رواية بين أسوار الشيخ الفصل الرابع والعشرون 24 - بقلم Esraa hussein

#بقلمesraa1289
#بين اسوار الشيخ

---------

زهراء: گول اسف وبترجي هم.

عمر: اسف مريتي الحلوه اني غلطان.

زهراء: اي هيج عفيه صير حباب.

عمر: ليش اني قبل جنت وكح حتى هسه صرت حباب.

زهراء: اي.

عمر: ماشي هسه اعلمج شلون يصير الوكح.

زهراء: لا لا عمر فدوه لا ينزل احد شيكول.

عمر: مرتي وحلالي وبكيفي.

زهراء: عمر انته مو تريد اكل تعال اسويلك.

عمر: شلون غيرت الموضوع.

زهراء: رحت سويتله ريوك واكلت ويا كملنا شلت المواعين وغسلتهن هو راح يغسل.

عمر: ترحين وياي.

زهراء: وين.

عمر: وين يعني نشتري غرفتنا.

زهراء: وبيش الساعه.

عمر: يعني ب8.

زهراء: بس اني ما نايمه ابد.

عمر: اني نفسج هسه كملي وروحي نامي ومن اريد نطلع اكعدج.

زهراء: ماشي
من كملت غسلت ايدي وصعدت نمت كعدتني نور.

نور: زهراء كعدي والله عمر صار عصبي وشوفي الساعه بالعشره.

زهراء: جذب.
كمت بسرعه حتى ما ادري شوكت لبست خليت شويه مكياج وطوخت من الحمره نزلت جوه ماما كالت ينتظرج بالسياره صعدت بالسياره وجه مايتفسر.
صباح الخير.

عمر: صباح النور وشنو هذا بوجهج.

زهراء: شنو.

عمر: زهراء ترا اعصابي واصل حدها.

زهراء: اي ادري بس انته على شنو تحجي.

عمر: على هذا الصخام الحاطته.

زهراء: شسويله.

عمر: هاج هذا ومسحي يالله ما اريد اي شيء.

زهراء: هذا مسحته.

عمر: بعد اكو ما اريد اي شيء.

زهراء: عمر غير اني عود عروس رايحه اختار غرفتي.

عمر: امسحي كلشي يالله لان تاخرنا كلش.

زهراء: عمر والله ما يبين.

عمر: امسحي يالله.

زهراء: اووف...
مسحته واني طنكرت علي الطريق كله ما حجينا شيء من وصلنا لزم ايدي ودخلنا نختار هواي غرف حلوه بحيث احتاريت شنو اختار بس اكو غرفه كلش عجبتني وألوانها حلوه بس غاليه كلش....

عمر: عجبتج مو.

زهراء: لا ما عجبتني.

عمر: اني عجبتني راح اخذها.

زهراء: عمر بس اني ما اريدها.

عمر: فديت اسمي من السانج.

زهراء: لا تغير الموضوع اني مااريدها.

عمر: اني عجبتني اني اريدها.

زهراء: راح علمود يحجزها واني وكفت بعيد دفع الحساب وطلعنا......

عمر: راح نتغده برا.

زهراء: ما اريد اليوم ماما مسويه دولمه روح للبيت احسن.

عمر: انشالله.

زهراء: عمر هذا مو طريق البيت.

عمر: اي ادري.

زهراء: وين رايحين.

عمر: اريد اراضيج.

زهراء: عمر انته تجي ترزل وبعدين تحتار شلون ترضي واني ترا ما ارضى والله.

عمر: اني اعرف ارضيج.

زهراء: وصلنا لمطعم كلش حلو وراقي كعدنا على طاوله وهو بدا يختار شنو ياكل..

عمر: شتريدين.

زهراء: ما اريد شيء.

عمر: مو بكيفج راح اختارلج على ذوقي.

زهراء: لو تطلب المنيو كامل مراح اكل.

عمر: هذا اخر كلام عندج.

زهراء: اي اخر كلام................

---------

نور: كعدت الصبح غسلت ونزلت حتى اروح للبيتنا نزلت جوه صبحت عليهم ورحت يم ام زهراء تسوي ريوك.....
صباح الورد على الورد.

ام زهراء: هههههه صباح النور شعندج من الصبح تتغزلين.

نور: عندي طاقه حايره وين افرغها.

ام زهراء: ها زين تعالي ساعديني.

نور: زهراء اليوم تتختار غرفتها مو.

ام زهراء: اي اليوم علمود باجر يرحون وهم ياخذون غراضها وياهم.

نور: وسجلها بالكليه هناك.

ام زهراء: لا بعده من يروح يسويها.

سيف: السلام عليكم هاج هذا الصمون.

ام زهراء: اي عاشت ايدك.

سيف: صباح الخير نورتي(بهمس).

نور: صباح النور سيف روح لا احد يشوفنا ويفهمنا غلط.

سيف: خوش طرده.

نور: هههه يالله روح.....
راح سيف اني وام زهراء كملنا الريوك تريكنا بعدين رحت صحت زهراء حتى عمر ياخذها بالكوه كعدت بدلت وراحت بعدين بدلت نزلت علمود اخويه يوديني سيف گال اني اوصلج جبت غراضي ونزلت لكيته ينتظرني بالسياره صعدت ليوره...

سيف: وين وين منو كلج اني السايق مالتج تعالي كعدي هنا.

نور: راح اكعد بس لا تصيح.
صعدت ليكدام شغل اغنيه هادئه ويغني وياها.....
طفيها.

سيف: ليش اغنيه تخبل.

نور: ما احب هيج اغاني وثانيا احنا بطريق لا يصير حادث لا سامح الله.

سيف: حاضر تامرين امر.

نور: ما يأمر عليك ظالم.

سيف: احسج بارده حيل.

نور: شلون يعني.

سيف: احجي سولفي ما احب الجو الهادء.

نور: اني احب الهدوء وبعدين انته شخص غريب تريدني اذب وياك ميانه واني ما اعرفك.

سيف: ها يعني هسه اني شخص غريب.

نور: بالظبط تسلم على التوصيله.

سيف: عفوا وقريبا راح اصير اقرب انسان على كلبج.

نور: شلون.

سيف: بعدين تعرفين.

نور: نزلت لكيت الكل كاعد بالحديقه ما عدا رزان ورعد سلمت عليهم بقيت وياهم شويه بعدين صعدت فوك بدلت وبقيت افكر بكلام سيف شنو يعني اقرب انسان على كلبي..........

----------

رزان: فدوه رعد خل اروح.

رعد: لا رزان لا تحاولين.

رزان: فدوه حبيبي حياتي انته.

رعد: ههههه عود تضحكين عليه بهل الكلام.

رزان: رعد فدوه حباب هي عزمتني وصديقتي المقربه اليوم عيد ميلادها شلون ما اروح.

رعد: لا رزان شلون اخليج ترحين لبيت ناس غربه يجوز عدهم ولد.

رزان: هي اجتني للخطوبه وبعدين حفله بس مال بنات ماكو اي ولد فدوه وافق يكلبي وراح اللبس لبس محتشم بعد شكو.

رعد:..........

رزان: لا تباوعلي هيج.

رعد: ماشي ترحين بس بشرط لبس اي شيء ميطلع منج وممنوع تطلعين برا مكان الاحتفال.

رزان: يسسسس اروحلك فدوه.

رعد: بس اني وافقت على بوسه.

رزان: رعد.

رعد: عيونه لرعد.

رزان: بس تغمض عينك وممنوع تتحرك.

رعد: ههههه ماطلعت بوسه.

رزان: يالله بسرعه راح اتاخر.

رعد: يالله.

رزان: تقربت عليه بطء بسته بشفته وخرت.

رعد: شنو هاي هم تعتبر بوسه.

رزان: رعد والله راح اتاخر اريد ابدل.

رعد: هسه اني شكايل.

رزان: ماشي.
رجعت بسته بس شويه طولت بعدين وخرت منه...
ها هيج يالله ترتاح.

رعد: والله هي مو بوسه بس يالله.

رزان: اريد ابدل.

رعد: بدلي ياهو لازمج.

رزان: شنو ياهو لازمني امشي اطلع بره اريد ابدل.

رعد: واذا غير انتي مرتي.

رزان: رعد حباب اطلع والله بعد ما عندي وقت يادوب الحك.

رعد: طالع طالع.

رزان: طلع رعد قفلت الباب ورا بدلت لبست فستان رصاصي يصير عريض من جوه ومن فوك كله كرستال وشال ويا لبست كعب شويه ناصي فضي وخليت مكياج هادء وطلعت لكيت رعد ينتظرني........

رعد: لا تروحين مو احسن.

رزان: رعد فدوه خل نروح.

رعد: والله طالعه حلوه.

رزان: والله.

رعد: والله يالله امشي.

رزان: صعدنا السياره هو بيت صديقتي مو كلش بعيد بعد تقريبا شارعين وصلنا سلمت على ونزلت دكيت الباب طلعت صديقتي من دخلت يالله راح رعد دخلنا جوه لكينا البنات صديقاتي كلها موجوده سلمت عليهم............

---------

رنا: جنت كاعده بحديقه وندك الباب رحت فتحته دخل علي ابتسم بوجهي.
خير شايفلك مهرج.

علي: انتي مو صوج واحد يضحك بوجهج عمي وين.

رنا: انتي مو صوج واحد يضحك بوجهج(تقلد كلامه).

علي: صدك انتي قليله ادب يرادلج تربيه من جديد.

رنا: لا والله تعال ربيني انته هذا الناقص.

علي: هسه فضيني عمي هنا.

رنا: اي هنا.
دخل واني رجعت كعدت بالحديقه اباوع للسماء لان الجو كلش حلو نزلت راسي شفت علي واكف صافن عليه.......
نعم.

علي: نعم الله ضلوعج.

رنا: وانته ويايه خير تتقرب عليه.

علي: اريد اكعد هنا حرام.

رنا: اي حرام وشبسرعه شفت عمك.

علي: السانج لاتطولي ترا اكصه الج وعمي جاي يسبح بس يكمل يجي.

رنا: شوف ترا اني من اكبر واحد ما اخاف وهاي مال السانج طويل ويرادله كص روح لغير وحده وكولها الها.

علي:................

----------

زهراء: شكو صافن عليه.

عمر: اني احب اباوع عليج حرام مثلا.

زهراء: لا مو حرام.

عمر: شوفي زهراء اني ما احب المره تعاندني اني اكلج ماكو مكياج ولبس ضيك اني تسوين غير الكلج عليهن مو صح.

زهراء: اي.

عمر: زين ليش تعاندين وتخليني اصير عصبي.

زهراء: اني هو هذا لبسي يعني ماكدر اغيره.

عمر: لا تكدرين تغيري هناك ما عدنا هيج يلبسن مثلج شفتي اكو مثلج.

زهراء: لا بس مااريد اصير مثلهن.

عمر: منو كال صيري مثلهن مو هاي اخواتي شلونه لبسهن.

زهراء: حلو ومستور.

عمر: عفيه عليج اني اريدج تصيرين مثلهن واكثر.

زهراء: انشالله اذا اكدر.

عمر: بعد ما راضيه عليه.

زهراء: لا رضيت.

عمر: بس مامبينه راضيه اريد اشوف ابتسامتج اي هيج هسه شنو تطلبين يصير يمج.

زهراء: طلبنا اكل اكلنا كملنا رجعنا للبيت رحت سبحت لان جانت الدنيا تكتل حر لبست تراك صيفي لون بنفسجي مشطت شعري ونمت كعدت العصر حيل لكيت رنا ورشا يرتبن غراضهن شافتني رنا واجت تقربت يمي.

رنا: بعدج زعلانه من عندي والله مو قصدي.

زهراء: عادي مو مشكله.

رنا: وتصالحتوا انتي وعمر.

زهراء: اي من الصبح.

رنا: والله مدري شكلج واني اعتبرج مثل اختي واكثر بس فلت الساني وصار الصار.

زهراء: هههه عادي حبيبتي بس متنعاد مره ثانيه.

رنا: انشالله.

زهراء: هاي شبيها رشا.

رنا: ضايع اسوارها وتدور علي وماكو.

زهراء: ها انشالله تلكا باجر ترحون.

رنا: اي باجر عمر يريد يسوي الغرفه ونرتب الغراض ونسوي البيت عدنا كوم شغل ينتظرنا.

زهراء: الله يساعدكم.........

-----------

نور: جنت متمدده واجتني رساله على الواتس من نفس الرقم ذاك اليوم راسلني......

..: كاعده.

نور: منو وياي.

..: لحد الان متعرفيني.

نور: احجي بدون الغاز.

..: شبيج اني سيف لو هم متعرفين سيف.

نور: وشجاب رقمي عندك.

سيف: اساليبي الخاصه وجبته.

نور: شعندك تراسلني وشنو قصدك بجملتك الاخيره من نزلنا.

سيف: معقوله ما فهمتيها.

نور: فهمها اليه اذا تكدر.

سيف: يعني ما بقى شيء وتصيرين مرتي.

نور: نعم شنو انته تحجي.

سيف: شبيج نور ممستوعبه كلتلج راح تصيرين مرتي عن قريب.

نور: سيف اني رايحه باي.

سيف: تعاي وين رايحه.

نور: ممصدكه الحجي الصار قبل شويه احس نفسي بحلم كرصت نفسي علمود اتاكد شفت الرسايل مره ثانيه واني فرحانه لان صدك سيف حبيته من كل كلبي مو بس حبيته لا عشقته هم.....

----------

الى هنا ينتهي البارت......
في امان الله......