#بيت_الشيخ_اسد
#بقلمي_يقين_التميمي
طشت اسنيــن المحبــة ومن بگاياهـن شلــم
مـرة تغفـه جروحي بيه ومـره احــن وانلچم
-وكعت بالگاع التموا عليه كلهم
دمار- وخروو شوية خلي تتنفس .
اجه ساعدني خلاني على القنفه.
وجدتي يمي والباقين طلعوا وهو
اجه جاب كلاص ماي وعلاجي
-احم هاج اخذي علاجج
خذيته وهو طلع من الاستقبال
رمانة- يمة ماريا گومي اخذي بنت
عمج فوگ بغرفتها محضريها خلي
تنام وترتاح شوية
ماريا: اي جدة حاضر
گمت وساعدتني ماريا صعدنا فوگ.. بيتهم اربع طوابق الاول بيه استقبال
ومطبخ وغرفتين وحدة لجدتي وحدة
لعمو اسد وعمة تهاني ثاني كله للشيخ
والثالث لدمار ودهام ومسلم وميسر
والرابع بيه مسبح وبي قاعة رياضيه
ماريا: اني اخليج ترتاحين بغرفتج
فلة:اشكرج حبيبتي تعبتج
ماريا: نجبي ياتعب روحي رتاحي يله
عافتني ودخلت للغرفة مأثثه كلها وردي
واثاث يخبل عبالك غرفة لعابات تجنن..
فتحت الكنتور لكيت كم قطعة ملابس بيها مسطرة كلها اسود
اخذتلي قطعه دخلت للحمام سبحت وطلعت نشفت شعري وگف صار چنه
سيم اماعين مشطته وضفرته ونمت..
عقاب: سلاممم عليكم
الكل: ههلا وعليكم سلام
عقاب: شنو بت عمي شو ماكوو
تهاني: يمة شوية وضعها مامستقر صعدتها بغرفتها ترتاح شوية
عقاب: هاا خوش ريم وين بنتي
ماريا: هو اني رحت لغرفت اسراء كتلها وين ريم ماقبلت تنطينيها
عقاب: استغفر الله والله تعبتني هلمرة
ميسر: هسه شالعه گلبك ازوج المن باقي عليها
مسلم: اي شو حتى هيه قابلة ومنتضرة منك خبر حتى تروح تخطبلك
سيف: الله ويصير عرس ونلعب لعب
فارس: اي والله
عقاب: بسسس كافي شكد تلغون رحمة للميتين
دهام: هسه قابل الحچي بفلوس خليهم يحچونن
عقاب: استغفر الله ربي
ماريا خوية بلا امر جيبيلي ريم
ماريا: اي تدلل
محمد: انه اترخص منكم اروح لبيتي يلا مادلين وين حُر خلي نرووح
مادلين: اي هسه اشوفه
دمار: ابو حُر بعد وكت وين رايح
محمد: لا والله هم يلا وراي شغل باجر
دمار: براحتكك
ماريا: اسراء وينج يمعودة فتحي الباب
اسراء: اهووو واحد حتى بغرفته مايرتاح شتردين شتردين
ماريا: هيووو لاصيحين ماميته عليج واجيتج وين ريمم عقاب يريدهااااااا
اسراء:اوووفف هذيج خذيها وروحيي
ماريا: جتي ريم تركض عمرها ثلاث سنوات يمة هلااا هلااا خذتها وطلعت
ابوس بيها
حُر: هيي هيي شكوو تبوسين بيها
ماريا: يمة گلبي ولك منين طلعتلي انت شنوو جني
حُر: اي جني شكو تبوسين بيها
ماريا: تخصرت يمة شكوو وشعليك بستها لااا
حُر: نجبييي انتي جيبيها
ماريا: خذها مني وراح نزل لابس دشداشة بيضه عبالك رجال جبير
وهو كل عمرة 11 سنة
مادلين: ياااا وانت هنا واني ادور عليك وين جنت هااا
حُر: شنو صغيرون ودورين عليه رجال طول بعرض رحت جبت بت عمي
مادلين: ديلااا ابوك يكول خلي نروح
حُر: اي خوش
عقاب: هلااا هلااا بحبيبة ابوها
حُر: عمي ترة بتك الي هايي خوش بس تكبر اخذها وازوجها
عقاب: ههه بوية اذا هي قابله بيك گبعها واخذها
حُر: اي تقبل قابل شبيه اني
ميسر: خاااب نجب مسوي روحه رجال هوو ابو الخيس
حُر: نجب انت رجال وغصب عنك ولاتغلط فاااهم
ميسر: ولككك تغلط عليه دتعال اني اعلمك
محمد: هيي هييي شبيك وي ابني انت البديت ترة
ميسر: بسيطة ياحُر اني اعلمك
حُر: عود ميخالف
محمد: كافيييي حُر امشوا يلا
الله وياكم ياجماعه
الكل: هلا بيكم
محمد: بابا حُر انت كبرت وهذا عمك مايصير تغلط عليه خوش
حُر: حاضر بوية تدلل
محمد: اروحلك فدوة
تهاني - يمة ماريا فدوة روحي كعدي بت عمج خلي تجي تتعشى
ماريا: اي عمة صعدت فوك دخلت لغرفه فلة لككك يله يحلووو اكعد..
صار ليل وانت مكاعد
- كعدت من نوم هااا صدكك صار ليل
هاي شكد نايمة اني
ماريا-ههههه كومي لج يلا عايفتني وحدي بين حشد زلم كومي خلي..
نتعشا يلا منتضرينج
-اي تمام لبست شالي ونزلنا سوه... لكيتهم كاعدين على ميز طعام كلهم
دمار - شلون صرتي فلايتي
- صفنت اريد اجاوبه مااگدر احس لساني نربط ظليت امتمت بالحچي
الكل انتبه عليه وابتسموا لان رتبكت
ردته يروح حتى اخذ راحتي لان متت.
خجل بس بيني وبينكم صاير يخبل ..
اول ماشفته كلت صاير يجنن وهواي
متغير عن قبل وصراحه تغيرن مشاعر
الكره شوي ضليت يعني عادي مااكرهه
مثل قبل ..
رديت عليه لأن عيب من اهله واني كل هذا واحس نبضات گلبي يتسارعن اجه
يوگف گلبي مصدومة اجه يغمه عليه..
هو بقه كل شوي ويسرق نضرات ويباوع
عقاب: شلونج خوية الحمد لله على سلامتج
-هلااا خوية الحمد لله الله يسلمك
اسراء: ديلااا خبصتوني مريضه ومريضه وهي چنها حصان كلشي مابيها
-شفت الشيخ خزرها وسكتت
كعدنا نتعشى وبين سوالف الولد وشقاهم كملوا عشا وطلعوا عمه
مقبلت اساعدها راحت ماريا غسلت
اماعين واني اخذت الچاي عيب منهم
رمانة: يمة ليش جبتي جاي ماكعدتي رتاحيتي شويه
-لاجدة مابيه شي
ميسر: فله اذا خلصتي تعاي وياي
- اي لحضة
صبيت الجاي وانطيته الهم ورحت لميسر جان بالمطبخ ومطلع الهاون
ويدك بيه وكفت وخذت واحد من ..
شريط والگاه مسهل وهو يطحن بيه
فلة: هاي شنو ليش دتحطن الحبوب
ميسر: اشش اريد اسوي بيهم عملة ..
الليلة مو تحجين شي خووش
فلة: لا ليش هيج ميسر بعدك مبطلت سوالفك ليش هيج خطية
ميسر: انتي ماعليج بس سكتي
فلة: ديلااااااا كافي خليت هواي
ميسر - دسكتي اذا ماخليتهم ينامون بالحمام اليوم مااتسمه
فلة - لك مايلحكون على روحهم والله
ميسر - ديلا شوفي سويت الاندومي معجن يخبل
فلا - اباوع عليه طحن شريطين مسهل وخلاه وي الاندومي وخبطه وخذا الهم
رحت وراه وزعه على دمار ودرغام ودهام وسيف وفارس ومسلم وذولة كعدوا .... وكلوا ميدرون شحيصير بيهم ودمار بس
عاقد حواجبه ياكل ويباوعلي واني افرك
بأديه شحيصير بيهم
ميسر - الف الف عافيه
هاا يولد شنوو طيب العباس عليكم
الولد عاشت ايدك
ميسر - اي اني اذا طبخت من كل گلبي يصير يخبل هههههه
فلة - عفتهم وطلعت ماعليه بيهم والمشكلة ميسر حلفني مااحجي
رحت كعدت يم جدتي وعمتي ...
ميسر - اباوع على درغام لزم الماعون بأيدة وكله الاندومي البيه كله
ميسر - ها درغام اسويلك بعد
درغام - لالا شبعت هواي مسوي اليوم
ميسر - بالعافيه
والله لو تدرون شراح يصير بيكم هههههه
دهام - هاا شنو كلت
ميسر- ماكلت شي كمل اكلك
فارس - تعال اكل ويانه ليش ماتاكل
ميسر - لالا اني شبعان كلش انتم اكلوا عافيات
مسلم - اول تالي متاكل انت
ميسر - ورة دقايق اباوع عليهم كلمن مدد بالگاع ويتكلب من الالم ولازمين بطنهم ههههه
درغام - اااااخ بطني بوية
ميسر - شبيك شبيك هههههههه.....
اباوعله رفع دشداشته وركض للحمام
مسلم - لك بطني يبوووو
ميسر - ههههه شبيك جنك وحدة تطلة
سيف - وصلت وصلت هسه تجيب
ميسر - المعزوفة شتغلت
دمار - هههههههه قصدك ضرا**
ميسر - اي اي هههههه
فارس - بوووووية فقدت السيطرة ترة امشووو وخروا منييي
ميسر - بالتوفيق حبيبي هههههه
طلع من الحمام
هااا يلا تعال غسل غسل ياوصخ
درغام - لالا ماغسل بعد وراي رجعه للحمام
دمار - ههه ااااخ بطني لك ميسر كلب شمخلي بالاندومي وهيج صار بيناااا
ميسر- شنوو شبيك
دمار - يوم الاكشر
ميسر- وانت كووم اكعد عدل
سيف - ولك اكلك مااكدر مااكدر
متتت مدري شبيه
ميسر - ها دمار حمد لله على السلامة
دمار - لك ياسلامة وجهي گام يحرك
سيف - اكلك انت هم عدك سهال
دمار - جا وحد عنك شنو طبينه للحمام نزرع
ميسر - هههههه اني تعبت من الضحك
درغام - اني تعبت من ****
......................
فلة - كاعدة ويمي ماريا
ماريا - اكلج فله عدج فون موو
فلة- اي هذا
ماريا- حنطيج حسابات الولد اذا تردين تابعيهم او شي
فلة - خذته وبقت طلعلي بحسابات الولد سيف فارس درغام ميسر مسلم وعقاب.
ودمار تابعتهم كلهم اني حسابي خاص ..
ماريا - اي وهسه گليلي انتي وين واصلة
فلة - نجحت للسادس
ماريا - يااااي مثلي خووش حتى ندرس سوه بعد
فلة - ان شاء الله
ماريا - يلا اني اخليج هنا اروح لبيتنا محد بي وراي انضف البيت واغسل
ملابس الشباب باي حبي
فلة - باي حبيبتي
طلعت ماريا شويه ودخلوا الشباب كلهم صارت عيني على دمار خزرني والشباب كلهم وجوهم صفر يمكن عرفوا ميسر
درغام - تعاااااال لك كلب حيواااان شوكت تعقل انت هااااا شوكتتتت
ميسر - ااافف واحد ميشاقه وياكم
شبيكم انتم دوم عكره شويه ردت.
اغير مزاجكم هاا فلة شتكولين ...
فلة - ها باوعلي دمار ورجع خزرني
حجيت بگلبي لازم اقوي روحي بعد
لوين ابقى هيج خايفه من عنده اني
دمار - جنتي تدرين بي مخلي مسهل وماگلتي لأحد مووو
فلة - اا والله هو حلفني مااحچي لأحد
دمار - يصير خير
جيبووووولي الصوندة بسرعةةةةة
فلة - شحتسوي
دمار - ميخصج
ميسر - عضيت ايد درغام وركضت وره فله بتتت عمييي العزيزة دخيل عندج
مسلم - هاك هاي صوندة
دمار - تعااااال گدامي
ميسر - شبيه مخبل جاي يمك مارايد روحي
درغام - چا من خليت مسهل بالاندومي ماگلت لروحك هييييج
دمار - دتعاااال انه اعلمك اليوم
فلة - اجه بأتجاهي وميسر صاير.
وراي ومخليني اني بوجه المدفع
جليت صوتي وحجيت اا الله يخليك
عوفه بس هلمرة بعد مايعيدها مو
هيج ميسر
ميسر - اي اي بعد ماعيدها
دمار - هاي لخاطر فلة راح اعوفك بس دعيدها مرة ثانية وشوف شسوي بيك
فلة - خله وصعد فوك والشباب درغام وفارس وسيف راحوا لبيتهم والباقين
صعدوا كلمن لغرفته واني صعدت... وراهم لأن الكل راح نام
مرت الايام وصار تفكيري كله بي ومن يجي يصير گبالي اوهم نفسي ان اني.
اكرهه واصلا ماطايقة وجودة وماريد
اشوفه بعد من يجي للبيت ابقى بغرفتي
من يطلع اطلع ماالتقي بي ابد
بس اني گلبي يگول شي ثاني يجي الليل ماعرف اضل الليل كله اربعه وعشرين...
ساعه افكر بي وصافنه ردت اشوف او ...
اعرف عنه شي طلعت حسابه بقيت...... اراقبه شنو ينشر او اشوف اذا متابع..... بنات هواي او ويامن يطلع ومدري شنو
لحد ماليله من ليالي ساعة ب 2 بليل... بقيت اتكلب بالفراش طلعت جهازي...
دخلت على حسابه واشوف ناشر صورة
جديدة قبل 15 دقايق بس جان لابس زي
عسكري وصاعد على حصان ومبتسم
شخصيته تخبل جسمه معضل بس مو مو كلش عضلات حلوة خشمه مثل.... السيف شفايفه من الله بيهن حمار..... عبالك مخلي مرطب بشرته الحنطاوية
وعيونه العسليه زايدته جمال حواجبه
دخلت على تعليقات لگيت اصدقائه معلقين اله وااكثر شي بنات معلقه
كاتبات...اروح فدوة لهل نضرات ...
يابعد روحي لو تدري شكد احبك ...
اموت عليك...فدوة لوجهك ... اغلب
تعليقات كلها غزل واني مااعرف شصار بيه احس روحي صرت ناااار كمت افتر
بالغرفه واقرة بالتعليقات واني ميته
اني مخليه صورتي نص وجهي بس يعني محد يعرفني لان مامخليه شي يبين من
عندي بهاي اللحضات وجتي رسالة من
عندة لو اني احس گلبي طلع من مكانه
لگيته كاتب
دمار - مسحي صورتج لااجي امسح بيج الگاع
- اني شفته هيج كاتب واني بقيت ارجف گوه سيطرت على روحي كلت ماراح خليه يعرفني كتبتله
- انت منوو
دمار - فلايتي هاي سوالفج مو عليه سوي الكتلج عليه يلاااا
صكيت على سناني وجاوبته
- مااحذفها عاجبتني
دمار - ماتحذفيها موو
- لو تموت
دمار - چا تحملي اليجرالج
- اعلى مابخيلك اركبه
دااكتب وماحس الا الباب نفتح فتحت عيوني على وسعها وهو وگف بالباب.
مكتف اديه وارتجه على الباب
دمار - تحذفين لو اشوف شغلي
- خلاص ححذف بس اطلعع
دمار - حذفي عود اطلع
عقدت حواجبي وباوعت عليه بغضب حذفت الصورة وغيرتها گتله
- وهاااي غيرتها
دمار - انطيني اشوف
تقدم عليه وسحب الجهاز مني بقى طول بيه تقريبا فوك العشر دقائق ..
شوية ورجعه الي
اخذته واني اشوف حاذف نص البرامج لاغي المتابعات هواي وكفت على حيلي
-هاااي ليش هيج سويت
دمار - احسن
- هو شنوو بكيفك
دمار - طبعا بكيفي
باوعت عليه وخزرته واني ميته من الغضب شوية وانفجر كوه سيطرت
على روحيي
دمار - ً بهيدة يمعودة تراها عيونج تعيل ً
حچاها وطلع وصل يم الباب التفتت. عليه وحچه واني كل هذا صافنه عليه
دمار - بلا زحمة ياريت سويلي اكل
شي خفيف ميت جووع
- اعتذر واني اسوي
دمار - ليش الاعتذار
- لأن حذفت برامج بدون متگولي
رفع حاجب وطلع جكارة وبقى يدخن
دمار - واذا مااعتذرت شسوين
رجعت كعدت على السرير بقيت العب بأضافري حجيت برود
- ماسويلك اكل
تقدم وصار مقابيلي نزل راسه وصار.... بوجهي كلش ارتبكت نفخ دخان بوجهي
دمار - اسف فلايتي
رجعت ليورة وهو وكف عدل
- انت ليش تكول فلايتي گول فله وبس
دمار - شي ميخصج
- تره من حقي اعرف
دمار - لا مو حقج ويلا كومي
طلع من الغرفه واني نزلت جوة سويت الاكل وجهزته بصينيه وخذته وصعدت
غرفته مقابيل غرفتي دكيت الباب ماكو
لگيت باب شويه مفتوح باوعت ماكو غرفته سويت كامل كل غرف الولد.. سويت كامل وكلمن غرفته مأثثه اله
دفعت الباب ودخلت گلت اخليه اله على الميز وارجع لغرفتي جانت غرفته ملكيه
كلها لون اسود وذهبي استغربت ليش.. لون اسود بالذات يغمت الگلب صح هو
حلوو اللون بس مو حتى بالغرف خليته
والتفتت واشوفه ورايه لابس تشيرت.. اسود وبجامه سودة وبيدة المنشفه... ينشف بشعرة ويباوعلي واني صافنه
دمار - وانه اگول ليش غرفتي منوره طلعت فلايتي بيهااا
صحيت من صفنتي وحجيت
- رحمه للكائنات لاتگول فلايتي
دمار - كائنات الحيه لو الميته
- هه تره ماضحك
دمار - لج فلايتي لسانج طولان وصايرة عرمه وكحه
- ميخصك
ابتسم بأستهزاء وكعد علي القنفه ياكل خليت ومشيت يابرودوك يااخييي عفته
ودااطلع وحچه
دمار - اااخ دوره عيونج جزيره گلبي طير وتاه بيها
التفتت عليه بعصبيه خزرته ومشيت
دمار - موزينه عليج العصبيه بوية تكبرج قبل عمرج شربي ماي قبل لاتنامين ...
اسمع صوته واني دخلت للغرفه ابتسمت ماعرف ليش نفضت ..
تفكير من بالي ونمت
كعدت الصبح على هوسه وصياح بالبيت غسلت وجهي ولبست شال
ونزلت بسرعه على الدرج واشوف
الشيخ گاعد ويصيح بعصبيه اول
مرة اشوفه هلگد عصبي بحيث وجهه
صاير احمر ودمارات ركبته كلها مبينه
عقاب - لج يمااااااااا انتي شايفه... شمسوين بيهاااا لو لا دمها بطولها
ورداتي الى هنا ينتهي البارت.
لاتنسون تصويت
وعقوا رأيكم يهمني
شنوو تتوقعون بالبارت الجاي
وحبيتوا دمار وفلة لو لا.
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!