رواية بين أسوار الشيخ الفصل السابع 7 - بقلم Esraa hussein

'هلو حبايبي شلونكم'
صيام مقبول وافطار شهي انشالله...
بارت جديد انشالله يعجبكم......

#بقلمEsraa1289
#بين اسوار الشيخ

———————————

زهراء: بقيت اباوع عليه هو رفع حاجبه يعني شنو تسوين ها لان هو مايقبل احد يدخل للغرفته وهسه شنو موقفي كدامه وشراح يكول عني اريد احجي كوه يطلع من حلكي.

زهراء: هو هوو.

عمر: شبيج تحجين هيج وشكو داخله لغرفتي.

زهراء: مو رنا گلتلي نضفي غرفه عمر وجيبي ملابسه بس هذا كله(حجيتها بشكل سريع).

عمر: على كيف احجي ورنا ليش ماتصعد هيه.

زهراء: مو جانت تطبخ هسه وخر اريد انزل.

عمر: واذا ماوخرت شراح تسوين(برود).

زهراء: عمر فدوه وخر منا اريد انزل وبعدين اذا شافنا واحد شيكول.

عمر:بيني وبين نفسي(فديت اسمي على السانج) خل يحجي اني ماخايف عادي اصلا.

زهراء: راح اعيط والم عليك الناس والله وخر اريد انزل اني مافاضيتلك.

عمر: ههههههه لاوالله خوفتيني مثلا صيحي يالله.

زهراء: رناااا(بصوت عالي).

عمر: اش اش لا والله تشوفين شيء مايعجبج يالله نزلي محد لازمج.

زهراء: والله ردت ابجي بسبب فشلتي وشلون طردني عفته بسرعه ونزلت اني اعلمك عمر منو زهراء بسيطه والله الا اشوفك شيء مايعجبك وديت الملابس يم الغساله ورحت لرنا لزمتها من اذانها.

زهراء: انتي مو گلتيلي ما يجي شلون تجذبين علي ها.

رنا: والله هو دائما مايجي بس اليوم رجع حتى ياخذ دفتر مال العشيره وهو صعد بعد ماكدرت اگلج.

زهراء: ها هاهيه وبس بعد مادخلني بيج وتنظيفج.

رنا: ههههه هاهيه بعد ماادخلج.

زهراء: اگلج هو عمر ما يقبل يدخل احد لغرفته.

رنا: اي مايقبل احد يدخل لغرفته.

زهراء: ها.

رنا: ليش سألتي.

زهراء: لا هيج ماكو اي شيء واني مو صحت عليج ليش ما اجيتي.

رنا: اني ما اجيت لان اذا اجي عمر تدرين شيسوي بيه.

زهراء: خاينه حقيره.

رنا: عادي اصلا لان مراح اصير حقيره ابدا.

————————————

عمر: بعد ما راحوا عمام زهراء اجو كلش هواي شيوخ
بقيت بالديوان رحت للبيت حتى اجيب دفتر العشيره لفلوس الفاتحه حتى انسجل بي اني اعوفه بغرفتي ودائما انزله وياي واعوفه بالديوان رحت ركض صعدت للغرفه اول ما دخلت لكيت زهراء كبالي طبعا استغربت ليش بغرفتي وشفتها واكفه وشايله ملابسي حجيت وياها بعدين صرخت عصبت عليها طلعت اني دخلت للحمام غسلت وجهي واخذت دفتري ونزلت رحت مشا اليوم عادي رجعت للبيت متأخر رحت لغرفتي اريد انام من وكت حتى اكعد من وكت لان بيت عمتي راح يرحون لان زهراء عدها امتحان وراح يرحون اخذت ملابس بيت وسبحت ونمت كعدت الصبح تقريبا الساعه 6:24
بدلت لبست دشداشه نيلي وغتره اماراتي ورشيت عطر ولبست محبسي وسبحه ونزلت لكيت ابويه كاعد بس حيل تعبان وجهه نحلان وامي واخواتي يتريكون كعدت اتريك وياهم.....

————————————

رزان: بعد ما رحنا للفاتحه اول يوم يم زهراء ثاني يوم يم بيت ابو رعد شويه اهدى سبحنا ونمنا رعد ابد ماشفته لان اني بس بالغرفه ماريد اشوف احد لان اني من نوع الخجول كلش بس بنين تجي وتكعد يمي نبقا نحجي ونسولف لو تحجي عن ايامها ويا جدها وشلون جان طيب وحنون ومرات تبجي طبعا الكل على هل الحاله يبجون ويذكرون جدهم آلله يساعد جدتهم حتى مليت من النوح والبجي بس اريد ارجع وخابرتني صديقتي من المدرسه گالت الاسبوع الجاي كله امتحانات شهر اول شوكت ادرس شوكت اراجع لان المواد مالتنا كلش صعبه كمت احضر جنطتي لان باجر نرجع بدلت ونزلت يم ماما اريد نروح يم بيتهم الجبير نودعهم وصلنا شفت رعد يحجي ويا بنيه اني مااعرف حسيت ضجت كلش وبداخلي احس بالغيره وخرت عيني عنه وعفته دخلت ويا ماما وكمت وين ماما تروح اروح وياها.

ماما: شكو لازكه بيه امشي روحي يم البنات شوفي نور شلون تحجي وتسولف ويا اي واحد.

رزان: اني اريد ابقى يمج.

ماما: تكومين منا لا هسه افشلج كدام العالم كلها وآلله امشي روحي.

رزان: اوف كمت كمت.... رحت للمطبخ شفت رعد والبنيه نفس وكفتهم  وهيه كل شويه تقترب منه كلش ضجت منه احسه ابو نسوان نور گالتلي تعاي صبي جاي كمت اصب سألتني هاي البنيه .

زينه: اگلج رزان انتي مرتبطه.

رزان: شدخلج انتي.

زينه: اوي عيني ما كلنا شيء على كيفج يالبغداديه اني خطيبه رعد راح يصير عرسنا بس حرامات صارت الفاتحه وتأجل.

رزان:باوعت بصدمه يعني هسه هو خاطب وحجيت ماكو داعي تحجيلي اني شكو.

زينه: لا بس هيج حجيت حتى الكل يدري واي صدك احنا كلنا ناخذ ولد عمنا ولد خالنا الاقارب منه يعني ما تدخل وحده غريبه.

رزان: اي عادي اصلا اني عندي علاقه ويا حبيبي وقريبا نرتبط.

زينه: اصلا احنا شنو نترجى منج يالبغداديه.

رزان: هيي احترمي وثانيا ياخذونج ولد عمج وخالجن حتى يسترون عليجن لااكثر.

زينه: شنو قصدج عليه.

رزان: ههههههاي البعبه صخل يمعمع.

زينه: والحسين راح اكوم اكص السانج احسلج ضبي.

رزان: ييمه خوفتيني.

زينه: و......(بمقاطعه)

رعد: زينه كافي وطبي جوه.

زينه: حاضر حبيبي شنو تغار عليه خاف واحد يشوفني.

رعد: امشي طبي جوه بلا حجي زايد يلا.

زينه: حاضر طبيت.

رزان: حجيت هيج حتى اكسرها كلامها حيل استفزني طلع رعد وهيه بقت بالمطبخ تذب حجي من جوه الجوه بليل اجتي عليه هاي الحيه السوده.

زينه: شنو وين راح تباتين.

رزان: وانتي شعليج.

زينه: تحجين لا تشوفين شيء مايعجبج.

رزان: مراح احجي ولي منا يالله ما الي خلك احجي ويا الجهال عفتها ورحت ويا اخويه طه.

——————————

زينه: هسه وكت تعرفوني اني اسمي زينه عمري هسه 20 اكيد مبطله لان ما عدنا البنيه تكمل مدرسه وصلت سادس ابتدائي وبطلت اني احب ابن عمتي رعد كلش من جنت صغيره لحد هسه جنت اتمنى يصير اليه اخير شيء هو حتى مامهتملي خليت امي تروح وتجي على بيت عمتي علمود عمتي تقنع رعد ياخذي رفضوه كلش انجرحت وبجيت خليت امي تسويلي سحر عمتي ورجلها يزوجون رعد غصب عنه الي صار السحر وصار الاريده من انخطبنا هو   وهو بس يجاوب على كد السؤال  لا يحجي مثل المخطوبين كمت اتقربله شويه شوي لحد ما شربته عرك وخليته يسكر ونمت ويا حتى بعد ما عنده نيه يتركني هو من كعد وشافني نايمه يمه وبدون ملابس اتخبل وضل ايصيح اجت عمتي هدئته وكالت هاي مرتك حتى اذا ما يصير عرس وزفه هيه مرتك تحجي هيج لان هيه مسحوره سحر وخليتها تموت عليه وتموت على التراب الامشي عليه واي طلب اطلب تنفذه مباشره وبدون تحجي كلمه وحده المهم حددنا موعد زوراجنا واني صارت فاتحه جدهم الاثول شكد اكرهه واموت منه لن هو ما وافق رعد ياخذني بالبدايه خليت اخويه يجيب سم بس ما اله تاثير على الجسم يعني من يشروحنه ما يشوفون اي سم يطلع اثار السم ورا اسبوع بالجسم يعني يطلع وهو بالكبر خليت بالماي وخليت بنين تودي اله لان هو طلب ماي كلش غالي بس المهم اشتريته وموته حتى مايبقى حاجز بطريقي ثاني يوم مات خلصت منه بس زواج بي والله الا اخلي ورا الفاتحه باسبوع ما اطلع اسمي زينه والله الا اندمهم على كلشي سوه وهسه هاي رزان ما اهتميت الها لان مو يمنا وهيه بغداديه اكيد عدها حبيبب بس خبلتني من راح تنام بيت حبيبي وزوجي خابرت رعد يجي..

رعد: شكو صحتي علي.

زينه: اليوم اريد انام يمك.

رعد: لا والله.

زينه: اي والله اصلا  انت شايفني عادي.

رعد: انتي صدك وحده ما تستحي على روحها....

———————————

تصووووووووويت

تعلييييييييييييييق

بايييي اموحححححح😘🙈