رواية بين رجُليـن الفصل العاشر 10 - بقلم Zainab Halim |🪐

كان يجمع خصلات شعرها المتساقطة
ويستخدمها فواصل للكتب،حيث يقول :
"كُل ما هو منكِ يجب ألّا يُهدر."

#أنـس:

__________________•

ضطريت احجي كُلشي لمُخلد وكتلة انـي بشارع بس! ما كتله على صار وياية وطردت عمي جاسم إلي هو ومرتة! استحيت اكـول هيچ...
فـ هوَ گلي مسافة الطريق وانـي يمـك ... راح يجي ياخذني ! بَس إني شسوي يعني بصراحة مدأ أعرف شنو اسـوي وشراح إكول إلة! وومراح أعرف أتصرف! بـس اكيد اكو حل .... الله كريم هسة .... مـرةً شيء...
نص ساعة لو اكو وانـي منتظرة يجي مخُلد الخبل بس ماكو...
والمطر توقف تماماً والجـٌوْ بدأ يبرد هواية ... والناس ماكو قليلة كُلش بالشارع.... ابتسمت بطرف شفتي وانـي عيوني تمشي على شارع...
بسرعة تحـُول نوتيلا اقصد....! طين ... غير دولة هسة چان صار يجننن ...
بـَس حظنا المَا الكعد وي دول ألعالم... تنهدت وانـي افرك جسمي بقوة... كُلش بردت والله! وين ياا....!! عابتلك مخُلد عابت!! وأخيرًا شفتها لسيارة علي! هذاً مو مخلد ! من سايـج الثاني.. أنتبه علية وأشرلي... بيدة وكفت على طولي وانـي اشوفه يفر سيارة ويجي يمي.... وگفت سيارتة ونـزل منها هـوَ ... عقد حاجبة وعيونة تباوع على كـل جسمي وجهي....

علي .. هاي شنو شصاير بيك! وليش وجهك هيچ ؟

تنهدت وانـي أحبس دمعتي " مابية شي علي بسَ شوية عركة بسيطة وي عمي ومرتة" جذبت ! رفع حاجبة بشـك وهو يقترب مني لزمة لفگي بيدة الباردة ودأر وجهي " باع جذب ! لـو تريد تجذب ! جذب عدل وهاي سؤالف عركة كلش چبيرة.. احجيلي صار وياك ولا تظم علية!" وخـرت وايدة منِ فگي وانـي ارد" صدكني ماكو شي بس عركة !" قاطعني بغضب.." بطل سوالفك هاي ولا تجذب عليناً ابداً تـرة مُو حلوة بحقك ...بعدين احنا اخوة لو نسيت أستاذ انس! اليمسّك يمسني ويمَس مخلد وفاروق ومحمد ! فـ كول شصار وياك لا احلف بالكعبة هسة أروح لبيت عمك واني إسالة! يلا احجي"

هذا مراح يفگ مني ياخة إذآ ما حجيت اعرف علي عنيد وراسة يابس!
سحبت أنفاسي وأني احجيلة كُلشي الصار بية... مـِن البداية لحد النهاية ...
بس ما كتله على الأهانة وسوالف عمي المكسرة ويايه... بس طردني وكم شغلة تعبانة صارت وياية... تنهدت واني اكمل" وهذا كُل الصار علي.. بس رجاءً لا تكول لمخُلد على ضرب لان اعرف خبل ومراح يمّر اليوم على سلام إذًا كتلة... علي بيناتنا سالفة ضرب مو؟"

رفع حاجبة بغضب" أنت بنيه لو ولد انس! يعني شلون تقبل يمَّد ايدة علية لك لو منك! أرجعه لبطن أمة! بس اخ!!!" ابتسمت وآني أشوف احد مقهور علية.... اقلها عندي ناس تهتم بية.. " أصعد بسيارة روح واكـو قاط جوة مالتي اخذة سترة مالتي وألبسها واني هسة اجي" عقدت حاجبي وإني إسالة
" وين رايح علي؟"

علي.. هسة اجـي دقايق ...  انتظر بالسيارة..

هزيت رأسي وانـي اشوفه يعبر الشارع الثاني ، تنهدت واني اصعد بسيارة ... اوف واخيراً دفـو.. درت وجهي واني اشوف القاط مالتة... ما البسها يآبه اخاف يضحك علية...! لا ما يضحك باردة! اكيد ما يركز بشكلي... نزعت سترتي المبللة ونزلتها لسترتة ولبستها بسرعه... نزلت مرآية على وجهي وانـي اشوف شكلي! شهكت بدهشة والجروح بطرف شفتي وعلىٰ خـدي وحاجبي! الله يكسر ايدك ! عدلت شعري ورفعته ليفوگ ... أنتبهت اجـة ركض وبيده علاكة صغيرة بيضة... صعد وقفل الباب،،. وطلع جايب علاج ولاصقة جروح من صيدلية.. اجة يخليهم الي.. بس رفضت وانـي وخليتهم وحـدة على خدي وثانيه على حاجبي.... شغل سيارة وانطلق... تنهدت وعيوني علىٰ طـريق لوين رايحة وشلون راح... اعيش واكمل حياتي .. بشخصية ولـد... انتبهت على علي واني اشوفه يسوق... ياترى لو عرفوا اني بنية شراح يسوون! واني جذبت عليهم... 
رن فونة وطلع مخُلد يسال ليش تأخرتوا. كلة جايين.... وقفلة ليش مااجه هو! وكانوا قرإ أفكاري جاوب علي....

علي .. اجة يجي ياخذك بس اني ماخليتة جرحه بعد ماطاب  ويريد يطلع بالمطر مو زين علية... بالكـوة ربطتة ههههههههه

لحظة! كال جرحه! شقصده!" شقصدك بجرحة بعدة ما طاب؟ ليش شبي مخُلد؟" سالته ، انتبه علية ورجع عيونة على الطريق" سوالف مخُلد العار! تخلص لا والعباس مَا تخلص! تعارك من أسبوع بالملهئ وية واحد سكـران وطلع النعال ذآك بجيبه سجين وضربة من ورآ بس ربك ستر والجرح مو عميق"

عـزا بعيني! " زين هسه شلونة؟" سالته بقلق ...
زفر انفاسة وجاوب بهدوءُ" الحمدلله صحتة زينة والجرح كتلك مو عميق، بس ما يصير يطلع والجـٌو هيج بارد تلتهب، لا تخاف علية مابي شيء...
لسانة مثل السم بعدة يغلط ويفشر مخُلد مثل الجبل ما تهزة ضربة نملة" غمزلي بأخر كلامة...

واني اكول مختفي ومايسال علية! عضيت شفتي بقهر لعد اني شكد چلبة! ولا مرة سالت علية ولا كتله شلونك طول هذا الأسبوع وهو خطية مريض! طلعني من شردوي علي طفى السيارة " انزل وصلنا!"
نزلت واني امشي ورا علي وصلنا المصعد وصعدنا ... ماعرف ليش كلبي صار يخفق بسرعة ... وداحـسّ بعصر بنص روحي! شبيه! يمكن خايفه على مخُلد .. وصلنا لباب شقة ودكـ الباب علي لشوية وفـتح الباب مخلد...
عيونة الحادة بدأت تمشي على جسمي وشكلي ، بنظرات ثاقبة ...
كانوا يطمئن علية عيونة داخل عيوني بنظرات ماعرفت أفسرها...
" انس انتَ بخير؟" سألني بخشونة ..

هزيت راسي بـ اي واني ارد" مابية شي مخُلد بس انت طمني عليك؟"
سحبني من أيدي ودخلني جـوة كعدني على القنفة السودة.. وهـو كعد كبالي... تماماً قريب لدرجة عطرة مّلة خشمي ... انتبهت لـ علي نزع سترتة واجة كعد بصفي على القنفة ثانية... وهذآ الطركاعه عيونة علية وتحديداً على جروح... إشـر لـ علي على وجهي" ذني شنو علي! منو سوألة هيج!"
سألة بجمود

هزيت راسي لـ علي بـ لا يكول ! تنهد علي ليرد" لا تغمزلي انس خليني احجي! " انتبة علية مخُلد ورفع حاجبة " إنوب علية الكوريين ! احجي علي لا تعرف شسوي؟" وعلي ماقصر حجة كُلشي إلة وشلون حتى ضربني وشوية زأد بالأحداث من خيالة الواسع! وانـي صافنة وفاتحه حلگي! على جذبة ومخُلد يفشر ويغلط وية كُل شي يسمعة ! لا ياربي ابتليت بأخبال!

علي براحة.. الحمدلله ماخليت شيء ما كلته... حتى ما تگـول مخُلد ...علي يظُم علية شي! وإذاً واكـو شي بعد اذكـرة واكولة الك...

لا ياادبسزز!! خزرتة بحـدة ! ابتسم بنصر الي! بسيطة علي! كام مخُلد على طولة وهٰـو يسبّ " لا يعار لا يا حيوان! لا يامطي! لا ياجلب! لايا قندرة بسيطة انـي راح اشوفه شراح اسوي الا أسحل بي المنطقة واخلي عبرة لرايح وجاي!" اخذة سترتة وسويجة على المنضدة! وعيونة شرار! كمت بسرعه من مكاني واني اركض ورآ " مخلد! اوكف! عليك الله!"
رد بغضب " لا تخليني اكفر!! وخـر ولا تصيح وراية!"

وكفت كباله كدام باب شقة واني الزمة صدرة احاول ارجعه للورأ " احلفك بالله مخُلد لا تروح ! حباب عليك الله! اتـركة اني سلمتة بيد الله هو ياخذ حقي منهم ! بس اني ماريد مشاكل!" قاطعني وهـو يعصر أيدي الـ على صدرة " انَت صدُك تحجي! ضاربك ومشوة وجهك وطاردك برة وتريد مني اسكت!"
هزيت راسي بـ اي" إذاً انـي ساكت انتَ لأزم تسكت مخُلد يعني اني،... داكولك اني ماريد مشاكل !" عـاط بيه بجنون...

مخُلد بغضب.. لك تتخسئ اكعـد واسكت مثل النسوان ! وحقك إذاً سكتت عنة اني مراح اسكت وإذاً انت متحب المشاكل فـ اني اطرب عليهن .... وخرة من طريقي !" دفعني بخفة وفتح الباب ، اجـة علي وحاول يجرة بس هيهات !
طلعنا برإ الشقة وهـو يصيح وعصبي ويكفر ويغلط! بصعوبة كدرنا واني علي نرجعه لشقه ونقفل الباب! وهـو يفتر علينًا بعصبية ويسب بـ علي وعمي! ياربي خبل هذا الولد ولسانة متبري منة.......!

لشوية يلة كدر يهدأ بعد الف جكارة دخنها! وكعد وخلصنا من لسانة... إنوب علي بس يضحك وهو كل شؤية ويركعه بوكس لو يفشر علية... رأح علي يجيب غدة ويجي وانـي وياة كعدنه بصالة ... عافني ودخل لغرفتة شوي وطلع منها.. انطاني ملابس بدي أبيض وبجامة... اخذتهم واني اسمعه يكول.." البس ذني مالتي. ولو راح تغرك بيهم بس شسوي احسن ما تمرض" عقدت حاجبي " شقصدك استاذ مخُلد؟ بكلامك"

ضحك وهـو يدخن" دشوف نفسك انعم من الف بنية ، جسمك ناعم "

تحمحت بخجل وانـي ماعندي شي ارد علية بي! رحت للغرفة وإني اسمع ضحكتة! الادبسزز! صوت اجاني من الصالة" لا انـوب يخجل كملت !"
صرخت بِي" خالتك الاتخجل فاهم!!!! مخُلد الخبل!!" ضحك بصوت عالي ... وانـي قفلتة لباب غرفتة واسمعه يضحك! لا ادبسزز يحشش علية!
نزعت ملابسي كُلهم ولبست بسرعه فانيلتة البيضة العريضة جداً كُلش جدا. ،،.! عطرة بيها! ابتسمت وأني البس بجامتة الرصاصية ... اباوع على نفسي بالمراية هاي شنو! تذبهلت بملابس ! گفيت البجامة ورفعتها شوي لبطني... وعدلت شعري... واخذت ملابسي القديمة وطلعت... أنتبهت على مخُلد واكف كبال شباك ويدخن! شكد يدخن هذاً!

" مو زين عليك تدخين بكثرة! مخُلد وانت مريض" انتبة علية وجكارتة بين شفايفة وخـرها بيدة وهـو يقترب مني ليهمس بخشونة " والله خبلتني!"
رجعت للورأ بخوف' شنو عرف اني بنيه!" شـ شقصدك؟" رد وهـو يكمل مشيتة تجاهي" أحاول ماجرح مشاعرك بـس شكلك مال بنات! و!"
بلعت ريقي بتوتر وعيونة السودة داخل عيوني" وشفايفك وعيونك وملامحك ما تنطي شبة! للولد بشي " رجعت للورأ وانـي احسّ بعيونة تخترق عيوني.... " اني! اقصد!" قاطعني الباب انـدگ ! الحمدلله وشكر ياربي الحمدلله! اجيت اجفص هز راسة بهدوء وراح فتح الباب! ركضت على مطبخ الصغير وضميت ملابسي بعلاكة وانـي اسمع صوت غريب علية! مو صوت علي! خليتهم على صفحة وطلعت....

" مخُلد منو اجـة؟" سالتة وانـي اطلع لصالة بـسَ عقدت حاجبي واني اشوف رجال مو كُلش جبير بالعمر ! شكلة وسط لابس قاط بنِيُ وشكلة مرتب وينطي شبة هواي لمخُلد! بس لحظة هذاً وين شايفته اني!!

مخُلد برود... انـس هذاً ابوي...

فتحت عيوني بصدمة واني اباوع علية! هذا وزيـر***! اعرفة زين شايفته على تلفزيون كـم مرة... وكفت عـدل سلمت علية بأدب " مرحباً سيدي " ...
هـز راسة بخفة ورد بأختصار " اهـلاً بيك.. دار وجهه على مخُلد.. وانت شبيك متعارك ومضروب! انـت متوب مـِن هاي سؤالفك المكسرة!"
عـض شفتة يحاول يسطرة على غضبة اعرف الحركة هاي مالتة ... بلعت ريقي واني اتـركهم وحدهم يحجون.... دخلت للغرفتة وسديت الباب.. واني اسمع صـوتة لأبوة يحجي بعصبية " يعني  متكلي انت ليش هيچ ليش ! بعد تصير شكبرك! ويوميا عركة وطلعات مو زينة وتشرب ! واني ساكت ومتحمل وحتى دراستك عايدة كم سنة وساكت واكـول باجر عكبة يتخرج وادفع ملايين لجامعات الأهلية بـس شنو مستفاد بس اكلان تبن من حظرة جنابك لا شغل ولا عمل فوك هذا كُلة هـَمّ اسمع مضروب بسجين وهاي مو أول مرة! كافي وصلت حدها مخُلد وياك!"

رد مخُلد بجمود" لا تدفع شيء ماريد مـن فلوسك ربع دينار" قاطعة إبـوة
" لك انتَ صدك تحجي ! مخُلد اعقل بطل تفكر مثل جهال كبر عقلك!" صرخ مخُلد بجنون" اني طفل فاهم! اني طفل! بـس فگ مني ياخة ولا تدخل بية ظل بدولتك ومنصبك وكرسيك وظل بحظن مرتك! وعائلتك وانـي لا تدخل بية ! أنسى عندك ابن أسمة مخلد ! أدفنة وية امي مثل ما دفنتها دفني بصفها وانساني يابة انساني! اني هذاً حالي مراح اتغير! فاهم سيادة الوزير..!"

أمة ميتة! احتلت صدمة وجهي ! مجنت اعرف والله! بس لحظة هو مرة حلف بروحها كدامي... مجنت منتبها حتى! مخُلد يتيم الام! شنو صار وياه
حتى صار هيج واحد يشرب ويدخن ! وسوالفة مكسرة! شعندك بعد مخلد من اسرار.......! مجان لأزم اسمع اعرف بس أصواتهم عالية وشقة صغيرة وينسمع كُلشي بيها... لشوية يلا حجة ابـوة.. بس هالمرة بنبرة اهدأ من قبل.."لك ابني حَبيبي مخُلد! انـي أبوك مو عدوك! أريدك تمشي عدل وشوف دراستك ! ومستقبلك وتبطل هاي سوالفك واريدك وياية توكف ليش هيج تعذبني!"

رد مخُلد بعد فترة طويلة من سكوتة" الله كـريم " اختصر!
تنهد والدة بقهر وهـو يشوف حال ابنة مراح يتغير شيء وهذآ راسة .. مثل الحجر مراح يتغير شي! هز راسة ليكول " وجرحك شلون صار! طاب لو تحتاج ؟!" قاطعة مخُلد بجمود... " مابي شي جرح بسيط"
كـانو الكلام وياي معدومُ مسح على وجهة وهـو يكمل" الحمدلله جرح بسيط ، تـرة وصل الخبر للحجية ! حبوبتك! وكلبت دنيا عليك وكعت مريضة، انـي اكول لو تروح كم يوم للمزرعة الهاً وتبقى عدها خطية،
تسأل عليك وتريد تشوفك! شكلت...!"

مخُلد... اي هاي هيَ ،...تمام

انـس.. بقى شوية يمة ورأح سمعت باب صالة انـسد طلعت وانـي ادو على مخُلد بالشقة.. ماشفتة ! معقولة طلع وراء! مشيت واني ادور علية بالمطبخ وبالحمام بس ماكو ' حتى فتحت البلگون بس همات ماكو... " مخُلد وينك انت هنا!!" صحت علية لثواني طويلة يلا اجاني رد... من الغرفة ثانيه " تعال انـس" اجاني صوتة البارد... رحت علية وامشي بممر الشقة باب صغير! جان مفتوح على نُص! وبي ضوة قليل... فتحت بخفه " محُلد ويـنك"

" ادخل انس" فتحت الباب وفتحت  عيوني بصدمة! ياربي دخيلك شنو هاي!

غرفة صغيرة باللون الأسود وعبارة عن رفوف مشروبات بالكامل!
هذا مدمن طلع!  معبالي هيج! اعوذ بالله... انتبة علية وبيدة گلاص ديشرب... بجمود.. " شبيك تخاف؟" هـزيت راسي بـ لا واني واكفه بالباب..." اطلع دأريد احجي وياك " ضحك ورد" ادخل لا تصير فدمرة! جبان ومثل النســوان...." جـِرها لنسوان بالسانة ! هذاً شبي بس لا سكـر! احتل الخوف بكلبي واجيت اطلع بـس جرني من أيدي درت وجهي لعيونة
صايـر دم وملامحة مُظلمة همس بصوتة الرجولي" اسـف" وتركني وطلع!
بكل هدؤءُ ... مشيت ورآ وانـي اشوفة كعد بصالة .. اباوع علية يدخن ...
معبالك هذاً الإنسان الخبل الجان قبل شوي! مخُلد داخلك اسرار وخبايا وحـزن وتعاسة يجي يوم وأعرفهم.... لشوية واجه علي وياه فاروق جايب اكل انواع واشگال ... كعدنا ناكل بس مخُلد ما خلة لقمة بحلكة ومبين ضايج... من سالفة ابو... همة تغدو وراحوا وعلي كال بالليل نجيكم ...

الحادية عشر ... ليلاً (بغداد)

كاعدة وحدي بغرفته لمخُلد من العصر مكدرت اطلع وانـي احس مكاني هنا غلط.. حتى لـو اعرف مخُلد بس مصارلي هواي وياه! واني أخاف الدنيا مو إمان! وهـو يشرب وعندة سوالف! لأزم طلع منا! لأزم اروح منا.... والسبب الاهم من هذاً اخاف يعرف بنية ويكشفني اروح بيها ونبي!... مخُلد خبل وإذاً عرف انـي جذبت علية أعتقد ماخلص منه....! لأزم اسوي شي واطلع جنسيه جديده الي واكمل حياتي وأرجع لطبيعتي بنية! وحتى دراستي اكملها.... لازم اتحمل اليوم واروح باجر الصبح لبيت أم طارق راح تساعدني هي وعمو ابو طارق.... هذاً احسن حـل ... تنهدت وأني اكوم من فراشي واسمع صوتة لـ علي اجة اعتقد ويـاة مخُلد! لان طلع قبل ساعة... ركضت فتحت الباب... وفعلاً علي ومخُلد! وفاروق ومحمد شكو!

" شكو "؟ سالتهم وانـي اباوع بيدهم دبات مثل البانزين! واقترب مني مخُلد وجرني ورا... وهمه ورانا! ساكتين وكلهم لابسين اسـود بأسود" شكو مخُلد صاير شي! هاي شنو ! ريحة بانزين!" سالت مرة ثانية بس محد رد علية...
اشرلي مخُلد على حذائي" البس وانت ساكت وتعال ورأية" عقدت حاجبي وانـي اشوفهم واكفين فوك راسي لبست الحذاء بسرعه ورفعت شعري لورآ... جرني مخُلد من ايدي ونزلنا ... للكراج صعدنا بسيارتة الچي گـلاس... السودة .. صعد علي بصفة واني ورا وفاروق ومحمد بسيارتة لـ فاروق.... احتل الخوف وجهي واني مخُلد يسوق ويدخن ولابسة گاسكيته .... عسكرية ومنا الوشم بـ ايدة خلأة يصير مثل المافيات الروسية.... راح يذبحوني! ويذبوني لچلاب والله.! تورطت وي مخابيل!

علي برود اعصاب..  منا مـو؟!

هز راسة مخلد بهدوء وهو يجاوب" اي وصلنا انـزل علي وشوف شغلك وية شلة وأحنا راح ننتظر هنا اني وانس"

انتبهت من الجام هذاً بيتنا! شديصير هنا! " مخُلد! شدسوي هنا!!" سالته واني اشوف علي ينزل ومحمد وفاروق اجوي من سيارة ثانيه....
فتح الصندوق ونزل البانزين! لا يالله شراح يسـون! اجوي كلهم إجتمعوا...وبيدهم دبآت البانزين....!

مخُلد بخشونة... جاهزون يـ اطفال!!

ردو كـلهم وهمة ديكون تحية" هاي هاي ....كابتن!"

مخُلد... يلآ شوفوني المشاوي شلون تصير.... يلا

اباوع عليهم وهمه يرحون لبيت عمي! ودخلوا بسهولة.. الباب جان مفتوح ! راح يحركون البيت ! لا ! من كل عقلهم! اجيت انزل وافتح الباب بس لزمني مخُلد وهو يكول " لا بعد وكت خلي تبدي حفلة الشواء وانوب انـزل يالكوري" دفرت ايدة بحدة" مخلد من كل عقلك! تخبلت البيت بي بنات عمي وصغار!! لا تسوي هيج لا تتخبل !" قاطعني بكل هدوء العالم...
" كـلهم مو بالبيت طلعوا برأ يتعشون! لا تخاف بس باوع "
هذاً صدوك خبل! شهكت واني اشوفهم يرجعون ركض والبيت بدأت النار تشتعل منا! لا .... اباوع لمخُلد نزل اجيت انزل بس مخلاني وقفل الباب!
" مخُلد افتح الباب!! بلا خبال!!" صرخت بي واني اضرب چام سيارة.....

اباوع لنار بدآت تطلع برا البيت والدخان سيطر على سمة!
ومخُلد يدخن بكل هدوء.....! هذاً خبل رسمياً ونبي...... تورطت وياآا...

_____________

القادم اسوء 🙂♥️

إي وحده تحتاج دعم تدخل خاص الي وتكولي لان جديات نسيت الطلبوا مني،..

الاحداث القادمة تحمسوا الها هواي😉

علي..