شـوي ذكريات 🤍
__________
تفاعلكُم ماجاي يعجبني
من اتاخر شوية اشوف كم هائِل من المسجات الي ماوفها تتفاعل غالبًا 🤨 بس بالعادة ماكو
اخوان هوَ تصويت مايخسركم شي
وعلقوا بين فقرة وفقرة، لو حسيتوا الرواية تستحق دعِم
منا لليل اذا شفت دعم حلو انزل الكُم بارت ٢
_________
طبيت لمدرسة مُعينة بعد ما أيست وماضل غير ١٠ مدارس فقط
وبديت اقـرا الاسمـاء وجان انصدم بـ اسم محمد فراس
أحس اديه ماقدرني الزم الموبايل ذبيت الموبايل وعطت حيل وكمت ابجي
جسمي كام يرجف وصرت ابجي بشكل هستيري
وكانما جنت بخيـال و واحد سحَبني منـه حيـل
هاي شفت اسمة وهيج كمت ارجف وانهاريت اذا شفتة شلون!!!!!
الحمدلله بابا ماجـان موجود ابد ولا شاف الحاله الي اني بيـهه جان تخبل
حسيت كلبي يريد يطلع دفنت راسي بالمخده وصرت ابجـي حيل
اني كلشي ماعندي اله بس هوه عندة رقمـي وحساباتي وكلشي
وطول هاي السنوات ما اذكرني ب اي شي
قاسي وناسيني اكيـد واكيد يعتبرني هسه شي بوقت مراهقتـه وبّس . بس اني غير والله غير اني لحظة ماراح عن بالي ابد
حاولت اهدي نفسي واحمد ربي واشكـره ع كلشي
رجعت فتحت موبايلي وبديت اقـره بدرجاته وانصدمت
انُ درجات محمد نفس درجـاتي تقريبًا ومعدلة ينقبل انُ يطب صيدله !
أحس بوقتها مادري شصارلي
دموعي ينزلن بفرح احس ميته من الفرح
جان مثل الحلم بنسـبه الي وتحقق
جنت اظنة يطلع اكثر او يطلع اقـل جنت اظن حته ما الكه اسمـه
بَس الحمدلله والشكـر الله جـان كاتب انُ نلتقي
بيومهـا الضحگه رجعتلي من بعد ٣ سنوات ضبط
ضليت ابتسم بشكل لا ارادي
انام ع المخده واتخيـل
اشوفه بالجامعه واروح واكلـه اني شمّس
اراوي كل محادثاتنه وصور شراح يكول
اتخيله راح يحضني واني راح ازعل واكله انت عفتني مستحيل ارجعلك بعد وادلل وازعل عليّ نفس قبـل
جنت طايرررره من الفَرح وأحس الدنيـا ما لامتنـي ابد
ورا مده صارت التقديم واني انقـبل صيدله ببغداد بـس جنت مُصره اقدم ع المحافظه الي بيهه بيت جدو و محمد
من دون مايدري بابا قدمت وحد و اول شي خليته صيدله هـاي المحافـظة هوَ بالتقديم كون احط صيدلة كل المحافضات اني لا جازفت وخليت كُل انواع الاقسام بس بهـاي الجامعة في سبيـل اكون وي محمد خاف مانقبل صيدله لا سامح الله
حتى لو المهم انقبل غير شي بس ويـا
بوقتها بابا سالني وكتله بابا قدمت وخليت اول شي بغداد ونوب كل المحافظات، بس انطيتها مُقدمات انُ مُمكِن بغداد ما يقبلوني لان اني تاركة سنة فَ الافضلية لاصحاب السنة الجديدة
ورا شكـم يوم طلع قبولي وجـنت مقبوله بـ صيدله بكليـه ال ...
فرحتـي ماتنوصف بـ انُ طلعت بنفس المحافظه بس خفت لا محمد يكون بغير جامعه رحّت بسرعه وطلعت قبولات مدرستهـم ومحمد جـان مقبول بنفسس المحافظه ونفس الجامعه
فرحتي مانطيها لاحّد
دموعي تنزل و انطنط نفس الجهـال
أحس لاول مره اضحگ
من بعد كومه سنوات ضحگت
راحت ضحگتي بسببـه
ورجَعت ضحگتي بسببـه هماتين
أجه بابا من دوام وبلغتة بهالشي ضـل حاير بس مابيده شي حته لو راد ينقلني ف ينقلني من بعد السنـه
بابا حبـاب خلي نروح شلون اني كلش احب الصيدله والله
حسنين
بابا خل نسوي اعتراض بنت صديقي نفس معدلج مقبوله صيدله بغداد انتِ ليش
بابا يسموهه مفاضلـه اكيد معدل بالبوينتات اعله والله العضـيم او يشوفون درجه الكيميـاء لان الكيمياء اساس بالصيدلة فَ الاعلى ياخذونة مدري شلون ولا تنسى اني تركت سنة هذا الشي أكيد يأثر، وهم اذا صار اعداد هواي يوزعون ع المحافضات واني شمس فـ بحرف الشين اخر شي مانشمل بمُفاضله بغداد
بابا حباب اني ماريد اخسر حلمي خلي نروح هسه علمود دوامك ولله سهله
حسنين
هي مو ع الدوام بابا اصلا نقلي كلش سهل وارجع للدائره الي اني جنت من زمان اداوم بيهه بس يابابا تعرفين الوضعيه هناك كلهه تعرفني و اهلي وناسي شلون اكدر اصـبر روحي عليهم شلون اكدر اشوفهم يشوفوني ومايسلمون عليه
بابا يجوز صارلك قدر حته ترجع تنجمع وي اهلك كول يالله وخلي نحاول من جديد واني حفيدتهم مو غريبه عليهم مو كلت حته لو ذبوني مايذبونج هسه احنه نروح وناجر بيت هناك وبعدين انصلح امورنه
حسنين
صعبه بابا صعبـه حيل صعبه منين ماجيهه صعبه
يعني بابا اعوف كلشي
حسنين
لابابا ان شاء الله خير بس خل اشوف بلكت عرف شـي ينقلوني الجامعه هاي اميـر مُعيد جامعي بيها، ابن حسن عمج خل اشوفـه بلكت يسوي شـي
لزمت گلبي بس لا صدُك يصيـر شي ويسويلنه شي هل أمير هذا
اليـوم الثاني خابٌره وجان جواب امير اله ماكو اي شي من بعد السنـه يلا يصير نقل، اني كيفت وحمدت الله وشكرتـه
وهنا بابا رضة وتمت الموافقه
بديت أجهز للجامعه وأحس الحيـاه بدت ترجعلي شـي شَي
جـان لبسي قبل لا اعرف محمد حيـل ضيگ وقصير بس من بعد ماعرفتـه تغيرت كلياً وهتغيير صار بقناعتي
وهم كذالك بابا وصاني البس اشياء مستورة لان اهلة ناس كُلش معروفين هواي وماراد ينحجي فد شي موحلو
جهزت للجامعه كله صايات وعبايات وشغلات كومـه حلوه ومستورة وجنت فرحـانة فرحة مُستحيل احد يتصورها
بابا گال انُ ولد اخو شافولنـا بيت وكلشي جاهز و بده هوَ يسوي معاملتـه حته ينتقل للدائره الثانيه
ماحطينة ب بالنا انُ اروح بس اني لان بابا ميكدر بدوني واني ماكدر بدونة ومالنة غير بعض من اول ماصرت لحد هَسة ف صعب نتفارق ويخليني اروح وحدي
رحنـه للمحافظة وجَنت ميته فرح أول ماوصلنه ماتحملت احس كل الاماكن تذكرنـي بي ماشايفه المحافظه قبل بـس من اتذكر انُ هوَ ماشي ع هاي الگاع انُ هوَ جاي يشتم من هواهـا أحس أريد اموت ، كلشي يذكرني بي موبيدي ماگدر حته افكر بنسيانه مو انسى !
نطقت بغصة و خذلان جَبير
يـارب وفقني ويسر الي امري
ولا تخليني انحرم من شوفتة
رحنـه للبيت جانوا مرتبينه ومجهزينه كلشي بابا جان فرحان ويكول الحمدلله ولد اخواني ماعافوني وحـدي
كلت لبـابا بفد يوم من الايام نروح اني وياك الهم ومستحيل يسوون شي ممكن ينفرون بوجهنه بـس عادي نضل نحاول ذوله بالنهايه اهلك
ما اجانة واحد ولاطب بيتنه احد منهم ومن جنت اكله ليش
يكلي يخافون يكسرون كلمه جدهم لان جدو ع اساس داري بينه احنه جاييـن
انتظرت يصيـر الدوام واني كلش متحمسـه وفرحانه بنفس الوقت
حسيت ب شعور غريب
وكانمـا انسان صارله مريض من ٣ سنوات ولگه علاجـه واخيرا .
وكإنما سجين وجاي يتحرر من قيودة
شعور صعب ايصافة صراحتًا
بس شعور حلو
فرحانه بشكل خيالي وانتابني شعور حيـل يفرح
وماخليت اي شعور موحلو يصيبني ابد
ومافكرت انُ ممكن يصير شي سلبي
خليـت گبالي كُل اللحظات الحلوه
وجنت واثقـه انُ راح تصير هاي اللحظات
داومت اول يوم جامعة .
فرحـانه حيل وأحس الدنيٌا مشايلتني
بابا ويايه ونمشـي بالجامعه ب اول يوم واني ادور بالوجوه
صح ماعرفـه بس اعرف عيونة ومستحيل انساهن
تلگانه اميـر ابن عمي وعرفته استاذ هنانه رحَب بينه حيل وكلي اي شي تحتاجي اني موجود يمـج
بابا هم كله انطيهـا رقمك خاف تحتاج شي
تبادلنـا الارقـام
وبابا راح لدوامـة
رافقني أمير حَتى يدليني عَ قسمي وقاعتي
شفنة هدوء مبين انُ الكُل طاب
لو يوم عادي جان خفت وتوترت وكتلة
ماريد اطُب خليها ع المُحاضرة الثانية
بس جنت متحمسة اطُب واشوفة بلكي المحة !
أستاذنلي امير وطبيت وهوَ راح
اباوع بالوجوه اريد المحة ب أمل لُقاه والله ...
ماكدرت واني هم ماطولت نظر وكعدت بمكان
گلبي يدگ حيـل
خفقان صار عندي ١٠٠٠
فكره انُ احنه تحت سقف واحد
احسهه موتنني دموعي گوه لازمتهـن
محتـاره شسوي
اريد بـس يروح الدكتور الواكف علينة واشوفه
الدكتور يحجي عَ النظام ومادري شنو واني عيوني تباوع للگفة مال الشباب واحاول احزر، منو منهُم محمدي ..
من كملنا المُحاضرة تعمدت اكوم اطلع وارجع لمكاني، كمت اكثر من مَرة وبدلت اماكني هـواي
شكَيت ب اكثر من واحد و واحد وماجنت اعرف منـو هوَ وأحسه ماموجود ويـانه
المُحاضرة ال ٣ جانت آخُر مُحاضرة، بدة الدكتور يشرح وشوية وكال طلعوا ورقة ومشوا ورقة الحضور، اني كاعدة بالنهاية تقريبًا فَ كيفت بلكي اكدر اشوف اسمة ب ورقة الحضور
بدت الورقة تمشي واحسها عداد لنهاية حياتي مو ورقة
وصلت يمي شفت اسمة
محمّد فراس ...
لمّا وقعت عيناي على اسمه، ارتجفت روحي قبل يدي، كأنّ الحروف سُكّنت على جرحٍ قديمٍ لم يندمل.
تسارعت أنفاسي، وتهاوت دموعي كأنّها أُذِن لها بالسقوط بعد صبرٍ طويل ..
حاولت انُ احزر منو هوَ او احدد مكانة بالضبُط بس للاسف الستولات جانت عشوائية حيل
الي بصفي صارت تباوعلي وصافنة لانّي صافنة عَ الورقة
ونبهتني انُ انطيهيا، انطيتها الورقة
جنت حيـل ضايجه واحس الدنيـا طالعه من عيني
جنت متخيلة اشوفة من اول يوم بس للاسف ماصار ...
اليـوم الثاني داومت وجَنت اندعي من الله انِ يراوينـا بَس
بالريست مالتنة
أجيت اريد اطلع من القاعه
وطَب واحد الهه
اجن عيوني بعيونـه
حسَيت ب احساس غريب
ضليت اباوعله مستمر وهوَ يباوعلي
حسيته ارتبك و وخر نظراتة عني بسرعه
هوَ مايعرفني بس أحس نفس عيونه مادري ضليت اباوعله وهوَ توتر مبيـن حيـل مؤدب جان
شفته شوي كـام كمت ورآ أحس گوه مسيطره ع نفسي
دموعي بعيوني كلش واضحـه ديمشي الولد
تجرأت ورحَت أله
ماجان موجود البارحه، مبيـن ستوه مداوم
تقربت الـه وگتله
مُمكِن سؤال؟
هـز راسـه بَ أي وباستغراب
انت محمـد فراس ؟
هـز راسـه وگال
محمـد
أي محمد بس ماعرفتـج بلا صغرًا بيج ؟
عادي احجي وياك بمكان وحدنه ؟
الدموع صارن بعيوني اباوع لايدي ترجف بكل قوتها
ومو بس بالمعنى الحرفي، لا ايدي ترجف رجف واضح
بالگوه مسيطره ع نفسي و واكفه احجي ويا والنفس مكطوع مني
مامصدگه محمد گبالي مامصدگه داشوفه كدام عيوني
نزلت دمعتي واني احاجي باوعلي ب استغراب وگالي
محمـد
اختي محتاجه شي خوماكوشي محتاجه مساعده؟
ماكو محمد بس خل نحجي بمكان مابي احد لو سمحت محمـد
جان حيل مستغرب وهوَ يحجي ويايه گلي تمام ومشَه واني امشـي ورا وصلنه لمكان نفس الحديقـه ومحد بي
جان مرتبك ومستحَي ومدنگ راسه حتى مايباوع عليه
وبوقتهه انـي حسَيت اريد احضنه واشبع بجـي
گعدت ع المسطبـة
وخلاص اطلقت عِناني، و طلعت المكتوم
وصرت ابجي بصوت واضـح
محمد ليـش عفتني ورحت؟ ليش خليتني اعيش بجحيـم ٣ سنوات محمد ٣ سنوات وانت عايفني ، ماضل شي ماصار بيـه محمَد ليش عفتني وحدي ليش
رفـع راسه وباوعلي ب استغراب
محمـد
شجاي تحجيين اختي شنو هل حجي منو عايفج منو حاجي ويـاج
وانـي ابجي رحت ع التليكرام بسرعه عَ قناة ( اشعار )
طبيت عليهه وانطيتهيـا واني اباوع لعيونه وانتضر رده فعلـه
گعد يشوف بالمحادثات ويگلب بالصـور وهوَ مصدوم اني هنـا ابجي بصوت عالي واحاجي
ليش عفتني محمد ليشش
ليش مارف گلبك عليه ماكلت هاي عايشه ميته
طول هل ٣ سنوات ماذكرتني
من حطيت راسك ع المخده ماكلت خل اشوفهه وين
مافديوم من الايام حنيت الي
مافد يوم اذكرتني ؟
عشت ايام سيئه من دونك ايام مره
وضـليت انتظرك بعد كل الي صار
ضليت بكل يوم ادعي ربي واكول يارب اجمعني بي
محمد اني مامصدگه انك گبالي
ا اني شمس محمد اني شمسك
ليش عفتني
شصار وياك
بررر وكلي
اكيد صارت وياك ظروف منعتك عني مو
اني اعرفك ساعه ماتستغني من دونـي
شلون عفتني ٣ سنين
شلون كلبك انطاك ماتدزلي مسـج طول هسنوات شلون كلي
منتظرة تبريراتك
منتظرتك تكلي الاسباب
اكيد راح اقتنع
اكيد عندك مُبرر احجي سولف وياي حباب شبيك ساكت!!!
بيدة الموبايل، يكلب بي و وجهة كُلة انكلب
رفـع راسه وباوعلي اول مره
عيونـه صارت مدمعه
امتـزج الدمع بعيونه وضـل صافن ومايحجي شـي
محمد احجي كووول ليشش صافن بوجهي محمد احجيلي ليشش عفتني كل هاي السنوات ليشش
انت عوضتني عن الدنيـا كلهه ومن رحت اخذت روحي وياك لك بدونك ضليـت بس جسد والله العضيم بس جسد جنت بدون روح
وين عفتني ورحَت هااا ليشش بسبب خطأ سويتـه من جنت مراهقه عفتني ورحَت جان المفروض تضل يمي تنصحني تكلي مو تعوفني هشكل محمد مو هشكل
محمد ليش تضل ساكت محمد احجي وياي احجيي كلي اي كلمة الله يخليك محمد راح اتخبل
جنت مواعده روحي ماضعف ومابجي ابـد واحجي ويـا بهدوء ونتفاهم من شفته احس تخبلت صرت نفس الطفله ضليت انگز وابجـي
يباوعلي وساكت كلمه مانطق ابددد
شبگت وجهي ب اديه وصرت ابجي حيل واشهگ واكلـه
ليش عفتني والله ماستاهل تعوفني
والله حبيتك اكثر من كلشي يامحمد
اني خطأت بس انت خطأت اكثر مني
جان عمري ١٦ مداخله لل١٧ وجان عمرك ١٩ سنه وعفتني عفتني وخليتني وحدي نفس اليتيمه
انـي أنسي يجوز
بس انت نسيانك حيل صعب والله
أخذ دوري وخليني انسـاك
ماكدرت لحظة اطلع من بالي
جَنت دائما انام واني اتخيلك يمي
جنت من اضوج وانقهـر اروح لمحادثتك واشكي يمك ع ناس
من اخذ درجه عاليه اروح واكلك
محمد شفت شگد اخذت محمد مشتاقتلك محمد وينك
مريت ب ايام صعـبه حيَل كرهتك بس كرهتك ب حب جبير اجتي ايام ردت امسـح كلشي يخصنا لان جنت بس اشوفهن اموت
محمد ماردت شي بس ردت احضنك
احتاجيتك هواي ب ايام تعبت بيها، بَس ردتك تكلي
شمسي اني يمج لتخافين الله يحلهـا
جنت بكل يوم من كل سنه جديدة انتظرك تجيني
بكل يوم اني بـ أمل انُ محمد راح يجيني هل يوم
انتظرتك بعيد ميلادك
وانتظرتك بعيد ميلادي
انتظرتك طول هسنوات وجنت اكول
هسه يصالحني
هسه يجيني ويكلي جان هيج وهيج وياي
ضحيت بسنه من عمري وعفت الدراسه في سبيـل بس اكون وياك
والله العضـيم من طلعت نتائج نفس المخبله ماخليت مدرسه ماشفتهه وابحث عنك وادور محمد فراس ويـن
ومن لگيتك جان شـي صعب لدرجه ...
ماگدرت اكمل وحسَيت روحي اختنگت من البجي
مادري شلون جمعت الحجي ولا ادري شلون حجيت ويا
بس جانت نار تاكل كلبي اكل واحس حجيت بدون وعي حَتى ..
قطع صوت بكائي، صوتـه وهوَ يهمس بـ
محمـد
شَمـــس ؟
رفعت راسي واني اباوعله وابجـي
عيونـه حمر والدمعه بعيونـه
محمـد
لهلدرجـه تحبيني لدرجه انتظرتيني ٣ سنوات !!
أكثر بعد محمد
محمـد اني من دونك اموت تدري شنو اموت
محمـد هسه گلبي بده ينبض
والله هسة شعرت بي والله، اجتِ ايام حسيت كلبي ما موجود ع كد ماجان خافِت صوتة، هسة احس اول مرة يدُك، احس اول مرة اتنفس
اول مرة من بعد كُل هل ٣ سنوات ..
جان نفس الفاصل نفس السكران ودايخ مايعرف شيصرف
محمــد
شمَس شسويتي بينـه شسويتي بينـه
اباوعلة انتفض وعصب وحط الموبايل ع المصطبة يمي
محمــد
ماكوشي يجمعنه شمسسسس انتِ عايشه ب احلاامم ورديه ورررديه تعرفين شنووو ورديـه !
جايه تحجيلي عن حب صـار بصوره خطأ
عن حب مراهقه؟؟؟؟
عن حب مال اطفال صاررر قبـل ١٠٠ سنه
باوعتلـه واني مصدومه
كمت من مكاني بسرعه وصرت گدامه
لا محمد الله عليك كلشي يتصلح الله عليك محمد لا تعوفني مره ثانيه والله يامحمد هل مره تلكيني بنجف مدفونه وبرگبتك محمد تحملت بس مستحيل اگدر اتحمل اكثر ما اسمحلك بعد تعوفني محمد ماسمحلك
تقدمت يمة بسرعة وبدون وعي
اخذت ايـده واني ابجي واكله
كلشي يتصلح والله كلشي نصلحه بس لتعوفني بداعتي لا تعوفني والله ماكدر بدونك محمد ماكدر
نفض ايدي بسرعه وبكل عصـبيه وگالي
محمـد
انتِ مخبلة
مخبـله انتِ ؟؟؟
ووووين عايشين احنه شمسسس انسي
انسيني مستحيـل ننجمـع مستحيل نرجع مره ثانيـه
باوعتله واني ابجي وكتلـه بكُل حنيه وانكسار ..
يعني هايهيه نسيتني وبعـد ماتريديني
باوع يمين ويسار، ورجع تقرب الي وكال
محمـد
وما الحب الا للحبيب الاولي
احبـج وانتِ بگلبي ومستحيـل ترحيَن منه
انتِ اول بنيـه حبيَتها ومستحيل انساهه
انتِ فتشـه عيوني ع الدنيـا
بَس الدنيـا مراح تقتنع تجمعنـا أبدددد
شنووو الي ميجمعنا ليش محمد ليـش الله عليك محمد ليش تسوي بيـه هيـج محمد اني احبك وانت بعدك تحبني بـعد شنووو شنووو كلي
لك تتوقع اگدر بدونك واصبر ع فراگك
واني جنت اكلب الدنيـا من تطلع وي اصدقائك وتتاخر ؟
واني انتظرتك ٣ سنوات نفس المخبلة ب أمل اشوفك ؟
ومن بعد ماشفتك تريدني اعوفك!!!
محمـد
شمَس من عفتـج جنت بوقت ما لازم اعصابي بيـهن وانتهه كلشي تعرفين شنو كلشي خلاصص انسـي
انتِ مخبلة جايه من بغداد لهنا
وتاوكة سنه شمسويه حته بس تنجمعيـن وياي !
انتِ مخبله شمس
شلون كدرتي تسوين كُل هذا
شمس
انتَ مو لازم تحضني
مو لازم تعبر عن اشتياقك الي
ليش دتلومني، ليش دسوي كُل هذا !!
محمد
تدرين ليش ؟
خلي اكلج ليش
طلع من جيبـه موبايله بَس فتحه وقربه الي
جانت بي صوره بنيـه
البنيـه تجنن ولابـسه بدله صفره ومصورة الصورة ب استوديو، الخلفية الي وراها شمس وتضحك وهيَ هم تضحك
لزمـت گلبـي وأحسها لحظات مُرعِبة
جاوبتـه بصوت خافت واني خايفه لا يكون الي بالي صحيح
م منو هاي ؟؟
محمـد
شمس ...... يتبـع !!!
ياترى هَل محمـد وشمَس راح ينجمعون من بعد كل الظروف أم للقدر رائي اخـر ؟؟
توقعاتكم حبايبي شغلولي محقق كونان
__________________
ايلول
وصلنه خل ننزل ناكل ولا اكلج اصـبري عليمن خل اروح اجيب اكل وناكل بسياره كلش افضل
هاي شبيك شنو هل تناقض وليٌش هيج
علـي
دشوفي لبسج اليوم شلون مطوخته حيـل
علي رجعنا لسالفه اللبس
علـي
ماعليه بيج والكائنات عليه بيج والخلقج ماعليه بيج بس جاي اكلج ها اها شمسوي انه
ضجت حيل من تصرفاته تاففت ودرت وجهي للجامـة
علـي
شبيج
ضجت علي حيل ضجت كافي اريد ارجع للقسم شلون هسه؟ اخذ طريق لبيتكم و اوصل واني ارجع
سكت ماحجه شي بس اسمع صوت تنهيداته الي وترني بيهن
علـي
هسه انتِ ضايجه لان انـه اغار عليـج ؟
ضوجي يطبج ما يطبج ماراح يتغير شي بية وراح اضل نفس ما انة واكثر بعد
ترضين؟ اهلاً وسهلاً ماترضين؟
ماكو الله ومُحمّد وعلي غصبًا عليج ترضين فهمتي لولا
ايلول
علي لا تحجي وياي ب اسلوب الأمُر هذني الاساليب طبقهِن بالمركز مويمي
علي
اي والله چني رحت زايد، لا عمي انة الغضبًا علية وغصبًا على عشيرتي واحد واحد المُهِم انتِ الباقي مو مُهم اصلاً
هَسة لتنكدين فوگ راسي خل انزل اجيب ونگعد نثرد سوالف مو أحسن ؟
ايلول
ماريد حته نسدت نفسيتي
علـي
اوي عيني شبيج كل هرشاقه ومتشاقه
ايلول
حجاهة بصورة تضحك بس ماردت اضحك
اننننن ماتضحگ
علـي
شلون تعيب جنهه طفل ال ٥ سنوات هههه يله راح اجيب واجي ماتاخر
نزل حَتى يجيب النة الاكل، اباوعلة طلب وراح عَ جهة يخابُر
يروح منا ويجي منا ويحجي ب ادية ومتوتر وعصبي بنفس الوقت
مدري شبي هذا الولد
بساعتها حاولت انتبه الة و اباوعلة بنظرة حلوة
لاحظت انُ علي حلو
وعندة كاريزما تختلف
لحية خَفيفة وشوارب، وشعرة خَفيف
وجهة طفولي، تباوعلة يضحك بوجهك حتلو انتَ غريب، بس من داخلة عصبي وبسرعة اكدر استفزة، بس قلبة طيببببب وابيض
اجتني لحظة ادراك ساعتها انُ هوَ يشبه مُمثل تركي
بمُسلسل متابعي اني وفرس من زمان
ردت اذكرة ردت ماذكرتت
رحَت خابرت فرس بسرعة
ذكرتني بي ( الفريق الاول )
ياربي شكد يشابهون بالبياض وكُل شي
بس الفرق علي عيونة فاتحين هواي
استلم الطلب واجة
علي
تدرين شنو اكثر كلمة جنت اكولها ؟
شنو
علي
خرب حظي
وبعد لو اموت ماكولها لان الحظ كلة كاعد يمي
ايلول
ويامن دتحجي صارلك ساعة متت جوع
علي
اخابر امير
ايلول
علي تعال اراويك مُمثل يشبهك هوووواي
علي
مُمثل شنو انة ما الي اشباه رجاءً
ايلول
دشوف شوف
انطيتة الموبايل داراوي صور عاكِف ( البطل )
علي
انة اخوك، خرب هُبل شو هذا صدِك يشبهني ؟
ايلول
ايييي بس هوَ اشگر
علي
ترة والعباس ابو فاضل انة هم اشگر اذا تدققين تشوفين شكم شعراية ضالات شگر بس انة لان بالشموس ٢٤ ساعة ف انگلبت جوزي
ضحكني وهوَ يحجي هيج، الريحة ملت السيـارة واحِس جعِت
فتحت الكارتونة داطلع الاكل كلي
علي
وبعدين مو ع اساس نفسيتج نسدت؟
ايلول
اوف علي شكد تدقُق لتخليني انزل هَسة
علـي
فلك طرج كل ساع وهددتني بروحتها
يكلك لا تعلم الناس بنقطة ضعفك
شحال لو كلت لنقطة ضعفي انتِ نقطة ضعفي اكيد راح تذلني
خرب هُبل
ايلول
هذا منو هُبل السبيتنة بي
علي
هذا يا بتي صنم جانوا يعبدونة قريش بمكة
يعني سّبة ب بلاش وبالحلال
ايلول
اممم وشنو معنى فلك طرج
علي
معناهة شلون دهر الدهرج
ايلول
وشنو دهر الدهرج؟
علي
وهاي شمدريني شنو معناهه
والله تسئلين اسئلة معناهة مادري المهم هي فلك طرج
لهجتكم حيـل صعبه مادري منين تجيبون كلمات
علـي
مرات اذا اريد كلمه وماعرف اعبر عنها اجيب من جيبي لا يغثـج
ضحگني وهوَ يحجي هيـج
اكلك شنو شتاكم خلص شنو السالفه والله حـاره
علـي
اي وعلي رويحتنا تفوعر من الحر بس لتخافين هسة بشهر ال ١٢ وال١ تبردلهة شوية يعني العراق يعيش بشتا احنة نعيش ب ربيع
ايلول
عود شنووو تفوعر من الحر يعني ميته من الحر
علـي
اي اي
عفية مستواج جاي يتقدم هيج اريدج بنية سنعة براسها ستين حظ
حتى جبر بس يشوفج يكلي ولك يالنجر منين جايبلنة هذا الصاروخ
اسلوبة بالكلام يضحك، طاقتة مُفرطة وتجننن
ايلول
تدري شنو يعجبني بيك؟
علي
يالله يعني انة اعجبج ؟؟؟؟
ولا اكلج طبعًا اعجبج وين لاگية هيج واحد
حبي ايدج وحطيها على كصتج
ايلول
بطلت ماحجي
علي
لا العباس عليج احجي اشاقة سكتت
ايلول
طاقتك حلوة هواي، ما مغندب ومسوي روحك ثگيل وانتَ من جوة لجوة نفس ذولة الضباط الاستغفرالله ماريد اكمِل
ف الي يشوفك رأسًا يعرفك انتَ طيب
علي
هواي يكلولي هيج، مادري بعد انة هاي طينتي ماحب اغيرها
وهم مو شارگ حلگي ٢٤ س
بس يم الي احبهم شخصيتي تكون غير
بنفس الوقت ما مبوز يم الناس الغربة
اضحك واشاقة وعادي بس اكيد بحدود
وبدون ما أثر على شخصيتي واحترامي
اجذب اذا ما اكول حجية عجبني، وهوَ اساسًا احسة فطيرر ونفس جوي فُطر ومن اهل الله ومن جيل الطيبين ههههههههه ..
جاي نحجي سوه مرن بنـات من يمنه
علـي
ايباخ باع ابو اللول ام الاحمر والله تسطر سطر
شو بس هاي ماعلقت ع لبـسهه مو لابـسه قصير ومو محجبه ماتحجي عليهه؟
علـي
استغفرالله تره هي ماتعنيلي شـي
انتِ تعنيلي هواي ؟
أي عيني بعد يوم يومين تحب وتزوج وتنسه ايلول وابو ايلول
مادري ليش حجيت هيج وياه بس الي اجه ابراسي كلته
مشكلتي افكر بصوت عالي واشهر روحي شهيره
علـي
شمناسبه هل سؤال
و شغلـه ثانيه انه انساج بحالتـين لو من اموت لو من افقد عقلي وبغير حالـه مستحيل انساج
الله علاوي والله صاير انتَ حباب شنو هيَ
من كالي هيج احس متت من الفرح والضحكـه انملت ع وجهي
ضحگ وياي وهوه يباوعلي بتركيز
رأسًا نقلبت ضحگتي ل ملامح غاضبه وكتله
دروح انتم الولد كلكم بيكم بس بالحجي
ومايملي عيونكم الا التراب
خو الضباط خصوصًااااااااا
مايشبعون نسوان
علـي
استغفرالله الله يصبرني
بابا مو كل اصابعج سوه عوفي هل سمعه
خويـه شو اسكت وبعد لتكلي ابو اللول صيحلي اختي
علـي
هي مال اختي وي هل كيك دخيل ربـج
يااا علي ماتنجب انت
علـي
لسانج بروح جدج السابع عشر لسانج شويه گضي ماتحمل واحد يحاجيني هيـج اتخبل والله شنو انجب اخوج الصغير انة
اكو مرة تگل لزلمة عيب ولج فشلة فشلة مايصير
بوية هاي البت راح تجلطني
باوعتله بتركيز وكتله
مـا احجي وياك ب الـي يعجبني شتريد تسوي مثلاً ؟
راسًا تحول وجهه العبوس لضحگه وهوَ حاط عينة بعيني
صارتلة ابتسامة عريضه وگال
علـي بضحكة
لخاطر هل عيون گلبي يروحلج فدوه كلشي تردي سوي عادي حته لا تكليلي ابن الكلب هم عادي
يا علي شبيـك شنو ابن الكلب شو انت ماتستحي وماتحترم
علـي بعصبية
هذا كلبي ال ... خرب اللهم سكتني
انجبي واحترميني ايلول
ويلة اكلي واسكتي كافي
وبعديـن شنو هل لبس الطايحظة شوكت تبطلي هااااا ؟؟؟؟؟؟؟
حجة بطريقة جدية، وشبك ١٠٠ موضوع ب كلام واحد
ضحكني، ماكدرت الزم نفسي وكتلة
شكد نرجسـي انت احجي وين طبيتلي ويـن صرت اضحك عليك والله
علـي
اي مو اليمج مضحكه قرقوز بعد گلبي
أيلول انة اهمـج ؟
حجاهه بجد وهوَ يباوعلي
شفت ماكو مجـال للضحگ كتله
طبعـا لعد شلون ؟
علـي
خَلاص عوفيها بعديـن نحجي .
شفته ضـاج ودار وجـهه وحرك السيـاره مافهمت الي راده بس جان يريد يحجي شـي فكرت مبين ع اللبس
وتاليتهـا مـا ادري يحاول ينسى ومن يرجع يشوف يموت
بس مايكدر يحاجيني لان يدري ازعل واروح منة
لا تغندب شبيككك
علـي
لا وين هاي لا مغندب ولاشي
اخذ نفس قوي وباوعلي وضحگ وكانمـا يريد يمتص غضـبة ويبين الي انُ هوَ ماضايج ومابي شي
( قبل عيد ميلاد فرس هذي الاحداث )
علـي
تدرين بيه أغني وصوتي حلـو مووو ؟
اممم والله؟
سويت روحي مادري
علـي
اي والله يلـه أسمعج اغنيـه
تمام يلـه خل نشوف صوتك بس مادري أحسك راح تصدمني وتفرطني ضحگ عليك
علـي
ههههههههه اذا ماطلبتي اغنيلج اغنيه ثانيـه ما اتسمه علي انتِ بس اسمعي
يله بله خل نشـوف
شغـل اغنيه ماعرف شنو اسمهـا ولا سامعتها قـبل نصَه صوتهه وصار يحرك ب اصابعه ع رجلة وكانما ديعزف على موسيقى وبـده يغني ويـاهه
علي
هاي الاغنيـة احبها
كضيت حياتي عايشها، بس ماظنيت راح اعيش شعورها
ظلمتـوا بالوصف لمّن وصفتوا
حَبيبي شكد حلو بس ما نصفتوا
احسة بروحي وبكلبي وبالعيون
احلى من الحلو لو ما تصدكون
وهاكم هاي عيني
بيها شوفوا
ظلمتوا بالوصف لمّن وصفتوا
يغني وسارح وي الاغنيـه ويباوعلي ويغنـي من كُل وگلبـه
صوته مُمَيز وغريب حيَل جان يشبـه حيَل ل صوت هيثـم
يغنـي واني اضحگ وابتسامتـي عريضه و ع وجهي مبيَنه
كمل الاغنيه وگالي
علـي
شلوني ؟
صدمتني صوتك حيَل حلـو
علـي
والاغنيه؟ صوتي بلة اعرفه
هههه حيـل حلوه
سويت روحَي ثوله ومافهم شي لان ماعرفت شنـو احجي وشنو اگلـه
علـي أكو اغنيه حيل احبهه غنيـهه خل اسمعها بصوتك حباب
انطيتـه بوقتها اغنيـه عراقيه وهوه صار يغنيهه ويضحك ويكلي موكتلج راح تكليلي غنيـلي
صوَته حيـل حلو وصدمني بيَ
ضحگنه هواي وسولفنة
كتلة تعبت خلي نرجع يلة
قبل لا نوصل اكو محّل كلي دقايق ونزل
شوية واجة وبيدة جكاير
ايلول
يعني تشرب موووو
علي
حسب المشتهة والله، اشتهيها كل اسبوع مرة ثنين هيج شي بس مو مدمن
ايلول
التعود يودي للادمان علي شي مُضر والله بطلة
علي
ان شاء الله وي جيتج كل شي يتعدل
صلاتي و جكاير وكل شي
ابتسمت وهوَ يحجي
مد ايدة الجيبة وكال
علي
شوفي شنو جبتلج
باوعت جايبلي كت كات
ابتسمت وكتلة شُكرًاا
علي
يلا صوريها وثقي كل لحظة اجيبلج بيها كت كت، وبالفرحة الجبيرة اجيبلج كارتونة كاملة
ايلول
وشنو هيَ الفرحة الجبيرة
علي
تخرجج شنو قابل
ضحگ وحجاهة، واني هم عبرت علية وصورتها
وجنت فرحانة بيها
هيَ مو بالـ kitkat ومو لانُ اني احبها، هيَ بي هوَ
الي من شافني احبها ماحب يضيع ايّ لحظة بجانبي
إلا وهوَ جايبها الي
حيل حبيت هذا التصرف منة، وبصراحة، علي انطاني اهتمام فاقدتة اني وحسسني بشعور لإول مرة احسة ..
وصلني للقسم وهوَ رجع
اول ماوصلت نمت لان جنت حيـل تعبانه
ماگعدت الا المغـرب
اول ماگعدت فتحت موبايلي لگيتـه دازلي رسائل
راسلتـة
دنتشاقـه گلي
علـي
دروحي عيونچ جنهه عيون چفيچير عود هم تعرف تحجي
وانت ياهو مالتك شعليك بعيوني
علـي
شو صايره تحجين جنوبـي يول عجل شسمه اي عجل لعد انتِ شعلمج
احس چني متلبـسك لا والله چني شنـو حته مطايا متلبستك
كتبت اخُر كم كلمة وكلت هسة يموتني خل امسحها
مسحتها وضحكت اخر وكت ايلول تدقق بكلامها
علـي
الزلم من تحجي النسـوان تسكت رجاءً
تره جنتـوا تبجون ب احضانه و احنـه نسكتكم
علـي
معجب ب حجيج انـه
مو اول واحد عـادي
علـي
ماتنجبين مو احسلج
شني مو اول واحد لتخليني اطلعلج من الموبايل هسة والعبااااس
دزلي فويس وهوَ يحجيها بصوتة المعصُب
ضحكني بس اصطنعت الضوجة وكتلة
لا تكلي تنجبين كتلك اكره احد يكلي انجبي
علـي
مشبعتني سوالف طايحظهه وانة ممنوع
اي ممنوع و كـافي ودير بالك تنطق هيج وياي -بجديه-
تناگرنه اني ويـا وعفته للشويه دزلي فوَيس فتحته جان بي
علـي
زعلان الاسمـر ما يكُلي مرحبـا
بس اني موسمره
علـي
وانتِ منو يمج اندزتلج بالخطأ
ورجعنا اتعاركنـه مره ثانيه
گضينـاهه هَيج واغلب وقتي اقضي وي عليّ وفرس
لان جد احسه صار كُل يومي وجزء منه حيـل جبير
يوم من الايام جنة جاين اني وفرس من دوام وضايجين، بسبب اميرة والمُشكلة الي صارت، راسلني علي حجيتلة الي صـار وجنت معصبة حَيل، كلي ماعليج اني احجي وي امير واخلي يحل القُصة
ايلول
عليمن يحل القُصة والله احس لو نرجع للموصل هواي احسن وهسة اني راح احاول بالموضوع
علي
كولي يالله ايلول وين ترجعون
ايلول
والله كُل شي هنا غلط كُل شي
علي
حَتى اني ؟
ايلول
اوفففف لا اتوقع انتَ الشي الوحيد الحلو هنانة
ولو مرات تصير مُزعج
علي
افة ليش هههههههه
اسمعي شنـو رأيج تجين انتِ وفرس، اعزمكم على عصير بالهجو الحلو فتح محل مرطبات جديد وحيل طيب
ايلول
خاف تريد تسوي هيج حتى تجيب امير وياك؟
علي
ليش لا؟
ايلول
فرس من تضوج مو مثلي علي
فرس تضوج وتصير متريد تشوف الشخص والله اني فطيرة انسة بسرعة
علي
شمسويلها الرجال المگرود ما تكليلي
ديلا عمي بس انة جا
ايلول
امممم مادري اشوفها بس ماعتقد تجي
علي
شوفيها ورجعيلي خبر
حاجيتها ماقبلت جانت قافلة، اتعذرت مِنة وكلتلة تعبانة ومالي خلُك
علي
جا تعاي بس انتِ ايلول
ايلول
لا علي ماكدر، فرس ضايجة ماكدر اعوفها وحدهة والله خليها عَ غير مرة وان شاء الله خير
علي
مو اليوم بليل نازل واجب عدنة ومادري شكد يستغرق ردت اشوفج قبل لا اروح
فاتحين اتصال وكاعدة يم فرس من سمعت هيج همستلي ب روحي
هزيت راسي ب لا وكتلة
ايلول
ميخالف علي من ترجع بسلامة ان شاء الله نلتقي
علي
يعني ابدددد
فرس
لالا هسة تبدل تعال عليها علي
علي
لا لا اذا هاي خليها مو إلا خاف تحتاجيها
فرس
والله ماعندي شي اصلاً هسة نعسانة واريد ارجع انام
وهم مشتهية اكلة حَتى من ترجعون ايلول تجيبلياهة
علي
صدِك جذب انة اجيبلجياهة نيابةً عن أمير
ايلول
هسة عوف امير انتَ
علي خليها بعدين
علي
مانطول والله ساعة ونرجَع
فرس لحت علية وهّم هوَ ماكدرت اكول الة لا لان ضل يلح علية
ونوب يريد ينزل واجب
بديت اسوي سناريوهات ب عقلي
شلون لو صار عليّ شي واضل اقهر بروحي والومها
خفت وكتلة تمام
كمت سبحِت واجيت كلتلي فرس أُمج دتخابرج، اخذت الموبايل احاجيها وفرس تطلعلي ملابس، كتلها اريد اطلع وي علي
امي تخابرني كُل يومية واذا ما خابرت ف تراسلني وتطمن علية فَ هيَ تدري بعلي وحتى بابا يدري بي، وماعدهُم مانع بوجودة لان اهلي ميمانعون بـ صداقة البنت و الولد، ومن بعد الحادث مالتي وشلون عرفوا هوَ وأستاذ امير جانوا وياي كُلش حبوا ..
سديت الاتصال من ماما واجيت لكيت فرس مطلعتلي فُستان اسود طويل وردان طويل ومقبط من هذا الي يحبة علي
شتوي لابعّد حد ومستور
ايلول
لج هذا مال شتا حيل هسة الجو لابأس بي
فرس
لا لا ترة الدنيا المغرب هسة تبرد البسي والله احسَن
ايلول
والله احسج متفقة وي علي علية
فرس
وين المسكين يحجي وياي مرات منج ومستحي
ديلا لتنسين الكوت مالتة
ايلول
اي همزين ذكرتيني بي
اني غاسلتة الة، كُلما اريد اخذلهيا انسى
حطيتلة عُطر مني وحطيتة ب ايدي
خليت شعري مفتوح، اني شعري مو طويل كُلش انزل من كتفي بشوية هوَ ثخين وطويل جينات شعر عندي موطبيعية، بس اني ابد ماحب الشعر الطويل ودائِمًا اكُصة فَ مرة من المرات كصيتة لحد ركبتي ردت اصير نفس ذني البنات الكول وكذا
تالي طلع يخزي علية وفوكاهة ما طال، ماخليت شي ماستخدمتة حتى يطول شوية، وطال هيج تقريبًا شبِر وبعد هاهيّ قُفل
فَ حمدت ربي وشكرتة و وعدت نفسي بعد ماكصة لان لهنا وبس طولة حلو ومعقول
وحطيت شوي حمرة وردية فاتح
اباوع يايابة علي متصل علية كومة
طلعت جانت الساعة بـ ٥ عمو الحارس كلي لتتأخرين حَتى ليجون ذولاك الشفت المسائي ويحجون عليج عمو كتلة تمام عمو وطلعت
شفتة من بعيد واكفلي بالسيارة من اجيت نزل الجامة
باوعلي وابتسم
صعدت بالسيـارة وكتلة
هلاوو
علي
هلا والله
ابتسم وباوعلي، بادلتة بالنظرة
انتبهت لابس دشداشة
ايلول
اليوم دشداشة؟
علي
عمي انة رجال جنوبي لبسي كلة دشاديش بس اغلب الاحيان بالدوام لو عدي فد معاملة شي ف تشوفيني بالبنطرون والقميص
ايلول
هذا الكوت مالتك جبتة
اخذة من عندي واشتمة رأسًا
علي
هذا من كد ما اغار عليّ و ع العطر الي بي ماراح اطلع بي بعَد
بس اهم شي عطرج اصلي وثابت
ايلول
المُبالغة يمك وبَس
علي
عبالج اجذب والله ترة
رحنـة لمحل مال مُرطبات، طلب النة ثنين عصاير وكعدنة نحجي
مُستحيل نكون سوى واحنة ما نسولف او نكون ساكتين
يحاول يفهم افكاري، ودائِمًا يكون مُستمع اكثر مِمّا مُتحدث
جان كلش يحب يسمع مني اكثر مِمّا هوَ يسولف
كعد يحجيلي عَ عائلتة شوي شوي
ايلول
هسة انتوا كُلكم ب بيت واحد شعجب ؟!
علي
واحد من عمامي طالع طبعًا كوة على جدي لان شوية هاي مرتة ما تتراهم وي الباقيات وعندي عم ب بغداد يعني احنة عائلتين بالبيت
ايلول
بس احس هيج كلش تقيد علي يعني انتوا متتقيدون
علي
شوفي ايلول، احنة بيتنا كلش جبير يعني ما شاء الله ان شاء الله يجي يوم وتشوفي، اهلنا غرفهم جوة واحنة والبنات غرفنا فوك
البنات الهن غرفتين وهم عايفات غرفة وينامن كلهن بغرفة كلهن وي بعض خوات واكثر
اما احنة الشباب ف كل واحد بينة الة سويت كامل الة
هذا السويت بي غرفة وصالة و صحيات
ومسافة هواي يكدر يوسع حَتى
ايلول
يعني انتوا شكد وشلون مكفي هلكد ؟
علي
احنة بيتنا جبير ايلول يعني يكفي وزايد واحنة غرفنة مو واحد بصف الثاني ومسافة بالوسط هواي يعني
يعني تصوري عدنا سراج اخوي سراج، مزوج
مسوي غرفة وصالة وصحيات و وسع هسة مسوي غرفة صغيرة لابنة واكو مسافة كومة بينة وبين شقة امير بعَد
ايلول
يعني ع هيج حجي هذا قصر موبيت
علي
هههههه ان شاء الله يجي يوم وتشوفي
المهم اكمل الج، احنة عايشين كل احنة على حب الله والوطن
حياتنا حلوة ومابيها مشاكل ابد
وما مضايقين نفس ماكلتي
بالعكس سوى حيل متونسين
وهم عدنة كاع بستان حيل جبير داير مداير البيت
هم لو واحد راد يبني ف يكون هنا
ايلول
زين شعجب يعني ماطلعون مثلاً هسة واحد يريد يروح لغير مكان كذا احس جدكم ميقبل ها ؟
علي
مو سالفة جدي وبس
احنة هم منقبل
يعني ليش اعوف كاعي واطلع اشتري ؟
ايلول
احس اذا ردتوا تزوجون صعب هيج واحد يعيش
يعني واحد يريد ياخذ راحتة كذا
علي
بالعكس ايلول انة جاي اشوفها ب سراج وزينب اصلاً مرات همة يملون وينزلون، الجو العائلي ماكو منة صدكيني ماكو احلى من تشوف عائلتك كدام عينك تضحك وي هذا تشاقة وي ذاك تعيط بهذا تتونس واجواء حلوة، انة واحس حتى انتِ هيج طبعج
بينة حنية جبيرة
انة اخاف واحس حياتي على لحظة تگضي وهاهيّ
ايلول
اسم الله عليك !
علي
فدوة للي خايف علية
بس لا والله هههههههه يعني احس حياتنا ع احظة تنتهي ف ليش مانگضيها برفقة ناس نحبها ؟ حتى الزعل ماخلي يطول وي ايّ شخص احبة، ولو صادفت انسان احبة واحسة طيب نفسي ف ماراح اعوفة ابد
اباوعلة يحجي بكُل حُب عن عائلتة، احس صارت بكلبي غصة واني اشوفة شلون يحجي شلون هُمة متونسين ومرتاحين سوى
ردت ما اسمح لنفسي بالتفكير السلبي تِجاه وضعي وكتلة
ايلول
صحيح علي بس احس مادري يعني هوسة اني ماحب هيج شي
علي
هاي انتِ لان ابوج وامج دائِمًا ما موجودين واخوانج برة ف تحسين هيج مامتعودة على هيج اجواء
صفنت على حجية وابتسمت وكتلة بهدوء
ايلول
صحيح يجوز اني ماحاسة بهذا الشي بسبب اهلي وطبيعة عملهم
علي
من كثر الوحشة الي احسج عايشة بيها
احس تردين تجيبين طفل واحد وتنطي كل الحنان
ايلول
تدري شنو؟
لا اريد اجيب هواي اطفال واملي بيتي بيهُم حتى ماحس بشعور الغربة الي عشتة واني بنُص بيتي
كلت هيج وعيوني دمعن
علي
اوووووويلي
هاي شنوووو لج دمعتي
ايلول
ضحكت وكتلة لا ماكووو شي
بس اني احس فعلاً تحسيت
علي
ايلول يمعودة ونبي اعتذرررر ما قصدي اذكرج او احسسج بشي موحلو
اباوعلة انخبص وضاج وتوتر
باوعتلة واني امسح دمعتي الي وكعت وكتلة
ايلول
والله مابية شي بس شتاقيت لاهلي شويون لتخاف
علي
هاج عندي شي اراضيج بي صدك نسيت
طلع من جيبة kitkat وكالي
علي
اشتريتها ونسيت انطيجياه نسينا روحنة بالسوالف
مديت ايدي حَتى اخذها منة كلي
علي
شنو ماكو صورة؟
ضحكت وكتلة يلا
علي
هاي شو جاي تكتبين عليهن؟
ايلول
ايّ لان انشرهن
علي
صدك ارد انزل انستكرام واتابعج
كافي واتساب شني جيل الطيبين
ايلول
اييي نزل والله ونسة انطيني موبايلك انزلكيا
انطاني موبايلة نزلتلة الة وسويتلة حـساب
كلي خلي خاص
سويتلهيا خاص
ايلول
شحطلك صورة؟
علي
شمدريني اي شي
باوعت وضحكت بوجهة، وين عايش علي مادري
كُل شي ميعرف بهل امور
أستاذنت انُ اطُب للاستوديو كلي براحتج طبي واختاري صورة
باوعت عندة صور كومة وحدة احلى من الثانية
استثنيت صورة بالبدلة العسكرية تجنُبًا ل اشياء بدون طعمة
والتجئت لصورة العادية
وإذا بيهن احلى من الصور العسكرية
صفنت على روحي هاي اني شبية
شنو اغار عليَ شعلية
كتلة اختار انتَ وحطلك وحدة
حط وحدة وكلي هاج تابعي حسابج
اني عندي حساب عام انشر بي صوري واشياء كومة وعندي تقريبًا بي ٢٥ الف متابع بس اغلبهم متفاعلين، ماجنت ارد ع احد بالخاص غير اولاد خالتي إيمان، عندي ٢ ولد خالة محمّد مزوج و عز الدين بعدة وعلاقتي بيهم كلش اخوية وبينة ميانة وصداقة حلوة
طب لحسابي وصار يصفح بي
اباوعلة وجهة صار احمَر شو
فعلاً علي يصير سحلية وياي
وكل ساع كالب لونة احمر شنو سالفة مادري
ايلول
ها شبيك
باوعلي وكلي
علي
انتِ مقتنعة بهذا حسابج؟
صورج و هل اشياء كلهن !
هاي تعاليق وهاي المتابعين الكلهم ولد
مقتنعة بيهم انتِ ؟؟
ايلول
ترة عادي حساب حالة حال ايّ حِساب
ديحجي وياي ورجع يصفح اباوعلة نفس النز مدري ش شاف
ايلول
شكووو شبيك
علي
هذا منو عز الدين الي يكلج شنو هل جمال وانتِ تكليلة عزوز ؟؟؟؟؟
ايلول
ابن خالتي إيمان شبيك علي
ذولا نفس اخواني ترة
علي
تكدرين تكومين ايلول نتفاهم شوية بالسيـارة؟
عرفت طكن عندة
كام كدامي راح حاسب وانتظرني، اجيت ورا ورحنة للسيارة
علي
ايلول ليش تنشرين صور الج؟ تكدرين تفهميني ؟؟
ايلول
اوكف اوكف علي تكدر تفهمني ليش صوتك علة من صعدنا بسيارررة؟
ترة اني ماحب هسوالف الذكورية ابدددد وانتَ تدري بية
علي
ايلول انتِ صدككك تحجين بشرفج شووووفي التعليقاتتتت
شوفي الحجي يعني انتِ راضية بيهن !!!
ايلول
ترة عادي هذا لبسي اني ما مصورة بغير شي وتحجي ونفس ما يشوفوني العالم بشارع يشوفوني هنا وين المُشكلة مدافهمك؟
علي
هوَ انتِ اصلاً لبسج كلة بشارع غلط مو نوب تنشرين وتخلين صورج تصيررررر بموبايلات ثانية!!!!
ايلول امسحي الحساب هذا لو وخري ذولة المتابعين كلهم وخلي خاص
يلا ايلول
ايلول
علي انتَ ب أيّ حق جاي وجاي تكلي امسحي الحساب
شبيك !!
وكف السيارة وباوعلي وحجة بنبرة خافضة
علي
ايلول انة اغار عليج والله اغار عليج افهمي هذا الشي الله يخليج
والله العظيم سهام وتنام بكلبي من اشوف او مو اشوف مجرد احس انُ واحد جاي يباوع عليج، هسة انة وياج وماخلي واحد يباوعلج بس لمن تكونين مويمي ماكدر ايلول، تصورين اذا اكلج انة اغار من ماضيج لان ماجنت بي ايلول افتهميني اترجاج انة ماتحمل ماتحمل والله
ايلول
هوَ شنو الي ما تتحملة علي اني ماكاعدة اراسل فلان وعلان هاك شوف الدايركت شكد بي رسائل اصلاً مافتحهن بس انشر وهاهيّ بعد شنوو
علي
ايلول ماررررررريد احد يشوفج مارررريد
ايلول
شنووماريد احد يشوفج تريد تحطني بصندوق ووهايهية علي هاي حتى مو غيرة هذا مرررررض مرررررض اتشافة منة احسن مِمّا يفقدك ناسك
علي
مرض ؟
جاي توصفين غيرتي عليج ب المرض ؟؟؟؟
طلعت مريض !!!
مريض لان جاي اكلج اغار عليج وماتحمل اشوفج هيج و واحد يباوعلج
لجججج فكرة انُ شخص كاعد ب غرفتة ويباوع لصورتج بموبايلة
تموتني ايلول تموتني حسي بية !!!
اباوع منظرة صار يخوف و وجهة احمررررر دم صار
باوعتلة ب عدم حيلة وكتلة
ايلول
ما مضطر تصاحب شخص هيج
هاي اني وماراح اغير نفسي تحت ايّ سبب كان
اهدئ وبعدين نحجي
ردت انزل صدمني وهوَ يكول
علي
يتبععع..........
رئيكُم؟ هل غيرة علي الغيرة المريضة نفس ماكالت ايلول، او ايلول وضعها يخلي علي يغار وهذا شي طبيعي ؟ وشنو رئيكُم بغيرة علي عليها ؟؟
مُهم تقروننن📌
- اني مسلسلة البارتات بالتفصيل، ومتعمدة اذكر بطل اليوم وباجُر ماذكرة بس اذكر الثاني ب هدف واحد وهوَ المُساواة بالاحداث ف لتتفاجئون وانطوا مجال وبَس ..
- الاحداث لازم تنذكُر الكُم بالتفصيل حَتى تكون اكثر شفافية وتكونون على بينة بنوعية العلاقة، لحد الان داشوف منكُم حب جبير على قُصة ايلول وعلي( بِما انُ ذولا الابطال الوحيدين الي مديصير حاليًا بينهُم احداث يعني حسب مدنشوف سبب شمس فرس روان غيث الكُل صارتلة احداث ومشوقة ماعداهُم ) داذكر فقط قُصتهُم بالتفصيل ليش ؟ لانُ فعلاً علاقتهُم هيج بدت وماجان اكو احداث جبيرة تصير، وبداياتهُم جانت مليانة اشياء حلوة وبَس، بَس ياترى هل راح يستمُر هذا الشي ؟ اكيدددددد لا وحتنصدمون بقوة الاحداث الي راح تصير
- نفس ما تدرون جان الجُزء الاول ٣٠ بارت، اني قلصتة ودمجت بارتين سوى تقريبًا، وصار الجزء الاول ٢٤ واحنة هَسة نزلتلكُم ال ١٧ يعني بعد بـس ٧ بارتات، ٧ بارتات تونسوا بيهِن، اما ال بعدهن راح نبدي الدراما والغموض والغوص بِعمُق ب بيت الشيخ جبُر، راح تتفاجئون مِن قوتها هواي وعّد، حبيت اخليكُم ع بينة رُغم انعجابكُم المتواصل بالقُصة بس حَتى لا تفكرون القُصة راح تنتهي ع هيج حالة ...
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!