رواية بين أسوار الشيخ الفصل الحادي والعشرون 21 - بقلم Esraa hussein

#بقلم esraa1289
#بين اسوار الشيخ

——————————

نور: بعد ما وصلت للبيت جنت كلش تعبانه نمت كعدت العصر نزلت جوه البيت هدوء رحت لغرفه رزان لكيتها تلعب بموبايلها.

رزان: ها خبله شبيج.

نور: لعد وين راحوا.

رزان: نايمين كلهم.

نور: ها تغديتي.

رزان: اي وغداج بالمكرويف.

نور: اي.

رزان: ومساع زهراء خابرتني وتكول تحضرن لان تريد تروح للصالون ومناك نحضر ملابس للدوام.

نور: اي ماشي راح اروح لبويه اخذ منه فلوس.

رزان: ماشي.

نور: رحت حميت الاكل اكلت ورحت لبويه طلبت منه فلوس اطاني رحت فوك اريد ابدل محتاره شلبس بعدين فكرت هو سيف راح ياخذنا والله الا اخبله اليوم طلعت قميص احمر قصير وبنطلون جينز وخليت مكياج قوي ولبست حجابي ونزلت.

رزان: هلا هلا عروس والله.

نور: طبعا شلوني حلوه.

رزان: تموتين والله تعالي ننتظر تجي زهراء حتى نروح.

نور: ماشي.........
اجت زهراء صعدت بالسياره سلمت جان سيف الي يسوق رفع راسه بقا مصدوم.

سيف: ماكو افضح من هذا البس.

نور: وياي تحجي.

سيف: لا ويا الحايط الي بصفج.

نور: اي اكو افضح.

سيف: امشي البسي شيء مستور فوك هذا.

نور: ما البس يالله امشي لا نتاخر.

سيف: مااروح ألا تلبسين فوك هذا.

زهراء: على كيفك سيف ولبسها ما بي شيء حلو.

سيف: هو شنو الحلو مفصل جسمها تفصل شنو افتر بيها روحي البسي وتعالي حتى نروح.

نور: هاك ارتاحيت حتى روحه ما اريد اروح بعد.

سيف: بعد احسن.

نور: نزلت وهو شغل السياره وراح دموعي صارت بطرف عيني صعدت لغرفتي بقيت ابجي بس كلت ما يفيد البجي رحت بدلت ومسحت مكياجي ونزلت للحديقه كعدت على المرجوحه اقرا كتاب...........

—————————

زهراء: بعد ما اكلت رحت غسلت ونمت كعدت على صوت موبايلي شفت رقم رفعته....

زهراء: الو منو وياي.

...: (لا رد)

زهراء: الو الو...
سديت الموبايل لان اضوج من هيج اشخاص دك مره ثانيه ما رفعته بقا يدك اكثر من خمس مكالمات رفعته..
نعم شتريد.

عمر: ليش هيج عصبيه وليش مترفعين الموبايل.

زهراء: عمر.

عمر: اي عمر جنتي نايمه.

زهراء: اي جنت نايمه.

عمر: اي شبعي نوم من تجين يمي ما اخليج تنامين.

زهراء: منين جبت رقمي.

عمر: مو صعبه عليه اي كليلي شلونج.

زهراء: زينه.

عمر: اكلتي سيف جابلج اكل.

زهراء: اي جابه واكلت.

عمر: شبيج تحجين على كد السوال احجي شيء.

زهراء: اليوم اريد اروح للسوك لان عندي نواقص.

عمر: بس وياج سيف ولبس طويل لو لا دزيلي صوره لبسج.

زهراء: اي ماشي لعد اروح اگول لسيف.

عمر: ماشي يالله مع السلامة.

زهراء: الله وياك...
رحت لسيف كلتله وافق لان اليوم عنده استراحه من باجر يبدي الشغل مالته رحت للغرفه بدلت وصورت صوره ضفت عمر الواتساب دزيتله الصوره ما قبل على البس اكثر من مره يله وافق على لبس جنت لابسه فستان عريض نيلي وبي نقش ورد وشال ويا نزلت رحنا نور ورزان اخذنا بس رزان بالبدايه رحت على الصالون حفيت وجهي وسويت تنظيف لبشرتي واضافري خابربت سيف اجانا بقينا نفتر اشتريت هواي رجعت للبيت ميته تعب........

————————

رنا: والله ملل ما عندي واحد اتعارك ويا.

رشا: اكيد لان قبل جنتي تتعاركين ويا علي.

رنا: هسه شجابه راح اروح لبنين اشوفها.

رشا: روحي كولي لعمر يالله ترحين.

رنا: اصلا اريد اروحله.
رحت لعمر كلتله هو وصلني دخلت لكيت خاله ام رعد وبنين ورعد كاعدين.
هلاو شلونكم.

ام رعد: هلوات شلونج.

رنا: الحمدلله شكو ماكو.

بنين: ماكو شيء بس زينه واخوها انحكموا بالعدام وعكب باجر الكعده وياهم.

رنا: ادري الكعده عكب باجر بس ما ادري زينه واخوها انحكموا بالعدام.

بنين: ما كلتي شكو جايه.

رنا: مليت من البيت واجيت شبيك رعد صافن.

رعد: لا مبيه شيء.

رنا: هسه خاله شتحسين.

ام رعد: احس الندم واصل لشعر راسي.

رنا: يالله خاله الحمدلله الله يحبج وما ورطج بيها.

ام رعد: الحمدلله امج ما جاي تبين.

رنا: امي تروح لبيبي تساعدها.

ام رعد: اني هم اريد اروحلها.

رنا: لعد اني راح اروح.

ام رعد: بعد وكت وين.

رنا: ميخالف اني اجيت اشوفكم يالله مع السلامه.

——————————

زهراء: بديت هاي الاسبوعين احضر اني ورزان ملابس للدوام نور ما قبلت تجي كام علي يوديها وبموافقه عمر يحدد الملابس كلش مليت من تصرفه وعلي بديت احجي ويا وهو هم يگول اعتبرح مثل اختي فصار عادي عندي مره جنت كاعده ويا ولد عمي واشاقه وياهم والصراحه اني نسيت عمر مانعني اتجمع وياهم جنت لابسه تراك طويل وشويه طالع شعري من الشال وكاعده يم علي اضحك ويا باوعتله ما احس الا عمر ويا بابا والشرار يتطار من عيونه كاموا يسلمون علي واني وكفت بس بقيت بمكاني كعد شويه وياهم بعدين راحوا وهو صاحني رحت فتحت باب الاستقبال دخلت وهو دخل وسد الباب....

عمر: شنو تصرفج هذا مو اني مانعج منهم وخاصه هذا الكلب....(بعصبيه)

زهراء: (لا رد).

عمر: شبيج انخرستي ما تحجين.

زهراء: (لا رد).
ما احس ألا راشدي على خدي وهو جان لابس محبس وجرحني بخدي صارت دموعي تنزل هو كعد ويمسح بوجه ويستغفر ردت اطلع جرني وكعدني.......

عمر: عرسنا بعد اسبوعين.

زهراء: ومنو گال راح ازوجك.

عمر: نعم ماسمعت.

زهراء: مثل ما سمعت.

عمر: امشي بدلي نروح للمحكمه قبل لا يأذن الظهر.

زهراء: ما اروح.

عمر: زهراء كافي وكومي لان ما الي خلك والبسي شيء بي خير.

زهراء: عفته وصعدت شكد يحب يستفز بدلت ولبست فستان طويل وخليت مكياج حتى اخفي الاثر نزلت شفته يحجي ويا ماما وبابا بالصاله طلعنا صعدت بصفه ودايره وجهي عنه وصلنا للمحكمه كملنا كلشي بسرعه لان عنده معارف هواي بالطريق واني دايره وجهي على الجامه...

عمر: تردين نتغده بمطعم.

زهراء: (لا رد).

عمر: ترا السكوت علامه الرضا.

زهراء: لا ما اريد اتغده لان تعبت.

عمر: براحتج.

زهراء: مساع ترزل وهسه تسوي نفسك حنين(بيني وبين نفسي).

عمر: اسف لان ضربتج ما جان قصدي وانتي عصبتيني هم.

زهراء: بعدنا ما متزوجين هيج ورا الزواج الله يستر.
وصلنا للبيت ونزلت سديت الباب بقوه ودخلت......

—————————

رزان: من رجعت للبيت رعد كام يراسلني لان رقمي عند بنين يمكن اطته اله يراسلني بس سلام بعدين لا يحجي عن يومه واليوم جنت نايمه دك موبايلي رفعته بدون ما اشوف الاسم....

رزان: الو منو وياي.

رعد: بعدج نايمه.

رزان: رعد.

رعد: يا عيون رعد.

رزان: رعد انته شنو تحجي.

رعد: شنو احجي مثل كل مره جنج مستغربه.

رزان: اي ليش دك من وكت.

رعد: اريد احجي شيء وياج لان بعد ما اتحمل اكثر من هيج.

رزان: اي شنو هل الشيء.

رعد: هو هو اني احبج.

رزان: ها.

رعد: وعلا شبيج انصدمتي اكلج اني احبج.

رزان: سديت الموبايل منه وبقيت كاعده احس نفسي فرحانه كلش ما اعرف شنو من شعور بعدين دك.....

—————————

زهراء: دخلت لبيت وماما اجت تباركلي وبابا هم سلمت عليهم وصعدت لغرفتي بدلت لبست دشداشه قصيره لونها احمر وكمت ابجي اجت ماما دكت الباب مسحت دموعي بسرعه وصاحتني على الغدا ما ردت حاولت ويايه ما قبلت هي نزلت جوه بقيت بغرفتي ردت انام دك واحد الباب غطيت راسي.....

عمر: كومي زهرتي عندي حجي وياج.

زهراء: ما اريد واريد انام عوفني عمر عوفني نزلني يالله نزلني.

عمر: اريد احجي وياج وجبت الج الغدا حتى تاكلين.

زهراء: اني ما جوعانه وما اريد اكل.

عمر: مو بكيفج وتعالي هاج اكلي.

زهراء: ما اريد ولا اريد اكل.

عمر: زهراء لا تعاندين واكلي.

زهراء: ما مااريد داكولك.

عمر: ترا اوكلج بطريقتي.

زهراء: اي عادي.......
خفت تقدم اني كمت واني ارجع وهو يتقدم وصلت للحايط وهو حضني بقا يمرر ايده على وجهي.

عمر: مو قصدي اضربج هي صارت وكت عصبيه.

زهراء: اي واني اعتبره مثل اخويه وهو اجا وگال اني بعد اعتبرج مثل اختي وصارت علاقتي ويا اخويه.

عمر: بس مو اني مانعج تتجمعين وياهم.

زهراء: اي ادري.

عمر: ومو تدرين اني اذوب على الاحمر وانتي هسه لابسته.

زهراء: ما ادري بيك تحبه.
وخر عني طلع من جيبه صندوق وهو بوكتها جان لابس بنطلون وتشيرت ضاب على عضلاته بحيث طالع يخبل فتح العلبه ولبسني الكلاده جانت على شكل فراشه كلش حلوه وهمس بإذني ...........

عمر: هاي هديه الج اشتريتها الج بيوم اشترينا الذهب عجبتج.

زهراء: هزيت براسي.
دنك وباسني بركبتي بقيت مصدومه وبعدين وخر وباسني بشفتي بس بهدوء وخله كصته على كصتي .........

عمر: هسه راضيه على الضربه.

زهراء: اي.

عمر: يالله هسه تعالي نتغده لان من وراج ما تغديت.

زهراء: اي.

————————

نور: جنت كاعده بالحديقه والباب اندك فتحته وكفت ورا الباب دخل سيف.

نور: نعم شكو جاي.

سيف: اجت اسلم على اهلج لان باجر ارجع موجودين.

نور: اي موجودين ادخل.
فتحتله باب الاستقبال دخل واني صحت بابا واخويه واني رجعت للحديقه سلم عليهم وطلع شافني درت وجهي عنه هو طلع ودعه بابا وراح اني حسيت بالندم شويه بس تكابرت........

—————————

رزان: بعد ما سديت المكالمه من رعد رحت بدلت ونزلت فرحانه تريكت..

نور: شو تضحكين ويا روحج.

رزان: لا ماكو شيء شبيج مبينه ضايجه وحتى من البارحه شكو.

نور: لا ماكو شيء.

رزان: متاكده احجي اعتبريني مثل اختج صديقتج.

نور: بعدين احجي وياج.

رزان: تريكت ورحت لنور وبقت تحجي وياي شنو صاير وياها بالايام الفاتت وشنو سيف حاجي وياها.

نور: ها هسه منو الغلطان.

رزان: اثنينكم هو غلطان لان حجه هيج لازم يتاكد بالاول وانتي هم ما يصير تتصرفين هيج اكول لزهراء تتصرف.

نور: لا دير بالج هاهيه انتهت العلاقه خل هو يشوف دربه واني دربي لا اريده ولا يريدني.....

———————

الى هنا ينتهي البارت......
في امان الله....