#بيت_الشيخ_اسد
#بقلمي_يقين_التميمي
اون ومن لوعتي
وكالو يغني
ندفع الباب من كد الضربة نشلع من مكانة كلنا وكفنا على حيلنا مصدومين احس گلبي وگع من كد رعب والخوفف
دخلوا ثماني رجال مسلحين ولابسين زي اسود ومخلين نقاب مامبين منهم غير عيونهم
اخذ بابا سلاحه لأن جان مخليه يمه لزمه ورفعه عليهم يهددهم مايقتربون يمه
احمد: هييييي منوووو انتوووو طلعووو من بيتنااااااا بسرعة
لااقتلكم هسه
فلة: سحبني واحد منهم وخله سلاح على راسي ومخلي ايده على حلگي
واني ارجف رجف جوه ايده من الخوف
دموعي ترست وجهي ترس
الرجال:نزل سلاحك تعرف اذا مانزلته
اعتبر بنتك مقتولة
احمد:خلص خلص راح نزله بس عوفوا بنتي لاتتقربون يمها عدكم شي وياي اني
جهالي عوفوهم
الرجال:ههه هو احنا جينا ليك انت وهذا ابنك النذل
حسن:احترم نفسك لككك ماغيرك نذل
الرجال: ضربوه خلي يتأدب ويحترم الاكبر منه شوية
:حاضر سيدي
فلة:هجموا على اخوية وبقوا يضربون بي على بطنه بوجهه كسروه تكسر سحبوا بي الارض من شعره ويسحلون بي بابا يصيح ويهدد بيهم وهم ولاهمهم
كافيييي كافيييي عوفوا اخوية عوفوه حيموووت ياكلاب ياحيوانات عوفو اهلي عوفوهممممم
احمد:عوفو ابني راح يموت كافي شتردون شنو تردون فلوس اني انطيكم شنو تردون بالضبط
الرجال: يلاااااا ربطوهم بسرعه
:حاضر سيدي
الرجال:لزموهاااااا لاتخلوها تطلع
:بس سيدي نحنا ماجينا عليها
الرجال:نفذواااا بدون كلام زايد
فلة:ركضوا على بابا واخوية لزموهم
وربطوهم وخلو اديهم وراه راسهم وخذوهم يم الحايط
حسن:عوفني ياعاااااار وخرووو عن ابوي وخرووووو
لزموني اثنين ماخلوني اتحرك ولا شي
وهذا الكلب رأيسهم تقدم على بابا
وكعد مقابيله على القنفه وخله رجل
على رجل
الرجال :امم وهسه ياحضرة اللواء احمد اسمعني زين
ياتجي تصير ويانا يانقتلك
احمد:انتم منوو وشنوو شغلكم الي تريدني اصير وياك
رجال:يعني نگلك اقتل بنتك تقتلها
اقتل ابنك او زوجتك تقتلهم
احمد: مستحيللل مااشتغل هيج شغل
وصخ اني
فلة:جان بابا يحجي وياهم ياخذ وينطي بالحجي وياهم
ويباوعلي بنضرات ماعرفت افسرها بس
جنت متأكدة جان يريدني اطلع من هنا
عضيت ايد هذا الي لازمني وركضت ركعت يم رجلين رأيسهم جنت مستعدة ابوس رجله بس حتا يعوف اهلي بحالهم
كعدت يم رجليه ابجي فدوة فدوة عوفوا اهلي احنا مامسوين شي عوفونا
احمد:كوميييي بابا كومي لاتترجين هذول الزبايل
مو بنت اللواء احمد تترجه هيج خناث
خليج قوية يابعد ابوج
ودائما تذكري انتي بت احمدددددد
امااااانة يابوية ماريد دمعه وحدة تنزل من عينج علينا وتحملي بعد ابوج
ماجنت اعرف هاي اخر مرة اسمع صوت بابا وصوت حسن اخوية
ماجنت اعرف هاي اخر مرة اشوفهم وبعد مستحيل اشوفهم
لحضات لااكثر مجرد ثواني مااسمع بس
طلقة اجت بنص جبين اخوية حسن دمه اطشر على الحايط انترس دم
فتحت عيوني على وسعهن من صدمة
وبنفس الوقت طلقه ثانية اجت لبابا
طفرت عينه بحضني ودم ترس ملابسي ترس حلكي احسه تخيط ماكدرت احجي شي بس مصدومة
اشوف اخوية يگلب عينه ويرجع لحد ماعينه صارت بيضه
ارواحهم كدامي جاي تطلع شوية شوية
جاي اشوفهم بعيني شون يرفسون وروحهم جاي تطلع
وسلمتها لرب العباد
وكفت على حيلي وهجمت على الي ضربهم هو نفسه رأيسهم مااعرف القوة منين جتي
لك يانذلللللللللل
ياعاااار ياكلببببببب
لك شوووون قتلتهم هااااااااا
ملخته تملخ بأضافري وگع النقاب منه واني شفته ونصدمت
هوووو هووو نفسه هذااااا نفسه
اني شفته واني بعد وكعت
ماعرف شنو صارلي بديت افقد شوية شوية بس صورة اهلي بالگاع ودمهم تارس المكان ترس بدت تختفي صورتهم
_______________
كاعد على المكتب واحس راسي يريد ينفجر من هلمصايب ولعبان نفس حطلك راس وتعال اسمع
دك باب المكتب الشرطي
تفضل
:سيدي لزمنا المجرم وصار موجود هنااا
خوش دخله الي
:حاضر سيدي
طلع شوي ودخل وياه واحد خنيث ابن خنيث شكله مااكدر اوصفه شنوو
شعر مصبوغ اصفر
شكله كله عمليات تجميل
الله يخلصنا من هيج نماذج
كعد مقابيلي
احجيلي اسمك الثلاثي
المتهم: هااا
دمار بصياح: احجيليييي اسمك الثلاثي
المتهم. : سيدي اسمي *********
دمار : ليش مسوي عملية خطف
المتهم: سيدي جنت محتاج واني الوحيد لامي
دمار : محتاااج تسوي عمليه خطف شسويت بله
المتهم: سويت عملية تجميل بيهن
دمار : دتعاااال انه مليييت من هلشكول
درغام: دخلت للمكتب واشوف هل دمار هذا مشوهه خلقت الولد تشوهه
لك هااااي شسويت
دمار: لك ربه عله لگلبي بكلامه المايع
درغام:ماعليك بي هسه يعاقبوه
دمار:صحت للشرطي
تعاللووووو طلعو يله
رحت غسلت ايدي ورجعت اي شكوو جاي هنااا يمي
درغام: اكل نعل ترة ثنينه نفس رتب لاتشوف روحك عليه
دمار: مااكلك حبيبي
درغام: انعم الله عليك
دمار: اشش هذا جهازي يدك
الووو
شنوووووو
تحجي صدك
استغفر الله ربي
لاحول ولا قوة الا بالله
جاي جاي
درغام: شكوو شكوو شصاير
دمار: لك ماعرفففففف يكولون عمي احمد وحسن ابنه مقتولين
درغام: شجاي تحجي مو على اساس يطلعون لتركيا شنو نقتلوا
دمار: امشي امشي
درغام: طلعنا جان هو شغلنا بالاصل بالموصل وهو عمي وحسن موجودين
صعدنا واخذنا ويانه ربع ساعه وصلنا
للبيت دفعنا باب البيت ودخلنا وننصدم
الدم مالي المكان وبنتهم واكعه بنصهم وسابحه بالدم سبح
ركضنا عليهم جان عمي وحسن بلا نفس
غمضنا عيونهم واجو شباب شالوهم
بنته جان بيها نفس بس ضعيف تتنفس بثكل تقرب عليها دمار وشالها
دمار: درغااااام كدامي افتح سيارة بساع
خلي نلحك عليها نفسها بطيئ
درغام:اي اي
ركضت وفتحت باب السيارة وصعدنا بيها وخلناها بالورة دمار ساق بكل سرعه
على كيفك لانسوي حادث
دمار:استغفر الله ربي واتوب اليه
درغام: عيونه صارن حمرررر دم وبس ينافخ وصلنا للمستشفى ونزلناها خذوها للطوارئ
دمار: امشي روح درغام ارجع روح لأهلنا خبرهم خلي يسوون فاتحه واخذ الجثث
درغام: شوون وانت
دمار: لحد ماتصحى اجيكم
درغام: ديربالك على نفسك اي شي يصير خبرني تمام
____________
بعد مرور ثلاث اشهر
دهام: دخلت للمطبخ واني اسمع ميسر يدندن
هااااي شنو اليوم ميسر هو يغسل اماعين
ميسر : لك دهام امي لوو جايبة مكان عويقب لو مديمر بنية احسن
على الاقل نستفاد منهم
مسلم: اي والله مخلصينها بس اكل ونوم كلشي مامستفادين منهن
دهام: صفط صفط الاماعين هناك
نضفهن عدل
مسلم:اكلج يمة انتي شعندج
كاعده هناا
تهاني: يمة اشرف على اخوك ميسر
حتى يغسل اماعين
ميسر يغني:
امي ياكل الوجود..
يافرحة في نفسي تجود ..
انتي الهوى العايش بروحي..
انتي يااحلى الورود ...
تهاني: بسك كافي عوف الغنه وكمل غسل اماعينك يلاااا
دهام: مسلم تعال تعال اغسل وياه
مسلم: وخرر شوية
اويلي عليجن يالبنات حكجن تخافن على اظافرجن
ميسر:الله يساعدهن اي والله
دهام: لك ميسر باع مسلم يغسل بليفه ههههههه
مسلم:هذا الماعون اسمر
اكيد الشيخ عقاب هو الي ماكل بيه
عقاب: هاااي عليمن تحجي
ميسر: بسم الله الرحمن الرحيم
هااا شيخ شوكت اجيت لهناا
عقاب: من بديت تمسلت اجيت هذا عليمن الماعون الوصخ وبعد وبعد
ميسر: لا شيخ مو عليك انت تاج راسنا مثل ابونا مانحجي عليك
مسلم: اي شيخ صحيح
عقاب: چا عليمن هذا الحجي
ميسر: على مسلم الوصخ ابو الكطل
عقاب: رفع حاجب احاول اصدكك
ويين امي والحجيه
دهام: تلكاهن جوه بالبيت
مسلم: لك ميسسسر شلون تحجي عليه تكول الوصخ
ميسر: قابل مجذب اني ديلااا كمل كمل
دهام: ولك مسلم غسله حييل حيييل
مسلم: لك الوصخ لاطش مايطيح
دهام: اطيه لميسر خلي يشطفه
ميسر: بترتيب غسله حبيبي مسلم بترتيب
مسلم: لك هاي البنات شلون يغسلن
اماعين فلك طرهن كون
ميسر: هسه عود احنا هم عدنا چنه
امداني كوون
دهام: هههههه غير المرة مريضة بيها سرطان الله يشفيها
ميسر: هو الله مرضها بهذا المرض الخبيث من خباثتها
مسلم: اسكت لايسمعك عقاب تحجي عليها ويموتنا
ميسر: قابل مجذبين هيه حيه
مسلم: عزااا عزااا عزااا
شنووو هاي اماعين شوكت نخلص منهن
دهام: شنو هسه انتم ماخلصتوا
صارلكم ساعة
عاااااا ولك شسويت
ميسر: صخام بوجهك مسلم شلون كسرت الماعوووون
دهام: اي اي لك ميسر ضربه ضربه حيل
ميسر: لك انت فااااهي فاااهي
صارلي سنة
اكنس وامسح واطبخ وانفخ
وانت ماعون مادبرتها
دهام:جتكم امي جتكم
تهاني: شبيكم عليمن هذا صياح
ميسر: ابنج الاثول كسر الماعون
تهاني: يلا فدوة اله
كملوا وتعالو عندي الكم خبر بسرعة
ميسر: انزوووول عليك
دهام: مسلم تعال لم هذا الكزاز يلا
مسلم: لك تعالو شوفو اديه صارت سوود
دهام : ديلاا تعال هذا هنا كزاز هم
مسلم: عزااا الكارلك خرب
دهام: شنوو كارلك هههههه
مسلم: لك هذا مال اظافر
دهام: هههههه
مسلم: عزااا لك باع باع شوف رجليه صارت سووود
دهام: ادري ولك مسلم هسه انت تغسل بأيدك جسمك شبيه يركص
مسلم: حبيبي مو هاي الاغاني تسويلك واهس خالتي سجودة
تخليك غصب عنك تركص
ميسر: اويلييي عليج ياخاله سجودة
اي يلاااا يلااا
يمين يسار يمين يسار
دهام :اباوع عليهم ويركصون بخلفيتهم وحسب الاغنية يمين يسار
بالعباس انتو تخبلتوا
مسلم: هو الي يسمع سجودة يبقه براسه عقل
يلااا يلااا ميسر
فوك فوك فوك تحت تحت تحت
ميسر: اسبح اسبح ههلا والله
روح روح روح يابه
مسلم: هوي هوي هوي هوي
عقاب: هااا بوية شنو اتصلتوا عليهم لو بعدك
اسد:اي بوية اتصلت گالوا باجر نجي
عقاب: خوش هلااا بيهم
فلة: فتحت عيوني گوة افتح وارجع اسدها احس راسي راح ينفجر من الالم
شوية وضحت عندي الرؤيا اباوع اشوف اني بمستشفى مغذي معلگه بأيدي
دمار: الوو الووو دتشوفيني
-لكيت واحد كدامي ويأشر بأيدة هزيت راسي اي اي
دمار:يوجعج شي
خلي اصيح الدكتور واجي
- شوية ودخل هو والدكتور بقى يفحص بيه كمل فحص وگال
الدكتور:الحمد لله صحتها عال العال
بس شوي نفسيتها تعبانه يرادلها راحه
دمار: اشكرك زين تكدر تطلع
الدكتور: اي تكدر تطلعها
دمار: تمام
-طلع دكتور من الغرفه واني صافنه تذكرت تذكرت اهلي ونزلت دموعي
دمار:ليش تبجين
-اهلي وييين صارلي شكد نايمة اني
دمار: الله يرحمهم والبقيه بحياتج صارلج ثلاث اشهر نايمة دخلتي
بغيبوبه
من الصدمة
فتحت عيوني بتعب بقيت اشهك يعني اني ماحضرت فاتحتهم
دمار: اني شوية واجيج راح اسوي اوراق الخروج حتى نطلع
-طلع من الغرفه واني زدت بالبجي شون يعني اني مو بحلم يعني اني اهلي صدك راحووو وعافوني زين وين اروح اني وين
دخلت عليه الممرضه ساعدتني البس ملابسي واجه هذا شاب اني شفته بيوم
الي اجوو هو وبابا وحسن بيوم جنت ارد
ازوج وصاروا يتعاركون وياهم
دخل وجان جايب وياه علاكه فتحها وكعد كال يلااا اكلي حتى نطلع
-فدوة ماريد مااشتهي
دمار: كتلج اكلي حتى تاخذين علاجج ونطلع حتى لادوخين
-ماناقشت مالي خلك اصلا كعدت اكل شوية لعبت نفس خليت وكمت اريد اغسل غسلت وطلعت واشوف شاب ثاني من شافني وكف
درغام: هلاااا بنت عمي الحمد لله على سلامتج البقيه بحياتج
-عقدت حاجبي شنو ابن عمي
صحت انتوا منوو
درغام: صح ماصحت فرصه نتعرف زين للأسف بس احنا ولد عمج
وهذا دمار ماتذكريه قبل
- فتحت عيني على وسعها شنوو انت انت دمااار دمااار
دمار: اي
-طلعوا كدامي واني اتمشه وراهم مصدومة هذا نفسه نفسه الي جان
كابوسي الي جان مخوفني دوووم من
الصغر لحد ماطلعنا بيت لوحدنا وخلصنا ياربيييي ساعدني فدوة
امشي وارجف خايفه خايفه منه غمضت عيني اصبر على نفسي
وهو كل شوي يلتفت يشوفني ويرجع يكمل مشيتا وصلنا راح الولد الثاني بسيارة وهو صعد بسيارة
دمار: شنوو ماناوية تصعدين
فلة: هااا لالا حصعد
دمار:يلا بسرعة
فلة: صعدت ليورة وهو دار سيارة وساق وطلعنا رجعت راسي على الكشن ونمت من الدوخه
كعدت على صوت حجي جان دمار يحجي هو وشخص جان الصوت واضح لأن هدوء
ميسر:الوو مساء الخير دموري شلونك شخبارك حبيبي
دمار: هلا بيك اني كم مرة كتلك لادلع الاسم تحب اكسر سنونك
ميسر: تمام بعد مادلعلك اكلك حب شو مارجعت مشتاقلك والله
دمار: اني مامشتاقلك ولااريد اشوفك والبارحة نمت مرتاح وجهازي سويته صامت حتى من تتصل عليه ماسمعه
ميسر: هههههه ليش مو اني احبك واموت عليك
دمار: اي صح ادري تحبني احجي من الاخير شتريد ترة داسوق
ميسر : اريدك حبيبي
دمار : نجب واحجي عدل لامن اجي اكسرك تكسر ويلا احجي شتريد
ميسر: ههههه لا قصدي اريدك بشغلة ليش تفكيرك وصخ
دمار: شتريد كول اني خادم للمخابيل اقصد للطيبين
ميسر: بعد روحي مولاي الذهب ماتقصر
دمار: بيك خير وتدلل كول شنو محتاج
ميسر: هو انت عطر ماانطيتني
دمار:عوف سالفه العطر احجي شنو تريد اجيبلك بمكان العطر عشرة بس هذا مااكدر انطيه خوش
سجاد:اي خوش اريدددددد 5 ملايين
دمار، شسوي بيهن
ميسر: اريدهن لحبيباتي ههههه لا صدك محتاجهن وعلي بشهر الرابع ارجعهن الك
دمار: ماشي اني هسه طالع روح اخذ من عقاب
ميسر: اريد منك مو من الشيخ
دمار: هنه من عندي بس اني فلوس ضامهن عند عقاب
ميسر: بعد روحي خياي اني احوبكة يعني احبك هههه مححح من حلكك
دمار: انجب عار ولاتحجي هيج لااجي اطيح صبغك والله
ميسر: باي باي احوبكة خياي العسل
دمار:ديلا في امان الله ابو وجهه الاملح
يتبع......!!
عيوني ترة هواااي غيرت بالاحداث عن الي نحذفت قبل فترة
الاحداث حقيقية
بس مجرد قدمت واخرت بيهن
ولاتنسون تصويت
احبكمممم
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!