رواية بيت جبر الفصل الحادي وثلاثون 31 - بقلم هُدىٰ آذار

مـساء الخير حبايب
اليوم الاربعاء اخُر بارت ان شاء الله بهذي الفترة، اغلبية القُراء واني شخصيًا بهذي الفترة بين المواكب وبين المشاية والخِدمة بس مع هذا اني استمريت كلت ماترهَم اوقف اسبوع بـس بعَد ماكدر اضغظ على نفسي وهذي ايام مُباركة كون واحد يستغلها، واصلاً اغلب قُراء القُصة ديكلولي انُ احنة مدنقرا لان موكب وكذا فَ اليوم اربعاء نزلت الخميس ريستي المفروض الجُمعة انزل اني لا الجُمعة ولا السبت انزل يوم الاحد ان شاء الله نبدي بالقُصة ( يعني لو تحسبوها حساب عرب فَ يومين حتتوقف لا اكثر ) وعظم الله اجورنـا واجوركُم بـ استشهاد سيد الشُهداء ويارب جميع اعمالنا مقبولة 🖤
دُمتم بخيـر
_________________________

رَحمـة

لگيت غَيث واگف واديّ بيهن تراب وانتبهت للارض منـا ومنـا مزروع ورود حُمر واكو مسافة بالنُص تُعبر من يمهـا

الابتسامة انرسمت على وجهي والفرحة غُمرت گلبي، رفعت وجهي لغَيث لابس دشداشة بيَضة وغترة بيَضة لافها على راسـة و ملامح وِجـهة  جانت مرتاحـة وعيونـة صافيات وكانهُ جاي يلمعن يلمعّن مِن نـور الصُبح

من ركزت بوجهة لكيت ابتسامـة هادئة، عَميقة وتكول هـواي كلام بس بدون حجي

دنگِت للورد حَتى اشوفـة حقيقي او لا، شميتـة حَيل وصرت احاول استوعِب المشهد الي صار

كمت من مكاني وتوجهِت الة
مـن صارت عيوني بعيـونة نزل عيونة وسوة روحة ينكِث بالتراب الي بـ ايدة

رَحمة
ماتصـور شكد فرحتني بهذني وردات هذني

غَيث وهـوَ مدنِگ
ضايعة بينهِن انتِ، يُمكِن مفكراتـج وحدة مِنهن
ورجعتـي لسُلالتج هيـج شي احِس ..

من گال هيج احس گلبي صـار يخفُق وانفاسي صعدن وبسرعة زفرت نَفسي، رجعت التفتت للورد وجِنت حَيل فرحانـة بيهِن

غَيث
يلة تمشـين اوصلِج للبيت ؟

هَزيت راسـي بَ ايّ
هـوَ يمشي واني امشي ونسمـات الهوى تصد بوجوهنـا بلطُف

چنت لابسة ثوب أحمر، بس من أروح لبيت الشيخ أحب ألبس دشاديش واسعة، مثل ما تعودت من أيام أمي وشغلها، فَ جنت احب اختـار الاشياء الواسعة لان اني شخصية حيل شكاكة و اوهوِس واشتغل فَ لازم شي واسِع يكون اما بالبيت لا جنت البس تراكات عادي  ..

فَ من جِنة نروح للبالات، ما نشوفها سوگ ملابس قديمة للفقرة وبَس، لا بالعكِس جنت اشوفها نفس واحلى بعَد من المحلات و كل قطعة بيها إلها حچاية من عمر ثاني.

الدشاديش اللي يجيبوها بالات السوگ الي نروحلة أغلبها خليجية، أنيقة ونظيفة، وأني بدوري أزيدها نقاوة أغسلها زين، وأخليها يوم كامل بالشمس، حتى تتشبع دفئ ونظافة، قبل ما تلامس جسمي.

عُمري ما استنكفت من وكفتي على هاي المحلات، رُغم انظار الناس جانت ماترحم، ورُغم من انّي اجاوب ع احد يسالني لبسج منين واكِلة من البالات يبديلي ملامح القَرف اني ماجنت اهتم، لأن الثوب ما يحدد قيمة الإنسان، لكن الإنسان هو اللي يعطي الثوب قيمتة ..

مو كل شي جديد أغلى، ولا كل شي قديم أرخص مرات، أقدم الأشياء تكون أصدق، وتبقى وياك أطول فَ جنت حيل متصالحة وي ذآتي وما اتشلبة للعالي ولا اكول ليـش اني وحد عن البنات وما اشتري من محلات راقية

لان بكِل بساطة جنت اسمع حجاية امي من تگول
( يُمة كُل من يتمدد على گد غطا )
( الشاف قَصر النـاس خرب بيتة ؟ )
( لا تتشلبين للعالي بكِل شي باوعي للاعلى منج وغاري وصيري احسن منة إلا بالمستوى المادي والظروف لا تصعدين رگبتج وتنكسر، دائمًا باوعي للانزل منج حتى تحمدين ربج وتشكري مو تتذمريـن ع نقص النِعم العندجياهة )

لابـسة دراعتي او ثوبي الاحمَر وشامرة حجابي البيجي على متوني وبصفة انّي انظف دائمًا البس تشيرت وبجامة باردات جوة ملابسي حتى اخذ راحتي بالشغل بدون مـا اوهوس خاف يطلع مني شي

وعباتي لابستهـا هيچ بس حاطتها على راسي بدون مالبس الردايـن ولازمتها من صفحة وامشي هاي دومني هَيج البس العِبــآ

شفنـة من بعيد اكو سيارة اجت

غَيث
سِدي عِباتج رَحمة هذا الرجال اجة للحضيرة

مِن گال هجي صنت عليّ باوع بوجهي واشرلي بملامحة بمعنى شكـو
استحيت ودرت وجهي عنة، وسديتها وصرت ورا
مَر الرجـال وسلم عليّ واحنة كملنـا مَشي
رجع خطوة لورة كَ تعمُد مِن عندة حَتى يتماشى وي خطواتي
بـس جان بعيد عني

غَيث
رَحمـة مرتاحـة؟

رَحمة
مافهمت مغزة سؤالك بـ شنو مرتاحة بشغُل او بصورة عامة ؟

غَيث
لا بالشغِل مرتاحة؟

رَحمة
ايّ حيل مرتاحة وماعندي شي

باوعتلة يباوعلي واكـو بحلگة وبعيونة حجي
بس ليش مايحجي مادري
واني مو ذيج رَحمة التستدرجة بالحجي

احس من صـارت سالفة الحِلم لسة
اني ويا حاطين حاجِز ببين بعض
وحتى نظرات ما نباوع ونستخطيهِن
وجان الخجل ضارب اطنان بينـة

محَد حجة شي لحـد ما وصلناه فتح الباب وطبيـنة، محد يكعِد هيج وقت غَير سَبب غالبًا ما تكون كاعدة وجـاي تِسبح

طبيت للبيت گدامة، نزعت عباتي وعلكتها ورة باب المطبخ
بهـل اثنـاء هوَ طب، جنت واكفة كدام الباب فَ سويتلة مجال يطُب

قبل لا يروح للصالة كتلة
رَحمة
اسويلك گهوة وياي ؟

اندزرلي وهـز راسة بهدوء بالايجاب، انطيتة ابتسامة جانبيـة وحطيت الماي حَتى يفور اني متعودة دائمًا اشرب گهوة الصبح

البيت نَظيف يعني هُمة ميخلون اماعين لو اشياء جبيـرة بَس مع هذا لازم البيت يكون يلمع لمع دائِمًا موبس نَظيف

فتحت قُرآن بالبيت وبديت انظُف وبهل اثنـاء اجت سَبب جانت ستوها سابحة صبحنة على بعض واجتي يمي

صبيت گهوة الي والـها وگلاص لغَيث سالتها اذا شافتـة گلتلي صَعد ثواني وشفتة كدامي جـاي ينزل من الدرج بس الغريب جان بيدة كتب

اني وسَبب جنة واكفين ومنتجين عَ الكاونتر ونحجي بس جان بالي يمـة اريدة يتقرب واشوفهن شنـو

تقرب يمي حَيل وحسيتة ارتاح لوجود سَبب بيناتنة
انطتة غَيث الـ گهوة، حط الكتب عَ الكاونتر واخذهة و وكف مقابيلي

غَيث
اااا رَحمة

رفعت عيوني الة وكتلة
ايّ عيني

متعودة دائمًا ايّ احد يناديني ب اسمي ارد عليّ ب ايَ عيني
باوعلي وحسيتة اتلعثم لثواني، تحمحم وگال

غَيث
شنـو رئيج بذني الكتب ؟ جبتهن امس الي

انصدمت من گال هيج وباوعت لسَبب وبضحكة فطرية كتلة
مِن يمتـى تُقرة كتب انتَ ؟

غَيث
انريد نتثقف شنـو حرام

رَحمة
لا بالعكس الكتب حيل حلوة، تاخذك لعالم ثاني عالم خيالي وحِلو

ابتسم بوجهي رحت حَتى اشوف الكتب
- لا تحـزن
- الاب الغني والاب الفقير
- خواطِر
- عالـم صوفي

كلهن كتب مشهـورة وستوهن نازلات وكلِش جان بنفسي اشتريهن بس جنت منتظرة فترة علمّا يرخصن يلة اشتريهن

رَحمة
واو حيـل حلوات خصوصًا هذا الاب الغني والاب الفقير حَيل كالوا حلو شفت هيج سربوا شكم اقتباس مِنة للعرض جان حلو ابدي بي

غَيث
بس هذني انة جايبهن الج اخذيهن اقريهن ورجعيلياهن

من گال هيج هديتهن من ايدي وكتلة
رَحمة
لالا شكرًا اصلاً انة عندي كتب لسة مقاريتهن

غَيث
هـاي شبيج هسة اسمعيني

رَحمة
غيث لااا اني عبالي جايبهن الك
والله اني ماريد عندي كتب هَسة بس اكمل العندي اشتري

غَيث
رَحمـة شبيج انطيني مجال اسولف اخذي ذني الكتب اقريهن وانطيني كتب عندج مقررئات وبعدين نتبادل انة احب هجي ذني سوالفج الي تسويهن تخططين ومدري شني

سَبب
ايّ مابيهـا شي اكيد عندج كُتب مقررئة اطيهيا وانتِ اقري ذني ورجعيلهيا

باوعتلهُم بانزعاج واحس بداخلي ما مرتاحة
رَحمة
ايّ عادي غَيث اني انطيك كتبي واذا تريد من تكملهن انطينياهن واني انطيك مالاتي بس ماريد اخذهن هَسة

غَيث
هـاي شبيج رَحمة

رَحمة
لا والله ابد غَيث لا تحاول اصلاً

غَيث
انسد واهسي والله يلة براحتج

كال هَيج وجان مبين عليّ ضاج وخلة وطلع

سَبب
ايّ شجاج هسة منطيجياهن بـ بلاش تبادلوا بينكُم مابيها شي ترة

رَحمة
سّبب شبيج استحي والله اني ماقبل شنـو مشتريهن علمودي ماقبل،  خو اني اشتري

بديت اسوي الريوگ مالتهُم لان هذا وكت كعدتهُم
انتبهت من الشـباج غَيث كاعِد برة وحاط الكتب بحضنة

مادري ليش ذاكرتي اخذتني لما جان غيث مريض، عيونه تعبانة وصوته دايمًا عصبي، وشلون جان يتهرب من الناس، وشلـون جان يكضي اغلب وكتة وياي ويكون لازك بية وين متروح. 

هزيت راسي بخفة وكأني اطرد الذكريات، بَس گلبي ماگدر
وضليت اقارن غيث ذاك الوكت وغيث اللي كدامي  الاقوى والاهدئ والصـار مبتسم دائِمًا عكس قبل

قاطِعت افكـاري روآن وهيَ تصيح

روآن
ولـج رَحمة ويننننن طافنة الطاوة ثعولت

فزيت من صفنتي بسرعة لكيت الزيت محترگ والطاوة مثعولة صدِك

رَحمة
اااااه والله مادري شلـون هيجي سرحت شوية

باوعت روآن لاِتجاه غَيث وباوعتلي بضحكة وكالت

روآن
هااااا

رَحمة
انجبي روآن سهيت هيج وحدي

روآن
خوش صدكتج صدكتج
بس تدرين شنو ما الومج من جنت صغيرة هم جنت حاطة عيني على غَيث على كد ماجان حلوووو هاي من جنـة صغار كلِش انوبّ انة بصغري بوللة على كولت مروان ههههههههههه وغَيث مينجرع وكححح صرنا بس نتلاطم وين ما تلكين غَيث وروان معناهة اكو عركة بالطريق

رَحمة
ولج لااوالله موهجي، مجرد صفنت انُ الحمدلله صار زين

كامت تضحك وحسبالهـا غَير شي وتشاقة

روآن
هسة انة اردفهم غَيث جان ٢٤ ساعة لازك بيج شو هسة حتى حجاية ميحجي وياج شنو سالفة غير افتهم بس اعتقد والله اعتقد واحساسي مايخيب غَيث رايدج

رَحمة
ترة لا روآن اني وغَيث مابينة شي مُجرد ساعدتة وانتهت السالفة مُستحيل اكو هيج شي متوهمة انتِ اصلاً

روآن
نشوف

رَحمة
والله لا ليش تخليني احلف مُستحيل كتلج

روآن
هسة انتِ ليش انفعلتي هجي

رَحمة
ماكوشي روآن خل اكمِل

روآن
موضوجين مني رَحمة حبابة اذا متحبين افتح هجي موضوع وياج مافتحة بعَد

رَحمة
لا روآن ماضجت بس - تنهدت -
مادري بَس حبابة عوفي خل اكمِل

روآن
خل اساعدج

رَحمة
لااااا ماعندي شي روحي اكعِدي

روآن
دروحي بكيفج هيَ

ضلت تساعدني مع انّي ما اقبل بس هيَ ابدًا ماترضى سواء هيَ او سَبب وحتى سيوف

مع انُ روان ماتشتغل ابد ومبينة مدللة وبعمرها ماعرفت شنو شغل، بس من تشوفني كاعد اشتغل ابد ماتعوفني وَحدي

اما سيوف متدخل بالشغُل ابدًا، اكثر شي تسوي چايات لان هُمة حيل يحبون الچاي ومُدمنين عليّ و٢٤ ساعة يردون چاي، وهيَ صغيرة وفاهية بنفس الوكت ومتعرف تشتغل فَ اكثر شي ذابين عليها الچايات فَ هم من احد من الولد يريد چاي واكوم اني هيَ متقبل ابدًا

وترتني روآن بكلامهـا حَيل، مستحيل اتخيل هذا الشي يصير اولاً واخرًا اني مريضة واذا اني تحملت وتقبلت نفسي غيري ماراح يتحمل وما مضطر يتحمل، خصوصًا بيت الشيخ جبُر ابد ما اتقبل فكرة اكون جنة عدهُم بالنهاية همة مستواهم غير واني غير

صح همة حبابين وناس متواضعين لابعد حَد بس سالفة خدامة عدهم وتصير جنة الهم لا اني اتقبلها ولا همة يتقبلوهـا

كملنـا الريوگ كِلة وحطيناهن بصواني، همة بعادتهم كلهم يكعدون الصبح تقريبًا ماعدا سيوف تتاخر بالكعدة

الريوگ اجباري اني اكعِد وياهم وباكثر من مرة اتشرد او اروح وارفض الشيخ مايقبل ابد وإلا اكعِد يمهم يلة يقبل

اني اشتغل من الساعة ب ٦ ونص او ب٧ لحد الساعة بـ ١ اكمل غداهم والماعين واروح للعصر لل ٤/٥ اجيهم

كملِت بيومهـا التنظيف وجنت كلش تعبـانة راحت روآن حَتى تشوف منو ياخذني من الولد

روآن بهاي الفترة جانت حيل مُقربة بنسبة الي، روآن بطبيعتها تبين مغرورة ومتكبرة ومتنطاق وحتى كلامها معلگ مرات وهيَ بنية مدللة بالبيت فَ ماتهتم لاي احد وتبين هي قوية مع هذا اليعاشرها ويطب بعمق بشخصيتها يشوف بداخلها بنية حساسة وطيوبة وعفوية حيل

اجت روآن كلتلي غَيث راح يجي ياخذج هزيتلها راسي بالايجاب وطلعت انتظرة بـرة شفتة طلع وبيـدة الكتب نفسها فتح الباب وطلع السيـارة وكالي يلا، ركبت ورة كالعادة وضليت ساكتة وعيني عَ الطريق وهوَ يمشي علكيف شوية واجاني صوتـة وهوَ يناديني

غَيث
رَحمـة

رَحمة
هـا ؟

غَيث
هذا الكتاب الي جنتي تحجيليا مال الدكتور

رَحمة
محمَد صادق شبي

غَيث
اريدة ما اكدر استعيرة منج؟

رَحمة
اكيد اني مكملتة اصلاً

غَيث
هاهيّ جا خوش اخذة منج وانتِ اخذي واحد من ذني
انة ماحب اقرة شي فارغ احب اشوف تدوينات واشياء والله
هَسة شبيج

باوعتلة من المراية يباوعلي ويحجي ويـاي

غَيث
شنو تستنكفين عمي ترة هوَ كتاب واحنة اهل مابينـة هسوالف
عاد لا تصيرين هجي رَحمة

رَحمة
اذا جـان هالشي انتَ تحبة فَ تمام

ابتسملي بالمراية مـال السيارة درت وجهي حَدما وصلنة لبيتنة رحت بسرعة جبتلة الكتاب واجيت

فتح جامـة السيارة وابتسم انطيتهيا
وانطاني الكتاب بنفس الوقت
تبـادلنا بالكُتب بهدوء وابتسامة ورحت، انتظرني حَدما اطب يلا راح

جنت جايبة ويـاي اكِل مرت الشيخ متخليني اطلع ابد الا اخذ وياي ماعون لامي وكلتها وغسلتلها ونظفت بيتنـا وكعدت متحمسة اقرة الكتاب اخذني الوكت لحد الساعة بـ ٤:٣٠

كمت بسرعة سبحت وبدلت
وطلعت، و اول ماطلعت انصدمت بوجود امير كبالي

نزل الجامة من شافني وگال

امير
خوش صلبتوني صلبة انتِ وغَيث

رَحمة
يا عليمن مزَحم نفسك هاي وينها اتمشاهة

امير
لا شني سالفة يمعودة دصعدي اصعدي

صعدت بالسيـارة وكتلة

رَحمة
امير والله ماكو داعي تزحم نفسك جان اجيت وحدي

امير
صح محد يطب لكاعنا وامان بس ميخالف كِلشي يصير فَ انتِ افضل لا ترحين وحدج ولا ترجعين وحدج احنة موجودين وماعدنة شي
غَيث من اليوم بدة بالشغُل

رَحمة
ايّ الحمدلله خوش قرار خلي شوية يغير جـو

امير
زَعيم سلمة واحد من المحلات ف اليوم كلة اطلع وياي اعلمك على الاسعار وشي علما السنة الجاية ان شاء الله يرجع يباشر بـدوامة فَ هو وداني الج واكفلج من ٤ بس ماعدي رقمج اخابرج والبنات ما يردن نايمات

انطيتـة رقمي هم كال خاف شو شيصيـر اني جان عندي بس رقم زَعيم هو انطانيا كال كلشي يصيـر
رحت للبيت ومضـة الوكِت سَريع
وبرجعة رجعني غَيث

مضت الايام هيج بيـن بيت الشيخ وبيـن امي وعلاجهـا وبهاي الفترة جانت امي حالتها مستقرة وجنت حَيل فرحانة بيهة

اما غَيث ف جان الهدوء سائد بيناتنة وماكو مواقف هـواي تجمعنة وهوَ حيل تغير من كل النواحي وكل الي بالبيت صاروا يحجون بالتغير الي تغيرة، صلاتة جانت بوكتها ومُستحيل يفوتة فرض وكلها يصليها بالجامع وجان يكعِد الولد واحد واحد لصلاة الفجر وياخذهم ويا

حَتى الي بالبيت جانو يكولون انُ جان قبِل حتى قبل لا يتمرض مثل نار مولعة، ردود أفعاله سريعة، صوته عالي، وعصبيته تبين بعينه قبل لسانه،  ومتهور ومستعجِل لابعد حّد، بس بنفس الوقت جان مُتفهم وسبورت بس هذا مايمنعة ايّ شي صغير يجره للهجوم.

بس هسه الكل صار يحجي بتغيّرة، وشلون صار مثل الماي الساكن، حركاته أهدأ، نظرته طويلة وبيها راحة، وابتسامته تطلع بهدوء وكأن قلبه أخيرًا ارتاح

بـ ايام الوليمَة بمُناسبة طلعة سجاد وسلامة غَيث
رُغم اصوات الضحك واللمة،  بس كلبي جنت احسة مقبوض ومجنت خايفة وبَس، لا جان عندي احساس ثكيل وجنت اتخيل نفس الظِل يمشي بالبيت، ماجنت ادري شكو بس فجأة اشتميت ريحت موت حاولِت اشغِل نفسي وانسى، واشتغُل بس ماجنت اكدر وكِل ما التفت اشوفة واحس بنفس القشعريرة ونفس الريحة وكانُ الوقت يحسب عد تنازلي لشخص ما

بوكتها ضَليت ساكتـة وبالعة الغَصة الي بية وجان بالي يم امي كِل شوي واخابرها، اني ماشايفة ابـو شَمس ابد لان ماكعد يمهم استحي فَ دائمًا اكمل شغلي قبل لايجون للصالة ومن اكمِل كبل اطلع

باليـوم الي رادوا يطلعون بي جنت اسوي جـاي وسمعتهم يردون يطلعون وما جنت اكدر اطلع فَ ضليت بمكاني بس لفيت نفسي زين بحجابي

ف انطيت ظهري للطباخ وهمة اجـوا يردون يطلعون
فَ بهل اثنـاء سلم علية

حَسنين
شلونج بوية

التفت ووديت عليّ السلام
باوعتلة ونزيت واني اشوف اكو ظلال اسود جـاي يفتر ورا
وهوَ اساسًا ماطول بس كال شلونج بوية واجتِ شَمس سلمت علية وراحـوا واني اباوع ورة واشوف الظلال يمشي ورا ويلاحكة

بهل اثنـاء سمعت صوت غَيث وهوَ يكلي شبيـج رَحمة

رَحمة
لا مابية شي بس احس نفسي تعبانة شوي

تقرب من يمي وگال وهوَ يباوعلي بقلق

غَيث
خومـا بيج شي رَحمة ترحين ترتاحين

هزيت راسي بـ ايّ واني احس كوة افتح عيوني من الصدمة كلي يلة خل اخذج بسرعة لبست عباتي وصعدت بسيـارة

افكاري ورا بيـن انُ اكول واتفشل بين انُ اسكت وماحجي شي بس اكو شي غَريب

غَيث
رحمة شبيج ليش جاي تتنفسين بصعوبة !

هَزيت راسي بـ لا وكتلة
مابية شي بس بسرعة وصلني خايفة على امي حباب

اول ماوصلنـة نزلت واتجاهلت خوف غَيث الجان واضح عليّ
اول مانزلت اتطمنت على امي وكعدت بحدي افكر بالموقف الي صـار ضليت اوهم بروحي وحاولت امسح الموقف من راسي

ما مرت ساعة علما سبحت وكملت إلا واشوف رسالة مِن روآن وهيَ تكلي عمي مآت

جان إحساسي ساعتها مثل الصدمة الي ما تهز الجسد بس، لا جان مثل الصدمة الي تهز روحك من جوة هَز . ما انتابني بس حزن، جان مزيج غريب وكانهُ خوف يتسلل بعروگي

ووجع حاد بصدري و كأنه أحد ضغط على گلبي بإيده. تأكدت وقتها إن الإحساس اللي حسّيتة أول مرة بزَينب مو وهم، وإن اني بية هالشي الي اكدر اشوف او احِس بالموت قبل ما يصير.

شعور ثگيل، وكأنه سر مظلم انكشف الية غصب، سر ما طلبته ولا تمنّيت اعرفـة، وكل مرة اذكرة، احس روحي تنكُمش من الخوف ..

كلش تأديت عليّ وعلى شمس خصوصًا وبيومها ضليت الوم بروحي لو كايلة الهُم جان يجوز ما خلوا يروح ومـا مات بس بعدين طبطبت روآن وسَبب هم علية وكللي هذا الشي مكتوب الـة وهوَ فعلاً جان هيج

من اول يوم بلشت الفاتحة انة رحت غبشت و اخذت امي وياي لان جنت ادري راح اطول وما أمن عليها وحدهي، فَ عفتها يم النـسوان واني جنت اشتغل، وخطية البنات جانن متأثرات هواي على موتت عمهن قفَ اغلب الشغل انذب علينا اني وسَبب

فَ بيومها اني جنت اغسل اماعين بالمطبخ وسّبب تنظف بالصالة كملت ونشفت الكاونتـر، احس ب بوخة موطبيعية رغم الدنيـا باردة غسلت وجهي باوعتلة صاير احمَر من حرارة الطباخ، نشفتة وعدلت حجابي و وكفت ع الكاونتر اشرب ماي وصافنة

شفت باب المطبخ انفتح ضليت واكفة عـادي بَس انصدمت انُ طب واحد غير الولد عندة شوارب بدون لحَية ولابس دشداشة وشامـر العگال على متنة يشبه الولِد نفس الدم عرفتة ابـن محسِن العازِل

باوعلي وصفن لثواني وگال

مُصطفى
السلام عليكم بس اذا تكدرين تصيحيلي وحدة من البنات

جان شايل بيـدة صينية جاي عرفتة ماعرفني اخذت الصينية منة وكتلة

رَحمة
شجم واحد اصب خوية

باوعلي بـ استغراب وگال
مُصطفى
شني انتِ من بناتنة شو ماعرفج؟

اباوعلة يباوعلي بتمعُن وبنظرات جريئة
بحيث حاط عيونة بنُص عيوني ويحجي
بعدني ماجاوبتـة
بهل اثناء طَبت تبـارك

اشرلهـا علية وگال منـو

تبارك
الخدامة

مُصطفى
تعـاي صبيلنة جاي تبارك

تبارك
جا هيَ المن موجودة عشتو

مُصطفى
مووو اجيج ولج تبارررررك

گالت وخلت وراحت وهوَ عاط وراهة بعَصبية
باوعتلة بهدوء وكتلة

رَحمة
ماكو داعي عـادي

اخذت الصينية من عندة ورحِت غسلت الستكاين اباوعلة سَد الباب وضل واكف ويباوعلي، ربكتني نظراتـة وقيدني بـ وجودة

صَبيت الجـاي واجيت جاي انطيهيا
باوعلي بنطرات إعجاب وگال

مُصطفى
انتِ شسمج؟

انفتح الباب شفت غَيث طب، مُصطفى ضل منتظر اجابة مني ويباوعلي

رَحمة
اسمي رَحمة

كتلة هيج وخليت وسويت نَفسي امسح بالكاونتر

غَيث
شني سالفة مُصطفى تاخرت

مُصطفى
يلة خوية رايح رايح

سمعت الباب انسدت عبالي راحوا انداريت لكيت غَيث اجة بصوبي وجـان معصب

غَيث بنبرة هامِسة وعصبية
ليش اطيتي اسمج

اتوترت من شفتـة هيجي يحجي وبنفس الوكت استغربت
رَحمة
كلي شسمـج شكلة يعني ؟

غَيث
ايّ ادري گلِج شسمج وانتِ كتيلة رَحمة
بس انة اشوف مالة داعي لكِل هذا واصلاً المفروض منج من تشوفينة تخلين وترحين و وحدة من البنات تجي تتفاهم ويا

رَحمة
غَيث ترة اني هذا شغلي المن جايبيني جـا

من كتلة هيج عصب اكثر ملامحة اتخربطت و صوتة صار اكثر عَصبية

غَيث
لا تخليني اجيب شغلج هَسة هنا
اصلاً شغلج هذا كِلة غلط بغلط
و وجودج هنانة اكبررر غلط

باوعتلة واني مصدومة على عَصبيتة بوجهي بس الاكثر صدمة جان كلامة، جنت اباوعلة وبـ بداخلي اكول شبي

عيوني دمعن على صيحتة ما متعودة احد يصيح بوجهي ابد ضليت اباوع لعيونة اكو شرارات حُمر صارن بال بياض مال العين مالتـة دنكت وجهي بهدوء وكتلـة

رَحمة
اذا هلكد نافر وجودي هنـا فَ ماراح اضل

كلت هيج وردت اطب لجوة سبقني بـ مشية وصار كدامي بسرعة واني دموعي صـارن ينزلن بهدوء

غَيث
رَحمة والله موقصدي بـس ...
بس ماريدج تحجين وي ايّ احد
ماحس، مادري شلون اوصفلج بَس ماحس اكووو داعي تحجين وي رجال ب ايّ موضوع حتى لو جان عابر انتِ شي استثنائي ونظيف ماخاف منج بس اخاف من النـاس واخاف عليج هواي

يجوز راح تنصدميـن بكلامي وما تعرفين غايتة شني
بس غايتي وحدة والله

كلامة عِبارة عن استفامات بالنسبة الي وماكدرت افسر ولا حجاية من الي حِجاهة اسمعة اخذ نَفس وگال بصوت هادي

غَيث
ارفعي وجهج رَحمة عاينيلي

مسحت دموعي ورفعِت وجهي صوبة وكتلة بصوت مخنوگ

رَحمة
شنو مُبرر الي صـار وليش صيحت بوجهي هجي !

باوع لوجهي لثواني ورجعت دنگ وگال

غَيث
غايتي شريفة والله
انة رايدج رَحمة، الي مو لغيري
- بدة يغير صوتـة ويصير صوتة عَصبي وهامِس -
وما اسمَح لأيّ احد يحجي ويـاج حَتى لو بالشقة
حَتى لو ولدنـا او ايّ ان جان

واصلاً تدرين شني ؟
والا اكِلج مو وكتها احنة بعِزة هسة مومال هاي سوالِف بس المُهم تفتهمين نيتي وغايتي وياج وبعدين النة حجي ثاني ..

رَحمة رجاءً من تشوفين واحد اجـة روحي لا تضلين هنانة، بناتنة موجودات وهنّ يحجن وي ولد عمهن لو اتطلب الوضِع بس انتِ مالج دخل بالموضوع الله يخليج

جِنت واگفة اسمع كلامة، وكل كلمة منه تثگِل وتخنك صدري ازيد. هو يحجي بحرارة، بصوت مخنوگ بين العصبية والهمس، واني اعرِف كِلش زين شنو يقصد

بس گلبي مستحيل يتحرك ولا ينجذِب للي گالة، بالنهاية اني خدامة ببيتهم، مو من عالمه ولا مستواه، وحتى گبل من جنت اكون ويـا بهدف اساعدة بَس وبعمري ما فكرت اصير جزء من حياتة وما نظرتلة غير بنظرة شخص محتاجني ولازم اساعدة ..

إحساسي جان خليط بين الحرج والخوف خوف من لهجته المقيّدة والصارمة، ومن إصراره اللي ما يخلي مجال للرفض، وحرج لأني اعرف مكاني واعرف الحدود اللي لازم ما اتجاوزها.

كلما جان يكمِل كلامة، جنت احس المسافة بينة تكبر برغم قربنـا الجسدي، وكأن الجدار بين عالمين مختلفين ارتفع كدامي فجأة، واني محبوسة وياه بالمشهد بس روحي تتمنى لو تبتعد .

بلعمت مِن الخـوف وجنت اريد انطق دخلوا امير وعلي للمطبخ

علي
تؤتؤتؤ اخ ياحسَن يابوية وعلي بندِت بودي بـس اصعد انام

دار وجهة غَيث الهم واني درت وجهي حَتى اخفي اثار دموعي المتبقية

غَيث
هذا مصطفى الجلب شعندة طاب هنانـة؟؟؟؟

حجة بعصبية وهوَ يروح يم الولد ويحجي وياهم

علي
خاب انتَ شمالك الاخر تخبلت شني بيت غريب وهوَ مني هنانة حتى لايطب

عفتهم ورحِت بسرعة گلبي جـان ينبض بخوف وجسمي بي رعشة بسيطة بس خلخلتني تخلخل، طَبيت لغرفة سَبب بدون محد يدري وضليت افكر بيني وبين نفسي

ياربي اني شلـون ما حِسبت حساب لهسالفة
شلـون ما ظنيت انُ غَيث يباوعلي بهجي نظرات
بس هوَ ولا حسسني !
مِن يـوم الـ تشافة لحد هسة هوَ متلافيني
ونظرات قليلة بالصدفة تجمع بينة
زَين شلون هيج؟

مسحت بوجهي بتوتر وكلت بصوت مسموع
مُستحيل رحمة مُستحيل
لا تخلينـة يعيش على هيج آمال
اني وين وهوَ وين

غَيث تستاهلة احسن بنية
خوما اني وبهاگي !

رفعت ايدي واني اشوف البهاگ وعيوني انملن بالدموع
ياربي دخيلك اتمنى يكون مُجرد اعجاب وحُب عابر ينسي بسرعة

رحت لامي للصـالة سئلني البنات شبيج كتلهن مُجرد تعب
كللي وجهج اصفـر ولونج مخطوف ضليت اتحجج الهم
وكملت تنظيف الي موجود بس بگلبي خوف جبيـر

انفضت النـاس وطبوا الولد بهل اثناء كمنة اني وامـي

زَعيم
يلة غَيث وصلهم

غَيث
ايّ انة كايم

رَحمة
ماكو داعي لا تتعذب نروح وحدنـا

غَيث
شني سالفة

طلعت اني وامـي وغيث كالعادة نظراتة ماتجي تجاهي ومرات من اكون ساهية اباوع يباوعلي وبنظرات سريـعة

وصلنـة للبيت نزلت بيومهـا وجنت حَيل مشوشة وغارگة بـ تفكيراتي وكلت مجرد ما يحجي وياي مرة ثانية اصارحة برفضي وما اخلي يتأمل
اليوم الثاني بدلت وكملت وطلعت لكيتة واكف كِدامي كالعادة ..

هَل مرة عكِس كِل مرة ماتلكيتة بـ صباح الخير وابتسامة
باوعت الـة وراسًا كتلة

رَحمة
ترة ماكو داعي اندل الطَريق

ابتسم ابتسامة جانبية وضل ساكِت، هدوئة وبرودة راح يموتني يمشي بهدوء واني امشي
كِل ساعة اريد اتحمس واحجي ويـا طك بطك
بس اهدي نَفسي بالگوة لمن اشوفـة ساكِت

وصلت للبيت والكِل جان كاعد الزلم كلهم برة يضلون بديوان منا لمن تخلص فاتحة النسوان والعصِر تبلش فاتحة الزلِم

ضليت حدما كَفيناه قراية النسـوان ضل گلبي يم امـي وگلتلهن اروح بسرعة اجيبهة واجي

باوعت مِن الجامـة محد موجود بالطارمـا غَير عمي حَسن
حسيتها فرصة مناسبة لبست عِبآتي وطلعت

رَحمة
ها عمي الله يساعدك

حَسن
هلا هلا بوية رَحيمة
ها شني ويـن

رَحمة
والله عمي رايحة اجيب امي واجي ماكدر اخليها وحدها

حَسن
اي بوية لابآس لابآس عفية عليج اصبري خل اندهلج واحد من الويلاد ياخذج

رَحمة
لاااا عمي ماريد والله انة رايحـة وحدي

حَسن
عمي شمالج تستحين منة
من اهل البيت انتِ بوية
ونفس ما مانرضة على بناتنا ما نرضى عليج

رَحمة
الله يسلمك عمي والله انتوا هم بحساب اهلي واكثر الله شاهِد علية

جاي نحجي انة ويـا لاحظت طلع من باب الديـوان مُصطفى وجان لابس ملابس عسكرية و ورا طلع امير
باوعلي مُصطفى وابتسم دنگت وجهي بسرعة

حَسن
ها ولك مصيطف تعـال اخذ اخيتك رَحمة لبويتهُم انتظرها تجيب امها وتعالوا

امـير
لا عمي مُصطفى تعبان ستوة جاي يريد يروح يبدل ومدري شني انة اخذهـا

مُصطفى
لا خوية عليش طالع انة بطريقي اعوفها بـ بيتهم واروحن ابدل واجي عليها

امير
ماعندي شي مُصطفى انة اخذها

قاطعة عمي حَسن وهوَ يكِلة

حَسن
عمي ميت حاجة عدنة خل مصطفى ياخذهة هَسة وانتوا يلة جهزوا نفسكم حتى تعدلون الكراسي شي هم يلة الناس بـ ٣ تجينة

اتقرب من يمي وگال بهمِس
مُصطفى
يـلة نروح

مشة كدامي مشيت ورا فتح الباب امير الة بَس امير جان يباوعلي وما مرتاح، معقولة غَيث حاجيلة شي ؟

طلعنـة من البيت وصـار يمشي بسيارة، عدل المراية وخلاها علية وعيونـة كب ما ارفع عيوني بالغلط الكاهن علية

اباوعلـة طلع من طَريق غلط وكانما جاي يدور حول البستان واحنة غالبًا نمشي گُبل ونوب على الايد اليسرة بيتنـا موجود يعني صاير وراهم تقريبًا

رَحمة
ااا بس خوية ترة الطَريق غلط

ضحگ بصوت رجولي وضحگة قليلة وهادية وگال
مُصطفى
متعمِد ردت اسمع صوتـچ

باوعت لعيونة بالمراية بصَدمة، نظراتة مال ذولة الي يحبون يشوفون الخوف بوجوه البنـات ويتلذلذون بي مُباشرتًا كتلة بعصبية

رَحمة
نزلني

عقج وجهة وباوعلي بـ استغراب
مُصطفى
ترة راح نوصل

رَحمة
جاااي اكلك نزلني بسرعة ليش افتح الباب وانزل

وكف السيـارة
فتحت الباب ، السيارة بعدها مقفولة

مُصطفى
يمعودة شبيـج والله حبيت اتلاطف وياج

رَحمة
تتلاطف وياي شنو اعرفك تعرفني وتتلاطف ويـاي افتح الباب جاي اكلك خلي انزل ليش تصير موحلوة

اندارلي وهوَ يباوعلي بنظرات كِلهة اعجاب، صارت ابتسامة جانبية على شفتة وگال

مُصطفى
هـاي اول مرة وحدة هجي تتصرف وياي، المشكلة جاي تخليني انعجب بيـج اكثر

يباوعلي بنظرات جريئة وتمعن بكل تفاصيل وجهي

رَحمة
تـرة انتَ صدِك ما تستحي !!! جاي اكلك افتح السيـارة

اندار بهدوء وكمل سوق و ولا كانهُ احجي ويـا
رَحمة
انتَ صدِك تحجي ترة والله قلة ادب هـاي، ليش تخليني ادوس بالحجي جاي اكلك نزلني شجـاااااك ..

ولا اهتم لكلامي ونظراتة وابتسامتة مالية وِجهة ملي، سرع سياقتة و وصلنـة فتح السيـارة وگال بـ بمكُر

مُصطفى
وهسة يحلـوة تكدرين تنزلين، فَد نص ساعة وجاي عليج ..

رَحمة
شكد متستحي مرة ثانية لتتجرأ وتسوي هيج !!

اندارلي بعَصبية وگال بصوت عالي

مُصطفى
هـاااااا هوبج هوبج لا تشوفيني اطيتج عين معناهة تاكليني وتشربيني ترة انة مارضة احجي وياي بـ أدب واحترم وبعدين وين ترديني انزلج بنص الشارع الدنيا الظهرية فوگ ماصايرلج سايق من يا وكت انة اركب نسوان بالورة

رَحمة
والله ما دگيت على ايدك وگتلك جيبني انتَ الاجيت برضاتك

باوعتلة بغضب ونزلت طلع راسـة من جامة وگال

مُصطفى
فَد نص ساعـة واجيج

رَحمة
لتجي ماراح تلگاني

كلت هجي وخليت وطبيت للبيَت واني مفورة من الـ عصبية
يعني والله شكد عشت وياهم بالبيت ما شفت واحد نفس جرئتة
الولد كلهم من يحجون وياي ميركزون زايد ويغضون ابصارهم بشكل
وياخذوني الطريق كِلة ساكتين روحة رجعة
إلا هذا نفس صلافة اختـة

لكيت امي گاعدة تصلي رحت بوستهـا وكتلها يـلة بدلي خل نروح
ملابس سود ماجانن عندي بس دشداشة وحدة سودة ف رحت غسلتها والله ينطي العافـية لزَعيم جايبلنة غسالة زينة فَ جففتها بسرعة ورجعت عليهـا

واني بالحمام سمعت صوت الموبايل يرن
كملت وطلعت باوعت رقم رديت

غَيث
رَحمة انتِ وين اطلعيلي بسرعة

صوتـة جان معصب حَيل قلقت وكتلة

رَحمة
شكو غَيث ؟ شبيك !

غَيث
اني برة رَحمة اطلعي بسرعة

رَحمة
جايتك

نشفت شعري بـسرعة ومشطتة ع سريع، شعري لحد ركبتي قَصير فَ ما اخذ وكت مني ولبست حجابي وعباتي وطلعت

لكيتـة واگف لابس تراك بيت اسود وشعرة ملولو كالعادة ويباوع بنظرات عَصبية اول ماشافني اجة تقدم يمي

رَحمة بهمِس
خوفتني شبيك

خفت لا صايرلة شي لو راجعتلة حالتة العَصبية

غَيث
هذا قندرة مُصطفى ليش تصعدين ويـا مو لحد امس انة نبهتج ما تصعديـن وياااا ابددد !! رَحمة شنو تردين تغثيني وعلى عنادي لو شنو بالضبط ؟؟؟

رَحمة
هاي شييك غَيث صدِك تحجي ليش على اعنادك مثلاً شنو اني معاديتك واريد اضوجك؟ السالفة ومابيهـا ردت اطلع وعمي حَسن شافني كلي خل ياخذج هوَ ها اها !!

غَيث
حاجاج شي بسيارة؟؟؟

من گلي هَيج صفنت بوجهة

غَيث
يعني محاجيج؟؟؟ احجي ترة مُصطفى واعرفة !!!!!

خفِت من عصبيتة ورأسًا كتلة

رَحمة
لااا ما حجة ولاشي

غَيث
جا ليش صفنتي

رَحمة
صافنة عليك ليش هيج عصبي مجرد وصلني وهاهي حالة حالكُم يعني وهم مرة ثاني ماراح اجي ويا اصلاً

غَيث
حالة حالكم شنو رَحمة!!!
رَحمة لا تچفصين بالحجي ترة تچفصين بكلبي من تسوين هجي
ممنوع تصعدين وي ايَ احد غريب عداي انة والولد غيرنا لا تصعدين وياهم انتِ ماتعرفين العالم شني ما شني وهذا خو ابن عمي ونفس اخوي وعلاقتنة انة ومُصطفى مو يوم ولا ثنين اكثر من الاخوة بس انة اعرف شني طينتة فَ ماريدج تحتكين بي ابددد يطب منا اطلعي منا يروح يمنة روحي يسرة

اخذِت نفس وفكرت بـ تصرفات مُصطفى وكتلة بهدوء

رَحمة
صـار غَيث بس اهدئ ماكو داعي تضوج هلگد

دار وجهة واخذ نفس ومسح وجهة واندار وگال

غَيث
جنت اجيب غراضنـا من الموكب ولمن سئلت عليج وكالي عمي حَسن مُصطفى اخذج والله مادري شصار بية وراسي كام يسوي الف تفسير وتحليل

رَحمة
مادري شنو هل قِلة ثقة بيـة، بَس غيث اني مو من هنوع !

غَيث
انة اعرفج انتِ شني بس ماعرف الناس هيَ شني
انتِ ملاك ابيض نظيف ماريدج تتوصخين بـ خُبث البشر
اريدج تضلين هجي ترة البشر وصخين نَفس !

سمعت صوت امي وهوَ تنادي علية گلي غَيث يلة خل اخذجن قبل لا يجون الناس، طلعتها وطلعنـة ركبت امي واجيت جاي اركب شفت سيـارة مُصطفى من بعيد جاية

غَيث بعصبية
يلة رَحمة اصعدي شبيـج

هذا شبي غَيث معقولة يغار لهل درجة؟
ركبت بالسيـارة وضل هوَ ما صعد مدري شحاجا واجة صعَد

جاي بسيارة سُراج، وسيارة سُراج مو مُضللة صار بصفنة مُصطفى وباوعلي بنظرة خاطفة وتحرك وراح بـسرعة

التفت علية غَيث وهوَ معصُب درت وجهي بسرعة للجامة
ياربي هذا شبي صدك مخبل شلون يباوعلي هَيج شكد صلِف
ونوب غَيث مخبل اكثر شـو
مشة بسيارة بسرعة البرق وسيـارة سُراج سريعة راد يخطف كلبنة

صـار كدام مُصطفى حجيت عليّ

رَحمة
غيث امي ويانا شجاك

غَيث
اعتذر خالة والله راح بالي بعيد

عيونة ونظراتة بالمراية ورة مُصطفى السالفة ماتبشر بخير ابد
لِلحظة انتابني شعور حلو، معقولة غَيث يغار علية لهل درجة؟
زين هوَ صدِك يحبني ؟

يحبني ايّ والدليل انُ هوَ ماصار يباوعلي مثل قبِل وصدفة اشوفة يباوعلي نفس قبِل

للحظة وحدة ابتسمت بعدها راحت كِل ابتسامتي واني اوخر رداني واشوف البهاگ الي بـ ايدي تنهدت وفتحولنة الباب ونزلنة

طبينـة لجوة ومضة الوكت، لحد الليل شفت الولد كِلهة طبت حَتى ياكلون جوة جانوا تعبانين ومنطين عشة للناس تتعشة واجـوا

علي
رَحمة بروح ابوج ايّ شي زايد اطينيا اكلة

رَحمة
لا عليش هسة اصُبلك انتظرتي

زَعيم
ايّ والله يرحم ابـوج حيل جوعانين
خل سَبب تجي تساعدج وينها

رَحمة
سَبب جاي تصلي اني اصبلكُم ماعندي شي

كعدوا علي وزَعيم وامير بالگاع صبيتلهم اكِل وانطيتهم
رحت للمجمدة جاي اجيبلهم ماي اجة مُصطفى

باوعتلة وترددت اروح
باوعلي بنظرة جانبية

زَعيم
يلا اكعد ويانة

باوعلي بنظرة عابرة وكالة
ايّ وعلي جوعان

باوعلي امير واكفة متحيرة بالمطبخ البارد الجوة اجاني

امير
اطينيـا وطبي لا يجي غَيث ويتخبل علينة

انطيتة المـاي وانفتح الباب طبوا غَيث و سجاد
باوعلي غَيث وخرني، خزرة بيهـا عصبية ونار تحرگ قبل لا توصل حجي

رأسًا طبيت وعفتهُم لحـد الليل رحنة اخذنـة هوَ وجان الجو هدوء لا حجي ولا ايَ شي

اول ماطبيت اطيت امي علاجها و غسلت دشداشتي لباجر وشريتهـا ولبست تراك الوان 

من بعَد يوم طويل مليان شغل احب اعتني بنفسي هواي وباقل التكاليف من بعَد ما سبحت حطيت ماي عَ النـار فورتة وحطيت ويا خّل وليمون وخليت رجلية بي لنُص ساعة لمن حسيتهن صدك تنظفن بهاي الاثناء جنت حاطة تمن عَ نار مفورتة لشعري طلعت ودگيتة بالمدگة لان ماعدنة خلاط وخليتة على شعري لمدة نص ساعة هماتين، اني شعري طويل حَيل جان بس گصيتة من اجينـة لهنانة لحد رگبتي كِلش احب هذا الطول وهم ماكدر اعتني بي يحتاجلة وكت جبير واني مايمي
كملت شعري ورجعت سبحت مَرة ثانية سبحة طويلة حررتني من كِل الالم الي بجسمي مـال رگضة اليوم

طلعت من الحمام نشفت شعري ورطبت وجهي وشعري بزيت جوز الهند  اجيبة من العطار ب ٥ يضل يمي فوك الشهَر، بهل اثناء سويت گهوة اخذتها وطلعت يم الشباج المطل عَ الحديقة اقرة واشرب گهوة

شويـة وسمعت صوت موبايلي يرن اشعارات كمت جبتة واجيت لكيت غَيث مراسلني عَ الواتساب، انصدمت شعندة بهـذا الوكت مراسل

فتحت المُحادثة وشفت رسالة

غَيث آل جبُر
- السلام عليكُم رَحمة، اذا مابيها مَجال باجر ضروري نحجي بـ مكان لوحدنة، ماعتقد هذا وكت مُناسب، بس اكو اشياء الظاهر ما لازم يفوتلها وكِت فَ اذا تكدريـن تطلعين من وكت حَتى نسولف اقل النص ساعة وبعدها براحتج
يُتبععععع ....
القُصة راح تصيـر الكُم اكثر حماس انتظروا بَس ..

____________________

شَمس

مِن شفت الصور اخترعت وشهگت بصدمة!!!

حَطيت ايدي على گلبي من هول الصور، احِس جسمي كِلة رجف حتى كتابة كمت ماعرف شكتب

كلبي مايتحمل فقد وروحي بعَد ما تطيق فراگ احد
مُباشرتًا دگيت عليّ

رنة ثنين رد

شَمس
محمّد شنووووو هاي شبيك

جان يحجي بصـوت خافت، وكوة تطلع الكلمة من عندة

محمَد
شمس كِلشي صاير ضدي، اهلي، وروحي واهلج والناس كلها احس بعد ماطيق شي واريد بَس اموت

من گال هيج خبلني ضليت ابجي واحجي ويا

شَمس
محمَد صدُك تحجي الله عليك لااااا الله عليك روح بسرعة ايدك محمّد

محمَد
ماعندي شي يسوى اضل شَمس حتى انتِ رحتي حتى انتِ

شَمس
محمَد لا تكول هيجي بنتك منو الها الله يخليك

محمَد
الها ابوي لا تخافين
بس اني خسرتج شمس اني واحد غبي وما افتهم وخسرتج بسبب طيشي و بعد ماكو فرصة حتى اصلح الي صـار ماكو فرصة اااااخ

كال هيج و صـاح اخ بتألُم احس خبلني كمت ابجي حَيل واتوسل بي يكوم

شَمس
حباب محمَد كووووم محمَد لا تسوي هيج الله عليك
ا اني يمك اني يمك محمَد بس كوووم

محمَد
كولي والله شَمس اذا كلتيلي اضل يمك راح اقتنع انُ اكو سبب يسوة اعيش حياتي علمودة يلة كولي شَمس كولي

كـال هيج ونهاية كلامة جان صوتة يصيـر ناصي اكثر

المشهد جـان مرعب وجسمي كلة صار يرجف من الداسمعة من اهات و صوتة اليرجف وكوة يطلع
ماجان بـ بالي شي غير انقذة من الي هوَ بي وما اخلي يموت ورة بابا

شَمس
اي صدكني وياك محمَد صدكني بس كوم

محمَد
شَمس احبج والله احبج وندمان ندمان على كل شي صار

شَمس
ميخالف محمَد ميخالف بس كوم

محمَد
اااااخ كايم

كال هيج والموبايل انفصل رجعت للصور و جسمي رجف من المنظر مسحت المحادثة بسرعة وصرت اندعي مـا يصير بي شَي

غرفة البنات اخر شي ونت كُلش ضعيف هناكَ ضليت كاعدة ساعتين وفصل كلت خلي اطلع بالحمام الي بَرة اطُب واشوف بس تجي اشعارات وارجع
حطيت شـال على راسي وطلعت من الغرفة

جنت لابسة تراكي مال النوم وردي وشالي حاطتة علية ومطمنة محد يصعَد هيج وقت، طبيت للحمام اجاني انترنت من طلعت بصالة باوعت ماكو ولا اشعار من محمَد، وخرت الحظر عنة بالتليجرام وراسلتة هم ماكو خابرتة ماكو اتصال

الافكار السوداوية تجمعن براسي وخفت لا يكون صايرلة شي ومن دون وعي ضليت بس ابجي فَزيت على صوت الباب وهوَ يندگ

بلعمت ومسحت مُحادثة محمَد بسرعة وسديت الموبايل، غسلت وجهي وطلعت باوعت سُراج يدك بالباب بس شافني انصدم باوعلي بقلق بالبداية، بس ماطول هذا القلق لحظات إلا وهوَ عاقِج وجهة ومعصب لمن شاف الموبايل بـ ايدي

سُراج
شجـاي تسوين هنانة !!

شَمس
مالي خُلكك سُراج وخر عني

جـان واكف كدام الباب مال الحمام مسنتر جسمة بالنُص وهوَ طويل حيل وضخم فـ سادة سد، بَس بالطرف جان اكو مجال شوية دحست روحي وبسرعة فلتت، كلبي يرجف وما انكر خوفي من عندة

بس عبرت من يمة بسرعة حَط ايدة كدامي ع الحايط وصـار مطوقني، مِن جهة ايدة ومِن جهة جسمة، فجأة اجاني اشعـار صوت رسالة تليجرام، خفت وتوترت حَيل وجنت بس اريد اروح من عندة وخرت من ايدة ورحت بسرعة للجهة الثانيـة

لزمني من ايدي بسرعة، دايرة وجهي واحجي بتوتر
سُراج عوفني شبيـك

جرني الة بسرعة ايدة حـارة ونظراتة ترعب باوعتلة وبلعمت من الخوف، حاولت اطمُث خوفي ومـا ابينة كُلش وكتلة بنبرة غاضِبة

شَمس
داكُلك وخر عني شبيك انتَ لازم ايدي !!

سُراج
اسسس ولا نَفس اسمعة منج، تعـااااي بسرعة

كال هيج وهوَ يجرني واني احاول اوخرة واحجي بهمس خوف من احَد يسمعني صرت احاوِل اخرمش ايدة حَتى يعوفني هذا مجنون اذا شاف محمَد مراسلني يكتلني رسمي !!

دار وجهة بعَصبية وصرخ بوجهي بعصبية قاتمة
سُراج
لج شَمسسس

طببني بسرعة للغرفـة وسَد الباب وقفلة
باوعت لايدة وهيَ تقفل الباب برعُب ورجعت باوعتلة برعُب

شَمس
سُراج والله انتَ مخبلل مووووو صاحي جاااي اكلك هدني شبيك متفتهم شكوووو مطببني بغرفتك والله اذا اكول لجدو عليك الا يلعب بيك طوبَة

سد باب الغرفة وقفلها وهدني ومَد ايدة الية

سُراج
انطيني موبايلج

حَطيت موبايلي وراي وجاوبتة واني احاول اخفي تلعثُمي
شَمس
ماررريد ليش انطيك موبايلي

غمض عيونـة و صَك على اسنانة بعصبية وصـار يحجي بطريقة تخوف
سُراج
شعندج بنص الليل بالحمام وليش مو بحمام البنات البنص الغرفة ومنين اكوووو واحد يطب للحمام ومطبب موبايلة ويـا !!!

اتلعثمت وتحمحمت وحاولت اجاوبة بقوة
شَمس
ااا ماحب اطب للحمام مال البنات يخنگ احب اطلع بهذا الحمام

قاطعني وهوَ يصيح
سُراج
والموبايل شنوووووو؟؟؟

من صاح بوجهي هيج احس گلبي كام يخفق حَيل، كوة واكفة وكوة داحجي ما عندي مجال اتأخر بالكلام سُراج ذكي ويباوع لكل ملامحي بتدقيق
شَمس
ااا مو انُ اخاف من الظلمة خاف تطفي الكهرباء كذا

قاطعني وهوَ يمد ايدة لورة ظهري ويريد ياخذ الموبايل

سُراج
دجيبي جيبي كااااافي تسطير جذب من وجهج مبينة الجذبة

وخرت عنة بسرعة وكتلة

شَمس
داكُلك مابي شي مابي ليش مُصر تطلعني عندي شي

اجاني بسرعة يرگض وهوَ يعيط

سُراج
ولج شَمس لا تخليني هسة ابتلي بيج ماجاي العب ويااااااج تعاي

ركضت بسرعة منة وهوَ اجة وراي
صار وراي لزمني من ورة بسرعة وصـار يتلاوة وياي حَتى ياخذ الموبايل

صرت ابجي من الخوف وبنفس الوكت معصبة واكلة
عوفني عووووووفني سُراج والله ماعندي شي

اخذ الموبايل بعصبية مني وجبرني احط اصبعي عَ البصمة حتى ينفتح

دكيت رجلي بقهَر وكعدت عَ الجرباية واني جسمي كلة يررررجف

شَمس
الله ياخذك سُراج اكرهك اكرررهك

ضليت مدنگة راسي وحاطة ادية على وجهي وابجي وهوَ ما مهتم
بال ٣ دقايق هوَ يكلب واني ابجي اخر شي شمر الموبايل عَ الجرباية

سُراج
اخذي ويلة اطلعي وخل اشوفج مرة ثانيـة هجي تعاندين والله ياشَمس تشوفين وجهي الثاني

برد گلبي انُ محمَد ما مراسل
كمت وكفت كدامـة وادية ترجف حيل وابجي واحجي والهث

شَمس
بعد اذا سويتت هل تصرُف وياية والله رأسًا اروح واكول لجدو عليك

كتلة هيج وصـارت ضحكة خفيفة على وِجهة
وكإنما استهزائية على كلامي

سُراج
هه هيَ هاي نتيجة الدلال

اخذت موبايلي وداروح وصلت للباب حَسيت رجلية ثگلن، من يوم ما صار عندي انهيار عَصبي لهذا اليوم ايّ عصبية امر بيها تصير تشنُجات بكل جسمي من رجلي وتصعد لفوگ واحس رجلية بصعوبة اوكف عليهِن، ضليت لازمة قفل الباب و واگفة

غمضت عيوني واريد اقوي نَفسي ما اريد اضعف يمة ابـد
حَسيتة صار على جانبي ومد ايدة ديفتحلي الباب حَسبالة ماكدرت

بهل اثناء حَسيت صار تشنُج برجلي ماكدرت اوكف بعَد وكعت على ركَبي حيل وصحت آخ

راسي صـار عَ الباب وكمت اصيح من الالم

سمعت صوتة من وراي وهوَ ينادي
سُراج
شَمس شبيج

وخرت بسرعة راسي من الباب واريد امد رجلية احس التشنُج صار نفس الطلقات وتضرب برجلي

شَمس
اخ رجلية صار بيهن تشنُج

باوع بملل عبالة تشنُجع عادي كعد كدامي وگال
سُراج
مِدي رجليج هسة تروح

شَمس
مو تشنُج عاددددي من يوم الانهيار العصبي صار وياي
وخررر عن وجهي كُلة من وراك

سُراج
لسانج شلوننن بي شلونن يمتى تگضبي مادري تعاااي كومي عَ الجرباية لا كِلة يتشنج

شَمس
وخررر عني ماريدك لتطُخني

سُراج
هه لتطُخني، خوش حجايات ذني
جـان عفتج انتِ وألمج هنانة بس انة مو ظالم

حط ادي على ركبي والايد الثاني ورة رُگبتي وشالني حَيل

شَمس
داكُلك عووووووفني شبيككك منو سمحلك تشلني

حط عينة بعيوني وگال بعَصبية

سُراج
ولج استچني شهل صلافة هااااي مالتج انة سامِع بنات بغداد ترفـآت شهل عنفنة مالتج

شَمس
اتعلم من ابن عَمي الهَمجي

هز براسة وگال استغفرالله، خلاني عَ جرباية تمددت وصرت احاول امسد على رجلية، الالم ما ينطاق وكل ساعة يصير بمكان

فتَح الـ باب وطلع مدري ويـن ضليت اسب واغلظ عليّ بيني وبين نفسي

شّمس
اخ الله ياخدة من ورا من وراا

طب للغُرفة وهوَ يصيح

سُراج
دردمي دردمي وصلتي لجدي ال سابِع عشر بالغلط متاكد
والله يَ شمس على فد يوم واعيط بيج عيطة اخليج تبطلين هل طفولية هـاي

باوعتلة بغضب وسكتت، بيدة كلاص مي وحباية قدمهن الي وگال
هاج

شَمس
شنـو هاي حباية شنو

سُراج
قابل اريد اسمج شبيج انتِ اخذيها خل تخُف التشنُجات

اخذت الحباية مِنة وشربتها الالم صار ما ينطاق
واكف كدامي وكاتف ادي ويباوعلي

سُراج
اكتفي اديج هجي بهاي الطريقة ومرغيهن يلة

شَمس
ماريد هيج دامرغ عادي

سُراج
يعني شنـو عود انة صيدلانية وافهم منك ترة انة اعرف منج كتلج سوي هجي شبيج تعاندين

بعدة جاي يحجي وصـار تشنُج ب ايدي صحت اخ وكمت اتلوة من الالم

سُراج
شو وخري

تقرب وكعَد على طرف الجرباية وصـار يمرغلي بطريقة دقيقة رجلية بس الالم غلبني وضليت كُل شوية انتر برجلي عَنة

شَمس
اه سُراج عوفني والله رجلي حيل دتأذيني

سُراج
ميخالف لا تنتريها بس انطيني نفسج شبيج

وخرت رجلي من حسيتة وصل يم تشنُج صاح علية

سُراج
ليش تخليني اعيططط بيج حطي رجلج واسكتي

رجعت رجلي وكتلة بتذمُر
يـووووه الله يساعِد زَينب شلون جانت متحملتك

من كتلة هيج رفع راسة الية وعاف رجلية، انتبه للجرباية انوب شاف مكاني، اتذكرت كلام روآن من تكول ميخلي احد يطبالها حتى لايروح عُطرها وحسيتة هَسة حس على نفسة

ردت اكـوم استوقفني وهو يلزم رجلي مَرة ثانية

سُراج
ضلي خل اكملج

شَمس
بَس

سُراج
بدون بَس شَمس

سكتت بس ملامحـة مبينة انزعجت حَيل مرغلي رجلية وادية احس خفن بشكل ملحوظ

شَمس
ااا هاهيّ شكرًا

سُراج
اذا رجعنلج التنُشجات تعاي انطيج مُسكن

كمت بسرعة وكلت بيني وبين نفسي
مخبلة اجيك

سُراج
ولـج شَمسسس

يبوووو على شَمس هذاااا شمدري بيـة اريد افهم، طلعت بسرعة من الغرفة وكُبل رحت لغرفتنـا جيكت الخاص محمّد ماراد علية

ماكو مشاعر واضحة ومشاعر حُب يمي تجاه محمَد بس بنفس الوقت ماكدر انكُر انُ اني خفت ساعتها عليّ هـواي ومشاعري تلخبطت لدرجة نسيت كُل شي سوا وتذكرت انُ هذا محمَدي ديموت وبسببي

ضليت كاعدة بالصالة مال الغرفة ومنتطرتة بلكي يرد
تقريبًا بـ الـ ٥ رد علية

دز صورة الة بالمُستشفى ولايدة شلون مخيطة وكاتب
محمَد
ستوني اجيت شَمس
عيونج ما فارگني لحظة وحدة
على طول ما خيطوني انة بالي يمج واهلوس بـ اسمج
حَتى الطبيب گال منو شَمس واخوي يكلة بنتة
مايدرون هاي انتِ

من گال هَيج دموعي نزلن وضليت ساكتة
شويـة ورجع كتب

محمَد
مادري ليش صار كل هذا ويانة بس الادري بي انُ انة كبل جنت حقير وهسة انة عاشق الج بكل مابية، لا نومتي نومة ولا حياتي حياة و٢٤ ساعة اهلوس بيج، حتى من بعد ما اخذتني دورية ابن عمج للسجن واحتار شيسوي بيـة كمت احبج اكثر

ماكدر ابعد روحي عنج شَمس، والله انة احبج وحيل هم انطيني فُرصة خليني اتغير علمودج والله راح احارب الدنيـا كلها واوكف بوجه الكِل علمودج

لا اهلج ولا اولاد عمج ذولة يكدرون يوكفون بطريقي
انة رايدج شَمس ومتمسك بيج لدرجة ما تتخيليها
يعني انة هَسة ماعندي استعداد اخسر حياتي علمودج والله

شَمس
محمَد انتَ صدُك تحجـي انتَ متزوج محمَد وعندك بنية وابنك جاي بالطريق وغير هذا كُلة اهلك مُستحيل يرضون بية تحب اذكرك امك شسوت بية من شافتني ؟

وفوك كُل شي حقارتك وياي، شلون تريدني تريدني ارجع اسامحك واثق بيك وانتَ بيوم من الايام هددتني شلوننن!!

محمَد
ولج شمس هسة عوفج من اهلي عوفج منهم بس كليلي تعرفين انُ اخلااق محمَد هجي؟ محمَد هاي الاعيبة وسوالفة؟ بس كليلي الله عليج انة متربي على هجي سوالف كليلي لا تسكتين شَمس لا تسكتين

احجي ولج والله من سويت هسالفة من حقدي وغيرتي عليج من امير خصوصًا وخفت لا اخسرج كمت ماعرف جني واحد يهمش يريد بس يلكالة طَريق

شَمس وحق الله وحقققق هاي الصبحية احبج شلون افهمج شلوننن

شَمس
محمَد اني ماكمت اثق بيك ومُستحيل تكدر ترجعلي ثقتي بيك مُستحيل

محمَد
ماعليج اني الي ارجعهة والله اني، ياما غيرنا مروا بنفس الشي وبعدين رجعوا وصارت سوالف واني راح اثبتلج حبي من جديد بس لا تعوفيني شَمس الله يخليج لا تعوفيني ..

جانب بية خايـف مِن محمَد وجانِب بية خايف مِن سُراج وردة فعلة وجانِب بية ينبُض رُغم كُل شي

جنت قاسية بالكلام ويـا ومانطيتة مجال ابد بَس هوَ جان مُصر على قرارة، نمت وكعدت ثاني يوم بالـ ١٠ تقريبًا كلت لبيبي اريد اروح اشتـري ملابس فَ كلتلي العصر وشوفي منو ياخذكم

كَعدت شويـة اني والبنات نسولف اجة سُراج من الدوام خليت وكمت صعدت للغرفة

كعدت اكلب بموبايلي بصور بابا واتحسر على ايامنة سوة
شويـة وندك الباب عرفت واحد من الولد حَطيت شال ع راسي وطلعت

لكيت سُراج واكف وبيدة شيت حَب

سُراج
هـاي تاخذين يومية بعَد العشاء حباية لمُدة اسبوع كامل بدون انقطاع

ما انتظرني احجي شَي بسرعة خلة وراج

يالله شكدددد غَثيثثثثثث

سُراج
بعد عليها محَد سمع

شَمس بصوت عالي
غَثيثثثث غَثيثثثثثثث

سُراج
مووووو اجيجج

خليت وطبيت للغرفة وسديت الباب يغُث بشكِل موطبيعي
راسلني محمَد جان يحرمص بكلامة واني ضالة اسلكلة لان من بعَد اخر موقف سوى صرت مستحيل اكدر اتقبلة بس بنفس الوقت احس اخاف عليّ وخايفة شلون اتصرف ويا وارفضة بطريقة يتفهمها

صارت الساعة بـ ٤ ونص كمت سبحت وكملت ونزلت جوة لكيتهُم الكل كاعدين ومنهم سُراج

اشرلي جدو اجي يمة اكعُد باسني وضل يسئلني شلوني

صالحة
شيخ شمسة تريد تروح تشتري هدوم ماعدها اسود خطية

جبُر
صدك جذِب شطالبة هيَ خليها هَسة واحد من الولد ياخذها

شَمس
جدو نروح اني وسيوف وروآن نريد

علي ماجان موجود وغّيث وسجاد بشغل وزَعيم صار مسودن ورة ما راحت سَبب ومانشوفة بالسنة حسنة وبَس سُراج وامير بالبيّت كاعدين

امير
سُراج عندة دوام بصدلية فَ اكيد محد راح يتحملجن غيري يلة كومن بدلن خل اخذجن انة

فرحت انُ امير راح ياخذنة مو سُراج احس ارتاحيت نفسيًااااا
بعدني ما كايمة من يم جدو اريد اصعّد ابدل صاح سُراج

سُراج
من هسة اكلِج مو تطلعين بـدون عباية وتفضحينة رايحين مكان عاممم

شَمس
انتَ شدخلك بية البس ما البس ماعليك

سُراج
هم كالت ماعليك هم كالت ماعليك

حَسن
ولك سريج شعليك بـ بت عميمك انتَ ؟؟؟؟
امشي انطر لشغلك وماعليك بنـاس

سُراج
والله العظيم ماتطلع بدون عباية هم كولوا من الباب للباب ؟؟؟

شَمس
ترة والله عجيب عندي جدي وعمامي هُمة يحاسبوني انتَ ما مسموحلة تدخل ابددد بية

سُراج
لا والله واخلي عرضي تايه والناس تتفرح عليّ هجي هي سهلة
هنانة مو بغدادددد ترة مو بغداد

جبُر
سراج كافي بويـة كافي بسكم مناگر، نگرة نگرة نگرة شني ولكم زعاطيط انتوا
بوية شّمس البسي عِبا مايصيـر ترضين واحد يحجيلة حجاية موحلوة بحقي انة جدج ؟

قلبت عيوني بتملمُل تجاه سراج وكتلة
شَمس
تمام جدو هاي علمودك مو علمود احد ثاني

سُراج
جنها طفلة بس تزاود

امير
هسة هيَ طفلة صير انتَ احسن منها وكبر عقلك واسكت شبيكم سُراج شَمس كافي

طلع سُراج وبيبي ضلت تعيدلي نفس الكلمات

صالحة
بيبي ماريدج تتوهدنين وي هذا المسودن
ولج خبل خبل

جبُر
لا شني خبل بنيت عمة ويغار عليها والما يغار مو ازلمة

صالحة
يمة يَ شمسة يبعد روحي روحج مايصير
ابن عمج شيال همج هذا
ليش يكلج بة تكليلة نة
يكلج يمنرة تمليلة يسرة
يكلج اسود تكليلة ابيض
مايصير ي يمة مايصير

شَمس
بيبي، جدو هو لو يحجي ب اسلوب حلو والله ماكلة شي بس هوَ بس ينتر بالحجي حسبالك خدامة عندة

حَسن
انة اربي الج بوية خيولي ماعليج بي لا تزعلين علمودة الخايس
اخذني عمو وباس راسي باوعتلة بـ ابتسامة وكتلة

الله لا يحرمني منك ولا من حنانك، عمـو حَسن حنين لدرجة موطبيعية ويشبه بابا بكلشي حتى بالشكل ومن بعد بابا جان اكثر واحد متأثر من بعد جدي وبيبي

رحت بدلت بسرعة روآن انطتني العباية مال زينب الي ذاك اليـوم هوَ جابلياهة مانطاني كلبي البسها وكلت لمن اروح اشتريلي عباية احسلي

نزلت ولكيت بس عمامي و جدو وبيبي كاعديـن بيبي ضلت تتغزل بيـة وجدي ضل يحجيلي ب انُ العباية سِتر المرة وماكو احسَن منها ولازم نقتدي بستر السيدة زينب والستِر زينة المرأة ومادري شنو

انطانـي ٢٠٠ الف وكلي اشتري الي يعجبج وعمامي حَسن وحسين انطوني عَ ١٠٠، ١٠٠ كتلهُم ماريد وماحتاج هلكد بس هُمة جانوا مُصرين

وانطوا للبنات فلوس كل وحدة اخذت من ابوها وطلعنـا
انصدمت بوجود سُراج واكف ويحجي وي امير

باوعلي وكانما جاي يتفحصني اتقدمنة الهم وجدي كالة

جبُر
ها ارتاح كلبك

ضَحك سُراج حسيتها ابتسامة نصُر انغاضيت حيَل وجان ودي انزعها واطلع بس ماكدر .

جبُر
بوية خاف يحتاجن شي جملهن من يمك  ومن تجي انة انطيك
تدري بعَد نسوان

امير
لاصدك جذب يدللن اميرات البيَت

اخذنة امير تقريبًا بـ ٥ ضلينة لحد الساعة ب ٨ احنة نفتر وللامانة امير جان حَيل لذيذ بالطلعة وما تأفف دقيقة وحدة وجنة كل احنة نكول الحمدلله هوَ اجة ويانة لان لو ايّ واحد من الولد يطلع روحنة ب يلا ما يلا

اشتريت اغلب اللبس دشاديش واخذتلي شكم تراك للبيت، كملنا ورجعنـا للبيت وي رجعَة سُراج للبيت

ساعتها جنت ميتة من التعَب بحيث اني والبنات نزلنة من سيارة كُبل للصالة ع تبريد وعفنة العلاليك وكُل شي احتاروا بيهن سُراج و امير ينزلون بيهِن

روآن جابت مَلابس لسَبب ورَحمة هماتين
اخذتهن وكل وحدة بينـة اخذت غراضها

همة جانوا ستوهُم مادين سفرة الاكل واحنة ماكلين اساسًا بالطلعـة امير اشترالنة بالسيارة فَ ماكلنة جنت كاعدة وفجأة رن موبايلي

باوعت محمَد سويتة صامت ورفعت راسي سُراج لازم اللُگمة ويباوعلي
يـاربي شكَد شكاك هذا ماراح يعوفني براحتي والله وراي وراي احسَن شي انهي علاقتي بمحمَد وشيريد يسوي خل يسوي بنهاية ماريد افقد ثقة الولد من بعَد ماحجوا وياي وهم ماريد السالفة توصل لجدو وبيبيتي

سويت روحي كاعدة وطبيعي وعفت الموبايل شويـة وسويت نَفسي اريد اصعَد اسوي ملابسي وصعدت ع الدرج باوعت لموبايلي مراسلني كومـة ومخابرني بعَد اكثر

اني قبل لا اطلع جان يحجي وياي كتلة أريد اروح اشتري ملابس كلي منو ياخذكم كتلة ابن عمي وخلي ورحِت

اباوع للرسائل بيهن عَصبية وغيرة موطبيعية، هاي منوو منهم ومزوج لو لا وشلـون وشَمس لا تحجين ويا ومدري شنـو

جاي اكلب برسائل وستوني صعدت انتبهت سُراج صـار وراي
يُتبعععع ......

__________________

روآن

مروآن
وانة اخر كِلمة كلتها الج كبل لاعلي يفتح الباب لمن جنة كدام بيت اهلج شني؟

روآن
قصتنا انتهت گبل لا تبدي ..

مروآن
وجنت اتمنى بصراحة الظروف تكون احسَن بس الـ ظروف جانت اكبر بس انة اكتشفت شي انُ اليوم الي يريد شي لازم يضحي وانة بنسبة الي جاي اليوم مو أطلب رضا أحد جاي أطلب ترجعلي مرتي، وأثبتلكم إنّه مروان ما يفرّط بالذهب، حتى لو بنِص النار
فَ انتوا اهلها وكلمتكم اولى
ورايد اسمعكُم انة ..

جبُر
الشور شور ابـوها واخوانها وشورها هيَ اكيد ..

حَسن
والله يابويـة الله بكتابة يكول الطلاگ حلال بس عند الضرورة، و الحديث النبوي يكول ( ابغض الحلال عند الله الطلاق )  واحنة بعَد بمُجتمعنا العشايري ما ماشية عدنة هاي سالفة

احنة ما ننطي البت حَتى نطلگها، بس انة انطيت بتي وبتي صغيرة بتي كِلها ١٧ سنة وانة ماعندي روآن شي عادي عندياهة جوهرة من بين بنياتي كِلهن فَ من رجعتلي بتي مطگوكة ومضروبة ولاعبين بيها ما لاعبين وما سمعت منهم سمعت من ناس انة وكفت عندي

بنهاية احنة بيت جبر والنة اسمنـة واخوانهة ذولة الثنين يسدون عين الشمس وكلها تعرفهم، من يحجيلهم واحد من ربوعهُم لو يوصل حجي للناس وهمة يسمعون شتسوالهم هاي

شني مكطمين ناقصين اختهم ناقصة عليهم وهجي يفرطون بيهـا، فَ هذا الحجي مايصير واذا تردون الحقيقة انة رافض رجعوها ومارايد الغلط يتكرر مرة ثانية

انتَ تضل ابنة والنعم منك واذا تريد تقوي العلاقة مدري شني هذا الشي ما يأثر بس مع هذا بتي ماترجع تعيش وياكُم

من گال هَيج رفعت راسي اباوع لمروآن گاعد على اعصابة وهوَ يسمع كلام ابوي وعيونه مشدودة مثل خيط متمدد على وشك ينگظع، نظراته حادة تثقب الجو، وحاجبه معگود، حتى أنفاسه صارت ثگيلة وتحسها محبوسة بين سنونة.

مروآن
عَمي بالنهاية الفـآت مآت واحنة ولد اليوم، وبيتها راح ينعزل الها وحدهي فوگ ومحد يمسها لا بحجاية ولا بفعل

علي
من رخصة جدي وابوي وعمي و ولد عمي
بس يا مروآن مَرة الك ما يمنة وهذا خصم الكلام ..

مروآن
علي بربك انتَ لو تحجي كلام مفاهم لو لا تحجي احسَن لان مالي خِلك و نفس يتحمل كلام

علي
والله ياخوية هذااا الي عندي ووهذا اخر كلام النة وكا احنة متفقين عليّ وبعدين انتَ لا تنسى انتَ رجال عمرك ٣٤ سنة شجابك لبت ال ١٧ سنة ماتكلي ؟

مروآن بعصبية
العُمر ماعليّ ليش تجيب منا تحط منا انتَ اذا ماتعرف تحجي فَ لا تحجي احسنلك

كام علي بهل اثنـاء من مكانة واطلق مطر غيمتة واخيرًا
علي
اكلك انتَ مو جاي بنص بيتي وتريد تهيني شني اجيب منا احط منا احترم نَفسك احسن

جبُر
علي اكعدددد

مروآن
يعني انتَ جايبني هنـانة حتى تهيني لو شني بالضبُط ارد فهم ؟

كام جَدي وابوي وعمي يحجون على علي حتى يكعد، كعد مرة ثانية بس على اعصابة ومروان جان اكثر معصب

علي
بوية راح احجي ب مفاهم انة اول شي البت انتَ اكبر منهار ب ١٧ سنة لا هنا ولا هنا ثاني شي انتَ عندك ثنين نسوان الله ميشيلهن وحتى ماتكول انتَ جاي تحجي على عرضي ومدري شني انة هم ازيدك من شعر بيت روآن هم الله ميشيلها وماتسكت عن اليآذيها فَ احنة ياخوية ما مجبورين نخوض هيج معارك وهاي دنيا كِلشي يصير بيها وغيرة النسوان تكتِل كتِل وتسوي ماتسوي تهد بيوت الله وكيلكم فَ من الاخير لا وهاهيّ..

مرت دحام
والله يايمة انتوا حقكم وانت اخيها وتحبها ومن تحجي تحجي من خوفك عليها

علي
حجية الله وكيلج انة عندي روآن بعِز النفس هذا الاتنفسة هاي هيَ كدامج واسئليها ما نكللها على عينـج حاجب، فَ انة واكفة وياي هواي امور وانة ارفض هذا الشي

مروآن
هذا الشي راجع لحياتها وهيَ تقرر يعني مثلاً اذا هيَ قررت وكالت ايّ وهيَ على ذمتي انة انتَ راح يصيرلك دخل وتدخل ؟؟؟

علي
حَتى لو كالت ايّ هم راح اكول انة لا، وانة اخوها واكبر منها واعرف مصلحتهـا ازيد منكم

اشرلي حَتى اكوم بـسرعة
كمت واني خانگتني العَبرة

سمعت صوت مروآن وهوَ يوگفني

مروآن
اوكفي روآن

حَسن
روحي بوية، تفاهمك ويانة مروآن

درت وجهي وباوعتلة بنظرة اخيرة، اهلي خلاص قافليـن وانصدمت اصلاً بتضامن سُراج و ابوية وعلي ثلاثتهُم مبينين كاعديـن ومتفقين سوة وبدون ما ياخذون رآيي حَتى

ضليت واگفة ورة المُضيف واسمع حجيهُم والدموع متكومة بعيوني

حَسن
بوية الي عدنـة حجيناه احنة فماكو داعي تسألها ولاشي

سُراج
وهم يعني ياريت تستعجل ب امور الطلاگ وهاهي تفاككو خوما تضل معلگة هجي

مرت دحآم
عوفوا الموضوع هسة ي يمة وانتوا واحنة هسة خاطرنا مكسور وصوابنا بعَدنة ماهو طيب، خل يهدة الوضع والنة حجي ثاني ان شاء الله

مروآن
صدگوني انة ماريد اسويهـا غير شي وياكُم وإلا انة هسة كادر كِل شي اسوي الماتتخيلوا هم بس بنفس الوكت انة رايدها بَ التي هيَ احسن وماناوي افرط بروآن
هَسة عوفوا الموضوع هذا نفس ماكالت الحجية
وبعديـن نحجي بَي ان شاء الله

علي
هيَ شبيها سالفة مخصومة

مروآن
لا ماكو شي مخصوم النـة حجي ثاني ان شاء الله وانة جاهز لكل شي شتردون انة حاضر رد اعتبار، مشية وخطوبة ورة السَنة الي يعجبكم انة راح اسوي ان شاء الله

صفنت على تفاهُم مروآن احسة مغصوب يتعامل هجي انة اعرف مروآن شكد خشمة يابس وما يتفاهم سَد الموضوع وهوَ يگول

مروآن
صيحولنة بـت المرحومة خل بيبيتي تشوفها هيَ جاية حتى تشوفها هماتين

من سمعت هجي رحِت بسرعة وجنت متوترة وخايفة وبنفس الوكت احس روحي ضايعة ومعلگة

راح سُراج يصيح شَمس ماتقبل تنزل كال الهُم مريضة ونايمة همة هم خلـوا وراحـوا

اجو كلهم كعدوا بالصالـة وجَدي جان يمدح بمروآن

جبُر
والله يعمي ولا ذاكَ مروآن ال دحام الي نعرفة
متزن ومطول خِلگة ويانة لابعد حد

صالحة
والله الرجال خوش رجال حتى حجية ثگيل ورزن

علي
يمة شو اسكتي لا يغرج الله وكيلج هذا انة ما اصدك بي منا لهنا

حَسن
لا بوية والله من رجع عاد سالفة من بعَد ما احنة رفضنة كبر بعينة وبين النة هوَ صدِك شـاري مرتة

جبُر
انة اريد اسمع من روينة نفسها روآن تعـاي اكعدي يمي بوية تعـاي

سوالي مجـال يمة حَتى اجي اكعد يمة، كعدت يمـة وسئلني

جبُر
جدي احجي الحقيقة انتِ الج نفِس برجلج بعَد لو لالة؟

من گال هجي صفنت وماجنت اعرف شجاوب

صالحة
اي يا يمة احجي حَتى نعرف شنحجي احنة من بعدج

حَسن
احجي بويـة كولي الي تحسينة صحيح

عيوني غورگن بالدموع واحس نفسي واگعة بورطة جبيرة، بيَن كلام مروان وتعبيرة عن حُبة وعِشگة الي وبين الاشياء الي حجاهن علي الي هنّ صحيحات وبين اهلي

مادري شحچي ضليت ساكتة وعيوني مدمعـة

علي
تعـاي روآن تعاي

اخذ بـ ايدي علي وكومني

جبُر
هسة هذا المشلوش غير يخلينة نحجي ولك انتَ شبيك الله مخبلك شبيك

علي
جدي عوفوا البت وانطوني عطوة شوية
خلني اعرف اتصرف
انة قابل اذا كالت اريدة اوكف بوجهة

دار وجهة واخذني وراح وهوَ يباوعلي ويهمس بعصبية

علي
موبس اوكف بوجهج واكسر راسج وعلي

صعدنـة بسرعة لغرفتة سد الباب واجة كعد كدامي
دموعي مباشرة نزلت

روان
علي والله تعبتوني كافي شتريد مني

مسح دموعي بـ اديّ وكابل وجهي وگال وهوَ حاضن وجهي ب اديّ
علي
لبوتي انة شرايـد منج بربج؟
انة اوكف بوجه سعادتج انتِ شتكولين هسة جاي اريد اسئلج سؤال جاوبيني عليّ بصراحة، تتوقعين انة اوكف بوجه سعادتج؟

هزيت راسـي بـ لا

علي
هاهيّ بوية ثقي بية وامشي وراي، رونة انتِ بعدج ١٧ سنة

من گال هيج صحت بي وانة ابجي

روآن
١٨ شلزكتوا بالـ ١٧ ولو حقكم اكو واحد يدري بـ عيد ميلادي اكو واحد عبرني خو انتَ محتار بالموصل وبَس يا رايح يا جاي متعرفنة وين ماوين هاي بعدك ماعرست عود

ضحگ وگال

علي
يابوية من عمتتتت عيوني كون اذا انسـاج هيَ الگلب وانتِ العيون والواحد لا يستغني عن الگلب ولا عن العيون وهدية ميلادج باجر توصلج بس وربج ضغوطات دنيا فوگ راسي

هسة عوفج من هتمسلِت واسمعيني يابعد روحي
بربج رونة انكتل ابنها الاول عافتج لو طلعتج انتِ السَبب ؟؟
ولعبت فلك بيج من ورة هشي

هَزيت راسي بـ ايّ

علي
يابعد عيني عينج جبتيها جا شلون تردين تعاملج من انكتل ابنها الثاني

روآن
بس انة مالي عِلاقة ضرغام الي كتلة علي !

علي
جا من سجاد كتل عباس انتِ شلج علاقة ؟
بس همة عقلهم هجي بدائي الله وكيلج
وياريت تضل بس عليها ونسكت
نكول لابُد من تسكت الله يهديها شو شني
بس ذني العرمـات شلون بيهن الثنين نسوانة؟

روآن
انة اسميهن المعفنات

علي
ايّ وشني تتوقعين لو عشتي وياهن تعيشين براحة لو شني ؟
لو عبالج مثلاً مروان يقشمرج بجم حجاية وراح يسويهن ويحميج منهن

الله وكيلج مروان ٢٤ ساعة فواتح وعزيات وطلعـات وضال هجي يجوز تشوفينة بالسنة حَسنة وشمدري شصار ماصار

واذا تكابلن عليج كلهن يابوية حتى لو مرة ثنين يوكف وياج بعدها يكلك شني قابل هنة غلط وروان صح ؟

روآن
بس علي هوَ گال عزلتلج وحدج

اخذ نفس بعصبية حسيتة راد يعيط بس گوة تحمل وهدئ

علي
ولج ذني عرمات تعرفين شني عرمات !!
الله وكيلج يصعدن عليج وِلد ويكولن هيَ جايبة ولد
لو اسهل شي عندج يطگنج بسحِر

زين احجيلج شي وتگضبين نفسج وماتحجي لواحد ؟

روآن
شني

علي
ممنوع تطلعيـنة لأيَ واحد وعلي اكتلج يروان اذا طلع

روآن
دحجي شكوووو

علي
هاي مرتة الجبيرة بت .....

روآن
سعاد هاي وكحة ومتنجرع ومشية البيت بكيفها

علي
ايّ هاي مـرة اجتنة شكوة على ناس سحارة تنصب ع ناس بمبالغ هائلة موشلون ماجان والحجي بينة موبس هجي البيت حَتى بيت دعارة ومن جفتناهُم

باوعلي وعاط
روآن شاهددددددددد الله اذا طلعت هسالفة موتج تصير على ايدي صارلي سنتين كاتم هشي حتى لجدي ماكايل

تحمست للسالفة وكتلة
روآن
ايّ ايّ كولللللل والله العظيمممم ماحجي والله

باوعلي بشك ونظراتة التخوف

روآن
جاي اكلك ماحجي وعلي اذا حجيت حطلك جيلة بنص گلبي

علي
عمت عيني اذا سويت هجي
لا والله مو هجي بس انة ردت اكلج حتى تگضبين نفسج
المهم من ضمن هل بيت لكيتها هيَ وانة اعرِفها مرة شايفها وي الحجية بالسوگ وكلتلي هاي مرت مروآن

فَ بيومها رادوا ياخذوهم للسجن كلهم وانة سويت المُستحيل وبرئتها عاد هيَ بس رايحة تسوي لو رايحة لغير شي العياذ بالله مادري

واذا تردين الحقيقة لا سئلتها ولا سئلت الجانوا وياهة عليها
ماردت تلعب نفسي واسمعلي كلمة وتشيلني الغيرة واتهور واروح
بس انة خوش رزلتها وهددتها بمروان ساعتها

من گالي هجي انصدمت وكتلة من جرمن جانت تكرهني ومرة گالت هوَ منو اخوج علي بعّد

علي
لا يا كح.. على هاي الحجاية بس يلة كح.. شيطلع منها ؟ صلاة ركعتين شكر

روآن
يا علي لسانة

علي
لساني فلت مِن هاي الكواو.. المنتشرة

ضحكت عليّ شلون يحجي بحرگة وبصراحة احس كِلش قنعني بكلامة

علي
خيولي روآن وعلي يستاهلج احسن واحد وبعدين شني مروآن ال لاشغلة ولا عملة حتى شهادة ما بيدة

روآن
اممممم بس ترة مروآن عندة گيعان خير من الله كِلها مزروعة وتنباع وعندة معرضين مال سيارات بالـ ...

علي
حبيبتي هذني بعود شخاط كلهن يرحن ويضل حافي الرجـال اليوم مطالب براتب ومصرف ثاني مايفيدج صدكي

شعندج ماخذتلج شايب لا تصيرين من ذني البناويت ثلاثيني وتذوب

من گال هجي ضحگت علىّ شلـون يقلد

علي
والله ياحبيبتي هل عيون الزرگ وهالوجه هذا يستاهلن واحد احسَن بميت مَرة شني مروآن شني خـرة
تستاهلين واحد يقدرج ويصونج ويدللج دلال مو انسان هَجي

كلام علي قنعني لدرجة موطبيعية واحس من بعَدها طلعتة من راسي ابتسمت وكتلة صحيح كلامك كَيف وكلي يلة بدلي

طلعنـاه اني ويـا اكلنـا وتونسنا هواي وضل يفتر يشوفلي فَد محل مفتح حتى ياخذلي هدية، اخر شي طبينـا لسوگ مشهور وبي هواي ذهب لگينـة المحلات مفتحة

شفت علي راح باتجـاه واحد

روآن
ياعلي ويننن رايح صدِگ تحجي

علي
اش امشي وياي

طبينـة وكلي شتردين اختاري، مو جديد علية دلال علي ابتسمت بفرح وبدة الصايغ يطلعلنة اشيـاء عجبتني گلادة حَيل بس جانت ثگيلة حَيل ردت اشوف اخف منهـا طلعلي ماعجبني

كتلة خل اخذ ايّ شي بس علي ماعافها بنفسي وجابهـا الي وهوَ مبتسم

بيومها حيل تونسـنا سوة ورجعنا لوكت متاخر

اول ماطبيت لغرفتي جنت فرحانة وتقريبًا وخرت مروآن من راسي
هذا الحجي جـان بـ اخر يوم فاتحة

فتحت موبايلي وشفت مروآن مراسلني هواي

مروآن
مشاعري متضاربـة، بين الفرحان لان شفتج وكحلت عيوني بيج
وبيـن الزعلان على رآي اهلج
علي؟ اخ علي والله مادري شلون گضبت روحي عنة انة جانلي زّعيم سچينة خاصرة هسة ما شاء الله زَعيم اتقاعد وعلي الصـار مچانة
نظرة من عيونج تسوة كِل الدنيا روآن ..

راح احاول اسوي المستحيل علمودج
وصدكيني اذا اضطر الموضوع اكتل وانكتل عليج
انة بَس رايدها ب التي هيَ احسن
وإلا شني والله عشائريًا وقانونيًا محد يكدر يمنعج مني

نزلت لكلامـة جوة وهوَ يحجيلي عن حُبة وعشگة وهيامة بية احس روحي انسطرت وتعبت مِن التفكير اخر شي خليت ونمِت

كعدت اليوم الثاني وانصدمت بـ امي وهيَ تكول ذهبي مبيوگ

انة بين النايمة وبين نعسانة بديت استرجع كِل المشاهد والملم الحجي

بـ اثناء الفاتحـة اجتي تبـارك كعدت يمي وصارت تتذمر على سَبب يمي، تحجيلي شلون سَبب حقيرة وجاية لهنا خصوصًا بس حتى تبوگنـا وتروح، صرنا نحجي انة وياهة ونتبادل كرهنـا مِنها

انة سَبب هم شايفتلها موقف جان زَعيم يحاجيها ومن التفتت مدري شحجت وجانت ضايجة رُغم هوَ مبين جان يحاجيها بشي رومانسي وحلوو

شويـة ورجعنة للفاتحة وسمعتها هيَ ورحمة يحجون وتكللها اريد اشرد ماضل هنانة ضَليت مصدومة شعندها ويّ زَعيم وشعجب هجي صايرة علاقتهم

همة اخر شي علاقتهم جانت حيل قوية واحضان ومباوس سواء من راسها او خدهة كدامنة عادي ولا يهتم زَعيم

غلست عليهن بـس سالفة ضلت بـ بالي وضليت محتارة شصاير بيناتهم بليل تقريبًا اجتني تبارك وهيَ تكلي

تبارك
والله كلبي ما مرتاح لهل سَبب شفتها طبت لغرفة امج شتسوي

روآن
يجوز وصوها على شي انتِ هم لا تكبرين السوالف تبارك

تبارك
مادري بس كلبي خايف والله تخيلي تطلع تريد تروح وتبوگكم وتروح

عفتهة تحجي ورحت عنها بنهاية كِلنة ندري شني تبارك وندري كِلشي يطلع منهـا

فَ من شفت امي تكول ذهبي انباگ رأسًا وجهت اصابع الاتهام ل سَبب وجنت متأكدة ١٠٠٪؜ من كلامي

من رحت لغرفتها ولكينة فعلاً الذهب وي ذهبها اتاكدت من كلامي ١٠٠٪؜ بس صدمني اهلي وشلون جانوا موجهين اصابع الاتهام لثنيناتنا

حَسيت هذا الشي كسرني هواي وتمنيت ساعتها علي يكون موجود ويدافعلي ومايخلي واحد هجي يحاجيني

بساعتها انهاريت وكلت الهُم هسة نحلف عّ القران ونشوف منو الصدگ ومنو الجذب

ومن حلفت بالقرآن جنت متأكدة هيَ ماراح تحلف بس صدمتني وهيَ تحلف ساعتها !!!

انصدمت حَيل من حلفت، سَبب ماعرفها كلش انة بس بنفس الوكت انة اعرف ظاهرها واشوفها تصلي وانسانة مؤمنة واغلب الاحيان بليل هيَ تظلع تصلي وتطب حتى تصلي الليل ف مستحيل تحلف تجذب ع القران

تاكدنا من امي جانت مامتاكدة امس لو اول امس هيَ مجيكة ذهبها والمشكلة تبارك امس ماجاية

كتلهم هاي ذكية وعرفت تدبر امرهـا وتطلع من عندها صدك والله راحوا الها زَعيم وعمي وابوي وجدي وناكرة وضالة بس تصيح

بس مُصطفى من لازمها وضاربها حاجية كِلشي
لان تبارك كلش تخاف من مُصطفى نسمي صگارهة احنة

هوَ صح عينة زايغة وشوية من ذولة الضباط الخفيفين ويدورون نسوان بس هوَ حيل حباب ويانة

بيومـها انقهرت حَيل انُ سَبب صارت بسالفة هيَ موبيها والمشكلة هيَ راحت لبيت رحمة وجانت مقهورة حَيل

كلت لرحمة انُ اروح احاجيها بلكت تهدئ بس رَحمة كلتلي لا هيَ زعيم متقبل تشوفة

طول هـاي الايام ضَل گلبي يحرگني على سبب وحيل ضايجة اما مروان فَ جنت مافتح الفيس اساسًا وحَتى لو افتحة اشوفة هـواي حاجي نفس عادتة بين تهديد بين غيرة بين اشتياق ارد عليّ بشي واسد الموبايل

يوم من الايام اخذنـا امير وطلعنا انة وشمس وسيوف رحنـة نفتر ونشتري ملابس واشياء

ذكرت رَحمة هناكَ شفتها دائمًا من تجينا على نفس دشداشة السودة اشتريتلها ٣ دشاديش حلوات واشتريتلها ثنين شالات اخذت فلوسهن من امي صالحة خصيصًا الهن، واشتريت لسَبب هم دشاديش وشالات

من رجعنة انطيتهن لرحمة ضلت تحجي علية، هل رَحمة هيَ رَحمة من السماء لكل شخص بهل بيت مادري شلون جان تگضي هل ايام لو ماهيَ مُجرد واحد يكعد يحجي يمها يرتاح تلقائيًا

بس هيَ عدها عزة نفس وكرامة تدرس والله العظيم وماجانت تقبل ابد اصلاً هيَ حتى بتنظيف معاررررك ويانة ماتقبل تشتغل، رزلتها وكتلها احنة متعودين نشتري لبعض واصرت ماتريدهن لمن كتلها ازعل يلة اخذتهن، وكتلها توصل سلامي لسَبب وتطيهن الدشاديش

بليل تقريبًا فتحت موبايلي لكيت مخابرات دگ من مروان ورسايل

مروآن
هـاي وين طالعة اليوم وي امير انتِ واخواتج
وليششش ماتكليلي
اريد اعرف انة شنوووو هنا
رجلج لو ما رجلج ؟؟

عفت الموبايل ونمت مالي خلك حتى احاجي
لحد اليوم الثاني بليل فتحت الموبايل

روآن
هـا مروآن

ورة ربع ساعة خابرني اتجرئت ورديت
اجاني صوتـة وهوَ يرعد رعِد علية ..

مروآن
انتِ وتاليتها وياج ارد اعرف عود ليش ماتردين علية شكووو شصاير ؟؟ واريد اعرف شهل مگواة عين العدجياهة الي تطلعين بدون أذني !!! خاف شيشيج علي الجلب علية !!! ها احجي حتى والله اذا صدك اجي الا نتگابل مگبل زلم واريد اشوف يا حيوان يخلصة مني
ارد افهم انة رجلج لو رجل كرسي هنانة
مو نبهتج من ذيج المرة متطلعيـن بعَدد؟؟؟؟؟

من گال هجي احس مِتت الا علي مُستحيل اسمحلة يحجي عليّ هجي

روآن
من يحچي علي امثالك يسكتون فاهممم ديربالك تحجي على علي ديربالك

مروآن
عيدي عيدي شكلتي ؟؟؟

سكتت من نبرتة وحِسة المعصب واحس للحظة خفت

مروآن
ولج روآن عيدييييييي شكلتي

روآن
مروآن انساني انة مافيدك مافيددددددك
انتَ بكبر ابوي وفوك كلشي متزوج ثنين انة ماريد حاول تفتهم ماريددد اعتقني منك كافي مو لعبت نفسي
لتدخل بية شني حاطلك ناس تراقبني وين اروح و وين ارجع!!!

مروآن
لعبت نفسج انة مو لعبت نفسج؟
هاي الكلمتين محفظجياهن هل كوا.. علي وجاية ترطنيهن علية موو!!
جا اسمعي ولـج وحق علي الكرار داحي باب خيبر
انة هسة جاي واخذج غصبًا على اليرضة والمايرضة
والرجال العند اهلج خلة يحجي
إلا اسويها سالفة يحجون بيها كِل العراق وحق الخلقج

گال هچي وسد الموبايل بوجهي
دخيلك ياعلي مالي خلِك رطينة ثانية !!
يمة والله اخاف لا يتكاتلـون
كمت بسرعة من مكاني واتذكرت علي وامير بالموصِل

ومحَد بالبيت غير زَعيم وسُراج وسجاد وغَيث
لو امير موجوددددد عاد امير يهديهُم شوي
هسة حَتى غَيث صاير گطعوا مروآن وحطوا بـ بطنة

ياربي دخيلك مايصير شي اخ ياروآن اخ من لسانج دگضبيي واسكتي إلا تهيچي عليج يايمة شيفضني منة شيفضني

ضَليت الوب بمكاني وخايفة، اخابرة مايرد علية او بالاحرى ماعندة اتصـال ماكو مـا مرّت ٤٠ دقيقة وانة اسمع صايح

فَزيت مرعوبة وصرت ابجي واكول اجـة يمةةة والله مستعدة ارجع ويا وللذلة ولا اخلي واحد يموت

انصدمت وانة انزل واشوف امي صالحة گاعدة تبجي وتصيـح ماتت البت مافهمتها ونزلت اركض عَ درج وصلت يمها وانة اكلها يمة شكووووو شكوووو

صالحة
ولـج سَبب اخوها ذابحها كدام بابنـة ولج البت راحت يممممة سودة بوجوهنة من ورانـة البت ضاعتتتت يمة سوووودة علية ولـج ام يعگوب يبعد طوووولي اجيتي للدنيا مظلومة ورحتي مظلومة!!!

من گالت امي هچي صدمتني صدمة عمري
نسيت مروآن ونسيت كِلشي وضليت افكر بـ الصار
كِلة بسببي انة السبب بموتها انة !

ضليت ابجي وميتـة من القهَر عليها واتمنى ينعاد الوكت وما أذيها هجي ورة ساعة وصلنة خبر انُ هيَ زينة وهسة تجري عملية بسرعة وصبح يطلعوها

من سمعت بالخبر متت من الفرحة وكمنة كل احنة ساعتها صلينة ركعتين شكر

صدمتني امي صالحة وهيَ تحجيلي على حياتها وشلون تعذبت كل ظني شاردة من اهلها هجي دلال زايد

بوكتها حَسيت نفسي هواي مذنبة كدامهـا وكعدت بس الوم روحي للـ ٣ الفجر تقريبًا رجع سراج وهوَ يطينة صدمة عمرنـا ب انُ سَبب شالولها الرَحم

انة بالبداية ماجنت فاهمة شي واكلهم المهم عايشة بس لمن بيبيتي لطمت على صدرها وگالت ولج يعني بعَد مايصير عدها جهال استوعبت !

البيَت بساعتها كلة حزن، حتى مرت عمي حسين رَضية الي جانت تكره سَبب بسبب موت زَينب زعلت وانقهرت عليهم، زَعيم حيل يحب الاطفال وكل احنة نعرف زَعيم شكد يستاهل الخير، هوَ اكثر احد فطير وحباب وحنين ومؤمن ويساعد الناس شكد مابي ومتكفل بهواي عوائل  وقوتها وجان كبل لا يجي ابنة مسمي يعگوب ويمشي ويگول انة مو ذكوري واذا اجتني بنية راح احمد الله واشكرة بس انة حاب اول بزري يكون يعگوب وبعدهي لو اجن درزن بنات ما اكولن لا

كل احنة انقهرنة عليهم وبالاخص على سَبب لان اكيد زَعيم يزوج وماعليّ شي بس هاي المگرودة شلـون بيها

عرفت من الولد انُ مروآن هوَ الجايب اخوهـا وضال وي زَعيم بالمستشفى حمدت الله وشكرتة وكلت الحمدلله من صار فَد عارض گدام مروآن وخلا مايجي ولا لو جاي جان لا مُحال مروآن لو يكتل واحد لو واحد يكتلة

ماردت افوت الفرصة وراسًا كتبتلة واعتذرتلة
جانت اول مرة بحياتي اعتذر من مروان بس صدِگ لو گالوا
طر الفِتـن احسَن مِن الفِتن
ضليـت اكلة والله طلعنة مستعجلين ومدري شني ولغمطتهـا عليّ

مارد علية لليـوم الثاني وهوَ يگلي ان شاء الله خيَر

انصدمت من ردة فعلـة الباردة بس بنفس الوكت كلت ان شاء الله يكون سكَت

اليـوم الثاني اعتذرت لسَبب بكل مابيـة بس من راحَت وجانت زعلانة ونهت علاقتها بصورة كاملة بَزعيم صدمتنـا كل احنة

زَعيم بساعتها حَيل اتبهذل وضل معصب ٢٤ ساعة وتعارك مرتيـن وي جدي، جدي جان يكلة مو عيب عليك بنية هجي تسوي بحالك وهوَ ولا جان مهتم جان ساهي عن الدنيا كِلها، حاولت بساعتها احجي واسولف ويـاهة بس جانت قافلة ..

مضت الايام والمصيبة انُ مروآن صار ميراسل ابد ولا رِسالة على عكس السابق، جانت عيني ٢٤ ساعة بصفحتة وبَس اريد افتهم شجـاي يصير ويا وليش هجي غَلس

الموضوع اخذ من بـالي هواي وضليت افكر بي طول الوكت، اسبوع كامِل ومروان لا مخابر ولا كاتب رسالة
والمشكلة بهاي الاسبـوع صارت جيتين الة يمنة !
وجان يحجي وي الكِل عادي حَتى علي ..

حَسيت سالفتة مو خـالية وضليت منتظرة على نـار حتى اعرف السبب لصمتة هـذا

يوم من الايام جنة كاعدين كِل احنة واجـة علي لابس ملابسة العسكرية ومعصب حيل حاجينـا مارد علينة بس باوعلي بنظررررة قاتلة

ورة شويـة دزلي رِسالة

علي
اصعدي بسرررررررعة ..

جان مطول الراء حَسسني بالخوف وبعصَبيرة وصعدت بسرعة الة حَتى اشوف شصـاير بعدني ستوني فتحت باب غرفتة سحبني من ايدي عَ سريع وبكل عَصبية يُتبععععععع ...
( توقعاتكُم ياترى شنو سَبب برودة مروآن وعصبية علي👀 ) ؟؟؟؟
احداث صادِمة بالطريق .
_________________

سَبب

تنهد وغمض عيونـة وحِجة
زَعيم
حياة انسـان مبنية على كِلمة منج وانة صح منطيج وعد قبل بَس ماوفيتـة الج سابقًا، بس هسة مستحيل ما اوفي ومُستحيل اخلي دمعة من عيونج تنزل بعَد

اخذ نفس وگال
زَعيم
سَبب الي تواصـل وي اخوج تبـارك وهذا الشي كشفة مرتضى اخوها الصِغيِر مرتضى ما مخلي بيها مگضيهة تگضي لمن شايفة شلون مبحوشة ومطلعة حسابة ومراسلتة بس بنفس الوكت خبرني انة قبل ليخبر مُصطفى وعمي

السالفة اذا صارت يم مُصطفى يكتلها خلاص وتردين الصراحة؟ انة ودي تموت هل عـار وتنطم عَ السوتة ولان هيَ جانت السبب بحرمانة من اولادنا

رحتلهم وامهة توسلت بية وركعت عَد رجلية حَتى ماسويلها شي وماوصل الموضوع لـ مُصطفى الي هسة هو نازل بالواجب

بس الخيار الاول والاخير الِج وانتِ الآمر الناهي بهالموضوع والي تردي راح يصيرلها حَتى لو كتل والله!
وكتلها مو حرام لان هيَ الساهمت بـ كتل ارواح ما نخلقت بعّد

من گالي هچي صِدمني حيل وماجنت اعرف شگول بس كلش ضجت
باوعتلة هوَ ضايج اكثر مني و وجهة مكدر حَيل

ابتسمت بحزن وحَطيت ايدي على ايـدة، حضن ايدي وشـالها وباسها بحنية

زَعيم
آُمري ياتاج راسـي بشنو يبرد گلبج كليلي ؟

هزيت راسـي بـ لا وكتلة
سّبب
حگنـا الله ياخذة، انة هواي اؤمن بعدالة الله ماراح يضيع يمة شَي لا تخاف

باوعلي بـ استغراب وگال
زَعيم
متأكدة؟

رجعت هزيت راسي بالايجاب
سَبب
ايّ متاكدة لا توصلوها لاخوها السالفة بس انتَ بطريقتك تعرف شلون تلوي ذراعها بهسالفة وتخليهـا تلزم حَدها

سحبني صوب صدرة وباس راسي وحضني حَيل، جنت احس بدگات صَدرة المضطربة وتنهيداتة المستمرة

عيوني دمعن للحظة بـس ماكدرت ابجي وخرني من حظنة وانتبه لدموعي مسح دموعي بـ ايدة وباس عيوني كالعادة وگال وهوَ يحضن وجهي

زَعيم
النفسية محتاجة ابو فاضِل شرايج نروح بلكي يبرد گلوبنا ؟

من گال هجي احَس متت من الفرحة بس ماگدر اجازف خاف بعّدة مريض ومالة خلِگ كتلة خليها على غير مرة بـس هوَ جان مُصر

فرحت انة ورحنـا للبيَت كتلة فَشلة كول الهم منو يروح ويانـة خاف واحد يريد يروح كال الهم، الشيخ كيف كال روحوا وبلكت ابو فاضل يبرد گلوبكم نفس حجاية زَعيم جانت انة ادري زَعيم وارِث حُبة للعباس من جَدة

رحنة بدلنـا بسرعة واتوجهنـا لكربلاء
طول الطَريق زعيم حاضن ايدي بـ ايدة ويبوس بيـها ويكلي

زَعيم
وجودج رحمة بحياتي شكد مابية اريد احِسج بيـج

وصلنـا لهناك اخر الليل صرنـا ب بين الحَرمين وجانت الفرحة مالتي ما تتوصف، اول مَرة انة بكربلاء واول مَرة اصير بـ بين الحرمين

مشينـا انة وزَعيم ب بين الحرمين جان لازم ايدي ونباوع لگُبة العباس

سَبب
تدري اول مَرة ازور كربلاء؟ ياريت لو جانت نفس زيارتي الاولى للامام علي وشعورهـا هَلمرة اكو شي ناقص زَعيم

باوعلي بحِنية وطبع ابتسامة خفيفة على وِجهة وگال

زَعيم
ابو فاضل مايقصر وانة راح اكلة يبو فاضل برد گلبنا شلون مادري المهم گلبنـا يبرد .
وبعد هيَ يمـة اخو زِينَب، ما فد يوم نخيتـة وردني وهل مرة انة طالبة وراح احلفة بستر زِينب وهوَ ماراح يردني

من گال هچي تلقائيًا دموعي نزلت ماكدرت اتحمَل احس بس اريد ابجي

زَعيم
اششششش ماريد بجي اريد دُعاء وبس اريدج تدعين بدون ماتبجين سّبب

سَبب
شيبرد الگلب يَ زَعيم نارة چبيرة وماتطفة

فَك ايدي من ايدة وگال بهدوء
زَعيم
تِدني بويـة

انصدمت من طلبـة هذا وتدنيت لورة شويـة وگف زَعيم گدام الگُبة مـال العَباس فيت وصـار يحجي بصوت عـالي
زَعيم
انة ماهوس غير لجَدي وللعباس، لان ابن البدوية يستاهِل نهوسلة
بدت الزلم تلتم داير مـا دايرة وبدة زَعيم يقرة شعر ع العباس وعلى طلب الحاجة مِن عندة الناس كلها واكفة الزلم لكدام والنسوان لورة والنسوان كلهة تبجي وهيَ تسمع النخوة الجاي ينخيهـا زَعيم

يحجي بگلب محروگ وصوت مال شخص صدِك محروك گلبة وعندة حاجة اني جنت اباوعلة وساكتة وبس دموعي تِجري

ختمها بـ رباط للعباس
حَتى الگاع تريد تهوِس
چـي هَوسنة اعلى العبـاس

الكِل صارت تهوس ومن كملوا الناس كِلها صار تتراود لَزعيم وتدعيلة بقضاء حاجتة، اتشكر من الكل واجاني مسح دموعي وبـاس راسي وگال يلـة

دلاني ع طريق زَين وطبيـنة زرنا
طَبيت للعباس عليه السلام وبجيت هناك من كِل وگلبي زرت وجانت هاي اول مَرة ازور وما يبردلي گلب طلعت لگيت زَعيم واگفلي جاتف ادي وبيدة سبحتة ويسبح

رحِت يمـة ابتسملي
باوعت اكـو بعيونة حمار انصدمت وكتلة

سَبب
زَعيم باچي ؟؟؟

ضحگ عود صحگة استهزائية وگالي
زَعيم
شني عمي باجي شني ههههه دمشي يلـة خّلنة نروح نزور الحسين كبل لايصيح الصبح

غمضت عيوني وسحبت نفس بصعوبة مبين باچي بس ادري بس مايريد يگول

رحنة للحسَين كملت بجيي هناك واندعيت من كل وكلبي الله يبرد گلوبنا، صلينـة الصبح وطلعنة من الامام سلمنـة عليهم وطلعنـا

اكو مطعم يم الامام طبينة انة وزَعيم ونزل النا كباب شوي كعد يحجي وياي ويضحك ماردت ازعل اكثر يمة ادري بي حالة حالي وهم مَكسور

كملنـا واتجهنـا بالسيارة للبيت ضّلينا نسولف بالطريق على سوالف قَديمة شوية ونعست ماكدرت اقارم خليت ونمت ماكعدت إلا وزَعيم يكلي يلة خل ننزل وصلنة

باوعت الساعة بـ ١٠ الصبح واحنة بنص البيت
شهگت وحطيت ايدي على صدري وكتلة

سَبب
يااااا وانة ردت اضل الهيك بالطريق حَتى ماتنام

ضحگ ضحگة عالية وگال

زَعيم
هَسة المهم انتِ نمتي ورتاحيتي انة شعلية هسة انامن وارتاح

نزلنة لكيناهم كلهم موجودين جايبين ويانة صوغات حلاوة ومدري شني انطيناهُم وزَعيم جان حيل تعبان كُبل صعد نام واني هن طبيت لغرفتي نمت

بـِدت تمضي الحياة على هذا المنوال، تبارك ماسمعت اخبارهة بعد وماجوا ابد النـة، و زَعيم حبة كل يوم يزيد الية اكثر واكثر، وكل الي بالبيت من بعَد الي صار حسيتهم تعاطفوا وياي اكثر وكاموا ميزعلوني بـ ايّ حجاية

بدينا نتناسى بس ماننسى الي صـار، نحاول نضمة بگلبنا رُغم گلبنة هوَ مكسور ويحتاج واحِد يصلحـة بس جنة نقشمر على ارواحتنـا ونضم الحزن جوانا

اهلي الي عرفتة عنهم انُ ابوي جذب مابي شي وهاي صورة قديمة دازلياهة ومستمرين بحياتهم عادي وما فكروا اساسًا ينتقمون على موتت حَسن بيد زَعيم

لان حَسب ماسمعت حتى مروآن آل دحام اتدخل بالنص وفكوا السالفة وابوي تعهد بعَد محد يدنى صوبي

عـلاوي صار جزء جِبير من يومي ودائمًا اگضي وياه اغلب الوكت
ومرت الشيـخ من مات عَمي حسنين حالتها صارت ما مستقرة وحيلها انهبد ان جان هيَ لو الشيخ

فَ جان علاوي ينام يمها بس من بعَدها بديت حتى نوم انيمة يمي والغريب انُ محد جان يعارض ابد حتى بيبيتة ام زَينب او الثانية

زَعيم جان مواعدني بـ اول ما تصير دورة سَنة عمـة رأسًا يتزوجني گال اسويلج احلى عرس حالج حال البنات

طلبت منة عَ السنة الثانية ارجع لدراستي وابد ما مانع بالعكس وكف وياي وگال هاهيّ ع سنة الثانيـة اقدملج وهذا الشي تقريبًا نساني وخلاني اصبر عَ الي صـار ..

علاقتي بزَعيم صارت اقوى واقوى وصـار هوَ النفس الي ماگدر بدونة، ولا هوَ جان يگدر بدوني ابد وجانت علاقتنة بكِل يوم تكبر وتقوى اكثر واكثر ..

يوم من الايام جنـة گاعدين واندگت الباب
بهاي الايام همة حطوا كامـرات بالباب فَ جانت مربوطة بالشاشة بصالة، شفنة كدامنة بنية ما مُحجبة و واكفة كدام الباب وخايفة وتدك ع الباب بسرعة

كامـوا الولد بسرعة فتحوا الباب واحنة گمنة بالمطبخ يم الشباچ

هاجر
الله يخليكُم انقذوني والله العَظيم راح يكتلوني اهلي والله

طببوهـا بسرعة ضلوا الولد بالباب وطبت هيَ تباوع للوجوه وخايفـة البنية فلقة من الگمر بيضة وملامحها تجنن وشعرها طويل واصفررر ونفس الاميرة كاعدة كدامنـة

جبُر
بوية دحطي شال على راسة خليني اباوع عليج يعني شلون ترديني اكسب حرام

انطيناهة حجاب حطتـة على راسها وبدت تحجي
يُتبعع .....
( بيت جبُر يُرحِب بالحيــة الصَفرة)

لا تنسـون التوصيت حبايب ⭐️