مَساء الخير
لا تنسون التصويت ⭐️
والتعليق بين الفقرات
_____________________
ايلول :
علـي
أصعدي يله خل نتفاهم ونذبحهه ع قبله محمد لان انـة بعَد ماتحمل ااااابد ماتحمل راح اطك وياريتني اكدر اتفاهم هنا بس ماكدر احترام للمكان الاحنه بـي
علـي انت صدُك تحجي ؟
علـي
اي صدك احجي صدك احجي تصعدددددين لولاا؟؟؟
سكتت ماحجي شي بس دموعي ينـزلن
دفر السـياره حيَل وگال
علـي
وصَل الجواب
بـس بعد وجهي ماراح شوفي ارتاحي من علي
شكرا لان هنت عليـج
صعَد بالسياره واني اباوعله وصافنه
علـي
عرفت غلاتي عندج
ايلول
افتح الباب ...
جان يحجي بجّد وعيونة مليانة غضب، ويحجي وهوَ متأكِد ومونفس كُل مرة ابد، خفِت لا صدُك يروح وبعد مايجي مِن كثر ما كان عصبي
فتحَت باب السيـاره وصعدت
علـي
زين الحمدلله طلع الي خاطر يمج هه
ليـش جاي تحجي هيج بس اريد افتهم هاي الاشياء السويتهه هسَه ليـش وشنو سببهه فهمني وكول ؟؟
علـي
ماريد احجي اي شي
وخلاصص كلشي اليوم راح ينتهـي
ما اضل معلگ انه
لو من هذا الطريق لو من هذا
شنوو الي ينتهي اليوم شنو معلگ انت يا طريق جاي تحجي عنه علي شبيـك انت شبيك ! عن شنـو جاي تحجي هاي الضجه كلهه عليمن
علي
ممكن تنطيني مجال؟ نوصل ونحجي
سكت واني سكتت
بگفه الجامعه اكو ساحه فارغه وگف السياره يمه
علـي
لبسج يمته تغيري يمتة الله يهديج اريد افتهم
مو حَتى انة صرت اصلي واندعي في سبيل بس الله يهديج علية!
شبي لبسي علي هذا لبسي من يوم عرفتنـي ومستحيل اغيره علمود شخص انت من عرفتني اني لبسي هيج فَ بعد شنو وليش كُل فترة تهيج وتسكُت
علـي
لان طگ كلبي وبعددددد ماتحمل بعد ماگدر اسايررج كل ما احاول افهمج ماتفتهمين كل ما احاول وياج ماكو سادتهه عليه من كل البوب حاولت ويـاج وحاولت وحاولت وماكوو حاولت ماعصب حاولت مانثار وتعبتتت بعد تعبت ، تعبت وانـة اطلعلج وجهي الثاني الي انتِ دائما تشوفي حته بـس اسايرج وافهمج بـس انت ماتفتهمين
انتِ موتكولين انتِ انسان همجي و مريض
فـ هايهية انه انسان همجي ومريض هذا وضعـي
لبـسج هذا كلة ماعاجبني جاي تفهميني ماعاجبني
علي شعليككك بيـه يعجبك ولا مايعجبك
مامضطره اعجبك وماريد اعجبك اصلاااا
ليـش تعصبني وتستفزني علي
علـي
صح يعمي والله حقج منـو علي
ابيش الكيلوووو علي هاااا؟
صديق حاله حال اي صديق عندج آدم وعزوز صديق و بعد الله اعلم منوو ومنـوو
علـي أنتبـه لنفسك واعرف شجااااي تحجي وياي رجاءً
عصَبت حيل وحجيت بصوت عالي وجنت كلش مقهوره منه
علـي
هااااا يعني جذب ؟؟؟؟ احجي جذب مو عندج اصدقاء غيري عاااادي ايلول عادي انة اتقبلت هذا الشي ودست على روحي حتى ما أذيج
بس هسة لا بعد ماتحمل
وحق القران هسه اكتل روحي هنـا كافي كافي موتيني وحق علي الكرار
اباوعله منفعـل ويحجي وبكل عصبيـه
صـار وجهه احمر ويشحرج بالحجي
حَتى خوفني
علي شتريد شنـو المطلوب ؟؟؟
علـي
هوووواي مطاليب هووواي واليوم كلشي كلشي يتحدد وينخصم
احجي جاهزه اسمعك لان اني هم بعد ماتحمل هل مهزله الجـاي تصير ابددد
علـي
ايلول غيري لبـسج
ماكلج تحجبي
عمـي ماعليه بالحجاب ماعليه
بـس غيري لبـسج غيري لبـسج
ايلول وحق القـران جاي تموتيني تعرفين شنو جاي تموتيني
الولـد عيونهه عليج ايلول
جاي يباوعون عليج بنظرة موحلوه ابد
يعني شتسوالي من اجيت ولكيتج انتِ الي لابسة هذا الطركاعة الفستان الي يحجون ثنين بي
ولج هسة ودي اعوفج واروح الهم اشرب من دمهم ع الي حجوا
واطلع نار كلبي ونارج بيهُم
ومراح افوتها الهم وحق الله
ارجع واسحگ على راسهم وراس الخلفهم
مرة ثانية
احجيلج بشرع تكليلي ها صرت شيٌخ عليـه
احجيلج بعرف بناس تكليلي انه مامشي عله عاداتكم وتقاليدكم
عوفي كلهم عوفي الشرع عوفي الناس عوفي الدنيـا عوفيني انه الي اموتتتت اذا واحد باوعلـج بنظرة عوفيني طزز بيـه
انتِ روحج ايلول انتِ
صيري انانيـه بروحج
شلـون تخلين الرايح والجاي يباوعلج بنظرة خسيسة
شلـونن تگدرين تنامين ع المخده
ايلول لا تخبليني
غيري من روحج غيري لان بعد ماتحمل
علـي هذا الحجي الي تحجي كله مايطخ براسي
هسه انت تخاف عليه ماطب للجنه
لا تخاف اطب للجنـه
خاف عله روحك واضبط صلاتك احسن
علـي
ترة والله سوالف زعاطيط هاي
لاكلساع وعيرتيني بصلاه
انة صلاتي من يوم الي عيرتيني بيها ونطقتي بيها شاهد الله مافديوم عفتها، لان ماسمحت لنفسي شخص يقلل مني بسبب شي انة قادر على تغيرة، وفكرت وكلت هذا الشي ل الله مو الج انة جاي اقدمة، يعني نحجي بالحقيقة لو شخص غيرج وعيرني بهل شي هم جان استنكفت والتزمت، الشخص مو مُهم كد ما مُهم انُ هوَ يطيك ضربة ترجعك لص
اشو انة احجي وارجع لورة ومافاد وياج!
علـي هاي اني ماكدر اغير من روحي ابد والله
اسمعنـي ..
رفع ايده بوجهـي وگال
علـي
ماريد اسمع اي شي
علـي اسمعني خللل احاجيككك!
علـي
بكل الطرق تعاملت وياج
وماجاي يوصل الـج وماتوصل لدماغج
ماجاي تستوعبين النار الي تشب بيـه
ذكيـه بـس تتحاولين تتغابين
تعرفين كلششش زين شكد انغث
تعرفين كلشش زين شكد اموت بنـاري بهذا لبسي
وتعرفيني اغار عليـج ومستمره
المايشتريني ومايدور راحتي ماشتري بـ اقل ما يمكن
تفضلي ايلول انزلـي
من گال ماشتري ب اقل ما يمكن باوعتلة وكتلة
ايلول
قرف
اني شلون سمحت لنفسي اتعامل وي هيج نموذج همجي نفسك؟
لو حياتي يمك بعد هم ماريدها
حَسيت انهانيت حيـللل
نزلت بسرعه وسديت الباب حيـل ورااي
علـي
الله يلعنج مارررررريد اشوفج بعد
التفتت الـه وگتله
لااااا اني كاتلـه روحي بَس حته اشوفك
علـي
شگد شايفه روحج رحمه لـ الله هوى لو مـاي وماگدر بدونج
بعدني ماراده حرك سيـارته وراح
الطريق ترابي وطسات فـ يمشي علكيفه
والمكان كله بنيان شلت طابوگه وشمرتهه حيـل ع سيارته
مادري شلون وصارت ضبُط ع الجامعة
حسيت روحي قناص
دموعي جانن ينزلن وميتـه من القهر
من شفت جامه سيـارته الوره تكسرت
لان جانت سيـارته قريبـه حيَل عليه
ضحكـت حيل ودرت وجهي ومشـيت
سمعت صياحه وراي وهوَ يكلـي
علـي
مخبله انتِ مخبـلة !!!
عفتـه ومشَيت مابعدنا احنه هواي فتت للجامعه من الباب الثانـي
گعدت ع المصطبه وصرت افكـر بـ الي صار
اجو مجموعه ولد وصٌاروا يباوعولـي
اكو واحد بيهم مبين كلش موراحة باوعلي من فوگ لجوه وكال
- اويلي على عباد الله
اني واصلتلي اهنا وهذا اجة رأسًا فرغت عصبيتي بيهم
والله اذا اكوم اسحل كرامتك بالگاع
وهسه اروح للعميـد اشتكي عليك واخليك تنفصل انتَ والي وياك
وخليت ومشيت
هوَ هذا هم حضـي شكو واحد ذابته الدنيـا يجي اليـه
جانت اكو مقابيلي باب بيها مراية صافنة على نفسي
بالنسبة للباقين حيل اختلف
يعني ازيد شي بهايا الجامعة يلبسن بنطرون وقميص بس عريض
اني لبسي كلش يختلف
وفوكاهة جسمي حيل بارز واني ابرزة اكثر بالملابس
بالصدفه جان آدم جاي شافني اجـه كعد يمي
آدم
اللـه شهل جمال شهل لبٌس شهل اناقـه
يكولون اليوم ست ايلول موگفه الجامعه عله تك رجل
لازم انغر انـي گاعد اني وياج
من حجـه هَيج مادري ليـش اجه براسي حجي علي من يكلي
ماتحمل الولد يباوعولج بنظرة موحلوه ماتحمل الولد حته بنظرة يباوعولـج
فرق هواي بينهـم
معقوله هذا الفرق فرق بيئات لا اكثر ؟
لو علـي صح يغار عليـه؟
احس روحي انسطرت وانـي افكر
عفت ادم وكمت
كلت اكيد يخابرني منـا لليل مُستحيل يعوفني ومايحجي وياي ادري بي وبخبالاتة
رجعنـه للسكن اني وفَرس سوه انتضرت يدز الـي شي ماكو شفته مُتصل ومايدز شي ضليت انتظر انتظر ماكو اخرشي عفتـه ونمت
گعدت من نوم مستغربه مادازلي ولارسـاله
لليل ماكوو
ضـليت صافنه معقوله هذا صدُك يحجي انُ مايريد يحاجيني بعد؟
اليوم الثاني رحنـه للجامعه ورجعنه وعلي نفس الحاله ولاشي دازلي ولامره مخابرني
ضـليت صافنه عليّ شلون يسوي هيـج
معقوله يحجي صـح
مرت ٣ ايام وعلي نهائيًا ما مراسلني
صافنة هذا شلـون گِدر ؟
صايرة بيناتنة سابقًا وعلى نفس الموضوع
بس ايد ما يطول ويجيني
خابرتـه بعد ماطگ صبري ماكو مـارد
دزيتلـه رساله
صدك عود تحجي يعني من كتلـي بعد ماحاجيج وماريد اشوفج جنت تحجي صدُك؟
وره شويـه رد
علـي
مامشاقي ويـاج وانه گد حجايتي
غيري من روحج وتلكيني گبـالج
واذا ماغيرتـي ماراح تشوفيني ابد .
دمعت وهوَ يحاجيني هيج
احس اسلوبه حيـل قاسي
حَسيت روحي انهنت وهوَ يصدني هيج
ومن يمته ايلول تحرمص لـ ولد !
الله ويـاك لعد .
دزيتلـه هـاي وسكتت
وعـدت نفسي مادزله بـعد وماذل روحي ابد اله
بـس جنت بداخلي محطمه حيـل
جنت كلش ضايجه ونفس الي فاقدتلهه شـي
مـر اسبوع كامل وعلـي ابد مامحاجيني ولا شايفته
ضليت نفس الضايعلهه شـي وضايجة دومني
العصَر
قررنـه اني و فرس نطـلع العصـر للمول
طلعنـا وتونسنه شوي
فرس طبـت لمحل عبايات خليجيه اني ضليت منتظرتها بـره ماطبيَت وياهه
جنت لابـسه ثوب قصـير وحاله شعري
صافنة وافكـر بحجي علي
اجيب منـا اودي لهنـا ماعرف شسوي
انتبهت اكو بنيـة حلوة لابسة عباية واكفة ع مسافة مِن عندي
البنية شكد حلوة ما شاء الله عليها
بَس مستورة هـواي
صفنت وكلت هسة الدنيا حارة متختنك من الي لابستة ؟
انتبهت اكو ثنين واكفيـن مقابيلنة
يباوعون ويأشرولي ويضحكون
حركات تقرف
حسَيت مادري شصار بيه اذكرت من علي يكلي
تره لا تحسبين روحج لابسه ملابـس عله هيج لبس لان جسمج مفصـل تفصَيل
عفتهم وطبيـت لمحل العبايات بسـرعه
يعني هسة هاي البنية مو واكفة ما يرحولها استغفرالله ..
فرس ضلت تختار ملابسهه واني الدموع بعيوني
احس مشتاقة لعلي وكُل شي بدة يخنگني
ومادري شنو سر هل هل خنگة
هل فعلاً اني مشتاقتلة او اني ماجاي احس ب ارتياح هنانة
انتبهت ابـو المحل يباوع بنظرات مدري شلونها
كلت لفرس حنتظرج جوة
عفتهه ونزلت
احس علي موديهم عليـه كلهم
مادري ليش كُل المواقِف هاي صارتلي بهذا اليوم بالتحديد
بس اعتقد جانت دعوة الاهية بِصورةً مـا
بشاعه صابتني بشكل موطبيعي
صعدت بـسيارتي ودموعي ينزلن
ماعرف شسوي بـس احس تايهة
من ناحيه علي مو وياي
من ناحيه حجيهم عليه ونظراتهم الي اول مره اشوفـهة واتعرض الهه
معقوله لازم احترم المكان الي انـي بي ولازم اعدل لبسي
عفت كلشي ومن دون وعي خابرت علي
اول دگتين رد
صوت بجيي جان مسموع وجنت بحاله ماعرف شنـو ولا اعرف شلون احلهه ولا اكدر افهم روحي
علي اريد اشوفك
علـي
شبيج ايلول ؟
دقايق بس اطلع
اسمع خطوات مشيه وسمعت صوت مره حيـل عالي وهي تصـيح
ولككككككك علي البتتتتت ماتتت ....... يتبـع ؟؟؟؟
______________
روان :
ام مروان
روحي اطلعي للطارمـه اغسليهه ورشي الحديقه يله احنه مشغولين
اخاف اكو احد بره
ام مروان
ماكو واحد اطلعي
بس احنه مايخلونه نطـلع عد بيتنه لان اغلب المرات اكو زلم يطبون للديوان وخاف يجي واحد لان ديوانكم هم بره البيـت
ام مروان
اطلعي ماكو احد شبيـج
تحجي وياي زين يعني مو اسلوب تامر ف كلت اطلع شفت الحجيه نايمه
طلعـت ومديت صونده وبديت اغسـل اسمع صوت زلـم
حسيت اكو شـي غريب وحسيتهن يلعبن عليـه ومن سون هجي يقصدن
جنت بـ آخـر الطارمه ماحس الا شفـت طلعوا من باب الديوان
شفت مروان طـلع و ورا زلم
باوعلي وخزرنـي حيـل
جـان اكو حايط يودي لوره بس اذا تقدموا شكم خطوه راح يشوفوني
بسرعه صرت ورا وانة گلبي يدگ ميت مره بالثانيـه
احتاريت شنوو اسوي رجعت لورا بسرررعه للحديقه الخلفيـه بـ امل انُ بنهايه اكو ملاذ الوذ بي ولا اكون گبال العيون
شفت گبـالي اكو نفس البرميل مال النفط دنيته شويه وصرت ورا بـس ضليت مبينه لان مالحكت
غطيت روحي بالشال من فوگ ليجوه
مـتت من الخوف ياربي كله منهن انة شلون اصدگ بيهن واطلع ، والله انه اعلمهن الا اكلب السحر ع الساحر لا حسبالهن راح انطي مجـال ل مروان يحجي وياي
نفس ماطلع نفس ماطب مـروان وعيونه صايرات بگصته هوَ يمشي وانه امشي صرنه ثنينه بنص
مـروان
انتِ شلوووووون تطلعيـن بله شافوج الزلم انتِ عقل ماعندج اردفهم
لا تاخذنه بصوتك العالي ولا تسوي نفسك عصبي عليه ولاشي روح عصب عله امك ومرتك انه مالي دخل هنه الي ضلن يلحن عليه وكاللي اطلعي نضفي البره محد موجود
مـروان
متاكده من هل حجي
اي متاكده ومامجذبه عليك بشي كتلهن انه ب بيت جدي ماطلع يكللي لا عادي عدنة واذا ما تحاجيهن هسة انة احاجيهن واخليلهن حد يردن يسون مشاكل وعبالهن اسكت وعادي !!!
مروان
ولا حرف انتِ تحجين انة احجي روان
روان
مروان ا...
مروان
اششش امشي
خله وطب ويصيح
مـروان
يارب شوكت تنحل هسالفه شوكت اخلص
يمـه يمـه
طبينـه لگيناهن بالصاله
والله عرفت مو لله من كتلي اطلعي تردين الزلم يكشفون عليه ومروان يضربني لوشنو
ام مروان
يمتـه كتلج انة
كتيلي ارد انظف وكتلج ونبهتج بس انتِ ماتنردين
سعاد
صح كلام عمتي
الاء
اي ولله شكد كنالهه وهي ماتاخذ الحجايه
كنالهة اكو زلم وساعه وطلعوا وهي ماسمعت النه
ام مرران
مادري البت تريد تنضرب تعودت عالضري
مادري تريد تنزل راسنه كبال الزلـم عود
مروان
روان شنووو تضحكين عليه انتِ لوشنو
انتن شگد ماعدجن تربيه ولا اخلاق ولا مخافة الله
غسلت ايدي كلجن دامجن تحلفن برب العالمين جذِب
اما انتَ - التفتت لمروان - ضل وراهن عربانه دفع
خليت ورحَت سمعت صاح بـ اسمي حيل
جرني من ايدي حيَل
مروان
انه شكم مره كتلج لسانج الزمي
منوو عربانه الدفع هذا هاااا؟؟
هدنـي طكت روحي منكم ومن جذبكم اريد اروح هدني والله دقيقه ماضل هنـااا
ام مروان
ولك اخوك جادلك ضربتة وهسة تكلك عربانة دفع وتسكت
مروان
لاتخليني امد ايدي علـيج كااااافي كلان خره زايد ماريد هسوالف التعبانه تنعاددد فاهمين
صدك انقهرت مِن اتلفق علية كلام جذب
وفوك كل شي هوَ ما استفسر زين
عرفت بساعتها هوَ فعلاً عربانة دفع
وماعندة شخصية ويصدك بهذا ويرجع ع ذاك
روان
لا موووو فاهمه ولا راح اسوي الكلت علي
صاح بوجهي بصوت عالـي بـ اسمي
صوته عـالي وفززني رغم جنت منتبهة ويا ماتحملت اكتم
دمعتي نزلت
من شاف دموعي نزلت بسرعه عافنـي
رحت اركض للغرفه
اكره ضعفي بهيج اوقات ليش بجيت ليـش بحيت!!!
ضليـت ابجي واريد انتقم منهن
و اوكعهن بمشكلـه شلون مادري
بس الا انتقم منهن الا انتقـم
نفس ما أذني هيج
ضليـت ابجي بعدين مسحت دموعي وضليت افكر شلون انتقم منهم
وانه جاي افكر طب مـروان للغرفه
ماكووو نوم هنا تريد تنام روح نام بغرفه نسوانك لو امك
مروان
اللهم طولج ياروحي
طب ونام ع الجربايه وبكل بروده اعصاب
مروان ماريد اشوفك گبالي ماريد اشوف وجهك
اكرهك وماطيقك انتَ جاي تفهم لوشنو؟؟
مـروان
مشكلتج هاي منو گالج حبيني اصلا
اذا انتِ لسانج شطولة منو يكدر الِج عمي
بلـة شافوج هـا ؟؟
ولج ماعاولت احجي ويـاهم حتى يرحون
صرت وراج واتلفت شطلعج كليلي شطلعج
روان
امك هيَ الي كلتلي اطلعي امك مو اني
اول مرة انهضم هيج، و اول مرة اواجهة ودموعي تنزل
لان صدك استهضمت الي صـار
طول الفترة ذيج هو زين وياي وهسة رجع وهم هاني يمهُم
واكره اشوف نظرات الشماتة بعيونهُم
مروان
امي كلتلج اطلعي انتِ ليش طلعتي
اني موكتلج المطبخ هذا المطبخ ماريد اشوفج بي الا مسترة
خوما تطلعين لبرة
روان
حاول تصير اذكى وتحط حدود للناس الي داير مدايرك مهما جانوا قريبين منك والا حجايتة مراح تنسمع وراح تنام ورجليك بالشمِس
والنسوان مو هينات يهجمن بيوت ترة
مروان
اذا انتن صدگجن من جذبجن ما يبين ما شاء الله
روان
انتَ مو على اساس شيخ
وزلم تمشيها
جا نسوان متكدرلها ؟؟
انتَ بهاي فعلتك راح تخليهن يتمادن وياك اكثر واكثر بس شعلية بيك نارك تاكل حطبك انة اصلاً ما اضل ويـاك
مروان
اتحلمي هوووواي بسالفة ما تضلين وياي
حلم والله حلم يا روان تطلعين من هذا البيت
روان
راح اطلع ان جان رضيت او لا
مروان
نشوف شنو تاليتها وياج و وي لسانج هذا نشوفففف
خلة وطلع مِن الغرفة
الله ياخذهم كلهم شكد حقراء
بيومها ضليت بغرفتي ما طلعت
وماجنت طايقة احد بيهُم ينادي على اسمي حتى
وفعلاً هذا الي صار
شويـة واجتني الدورة، عرفت شبية جا
انة من تصير نفسيتي زفت واصير ابجي معناهة تريد تجيني
ضليت بيومها بغرفتي حاضنة بطني ونايمة من الوجَع
حَتى ماطلعت جنت حاطة كليجة بثلاجتي واكل بيها
واصلاً ماشتهي عَ كد ما تعبانة وموجوعة
نايمة ع جرباية على بطني وصافنة عَ السگف
حتى الموبايل ماريدة
طاقة سلبية موطبيعية عندي
ودموعي تنزل بهدوء
شويـة وانفتح الباب ماباوعت بس عرفت مروان من عُطرة، واصلاً محّد يفوت غيرة
ضليت على نومتي وماهمني وجودة
ب أمل يحِس ويروح
تفاجئت من تقدم الي وكعد يم راسي عَ الجرباية
مروان
اكدر افهم اليوم شبيج؟
وليش هيج بس تبجين ومالج خلك ؟
ساكتة، بَس دموعي تنزل بهدوء
مروان
ليش ماتحجين
روان
اريد انام اطلع
ماحسيت الا ايدة وهيَ محطوطة ع ايدي
نفرت بسرعة وباوعتلة وكتلة بعصبية
روان
انة موكتلك اطلع ماريد اشوفك تررررة
مروان
انتِ صدك مو مال احترام
مو صوچج والله صوچي اني الي جاي ارد اشوفج شبيج
خلة وطلع، حقير وجهة جنة ابليس ماريد اشوفة حَتى
اليوم الثاني جان عندهُم ليلة جُمعة والكُل موجود
حاولت اتلافى الكُل وماطلع
سمعت كلام بس تجنبتة
اخر شي حسيت نفسي جعت ومومال اضل ع الكليجة
خليت وطلعت
باوعت الدنيا مكلوبة همة ماعدهم نسوان تكعد وي زلم
احنة عادي عدنة بالتجمعات نكعد سوى
طلعِت للمطبخ واجيت جاي اصب اكل
طب ضرغام
باوعلي وطّب
حاولت استعجل شوية
هذا الانسان ابد مارتاحلة
نفس ما طب طلع
باوعلي وكلي
ضرغام
شكد عمرج؟
باوعتلة صفِح نوب علية هذا
روان
عفوًا وليش تسأل ؟
ضرغام
وهسة شكلنا عمي
هم راح تاكليني نفس ما اكلتي امي هههههههه
جاي يضحك وطَب احمَد
احمد
شجاي تسوي هنا ضرغام
عفتهم وخليت وطبيت لغرفتي
اكلت وكملت وضليت كاعدة عَ الموبايل
تقريبًا للساعة بـ ١١
طب مروان وعيونة صايرات بگصتة
طب عبالك فزاع شو شعندة
حاولت مانطي ردة فعِل اول ماشاف الموبايل ب ايدي اخذة
جنت احجي وي علي
مروان
منوووو هذا علي ؟؟؟
اخوووي شبيك طاب هيج
طب للصورة وشمر الموبايل ع الجرباية
مروان
انة موكتلج ما تطبين للمطبخ ابد
انتِ شنو من بشر اريد افتهم
نوب كاعدة تضحكين وتاخذين وتنطين وي ضرغام
شعندج ويا هااااا؟؟؟
ماذكر اكو احد شافنة
غير احمد
معقولة احمد وصلة؟
روان
اريد احد شريف بهذا البيت ماكو
من كلت هيج عاط ب اعلى صوت ( روووووان )
ولزم وعصر فكي حيل
مروان
شنو هاي الالفاظ التعباااااانة هاااا
روان
اريد افهم انتوا شنو من بشر شنوووو
شنو واكفة واخذ وانطي واضحك
هو الي حاجاني ومارديت عليّ حتى وراسًا اجة احمد
مروان
دائمًا انتِ المظلومة والكل جذاب دائمًا مووو
احلفي ماشافكم احمد تضحكون احلفي
اكره ابرر لاحد يشوفني بطريقة بشعة
سكتت بس دموعي تنزل بهدوء
مركز بعيوني وكانما يريد يلتهمني
وخر وجهي حيل من ايدة
مديت ايدي ع الموبايل وكتلة
روان
عسى ما تصيـر بحر مال دَم
ماراح ابقى وياك بعد
اخذت الموبايل واريد اخابر علي
انطيت اتصال رأسًا
شيصير خيصير
ضلة بعد يمهم ما اضل لو الدنيا تنكلب
اخذ موبايلي مني بسرعة
علي سمعتة كال الو سدة هوَ
مروان
تنجبين وتكعدين و والله ثم والله اذا شفتج بعَد وي هذا ضرغام والله اموتج موتج على ايدي سمعتي
يحجي هيج واحس بطني حتنفجر من الالم
واحس طاقتي راحت خلاص بعد ماتحمل والله
بجيت حيـل بوجهة وكتلة بصايح
روان
جاي اكلك ماريد ماريد اضل يمكم مارررريد
مروان
اكعدي بمكانج واسكتي
حرف منج ماريدة يطلع
كمت من مكاني لبست شالي وبسرعة طلعت
وهوَ وراي
شفتهم مجمعين وكاعدين بالصالة
باوعت لاحمَد وكتلة
روان
حَسبي الله عليك
يارررررب يارررررب تشوفها راجعتلك ب اضعافها
يارب حوبتي ما تضيع بيكم
تكتل حوبة المظلوم تكتل
ضحك وهوَ يباوعلي وكإنما انتصر وهوَ يشوفني بحالة الانهيار هاي
ام مروان
انجبي وروحي لغرفتج لتحجين وي تاج راسج
مروان
طبي للغرفة واسكتي روان
روان
ماراح اطب لان اسمع كلامك
بس راح اطب لان ماريد انجمع وياكم بمكان واحد
طبيت للغرفة وقفلت الباب علية
سمعت صايح برة ماهتميت للكلام ولا حاولت اسمع
مروان صدك بلا شخصية
وحجايك تجيبة وحجاية تاخذة
ومُستحيل اضل اتحمل اعيش وياهُم
الساعة بـ ١٢ الباب اندك اكثر من مرة
سمعت مروان يكول روان افتحي الباب
ماهتميت ولا كمت
صارت بـ ١ وانة مونايمة
واحس صدعت كد البجي الي بجيتة
مرات دور القوة يستنزف منك اكثر مِن استنزاف انك تاخذ دورك وتعيش حزنك
حطيت شال ع راسي وطلعت للحمام
جاي اريد اطلع شفت مروان طلع من غرفة سعاد
اجة باتجاهي كُبل طبيت للغرفة وقفلت الباب
دك الباب ماهتميت
مروان بهمس
هسة شنوووو حركات الاطفال هاي جاي اكلج افتحي الباب
عفتة يحجي ويتوعد ونمِت
كعدت الصبح رحت غسلت ورجعت
واستمريت قافلة الغرفة ومالي علاقة ب احد
بين العصُر وبين المغرب طلعت اصُب غدة لان جوعانة
رجعت شفت مروان بالغرفة
روان
شسوي هنا؟؟
مروان
شنو معنى حركاتج هاي اريد افهم
حتى الاطفال مايصرفون تصرفاتج والله
روان
وشتريد هسة ها
مروان
اريدد احاجيج اكعدي شوية
روان
ماريد
مروان
خل نحجي روان بدون لا
بعدني ماحجيت سمعت صوت ام مروان وهيَ تهلهل
حوبـه ابني ماراحت ع الخالي بلاش
حوبـه ابني صارت بيهم
فزيت بسرعه ع حجيهه وطلعت
باوعتلي وگالتلي
ام مروان
بنيـه شابه كلشي مابيهه وماتت الله اخذ حوبتي منكم
يتبـع .......
ياترى شنو الفاجعه الصابت بيت جبر ؟ ومنو الي راح يموت ؟
السالفة الثالثة الكالت عليهه صالحة صارت !
______
سَبب:
زنوبـه ماعندج اي شي بسكت اي شي اكله شويه معدتي متخربطه
زينب
ياعزه شلون راحت من بالي خاف انتِ مامتغديـه؟
ها لا ماشتهي والله بس شويه بسكت
زينب
لايمعوده يابسكت انتضريني هاج علاوي اصبلج غده واجي
اصـرت عليه عافتني وراحَت وخلت علاوي يمـي
علاوي بس شافني استغرب وضـل بس يبجي
كمت بي واحاول اسكتـه وهوه بَس يبجي
شويـه انفتح الباب درت وجهـي شفت هذا الولد المريض غيث
باوعلـي وباوع للطفل
حضنت الطفـل حيَل واريده يسكت الطفـل فاحط
ضليت اباوعله وخايفه
يباوعلي بملامح تخوف
انـي گمت ابلعم وخفت
غيث
انتِ منو؟
ا اني ا اني سبب
غيث
سكتي سكتي ماريد اسمع اله صوت سكتي
جـاي يحجي وياي اجت زينب
*زينب اخت غيث
زينب
هاحبيبي تعـال ارتاح انه هسه اسكت علاوي اسفه ازعجتك
اباوعلـه باوعلهه وگال بهمس
غيث
زينب
شفتـه حضنهه حيَل
بحضنته يشـم بيَهه
ويسد عيونه حيـل
حَسيته متاذي من شي
حسيت كلبي انكسر عليه
وخرهة من حضنة ولزم وجهة ب ادي وكال
غيث
انتِ وامير احلى شي بهذا البيت
زينب
يابعد روحي انت الله يكومك النة بالسلامة وترجع من اول وجديد
غيث
زنوبة لا تبجين ماريد اشوفج زعلانة خوش
دمعت وانة اشوفهم باسها من راسها وباوعلي
بلمح البصـر كانما فز من شي وبسرعه راح
راحت ورا زينب كالت طب لغرفـته
اجتي زينب ودموعهه عله خدودهه
اخذت علاوي مني
بدت ترضع بي وكالتلي اكلي
انـة استحي حيل
گوه اكل بس صدك جنت جوعانه بوقتها
زينب انسـانه تجنن شكد ماكول تجنن قليله بحقهـا
موبس كجمال لا كروح واخلاق وكلشي
تحجي وياي وانة صافنه عليـهه
والله استحي اباوع بوجوهم ع گد بياضهم وجمـالهم كلهم يخبلون
خصوصًا البنات كانما حوريات شاردات من الجنة
اني ملامحي جنوبية حَيل
شعر اسود، وحواجِب كثيفة و سودة و بشرة حِنطية مايلة للسمار
بَس المُميز بملامحي عيوني، عيوني حيل كبار ولونهُم جوزي طوخ بس لامِع مو باهِت ومبين اسود، وملامحي دامجة بين البريئة والحادة بس مُميزة
حيل تشبه سبب، بَس سبب اسمر
وزينب خصوصًز
تحس جمالها روحي اكثر من شكلها حتى
تحسها طفلة بريئة وتجنن
نـام علاوي وبدينا نحجي انه ويـاهة
البنيه كلش ارتاحتلي وبدت تحجيلي وحدهه
حجتلي بالبدايه عليـهم وعله حياتهم وعرفتني عليهم واحد واحد وحفظتهم كلـهم وبدت تحجيلي عله زواجهه
بمـا انُ تزوجتي سراج وهوَ سراج يعني ابن عمج فـ اكيد اخذتي عن حب ها ؟ هههههههههههه
زينب
اي
تدريـن اني وسراج عشنا قصه حب تجنن
بـس ماجان احد يدري بيهه غيري و غيـره
الله عليج سولفيلي ع الاحداث وشلون صـارت كلشي احجيلي
زينب
باعي اسمعيني
من جنـه صغار احنه بطبيعتنا ماعدنا انُ ذوله ولد عمج وذوله اخوانج لا الكل نفس الاخوان يعني لا بيناتنه حساسيه لاشي جنـه نخبل بحيث اذا لعبنا سوه ابـد ماجنه نسوي هاي السوالف مثلا
اميـر او غيوثي او زعيم او سيوف يعني همه كل اخواني مستحيـل يفضلوني عله مثلا روان بنت عمي لا جنه محسوبين سوه لدرجه مرات اظن انُ سراج اخويه و علاوي اخويه وزعيم ابن عمو حسين هم اخوية توقعي هههههههه
ههههههه اكلـج لعد اني ماشفت بنيـه غير سيوف و بنيه صغيرونه يعني ماشفت روان ولاسجاد
زينب
البنيـه الصغيرونه هاي ملاك بنت عمو حسيـن اخت علاوي و سراج وسجاد
روان وسجـاد قصتهم قصـه
حجتلي ع سالفـه سجاد والي عرفته منهـا انُ هوه ع علاقه بسيوف كلش انقهرت عليهـم من سمعت سالفتهم
وحجتلـي ع روان هـم
وبدت تكمل الـي قُصتها
زينب
أذا تلاحظيـن انه و سراج حيل نتشابـه
عيونه ثنينه زُرگ وملامحنه نفس الشي
بحيث جـان جدي يكول ذوله الزوج اذا تزوجوا انتجانه راح يصير يخبل
حطوا هاي الفكره براسنه ثنينه من جنه اطفال
و وعينا ع هذا شي، حدما كبرنا ونخلق النة شعور حقيقي
جان واحـد يحب الثاني وحَيل يعني فوگ ماتصورين
بس جان حبنة عذري و ع الصامت
يعني تخيلي ابد مانحجي غير النظرات
سراج جـان كلش يحبني بس من نجح من السادس
جان تخصصـه تخدير النجف
لذالك اضطر يروح لهناك اربع سنوات
بهـاي السنوات انه كلش تبهذلت وحيل ضجت وجنت يوميه ابجي وهوه من يجي كل شهر كل شهرين مرات يضل بس يباوعلي من بعيد
انه حسبالي حب وحده ويـا من الجامعه وبعد نساني
احنه صح جانن بينـه بس نظرات
بس جان اكو افعال تدل على الحُب من طرفين
اخر شي كمل واجَه
من اجه بساعتهـا بنفس اليوم يعني صارله سنتين هذا الحجي
گال لجـدي اريد اخطب
جدي كيف ومن كاله اريد زينب فرح اكثر
وتزوجنـا ذيج السنه وصـار عدنه علاوي وهـا اها
زين زنوبه يكولون الحُب بعد الزواج يقل صدك ؟
زينب
لا والله ماكوهيج شي ابـد بالعكس الحب اذا جان صادق فـ من بعد الزواج يكثر اكثر و اكثر واحنه هيـج انة وسراج متفاهمين لدرجه موطبيعيه ومابيناتنه اي مشاكل الحمدلله والشكـر يعني حياتنا حلوه
والله انتِ تستحقين كلشي حلو يارب الله يدومكم ان شاء الله
زينب
ياعمري انتِ الله يكشـف عنج وان شاء الله تنحل مشكلتج
تدرين باجر امتحاناتي ومادري شسوي والله احس راح اضـيع كلشي من بين اديه
زينب
انه هسه احجيلج وي اميـر واشوفه شيكول بلج
انزلي احجي ويا انه ماعرف بهاي الامور ميكول والله حباب امير
والله استحي منهم
زينب
انزلي لاتستحين والله مايكول شـي اخذي دوش وبدلي ملابسج وانزلي
صدك والله طبيت للحمام سبحت لان جنت تعبانه حيَل
لبست دشداشتي ولبست فوكاهن صايه عريضه سوده
لفيـت شالي حيَل وثبتت شعري حته مايطلع
وزينب كالتلي يلـه خل ننزل
نزلنـه انه وياهه شفت مره هي وبنتهـا
بتهـا بعمري تقريبـاً
باوعتلهـا بيهه بهاگ (بهاق)
بس البنيه عليهه جمـال يجننن
تشدك تباوع عليهه بشكل لا ارادي
البهاگ منتشـر بـ اديهه بس ماكو بوجهه
طالع من اديهه لان جانت جاي تكنس بالصالـه
سلمنه عليـهم عرفتهه هاي العامله ام علي
بتـهه اسمهه رحمَة
ضلينـه نحجي وياهه انه وزينب وساعدناهه
خطيه اباوع للمره حيل تعبانه
سالنه البنيه كالت انُ المريه من زمان عندها سرطان بالدم
انقهرت عليها حيل البنيه منو الها اذا راحت امها
حسب ماعرفت ماعدهه خوال ولا عمام
زينب
يله تعاي خل نطلع نشوفهم ونجي حته انتِ هم تحجين وي
امير وانطي علاوي لسراج شكلتي
والله استحي فشله
زينب
بكيفج ما الح عليج
فكرت بيهه هسه انه شخاسره هوَ استاذ جامعي ويعرف خل اروحن استفسر احسن الي كلبي يغلي ع الامتحانات
رحنه انه وزينب
طلعنا البيت كلش جبير وحيل حلو ومرتب هماتين
شفناهم لسه يغسلون ويسوون كلهم
زينب
امير سبب تريد تحاجيك تعال شوفهه
تقدمت اله وكتله
بس ردت اشوف ع امتحاناتي شلون وشسوي ؟
امير
خوية وين تكدرين بعد ماعتقد راح تكدرين بهاي الظروف ابد
من كال هيج دمعن عيوني وكتله
شلون يعني هايهيه تعبي كله يروح
امير
اكيد لا
ماكو تعب يم الله يضيع
يجيج اضعاف اضعافه
بس اجليهن كلهن عله الدور ال ٢
لان جاي تشوفين الوضع
علي
اصلاً خابروني كالولي طلعوا يعني احتمال شويه واهلج يجون والسالفه مليوصه ف انتِ نفس ماكال امير ارتاحي هاي الفتره و اقري وان شاء الله تمتحنين
سراج
يجوز تنحل السالفه وتلحكين عله شجم امتحان وحته لو مالحكتي عادي انه اجلت كل الامتحانات للدور ال ثاني وجبت معدل زين
تمام ان شاء الله خير
كتلهم هيج بس الدمعه لاچت بعيوني
جنت محسبه حته للدرجه مال الدور الاول
وهسه احس كلشي راح مني
منو يكول امتحن دور ثاني منو يكول راح اكمل
طبيَت للبيت ودمعتي نزلت
تلگانـي زعيم
جـان لابَس دشداشـه و لاف شماغه ع شكل مرتب
هوَ الوحيد بيناتهم يلبـس هيج لبَس
البقيه كلهم مبينين عادي لبـسهم صح يلبسون بالبيت دشاديش بس من يطلعون رسمي بـينما زعيم لا يطلع بيهن
اجت عيني بعينـه دنگت وكملت طريقي
استوقفـني وهوَ يكلي
زعيـم
خو مابيج شي خوية؟
لا مابيه شي بخير انه
زعيـم
احد مزعلج هنا احد ضايقج
ونعَم منكم والله ماتقصرون بس انه شويه ضايجـه
عفته ورحَت طبيت لكيت رحمـه گاعده بحدهي
وامـهه گاعده يم مرت الشيـخ
گعدت يم رحمـه وصرنـا نسولف
شوي طلـع الشَيخ
اخاف من اباوعله بس عيونـه بيهن امان وطمانينه
يذكرنـي هواي بجدي الله يرحمـه
احس نفس الهيبـه
صح يختلفون بالافكار وهواي شغلات
بس احس عدهم حنيـه نفس الشـي
طلع وهوَ يكلي
جبـر
بويه مايحصل الا الخير لا تخافـين انتِ وكوني بخير وكلشي تردي يجرالج
الله يحفظك شيـخ ويديمك خيمه فوگ روسنـا
( مادري ليـش بَس حبيت اشطح الكم واكلكم اكو ثنين حيصيرن اشد الخصوم وثنينهن تحبوهن كلش متحمسه اشوفكم وي منو توكفون؟ وحده مُميزه جبر وحده شالعه كلب جبر 😂 )
طلـع هوَ واجو الولد صعدوا لفوگ ماشاء الله بيتهم حيـل جبيَر وفوگ كل غرف الولد بالـ ٧ غرف فوگ
نزلوا وهمـه لابَسيين ومكمليـن
الحلو بيهم صح ولد شيـوخ بس مو مبهذليين ابد
يعني ابوي هم شيٰخ بس اخواني حيل مبهذلين
فلوس ع الخالي بلاش
ذوله لا نزاكـه وجمال حيل حلويـن
لدرجه احتاريت ع منـو اباوع
للامانة الي احلى من بينهُم كلهم سراج وغيث بما انُ الاثنين بياضهم موطبيعي و عيونهُم زرگ بنفس الوقت لحية وترتيب يعني جمالهم يشد
بينما علي رجولي حيل، بفزعتة و سوالفة وياي حسيتة اخو اخيتة والولد نار كبرة وبنفس الوقت حنين وشخصيتة حيل حلوة
اما امير فَ صراحتًا راقي ومُطمِن فوق التصور اما كَ جمال فَ عادي جمالة بس هوَ لسانة فصيح حيل
بـس الي شد انتباهي اكثر شي بمـا انِ بنيـه جنوبيه
زعيـم
لان جان كلشي بي جنوبي ومبيـن الشيخ ما يخطي خطوه من دونـه مبين ذراعه اليمين هذا
طويل وضخُم حيل، بس ملامحة جدًا طبيعية بس جنوبي بيهن حَيل ..
جنت ضايجـه حيَل لان راح امتحاناتي تتاچل بـس استلمت وكلت الحمدلله
جانت عندي أمل انُ امتحن العربي بغض نظر عن الاسلاميه ، لزمت الكتاب بـ ايدي واقره احس دارخته درخ وكلشي مضبطته حرامات ما امتحن وحرامات ماعيٰش بالشي الي صارلي شكد متمنيه اعيـشه
هي صعبـه ماكدر لان اول وتالي بغير محافظة وماكدر اروح ابـد
الولـد كـلهم طلعـوا للديوان رحمـه تنضـف واني كمت وياهه وزيـنب جانت تنضـف بالمطـبخ وسيوف نايمـه
عدهم بنيـه صغيره اسمها ملاك البنيـه تجنن صدك ملاك اسـم ع مُسمى الي عرفته هي اخت علي وسراج وسجـاد وروان
البنيه يطلع عُمرهه بالـ ٣ سنوات كلش حلوه ولسانهه يجنن ومطيـره الكل شگره وعيونهه لازرگ ولاصفـر ولاخضر متعرفهم شنو عيونهه يخبل لونهن ونادره حيَل
شويـه شفت زعيَم طب صعـد لفوگ وانه عيني مافارگتـه ع كد ما شخَصيته جانت حلوه ماجذب اذا ما اكول انعجبت بي ..
شوية وسمعت صوت غِناء
كل ضني فاتحيـن اغنيه لهيثم يوسف
انصدمت وانه اشوف علي يفـر بالسبحَه ويغني
أجه طّب للصالـه وشال ملوكـه وگعد يلعب بيـهه
صعد علي لفوگ شويـه ونزل هوَ وغيث
رحمـه
مـع انُ هوه مَريض
بـس الي يشوفه ابد مايگول هيـج
حَيل حلـو ومرتب كلش
بـس بنفس الوقت هادئ
وهدوئه احس وره جحيَم
امم مادري ليش تحسٌين هيـج
رحمه
اني قاريه هواي كتب عن هواي شغلات ومنهـا النفسَيه وأحسه ديعاني هواي تدرين حيل انقهـر عليّ وامنيتي انقذه من الي هوَ بـي لان شايفه شجاي يعيـش هوَ هسه وي روحه صراعات
اي خـطيه
بَس الي شد انتباهي اخوانه و اولاد عمه
شلون كلـهم محاوطينه ويخافون عليـه ومايخلونه وحده
وكل ساع واحد يمه ويضحكونه ويحاولون يطلعوا من الي هوه بي
جـاي نحجي قاطعتنه
ام زعيـم كالت لرحمه انُ تصعد لفوگ وتنظف غرفه غيث ماطولـه طلع وي علـي
گتلهه امشي خل نصعد ثنينه
انتبهَت لـسراج بالزينب وي مطـبخ
؟!!!!!!!!
الـه ما امسـح !!! 😂😂😂😂😭😭
والله ما امسـح
يمـه مستحيللل
ما امسح وشيصير خل يصيـر
ختروح هيبه الكتابـه 😂😂
شيسكتنـي بعد غير كافي ضحك
😂😂😂 لا لاصدُك خنكمل !
__________ فاصل اعلانـي
عُدنا من جديد
انتبهَت لسـراج بالمطـبخ وي زينب يحجون
مـادري شبيـهم بس جانوا يحجون بعصَبيه
هوهَ جان عَصبي وهي تحجي ودموعهه ينزلن منـهه
اخر شي خلـه وطَلع وزينب ضلت تبجي
كلت لرحمـه تصعَد وانة اصعد وراهه
رحتلـهه وكتلـهه
شبيـج زينب ؟
زينب
والله ما ادري شبي وياي ع شي كلش تافـه عصَب وصار يسمعني كلام موحلو ابد
ياخـاف ضايج من شغله هاي
زينب
مو طبيعتـه هيج سبب
ولا مره سراج عصب عليه او رفع صوتـه عليه
هـاي اول مره هيـج يسوي والله العظيم
سوده عليـه يله لا تضوجين والله يجوز ضايج لا تبجين كافي
زينب نفس الطفلـه كلش تنهضم بسرعه مبينه ورقيقه حيـل
صارت تبجي حيل واني احاول اسكتهه وهي تبجـي
كافي ياعيني مردتي روحج لايجي احد ويشوفـج
مسحت دموعهه بـس جانت حيل ضايجـه
شفـت غيث طب
مانتبهت ونسَيت انُ رحمه فوگ
ضليـت يم زينب احاجيهه واحاول شويه اضحگهه
زينب
والله انتِ طبيتي لگلبي بسرعه وامنيتي تضلين ويانه وابد ماتروحين
ياعمري انتِ
شفت البنيه بسرعه حضنتني
يالله شكد طيبه وفطـيره حيل
انسانه ماعدهه حقـد ولا عندهه كراهيه ابد
ماكوهيج انسان فطيـر لهاي الدرجه
هنيال سـراج بيهه ع هيـج رقـه
عزه زينب غيث صعَد لفوگ
ورحمـه هناك
زيـنب
يمه بس لا تنظف بغرفته
ولج غرفتـة خط احمر ومايقبل اي واحد يجيسهه خل اصعد بـسرعه تعاي خل نصعد لا شو شيسويلـها
اعتقد زعيـم فوگ
صعدنـا بَسرعه شفنـه الباب مفتوح
اباوع رحمة تنظف وترتب وهوَ نايـم ع الجربايـه ويباوع لرحمة
الغريب انُ رحمه حته ماجانت خايفـه
وجانت تنظف بكُل اريحيـه
من شافتنـه أبتسمت وگالت
رحمة
ها صعدتن؟
زينب
اجينـه نساعدج حبيبتي
زينب طبت انه ضليت بالباب
غيث
ماريد احـد يطب غرفتي
حجاهه هيـج وهوَ يباوع لزينب ويخزرهه وبكل عصبيـه
ولا حسبالك مساع هوَ الي يحجي وياهة ويبوسهة
بس انة عرفت يقصد علية مو عليها
زينب
هايهيه طالعة
جاي يحجـي طلع زعيم من غرفتـه باوعلي وطب للغرفـه
زعيم
شكو شبيكم
زينب
غيث مايريد واحد ينظف غرفته
زعيـم
اي وشكو طابات تدرن بي مايريد احد يطب الـهه يله اطلعن
طلعن البنـات ثنينهن
غيث
لااا خلي هاي البنيـه تضل موجوده عادي
جان يقره بكتـاب حجه هيج ودنگ ع الكتاب
واحد گام يباوع للثاني بـ استغراب
زعيـم
متاكد عادي البنيه تضل
غيث
بس هي َماريد ثانـي
ابتسم زعيـم وگال هايهيه وهمس بصوت ناصي لرحمه
زعيم
لا تخافين انه هنا اي شي يصير اجي
رحمه
ما يأذي هوَ واني ماخاف لا تخـاف خوية
أشر زعيـم لزينب حتـه تطلع
زينب
شبيك زعيم شلون نعوفـه ليسوي للبنيـه شي
شفتـه جَر زينب من ايدهه ع صفحه وحجه وياهه
بَس جنت اسمع
زعيـم
شييج انتِ مخربـه سمعه الولد يم الكل
شبي هوَ تدرين بي ماياذي احد واذا راد ياذي روحـه
لا تضلين تحجين هيج وانه يمـه وانتن هنا هم والباب مفتوح
زينب
والله اخاف عليهه شبيـك
زعيـم
ماتشوفين ماعاولنـه قبل تتنظف الغرفه
لا يطلـع منهه ونكدر ننظفهة
ولا يحب احد ينطفهة
عوفي ماطول الله هدى لا تحطين روحج
زينب
انتم شبيكم وياي اليوم كل ساع واحد يرزلنـي
عافته وراحت طبت للغرفـه ماالتهه ضايجه حيل
باوعلـي وگال
زعيـم
لاضلين واگفه طبي يم زينب اخاف غيث يضوج ولو زحمه
تمام
بس بلا زحمه يمتـه يجون اهلي
زعـيم - يحجي وهوَ مدنگ -
عله وصله اي واحد يدگ الباب معناهه همـه لان تدرين مطلعينه من السجن لهذا الولد اخوج فـ اكيد حاليا همه جاييـن
بس انه ارد اعرف منـج انتِ شنو موقفج من الجاي يصير
راضيـه لو عندج شي ثاني صار هسه
انه مستعده اموت ع انِ ارجع وياهم
يجوز تشوفون الجاي اسوي تمرد
بـس لا انه كلش تعبت ومحد كدي تعب
وهواي خسرت شغلات بسببهم
وماريد اخسر اكثر لذالك افضل الموت عله الرجعه وياهم
ماعرف شنو وشلون بس ماريد ارجعلهم
زعيـم
تم بويـه التردينه يصيـر
هزيت راسـي بـ اي وخليت ورحَت يم زينب لغرفتـهه
خطيـه ضايجه جانت
زينب
مادري احس مخنوكه مدري شبيـه
اسم الله عليج شجاج بسم الله عليـيج
زينب
والله مادري احس شي يرگض ورايـه
حضنتني وصارت تبجي حيـل
استغربت شجاهه وليـش هيج
احاول احجي ويـاهه وهي بـس تبجي صعدت سيوف شافت حالتهه اتخبلت
ضلـت تحاول تحجي وياهه وهي ولاكانمـا
اندگ الباب كالت سيوف منـو سمعنه صوت زعيم
مسحَت دموعهه وطب هوه
حاول يحجـي وياهه گاللهه شبيـج
سراج مزعلج بشي كذا
هي ماتحجي بس تكول مخنوگه ماعرف شبيـه
نزلـت لجوه ومرت الشيـخ صارت تنشر الهـا
شويـه ونزلت رحمـه
اندگ البـاب رأسـاً
جان جوه بـس زعيم
الولد كلهه طالعـه هوَ طلع بـسرعه
يمـه انه جسمي گام يرجف
گمـت توضيـت وطبيَت لغرفه مرت الشيـخ
حطيت مصلايـه وصرت اصلي
دموعي تجري ورافعه اديٌه واكول
يـاربي دخيلك الي بي صالح الي سوي
تعبت وانـه اشوف الفترات السيئه تمضي عليـه
١٩ سنه وانه ماشايفه اي فتره فرح
بعمري ماضحكت من كل كلبي
بعمري مافرحت بلبسه اشتريها بكلمه حلوه
ذني الاقل شي مافرحت بيهن
ربي انه ماريد فرح بس اريد استقرار
اريد انام ع المخده وانه ماخاف من باجر
ماريد انذل ماريد اخسر ربي دخيلك الطف بيه
مابعد كل انكسار جبر جبير
اجبرنـي يارب اجبرنـي
رحمه
كافي يروحـي شصار بيج شوفي ربنا ماراح ينسـاج والله هوه الـي يرعى النمله وهي بالثقب الصغير
ماراح يباوعلج
حاشا بالله
اني متاكده مـاراح يعوفج وراح يصير حل
حتى لو اتخلوا عني انه اكتل روحي وماروح وياهم بس اخاف لا واحد يتاذه بسببي
رحمـه
همه شيوخ ويعرفون انتِ لا تقلقيـن
ضليـت اندعي وماخليـت امام مانخيتـه
سمعنه صوت صايـح
حاولت ما اسمـع واضل مركزه بدعائي
رحمه
دكومي خل نشوف كلهن جـاي يشوفن من المطـبخ كومي قوي روحج وكومي
ضليـت بجادر الصلاه اباوع لروحي بالمرايـه عيوني حمر
گمت لكيتـهم فاتحات الجام ويباوعن اجيـت شفَت الكل واكف بالحديقه وكلهه تصـيح حيَل والكل جاي
جبـر
انت ما تفتهم حالك حال ابنك
ماتحترمون البيت ال انتم بي وتصيحون وتگمزون وتنطنطون تنطنط
عدنـان
بتنه نريدهه شيخ ما اضل امط بالحجي وياك انه
بتي اريدهه اطيني ارد اكتلهه وارتاح
ما ميت عليـهه بس ارد افوخ كلبي ب كتلـهة
من گال هيج وگبال الكل
حسيت گلبي نكسـر كسره بـس الله يدري بيهه
يحجي هچي وگبـال الكل
جبـر
تف عله هجي ناس
ماتشرف هجي ناس تطب بيتي
شفنـه الشيخ جبر اجه يريد يطب كل احنه مشينا بسرعه ماحس الا اخوي رسول راد يطب وي الشـيخ ويصيح بـ اسمي
يمـه انه نزيت الولد لزموا حيل
اباوع لعلي ضربـه حيل عله رگبته وثنين جروا من ايده
اخواني الباقيـين اجو
وصـارت بيناتهم
جان اكو شيـخ ثالث و ويا كومه ولد وزلم صاروا يحاولون يوخرون ناس من ناس
انه بس دموعي تنـزل و اسمع حجي النسوان شلون يسم البدن ويحجن عليه
رضيه
احنه عايزين هسه
صفيه
يمه ساعه وصار بولدي شي شهل مصايب ياربي
عاطت بيهن مرت الشـيخ وگالت
صالحه
هي هاي الزلم تطگ وتنطگ شتردن چا اسكتن لا وعلي اكل للشيخ عليجن وانتن تدرنه شلون يكره هسوالف
رضية
يمة ما تشوفين ناس مشرانية يكلك تجار والاسحلة والخربطة الي عدهم مايخافون من واحد
صالحه
ولجن هذا جبر وذولة ولدة لو مو ال عدنان لا همة ولا عدالهم يكدرون يوكفون بوجهم اسكتن يلا
سكتن هنه من سمعنهه
حجايتـهه مسموعه حيل والكل تخاف منهه
عندهه شخَصيه قويه
الطرف الثالث اتدخل وگاموا يفاككون بيـهم
زعيم و علي اكثر ثنين منفعليـن جانوا
جبـر
شيخ عبـاس كل للجماعة دخيلتي ماطيـهه ردت اتفاهم وياهم بالحسنى وبالتي هي احسن وحاولت اقنعه وردت اقنع البنيه ونجمع بينهم ونصالحهم بـس هوَ مايحترم فلذالك انه مانطي دخيلي واليعترض يطگ راسه بميت حايط والباب يوووسع جمل وانتهه الحجي
شيخ عبـاس
شيـخ عدنان سمعت بال حجا شيخ جبر الدخيـل ماينطه وشيخنا مايريد يطي البت بعد
عدنان
امشوا امشوا خل نطلع
يطبـهه مرض عساهه تموت
خلصت منهه بس ديروا بالكم لا تجيبلكم العـار
بس انه اكتلهه اكتلهه لو تضل اخر يوم
وهاي يم ولدي اذا متت و انه ما كاتلهه انتم اكتلوهه
كلامـه نفس السهام بگلبي
بس دموعي تنـزل وشهگاتي تنسمـع
حضنتني مرت الشيـخ وهي تكلي
صالحه
سوده عليه يبعد گلبي بسج لا تبجين بسج لا تلوعيـن چبدي
زعيـم
احنه ما نلفي هيج ناس ابيتنـا راوينـا عرض چتافكم
رسول
والله الا اندمكم الا اندمكم
علي
شسوي يعني شلون تندمنا شلون
ولك صووووتككك لا يعله لا اخفي الك حيوان
تقدم اله يريد يروحله وامير وسراج كوه لازمينـا
طلعوا وأحس روحي ضعـت
ماعرف شسوي و ويـن انطي وجهي
ماعرف شصـرف ابد
ضلت حاضنتني المـره و انه ابجي
اسمعهم يحجون بـره ويصيحون
علـي
ماخليتوني اكسر راسه لهل زفت ماخليتوني
اخ ونبي مافوخت كلبي شكول عليكم
زعيـم
هذا ابوهه ابوهه
عود هم حاسـبينة ابووو لو يطم روحه احسن اله
جبـر
اش ولكم اسكتوووا
لا شيـخ عباس يعني انت شفتني شلون حجيت ويا بالبدايه بكل طيب وبكل ود وهوَ يحجي وياي معلگ انه ردت اصلح بينهم بس هوه يهدد بيه وضل يكول اكتلهه اكتلهه هسه عاد اكسر عيوني بحجايه شو شنـو ضل يلوص بالحجي
شيخ عباس
والله ماصار الا الصـحيح ودخيلتك يا شـيخ لا تنطيـها
جبـر
وانت شايفهه شني من بت
يعمي وحگ العباس تسوالهه ميـت مره
انه هم ما ارضـه اي حجايه تجيهه
واحد من الولد ياخذهه الـه مافرط بيهه
تاكلني اكل بالحجـي والملگه الحلو
مو من بنات هل وكت هذا
ولا تكلك هي ملعبـه ولاشي
والله تشرفـه وتشرف عشيرته واحد واحد
من الظلم الشافتـه حگهه ماسوت الاكثر
وهاي جدام الكل
رد اعتبارهة للبنية مردود
ب اني انة اتشرف اخذهة
كلهة كام تصيح ونعم منك شيخ
اسمـع حجيَه وانه فاصلـه ومرته تكلي
اي والله ي يمـه سمعتي
طبيـت لغرفه مـرت الشـيخ وضليت ابجي
البنات داير مادايري
سيوف وزينب ورحمـه يمي ويواسني
ماعافنـي ابد اجتي مره الشيـخ وياهن
هاي المـره دره مال اللـه
صالحـه
انه هنا بالبيت كل البناويت تصيحلي يمـه
وانتِ ورحومه هم هيج صيحلي
انه ماعندي بنات خلفتي كلهه ولد وماعندي اخوات
لذالك اموت ع البنات
ابتسمتلـهه وكتلهه ان شاء الله خاله
صالحـه
يمه ولج
هههه ان شاء الله يمه
من كلت يمـه حسَيت بشعوررر غريب!
ثاني مره انطـقهه
اذكر اول مره نطقتهه لمرت ابوي وشلـون ضربتني وجوتني وهي تكلي ماعدي بنيه غير لُبنى
سمعنـه صوت الشيخ وهوه يكول اردحجي وياهه
جنت بعدني بجـادر الصلاه
طب هوَ وزعيـم
اول ماجت عيون زعيم عليه گال
زعيم
خير شصايـر يمة؟
صالحه
ملخـت روحها سوده عليه شصار بيـهه
زعيم
هوَ هذا هم اب وابجي عليّ لو عندي مثله اطم روحي
من گـال هيـج احس ضعت بينهم
دنگت راسـي وصرت ماعرف شحجي
احس صـارت غصه عندي وكوه خافيتهه
جبـر
علـه اساس انت ابن الشفيَه
شكد تلوص بالحجي صـاير
حَس علـه روحه وگال
زعيم
اعتذر مو قصدي
خلـه وطلع هم تفشل لان الشيـخ حاجا هجي وهم حس بروحـه انُ غلط
جبـر
بويه اسمعيني زين
السالفـه انحسمَت بعد الله شاهد حاولت بالحسنى بس ابوج شو جنه ماهاوي الخير ابـد انتي راح تبقين هنا معززه مكرمـه والي تردينه يجرالج خوش
ان شاء الله شيـخ الله يحفظك ويخليك خيمه فوگ راسنا
جبـر
الله يرضه عنـج بويه
احسـهم جبروا بخاطري حيَل
صفنت ع روحي وكلت هايهيه راح امشي وي الزمن وشيصير خل يصيـر
الولد كلهم گاعدين بالصاله رحنه انه والبنات سوينـه اكل مرت الشـيخ گالت اكو غرفه فارغه هي مـال ام علي ومن بعد ما مات رجلهه راح تكوم تنام هنا هي ورحمه لان العرفتهه حالتهم كلش ماساعد وجانوا بـ اجار
كالتلي انتِ انفرغلج الغرفـه الثانيه كتلهه لايمـه انام وياهن كالتلي براحتج ماضغط عليج
كملنـا العشا وانه جنت حيـل استحي رحمـه و امهه گعدن وياهم لان همه من زمان هجي كلهم يكعدون سوه انه كلت اكعد بالمطـبخ بس زينب حرجتني وهي تصيحنـي والشيخ هم كالي
جبر
يله بويه تعاي اكلي
رحَت دحست روحي يم زينب وسيوف جانت سفره طويله ممدوده الزلم من جهه والنسوان من جهه
كلـهه گاعده وتاكل وتضحك وتسولف
نزل غيث وعيونه تدور بيناتنـه
اميـر
ها يابه تعال اكل ويانه
جبر
ما الله يهديك وتجي تاكل ويانه لا نخاف مانطلع صوت بالاكل بس تعال اكل
باوعت لرحمه باوعتله وابتسمت وهوَ باوعلهه وابتسـم
عزه لج شدسوين
رحمه
يكولون الـي عنده اعراض مرض نفسي باوعي بوجهه وابتسمي بهدوء راح يبتسم ويهدأ
غيث
ردت هاي البنيه تنظفلي المكتبه مالتي
ام علي
اي يمه كومي ويا
جبر
خل البت جاي تاكل اكعدي بويه لا تكومين
تعال اكل وتصعد تنظف المكتبه مالتك
يبـاوع لرحمه بنظرات الكل انتبه الهن
كال خوش واجه گعد و واحد يباوع لواحد ومصدوم انُ غيث يكعد وياهم ع نفس السفره
( بـدور رحمَه راح تنذكر المواقف الي صـارت هنـا )
كامت رحمـه كملت اكِل
هوَ راسا كام وراهه
جبر
بويه ماتجي ما اكلت
غيث
لا لا اريدهه تنظف الـي المكتبه
رحمـه
يله رايحـة
صعَد هوَ وهي صعدت وره خطيـه امهه ضلت تباوع وراهه
اميـر
لا تخافين خاله صاعد انـه
ياربي شكد احس امير مظلوم وي غيث
يعني ميكعد وياهم هواي ع كد ما يكون مراقبة
ولا ب اكلة متهني مرتين يكعد ياكل ويصير شي ويروحلة
الله يحفظهم لبعض ويشافي
صالحه
ام علي تره غيث ماياذي واحد لا تخافين
ام علي
لا خيه شنو السالفه ادري بس انه اخافن عليهه بس ماطول امير يمهم هايهيه شلي غرض احنه لمن جاييـن اهنا
جبر
بيتكم هذا ام علي
علي
مبين ارتاحلهه غيث
جبر
الله يرجعه النه سالم غانم
كلـهه كالت اميـن
گمنـه كل احنه وغسلنـا الماعين انة وزينب وسيـوف
كملنـا و كعدنا بالغرفٌه نحجي احنه البنات لشويـه نزلت رحمـه كعدت ويـانه اخذنه لوكت نحجي ونسينا كل شي
كالت زينب خل نطلع بره بالحديقه طلعنـه بالحديقه كعدنه سوه واستمرينه انسولف
اكثر وحده دخلت بكلبي هي زينب كلش فطيره وحبابه حيل وتحجي عليك يالله والي بكلبهٌا ع لسانهه
بـس جانت ضايجه من سراج تكول مادري شبي ضايج حته ماصالحني
شويَه وطبوا علي و اميـر
جانوا طالعين
علـي
الله شهل جمعه مال البنات السنعات
زينب
والله اذا سمعتك ذيج امشـي
علـي
اش ادبسز اسكتي
زينب
تررره تزوجت علي لا تكلي ادبسز لا تحجي وي بت عمك هجي
علـي
عود هي جبيره وشي وصارت ام وتريدني احترمهه دروحي بابا شلون ام امه زينب وابو سراج تاه الفرخ
كوه جره اميـر وطبوا
منو تقصدين
زينب
مره عاف موبايله وطلع بسرعه جان مفتوح اجيت اسـده شفته يحجي وي وحده اسمهه ايلول
حبيبته ؟
زينب
اي مبين يحبها بس مادري منيـه بس الي اعرفه حلوه هههههههه هوَ مخبوص بيها
رحمه
زين يكلج ادبسز وهاي
زينب
احنه بينه ميانه عادي نفس الاخوة واكثر
ضلينـه نسولف حدما كملنه وطبيَنه جان الوقت متأخر طبينـا نمنه
صـار اليوم الثاني اليوم اول يوم امتحانات وزاريه كلبي معلوس بس موبيدي ابـد ..
العصـر جان الكل طالع بمشيه ما ادري شنـو
زينب حيل ضايجه وتكول زايده الامور بيني وبين سراج وليـش ماعرف
العصّر سووا حمله ع البيت وكعدوا ينضفون بي
زينب حطت كرسي وصعدت تنظف الجام الي بمقابل البيت
زينب
ذولة ميخلوني انظفة خاف واحد يشوفني وهسة منو يجي كدام بيتنا
فَ خل انظفها واطبلجن هسة
كتلها تمام وخليت وطبيت
مرت الشيخ بالمطبخ و امير و علي كاعدين يحجون بالصالة
وانة ورحمة ننظف بالغرفة
شوي وسمعنـا صوت طلق
ماجان طلق عادي جان عبارة عن طلق مستمر وصوت جام يتكسر
جمدنا انة ورحمة وسيوف بمكانة واحنة ميتين من الخوف
واسمع صوت امير وهوَ يكول لحد تطلع لحد تطلع
ماحسينة ع صوت مرت الشـيخ وهيَ تصيح ولكمم البنيـه ماتتت البنية ماتت
وكف الطلق
وطلعنة بـسرعة واحنة نسمع صريخها
بعدني بالمطـبخ وشفت المنظر الماراح انسـى طول عمري !!
يتبععععع
كتبت الكُم بارت جبير لعيونكُم
لا تنسون التصويت
وتابعوا حِسابي ✨
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!