رواية بين أسوار الشيخ الفصل الثامن 8 - بقلم Esraa hussein

هلو شلونكم انشالله صحه وعافيه....
عظم الله اجرنا واجركم بإستشهاد امير المؤمنين علي بن أبي طالب عليه السلام.....

#بقلم esraa1289
#بين اسوار الشيخ

——————————

زهراء: صعدت غرفتي حضرت الجنط لان باجر نروح كملت كلشي اكلت حلويات شويه ورحت شفت ماما شلونها صارت احسن من قبل بس اكيد حزينه لان ابوها وعشره عمر المهم صار العشه تعشينا وسوالف وضحك البنات غسلن مواعين واني صبيت چاي للنسوان الزلم ولا واحد موجود حتى اخويه وديته الهن وكعدت يم رنا ورشا نسولف....

ام عمر: اگلج هم طالبيها لزهراء.

ام زهراء: اي اجوا كم واحد بس بعدها صغيره وابوها مايقبل لان يكول زواج ومسؤليه وهي مو كدها.

ام عمر: اي صحيح هسه رنا ورشا هم ابوهن مايقبل بس ماشالله تخبل كل واحد يتمناها.

ام زهراء: من ذوقج حبي عيونج الحلوه.

ام عمر: حبيبتي تسلمين باجر انشالله ترحون.

ام زهراء: اي انشالله باجر لان ولدي اثنينهم عدهم امتحان ودراسه بس تخلص هاي السنه اجي هنا على امي.

ام عمر: اي انشالله اگلج عيني.

ام زهراء: گولي عيني.

ام عمر: يعني زهراء اولاد عمها ما حاجزيها.

ام زهراء: شلون يعني.

ام عمر: يعني حاجزيها حتى ياخذوها.

ام زهراء: لا والله ما سمعت من امهاتهم هيج.

ام عمر: ها انشالله بيها الخير.

زهراء: بعد سوالف وحجي رحت نمت لان باجر ورانا طلعه كعدت الصبح دخلت للحمام تكرمون غسلت وجهي توضيت وصليت بدلت لبس طويل ونزلت جنطتي وياي مصطفى هم احنا ما نتريك من نريد نطلع كعدنا على الطخم واباوع ويا مصطفى بموبايله بابا گال يالله نروح كمنا سلمنا ودعناهم اني ومصطفى صعدنا بالسياره وماما وبابا راحوا يودعون بيبي وهذا الاثول عمر بس يباوع علي كبر ما عنده مستحه ورا نص ساعه تقريبا اجات ماما عيونها حمر ومنفوخات صعدت اجت ماما صعدنا طول الطريق ساكتين وصلنا رحت كبل لغرفتي سبحت ولبست لبس بيت لان هناك مقيده من كلشي المهم كلش مريح ونمت وراها اكعد واخذ الدروس من نور وإقراا......

—————————

عمر: بعد ما كعدت يم امي وابوي امي حجت..

ام عمر: بس تصير الدوره السنه مال جدك انته خاطب.

عمر: هههه لا والله.

ام عمر: اي والله وبعدين انته گلت اتزوج هاي السنه مو صحيح.

عمر: اي صحيح بس من گلت البنيه التعجبني.

ام عمر: راح تعجبك بس كول اي.

عمر: اي.

ام عمر: ما اكدر اهلهل لان جدك ما صاله اسبوع من ميت.

عمر: منو سعيده الحظ تاخذني.

ام عمر: احزر انت تعرفها كلش.

عمر: انشالله من بنات خواتج.

ام عمر: لا مو من بنات خواتي.

عمر: شنو يمه هيه لعبه فضيها واحجي.

ام عمر: زهراء بت عمتك.

عمر: ها.. هنا بقيت مصدوم لان هيه وين واني وين صحيح تعاركت وياها وگلت اخطبها بس ما توقعت تصير حقيقه بقيت افكر وصفنت..

ابو عمر: خير بويه ما عجبتك گول.

عمر: لابويه مابيها شيء بس هيه توافق.

ام عمر: لعد ليش ماتوافق انت الف وحده تتمناك.

عمر: لا مو قصدي ما توافق عليه بس بيئتها العايشه بيها تختلف عنا.

ابو عمر: مثل شنو بيئتها تختلف عنا اذا على مدلله اهنا راح تدلل اكثر اذا على دراستها نخليها تدرس.

عمر: تدرس.

ام عمر: اي يمه تدرس لعد تعبت بعدين تبطل.

عمر: يمه شيكولون مرت الشيخ طابه طالعه.

ابو عمر: اي عادي بويه وبعدين لابسه محتشم انته تقرر شتلبس بعد شعندك.

عمر: انشالله بيها الخير.

ام عمر: سكتوا بعد لحد يحجي بالموضوع اجوا.

عمر: من نزلت زهراء بقيت افكر بيها كلش دخلت بعقلي هيه اصلا جنت افكر بيها واحبها واخذها بالحلال صعدوا بالسياره وبقيت اباوع عليها راحوا واني رحت للديوان وعفت كلشي على آلله....

———————————

رعد: هسه اجا دوري احجي اني ما جانت وحده بالي ابدا بس مره رحت لبغداد علمود شغل ويا عمي سيف شفت بنت عم زهراء كلش حبيتها واتمنيت تصير اليه المهم من ارجع اگول لامي وتروح تخطبها الي المهم بقيت ليل ونهار افكر بيها رجعت للبيت وامي ستلمتني لو تاخذ بت اختي لو ما راضيه عليك يوم القيامه بقيت اتعارك بقيت يومين ما داخل للبيت رجعت بلكت مغيره رائيها وكلشي ماكو رجعت للبيت هوسه ونسوان وجهال ورجال  عادي عندي لان دائما موجوده هيج هوسه دخلت صعدت لغرفتي اجت امي وراي.

امي: كوم بدل والبس احلى قاط الك.

رعد: خير يمه شكو شعدنا.

امي: خطويتك من زينه.

رعد: شنوو خطوبتي من زينه اني راح اتزوج لو انت.

امي: عادي يمه اصلا البنيه حبابه وحلوه ومراح تلكه مثلها ابدا.

رعد: ما اروح ولا راح ابدل وشنو يريد يصير خل يصير.

امي: اذا ما بدلت هسه لا اني امك ولا انت ابني.

رعد: يمه شنو هل الحجي لخاطر ربج.

امي: هذا اخر حجي عندي تكوم هسه تروح تخطب الناس منتظره واذا ما تروح حجيت اني لا اني امك ولا انت ابني بعد عندك الموضوع.

رعد: انتضري لا ترحين راح اخطب هسه بس ورا الخطوبه لا تحجين وياي عندج ابن ابدا روحي اريد ابدل.... راحت امي تضحك وفرحانه شبيها مستحيل لازم بيها شيء هيه اصلا ما تريد زينه جنه الها هسه شكو المهم بدلت واني اتوعد الها والله الا اشوفها نجوم الظهر ما يطلع اسمي رعد بدلت وطلعت تلكتني امي بلهلاهل رادت تحضني بعدتها وطلعت الكل بقا يباوع طلعت شفت ابويه فرحان بقينا شويا وبعدين ركبنا السيارات اني صعدت بالسياره اجت امي.

رعد: رجاءا روحي بغير سياره اريد وحدي.

امي: يمه شبيك اني امك.

رعد: ما عندي ام من يومين روحي رجاءا يالله.
راحت امي والدمعه بطرف عينها الصراحه انقهرت بس والله اخليها تندم لان خلتني اتزوج من الخبله زينه بسيطه وصلنا سلمنا وكعدنا اجا الشيخ عقد النه ما توقعت اتزوج الخبله زينه اتخيلت اتزوج رزان بس واله الا اتزوجها عليها بسيطه سلمت على الكل وطلعت بالطرمه احس نفسي مختنك اجت امي.

امي: يمه تعال لبس مريتك الذهب.

رعد: هه روحي انتي لبسي مو انتي ردتي عفتها ودخلت استأذنت وطلعت بالسياره افتر شراح تصير حياتي ويا زينه ام الولد المهم مرت الايام واني ابد ما حجيت ويا امي ولا كلمه هيه تحجي واني اعوفها وامشي مره اجت زينه تبات يمنه والا بغرفتي اني عفته لان ما عندي شيء وياها ابدا اجت اطتني عصير شربته بعدين حسيت نفسي دخت بعد ما اعرف شصار كعدت ولكيت زينه بحضني نايمه وبدون ملابس لعبت نفسي الصراحه كمت اصيح اجت امي وگالت هيه مرتك وما اعرف شنو رحت لحمام سبحت وبدلت وطلعت من البيت لان لعبانه نفسي منه كلش رحت يم صديقي بشقته ابقى كم يوم.....

———————————

زهراء: بعد ما كعدت تقريبا الساعه 11:49الصبح خابرت رزان ونور مكالمه جماعيه على الدروس والامتحانات بديت اقرا لحد ما صارت العصر كل ساعه ماما وبابا جايني جايبين عصائر اكل حتى اقرا زين كملت دراسه ويا اذان المغرب نزلت اساعد ماما شويه لان تعبانه خطيه ساعدتها بالعشا واني غسلت اماعين العشا صعدت لغرفتي اكمل دراسه بقيت لحد الوحده تقريبا نمت واني على الكتاب ما ادري بنفسي....

—————————

سيف: بعد وفاة ابويه كلش تعبت بس اريد واحد اشكيله همومي شنو بكلبي ماكو ما اكدر اروح لامي لان هيه مريضه ماريد اتعبها اكثر رحت يم رعد بقيت يمه كم يوم وهو خطيه يحجي عن ضيمه ويا زينه الكريهه واني نويت اخطب ورا الدوره السنه مال ابويه اخطب نور حتى تكون سند اليه لان احس اخواني كل واحد ملتهي بعائلته امي تعبانه حيل يادوب تعيل نفسها اخطب نور وهم اني احبها وهيه الله اعلم بيها....

—————————

زهراء: مشت الايام طبعا دراسه بدراسه خلصت امتحانات كورس اول وكورس ثاني بقت بس امتحاناتي النهائيه اني هسه يفتره مراجعه ونور ورزان و منتظر هم نقرا سويه التجمع صار بيتنا اكيد منتظر يمتحن واحنا نجاوب كلش زينين مضت فتره المراجعه كلش حلوه وما حسينا بيها لان احنا جنا ضابطين الماده كلش....

——————————

تصويييييييييييييييت

تعليييييييييييييييييق

باي يا حلوين❤