رواية بين أسوار الشيخ الفصل الخامس عشر 15 - بقلم Esraa hussein

#بقلم esraa1289
#بين اسوار الشيخ

—————————

زهراء: خير شرايد.

عمر: احجي عدل بس ردت هديتج مال باجر راح توصلج اليوم واقري بالورقه شنو مكتوب.

زهراء: منو گلك اريد هديه منك.

عمر: زهراء لحد الان ما مشوفج  وجهي الثاني امشي عدل احسلج محتاجه شيء لباجر.

زهراء: لا ممحتاجه شيء اكدر اروح.

عمر: روحي ولا تطلعين بعد ابقي بس بالبيت ولا توصلين للمطبخ.

زهراء: اكو اوامر ثانيه.

عمر: لا ماكو روحي دخلي جوه.

زهراء: دخلت جوه بدلت لبس بيت ورحت جوه
بالصاله محد موجود كعدت يم خالتي وامي....

ام عمر: ها يمه مستعده لباجر.

زهراء: اي انشالله.

ام عمر: والله يا خاله فرحانه بحيث اريد اطير لان عمر راح يتزوج وياهيه زوجته وحده اول ما شفتها حبيتها وتمنيتها تكون جنتي.

ام زهراء: تسلمين والله كلامج كله ذهب.

ام عمر: كومي خاله روحي يم البنات بالمطبخ يجهزن لباجر.

زهراء: ماشي رحت للمطبخ مع ذلك عمر محذرني شفتهن يخطط شنو يسون لباجر هلوو صبايا.

رنا: هلوات تعالي كعدي.

زهراء: شسون وليش تحجن بصوت ناصي.

رشا: عدنا مفاجأه الج ولعمر.

زهراء: والله وشنو هل المفاجأة.

نور: منكول باجر تعرفين شنو هيه.

رنا: اي منكول.

زهراء: اي على اساس شلون مفاجأه مثل اخوجن.

رشا: ليش اخويه محضرلج مفاجأه.

زهراء: لا مو مفاجأه گال هديه.

نور: هه صاير رومانسي الاستاذ.

رزان: ومگال شنو الهديه.

زهراء: لا مگال.
بهل الاثناء دخل مرتضى بيده صندوق جبير ومغلف گال..

مرتضى: وين الانسه زهراء.

زهراء: ها.

مرتضى: هاي من الاستاذ عمر خصيصا الج.

رنا: شنو بيها.

مرتضى: شمدريني هو گال روح جيبها هاج اخذيها خل اروح.

زهراء: بعد ما اخذتها ومرتضى راح البنات خبصني.
ما ماافتحها خل اروح احسن.

رنا: زهراء فدوه فتحيها خل انشوف شنو بيها.

زهراء: ما ما مااريد....
رحت للصاله والبنات ورايه...

ام عمر: شكو شبيجن.

رشا: ماما عمر جايب هديه لزهراء وهي ماتقبل تفتحها كليلها خل نشوفها.

ام عمر: خلنها شعليجن منها هديتها متريد تفتحها معليجن روحي يمه لغرفتج.

زهراء: رحت للغرفه والبنات ورايه...
شوفن ابقن هنا اذا بيها لبس البسه واطلعجن واذا شيء بيها اشوفه الجن ماشي.

البنات: ماشي.

زهراء: سديت الباب وفتحت الهديه طلع بيها فستان لونه زيتوني وبي فتحه من الصدر ويصير ضيق من فوك وشويه واسع من جوه وبي تطريز كلش حلو عجبني ويا حذاء كعب لبسته ولبست الحذاء وفتحت شعري صار كلش كلش حلو وعجبني فتحت الباب البنات واكفات..

رشا: واوو يجننن.

نور: يخبل شنو من ذوق على عمر يجنن.

رزان: لا هي حلوه والفستان حلو صاير منظر خرافي.

زهراء: ههه مو لهل درجه.

رنا: لا والله يجنن.

زهراء: بقيت احجي ويا البنات وشفت عمر يصعد لان الغرفه تطل على الدرج..
تعالن خل ندخل بسرعه.

رشا: ليش.

زهراء: معليج دخلنا وسديت الباب وبقيت ورا الباب.

رنا: شبيج زهراء اكو شيء.

زهراء: اي عمر شفته يصعد من الدرج.

رنا: ها هنا الموضوع.

نور: شنو ما تريدين يشوفج اول وتالي باجر يشوفج.

رزان: اي صح.

زهراء: انجبن والله راح اكتلجن.

رنا: شوي زهراء خل اطلع الجدر على النار.

زهراء: يالله بس انتي...
رنا طلعت وكامت تصيح على عمر.

رنا: عمر تعال شوف بسرعه تعال.

عمر: خير شبيج تصيحين.

رنا: تعال عوف غرفتك وتعال.

زهراء: والله احس روحي راح ابجي قفلت الباب والبنات كاعدات يضحكن.
والله تصير بيجن هيج خاصه رنا.

————————

رنا: بس ردتج اشوفك زهراء لابسه الفستان انته الجبته طالعه عسل.

عمر: حلو الفستان.

رنا: قصدك زهراء حلوه بدت الرومانسيه.

عمر: انجبي واحجي يالله.

رنا: اي حلوه كلش لا تخاف باجر تشوفها بس حرامات لو هسه شايفها بس سدت الباب.

عمر: المهم اني رايح ابدل علمود اجيب الذهب.

رنا: خل اروح وياك.

عمر: لا اكيد.

رنا: فدوه حبيبي اخويه انته خل اروح امانه.

عمر: كلت لا يعني لا.

رنا: زهراء تروح وياك.

عمر: اي اكيد كليلها خل تجهز روحها.

رنا: ماشي.

———————

زهراء: بدلت على السريع وضميت الفستان والحذاء وفتحت قفل الباب كعدت يم البنات دخلت رنا كمت ردت اضربها هيه شردت ومن بعيد گالت جهزي نفسج راح ياخذج عمر تجيبون ذهب يالله بسرعه بالبدايه مردت اروح بس نور قنعتني لبست فستان طويل وشال اجت خاله گالت يالله يمه عمر منتظر جوه خل نروح نزلت كعدت خاله بالصدر واني وامي ليورا ثبت المرايه عليه وكل شويه يباوع عليه وصلنا لمحل ذهب كلش حلو وجبير سلم على الرجال اعتقد صديقه بدا يطلعنا موديلات اختريت شيء كلش بسيط بعدين طلعنا حلقات عجبني اثنين بسيطات وناعمات.

عمر: عجبنج اثنيناتهن.

زهراء: اي حلوات اثنيهن وناعمات.

عمر: اخذيهن اثنينهن.

زهراء: اثنين.

عمر: اي عادي تردين بعد.

زهراء: لا هاهيه.

عمر: ماشي اني راح احاسب واجي انتظروني.

ام عمر: ماشي يمه.

زهراء: رجعنا للبيت بدلت وسوينا عشا تعشيت وكعدنا اني والبنات بالغرفه نسولف على باجر بعدين
نمنا بقيت افكر شراح يصير بمصيري باجر شلون راح تصير حياتي ماادري بنفسي ونمت

———————

عمر: بعد ما جبت زهراء من الصالون رحت سويت كم شغله بعدين رجعت للبيت بدلت واخذت زهراء لصايغ اشترينا ذهب رحت احاسب شفت كلاده كلش ناعمه وتكون المداليه مالتها على شكل فراشه عجبتني اشتريها الها بعد ما رجعنا نزلن هنا للبيت واني رحت اشوف أبويه شيسوي.

عمر: ها يابه شنو صار.

ابو عمر: يابه كلشي كمل القهوجي وصيته يجي باجر وگال انشالله والطباخ تفقت ويا على كلشي وشنو يسوي.

عمر: بويه عقد وهيج يصير لعد اذا عرس شلون يصير لعد.

ابو عمر: طبعا هذا مو اي عرس هذا عرس الغالي.

عمر: يالله بويه اني رايح.

ابو عمر: الله وياك يابه.

عمر: بعد ما طلعت من ابويه رحت للبيت لان بعد ما عندي شيء وتعبت اليوم كلش رحت بدلت وصليت وتعشيت رحت يم جماعتي رجعت للبيت لان باجر من وكت لازم اكعد صعدت الغرفه نمت.....

————————

زهراء: كعدت على صوت وهوسه بس اني ورزان نايمات رحت غسلت وسبحت بدلت ونزلت جوه هواي خطار موجود سلمت ورحت ويا رشا اتريك.

رقيه: هلا بالعروس.

زهراء: هلا بيج.

رقيه: شعجب نايمه للظهاري.

رنا: انتي شعليج واذا تنام للظهاري عادي مو صح مرت الشيخ.

زهراء: اي صح كلامج واني مانايمه للظهاري هيه بالتسعه.

رنا: اي صحيح بعدها صبحيه.

رقيه: هسه احنا شحجينا سويتن قصه.

رنا: علمود بعدين ما تحجين شيء مايخصج تعالي زهراء نتريك حتى نروح للصالون.

زهراء: ماشي..
تريكنا ورحت حضرت كلشي علمود ناخذه وراح نروح اني ورشا ورنا ونور ورزان طلعنا طلعنا من الباب الورا.

عمر: شطلعت الكل راح يروح هيه العروس وياها وحده.

رنا: شبيك عموري عادي.

عمر: مو اني اخوج الصغير امشن.

رقيه: اني هم اريد اروح للصالون.

البنات: لا ما ترحين.

عمر: شبيجن.

زهراء: عمر يعني وين عوفها هو المكان كوه يكفي.

رنا: اي صحيح كلامها وشوف فساتينا وين نعوفها.

عمر: مثل ما سمعتي ماكو مكان.

رقيه: عادي اكعد بالصدر.

زهراء: لا مكاني هذا ما تاخذي.

رشا: حبيبتي بالاصح ما نريدج الا هيج روحي طبي يم النسوان اشتغلي خل نروح مابقا وكت.

عمر: رشا احجي عدل ومثل ما سمعتي ماكو روحه يالله طبي جوه

زهراء: ...........

————————

لهنا ينتهي البارت....
مع السلامه.........