"كل حكاية تبدأ بهمسة، وبعضها يبدأ بألم لا يُروى...
في هذا البارت، تغوص الكاتبة هدى آذار في عمق النفس، حيث تتداخل المشاعر وتتكسّر الكلمات قبل أن تُنطق.
اقرأ بهدوء... فكل سطر يحمل ما لا يُقال.
ولا تنسَ التصويت ⭐ دعمكم هو نبض الاستمرار.
قراءة ممتعة لكم.
________________
ايلول :
كمنة نصلي وهيَ كملت قبلي وكاعدة ع موبايلها شهكت
فرس
لج هااااي وين جنتِ طالعة ؟؟؟؟
امدة حضج ايلول ضايفتها للكلوز وتردين تضمين السالفة
بس اني اول تالي ما اضم عليها
سولفتلها
فرس
اريد اتفل بكصتج تذكرين من كلتيلي اذا احجي ويا بعد اتفلي بكصتي ؟ اليوم الثاني انهاريتي بجي عليّ من دخل مُستشفى
واليوم ولج اليوم تكولين ما اطلع ويـا بعد لو اموت شصار هسة هااااااا
لج اسُكتي خل اسولفلج بس اسُكتي
حطيت ايدي ع حلكها اريدها تسُكت وهيَ تضحك وتريد تسولف
بهل اثناء واحنة جاي نحجي دزلي علي رسائل
علي
تونست بهل طلعة، جان ودي الدقايق توكف حَتى اضل وياج، صح انة ما اتأمل وجهج بس اتأمل كلامج، وكل شي احسة فوگ طاقتي ان من جمال ولا كلام
ولو كلامج سهام، بس على كلبي عسل
حبيت اكلج شي
جذب مابية شي ولا مهموم ولا رحت مستشفى ولا خلوني وحدي
ردت استعطفج ونجحت بهذا الشي
مو جذاب، بس هيج يلا اكدرلج والله
ياحقيررررر لـج باعي
فرس
دعوفي احجيلي
ايلول
دصبري اصبري خرب يومة شلون ضحك علية هذا
امداج ايلول شكد قشمَر
حجيتلها كُل شي و ب اثناء الحجي كمت ابتسم واضحك
فرس
باع الضحكة ستوها تكول اني قشمر لان رحت ويا
والله يا ايلول انتِ سالفتج مو خالية
ايلول
دنجبي انجبي وصبري خل ارزلة
فرس
عوفي خل نكوم نسوي عشة جوعانة ميتة من الجوع
ايلول
مو اريد ارزلة
فرس
خطية والنبي الولد شاري رضاج ويدور ع الي يفرحج وانتِ هيج تدرين من نمتِ راسلني من امير كلي اني غلطت بحقها وضل يلح وياي حَتى يعرف شنو شي الي انتِ تحبي تالي تذكرت ال kitkat وكتلة
ايلول
اي تعالي همزين ذكرتيني بربج هسة شيكول علية زعطوطة
فرس
اسفة بس ماجة ع بالي غيرها هههههههههههه
لشوية حسيت فرس مُندسة ع كد مادافعتلة
واني هم كلبي كلب ام كلت خطية عفتة ورحت سوينة اكل
اكلنة وكملنة فتحت الموبايل
لكيتة حارك الدنيا علية حسبالة زعلانة
فرحني هذا الشي وسامحتة
مُضت الايام بسلام وراحة نفسية، ان كان وي فرس او وي علي
يوم من الايام راسلني عليّ واني بالجامعة
علـي
الكارثة المُتنقلة، سيادتة في الجامعة وطالُب لقاج
جاي اسوي مُعاملة ل امير هنا
اوكي يله عازمتك ع ريوگ لعد
علـي
اوكي اني مامتريگ قابل عزيمتج
من هسة اكلج مو تفضحينا كدام الناس ع الفلوس اني الادفع
ايلول
اني عازمتك مو انتَ
علي
احنة ماعدنة نسوان تدفع الزلم بس الي تدفع والنسوان تدلل وبسس
ابتسمت ع حجايتة هاي وكتلة
بالكافرتيا تعال منتظرتك
سديته منه وجنت فرحانه لان صارلي كم يوم مشايفته ورحت للكافرتيا طلبت اكل وجبته و اجيت گعدت
اجـه آدم ضل يسولف ويايه ولزگ ماگدر بعد اكله شي ،
آدم
شبيج ماتسولفين
والله لزكت بابا منتظرة احد يجي هسه
آدم
منو
اكلج شو انطيني خل اكل
شفت علي اجه من بعيد
اهو موخوش سالفـه ابد ، ارتبكت وماعرفت شنـو اسوي ضليت بس گاعده و آدم يحجي ملامحـه كلهه نگلبت اجـه لطاوله وگال
علـي
صبـاح الخير
قبل لا آدم يحجي حاوات الطف الجـو وراسَاً اكُله
اعرفك آدم هذا علي صديقي اعرفك علي هذا آدم
گام آدم ومـد ايده يصافح ويـا ، علي يباوعلي صفح وهـوَ مافاهم شـي لزم ايده واحسه لزمهه بقوه ضل يهز ب ايـده وهي ب ايد ادم ويباوعلي
آدم
اهلا تشرفت علي
بس ايدي شويـه
علـي
ها اسـف اخوي بس احنه متعلمين ع السلام الحـار هنانه
آدم
ايلول ماكتيلي عندج صديق هنا الي اعرفـه الي تعرفيـهم هنا بس اني وفرس لان انتِ مو نفس جوهم
باوع علي للاكل والاكل نصه مسحوب يم آدم ومبين دياكل بي
علـي
جوكم فوك وجونا جوة حتى ما يعجبكم؟
احجي عدل احسن الك
اندار الي وكال
جان كتيلي عازمه ويانه احـد ماله داعي هاي سوالف
اخليكم ترتاحـون وتتريگون براحتكم انـه اروح احسـن
باوع نظره ل آدم تخـوف وراح
علي دقايق
صحَت ورآ ماجاوبنـي
هسه انـي شعليه شبي هذا عقج وجهه
آدم
هذا منو ايلول شكله مو من الكليه ومنين تعرفينـه
اهوووووو ناقصتك اني تكعد تحقق ويايه شو روح آدم
اخذت جنطتـي ورحَت بسرعه ورا
يمشي بسـرعه و ولاكانهُ اكو احد ورا يصيحلة
علـي توكف لو لا شبيك
ماكدرت اركض خصوصاً لابـسه كعب اني وهذا صـار نفس المخبل
التفت الي
باوعلي من فوگ ليجـوه
غمض عيونه
اخذ نفـس عميق
انتت شبيك اطرش شـي ؟؟؟؟ صارلي ساعه اعيط
علـي
امشي كبالي امشي لان انة راح اتخبل وحق علي هيج ريشايه ضالـه واتخبل البارد والحار طبگن عندي يله
أي أي ماشـيه لتعيط وتنسه احنه وين
علـي
هااااي شوفيني هاااي كلشش هادي كلش يله امشي
يبتسم بوجهي بطريقـه تضحك ديبين هوه مابي شي وهوه وجهه صاررر دم من العصبيه
علـي
امشي يله شبيج
اي ماشـيه
مشينـا سوى لبره ل كراج الكليـه جان فارغ ومحد بي اول ماوصلنه اكو طابوگه بالگاع ضربهه برجله حيل
علي شنـو اجتك الحاله اريد افهم فهمني شبيك
علـي
بما انُ امير كالي صير انسان ابدا مو عجول وانسان متفهم ف راح اسالج وكليلي هذا الاملط منين؟
املط شنـو؟؟؟
علـي
يعني أملس خرب هُبل
انتِ عفتي كلهه واجيتي ع هاي مو
ضحكت ع الكلمه بكلبي بس ماردت اضحك حته لل تروح هيبه العركه ، بيومهه جان آدم مزين لحيته ومخفف شعره ف صاير بنظر علي املط
علـي
يله احجي شبيـج ايلول
آدم صديقـي من.....
علـي
هه يعنـي صح سالفه صديقج مو
علي تررره موبس انت عندك لسـان ولا بس انت تعرف تحجي لا تقاطعني وخليني اكمل وافتهم السالفـه يله موهيج تسوي
علـي
بلة انه عازمج وكلج تعاي لهذا المكان المصخم الملطم
من تجيـن وتلكيني كاعد وي طرگاعه وي بنيـه وتاكل من الاكل شراح تكوووولين هااا شراح تكوليـن ؟؟؟؟؟
ومن تجين اكلج والله هاي صديقتي والله اجت صدفة
مععع انُ ماكوووو مقارنه بين هاي وبين هاااي بغض نظر عن البنت والولد اريد اعوفهن لان تضوجين من المُقارنات انتِ، ترضين انتِ؟؟؟؟
ردت اكله اسحلك انت وياهه
صفنت بوجهه وكلت لا ايلول هدي روحج
اي عادي يعني راح أتفهم السالفه اني
علـي
تتفهمينن السالفه الله عليج ايلول الله عليج
لاولله مارضة واخزيك انت وياهه
بس افهمني وركز ويايه ولاتحجي شي
علـي
جاااا هايهيه بعد شنوو
علي اسكت خل احجي اسكتتت احذ نفس شهل عصبيـه احجي ويا هيج يججي ويايه هيـج انت دماغك بي شي صايرله شي انطينيي مجال تره والله العضـيم هسه اذا اروح ما ارجع وانت تعرف بهل شي ف خلي افهمك احسـن
علـي
تهدديني بروحتج مووو؟
تماممم تمامم احجي يله
ماهدددك علي بس انت متنطي مجال يعني اني شعليـه محضره كلشي ومنتضرتك تجي وماكدرت اكله كوم هوَ لزك ها اهـا تره مانكلبت الدنيا وكلت يجي علي نطلع اني ويا شو انت مدري شلونك
علـي
الخلل مو بيج ايلول الخلل بيـه انه و اخذي راحتج وانه رايح
شنو اني رايح شبيك موداحاجيك احترمني عاد
وين مشكلتك اريد اعرف
باوعلي بنضرات ماتتفسر كلهن ارتباك وعصبيه
علـي
عبالي بس انه صديقج اثاري ماشاء الله
شنووو ماشاء الله ش شايفني علي شبيك وبعديـن هوَ موصديقي صديقي ولاشي من المتوسطه ويا سنه وحده ونقلت بعدهه و التقينه بالجامعه صدفـة
علـي
وهوَ من المتوسطه حضرته لسـه يذكرج مو
هوَ انتِ شايفه شكله شلون وكاعده وتحجين ويا
ما ارتاحيتله هذااا مارتاحيتله الاملط استغفرالله ياربي
ايلول بله بس اريد اسالج سوال يعني هسه هذا تعتبري نفس ماتعتبريني ؟ يعني صداقه وهايهية
علي شبيك شنو الي تريد توصله تره ثنينكم اصدقائي
رفع حواجبـه ب استغراب رجعن ملامحه طبيعيه وكالي
علـي
مفهوم الصداقه والمساوه وي هذا مايمشي وياي اخذي راحتج واعتبريني ماطبيت حياتج جنت اظن غير شي وطلع غير شي
مالحكت احجي ويـا اي شي راح بسرعه وركب سيـارته وراح
شنو معنى تصرفـه
معقوله علي يغار لهاي الدرجة ؟ مادري ستغربت من الموضوع وماعرفت شنو اتعامل وشلون اتعامل ويا حتى، اني هم ممقتنعة بالجملة الي كلتها مال ثنينكُم اصدقائي بس ماعرف شلون احجي ولا اعرف شلون اعبُر واخاف ليفهمني غلط
علي وين وآدم وين اكو فرق هواي بس شلون ابين مكانتة بدون ما ابين غير شي ؟
من خلال الايام الي عاشرته بيـهن وجنه دائما سوى ف مستحيل علي يكدر م يراسلني ابد وحته لا صارت بيناتنه طوشه ع كولتٌه هم يجي هوه وراساً يحجي ويا ماتطول ساعه ساعتين
ضليٌت بالكليه كاعده واتصـفن هذا باله راح لبعيد خاف حسباله علاقتي ب آدم نفس ما ويا،
فرس ما مداومة بيومها قررت هذا الشي الصُبح واني جنت مبدلة ف استخسرت انزع وداومت
عندي مُحاضرة لاستاذ حيدر
استاذ حيدر انسان مينطاق
عكس استاذ امير تمامًا
وبس يعيط ويحجي هواي واني كلشي مافهم منة
فَ كاعدة واراسل وي فرس وحجيتلها الي صار
فرس
خطية والنبي ايلول يعني انتِ جاي تغشمين نفسج الولد يغار ويموت غيرة ليش تخلي يغار هواي وبعدين تخسري
ايلول
هوَ شنو بعدين اخسرة وليش يغار احنة مابينة شي غير الصداقة يعني فرضًا آدم صديقي كلش شنو الي يقهر نفس ماهوَ صديقي آدم صديقي لج مشفتي تحول اسد جائِع
فرس
اسئلج سوال وجاوبي بصراحة حبابة
ايلول
امممم
فرس
لو عد علي صديقة ويساويج بيها ترضين
صفنت على سؤالها..
فرس
تخيلي يعني نفس مايسويلج يسويلها يحاول ويـاهة ويضحك ويغار عليها ترضين اولا
ايلول
صراحة؟ راسًا انسحب لان احس نفسي ..
مادري شحسس بس مُستحيل اتقبل الفكرة
فرس
لعد هوَ هم ايلول وهم يغار وكذا
يعني صراحة اني شفت امير هسة اقل غيرة من علي
علي حيل يغار وبالعكس هذا الشي مو سلبي هذا كد الحُب
ايلول
فرس الله يخليج ياحُب تدرين بوضعنا شنو مُستحيل ارضى اني بهيج شي لتخوفيني
فرس
ماريد احجيلج بالمُستقبل داحجي بالحاضر
تنازلي شوي من كبريائج وبينيلة هوَ غير عن آدم
الحياة اخذ وبدل
لازم شوي تلينين ويـا هم خطية هوَ
قنعتني فرس صراحتًا وهوَ هم قهرني اخر شي من راح
بس كلت ما اراسلة لمن هوَ يراسل عود يلة
من ردنه نطلع من الكليه شفت آدم
آدم
ها ايلول شكو ضايجة
هيج ضايجه مايصير اضوج يعني
آدم
ايلول منو هذا الهمجي الي اجه اليوم؟ مبين من اهل جنوب منانه من حجيه لزم ايدي راد يكسرهه حسبالك شنو متعجرف
من حجه ع علي حسيته حجه عليه وحسيته جاي يسبني
احترم نفسك ولا تحجي عليه حسن منك يالامطل(املط)
حجيت هيـج ورحت عنه جنت معصبه منه بس من اذكرت كتله هاي الكلمه ضحكت
بله هسه ادم طلع يعرفهه
لا لا ويـن هي هاي الكلمه خاصه بيهم مايعرفهه ادم
زيـن بله بحث عنهه بكوكل
خلشوف موجوده
صعدت بسيارتي ولازمه موبايلي واسوق
بحثت عنها
مامعنى كلمه امطل في العراقي
انتضرت البحث يطلعلي اشـو طلعلي
كلمه املط خرب يومي عاكستها
قريت معناهه (ايّ لا شعر له )
اني شفتها وعضيت شفتي
عزززه العزاج ايلول رحتي بيهه
ضحكت ع نفسي وراسًا شلت موبايلي خابرته
آدم
شنو امطل
معناهه الخوش رجال الخوش ازلمه والله العضيم
آدم
ايلول شنو خوش ازلمه خوش رجال منين متعلم هذا الحجي انتِ هههههههههههه
جاي احجي ويـا اجتني مكالمه من علي بسرعه سديته من ادم وخابرته
ها علـي
علـي
ويامن مشغوله
وي آدم والله جنت اخابره
حسيت روحي جفصت عضيت شفتي خرب يومج ايلول
علـي
خرب خرب خرب ابوووووو آدم خرب عشيرتة لا تجيبين اسمة على السانج، لازم نلتقي بسـرعه راح انفجر
تمام وين ؟
علـي
سيارتي عطلت بالطريق مدري شبيهة انتِ وين خل اجيج ضلي بمكانج
كتلـه بمكاني وضليت منتضرته علمـا يجي
يمه الهدوء قبل العاصفـه ياستار من عنده شلون يحجي گوه
شوي شفتة نزل من تكسي واجـه فتحت السـياره وردته يصعد يمي
علـي
انزل اصعدي انتِ هنا اني اسوق
جان حيل معصب و وجهه معقوج بشكل ولابس ملابسه العسكريه مبين بالدوام جان حبيت الطف الجو واضحك شويه
اصعـد شنو تشكك ب قدراتي بالسياقه
علـي
ايلول واصلتلي لهنا كتلج البارد والحار طابگات سوه يله انزلي خل اصعد
اخاف ع سيٌارتي ماتشوف روحك شلون معصب نوب تروح تسويلنا حادث بعدني ببدايه حياتي كلشي ماسويت بيهه
علـي
لا تخافين اذا متي اموتج وياي واذا متي وياي بعد كلش احسن مما تضلين بهل حياه الزفره
هاي شبيك جاي هاد عليه بعد اخذلك راشدي بعد تعال
علـي
منا عالم يله انزلي وانطيني البصمه
انطيتهيـا ونزلت صعدت وهوَ صعد اول ماصعد حرك السـياره حيللل طار بيهه
شبيككككك يمعود كتلك ارررريد حياتي ليش تمشي بهاي السرعه
داحجي ويـا موبايلي اتصـل جان يمه شاله
علـي
آدم خره خرره شبيي هذااا يلحح شبيي
شو انطيني هل اشوف شبيك علي شبيك
علـي
سدددي سدددي خل نحجي
ردت اخذه منه مكدرت راسا قفله
شهتصرفات علي شبيكك شنو هل وجه الي گبالي داشوفه هسه
علـي
هذاا وجهي الحقيقي جاي تشوفين هذااا وجهي انه انسان عصبي ومانجرع وهمجي بعد شتردددين!!! اما وجهي الثاني الي جاي تحجين بي جنت اجاريج بي لا اكثر
شنوو قصدك علي انت شجاي تحجي بضبط وليـش دتحجي ويايه هيج اساس وشنو وجهي القديم وشنو وجهي الجديد
علـي
عقل ماكو براسي حالياً راسي فارغ هيـج لهاي الدرجه خلينه بس نوصل بسلام ونحجي بكلشي
وين رايح اريد افهم
علـي
اي مكان نكعـد بي ونسولف
ماحجيت شي بس جنت شوي متنرفزه من الجـاي يصيـر ضليت ساكته وهوَ يسوق و اي واحد يصير كباله يضل يسب بي وجان حيـل معصَب لدرجه موطبيعيه و اول مره اشوفـه هيج صاير ولهدرجه معصب
الي مضوجك شنـو بس لو اعرف الي مضوجك شنو فهمني كولي عليه
علـي
الي مضوجني انُ حاسبتني غير مما حاسـبج
شلون يعني علـي شلون فهمني
اخذ نفس وزفره وگال
علـي
تدرين المفروض اروح لاميـر اني هسه شجابني الج
يا اميرررر يمعود شبيك
علـي
ماجاي اعرف اتصرف ولا تمالك اعصابي واخاف امشي بهطريق وتصير موحلوه عاد طريق امير مشـه وياج
علي انت مامجبور تغير من نفسك علمود شخص !!
علـي
اضطريت ايلول اضطريت اغير من كلشيي مو بس نفسي كلشي غيرت وصنعت المستحيل بس اعتقد تماديت هواي بتفكيري
هواي دتحجي الغاز مجاي افهم هواي سوالف
منو الي جبرك تغير من نفسك علمودي منـو
علـي
گلبي المابي حظ جبرني
حجه هيـج وسكت باوعلي وهوَ مصدوم من الي كايله واني ماعرف شنـو اسوي حته
انت ليش جاي تحيرني هيج شوف خل احاول ماعصب خل احاول اكون هادئه شوي موهواي شوف اذا انت علمود ادم ضايج ف ادم نفس ماكتلك جنت بالمتوسطه ويا وهسه التقينـا وبينه تواصل هيج عادي يعني موصديقي صديقي
علـي
شلون يعني شلون فهميني شلووون
يعني مونفسك
ااا مو نفس ما احنه وعلاقتنا وشي اكيد شي يختلف عن شي حاول تستوعب هذا الشي ليش تقارن روحك بي وتضوج مـا اله داعي الي جاي تسوي والله
وكف السيـاره وگال
علـي
خبلتني سالفه انُ احد بحياتج غيري اني وحاسبتني نفس ماحاسبته حسيت شي بيه يريد ينفجر والله العضـيم
علي حجيك الغاز ابد ماعرف شيدور براسك وليـش تحجي هيج حته
علـي
هوَ انتِ مافاهمتني ويمته تفهميني مادري ولا راح اعرف
ترددت انُ اكلة هيج بس تشجعت وكتلة
يعني هسة انتَ غيران ؟
باوعلي وتنهد وكال
اي اغار، وغيرتي تهز جبال وياية الله يلعن ايّ شخُص يكون وياج غيري
صفنت عليّ واني ماعرف شنو اجاوبة
سكتت وهوَ سكت
ضل يمشي واحسة مايدري وين الوجهة بس يمشي
حبيت اكسر التوتر هذا ب ...
خلي اعزمك هسه ع غده شتكول
علـي
لا شتعزميني انه اعزمج لا بعد شجم يوم وعيرتيني بيهن عاد انتِ شلون تذلين الواحد ذل هه
شبيك تحجي ويايه معلگ علي تره اني ماحب واحد يحجي ويايه هيـج
علـي
وهسه انتِ منو مثلاً وماتحبين احجي وياج هجي شو اسكتي
نزلنييي هنا يله نزلني ولا اكلك انزل انت تذكرت هاااي سيارتي
علـي
ثوله سيارتهه وتكلي نزلني ههه
صلِ ع محمد وال محمد ضحك ضحك
علـي
وصلنه خل ننزل ناكل ولا اكلج اصـبري عليمن خل اروح اجيب اكل وناكل بسياره كلش افضل
هاي شبيك شنو هل تناقض وليٌش هيج
علـي
دشوفي لبسج اليوم شلون مطوخته حيـل
علي رجعنا لسالفه اللبس
علـي
ماعليه بيج والكائنات ماعليه بيج والخلقج
عمي ماعليه بيج بس جاي اكلج ها اها شمسوي انه
ضجت حيل من تصرفاته تاففت ودرت وجهي للجامـة
علـي
شبيج
ضجت علي حيل ضجت كافي اريد ارجع للقسم شلون هسه؟ اخذ طريق لبيتكم و اوصل واني ارجع
سكت ماحجه شي بس اسمع صوت تنهيداته الي وترني بيهن
علـي
هسه انتِ ضايجه لان انـه ....... يتبع
______________________
اميـره
دكتور اني مامحتاجه من عدهه مساعده حته اطلب منهه هي جاي تتبله عليه
دكتور صدگني هي الي حجت وياي اول شي وهي اساسا جانت تحجي وي الطالبه الي گبالي وترد الهه ونوب التفتت الي وضلت تاشرلي ع سوال وتلـح واني كتلهه دامتحن والله العضيم
اميره
استاذ جاي تتبلى عليه والله هي الي طلبت اني مو بحاجتهه ابد والله درجاتي ولا مره مو كامله ودرجات فرس دائما موزينه وهي واضحه بوضوح الشمس
العميـد
بس كافي شنو هل سوالف مال الاطفال
استـاذ امير شنو مستواهن الدراسـي ومنو احسن عندك بالدرس؟
اميـر
دكتور فرس بنيه حبابه و اميـره كذالك اكيد صاير سوء فهم واذا تسمحلي احله اني
العميد
شنو شغلي اني هنا استاذ امير ياريت ترد ع كد الجواب منو احسن مستواهه الدراسـي هاي الطالبه ولا هاي وياريت تسميلي بالاسـم ؟ وصدك هاي البنيه درجاتهه كلهه كاملات والثانيـه موزينه درجاتهه
اباوع ل استـاذ امير ضل يباوعلي ومايعرف شيرد
اميـر
استاذ خلي الموضوع ينس وهن طالبات بيناتهن وهسه يعتذرن لبعض وينتهي النقاش
العميد
استاااذ اميـررر سؤالي واضح ليش جاي تستر احنه هنا نمشي بالقانون صح حجي الطالبـه ومنـو احسن مستواهه الدراسي . اخر مره اسال واريد جواب
تنهـد استاذ اميـر وگال
اميـر
دكتور ثنينهن زينـات عندي
اميـره
استاذ شنو هل حجي ليش هل تحيُز مثلاً؟ لو لان فرس تقربلك مدري شنو!
دكتور والله العظيم والله العظيم درجاتي كلهن كاملات ودرجاتهه كوه تنجح بكل الامتحانات والله العظيم
العميـد
استاذ امير جاي احاجيك صحيح كلام البنيه
شنو هل مهزله الجاي تصٌير هنا
ماريد تحيز ال اي طالب موجود هنا واريد الكلام الصحيح
والقانون يمشي على الجميع!
اميـر
دكتور مستوى اميره احسـن بس كذالك فرس زينه يمي واكيد صاير سوء فهم بيناتهم وهنه طالبات ويحلنهه بيناتهن اتمنى منك ما توصلهه لهيـج مواصيل
العميد
وحده جاي تتهـم الثانيه ب انها غشت منها
الطالب الزين مايغش
والطالب الموزين يغش
اميره بـبجي
والله دكتور درجاتي دائما زينه وكامله والله العظيم وهيه غشت مني واني طابـه لقسم العربي ومعدلي بالعربي ٩٥ ماعتقد طالب بـ عربي السادس يطلع ٩٥ و هنانه درجاتي كلهن كاملات اغش منهه والله مظلومة دكتور
العميـد
تمام تمام عرفنا السالفه ماحاجه للبجي
وانتِ بابااا شنو هل تصرف الي بدر منـج مو عيب تغشين من زميلتج حسني مستواج احسن ممـا ترحين تغشين من طالبه مجتهده وتاخذين تعبهـا
وعقابًا ع هاي فصل ٣ ايام
يعني شنو تسوالج هسه گبال الطلاب وگبال اساتذتج
مـاريد هاي الحاله تتكرر ابداً واتمنى من بعد هذا الفصل تكونين ماخذه درس
واليـوم الاثنين تاخذين فصل الثلاثاء والاربعاء والخميس وبعدها ماريد اي حركـه موحلوه يلـه الكُل لمُحاضراته
اميـر
دكتور ياريت تاخذ اعاده نظر بقرارك هذا وهي ماتسوه
انـي أحس الدموع متكومه بعيوني وگوه متحمله ما ابجي يمهم
دكتور اني ماسويت شي وهي جاي تتبله عليه وانتم وكفتوا وياهه ومسمعتوا مني حته
العميـد
بابااا لا تناقشيـن يعني طالبه درجاتهه كلهه كامله تغش منج الي درجاتج ع الحافه
بابا واحد ياخذهه بعقلـه يله كافي انتهه النقاش
عفتـهم وطلعت من دون لا اسلم ولا اسوي اي شـي جنت ضايجه بشكل موطبيعي
اتفهمت السالفه من استاذ اميـر لانُ انحرج وهوه اساسًا صح هي اشطر من عندي بهواي وكل درجاتهه كامله ونادرًا ما تاخذ درجه انزل بشوي مع انُ اسئله استـاذ امير صعـبة
طلعت من الاداره راسا شفت ايلول گبالي
أيلول
هاااا شصـار
فصلوني ٣ ايام بسبب هاي التافهه
أيلول
شگد حقـيرررره شوو تعاي والله اليوم العب بيهم جوله تره بعيني شفتهه شلون تحاجيج
خل تصبر مو بالعمادة برة اجرهة والله بس هسة خل احجي وي هذا ابو راس المربع
اخذت ايدي وتريد تطب للعمادة
ايلول كافي عوفيني لا اروح ولاشي تردين تذلينه اكثر واصلا مايصدگون بينه شمهما حجينه
أيلول
وشنو تسكتين ع حقـج ومو شفت استاذ اميـر جاااي شنو ماحجه ماگال شي
شنو يگول مثلا
العميد سألـة منو اشطر وحاول يتهرب بعدين جاوب شنو يسوي يعني هم حقه ايلول مابيده شي ، المهم حروح انـي كلش ضايجه ومالي خلك حطلع اروح لقسمنا
أيلول
اصبري بس ختطلع هاي الجلبه خل ارزلهه ونروح اني اعلمهه الادبـسز
وهي جاي تحجي طلع استاذ امير و اميـره سوى
رأسًا ايلول راحتلهه وصارت تحجي بعصبيه هامسه
أيلول
انتِ صدك ما مأدبـه فوك ما انج انتِ الي غشيتي منهه بكل عين صلفه تتهمينـهه
اميـر
كافي هنا العمادده
حجـه بعَصبيه استاذ امير وهاي اميره خلت وطلعت بـسرعه وطب استـاذ حيـدر رأساً
باوعلي وگالي
حيدر
مـاريد هل حاله تتكرر مره ثانيه تمام
اميـر
استاذ حيدر مُمكِن كافي ؟؟؟
شـفت استاذ امير عصب وتقرب ل استاذ حيدر اني خليت وطلعت أيلول مدري شحجت وي استاذ حيدر واجتي وراي
اني امشي ودموعي كوه حابستهن ماريد ابجي يم احد بس احس اريد اطگ
اجتي ايلول وايلول بعد ازيد من عندي ع گـد ما معصبه
مستحيل اضل بهاي الجامعه بعـد والله انقل ولو شيصير ميت مره انهانيت يمهم بعد حته استحـي اسلم ع طلاب حتـه
ايلول
انتِ مخبله وين ترحين مثلا بعدنه ممداوميـن غير شهرين وبعدهي الشهرين مصايرة كل عقلج حته اذا نريد نسوي نقل لازم من بعد السنـه
دقيقه ما اضل هنا جاي تفهميني ما اضل بعد نهانيت يم اليسوه والمايسوه
ايلول جيبي غراضي من القاعه خل اطلع بعد ماتحمل تره راح انفجر
ايلول
يلـه روحي للكراج يم سيارتي راح اجيب الغراض واجي
رحت للگراج مال الكليـه واني اريد انفجر
منتظرة بس فرصه ما الكي بيهه ناس حته اكدر ابجي بيهه براحتي
طبيت للگراج محد بي خالي ستوهه المحاضره الاولى خالصـه وگفت يم سياره ايلول وضليت ابجـي ع الفشله الي صارتلـي
شوي شفت استاذ امير متجـه الي درت وجهي ومسحت دموعي مستحيل ابين ضعفي لاي احد
مسحت عيوني زيـن وضليت دايره وجهي تقرب يمي ونادى ب اسمي
اميـر
فَرس
نعم استاذ تفـضل
التفتت الـه واحاول ابين انو ماكو شي
اميـر
ليش صار هيـج فرس شنو السالفـه
شنو شنو السالفـه استاذ السالفه صارت گبالك بعد
اميـر
فرس احجيلي الحقيقه حته اعرف شصرف انتِ صدك حاجيـه وي اميره حته تنطيـج لوشنوووو
استاذ يعني انت من كل وعقلك مصدك اني اغش منهه يعني انت مصدگهة؟؟؟؟؟
اميـر
مامصدگهه فرس بس شنووو الي صار
استاذ اني جنت گاعده مكاني وهي حاجتني واشرتلي ع سوال ولحت عليه بعدين من حاجيتهه وكتلهه دامتحن استاذ حيدر شافنه شسوي مثلا
اميـر
فرس اميره شاطره معقوله تطلب منج مساعده!!!
تطلب مني مساعده !
هه اي صـح اني وين وهي ويـن
تمام استاذ اني غشيت منهه رايددد شي بعد؟؟؟
هايهية اني غشيت منـهه وهسه انفصلت ٣ ايام
ولتخـاف لان بعد الكليه كلهه ما اجيلهه ولا اطبلهه بعد
اميـر
شهل حركات مال الاطفال هـاي !
استاذ انت مصدگ بية شتريددد بعد؟؟؟؟
اميـر
مامصدگ بيهه ولاشي شهل كلام هذا بس استغربت من الموضوع شوي
سكتت ماحجيـت شي لان احس گلبي يغلي گوه متحمله الوضـع
اميـر
اني احجي وي العميد لا تخافين هسه ارتاحي وباجر داومي وماعليج تمام
شكرا الك ومامحتاجه مساعدتك اني استاذ ولا تحجي وي العميد ولا اي شي ممحتاجه مُساعده من احد اني
اميـر
شنو السالفه ماجاي افتهم ولا جاي الكي مُبرر للي جاي يصير؟
استاذ انت مومصدگ ب اميره خلاصص اني غشيتت غشيت وهايهية
شفت ايلول اجتي من بعيد درت وجهي لان مستحيـل اتحمل اكثر بعـد تقربت وهي تباوعلنه ب استغراب
ايلول
ها شكو
اذا تريد تساعدنه وصدك وصدك ساعدني ب انُ انقل من هاي الجامعه لاي جامعه الا هـاي ماريدهه واكون ممنونة منك اذا صدك سويتلنياهه
اميـر
ماكو داعي تبجين فصل ماتنفصلين ولاشي
ايلول
هي ع الفصـل لو ع استاذ حيدر الي شلون فشلهه يم الطلاب وهاي اميره طبيت للقاعه سمعتهه تحجـي وتكول استاذ امير وكف بصفي وهي كامت ماتعرف شتحجي وتترجـه من الاساتذة انُ يسامحوهه والعميد فصـلهه ٣ ايام
والله تعاركت عركه وياهه ولو ماكو ولد الا اسحلهه من شالهه الحقيـره
اميـر
هي هيج حجت
هه وتريديني اداوم بعد امشي ايلول حته هذا الحجي الحجيتي كله واستاذ اميـر مراح يصدگ ع فكره امشي يله
اميـر
مراح احجي ويـاج اهدئي وكلشي راح احلة اني
ورايح للمكتب وادز عليها هسة واعرف شصرف
لا تتصرف ويـاهه ولاشي بزودهه دتحجي ايلول تمشين لو اخذلي تكسـي اني ؟؟
ايلول
يلـه اصعدي رايحين
فتحت السـياره صعدت واني دموعي تنـزل استاذ اميـر گال لايلول توگف ضلوا يحجون بمدري شنو بس ايلول جانت حيـل معصَبه شوي شفت استاذ امير عصَب وياهه ازيد
راحوا بعيد عني لذالك ماسمعتهم شحجوا
شوي واجت ايلول معصـبه
شكـو شبيـج
ايلول
ماكو شي استفزني حيل و وكفته عند حـده شو هذا هم مدري شلونه يخوط بصف الاستكـان تكلك ماخذين ورث ابو وهچي يحجي
دموعي ينزلن وحالتي حاله من حجت ايلول هيج ضحكت
تأثير علي واضح
ايلول
اسكتي عني لا اجيب ابو علي لابو اميـر متنرفزه حيل
شكو شكلـج وشبيـج هيج معصـبه
ايلول
مو منه اصلا هوّ اتعارك وي استاذ حيدر تدرين واني هم ماسكتت كلت لاستاذ حيدر شكد اناني انت وخليت ومشـيت وهسه عصب لانُ ضليت احجي عليّ واكلـه بسببكم هيج صار
هه ممصدگني يصدگ بيهه ومايصدگني
ايلول
لج فرس اميره درجاتهه كلهن كاملات غريبه انُ تطلب منج سوال حته
هاااا يعني حته انتِ مامصدكتني
ايلول
ماتاكلين عسل غير انـي شفت كبال عيوني شون حجت وياج بس هي اكلج السالفه غريبه بس استاذ امير صدگنا وگال بدال ما فرس تنفصل الا اخليهه هي تنفـصل
سكتت بـس بكلبي غصه وحيل ضايجه من الصاير من يوم اجيت لسه المشاكل تلاحگني واحس ماريد اداوم بعـد اوف اوف ضليت ساكته رحنـه للسكن الجامعٰي راسًا نمت لان جنت حيـل ضايجه
للعصـر گالتلي ايلول گومي گتلهه شكو گالت نطـلع جانت مصره انو نطلع رغم مالي خلگ حيـل
لبـست وجهزت نفسي جـانت ايلول مجهزه روحهه ع اخر حبايه وطالعه تجنن
شكو شمناسبه هل لبـس
ايلول
امممم اكو مُفاجئة حلوه بعدين انت صح طالعه حلوه بس اريدج تطلعين احله ف اني محضرتلـج فستان ردته لغير شغله بس يلة البـسي
مافتهمت شجانت تحجي بس جانت مُصره رحت لبـسته جان حيَل حلو فستان محجبات صاير لونـه اوف وايت منفوش وحلـو رتبت روحَي وطلعنا طول الطريق اسال ايلول شكو وهي تگلي اسكتـي
وصلنـه لمطعم وجان مابي أحد وهادئ حيـل
طبينـه لجوه شفت ..... يتبع
___________________
روان
الدكتور
شكد عمرهه البنت؟
مروان
١٧ سنه دكتور
الدكتور
البنيه صاير عدهه سكـر خطيه الله يساعدهه بعدهه صغيره
انة سمعت هيج واني انهـاريت!
صار عندي سكر!!!!!
كله بسبب مروان
فتحت عيوني بصعوبة وحاولت اكوم من مكانـي ، باوعلي وكال
مروان
ها كعدتي
دموعي بدن ينزلن بهدوء
كل شي بسببك خسرت روحي من وراك
مروان
كافي اسكتيي شبيجج
الدكتور
شجـاي يصير ، شنو بنتي متعرضه لعنف احجي ولا تخافين احنه نكدر نساعدج اذا صاير وياج عنف
اريد احجي ويـا صوته جان نفس زئير الاسد ماخلانا نحجي ولا كلمـه
مروان
الظاهر نسيت احنه عشائر والعشائر لا قانونك ولا ابو قانونك يمشي عليهه ف احسن الك مما تروح وظيفتك وتروح وره الشمس اسلم عله روحك واطلع منانه وخليني محترمك دكتور
الدكتور ضل يباوعله وهوَ معصب وخله وطلع طلع ورا واني ضليت بمكاني كاعده ودموعي يجرن
شيصير بيه بعد شيصير بيه بعد شنتظر بعد اكثر يصير بيه اموت والله ولا اخلي هذا الموت البطيء يصيبني
ماكدر ولا اتحمل هذا الشي ماتحمل اضل بهيج حيـاه ذله واهانه وسب وشتم وربط وي حيوانات
حتى عقلي ما يكدر يستوعب الي تعرضت الة
طب يباوعلي وساكت
مروان
شنو راح تبقيـن هنا كومي نامي بالغرفه احسن الج
انت تدري خليتني اكره روحي خليتني اتمنه اموت واخلص من هاي الدنيا كلهه تدري انك موتنني واني حيـه انت سببتت مرض لبنيه انت دمرت حيـاتي والله دمرت حياتي
مـروان
ماخليتيني الزم روحي ولا لزمتي روحج ابد
لسانج جبير عليج هواي
حاولت وياج ب شتى الطرق
بس جنتي قافله وهاي جزاتج
انت انسان ظالم الله راح ياخذلي حقي منك ان شاء الله دنيـا كبل اخره ان شاء الله تشوفهه دنيـا قبل اخره ياربببب
مروان
اخوي مات ع ايد اخوج وعمتي ماتت ع ايد عمـج وبسببه ليش مثلا ماتموتين ب ايدي هه بعدج ماشايفه شي
دموعي تجري وكانولا ب ايدي وحالتي حاله وهيج يحاجيني
مروان
لا تستغربين ابد ولا عبالج راح اتعاطف وياج ولاشـي لا بالعكس الخير لكدام وراح شوفين اكثر بعد
حقيررر انت انسان حقير
تقدم الي وتعمد يدوس ع ايدي حيل بالجهه الي بيهه كانولا ولزم فكي حيل وكانما يريد يكسر عظام وجهي ع كد ما جان منبت اصابعه حيل بي
مرىان
ديري بالج صيري حبابه لا وحق الله تتندمين دفعني حيـل للكاع وعاط
يلـه بسرعه كدامي للغرفه
باوعتلة بنظرات تعب، وعيون مليانة دموع، بس عيون ما مكسورة وكتلة
روان
لو تموت مراح تكسرني سمعت؟
عفتة وكمت من مكاني
ايدي توجعني الله ياخذة
مشيت واني اتحسب عليّ واندعي عليّ بالموت لا غير
طب وراي وراسًا نام عَ الجرباية
مروان
لاضليـن صافنه عليه مستحيل تدنه روحي عله وحده مثلـج
روان
هيج انة مارايدة نفسي وانام بصف واحد نفسك
مروان
رررروورواح اكوووووم
باوعتلة وخزرتة حيل
ضربني بالمخدة
مروان
شنوووو من بشر انتِ جِن مو أُنسسس كافي انطمرررري وعوفي المرادد والجرئة هاي
روان
ان لم تحترم فَ افعل ما شئت
كلتها بوجهة ورحت
عفتة يستغفُر ويحجي
مروان
يارب شلون تخلص وي هاي البلوة شلون
كلت بكلبي
والله لاخليك تتمنى الموت والله، انة روان ال جبر هيج يصير بية لا والله
شفت اكو فراش وبطانيه فرشت وحاولت انام الدموع مستوليه عليه ابجي من قهري معقوله صار بيه سكر هايهيه من هاي السالفـه بسببه كله بسببه لمروان
كاعده وساكته كمت شفته نايم وموبايله بصفـه اجه بالي خلاص خل اخابر علي واكله ع كلشي
اما موبايلي فَ ما اندلة نهائي ولا اعرف وين مودي هوَ لان انة ماجنت خافيتة
فتحت موبايـلة جان بي رمز وماعرفه
اوف يـاربي شلون سالفـه هاي ليش هييج
مروان
نامي ماكو مهرب ابـد
فزيت من حجـه هيج يمه هذا شمدري
عفت الموبايل ورحَت ع فراشي نمت
گعدت الصبح ع صوت وحده وهي تصيح فتحت عيوني سعاد مره الشفية
سعـاد
كومي سويلنـا ريوگ
خدامه عندج لو عد الخلفوج ولي عني اريد انام
سعـاد
يااااا يااا يااا باع لسانهه شطوله
كومي يله سويلنا ريوگ لا والله اصيح مروان عليج هسه
ولي لاسبچ انت و مروان شلون الي خلگ انه الكم
ضلت تعيط وانه مالي خلگ الهه نايمه
گاعده فوك راسي وتنگ
ماحس الا دفرتني برجلهه
انه فزيت بس تخبلت
شلون تمد ايدهه عليه
بسرعه كعدت وكمت ع حيلي الهه
والقران اوكلج خره اذا كستيني مره الثانيه هيج ادبسززز
حجيت هيٌج هي راساً طب مروان
باوعلنـه وصاح
مروان
شكوووو سكتـوا كافي
روان حضري روحج لازم نروح للـ دكتور
دكتوريش ؟؟؟؟
مـروان
دكتور صخام ولطام الج شلون اتجاوب النچرة
فوگ ماريد اخذهه لدكتور بس موصوجج صوج بيبيتي الطاحت بعيني علمود وحده مثلج ماتعرف نحاستج وخباثتج وعرامتج شني
رادت تحجي سعاد عاط بيها وكال ماريد اسمع
لاااا تحجي وياي هيـج مالي خلكم شنو هل مغثه من الصبح
مـروان
وعلي يروان هسه اجيج انهيج تنهي عله ايدج انتِ مال واحد يعاملج معامله الحيوان
حشه البشر منج اي والله
يله كومي سويلنا ريوگ يلـه
موووو خدامه عدكم و اسويلكم ريوگ
لا عبالكم جبتوني فصلية معناهه تطبقون سوالف الفصليه عليه
عندك ثنين نسوان بعرض الهوايش خلي هنه يسون شناقصهن ايد رجـل
سعـاد
ولكم شوفوهه شوفووهه لسانهه اطول منهه هاي البت ماتاكل خره
اجـه مروان الي لرمني من شعري وصار يصيح حيل وهوَ يصيح عليّ
طبـت ام مروان الحيه بنفس الوقت
مروان
يمـه انه عدي ميت شغله هسه هاي مصگوعه الطاحت ع راسنه طرگاعه استلميهه شعدج شغل اطيهيـا وخل تجرب ما اسوي شي اله اجي ابتلي بيـهه
ام مروان
تكش روحي منهه كل ماشوفهه اذكر أخوهه موت ابني
والله ان ما اموتج عله ايدي
اله اخلي صفيـه (ام روان) تضوگ نفس الوجع الضگته
طلع مـروان وانه ساكته ماحجيت شي بَس احس روحي افور من العصبيـة
سعـاد
يله گومي نضفي البيت
والله لا خدامه عنـدج ولا عد الخلفوج خوش تردين انتِ كومي اشتغلي ما الم زبـالتج يالخايسه
سمعت مروان صاح حيـل وام مروان ضلت تحجي مالي خلگهم حته
گمـت انظف وياهم واني افكـر
أريد نارهم تاكل حطبهم
أريد انتقـم منهم واراويهم شلون يسوون هيـج وي بيت جبر
أريد اخليهم واحد ياكل واحـد
ضليت افكـر و افكـر و وصلت لحل ..
ليـش ما اصـير زينه وي مروان
أصـير عليهم شيخه والله
أدلع عليّ وأغري واخلي يصير محبس ب ايدي
اضرب عصفورييـن بحجر
اول شي اخلي يحبني واكسره واجرحـه
وثاني شي انتقم من كل الي بالبيت واخلي يصير ضدهم كلهم
ابتسمَت ابتسامتي الشريره
وگلت
لازم ابـدي بخطتي مهمـا كلفني الثمـن
الا اخليهم يدفعون الثمن عن كلشي صـار
رحَت يم الحجيه وضليت احجي وياهه شويه هي عاد حبابه اخذت موبايلهه بالختله وخابرت علاوي حيـل مشتاقتله ضليت اسولف ويٌا وطمنته انُ اني بخير
ماردت اقلقه مع انُ مو بعادتي أضـم عليّ بس اذا اكله
علي يسويها كتل ومكاتل
وراح يموت واحد يعد والثار يضل والدم يملي الشارع
ف كلت خل اسكت احسن
انطاني امي هم وطمنتهه ، اخذ جدي الموبايل منهه وضل يطمن علية ويسالني وانه اكله بخير بخير وضليت اطمنهم عني
كملت من الموبايل وسديته بدون ماحد يدري
طبيت لهاي الغرفه الجبيره الي اني بيـهه قفلت الغرفـه علَيه وبديت ب تنفيـذ الخطة
جبـت خيط جبته من الحجيـه و وكفت گبـال المرايه
اني جَنت احف بس شواربي ماخذ شي من وجهي امي ماترضه بس حواجبي هنه حلـوات هيج شي قليل زايد منا ومنـا
لزمت الخيط وبديت احف لوجهي حفيتـه كلـه وشلت الزايد بالملقط احس وجهي صار يلمع لمـع
حَطيت مُرطب عليّ ورحَت بدلت
لبسـت دشداشه سوده
تعمدت البـس اسود حته بَس ابين اله انُ انـه محترمـه الميت الي عدهـم
الدشداشه مخصره ع جسمي حيل
انه شعري مو طويـل قصير لحد جوة ركبتي بشوي ولبداية ظهري، وجان حيل ناعم وسرح ولونه مايل للشكار وحيل مُميز عفتة مفتوح وحطَيت شال ع راسي كلاوات
حطيت عطـر حيَل قوي علاوي مشتريليا هديـه
وحطيت علج بحلگي وطلعـت
ملتمـات بالصاله كاعدات
مـرت احمد اسمهـا الاء
ونسوان مروان سعـاد وسعيده ماشاء الله و ولا وحده وجهه يجيب السعاده
وكومة زعاطيط لمنو مادري
بـس الي اعرفه مـروان ماعنده جـهال يعني ذوله كلهم لاحمـد
ام مروان
كاشخه ولابسه شكو ع صخامج ولطامـج روحي يله اطبخيلنا وماوصيج احرگي عود حته اجي احرگلـج وجهج وشوهلجيا
اعرف تـره شكلولج عليه نفس النسوان الفاهيه والعوبـه واحرگ الاكل الحمدلله امي معلمتني ع كلشي
عفتهـن ورحَت گعدت اطبـخ وبراسي ناويه ع شررر هـواي شوي و طب مروان
باوعلي من فوگ ليجـوه راد يطب صحتله بـ اسمه
مروان
ضل واگف مكانه
هوَ انـي صح اريد اكسبه بس مستحيل انزل من روحي اله هوَ الينزلي
التفت الي وگالي
مروان
هـا
ولا اكلك ماكو شي بليل انسب احجي ويـاك
عفته ودرت وجهي اطبـخ
حسَيته صار وراي
مروان
شنو انتِ جاي اطبخين
لا جدي جبر جاي يطبـخ
جاوبت من دون وعـي حسيت ع روحي وكتله
ااا اي منا وجاي اني اطبخلكم تمام ماريد خالتي تتعب ونسوانك خطيـه
رفع حواجبه ب استغراب
عطـري قوي حيَل حسَيته اخذ نفس من يمي وراح
أبتسمت جانبـي وكلت
والله الا انة اعلمك
الا ادفعكم الثمن واحـد واحـد على كلشي واخليكم تكرهـون روحكم
خصوصاً انتَ
انـة انـة و انتَ انتَ
روان بـنت الشيخ جبـر تنحط وي الهوايـش ؟
بعدهُم ما يعرفونـي جنهُم ..
كملت الاكل وصبيتـه رحَت لكيتهم كلهم كاعدين سوه بالصالـه
خـاله كمل الاكل اصبلكم هسه؟
ام مروان
اي صبي شمنتظرة ينزل الوحي عليـج مثلا
خـاله علكيفج وياي شنو السالفه هاي لان ما الي احد هجـي اكلتوني وشربتوني
حجيت ب تمسكن وانـي انعلهه واسبـهه الف مره بكلبي
مروان متعجب منـي شلون احجي هيج وبهل اسلوب
مـروان
سعاد سعديه كومن وياهه حضرن شبيجن حوامل وكاعدات
لاماكو داعـي انة اصب شيخنـا
ركزت ع شيخنـا اباوع ل نظرات مروان يباوعلي بنضـرات ضحكت عليهه بكلبي نظرات مستغرب شجاي احجي شجاي اسـوي
عفته ورحَت حضرت كل الاكل ونگلته وحَدي جبتـه الهم وگمت صاحتني الحجيه
كالتلي
يمه تعاي اكلي
كتلـهه بيبي اروح احطلكم الجاي ع نـار خاف الشيخ يريد ينـام
احجي وميته ضحك ع روحَي من داخلي بس مجبوره اسوي هل حركـات . سعاد وسعديه يردن يموتن وام مروان كذالك بله سعديه لا تهش ولاتنش الا ذيج احس نضراتهه تريد تموتني بيهن ههههههههه
رحَت حطيت الجاي وسمعت صوت مـروان
مـروان
تعاي اكلي روان
ابتسمت صفـح وأحس خطتي نجحت رحَت ردت اگعد وتعمدت اكعد يم مروان
جان اكو مجـال گعدت بي اباوع سعاد هيـج تباوعلي حسَبالك شنو
گعدت وتعمدت احط ايدي ع رجلـه واكل وهوَ يباوعـلي وصافن
كملنـه وشلنه الاكل اجيت جاي اسوي الاماعيـن اجه يغسل
مروان
لا سويهن انتِ خلي البناويت يسونهن موزين عليـج واخذي الجهاز من بيبيتي وشوفي سكرج لان احتمـال يكون مؤقت
لاشيخنـا اني اسوي ماكو داعي
ابتسم وكال
مروان
هه شيخنا
مدري منين جايبـه هَل ادب هذا
تغيرت انـة
مـروان
اللهم يا مغير الاحـوال غير حالنا من حال الا حال
سويَت روحي أبتسمتلـه كالي راح اغسل واجي اسويـلجيا اني هم غسلت ورحِت اخذت الجهاز ورحت للغرفـه شوَي هوه طب
سمعت سعاد تصـيح
تعـاي سوي الماعيـن
مـروان
سوَيهن انتِ شبيــجج تجوعريـن
ضحكت وهوه يكول هيـج بس كتلـه بهدوء
شـيخ عله كيفك وياهه خطـيه
مـروان
شوفي روان هاي الحركات اعرفهن وعلي شنو الي براسج احجي شتردين بالضبط تردين تكسبيني وتبينين اليـه انتِ ملاك ويمهن غير شكل مو ؟
يتـبع ............
#بيت_جبر
للكاتبة : هُدىٰ آذار ...
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!