رواية بيت الشيخ اسد الفصل السابع 7 - بقلم yaqin_2004

#بيت_الشيخ_اسد
#بقلمي_يقين_التميمي

لگيت الغربة أحلى هواي
من وآدم چذب چانت تماشيني

ريماس - نزلت وجتي مرة زينة شابه بعدهي واني الطفلة بحضني حضنتني
وضمت وجها بصدري وهاي بقت تصيح

اسراء - لج حيواااانه جم مرة كتلج تتأدبين وماطلعين من الغرفه هاااا

ريماس - على كيفج وياها ترة هي طفلة صغيرة وانتي بهذا اسلوبج حتبعديها عنج ميصير هيج

اسراء - انتي ماعليج بعدج ماجيتي خذتي بتي الله يعلم الايام الجايه شتاخذين لاهلا ولا مرحبا بيجن

ريماس - احترمي نفسج هواااي جاوزتي

اسراء - تخصرت ومدت اوووي عيني جاوزت خاب كوميييي لاادفرج هسه

عقاب - دخلت للبيت واسمع صياح
هااااي شكووو شبيجن عليش هلصياح

اسراء - تعال ياشيخ تعال تقبلها بت عمك بعدهي ماجايه وتگلي الا اخذ
بنتج وزوجج من عدج تقبلها انت ..

- باوعت عليها مصدومه شوكت اني كلت هيج

ريماس - وروح بابا كذابه اني ابد ماحجيت هيج ابد

تهاني - بسم الله شكو شكو

عقاب - لاحول ولاقوة اسرااااااء امشي صعدي لغرفتج انتي مو مريضه شنزلج
وبعدين بتج هسه صارت عزيزه اشو جنتي ذابتها مالج غرض بيها

اسراء - ياااااااع دافع لبت عمك بسيطه بسيطه

- خذت بتها مني خزرتني وصعدت هاي شبيها منو دايسلها على طرف

تهاني - يمه لاتاخذين بخاطرج عليها ماعليج بيها

ريماس - لا عمه قابل شعدي وياها

كعدنا علي ميز طعام جنت مااشتهي.... وخجلانه من الشيخ خاف يصدك كلام...
زوجتهه خلصنا وغسلنا اماعين اني وفلا

تهاني - عمه ماريا فدوه صعدي ملابس هاي الولد خليها كلمن بغرفته

ماريا - اي عمه صار

صعدت دخلت لغرفه ميسر ودهام خليت ملابسهم على سرير وطلعت
رحت لغرفة مسلم فتحت الباب ...
خليت ملابسه التفتت اريد انزل وهو
اشوفه وراي بسم الله الرحمن الرحيم

مسلم - شبيج طفرتي شلونج مرمري

ماريا - هلااا حمد لله عفته وطلعت
بقيت كاعدة يم البنات وهو بس ..
يباوع عليه. خلينا ورحنا لبيتنا اني وخواني وبابا

اسد - بوية عدي موضوع وياكم

ميسر - اي بوية كوووم مسلم يلا اطلع برة يلاااا

مسلم - شنو بلا ليش

ميسر - اجتماع مال كبار يلا برة

مسلم - خاب نجب شنو انت جبير وانه صغيرون

عقاب - كافييي لغوه

اسد - بوية هذا اخوكم عقاب مايقبل يزوج رغم مرته كلتله اني ادورلك مرة
قبل لاتموت لان بيها مرض الخبيث وهي
تريد تأمن عليه
فأنه اريد واحد منكم ازوجه امكم تعبت البيت كله عليها

ميسر - والله صحيح حجيك ذهب بوية

اسد - اذا انتم الكبار ماترضون تزوجون ازوج ميسر انه

ميسر - عاااااا اي بوية

عقاب - خااااب صوتك اسكتتت

دهام - دهاك دتشوف تريد تزوجة وهو بس سمع بالزواج گام يتمركص

مسلم - ههههه

ميسر - اييييي بوية هذا محمد عرس وعزل بيت وحده اني مااعزل ابقى يمك

مسلم - صافن على ميسر ركض وكعد يم رجلين ابوي ويتلوگ اله ههه

عقاب - انت هسه غير تفهمنا يامضلومة تريد تورطها وياااك

اسد - بوية ميسر ابالك بنية انت عدك

محمد - بوية سلام عليكم

الكل - وعليك السلام

محمد - بوية عقاب مايريذ يزوج وانت تريد تزوج هذا المسودن ميسر شلوون

اسد - جا گلي هسه منوو يزوج محد بيكم

ميسر - بووووية يبه انه جاهز وداااععتك

تهاني - لالا اول مانزوج عقاب هذا ميسر
مسودن مانزوجة

ميسر - ليشش يمة ليش مو انه ابنج ههم
انه مسودن انه شمالني مسودن هااا

تهاني - اي اي نزوج عقاب اول نزوج دمار دهام مسلم الا انت مخبل

ميسر - وحكك علي ابن ابي طالب ذولة لأن ينطوج فلووسس تردين تزوجيهم انه لأن كلشي ممطيج متردين تزوجيني

اسد - لالا هو نزوجة والمرة هيه تعقله

مسلم - ميسر انت صغيرون وينك وين الزواج هااا

ميسر - ماعليكك بكيفي

دهام - زيين انت عدك بنيه

ميسر - اي عدي

عقاب - منو هيه

ميسر - فخريه ام اللبن

دهام - هههههه

ميسر - اشش اشش هذا دمار الووو شلونك خوية

دمار - هلا ميسر

ميسر - شخباركك حبيبي

دمار - بخيرر

ميسر - خويةةة يادمار تعال للبيت فاتحين موضوع ونقاش عائلي

مسلم - دماااار تعال تعال شغله تفيدك

دمار - اي هاي انه اصلا جاي للبيت وصلت

مسلم - باوع ابوي جامع خواني الكبار وكل العائلة موجودة تعال

ميسر - لاتتأخر ياخويييي

دمار - طرش لاصيح

تهاني - والله حتى لو محد يزوج ميسر مانزوجههه ازوج دهام مكانه

مسلم - يمة يعني زوجين دهام ومازوجيني ليشش هيج

فتح الباب ميسر وطلع من الاستقبال شاف دمار جايي

ميسر - دماااار حبيبي

دمار - شبيك خبصتني

ميسر - شوف خويي العائلة كلها متجمعه شيگلولك كلهم مارييد
انت البنات تحبك لاتعرس خوش

دمار - ها الموضوع على العرس

ميسر - اي اي

دمار - سلامم عليكم

الكل - وعليكم

فلة - دخل دمار بهيبته لازم تلفوناته بأيدة وسويج السيارة والجكاير همم
واني احس اوضاعيي تخربطت وارتبكت
باوعلي وابتسم وسلم على عمو والشباب وباس راس امه وابوه

مسلم - روح روح اكعد يم ابوك يريدك

دهام - وگف ميسر يهوسس ويدبج

ميسر - وزفيناه بصاية حييدرر وزفيناه بصايهه حيدررر كلوووووووششششش

عقاب - طاح حضك علي هاي الهلهولة

دهام - شبيك هاي بعدنا ماحجين وعرستله انت

فلة - هم يحجون واني وجهيي نخطف خاف يحب وحدة خاف هسه يوافققق
ويزوجونه ماعرف ليش هيج صار بييه

رسيماس - فبااا شبيج ولج

فلة - ها لالا مابيه شي لاتخافين

ريماس - اني صاعده بالغرفه تجين وياي

فلة - اي مشينا ترخصنا وصعدنا واني بقيت ماخذة الغرفه طول بعرض واكل
بأظافري اوووفف هسه شنوو حيقبل لو
شنوو يارب ميوافقق يارب

ريماس - لج شبيج اوضاج تخربت من دخل دمار ترة منتبهه عليج

فلة - مابيه شي

ريماس - علينا بوية ترة مبينه تحبي

فلة - لااااا لاااا ماحبه شسالفه

ريماس - اي اي صحسخ

فلة - وجعع شبيج

ريماس - مابيه انتي الي شبيج

فلة - اجيت وكفت كدامها اكلج ريماس تتوقعين هسه دمار يزوجج

ريماس - اي اكيد ليش حتى ميزوج

فلة - صدككككك

ريماس - قابل مجذبة عليج ولد شاب وحلوو وماناقصه شي اكيد يقبل يزوج

فلة - عزة بعينج فلة يبوووووي

ريماس - شكوو

فلة - مادري مادريي

ميسر - هاااا خوتي هااااا

اسد - دخلي نحجي يبوييي شبيك

ميسر - اسمررر ويخبل كل القوط تلوكك عليه اسمر ويخبل

مسلم - ههههه وتكولون عليه يضوج دشوفوه شلون فرحان لأخوه

دهام - خبال حتى خبال

اسد - كافيي بوية دمار انت عمرك صار بالثلاثين وهلتشوف امكك تعبت بالبيت

دمار - اي اي

اسد - مثل عدك انت بنية نختارلك بنية احنا شتگول احنا نريد نزوج واحد من عدكم

ميسر - انه انه جاهزززز

دمار - هه ماتوب والله

مسلم - عمي دمار ابوي يگول عوزنا مرة بالبيت تساعد امي وبنات عمي فشله منهن بعدهن توهن اجنن للبيت ومايعرفن طبعنا خوانكك هذا محمد مزوج وعازل وعقاب مرته مريضه تدري بيها نسوانهم مسيطرة عليهمم

عقاب - نجبببب لك شنو مسيطرة علينا

مسلم - اسف اسف

محمد - ترة حتى ابوي امي مسيطرة عليه هم

دهام - خرب ههههه

اسد - هههه عمي المرة تعبت ومريضه

دمار - والله يابوية بعدني انه عدك دهام مسلم عقاب هم

ميسر - وانه وانه شبيه اكرص الا جيبلكم سهبه بسيطة

محمد - لالا دمار صدك ليش متزوج

دمار - بعدني ماريد هسه

دهام - مسلم باع عقاب يضوج لان محمد اكبر منه ويسولف هههههه

عقاب - ميسر انت لأن مو عاقل محد يزوجككك

ميسر - انت ماتسمع ابوي يگلك من يزوجون يعقلووون

دهام - لحضة محمد انت جيب زوجتك وتعالوا عيشوا ويانه تخدمنا

محمد - ماكوو مكان

مسلم - جذااااب بيت شكبره هاي الغرف بيه شكددد

دهام - وانت عقاب

عقاب - وانه مرتي مريضه ماتكدر تخدمكمم

دهام - ههههه

عقاب - اي جا بس مرت ابوي مريضه مرتي هم مريضه

مسلم - اوووي ميرضون على زوجاتهم

محمد - هههه خلونا بالمهم ميسر انه اكفله وازوجه

دهام - هاا

محمد - والله

وكف ميسر على حيله هااااااي لخوييي
الجبييرررررر

ميسر - اهااا وانت الكافل تستاهل وانت الكافل تستاهل احوووو

محمد - هسه شوف امورك وشيثكل عليك انه حاضررر

ميسر - جاهزززز انه

دمار - بوية مسودن هذا شزوجونه

محمد - لالا يعقل يعقل

ميسر - انه لام 200 الف

دمار - ديلاااا بلاااا

تهاني - هو شنو انت تكفله ينطلع وراه هذا الخببببل

محمد - لا يمة لا ماعليج انتي

دهام - وهسه انتم شزوجون منو مسلم لو ميسررر

عقاب - لا شنو ميسر هذا خبل والله زوجوا مسلم هادئ وعاقل احسن من
هذا المسودن

تهاني - اييي هو لو مسلم لو دمار تعرسولهم واحد من الاثنين

عقاب - انت تريد تعرس ميسر مووو

ميسر - خويي اي ارد اعرس

عقاب - منهيييي انت

دهام - هههههههخخخ بطنييي

مسلم - هسه العرررررس الي موو

ميسر - رحت يم مسلم وهمست
اتنازل اتنازل لاتعرس

مسلم -ماتنازل شووو دروح

ميسر - تتنازل وهسسسسه

عقاب - شبيكم هاااا شبيكم

ميسر - امشييي ويايي مسلم
هنا ابويييي كاعد وخوانيييي

مسلم - مخبل رايح وياك دولي

دمار - وانت مسلمم شنو ابالك وحدة

اسد - انه قررت ازوجة بت عمه ماريا خوش بنيه وحبابه وتعرفنا ونعرفهااا

مسلم - وانه قابل هاي هيه

ميسر - خاااب شو دتعاااال

مسلم - هجم عليه وصار فوكي خنكني خنك خاااااب يمعود وخرررر ماكوووو

دمار - ولكم انتم جهال شبيكم انه اعلمكم تعالوووو

ميسر - التفتت واشوف دمار نزع حزامه وركض ركضنا قبله انه ومسلم نريد نشرد وهو لحكنا لزمنا وصار يضرب اااااااااااخ اااااخ علكيقك مو مجرمين احنا الله يساعد المجرمين عليك اوووي

فلة - بقيت اراقب الوضع وهاي ريماس ملت مني ونامت واني بقيت اراقب من
الدرج شفت الولد صعدوا مسلم وميسر
ودهام دخلت لغرفتي خليت فتحة..... اراقب منها شوية وصعد دمار وراهممم

دخل لغرفته واني بقيت احوس شون يعني حيزوج هسه هو مووو منو الييي
راح يزوجونها الها هنا عرفت نفسي انه
احبه لاتكولون شوكت حبته لان اصلا انه
ماادري بروحي هم مرت كم ساعه

اخرشي متحملت طلعت من غرفتي شفت محد موجود وكفت باب غرفته واني مترددة ادخل لو لا اخر شي فتحت الباب ودخلت الغرفه ضلمة كلش مشيت دخلت لغرفته كلش لكيته ناييم

جان اكو كرسي مقابيله كعدت عليه وهو مشغل نشرة صايرة فوك السقف لون اصفر بس صفارة باهتتت حيل جو صدك مال نووم كعدت واني من كل عقبيبذيت ابجي واناشغ حجيت بصوت گوه ينسمع
اول مرة اصيح بأسمه وابجيي بخنيك

- دمار گوم ياعيني گوم كافي نوم
راح تزوج موو
الف مبروك بس الله لايهنيكم
كون يصير عدكم طفل ويطلع الطفل معوق وكون يصير بيك ايدز
ومرتك تركك وتروح تزوج اخوك
بعدين اخوك يطردك من البيت
بعدين ابنك يكبر ويتفل بنص وجهك
بعدين تجي مرتك وابنك وزوجها يحركونك ومايطفوك ابد
بذاك الوكت گلبي يرتاح

وكفت اريد اطلع واني مأيسه من كلشي مسحت دموعي بكف ايدي وماحس الا
احد سحبني من ايدي شهكت من الخوف
صرت فوگه فتحت عيني على وسعهاا

- شنو بوية هلكد محروگ گلبج مني

- مامحروگ گلبي

- چا وهذا الحچي الحچيتيه شنو
بس لاتغارين عليه

- بأحلامك هاي ماغار لو اموت

- جنتي تبجين موو

-وخرر ماعليك بيه

- الي يدخل هاي الغرفه مايطلع الا اعرفه شيريد وهسه گليلي حبابه

- ماتحملت بجيييت ونزلت دموعي

وخرني منه وهو عدل كعدته وصرت مقابيله لزم وجهي بيده مسح دموعي

-اي ليش البجي بوية شبيج

-مابيه شي وشهكت بالبجي

- هاا اگول خاف سيرن عليج

- شنوو

-الخبالات

باوعت بعيونه صفنت عليه

-صدكك حتزوج

-لاتگولين هذا البچي كله لأن اريد ازوج

- يعني صدكك موو

-اي بسس لييشش

-حجيت بحرگه گلب عساك لاتتهنه بيها ان شاء الله بيوم عرسكم وتعطل السيارة
ومن تنزل تشوف شبيها تندعم وياخذوك للمستشفى وتدخل بغيبوبة
وماتصحه منها وتضل نايم بالفرااااش
وماتتهنه بعرسك كله

اشوفه رفع حاجب مصدوم بكلامي وفاتح عيونه على وسعهن

- يعني هاي دعاوي كلها عليه....

- اي اي عليك ان شاء الله متتهنه

-اوووففف خطية مرتي كسرت خاطري

- هي حلوة مووو

- تخبللل

- اموت على ربها

- شكد تحبها

- احب جميع محتواها
وعيناها ...؟
اووفف حبا اخر

حجيت بصوت مخنوك
- هنيالها التاخذك

-ماتخذيني انتي ونصير هنيالي وهنيالج ونجيب هنيولي صغير

رجف كلبي من كلامه يحجي ويغمز

- شتقصد

-ليش استيعابج بطيئ

-لأن عيونك حلوة

-لج بووووية انه احبچ.. احبچ ياشغف گلبي انتي
لج بوية رجال شكبرني شكدي ولو يمر طاريج انه
اشيل لخاطرج حنية بنية

لازم ايدي بأديه يحجي ويباوع بعيوني واني صافنه مصدومه ماعرف شنوووو
وگلبي يرجف من كلامه

- بس انت شوكت حبيتني

-من انتي طفلة بأيدي هاي شلتج جنت مراقبج لحد ماكبرتي بقيت اعصب عليج ماريدج تلعبين وي الولد ماريد احد يلمح خيالج رحتوا وعشتوا بغداد
وجنت مراقبج من ترحين للمدرسه لحد
مترجعين لحد مااجت امج بيوم الي رادت تزوجج بيه اجيت لبيتكم اخذ اوراق من ابوج وماشوف بس سيارات بابكم خابرت عمي گال انه بالشغل من سمع اكو سيارات بالبيت عرف سالفه
اجه وتلكيناه اني ودرغام دخلنا للبيت وشفتي بعينج شنو صار شفت الخوف بعيونج ماتحملت خليت وطلعت من البيت خفت خفت لو ماملحكين عليج شوية جان ضعتي من ايديي لج انه انه
اول مانولدتي اني سميتج فبة تدرين ليش لأن جنتي تشبهين لعابه صغيرة
وناعمة وشكرة تخبلييين كلت لعمي
يسميج هذا الاسم وقبل وصرتي انتي
اليي دوم على بالي محد حبيتها بكدج

-فلايتي

-ها
باوع بعيوني وگال

- شما تمر وجوه من يمج انه اليخبل عليج

-بجيت ودموعي نزلت

-ولج بوية والله الدمع ميلوگ ربچ خالقج ضحكة

-ضحكت وهو ابتسم

-انتي من تضحكين تاكلين كلبي اكل

-كافي

-خاب احبج بكد شط العرب انتي الروح والريه يابعد مايي عيني

-عفته وطلعت وصلت يم الباب وصاح

-بوية عيونج صوبن گلبي

-طلعت اركض من الغرفه ودخلت بغرفتي سديت الباب وتجيت عليه
واني احس گلبي يركض ركض مدري
شبيه تخربطت اوضاعي كلها فرحانه
ماادري لان طلع ميزوج او لان يحبني
رحت بفراشي ونمت مرتاحة واضحك

الساعة 10 ظهرا :

تهاني - يمة عوفن خيولون هم يطبخون انتن بس لمن البيت هو نضيف مابي شي
واذا مابيجن حيل روحن كعدن وستراحن

ريماس - لا عمه لا شسالفه يلا اني بس ابدل لريومة وامشط شعرها واجي

فلة - خوش لعد اني اروح انضف الغرف

ريماس - ماشي طلعي كدامي وهسه اجي وراااج

فلة - طلعت اول مارحت لغرفة دمار دخلت وابتسمت واني اذكر كل كلامه
البارحه اتذكر كعدت من الصبح لكيته
طالع بشغله بديت بتنضيف غرفته واجتي ريماس

ريماس - ولج كافي منتبهه على نفسج اليوم تمشين وتضحكين تخبلتي شبيج

فلة - اوووي مابيه مابيه شي هههه

ريماس - خبال كون حتى خبال

مسلم- هلا يابه اليوم دهام يخبز النه شمحضر النه اليوم على الغدة

دهام- طلع الخبزة من التنور اااخ نجويت خرب

مسلم - هههههه الله يساعدك والله
ولك دهام تدري هاي خبزتك صغيرونة على كد ايدك ههههه

محمد - يلا جيب سمج كملت خبز

ميسر - انطوني اساعدكم

مسلم، اي يلا ساعده ساعده

ميسر - يهووووووو اخذ ملح بأيدة ورشها على السمج

دهام - تعلم سويجد تعلم هيج سوي ويفتح بالسمجة الثانية

مسلم- اكلك محمد يكولون اذا غسلت سمج تطلع زفرته انت شلون تغسله

دهام - حبيبي بالعكس ماتطلع زفرته تخليله خل تفاح وخل ابيض وكلشي وليمون

مسلم - هااا

دهام - والله العضيم

مسلم- جا السمج هم يتبل السمج

ميسر - هيوووووووووو ورش ملح للسمج

دهام - خاااب ومرض حتى مرض

مسلم -هههههه اكثر واحد احبه من يطبخ ميسر يسوي واهس بالطبخ

ميسر -فتح خانة الكاونتر وطلع بطل هذاا شوفوه خل الليمون

مسلم- ههههه اول مرة اسمع خل الليمون

ميسر -اقصد خل الابيض شوف رش عليها شوية حتى تصير بيها حموضه

مسلم - دنسولف ومانسمع بس الطلق الي صار صفنا كلنا واحد بوجهه ثاني
مانسمع بس صياح امي رج البيت رج
ركضنا كلمن اخذ سلاحه وطلعنا نشوف
.........وننصدم بيهم

يتبعع ...!!

شنو رأيكم بهذا البارت علقوا رأيكم يهمني
شنو تتوقعون بالبارت الجاي شحيصير
واذا اكو اغلاط بالكلمات اعذروني لأن مااكدر اعيد البارت واركز عيوني غوشن