رواية بين رجُليـن الفصل التاسع 9 - بقلم Zainab Halim |🪐

‏"لولا هذه الندوب
‏لما عرفت كم مرة نجوت
‏وكم مرة كنت قوية"

‏

#انـس

_____________________________•

مرت أيام هوأي وتقريباً أسبوع لـُو اكثر مكدرت أچِر انفاسي زيـن!
بسبب هاي الحية! وعمي عشتو! مشوفيني الويل ويومياً مشاكل وعرگ !
من رؤوس انـي ومرتة الحية ام لسانين هاي! تريد ذهب وفلوس بيبي الله يرحمها ويومياً تدور عليهم ومن يجي عمي جاسم تدور عرگات واني حظي المزفت بالكوة لأزمتة لساني! لو بيدي حتى مو اجرها من شعرها بنص شارع! ساكتة اي! بَـس لان ماعندي مكان اروح الة لؤ طردوني واني اعرف كُلش زين ذولة نماذچ يطردوني! بشوراع ويقفلون الباب ورأية....
ناس ماعدها لأ ذمة ولا ضمير كُلشي يسـون علمود الربع دينار ! اي !
لهدرجة الفلوس عامية عيونهم،.... وفـوك هذاً الوضع اخوها العار ...
سامر يومياً يمنا وعيونة وحركآتة علية بالكـوة اضّم روحي منه...
لو أقفل باب غرفتي وماتحرك لأ لحد ميروح ،... بدأ يزعجني هواي
ويتحرش بالسانة وفعلة وانـي كم مرة شگيت لنهال وعمي... بسَ محد سمع مني ! وعبالك اني! مو من يمهم حتى ! عود هذا عمي وداكولة هذا يتحرش بيا! بس ههه يسمع ويغلس! مثل ما يكولون بلد العجائب والغرائب..... حتى مُخلد مختفي صارلة أسبوع مرة وحـدة أتصل ومارديت علية لان جنت نايمة.... وبعدها ما تصل ابداً... كم مرة حاولت اتصل بسَ! مكدرت
ماعرف ليش او يجوز خفت منه! من سمعت ابنة لوزير! صراحةً الشعور مرعب.... خليها للأيام هَي تكشف معدن الأنسان إذاً هَو زين لو لا!
صـوت المنبة كعدني واني بعّز نومي! اخذتة وطفيتة من موبايلي!
وقتة اني علموذ اكعد بـ 9 الصبح أريد اطلع واشوف شغل شي...
لأن بصراحة مليت من الكعدة والعرك والمشاكل وية عمي ومرتة.... 
غيرت ملابسي بسرعة ورفعت شعري ولبست گاسكيتة-قبعة- سودة ...
ولبست حذائي وطلعت .. نزلت من الدرج واني اسمع صـوت نهال تحجي ... جاي صوتها من المطبخ... عفتها واجيت اعبر صالة بس! صاحتني...

نهال.. لچ انس وين طالعة من الصبح!!

درت وجهي وانـي ارد برود" شـدخلچ!" اجتي يمي وبيدها الموبايل جانت تخابر " ردي علية عـدل لو؟" قاطعتها بجمود" لـو شنو شسوين؟! كملي"

نهال... اخلي عمچ يعرف يتصرف وياج فاهمة ! وبعدين انتي حتى لو طلعتي منو يرگز بيچ ولد انتي بابا! سواء شكلًا لو فعلاً ! تصرفات الولد طبعت بيچ ! وصرتي وحدة منهم ' امشي ولي يلا وين ماتردين انگلعي! 

رفعت حاجبي وانـي اكتم غضبي منها " اوي سندس! ناقصني بسَ انتي! تقيمني انـزول عليج نهال ! ههههههههههه والله يالله " عفتها وطلعت واني اشوف عيونها انفتحت بصدمة! عبالها راح اخاف لـو ابجي كدامها إذاً كالت هالشكل... والله تتخسئ هي وعمي! طبگت باب شارع بقوة وانـي اسمعها تصرخ ورأية....

نهال بصرأخ.. بنت النعال! الساقطة! ولـچ والله هسة اخابر عمج واخلي يعرف يتصرف وياج! سامعه لج سامعه ام والولد!! اني الچ انس ...!

طنشتها ومشيت لشارع العام عبـرت الشارع وانـي احسّ بالجوُ هاي الايام بدأ يبرد هواية... لو لأبسة شي ثقيل ! رفعت عيوني وانـي اشوف الشمس مختفية تمامًا... وأحتلت الغيوم السماء... شكلها راح تمطر! الله عليج انس
هسه كملت! والله رگضت بسرعة وعبرت الشارع الثاني.. وانـي اشوف محل لبيع الفلافل صغير كبال شارع اتقدمت منه واني اسلم..

- صباح الخير عمي،

رد علية وهـو يحظر بالفلافل" صباح النور ابني! كول شگد اسويلك ! سفري لو هنا ؟" تحمحت يلآ ارد بهدوء " لا عمي ماريد شي سلامتك.. بس ردت أسألك إذاً محتاج عامل عندك! هنا! او يعني تحتاج احـد يساعدك بهذا المحل!" انتبة علية وبيدة ديحظر لفة" والله يابني مثل ماتشوف! المحل صغير مو هالگد چبير يعني اني وحدي ادبر كُلشي "  قاطعته وانـي إصَّر" حتى لو يومية خمسة اني هم قابل! والله اساعدك بكُلشي وماخليك تحـّس بتعب وافتح يومياً اجي ! ها شكلت عمي!"

دتنهد وهـو يجاوب" والله ماعرف شكلك بَس صدكني يابني بودي اشغل عامل هنا بـسَ مثل مدتشوف المحل صغير واني رزقي على كـدي يوم اشتغل يوم لا يعني مصروفي بالكـوة طالع ليش أورط واحد وياية واني اعرف البير و غطاء ، " هـزيت راسي بـ اي واني اسمع كلامة ...
كلامة صح المحل صغير ومبين تعبان بس كلت يفيدني محل هيج!
ابتسمت الة واكلت لفة يمة ، وانطيته الفلوس بالكوة اخذهن.. رجال طيب
الفقر يطلع دائماً زيـن ، تنهدت وانـي واكمل طريقي رغم البرد والناس دتمشي لشغلها ومدرأس طالبات وطلاب جامعات، داشـوف ...
لو مكملة دراستي! مجان صار كُل هذا إلي اقلها عندي شهادة واشتغل الاريدة! مو افتر بشوراع اتوسل علمود شغلة ! بس جنت غبية هواي...
وكفت كدام محل للأجهزة المنزلية وسالته إذاً يريد عامل... همات رفضني وگال ماكو ! كم محل شفت ومطعم بس ولا واحد شغلني الاغلبية لو عندها عمال كاملة لـو ميحتاج عامل ! انسدت بوجهي تماماً ... كعدت على مسبطة مقابل شارع العام وانـي عيوني تفتر على سيارات وشلون تمشي... هسة شسوي! جانت بيبي تخبز إلي واني ابيع! لـو تلف گبة وتبيعها! بس هسه كملت تمامًا وياية لا شغل ولا شي! شلون ارجع للبيت واقابل عمي! ومرتة وذولة بالكوة متحملتهم! لازم ادور بعد شغل ما اسكت! ابداً،... ما لازم افقد الأمل ابداً.. وكفت واني اشوف الجـو صار ثلچ كلُش وبردت ... إنوب لابسة نص ردن يربي شمدريني هيچ بارد! غرفتي دافية!! عبرت شارع العام وصارت بوجهي، حجيه چبيرة كلش بالعمر وشكلها تعبان ! دتگدي!

حجت وياية" ساعدني يمة الله ينطيك العافية" ياربي دخيلك هسة هَي ناقصة!
بلعت ريقي وانـي امـدها ليدي بجيب البنطرون ماعندي غير بَس خمسميه دينار ! انطيها لو شنو! بس شلون ارجع للبيت! دتنهدت وانـي امدها الها..
" تفضلي خالة" أخذتها وهي تدعيلي" عسى ربي ينور دربـك يمه ويرزقك طول عمرك" ابتسمت الها براحة وانـي اشوفها تمشي بعكازة عبرت شارع... حلوة هاي دعوة تـرة! سحبت انفاسي واني إكمل طريقي للبيت مشي.... شي نص ساعة اكثر وصلت دخلت كبل للبيت فتحت باب صالة!
واستقبلتني المشاكل ! يالله

جاسم.. بنت الچلب ليش هيج تغلطين على نهال!اليوم ادفنج بمكانج!

اجـة يهجم علية مكدرت غير ادفعة من صدرة وارگض لغرفتي! " تعال لك عار انس! اليوم والله اكطعچ تكطع! اريد اعلمج شلون تجاوزين على مرتي!" صوته يصرخ وهـو يركض ورأية على درج بصعوبة دخلت للغرفة وحاولت اقفلها بسَ جانت بيها نهال" انتي شدسوين هنا! اطلعي !!"
صرخت بيها واني اشـوفها لازمة علآكة سودة لحظة! هاي! العلاكة!
" هاي ! هاي العلاكة! مالت شنو؟" ابتسمت بشر وهي تحظنها زين!
" مو كتلچ راح تخسرين انـس! من كلشي راح تخسرين "

اباوع عليها بصدمة وانـي احس بدموعي نزلت هاي علاكة بيبي! مال ذهب وراتب كم شهر! اخذوها! دخل عمي جاسم للغرفة وبسرعة چِرة لشعري!
بقوة وفـرة لوجهي براشدي وكعت بالگاع بصدمة وقهر وانـي ماحس بدفرأت يجن من رجلة إو ايدة ولسانة مابطل غلط! مَا حسيّت الأ صرخت بوجع! وانـي احسّ برجلة دخلت بنص خصري من قوة الضربة ، رجعت للورأ وگبل بالحايط... " عوفها لا تموت بيدك ونبتلي! شجاك كافي !" دخلت نهال وهَي تحاول تدفعة ، رفعني من شعري وعيونة بنص عيوني "
باعي لچ انـس جنت متحملج علمود امي وامي هسة راحت لدار حقها ومن ما طردتج ورأ وفاتها تعرفين ليش! رفع عيونة على العلاكة وكمل، علمود ذني الفليسات وذهب بس علمودهن تحملتچ لچ اني اخوج وخلصت منة انـوب انتي علية! باعي ! راح ارجعچ من من وين ماجيتي! من شوراع هذاً مقرچ الشارع مثل ما جابتج امـي من !" ما كمل كلامة ونهال تقاطعة ...

" لا تكمل جاسم! كافي حجي الفلوس اخذناهم هنة وذهب بعد شكو تفتح دفانر قديمة!" رد وهـُو يگور شعري بيدة بحـدة " لچ خلي اكولها حقيقتها الوسّخة مثلها بنت شوراع وزنئ هاي!" اباوع عليهم وانـي اشهك وابجي ودم ينزل من خشمي وشفتي،.. مكدرت اركز بكلامهم وهو يجرني ويسحلني من الدرج! مكدرت أقاوم وانـي ابجي واشوفة يفتح باب صالة " عـ عـمي! الله يخليك!" توسلت بية وانـي اشهك دفرني بألباب بحقد وگعت رفعت عيوني واني اسمعة يگـول من بين سنونة " باعي كـدامچ ساعة وحدة تطلعين منا وجهج هذا النگس ماريد اشوفة بعمري كلة فاهمه؟ وإذاً اجيتي وعتبتي باب البيت هذاً مرة ثانيه بحياتچ راح اذبحچ وادفنج واخلص منج!!"

نهال.. انت تخبلت جاسم شتكول العالم لـو سمعت!

جاسم .. شوفي هذاً نعال الحمام ! وهمه سـوة ما يهمني كلامهم ابداً بعدين اني باجر عكبة شايل ماخذلي وحده وياية امها ساقطة وبنت لليل!

نهال.. مو كتلك انـي خليها وياية تفيديني بشغل البيت لو تشتغل النا چا مو كتلك شنو نسيت!!

اباوع عليهم وهمة يحجون مثل الشياطين وانـي مكدرت حتى اسكتهم يحجون على ماما وينتهكون شرفي ، بيبي شوف ابنج شديسوي بالآمانة...
خانها ودأسها برجلها ،.. مسحت دموعي وانـي مدنگه بقهر وذل ...
ماكدر اسوي شيء و.. وين اروح وين اعيش! يارب ساعدني....
اجة علية وهـو يحجي " كدامج ساعة وحده كتلج او اكلج كدامك ساعة وحدة تطلع من حياتي فاهم استاذ انس انت ولـد اصلاً هههه عيش حياتك وكملها مثل الولد لبقية حياتك تمام؟ " گـام ليكمل كلامة " ها نسيت اكلك فلوس الشغل الخبز والكبة مال امي راح انطيك منهم حتى متكول عمي مو زين ويايه هههههه"

عيوني تمشي علية بحقد وانـي واشوفة يمّد ايدة بجيبة وهـو يشمر بوجهي عشرة! " ماريد اشوف وجهك هنا اطلع من حياتي يلا دي" إشـر على الباب وانـي احـس بالمطر بدأ ينزل ... الحياة دائماً الها وجهين ، وجه مـُر وجه حلو راح تشوفك هالوجهين طول حياتك ورإح تعلمك إنُ لا تثق بأقرب ناسك وراح تخليك دومك تواجهة ومستعد لمعركة جديدة... وبنهاية شنو راح تحصل غير حفنة تـراب! بللِ المطَر كُل جسمي وانـي كاعدة بالحوش ...
واحـس بالبرد مو بجلدي لا بروحي ... اختلطت دموعي وي المطر...
لهلدرجة الإنسان قاسي؟ اباوع عليهم قفلوأ الباب الصالة ... بصعوبة كمت وانـي ماعرف وين أروح وين اروح! ياربي ساعدني! انفتح الباب درت وجهي واني اشوف نهال شمرت علية سترة ! اخذتها ...

نهال.. ماعندي شي وياج انس اني! بس لا اني ولا عمج نريدج يمنا وأعتقد هالشي من حقنا مراح نبتلي بيچ تالي عمرنا وانتي ولد ولا جنسية مثل العالم ولا شي عندج روحي كملي حياتج بعيد عنا ! وحتى احنا مراح نبقى هنا صدكي كم يوم ونشيل راح نسافر لبرآ لتركيا ونعيش هناك ، وانتي ما اوصيچ كملي حياتج مثل الولد والگيلج غرفة او شقة صغيرة عيشي بيها! الف مرة منا ! اخذيها نصيحة مني وروحي يلا اتوكلي"

اباوع عليها واني بصدمة معقولة البشر هيج خسيس؟ مع الأسف ...
فعلاً مع الأسف تنهدت وانـي اشوفها  تحجي يمكن مرات تاخذ الحكمة من فوأهّ المجانين يعني هي كالت الحق اكيد كالت اقتربت منها واني احظن سترة والمطر زأد بقوة " ربي وربچ راح ياخذ حقي منكم رأح تشوفون حوبتي راح تشوفين انتي ورجلج هذاً مراح تتهنون بگل ربع دينار اخذتوأ مني ومن بيبي الله يرحمها لا تنسـون انـَي يتيمة وماعندي بهالدنيا سند غير رب العالمين! راح تشوفين شلون حوبتي راح تطلع من عيونكم، فأما اليتيم لا تقُهر "ذبيت گلامي وعفتها ومشيت فتحت الباب وطلعت وانـي البس سترة،
مراح ابجي اني قويـة اني قـوية انت ولد ذكري زين انت ولد مراح تتأذه حتى! تمشيت بالمطر وانـي احظن نفسي وين اروح وين أعيش! لو ام طارق هنا جان كعدت يمهم كم يوم بس سافرت لأربيل علمود بنتها!
ماكدر اكعد يم رجال غريب مثل ابنها او رجلها استحي.... تمشت هواية وانـي احـس بالبرد والهوأ صار اقوئ، توقف المطر وانـي كعدت بمكان أحاول ادفئ شوية... داحـس البرد مو طبيعي يالله،.. صرت زرگه !
ساعة ساعتين مـرت وانـي على كعدتي بشارع ماعرف لٰوين اروح حتى....
لزمت معدتي بجوع واني احسّها كامت تطلع اصوات! حسيت بفوني يرن كمت من مكاني وطلعت موبايلي ديـرن ! عقدت حاجبي واني اشـوف علي! فتحت خط وشفتي احّسها ترجف!

- الو علي!

علي ... لك حقير وينك لا تسال لا تكول شبيك سطرگ الحمزة!

مسحت وجهي من ابتسم" شلونك علي !" ما كملت كلامي وهو يرد" شبيك صوتك شبي!؟ شنو ترجف! خيرك؟" اسمع صـوت مخُلد يمة! بلعت ريقي وانـي اسمعه يحجي من بعيد...

مخُلد.. شبي علي! شبي صـوتة؟

علي.. شبيك اكلتني عود انت المريض لا يحّن گلبك هذا انس البذآت ! مابي شي! !

شنو مريض! شبي مخُلد! اجيت احجي بس سمعت صوتة مرة ثانية يحجي "علي انطيني الفون لا اتـفل بوجهك! الو انس دتسمعني شبيك !"
بلعت ريقي واني احس بصوتة الخشن يسأل " انس هيوو وينك؟ دالغي وحدي شبيك احجي !"

علي بضحكة.. شنو صار اخـرس فجأة هسه يحجي ويايه چان! هههههههههههه

رديت واني اهمس بصوت تعبان" مخُلد اني ! .....اني!" مكدرت اكمل واني احـس بدموعي نـزلت وشهگت بقهر ...

مخُلد بغضب.. احتـرگ أبـو مخُلد لك شبيك أنس ! احد وياك عمك هذا العار والسگط تعارك وياك! بس كول ! انت وين هسة! كولي؟" 

مكدرت اكـولة شي واني احس بدموعي تنزل بحرارة وهـو يحجي ويغلط ! كانو مصدك ينفتح بالسانة ويغلط! صرخ علية بخشونة وخرتة الموبايل من أذني" لك احجي!! شبيك ليش تبجي مثل النسوان! وتلطم احد وياك احجي من خرآ بعمك!"

اسمع علي يضحك واني بصعوبة كتمت ضحكتي! شكول هسة ! بس مضطرة اكولة صار علمود!...

_______

نص البارت انحذف!🙂

اوك رايحة انتحر باي!💔

شراح تكون حياة انـس الجديدة برأيكم ؟