#بيت_الشيخ_ اسد
#يقين_التميمي
احبك من صدك من حب زمان الفات
موحب هالوكت والعشگ طياري ..
دمار - ولج ماتستحين طابه تهوسين ونوب لابستلي دشداشة ومخليه هل علاكه فوك راسج هذا شون وياج انتي وتالي فهميني شسوي بيج
فلة - والله انت صاير هوايي تتمادة وياي شنو كل شوي وجيت ضربتني
لو شفتني تايهه ماكو لاام ولاابو ولااخ وستغليتني كعدت بالگاع وابجي صدك نهضمت على اي شي وضربني
فرك وجهه بأيده ونوب كعد مقابيلي
دمار - كافييي لاتبجين
فلة - حتى بهاي تدخل وخررر عني وخررر كافي ماريد اشوفك
دمار - ترة عذبتيني والله شون ترديني اشوف الشيوخ تشوفج وانه اسكت وانتي تهوسين كدامهم
فلة - اي خووش يله امشي روح من وجهييي
دمار - لاتبجين دمعج غالي تره خلي خدودج موردات فشلة يذبلن گبالي
فلة - مسح دموعي بأيده عفته وگمت رحت للغرفة سديت الباب قوييي رگعته ورحت نمت
ريماس انفتح الباب وجان تدخل اسراء
- ها خير اشبيج الباب لاينكسر
اسراء - اجيت ابارك الضرتي
ريماس - ها وهيج ادفعين الباب وتتباركيلي
اسراء - ايي عيني
ريماس - وهسه باركتيلي اطلعي اريد ارتاح
اسراء - ماعاش اليطردني
هجمت عليه اتريد تضربني واني لزمت ايده
ريماس - اسراء لاتتجاوزين احدودج
دفعته من عندي
اسراء - والله ياريماس اله اندمج عبالج ترتاحين من تاخذين عقاب مني يابواكه الزلم
ريماس بعد ماتحمل هجمت عليه ضربته راجدي خليت خده احمر
وهي هم ماقصرت عضت ايدي الجلبه
وتكافشنه مددتها بلكاع واصعد فوكاها واجيبه راجديات
وهيه ضلت بس اصرخ ابصوت عالي
مثل الك***
ابتعدت عنها وهي كامت وكفت
اسراء - وحق ابو فاضل اله اخليج تتمنين الموت يا ***
ريماس - هههههه ضحكتيني والله
بالله اشلون اتخليني اتمنى الموت
اسرء - سهله سهله
ريماس - يله يله براا خليني ارتاح باجر
وراي عرس وتعب يله لامطلج هسه وارجع اكتلج ..خزرتني وطلعت من الغرفه واني رحت نمت
- جنت نايمه نومه تعب وكعدت على
اصياح وصوت ميسر ايهوس وجدوره وركع ومدري شنو كعدت رحت للحمام غسلت وتوضيت وسبحت وبدلت رحت الغرفه ريماس
فله - ها عروستنا شلونج
ريماس - هلا فله تعاي ساعديني يله راح اروح للصالون
فله -هاا وبنات عمتي سعديه يرحن
ريماس - اي يرحن قبلنا للصالون
فله - خوش ياهو الياخذنه
ريماس - ياخذنه دمار
فله - كملنه الجنط وصعدوهن بلسياره وصعدنه اني وريماس وماريا مرينا عليها خذيناها
دمار - فلايتي بويه على كيفج وي الطحين والحمره والمدري شنو
فله - انشالله انشالله
دمار - اي انشوف
ماريا - شبيك عدنا فاتحه شغلنا اغنيه
دمار - ماشغل لان ادري بيجن انتي وفله نوب اطلعن من الجامه اتركصن
ماريا، ههههههه
فله - صدك عود ليش بس انتم اطلعون من الجامه اتركصون واحنه لا
دمار - اها استلم هسه هاي شتحاجيها
فله، ههههه
دمار- شبيج ريماس ضايجه
ريماس - لاماضايجه بس متوتره
دمار - اي بويه حقج تتوترين جا هو عقاب مو هين
ريماس- رحمه الله والديك صعدت التوتر اكثر
دمار -ههههه
فله- وصلنا للصالون لگينه عمتي سعديه وبناته موجودات دخلنه للصالون وبدن يشتغلن بريماس
مسلم - صار وكت غده شيوخ كلها اجت من كل المحافظات اجوا اصدقاء ابوي واصدقاء الشيخ عقاب الي بالبرلمان كلهم كبار وشيوخ معروفه
صبينا الاكل احنا وكل الولد الي ويانا صاروا كل اثنين يشيلون صينية وحدة
لأن صينيه جبيرة مال الاكل ذبحنا 250
راس غنم و150 بقر
دخلنا للديوان ورتبنا الاكل وكفوا شيوخ بيهم صاروا يهوسون وعقاب واگف يمهم ويخلي ايده على راسه بمعنى
الشكر الشيخ زواجة الاول ماسوينا عرس اله لأن بوقتها جان ابو اسراء متوفي ف صار زواجهم زواج بسيط
الفرحة مبينه على وجهه ومبتسم
خلصوا الغدة وكملوا شلنا الصياني كلها واحنا جايبين ناس عليها الغسل صاروا
يغسلون بيهن وسيف وافرس يدكون يمهم ويركصون
ميسر - ولكممم تعالوووو بسرعه دمار جاب فرقة كاملة امشوااا يلاااا
سيف - بوياااااي امشونا يله
فارس - وهلا وهلا عرس شيخ هيل وطش بالولاية
مسلم - ركضنا ونشوف دمار واكف يركص والفرقة الموسيقية وياه وشيخ
واگف هو ومحمد اخوي صافنين عليه
سيف - راح ميسر وفارس كابلوا دمار وهو صار يهوس ويدبج ولازم ستره بأيده ويهوس بيها
دمار - والليلة عرس اخونا ..نلعب لعب خلونا
مسلم - صاروا يدكون بالطبل ودمار وسيف وفارس وميسر صاروا يركصون
راح ميسر واجت وياه امي لابسة عباتها
وتهوس بيها وميسر مگابلها
ميسر - وهااااا هاااا يم الولد
الولد - ها ها يم الولد
دمار - يم الولد حاجيني
الولد - ها ها يم الولد
ميسر - ويم الولد ورقيلي
الولد - ها ها يم الولد
فارس - ها ها يم الولد
مسلم - صارت امي تهوس وياهم واجة عقاب باس راس امي ودمار گابلها وصار
يدبج گدامها هم
دمار - احم انه اليوم المعرس اقرب واحد الي هذا مثل ابوي شيخ عقاب
شگلة
-اليوم معرس ضلع من ضلوعي
مسلم - صاروا يركصون والفرقة
تعزف ودك طبل
ميسر - وجااااااان صاحبها وخذاها
سيف -جان صاحبها وخذاها
عقاب - طيح الله حضكم على هاي
الهوسه
دمار - هاااا ومعرس اليوم ابن الهيبة
فارس - امعرس اليوم ابن الهيبة
درغام - احنا الطكبنا اصبع حتى الحاكم ركصنا احنا طكينا اصبع
مسلم - حتى الحاكم ركصنا
فارس - صار درغام ودمار اثنيهم سوه ويدبجون وشايلين ستر بأيدهم يهوسون بيها
عقاب - يلااا شباب خلي نمشي يكولون خلصوا
ريماس - وكفت اعدل بالبدلة الي لبستها باوعت لروحي بالمرايا تعجبت على روحي مكياج حيييل هادئ وحلو
فلة - لج عزاااااا شهل جمال هذا
ريماس- ابتسمت الها اجت عمه سعديه تصلي وتسمي عليه
ام صالون- عيوني طلعتي حبل حلوة عادي اخذلج صورة
ماريا - لالا دادة شيخ ميقبل
ام صالون - براحتكم حبيباتي
فلة - الكل جهز بنات عمة سعدية خلن مكياج خفيف لأن امهن متقبل اني عادي كل عادة لازم اعاند واخلي مكياج وهلمرا خليته طوخ كلش اتصلت عمه سعديه بالولد حتى يجون
ميسر - صارت ناس كلها تصعد بسياراتها واحنا شباب صعدنا كلنا بسيارة وحدة حتى نركص سوة طلعت فوك خمسين سيارة لأن عرس شيخ وجبير كلش وصلنا
للصالون على شارع عام دخلن سيارتين بالمقدمة وبعدها سيارة شيخ عقاب الي
مزينيها اله وراها سيارة دمار ودرغام وراها سيارتنا نزلنا
زمرد - يمااا اجوو اجووو
سعدية - اي يلا يلا بسرعه يلا خلي نطلع
ريماس - احس گلبي وگف ادية صارت ترجف جتي يمي فلة تهدي بيه
فلة - هاج دادة هاي هيل لاتخافين عادي
شبيج ترجفين
ريماس - ماادري ولج احس روحي راح اوگع من مكاني
فلة - دكافي عيارة هههه عليمن هل خوف اشو هو ابن عمج قابل حياكلج
سعدية - يلا يمة ريماس خلي نطلع
ريماس - لبسني القبع الابيض وفوكاه عبايه ختنكت حيل
ماريا - عمه شيخ يگول خلي يلفنها عدل لأن ناس هوايه جايه
سعدية - اي عمه غطيتها ماطالع شي
ماسة - طلعنا من صالون واشوف الولد نازلين ويركصون باب صالون ويطشون
جكليت صاح بيه
ميسر - هيووو شبيج صافنه تعاي صعدي بالسيارة بسرعه
فضة - شنو نصعد وياهم
ذهب - قابل غريبين هم ولد خالي
فضنها خلي نروح
ماسة - صعدنا بالسيارة وكعدنا
وهم مشغلين اغاني معزوفات
وصرنا نركص بالسيارة انه وفضة
وذهب لأن مااحد موجود ويانا
ريماس - طلعت من صالون ابد ماشوف شي فلة وعمة سعدية لازمات البدلة عن
لااوگع صار مقابيلي لزم ايدي ومشة صاح على عمتي سعدية
عقاب - عمة انتي وياي تعاي
سعدية - لا يمة اخذوا راحتكم
عقاب - عمة وياي تعاي يله
فلة - راحت عمه سعدية صعدت بسيارة شيخ رفعت راسي صفنت هاي شنو كل
هاي سيارات شارع من طول لطول عبارة عن سيارات جتي يمي زمرد تدرم
زمرد - هسه امي عافتنا ومشت واحنا مثل وين نولي
فلة - فزيت على صوت صاح احس گلبي وگع يماااا بسم الله رحمن رحيم
دمار - ولج ياغضبببب الله شعدج صافنه هناااا امشي كدامي يله بسيارة بسرعه
فلة - يااخي احجي حجي ليش تصيح اكو شي اسمه تفاهممم
دمار - عفت تفاهم الج امشي يله وبعدين احاسبج على هذا صبغ
صابغته بوجهج
فلة - صعدنا بالسيارة انه وزمرد ورة درغام بالكدام ودمار يسوق
درغام - زمرد هاي ليشش هيج طالعه
بدون عبايه انه شكلت
زمرد - يبووووي عليكم شبيكم ويانا اليوم وبعدين شعليك انت لبست او
مالبست لاتدخل بيه
درغام - لسانها شطولة ولاتسكت خزرتها وحركت سيارة شيخ طلعت كدامنا واحنا
وراها حركنا
سيف - هاي يمنا بنات عمتي شعجب
ميسر - انه جبتهن لكيتهن يصفنن عبالك مطاية
ماسة - ماغيرك مطي
فارس - في منتصف الجبهه ههههه
ميسر - دنجبي اذا انه مطي انتي حمارة
ذهب - اين الجبها انا لااراها
فارس - شبيكم بابا وكت ركص هسه مو قصف جبهات
فضة - اي والله
فارس - خو كيفتي بس كلت ركص
فضة- شعدنا غيره
ماريا - مسلم شغلنا ساجدة شي
مسلم - يدلل الحلو
سيف - نجببب لك شون تحجي وي اختي
مسلم - اختك بت عمي ومرتي بالمستقبل
فارس - باحلامك انطيها الك
ميسر - دنجبوا تلكون احسن من مسيلم الوصخ
سيف - بكيفنا ميعجبنا ننطيها اله
مسلم - دخلي يكمل عرس شيخ وانه اشوفكم شون اخذها غصب عنكم
ميسر - عفية بأخويييي السبع
مسلم - وهاي الاغنية يول
ماسة - شغل اغنية خالة ويا خالة بقينا نركص عليها وشباب ويانا لعبنا لعب
فلة - جان مشفلين اغاني وانه وزمرد نركص كل ماارفع راسي اشوفه يخزر
واني ولاهمني بقيت اركص واصلاااا
حتى ماباوعتله عبالك ابد ماشفته
درغام - يلة اوكف خلي ننزل هنا على مايخذون صور
دمار - فلاااا عيونج راح ننزل ديربالج
اشوفج نازلة لو شي
فلة - اهووو غير اريد اخذ صورة وياها
شون بله ماناخذ
دمار - عود بالبيت اخذي
فلة - نزل وسد الباب هي سيارة مضللة اصلا محد يشوفنا
زمرد - لج شسويتي فلة
فلة - شسويت حتريت وذبيت شال
زمرد - لايشوفج دمار ويصيح عليج
فلة - تعودت عليه يصيح ويسكتت
ريماس - وكفت سيارات نص الطريق
واحنا نزلنا ناخذ صور والباقي صار
يهوسون بنص الشارع سدوا سد
عقاب - ليش هذا رجيف بوية شبيج
ريماس - ماادري والله
عقاب - اهدي ترة ماسويلج شي
ريماس - هزيت راسي واجت بنية تاخذ صور النا عدلت البدلة والمكياج وطلعنا لكيت عقاب كاعد من شافني وكف جان لابس دشداشة بيضة وغترة لافها لفة امارتية وعباية زي العربي مطلعه حيل
حلو وهو طويل وضخم
اجة تقدم. والبنية صارت تنطينا حركات جريئة وهو ماحجة شي بالعكس همس يم اذني
عقاب - جمالج مشكل يالوز حاير بيمن اتغزل شكد نازكة انتي
ريماس - احس روحي صرت نار وهو لمساته صارت جريئة لحد ماخلصنا
طلعت روحي ابتسم وعدل القبع والعباية لفاني لف لزم ايدي وطلعنا
صعدنا بالسيارة لحد ماوصلنا للبيت
نزلت من سيارة وهو ساعدني وكفنا
بالباب وجابوا طلي يم رجليا وتخبلت
عقاب - لج بوية بس يذبحونه شبيج
ريماس - اخاف منه فدوة لاذبحونا
عقاب - غمضي عيونج وماعليج بعد
ريماس - غمضت عيوني لزم ايدي حيل
شوية وكالوا توكلوا خلص
فتحت عيوني شفت دم والطلي يرفس
واني احس روحي طلعت
دخلنا للبيت وهو وياي كعدنا شوية وهو لازم اكلينس يمسح بعرگ كصته.
شوية ترخص وطلع من البيت كله
فلة -وصلنا للبيت ونزلنا من سيارة
ونجمعنا سوه احنا والبنات دخلنا
ذبينا العبي وصرنا نركص لعبنا لعب
ريماس - كاعدة واشوف بنات شون
يركصن كعدن بالگاع وسون مثل الحلقة ولابسات فساتين ويلطمن وهنه كاعدات
وجدتي تصيح راحن بناتي نحسدن
تهاني - ماما ريماس كومي اخذج لغرفتج حتى ترتاحين شوية تعبتي انتي
ريماس -اوكك عمة ...صعدنا فوك هي وعمه سعدية وامي نجاة وسدن الباب ستغربتت ليش قفلن الباب
تهاني - ماما شوفي و .......
ريماس - تحجي وعمة سعدية وماما يحجن بالخط العريض اني اعرف بهل
شي يصير بين المزوجين بس هنه يحجن
وگان الشي عادي عدهم احس روحي جمرت من الخجل
سعدية - خوش يمة فهمتي هي جكه ابره ويخلص كلشي
نجاة - بيضي وجهنا يمة رموسة
ريماس - باسني براسي ونزلن جوة بعدها صعدت فلة والبنات وصارن ياخذن صور
وياي لحد ماسمعنا ان شيخ راح يزفوة
احس مصاريني صارت تتكطع من الالم مدري من الخوف ماعرف شبيه
صرت اسمع صوت الهلاهل البنات خلن وطلعن من الغرفة وصوت هلاهل يعلن
عن وصول الشيخ وكفت على حيلي صرت ارجف كلي شوية ونفتح الباب
ودخل بهيبته وجبروته وانه احس گلبي خلص وگف تقدم عليه و ....يتبع
طبعا جدا اسفه اني وعدتكم ع اساس امس انزل الكم البارت بس صار ضرف
وماكدرت انزل اعذروني
وهم اذا تحبون ترجعون للبارت التاسع غيرته وعدلته هواي احداث غيرت بي
وهاي قناة بالتلي سويتها جديدة طبعا اني ماردت اسوي ابد بس اكو بنات رادن اسوي قناة ونسولف على الابطال
واذا كان عدكم سؤال شي تفضلوا
وتعالوا للتلي لأن بس اشوف القناة
صعدت انزل الكم ستوريات عائلة
بيت الشيخ اسد وانزل الكم صور
جهالهم اذا تحبون وهوااييي عدي
منشورات الكم الي يحب يشوفن
يجي على تلي وانضموا بالقناة 👇
ونشوفكم هناك بالتلي واخبركم شوكت موعد البارت الجاي باي
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!