضلن غير الحمامات جانو عدنة تعاون وية حماية الامام ودولنة نسوان من ضمن حماية الامام
انطيتها المواصفات دخلت وبعد ماطلعت اني ثلث ساعات اركض مقابيلي قبت الامام الولد كاعدين ياخذون نفس
اول مرة اتوجه لغير اللة اني سني وتربيت على منهج غير نهجكم بس عشت بنص نسلكم اريدها ترج سالمة واشوفها واكحل عيوني بيها نبضي بعد اهلي روحي
وراحتي هي حياتي الوردية هي
عروكي الينبضن حبيبت روحي غطيت وجهي بيدية سالمة اريدها اذا انتو صدك من نسل علي وفاطمة
مااكدر اعيش بدونها الما كل حياتي
صاحت الضابط انداريت الما بين ايديها
...... يتبع
تابعوني كل شي يخص القصة انزلة بلانستا
رواية بين الكاف و النون الفصل الأربعون 40 - بقلم saja altaie95
بين الكاف والنون
الحلقة الثاني والاربعون
سجى الطائي
جنت بليل المحبين ....شلذ اسمك على الخاطر
وجان الشوك بيك رسوم .. حلوة ..ولهفة مسافر
وجنت وياك
خلك الكاع للكيض .... وصبر شاعر
وبلا جلمة التنكال
كل ذاك الفرح ينشال
وظنون المحبة تظل بلاية وداع
يا رخص العشك من ينشره وينباع
جن ملكت الدنيا عيوني خانني روحي فرفحت من شفتها رجال شكدني وشكبرني عمري مانزلت دمعة مني خطوتين بس شبعدهن صارن علية اخذتها شلتها وجها شاحب
شكت كلبي ضعفها وخدودها التفاح رايحات ضالة بس العيون مغمضة رايحة بين ايدية الحماية واكفين ميعرفون شيسوون
صحت "سعااااف سعاااف شبيكم مثوليين"
يخابرون مخبوصين واني اغطي بشعرها بلحجاب الضابطة واكفة فوك راسي "خوية خليني ادخلها جوة بين متجي الاسعاف عبالي كاعدة لان جانت بوعيها من مشيتها"
سيف "لا هسة تجي الاسعاف كوة ضابط اعصابي واحجي
مااريد غير تكعد وهي بخير مابالي غير هاي الفكرة تردلي جبنتي روحي وراحتي كلبي ورم
صحت بيهم وين الكع..... صارت ويييين البنية راح افقدها*********. فشرة اول مرة افقد اعصابي هيج
الحماية استغربو اسلوبي كواوي***** وينهم ولد العا******
الناس لتمت علينة يسالن شبيها واني ضامها بحضني وجها بصدري لو صدري ينفتح افوتها بي اعصابي رجفت
رجال كال" عمي ناخذها هاي سياراتي الاسعاف تتاخر "
شلتها واحجي "اي يتبة بسرعة بس كون الحك"
الرجال يمشي كدامي ويوحد الله" ياالله عليك ياسيدي هنا ابني اكعد اليوره وخلها بحضنك حاول توعيها شوفه بيها نفس صعد وحرك عليك توكلنا ياالله "
راسها بحضني شالها كل شوية يفلت وروحي تشتعل ماتمنيت قربج بهج ضرف جبنتي بس فتحي عيونج ابويا انتي دنبتي
عايني انة حبيبج سيف مو دكولين اريدن انام بحضنك على رجليك وتلعبلي بشعري هاي انة اخخخخخخ ياااناري البضلوعي واجه رويحتي بابا شوفيني طمني كلبي
مدبت اصبعي كدام خشمها بس النفس وضعيف تخبلت صحت عمي بسرعة استعجللللل
الرجال "ابني وحد ربك الاعمار بيدة وان شاءلله مابيها شي كون صبور وبن استعجل اطير فوك السيارات وهاي اجيت بطريق مختصر واسرع صح طسات بس اقرب من الطريق العام"
تمشي السيارة واني عاصر وجها بصدري رفعتها اكثر ضميتها بين ضلوعي لوما العيب ابوسها كلبي يلوب عليها اخخخخخ شللللون عفتج ذيج الايام شللللللون مالكيتج ولد.العايقة ولد الزن*********
تمشي بينة السيارة والطريق صار علية بعد السما اتحسس ايديها رفعت ردانها معصمها بي زراك مال لزمت حبل تخبلت
الكو***** حيوانات مخانيث ****** عمي وكف انزل اني اسوق "
الرجال "بويا تريد تكلبنه وانت مناكلبك مفرفح خليك مي مرتك واني اسوق هاي وصلنة ماضل شي تحمل انت زلمة وماعدك صبر
ياصبر بعد اكثر من هذا الصبر حجي نو طلعت روحي عيوني يجوني من الضغط وصلنة وروحؤ طلعت شلتها ونزلت بيها دخلت للمستشفى صحت سدييييية بسرررررعة وين الدكاترة
تلكوني اخذوها ويستفسروني مني احجي باعصاب مامنتبة على روحي راد يفحصها واني واكف ورا صحت"وووين ايدك شيلهااااااا ماعدكم دكتورات بس انت هناا مستشفى شكدها شكبرها مابيها دكتورات"
" اعتذر لضرورة ردت افحصها ولتصيح مكان بي مرضى "
سيف عيوني بكصتيي من الاعصتب وجسمي يرجف " صيح وحدة تفحصها غيرك "
"ماكو غيري هنا وهذا عملي الاف غيرها فاحص هذا شغلي رجأ خليني اكمل شغلي مفارغين كومة مرضى وراها"
فور دمي جريتة من ياخته "انت تعرف ويامن تحجي وتنتر الزم لسانك لا اكصه الك يللللللله وخرررررر"دفعتة
صيح"متستحي انت بمكان محترم واني اقوم بعملي ميصير هذا التصرف اله اشتكي عليك"
اشرتلة بيدي "اعله مابخيلك اركبة"
هرجتهم فرات اجة يركض لزمني من جتفي يهديني "سيف تخبلت شبيك تعارك ذبان وجهك اهدء قوي كلبك كعدت فركت وجهي دخلت الدكتورة وياها سسترات ثنين
باوعتلي" بلا امر عليك اطلع خارج الغرفة انكمل اجراءت الفحص والارجو تلزم اعصابك وتعوفنة نشوف عملنة لتدخل بامور ماتفهم بيها " زحكت بيها
جرني فرات طلعني ساد حلكي دفعتة وكعدت على الكرسي بممرات الانتضار كعد بصفي فات ابوها يلهث والشيخ وعمامها ولدهم الممر انترس
واكفين فوك راسي كلها تسال واني منا راسي ذابحني وعيوني يحركني احس وشة بأذني اغمض وافتح
مغوشات حرارة بجسمي صعدت حريت الدنيا
ثلج واني جسمي نار مقاومة ماضلت عدي
وكفت محاس بروحي صحت لللللحد يسألني احد رجلي ابطنا اليفتح حلكة مشيت خطوة وكفت دايخ جسمي مامتوازن
عرفت ضغطي علك مااريد اوكع شك اكلني استرها بروحي اريد الحك دخلت وحدة من الغرف كاعدة بنية شابها تلعب بجهازها شافتني "تفضل اخي"
نزعت القمصلة لابس بدي رفعت ردني باوعت متفاجئة"اخي شسوي "
"قيسيلي ضغطي"
"والله ياالله روح كص باص بلاول ويشوفك دكتور ويكتبلك وتعال حسب الكشف"
مالي خلكها "مايحتاج اعرف نفسي ضغكي مرتفع قيسي وفضيها"
"مايصير بدون كشفية دكتور" وكفت اخذت جهاز الضغط كالت "مايصير هيج اخي شنو هلاسلوب انت بمكان حكومي محترم ميصير هلتجاوز يعتبر متحترم كادرواكدر اشتكي عليك
عفتها دردم قست الضغط طلع مفول 18 سديت الجهاز ودفعتة على الميز نزلت رداني لبست القمصلة وطلعت ضلت فاكة عيونها طلعت للصيدلية اخذت حب ضغط سالت الصيدلاني على حالتي كلي هذا ضغط مؤقت بس لازم تبهرز اكلك لا يشكل عدك ويجياكثر شي من التوتر والاعصاب
انطاني اسبرين اخذته شربتة ورجعت يومين عايش على المي وصلت للممر شكو هتلي ومسربت جاي ولد عمها
فتت على مكتب رئيس الاطباء صافحتة عرفتة بنفسي رحب بية وياك الملازم سيف الدين جاسب ال.... انطيتة موجز قصير عن الحادث وطلبت منة افضل دكتورة تفحصها وتجيك وضعها ويكون الحجي بيناتنة سري محد يعرف بي غيري
بلبداية رفض بعد اصرار اقتنع مني مااريدها تتاذة رغم هل خطوة خطيتها واني ادوس على لب كلبي وهي لبة كلبي
نار تسعر بية مشتعلة اتشكرتة وطلعت مالي حيل احجي شي حتى هوة من ملامحي قرة التعب وتفهم وضعي طلعت للكافترية طلبت جاي كعدت على طاولة فارغة
دك جهازي زياد" الووو ابو نور شلونك "
زياد" بخير اسمعني سيف وضع البنية مااريد مخلوق على وجه الكرة الارضية يعرف بي غيرك وغيري دبرها وخليها جوة ايدك ترة تدمر وسمعت ابوها تروح "
سحبت نفس انتجيت اسمعلة وجهي احتقن كلما اريد ابعد الفكرة على اعصابي اتحمل التفكير روحي تفور صدري قبط وجهي مشتعل
كمل "بطل سبع ماينخاف عليك ادري بيك كدها وكدود وعد وعدك تذكر الك بيها بلاخرة وبلدنيا اعرف صعبا بس مو اصعب من القبلها فوت بيها وحشششش تربات ايدي
ابن العراق الشهم انت خيالها ماكو غيرك حلالها اخوي اخوي استر ولا تشهر خلي ابوي وتعبة وياك كدام عينك وانة لو مااعرفك مااسلمك المهمة"
سيف "لا توصي ابو نور كبل مااتحجي اني موصي والدكتورة هسة يمها منتضر اتصال واصرف"
زياد"كفووو بتربات السيد والله والنعم رفعت راس يلة ابني من تطمن خابر بالي يمك "
ان شاءلله سدة سحبت كوب الجاي شربتة رغم حرارته ماحاس بيها كدامي الشباك ورا الحديقة الناس كاعدة كلمن حاير بهمة الوجوه حايرة
ساعة ودك تلفوني فرات يسال "وينك انت ابويا كلب الدنيا عليك"
"يمكم بلمستشفى"
"ماتجي تعال كلة تسال عنك"
"شيردون ولد القنادر ماكفاهم الصار خل يجفوني شرهم لا اجي ازوعهم العافية واحد واحد وانعل شيب الجابهم وخلاهم بخلقتي ولد الجلاب"
"ماعدك ابريك نزلت غلط بيهم شفتهم انت سيف صاير ماتنطاق ولسانك متبري منك وين سعت صدرك تعال ابويا يريدك"
سيف حجيت بقهر شك صدري "شلونها"
" خيطو جروحها ونازفه هواي ومنتضرين تقرير الدكتورة عصت ساعة من دخلت وماطلعت ومايقبلون يحجون شي "
"سدة شويا وجايك"
"مو ماتجي الوضع هنا متوتر وصايرة كلها اعصاب على ساعة ابويا ينجلط من التفكير الله يكون بعونة"
"اي اجي بس اليفك حلكة بحجاية ادوس بي واشك*** نصين لدكول سيف ماكال اشوفهم ابن البصرة شيسوي يكرموني بسكوتهم كوة متحملهم"
" شبيك فاصل الناس شعليها محملها ذنب خطف الما اعقل سيف الشيخ اعصابة تالفة لتزيدها هدي الوضع بويا "
انشوف سديتة منه كل اعصاب ماضلت عدي كمت حاسبت الولد وطلعت الغرفتة الدكتورة فارغة طلعت بلممر كعدت متانيها استفرد بيها
نص ساعة على اعصابي كاعد كلشي يصير اتحمله بس كون تشتم الهوى اريد الم الموضوع بس يستفردون بيها وذولة بابت عرب ماعدهم مخافت الله الشك موجود ومتاكد منا
وحك لوعتي وكسرة كلبي بكد مااحبها بكد ماخايف عليها من الوحوش البرة دارسهم واحد واحد واعرف شنو بعروكهم
الوب بس اريد الحك عليها افديها بدمي وروحي مايهمني شنو تكون الصار قضاء وقدر كمت اخذت بطل مي ريكي نشف رجعت
الدكتورة تمشي وعمها وعباس وفرات وراها مبينة معصبة وتحجي دخلت لغرفتها شبت البطل وغسلت وجهي واني واكف طلعت الجفية من جيبي نشفت وجهي وفركتة اصحصح
سحبت نفس ودخلت وراهم
الدكتورة تحجي شافتني وكفت تعرفني سابقن من وصيت رئيس الاطباح دز عليها وتفاهمنة " اهلاً تفضل استريح "
باوعلي عمو الما " دكتورة الحجي بيناتنة احنة عمامها وهذا ابوها مايصير "
الدكتورة "عمي مثل ماكتلكم الفحوصات ماكاملة والمريضة متعرضة الصدمة مااكدر افحصها بلوقت الحالي خوفاً على نفسيتها والتعرضتلة من هين منتضرين تفيق وناخذ اذنها بلفحص يتوجب الامر بمعرفتها"
عباس "انكلها ثور ادكلي احلبه انريد نعرف البنية بعدها بت لو لا شغلة مهما عليها كص ركاب شعليج برائيها افحصيها ومالج دخل"
الدكتورة " مامسموحلك تحجي بهذا الاسلوب غير متحاضر اني اقوم بواجبي على اتم وجة وهاي الامور تدخل بيها الشرطة وتحقيقات والملازم سيف اعرف "
صيح عباس شنو ملازم سيف شعلية خطيبتي واريد اعرف مغتصبيها لا غصبن عنج تفحصيها ماتريدين الف وحدة غيرج تفحصها يلة عدي كوم ماخذها لغير مستشفى "
الدكتورة "ميصير اطلعوها خطر عليها البنية نازفة اكثر من طاقتها وضعها خطر منا لساعتين اذا مافاقت احتمال جبير تدخل غيبوبه وهذا الوضع مو بصالحها لان صحتها مو تمام"
عم الما "ماتحجيلك شي بويا الاجراىات دامها يمك سهلها نريد نعرف وضع بتنا"
سيف عكدت حواجبة وحجيت بغضب "وعرفت شسوي تروح تذبحها لو تدفنها وهي عايشة اي تصرف مااكدر اص، فة بدون مواقتها واني واكفلها منا لمن تعدي مرحلة الخطر اي تصرف ينحسب عليكم"
عباس "لا تاخذنة بنجماتك وتسولف علينة
ضحكت" زاعجاتك نجماتي "
عباس "هنا وقندرت.... ياشر على جذائها ماتحملت طفرت جريتة من تشيرتة" تاج اسك واشرفك وشارف عشيرنك كلها من القاف للقاف وهذني شررف الك ولك واحد مثل ياعاار الزلم تسد حلكك لا اسدة بطريقتي دفعتة اطللللللع منحطططط جايني يهوبز بريشاتة العاار كاعد يبرز عضلاتة علية
صار جريذي جوة ايدي عمه جرة مني كام يصيح "انت تمد ايدك عليه هسة اشوفك انت كووامة حضر عمامك واهلك ضحك وهز ايدة منيلك اهل وانت مسجليك بس الفلاح
هنا فقدت طفرت بعدت عمة كضيتة راشدي واحد طاح كام يعاركض كضيتة دك بوكسيات طياح الدكتورة وعمة يجر بيه
خليتة جوة رجلية شبعتة كلبي محمل علية سنين واني ضامهن واجة وكتهن خشمة يخر دم
حلكة شكيتة اله التموو الناس جروني فقدت ابن الجلاب انعل اصلك لا منين ماطلعت اني تعيرني بأصلي اشرفك واشرف عشيرتك الكووايد هسة جاايني يدكلب براسي الخنيثة
كمت دفرت بطنة كام يتلوة كح دم تفلت علية فك حلكك ازوعك دم متسوة نعال ثحت كووومو مني لا ابتلي بي
عمة يسب ويغلط رجال جبير كوة لازم اعصابي عنة فرات اجة من بعيد يركض اجة يحجي صحت لا تحجي شي هذولة الهتلية اني اعرف شغلي وياهم الاخلاق والعيني واغاتي متمشي وياهم خليني اتفرغلهم اعلمهم الماعدة اصل
عفتة ودخلت للدكتورة" اعتذر منج لا اسلوبي ولا اخلاقي بس شوفين بعينج فقدوني اعصابي "
الدكتورة" ميصير سيادة النقيب غلط تصرفك حسب ماسمعت الك سبوعين بهاي المهمة وعرفت المريضة تعود الك بس المكان مو مناسب للنزاعات بيناتكم لازم تحترمون وجودكم
بدائرة حكومية وبيها مرضى ياثر على شغلنة وعلى نفسيتهم"
سيف" نعتذر وحكج مقدر حرصج "
الدكتورة"بشنو اكدر اخدمك"
سيف " احجي وياج مو بصفتي ضابط تحقيق لا بصفتي المريضه تخصني مااريد ضمين شي لان كل الاقوال تسجل ولازم اكون على علم بكل صغيرة بعد الفحص شنو استجد عندك فركت وجهي فتحت ياخت البدي بعدة من ركبتي اختنك "
شافت خالتي "بس الاحجي راح يكون بصفتك نقيب ومسؤل عنها بعد الفحوصات والتحاليلي وضعها حرج كدرنة نضمد جروحها متعرضه لتعنيف جسدي
التقارير كدامها باوعت عدها الكلى اليسرة متضرر لكن بشكل متوسط بعد العلاج ترجع الوضعها الطبيعي عدها اثار حروق بكتفها الايمن على الاغلب جويات جكارة
فزز كلبي سيطرت على روحي رجعت حجت سحبت الاشعة والمفراس ماعدها ارتجاج او كسر او فطر سليمة من هاي الناحية نزلت الاوراق
بس مع الاسف نزفت هواي كدرنة نسيطر على النزيف سكتت رجعت كملت كل الصار قضاء وقدر وانت واضح مؤمن بلقدر
احسبو حساب هاي مو اخر الدنيا وهذا ميعيبها اقدر حرصكم بس لازم تتعاطفون وية حالتها لان المارة بي مو سهل وضعها النفسي حرج
فقدت اعصابي نترت" شبيهاااااا
بتكم متعرضة لأغتصاب جماعي
لزمت راسي دقايق اريد استوعب الجملة النفس ضاق بصدري وكفت كلبي نغزني طلعت كوة امشي فرات وراي واكف متانيني ماهتميت صاح امشي وامشي وصلت
خارج المستشفى مشيت رجلية اخذني كدام الشارع العام وكفت حاير دخت كلامها خربطلي حالي كل شكوكي بمحلها
كان اكو امل اغالط نفسي واوهم روحي
رجعت كعدت بلحديقة جريت باكيت الجكاير ورثت جكارة
اهز برجلي ضغطي ماينزل من اصير وشة بأذني اعرف علك
ساعة ودخلت فتت من بينهم عمها كاعد طابك حواجبة وعباس ينافخ امها وابوها مناضرين اذن من الدكتورة يشوفوها الشيخ يمة فرات يخاف لا يوكع ويرتفع سكره
فتحت الباب ودخلت من ورة الباب كلها وكفت ماهتميت دخلت الدكتورة واكفة تنطي تعليمات للسستر التفتت نترت "سيدي منو سمحلك تفوت مايصير هذا عدم احترام للجنابي كتلكم محد يفوت لحد ماتصحه المريضه"
سيف" مستعجل ومفارغ ولازم احجي وياها قبل مايجون اهلها "
الدكتورة "ممنوع اخي ميصير"
سيف اووي هاي تبيع مثاقيل براسي "عيني اسفين الوضع مايتحمل الانتضار عدي كم حجاية وياها وطالع"
دكتورة "خمس دقايق وتطلع سيادة النقيب غيرهن تعذرنة"
هزيت راسي كعدت كدامها والدكتورة جيكت ضغطها والسكر كالت "حالين راح تستفيق خلصت مدة ابرة المهدء اي شي تلاحظة عليها تصيحنة ورجاء لتضغط عليها راعي حالتها النفسية"
طلعت بعد ماطلعت روحي ام التمضيك وكفت قريب يم السدية بعد روحي باقية جلد وعضم اسمع صياح عباس ومرادد الدكتورة عرفتة ذيلة احترك بعد كلبي مال افحمك
تقدمت فتحت الشباك صايرة روحي بهل تتن تهون وتفتح كلبي ترخي اعصابي واكف كدام الشباك وعيني على الشارع والناس تفوت وصوت السيارات المكان ضجة وبالي مو يمهم
احسة الدنيه ذابتني بغربال وتغربل بية وين ماانتلف ترجع تغربل هيج حياتي حسيت بحركة سحكت على الجكارة وسديت الشباك
الفتت تحوس جبنتي تقدمت خليت ايدي على راسها ونت بالم فتحت عيونها حست بيه التفتت مرعوبة شافتني فتحت عيونها بجت بقهر "اششششش ياتعبي وراحتي"
شهكت بونين دموعها بللن وجها عيونها تستنجد بية كسرتني نضرتها وين جانتلي لزمت ايدها سحبتها بستها حسيت بدفو
همست بين نشغاتها "س سيف اني واللة......
اشششششش كلشي يهون لعيونج نضرة نضرة افديهن بروحي لا تعبين نفسج مرت وتولي
سكتت تبجي بونين" لا تحركيني بدموعج تدرين روحي تروح ولا هذا اليلو ينزل على خدج الترف تلمستة اروح نذر لبوستهن دنيت بست خدها حلم احلم ابوسهن رجعت بستها مرة لاخ اطفي شوكي الها سحبت نفس عطرها اخخخخ ياراحتي
دفعتني عنها دارت وجها "روح مني اطلع"
"مااروح بعد مالكيتج بنتي لزمت راسها درتة علية نفضت بقوة صرخت عووووووفني وخررررررررر دفع بيه الكانونة طفرت الدم يجري من ايدها اريد الزمها تخبلت علية وخررررررررررررر حيواااااان نكس لا تجيسنيييييييي يمه ه ه
لزمت ايدها صوتها نبح بسرعة ضلت ترافس من قوتها مااكدرت الزم رجليها منين اجتها القوة على عياطها تشنج جسمها تخبلت ضلت ترجف جوة ايديها جسمها يختض مثل المصروع
صحت بعلو صوووت اجة فرات يركض صحت الدكتورة فرات الحك اريد اهدئها كل قوتي مااجت كدامها
ركض فرات وابوها دخل ينحب مثل النسوان امها نامت فوكاها تبجي عطت بيهم اطلعو دخلت الدكتور
صاحت محد يضل اطلعو سحبت امها وابوها طلعتهم
نص ساعة واني برة الوب طلعت الدكتورة كالت" ماريد بعد احد يفوت عليها بتكم تعرضت لنهيار عصبي وصعب انسيطر عليها احتمال يشكل عدها صرع لا تاذوها بكثرة الاسئلة تعدي فترة علاجها وترتاح نفسياً وتكدرون تستدرجوها بلاسئلة بشكل بسيط شوية شوية
احتمال كبير تعرض نفسها للانتحار بسبب الضغط النفسي واسترجاع الماضي
طلعت من المستشفى بكبرها اسوق وادخن احش حتى ريحتي ماتنطاق شمرت كل الباكيت نزلت يم اسواق اخذت بطل مي كبير غسلت وشرت منة ومضمت ذبيت المي بلساكية
ااخذني طريقي للامر وتكف كدام بيتة خليت راسي على الستيرن كوة اجر النفس نزعت البدي اختنكت ضليت بطرك البدي ربع ردن جوة ملابسي
دكت الجامة التفتت صعب نزلت سلمت علية "فوت يابة فوت ليش هين واكف صاح على ابنة كلة حضرو الضيافة بابا وسدو لباب"
فتت خجلان بعد حميد وارغد ماصاحبت والاصاحبة اخليلة حد اموري محد يعرفها غيرهم واحد دفنها بكلبة وراح يم ربة واحد اعز من الاخو
مهنتي كرهتني بلصحبة ماعدنة صاحب صديق يضحك بوجهك ويوشي بيك كدام الامر وينزل بيك تقرير ماتعرف منين
نبه ومحد يفك حلكة ويندك بية شغلي من اول اولوياتي صعب أمن واحجي البداخلي نضرتي بلبشر وحدة اخبنة خبن كعدت المضايف والدواوين علمتني الزلم اشكال الوان ودرستهم دراسة ماانغر بلمضهم ولا بلسان الحلو
معدن البشر ماتعرفة اذا ماتعاشرة وحتى بلعشرة ماتحزة خليت الف حد بيني وبينهم مايجمعني بيهم غير العمل
الكل يسولف بغروري وانة مااشوف بيه هاي الصفة
اعرفهم يبيعون ضميرهم لجل منصب عابرهم كرهم الي انطاني دافع ازيد بحتياطي منهم عندك واجب نفذة ولا تفك حلكك ضافر ومشاكلة ابتعد عنة مايتفاهم وروحة بخشمة تعبني
هيج حياتي كاضيها وصار كدامي الامر صعب واسمه علية خشمة يابس وميطخ راس الاكبر واحد بس بنفس الوقت متعاون على كولتة اتكاون وية ذبان خشمي
صارلي عضيدي وكت الما امن يم روحي امنت بي من نبرة صوتي يعرفني كعد "يولو دحك جنها الدنبا لا ويتك ملاوه افااااا ابو السيف دحكني وسولفلي اخيك ماتمر بضيج وانا موجود الويلك ذراعات"
"كفو منك ماتقصر ضحكت بخفة مااعرف شجابني عليك الطريق اخذني وماعرفت بنفسي واكف كدام بابك"
"بيتك يول شوكت ماتحب حسبت ابني دحك هين على صدرو ضرب شايل اشكال والوان ذب حمولك وتلكاني شيال"
سحبت نفس صاح يولو بوياااا وين صارت الضيافة دخل ابنة معدل سلم وقدم مي كلة جاي جاي يلة بوية
راح ابنة واني على صفنتي مااريد احجي شي غير بس افرغ عقلي اخذ نفس من حيرتي سكت مااعرف اكو تواصل روحي اني اهابة يبقة قائد ورتبتة اعلة
وعمرة اكبر مني وكفت كال وين " اعتذر منك مختنك وصدري طابك احس شي كاتم على نفسي "
وكف جرني كعدني "انت سبع وكدها ابن العراق ابن البصرة الفيحاء مو دكول ضايك ملوحت البصرة
خليك صلب لا توكع من اول شددة وراك
صاح بنتره شددد عودك لا تميل يول اني احبو للشامخ ومايلوي اعشكو ابوس راس الربووو
هين دحك اعضامي انطحنت وكت الحرب البلد يحتاجك
وكلو بعدو سهل كدامك طريق طويل يولو اشوفو المر وتضوكو ماتجي بلساهل
العراق مثل عروس تكون اباحلة طلة واجمل ملامح هيج لازم شوفو هنااا تحافظ على ارضك وعرضك انشدة اعصابة ماايدنسها احد غير اصاحبها اني وانتة ابن هذا البلد خلي حيرتك وحركت دمك لبلدك
دنكت مايفهمني صعب اعرفو يفضل شغلة على اهلة شكد تعرض لتهديد ماهتم واخذ جهالة ومرتة وغير بيتة ماترك منصبة ولا تهاون
" بدمي يمشي العراق واعرف مهامنة صعبة مااشاكي انة ولا معترض بس الروح تبزع والنفس تريد تطراحة وين الكاها "
"راحتنة من نشوف بلدنا عامر وارضنة مزروعة وحقولنة مستثمرة الحرب ماقامت هباء ولا دحج ثورتنة انهبت هيج لان بي خيرات سد عين الشمس عراقك منهوب
مسلون على كلتو ابو عدن حاميها حراميها
منو وبي يبوكو وينهبو صفة بلدنة لولد العايبة بعد بلدك بحاجتك مو هين وتهبط معنوياتك كل التمر بي مايجي قطر بحر من الجاي"
سيف" سيدي اكو شكوك عدك حجيك بي مغزا فريت عقلي "
هز راسة " هذا الشيب البراس مااجة من وحدو ولا وصلت الوصلتو السلك بير عميك مالو نهاية تطمس في وشوفو هيبة ومراجل بس انت فاضي مااقصدك ابني بشك تعبيري عن اليحبو وينتضر الفرصة
انت من تقسم تحمي هذا البلد يوم الحساب تتحاسب على كل شبر بكاعك الحرب بدايتها قائمة في سوريا انتضر ايام وتلعن اندلاعها "
سيدي اذا كانت الحرب سوريا اكيد ياثر بشكل مباشر على العراق بس المافاهمة اذا كانت حرب سورية العراق ليش اول الخاسرين
تنهد بصوت " العراق بسبب استراتيجيت موقعة وثوراتة صار محط انضار الدول البقية من سنين كانت عيون الدول الاوربية باحتلالة ينضرولة كانو بقعة سوداء
ههههه بلاد السواد احنة ننضر للعراق نضرة سطحية وغيرنة يشوفة ثروة هذه هي النضرة السطحية السياسة اعمق من مفهومنة العام
كل تحركات الدول غير عن توقعاتنة اذا كانت تريد تضرنة اول الاهداف تكون دينية يعني اضربلك ابسط الامثال من اسافر لغير دولة اول شي اقوم بي اتحرر من القيود واول القيود ملبسي
وهون حيكون الحرب على البارد اول تغيير عادت بلدك بلتدريج بعدها حرب سياسية وهكذا على كلتنة العافية بلتداريج
اذا تنضر سياسينة هم من المهاجرين خارج البلد كلهم عاشو بلبلاد الغرب جربو العيشه هناك اكيد اكو انتمائات سياسية يفيد البلد المحتل
"تقصد امريكا"
" اي امريكا الافعا الصفراء اني اسميها لان حتضرب بلدك بنوايا غير كلشي الو ثمن دخولهم العراق بحجج وجود القنبلة النوويا وهذه اكبر كذبة بعد الحرب الباردة، على الرغم من المعارضة القوية من المجتمع الدولي
دمرتو للعراق وحولته من قوة إقليمية في الشرق الأوسط إلى دولة فاشلة
هذه الحرب اثرت بشكل كبير على الاقتصاد العراقي وحولتو الر ركود مباشر وهذا اول النقاط المهمة
محاربت العراق
وانطيك معلومة الهدف المهم للغزو الأمريكي للعراق كان هو دمج العراق في النظام الرأسمالي العالمي الي تقودو الولايات المتحدة
و سيطرت الدول الغربية وعملاؤها على الاقتصاد العراقي بعد الحرب ب 2003 هنا اصبح العراق في موقع هامشي في نظام المركزي والهامش الاقتصادي العالمي نقطة راس سطر
بعدها ضربت الحرب البنى التحتية للشعب يعني خدمات الشعب من ماء وكهرباء والصحة والخ......
غير حرب النسيج في البلاد انتشار الفساد الاخلاقي ضعف بناء مكافحة الفساد
هذه الاسباب كلها خلت الدول تستهين بسيادة البلد واذا نرجع للواقع كلنة مشتركين بهذا الفساد ماعدنة تكاتف ولا عدنة مصالح مشتركع تنفع البلد
اول شي سوينا من سقط النضام البائد استولينة على الدوائر الحكومية الي هية لكافة ابناء الشعب والشعب نهبها ونهب اموالها دمار شامل
هاي احد مخططات الامريكيا وبعدها ضربو الشعب بانواع من التبعات وانحراف المجتمع وتغيير عادات البلد
وهنا البلد منهمك اكيد اي تعرضات تكون ماحولةالبلد من البلاد الاخرى العراق اول المتضررين
بعد الحوار طلعني من الحو الاني بي صعب انسان عجيب يخليك تتعمق ويااا ينسيك همك
رجعت للبيت لكيتهم مطلعيها لاكاني فرات يسب ويلعن
دخلت للديوان الحرب كايمة بين عمها والشيخ
الشيخ " سنة كاملة موكفيها الك هسة تخربون كلشي شنهي من بشر انتو مارحمتو بحال اخوكم رجال بشيباتة تهينو "
عمها"ابو زياد تعرفني بت اخوي حسبت بتي انة شنهي لزمتي اكض الولد واجبره على الزواج وهوة بكدي "
الشيخ صاح " وينكم من جيشتو جيوش واختوها من عيوني وانه ساكت مخلي خاطر انتو بيتي ومحشكم
بعد كل حشمة ماخليتو اطلعووو براااااا "
عمها"مو هذا الحشم بيك شيخ ماضنيتك تهيني وانه بدارك وبديوانك الفاتحة للغريب وانة ابن عمك عيبة بحكك وبحك كبرتي "
الشيخ "خليتو حشمة نزلتو روسنة بهذا عملتة ثبت للكل بت عمو معيوبة ويعرف الضرف وهو لازم يكون الها ستر وغطة الحايط يميل على اصحابة وابنكم نزل روسنة وطين وجوهنا بشردته"
عمها" جاهل وانة ادبة واجرة من اذانة واخلي يطلب السموحة منكم
صاح الشيخ "والله لحش رجولة وسوية عبرة لا يوصلني ولا اريدة وتنسون عدكم ابن عم"
وكف عمها يريد يحجي زياد كلة "عمي خلي الروحك حشمة واخذ ولدكم وانسو بيت حجي جليل"
لف عباتة وطلع يهف باعصاب
........ يتبع
افديكم غلسو على السحكات
حبايبي ورويحاتي تابعوني ♥