رواية بين أسوار الشيخ الفصل التاسع 9 - بقلم Esraa hussein

هلو يا حلوين....
شلونكم اخباركم....

#بقلمesraa1289
#بين اسوار الشيخ

—————————

زهراء: بدا اول امتحان الي واني كلش متوتره وخايفه شنو راح تجي الاسئله كعدت من وكت راجعت شويه بدلت ونزلت جوه بقيت اراجع بابا كام يوكلني صارت الساعه 8:00 طلعنا اني وبابا بالسياره اخذنا منتظر..

منتظر: صباح الخير.

زهراء: صباح النور شلونها المعنويات.

منتظر: الحمدالله بس كلش متوتر وخايف.

زهراء: حتى اني خايفه كلش.

منتظر: هسه احنا ضابطين الماده هيج خايفين لعد نور شلون راح تكون.

زهراء: اي وآلله الله اعلم بحالها..
وصلنا لبيت بابا دك هورن ورا نص ساعه طلعت رزان وراها نور.

نور ورزان: صباح الخير.

الكل: صباح النور.

نور: شلونكم ويا الامتحان يا سجاجه.

زهراء: اني خايفه اليكول رايحه على الجبهه.

رزان: اني نفس احساس زهراء وانت منتظر اكيد مثلنا مو.

منتظر: بالظبط.

زهراء: وانتي نور.

نور: والله اني لا خايفه ولا ابد اصلا عايفتها على الله هو يسهلي.

رزان: والنعم بالله بس غير تقرين وتراجعين.

نور: انتم شعليكم يجوز معدلي اعلى منكم.

منتظر: هههه هاي شلون صارت وانتي ما فاتحه كتاب.

نور: هسه شوفوا نور ما گالت هيج.

زهراء: خل نشوف ورا النتائج.
وصلنا منتظر لمدرسته واحنه ورا شويه وصلنا للمدرسه دخلنا بس كلش خايفه بقينا نراجع بعدين دخلنا القاعه اخذنا الاسئله للحمدالله جاوبت كلش زين طلعت لكيت نور ورزان.

نور: جان تاخرتي زياده ترا الاسئله سهله.

زهراء: جنت اراجع خاف ناسيه شيء.

رزان: بنات يصيحولنا اجا واحد النا.

نور: يالله نمشي.

رزان: هلو.

علي: هلوات شلونج بالامتحان.

نور: زينين.

علي: شلونج زهراء.

زهراء: الحمدالله.

علي: خل ناخذ منتظر هم.

نور: اي عادي شنو ورانا.

رزان: شنو ورانا غير باجر امتحان هم يالله نلحك.

نور: هسه اني شكلت.

زهراء: علي.

علي: عيونه(بينه وبين نفسه) ها زهراء.

زهراء: لا تروح لبيتنا.

علي: ليش.

زهراء: اروح يم رزان.

رزان: اي والله علمود تراجعلي.

علي: اي عادي.

منتظر: سلام عليكم.

الكل: وعليكم السلام.

علي: شلونك بالامتحان.

منتظر: تمام التمام.

علي: الحمدالله.

زهراء: وصلت للبيت عمو ونزلنا اني ورزان ونور ميته تعب احس جسمي متكسر سلمت وخابرت ماما حتى ما تبقى قلقه بدلت من رزان وتغدينا وبقينا ندرس.....

—————————

عمر: بعد ما راحوا بيت عمتي رحت فصل اني وعمامي بيقت انتظر زهراء شوكت تخلص سادس صارت الاربعينه مال جدي رحنا اجت عمتي هيه ورجلها بس بين البجي والعياط يم الكبر حتى راسي صار طبل المهم وصلنا للبيت بليل دخلت ونمت صارت ايامي نفس الشيء طلابات وكعدات الى ان اجا اليوم.......

——————————

علي: بعد ما رجعت من فاتحه جد زهراء كمت اتمنى اشوف زهراء مرات اروحلهم واشوفها بس هيه ما تهتملي ابدا مرات تجي يمنا تدرس يم منتظر بالدوام اني اجيبها من المدرسه وحتى بامتحاناتها اخير امتحان لزهراء سافرت على مشروع لان اني مهندس وكذا سافرت تقريبا اضل شيء اسبوعين ويجوز اكثر شوكت ارجع من السفر ماادري حتى مليت.....

—————————

زهراء: خلصت امتحانات بشلاع الكلب كلش صعبه بس انشالله ارفع راس ابويه وامي وبقيت حايره وخايفه علمود النتائج كلش رجعت من اخر امتحان دخلت للبيت...

زهراء: هلاوو.

ام زهراء: هلوات شلونج.

زهراء: الحمد لله بخير ماما راح انام لحد يكعدني.

أم زهراء: والغدا.

زهراء: ماريد.

ام زهراء: مسويه دولمه.

زهراء: ماريد اي شيء بس اريد انام عن الايام مانمتهن جاووو.
صعدت لغرفتي سبحت وبدلت ونمت بعد ما ادري شنو صار كعدت ميته تعب اليكول ما جنت نايمه نزلت لكيت البيت هدوء الكل نايم دخلت للمطبخ اخذت تفاحه وموزه صعدت لغرفتي بقيت اباوع بموبايلي بعدين طفيته ونمت كعدت تقريبا 10:56
صباح الخير.

ماما: صباح النور.

زهراء: شنو الغدا.

ماما: سمج شوي حضري نفسج العشا يم بيت عمج ابو علي لان علي راح يسافر وثانيا حضري جنطتج راح نروح الهلي عكب باجر.

زهراء: كل هاي الاحداث صايره واني ما ادري.

ماما: يالله حبي مصار شيء روحي شوفي ابوج بالغرفه سلمي علي البارحه ماشفتي.

زهراء: اي والله مشتاقتله موت.
رحت لغرفه لبابا اسلم علي فتحت الباب بدون ما ادكه شفته كاعد يلعب بموبايله هلو باباي.

بابا: هلا وميت هلا برويحتي تعالي تعالي يمي.

زهراء: مشتاقتلك.

بابا: اني اكثر والله البارحه مدري شلون صبرت ما اشوفج.

زهراء: هلكد تحبني.

بابا: واكثر غير انتي البجر مالتي.

زهراء: بابا شنو بجر.

بابا: يعني الجبير مالتي تعالي خل نشوف امج سوت ونساعدها.

زهراء: يالله.. ساعدنا ماما شويه وتغدينا وصعدت لغرفتي اختار اللبس اروح بي العزيمه ختاريت وبقيت اكلب بالفون مالي نزلت شفت ماما وبابا وصوفي كاعدين رحت بحضن ابويه جاي ياكلون كيك وعصير كمت اكل رحت بدلت ولبست جينز اسود وسويتر احمر وشال بي ورد ولبست حذائي ونزلت بابا يم ماما لان مسويه حلويات تاخذها وياها ومصطفى بالسياره.

زهراء: ماما.

ماما: ها حبيبتي.

زهراء: على شنو العزيمه اليوم شنو مناسبتها.

ماما: لان علي يريد يسافر ومسوين عزيمه.

زهراء: ها اوكي.
وصلنا وسلمنا على الكل ولكيت بنات عمي وعمتي نور هاي صبايا شلونجن.

الكل: الحمدلله.

زهراء: شلونج بيبي.

بيبي: الحمدلله.

زهراء: لعد وين جدو.

بيبي: راح زياره ويا اصدقائه.

زهراء: ها الله يحفظه.

انور: شفتن النتائج مالتجن.

نور: لا ليش طلعن.

انور: لا ما ادري اشوفهن الجن.

رزان: ياريت والله.

انور: منتظر منتظر(صياح).

منتظر: ها شكو.

انور: تعال شوف النتائج مالتك.

منتظر: والله.

انور: والله تعال.

رزان: نور بعدج على الاتفاق اعلى معدل بينا.

منتظر: اي صدك بعدج.

نور: اي بعدني وهسه تشوفون.

زهراء: بقى انور يدور طلعت مدرسه منتظر واحنه كلش خايفين.

انور: ليش هيج يا نظوري.

منتظر: شكد احجي.

انور: شبيك وجهك انكلب اصفر لا تخاف معدلك93.

ام علي: كلللوششش يوم اشوفك عريس بحق محمد وال محمد كون تشوف كل خير يا حبيبي.

منتظر: شكرا ماما.

بابا: بالعافيه وبالخير حبيبي رفعت راسي.

منتظر: الله يعافيك بابا.

زهراء: بقوا يباركون لمنتظر واني كاعده على جمر.

منتظر: ههههه نور بعدج على الاتفاق.

نور: امشي ولي مني بس وآلله اله اطلع اعلى منك انور دور مدرستي.

انور: اولا رزان وبعدين زهراء واخير شيء نور نشوف تحديها اذا اعلى شيء.

الكل: يالله.

انور: رزان مع الاسف.

رزان: ( ودموعها على خدها) شكد كول.

انور: ههه ليش البجي معدلج 88.

رزان: صدك.

انور: والله.

زهراء: بقوا يباركون لرزان اجا دوري واني بعد ما اكدر اسيطر على روحي.

انور: هسه دور زهراء.

زهراء: انور حباب اذا معدلي ناصي لا تكول ابدا ولا تحجي.

انور: لا ليش ناصي معدلج 90 بعد شتريدين اكثر من هذا.

زهراء: اجاو باركولي واني ابجي حسيت صار مستقبلي بين ادي حسيت رفعت راس امي وابوي كدام العالم طبعا احساس يجننن.

انور: نور يا نور راح نشوف معدلج واذا خسرتي التحدي شنو عقابج.

نور: اصلا اني مراح اخسر التحدي يالله شوف شكد.

انور: عزه العزاج.

نور: شكد كول احجي.

انور: معدلج 96.

نور: جذب.

انور: والله العظيم شوفي.

نور: هههههه واخير بقيت اكمز بحيث ما مصدكه معدلي هلكد باركولي وسلموا علييي

زهراء: تعشينا بين فرحتنا كعدت يم علي عادي عندي اني تعشينا وغسلنا مواعين وبقينا نسولف بعدين علي طلعنا نفتر بس ما ننزل من السياره.....

—————————

تصووووووووووت
تعليييييييييييييق
باي يا حلوين......