رواية بين أسوار الشيخ الفصل الثاني والعشرون 22 - بقلم Esraa hussein

#بقلمesraa1289
#بين اسوار الشيخ

—————————

ابو رزان: تعالي بابا عندي حجي وياج.

رزان: ها بابا احجي.

ابو رزان: البارحه اجوج خطابه وخوش ولد واخلاقه. زينه.

رزان: بس بابا اني ماريد اتزوج.

ام رزان: ماما اسمعي ابوج بعده مامكمل كلامه.

ابو رزان: البارحه خابرني ابو رعد وطلب ايدج لرعد ها شكلتي.

رزان: ما ادري بابا.

ابو رزان: ماكو ماادري انتي قرري وفكري زين لان هذا اسمه زواج مو لعبه وبعدين خوش قسمه الج ورعد اخلاقه ماشالله عليه.

ام رزان: اي ماما فكري وانطينه رايج علمود خبر للناس.

رزان: انشالله.............
صعدت لغرفتي واني فرحانه وممصدكه بنفس الوكت......
بعد ما اعترفلي رعد بحبه كام يدك ويرسل رسائل بس اني ما ارد علي لان استحي وما اعرف شنو احجي ويا جنت كاعده افكر ودك رعد عليه ما رفعته دك مره ثانيه رفعته علي......

رعد: هلا والله ليش ماتردين عليه مخليتني مشعول شعل.

رزان:........

رعد: موافقه لو لا.

رزان: ما ادري.

رعد: شنو ما ادري بكيفج الشغله.

رزان: ههههه لعد بكيف منو بالله.

رعد: فديت هل الضحكه بكيفي والظهر نزلي لابوج كليله موافقه علمود يرجع النا خبر.

رزان: بس..

رعد: شنو البس اني احبج وانتي تحبيني.

رزان: منو كَلك اني احبك.

رعد: محد بس اني متاكد مو.

رزان: اني راح اروح وبليل تعرف.

رعد: شلون تشرد ترا لازمج لازمج.

رزان: هههههه باي.....
رحت نزلت ساعدت ماما بالغدا الكل عرف بس احس نور ضاجت رحت لغرفتي نمت العصر كعدت نزلت لبابا حتى اكله على الموضوع......

————————

زهراء: عرف الكل زواجي بعد اسبوعين واني ميته خوف وقلق كليتي يم عمر وبدينا نجهز اني وعمر وماما ومرات تجي وياي نور ورزان تعبنا كلش لان مايقبل على كلشي حتى اشترالي عبايه علساس البسها جنا بالسوك وخابرتني نور رفضتها من رجعت للبيت ميته تعب سبحت وبدلت واتصلت عليها.....

زهراء: الو ها خبله شلونج.

نور: بخير انتي شلونج شكملتي.

زهراء: الحمدلله وما بقى شيء بس نواقص واليوم العصر نروح هم علمود نخلص.

نور: وعمر باجر يروح.

زهراء: اي يمكن.

نور: لعد خل ياخذ الغراض ويا حتى يخلص كلشي.

زهراء: مو غرفه بعدها ما جايه.

نور: اي عادي ومن تجي هنه موجودات.

زهراء: اي اكله ما كلتي ليش مخابره.

نور:  رزان نخطبت.

زهراء: والله ومنو سعيد الحظ الراح ياخذها.

نور: ابن خالج رعد.

زهراء: اي يستاهل رعد وهي موافقه.

نور: طايره من الفرح هسه لو تشوفينها.

زهراء: المهم الله يوفقها.

نور: امين.

زهراء: نور اكو شيء.

نور: لا ماكو شيء.

زهراء: اذا علمود سيف اذا الله رايده الج يصير الج لو شنو يصير.

نور: يالله زهراء اني رايحه.

زهراء: الله وياج.
نزلت جوه عمر وبابا بالاستقبال يسولفون رحت على ماما بالمطبخ...
ماما دريتي.

ام زهراء: شنو.

زهراء: رزان انخطبت.

ام زهراء: اي ادري من البارحه وابوج وعمر هم.

زهراء: لعد ليش ما تكلولي.

ام زهراء: كلنا خاف ماتصير السالفه.

زهراء: اووف كله سريات عدكم

ام زهراء: هذاك عمر واحجي ويا هو گال لا تكولون.

زهراء: بسيطه عمر بسيطه.
كملنا غده وغسلت مواعين وصعدت فوك ادري عمر راح يجي لان دائما هيج وكت نحجي سوا قفلت الباب ونمت...

—————————

نور: اليوم يجون خوال زهراء علمود باجر العقد كعدت من الصبح تريكت ورحت ويا رزان نشتري فستان للخطوبه بقينا ل12 الظهر يالله رجعنا تغديت وبدينا نرتب البيت ونسوي حلويات لباجر كملنا كلشي وصعدت لغرفتي بليل حيل ثاني يوم كعدت و لكيت البيت هوسه غسلت ونزلت لكيت خالات رزان موجدات تريكت ورحت ويا رزان بعدين زهراء جابها عمر اني لبست فستان اسود طويل جوه الركبه بشويه وبي كرستال وشغل بالصدر وشعري عفته مفتوح بس سرحته خابرت علي گال شويه واجي دك هورن طلعنا فتحنا السياره وطلع سيف..

نور: مو علساس علي يجي.

سيف: اي عنده شغل وراح وگلي اجيبجن.

نور: ها.

سيف: اشغلجن شيء.

نور: لا دايخين منريد شيء.
وصلنا للبيت بدت مراسيم الحفله رحت للحديقه الخلفيه اجيب كراسي للنسوان شفت سيف كاعد يدخن بقيت واكفه بمكاني هو باوعلي وبقا صافن اني تذكرت كلامه بسرعه عفته ودخلت..............

————————

رنا: بدينا نجهز لعقد رعد وهم اول مره نروح بيت زهراء اني ورشا كملنا كلشي خلال اسبوع واليوم الراح نروح بي صعدنا السيارات والطريق اطول منه ماكو من وصلنا الكل تلكانه دخلنا بعدين اخذتنا زهراء لغرفتها..

زهراء: هلا بيجن بغرفتي هوسه هي بس ميخالف.

رنا: لا عادي بس تخبل.

زهراء: اليوم اشوفجن جهاز العرس.

رنا: يمكن متحمسه للعرس.

زهراء: لا كبر بس راح اتزوج عمر حتى اجي يمجن لان هنا ملل ولا اكو احد احجي وياي علمود عمر.

رشا: ههههه هسه تزوجين وما تلحكين تشوفينا.

رنا: ههههه بالظبط.

زهراء: لا كبر مو هيج....
بقينا نسولف ما نزلنا جوه وشوفتهن جهاز العرس وهم رتبن ويايه الجهاز بليل خابرني عمر اجيله رحتله.

زهراء: ها.

عمر: تعالي اريد احجي وياج علمود باجر.

زهراء: جايه....
بقا يوصيني على باجر ولا تلبسين هذا ولا تسوين هيج كمل رجعت الهن نمت متاخر كعدت ثاني يوم
كعدت متاخر لبست حجابي ورحت بسرعه لعمر لكيته هم بعده نايم بغرفه بابا.......

زهراء: عمر عمر يالله اكعد هم يالله الحك اروح للصالون.

عمر: همممممممم عوفيني نايم.

زهراء: فدوه عمر اكعد علمود الحك.

عمر: بوسه.

زهراء: عمر فدوه.

عمر: يالله علمود اكوم وتلحكين.

زهراء: تقدمت منه وبسته بخده.

عمر: لا حبي مو هيج البوس.

زهراء: عمر جاي تلعب وياي.

عمر: لا يروح عمر بس اني صاير عندي جفاف عاطفي هل الايام لازم تعوضيني حتى ما يجف اكثر.

زهراء: يعني ما عندي حل ثاني وين ابوسك.

عمر: هنا واريدها قويه شويه(وياشر على شفته).

زهراء: بس غمض عينك.
غمض عينه تقربت علي بسته اريد اكوم حضني وبدا يبوس بشفتي ويدخل لساني بديت ادفع بي حتى لا يجي احد اخر شيء وخر وباسني بخدي وكام عدلت نفسي..

عمر: روحي حضري نفسج واني رايح اشغل السياره والكاج يمي.

زهراء: ماشي هسه بسرعه اجي.
رحت لبست بسرعه واخذت غراضي ورحت للصالون سويت تسريحه بسيطه بشعري ولبست فستان قصير كلش لون ماروني نور ورزان راحوا قبلي من كملت خابرت عمر اجاني وكف باب الصالون من طلع احسه حضني علمود محد يشوفني من صعدنا بالسياره شغل اغنيه ( سمعني نبضك) بقا يحجي ويا الغنيه...

عمر: بليل اريد اشوفج بهل الفستان بلكت نعيد يوم خطوبتنا.

زهراء: صدك تحجي.

عمر: اي والله لج شطالعه لخاطر النبي.

زهراء: هههه كافي والله داخجل

عمر: اروح فدوه للخجلان اني هسه تنزلين ماريدج توصلين لباب المطبخ

زهراء: انشالله.....
وصلني للبيت دخلت لكيت الحفله باديه دخلت نزعت العبايه ورحت اسلم على رزان ماشالله طالعه تخبل.

رزان: زهراء فدوه لحكيني راح اموت من الخوف.

زهراء: لا تخافين ماراح يصير شيء بس قوي نفسج.

رزان: احس كلبي راح يوكع.

زهراء: هههه شبيج جنج داخله معركه.

رزان: اي والله واصلا يمكن المعركه اهون.

زهراء: لا تخافين ماكو شيء.........

————————

رزان: بعد ما اطيته بابا موافقتي بدت الهلاهل مشت الايام بين التجهيز موبايلي ما شايفته اليوم هو اليوم خطوبتي اني خايفه على فرحانه لبست فستان ابيض ضيق على الخصر ومن الركبه يبدي يصير عريض وفتحه من الصدر ومكياج كلش حلو من اجا السيد بدا القلق والخوف يتصاعد عندي اجيت يم الباب علمود يتم العقد اطيت موافقتي والهلاهل صعدت حتى احس اذني انطرشت رجعت لمكاني ورا شويه گالوا راح يدخل العريس......

————————

الى هنا ينتهي البارت....
في امان الله.....