رواية بين أسوار الشيخ الفصل الثالث والعشرون 23 - بقلم Esraa hussein

#بقلمesraa1289
#بين اسوار الشيخ

---------

رزان: دخل رعد بهيبته جان لابس قاط اسود اجا كعد يمي....

رعد: مبروك يا روحي.

رزان: الله يبارك بيك.
كصينا الكيكه وشربنا العصير بعدين بدا يلبسني الذهب لبسني الكلاده وهمس يم اذني.

رعد: احبج لك فديت الخجلان.

رزان: اني هم.

رعد: شنو انتي احجي حتى ارتاح.

رزان: احبك.

رعد: ايباه لك راح اموت.

رزان: اسم الله.

رعد: تخافين علي.

رزان: اكيد غير انته زوجي وابو بيتي.

رعد: ههههه اروحلج فدوه.

رزان: طلع رعد بعد ما لبسني الذهب بقينا نركص ونحتفل بقينا ليل بدلت ولبست تشيرت وبرمودا
قصيره البنات كلها راحت يم زهراء حتى نور بقيت وحدي ردت ابجي انفتح الباب ودخل رعد.

رعد: ليش مريتي ضايجه.

رزان: لان البنات عافني بهيج مناسبه.

رعد: لعد اني المن.

رزان: مو انته جنت جوه يم الولد.

رعد: هاي اجيت يمج.

رزان: تعال شوف الصور الاخذتهن.
بقينا نسولف اني ورعد وما اخلص من غزله وكل ساعة بايسني قضيت احلى ليله ويا رعد اخير شيء هو تعب نزل واني نمت......

--------

زهراء: بالحفله ركصت لان جنت فرحانه من صدوك كعدت يم خاله ورنا بعد ما تعبت اجت مره على خاله سلمت عليه وبقت تحجي وياها.....

المره: اكلج خيه اني اجيت اطلب منج طلب وانشالله ما ترديني.

ام عمر: انشالله اذا اكدر علي انفذه الج من عيوني.

المره: اني اريد هاي الحليوه لابني.

ام عمر: ياهيه زهراء.

المره: اي هي دخلت كلبي.

ام عمر: خيه هاي مرت ابني الشيخ.

المره: يا جا هاي مزوجه.

ام عمر: اي عمري زوجه ابني.

المره: والله اني حسبالي ما مزوجه واجيت اخطبها لابني لان حلوه وحبابه.

ام عمر: ماصار شيء عيني.

المره: يالله اني كايمه اروح.

ام عمر: الله وياج عيني دير بالج رنا اذا وصلتي شيء لعمر ترا القيامه تصير والله اني ادري بيج.

رنا: انشالله يمه.

زهراء: بقيت كاعده بمكاني خايفه لا يوصل لعمر صار الليل ورجعنا للبيت رجعت ويا سيف عمر راجع قبلنا دخلت البيت سريع وصعدت غرفتي بدلت بسرعه لبست كيمونه وشورت وشويه واجن البنات بعدين رنا نزلت تجيب جنطتها ناسيتها جوه.

---------

رنا: ليش بعدك كاعد لحد الان.

عمر: ما جايني نوم.

رنا: ها اني اجيت اخذ جنطتي.

عمر: اي.

رنا: والله عمي هنياك مرتك هم جمال وهم عليها ركص ومزوجه والناس تخطبها.

عمر: شنو هل الكلام رنا.

رنا: لا لا اسفه وامي گالت لا تكولين.

عمر: رنا تحجين لا والله اخلي اكَوملج وتعرفين شنو يصير .

رنا: بس ما تخلي امي ترزلني.

عمر: ما اخليها احجي.

رنا: اليوم مو زهراء ركصت اجت مريه على امي خطبت زهراء بس من عرفت مزوجه عافتها وراحت.

عمر: اليوم بالخطوبه.

رنا: اي اليوم.
ما احس الا عمر ركض لغرفه زهراء بقيت اللطم هسه كلشي راح يصير بسببي صعدت ورا شفت رشا ونور طلعن وهو سد الباب..

---------

عمر: شنو هذا السمعته من رنا قبل شويه(بعصبيه).

زهراء: شنو.

عمر: لا تسوين نفسج غشيمه بس اكيد الفستان فاضح اكثر مما مستور واكيد هسه يحجن لزواجهن لو لولدهن وهمه يتخيلونج لو تتمركصين بنص النسوان ما تريدين يخطبنج(بعصبيه)

ام عمر: يمه استهدي بالرحمان ليش هيج عالي صوتك.

عمر: شستهدي بالرحمان ومرتي وعلى ذمتي ناس يخطبوها ها(بعصبيه).

زهراء: ترا ماصار شيء شنو مثلا باجر خطوبتي ماله داعي تصيح.

عمر: لا هاي العوزها خطوبتج باجر زهراء جري عدل لتشوفين شيء مايعجبج والله(بعصبيه)

زهراء: انته شوكت مايعجبك ترزل ترا هاي مو حاله اني مو خدامه عندك كلشي بالعصبيه والصياح(بصوت عالي).

عمر: نصي صوتج احسلج مو اني مره ترفع صوتها عليه(بصوت عالي).

ابو زهراء: خير شصاير ليش هيج اصواتكم مرتفعه.

عمر: ماكو شيء عمي لا تشغل بالك.

ابو زهراء: شنو ما اشغل بالي وصياحكم واصل لسابع جار.

عمر: عمي مشكله بيني وبين زهراء بسيطه تعال تعال نام لا تشغل بالك.

زهراء: راح بابا وعمر وخاله ام عمر رزلت رنا وطلعت اجني البنات يمي ورنا هم....
ديربالج تتقربين يمي لان كل المشاكل من وراج طلعي يالله من غرفتي يالله(بعصبية)......
طلعت رنا من الغرفه تبجي واني عفتهم و غطيت راسي وبقيت ابجي على حظي المصخم شوكت ما يعجبه يرزل والله مليت حسيت الكل نام كمت للحمام اغسل غسلت ورجعت تمددت بفراشي وما اجاني نوم...........

--------

نور: بعد خطوبه رزان صعدت فوك اعدل نفسي ما احس انجريت من ايدي ودخلت للغرفه.......
انته شسوي هنا ها وخر يالله وخر.

سيف: اشش لا احد يسمع بس اريد احجي وياج والله ماعندي شيء وياج.

نور: خير شرايد لان عندي شغل.

سيف: تعالي اكعدي حتى اعرف احجي.
شوفي اني اتاسف على كلام ذاك اليوم.

نور: اي شنو خلاك تحجي هيج كلام.

سيف: خليني اكمل كلامي اني اكثر من مره شايفج حاضنه علي وانور وغيرهم....

نور: بس همه ولد اخواني.

سيف: تخليني اكمل.

نور: كمل.

سيف: اني حسبالي انتي بت عمهم مو عمتهم وحسبالي عمتهم مزوجه ابدا ما حسبالي انتي من حركه اعصابي حجيت هيج ومره جنت واكف احجي ويا علي وانتي صحتي وهو گال عمتي تصيحني اني بوكتها انصدمت وبقيت اربط بالاحداث طلعت اني الغلطان وهسه اني اسف.

نور: اي والمطلوب.

سيف: تسامحيني ونرجع مثل قبل واكثر.

نور: اولا سامحتك ثانيا مال نرجع سوه الغيها من بالك ويالله باي لان عندي شغل.
عفته وركضت دخلت غرفتي وقفلت الباب وكفت ورا واحس نفسي بحلم لان اني حبيت سيف من صدك لا مو بس حبيته عشقته هم لان من اول مره شفته وكعت بحبه جان كلامه ذاك اليوم مثل الجبل على كلبي وهسه من سمعته احس الجبل انزاح من عندي احس نفسي فوك الغيوم واسعد انسانه بالعالم عدلت نفسي ونزلت جوه بقينا نركض ونتحفل ورا العشا بدلت ولبست فستان وحجاب اخذت ملابس مال نوم وياي ونزلت ويا زهراء ما ادري راح نرجع ويا سيف والطريق كله موجه المرايا عليه ويباوعلي ويبتسم حتى اني خجلت وصلنا للبيت بدلت وبقينا نحجي بغرفه زهراء بعدين صارت مشكله زهراء حيل انقهرت عليها بعدين نمت لأن تعبانه اليوم كلش.......

---------

رنا: بعد ما صارت المشكله احس متندمه بكد شعر راسي نزلت جوه حايره وين انام رحت للمطبخ اشرب مي وشفت عمر من باب المطبخ كاعد بالحديقه يدخن رحت يما.....

عمر: امي رزلتج مو.

رنا: اي بس والله مو قصدي.

عمر: مو مشكله.

رنا: ليش هيج سويت حتى تبجي هسه.

عمر: رنا كافي مالي خلك احد.

رنا: لعد اني اروح انام......
رحت لامي شفتها نايمه رحت بصفها ونمت..

--------

زهراء: ما اجاني نوم ل4 الصبح نزلت للمطبخ جوعانه فتحت الثلاجه....

عمر: شسوين لحد هسه كاعده.

زهراء: ..............

عمر: مو جاي احجي وياج.

زهراء: .............
طلعت اشياء من الثلاجه واني ما حجيت ويا اي كلمه والله الا اخلي يتوب على روحه.

عمر: ليش نازله بهل اللبس.

زهراء: ..........

عمر: زهراء لا تعصبيني واحجي.

زهراء: ليش انته شوكت ماصرت عصبي.

عمر: اني عصبي وهذا طبعي وما اكدر اغيره هسه ما جاوبتي ليش نازله بهل اللبس.

زهراء: .............

عمر: سويلي وياج اني هم جوعان.

زهراء: .............

عمر: وين رايحه مو احجي وياج.

زهراء: اعتقد عندك ادين وسوي بيهن.

عمر: غير انتي مرتي.

زهراء: وخر عمر لان صدك راسي يوجعني ومالي خلك وخر عني.

عمر: اليوم اروح اختار الغرفه ترحين وياي.

زهراء: لا.
ردت اطلع ما احس الا حضني من ورا.

عمر: يعني قافله من الاخير.

زهراء: اي.

عمر: بس اني مو قصدي ارزلج والله غرت عليج وتخيلت اشياء وصار الصار.

زهراء: بس مو ترزلني وتهيني كدام الكل.

عمر: هسه ما راضيه عليه.

زهراء: اي.

عمر: وشتريدين حتى اراضيج.

زهراء: انته فكر شلون يراضون.

عمر: راح اراضيج بطريقتي.

زهراء: مااريد وخر.

عمر: زهراء ماصايره كافي كلتج اسف واني ماكايل لاحد اسف بعد شاسوي.

زهراء: ..............

--------

الى هنا ينتهي البارت..
في امان الله.......