مَساء الخير
لا تنسـون التصويت ⭐️
والتعليق بين الفقرات ...
______________
علي
ايلول ماررررررريد احد يشوفج مارررريد
ايلول
شنووماريد احد يشوفج تريد تحطني بصندوق ووهايهية علي هاي حتى مو غيرة هذا مرررررض مرررررض اتشافة منة احسن مِمّا يفقدك ناسك
علي
مرض ؟
جاي توصفين غيرتي عليج ب المرض ؟؟؟؟
طلعت مريض !!!
مريض لان جاي اكلج اغار عليج وماتحمل اشوفج هيج و واحد يباوعلج
لجججج فكرة انُ شخص كاعد ب غرفتة ويباوع لصورتج بموبايلة
تموتني ايلول تموتني حسي بية !!!
اباوع منظرة صار يخوف و وجهة احمررررر دم صار
باوعتلة ب عدم حيلة وكتلة
ايلول
ما مضطر تصاحب شخص هيج
هاي اني وماراح اغير نفسي تحت ايّ سبب كان
اهدئ وبعدين نحجي
ردت انزل صدمني وهوَ يكول
علي
انة ما تحملج بعد، اذا ماغيرتي روحج انسي شي اسمة علي
باوعتلة بقوة عكس الي بية وكتلة
ايلول
لعد اعتبرني ناسيتك
سديت الباب حيل ورحِت، اباوعلة شخط بسيارتة حيل ومشة
بالشارع ودموعي صارت تنزل، ماكدرت امضهن ابد
ايلول
حقير شكد ما حاول يضم وجهة الثاني عني ما يكدر ولازم يطلعة
مريض نفسي، مهووس، اني جاي أذي نفسي بوجودي ويـا
لو يموت بعد ما احاجي هاهيّ انتهت
أجرت تكسي ورحِت للسكن اول ماطبيت شفت فرس كاعدة تبتسم وتحجي وي أُستاذ امير، شافتني عافت الموبايل واجت
فرس
شبيج ايلول ليش عيونج مدمعة
حجيتلها عَ الموقِف كُلة واني ابجي
فرس
خطية ونبي
ايلول
منو الخطية !!!
فرس
علي، ايلول علي صدك يغار عليج والله ومن كُل وكلبة يعني احس حَّقة يضوج
ايلول
فرس انتِ صدك تحجين
انتِ ويا لو وياي
فرس
اني وياج طبعًا وانتِ تدرين بهذا الشي
بس علي صدُك يغار عليج
ايلول
ترة اني مُجرد صديقتة ما الة داعي
وما الة ايّ حق يكلي امسحي الحساب
امسحة شنو بكيفة هيَ
فرس
والله يا ايلول مادري
علاقتكم كُلها غلط
هوَ تفكير وانتِ تفكير
هوَ مايغير تفكيرة وما يلزم نفسة وانتِ ما تغيرين نفسج
فَ على شنو بعد مادري
ايلول
هوَ عقليتة محجرة تفكيرة همجي فرس هاهي بعد ماريد احاجي والله لو ضل يتوسل الي حتى ارضة مراح ارضة
فرس
بس هوَ هم ما عليّ لوم ايلول
خطية والله هوَ صدگ يحبج ويهتم بيج وحاسبج اكثر مِما انتِ حاسبتة
ايلول
لعد هيج يسوي
فرس
هسة دكافي كطعتي روحج من البجي عليمن متكوليلي
اجت حضنتني واني ابجي
واكول الها والله بعد ما احاجي
ما مضت الا نُص ساعة وهوَ مراسلني
اباوع يدزلي سكرينات مال منشورات بال ٢٠١٥ هذا وين نازِل ولسة ديكلب
سكرين من السكرينات صورة الي و لعز الدين ب مصيف ب دهوك وي اهلنا واكو فيديوهات كومة نضحك ونشاقة سوى
علي
احس راح انفجر
اني ماريد احاسبج على ماضيج، وادري بيهم اولاد خالتج، انة هم عندي بنات عم وهم مقرب الهن، كصداقة واخوة، بس انة علية بحاضرج، علية بحاضرج ايلول
ضل يراسل و اني مارد بس اباوع من برة
صدُك مبين غضب برسائلة
فرس
والنبي خطية ايلول شوفي احس حيموت من القهر
يعني هو مو ذنبة الي صار نفسة هيج تكُلة شي لا ارادي يحس بهل شعور
ايلول
اني ماتحمل شخص هيج والنبي فرس
فرس
بس ليش متاخذي من ناحية
شعور حلو انُ اكو احد هيج ديهتم ويغار عليج
لا تنسين سوالفة وياج
ابسط شي من يجيبلج kitkat
ايلول
ترة كلهم نفس السوال يطمعون وبعدين يعوفون
عود مهتم وكذا
فرس
هسة هوَ عايفج؟
صحيح شي بسيط بس بنسبة الي حيل جبير من كعد وياي نُص ساعة يكلي اذكري شتحب ومن عرف كام ب اقل فرصة يجيبلج
والله علي ماكو مثلة وفطير هـواي بس انتِ مدتنطين من روحج شوية ويا
ايلول
يعني شكلة امسح الحساب ايّ وتدلل حضرة الريس ؟؟
فرس
من صارت سالفة آدم
اكتفة ب حجاية منج من كتيلة هوَ مونفس ما انتَ مو لو لا
فَ سايسي
يعني هسة هوَ معصب ودازلج ١٠٠ فويس ورسائل ومدري شنو
وانتِ حتى متفتحيهن، والله خطية
مو انتِ تكوليلي فطير وحباب ومدري شنـو ليش هيج تتعاملين ويا لعد
ايلول
بعدين فرس اعصابي احس منهارة ومابية حيل احجي ويا
ما فد يوم كعدنة سوى الا وهوَ متعارك وياي
بنص الشارع وعندة عادي يعني
فرس
لا لا تظلمي مو هيج مو انتِ تكوليلي من يصير شي يلح علية اني اوصلج رغم كل شي مايعوفج
ايلول
بس اليوم عافني وراح
فرس
اذكري شنابزتة من حجية، تلكينة ميت
اذكرت اخُر كلام النة
علي
انة ما تحملج بعد، اذا ماغيرتي روحج انسي شي اسمة علي
ايلول
لعد اعتبرني ناسيتك
أنبني ضميري شوية خصوصًا من فَرس كلتلي اقلبي الادوار شوية ماراح تغارين؟ راح ينتابني هذا الشعور لو كان علي المُقابِل صراحة بس مو لهل درجة هـاي، بس نفس ماكالت فرس ( هُمة غيرتهُم جنونية )
رحت سبحت وطولت بالسبح اريد بس اريح راسي شوية من التفكير، بحيث بالساعة اني بس جوة المي
همزين هاي الي ويانا راحت بغرفة ٢ وي صديقاتها فَ ضلينة بس اني وفرس
فكرت ب الي صار وحسيت انُ خل احاجي ونتفاهم مُمكِن احسن
طلعت من الحمام مستعجلة حَتى احاجي
اول ماطبيت للغرفة لكيت فرس كاعدة تراسل وتهز رجليها حيل
عرفتها متوترة، هاي عادة فرس الماتتغير من تتوتر حيل
فرس
علي بالمستشفى ضغطة صاير ١١٠/١٨٠ تخيلي
ايلول
ش شنوووو ليش ويمتى وشلون صار هسة
يمة انذهلت وهيَ تكلي هيج
فرس
هسة امير جاي يحاجيني، تدرين شنو ايلول هية توصلنة لنتيجة اني و امير جد بعد لتحجون سوى كلش افضل الولد رايد يموت
ايلول
فرس بس خل افتهم منج شنو السالفة شو انطيني خل اشوف
فرس
من طبيتي للحمام استاذ امير راسلني وهيج كالي شوفي
امير
شنو صاير بالضبط بين علي و ايلول
وليش هلكد صاير عصبي
ما اجة للبيت من اليوم العصر لسة، وفجأة خاربني حَتى اروحلة رحتلة لكيتة صاير نار من العصبية، وحتى مافهمتة شحجة، من كثر ما عصب لكيت ب سيارتة ٣ باكيتات جكاير مخلصات، وفجأة عيونة صار مايشوف بيهن و أذنة بس توشوش انة عرفت ضغطة صعد ساعتها ..
مادري شصاير بينهم و واصلة حالتة ل انُ يرتفع ضغطة ل ١١٠/١٨٠
- فرس مسولفتلة الي صـار -
امير
اول شي طلعاتهم الزايدة غلط ماكوشي اسمة صداقة بين مرة ورجال وكدام العلن وهاي ميت مرة يسوها، احنة ماعدنة هيج شي فرس يردون خل يفهمون بعض وياخذون خطوة جدية، انة مرة طلعت وياج وجنت مضطر وإلا ما اطلع ابد حدما اسوي شي رسمي وهذا الي راح يصير
رفعت راسي لفرس بصدمة من سرعة أمير تجاه هل موضوع
فرس
ايّ لج عززززة كلبي كام يرجف من قريت هذا السطر
بس اهتميت لسالفتكُم
امير
احنة ناس معروفين هنانة خصوصًا عليّ كَ رتبة و كَ مكانة تعرفة الناس فَ مادري ليش يعرض روحة لهيج موقف محرج، ادري همة قصدهم طيب بس الناس ما تنضر لكل شي بنظرة حلوة فرس، اتمنى فهمتيني ..
يعني احنة مانخاف من احد، ولو احد يحجي علينة لو عرضنا بكلمة يحسب ربة ما خلقة ومحد يتجرأ يسوي هيج بس بنفس الوقت امير المؤمنين شكال ؟ ( رّحِم اللهُ أمرءً جَب الغيبةِ عَن نفسِه ) ..
اعتقد جان الصوج الاساسي بية لان حاولت اجمع بينهم، واهدي علي قدر الامكان وانطي أمل بعلاقتهم، ايلول شي و علي شي، ما اكول علي اكول احنة بصورة عامة
يعني هسة انتِ صح تختلفين عن فرس باللبس وهواي اشياء بس بنفس الوقت هم ماعجبني وضعج، وهم اتمنى تتغير كم شغلة، بس اكيد ما اكدر افرضهن او حتى اطلبهن منج الا بعد ما يكون شي رسمي
هذا طبعي اني، بَس علي انسان يغار وهواي هم
ولنكون صريحين حقة ايلول بنت جميلة ما شاء الله عليها، ونفس ما تعرفين لبسها يعني ك احنة ما يتناسب ويانة ابد وهوَ ما جاي يضحك عليها حتى ما يهمة لبسها وتصرفاتها، هوَ فعلاً رايد ومحدد خيارة من زمان وجاي يحاول ومو عيب، بس عيبة الوحيد انُ هوَ جاي يحاول وي انسان مارايد يغير من نفسة، وحسب تصرفات ايلول هيَ ما تكِن لعلي شي
ماكملت الرسائل انطيتهيا وكتلها
ايلول
شكد يتفلسف !
عوزة يحط مقطوعة شعرية ويكومج تجاوبين عَ الي حجا
ضحكت فرس، مبينة فرحانة عَ الحجي الي حجا بصورة غير مُباشرة تِجاهة، انقهرت صراحة وحسيت استنقص مني بس ماكدرت اكول لان طريقة كلامة جانت مُحترمة بس جان يحاول يخليني انُ اني غير عنهم بهواي وهوَ فعلاً هيج ...
فرس
ايلول ليش ماكملتي
والله يكلي اول مرة اشوف علي بهاي الحالة التعبانة، يكول علي ابد مايصير عصبي لهذا الحد، و ولا مرة بحياتة ضغطة ارتفع، لعد شكد يحبج؟؟
ايلول
فرس حبابة لتكررين سالفة الحُب
انتِ مقتنعة اني اصبر وياهم
لج هسة هذا امير اعقلهم
طلع طلعاتنة غلط ومدري شنـو
فرس
امير ميدري انتِ وعلي ترحون لمكان مو عام وبعيد تقريبًا مو يم الناس وهوَ فعلاً هُمة ناس معروفين يا عيني وهنا ناس تحكم راسًا، كلج هوَ انُ طلعاتهم بنية طيبة بس الناس مايسوها هيج
بس ايلول اذا تحسين هيج فَ والله خطية هاهيّ عوفي وبعد لتتواصلين ويا، لتوصلي لغير مرحلة
ايلول
يعني اني موصلتة؟
فرس
وجودج يمة يولدلة غير اشياء خلاص ايلول جَد انتوا محتنجمعون ولا تكدرون تنجمعون ف عوفي
ايلول
ايّ هوَ انة عايفتة
كلت هيج ودرت وجهي وغصة صارت بصوتي والدمعة بعيوني
اكول اريد انسى وهاهي واني اكول ( انة )
بالي يمة وخايفة اريد احاجي
شنو الي وصلة لهيج مرحلة
عفت فرس وطلعت للصالة وكتلها حبابة لتجيـن وراي
فتحت رسائلة وفويساتة كومة يعبر بيهن عن غضب وغيرة كارثية
يعني صدك جان منهار ويحجي ومكبوت احسة
اخر شي كاتبلي
متردين مو؟ حقج لان ما اهمج
نزلت دموعي واني اشوف هيج
حسيت ب اهتمامة بية بهاي رسائل او غيرهن
حييت ب احساس ماحاستة من قبل
بس جد ماكدر اغير
واصلاً حجي استاذ امير صحيح
احنة منكدر نكون سوى ابد
اتذكر من يكلي احنة جدي يحب نكعد سوى
او بيئتهُم و عاداتهُم
هذني لازم افكر بيهن لو ردت اخوض ويـا علاقة
واني ماكدر
فَ ليش ازيد الطين بلة ؟!
سكتت ماحجيت
ردت ابادر وادز ماكدر
امير و فرس كالوا كافي
خل اشوف هوَ شنو رأية
فرس
والله ماعرف يعني ليش تبجين ايلول
فرس موكتلج لتجين
فرس
الدنيا باردة ايلول وانتِ طالعة بالبرنص والشبابيك مفتحة وشعرج مبلل كومي لتتمرضين كومي حبيبي
ايلول
ماريد ايلول ماريد
فرس
زين باعيلي واحجيلي
ماتوصلتي لحل وي نفسج
هزيت راسي ب اي
فرس
اي يالله
شنو هوَ
ايلول
مانحجي نفس ماكلتوا فرس
احنة منرهم سوى نتعارك اكثر مِما نعيش لحظات سوى
فرس
زين ليش تبجين ما انتِ اخذتي قرار
ايلول
مادري مخنوگة اريد اطلع
فرس
وين تطلعين بـ ١١ حتصير حتى محد يخليج كومي حبيبي خل نغير جو سوى نباوع فلم مسلسل شي
هزيت راسي ب لا
فرس
يعني انتِ موكلتي ماريدة ليش تبجين عليَ
ايلول
خايفة عليّ
فرس
راسلي
ايلول
ماكدر فرس
فرس
اذا تهتمين للمستقبل تموتين
عيشي حاضرج وشيصير خيصير
اني متاكدة هوَ هسة منتظر رسالة منج
و استاذ امير كال رجعنا للبيت ما مطولين اصلاً من حجة وياي همة بالبيت فَ حاجي
ايلول
ماكدر فرس ماكدر
فرس
يا ايلول فرفحتي من البجي اي ادري عليمن متكوليلي
ايلول
ماتوقعت فد يوم انحط بهيج موقف واصير حايرة وماعرف شصرف ولا ب الاحلام اتعرف ع شخص نفس علي وانطي مجال وهيج اخلي يأثر علية
فرس
والنبي علي جنتل، مو انتِ تكولين امير جنتل ؟
صحيح امير احس ماكو مثلة بكُل هل دنيا وما تصورين شكد احس الدنيا ضحكتلي لمن شفتة يحاجيني هيج
بس بنفس الوقت علي صدُك جنتل من كُل شي ايلول
يعني غيرتة وحُبة وكُل شي اسلوب مختلف بس نفس النكهة تحسينة يحب بصدق والله وهوَ طيب وماكو مثلة ف مابيها شي لو تنازلنة علمود اشيـاء نحِبها وانتِ تحبي ولا تكولين لا
ايلول
مو حُب حُب فرس
احبة كصديق وبس
فرس
ايّ المُهم تعزي
ايلول
هذا ما يعني اغير من نفسي علمودة
فرس
مادري شكلج ايلول انتِ من جهة تحبي ومن جهة تنكرين حبج علمود متغيرين من نفسج
ايلول
انتِ مصدگة بالحب فرس ؟؟؟
فرس
داخل بالمستشفى وضغطة مرتفع و واصل الموت لان شاف صورج منشورة وتكليلي مصدگة بالحب؟
طبعًا حبيبتي الحب موجود ويجيج مرة وحدة بس واذا خسرتي الفرصة مالتج ف مراح تتكرر عليج
ايلول
يدورون جمال وشكل يوم يومين ويعوفوج صدكيني
فرس
انتِ حسبالج الناس تحاول تحجي وياج لانج حلوة، واني ما الومج صراحة لان شايفة هواي هيج انتِ بحياتج، بس لتنسين علي من كُل النواحي ماعايز
كَ جمال ؟ علي جميل
كَ شخصية ؟ قوية ومُضحكة و الي تريديها يصيرلج ومايرفضلج طلب و ولايكلج على عينج حاجب دام السالفة يمج رُغم هوَ يم غيرج ما يتحمل ابد حتى انتِ كلتيها بنفسج
جمال مال شُهرة وسُمعة طيبة ؟ علي ما مقصر بيهن
فَ يعني نفس ما هوَ محظوظ بيج انتِ هم محظوظة بي
لتحسبيني اتحيز ويا، بس هاي حقيقة لولي
احس نعست وبعد مابية حيـل احجي
رحنة للغرفة واني احوص كُل ساع اطب لحسابة اريد احاجي
ضلينة نحجي اني و فرس
شوية و اندزتلي رِسالة
علي
مشتاقلج
ماعلية بعد حتى لو حطيتي ستوريات او ايّ شي، اعتذر لو حسيتي تدخُل بيج
عزة باعي شنو رسِل
فرس
ونبي آدمي ونبي براسة ٦٠ مليون حظ
وين لاگية هيج عمي
ضحگت رأسًا واني اباوع للمُحادثة
فرس
ماشفتج يوم تبادريلة كُلة هوَ وهيَ هاي افعال الرجال يابة
دردي عليّ ردي
باع الابتسامة صارلها ساعة مغندبة وياي هسة ضحكتها نشرگت
رديت عليّ وضلينة تحجي، ماحجة ابد ولا جاب طاري الانستا ولمن سالتة عَ وضعة كال ماعدي شي وماحاول يفتح موضوع المُستشفى ومن عرف اني اعرف كال هيج وحاول يتلافة السالفة، حسيتة مايريد يبين هوَ ضعيف يمي
معَ اشخاص آخرين -
امير
أبن عمي مسحور، انتن هم تشتغلن بالسحر لو شنو !
فرس
هاي شنو شجاي تحجي أُستاذ
امير
عمي الولد شحالة وصارلة ساعتين جايبلة ناس من الاستخبارات ثنين شباب يحاولون يسد حسابها، لمن هكرة يلا ارتاح وضحك
ضحكت وكتلة
فرس
عزة صدُك تحجي؟؟؟؟؟
رحت لحساب ايلول بسرعة اباوع كُل شي رايح منة والصورة بيضة ولا يطلع مُتابعين ولاشي، يايُمة ايلول اذا عرفتة تمحي من الوجود موبس من حياتها
امير
هيَ ايلول ماجذبت من كالت مهووس، يشرب ببسي وحاط رجل على رجل ويضحك ويراسل هسة ومساع عيونة حمر وعوزة ما يكسرني انة ب بدال ايلول
دزلي صورة لعلي
احسة عايش شعور الفخر والانتصار
امير
يضحك عبالك محرر الموصل، مو ساد حساب بت الموصل
فرس
شعور مُتبادل هيَ هام كاعدة وتضحك بس والله لو تدري
امير
استري علينا وضمي السالفة
فرس
اوكي اوكي هههههههههههههههههههه
هسة تسوي حساب ثاني ولو راح تضوج على حسابها هذا لان من زمان عندهيا
امير
انة هم كتلة كال ماعدنة شي اسدلهة شكو واحد تسوي حدما تفرج
هسة هوَ يكول سالفة الحسابات سهلة ضلت عندي بس سالفة لبسها نتطاوش حدما احصل نتيجة مُصر هههههههه
نرجع-
اليوم الثاني
كاعدة فتحت الانستا لكيتة ماكو
يُمة متت من القهر نوب حسابي من زمان ما مبدلتة ابدًا
ضجت وفرس ضجت وياي وكلتلي ميخالف نحاول نرجعة
راسلني علي جان نازل واجب كلي
علي
انة اعرف اصدقائي بالاستخبارات يعرفون يرجعوا حرامات صدك حلو هو ان شاء الله انة احاجيلجياهم
اي علي حباب والله احبة
علي
صدك جذب ايلول تدللين عد عيناج
ايلول
فرس علي حيسويليا
الحمدلله
ضحكت -
كتلها شبيج كلتلي لا ماكوشي هيج
ضلينة نحجي شوية واني ضايجة
كتلة اسكت شو هذا ضاج
علي
يالحمزة راح تموتني ولج انة جبر ومايكلي اسكت انتِ تكليلي اسكت
ايلول
اي مايكلك اسكت لان يطيح حظك
علي
ايلولللللللل راح تموتينييييي كضبي شنو يطيح حظي صغير انة
اوف علـي شو اسكُت حيل ضايجه والله
علـي
اليوم ماعجبني حالك يحلو
منو يستحق تضوجين روحج علموده
علمود الحساب هسة قحَط
ناس جاي تروح شباب بعمر الورد تروح ضلّت عَ الحساب
اذا ضليتي تحسبين حساب لكل شي كولي ماراح نعيش
ضل يحاول يحاجيني ويضحك وياي
مادري شلون امتـص غضبي كُله
وخلاني اضحك بشكل لا ارادي
مـع اني نحَسه بهسوالف واذا صارت سالفه بسيطه ويايه اضل منفسـه يوم كامل بس من بعد مافات علي لحيـاتي هاي السالفة انمحت
احسة ما يرضة شوي يخليني اكون زعلانة .
نفس جوي فطير وكلبة طيب يزعل بسرعة ويرضى بكلمتين ومن يحب يحب من كل وكلبة
جاي نحجي وجبناهة عَ الأخوات فجان يحجيلي عَ اختة ملوكة الصغيرة
علي
والله اتمنى عندي اخت جبيرة المشكلة حتى بنات عمي صغار، اصغر منة احس احساس الاخت الجبيرة غير، ك اهتمام وحب وكلشي
ايلول
يا سودة علية يلا اعتبرني اختك الجبيـرة لا تزعّل
علي
اختي شنو يمعودة حَتى ب احلامي ما اتخيلج اختي
انتِ العزيزة عمي
ايلول
اوي ههههههه
علـي
خلاص راح اعلن وفاتي ع هيج ضحكه
يمعوده ترا گلبي رچيج
وحركاتـچ يرادلهن واحد نچر
وانـة يم الكل نچـر بس يمج لا
حقك عيني حقك غير انت يم ايلول شلون ماتخاف م تكولي؟
علـي
شكلـج يابعد عمي
اذا هي بَس اخذلي نظرة لعيونج انسـه اسمي
دتبـالغ علي ههههههه
علـي
لا والله ولا ابالغ شنـو
انة حته لو جنت بـ اخر انفاسي بس اشوف عيونج ممكن اعدل
والله مـادري يعني هيج عيوني حلوه داشوفهن عاديات ليـش تبالغ بيهن؟
علـي
مادري انتِ شتكولين؟ شنو السبب
امم الانسـان اذا حَب انسان حيشوفة مثل الملاك مابي أيّ عيب حته لو جان هل انسان ممـلي عيوب هوَ مراح يحِس بهل شي
وبين قوسين يعني بلهجتكم اكلك، الشاذي بعين امه غزال هههههههههههه موهيـج؟
أسمـع ضحگته وياي صـارت عاليـه حَيل وراسًا تنهـد بعدهه
هل ولـد غريب حيَل
صـار هدوء و رأسًا گالي
علـي
دائما أتسائل وي روحي ليـش انه هلگد استمريت ويـاج وانه هواي أملن ماعندي صديق ثابت ولا علاقـه تطول هلگد بس وياج اريد بعد وبعد واكثر يعني انتِ يجوز مو يجوز اكيد شفتج وي فرس صارلكم هـواي وشي يعني عندج هسالفة عادي، بس انه ماعدي هسالفه ف يجوز وياي نفس ما وي فرس بـس انه ابد مامتعود اضل وي واحد هلكد بدون ما امل وخصوصًا
يجوز مو انُ اني امل ماردي بس ماحب انطي لشخص كل طاقتي و وقتي احب استثمر وقتي بغير اشياء عامة يعني مافديوم فكرت بشي خاص الي
تدري شنـو علي
انـي هم هيج لا تشوف فرس هلكد ضاله وياهه
علاقتي فرس شـي استثنائي
علـي
اخ من هل فرس هاي اخ
خل اكمل لتقاطعنـي
أي
فـ اني انسانه هم نفسك ماحب العلاقات ابد وماحب الصداقات وهسوالف وماحب اطول وي احـد بس يكلك
العلاقـات شلون تستمر؟
العلاقـات تستمـر بشكل عـام لمـا تكون الافعـال الحلوه قبـل الكلام ، لمـا نختار ناس تشبهنـا بكلوبهه مو الـه بفكرهه ، ناس تفهمنـا وتخاف علينـا ، و وجودنـا يفرق ويـاهم ، تسأل وتطمن من غيـر مَصالح ، نـاس تلتمس العُذر ومانحتاج نبـرر كُل شي ، نـاس كلوبهم قبل عيونهم مليانه بيـنه ميهم احنه شنـو وشلون و ع اي حاله جنه المهم انُ هناس يحبونه ويسالون علينه من دون مقابـل
فرس هواي تختلف عني بكلششي افكارنه وكلشي نختلف بيهه بس احنه هواي متقاربين من بعض ك كلوب
علـي
احنه هم كلشي تختلفين عني وبكلشي اختلف عنـج بَس تحسين اكو رابط قوي يجمعنه سوه
ضلينـه نحجَي وي بعـض واحنه متونسين بحجينـه شَوي گتله نعست اريد انام وستوني جايه وتعبانه حيـل
علـي
تمام يله رايح انه هم انام
انتبهي عله نفسج
تمام
علـي
شبيج رايح انام ماتكليلي دير بالك ع نفسك شو شني
اي مو فراشك ع الشارع العام واخاف لا تدعمك سياره واكلك دير بالك ع نفسك
علي
الله يساعدني بس ذره مشاعر ماكو
هههههههههههههه
ضحكت وعفته
گعدت العصـر وهم حجيت ويـا شوي تنرفزنه وتعاركنـه رأسا گلي بعصبيـه
علـي
دروحي عيونج جنـهه عيون هايشـه
هااااااا منوووو اليوووم يكلي عيونج يخبلن ويسحرن واذا ميت وشوفهن اعدل منووو
علـي
ليـش انتِ تصدكين بيه ؟ هه بويه انة بنفسي ماصدگ بيه انتِ شلون تصدكين بيه روحي بويه روحي اتمرجحي بالمراجيح احسلج
دروح ابـو شوارب سوي شواربك وتعال احجي وياي والله يالله حاطله شوارب النمل تموت اذا تسلقن بيهن
سـديته بوجهه وضحگت ع اخر شي
گلتهه وفلتت
ضل يخابر مارديت سويتـه سايلنت وكمت
طلعنـا اني وفَرس وتونسنا ورجعنا
مضت الايام واغلب الاحيان صرنا نقضي الوقت اني و علي سوى
وحسيتة افضل صديق
وبصراحة اني ما حسيت انُ مُمكِن هل علاقة تتطور
ولا حطيت ببالي هذا الشي
اما حسابي فَ علي ماكدر يرجعليا وكُلما اسوي حساب ثاني يحضروني مادري شنوسالفة فَ مليت وعفت كمت ماسوي
بهل واجِب علي طول، ف جان يكلي بـس انزِل اشوفج
فنزل وصادف عندهُم هـواي اشيـاء بالبيت
ويومية العصُر يكلي طالع عندي مشية لو شو شنو وتتكنسل طلعتنا
جنت كاعدة اني وفرس بالجامعة خابرني
علي
ايلول ما الكي احسن من هَلفرصة، احنة شوية صايرة ويانة سالفة بالبيت والدنيا مكلوبة يمي وما جاي ينطوني فنتگ(مجال) فَ خل اجيج اليوم بالجامعة
كتلة هلا بيك تعال
يـوم جانت ماعندي محاضـره گلت لفرس اجة علي
فرس
راح تصير مُشكِلة
ايلول
اسم الله شكو؟
فرس
لبسج ونبي يتخبل عليج هَسة
الغيها احسن
ايلول
لتخافين مايحجي صاير على لبسي
فرس
تعلميني ي ايلول
ايلول
شو خلطلع لا يجي الاُستاذ وخري ولج
خليت وطلعت
بيومهه جنت لابـسه ثوب ابيض وبـي طوب صغار سود
الثوب قصير جوه ركبتي وردانـه نص
وجنت شايله شعـري
أنتظرت علـي بالمكان الي گالي عليّ شوي واجه علـي
باوعتلة واني مبتسمه حيـل
مو هواي نلتقي ابـد لان هو يكون بدوامه واني بدوامي وثنينه ننشغل
باوعتلٌه ولوحتله بـ ايدي حته يجيني واني الابتسامه شاگته ل حلكـي
تجولت عيونـه وهوه يشوفنـي من فوگ ليجوه
باوع منـا ومنـا هواي طلاب
وجهه نگلب گلاب وحَسيتـه عصب حيـل
تقدم ايدي وگِدام الكُل وبدون أيّ كلام وياي اخذ ب ايدي ولزمها ..
همس بصوت ناصي بس جان مليان عصبية
يله امشي خل نتفاهم
باوعتلة مستغربه اريد احجي جر ايدي ومشـه
عوف ايدي شبيك تخبلت منـا ناس عوفهه؟؟؟؟ شراح يكولون مثلااا الطلاب هد ايدي شبيك علي
جان يمشـي ومايهمه اي شـي
قررت اسكت بس اني كووووه بالعـه عصبيتي
لان لو احجي او اسوي اي حركٌه
ماعندي اي مانـع بـ أنُ نتعارك بـنص الكُليه وگبال الكل
وعلى كولتة اني طكة ونص وهو طكة ونص ما نبالي لاحد ومانحسب حساب للي نسوي
رحنـه للگراج والطلاب ماجانت اكو
اول ماوصلنه نفرت ايدي بـسرعه منه ودمعتي طاحت
فشلتني گبـال الطلاب ؟؟؟
انت صاحي لووو مسودن شررراح يكوولون كلي شررراح يكولوووون !!! منووو هذا ولزم الهـا ايدهه
علـي
حقجج حقجج ست ايلول احنـه أبد مو گد المقام ولا نفس المستوى
ايلول ماريد احجي زايـد بس اليوم تنذبح ع قبله محمد لان اني بعد ماسكتتت ابـد
ف امشي اصعدي وياي خل نتفاهم
تقربت منـه وبعصبيه گتله ودموعي تنزل
اي تفاهم بعد ما النـه وبعد لا تراويني وجهك ع السويته هسه
انتَ مخبل ومو صاحي شلون تسوي هيج شلون !!
ردت اروح لزم ايدي حيَل
علـي
هسه انتِ تبجين لان لزمت ايدج گبال الطلاب؟؟
بس مابجيتي من الطلاب تباوعلج من فوگ لجوه بنظرات خايسه!!!!
تدرين حضرتج انة امشي واسمع ثنين كدامي يمشون ويصيحون بنية لابسة ابيض ومطوب بقسم العربي روح خل ... استغفرالله ماريددددد اكمل حجوا اشكال و الوان لدرجة ماطقِت الي حجوا وطيحت حظ حظهم وهددتهُم اذا ضايقوا البنية العب بيهم جولا حَتى اجي هسة و الكاها انتِ !!!
بجيتي ؟ شووووو مابجيتيييي من تسمعين وهمة هيج يحجون عليج !!
ايلول
تدري شنو؟
انت انسان همجـي ومستحيل اكدر اتعايش وياك
مستحيـل اكدر اطيقك
الك ميت وجه ودائما تطلعلي وجهك اللطيف بس تجيك مرات تطلعلي وجهك الحقيقي
هـد ايدي وخليني اروح و وجهك بعد لتشوفنيـا
علـي
مو علـه كيفج
مو لعب زعاطيط اي شي
اخذي الدورررر عفيـه اخذي الدوررر
انتِ عصبي وانتِ ازعلي و اني ؟؟
ههههه انـة الي اراضي ولا كانما انتِ الي غلطانه؟
لا ايلول خلاصصص هل مره غير عن الكل
وحق الحُسين وحق الحُسين فلا اسكت لو تغيرين روحج لو كل واحد بطريقة وحق الحُسين هل مرة غير جاي تفهمين
يحجي و وجهة صار احمر من العصبية
باوعت بعيونـه وگتلـه
شگد انسـان حقَير انت عوف ايدي
رخه لزمه ايدي وهوَ يباوع الـي نفضت ايده حيَل ومشـيت
علـي
مراااااح اركضضض وراج بـس خليهه ابالج ايلول اذا رحتي بعدددد ماراح تشوفـين علي طول عمرج وبعد ماتشوفينـا يعني لووو شيصيـر ما تشوفينـا ف اذا انتِ عندج تهون الايام انه ماتهون وهاي اخر مره اكلـج انطي فرصه وحده اتفاهم بيهه وياج واذا ماكو انه بيدي اكلج الله ومحمد وعلي ويـاج لان انه بعد ماتحمل و احس روحي راح اطگ تدرين شنووو راح اطگ ؟؟
حجيج صح هذااا مو وجهي ابدددد مو وجهي و هذا وجهي الحقيقي شوفي هذااا
بسسس بسببب اخ!!
ماحجي زايـد ابددد وكتلـج وراح أقسم بعظمه الله انُ اليوم غير
صافنـه بوجهه حتـه ماعرف شنـو ارد علي ولا شنو احجي
وجـه ابد مشايفته منـه
حسَيت رجعت للايام الي جنت ستوني اعرفـه بيَهن
وحسيت روحي رجعت اكرهة
وين علي ذاك ؟
ماكدر اتقبل هذا ابدد..
علـي
أصعدي يله خل نتفاهم ونذبحهه ع قبله محمد لان انـة بعَد ماتحمل ااااابد ماتحمل راح اطك وياريتني اكدر اتفاهم هنا بس ماكدر احترام للمكان الاحنه بـي
علـي انت صدُك تحجي ؟
علـي
اي صدك احجي صدك احجي تصعدددددين لولاا؟؟؟
سكتت ماحجي شي بس دموعي ينـزلن
دفر السـياره حيَل وگال
علـي
وصَل الجواب
بـس بعد وجهي ماراح شوفي ارتاحي من علي
شكرا لان هنت عليـج
صعَد بالسياره واني اباوعله وصافنه
يتبـع ............
_________________
قللت بدور ايلول حتى ننطي حق دور سَبب
واحب اكول الكم انُ مِن خلال سَبب راح تتعرفون على بيت جبُر اكثر، بعتبار هيَ بطلتنا الوحيدة المُعاصِرة الاولانية ...
سبب :
سمعت صوت صايح اخوي رسول وهوَ يگول لگيتـهه الزموهه الزموهه
من شفت رسول، حسّيت رجلي ثكلن، صوت خطواتي صار مثل الطبول برأسي، نفسي انقطع، ضلوعي تضغط على صدري، وكل الدنيا صارت تمشي أسرع من عقلي، چنت أركض وأگول: "مو وقت تبجين، مو وقت تتراجعين، إذا لزموج، بعد ماكو شي اسمه سبب ...
صرت اركض وكانما شخُص يركض عن حبل مشنقتة ...
گلبـي وگف وحسيت للحظة خلاص راح يلزمونـي
السالفة صارت من ١٢ بليل تقريبًا واكيد كعدوا بهل وقت ومن ١٢ ل٤ تلكيهم حاركين المُحافظة علية ومدورين بكل مكان
انة خايفة لا يكونون رايحين لبيت افراح وابوها يحجي شي او السايق الي ركبني كلهم احتمالات واردة وجبيرة وماتصعب على اهلي
عدهم استعداد يكلبون العراق علية بدون ما يملون او يكلون ...
من نزلت للمزرعة، الگاع كانت طريه من مي السقي، وصوت دعساتي يخوّف، صرت أركض بين جذوع الطماطة مثل طير مكسور الجناح، صوتهم وراي، خطواتهم تكبر، وحسّيت الأرض تصغر، چنت أگول: يا ربي، مو لأنه ما أحبك و جاي اعصيك، بس تعبت ياربي كون وياي
كمت اركض حيل واني الخوف مستحلني
جسمي يرجف وبقوه
انطيت كل ماعندي حته بس اركض
اسمعهم وراي بس موكلش
طبيت بـ بستان
هل بستان حيـل جبير
ويفصلني عنهم كووومه اشجـار
شفت اكو نفس البحيـره الصغيرونه
ويمـهه ماطور مال ماي وبيـهه سمچ يسبح بهل مـاي
وگبالي بيت حيـلل جبيـر ماكدر اوصف ضخامتة ابد
ماگدرت افكر او اباوع منين الدخول لهل بيت لان الصوت مال المشي جاي اسمعة ..
شفت بصـف هل بحيره نفس الانقاذ هووواي مبينين مجمعيهه
ماعرف بداخلهه شنـو وشلون بزونه ولا چلب ولا ايش
بدون ماهتم طبيت بنصهن بسـرعه
ضليـت لابده وانة ارجف واندعي
يـارب يارب يارب
انـة سامعه انُ فد يوم من الايام سوره الكرسـي سوت معجزه انو الي يقراهه ٥ مرات الله يحفَظة وين ماجان
قريتـهه وانة اندعي ربـي مايلگونيَ
شفتهم صاروا گبالـي اسمع رسول يگله
رسـول
راح تطب لواحد من البيوت
هنا ماكو بيت غير هذا وما طابتلة مبين ف انتَ روح من هل جهة وانة من ذيج الجهة بلكت تلكاهة لابدة ورة شجرة شو شنو
راحوا كل واحد لاتجـاه
أحس روحي انحصرت
ماكدر اسوي شـي
ورة شوية شفتهم ابتعدوا شوية
گمت بسـرعه وگلت حته لو لگوني خيلگوني ويكتلوني
المهم اخلص من ال اني بي
طلعت شفت مره كدامي اخترعت
-
يمه شبيج جنتي خاتله بهل انقاذ شبيج سوده عليه
جنت ابجي واحجي
خـاله حبابه اكو ناس تركض وراي شسوي لا تساليني وين اهلج ولا تكليلي شي بس انقذيني الله يخليج حته لو تخليني ب بيتج
-
لايمه ماكدر دخيلج
هوَ انه لا حول ولا قوه
خاله هذا الي گبالج بيت جبر
روحي طبي الهم واحجي وي شيخ جبـر
مستحيل يعوفج اذا انتِ مظلومة
ومستحيل يطيج يله يمـه روحي
هوَ هذا شيخنـا وعادل والله يله روحي يمه
باوعت للبيـت
ماعندي قرار غيره
ترخصت من المره وانه ابجي
دلتني ع الباب
مشـيت بسرعه للبيـت دگيت الباب طلعلي ولـد شاب
جان يحاول يريد يفتهم مني
وانة اتلفت واحجي ويـا
واخافن لا يجون وهذا يحجـي
طبيـت بسرعه اول ماطبيت لگيت كوم نسوان وكومه ولد و واحد گاعد بالنص
عيونـه زرگ ولابس دشداشه ولاف الشمـاغ
مبين هذا جبر
اول ماشفته ذبيت روحـي يمه
حجيت ب كلام كوة ينفهم وانة امتمت وميتة من الخوف والهث
شيـخ يگولون انت ماتضـيع حگ واحد
وانـة حگي راح
شيـخ بروح ابوك لا تعوفني
شيخ انقذنـي من الظالمين الي ظلموني
بعد ماتحمل ظلم والله
زعيـم
خويـه عله كيفج استهدي بالرحمن واحجي بهدوء خل نفتهم منج شنو صـاير ماجاي نفتهم شي
علـي
خويـه بس احجي وكولي واذا طلعتي صدگ مظلومة عد عيناج احنـه ناخذلج حگج من حلگ الذيب والله
بس احجي وفتحي حلگج
اميـر بصوت هامس
شبيكم اكلتوا البنيه ماجاي تشوفوهه بحـاله ماتساعد
اسكت انتَ لا تنگزز عوزك ماتاخذ سلاحك وتمشي اكعد- لعلي-
جبـر
بويه اهدي وكولي يالله وفهميني الي صـاير واذا انتِ مظلومه وحگ الله ماعوفج لو الدنيـا تتچلچل يمي يله احجي بويـه
صالحـه
يمه البنيه فحطانه من البچي
علگيفج يابعد جبدي علگيفـج
كولي يالله اخذي نفس واحجي
حاولت اهدي نفسي وابـطل اشهگ
ماگدرت
جنت بس اشهگ ومستمره ماعرف حته شسوي
صالحـه
يمه اسم الله الرحمه عليـج
علـي
استغفرالله ماحب بنيـه تبجي
خووويه واحد متعدي عليج واحد مسويلج شي بس گولي والله اگلب الـج الدنيا گلاب
زعيـم بهمس
انت ماتاكل خررره ماتشوف حالتهه اسكتت خل نفتهم صرعتنه
علي
ماتشوف حالتهه للفرخه شلون منتههيه
اميـر
شبيكم جنكم اطفال وعلي اذا سمعكم جدي كاافي
جبـر
ام حسن كومي اخذيـهه خل تغسل وتجي كومن ي بنات زينب بويه كومن اخذنهه تغسـل بلا امرًا عليجن
اجن ثنين بنات اخذنـي للمطـبخ وخرت النقاب منـي وانه ابجي حيَل
صالحـه
اللهم صل ع محمد يمه
جا ليش هيج بنيه صغيرونه وجهه يصير احمر من البجي شمسوي بيج الوكت يابعد روحي ، غسلي يايمه واهدي وروحـي احجيله الي صـار وهوه مايگصر وياج والله
هزيتلـهه راسي غسلت وجهي
وعدلت شالي ونزعت النقاب و لبست عباياتي ومشيت وي المرة الجبيرة
كافي ظلم والله راح احجي الا افضحـهم فضيحه الا ازين شاربهم ع السووا بيـه وانه مبين طبيت للبيـت الصح
لازمتني المره مبينه مرت الشيـخ وطبينَه مره ثانيـه
كل الشباب دنگت راسـهه لمن طبيت وحاولوا يلتهون بغير شي
ولا واحد رفع راسة مِن الموجودين وهذا الشي الي خلاني اتجرئ واعرف هذا البيت ماراح يعوفني..
الي يلعب ب ايده والي لزم موبايله والي يحجون وي بعـض حته بَس مايباوعلي اخذت نفس براحه وكلت
صيري قويه سبب انتِ طابه لبيـت صح احجي وربج وياي
جبـر
هله بويه هله تعاي اكعدي واحجي الي صاير واطلعلچ حگج من حلگ السـبع انه بحيل الله
كعدت بس مسافه بعيده عنه وبديـت احجي
انه سبب ال عدنـان من الـ .......
من گلت هيـج الشاب الي فتحلي الباب ( زعيـم ) رفع راسة تجاهنا
جبـر
والنعـم منهم والله اعرفهم خوش ناس بس بويـه ماجاي افهم فهميني اكثر ؟
زعيـم
يـا ونعم يا خوش ناس تجار الاسلحـة والمخدرات
نص مينائات البصـره بديهم
يبيعون بهل نفط ويرجعون لوره وخليني ساكت
وهمه لو خوش ناس ماتشوف بتهم يمك
اميـر
تؤ زعيـم شبيك
جبر
إنَّ بعضَ الظنِ إثم بوية زعيم
وخزرة -
لا شيخ ماحجـه جذب صدگ هذوله اهلي وبعد اسوء
مجـرد سمعه عدهم انُ همه خوش ناس
بس محد يعرف شنو وشلون همة ...
جاي احجي ماحِس إلا اندگ الباب انـه گلبي طفر
فزيت من مكاني احس نرعبت يمـه
خاااف اجو عليه اهلي
زعيم
لا وين يجون عليج
م مو همه هنانه بالمنطقه شافوني ولحكوني
استغربوا من حجيي وكاموا كلهم للباب
اني متت واحس كلبي يريد يوكف
صالحه
هي هاي الثالثه الكتلكم عليهه صخام وجهي خاف شو شيصير هسه
جسمي كام يرجف وخايفـه ماعرف شتصرف
اجتي هاي البنيه زينب وگالت
زينب
لا تخافن اجه صديق علاوي
احس هدأت شويه
اخذت نفس وكلت الحمدلله والشكـر
طبوا سوه و الشيخ يكول
جبـر
هسه شيكول الولد طلعولي كلهم فزاعه لوشنو
زعيم
ماصار شي شيـخ
جبر
بويه فهميني السالفه لان والله دماغي صار يحلل وحده
كعدوا كلـهم وبديت احجي ويـاهم
انه بت المره لـ اولى ل عدنان امي ماتت وهي تولدني
وابوي جان يحب امي حيل واعتبرني انه سبب موتهه
لذالك جان مايحبني ومايطيقني ابد
جبـر
ماكو اب مايحب بته ان جان هذا الاب ارهابي او حنين الاب مايكره بنته بويه
لاشيخ ابوي جان يكرهنـي لدرجه مستحيل واحد يتخيلهه وانه جاي احجيلك مو اعتباطا ولا حجي مزعطه انه جاي احجيلك بشي حقيقي
بديت احجيلـهم بكلشي عله عذابهم الي عله مرت ابوي شسوت بيه عله اخواني عله كل عذاب تعرضت الـه ونهيتهه بسالفه دراستي وكتلهم وانة دموعي يجرن
يجوز تشوفوني متمرده ويجوز تشوفوني مراهقه
بس والله تعبت لو ضاله يمهم جان زوجوني لبن عمي
وابن عمي شخص مايخاف الله ل ابعد حد شكو شي سيء ممكن تتخيلوا عد ابن عمي والله وشيخ اكو سوالف ما تنحجة وماكدر احجيلكياهن عليّ وعلى افعالة ..
واستحيت اكلهم يشرب ويتاجر بالمخدرات وحاول يتحرش بية
جنت اكتفي وانة ابجي واكلهم موزين ابد واهلي مستحيل يتراجعون عن قرارهم
وفوك كلشي يردون يحرموني من دراستي
حجيت الهم شلون جنت ادرس وشنو الوضع الي جنت بي
صرت اشهك واني اذكر
انُ باجر امتحاناتي وماراح اكدر امتحن
شيخ والله العضيم انه اعرف احنه ماعايشين بالغرب اعرف عاداتنا واعرف تقاليدنا
بس شيخ انه نظلمت هواي نضلمت والله شيـخ
الظلم الي نظلمتة مستحيل يتعرضله واحد
شيخ شفت بذاك البيت ماشافه واحد
يجوز حجيتلك بشكل سخيف
بس وحق هذا الله ياشيخ وحق هذا الله
رفعت راسي للسماء وصرت اشهگ والكلمة تطلع مني بكُل صعوبة
صالحة
اسم الله عليج يمة بجيتيني وياج والله كافي انتهيتي
انه دخيله عندك شيخ دخيلك لا تردني
لاتحسبني مراهقه وجاي تحجي والله تعبت والله ماكدر اتحملهم
يوميه ضرب يوميـه اهانه حرموني من كل شي والله تعبوني والله ماعدهم غيره عليه
ماعدهم استعداد بـ اي لحظة يكتلوني
والله يا شيـخ باجر امتحاناتي والله كلشي راح من اديه بسببهم
لو جانو حارميني من الدراسه وهمه زينين وياي والله ماسوي هيج هواي اهل يحرمون من دراسه وهواي مو زينين وي بناتهم بس موهيج مو لهل حد
انه هناك فريسه الهم محد يمي ومحد يعيني والله
بس ياشيخ حياتي اتدمرت واذا اضل يمهم تدمر اكثر
شيخ هواي تعبت هواي تعبت حته كدرت اوصل للسادس والله موهين عليه تعبي كله يروح
والله جاي اتاذه بالضرب يمهم شيخ نفس الحيوان
لا والله حته الحيوان يرحمون بي
امـير
كل هذا التعب التعبته وتالي باجر امتحاناتهه وماتكدر
حسبي الله ونعم الوكيل ، عمي احنة وين عايشين
جبـر
بويه انتِ حقج بكل الحجيتي بس انتِ تدرين بطلعتج هاي من البيت شسويتي
علي
من رخصتك شيخ
بس شنو سالفه لحكوني اهلي؟
سولفتلهم انُ لكيت اخوي رسول و واحد
مبينين منتشرين بكل مكان
شيـخ انه دخيله عندك والدخيل ماينطوا لو عله گص رگبت اهل الدار وانه هذا الي اعرفه
جبر
يعني بويه انه اعرف بهذا الشي
مو انتِ التعلميني عليّ
بس شتردين يعني اضمج وماكل لاهلج عليج
لو شنو بويه شنو الي براسج كولي وانه امشي وياج بي
زعيـم
خُلقًا واخلاقًا طلعوا نذلين
جبر
بوية اسكتوا خل نفتهم من البت
بويه احجي انتِ شنو ناويه
بعدني ماحاجية
اندگ الباب واحنه جاي نحجي گلبي فد مره ثانيـه
امير
انه راح اكوم لا تكومون كلكم فزاعه وتالي ماكو شـي
ضل الكل ساكـت ماحس غير طب الولد باوعلي وگال
اميـر
اخوج لابـس دشداشه
ولد اسمراني مو؟ و ويـا واحد؟
هزيتله راسي واني ابجيَ
اجه يعنييييي ...
اجـه موووو
اميـر
كايليه هنا بيت الشيخ وجـاي مبين يحجي وياك ع هذا الموضوع حته تلكيهه او شنو بعتبار هوَ شايفج طابة بمنطقتنة
ماعرف شيخ شنو هسه
جـبر
يا الله هسه نتفاهم وياهم ولا واحد بيكم يحجي انتوا سمعتوني
من اكول محد يعني محد علي سمعتني انتَ خصوصًا ؟
علي
ساكت
بس اذا واحد قلل ادب اطلع حيف دموعها هاي بيهم
شيـخ يكولون دخيلك لو جان كاتل ابـو لا تنطي وانت لا تنطيني شيـخ
شـيخ انه بشاربك بعدددد
دمعه يتيميه ابوس ايدك لا تردني شـيخ
لاتنطيني وانه دخيلتك
ومن يمته الشيخ ينطي دخيلته
تحت ايّ ظرف جان حتلو انة خطئانة بنظرك
لا تطيني شيخ
رحَت وردت ابوس ايـده وخرهه بسرعه
جبـر
استغفرالله، حاضر بويه
بس سالفتج وين راح توصل مادري وانة مامقتنع بطلعتج ابد
الاهل اهل لوشمهما يصير بوية
زعيم
والاهل هيج يسونننن ب بتهم؟؟؟؟؟
علي
دخيلـه عدنه ومانطيهه شيسون خل يسون
زعيـم
اي شيخ دخيله طبت عدنه ومن قانون العشاير دخيلهه ماتنطي لو عله گص رگبتنة وشيسون خل يسوون
اميـر
جيبولكم طبر وتعالو محزمين من هسه
خل نفتهم بـ الاول شبيكم يجوز تنحل بالتفاهم وي اهلهة
جبـر
علي وزعيم اذا تضلون تحجون هيج اعوف الحل بيدكم وانة اكعد واسكت انطوني مجال حتى نصرف بما يرضي الله يا بوية !!!
سكتوا همة وراح طلعوا وطلعوا ويا
ضلينة بَس احنه النسوان
انه جسمي احسه يرجف
وبعد ماكدر احرك روحي
حطيت راسـي ابين رجليه وضليت ابجي
اجتي بنيـه اسمهه سيوف
خطيه ضلت تواسي بيه
وصالحه مرت الشـيخ كعدت تقره ايات قرانيه
والكل متوتر
والله العضـيم مارجع وياهم عله گص رگبتي
اموت روحي ولا ارجع ويـاهم والله
مرت الشيخ كالتلي
صالحـه
بنيتي اقري ايات قرانيه والله كريم لا تخافين
الشيخ شيـخ من زمان
ومارين بهل حاله اكثر من عشر مرات
واحنه دخيلنه ماننطـي الا والسالفة محلولة وراضين الثنين
لا تخافين يعيوني انتِ
اقري ايات قرانيه احسن الـج من البجي
جاي تحجي وياي ماحسينه الا صوت حيـل عالي
صوت مال مسدس وضرب
صالحـه
يمه صخام الصخمني ولجن صخااام الصخمني شصـار
انه متتت اريددد اتحرك ماگدر كلهن گامن وانه گاعده بمكـاني وارجف من الخوف مادري شسوي بس خايفه
گمت اسمـع الصوت عالي اسمع صوت ولد يكول
علي
هسه هسه خابرت الدوريه وهسه يجون
واكفيـن باب المطـبخ كل احنه طب ولد وگال
اميـر
لا تخافن ماكوشي طبن لجوة
صالحة
ولك يمة حاجيني شنو ماكو شي اردفهم
امير
يمة ( يصيحولها يمة ) صار بيناتنـه حجي وطلعوا السلاح ورموا همه وهسه ماخذينـه منهم
كله بسببي كلـه بسببي
اميـر
شوفي خوية خل احجي وياج شي
الانسان الة محدودية بطاقتة
وانتِ طاقتج جانت جبيرة بالنسبة لعمرج وزين ماعندج هاي الكمية من الطاقة
وهسة هاي الطاقة نفذت ..
وهذا مو غلط ابد
انتِ ردتِ تعيشين
وهذا هم بعد مو غلط
بنفس الوقت اكو عواقب
انتِ اخذتي قرار جبير
ف لازم تتحملين عواقبة
لان بكُل قرار مهمّا جان قرار صائِب
لابُد من السلبيات والعواقِب
بس تذكري الله موجود
وماراح يعوفج ابد
اهدئي وكولي يالله وان شاء الله تصـفه وتخلص
يحجي ومدنگ وما شال عينة علية
كلت ان شاء الله بيني وبين نفسي وهوَ طلع
سيوف وزينب يهدأن بيـه گاعدين بالمطـبخ ونسمع
كمت اشوف من الشباك المُضلل
الديوان بعيد عن المطبخ بمسافة جبيرة
باوعت لازمينهُم ثنينهُم
جبـر
مو افاريخ تجي ابيتي تهددني
حجيت وياك بالعين وبالاغاتي ومارضـيت
كتلك بويه تفضل ونحلهه بـ التي هَي احسن ومارضيت
وضليت تكمز جنك زعطوط
وفوكاهه جاي لبيتي وتضرب چيلات
لا بالله الا اخليك حته فصل تدفع عله هاي السوايه
اسمـع رسول صار يغلط بالحجي حيَل
رسول
والله العضيم ما نخليلكم اثر نمحيكم عن الوجود
طلعوهه احسن الكم لا كلكم تدفعون الثمن
شكلكم ما تعرفون منو ال عدنان
نمحيكك ونمحي اصلكم
زعيـم
انتم من بعد جدكم تهتوا
عليمن تطلع حالك حال ابوك مسلبچي يتاجر بالمخدرات ولاغف(ماخذ) حلال الناس كله
هنا رسول بلش يفشر ويطلع لسانة البذيء
هذولة ماتوا وصاروا يردون يضربوا وجدهم كوة وخرهم
صالحـه
حيل خلهم خلهم خل يگضوا تگضي شني من زلم ما الهه رداد
وانتِ يمه لا تخافين والله هاي احنه متعودين هيچي
والله يايمه تصير الهه حل لا تخافيـن يرويحتي
اجتي وحضنتني المـره وانة ابجي بحضنهه
الشـي صعب حيَل
مادري شنو مصيري
مادري شنو راح يصيـر
والله احس روحي تسرعت لو مامسويتهه احسن خليتكم تتورطون وياي
صالحـه
يا ي يمـه كولي ياالله الدنيا ماگضت يرويحتي
الله من فوگ مايرضـه نعوفج يم هل حيوانات
بنيتنـا صرتي انتِ
والله حته لو شيخ جبر گال نرجعها
وهاي من عاشر المستحيلات
انه هم اكللهم عله جثتي تطلع من هل بيت
ابتسمت بوجهه
شكد حبابه
مـع انُ هي جبيره بس ابد مامبينـه هيج
تخبـل بيضـه وعيونهه ملونه ومدندشه بالذهب
كلهم عيونهم زرگ و صفر
مرت شيخ عيونهه صفر و الشيخ عيونه زرگ
وكلهم عيونهم مليونه
واگفيـين بالمطبخ ومنتظريهم شويه طب ولد من جوه البيـت
اللهم صل ع محمد عله جمـاله
شگد حلـو وشگد ما إنّك من تباوع لوجهه بي هدوء وراحه نفسيـه قليل
صدك جمالة فضيع
شعرة اشگر بس طوخ مو فاتح، و وجهة ابيض بس مبين تعبان شوية، وعيونة تحسهن شذِر، وطول قامة و جمال حضور موطبيعي عندة
ماحس إلا هل هدوء اختفة وصاح حيد
غيث
شكوو شصاير مارررريدد صوت عالي ماريددد صوت عالي
حجـه بعصبيَه وتنرفز ماخلة واحد يحجي خلة وطلع رأسًا
صالحـه
يمه ساعه وسوالنه شي
سمعنه صايـحه بره وهوه يحجي
غيث
كااافي راسي يوجعني كاااافي شبيكم تصيحيون شبيكمم
اميـر
هايهية حبيبي ولا يهمك يلة نعتذر شويه صارت عدنه سالفه
علي
روح ارتاح غيث محد راح يطلع صوت بعـد
تقربنة من الشباك مرة ثانية وصرنة نشوف
الشباك مُضلل نشوفهُم بس ما يشوفونا فماخذين راحتنة
اباوع لهذا الولد غيث الي صار عصـبي
ضل صافن عله رسول و الولد
غيث
ليـش لازمينهم شكو؟
اميـر
خلاص حبيبي طب ارتاح
اباوع راد امير يسحبة ويطببه
غيث وخر ايده عنـه
غيث
لا تأذوهم بـشي لا تدمرون حيـاه شاب لا تأذون احـد
صالحـه
يمه يابعد طولي طولك يغيوثي
ويـن خلاك الوكت
وين جنت و وين صرت يوليدي
اباوع كلهه دمعت وكلهه صـارت تبجي
خصوصًا اميـر حسيته ماعرف شـصارله ارتبك صفن كام يبلعم ومبين احوالة كلهة تخربطت
زعيم
حبيبي محـد راح يأذي احد طب وارتاح
امير طببة خوية
حسيتـه فاصل عن الدنيـا
ماتجرأت واسالهم شبي او شلون
ضليـت ساكته
وكلت
احِس هون علية الي انة بي، شاب ما اكو اجمل منة، واكيد اخلاقة نفس الباقين، حياتة بسهولة تلگيها مدمرة
الحمدلله والشكر
طبـوا هوَ واميـر وصعدوا لفوگ وبعـد مانزلوا
سمعنـه صوت شرطه شفت علـي وزعيَم طلعوهم جانو لازميـهم والكل طلع وراهم
هسه يطلعـون والله
صالحه
لا مايطلعون علاوي هوَ دوامه هناك لا تخافين كلهم ربوعته ماراح يخلـيهم يطلعون
زيـن شنو ماراح توصل لابوي يعني
صالحـه
هسه الشـيخ يخابرهم وهوَ يگاومهم
انه اعرفـه للشيخ
راح يگول دخيل ومانطي دخيلي
وهاي اعتدوا علييه وببيتي ترجعون حگي
والله ابوي مو هين ابد راضـع وي ابليس والله
صالحـه
لا تخافين ي يمه انتِ بس ارتاحي هسه يجي الشيخ ويفهمنا وانتِ الـج الامان
اولاد حسـن (الجبير)
اميـر، غيث ، زعيم ، زينب ، سيوف
امهم رضـيه
اولاد حسيـن
علي ، سراج ، سجـاد ، روان ، ملاك
امهم صفـيه
اباوع لنسـوان الثنين
مبينات امهاتهم ثنينهم ماعاجبهن جيتي
ويباوعن الـي ويذبن حجي
صفيه
هسه احنه خاف عايزنه شويه
فوگ ضيمنه احنه
صالحـه
أسكتي هسه احنه عايزين السانج
رضيه
هسه هيه مجذبـه ياعمه
صالحه
كااافي شبيـجن اسكتن يله اجوا طبن جوة
هنه يحجن وانه بغيـر عالم حسيَت روحي دخت حيـل ومعدتي من اول ماجيت لوتني وجعت بس أستحيت اكول الهن
جان ورايه الكاونتر لزمت بي حته ما اوگع لو يصيـر الي شي
طب الولد الي فتحلـي الباب ( زعيم ) و الشـيخ و الزلم اولاد الشيخ
جبـر
شنو من أفاريخ
بس بعدنه ماحجينه وياهم
ويشهد الله بكل احترام حجيت ماحس الا طلع سلاحـه ويرمي چيلات
نـزل امير وحجـه ويا
امير
شيخ اذا تسمحلي احجي
جبر
اي بوية تفضل
امير
شوف شيـخ اذا همه صدگ وصدگ ويردون بتهم ومحافظين عليهه ومايردون الفضيحة نشرط عليهم شروط يلـه ترجع
نكل الهم السالفه مو يمنه ولا سالفه دخيله وماننطيها ولاشي يعني مانحجي بسوالف العشائريه ابد ولا نجيبلهن طاري
زعيـم
شجاي تحجي امير شبيك شو انت مدري شلونك
اميـر
من رخصتك خويه
خليني اكمل
نكول الـهم يابه ترضون البنيـه تروح وتشتكي لنقابه حقوق المـرأه حته تضمن حقهه؟ ياخذون تعهد منكم ويزورونكم دائما واي شي يصير تدفعـون ثمنه ترضون يابه بهذا الشي اذا وافقوا معناهه صدگ ذولا يردون بتـهم وبتهم تهمهم واذا ماوافقوا وخافوا امشي وياهم وكولوهم هايهيه دخلت عدنه دخيله ودخيلتنا مانطيـهه
بهل حالة انتَ ضمنت سلامتها للبنية ١٠٠٪
هم اجيت وياهُم بالعين واغاتي وحتى لا تضل بذمتنا ونكول ظلمنا اهلها
وهم ماخرجنا خارج اطار عاداتنا العشائرية
هسه هوَ علـي راح يخابر اهلهه ومنـا لشويه جايين همه وتفاهموا هجي
زعيـم
شبيك امير انت شجاي تحجي
جبـر
صدگ حجي امير زعيم بوية
حجية عين العقِل
خل انشوف يجوز ابـوهه يطلع خوش رجال
اذا سوينا هجي وكال عمي اي ف معناهه هذا يريد بتة وما مشتري الفضيحة ويجوز اتندم هم احنة نكعدة نفهمهة يابة بتك هيج وهيج وسوالف يعني
واذا گام يحجي نفس ابنه وطلعوا نفس الطينه نكلهم الله ومحمد وعلي ويـاكم وشسون بوية سووا
زعيم
شيخ والقران كلهم نفس المله نفس الشي انه اعرفـهم
جبـر
ننتظر ونشوف بووووية ما خاسرين شي احنة
يله بويه شدن حيلجن بـلا امر عليجن الديوان نظفنة
وانتم فوگ روسهِن خواتكم ما يگدرن
اكلـج ام حسن
ام علي يمته تجي ؟
صالحـه
باجر تجي شيـخ وراح تجيب بتهه هم خطيه حاجتني كتلهه بعيونه نخليكم
ام علـي
عامله عندهم تشتغل
مـره جبيره حَيل متزوجه ورجلهه مات عن جديد وخطيـه جانت ملتهيـه وراح ترجع الهم
جبـر
بارك الله بيج
شلون صار غيث ؟
اميـر
شوي هدأ ماعنده شي
جبـر
ااااخ اخخخ كاسر ظهري هل غيث هذا
يله امير زعيـم وبويـه سيوف وزينب ماوصيجن بالديوان ذبي علاوي عله بيبيته وروحي يله بويـه
اباوعله شلون يعامل بنات أبنـة
چا اني ليـش هچي جانو وياي
ذوله هم عشائر وهم جنوبيين
چا ليـش بس احنه
جبـر
بويه اي شي تحتاجي كليلي
هنا يمج ما يقصرون
انه والله صاير ونَيده رايح انام
صار شيـخ
صالحه
والله بنيه معدلـه وهادئه وبت شيوخ صغيرونه وتعرف المبـادئ والتقاليد
جبـر
اي ولله ونعم منهه
ابتسمتلـهم
طبـوا لجوه ضلن بس البنات و الولـد
احس نفسي گوه واگفـه ومعدتي موووتني من جوع واستحي اكول الـهم
زعيـم
خوية خومابيج شي
رفعت راسـي اله وگتله
ها لامابيـه شي
زعيـم
زينب روحي انتِ واخذي ابـنج و ودي البنيه ويـاج احنه رايحين وي سيوف نسوي الديوان يلـه
حَبيت شلون همه متعاونين سوه اخذتني زيـنب وطَبينه لغرفـتهه
أبنهه يجـنن علاوي وبعده صغيرون
نصعَد وانة مذهولة واصيح بكلبي ( ما شاء الله )
شنـو بيتهم وشنو الجمال الي بيتهُم بي
صدِگ قصر هذا
البيت برة ديكورة ولا بالخيـال، ومصلوغ كلة باللون البيجي بس الي مخلي فخم البيبان مالاتة والشبابيج، كلهن سود وراقيات بشكل
اول ما تطبـون حديقة جبيرة داير مداير البيت، تاخذون بالـ ٣ امتار انتوا تمشون نوب تصعدون لفوگ والبيت عالي، اول ماتطبون للمطبخ، المطبخ حيل جبير ومرتب بترتيب تركي عبالك، نوب تطبون للصالة، الصالة جبيرة وبيها تخم ومليانة مرايات، واكو زرع نفس السندانات ب اكثر من مكان، ومن صالة تطبون للاستقبال هاي الاستقبال خاصة لعائلتهم، الديوان وامور الزلم كلهة برة
الدرج مفتر على طول الصالة بتصميم ملكي
و اول ما تصعد راح تشوف مساحة حيـل جبيرة بالنُص وكل مسافة اكو باب، بين واحد واحد حيل هواي وكإنما فندق، وبالنص اكو شاشة وتخم وكعدة ،
اول ماطبيت فتحت الباب زينب ظنيت غرفة بس طببتنة على صالـة جبيرة مرتبة وهادئة وبـاردة، و اكو غرفة صغيرة من الصالة جانت مفتوحة بيها جرباية وغراض اطفال مبينة لعلاوي، ومن تخلصون الصالة تطب لغرفتهُم
كعدنـا انة وياهة بالصالة وانة منبهرة من جمال بيتهم واصلي عَ النبي بداخلي، هيَ هاي الفلوس من تكون بمكانهة مونفسنا محتارين بالقال و القيل وبالاسلحة والنسوان ..
كعدنـه سوه اني وياهه شلون بنيـه حيَل حبابه
شوية وكتلهة
زنوبـه ماعندج اي شي بسكت اي شي اكله شويه معدتي متخربطه
زينب
ياعزه شلون راحت من بالي خاف انتِ مامتغديـه؟
ها لا ماشتهي والله بس شويه بسكت
زينب
لايمعوده يابسكت انتظريني هاج علاوي بس حطي بحضنج عما اصبلج غده واجي
اصـرت عليه خَطية عافتني وراحَت وخلت علاوي يمـي
هي غرفتـهه فوگ
علاوي بس شافني استغرب وضـل بس يبجي
كمت بي واحاول اسكتـه وهوَ مستمر يبجي
شويـه انفتح الباب درت وجهـي شفت هذا الولد المريض غيث
باوعلـي وباوع للطفل
حضنت الطفـل حيَل واريده يسكت الطفـل فاحط
ضليت اباوعله وخايفه
يباوعلي بملامح تخوف
انـي گمت ابلعم وخفت .......
يتبعععع
لا تنسون التصويت ⭐️
للكاتبة : هُدىٰ آذار
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!