رواية بيت الشيخ اسد الفصل الثامن 8 - بقلم yaqin_2004

#بيت_الشيخ_اسد
#بقلمي_يقين_التميمي

احط دوخت راسي
بسكوت إعلى چتفه
ويفتهم ليش اسكتت ...!!

ريماس - سمعنا صوت رمي باوعت لفلا ركضنا نزلنا جوة واشوف عمتي تهاني دك و تلطم ويمها جدتي رمانه رغم هلفترة تعبانه هي كاعدة على فراشها وتنعى وتبجي

فلا - عمه شكوو شنو هذا رمي خو ماكو شي فدوة عمه ليش تبجين

تهاني - اااخخخ يمة ولدي يمة شلون بيه ولكم ولدي راح ينكتلون يبوووووي

ريماس - رحت يمه اوخر اديها لأن كامت دك على وجها فلا بقت ترجف لزمتها من ادينها منوو ذولة الي يرمون عمه جاوبي

تهاني - ولج يمة ذولة خوانج اجوا هادين علينا يمااااا شلون بيه ولد العم تكاتلوااا
خاف واحد من ولدي يكتلونه شلون بيه

ريماس - ابد ماتفاجئت وگلت اخواني ماراح يعبرونها بسلام خاصه انه عدهم وهم مانعينا مانوصل لبياهم والي توصل يكسرون رجليها عدلت شالي ولبست عباة جدتي مخليتها يمه

فلا - شفت رموسة تلبس بشالها وعباتها وطلعت تركض ركضت وراها تعاااي لج
وييين رايحة ويييين اصبرييي لاتصوبين
وهذا رمييي عالييي

ريماس - لج شووون يعني اخواني هادين على ولد عمي وسبب انه شون يعني اكعد واسكت وانتضر يكتلون واحد منهم خواني مجرمييييين كلشي اتوقع منهم وخرررري عنييي وخريييي

فلا - طلعت واني احس جسمي يرجف لحضات وتذكرت صوت رمي من رموا بابا وحسن شون نكتلوا كدامي رغم مر
اربع اشهر صارلي شهر عد عمامي واني
بعيدة عليهم رجعت يم جدتي وعمتي

ميسر - بعد ماطلعنا واخذنا كلمن سلاحه ركضنا نشوف شكوو ونشوف
كرار وعلي وسجاد اخوان ريماس واكفين
ويرمون من ورة باب الدخول شفت

دمار وعقاب ومحمد واكفين ويرمون هم وياهم بس من ورة البوابه شوية
وگف الرمي وصار هدوء نسمع صياحهممن وره باب الدخول

عقاب - فتحولهممم الباب خلي نشوفهم شيردون هذولةةةة

فتحوا الباب وهذولة هجموا على دمار وعقاب اجت الحراس منعوهم ولزموهم
وصاروا يغلطون ويسبون علينا وابوي واگف مصغر عينه ويباوعلهم ويسبح بسبحته

الشيخ اسد - حياهم الله ولد الشيخ جبار اليوم منورينا اول تالي تفضلوا لديوان

كرار - احنااااا ماعدنا حجي وياك ياشيخ جيبوا اختي ناخذها ونطلع مانريد منكم
شيييي يلا جيبوها

سجاد - وينهاااا هي وينهاااا اليوم الا اكص رجلينا واعلمها شووون تطلع من
البيت ولا نوب تجيكمم

دمار - شنو مخبلين ونطيها الكم

علي - انت لاتدخل لك حيواااااان

دمار - رجاءا لاشبهني بنفسك لك

مسلم - اشوف علي شون يخزر بدمار وهذا ولا هامه كاعد على صفحه ويمسح بسلاحه ويحجي بكل برود نرفز علي

كرار - لا طولون سالفة جيبوا اختي خلي ناخذها ونطلع ورانا اشغال يلااااااااااااا

عقاب - هي لك لاتخبصنا بصياحك وبعدين هسه يلا صارت اختك موو
ماالك يمنا اخت ويلا درب جابك يردك

ميسر - هجم كرار على عقاب وخله سلاحه موجهه على اخوي عقاب وكفنا
ورفعنا سلاحنا هم عن لايصير شي

كرار - كتلك تجيب اختي انت بالاخص ياشيخخ عقاب لاتدخل فاااااهم لو لا
خذيت المشيخة وسكتنا بس مال تاخذ
اختي وتخلوها عدكم باحلامكم هاااااي

عقاب - تقربت عليه وخله السلاح عليه طخ سلاح بجسمي هو هم ضخم بس انه
اضخم منه نزلت صرت بمستواه وكتله

- اذا انت رجال اخذها هسه من بيتنا عبالك انه ماعرفك ياابن شيخ تريد
تساوم بأختك لصديقك بفلوووووس
موو گلي شكد تريد انه ادفعلك ضعف
المبلغ الي ساومك بي صديقك علمود
اختك واطلع منا بدون مشاكل يلا حباب

سجاد - احنا مانريد فلوسكم نريد اختنا

عقاب - بت عمي وهاي كداااام الكل هسه بت عمي وناهييي عليها ورايدها
مرة الي واذا انتم زلم سوو الي تريدونه

كرار - كافي سجاد علي لاتحجون شيييي وانت ياشيخ عقاب خلي الحجي كدام الكل هسه انت تريد اختنا مووو ادفعلي
100 مليون واخذها ماندخل بيها بعد

دمار - ياعاااااار لك هاي عرضك شلون هيج تساوم بيه وعبالك سلعه يامطييي

علي - ماقابلين رجعولنا اختنا يلا بسرعه

محمد - من يوم يومكم انذال ولكم اختكم هاي هيج لهل درجه رخيصه
عدكم من طيح الله حضكم كوووون

سجاد - ماعليك اختنا لو اختك هيييه

الشيخ اسد - بوية اختكم هاي شون هيج تعرضون بيها هاي تالي بت شيوخ هيج
يبيعونها اخونها مع الاسف اي والله

عقاب - خلص الي تريده يصير ادفعلك 200 مليون بشرط ابد ماتوصل وتتعرضولها بعد هي من اليوم بعد تبقس هنا هذا بيتها ولنه اعقد عليها
دهااام روح جيبلي فلوووس بسرعه

دهام - طلعت اجيب فلوس من البيت دخلت واشوف امي وجدتي ناصبات عبالك فاتحة عدهن شكوو عليمن هذا العزه الناصباته

تهاني - ولك يمة كلي احد اذاكم شصار شكووو شنو هذا رميي

دهام - اهوو يمة ماكوو شي مو وكتج عفتها تحجي وصعدت جبت فلوس ركض ونزلت طلعت وصارت بوجهي فلا

فلا - فدوة دهام ريماس طلعت شصار شكو شو ماهيي وينها

دهام - فتحت عيوني على وسعها شنووو شطلعها برة وييييين هيه ماوصلت ابد
ولا شفناها اصلا

فلا - والله طلعت شوفكم فدوة الحك شوفها وييين راحت فدوة

دهام - ركضت طلعت برة ماهي ماموجودة ركضت للديوان دخلت
شيخخخ ريماس ماكووووو مدري وين

عقاب - شتحجي انت غير بالبيت

دهام - ماكوو يكولون اجت لهنا بس ماهي هسه

عقاب - كرااااار قسما بالله اذا الك ايد بالسالفه اعتبروا نفسكم بالنجفففف

كرار - ماالنا ايد شوفوها وين ولت جيبوا الفلوس يلا خلييي نطلع وانتم شوفوها وينها لاذبوها براسيي

عقاب - اخذت فلوس من دهام وشمرتها عليك شوف لك حيوووان هاي مو لان علمود اختكك لا بت عمي بذهب مابدله
وماتنباع هاي بت شيوخ وتشرفك وتشرف عشيرة مثل امثالك فااااهم هاي اعتبرها هديه الفلوس مني الك وما
ريد المح خيالكم يم بابييي بعد يلا بره

ميسر - خذوا الفلوس وطلعوا يضحكون ولاهامهم شي صاح عقاب

عقاب - سمعوني زين ماريد ريماس تعرف بأخونها ساوموها بفلوس فاهمين امشواااا وياي نشوف هاي وين راااااحت يلا بسرعةةةةة

مسلم - اول ماطلعنا من ديوان وصارت بوجهنا ريماس تمشي وهي محدبه الظهر ولازمة صفحة بطنها بأيدها الوجه اصفر واشوف ايدها كلها دم عبايتها مصبوغه صبغ بالدم صايرة من لون اسود الا لوون احمر

ريماس - بعد ماطلعت من البيت وانه اسمع صوت الرمي شوية وماحس غير
حرارة صارت بصفحتي ماهتميت كملت
مشي شوية والوجع موتني خليت ايدي على بطني وانه اشوف الدم تخبلت بقيت
ارجف وكعت بالگاع مااكدر امشي بقيت ازحف اريد بس اوصل للديوان انه عبرت
من وره البيت طريق ثاني يوصلني للديوان وهذا مابي احد حتى حراس مابي بقيت ازحف بالي كله ان لاخواني يأذون احد من ولد عمي وساعتها اذا اذوا احد منهم اموت نفسيي انه بقيت امشي ساعه اوكف واسند روحي على الحايط وساعه ازحف گوه يلا وصلت اول ماردت ادخل طلعوا كلهم بوجهي

عقاب - بقيت مصدوم من حالة ريماس الوجه اصفر عبايتها كلها تراب وصايرة حمرة من الدم ركضت عليها وانه بلااا احس على نفسي

-هااااي شكوو شبيج منو صوبج احجييييي منووو

ريماس - بقيت اشهك احس روحي بعد راح اوگع بقيت ماشوف شي واضح بس
ان انه الشيخ لازمني ويحجي يريد ينبهني حتى ماافقد بس ماكدرت غمضت عيني وانه اسمع بس صوته وهو يحجي ويصيح

-بسرعةةة جيبوووا سيارة ركض دمها مخلص خلييي نلحك يلااااااا

ريماس -

ماللوفاء مقام بين خلاني
قد هيج الغدر احزاني فأضناني
من للمحبه يكسوها برونق
من الوصال فأن الهجر اشقاني
يانفس كفي عن الحنان واعتبري
بسالف من القرون الحب ابكاني
يانفس كفي عن الاهات واصبري
اني سئمت من الالام ازماني

سقيا ورعيا لأيام الصبا دلفت
قد انزف الدمع ذكرى اليوم تنعاني
ياايها البدر هل لي من محادثه
اليك حتى اريك اليوم اشجاني

انا ريماس جبار وحيد نولدت بين عائلة متفككه بعد ماتوفى ابوية اخي كرار سوه
مشاكل على المشيخة يريد هو يستلمها
لكن عمي الشيخ اسد رفض ان يكون ابن اخو شيخ والسبب ان اخي كرار مو كفوو
صاحب مشاكل وبس ماراح يكدر يتحمل
مسؤوليه المشيخة صار عمي هو الشيخ
من يومها طلعنا بيت وحدنا وعشنا بييي

كبرت وصار عمري 24 سنة درست وكملت دراستي وصرت مدرسة ..
رياضيات جنت انه احب هذا الاختصاص
اخواني تزوجوا بس نسوانهم اااخ منهن
جان يخلن تنضيف عليه كله طبخ عليه
كلشي عليه واذا ماسويت شي يجون خواني يضربوني لأن ماساعد نسوانهم

لحد ماامي ملت رادت تبيع البيت حتى كلمن ياخذ حصته ونكعد انه وياها بيت وحدنا بس للأسف كل عادة خلوها براس
ريماس هي السبب من وره بيعت البيت
خلوا دمي بطولي امي ماتحملت بعد جان شوفهم بعينها يضربوني بس
مابيدها شي مرة جبيره ماتكدر عليهم خذتني لبيت عمي لناس ابد ماعرفهم

صح عمامي واهلي بس احس نفسي بوسط ناس غريبه بقيت عدهم يومين بس جنت ابد مااختلط وياهم منعزلة
بغرفة وحدي لحد مااجة يوم وتصوبت بيه بسبب اثر طلقة تايها سمعتهم وسمعت شون نبعت على ايد اخواني
لبيت عمي وسمعت نهوه

انا ريماس الي باعوها اخواني
انا ريماس الي غدروها اخوانها
انا ريماس الي تعذبت بسببهم
انا بت شيخ انباع من تالي وكت
وعلى ايد اخواني المفروض
يكونون سندي صاروا سبب
حزنيييي

ماكو جوية تحرگ گلب ...!!
كثر غدر الاخوان ...

- افتح بعيوني وارجع اسدهن ضوه قوي يصير بعيني لحد ماگوه فتحت عيني وضحت الصورة عدي واشوف المغذيات باوعت وانه اشوفه يمسح على راسي ولازم قرأن ويقرة بي

عقاب - صدق الله العلي العضيم ريماس كعدتي سمعيني احجي يوجعج شي

ريماس - بس ماي شوية فدوة

عقاب - اي صار تدللين

ريماس - فتح بطل ماي وعدل كعدتي خله ايده وره ضهري سندني وشربني
الماي ورجع البطل لمكانه

عقاب - انه رايح اصيح الدكتور يشخص حالتج ويفحصج حتى نشوف اذا نطلع لو لا

ريماس - بس صارلي شكد هنا

عقاب - سبوع

ريماس - هزيت راسي وطلع شوية ودخلت ممرضه ودكتور سلموا وبده
يفحص تحمدلي السلامة وگال تكدرين
طلعين مابيج شي الوضع تمام

- شوية ودخلوا عمي وشباب محمد دمار دهام مسلم ميسر درغام فارس سيف كلهم تحمدولي بالسلامة وطلعوني من
المستشفى وصلنا للبيت وذبحوا طلي ودخلت وجان تجيني اكثر بشر حبيته فلا

فلا - هلاو لج شونج لج خلصت سبوع ابجي عليج اكلهم اخذوني ميقبلون مشتاقتلج والله الحمد لله على سلامتج

- الله يسلمج حبيبتي فدوة اروحلج

ماريا - لج الحمد لله على سلامتج ولج خفنا عليج شكد عابتلج طلعتي عار متموتين هههه

- هههه الله يسلمج

مادلين - الحمد لله على سلامتج يروحي

- يعمري الله يسلمج

تلكتني عمتي تهاني وجدتي خلوني بغرفة جدتي لأن فوك مااكدر اصعد
والجرح بعد مو كلش ملتأم

مرت سبوعين وكدرت اتحرك والجرح صار زين والاوضاع مثل ماهي والشيخ
عقاب دائما يجي ويسألني على اوضاعي
واذا خذت علاجي او لا

فلا - لج هيي عوبة اكلج شفتي نضرات الشيخ عقاب والله مو خالي هل شيخ

ريماس - شتقصدين

فلا - ماادري بس احسه يحبج لالا مو احسه اصلا متأكدة

ريماس - شون متأكدة

فلا - اول شي بقه سبوع كامل يمج من تصوبتي بالمستشفى وتخبل عليج اصلا
حتى مااجه للبيت بس على كد يغير ملابسه ويرجعلج حتى نوم ماينام ولا يرتاح يمنا كله خلصه يمج وهسه متابعج ويتابع علاجج وكل تحراكتج

ريماس - من يوم حجي فلا وبقيت اراقبه واشوف هتمام الشيخ بيه بس ابد مافكرت ان بيوم من الايام احبه لأن هو مزوج وعنده بنته مر شهر كامل واجة عمي الشيخ وحچه

اسد - بوية ريماس تكدرين تجين لغرفة حبوبتج اريدج بشغله

ريماس - اي عمو جاية

رحت ودخلت وراه للغرفة جدتي وعمتي تهاني موجودات دخلت وسديت الباب

اسد - تعاي يمي بوية كعدي

ريماس - كعدت يمه وندك الباب

اسد - تفضل بوية عقاب

ريماس - دخل بهيبته مثل كل مرة صفنت عليه وهو يباوعلي ورفع حاجب من شافني مركزه عليه بعدين نبهت لنفسي وفشلت نزلت راسي وكعد يم عمي بالجهه الثانية

اسد - احم سمعوني بوية ريماس انتي مثل بنتي واعتبريني ابوج انه اريد امن عليج هاي دنيا ومانعرف نفسنا شوكت
نموت بأي لحضة بوية وانه اليوم اجيتج
بطلب انه رايدج لأبني عقاب اريد امنج عنده هو الي يكدر يوكف بوجهه اخوانج
او اي احد راح يحميج ومانعرف يمكن
خوانج يرجعون ويطالبون بيج انه اريد
ازوجكم هيج راح اكدر انام مرتاح

ريماس - ماتفاجئت بطلب عمو لان اصلا انه عرفت كلشي من يوم الي تصوبت بي
جنت مدنكة راسي وافرك بأديه وهو يحجي وعمتي تهاني وياه هي وجدتي

تهاني - يمة ولاتگولين الشيخ مزوج تره هو اول وتالي يزوج حتى لو ماجنتي انتي
هم جان زوجناه مرته مريضه وماتكدر تأدي واجبها ويه الشيخ وانتي كاملة مكملة وماناقصج شي

- رفعت راسي وصارت عيني بعينه مقلص عيونه ويباوع عليه رتبكت
اكثر ماعرف شنو شعوري جان بوقتها
بين اريد ارفض لأن مزوج وبين اريد اوافق لأن حتى احمي نفسي من اخواني
هم يحجون وانه افكر قررت وكلت ماالكه احسن من ابن عمي احتمي بيه

- نزلت راسي وكتله عمو الي تشوفه مناسب وان شاء الله اكون عد حسن
ضنكم بيه

اسد - ونعم من بت الشيخ ونعم بوية الله يسعدج ان شاء الله ويوفقج بحياتج

- هزيت راسي وطلعت اركض من الغرفه صارت كدامي فلا

فلا - ولج شكوو هذا الاجتماع عليمن

ريماس - سولفت الها كلشي

فلا - ياااااي حتصيرين مرت الشيخ

ريماس - شويه ومانسمع بس الهلاهل
جاية من الاستقبال ستغربنا منو هذول
ركضنا ونشوف الشباب دهام مسلم ميسر سيف وفارس لابسين دشاديش كلهم وكاعدين مخلين يمهم جدورة
ويدكون عليها سيف وفارس مسلم ودهام يصفكون وميسر يغني ومسوين دائرة وكاعدين

ميسر - زفوو حبيبي ونار گلبي موجرة

الولد - زفوو حبيبي ونار كلبي موجرة

ميسر - ثاري البنات اشكال شكل الجفافي
ونار گلبي موجرة

الولد - زفوو حبيبي ونار گلبي موجرة

مسلم - هلا هلا

سيف - هاا هاا شد شد

ميسر - بيهن تخون بساع بيهن توافي
ونار كلبي موجرة

الولد - زفوو حبيبي ونار گلبي موجرة

دهام - مانمت ربع الليل سئلو المخدة
ونار گلبي موجرة

الولد - زفوووو حبيبي ونار گلبي موجرة

فارس - كلوووششششش

فارس - وانه حلمت يهواي خدي اعله خدة ونار گلبي موجرة

الولد - زفوووو حبيبي ونار گلبي موجرة

فلا - واكفين اني وريماس وصافنين عليهم وگف سيف ومسلم تگابلواا
وگامو يركصون ويهزون متن ونوب
گامو كلهم وكفوا يركصون ويطكون
اصبع

ميسر - هيوو شبيجن صافنات تعالن ويانه يلاااا

فلا - كملو كملو اني راح ادك الكم وانتم ركصوا ههههه

ريماس - واني هم ادك وياج هههه

فلا - راح مسلم شغل الديجي وبقوا يركصون طلعوا ساجدة عبيد

-يتبع....

شنو رأيكم بالبارت
وشنو تتوقعون الاحداث الجايه
علقوا وصوتوا مو تنسون
انه اروح اكل حلويات باي ههه