رواية بيت الشيخ اسد الفصل الرابع 4 - بقلم yaqin_2004

#بيت_الشيخ_اسد
#بقلمي_يقين_التميمي

إنَّ الصلاةَ على النبيّ تهدمُ الذنوبَ هدمًا
( اللهم صل على محمد وآل محمد )

بعد ماسد الاتصال التفتت عليه وعقد حواجبه وگال
دمار: ها كعدتي
فلة:اي
دمار:شون صرتي تحسين بألم
فلة:لا لا مابيه شي
هز راسه وكمل سياقه شوية وكفت السيارة مقابيل عمارة
دمار: يلا انزلي هاي شقه ترتاحين حتى باجر نرجع للبصرة
فلة: نزلت من سيارة وصعدنا بالمصعد جان كل ماارفع وجهي اشوفه صافن عليه
دمار:انتي شكد عمرج
فلة: هاا عمري 17
دمار: الي يشوفج يگول 12 سنة
يلا تعالي دخلي
فلة: فتح الباب بالمفتاح كفختني ريحة معطرات نظيفه
دمار: راح اقفل الباب شوي واجيج اني
فلة: هزيت راسي وطلع من الشقة

ملابسي كلها ريحة ديتول ومعقمات تلعب نفس
فتريت بالشقة بيها غرفتين ومطبخ وحمام واستقبال
دخلت للحمام نزعت الصايه والشال
واشوف كفشتي اني من يمي خترعت

صارلي ثلاث اشهر ممشطة رفعته كله
ولفيتها سويته كبايه
وغسلت وجهي بمي بارد يرد الروح غسلت اديه من اثر الابر صاير اثار زرك
دخلت وحدة من الغرف لكيت بيها مشط اخذته وطلعت للاستقبال امشط
وكفشتي صارت هاكبرها
ونفتح باب الاستقبال

دخل دمار وبأيدة علاليك التفتت شافني وبقه صافن
واني نسيت روحي بلا شال ركضت للحمام لأن علكته لبست شال وطلعت

دمار:احم هاي جبتلج ملابس حتى تغسلين وهذا اكل

فلة:انطاني علاگه ملابس ودخل بوحدة من الغرف وسد الباب وراه
فتحت العلاكه لكيت بيها دشداشة وفستان لون اسود وشال وملابس داخليه نحرجت حيييل
هاي شون شتراهن

خذتهن ورحت دخلت للحمام وسبحت احس نفسي جنت مخنوكه وهسه رتاحيت لبست ملابس داخليه قياس على كدي كلش
طلع خبرهه

لبست دشداشة لون سودة نشفت شعري وطلعت بالغرفه الثانية سديت
الباب وكعدت امشط بشعري
وندك الباب خليت شال على راسي
تفضل ... فتح الباب

دمار: كملتي حتى تجين تاكلين وتاخذسن علاجج

فلة:اي لحضة
طلعت لكيت محضر الاكل على الميز كعدت وهو صار مقابيلي بقينا ناكل والهدوء سيد المكان
لحد ماحجيت وكسرت هذا الهدوء
رغم خوفي منه بس حاولت اكون قوية

ااا انت شون عرفت بيه ومنو اخذني للمستشفى

دمار: سمعنا بالخبر وجينا

فلة:وگف وراح يسوي جاي واني داكل
احس نفسي مقيدة
ختنكت قبل كم شهر جنا اني وبابا سوه

دمار:تردين جاي

فلة:لا ماشربه

دمار:خوش

فلة: عزلت المكان وهو راح كعد بالاستقبال يشرب جاي
واني دخلت للغرفة وتمددت على السرير وتذكرت قبل واني صغيرة
جنت عايشة وي عمامي قبل

جان عمري 8 سنوات تقريبا جنت كلش اخاف من دمار واضوج منه اتخبل من.. اشوفه لأن ميعجبه العجب وميخليني ..
العب وي احد وخاصة الولد اتذكرهم ..
وكان دائما يتحكم بيه سوي هيج........ ولسوين هيج

راحت ايام وصرت كل مااكبر شوية ضليت اتهرب منه ماشوفه وبالوقت
وبالوقت الي اهلي يرحون بي لبيتهم
اني اروح لبيت عمي الي بصفهم في..
سبيل ماشوفه ولاالتقي بيه لحد ماصار

كبرت وكل مااكبر صار كرهي اله يكبر...
شغل بابا بغداد وهو ميكدر يعوفنا دائما
اخذنا وعشنا وياه بغداد هناك وصرت... ابد ماشوفه وحتى من نروح لبيت........ عمامي اني ماشوفه بس الولد باقين..... موجودين وتفاجئت بشخصيته هسه ....

.................

مسلم: ولك ميسر عوف الطلي شبيك وياه راح يموت من وراك

ميسر:ماعليك انت يلا حبيبي يلا اشرب ببسي زين لصحتك اشرب بعد روحي

سيف:ولك يالاغم وين اكو طلي يشرب ببسي ولا فوكها مفيد للصحة

فارس: شترجه منك بعد

ميسر:ترحوله فدوة للطلي

فارس:تهي بهي

ميسر: لزم طلي من راسه ويحجي وياه
حبيبي ياعمري انت فيمالاااا
برينا الذمة خاف غلطنا وياك او اجاوزنا عليك برينه الذمة ماوصيك وهذا مسيلم
يولي ماعليك بيه بعد
انت حاليا صرت بأمانة سيف

سيف: اي بعد هذا بأمانتي اذبحة جوه رجلين فلة اكلها هذا من خالج ميسر

فارس:لزم راس طلي اكلك ميسر هذا يشبهه راسك كلش

ميسر:ههه عمي غير شحلاته يلا باي حب ولاتزعل من مسيلم ترة مسلم هم
اخوك هوو

مسلم:انعم الله عليك سويتني اخوو طلي

سيف:ااااا ليش طلي زعلان من مسلم

ميسر: اي زعلان

سيف:لالا لتزعل هذا اخوك حبيبي

فارس: اكلك لك ميسر هذا بي فلاونزة يمكن

ميسر: هااا ولك طلعت خبره ههه
ضربهه ابره

دهام:ولكم كافيييي لغوة يلاااا

فارس:سيف روح جيب الجدر بسرعه
هم يلا نبدي نطبخ

دهام:بدينا بالطبخ وكمل وي هوسه الولد خبصونا خبص عمامي كلهم موجودين ودمار اتصل كام وصلت

....................

فلة: كعدت الصبح على دگه الباب وكفت عدلت الفراش وگمت طلعت
لگيت دمار گاعد ومحضر الريوك

دمار:صباح الخير

فلة:صباح النور

دمار: يلا عيني تعالي تريكي حتى تاخذين علاجج ونطلع

فلة:ماشي
رحت غسلت وصليت واجيت اكلت شوية ولميت الاكل وخذيت العلاج
ورحت بدلت لبست فستان الاسود..
الي جابه ذوقه حيل حلوو وطلعناااا

جان اشوف درغام هم اجه بسيارته هم
واشرلنا گال طالع كدامكم

دمار:يلا تعالي صعدي

فلة:اشر على الباب الصدر فتحتا وكعدت وهو اجه صعد وساق ...
الطريق كله جان طويل خلصتها
نوم بالسيارة لحد ماصاح بأسمي

دمار: ً فلايتي ً

فلة: كعدت مستغربه ليش گال هيج ليش خله ياء التملك

دمار: كعدي بوية هاي وصلنا

فلة: وصلنا بشارع عكس بي ونزلنا جان طول الطريق بس زرع يخبل الشارع...
وصلنا بوابة كبيرة حييل اني شايفه.... بيتهم جايتهم قبل فتحوا البوابه ودخلنا

دخل سيارته الي بالكراج الي مخلينا بين الديوان المضيف وبين البيت خله....... سيارته ونزلنا واني اشوف كومة شباب ..

شفت عمامي والولد واني نزلت دموعي لو بابا عايش هو وحسن مو جان واكفين
يمهم مكانهم فارغ احس نفسي غريبة ..

فله: سلمت على عمامي وحضنوني ويبجون واني صرت من واحد لواحد

سيف: هلا هلا والله

ميسر:وهلا هلا

مسلم: هلا يحي الله يحي الله تفضلي يبا

دهام: هلا بيج خوية نورتي

محمد:هلا بوية شونج الحمد لله على سلامتج والبقيه بحياتج

فله: هلا بيكم الله يسلمكم

ميسر: لك روح جيب الطلي خل اذبحه

فله: شنوو بصراحه اني اخاف ينذبح حيوان كدامي

ميسر:اي عيني انذبحه بمناسبة سلامتج

سيف: يا خويه بس لا نفس ذني البنات الكيوت الي ايخافن من يذبحون حيوان

مسلم جاب طلي: وخرو اشويه خل اذبحه

ميسر: هو شني حلال موته انت اذبحه اني اذبحه

فارس: وسعو الميدان اني اكبركم اني اذبحه وخرو يله

ميسر: اخرررس صاير جبير ابراسي

دمار بصياح: نعلااا وخرو فوتو امشو مامنكم فايده ولوو روحو منا

ميسر: اووووي اخويه العصبي ميتحمل

الشباب: ههههههههه

مسلم: حلوه هاي ال اووووي

عقاب: هسه تمشون لا بلعكال

ميسر: عمي رايحين رايحين امشو

فله بقيت صافنه عليهم يتعاركون واني صافنه جابو الطلي ذبحه دهام ودخلت للصاله

شفت بيبيتي كاعده وكفت كوة وجيت بحضنها حضنتني وبقت تنعى وتبجي
وتمسد على راسي

رمانه: ولك يمااااا اكعد شوف بنيتك شلون مكسورة بفركتك كووووم يمه
ولك يمة اكعد شوف شلون بغيابك .
صفت ولك جدة حسن بعدك صغير
ورحت عفت اختك وحيدها ااااااااخ

-بقيت بحضنها واني ميته من البجي على ابوي واخوي وعلى نعاوي جدة
وخرتني من حضنها ولزمت وجهي...
بأيدها مسحت دموعي

رمانة: حبوبة انه اعرف مااكدر اعوضج لاعن ابوج ولاعن اخوج بس يحبوبة انتي
اخليج بهاي عيوني الثنين انتي من اليوم
بنيتي هنااا مجانج بهذا البيت يمي

ميسر: شفت شون فلة حضنت جدتي وبقت تبجي بحضنها خطيه هاي البنيه
حتى ماحضرت فاتحة اهلها دخلت بغيبوبه عيوني دمعت عليها التفتت واني اشوف مسلم وفارس وسيف نفس
الشي وجوهم صايرة حمر والدمعه بطرف عينهم

مسلم:شباب طلعون اني طالع مااتحمل اشوف هيج ترة

سيف:امشي امشي نطلع

تهاني: شنو يمة واني مالي حصة من السلام خلي اشوف بنيتي

-شفت عمة تهاني اجيت بحضنها وهي تصبر بيه سلمت عليها

ماريا: هلاو فلة شلونج

-هلااا عيني حمد لله انتي شونج

جتي وحضنتني وهي عيونه حمر من البجي ماريا بت عمي تصير اخت درغام
وسيف وفارس

مادلين: لج فلااااا شلونج

-مادلين عيني هله يروحي حضنتها وبوستني مادلين اخت درغام الثانية
مزوجة محمد ابن عمو اسد الجبير

-شوية وماسيطرت على روحي شفت
الدنيا گامت تفتر بيه وصوت صار كوه
يوصلي لعبت نفسي وگعت و.........

يتبع......

ياعيني صارلي يومين منزلت بارت بس شوية مريضة وهسه كتبت هذا تصبيرة
ماكدرت اخليكم هيج
بس اصير زينه انزل
احبكمم