#بيت_الشيخ_اسد
#بقلمي_يقين_ التميمي
وجوه مغسوله بوكاحه وطمع
ومكاسر غــدر ورسوم جـذابه
ريماس: نعرض بيتنا للبيع
واجت ناس تشتريه وشافوه وكالو هاي هيه البيت النا
رحت اسوي غده لأن محد بالبيت نسوان اخواني كلهن عد اهلهن
دااطبخ ومااسمع بس تكسر بيبان يبووو شهل هوسه هاي
واحد مايرتاح بيته دوم مشاكل
كرار: ولج يماااااااااااااا
صدك بايعه البيت
نجاة: اي بعته شتريد امشي ولي
كرار: ريمااااااااااااااس
-هاا هاا شكوو
كرار: انتي الي ترستي راس امج حتى تبيع البيت مووو
ولج اني اسمع من ناس بيتي ينباع
-والله ماكتلها هي امي باعته وحدها
كرار: دتعاي اليوم انعل والديج
- جان اكو بوري حديد
لزمة كرار وهجم علي
ركضت اريد اختل وره امي بس هو سبقني ولزمني
كرار: لج انتي كله منج انتي من شفناج ماشفنه راحه بهل البيت
الكلبةةةةةةةةةة
من وراج امي تريد تبيع البيت ليش ليششششششش
-كسر عضامي تكسر بالبوري احس روحي طلعت مني
اشوف امي تلطم وتدك على راسها
ماعرف حسيت ضربة قوية اجت على راسي بعدها فقدت ماشفت شي
بس ريحة الدم بخشمي
-فتحت عيوني گوه ماداشوف شي بعدين وره شويه
تذكرت الي صار
باوعت اني بحضن امي وهي داتبجي
نجاة: يمة بنيتي يمة الف حمد لله صحيتي كومي وياي كومي
بعد ماخليج هنااا لو على جثتي ذولة مجرمين اخوانج
گومي امنج عد ناس قبل لاموتن
- مااكدر اكوم او احرك شي
احس عضامي مكسره
والدم بعده يابس على وجهي
نجاة: تعاي يمة خلي البسج نقاب حتى اخلي الشيخ يشوفلنه حل
خلي يشوف خوانج المجرمين شمسوين بيج
- حجيت كوة
يمة وين تردين تاخذيني
نجاة: اخذج لعمج الشيخ
- بس انتي تدرين بخواني ميقبلون نوصل الهم وعلاقتنه كاطعينها وياهم
نجاة: ولج يمة اني مااكدر اخليج هنا ذولة مجرمين خوانج
امشي اخليج يم عمج يشوفلنه حل يلا بسرعة قبل لايرجع واحد منهم ويشوفونه
- لبستني عباة وغطت وجهي بنقاب طلعنا من باب الخلفي
لكيت امي مأجرة سيارة صعدنا بيها وانطلقت بينا
عمامي منووو ...؟
اني اصلا مااعرفهم...!!
صح جنت صغيرة من صارت مشكلة بين عمي واخوي كرار
علمود المشيخة
وبعدها نقطعت العلاقة بين عمامي واحنا
وصلنا شارع واسع وبي اشجار من... الجهتين لحضة وكفت سيارة رفعت راسي اريد اشوف شكوو
واشوف مجموعة حراس هوايه
الحارس علي : منوو انتو
نجاة: يمة بس گول للشيخ اسد اني نجاة مرت الشيخ جبار دخيله عندة
وهو يعرفني
الحارس علي: تدللين حجية
انتضروا هنااا وهسه اجيكم بس ابلغ الشيخ
نجاة: الله يستر عليك وليدي
حجي هاي كروتك راح انزل هناا اني
-نزلنا وبقينه واكفين يم بوابة كبيرة مسدودة
وبقوا حراس واكفين بس واحد راح يبلغ الشيخ ويجي
علي: شيخ اسد شيخ اسد
اسد: ها بوية علي
علي: شيخ هاي حرمتين اجن بسيارة ونزلن يم البوابه
والمرة الجبيرة تكول اني
مرت الشيخ جبار نجاة ودخيله عندك
اسد: شنوووووو
مرت شيخ جبار ليش مادخلتوها
كوووم بوية عقاااب كوم خلي نتلكي عمتك
مو مرت الشيخ تجي عندي دخيله
- بوية عقاب شبيك صافن مو احجي وياك وكف على حيلة وطلعوا يتلكون
نجاة وبنتها
علي: فتحوا البوابة خلي يدخلن الحرمات يلا بسرعة
فتحوا البوابة واني اشوف صايرة مساحة كبيرة حديقة
وبعدها من جهه اليمين صاير بيت لا قصغ (قصر)هذا طبعا ريماس عدها لدغة بحرف الراء
ومن جهه اليسار مبني مضيف بس حتى المضيف عبالك قصر هم واكبر من البيت واكو كراج سيارات صاير بوسط البيت والمضيف
واجوا رجال كبير بالعمر وياه رجال شاب لابسين زي عغبي (زي عربي) عزه ذولة شطوالهم جنهم دنك
خغب (خرب)هسه اني وين واحجي هيج عابت لتفكيغي
اسد: هاااااي منو اليوم الحجية منورة ديرتنا ياهلاااا والله تفضلي تفضلي ليش واكفه
نجاة: هلااا بيك شيخ اني اليوم جاية دخيلة عندك وياريت ماتردني
اسد: مو مرت الشيخ تجي دخيلة عندي وطلبج على راسي حجية انتي تأمريني امر
عقاب: هلاااا عمة شلونج شخبارج
ان شاء الله زينه
نجاة: ولك عقاب ولك حليان الحمد لله بخير يمة انت شلونك شخبارك
عقاب وهو يباوع على ريماس الي مغطي وجها
عساج دوم عمة بخير احنا تفضلوا
تفضلوا لاتبقون واكفين
-مشينا وراهم ودخلنا لمكان المضيف
عاااااا هاي شنوو
كبييييييييييييغ(كبير)حيييل
وعلى طولة مخليله طخم دايغ مادايغ (داير ماداير) المضيف
-كعد الشيخ اسد الي هو عمي وهذا ابنة هم كعد على صفحة واحنا كعدنا شوية وماما وكفت على حيلها
نجاة:شيخ اني اليوم اجيتك وهاي عباتي ذابتها عندك
واريد هاي اليتيميه وتأشر على ريماس
اريدك تحميها عندك
اني مرة الموت بأي لحضة يجيني واني مريضه مو حيلي الاولي
وهاي محد الها من بعدي
شيخ اسد: وكف على حيله حجية انتي مادامج دخلتي لديواني اعتبري سالفتج مكضيه وكتلج مو مرت شيخ تجي دخيله واني من هسه اكلج انتي بحمايتي
بس منو هاي البنية الي وياج
نجاة: هاي بنيتي ريماس
عقاب وكف على حيله مصدوم: شنووو
اسد: ريماس ريماس
نجاة: اي ياشيخ
وخرت نقاب عن وجهه ريماس شوف ياشيخ شمسوين بيهاااا
عقاب: عمة هااااااي منو مسوي بيها هيج احجييييي
اسد مصدوم:بوية ريماس حضنها.... ويبوس بيها بوية هاي منو مسوي بيج هيج هااا
نجاة: شيخ اخوها كرار هو الي سوه بيها هيج لأن اريد ابيع البيت ترة من مات ابوها واخوانها استلموها غلط او بدون غلط هم يضربوها
اسد:ماعاش ولا كان الي يضربها
بسيطة بسيطة
ريماس: بعد مارفعت امي نقاب عني لازمة ادية افرك بيهن من التوتر حضني عمي ويبوس بيه بعدها هذا ابنه خله وطلع وماما بقت تحجي لعمو على كلشي صار
......................
ميسر - دخيلك ياعلي هاي شنو صياح
مسلم - وانه شمدريني حالي حالك
دمار - شنووو هذا صياح شكوووو
دهام طلعت من غرفتي وانه اشوف خواني واحد صافن بالثاني شكوو شبيكم
مسلم - ماادري كعدنا على صوت صياح
دمار - امشوا ننزل نشوف شكوو
فلة - طلعت من غرفة على صوتهم واشوف الولد كلها نزلت ونزلت وراهم
ميسر - نزلنا وانه اشوف عقاب مامخلي شي مامكسرة من الاثاث الي بالاستقبال
وجدتي وامي يبجن وهو يصيح
دمار - عقاااااب شكو شبيك
تهاني - لك يمة ماادري بأخوك دخل صاير اعصار منعرف شبي
عقاب - لج يمااااا شايفه انتي شصاير.... بيها لو لاااا مخلين دمها بطولها العارات
دمار - منو هي غير نفهم ماخذنا بصياحك شكووو
عقاب - بت عمكم ريماااااس
ميسر - اشوف الكل دخل بصدمة حتى انه ريماس اني سامع عدي بت عم هذا
الاسم بس ابد مشايفيها على علم ان احنا نفس محافضه
دمار - وشجابها هنااا
عقاب - خوانها مخلين دمها بطولها واجت هناا دخيله هه دخيله بت الشيخ
جبار من بعد ابوها
دمار - لاحول ولا قوة الا بالله وين هسه
عقاب - يم ابوي خليتهم
مسلم - شوية ودخلوا الولد درغام وسيف وفارس
درغام - شكو شكو شبيكم عليش هلصياح
دمار - ماكو شي بس بت عمنا جايه دخيله عدنا
فارس - منو عدنا بعد بت عم شنو شو مندري بيها
ميسر - ضربته على بطنه اشش شبيك
متعرفها ريماس
سيف - والله ولااعرفها ولااذكر شكلها
درغام - وينها هيه
عقاب - هاي هي وراكم
فلة - كل الي صار واني بحالة ذهول طلعت عدنا بت عم وهم مااعرف شي
وابد مشايفتها
ركزت على المكان الي اشر عليه الشيخ
واشوف بنيه ناعمة وبيضه بس اثار ضرب مبينه عليها وصاير ازرك بنفسجي نيلي كل الالوان
طويلة بس مو كلش طويلة طولها يجنن
حواجبها وعيونها السود بيهن برائه ...
والخوف مبين بعيونها لابسه عباة وبياضها ناصح وخدودها الي يخبلن
ريماس: بعد ماحجت ماما لعمو اسد عن كل الي صاير امنتني عندة وطلعت عموو
ماقبل تطلع بس لأن البيت تايهه محد... بيه وهي اصرت ترجع
اسد - كومي بوية وياي يله
ريماس - هزيت راسي لزم ايدي وطلعنا من الديوان توجهنا للبيت جان هم اكوو
حراسه على باب البيت فتحه ودخلنا... جان بيت جنه حديقة نافورات تجننننن
اسد - غسلي وجهج من الدم هنا حتى ندخل يابعد ابوج
ريماس - جان اكو على صفحه مغاسل مسطرة وحدة بصف الثانية تقريبا بي
13 مغسله هيج ومقابيل كل مغسله حمامات
غسلت من الدم بصابون بعد بيه ريحت زفرة دم بس اشوة على الاقل وجهي بين
باوعت لنفسي بالمريا متت بجي واني
اشوف حالتي يرثه الها كله زراك......... مشوهني تشوهه
طلعت من حمام لكيت عمو منتضرني رجال لابس زي عربي شيبه الزايدة وقار
شخصيته هيبة نازك ومرتب حييل يشبه
بابا الله يرحمه هو صار من بعد بابا شيخ
اسد - نورتي بيتنا بوية تفضلي
ريماس - ابتسمتله منور بوجودك عمو
اسد - بعد عمج
ريماس - دخلنا واني اشوف شباب ملتمه كلها ويمهم ابن عمو الي جان ويانا بالاستقبال
جان عمو مقابيلي صرت وراه وهم عيونهم كلها تمركزت عليه اباوع
عليهم ناس لااعرفها ولاشايفتها
فجأه يأمنوني عدهم ويرحون
شگول عليكم يااخواني حسبي
الله ونعم الوكيل بيكم
اسد - تعاي بوية شبيج هيج خايفه
هذولة خوانج وهذا بيتج
ريماس - طلعت وكلها تباوعلي مصدومة
حقهم وين يدرون بت عم هو اني ماادري
عدي هاكد ولد عم
رمانة - ولكم عينوني رجليه ماشيلهن خلي اشوف بت ابني وخرووو عنييييي
ريماس - جتي مرة جبيرة لابسه اسود بس وجهه ابيض واحمر يخبل حضنتني
وتبجي
رمانة - يمة واخيرا بنات ابني صارن يمي
ويييين امج حبوبة
ريماس - عرفتها جدتي تصير جدة راحت
رمانة - يااااع ولك اسد يمة شون تخليها
تطلع هيييج
اسد - يمة كتلها ماقبلت والله
تهاني - لج عمة شونج
ريماس - جتي مرة لابسه اسود هم سلمت عليه وسلمت عليها حبابه
رمانة - يمة فلا هاي بت عمج ريماس
تعاي سلمي عليها
فلا - جيت عليها وحضنتها هلاوو شونج
ريماس - جتي بنيه تخبل شگره وعيونها ملونه عرفتها بت عمي بس هاكد حلوة
ميسر - يبووووووووووووووووووي
فلا - كلنا فزينا على مصدر صوت.
وجان اشوف ميسر ومسلم وسيف
وفارس كاعدين بالگاع ويلطمون
اسد - هااااي شكوو شبيكم
مسلم - احوووووووي احاااااااااااا
دمار - ولك شكوووووووو
سيف - باوعت عليهم كلهم سكتوا
درغام - وجع شبيكم متحجووووون
فارس - هااا مو لأن رجع التمت العائلة
دمار - من طيح الله حضكم ولو هو طايح
درغام - اشوف شغلي لو انت تشتغل بيهم
دمار - لا اشتغل بيهم انت
درغام - فدوة لكلبكك احبك
دمار - حبتك حيه
درغام - انت الحيه غير
دمار - لا ياعااااار
ميسر - شردوووو انهضواااا
درغام - لو تشردون للمريخ الحكم اليوم
مسلم - على بختك يالعزيز
سيف - ماغزر بيك الزاد والملح
فارس - وغسل ملابسه وتنضيف غرفته
درغام - دتعالوووووو
ركضت ورواهم نزعت الحزام ماخليت بيهم عضم صاحي كسرتهم تكسر وهم
بس يضحكون ولا يفيد وياهم
فلا - كل شباب طلعت بقينا بس احنا نسوان جتي ماريا تركض
ماريا - وج فلا وين بت عمي صدكك عدنا بت عم بعد ولج ماادري
فلا - حالي حالج هم ماادري اني
ماريا - وينها
فلا - صعدتها بغرفتي
ماريا - امشينا يمها
فلا - اوكك
صعدنا لگيناها كاعده وتبجي وبعدهي بعباتها وحجابها
ماريا - هلاووووو شونج بت عمي
ريماس - تذكرت امي وامي بغرفه احس هذا مو مكاني مكان غريب بقيت ابجي
هسه منو يساعدها خواني اذا عرفوا شيسون نفتح الباب ودخلت فلا وبنية
-هلااا عيني حمد لله
ماريا - ولجن شنووو هاي ترة ميصير هيج هذاااا ضلم والله
فلا - التفتنا اني وريماس وحجينا سوه
شكووو
ماريا - انتن احلى مني بس اني زركه
فلا - هههه تحجين صدكك لج انتي تخبلين اصلا بس عيونج تكفيييي
ماريا - اي اي اني محلوة ادري بروحي
تحجي ومبرطمة شفايفها گانها طفل
ريماس - بالعكس والله ترة بشرتج حنطاوية تخبلين دمج عسل
ماريا - اي ادري بروحيي حلوة بدون متكولن اصلا
فلا - اكلج انتي اليوم شاربه شي ساعه تكولين حلوة ساعه محلوة
ماريا - وجععع غير اشاقه وياجن
فلا - تعاي يابت عمي تدرين مااعرف عدي بت عم ابد عبالي بس ماريا ومادلين ماعبالي انتي هم تفاجئت
ريماس - هه صحيح محد يعرف حتى اني مااعرف بيجن بسبب مشاكل اهلنا قبل
فلا - الله كريم اني هم قبل جيت قبل كم يوم هم جان ماعرفهم كلش
ريماس - هاي شنوو صدكك
فلا - اي والله ههه
ماريا - بناتتتت عمي العزيزات ولجن ماصدكن شكد فرحانه بيجن من خرب
يومجن ولجن احبجن اموتتت عليجن
فلا - اااخ وجعع كون خنكتيني شبيج احد يحضن هيييج
ريماس - هههه
ماريا - ولجن ماصدكن فرحتي بيجن جنت قبل وحيدة فريدة لاناصر ولامعين
ريماس - وهاي يمج بعد
ماريا - ابوسج انه يمة فديتجن
فلا - احلف عليج مو صاحيه
ماريا - حلفي منو لازمج
فلا - خبال كووون
ماريا - الخبلج حياتي
فلا - لج يلااا كومي ريماس ننزل جوة لاتبقين هنا وحدج
ريماس - لا عفيه فدوة ماماخذة عليهم
خليني هنااا احسن
ماريا - دكومييي اذا باقيه بالغرفه وحابسه نفسج بيها شون تردين
تاخذين عليهم
فلا - شوية ومانسمع بس صريخ
ماريا - عزاااا هذا صوت ريم
فلا - ركضنا نطلع ونشوف ريم تبجي واديها بالباب مكبوسه
ماريا - يمة صخام صخمني تعاي يروحي تعاي
فلا - لج هاي متسكت اوففف خطيه باع اصابعها صايرة حمر
ريماس - شو بله انطنياها اخذتها منهن بنيه بيضة تخبل مدنفشه ايه من الجمال
لزمت اديها وامس عليها حضنتها وابوس بيها
لج ماما شجابج هناا غير تنتبهين
ريم - اديت اليد سوفج بابا دال
(اجيت اريد اشوفج بابا گال)
ريماس - يمة فدوة لله منو ابوج انتي
ريم - بابا عداب (بابا عقاب)
ماريا - اعرفج هاي مدللة البيت ريم بت الشيخ عقاب
ريماس - فدوة للبنات
ماريا - يلا ريم تعالي نطلع خلي ريماس تبدل وتجي ورانا
ريم - مااا ماليد لوح اليد هنا يم ليماس
ماريا - فلك فلكج ولج خلي البت ترتاح
ريم - ماااا ماااا وبجت
ريماس - ههه عوفيها ماريا خليها يمي ماعليها شي اني بس اغسل وانزل وراجن
ماريا - اوكك لعد ديربالج عليها يلا فلا مشينا خلي نساعد عمه
فلا - اي جايه
ريماس - غسلت بسرعه وهاي ريم مچلبه بذيالي وين مااروح هي وياي
كملت تبديل ولبست شالي شلتها
ونزلنا جوه بيتهم اربع قاطات وكله
درج انزل وماكوو بس عبالك متحف
مو بيت كله اثاث ملكي
نزلت وماشوف غير جتي مرة هجمت عليه واني مصدومه بيها ...
يتبع .....!!
شلونه البارت علقوا تا شوف رأيكم
ولاتنسون تصويت ورداتي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!