رواية بيت جبر الفصل الثلاثون 30 - بقلم هُدىٰ آذار

مسـاء الخير حبايب
طبعًا اني مَرة وحدة حجيت بهل موضوع وماحبيت اكرر لان استحي، بس بصراحة الموضوع يزعِج

اذا اريد اسوي احصائية للي ديشوف و الي ديصوت فَ ماراح يطلع غير ١٠٪؜ ، والله بعَد مادري شكول انتوا اعرف اذا تصويت والدعم هلكد ضاركُم فدوتكُم مو مُشكلة
بس ترة ابد شي موحلو شخُص يزرع وما ياخذ ثَمرة تعبة
يعني لو اتاخر بالبارت كُلكم تطلعون واكو حتى يتهجمون، بارت حلو، بارت مُفاجئ، سرد حلو، وانتظام بنشر اصلاً محَد مهتم !
يعني تخيلوا ٢٠ الف يشوفون وبَس الف يقدر، او ٤ الاف وبس ٥٠٠ هَسة لو الف من ضمن ٤ الاف بيها مجال بَس موهيج .
عَ العموم اوكِ خلنكمل ..
__________________

ايلول

اباوع لعلي يحجي بجَد وكلام عَصبي مو كلام شخُص مُمكِن يتراجع بكلامة او هيج شي، باوعت لبابا يباوعلي بغضب وامي تباوعلي هيَ وفرس وامير ومنتظرين جوابي

لحظات موتِرة وهادئة بس مليانة عواصِف بداخل بابا و علي

ابـو ايلول
احجي ايلول شنـو رئيج بـ كلامة هذا ؟؟؟

گلبي يدگ بسرعة، ورجلَيّة احِس مو حاسّة بيهن، وكأنهُ الأرض تهتز جواي. أنفاسي متلخبطة، وعيوني تندار بين وجوههم، كلشي جان صامت إلا دگات گلبي.

جانت نظرات بابا وعلي مثل سهم، تضربني بنفس الوقت، باوعت لفَرس وكإنهُ دتكُلي انُ هل قرار مصيري يا تقبلين يا تنسحبين ..

عيوني انسحبت بإتجاه علي
واكف وكاتِف ادي ويباوعلي وكأنه كل شي بداخله دا ينتظر كلمة منّي. وحده، تكفيه.
بس عيني الثانية راحت باتجاه بابا
الي واكف وعاقِج وجهة ويباوعلي بغضب

حسّيت روحي محصورة بين خوف، وحب، وبين باب مفتوح وباب ممكن ينغلق للأبد.
رفعت راسي، صوتي مو عالي، بس كل كلمة تطلع من روحي، من گلب ما يعرف يختار بسهولة ومحصور بين اهلة وبين شخُص مستعد يخسر نفسة علمودي.

قررت اشجع نفسي واخيرًا، زفرت نفسي ورفعت راسي لبابا وكتلة
بابا علي يحبني واني ما مستعدة أخسرة ابدًا ..

بابا وكانهُ يباوعلي وكاتِم كلام بداخلة
باوعت لعلي الضحكة انرسمت بوجهة بشكِل جبير و واسع
بعدة بابا ماحجة شي يريد يحجي ويرجع يسكُت
گال علي

علي
والي تردوا ياعمي انة حاضِر بي ان جان انتَ او هيَ على راسي وتدللون ..

رفـع اصبعـة بتحذير ويحركة من عِندي لاتجـاه علي ويحجي
ابو ايلول
اسمعوا ثنينكُم هـذا الزواج مايصيـر إلا على گص رُگبتي سمعتواااا وانتِ وحدة جاهلـة وماتعرفيـن مصلحتج ! 
ستوج ١٩ سَنـة وتدوريلي زواج وارتباط !

علي بعصبيـة
شني هـي تحَدي مثلاً ؟؟
امير
عمـي كول يا الله واهدي هَسة احنة ماكلنة زواج ومدري شنـو يعقدون وحَتى لو ورة الـ جامعة يتزوجون مو إلا هَسة

علي
لاعمي شني هيَ خو خليها ورة الموت عليمن نستعجل

من علي گال هيج فَرس الفُطيرة ضحكت بصوت عالي
امير باوعلها وخزرهـا

فَرس
اسفة

ابو ايلول
مـاريد احجي زايد بعَد هذا اخر كلام الي

گال هَيج وخلة وطلع

اميـر
يعني انتَ غير تطينيي مجال احاجي

علي
هوَ يتحاجة شو اسكِت، خالة تعاي خل احاجيج حبابة

ام ايلول
ماما اني شبيدي والله مابيدي شي هوَ اني وما سالمة منة جان حطيت لوم عليّ لو ما بظل هذي الظروف بس ماما هم حقوا ترة ابوها يخاف عليها بنتنـا الوحيدة هيَ ولا تنسون الي صار مو هين والله و وجودنا بالعراق خَطر

ايلول
ماما خَطر شنو هاي مو علي كلج لزمناهم بعَد شنـو يعني انتِ الي خلصتي عُمرج هنانة ع اخر سنوات ترحين وتتغربين عليش ما تكوليلي والله ماما اني ماتحمل اعوف كُل شي واروح هناك بغَض النظر عن كُل شي

علي
خـالة خل احاجيج انة
هوبج ايلول هوبج اسكتي خل احجي

اجة كعد يـم ام ايلول وصـار يحجي

علي
خـالة انة ايلول احبها هذا الهوى الي اتنفسة شايفة شمعزتة؟ دخل ينگطع عنج دقيقة مو تحسين روحج ميتـة وبس ترديلج هوى تشهگي

ام ايلول
طبعًا ماما ويـن اكو اعز من النَفس

علي
ايلول هجي خالة وعلي ماجاي اجامل بس انة احبها لهل درجة حُب تجهلونا انتوا وهي والكِل والله، وحگ الله لو اعرفجن تدورن سحورة ونفس ذني جان كلت ساحراتني على گد الحُب الي احبها

بس ايلول تستاهل واحد يحبها واصلاً انة محظوظ وابن ستين محظوظ اذا حصلتهـا و وعد اذا صارت الي ولحلالي وعد يـا خالة ما اخلي الهوى يلمسها، ماكلج مازعلها ولا اكِلج مابجيها هاي علاقة ويصير بيها كِلشي، بَس وعد ياخالـة ماخلي زعلها يدوم ابد واوعدج مهمّا صار ارجع وانة اعتذرلها واضل وياهة حَتى لو جان الغلطان هيَ

المُهم ما تتأثر علاقتنـا ويعني انة فعلاً حآبها فَ لا تحرموني منها امانة الله، واذا تحجون بـ سلامتها ومدري شنو فَ فِشل وعيب وشواربي مو علية وحگ علي، خالة انة اكتل وانكتل عليها ابن امة وابو اليندگ ب شي تابع لعلي وهوَ منو الي يفكر يسوي هجي وهيَ راح تصير جنة بيت جبُر ؟

ام ايلول
ماما تريد الصراحة؟ وهاي انتَ وهيَ كدامي و ابني امير هم كاعد هوَ وفروسة، اني واثقة بيـك وبحُبك الها، بس بيها ما واثقة انتُم ناس مُلتزمين ومُحافظين وايلول تعرفهـا مُنفتحة وتحب الحياة بعدهي بنية صغيرة تحب تلبس تكشخ تسوق كل شي يجوز حَتى لو طاوعتك هسة بعدين متقبـل وتيبس راسها .

المقصد من كلامي انُ فرق البيئات راح يتعبكُم وحتى لو تغاضيتوا عنة بالبداية فبعدين مُمكِن يسبب الكُم مشاكِل .

علي
خـالة خل اكلِج بشي وهاي كدامها هيَ هم اريدها تسمعة
الي يحِب يضحي وانة احبـها والدليل انة ضليت وياها ٥ اشهر ونُص على اعصابي وربج خـالة شكد تحملت بس ماعفِت، وهي تدري كلِش زين فَ الي يحِب يضحي ونفس ما انة راح اضحي بهل علاقة هيَ هم راح تضحي بس ماتضحي بـ اشياء فوگ طاقتها انة هم مارضالهيا ابد .

ام ايلول
خـالة الحُب مو كافي اهم شي التعايُش شنو فائدة الحُب وانتَ مامتعايش.

علي
خـالة الحُب اساس كِلشي، الي يحِب يهتم، والي يحب يغار، والي يحب يقاتل علمودك، والي يحب مايزعلك، والي يحب يضحي، والي يحب راح يسويلك المُستحيل. اما اذا كلتيلي الحُب مو كافي هذا اذا جان حُب دغش ابو ثنين برُبع هذا ابو الحظ يانصيب شايفتة هذا هجي.

فَرس بضحكة عالية
شكدددد تضحكني علي .

علي
جـا شعليج انتِ اضحكي يالفطيرة اضحكي
المُهم خالة انة احِب و واثق من حبي ومستعد اقدم كلِشي والباقي بقة عليها وانة ماطلُب منها غير تسويلي الي تكدر عليهِن مو الاشياء الخارقـات .

ام ايلول
شو ساكتة ايلول شنـو رئيج بكلامة؟

هـوَ يباوع واني مبتسمة ابتسامتي المقلوبة واباوع هيـج بعيون مليانة لمِع على حُبة الجـاي يبينة الي وصافنة عليّ
صافنة هذا منين جاب الحُب كُلة وشلون؟ واني ويـا بس نتناگر ٢٤ ساعة، فززني من صفنتي وابتسامتي عليّ صوت امي وهيَ تسئلني

باوعلي بتمعُن باوعتلة وصُفنت

ايلول
خاف يسفُط حجي ماما؟

من گلت هيج امير وفرس ضحكوا وباوعلي، باوعتلة سوة حركتة الشهيرة رفعلي تك حاجِب وهمسلي بـ ( مو اجيج )لعلي

علي
عمي بتكم لو اذب روحي بنار هم تكول جذاب شسويلهـا بعد وتصدگ مادري

ام ايلول
ماما هَسة اني رايحة احجي ويـا والله كريم انتوا تفاهموا وياكُم وضلوا هنانة لا ترحون تباتون شو ويـن

امير
لا خالة نـروح

ام ايلول
لا ماما وين ترحـون ضلوا هنانة ماكو روحة والله

ضلـوا يكلولها لا ونريد نروح بس ماما حَيلل ضلت تلح عليهُم وهم كالت لعلي حَتى احجي ويا اني هَسة والصُبح تحاجي

راحـت ماما يم بابا واني كمت ويـاهة

ايلول
ها ماما

ام ايلول
متلكين احسَن منة، لتصيرين نفس امج اهتمت ب انُ تاخذ واحد نفس مستواهة ورفضت الي يحبها ومشتريها بروحة تـالي ما تالي شبعت عذاب والله لسة متندمة اني

ايلول
ماما علي يحبني هواااااي ومستعد يسوي كُل شي علمودي جد هذا الي يخليني اتمسك بي وماخفيج هم اني هم بديت احس بشعور حلو تجاهة فَ حبابة حاجي بابا وقنعي

كلتلي تمام راحت طبت للغرفـة جبت الـ كت كات الي جايبلياهة علي واجيت لكيت فَرس وامير كاعدين كدامي و علي وحدة كاعد همسلي ب انُ اجي

علي
تعاي

اجيت كعدت يـمة وباوعتلة بحّيرة وكتلة بصوت ناصي
مـادري كالت هَسة احاجي

علي
زيـن شبيج ضايجة انتِ شو احس روحج لايچة

تأففت وباوعتلـة، عدل كعدتة تربع وكعد كدامي ويباوعلي
علي اخـاف منتفق اني وياك ومنكدر نتأقلم على بعُض

علي
ايلول ليـش مانتفق ليش ؟

ايلول
مادري علي بس كُلشي بيناتنة يختلف واخاف نوصل مرحلة مو حلوة بعدين

علي
دآمني موجود ماراح نوصل لان انة احبج وبكِل ماعندي محد راح يوكف بوجهي حَتى لو انتِ هم ماراح تكدرين، اطيني فرصة وماراح تتندميـن ابد
انة ادري بيج تخافين وادري بيج بعدج صغِيرة ومن هسوالف بصورة عامة مالج امان بيهن، بس شلون تخافين من اكثر مكان يخاف عليج ولج انة ماتحمل واحد يأذيج نوب انة أذيج؟ عمت عيني كون ..

فتحت الكت كات مالتي وصرت اكُلهة وصافنة بـ كلامة
ابتسمت ابتسامة مقلوبة وعيوني تلئلئ من الحُب كالعادة مِن كمل كلامة
رفعت اصبعي بـ وجهة وكتلة بتحذير
ايلول
خلاص اني حَمشـي وياك بس اذا زعلتني بيـوم يا علي متلوم الة نفسك

ضحگ بصوت عـالي وعيونـة تجولت على اصبعي
علي
هـذا الاصبع الوحيد الي اسمح ينرفع بوجهي
وموبس اسمح وابوسـة هّم
بس موهسة بالحـلال

غُمزلي غمزة واحد مستهتر ورجَع باوع لشفتي ثواني ومَد اصبعة ومسح طَرف شفتي، صـار ع اطراف اصبعة ككو باوعلة وحطة بـحلگة

علي
تصرف جهـال وادري بعدين اتندم بس وعلي صار بنفسي

يمة اني ضليت بَس ابلعم وصافنة بوجهة وماعرُف شحجي صارت انظارة على أمير الي گاعديـن هوَ وفَرس واحد مقابِل اللُخ يم بعض وحاطين راسهُم ع التخُم وامير متكأ على ايدة وفرس حاطة ايـدها على خدهـا ويسولفون بهمس

امير
خومـا حاجاج حُسام منـا منـا ؟

فَرس
لا حبيبي ما كالي شي اصلاً 

امير
فَرس ماريدج تجذبين علية ديري بالج ترة الاخبار توصلني اول وتالي

فَرس
صدكني ماكو شي واصلاً حتى من خالة حجت ويـا رأسًا قِبل

امير
خوش، زيـن اكلِج تكومين شويـة برة؟

باوعتلـة بـ استغراب وشك
فَرس
ليش شكو؟

امير
اكو شي أدمنت عليّ الظاهر وصرت احسب ساعة ساعة حَتى اشوفـج وأرتوي

گال هَيج وهوَ يباوع لشفتي ومَرة لعيوني

فَرس
يُمة امير نظراتك نظرات واحد ادبسز وجريء ولا جنك هـذاك امير المؤدب

من گلت هَيج فتح عيونة بصدمة وضحگ

امير
لِج ادبسززز شنـو احترميني انة رجلج ترة لا تشوفيني انطيتج مجال وبعدين شنـو حقي وجاي اطالب بي عايل بيج عمي

فَرس
ياااا حقك شنـو يُمة امير ترة والله هَسة اصخُن لا تحجي وياية هيجي

كلت هيج بتوبتر واني اريد اكوم لزم ايدي وثبتني ويضحگ
انتبهت لعلي وايلول لا يباوعولنـة وكتلة بتهديد

فَرس
والله بعد اذا تحاجيني هَيج ولا اكعُد يمك

امير
اصلاً انة ماريدج تكعدين يمي، اريدج تكعدين بحضني شلـون ذيج المَرة

من گال هيج فتحت عيوني وشهگت بصدمة

فَرس
يمة ولا داصدگ هذا انتَ امير

ابتسم ابتسامة عَريضة
امير
اسمعي اسمعي اوكفي خلي اذكر شكتبتلج

فَتح موبايلـة وراح للـ note الملاحظات وبـدة يباوع للموبايل ويحجي ويرجَع يباوعلي
يا فرسَ الحُسنِ طَعمُ فَمِكِ أَسكَرَني
مَن ذاقَ قُبلَتَكِ استَحَالَ مُدمنــا
أميرُكِ المؤمنُ استَسلَمَ لِلذَّةٍ
لو طالَ عُمرُهُ ما تَمَنّى الوَطَنا

گال هَيج وهوَ يبتسم بوجهي واني مبادلتـة الابتسامة
فززنـة صوت علي وهوَ يصيح

علي
خابب الوووووووو حول حول

امير
انتَ اسلوبك العسكري هذا شوكت تبطلة جاي تحجي باللاسلكي وحول حول

علي
ولك صارلي ساعة حتى سابع جار سمع امير يبو الغيرة ولا كانهُ شبيك خوية هديهن هديهن

باوعت لايلول وهيَ تضحگ، ابتسمت بخجّل

علي
يلة كوم صديق خل نروح نديح ندور حلوات شو شنـي

مِن گال هَيج التفتتلة ايلول بصَدمة

علي
اشاقة والعباس اشاقة عمي وين اكو واحد يفتر بنصاص الليالي ها اها بوجهنة للفندق

ايلول
والله انتـو الزلم تسونها ما استبعدها

فَرس
لا امير ميسويها
امير والله اذا عداك علي

باوعلها علي بتك حاجِب ومدلها اديّ وصار يحرك بيهن ويحجي

علي
علكيفج عيني علكيفج طلعتي رجلج نبي
اندارلي وگال
كفيلج العباس المرة الوحيدة الي بموبايلي انتِ وخواتي وامي
اما هذااااا
الزلم قليلة ونسوان تلالي حتى ذاك اليوم كتلة بيهن خوش انقلاب

ايلول
وانتَ شمدريك بنسوانة

امير
انجب ولك انجب غير كلهن على دراستهن شعدهن وياي قابل

فَرس بغيض
ايّ صحيح صحيح عزيزاتك النسـوان
هنّ بالجامعة ماعايفاتة نوب يعيفنة بموبايلة
اكُلك امير ليش متبدل خطك مو احسن

امير
ها ها حـالج هذا علية ترة هذا شيطان ولج لا تنخدعين بي

علي
شيطان عليمن عمي
حگها لو مو حگها عايفالك ميت مرة بموبايلك شكوو واذا استاذ لاطمي لو ماخذهة حجة بعدكلبي

فَرس
والله صحيح كلام علي واذا يعني هسة مو استاذ حَيدر ميراسل احد ومحد عندة مُعرفة

امير
حبيبتي شبيج تدرين بية انة احب اساعد الكُل

فَرس
بس محد يطبلك غير البنات شفت موبايلك بنفسييي ولا ولد يسالك إلا واحد ثنين

ايلول
وانتَ ع اساس ماعندك قضايا ومدري شنو تتستر على نفسك مو

علي
هاج هذا موبايلي كدامج اذا اكو رقم مرة شترديج اطيج
وبعدين شني قابل يتواصلن وياي انة مانطي رقمي لاحد اكو من ينوب عن مكاني

امير
حبيبتي عوفي هذا تـرة حراگ شيطان ثالث ماعليج بي

اخذت موبايل علي ايلول وصـارت تگلُب بي
عميد ...
القائد ....
مُلازم ...
ابو يعگوب
مُلازم ..
المرة ...

ايلول
هـاي منووو المَرة ؟

علي
اااا وصُمخ حَتى صُمخ منو غيرج يعني ليش عندي غيرج مرة
بعد روحي هيَ هل وحدة

ايلول
لعد مسميني المَرة بشرفك علي ؟ شنو ما الي اسم

علي
لااااا بوية شني انة موبايلي ٢٤ ساعة ب ايدي بلة دكيتي ويمي احد وشاف كاتب عليج ايلول

ايلول
وشنوووو اسمي يبززز واذا شافة

علي
لا عمي انة مارضة اغار والله شنـي يعرفون اسمج على اي اساس

ايلول
لعد تكتبني المرررررة؟؟؟؟

فَرس ب همِس
انتَ شكاتب علية ؟

امير بتوتر
هـا؟؟؟

اخذت فَرس الموبايل منة لسة مفتوح بسرعة راحت على اسمهـا شافتة حاط قَلب احمر

فَرس
قلب احمر قلب ؟؟؟ خاف انتَ هم نفسة تخاف يشوفونة

ايلول
قلب احمر عـاد اهون من المرة يمعودة

علي
يعني شسميـج بربج وبعدين هيَ تسمية موبايل شتأثر المُهم تعرفين انة شسميج بيناتنة احم احم

گال هجي وهوَ يضحگ ويباوعلي بمكُر ابتسمت الة وسكتت

امير
حتى ايلول فطيرة وتسكت إلا الي عندي شيخلصني اليوممم
شكول عليك علي
حبيبتي اسمعيني

علي
دبر روحك انة طالِع
يلا يحلو كومي بالواجب ورافقيني حَدما اطلع

ابتسمتلة وطلعنـة اني ويا

فَرس
ماريد اسمعك اصلاً
وبعديـن صدُك باع باع
هلا هلا باع اميرة

- شُكرًا الك أُستاذ تعبت هواي ويانة وماقصرت
- تدللين عزيزتي

فَرس
عزيزتييييييي
شوكت تبطل شوكتتتتت

امير
عمي والعباس رد تسليكي اردة للكل واطلع شبيـج

فَرس
اوكف اوكف خل اكمِل
خل اطب ع الانستكرام هنا التلي بس دراسة بلة
طَبيت ع الانستكرام
طبعًا امير حسابة عـام وينشر بي يومياتة وبي تقريبًا ٣ الاف مُتابع كُلهم طلابة بس هوَ متابع بس ١٠٠ شخُص ومن ضمن هل ١٠٠ بس اني وايلول وشَمس بنات، ومتابع دكتورة ويانة بالجامعة جبيرة بالعُمر والباقي كلهم علاقات خارج الجامعة وداخل الجامعة من الكادر التدريسي ..

راد ياخذ الموبايل مني استوقفتـة

فَرس
اوكفففف امير خل اشوف

امير
ترة اكو مُحادثات خاصة شبيـج فَرس ماحب احد يتطفل ع خصوصيتي لتخلين الشقة يتحول صدِگ يعني هسة انتِ ما واثقة بية؟؟ 

فَرس
اثق بيك بس ما اثق بيهن ترة

امير
طُلابي فَرس طُلابي والكل يدري انة وياج خاطبين وحتى لو احد تعدة حدودة فَ اكيد انة ما انطي مـجال بس تصرفج هذا يدل على عدم ثقة وهالشي موحلو

فَرس
مو عدم ثقة امير اني ثاقة بيك ثقة تامة
بس اريد اشوف

امير
بس كتلج اكو مُحادثات خاصة يعني ترضين هسة اتطفل على رسايلج انتِ وايلول او صديقاتج الثانين؟

فَرس
اكيد لا ماراح اشوف مُحادثات شبيك

استغفـر وسكت

امير
جـا تعاي سالفتج مطولة خنكعد وشوفي

راح سَد باب الاستقبـال واجة كعد واني واكفة اشوف الرسائل
جرني من ايدي علكيف وكعدني على رجلة
باوعتلة صفح

امير
هسة مو تردين تشوفين رسائل شوفي شعليـج بية

فَرس
امير والله

ردت احجي وسكتت شلون اكُلة ايدك من تحطها ع خُصري جسمي ينتل ويصخن وحتى اثار جانبية تطلع مثل احمرار بوجهي بشكل مُفاجئ

سكتت بَس هو ضحگ حسيتة فهمني
فتحت اغلب الحساب الي مراسليـنة، اسلوبـة يجبُر الواحد يتفشل ويسكت بارد ويرد كوة وبـ اسلوب رسمي وبارد

حَط راسة على رگبتي ويباوع عَ الموبايل ويـاي

ابتسمت وسديت الموبايل ودرت وجهي الة
امممممم هاكيـا ماريد بعَد

اخذة وحَطة عَ التخُم ورجع باوعلي
احس اكو ابتسامة وفرحة بـداخلي
شعور هوَ جاي يستثنيني هيج جان شعور غارمني بالفرح
نظراتة كُلهن حُب وكُلهن شـوق

مادري شلون جرأت نفسي وحاوطت رگبتـة بـ ادية

فَرس
دتحجي وي الكُل بـ برود لان حجيك هوَ هيج صح؟

امير
غلط مَدام فرس جاي احجي هجي لانّي رجـال خاطب وعلى ابواب زواج واحب مرتـي وماريد ازعلها

ابتسمت عَ كلامة وضميتة علكيف، حَطيت راسي على صدرة وجنت اكدر اسمع بـدگات گلبة المتسارعة بادلني بالحضن وهوَ ينطق كلمـاتة

امير
أنا الأميرُ وكلُّ مُلكي بينَ ذِراعيكِ، يا فَرسَ الهوى، ما عُدتُ أعرِفُ وطناً سِواكِ ..

حاضني وحاط راسـة برُگبتي وكانهُ ياخذ من انفاسي ويشهقهة
وخرني مِن حُضنة وحضن وجهي وقرب وجهة حَيل يم وجهي

عيونـة تجولت علية، اباوعلة كُلش مصدومة بي احسة راح ياكلني بنظراتة هـاي، كلبي كام يدُك بسرعة وانفاسي اتخربُطت، دنك راسـة على رُگبتي وغمض عيونة بقوة

جِسمي انتُفض ومن حَس بقشعَريرية جسمي من انفاسة على رُگبتي لزم ادية ب اديّ، وصـار يوزرع قُبلاتة عليها، قاومتـة مافاد واحس نفسي ثگل حَيل، ايدة صـارت تتجول على جسمي شهگت ودفعتة وگمت بسـرعة

انتبه على نّفسة وفتح عيـونة طبيعي، حَسيتة جـان خدران وماحاس بنفسة عدل شعرة وتحمحم

درت وجهـي واني احس هل مرة حرارة موبس بجسمي لا بركبتي صـارت
ردت اروح لزمني من ايدي وحضني بسرعة

امير
فَرس لا تتوقعين إنة أريد جسدچ، بس إنتِ كلشي بيچ يسحرني، نظراتچ، ريحتچ، حتى نفسچ ما أگدر أقاومچ، كِل ما تقربين أحس روحي تنسحب مني وتروح الج بدون ماحِس وانة بكل مرة اوعد نفسي ما ادنـالچ وأذيج بـس اخسر بس اكون يمج .

وخرني من حُضنة بـس اني جنت ميتة خجل
حُضن وجهي وقربني الـة وگال

امير
جاي اضوجج؟

هَزيت راسي بـ لا ابتسم وباس راسي

امير
شنو رئيج نطلع نتونس ؟ شعندج كاعدة هنانة ورانة جَبل كركوك مُنتجع كامل هنـانة وتلفريك وكذا شرايج نطلع ونتونس ؟

فَرس
اي من اجيت شفتـة حجيت وي ايلول حَتى نروح بس هسة؟؟؟
بـ ١٢

امير
مابيها شي واذا نطلع نتونس ونرجع

فَرس
بس خاف ابو ايلول مايرضة اذا مارضة ماروح

امير
لا يرضة ابوها مو هجي نوعية ادري بي
هسة تعاي خل نطلع ونشوفهُم خاف ايلول هم تعبانة وماتكدر تطلع حتى اذا هاي بس انة ويـاج نروح

فَرس
لا امير ماكدر اعرف ايلول وحدهي خاف تعباااانة

امير
هنيال ايلول عمي دطلعي اطلعي وخنشوفهُم

لبست حجابي عَدل، وطلعنـة ثنينة وانصدمنة انُ الدنيا دتمطُر ثلج
جانت اول مَرة اشوف بيهـا الثلج فرحت وكتلة

فَرس
الله اميررررر دتمطُر ثلج

امير
هههههه ولجج باررردة وانتِ ما لابـسة شي تعاي لا تتمرضين
سحبني لحضنة وطلعـنة سوة

شفت ايلول لابسة جاكيت علي و واكفين هوَ وياهة كل واحد بجهة ويسولفون بحُب

امير
راهنت على فشل هل علاقة شلون جاي تنجح مادري

فّرس
عزة اني هم والله كتلها انتِ بشام وهوَ بحلب عوفوا بعُض احسن ليش واحد يتعب الثاني بس تدري شنـو ايلول بدت تحب علي بس مدتحجي لان تستحي

ابتسم الي ورجع التفت الهُم، ماحاسين بوجودنـا ابد

ايلول
طلعنـا اني وعلي برة يم سيـارتة، ماجان اكو احد وجان الجو هادئ وبارددد

ضليت افرك بـ ادية وي بعضهُم حَتى ادفة، شافني وراح فتح سيارتة جاب الكوت مالتة واجة حَطة على متني وكال البسي عَدل وابتعد

لبستة طلع شكلي يضحك ثوب وكوت طويـل

ايلول
هذا المفروض يضل يمي

علي
لا حبيبتي يمج ١٠ ويمي يوم حَتى يضلي من عُطرج بي واشمة

صار من جهة السيـارة المقابيلي واني من جهة ثانية، يباوعلي وحاط ايدة ع جرباية وصافن عيونـة تنبع حَنان وحُب ماكدرت ماكلة

ايلول
علي تدري شنو اكثر شي احبة بيك

علي
اويلي على علي شني هوَ يبعد طولي ؟

ايلول
حِنيتك، والنظرة الي تباوع بيها علية، احس حنان الدنيا كُلها بيك

علي
ايّ وعلي انة حِنين ولج بس مو على ياهو الجان، على اهلي وعليج من يندار طولي لطولج فدوة يابعد طولي

من گال هَيج ضحگت على حجاياتة وتذكرت اول لقاء النـة

ايلول
مادري ليش اجة ع بالي اول لقاء جان بينة شكد جنت اكرهك ياربي

علي
انة ولج شعوري جان غريب، من اول ماشفتج ماكرهتج بس ضجت، ضجت لانج جنتِ واكفة وتصيحين بنص المركز
نوب انة شني يايمة منين اكو مَرة تكعد تسفط حجي نوب تهيني انة يابوية ياكاع انشكي وبلعيني

حَجية جنوبي بشكِل وبيها نكهة تضحكك غصبًا عليك، ضحكت عَ كلامـة وكتلة

ايلول
والله مادري شلون تجرأت وطبيت بس ماردت اعديها لذاكَ الادبسز

علي
قدرج مكتوب تلاگين علاوي، وتصيرين مرت علاوي
اويلي مرت علاوي بس لاحظيلي الكلمة شكد حلوة
شوكت يصيحولج مرت علاوي

ديحجي ومانحِس إلا الدنيا كام تمطُر ثلج

ايلول
عَزة دتمطُر ثلج

رفعت راسي لفوگ وابتسمت وهَزيت راسي
قطعني صوت علي وهوَ يحاجيني

علي
إيلول تعرفين شنو السعادة بالنسبة إلي؟

باوعتلة وهَزيت راسي بـ لا

علي
هاي اسعد لحظات حياتي، هي اللحظة اللي أكون بيها وياج
وجوة هالثلج اللي ينزل هسه، أحس الدنيا كلها صارت إلي
وكإني ملك زمـاني

ابتسمت وحَبيت ابادلة بكـلامة هذا الي يفرحني وكتلة

ايلول
اني هم

علي وي ضحگة خفيفة
ميبستها علية كلِش عمي بس اميرررر الرابح بيهـا
ماعدج اقوى من انة هم بعَد طولي ؟

هزيتلة راسي بـ لا وضحگت
ضحگ وياي

علي
بشرفج ايلول حَتى لو تقشمرين علية كليلي فدشي حلو
خل احس بنفسي عايش الشعور

ضحگت على كلامـة وكتلة

ايلول
ميحتاج اكذب بس اني فعلاً سعيدة ويـاك
ومادري اذا هل سعادة راح تُبقى او تروح
ويجوز حُبك ينمحي بعدين الله اعلم

علي
وحگ عزيز الله على گص رگبتي حُبج يقل يمي، عمي گولي يزيددددد يقل شنـو انة بداخلي حُب يكفيني اعيش وياج سنتين حُب وعلى شرط كِل سنة لحد ثمانينات يلة نموت

من گال هَيج ابتسمت على كلامة، اني ابدًا مو خجولة وبعُمري وبحياتي ماخجلت، الخجولة بينة فَرس بس ليش من اوكف يمة هيجي اخجل مادريي

علي
هاي شسمة انتِ من تبتسمين احم

عرفتة شنـو راد يحجي مستحي يگولها
ايّ ابتسامتي بالمكلوب هههههههههه

علي
كِلشي بيج مُميز وحق علي احسج حورية موبنية
ايلول اكلِج شي بس حبابة مو تكولين علي مستهتر
بس هجي يعني جاي اكلِج

ضحكت وكتلة
ايّ احجيلي

اتكأ بثنين ادي عَ سيارة وصافن نفس جاهِل ويحجي

علي
شايـفة اذا صرتي حلالي الا احضنج حضنة اكسرررر ضلوعج بيها هيج تكسيرررر فَ انة انصحج اول ماتصيرين الي لا تتگربين يمي منا لشجم يوم بلكت يقل الشوگ وتعـاي

عمي شني من عيشة لا بوسة لا حضنة لا اگض ايدج شني هيَة صارلنة نص سنة شلون گضيت روحي مادري

هَسة انة صافن على عيونـج اريد اشبع عيوني بيـج اخاف ابعد عيني ويفوتني شي من حسنج

انتِ عايني الفرق البينة، باعي بياضج بالليل عبالك گُمر ويضوي گدامي وانة ما انشاف بالليل ثنين نفس شي الشموس داگتنة دگ وهم اذا اوكف بصفج اطلع اسمر ههههههههه وايدي باعي ايدي شكبرها وخشنة وايدج؟ هجي ناعـمة وطرية احس بس الزمها بيدي تموع گد ترافتهـا كِلشي بيج احبة ماكو شي ماحبة ولاشي حَتى نچارتج احبها

والله لوبيدي اخليج كلِج بجيبي واشرد بس للاسف ماكدر
انة هنا لحماية المواطِن مو نَهبة

هوَ يحجي واني هايمة بكلامة ونظراتـة تجاهي، اذا منفعلة دقيقة جان رحت حضنتـة ع الحُب الجاي اشوفـة منة
سكت وهوَ يباوعلي سكتت ودنگت راسي ماحس اتحمل نظراتة ازيد
دنگت للكوت وكتلة

ايلول
تدري ملابسك شكد تدفيني

علي
هذهو كلهن كدامج حَتة انة كدامج اذا تردين اروحلج فدوة

ايلول
اممم فَرس وامير شكلهم مطولين اعزمك على شي ؟

علي
مو اكلِج ابن عمي طايح حظة
المهم حسب نوع العزيمة اهم شي ما يندفع بيها شي من جيبج لان كايلج

ايلول
احنة ماعدنة نسوان تدفع والله ادري بس غير شي

علي
اذا عيونج اقبل

ايلول
جاي وعيوني ؟

علي
ومن ايدج؟ وانة الممنون والله ..

طَبيت لجوة بسرعة فتحت الغلاية اقل الدقيقتين حمت الجـاي صبيت واحد بسفري وطلعت

اجة تلگاني اخذة

علي
ها شني تنكليهن واحد واحد لو صايحتلي

ايلول
لا هذا بَس الك اني ماشرب ماحب جاي ابد

علي
يابوية جا انتِ غير معزبة شلون تعزمين لشي وانتِ ماتكعدين

ايلول
شدخل

علي
احنة هاي عاداتنـا اذا خطار اجانة وكعدنة ع سفرة الاكل مانكوم قبلة ابد حدما يكمل يلة نكوم، وماكوشي اسمة ماشتهي لو ماشرب لوماحب لازم نشرب وناكل ويا

ايلول
وليش تغصبون روحكُم

علي
من باب انُ ممكِن يكون جوعان بس من شافك كمت يستحي ويكوم او يحب يشرب شي بس من يشوفك ماتريد يستحي وهم مايريد
احنة نسميهـا المعِزب يعني من يجيك واحد لازم تكون معِزب

ايلول
منطقي حجيكم صراحة
بَس يعني شنو معزب؟

علي
يعني حَســِن الاضافة
بوية صابتلي بهذا شگدوتة هذا حسوة مايصيـر

ايلول
شنو حسوة

علي
يعني كمعة

ايلول
شنو كمعة ؟

علي
يعني صخام على راسي شمدريني
ها شررربة شربة وحدة يعني

ضحگت وهوَ ضحگ وضلينـا واگفين نشوف الاجواء شوية وفززنا صوت امير

امير بصوت خشِن
ملازم أول علي، تم استدعاؤك للتحقيق بخصوص الإجراء رقم 14، نفّذ فوراً

نز علي ودار وِجهة بسرعة وهوَ يطگ تحية ويكول ( نعـم سَيدي )

باوع لاميـر، وكل احنة ضحگنة عليّ
علي
خرب انّ ولك بعِز صفنتي وچفلتني گلت چفتتني الدورية وانة اتمعشگ بنص شارع

امير
ع اساس انة وفرس قررنـا نطلع سوة كل احنة نتونس شوية نتمشى للجبل نشرب گهوة ونجي بس الظاهر الجو ميساعد وهم انتَ ما شاء الله جاي تشرب جاي

علي
هاي المرة سوتليـا مرتك هم تسويلك ؟؟؟

ايلول
علييييي لا تسميني المرة الي اسمي

علي
العفو تاج راسي سوتليـا

ايلول
خوما دتستهزأ ؟

علي
لا والله ليش حتى استهزأ صدِك انتِ تاج راسي

امير
ديلـة هَسة طبن الدنيا باررردة

فَرس
لا اميرررر حباب خل نروح والله الجـو حلووو ومو باردة هواي ترة

امير
اييييي لا مو باردة بس عظامج جاي تطكطك من البرد

علي
خوش فكَرة ايلول بيج حيل ترحين لولا؟؟

ايلول
ايّ ماعندي شي بس خاف بابا ميقبل

امير
اذا تردن ترحن فَ انتِ كليلة بابا امير وفَرس راح يرحون اروح وياهُم
اكيد راح يسئلج على علي كليلة ايّ
اذا كالج لا مانروح
واذا كالج ايّ حتى نروح ناخذلنة ساعة ونجي مو اكثر

ايلول
خوش رايحـة

امير
يلة وانتِ وياهة بسررررعة طبي لا تتمرضين بطرگ الثوب

علي
تشوفـنة وتجن مووو تشتلنة هنا

ايلول
ايييي ابـو شوارب لا تاكلنة وتشربنـا رايحة

طبينـا اني وفَرس دكيت باب الغُرفة وطَبيت

فَرس
ااااا خـالة اني واميـر راح نروح هيج نتونس ع جبـل وكذا شوية ونجي منتاخر

ام ايلول
ايّ ماما روحوا تونسوا
ايلول ترحين وياهُم

ايلول
اي ماما ماعندي شي اروح اغير جو شوية

ابو ايلول
رجلج وين تمشين عليها تكدرين ؟

فَرس
عمو سيارة منتعبها لتخـاف

ابو ايلول
بابا دنيا ليل شمطلعجن هسة

فَرس
عمو امير ويانة وكالوا حلوة هسة وهادئة هم موهواي ناس

ابو ايلول
وعلي؟

فَرس
اااا مادري لو يروح لولا

ايلول
اي يروح بابا

ابو ايلول
مكيفة انتِ ايّ يروح

ايلول
بابا شعلية بي اني بس غير يروح ويانة
اذا ماتريد عادي اكعُد واسكُت روحي فَرس انتِ تونسي

فَرس
اذا مترحين انتِ ماروح

ابو ايلول
اني هذا مارتاحلة ابدددد

فَرس
عمو راح نروح كُل احنة ونتونس حباب خلينا نروح منتاخر والله

ايلول
كتلج ماروح فَرس بابا يخاف لاعلي يخطفني

ابو ايلول
وتحجي معلگ هم
يـلة روحن بس لتتأخرن

من گال هَيج كيفت دنطلع صاح

ابو ايلول
ايلول مو تمشين على رجلج هوووواي خاف تأذيج

كتلة ايّ بابا ايّ وطلعت بـسرعة
جنة طايرين من الفَرح اني وفَرس

فَرس
وطم طم طخ
عقلي انطخ

ايلول
من شفتك طحت بالفخ

ضحگنـة بسرعة ورحنالهُم ميتين ضحك

ايلول
اششش خل ننصُب عليهُم

ايلول
عيني بابا مارضة روحوا

فَرس
اي يلة حنروح ننـام تصبحون على خير

علي
اااااا وسم حتى سم احجن عدل شبيجن تتموعن منا ناس

امير
من سم بگلبك انتَ خوووو
مرتييييي شكوووو
يلة حبيبتي بعد احسن روحن نـامن وباجر نجيجن

ايلول
جذبنة عليكم ردنة نختبركم ونتيجة لهذا ماراح نروح

علي
عمييييييييي اشاقة شبيـج
كل هل رشاقة ومتشاقة شبيك عيني كاكاااا ايلول
لا تخليني ارطنلك هنانة

ضحكت على كلامـة وكالوا يلا بسرعة
انطيت جاكيـت علي دنطُب صاح علي

علي
كِل الكنتور تلبسنة ما اوصيجننننن
دنيا بارررررردة وعرضي ماريدة يتطشررر

طبينـة بسرعة همزين فَرس جانت جايبـة ملابس شتويـة
فَرس متضيع هيج لحظات تكشخ وتجيب ملابس وياها تحسُبًا لكُل شي

جانت جايبة كوتات طوال و وشاحات وقبعات لبسنة اني وياهة بس غطينـا بالملابس غَط

طلعنـا واحنة نغني
طم طم طخ
عقلي انطخ
من شفتك طحت بالفخ

حسينا روحنـة اترسستتنـا عليها
اول ماشافونـا علي اجاني

علي
خرب انّ مستورة ماكوشي طالع منج بس هم طالعة حلوة شسويلج اضمج بگونية شلون يعني

ايلول
عليييي مو وكتك مجمدة من البردددد

صعدنـا بسيارة علي يسوق وامير بصدر واني وفَرس ورة

علي
عندي ورة هذني الكلاوات مـال جيش هم يدفن ولك جا وحد عنهن خل نبلس اطينياهن ايلولة

باوعت يمي اشكال و الوان طلق على اسلحة على ملابس كلشي يمي محول سيارتة مستودع اطيتهيـا لبسوهن

اباوع لعلي مخلي المراية ب اتجاهي ويباوعلي
وكف السيـارة على اقرب مكان ونزلنـة
اشترينـا كهوة كل احنة ونزلنـا

ماجان احد بالمكان تقريبًا هيج عدد قليل جانت اجواء تجنن والثلج مغطي كُل المكان فَرس واميـر انطلقوا بجوهُم حاضنين بعض ويمشون ومتونسـين بالجو

واني وعلي نباوعلهُم ومبتسمين ونضحك

علي
ان شاء الله الجية الثانية لهنا هم نجيها كل احنة بس الاختلاف انة وياج خاطبيـن

باوعتلة بـ ابتسامة وماترددت اكُلة
ان شاء الله

علي
تتمنين؟

ايلول
ماجنت اتمنى بس ويـاك غير

علي
لا تخليني اجعصج هَسة هنانة

ضحكنـا وتجمعنـا كل احنة اخذنة صورة كومة وجان الفرح عام بكلوبنـا

( اخوان تدرون شكد عندي صور الهُم، بس الابطال يكلولي حطيهن بـ جات جي بي تي خل يسويهن ع شكِل انمي كارتون موحقيقي ونزليهن بس من انزلهن تاكلون كلبي ب سالفة ذكااء اصطناعي ايّ مو اني بنفسي داكلكم صحيح ذكاءء لان مُستحيل انشر صور حقيقية بس جَد التشابه جبير يكون فَ حزودكم بكم صورة ايلول سوتهن بالذكاء )

دزتها مَرة ثانية خلة حجابهن اعوج ومرة ثالثة حجاب احمر فَ كالت نضل سافرات احسَن 😂 بس النظرة نفسهاااا ..

فَرس
ايلول تعالي خلي نلعب بالثـلج

علي
وين تلعب رجلها يمعودة

ايلول
لالا ماعندي شي عـادي

عفناهُم ورانـا وانطتني ايدها ومشينـة اني وياهة نسينـا وجودهُم وكعدنـا نكمُز عَ الاجواء الحلوة الي احنة بيهـا

فَرس
الله شكد جان حلمنـا نسافر سوة اليوم احنة سوة بس مو بوحدنـا واحنة ويانة احن شخصين بالدنيـا

درت وجهي امير لازم الموبايل ويصور هوَ وعلي
اباوع لعلي يجنننن واكف بـطولة وهيبتة وملامحة الحَنينة

ايلول
عززززة فَرس شكد جنت اعيب ع الي عدهم شوارب واتقزز منهُم بس باعي علي شلـون لايكتلة والله حلووو
فَرس تدرين شنو؟ اني احبة والله
لـج حجة وياي كلام خلاني هجي افرفر بداخلي

فَرس
والله ذيج وياهة مبين شكد يحبج بس انتِ غبية
حاولي تلمي وتبادلي بنفس الحُب قبل لا يروح من ايدج فَرس
تدرين مرات اكول اذا انفر من امير مُمكِن يضوج من يمي
وهوَ فعلاً هيج اذا تضلين تكتمين حُبة بداخلج شنو الفائدة
هوَ هم محتاج يحس بهشي

ايلول
مادري بس والله استحييي

فَرس
والله وقت من يمتى تستحين انتِ

ايلول
هوَ شايفتة شلون يعبرلي عن حُبة ونبي يخليني اصفُن صفنة المطي
بَس اظن صدُك طحت بالفخ

فَرس
وطم طم طخ عقلي انطخ

ايلول
من شفتك طحت بالفخ

فَرس وايلول
هههههههههههههههههههه

علي
ولجن هاي شني اليوم طم طم طخ مدري شني منيلجن هاي

فَرس
هاي أُغنية اليوم نزلت اسمها
طم طم طخ عقلي انطخ

ايلول
من شفتك طحت بالفخ

فَرس وايلول
ههههههههههههههههه

امير
شنو هل ذوق الهابط ولجن

ايلول
والله حلوة شبيكُم

فَرس
اميرررر ماعليك بينـة انتَ احتار بعبد الحليم حافُظ واسكُت

علي
عمي اسكوت وانتَ الممنون

امير
هوَ انة هم ساكت

صعدنـا عَ جسر خشبي حلووو والاجواء جـانت تجننن
ايدي بـ ايد فَرس نمشي ونباوع والولد ورانـا
شويـة واجانـا صوت علي

علي
واخدتنـي من ايدي يـا
حَبيبي، ومشينـا تحت
القمر غنينـا
وسهرنـا وحكينـا وفي عز الكلام
سكِت الكلام، واثاريني
ماسك الهوى بـايديا
ماسك الهوى وووآه من الهوى
ياحبيبي آه مِن الهوى يحَبيبي

الفتت الة وهوَ يجر بالكلمة ويغني بـ ادية وموجه عيونة نحوي وامير راح يم فَرس الي جانت متونسة نفس الطفلة بـ الثلج الينزل عليها

امير
اذا الله كاتبلنـة حياة كل سنة بالشتا احنة هنانة وعلى نفس الجسر ونفس المكان

كُل احنة كلنة ( ان شاء الله ) ..

اتفقنـا انُ نرجع بعَد ما تجمدنـا تجمِد بالرجعة نمشي و فَرس وامير گدامنـا يمشون وفَرس نفس الطفلة تدور بمشيتها ومتونسـة وعلي يضحگ عليها

علي
طبيعتج نفسها ليش ماجاي تتصرفيـن هجي احسج مرتبكة

ايلول
مادري يُمكن مستحية

علي
ايلول تستحي ؟ غريب هههههههههههههه

ايلول
الهوى ياحبيبي

كتلة هَيج بحماس وعلى كد ما جان صوتـة بالاغنية طابع بـ بالي

ابتسامتة عرضت وگال

علي
وعلي گلبي رچيچ بهل خفايف شلون لو كتيلي احبك
اظن اتمرغل بالگاع

ضحگت على كلامـة وكملنـة مشي
ايدي صـارت يم ايدة باوعلي وباوع لايدي

لـزم ايدي بـ ايدة وحطههن ثنينهن بجيبة
اجتاحنـا هوى بـارد
سكتت وبداخلي نبضات حُب تشع بكُل سرعة
شوية وهمس

علي
ايلولة

التفتت الـة وكتلة
هاا ؟

علي
احبج
كلمة استهلاكية خرة بيها بس ماكو شي يوصف الي بداخلي غيرهـا ..

مايذبلة كلمة جدية إلا ويحجيلك شي يضحگكك ابتسمت ودرت وجهي للطريق

علي
هيَ نفس دائرة وراج وراج مهمّا مشيتي لازم بيوم ترضخين الها

فهمِت معناهة بـس ضليت مغلسة وصلنـة للسيارة وصعدنـا جان فاتح النة نفس الاغنية الي غناها وعلي مندمج ويغني ويـاهة، الطريق حلو وناس الي دايرنا حلوة وكُل شي جان مثالي لِلحظةً مـا ..

وصلـنة للبيت ضلوا واكفيلنـة حَدما طبينة
جنة كُلش فرحانين ومتونسين بدلنـا ملابسنـا
اول ما فَرس نزعت الشال اخترعت

رُگبتها جانت حمرة بـ ٣ اماكن وكإنها مكروصة من شي

ايلول
عَزة لج هااااااي شنووووو

اخترعت وراحت تشوف بالمراية وانصدمت اكثر مِني

فَرس
يُمة هذاااا امير شمسووووي وشلون ما انتبهت من لفيت شالي قبل لا اطلع يجوز لان لابسة بلوزة

ايلول
عزة يُمة ههههههههههههه هذا شبييي أُستاذ اميررر

فَرس
اني ادري شو مطلعلي وجها السرسري

ايلول
هههههههههه ذكرتيني ب بابا فنج شيسمي علي ؟

فَرس
ايّ؟

ايلول
المهتلف ههههههههههههههه

فَرس
والله اذا علي سمع ههههههههههههه

بدلنـا ملابسنـة واني جنت تعبانة شوي فَ اول ماجينـة نمنة
انصدمنا الصُبح بـ الولد وهُمة راجعين كالوا عدنة بالبيت سالفة حَيل ضرورية، صدمني علي كلي اول ماذبيناجن سمعناه ورحنـة
كتلة خوماكوشي كلي لا ماكوشي ان شاء الله ..

ايلول
علي عُكبة طيارتنـا شلون؟ ع اساس اليوم هم تحجي وي بابا

علي
اي حبيبتي باجُر انة يمكُم بحيل الله

امير حاجي الفَرس انُ خطيبة اخـو سّبب اهلها ضاربيها ومدري شنو فَرس انقهرت عليها تكول حبابة واني هم شايفتها قَبل جاية بخطوبة فَرس

الي عرفتة علي ميحب يحجيلي عن مواضيعهُم هاي خاف اخاف وهوَ اني فعلاً اخاف واخذ نظرة مُرعبة واتردد بسبب هسـوالف

بنفس اليوم انصدمنـا انُ اجة حُسام واخذ فَرس الغريب انُ هيَ ممحاجيتة ولا هوَ يعرف شي شلون وشمدري مجنة ندري ودعتهـا وراحت سألتهُم يمتى نـروح احنة كالوا بعَدين لليل تقريبًا جنت كاعدة وَحدي واشوف اهلي مخبوصيـن يمشون منا ويرجعون منا بس جنت تعبـانة ومالي خُلك اسولف كلت يجي علي ونتفاهم سوى

الساعـة بـ ١٠ تقريبًا انصدمت بخالة إيمان وهيَ جاية هيَ وعزوز ومحمَد فرحت بجيتهُم وجنـة كاعدين سوى نسولف
جايبين لاهلي من البيت كُل شي مُهم من مُستمسكات او شهادات الهُم وجايبين جنطة ملابس الي والماما ولبابا

للـ ٢ كالوا نريد نروح هم يلة

ايلول
يـا خالة شنو سالفة خو باجُر براحتكُم روحوا

إيمان
ماما غير طيارتكُم باجُر انتِ صدُك تحجين شلـون

ايلول
خالة عُكبة طيارتنا الثلاثاء مو باجُر

إيمان
غير قدموها شبيج ماما

باوعت لاهلي بإستفاهم بـس هُمة ماجانوا مستغربين وكإنهُ جانوا ضامين علية هذا الشي !!

ضليت ساكتة ماحجيت ولا حرُف انتظرت بس يرحون بيـت خالتي وانفجُر عليهُم

اول ماطلعوا وسدوا الباب طَبيت الهُم واني صايـرة كُتلة مال اعصاب

ايلول
انتوا صدُك تحجون باجُر طيارتنـا !!!

ابو ايلول
ايّ هسة ردنـا نكلُج قدموا الطيارة باجر الساعة بـ ٩ كون احنة بمطار اربيل

ايلول
مامااااا هاي صدُك تحجين لوشنوووووو !!! انتِ شكلتي لعلي ؟؟؟

ابو ايلول
شكالت لعلي هوَ علي لوبي خير جان ضل بس انتِ غبرة ومتفهمين غبية يتحجج بـ اهلة ويجذب عليج وتصدكين

ام ايلول
ماما اني كُل شي مابيدي انتِ وابوج

ايلول
بابا اني ماريد اروح ايّ مكان اريد ابقى هنانة

ابو ايلول
ايّ موهيَ بكيفج تضلين هنانة
المن تضلين علمود هذا المهتلف علي ؟؟

ايلول
بابا علي مو مهتلف لا تكول عنة هيجي
واني ماريد اسافر ولا اروح لمكان

اجة وكف كدامي وجـان عصبي
اول مرة اشوف بابا بهل عَصبيـة هاي
باوعلي وگلي

ابو ايلول
وحضرتج ليش ماترضين احجي عنة
خـاف ناوية شي ويا !!!

ايلول
بابا تريد الحقيقة؟ ايّ احبة وكتلك وارجع اكُلك ما مستعدة اخسرة

ابو ايلول بصايح
لج غبية انتِ غبية لوشنوووووو
علي مايفيدج تفهمين شنووووو مايفيدج انساننن همجي اهلة عشايررر يعيشوج بالذِل والله

ايلول
مايعيشوني بالذلل بابا لتخاف علية اني واثقة بحُب علي

ابو ايلول
اني انطيتج مجـال فوك اللازم اسمعي لِج باجُر ترحين يعني ترحين واذا تعاندين الي غير تعامُل ويـاج سمعتي

من گال هَيج صُفنت عليّ
ولا حسبالك بابا
هذا شلون يحجي بهالعصبية هاي وياي هيج

ايلول
بابا كتلك مارووووح لايّ مكان والله مستعدة اموت ولا اروح

ابو ايلول
انجبي لجِج راسج اليابس هذا اكسررررة اذا وكفتي بوجهي هيج
هاي كلة بسبب واحد مهتلف داگة الوكت
ولج من يمتى توكفين بوجهي وهيج تعلين صوتج هاااا

ايلول
بابا داحجي ويـاك ب احترام بس شوف نفسك انتَ اكسر راسج ومدري شنو انتَ الي من يمتى تحاجيني هيج

ابو ايلول
وهم عوزج ماتحجين وياي بحترام
يلة روحي حضري نفسج وعلاجاتج بـ ٨ نطلع منّ البيت

ايلول
بابا انتَ ليش مُصر كتلك ماروححح والله ماروح والله ماروح
هاي ٣ مرات بعد شتررررريد ؟؟؟؟

كلت هالشي بصايح قوي احس هَسترني وهوَ ديجبرني ع شي اني ماريدة ماحس الا وهوَ راكعني راشدي قوي

ابو ايلول
لا ترحيننن وغصبًا عليج هم وانتِ بيج خير عانديني

من رگعني راشدي حَسيت بـ احساس بشعع
بابا طول عُمرة مايرفضلي طلب ومايكلي على عينج حاجب
هسة يرگعني هَيج

اجتني امي وهيَ تحجي عليّ لكاهة حجة حَتى يصيح عليها عفتهُم وطبيت للغرفة بسرعة والدموع صارت تسابق مني

الساعة بـ ٣ تقريبًا امي تدگ بالباب واني گاعدة وابجي
اسمع صوتة وهوَ يصيـح
ابو ايلول
لو تموتتتت ما تاخذ هذا المهتلف وباجُر الطيارة واريد اشوف الرجال يجي ويسوي شي

بهل اثناء كمت بسرعة جبت موبايلي من ع الميز وخابرت على علي

رنة ثنين رد

علي
انطر ولك هَسة جاي
ها حُب طلعوا بيـت خالتج

تعالى صوت البجي مـالتي حَيل

علي
هاي شنـو ايلولة جاي تبجين ولج شكووو؟؟

ماحجيت شي بَس جنت ابجي وحَيل

علي
لـج ايلوللل شصايررر لا تطيرين كلبي احجي شبيج

ايلول
ع علي باجر طيارتنـا الساعة بـ ٩ الصُبح وبابا ضربني وكالي غصبًا عليج ترحين جذبوا علية علي جذبوا علية ماضل وكت ٦ ساعات بَس

علي
شنووووووو ضربج؟؟؟؟؟؟؟؟
لا يا چلب لا ياحقيررررر جايج جاااااي

ماصرت اسمع غّير صوت سَب وشتِم

ايلول
علي انتَ صدُك تحجي داكُلك طيارتنا بعد ٦ ساعات
ايلول بعَد ماكوووو لا طيارة تلكي هيج وقت ولا سيارة تكدر تجي بهل سرعة شسوي علي شسوووووي

علي
ايلول حبيبتي بس اهدي، اهدي وماعليج الباقي علية
والله تطلع روحي ولا تطلعين من العراق
جايج .. يُتبعععع
______________

سَبب

فتحت عيـوني واني اشوف زّعيم كدامي گاعد وحاط القُرآن بـ ايدة يقرالي

ماجان يعرُف انُ انة كاعدة، ضليت اباوعلة وانة مبتسمـة

شويـة وصرت افكر بـ الي صـار واسترجعت الذكريات شي شي

سّبب
زَعيم

همست  بـ اسمة، صارت انظارة حولي ابتسـم بَس مو ابتسامة زَعيم هذيجَ، ابتسامة بيهـا انكسار وبيها نّفس ثگيل ..

اجـة يَمي، ثنى نَفسة وگعد على رچلي واخـذ ايدي وباسهـا

زَعيم
الحمدلله على سلامتـج أُم يعگــوب

گال هجي وحَسيتة انتبه وكإنهُ حجة شي غلط

زَعيم
الحَمدلله على سلامتـج سَبب

سَبب
ليش سَبب ليش مو أُم يعگـوب ؟

ابتسملي بـس جانت ابتسامة ثگيلة جَر نفس وگال

زَعيم
احجيلي شاـون صرتي ؟

هزيت راسي بـ زينة

زَعيم
جاي تحسين ألم شي ؟

سَبب
لا هادية بَس احس نفسي تعبانة بعدني

زَعيم
ايّ دنيا بليل نـامي حبيبتي باجِر الصبح نطلع ان شاء الله

حَسيت بـ اسلوبة اكو شي غريب كلت خـاف زعلان على طلعتي من البيَت

سَبب
زَعيم بنِسبة للصـار صدگني اني رحت مانهزمت لوشي والله رحِت لانُ ..

زَعيم
اشش ادري قريت كِلشي مكتوب وعرفت
اذا احد لازم يعتذر فَ انة
وانة شايل بكلبي هواي اعتذارات يَ سَبب وكلهِن الج ..

سَبب انة ماعرف شـلون اعتذر مِنج
وماعرف شلون اخليج تسامحيني
بسببي صار كِل هذا
بسببي طلعتي
وبسببي كِل شي صـار

انة مادري شلـون اخليج تسامحيني سَبب
انة آسف، آسف ولو ماراح ترجع شي
بس لازم اتأسف الِج

سَبب
كسرت گلبي زَعيم كسرت گلبي
مرتيـن كسرتـة
مَـرّة بشكك بيـة
ومَـرّة من كتلي بيدي اخذج لبيت اهلج

من تذكـرت الموقف احِس غّصة صارت بگلبي، شهگت بجيتي وكتلة

سَبب
ابد ماجنت متوقعتهـا منك زَعيم
ليـش هجي، شلون تشك بيـة
وشلون تحجي هل حجاية
وشلـون تبارك
احس كِلشي تزاحم، طعناتك تزاحمن زَعيم

اخذ نفس وزفرة بقـوة وكإنهُ اكوشي ثگيل بصدرة يحاول يطلعة

زَعيم
شوفـي سَبب شاهد الله يتبارك مـا بكلبي تِجاهة ايّ شي من كبل سنتين، وساعة الي تحجي عنهـا لابسها مو يقصد يشهد الله بس لان متهمني ومـادري لبستها وتدرين بية ١٠٠ ساعة عِندي فَ لبست هاي وطلعت مافكرت هاي من منو وشلـون
ومن جنت بالمطبخ واجت يمي حجت وياي كَالت ( مرتك حلوة مَدري مرتك شنو مادري بس جانت تمدحج ) بحيث صفنت عليها وعلى مدحهـا ومن بعد ماصارت السالفة الله شاهد خَليت مُصطفى يكسررر راسها تكسِر

وسالفـة الذهب سَبب انتِ هم جنيتي على روحچ شايفـة الحچي الحچيتي الي ونوب روان كالت كايلة لرَحمة ونوب فجأة الذهب ينلگة يمج وروآن تحلف موهيَ وكل هذا وانة ماضاع أملي و والله والله وهسة راح يأذن الفجرية

والله يـا سَبب وعسى ما تنقبلي لا صلاة ولا صوم اذا اجذب عليج بحرف بس انة ضليت متأمل لحد اخر لحظة، من شفتج كمتي تبجين و ايدج كام ترجف حَسيت روحي تخبلت !

وحَسيت كل آمالي خابت بيـج، وماصرت اشوف كدامي غير انّي ابعدج لا تحلفين وتدمرين حياتج ومن حجيت هل حجاية عبالج شنو اسويها؟؟ تتوقعين مني أسويها لا وعلي لو من ابوي اذا اسويها

ولـج اذا مو كدامج كدام الناس شكول رجعنـا دخيلتنا؟ اكيد لا سَبب بس بساعتها والله حسيت نفسي تخبلت وضليت متمسك لحد اخر لحظة بـس برجفة ايدج ضاعت كِل آمالي والله

وإلا انة شنـي بسالفة علاوي الله عليج مني الدافعلج ومني الوكف يمـج ومارضة ايّ احد يحجي وياج تتذكرين من انتِ تكليلي انة اروح احجي وي علي وانة اكلج مامضطرة احجيلي تذكرين

هزيتلة راسي بـ ايّ

زَعيم
جـا بعَد شني والله هَل مرة صـارت وبعدين شكد حاجيتج راسلتج ماكو فلا حجاية وحدة حجيتيهـا والله بيومـها ردت اطلعلج بس سُراج اخ منك سُراج كالي عوفـها خل ترتاح وكلت عود على باجِر انة اجيج واحاجيج واطيب خاطرج حَتى جدي كال انة هم اروح ويـاك

تـالي خوش سواهة الچلب اخ اخ شكالج بيومها وهوَ اساسًا شلون عرف رقمج ؟؟

سَبب
مـادري زَعيم مادري شلون عرف رقمي فجأة راسلني كلي ابوي بالمُستشفى ويريد يموت مافكرت بكلشي غير ابوي ومـن صعدت ويا بسيارة احاجي مايرد علية وفجأة وكف كدام بيتكُم وو....

زَعيم
عَدت عَدت المهم سلامتج انتِ الباقي كلة يهـون ان شاء الله خَير

هزيتلة راسـي
باوعلي وراد يحجي شَي

سَبب
بحلگك كـلام

زَعيم
هههه مادري بَس
تقرب يمي واخذ بـ ايدي باسهن حَيل وباس جبيني وعيوني كالعادة وگال
لا خـلا ولا عَدم مِن وجودج

ابتسمت لكلامة وكتلة

سَبب
بـس جانت راح تصير احلى لو لا خـلا ولا عَدم مِن وجودج ام يعگوب ..

رجَع باس راسي
زَعيم
لا خـلا وعَدم من وجودج ام يعگوب

ابتسمت لكلامة وضليت كاعدة حاولت انـام ماكدرت، هوَ راح توضأ وإجة

صـلى واني عيوني تمشي ورة حَدما كمل واجة ..
باوعتلـة ماحسيتة نظرات زَعيم
حَسيت عندة حجي بداخلة
وكلام مايكدر يطلعـة

سالتة شبيـك ماجاوبني
اكتفـة ب انُ يبوس ادية ويباوعلي ويتنهد

ماجان يقبَل يجاوبني ويكتفي بـ ماكو شّي
ضل لازم ايدي ويباوعلي وساكِت

سَبب
زَعيم صاير شي مُشكلة بالبيت مُشكلة عندك احجي
وضعك ابد موتمام

زَعيم
صدكي ماكوشي لا تخافين ولا تضغطين على روحج زايد نامي هَسة وبعدين الله كَريم

نمت لثاني يـوم تقريبًا كعدني زَعيم جـان مكمل اوراق خروجي
ساعدني اعدل شالي والبس عباتي وجانوا امير وعلي جاييـن يمنة تحمدولي ع سلامة ورحنـا للبيت

اول ماوصلت الكِل تلگاني وتحمدلي عَ السلامـة جانوا محضريلي غرفتي فَ طببني زَعيم الهـا

الولد مـا جانوا موجودين بس البنات و الشيـخ ومرتة وعمامي

جبُر
بويـة سَبب الي صار بـ اخر مرة ماريدج تاخذين على خاطرج منة واحنة ما سئنة الظن بَس الي صار كدامنـة هوَ هذا بنفس الوقت انتِ بنيتنة وتعرفين شكد معزتج يمنـة فَ مانريدج تاخذين على خاطرج وتزعلين من عدنة

صالحة
اي والله انة ضليت اكل بكلبي اكل شتدرين بية انة انطي بيج  بذيج المرة وكفت وياج ضد تبارك وحَتى محسِن جرني صفح يكلي يمة شدعوة هجي وليش هجي يمة
وعلي معزتج معزة روان وسيوف وشموسة واكثر

رُغم انُ اكو بكلبي زعل قوي بس ماكدرت اكثر بي كتلهُم لا عادي وهاهيّ هوَ لو ترجعلها فَ حقهم لان الي شافوا بعيونهم هو هذا نوبّ فركـاهة من اجيت ارد احلف ايدي رجفّت فَ حقهم يصدكون

شويـة ونزلت روآن اعتذرت مِني وحضنتني وهَل مرة جان اعتذارهة من كِل وگلبهـا وكلساع ترجع وتبوسني وتكلي خوما زعلانة مني وانة اكلها لا والله نسيت وترجع مرة ثانية وهم تعتذر

مـادري ليش حَسيت اسلوبهُم وتعاملهُم وياي غريب بس كلت چي طالعـة من المُستشفى ومدري شني

طلعـوا كلهم كالولي ارتاحي شويـة، زّعيم ضل يمي شوية واندگت الباب رَحمة جانت مسويتيلي شوربة عَدس بطريقتها الي احبها

اخذها زَعيم من عندها واجـة تجآني عَ الحياط وكعد يمي وصـار يوكلني

سَبب
زَعيم شبيك احس روحك لايچة ماحسك زَين

اخذ نَفس وسكت

سَبب
زَعيم ليش ما تباوعلي

باوعلي وابتسم بتصنُع

زَعيم
مابية شـي سَبب لا تخافين

سَبب
والله مامتعودة عليك تكِلي سَبب وانتَ من أمس لليوم تكلي سَبب
انة اعرفك بس بوكت زعل تكلي سَبب شجاك هَسة احس بيك شي

زَعيم
مابية شي صدكيني

سَبب
هوَ شنو مابيك شي وانتَ وي كِل حجاية تاخذ نفس تحسسني هموم دنيا على گلبك

زَعيم
سَبب كتلج مابية شي اكلي هسة وبعديـن الله كَريم

سكتت عنة بـس انة جنت ولا مرتاحـة

كملِي الشوربـة وگالي راح اروح اسبح واجيج

سَبب
زَعيم انتَ مال خلك واكيد جنت سهران الليلة روح نـام

زَعيم
لا حبيبتي ماعندي شي راح اسبح وابدل واجي

صعَد هوَ واجتِ رَحمة هيَ وروآن كعدوا يحجون وياي بَس الغريب رحمة تحجي عَ الانبيـاء وقصصهُم والي تحملوا ومدري شنـو

اكوشي غريب وگلبي ما مرتاح

سَبب
رَحمة اكو شي ؟ روآن شصـاير والله احس اكو شي وضامي عني شنـو !

رَحمة
لاحبيبتي ماكوشي

روآن
غريب عليج حجي رَحمة دومهـا هجي تحجي لتخافـين

اكـو شَي بداخلي قاقلني ومتأكدة صايرلي شَي ومحد راح يجاوبني غَير زَعيم، مَشـن البنات بعَد ما زَعيم اجـة وجان سابح ومبدل

زَعيم
ليش متنامين شعندج گاعدة؟

سَبب
زَعيم تعال عوف كل شي
تعال اكعد هنـانة

اجة كعَد كدامي وبوجهة علامة استفهام
گابل وجهي باوعتلة وكتلة

سَبب
زعيم شصـاير سولفلي حباب احس اكوشي مضوم والكل جاي يضمة عني انة مو طفلة ولا بغشيمة افهم كِلشي واعرف اكوشي ضامي انتوا عني

باوعلي بتوتـر وگال

زَعيم
ماكوشي سَبب بس همة خايفين عليج وانهبطوا فَ جاي يحجون هجي

سَبب
زعيم كلبي لاعب جاي اكلك لا تخفي علية شي واحجي شكووو

زَعيم
صدكي ماكوشي سَبب شبيج

سَبب
زَعيم لا تقنعني بماكوشي متاكدة اكـو احجي شكو
ترة اول تالي انة راح اعرف فَ ليش جاي تضم علية !

اباوعلة وجهة غَريب وخايف اكو شي ضامة وجبيـر هَم

زَعيم گاعد ومحتار، حاير بالكِلمة الي لازم تطلع من حلگه، شلون يكولها وشلون ما يجرحها. نفس طويل طلع منه، وصفّر بخفّة وهو يحاول يشتري وكت، يريد بس الوكت يطول والساعة ماتمشي. إيده اليمين تمسّد على لحيتة وكأنه يدور على جواب، والإيد الثانية يفرك بيها أصابعه، صوت الجلد على الجلد يبين قلقه.

عيونه ما چانت عيون واحد يحچي، چانت عيون تحچي بداخلها ومحتارة شلون تطلعها وبيها خوف، وشي من الندم، وشي ثاني ما ينوصف.

عَدل گعدتة ولسانة بعدة ما لگة الكلمة الصح
تنهـد وگال بهمس
زَعيم
ماعرف شحجي

سَبب
هههههه زَعيم شبيك انتَ ماتعرف شتحجي؟
من يمتى هاي

زَعيم
من الموضوع صار يخصنا ماعرفت شحجي

استغربت من گالي يخُصنة وباوعتلة بـ تساؤل

سَبب
والنبي راح اموتتت زَعيم احجي شكووو!!!!

التفت الي وعَدل كعدتة ولزم ايدي وگال بعيـون بيها لَمعة

زَعيم
الله ما راح يرزقنـا بيعگوب

سَبب
هههه شبيك زَعيم قابل انة حامل مثلاً وذبيت طفلي البنج مأثر علية لوشنو؟

زَعيم
موهجي سَبب، اااااه يـارب

سَبب
زعيممم احجي شبيـك كوة تعت بالكلام عَت!!!!

زَعيم
اضطروا يشيلـون رَحمج بـ اثناء العَملية، الضربات اثرن عليّ وشالوا ومـا راح نكدر ننرزِق بطفل الله ماكاتبلنـة .

من گال هجي باوعتلة وصفنت لاكدرت ارمش عيوني ولا كدرت احرك جسمي ضَليت اباوع وصافنة

شنـو شلون شجاي يصير؟
يعني بعَد ما اكدر اجيب اطفال؟
وزَعيم؟ ومحبتة للاطفال؟ راح يخلوا بدون اطفال
لو مية بالمية يزوجوا؟ وحَتى لو همة قبلوا اني راح اقبلهـا عليّ؟

اباوعلة وصافنة وافكر غمضت عيوني و ويَّ ما غمضت بدت عيـوني تتسابق بـ النزول

حَط ايـدة على خَدي وگال

زَعيم
انة ويـاج لا تخافين سَبب حَتى لو

غمضت عيوني بقـوة ونفرت وجهي مِنة ..

زَعيم
سَبب بس خل نحجي ماريدج تبجين حبابـة

سَبب
ماريد اسمع شي ولا اريد احجي شي عوفني زَعيم

زَعيم
شلـون اعوفج واخليج متأذية هجي وانة السبب بأذيتج شلون

سَبب
يعني بعـد هاهيّ ؟ صدِگ قلعوا قلعوا كِلة

هَز راسـة بَ أيّ

هـزيت راسي بـ برود و وخرت ايدة اليمين من على خدي، واليسار الي جانت بحُضني وتمددت راد يساعدني رفعت ايدي بـ لا

زَعيم
سَبب لا تسويـن هجي حبابة خلنّي احاجيج

سَبب
بس انة ماريد احجي شي
اريد انـام ..

زَعيم
وعلي تضربين گلبي بسچينة بهذا برودج
خلنة نحجي شويـة عاد

سَبب
زَعيم ما سمعتني ؟ اريد انامن ..

زَعيم
بس موبعد ما نحجي
انداري اليـة سَبب ماريدن لا جهال ولا شي انة رايدج بس الـج والله مارايد شي

من گال هجي ضحكت وجانت ضحكة من كِل وگلبي كمت من مكاني والتفتت الة، وهوَ يباوعلي ومصدوم من ضحگتي، وي ضحكتي صـارن ينزلّن دموع بي مو دموع عـادية، دموع وصوت بجي ونشيـج ويااا

سَبب
انتَ مقتنع بالجاي تحجي مقتنع؟؟؟؟
وتريدنـة نكمِل ؟
ادري بداخلة ما مقتنع بس تريد هجي حَتى تطيب خاطري
هم انة اكلكياهة ماريدك تطيب خاطري ولا اريدك تحاجيني

زَعيم
شني هيَ الاطيب خاطرج شني سَبب
وبعدين اذا ماطيب خاطرج اطيب خاطر مِني مثلاً

سَبب
زعيم عآين انة بعَد ماريدك ولا اريدددد اشوفك حَتى موضوعنـا انة وياك انة الي راح انهي گبل لا انتَ تنهي

زَعيم
شني موضوعنـا ينتهي هيَ لعبة مثلاً ولـج
كافي اهدي حتى البجي موزين عليج والله
الراح يتعوض بـس صحتج شلون تتعوض

گمت من مكاني ودموعي تتطافر و احجي بحرگة گلب

سَبب
اي يتعوض حقك يتعوضضض طبعًا يتعوض انتَ
لانك رجال يعيبك شي لا مايعيبك من الصبح جدك ياخذلك تبـارك

زَعيم
ولج نصي صوتج، انة اخذ تبارك انة؟ هي الي تسببت بهذا الشي وتردين اخذها ولج انة لوبيدي اخنكها واموتها ب ايدي وحگ علي نوبَّ تكليلي تاخذ تبارك من عِمت عيني كون اذا اخذ هل گح.. هـاي ولا تخلين اسب وافشر عَليها هَسة

كِمت من مكاني وكتلة

سَبب
جذِب كِلة جذِب حجيك كِلة جذببب واذا انتَ رضيت اهلك مايرضون وخصوصًا الشيخ يموت ولا مخليك معلگ هجي واذا هوَ قبل انة الماراح اقبل، انة ويـاك بعَد ما نتراهم انة ماريدك زَعيم ماريددددك
روح وشوف حياتك بسسسس !!!
بس الي صـار بية خطيتة بركبتكُم
انتوا السبب الي خليتوني افقد اكثر شي متحمستلة بهايّ الدنيا
انتوا السَبب

درت وجهي مِنة وانة منتچية عَ الچرباية واحس صـار وجع ب بطني حَيل اجاني زَعيم حضني من ورة ولزمني من چتافي وهوَ يدني راسـي لصَدري

مِن سوة هيج صحت بصـوت عالي وانة ابجي

سَبب
زَعيم عووووووفني ماريد اشوفك بعَد ماررريد

كِلت هيج وانة اشهگ حَيل ب بجيتي وغصتي
وخرت عَنة بسرعة ورأسًا وگعت بالگاع

انفتح باب الغُرفـة بسرعة اجت مرت الشيـخ والبنات وصَفية ورضية يمي وانة اكول ليش روآن هجي تعتذر مني، اكول ليش صَفية ورضية لاول مَرة بحياتهن يبوسني ويتحمدلي هجي بكل لهفة اثاريهم يعرفون هُمة السَبب اثاريهم يعتذرون لان ضيعولي كِل حياتي

صالحة
عرفت ؟

زَعيم
سَبب بس خل احاجيج ولج والله ماريدن طز بالجهال هسة شيضيفون ما تكليلي ماريدن وعلي ماريدن ولا ازوج عليج ولا افكر بيهم بس لتسوين هجي بنفسج كومي ويـاي اطيني نفسج وكومي ترة روحج راحَت

صالحة
يمة انعلي شيطان وصلي عَ النبي گولي يـا الله لا تسوين هجي بنفسج ستوج طالعة من حلگ المـوت

رَحمة
سَبب باوعيلي لـج راح تموتين من البجي كافي انتهيتي

مدنگة وابجي بكِل قوتي وما همني وجود ايّ احد ولا كلامهم الجانوا يحجـوا

زَعيم
هسة انة المعني بالموضوع وجاي اكلِج ماريدن عمي ماريدن انة متنازل عنهم كفيلج الله واذا صّح يوم وكتلج انحسب مو رجال وكلامي مو علية

سَبب
هههههه زَعيم انتَ جاي تضحك علية لوشنـو
انة ابدددد ماراح انتظر وانة اشوفك تتزوج علية
انة راح انسحب واخليلك الساحة كِلهة الك
انة ماريدك بعَد مارررريدك

زَعيم
سَبب لا تكولين ماريدك ترة جاي اسكت علمود وضعج هذا
جاي اكلج انة مايهمني يا بشر مايهمني
اذا القاضي راضي بعَد المدعي شعليّ اريدن افهم

صالحة
ها اها رجلج بنفسة جاي يكلج هجي بعَد ليش تحرگين بنفسج هشكِل ليش ؟

سَبب
ليش احرگ بگلبي يمة ليش ؟؟؟
على اساس انتِ ماتعرفين لا تعرفين وكلكم هم تعرفون بس جـاي تسكتون على ابو وضعي، هوَ انة مابية شي والشيخ يحجي بزواج زَعيم الثاني نوب صرت عاگر وماگدر اجيب جهال شني الشيخ يتحمللل ؟؟؟ لو زَعيم يتحمل

حَتى انتَ شـايف الي هَسة تكول ميهمني وماريد والله بعَد شچم يوم اطلع انة السَبب ومن اكلك لا اطلع حارمتك وهم ياريت تهتم لو كتلك الف لا ماراح تهتم وتروح وتاخذ غيري

زَعيم
وعلي جاي تظلميني وعلي
ولج تحرم علية نسوان العالم كِلهة وحگ ربج
هيَ وحدة وما ينعد فوگاهة

شَمس
ترة البجي موزين ع خياطاتها يجوز يطكن سَبب كولي يالله وكومي ليش تأذين نفسج

سَبب
انة اريدن اتأذة محد الة حاج بيـة

رَحمة
زين ترحين وياي للبيت ترتاحين

زَعيم
وين تروح وياج رَحمة لخاطر الله ويـن!!!!!

سَبب
ايّ رحمة حبابة اريدن اروح وياج حبابة

رَحمة
يلة بدلي خل ياخذنة واحد من الولد علي هنا ياخذنة

زَعيم
سَبب ويـن ترحينننن صدك تحجينن

سَبب
ماريدن جاي اكلك لا تباوع لوجهي زَعيم

ناوشنـي حجابي وعباتي وانة ابجي بحرگة وزَعيم يفتر وراي

فتحت البـاب وجاي اطلع صاروا بوجهي الولد والشيخ گاعديـن انظارهم كلهم تحولت عليَّ

جبُر
بوية تعـاي خلني احاجيج

من گال هچي ماجان ودي اروح بس ماكدرت ارفضلة طَلب تقدمت وعيوني كلهن دموع ومدنگة راسي و واگفة

جبُر
الصار مو سهل وماريدن اتفلسف عليج واكولن سهِل وتتخطي ومدري شني بس يابوية هاي ارادة الله وبعد شجم يوم ولد زّعيم ولدج ترة والي يجيبهم يحطهم بـ حضنج وبت ابوهـا اذا حجت

علي
جدي جا انتَ تريد تكحلها عميتهـا صدِگ تحجي

زَعيم
جدي شني سالفـة !!

سَبب
ههههه لا هيَ هاي الحقيقة فعلاً هجي
انتَ اختصرتلي هواي شيخ واثبتت الي والهُم حَجي
وانة هذا اعرفة كلِش زين

جبُر
جا اذا تعرفين ليش تردين ترحين ؟

سَبب
شيخ انة

كلت هيج وانداريت لزَعيم غمضت عيوني وشهگت

سَبب
انة اعشگة لزَعيم وعاجلاً ام آجلاً هسة لو بعد سنة لو بعد ١٠ سنين زَعيم ماراح ينطر وراح يزوج فوگاي علمود البزر، وانة مستعدة اموت ولا اشوف وحدة تشاركني بـ حُبي
ماكدر يا شيخ ماكدر، فَ اروح من هسة
ماريدن اظلم روحي واظلمة وياي ماريدن

گلت هجي والتفتت اريد اطلَع
صـار بوجهي زّعيم

زَعيم
عمي وحگ ذاكككك الدين وذاكَ اليمين
اذا اخذ فوگاج اطلع مو رجـال
ولج مارررريد جهال هاي كدامهم
عمي انة مارررريد جهال ماررريد
اريد احط راسي على راس مرتي وبَس
ماررريد شي

سَبب
هاااي هسة بعدين ماراح تكول هجي والله
ماراح تكول هجي وانة مارررريد
حتى لو انتَ تقبل انة ماراح احرمك
ادري بيك كلِش زين شكد رايد يجيك طفِل خصوصًا يعگوب
تتصورني احرمك منة ؟؟
لا والله
هاهيّ زعيم هاي كدام الكِل اكولها

نفس ماطبينـا بالمعروف
نطلع بالمعروف
وانة مارررريدك بعَد ماررريدك

كلت هجي ومشَيت لزمني من ايدي وصار كدامي
جـان كِتلة مال اعصاب يصيح ويحجي

زَعيم
هيَ مو على كيفج سَبب مو على كيفج ترديني وماترديني
طلعة من هذا البيَت ماكوووووو

سَبب
زَعيم هددد ايدي جاي اكلك مارريدن بعَد ماريدن

علي
عوفها زَعيم خلها تروح وبعدين تتفاهم وياهة

زَعيم
علي لا تدخل حباب لحد يدخل بيـة
تعاي سَبب امشي وياي

سَبب
جاي اكلك مارررريدن مارريدن

علي
شبيك تخبلت لا تسحول بالبت جاي اكلك عوفهـاااا
اصلاً الصوج كِلة بيك انتَ لو صدك وصدك جان ما ظلمتوهة هجي
هيَ مامبينـة الحقيقة و واضحة لا تخلوني هسة احجي

زَعيم
علي وكتك هَسة وكتك؟؟؟؟؟؟

علي
ايّ وكتي انتَ غلطت ولازم تدفع ثمن هَل غلطة
عوفها ختروح تعـاي انة اوديج

زَعيم
وعلي ماتطلع إلا على .....

علي
اشششششش لا تحلف ولكككك لا تحلفففف

زَعيم
علي وخرررر عن طريقي ماتطلع

اجت مرت شيخ والبنات رادوا يحجون وياي بس انة جنت قافلة
علي جان يحجي وي زَعيم بعصبية

زَعيم
جاي اكلك بس احاجيهـا والله بس احاجيها وبعدها بكيفها تريد تروح تريد تضل بكيفها

علي
علكيفك احجي شوف الفرخة راح تموتتت من وراكم
ولكم بت هجي تلعب بيكم من .. لا تخلوني افشر هسة على اكبر راس بيكم استغفرالله انة اعلمها والله الا اكسر راسها لهل چلبة

صالحة
هسة انتَ اسكت اسكت

تقرب من يمي زَعيم وباوعلي

زَعيم
سَبب قسمًا بالقرآن ما فد يوم اكلِج على طفل ولا احسسج ولا افتح هجي موضوع لو جدي يغضب علية لو يطردني من بيتة هم مايهمني، مايهمني احد غيرج والله
لا تشوفيني قـوي وفرحان
ترة اذا رحتي ينهد حيلي واضيع !!

مغمضة عيوني وابجي بنشيج
ماريد اباوعلة ولا اريد اضعَف ابد
دايرة وجهـي وحجيت ويـا

سّبب
بس انة ماريدن بعَد

زَعيم
حجاية نهائية؟

باوعتلة يباوعلي بنظرات مكسورة
و ولا ذاكَ زعيم الي اعرفة

هَزيت راسي بـ ايّ

علي
هاهيّ عوفهـا يلة

زَعيم
علي شبيك انتَ طالعلي سچينة خاصررررة عليّ خلني اتفاهمممم وياهة

علي
شتتفاهم وياهة شكلها شكِل واحد يتفاهم وياهة ؟؟؟
البت مريضة عوفهـا لا تكسب بيها أثِم زايد عوفها

امير
بعدين اتفاهم وياهة زَعيم
حالتها موزيـنة

زَعيم
بس خل احاجيهـا

جبُر
زَعيممممممم فضحت نفسك وخزيتهـا كدام اخوتك وخواتك شبيـك ولك جنك جاهِل !!

علي
يلـة سَبب تعاي يلة بوية رَحمة امشن اوصلـجن

باوعتلة بنظرات اخيـرة
يباوعلي بترجي هَز راسة بـ لا وكإنما جاي يكلي لا ترحين

دست على گلبي بهاي اللحظة ولزمت ايد رَحمة الاطتنياهة ومشينـة
علي گدامنة مشة وصلنـة لباب المطبخ الخارجي ماحَسيت إلا عَ شي انكسررر

درت وجهي بفَزع وانة حاطة ايدي على گلبي
شفت زَعيم كاسر الماعيـن الـ على الكاونتر

علي
تؤتؤ استغفرالله امشننن انتن اصعدن فتحتلجن السيارة امشن
لا تضلين واكفة سَبب، رَحمة اخذيها

اخذتني رَحمة وانة اشوفـة شلون صاير عَصبي ويصرخ ويّ امير مدري شنـو راح علي الهم واحنة ركبنـا بالسيارة

شويـة واجانة علي
جان يحجي وياي مَدري شني وانة بالي مو ويـا جنت ابجي وساكتة
اول ماوصلنة لبيت رَحمة نزلت وذبيت روحي حَيل على الفراش

حَسيت احلامي انكسرن وحُبي خلص
وكِل اسبابي للحياة ماعاد الي

رَحمة الي من جنت اكعِد يمها يتثلح صدري
ويرتاح گلبي ماكدرت تهدئ النـار البية

ماجنت متقبلة الصَدمة الي صـارت ولا جنت اكدر اصدگها
گضيت هذا اليـوم بس ابجي وما جنت طايقة كِل شي

لا گددرت اكِل ولا احجي ولا اسوي شي
نيمتني ام رَحمة بحضنها وضلت تمسدلي على شعرها
وانا اناشغ بحُضنها

رحمة ما تعوف البيت مهما صار بس بهاليوم ضلت وياي وبكل الطرق حاولت تواسيني بـس ماكدرت

بليل كلِش اندگت الباب، طلعت رَحمة وگالت زَعيم
بوكتها توسل الهـا توسل حَتى يحاجيني
بَس رحمة ماقبلت ابد لان تدري بحالتي شكد جانت تعبانة
وشكد راح تسوء لو شفتة

اليـوم الثاني راحت رحمة للشغِل ومن اجتي جابتلي موبايلي ماقبلت اخذة ابد وكتلها منين ماجبتي رَجعي

مَضت الايام وزَعيم حاول يحجي وياي بشتى الطرق بس انة جنت قافلة وماراضيـة احجي ابد لان ادري كِلش زين اذا اخوض هطريق محد راح يتعب ويخسر غيري وزَعيم راح يشوف حياتة وحَتى ينساني وحُبة يروح لم جـهالة

رَحمة صارت توصلي حجي على زّعيم وصارت تكلي شلـون زَعيم صاير عَصبي وما يتحاجـة ويتاخر بليل وهوَ والشيخ على خلاف دائِم
صفنت على كلامهـا واستغربت شلـون زَعيم هلكد علاقتة سيئة صايرة بالشيخ رُغم هوَ جان مايعصي بـ ولاشي

مرن ٧ ايام وانة ماعايشة نفس البّشر ولا ليلي ليل ولا نهاري نهار واحس حياتي كِلهة خلصت ومالي منفذ ولا راح اكدر اتعايش بعّد

گلبي متلوع على زَعيم واحس روحي مغتاضة عليّ
ورحمة اكلت كلبي اكِل

رَحمة
هسة هوَ غير نساج ولج الولد تخبل زايد
حَتى مشيـات وطلعات ما يمشي
وشيخ جبُر متخبل خبال عليّ
وهوَ يسمع منا يطلع منـا يصعد فوگ بغرفتة وبليل يطلع
يكولون مايطب الا ب ٢/٣

جنت اكلها يتعود وينسى بـس هيَ ماجانت تقتنع وجانت ترزلني
يوم من الايـام جِنت گاعدة وحدي ومنتظرة رَحمة تجي وتحجيلي اخبـارة اندگت الباب عرفتها رَحمة گمت فتحتلهـا الباب طَبت بس جان شكِلها مفزوع

سَبب
ولج شبيج وجهج اصفَر

باوعتلي وكالت
رَحمة
ولـج زّعيم ..... يُتبعععع

______________

شَمس

رجعت نمت بفراشي وجنت صافنة
شوي اندك الباب

لو البنـات ماجان دگن الباب جان رأسًا طبن
عرفت واحد من الولد حطيت شالي ع راسي وطلعت
باوعت سُراج كاتِف ادي و يباوع وهوَ مصغر عيونة الي يكادن ينخفن كالعادة ويباوعلي
باوعت بعدم صبُر وتملُل

شَمس
شتريد؟

سُراج
هـذا الاسلوب الي حاجيتيني بَي يم اهلي جوة ماحب واحد يحاجيني بس لا تشوفيني انطيتج عين بالبداية فَ كلتي آكلة

كـال هجي وخلـة وراح، يا الله شكدددددد مغروررر ومتغطرِس
هذا عليمننن طالع ولا واحد من الولد هيج

طّبيت للغرفـة وافكر شراح يصيـر بحياتي وشلـون راح اتحملـة اتذكرت بابا وطلعاتنـة سوية وقفشاتنـة تمنيت موبايلي يكون يمي حَتى اكدر اباوع لصوري بـ راحتي

شكد حقدت عليك يـا سُراج كُلة بسببك صـار هيجي
ضليت كاعدة بغُرفتي وابجي
شويـة وطبت روآن من شافتني ابجي اجت يمي وصارت تحاول تفهمني وتهدئني اجتِ سيوف وراهة وكعدن يمي

كلتلهن موبايلي انكِسر وجانت بي ذكرياتي وي بابا كُلها كلتلي روان يتصلح ولتخافـين
اما سيوف فَ صارت تبجي وياي

روآن
هَسة مافهمت انة انتِ تبجين على الموبايل لو على عمي

سيوف
لاعمي راح مات الله ويا بس الموبايل حرامات بي ذكرياتة

من گالت هيج ضحگنـا وروآن لحت علية انزل حَطيت الشال بـ اهمال علية ونزلنة جـوة لكيتهُم كلهم كاعدين

صالحـة
بيبي ليش وجهج احمر هجي

روآن
لكيتهـا كاعدة وتبجي على موبايلها

جبُر
ولج جددددي صدك تحجين هسة اخلي واحد من الولد هسة يجيبلج موبايل شجاج شمالج

شَمس
جدو موهيج بس موبايلي القديم بي كُل صور بابا وماريد يرحّن الصور هاي اخر ذكريات ضلت الة يمي

علي
هوَ الموبايل شني سراج فردور خرب

سُراج
انتهى يمعود تكسر تكسر

جبُر
هسة انتِ شجاج يجدي وهجي وكعتي

باوعـت لسُراج بنظرات حقِد، صاحلي جدي حتى اجي اكعُد يمة رحت واني احس ميتـة من القهَر

جبُر
هسة شمس عرفناهة تبجي على شني انتِ شمالج مطنگرة الثانية

روآن
هاي تبجي على الموبايل على الواهِس وي شّمس

سيوف
جا خطية والله بجت وحسيت ماكدرت اعوفها وحدهة

سجـاد
شوف هاي الفطيرة تبجي وي اليبجي وتعرس وي المعرِس

زَعيم
مو اكوم اكسر جعوبك يالمصومخ عوف اختي لحالها

سجاد
شني من اخت، انة لو علي اختك جان غرگن روحي بشط العرب

زَعيم
ديلا باع منو يحجي اختة روآن ويحجي

روآن
وشبيها روآن ماعاجبتك؟

زَعيم
اعوذ بالله مرت مروآن ال دحام على راسي

علي
نعلان شجابة بنص

جبُر
ولك عليوان لسـانك ماتلزمة

روآن
عاد صدك الزمة فِشل وعيب نعلااان شنـو

علي
ايبااااااخ ست روان جا شتردين اكول
حضرة الشيخ مروآن ال دحام؟؟؟

باوعتلة روآن صفح

علي
شوف سيوف ستوها كعدت من نوم وغفت عَ التخم الفطيرة

صالحة
ولج خاب سيوووف بـ بيت العيال هم تضلين هجي مطمورة

سيوف
بييي والله احسن بخمول هسة دعوفيني تفترين وراي

علي
انة ادري عوفي البت تنـام روحي يبعد كلبي يبت عمي روحي نامي فوگ شوراج هم غّم

باوعت لسجـاد يباوع لعلي ويخزرة

هُمة بيناتهم كاعدين ويتلاطفون واني احس نفسي بغيـر عالم سرحت بخيالي وتخيلت بابا فززني صوت ضحِگ علي
رفعت راسي صـارت عيوني بـ عيون سُراج
باوعتلة بغضب ورأسًا وخرت عيوني عَنـة

حَسيت رايدة شي يذكرني بـ بابا واشتم عُطرة بي اتذكرت ملابـسة الي هنانة عفتهُم وصعدت للغرفة وطلعت ملابسة وصرت اشتم عطرهن شي شي، عطرة موجود بيهِن وحسسني بـ وجودة وياي

صرت الزم الدشداشة واشهقهة بكُل مابية
اتذكرت لهفتـة من رحنة واشتريناهن
يـاريتنة ماجاايين وياريت ماصار كل هذا
ويـن عفتني يـا بابا
وشراح يصير بحالتي بدونك؟

ضَليت حاضنة دشداشتة وابجي
شويـة وصعدتلي روآن
ادري بيهُم همة يدزوها ومايقبلون يخلوني وحدي ابـد

رادت تحاجيني منعتها وكتلها روآن حَيل مخنوگة
وتأذيني اذا كلتيلي اسكتي
واذا عفتيني وحدي بعَد احَسن

عافتني وحدي وضليت اذكر ايامنـا ولازمة الدشداشة وابجي
شويـة وسمعت صايح جدي يصيحني

مسحت دموعي وداكوم اجتي سيوف كلتلي جدي يصيحلج

حَطيت شـالي على راسي ونزلت جان جدي واكفلي على الدرج
مادري ليش اول ماشفتة حسبالك لمحِت بابا غمضت عيوني ونزلت دمعتي

ماريد ابيـن الهُم ضعفي ابد
بس هُمة مديخلوني اكون لوحدي

مسحت دموعي واخذت نَفس
بس احس بداخلي كاتمة غَصة جبيرة

صرت يـمة بعدهُم كلهُم على گعدتهُم
اشرلي اجي لحضنة

من گالي تعـاي وفتحلي حضنة رحِت وحضنتـة حَيل
احس فتحلي مجـال حَتى ابجي ومجال حَتى اطلع الي بداخلي عليّ

ضليت ابجي بحضنة وهوّ يبوس براسي وحاضني
واسمع صوت بيبي تبجي

وخرني من حضنـة وهوَ لازم ايدي ويحجي

جبُر
ولـج جدي وعلي كلكم ما تصيرون نفسي ونفس موقفي ولج انة جاي اكِل بنفسي من مات لحد هسة وجاي احمل نفسي كتلتة واكول انة السبب والمسؤول بـ الي صار مات وليدي وانة ماشابع منة مات وهوَ ستوة ضاحگ ورايد يجينـة بس تعاي اكلِج شبيدنا احنة يبوية المات يترجع؟ لو البجي يرجع المـات؟

انتِ بنية جبيرة ومثقفة وفاهمة وعاقلة يجدي نحمد الله على قضائة ونترحم عليّ ومابيدنا غير شي وانتِ بنيتي انة وعلي
وفنّ اليحاجيج بكلمة، هاي كلهم كاعدين خو اليكلج على عينج حاجب العب بي ما العب

تعيشين مدللة ومعززة مكرمـة واكثر مِما بـ بيت ابوج بس ماريدنج تبجين

باس راسي وابتسملي
حَسيت بـ حنية بكلامة وهيبتة وهو واكف ويحاجيني صاحتني بيبي رحت يمهـا حطتني بحضنهـا وباستني

سجاد
انة و ١٠ اخرون نشعر بالغيرة

صالحة
انجب ولك هاي بت الغالي هاي

سجاد
نوبّ احنة ما سالمين بـ صالحة وحدة طلعتلنة ثنين صالحات
مو يشابهن ولك زَعيم

زَعيم
اي تكلك نِسخة ما شاء الله اذا هيَ امي تصغر ما تكبر

اجة جَدي گعد يمنـة وگالي

جبُر
ولك خلهة مالك غرض بـ بت عمك
ايّ شي تحتاجي تجين تطلبي مني خصوصًا واذا سمعت طالبة من غيري ازعل منج ترة

شمس
جـدو بَس ملابسي ضروري اجيبهن لان ماعندي ولاشي

جبُر
ايّ جدي سهلة واحد من الولد ياخذج
علاوي جدي تكدر ؟

علي
والله على عيني اذا مو على راسي
بـس اليوم رايح بعملية وشغل الدنيا مكلوبة فوك راسي
ماريد ابهذلها وياي

زَعيم
اذا ماكو انة اخذها

جبُر
سهلـة باجر الصبح العصر شوفي منـو ياخذج وروحي ويـا

هزيتلـة راسي صاح الاذان كام الكل صلى وبعدهة كعدنـا ع العشى جدي وبيبيتي يعاملوني معاملة البنيـة الصغيرة بيبيتي تفلسلي دجاج وتحط كدامي وجدي ماكلني وشاربني بـ كلامة

لليل صعدنـا ننام كل احنة واني ما اكدر اذا ما البس تراك الـنوم، ردت اسبح جانت روآن تسبح فَ اخذت ملابسي وطلعت للحمام البـرة سبحت وطلعت واني لابسة تراكي ولافة المنشفة خـاف لا واحد من الولد يجي

صـار وجهي بـ وجه زَعيم وسُراج واكفين ويحجون سوة يم باب زَعيم الي هوَ يم الحمام

باوعولي ثنينهُم زَعيم دنگ بس هذا باوعلي وخررني

مَدري شحجة وي زَعيم وزَعيم همسلة مَريت من كدامهُم جان يكول سُراج بصوت عـالي

سُراج
ترة هذا اللبس ما ينلبس هنا ينلبس بالغرفة لو يحتاج اوضح ازيد؟؟

هوَ يحجي وانة مصدوووومة من جرئتة وهمجيتة بالكلام!
والي صَفني اكثر الانتقـالة الي صارت بـ شخصيتة
من يوم الي شافني احجي وي محمَد لسة هوَ حاط گورة وي گوري

باوعتلة وكتلة
شَمس
والله اعتقد ما الك دخل بيـة انتَ، ما مفترة بـ بيتك من افتر عود احجي

عفتـة وطَبيت للغرفة وماهتميت حَتى لكلامة
يعني شكد ماكول همجي قليل بحقة
فوگ ما كسرلي موبايلي حاط راسة ويـاي

طَبيت للغرفة وجنت ميتـة من عندة
اموت من الانسان الهمجي ومُستحيل اكدر اتقبلة
وكلهم حيادين
انتبهت زَعيم و غَيث هم ملتزمين كُلش

بـس ولا فد يوم كلولي ليش تلبسين صاية مو عباية
اصلاً ما يدخلون ويستحون
وعلي واميـر عدهُم شوية انفتاح بسبب البنات
وسجاد هم بطبيعتة مرح وميدخل
إلا هذا همجي ويطيهـا بالگصة

نمت وباليـوم الثاني كَعدت نزلت جـوة والجو هادئ الكل بالدوامـات جان للظهر تقريبًا الكُل نـام وضلينـة بس اني وسيوف وروآن كاعدات بالصالـة

شويـة وگامت سيوف حَطت الجاي لان هُمة مدمنين جاي
اليكول اخ راسي يسوي جاي كُبل

اجت كعدت يمنـة وصرنا نحجي اني وياهة و روآن
شويـة ونزل سجاد من غرفتـة باوعلنة وغُمز لسيوف وراح

روآن
شو هذا مستهتر صاير

شَمس
لا وغمزات وكذا

باوعتلنة سيوف وهيَ على وشك البجي وگالت

سيوف
والنبي انة ماعلية هوَ ساقُط

سجاد
يالفاااااااهيات يـ امهات البيوتتتتتت راح تحرگن بيتنـا ما تشتمن ريحة الجاي مفور ابوووو ابووو

روآن
امداج يالفاهية حطيتي ونسيتي

سجاد
مني غيرج يالفاهية حركي روحج شويـة ب ولا شي فالحة جـااا

سيوف
شعليك انتَ هسة ينحرگ البيت ما ينحرگ والله عجيبة بس يريدلة حجة علية

سجاد
وعلي يرادلـج جكنـة لا تخليني هسة اجيج

سيوف
لا بلة مو تايهتلك انة

سجاد
هـا مو اجي
هسة بس اجي وصحتي جددددي جددددي زَعيم اووووي

يحجي ويقلد صوت سيوف بـ احتراف ضحگت حيل ع تقليد وحركات الايد باوعت شفت سُراج ورا جاي مفور و وجهة صـاير احمَر

سُراج
ااا والگبرررر تالي عمرك تقلد صوت النسوان
شمستفادين منك غير الخُفة يـل اغم اعقل

سجاد
عود اخوي الجبري وترزلني لوشني
اكلك وخر عني وخر
وانتِ يالفاهية وعلي اموتج تموت بعَد
هاي الفهاوة ماريدها
صيري مَرة سننننننعة

سُراج
انتَ ماتجوز من البت شلون يعني مو اجيك

سيوف
يريد يتقاوة علية سُراج ترضاهة

سُراج
اكسر راسـة الـج بس تصبيلي غدة لان والعباس مفور
روان كومي شبيجن كاعدات

سيوف
انة اكوم اصبلك انة

سجاد
هاي لو سجاد لو تموتين ما تكوميلة
بس سجاد كخة غيرة لا والله

سُراج بضحك
عوف المگرودة شلك غرض بيها

راحت سيـوف وهيَ تجاكرة بكومتهـا هاي

سجاد
هَي مو عدك اخت شكو تكوم مرتي ؟

سُراج
اكل خرة ولك من تصير مرتك عود احجي لا تحجي وي البت هجي
بعدهة صغيرة تخجل مال الوجع انتَ بايعها فردور

اجة كعَد سجاد يمي وگال

سجاد
ها بت عمي

ابتسمتلة وكتلة

شَمس
هلا ابن عمي

سجاد
هاي الدگمة الفاهية الي تشوفيهـا گدامج احبها وهيَ عمرهة ١ يوم

ضحگت وگتلة
شَمس
واحد يوممم؟

سجاد
ايّ ولج مو انة ٢٠ وهيَ ١٦ فَ شني من جان عمري ٤ سنوات وهيَ ستوها جاية للدنيا حبيتها وجانت نقطة ضعفي دموعها

شَمس
غير حُب هذا اني ماشايفة شخُص يحب وحدة ونقطة ضعفة دموعها

سجاد
هجي تنوكل هيَ ودموعها مادري بس يعجبني اضوجها
بس على شرط انة اراضيها بنفسي

شَمس
من اجيت لسة انتَ وياهة فـارة وبزون ياحُب هذا التحجي عنة

سجاد
جا هيَ حلاة الحب شني مسامر وغزل حلاتها بالعراك

اجتي سيوف وهيَ جايبة الاكل لـ سُراج
سيوف حلوة دبدوبة ومن شكلها تحسها فطيررررة وفاهية

سيوف
ويدلل ابن عمي

سجاد
وسم ايّ والله

سُراج
ولكككك هاااااااا احتررررم اخوك جبير شو لسانك كلِش فالت

سجاد
انة جعت راح اكِل تريد تاكل ؟
الحكني اذا انتَ رجال

روآن
يبوووو عمي دوختونـا حلاً للنزاع راح اكومن انة اصب لاخوي اكل ذليتوا ذل

سُراج
والله احترامات جاي مفور ولك

سجاد
جوعااان اسكت عني

سيوف
اكعدي روان انة اصب وفنّ يحجي بعَد

سجاد
مو اكوملج ولج

باوعتلة وعيبت علي
باوعتلة ضحك وگال استغفرالله..

ضحگت عليهُم واجت عيني على سُراج
الي بادلني النظرات ..

وخرت انظاري عنة واجاني صوتة

سُراج
حضري روحج بس اكل واسبـح بـ ٣ ونص نطلع لبغداد

من گلي هجي رفعت وجهي الة وكتلة

شَمس
عفوًا بس اني ماريد اروح وياك

سُراج
ليش ماتردين حضرتج ترحيـن وياي ؟
ترة انة ماميت عليج على فكرة بس زعيم نخاني كال عدي مشية وماكدر اردلة طلب

شَمس
والله ؟ صارررر الزحمة زحمتك وياي

سجاد
يا الله، يا الله، الله اكبررررررررررررر، ولله الحَمد
شبيكم خيركم ؟؟

اني سكتت وهوَ سكت بس ثنينة نباوع بنظرات غضب للثاني

سُراج
ترة مالي خلِك والله جاي من دوام وتعبان ترديني احرمصلج خوما احرمصلج من الاخير ترحين لولا؟

شّمس
لا ماروح مستعدة اروح وي الكل إلا وياك

سُراج
يطبج مرض ع اساس انة ميت عليج

سجاد
ياعلي ياعلي صار بيـها غلط هاي شبيك سُراج مساعة تحجي علية ولك

درت وجهي ورفعت اصبعي بوجهة وكتلة بعصبية

شَمس
لا تكول يطبج مرض واعرف شتحجي تـرة عيببب

سُراج
اصبعج نزلي من وجهي ومو انتِ الي تعلميني شحجي

شَمس
انسان مُتغطرِس عود دارس وهوَ ذرة علِم ماعندة

كلت هيج وخليت وصعَدت

سجاد
صدِك تحجي انتَ خااااب شمالك حاط دابك وداب البت هجي

سُراج
هيَ وحدة وقحة وتدلل زايددد

شَمس
ما مدللة عليك سمعت

عفتـة وصعدت وحت لغرفتي وجنت ميتتتة من الضوجـة بسببة
ضَليت بغرفتي حَد العصر صاحوني نزلت

جانـوا مبدلين ويردون يطلعون مشية مدري شنـو وسُراج جان كاعد ومجاهلني عود اني ما اهمـة

جبُر
تعاي جدي ليش صاعدة فوك شبيـج

شَمس
مابية شي جدو

جبُر
ولك سراج شعندك وي شَمس ؟؟ ترة وصلتني الاخبـار

سُراج
يعني شني اجت فتنتلك ؟
وتفتنين هم طفلة

شَمس
ترررررة مو اني الكتلة شكددد بلا ذوق انتَ

سُراج
شوف شوف شوف الغلط جدي ساعة همجي وساعة بـلا ذوق
ترة انة مو بكدج وتحاجيني هجي اكبر منج بال ٥ سنوات احترميني عاد

صالحة
مايصير هجي تحجين على ابـن عمج بيبي هذا ابن عمج شيال همج

جبُر
هسة انة غير اعرف شبيكم وليش هجي متگاونين شعدكم ؟؟

ثنينة بنفس الصوت
ماعدنـة شي

جبُر
جا ليش ماترضين ماترحين وي ابن عمج؟

سُراج
اصلاً انة الماخذهة

شَمس
لا اني الميتة حَتى اصعد ويـاك والله يالله..

جبُر
ليش تخليني اغلط سراج شبيككك جدي
هسة انة اسكت الصغر الجبير
سجاد لو غَيث مني ياخذ بت عمكم ؟

سُراج
هم من هَسة اكلكم سيارتي انة مانطيهـا

شَمس
ترة والله ماشايفة احقر من هجي هذا شبي وياي

سُراج
حقيرررر فوكاهة حقيرررررر؟؟؟؟
جاي انتَ جاي تسمع لوشني
تردها لو انة اردها

زَعيم
ترة صدِك هاي حقارة جا شتسمة؟
شبيك انتَ اتخبلت شني سيارتي ماطيها
ترة ما الة داعي سراج

شَمس
ماريد اروح لايّ مكان جدو ولا تصيحولي بعَد

ردت اروح لزم ايدي جدو وهوَ يكلي اوكفي

غَيث
انة اخذج بدلي واخذج هَسة ماعدنـة شي

زَعيم
ايّ روحوا انتَ وسجاد واخذوا سيارتي شهادة سوقكم اخذوهـة واذا سالوكم ع سنوية خابروا علي يحلها من يمة .

جبُر
يلة جدي روحي بدلي ماعليج بهذا المسودن

سُراج
تالي عمري اصير مسودن جدي ؟
علمود آنسة شمس

جبُر
وطايح حظك هم
اسكت ولا نفس

سُراج
ترة دلالك هذا يخليها تتمادة لا عبالك

جبُر
وانتَ ش شايف عليها وتتمادة ؟
سراج لا تخليني انزل وياك اسكت وعوف بت عمك

باوعتلة بحقِد ورحت صعدت
لبست صايتي وشـالي ونزلت لكيتهُم كاعدين

شَمس
يلة اني كملت

غَيث
يلة بس خل يجي سجاد حب يروح ويانة يغير جو شويـة
كعدت عَ التخم يم غَيث صار سُراج كدامي
باوعتلة يباوعلي بغضب المسودن

سُراج
وهاي انتِ هجي طلعين؟
ليش ماتكلولها انُ احنة ماعدنة بنات تلبس صاية وتطلع اكو شي اسمة عِبا حطيها على راسج واطلعي شنو ينقص منج؟

غمضت عيوني بعدم صبُر وحاولت اصير مُتفهمة وكتلة

شَمس
ماعتقد اني مامستورة

صالحة
يمة شبيك تخبلت على البنية عوفها مستورة مابيها شي

جبُر
هيَ حبابة وتفتهم وحدهي تلبسها بس اهم شي مانضغط عليها

سُراج
وهاي من يمتة هجي شيخ الي يشوفهـا شيكول علينة
ترة احنة ماعدنة البنية الي تلبس صاية انة مرت امير وماراضي عليها بس نكول هاي غريبة ماتفتهم اطباعنة تجي وتتعود هاي شني حجتها ؟

شَمس
ترة والله مصختهـا انتَ مو زوجي وتتحكم بية ولا ابوية
عود من تجي مرتك لو بنتك لبسهن كونيـة

جبُر
شَمسسسس جدي موووهجي

سُراج
استلم استلم بعد يومين تغلط علية وتروح
وهاي كلة من دلالك يجدي
روان روحي جيبيلها عِبا وتعـاي

بهل اثنـاء نزل سجاد وهوَ يكول كملت

كمت وكلتلهُم
اني ماشية كدامكم

سُراج
يعني شني هيَ عناد لوشني

زَعيم
انتَ شبيك سُراج جدي يمها وهوَ الي يحاسبها اذا يريد

جبُر
لا والله حضرة دكتور سراج يريد يفرض رآية علية شوو

سُراج
جدي موهجي بس هيَ ب بيتنا ودامهـا ب بيتنا تحترم عاداتنا وتقاليدنا شني مرة تطلع بدون عِبا احنة ماعدنة هجي

عفتـة يحجي وخليت وطلعت احس مالي خلك لتفاهتة واعاقتة لعقليـة شويـة وطلعوا وراي سجاد وغَيث

غَيث يسوق وسجاد كاعِد بالصدر واني ورا
فتح سجاد لغَيث الباب وطلع السيـارة وسد الباب واجانة

ركبـنا بسيارة ولاحظت غَيث مشة بـإتجاه البُستان ما طلع عَ شارع العـام

شَمس
غَيث ليـش طلعت منانة شو ذيج المرة اني وبابا طلعنا عَ شارع

غَيث
احسَن ما عايزج تذكير انتِ

جملتة جـانت مؤلمة بس جانت حنينة بنفَس الوقت

سجاد
اعلك النـة اغنية شو شني

غَيث
اغنية شنـو اسمع باسِم

سجاد
اويلي ع تغيير شو انة طبيت للسجن وطلعت الـ عزابي خطب والـ مستهتر صار متدين وكلشي انكلب شكوووو مادري

غَيث
ترى الدنيا تمشي بيك وانت ما تحس، كل خطوة تبعدك أكثر. إذا ضليت ماشي على هواك، تنسى روحك، وتضيع، واذا ضعت يا خوية، الرجعة تصير أصعب من الصعود للجبل. فارجع لربك، ولا تخلي بينك وبينه مسافة، هو وحده اللي يرزقك وينور طريقك وما تنرزق الا لو جنت عَ طريق صحيح

سجاد
ديلا سويتني ملحد انعم الله عليك خوية

غَيث
اسمع اسمع هاي نزلت ستوهـا

فتح قَصيدة لباسم الكربلائي
جنت مركزة عَ طريق بس فجأة لكيت دموعي نازلة وي كلماتها ..

ارجــع ولو ســاعة رِدت
خاطِر اكلك مِن رحِــت
جَم خاطِر بخاطــر كسرتة
يابو الوِفة يالمبتعد
تترك عليلة وماترِد
ولا كلبك يحِن على بنتك
بالله شيصبرني عليك
لا اندل واوصل ليك
وبغربتي مخليني
مشتاگـة ابوسك بالنحِر
بوسة طفِل گلبة انكسر
موتـة وعلى صدرك رِدتها

هنـا شبگني بلهفتة
للحين احِس بقُبلتة
وتشابگن عيني وي عينـة
اهنـا نِشد عن صحتي
يفرح ابوية بضحكتي

راح واخـذ گلبي ويـاه
ضلت مدامع فركاه
تجرحني وتواسيني
تـاليها مارد للدار
ولا هُدهُد يجيب اخبار
وانة الهَجِر مآذيني

بكِل كلمـة جان يحجيها جان يوصف ألم بيـة ما اكدر احجي دموعي تسابقن بالنزول بـ هدوء واني اتخيل بابا واتخيل ذكرياتنـا سوة انتبه غَيث علية على آخُر لحظة سدهـا بسرعة وصـار يحجي وياي توسلتلة يرجع يفتحهـا ولمن فتحهـا وخلصت طلبت منة يرجع يعيدها

سجاد
يمعودة كافي هسة اذا مرينـا ع سيطرة شيكولون خاطفيها والله انة اذبها براس غَيث واشرد

غَيث
اي مو انة ماضيي سجـون نفسك

سجاد
ديلة ذليتوني ذل هوّ السجن للزلم

نزلـوا اشترولي مي واشيـاء جانوا كُلش لطفاء وياية
ومن بعَد طريق حيل طويل وصلنـا لبيتنـا

اول مانزلت اجتاحني شعور غَريب الولد كالولي كون بسرعة بسرعة مانريد نرجع ع ظلمة ادري بيهُم يردون يستعجلون حَتى لا يخلوني اتذكر شَي

اول ماطبيت تذكرت من اصير بالنـص مال الطارمة واصيـح باباا
ومن اسمع صوتـة اطمن وافرح

ماكدرت مابجي ساعتهـا كُل زاوية بالبيت تذكرني بي
بَس سجاد ضل يلح فوك راسي يلة مايلة حَتى ماطاني مجـال يادوب لميت ملابسي

طبيت لغرفة بابا اخذت ملابس واشيـاء من غرفتة وسديتهـا وطلعت

جانوا كاعدين بالصالة اول ماشافوني اخترعوا

سجاد
شَمس صدك تحجين؟

ماتحملت وكملت بجيتي بـ وجهُم كعدوا يواسون بيـة ويحجون ويـايّ كلام غَيث طمني هواي وبنفس الوقت كلام سجاد جان يضحكني وحاول يطلعني شوية من جـو

طلعنة من البيَت ورحنـا بالطريق وضليت احرمص لغَيث يفتح القصيدة نفسها فتحها بعَد مـا أيس مني طبعًا ضَليت ابجي طول الطّريق وحاطة عُطر بابا واشم بي

عجزوا يسولي شـي اخرشي سكتوا والغصة صارت بعيونهُم هم

اول ماوصلنـا نزلت بسرعة وحَتى الملابس عفتهن
طبيت جانوا كلهم كاعديـن

ماسلمت عليهم بسرعة صعدت، سمعت صوت جدي وراي ماهتميت صعدت بسرعة وجنت ابجي بكُل قوتي امشي عَ الحايط واني احس انفاسي گوة اخذهن

تعـالن شهگاتي واني واگفة يم غرفة سُراج ومتكأة عَ الباب
الباب انفتح فجـأة ردت اوكع صار هوَ كدامي وباوعلي جان مصدوم

سُراج
الله الله شبيج شَمس

وخرت عنـة ورحت بسرعة للغرفة
ضليت كاعدة عَ جرباية وحاطة راسي بين رجلية وابجي بكل قوتي
مَرت ساعة ومحَد اجاني ولا ردت واحد يجيني بس روان صعدت ضلت تحجي علية بس جانت مستعجلة فَ بدلت وراحَت وكلتلي شوية واجيج، شوية واندگت الباب صحت

شَمس
روان حبابة عوفيني ارتاح ماريد ايّ شي ولا اريد انزل كوليلهُم

سُراج
انة سُراج شَمس

شَمس
شيريد نوب هذاااااا
كلة بسببـة حتى الموبايل راح بسببـة
كمت فتحت الباب واني ابجي باوعتلة وكتلة

شَمس
شتريدددد من عندي

سُراج
امسحي ادموعج وتعـاي وياي

شَمس
ترة كلامي واضح
شتريد من عندي

سُراج
عمي ماحب البنية العنيدة
كتلج امسحي دموعج وتعاي انزلي

شَمس
ماريد انزل

سُراج
شي يفوتـج ترة

شَمس
شنو الي يفوتني شكو

سُراج
اكو شخص جـوة يريد يشوفج وطالبِج بالاسم هماتين

شَمس
منو؟ ماريد اشوف احد مالي خُلك

سُراج
هسة دنزلي وبعدين قرري
يُتبعععع ...
توقعاتكُم منـو هذا الشخُص ياترى ؟