مَســاء الخير
رجعنـا وياكُم بـ بارت جديد
من قُصة بيـت جبُر
للكاتبـة : هُدىٰ آذار
لا تنسـون التصويت ⭐️
والتعليق بـين الفقرات
_________________
سَبب
بلعمت وباوعت لـ امير و انة خـايفة
سّبب
شنـو راح يعقد عليها زَعيم؟
باوعلي اميـر وسكت
علي
انة اكلج يبعد رآسي شني سالفة
هـاي ابوهـا هدآن ومـالة حجاية وعِندها اخوان قندرة مو اخوان عود شايلتهم الغيـرة، ومن ابوهم كايل الهُم اليـوم اجوا والله هـااا هسة تنطونياهة ونكتلها
حِجة ويـاهم الشيخ راد تفاهم، تفاهمنـا بس جانوا راكبين راسهم شلون اخـوج رسول من طبلنـة معنبل إلا تنطونياهة ونكتلها
اخر شي من شفنـاهم يلحون كنالهم يـابة احنـة مـا ننطي دخيلنـا لو شني يصيـر جان نط اخوها وگال
والله انتوا نـاس اجاويد ومبينين خوش نـاس بس مال ارجع اختي وكدام الكل وننفضح ماتصيـر فَرخل واحد يعقد عليها بوجودنـا هَسة ونروح وبعـد لا نريدها تشوفنـا ولا احنة نشوفهـا
صالحـة
يـا وتالي وِلك شصـار ؟
علي
شصـار يُمة صالحة شصـار
حطونـا كدام امر الواقع وشيخ مالك حس روحة جاي يطر فِتنة و انحلت السالفة كال هذا عَين العقِل وجدي كُبل اسلگة يـلة واحد بيكُم يعقِد عليها
هيَ بـس صارت هجي ماحِس إلا سجـاد وغَيث بسلوهة الكواو.. وطلعـوااا اخ اذا الزمهم انة اعلمهم اولاد الجلب إلا العب بيهم لعب
أمير
ولك لا تغلط شبيك انتَ لسانك متبري منك
وهدي نفسك كاااافي ضغطك راح يصعَد
صالحة
وتـالي احجي ولك احجي
علي
اطونـي ماي اطوني احس راسي راح ينفجررررر اطوني
علي يحجـي و وجهة صـايررر احمَرر من العَصبية، انفاسي بلكوة صـارن يطلعن مني اريدة بَس يكمِل
ماتحملت اتحمل اكثر وحجيت بخـوف
سَبب
علي وحق الله بعَد ماتحمل احجي كلبي وِكف
علي
دطيني عطوة اطيني عطوة، اخ شكول عليك جدي شكول عليك، بهٰل اثنـاء اجة يمنة هوَ انة وسراج و زَعيم و امير
سراج واميـر نغولة هم بسلوهـا وصاروا صفح
براس مني توكع ؟؟؟؟
علي، قنـددرة الكايلة مَيت مرة انة مارايد هَسة، يا بَشر ماراااااايد هَسة مارايد وانة اصوم اصوم حتى افطر على شنييي على الماكوووو
وابدل الذهب بـ ال .... استغفرالله لا تخلـوني احجي !!
كتلـة ماريد وردت اتعارك ويـا وعلي مادري شلون هديت نفسي وطلعت من ديوان
صالحة
ولك وهاي جدام الكل
علي
لايمـة بيناتنة تالي دار على زَعيم المسكين مادري شلـون راح تنحل بينهم مـادري انتِ رجلج كضي روحي بسرعة خابري عليّ لا تصفنين بوجهي
صالحة
يلـة بلة هـاي هم خوش سالفة
غِيث وين راح ما يجي هوَ يعقد عليهـا ويخلصنا ؟؟
علي
شمدريني ويـن قِندرة شمدريني
من خرة بـ ابهاتكم كلكم شهل رطينـة هاااااي
كـال هجي وخلة وكام منهـار من العَصبية
گلبي احسة وگف من الخـوف
يـمة بَس لا زَعيم يسويها !!
لا مايسويها وعدني هـوَ
اجيت بسرعة اريد اشوف موبايلي ويـن وعلي وامير واكفين بنص الصالة ويحجون
وجـان اشوف الشيخ يطُب وعمامي وزَعيم وسِراج ويا وثنينهم معصبيـن حَيل
اميـر جَر علي وراد يصعدة لفوگ صاح الشيخ
جبُر
ولك عليي بسـرعة تعـالل ارد اشوف شني السالفة
اجـة صـار يم امي صالحـة
صالحة
علكيفك شيـخ علكيفك يبعد كلبي
جبُر
ولج هوَ انة اكدر علكيفي اكدر ولج ولد ولدج كتلوني كتلوني
خابروا سجاد وغَيث وبسرعة تعـالوا كلكم
تقدموا كلهم كدامة
محد يحجي بس عيونهم جانت ناطة من العَصبيـة
باوعت لزعيم اشرلي اجـي
رحت يمـة وباوعتلة بشك
هز راسـة بـ الـ لا
دنگ يم اذني وهمّس
زَعيم
آنـة واعدج ماريد اشوف الخوف بعيونج
ابتسمتلة بتطمُن بس الخوف مسيطر على گلبي
باوعت گدامي هاجَر فاتحة شوية من الباب وتسمع
سُراج خـابر سجاد و غَيث بسرعة اجـوا
حسَن
اولاد الاوادم ويـن طلعتوا انتوا هااااا ؟
سجـاد
شيـخ صديقنا خابرنـا واكف بالباب
جبُر
تجذب ولك تجذبببببب
غَيث
ليـش نجذب شيخ، يشهد الله خابرنـا الولد بالباب طلعنـا مستعجلين الة
التفت لعلي وهوَ معصب حيل وكالة
جبُر
ولك وانتَ وانتَ يالبغل
علي
لا تكلي بغل شيخ لا تكلي بغلللل
حَسن
ويكسر راسك هميـن اسكتتت ولك لا ترد بوجه جدك
علي
بوية انة ماكايل شي جدي وعلى عيني وعلى راسي
بـس جدي الي يريدة انة ماكدر اسوي
شتريدنـي هاااا شتريدني اكلك اي هاهي موافق
جبُر
وليش متاكلي ايّ ليش انتَ انسب واحد لهسالفة
علي
انـة رايد وحدة وبس تطلع دورة سنـة عمي انة امشي عليها وماخذهة ولا اخذ غيرها ولا اريد غيرهـا هذولة عندك اولا ابنك يسدون عيـن الشمِس
عوف اميـر وزَعيم والتفت لغَيث و سُراج وسجاد
سجـاد
خااااااب ماتسكت انتَ
شني ماتدري بيـة انة حاجِز سيوف
جدي ديربالك تدخلني بهجي موضوع
انة رايد سـيوف
واصلاً اجاريكُم لمّن تكلولي من تتخرج يلة
هاي اخذلي سنتين بالزايد اكون روحي واخذهـا
سُراج
انة اعفوني ديروبالكم تتقربـون الية
شايفين طاري النسوان اتقيء من عدة
وماتحملهن حتى
غَيث
وشني يعني تذبوهـا براسي حضرتكم؟
انـة انسونـي نهائي
اصلاً البت لا توالمني ولا اوالِمها
جبُر
خـااااااااااب اكلوا خـرة كلكم الجماعـة كاعدين بالديوان وي شيـخ مالِك، يمشي هَسة واحد منكم وتخابرولي سيـد احمد ويجي يعقد عليكم شني المن رايدكم انة ولكم تردون تسودون وجهييي
زَعيـم
شيخ موهجي ما يتسود وجهك، وجهك ابيض دومة ان شاء الله بـس هَسة خل نشوف السالفة شني ومني منهم يعقد عليها وتنحل
جبُر
علي، ولك عليوان انتَ تعقد ع البت ماكو انسب منك وعود بعدين يطبك مَرض شسوي سوي تزوج عليهـا شكد ماتريد المهم كلمتي انة ما تنكسر
علي
شيخ جـاي اكلك مـاريد ماريد انة
هيَ شنية جنها كوة شـو !!
جبُر
ايّ كوة وخـاوة هماتين عمرك راح يطب بالثلاثين سنة وانتَ متوهدن وحال ضيم ياحالك وجاي تطالب و واكف بوجهي علمود وحدة الله اعلم منين جايبنياهة
علي
لا تخاف بت عــالم ونـاس بت اصِل وفصل ومعدلة
وانة ماريد غيـرها والله
تحرم علية كل بنات النـاس من بعَدها
رفـع الشيـخ جبُر اصبعة بتهديد وگال
جبُر
ولكم اسمعوني انة رايـح للديوان، ربع ساعة مو اكثر السيد والقرار يمي اريدهم، و انتَ عليوي بعديـن حسابك
علي
ان شاء الله بعديـن
حَسن
ولك عليييييييي
علي
خـرة بعلي خررررة بعلييي كافي مو جزعتوني
حَسن
ولك شهل قلة ادب هـاي شبيك انتَ الله مخبلك
علي
بوية لا مخبلني ولاشي روح ورة ابوك وشوفة هو الشبي مو انة الشبية
حَسن
بعديـن ياعلي بعديـن انة اعلمك
خلوا وطلعوا عمامي ورة الشيٰخ والتموا سوة الولِد
سجـاد
انة تعفوني ترة من هسة اكلكم والله لو ينزع حشيش هنانة هم مارضى
زَعيم
وبالنسبة الي تخلون بـ بالكم سالفتي مُستحالة
امير
وانة مستحيل على باب زواج اروح اخذ عليها شني رجـال خر. انة !
علي
وانة من عاشر المستحيلات اسويهـا
سراج وغَيث دبروا امركم بعَد انتوا التتحملـون
غَيث بعصبية
عــاد لا تخلوني اتخبل عليكم وحق محمَد، شايفين اعصابي انة هل فترة منتهية فَ لا تذبوها براسي
علي
والله عاد دبروا نفسكم بنفسكم بَس لا تذبوهـا براس علي
صالحة
آااا وجع حتى وجع شبيكم تتعـاركون جنكم زعاطيط فضحتونـا ولكم شمالكم ماتكلولي شمالكم تردون تفشلون جدكم تالي عمرة هايرجزات التعب الي تعبة وياكم
گعـد علي يم امي صالحة واخـذ ايدها وباسة
علي
يمة فدوة اروحلج افهميني، انة ادري بيكم حاطيني اعلى راس الموضوع بـس انة مستحيل اقبل يمة انة رايد ايلول وانتِ تعرفين
فَ اذا انجبرت وكلش وكلش ترة اطلع للبيت واعوفلكميـاه بلا رَجعة والله
زَعيم
هـسة شنو هل تمسلت هذا علي شبيك
علي
مو تمسلت زَعيم مو تمسلت بس طگت روحي صدِك
زَعيم
اكعدوا خل نتفاهـم اكعدوا
الكِل كعد ..
زَعيم
اسمعـوا كلكم الوكت جاي يمضي والدقيقة تأثر اعلينة، جدكم وحدة بديوان وديروا بالكم تسـون فد شي ونطلع بـوجه اسود كدام الناس
اذا تفكرون بيـها بعقِل راح نلكة ثنين خيـارات منطقية عدنة
غَيث وسراج
سُراج
اكلكممممم عاد لا توجروني هسة انة تشيلوني من القائمة فردنوب
غَيث
ليش يشيلونك من القائمة انتَ اكثر واحد بينة مناسب لهاي السالفة
سُراج
ليش يابة ليش جا انتَ شمالك طول بعرض شناقصك مثلاً؟
صالحة
اي يمة صدك غيوثي ليش ماتاخذهة انتَ
غَيث
يُمة ماريد ما نتـوالم صدِك چذب
علي
شعليها هيَ متتوالم، ش شفت منها للبت
غَيث بعصبية هامسة
يعني تسوي روحك ماشفت لبسهـا ؟
علب
استرهـا انتَ شني يعني اول اخر وحدة؟
غَيث
لاحبيبي ماريد هذا مايمشي يمي انة
زَعيم
وشنوووووووو ولكم راح تضلون تتگاونون ونضل اعلى هل رُبابة !!!
غَيث ليش لاااا هسة دعقد عليها وشيصيـر خّلة يصير بعدين
غَيث
ما اكدررررررر ما اكدررررر
روآن
انة اكلكم، غَيث حاط عينـة اعلى رَحمة
من گالت هجي الكِل رفعت راسهـا وباوعتلة، صفن للحظة
عدل كعدتة وتحمحم وگال
غَيث
أيّ صحيح انة نـاوي وبالحلال يعني
زَعيم
نـاوي ناووي لو لعب زعاطيط ولك؟؟؟
غَيث
لعب زعاطيط شنـو اصلاً مابينة عِلاقة لا تخـاف
بس انة رايدهـا
بهل لحظة كل احنـة انصدمنا تقريبًا، رَحمة ماجانت موجودة فَ ماسمعت ويانة
زَعيم
اذًا، سراج ...
سُراج
يانعـال ليش تخلينيي اغلط زَعيم سراج شنووووو
زَعيم
اكوووو واحد أمثل منك احجي كول
علي
انة ادري ترة انت انسب واحد
سُراج
يابة وعلي فلا تصير لا تفتحولي جروحي انة كوة ساكت تردون بهل بساطة سنة مرتي ما طالعة واروح اعقد اعلى غيـرها ؟؟؟؟ لو اموتن والله
زَعيم
وشني الحل شني ولكم والعباس تفشلنـااااااا احجواا مو شكيتوني
كـال هجي وكام لان الوكت جـاي يمضي بسرعة، فجأة سمعنة صوت الباب ينفتح مـال غرفتي، طلعت هاجَر وهيَ حاطة ع راسهـا حجاب وشعرها كلة طالع.تقدمت صوبنا وهيَ تبچي
باوعت لمكـان علي واجتِ بسرعة
ذبت روحهـا يم رجلي وكام تحرمص وتبجي
هاجَر
الله يخليك اعقد علية والله ماسوي شي
والله ما أاثر على حياتكُم صدكني
بـس لا ترجعني لجحيم اهلي الله يخليك
علي
هوَ هذا كِلة من ايدج اكو واحد يعوف اهلة ويشرد والله علمود شني رادوا يزوجوني وانة ماريد بابااا انتِ عقلج براسج لو شني انتِ بعدة صغِيرة ترة
دكومي كومي لا تضلين تبجين استغفرالله
كومتهـا روآن وانة اباوع للولد كِلها مدنگة
وگفت گدام علي وكالتلة
هاجَر
باوع والله ماسوي شي والبس نفس ماتريد عادي بس انقذني من هالجحيم
علي
بوية انة احِب احِب تعرفين شني يعني لو افهمج
انة احبب وحدة وهاي الوحدة روحي من دنيا
وما ابدي نسوان الدنيا كِلها عليها
سراج
ولكم ابـوووووي خابرني شكلة هَسة؟؟؟
الولد كِلها بصـوت واحد
انة ماعلية
عاين زَعيم الي وهوَ متوتر ضليت صافنة بوجهة وعيوني تلالي من دموع وگلبي احسة گام يدگ ميـت دگة
اجت هاجَر صوب زَعيم وهيَ تكلة
هاجَر
انتَ مو شيخ ب بدال جدك تصير يعني اكيد تعرف بهاي سوالف واكيد انت خوش رجال حباب اعقد علية انتَ والله ما أثر على حياتكم والله
من گالت هجي احس ماتحملتها، باوعتلها بكِل عصبية وكلتلها
سَبب
هيي تـرة هاي صلافة وعلي ليش ماتحترمين نفسج ما تشوفيني انة واكفة كدامج؟؟ شكد ماعندج اخلاق انتِ
شَمس
من اكلكُم ماعندها أدب تكولولي لااا
هاجَر
اني اول مرة اشوف بيت شيخ معروف هيج يتصرفون اني اعرف حتى لو ياخذ ثانية وثالثة ورابعة علمود سمعتة بين ناس هسة شنو شصايرر
زَعيم بعصبية
خويـة طبي لجوة وحضري نفسج الله يخليج بـدون حجي
هاجَر
بَس !
زَعيم
بـدون حَجي رجاءً البينة مكفينة
باوعتلي وباوعت لشمس بحقِد وخلت وطبت للغرفة وركعت الباب وراهـة حَيل
سُراج
عمي صلفة والله صلفة
امير
اكلكم جدكم راح يتبرة منكم كِلكم ورسول الله احجولكم شي
سُراج خوية انتَ شبيك ليش تحطنا بهل موقف هذا
سُراج
خـاااااب دروحووووا من ناركم تاكل حطبكم شلي غرض انة
زَعيم
كِلها صار مالها غرض تردون تذبوهـا براسي لو شنييي هااااا
صالحـة
يمة زَعيم انتَ العاقِل بعدكلبي روح انتَ اعقد عليها
سَبب بروح ابيـج يا يمة حليلنا هالسالفة زَعيم واكف عليج ندري بي
زَعيم
انة ما واكف اعلى سَبب يمة انة رجال وكلمتي وحدة و وعدي يتنفذ وانة مواعد وكدام كِل الزلم ومستحيل اخلف بوعدي حتى لو هيَ بنفسها اجتني وكالتلي روح هم ماروح
صالحة
وتخلـون جدكم وحدة ولكم والله انتوا ما تستاهلـون راح تفضحواااااا
سجاد
انة راح اروح اكلهم الرجـال بالطريق عمي صارت نص ساعة اذا اجة جدكم شيخلصنـاااا منة
امير
امشي خل اروحن وياك
غَيث
و انة هم يلة كوموا
راحـوا ثلاثتهم، وضل زَعيم وسراج و علي
زَعيم كاعِد وحاط ايدة اعلى راسـة
وخر ايدة وفرك وجـهة
باوعلي وتنهـد
الحيرة الي بي ما تتوصف
باوع لسـراج وحجة
زَعيـم
سراج انعل شيطانك خوية اعقد عليها انتَ
سراج
هم كالوا سراج استغفرالله ولكم بابا انتوا شنـو ما تفهمون جاي اكلكم مالي دخل انة مالي دخل ماريد نسوان ماريد
زَعيم
اي لا تريد بس اعقد عليها وبس ويجوز هيَ تمل ونرجعها لاهلها بالتي هيَ احسن
سراج
والله ابد ولا تصيـر
علي
كوموا اخوان كوموا خل نحاول نصلح الامر خل نحجي وياهة بلكي يرضون
زَعيم
ولك شتريددددد تنقص من نفسك كدامهم؟؟
انتَ مخبل لو صاحي اعلى شنو مثلاً تحرمص اعلى شنوووو!
كون تعقد عليهة وهمة الممتنين اصلاً
علي
اكلكم عنـدي فكررررررة خرب انّ
ليش مانكول لمصطفى عليها وعلي يكيفففف
زَعيم
ايّ وعلي ليش مافكرنا بمُصطفى ومرتضى !
روآن
وهوَ ضابط راح يعجبها ترة هيَ مبينة تدور ضباط
علي
اكلي خرة انتِ ولا تحجين شعليج بهاي سوالف ولج هااااا
روآن
لا تغلططط علية فوگ ما أيدتلك كلامك
علي
مو كلامي ضال عليج امشي ولج امشي
روآن
شدعوة شدعوة عشتو
زَعيم
هسة وكتكم انتوووووا خل اخابر هذا الآخـر ويارب يارببببب يطلع بالبيت
علي
اوكف هوَ مو التحق لـ آمرلي ؟
زَعيم
ايّ وعلي
خل اخابرررر اعلى مرتضى جا شسوي !!!
علي
ترة الولد مبين صغِير ١٨ سنة فشلة كل هزلم التسد عين شمِس واكفة واعلى مرتضى ما ترهم زَعيم
زَعيم
راسي صدع والعباس بعد ماتحمل سَبب سويلي چاي بسـرعة
منطرة جان يقلق وملامحة صدِك تدل على انهُ شخص تعبان
رحت للمطبخ لكيت رَحمة
اول ماشفتها تذكرت كلام غَيث ابتسمت بوجهة رغم التوتر، هيَ وكر السوالف هاي ماتحب تدخل بينة وتضل بالمطبخ سالتني اذا انحلت كتلها بعدهم سويتلة جـاي واجيت لكيتهم كاعدين سوة نفس سطرة وسراج بالنص وكاعديـن يحجون ويـا وهوَ ساكت
اتدنيت اطيتـة الچاي
زَعيم
عاشت ايدج بوية
ابتسمتلـة وابتسملي بطريقة عابرة ورجع يحجي وي سراج
اتدنت امي صالحـة يمهم وضلوا يحجون
زَعيـم
هوَ بس عقد كدام اهلها، وبَس يجي مُصطفى نفهمة بسالفة ونكربسها براسة وهوَ يكيف مايكول
علي
اي وعلي مُصطفى اذا ١٠ مايكول شي
سُراج
ما تعقد عليهـا انتَ حضرتك؟ ليش جاي تذبها براسي
انة ماريد عَسى ما يوم ماتحمل ما اطيق ما اطيقققق جاي تفهموننن لولاااا
علي
خاااااب ومن صمخ حتى صمخ والله يـا الله لعبتوا ام نفسي
كام سراج وهوَ معصب وخلة وصَعد
صالحة
يمة عوفوا لخاطر الله تـرة صوابة بعدة حـار
يمة استعجلـوا هَسة شني
زَعيم
علي ضلت يمك
علي
ابد والله زَعيـم ما اتراجع ابد انة
زَعيم
تريد تسود وجهنـا لو شني علي
علي
اهدم عشيرتكم كلها هم عادي عندي ماهتم
گال هجي وخلـة وكام وخلة زَعيم وحدة
زَعيم
راح اتخبل ولج يمة احجي وياي شسوي هَسة شسوي
صالحـة
يمة والله كلهم مابيهم خير نفسك انة اخاف احجي وسَبب تزعل لو تكول ناوين غير نية الله يشهد يا يمة مـا بالي غير شي بس اعقد عليها انتَ ونفس ماكلت يَ يمة من يجي مُصطفى ارمي عليها اليمين وخل هوَ ياخذهة يكيف والله
سَبب
بـس يمة
صالحة
يمـة والله العَظيم ما يضل ويـاهة بس بيضي وجهنا الله يبيض وجهج
انتِ بت شيوخ ومعروفة لا تخلين رجلج بهل موقف
زَعيم
يمـة مارررريد ماكدر ماريد اكسر حجايتي ماريد
صالحة
يمة ما تكسر حجايتك هيَ هل اسبوع ويجي مصيطف يلة يَ يمة يلة كوم جدك جاعد وي النـاس وحدة يلة يبعد طولي
باوعلي زَعيـم بحيرة، بلعمت وتدنيت الـة
زَعيـم اذا نفس ما جاي تحجون انة اوافق بس تعقد عليهـا وبعدين تطلگها حتى لو مُصطفى مارضى زَعيم
زَعيم
شبيج انضرب عقلج ماريد كتلج
صالحة
ولك تريدنـة ننفضح انتَ يمة سَبب احجي ويـا قنعي
سَبب
گوم زَعيم گوم لا تتأخر على الشيـخ اكثر، انة ويـاك بكِل الاحوال
جنت ادوس على گلبي واطمث ميت خوف بداخلي واحجـي ما اكدر اكسر بي ولا اكدر اقيد وجودة بـَس ادري كِلش زين و واثقة بزعيم شنو
باوعلي زَعيم وتنهد ومسح وجهة
زَعيم
كومي سَبب
اخذ بـ ايدي وكمنـا بسرعة للمطبخ
سَبب
رحومة من رخصتج شويـة حبيبتي
ابتسمتلنة رَحمة وخلت وطلعت
وكفني يم الحايط و وكف كدامي
زَعيم
سَبب انة هل كواوي. ذولة لزموني من ايدي التوجعني
ويعِز علية يعِز علية جدي ومكانتة
وبنفس الوكت انتِ تعزين علية
راح اوعدج وعد اضطراري اعلى ذاك واكلِج
يابة والعبـاس ابو فاضل الي اخذتج الة ورحت
فلا اباوعلها بنظرة ولا الي غرض بيهـا
وبس يجي مُصطفى يتولى امرهـا
وحق الله
ابتسمت بوجهة، وجهة وملامحة كِلهن مبينات شكد متوتر ويحاول بـس يوضحلي نَفسة
سَبب
حبيبي انة كلي ثِقة بيك روح ماريدك تتفشل بين ناس ادري اللوم يوگع عَليك وانة مارضالك العايـبة
من گلت هچي احس صارت نفس العَبرة بي حضني بسرعة الة
زَعيم
يـوم بعد يوم توضحين الي شلون خياري صح
ومستحيل يجي يوم واحسسج ب ندم على خيارج
وخرت من حضنـة مبتسمتلة، خلة وراح رحت طَبيت واحس گلبي يخفق بقوة، يـاربي مادري شصـار ولا ادري بالراح يصير
بس انة كِلي ثقة بـزعيم و ادري بي راح يكـون يم وعدة
رحت يم امي صالحـة
صالحة
هـا يمة بشري
سَبب
يمة راح زَعيم هوَ اليعقد عليها
صالحة
يايمة يبعد كلبي طريتي فتنة
باوعتلهـا بخوف وحيرة
صالحة
يمة والله احس بيج وادري بيج بس وداعتج زَعيم ما يبقيها لا تخافين يبعدروحي لا تظنين غير شي والله اذا ماكو انة بنفسي اجبر واحد بيهم ياخذها مابدي اعليج وحدة يبعد امج ي يمة
سَبب
ميخـالف يمة والله ادري بس برغم هجي احس گلبي خنگني ومو بسهولة
كلت هجي ودمعتي واشكت ع النزول
اجتي روآن يمي وحطت ايدها على جتفي
روآن
لا تخافـين سَبب والله العظيم مُصطفى يكيف عليها ترة هوَ يحب الشگرات وهجي نسوان مستحيل زَعيم يضل وياهة
سَبب
مادري انة مأمنة بـ زَعيم بَس ما مأمنة بيها تحسين تركيبتها غريبة هل بنيـة
روآن
والله مجرد مراهقة لا اكثر لا تخافين صدكيني انة كلبي مطمِن من هسالفـة
صالحة
تعاي يمة تعـاي يمي يبعد روحي
صاحتني اجي يمهـا رحت يمها وحضنتني
شَمس
عـاد اغار اني ترة
صالحـة
من شنو تغارين انتِ عويناتي الاشوف بيهن دربي
بس هاي جنتي الجبيرة و گرة عيوني
بستها من راسها وكلتلها
الله يحفظج النـة يمة
درت وجهي شفت صَفية ورضية ما راضيات بالوضع
بس ادري بيهن ما يجرأن يحجن شي يم امي صالحة
شـوية وطبوا علي واميـر
علي
شني شصـاير صدِك عود ؟
صالحة
جا شيسون مثلاً نطلع بالوجه الاسود !! ولك انتَ شو هم ماتفتهم
علي
يمة جا انتِ تحاجيني ما تحاجين هذاك النفسية ماتكليلة الة شكو الية
صالحة
دعوفوا الولد بضيمة عوفوا
اجـة تدنى يمنة. صار مقابيلي وگالي
علي
ماعليج وعلي انة اقنع مُصطفى
امير
هيَ شني تقنعة يكيف
علي
هسـة راح اخابرة واكلة ع كلشي
هَزيت براسي شفت زَعيم طب
علي
خابرتوا الشيخ؟
زَعيم
اكلك اكرمني بسكوتك
ولا واحد اريدنة يحجي وياي مالي خلك وروحي طافرة
تعاي سبب وياي
مدلي أيدة كمِت
زَعيم
روآن بعَد اخوج كومي كلي هاي عِسلابة الگلب تحضر روحها راح يجي السَيد
صالحة
يلة يمة كومي شوفي رجلج شيريد
اخـذ بـ ايدي وصعدنا فوگ
باوعتلة عَ الدرج وگتلة
سَبب
نوب عِسلابة الگلب ؟
زَعيم
والله واگفة جنها سِعلابة اعلى گلبي
سَبب
على گلبك مو بگلبك
ابتسم ابتسامة عَريضة
زَعيم
محد بگلبي غيرج، گلبي وانة وكلشي بية الج وحدج
ابتسمت على كلامـة وكملنا مشي
وگفنة بالصالـة حضن وجهي بـ ايدة ودنگ راسة عليها بـاسها
اخذ نَفس وگال بنبرة خافتة
زَعيم
تعبِت من ما بورة هاي السوالف، كِلشي مذبوب فوگ راسي، وكِل لولة وزلة لازم زَعيم اليتحملها وزَعيم اليداويها، ولازم اتعامل بعقل واعوف كِل العواطف وكإنما انة لا كلب ولا چلاوي عِندي
سَبب
ميخالف حبيبي انتَ من بعـد الشيخ شيخ، وهذا الشي الكِل يعرفة و اخوانك كلهم عدهم اسبابهم حَتى سراج الي تشوفوا نفسية انة احسة مگرود والي بي صدِك كافي ف انتَ نفس ماكال علي علمّا يجي مُصطفى شوفوا شتسون بس انة خايفـة
زَعيم
لا تخافيـن سَبب وحگ علي ما ابقيها وياي ولا اباوع لوجهة حَتى انة عندي انتِ مكفيتني وموفيتتي وبس موقفج هذا يسوى عدي الدنيـا كِلها اهلها واهلي وهيَ وكِلشي
سَبب
انة واكفـة وياك دومني واتمنى ما تخدلني على گد محبتي بيك
زَعيم
مو ازلمة لو ازعل حرمتـي بحُرمة ثانية وعلي لا ازلمة ولا انعد اعلى الزلِم
بوية سَبب تعاي انتِ وهذا طولج وانة وهذا طولي وهذني شواربي التارسات وجهي اتفلي بوجهـي وجدام كل الناس لو خنتج بنظرة
عمي انة لاكي جواهِر، شلي بالغنمات بعَد
اطمئِنـي يا كِلشي بحياتي
باسـني على راسـي احِسن گلبي يفرفر من الفَرحـة
توسعت ضحكتي وتوسعت ابتسامتة
رفعنـي من خُصـري إلة حاوطت رگبتـة ب ايدة
حَط راسة برگبتي، اخذ نَفس مني وگال
زَعيم
مَيت عليج، مشتاقلج، يمتى ننجمِع سوى
وخـرت نفسي من عندة وكتلة بصوت هامِس
زَعيـمم احنـة وين وخر
زَعيم
اخ كمت اطوطح
من گال هجي جان يحجي من كِل وعقلة ضحگت عليّ حيـل
ضحگ وحَط اصبعة على حلگي
زَعيم
اش ولـج اش ليمتى تضل ضحگتج هايّ فاضحتنة هجي
وخـر اصبعة مني وباوعلي بهدوء وتمعُن
سَبب
زَعيم لا تكسرني ابـد
زَعيم
انة ويـن الي گوة اكسرِج بيها؟
هوَ انة من اشوفج اطيب، صدِك تحجين
اذا انة اكسرِج جا بعَد منـو الي يلملمني ؟
انتِ مو شي ينكسِر، انتِ شي ينحط بالعيـن
سَبب
الله لا يحرمني منك ولا مِن حنانك هــذا
زفرت نَفسي براحـة، باس عيوني و راسـي
زَعيم
راضية ؟
هزيت راسي بـ الي أيّ
زَعيم
الحرمـة الاصيلة بدورها تقدر رجلها وتثق بي، والرجال المعدل يحافظ عليها ومـا يزعلها وانتِ حُرمـة اصيلة وهذا شي منتهين منة وانة راح اكونلج هذا الرجـال وعَد
سَبب
انتَ رجـال وتبقى طول عمرك رجـال
ابتسم الي وقربني الـة نزلنة وهوَ حاضن ظهري بـ ايدة اليسـار
سَبب
يااا زَعيم هدني فشلة وعلي كِلهة جوة اسمع الهوسَة
زَعيم
منين تستحين بويـة مرتي وحلالي
باوعتلـة وضحگت بادلني بالابتسامة نزلنـة
الولد كِلهم واكفين جوة
باوعت هاجَر هم كاعدة ولابـسة عِبا وشـال
علي
هـا شني شو تضحكون
زَعيم
جا شتريدنة نتعارك مرتي واحبيبتي هـاي
صالحـة
الله يحفظكم يا يمة ويديم المحبة اعليكم
زَعيـم
شوفي خوية
باوعتلة يحجي ويباوع ع الجهة الثاني
زَعيم
احنـة توازينـة والسالفة جدامج واحنة كِل احنة حاجزيـن نسوانـة واهلج ما خلولنة مجـال نرتب امورنـا فَ انة راح اعقِد عليج بس انتِ حالج حال اخيتي ان شاء الله و
هاجَر
ووو شنـو يعني انتَ راح تعقد علية وتكلي نفس اختي شلون يعني؟
روآن
شلـون يعني علما يجي ابن عمي وهوَ الي يعقد عليج
هاجَر
وشنو اني اضل من واحد لواحد
زَعيم
لا بـس يجي ابن عمي هوَ اليعقد عليج هسة هوَ ما موجود
واهلج ما يتفاهمون حتى نحاجيهم ونكلهم ينتظرون
باوعـت الي بحقِد وسكتت كِلشي ماحجت
زَعيم
يلة بـس يجي الشيـخ صيرن يم الباب البـرة
روآن
جا شني شو نزلتي تضحكين انتِ وزَعيم
صالحة
جا ما تخليها تضحك، بجـال رجلها
سَبب
ايّ والله صدِك بجـالة الله يحفظة الي
شويـة واجـة علي صاحها ماكو اقل من الخمس دقايق ورجعت النـة
رَضيـة ( ام زَعيـم )
مبروك يمـة، ان شاء الله الولد الصالـح
گامت وحضنتهـا وبوستها
باوعتلهـا وانة مصدومممة
باوعت لـ امي صالحة خزرتهـا واشرتلها تجي يمها بـسرعة
نزعت العباية والحجـاب وهيَ تكول
هاجَر
زَعيـم من هسة يغار علية لفي عباتج و استري نفسج ههههههه
روآن
حبيبتي اخواني عندهم غيـرة زايدة حَتى ع الغريبة يغـارون
سَبب
دامج بهل بيت ف هوَ راح يحافظ عليج مثل اخواتـة واكثر رجلي واعرفة انة
باوعت النة بضوجـة وخّلت وطبت لغرفتي
صالحة
ولـج رَضية شني هذا التصرف هذاااا ؟
رَضية
عمـة هَسة انة شكِلت تمنيت لابني الولد الصالح شني فشلة لو عبب
صَفية
لا والله لا فشلة ولا عيب كل وحدة بينـة تتمنى يجيها حَفيد ويقر عيون ابنها بي
صالحة
ليش تخلني اهينجن ثنينجن ولجن شني انتن مراهقات لو شني احترمن نفسجن وبطلن الگالات والمچايد هذا
وانتِ بفعلتج هسة شيشتي هاي البِت اعلينـا لا نوبّ صدِگ تصدگ روحهـا
رَضية
عمة هسة انة شسويت ما طلبت غيـر حگ ابني واصلا ليش تزوجوهـا لمصطفى البت جنها فلگة گمر عوفوهـا لزَعيم شني اول اخر واحد يزوج ثنين ؟
صالحـة
جنج ما سمعتي لمّن يكول انة ماتزوج غيـر سَبب
رَضية
وليمتى يمـة ليمتى؟
الله يرضى ولد يموت اعلى البزر ينحرم من عندة ليش ماتكلولي ليش
صالحـة
ربج الحرمة، والله من يحرم يغني وهاي ارادة ربج
وابنج اخذ موقف وحجة حجايتة شلـون تكسريها انتِ
رَضية
اذا ابني ما عندة عقِل انة هم يصير ماعندي عقل
صالحة
هوَ انتِ لو عندج عقل جان ماحجيتي هل حجي
انة راح اسد الموضوع حتى لا تصير نگرة زايدة لان الي بينة مكفينة بس بعد اذا عدتي هل حجاية يَ رَضية انة اطلع منها وانتِ وابنج التتفاهمون
انخنكت العَبرة ببلعومـي، گلبي چان يرِف مثل طير محبوس، ضاگت أنفاسي وصـارت عيوني تدمِع بس وجهي جان يكابُر، حسّيت الدنيا كِلها انسدت بوجهي، مو من الكلمة بقدر ما من الوجع اللي نكَز لاعمق مكان بروحي. چان القهر مثل نار تشتعل وتترك دخان جوّا صدري.
صالحـة
يُمة لا تزعلين هـاي هم الله مخبلها
جاوبت والغصة جـانت بـ بلعومي احسها
لا يـمة عادي ماكوشي
اخذت نفس بقوة اجتي رَحمة كعدت يمي
ضلت تحاجيني حَتى مـا اضوج
شويـة وطبوا الولد والشيـخ كمت من مكاني واجـوا كعدوا
مبين علية جـنت ضايجة باوعلي زَعيم وتدنى صوبي وگالي
زَعيم
شبيج يَ عيوني؟
سَبب
مابيـة شي بس هجي ضايجـة
اخـذ بـ ايدي وكعدني يمـة وروان من الجِهة الثانية
زَعيم
هسة غير افتهم شبيج، روحج لايجة مبين عليج منغثة
اكو واحد غاثج
سَبب
صدكني مابية شي وحدي
روآن
هـاي عمتي غثتها
زَعيم
امي ؟
سَبب
روان صدِك تحجـين سوالف نسوان زَعيم عيب تدخل حباب
زَعيم
شكو شحاجتج، روان انتِ كليلي شحاجتها؟؟
سَبب
روان لا تحجيـن كتلك ماكوشي خلاص سِد الموضوع زَعيـم
حجة الشيخ ماكدر بعَد يحجي
جبُر
انة اليوم الموقف الي نحطيت بي بعمري وبحياتي مـا صاير بية من ورة منووو انحطيت ومنو الحطاني
ولكم انتوا شني هاااا جا المن ملفيكم انة والناس حاسدتني حاطلة اربع ولد و ٨ احفاد
علي
جدي كل واحد بينـة الة ظروفة الخاصة
جبُر
انتم من انة احاجيكم اكلكم تزوجوا ماكو ولك انتَ عليوي صارلي شكد اروكض انة وراك حتى تتزوج ماكو قافل هسة فجأة كِلها طلعتلي تريد تعرس
علي
والله انـة كتلك ماكدر شيخ
جبُر
دعدل كعدتك عدلهااااااااا ويـن كاااااعد انتَ اعلى مكتبك حضرة عليوي
عَـدل گعدتة وهوَ يستغفر
علي
جـدي انتَ جدي وعلى عيني وعلى راسي والي تريدة اسويلكيا انة قابل شني والله لو تكلي شني هم اسوي
جبُر
لا كِلش واضح
علي
ماعدا هاي سالفة يـا جدي انة رايد بت من الاخير اكلكميـاهة
جبُر
مني بلة هاي ارد اعرف شو كِلهة تعرف ماعداي انة
علي
وحدة بعديـن تعرفوها هوَ ماضل شي اساسًا
جبُر
والله خوش عمي مدبر ومكمل جا المن تريدني بويـة حتى تاخذني للمشية وبَس
علي
جا اذا ما اخذك اخذ مني يا جدي
جبُر
هسة انة غير ارد اعرف منين هاي وشلون
علي
جَدي هسة كمل رزالتك للباقين ونحجي بعدين
جبُر
ولكم شحاجيكم اذا كلكم مخابيـل وحق الله
ملفي ب بيتي مسادين
علي
مسادين شني هاي انة سامع مسودنين
امير
هاي جمع تكسيرر هههههههههههههههههههههه
جبُر
لا تتهطر ولك عودد هذا المثقف مالتهُم
علي
انة خابـرت مُصطفى كال اسبوع واجـي ونشوف شلون نرهمها
زَعيم
ايّ جدي لان انة ما استمر ما اكدر مِن هسة اكلك
جبُر
خوش جدي تدلل المُهم طريت عاگتي انعم الله عليك
ولا ذولة اليسودون الوجهة
علي
وجهك ابيض دومة شيخ
جبُر
ابيض من افعالكم الترفع الراس غير
علي
اعلى راسي شيخ جبُر
جبُر
شلون خلفة عايبــة
صالحـة
وين تبات البـت؟
زَعيم
تضل بغرفة سَبب وخل سَبب تصعـد يم البِنات
روآن
خل سَبب تصعد وانة انزل لا تضـل وحدهي كِلشي يصير
علي
هاي البت والله تفهمني كبل لا احجي هيَ تحجي لبوة لبووووووة
روآن
تربيتك
جبُر
شلون تربيـة تعبانة
علي
اهوووو حط راسة وياي
زَعيم
ومنـو انتَ وتحط راسك وي راسـة ولك
علي
علاوي ابـو حسين انة
زَعيم
ويدلعلك روحة نوب
ضلـوا يضحكون ويشاقون سويـة، زَعيم حاط چف ايدي ولازمـة وحاطهة على رجلة
بهـاي الاثناء طلعت هاجَر، جانت لابسة دشداشة سودة بس ضيگة عليها لان هيَ عليها جسم وحاطة شـال على راسهـا
خلت وكعدت يم غَيث لان ماجان اكو مكان غيرة، غَيث خلـة وگام
باوعت لزَعيم وباوعتلها ضحك ضحكة بسيطة وگال
زَعيم
لا تغـارين يبعَد عيوني، محد تارس ويترس عيوني غيرج
سَبب
ميخالف كِف نظرك بما فيه، دخل اشوفنك تتمايل بنظراتك
زَعيم
افة انة زَعيم اباوع لاعراض النـاس
سَبب
عفية عجبتني المهم هيَ مو عرضك حتى لو عقدت عليها
زَعيم
لا والله راح احسبها مرت اخوي لو بت غريبة لا الي غرض بيها ولا هي الها غرض بية، اكِلج سَبب شرايج تجين تنـامين بغرفتي نوبّ شمنتظرين احنة ما تكليلي هوَ العمر وگاضي
سَبب
يااااااااه عَز العزاك زَعيممم
كلت هجي شهگت من صدمتي وحَطيت ايدي على صدري
باوعت الكل يباوع اعلينة، عضيت شفتي بخجل ودنكت
زَعيم
عرضي تطشـررررررررر
ولج شجم مـرة كتلج بطلي هـل حركات ولِج
سّبب
اسكِت راح اموتتتت من الخَجل
زَعيم
راح اكسرج والله
دعيديها يَ سبب مرة ثانيـة وشوفي صدك نتخاااااارب ترة
من شفتـة معصُب صارت على وجهي ابتسامة
حاولت اضمها ماكدرت
زَعيم
وفوكاهة ؟
ضحكت بصوت عالي ودنگت
زَعيم
من عابت حَتى عابت ولـج شبيج انخرشتي
رفعتلة راسـي وكتلة
سَبب
هَسة شنو تاخذ ع الضحِك ضريبـة؟
ضحگ بوجهي بخفـة وگال
زَعيم
اضحكي عسى محد يضحگ غيرج
رجع عقج وجهة وگال
زَعيم
بـس هاي بطليها سالفة تحطين ايدج اعلى صدرج والعباس اكسرها لايدج اذا عدتيهـا واحنة كاعدين بمجتمع
سَبب
كلبك يطيك؟
صفن بوجهي ضحكت ضحك وهَز راسـة
زَعيم
استغفرالله يـاربي العالميـن
جبُر
شبيكم انتوا الجوز تتهامزون وتتلامزون
زَعيم
هجي شغلة
جبُر
شغلة لو شغيلة
زَعيم
ههههههههههههههههههههههه
الكل ضحك من گال هجي رفعِت راسي لكيت هاجَر تباوعلي
نظراتها مَدري شنو من نظرات
بَس ابد ماجانت نظرات خَير
اتجاهلت نظراتهـا بشكِل تام وكمنا حَتى نحضر غدانـا
روآن
يعوبة شكووو كايمة روحي الزكي برجلج وتمضيكي اعليّ
ترة هاي حيـة وتنگط سِم
رَحمة
ايّ والله ضلي كاعدة يم زَعيم لتخليلها فرصة ابـد حتى تكون ويـا
سَبب
قابل اضل مكابلتة وكاعدة
هاي الحَية الصفرة منين طلعتلنـا مادري
روآن
ضلي عوبة ضلي
احتاري بالاكل وخل رجلج يروح
سَبب
لا رايحـة
رحت للصـالة شفت زَعيم كاعد وهاجَر واكفة تحاجي
يمة احس الحرارة كبل نزلت لگلبي
رأسًا توجهت الهم
وگفت مقابيلها ارد اسمعهـا شتكول
باوعتلي ىگالت
هاجَر
عادي تخلينا شوية نريد نحجي براحتنا ؟
زَعيم
طبعًا لا مو عـادي تكدرين تحجين الي تردي هنانة شني تحجين براحتج خوية
هاجَر
يعني انتَ اذا ماتريدني شعندك اخذتني جان خليت واحد من اخوانك ياخذوني
زَعيم
هـاي شحاجيها ؟ بوية شبيج انتِ شو جن السالفة ولا صـارت كدامي
باوعت بقهر وعيونها جانن كلهِن دموع
نفرت روحهـا بعصبية وخلت وراحت
سَبب
هاي شبيهـا ؟
زَعيم
انة ادري
جبُر
شكو بوية زَعيم
زَعيم
تريد تحاجيني وحدنة كتلها احجي العدج هنانة تكلي جا المن اخذتني انتَ اذا هجي وضعك
جبُر
حسبي الله ونعم الوكيل منين هاي طلايب نوبّ تجينـا
سُراج
والله استهتـار شني
صاير موديل عدهن البنات هاي السوالف
استغفرالله والله واحد مايطب للبيت احسن
ومن نحجي جدي يحجي علينة
غَيث
شو حتى لبسها مو قانوني ليش تشيلونة ذنب اعليها ؟
جبُر
عمي تحملوا هل اسبوع وخل يجي مصيطف ونشوف
لا تتواجدون هوايّ بالبيت
صبينة غدانـا وهيَ اجت كعدت ويانة
تحسها متندمة لان اجت
بس بعدها عدها روح الاستمرارية
الولد بعَد العشـا كِل واحد راح لمكان واحنة هـم توزعنـا انام
نقلت ذهبي لفوگ وصعدت دشداشتي وصعدت فوگ انامن شويـة
نمت بالغرفـة والعصر كعدت بدلت وغسلت حَطيت كحلة لكل عيني من فوگ ومن جوة وجريتهـا بـ اظفري شوية، وحطيت حمرة خفيفة وتعطرت وطلعت
كلت خل اشـوف زَعيم بغرفتة لولا، مادكيت الباب فتحتـة رأسًا
وانة اتخيل تطلع يمة والزمهم بالجرم المشهود
لكيتـة لابس دشداشتة و واكف عَ الـ مراية يمشط ويشسور بشعرة
اول ماباوعلي عـاف المشط واندار علية
عيـوني صارت عَ الغرفة تدور ع اثر للجريمة
حَسيت بي صار وراي ودارني من جتفي كل جسمي
عيوني صارت بعيونة
ضل مركز بعيوني وبعيونـة اعجاب جِبير
زَعيم
عيونج وهدِنن حالي
سُبحـان الله بدع بتصويرهِن
ابتسمت الة عيونة تحولن على شفتي، عقج وجهة وباوعلي بـ انزعاج
زَعيم
المن هل حمرة، بغرفتج انتِ ومتحمرتلي؟
لو جايتني حتى امسحها الج وترحين
سَبب
يووووه زَعيم هَسة هيَ شويونة
جرني من خُصري الة بصـورة سريعة
رفعني شويـة وگال وهوَ يمرر ايدة عليهن
زَعيم
حبيبتي ممنوع لا تجادليني اعلى هالشي، بغرفتج سويلي الي يعجبج حَتى لـو تحمرين روحج من فوگ لجوة او تردين انة احمرلجيا بكيفج بعَد
مالحكت اعبر عن صدمتي بكلامة
إلا وهوَ متناول شفايفي بعُنف
قوة قبضاتة على خصري
احس حواسي كِلها تشنجت، وشفتي انشلعت شلع جسمي ارتعَش بـ ايدة حاولت اوخرة عَني ماكدرت
مـادري شلون نطقِت اسمة بصوت خافِت وطالب انُ يتنفس
وخـر عني بسرعة
زَعيم
روحي تناوشي روحج وامسحي الحَمرة اللطخت خدج
وخرت منة واني الهث بـسرعة وكإني ما مشتمة هوى
رحت بسرعة للمراية اباوع حَتى دم طالع منهن
اخذت كلينس امسح بيهن وامسح بالحمرة الي ملطخة خَدي
سَبب
اتوب اتوب وارجع اصعَد انة اعلمنك يزعيم بعَد فلا اصعد يمك
صـار وراي وضحكتة شاگة وجهة
حضني وحط راسة بركبتي
زَعيم
ليش تخليني افقد عليج هَسة ونسوي جريمة بحق الشيخ جبُر
سَبب
زَعيم وخر شبيـك فوك ما طگكِت شفتي دم
زَعيم
ديلة قابل شسويتلج فوك الضيم والحرمـان
سَبب
والله صاير كلش زايعها
زَعيم
حبيبتي جا اتدبسنا بالخطوبة حسي بيـة عـاد
مسحت وجهي زين وباوعتلة صفح ضحك وحط ايدة على جتفي ونزلنـا سوة
زَعيم
اكلِج مافكرتي بيها خوش عرض ترة غرفتي دافية وهسة شِتا وحضني يدفي يكولون
من گال حضني يدفي فتحت عيوني بصدمة وباوعتلة
سَبب
شنووووووو
شنو حضنك دافي يكولون منو الي يكول
زَعيم
يااااا بوووووووية صخام بوجهك يالزعيم طحت بحلك منـو
عمي كلمة اعتباطية
سَبب
متاكد
زَعيم
انجبي ولج شكالولج علية ادور حرام مثلاً ؟
هوَ حضن واحد لشخص واحددددد
ومنتظرة بكل لهفة
ابتسمت لكلامة ونزلنـة جوة لولد كلهم طالعيـن للديوان
زَعيم خلة وطلع رأسًا
هاجَر اخذت موبايل امي صالحـة وكعدت عليّ
لليل تقريبًا كلهم اجـوا كعدنا البنات سٰوى نحجي
على هاجَر ومزاجهة المتقلب
اخرشي نعسنـا خلينا وصعدنـا انام
فزيت على صـوت روآن وهيَ تكعدني بصورة سريعة
فتحت عيوني بصعوبة
سَبب
هـا روآن شكو؟
روآن
بسررررررعة الحكي روحييي لغرفة زَعيم سَبب ..... يُتبعععع
____________________
شَمس
سُراج
شايفة اذا يطلع الي ب بالي شسوي بيـج
والله ياشَمس اخلي جدي يتصرف وياج والله
اباوع لموبايلي انـدز اشعار من محمَد اني هنـا تشاهدت على روحي
باوعت الـة بتركيز
لازم الموبايل ويباوع بعَصبية
كمت ابجي واحجي ويـا بهدوء
شَمس
سُراج بـس خلي افهمك والله العظيم غصبًا عني والله موبيدي صدكني
سُراج
اشششش ولا نَفس بسرررررعة تعـاي
رجعت لورة بخـوف وهزيت راسي بـ لا
جرني من ايـدي بسرعة ضليت لازمة بمحجر الدرج
احس گلبي انرعب من منظرة وجسمي كِلة كام يرجف
كمت ابجي حَيل واتوسل بي يعوفني
شَمس
سُراج حباب عوفني اهدئ وخل افهمك حباب
سُراج
تردين تنفضحين كدام الكِل لو تاكلين خـرة وتجين وياي
جرني حَيل من ايدي بحيث حَسيت ايدي انخلعت، صحت بصوت عـالي بـ آخ، غرفتة اول وحدة يـم الدرج
سحلني من ايدي بـسرعة
طببني للغرفة وقفل الباب
سُراج
والله لـ اربيج يا شمس والله لـ اعلمج الصلافة شلون تصير والله إلا أدبج إلا أدبج
رجع سحلني من ايدي لغرفتـة ذبني ع جرباية بسرعة وقفل الباب
دگ الموبايل احِس گلبي وگف
شـالة بسرعة وضل يصرخ
الـووووو الووووووو
جبـااااااااان سدة بوجهي
والله لـ اكتلة واكتلج بيدي
اصبريلي بـس شَمس اصبريلي
صـار يدگ عليّ واني كاعدة عَ الجربايـة وابجي وخايفة
بـدة يقرة بالمحادثات شي شي
سُراج
يــااااااا حيوان يااا منحطططط
كال هجي وسَد الموبايل واجاني بـسرررعة
رجعت لورة وكع شـالي مني
لزمني من شعري من ورة وجـرة حيل
سُراج
بيـوم الي بالمستشفى وصحتي بـ اسم محمد وعمي كـال طِفل جيرانة جان هوَ مو؟؟؟؟؟
اباوع لعيـونة الغضب يتطاير منهن، عَلى هيجي عصبية يكتلني وهوَ مو حاس بنفسة
جاي اباوعلة وخايـفة ماحس إلا صاح بوجهي حَيل
سُراج
هــووووووووَ لولا
من الخـوف والچفلة بسرعة هَزيت راسي بـ ايّ
سُراج
يعني عمي يدري واكيددددد معاقبـج وامير داري وهم نبهج واحنة درينـة ونبهناج وكِل هذا وبعدج وي هذا الكوا.
ردت احجـي كلمة احس لساني ملعثم بـس ابجي وجسمي كِلة يرجف من الخوف
غمض عيـونة بغضب وصك على اسنانـة ورفع ايدة بقوة
غمضت عيوني وحطيت ايدي ع وجهي بخوووووف وصحت بـ لاااااا
حَسيت ع صوت ضربة يمي، فتحت عيوني بخوف واني اشوف ايـدة ضارب بيها الحايط الي يمي
سُراج
ولـج شَمس شسووووووي بيج شسوووووي ولج حتى ايدي ما تطيني اضربج شسووووووي كليلي ؟؟؟؟؟؟
انزل هَسة احجي لجدددددددي وهوَ يتصرف ويـااااااج
اذا نزلت هَسة وشاف جـدي شممسوية تتوقعين يتعاطف ويـاج لو بيبيتي مثلاً تحميج؟؟؟
لو انزل هَسة واكِل لعلي وامير واخليهم يجـووننن ويشوفون الزامطوا بيها وكالوا ماتعيدها شنوووووو اسوي بيج كليلي
غصيت بالبجي وباوعتلة بخـوف
شَمس بتلعثم
والله موبيدي والله سُراج كُلة صـار غصبًا عني صدكني
سُراج
شلـون يعني كِلة صار غصبًا عننننج
هددج مثلاً لوشنووووو!!!
عندة شي عليج ؟؟؟؟
شَمس احججججي
شَمس
لا والله لا ماعندي شي صدكني
سُراج
اكعدي، اكعدي كدامي بسرررررررعة هسة تحجيلي من البداية للنهاية شلون رجعتوا حجيتوا ومنو الي بـددددة، وقسمًا بالله يا شَمس بس تجذبين اموتج ب ايدي هذا الموبايل يمي والرسايل يمي
شَمس
ااا هوَ خابرني وجان يريد ينتحر دزلي صورة ل ايدة وجانت مشككة وخفت عليّ والله
سُراج
هههههههه جذب عليچ وانتِ صدگتي موووو؟!
ولـججج تذكرين من هددج وكلج ترحين وياج وخلف الله اعلى امير وعلي ولج ماتتتتذكرين؟؟؟؟؟؟؟؟؟؟
انتِ شنو ارد اعرف انتِ شنو
اريد هيج اكسر راسج هـسة
وابتلي بيـج
شَمس
والله العظيم احجي ويـا ب برود والله بس هوَ ضل يلح ماكدرت ماكدرت
سُراج
بـ برود مووووو بـ بروددد وهوّ شني البرود شنيي ها ولج شعدنة احنة مكووووو.. ولـِج شَمس والله لوماعيـون عمي والله انهيج والله
يلـة اكعدي هنـا وانجبي حَتى دواااام بعد ماكووو بيج حظ وبيج حظ احجي لواحد وكليلة السَبب انة اكيف، وانة اعلمج والله الة اخنگج واعلـمج التصرفات الصح
هَسة اروح اربي هذا النـذل واجيج
ماتطلعين لأي مكان سمعتي ؟؟؟
صاح بوجهي هَزيت راسي بـ الايجاب خلة وطلع وركع الباب حَيل ورا
ضليت كاعدة على الجرباية وابجي
يـاررررررب يعني اني شنووو مترجية شنوو مترجية ما يعرفني ما يكشفني
كمت بسـرعة باب الغرفة مفتوح اجيت افتح باب الشقة ماكو متنفتح مقفولة، لا موبايل يمي ولا مفتاح يمـي
ضَليت كاعدة وابجي بمكاني وخايفة
ياترى شـنو صار هَسة وشلون
خـاف مأذي محمَد ياربي
بهـاي اللحظة بالذات استفقدت بابا و وجودة
وتمنيت يكون موجود ويشوف الي جـاي يصير بية
حقدت على سُراج هـواي
وكرهي تِجاهة صار اضعاف
نفس الغيـمة السودة طلع بحياتي
يـاريت ما شايفتة ابـد
ويـن جنت و ويـن صرت
حَتى لو اجيت لبيت جدي جان ماعانيت
لو سراج جان ما مـوجود
جنت نايمة ع الجرباية بالنص وابجي ماحسيت إلا باب الغرفة ينفتح
بعدني مـا كايمة، شفتـة طب
كمت بـسرعة وجريت شـالي حَطيتة على راسي
كمت بسرعة ودنكت راسي واريد اطلع
صار يمي ولزم ايدي حَيل
كتلة بصوت مخنوگ وشهگة وياهة
سُراج حباب عوفني اريد اروح
سُراج
شوفي شَمس بس لو افتح حلكي لـ امير لـو لـ علي
شايفيهم ذولا الواكفين ويـاج وعلي يطلعولج بوجـه ثاني
حَتى جدي وبيبيتي ذولا المتنومسـة بيهم
وعلي يكرهوج بحياتـج
انة راح اسكت
بـس مو نفس سكوت ذيج المّرة
الي كلساع وطالعلي واحد سجينة خاصرة
دوام بعـد ماكو
موبايل بعـد ماكو
لبس طايح حظة بعـد ماكووو
مراددد ماكوووو
عنـاددد ماكووووو
سمعتيني لووووووو اعيددددددد
هَزيت راسي بـ ايّ
سُراج
انة ماراح اضربج ولا راح اسويلج شي
بس والله الا اخليج تخافين من خيالج وتتمنين ضاربج ومنهي الشغلة ولا العذاب النفسي الي راح اخليج بي
شَمس
كااااافي هِد ايدي اريدددد اروح
سُراج بعصبية
وهـذا التنترررررر هم ماريدة مفهوووووووم
هَزيت راسي بـ ايّ
هدني رحِت للغرفـة ضليت كاعدة بالغرفة وابجي
ياربي شسوي هَسة شسووووي
لا اكدر احجي لواحد ولا اكدر اسكتتت واخضع الة
كُلة من وراج يا شَمس كُلة من وراج
ضليت كاعدة وابجي للصُبح
اخر شي تعبت ونمت بـدون مادري
كعدت على صوت سيوف وهيَ تكعدني
سيوف
شبيج شَمس امي صالحة كالت خل تجي يردون يشوفونج
شَمس
والله تعبانة سيوف مـالي خلُك
سيوف
والله يصيحونج الدنيٰا العَصر شبيـج
من كالتلي الدنيا العصُر فَزيت
باوعت الساعـة بـ ٥ العصُر
يـاربي هلكد اني نايـمة
سيوف
سُراج كال كالتلي بليل مالي خلك اداوم
وخليناج نايمة ولسة نايمـة
وهسة امي صالحة كالتالي اصعدي شوفيها
انزلي لتخلين بـالهم عليج
شَمس
سُراج موجود ؟
سـيوف
ايّ اليوم ما طالع
كمت من مكاني طَبيت سبحت بمي حـار اريد جسمي يسترخي بَس
جسمي احسة كِلة مشنج وروحي طالعـة
ضليت بالساعة اني جـوة الدوش لمن صعدتلي مرة ثانية سيوف يلة طلعت
سـيوف
يمعودة امي صالحة بالها يمـج دنزلي
هزيتلها براسـي نشفت شعري اباوع لروحي بالمراية
وجهي صـاير احمر وعيوني مورمـات
مشطت شعـري ولبست حجابي وصفنت شلـون راح انزل بهذا شكلي
شـوية واندكت الباب
علي
خااااااااب شميسة انزلي جبُربر وصويلحة سبوج سبااااية
اذا تاخرتي شوية يصعدولج
شَمس
اي اي جايـة
كمت من مكاني
من لهجة علي مبين مـا حاجيلهم شي
طلعت من الغرفة لكيت علي بيدة شاحنـة ويحجي وي ايلول ويضحك
يعني ليش همة حلال عليهم واحنـة حرام؟
حتى سُراج ماخذ زينب عن حُب شنو اليفرق بينة ارد افهم!
هذا الشي خلة الحقد يترسخ بداخلي ازيد انتبه لوجودي علي دار وجهة وباوعلي بـ استغراب وهز راسـة بـ استفهام
شَمس
ماعندي شي بس تعبانة شوي
علي
يلة حبيبي بعدين احاجيج
سد الموبايل واندارلي
ولـج شبي هذا وجهج ؟ شصاير بيج ؟
شَمس
مابيـة شي
نزلنـة بدرج
علي
هيَ شني المابية شي وجهج مزوهر ولج
شَمس
صدكني مابية شي بس تعبانة شويـة
علي
خاف اعلى عمي؟
لو واحد مضوجج بالدوام ؟ الي ب بالي مثلاً ؟
شَمس احجيلي لا تخبليني
ترة اذا سمعت شي ضامتة عنة
ما اسكت والله
شَمس
علي والله ماكو شي بس اني تعبانة شوي
علي
شَمس ماوصيج اي شي يصير تجين وتحجيلنة واريدج ترفعين راسنة بالسمعة الحلوة وهم البنات وياج روحي تونسي ويـاهن اضحكي سولفي وماعليج
هزيتلة راسي بالايجاب ونزلنـة جوة
كلهم كاعدين سوة
اجت عيوني بعيون سُراج
يباوع لوجهي و وجهة كِلة غضّب
صالحة
يا يمة سوووودة بوجهي هـاي شصاير بوجهج ولج
جبُر
هـاي شبيج جدي ليش وجهج هجي
سوولي مكـان بنصهم كالعادة كعدت بتململ
تنهدت وكتلهم مابيـة شي
امير
ليش اليوم ما مداومـة شبيج شَمس؟
امير وعلي جانت نظراتهُم غير نظرات شك وخوف خـاف سامعة شي من محمَد وهوَ السبب ب انّي ما اداوم
شَمس
والله تعبـانة شوية هاي كُل القصة
صالحة
جا يمة ليش وجهج هجي باجيـة؟
شَمس
بيبي البارحة تذكرت بابا وضليت ابجي عليّ ماتحملت بس هَسة صرت زينة لا تخافيـن
رفعت عيوني باتجاهة عيونة علية وخازررررني حَيل
دنگت راسي وسكتت
ضلـوا يحجون وياي واني مالي خلك ابد
من كملنـا اكِل كمت اريد اغسل وجهي
غسلت بالمطبخ انداريت شفت وراي سُراج
سُراج
دووووام ماكو باجر سمعتي؟؟؟؟؟
باوعتلـة بحقِد وقهرررر جبير تقدمت ورحِت بسرعة من يمة
لزم ايدي وصاح بعصبية هامسة
سُراج
جـاي اكلج سمعتي ؟؟؟؟
انداريت الة وهزيت راسي بالايجاب بكُل هدوء بعكس الي بية
عافنـي ورحت داصعد جدو صاحني
مادرت وجهي اكتفيت ادير وجهي واحجي بنبرة بجي
شَمس
جدو الله يخليكم لا تضغطون علية تعبانة هـوااي
ولحد يكعدني باجُر ماروح للدوام
علي
هَسة غير نفتهم شبيج احد مضوجج لو شنـو
اصعَد واحجي
شَمس
والله محد بس اني مشتاقة لبابااا حيل
عفتهم يحجـون وياي وصعَدت بالغرفة
اول ما سديت الباب صوت البجي تعالى
وكعت بالكاع وصرت ابجي بكل قووووة
بهاي اللحظة ما تمنيت غير حضن بابا
واذب روحي الة وابجي بكُل قوووتي
ادري لو هوَ موجود جان ماجرئ سُراج
وسوة هيج وياية
ركضت بسرعة نفس الملهوف للكنتور
فِتحتة واخذت دشداشة بابا
حاطتهن بجنطة حتى يضل عطرة بيهن
ماريد عطرة يروح
اخذت دشداشتة ورحِت للجرباية
نمت ع الجرباية ودموعي بـدن ينهارن بالنزول
باابا ويـن رحت وعفتني بهاي الدنيا لوحدي
والله نارك ولا جنتهُم باباا مشتاقتلك
ذلوني من بعدك باباا
ذلني سُراج ذلني
بابا ماعرف الصح من الخطأ
اني مارايدة شي بس رايدتك
رايدتك تكون يمي باباا تعبتتتت
الذلة والغُربة والالم الي حَسيت بي
بهاي اللحظة جـان جبير
شلت راسي من الجرباية
دموعي منگعة دشداشة بابا
رفعت راسي للمراية الي كدامي
وجهي صاير دم موبَس احمَر
ودي اموت بهاللحظة
ودي اكتل روحي
يـاريت عندي جرأة
ماريد اضللل تحت رحمتة مارررريد
بهاي الساعة حَسيت نفسي صدك انهاريت
ومـا جنت بوعيي حَتى
رحِت للحمام واني ابجـي
ادور على ايّ شي يخلصني من هاي الحيـاة
باوعت اكـو مكينة مـال حلاقة بناتي واكـو مواسة بصفـها
اخذت موس منهن وايدي صـارت ترجف
هل ياترى راح اموت اذا سويت هذا الشي
خـاف ما اموت وبيبي وجدو بعد مايحبوني
اباوع للموس وگلبي يخفق وجسمي ترجف
وايدي الي لازمة بيها الموس بنفسها ترجف
ماكدرت فكرة مُرعبة
شمرت الموس حيلللل بالگاع
اول ما شمرتـة انجرح اصبعي حيل بالطول بدون مـادري
عفت اصبعي وكعدت بالكاع واني بملابسي وابجي
احس روحـي انتهيت من البجَي
بعدماعندي قابلية ماعندي حيل ماعندي طاقة لايّ شي
سمعت صـوت الباب البرة انفتح بسرعة قفلت باب الحمام وفتحت الدوش، حبست انفاسي وخفِت
حَسيت سُراج الي اجـة وراح شو شيسويلي
اندك باب الحمام
روآن
شموسة حبيبتي انتِ زينة ترة والله بالنـا يمج
تحمحمت وكتلها بصعوبة
شَمس
أيّ أيّ بس داسبح روان والله مابية شي
روآن
يلة حبيبتي براحتج
سبحت بدشداشتي وصرت ابجي بهدوء خـاف روآن بعدهي موجودة
انتبهت اكو دم ينزل وي المَي
بكل غبـاء رفعت راسي للدوش بفزع كُل ضني جاي يجي منـة
دنگت على جسمي لكيت اصبعي ينزف حَيلللل
ونوب مَي صاير فوگا
صـار ينززل اكثر
من شفتة حَسيت بحرگتة
وخرتة من المـَي وصحت آخ
يـاربي هلكد ما انتبهت عليّ
صحت روآن رأسًا جاوبتني
روآن
ها حبيبتي منتظرتج
شَمس
روآن حبابة انطيني دشداشة ما طببت وياي
انطـتني دشداشة لبستها بسرعة واني افرفررر من وَجع ايدي
طلعت بسـرعة وصحتلهااا
شَمس
روآن بسرررررعة انطيني قُطن وباندج حبابة
روآن
اااااااه هاي شنووو ولج شبيها ايدج
شَمس
مااااادري روآن بالغلط جرحت بالموس ايدي
روآن
اصبريليييي دقيقة حطي وصلة حطي وصلة
هاج حَتى لو هذا الشـال
حطت شالها على ايدها وراحـت بسرعة
الالم ما ينطاق اصبعي كِلة ون من الالم
كاعدة عَ الجرباية وشعري مبلل ونـازل ودشداشتي مرفوعة وكُل رجلية طالعـة
ماحِس إلا انفتح الباب وبسرعة سُراج طـاب هوَ وروآن
باوعلي وخزرررررني خزرة لو كانت رصاصة كنت مِتت
اميـر وعلي وسجاد صاعدين ويا من شافوني بدون حجاب ضلوا واكفين
شّمس
روآن حجابي
ليش صحتي شسالفة روآن
روآن
ولج شووووفي ايدج عايني الشال تعبى دمم
تقدم الي سُراج، ايددة توخر الشال عن ايدي
وعيونة بعيوني ويخزرني بـ خزرات تخوف
سُراج بهمس
ردتي تنتحرين مووو؟
هزيت راسي بخوف
دنگ راسة لاصبعي
ماحس الا عاط بيـة
سُراج
رررردتي تنتحرررررين احجيييييي
روآن حطت الشال على راسي والولد طبوا ودموعي كامن ينزلن
نزل دشداتي من طَرفها ورجع باوعلي
شَمس
لاااا صدكني بالغلط بدون مادري جرحت نفسي بالغلط
سُراج
شمممممس احجي الحقيقة
سـجاد
انتَ شبيك جاي تحجي وياهة هجي
جاي تكلك انجرحت بدال ما تشوفها وتضمدلها جرحهـا
تكللها هجي سوالف خـايسة
دار وجهة بكُل عَصبية لسجاد وعاط بي
سُراج
انتَ لا تدااااااافع
أمير
انتَ شني من بَشرررررر!!!!!
شبيك حاط راسك وراس البِت؟؟؟
علي
ترة صدِك مايصير شبيك ويـاهة
زاد بجيي بحجيهم، عفتهم كلهم همة وضجتهم ونزلت اركض
بـس اريد جدو واريد احتمي بي ماريد شي ثاني
واكفيـن هوَ وبيبيتي وعمامي ع الدرج ويصيحون علينة
اول ماشفت جدو كمت ابجي بهستيرية
حضنتة بسرعة واني اكلة
جدووو والله ماسويت شي بنفسي، بالغلط جرحت نفسي بالغلط
ايدي حاضنة اصبعي بيهـا انملتتت دم وكام ينزل
سمعنة صوت صايح سُراج من فوگ
نزل علي وهوَ يصرخ
سجـاد
ذررررة عقللل ما عندة مجنونننن قسمًا بالله
سُراج
لكككككك سجـاددددد مو اجيككككك
هيَ هااااي احتراماتك لاخوووك الجبيرررر
اباوع من فوگ علي لازم سجـاد
وسجـاد يصيح بكل قوتة
سجـاد
والله العظيم بعد اذا سمعتها حجاية وحدة
انتَ انسانننن مريض مريضضض شك
جبُر
ولككككك سجـادددددد انزل بسرعة
رحت لبيبي حضنتهـا حيل وصرت ابجي واهمس الها
شَمس
بيبي صدكيني بالغلط جنت اسبح وجرحت ايدي بالغلط بالغلط
روآن
تـررررة كلش عيب الي سووواه
احنة بنـات وعاااادي نجرح روحنـة بالمكينة بالغلط
وهي جارحة ايدها شنووو يطب الها يصيح ويكول الها انتحرتي ردتي تنتحرررين
علي دفع سجـاد حَتى ينزل وامير يدفع بسُراج الي منهاررر شلون سجاد يصيح عليّ
سجاد
دحاجيها شي بعَد والله تلكاني انة واكف بوجهك
بنية يتيمة حررررام عليككككك
هيَ نفسيتها زفت شنووو من بشر انتَ
صعَد زَعيـم وغيث الهُم وجدو يصيح وبيبي اخذتني كعدتني ع التخم وحاضنتني واني ابجي، منظرهُم وهمة يتعاركـون بسببي موتني من الخوف
رفعت راسي لبيبي وايدي وجسمي يرجفن
شَمس
بيبي حبابة لا يتعاركون بسببي
صالحة
اسم الله يمة الرحمٰن ولج كااافي شوفي جسمج كام يرجـف
ولكممممم البتتت ايدها تنزف خلص دمها صدك تحجـون
اجة جدي وعمامي وكل الولد
باوعت لجدو بخـوف وكتلة واني ابجي وبيبي لازمة اصبعي
شَمس
جدوووو صدكني بالغلط صدكني
جبُر
ولج كااافي جدي ماعليج من هذا المسودن كااافي روحج فرفرررت
امير
جيبلي ضمـاد من غرفتة منووو جيبولي
نزل سُراج وهوَ بيدة علبة كاملة مال اسعافات
حَسن
آااااا والجفن حَتى جفنننن لهذا الطوللل يا ساقططط عديم التربية
باوع لعمـو بغض وحجااااية ما حجـة، تقدم بسرعة الي وكف كدامي واخذ اصبعي من بيبي
صالحة
ولك يمة شمالك شبيك تخبلت وي بت عمك شبيككك
جبُر
زينب راحت واخذت عقلة وياااااا
تخبل الولد تخبلللل
ماحجـة ولاااا حرف يباوعلي ويخزرررني حَيل
عيونة صـار بيهن شرارات غَضب
وصوت انفاسـة بالگوة يطلع
امير وعلي غالبًا استلموا الموضوع يدرون هوَ شد وياي من بعَد سالفة محمَد
امير
اليوم حاالتين انتحار للمستشفى جاياتهم والاخ مستلم خوش
سجاد
حالات انتحـار يذبهن براس البتتت
دار وجهة عني وصاح حيل
سُراج
سجاااااد انتَ بالذاتتتت نفس ماريدك تتنفس
جبُر
خـاااااب ولكم انتوا شني تربيتكم شني تتعاركون بوجوووودي
سجاااااد ولا نفس
ضغط على اصبعي من جوة وهوَ داير وجهة يخزر بسجاد صحت آخ من الالـم ودفنت راسي بحضن بيبي
جبُر
حط بالك يم بتتتت عمك ولك
التفت الي وحط ديتول بعَد ما نظفة
حسيت روحي شاغت من الالم
صالحـة
شجاج ي يمة غير تنتبهين سووودة بوجهيي
بية ولابيج يحبيبة گلبي
لفليـاهة وخرت من حضن بيبي وباوعتلة
هَز راسـة بتوعد الي وخلة وصعَد
عيونة و وجهة شايلين كيد فَضيععع
ادري بي ماتعبر عليّ ادري
حَسن
ليش هجي ياعمي ليش لا ليلج ليل ولا نهارج نهار امس جبتيلنة الشهادة وكل احنة فرحنة اليوم ماداومتي ومكضيتها نوم وبجي ليش يابعد عمج حتى ابوج مايرضى بالگبر لو سمع بيج
باوعتلة وغمضت عيوني ورجعن ينزلن دموعي
شَمس
محد يدري بناري عمو
اني كلش محتاجة لوجودة
اني ماعرف اعيش، ماعرف اعيش بدونة والله
بكل لحظة محاوطني وناشلني بـ ادي
والله ماجاي اتقبل فكرة موتة ماكدر
حسوا بية
بيبي حضنتني الهـا وجدو باس راسي
ضلوا يحجـون وياي وسجـاد وغَيث خطية ضلوا يكلولي نـاخذج للنجف
ماجنت اريد شي غيـر انام
وبيبي ما قبلت
كالت تنـامين يمنـة
صدك والله همة يفرشون بالكاع وينـامون فرشوا وفرشولي ويـاهم
نمت بالنُص بيناتهم وجدي ضحك
جبُر
اتذكرت كبل من جان حسنين ينام بنصنة
صالحة
ايّ جنت تسمي گطاع الرزق
وكِل مايجي بعد روحي تكول هم يجي گطاع رزقني
ضحكوا ثنينهم وضحكت بخجل
ضلت بيبيتي تحجي ع طفولة اولادهـا وطفولة بابا
مرت اكثر من ساعة ونُص وهـمة يحجولي
اخر شي انفاسهُم ثكلت ونامـوا
حَسيت روحي ما ارتاح بنومتي
لبست شـالي وصعدت
الكل بغرفتة تقريبًا
اول ماصعدت لفوگ لگيت باب سراج مفتوح
خفت امُر، احس صارت بيـة خوفة
حاولت اقوي نفسي وامـر
ما حطيت عيني ع الغرفة بس
حَسيت بوجودة ع الكنبة الي موجودة بالصالة
اول ما عَديت سمعت صوت طلعتة من الغـرفة
لحكني بسرعة ولزم ايدي
حَسنني جـان منتظرني حَتى اصعد
صـار كدامي
وجهة نفس العَصبية بالضبُط
توترت وخفت من وجودة
رُغم داخلي يريد يصيح بوجهة ويروح
سُراج
ادري بيج ردتي تنتحرين، انة ابد مووو غِشيم
هزيت راسي بـ لا بخوف
سُراج
اديـج ثنينهن مابيهن شعـر ف شلون أذيتي نفسج بالغلط، شَمس انة موووو غبي ابددد واعرف كلششش زين ردتي تنتحرين وما كدرتي تكملين شوووفي قسمًا بالله يا شَمس اذا كررتيها اندمج
هوَ انتِ ممكن تسويها اعترف لان صفلة وما تخافين من واحد
بس اضمنلج ماراح تكدرين تكملين وتوكعين
واضمنلج انة بيدي اكمل على روحج واموتج على ايدي
لو شفتج عـايدتها لو مفكرة بيها
هزيت راسي بالايجاب وعيوني دمعن
سُراج
ضلي واكفة هنـا
ضليت واكفة نفس ماطب طلع بيدة حباية و كلاص ماي
سُراج
اشربي ونامي مُسَكِن هذا
شَمس
بس اني ماريد
سُراج
كلت اشرررربي ما اخذت رئيج
باوعتلة وعيوني مدمعة
احس بداخلي عصبية ياريتتتت لو اكدر اطلعها عليّ
بس ادريي بنتائج حتكون ضدي
اخذت نفس واخذتة شربتـة وانطيتة الكلاص ورحِت بسرعة
طَبيت لغرفتي طلعت تشيرت من بابا حضنتـة ونمت من التعَب
كعدت الساعة بـ ٢
وكت جيتة مـاريد اشوفة
ضليت منتظرة لـ العصر يلة نزلت
حاولت شوية اغير جو اريدي الكلام يطلع مني اكدر اشاقة اكدر اضحك ماجنت اكدر ابد
الكل لاحظ هشي بية
لاحظوا ذبولي وضعفي وشكد ما جنت تعبانة
طلبت من امير يسويلي اجازة اسبوع
مانع وكلي حرامات تفوتج بس جدي كالة خليها ترتاح
بساعتها باوعت لسراج يضحك ب استهزاء
وكانما ديكول هاي اذا اكـو دوام
مـر اسبوع وحسيت سُراج صار يطبق التعذيب الصيني علية
هذولة الي يحطوهم بسجن بي ما يكتلوهم ولا يضربوهم وياذوهم
جانوا مثلاً يخلون صوت قطرات مـاي يمهم او اصوات غير
بحيث يعذبوهم نفسيًا مو جسديًا
ماعرفت شصـار وي محمَد وما همني اعرف
الي بيـة كافيني وبسببة صـار كُل هذا
اجة يوم الجُمعة والسبت جـان عندي دوام وجنت ع اساس اداوم
انفرد بيـة بلحظة من لحظات نزولي الصُبح
وگال وهووَ يمشي بكُل برود
سُراج
ماكـو دوام، بيج حظ كولي لا وشوفي شيصير بيـج
درت وجهي واحس طاقتي استنزفت هاهي
شفتة شلون يمشي احس بعَد ماكدر اسكت
وصل لبداية الدرج وبديت احجي بحرگة
شَمس
حَسبي الله ونعم الوكيل عليك
حَسبي الله ونعم الوكيل عليك
كرهتني بنفسي
بعَد ما اطيق ايّ شي
عذبتني نفسيًا انتَ
حَسبي الله عليك
كتلة هيج ودرت وجهـي امشي لغرفتي، للحظة حسيت نفس الثُكل صار على گلبي وعيوني، جسمي كُلة سارت بي رجـفة
جرني من زندي حَيل الة
باوعت لعيـونة لدقايق
سُراج
انتِ شلون تحجين هجي عليـة
ماكدرت اكمِل، گُبل غمضت عيوني و وگعت
فتحت عيوني واني اشوف نفسي بالمُستشفى
والولد بعـيد عني گاعدين ويحجون
علي
يعني كتلت محمَد ومـاااات؟؟؟ ولك سُراج فهمني !!!
يُتبع.....
_______________________
ايلول
للـ ٢:٣٠ تقريبًا اندزتلي رسـالة منة فتحتها صورة لباب بيت خالتي
علي
اطلعي
نَزيت هـذا صدُك يحجي شيسوي جايي بنُص الليل يمة
كتبتلة
علي صدُك تحجـي
علي
ولج اطلعييييي كِل شي مشتعل بية اذا ماحضنج اليوم مارتاح
لو مو اكسب أثِم بيج
من گال هيج گلبي احسة صـار يخفق وخفت
ايلول
يُمة ولا اطلع مخبل انتَ لو شنوووو شبيك
علي
تطلعيـن لو اشمر حجار اعلى بيتكم هَسة والله واذا كلِش كلِش ادك الباب واذا سئلوني شكو اكلهم والله مريت اسلم عليكُم
خل يكولون علية مخبل مسودن مايهمني المُهم اشوفج
ايلول
علي انتَ مخبل والله مو صاحييييي
الدنييا ليل الساعـة بـ ٢:٣٠ من كُل وعقلك انتَ جـاي يمة والله ولا اطلع
علي
ايلول اعصابي لا تلفيها اطلعيييي بسرعة والله وبالله وتالله فـلا اروحن اليوم هاي انة وهاي كعدتي وشتردين تسوين سوي
فتحت الغرفـة ورحت للصالة باوعت للكاميرات صاف سيـارتة ونازل منهـا وعيونة عَ الموبايل
كتبتلة
هـا يالمهتلف شجاي تسوي
مارد
باوعت للكامرات بعصبية هـاي مو عينة بالموبايل ليش مايرد!!!
ايلول
ترد متأخر؟ حقك حبايبك هـواي وين تلحك
علي
نيمتهن حبيباتي واجيت تعاي اطلعيلي انتِ
من گال هيج احس شعلني شعـل
ايلول
عليييييييييييييييي
علي
احترك ابـو علي دطلعيليييييي
ايلول
ماطلعلك وووولي
علي
ولج انة ولبسي هذا العسكري وشواربي وطولي رجال شكدني شعرضني واكفلج ب باب البيت جني مراهق وتكليلي ولي
ايلول
كلتت ولي
علي
ميخالف مقبولة بس اطلعي شبيـج
تخافين؟؟
ايلول
علييييي روح كتلك ماطلع
علي
خوش جا شوفي شراح اسوي
باوعت بالكامرات دنگ للگاع اخذ حصواية وضربهـا ع الباب حيل
بحيث من يمي سمعت صوتهـا
اااه عَزة بعينك ياعلي المهتلف
علي
تطلعين لو اركع الثانية وعلي
ايلول
طالعة بس لا تفضحنـا اسكُتتت
جنت لابسـة تراك بيت صيفي لبست صاية خالة معلكة عَ الباب ولبست حجابي وطلعت علكيفي
اول مافتحت الباب لكيتة لازم حجـارة ويريد يركع الباب
بس شافني صفن على وجهي وحط ايدة على گلبة
علي
ااااخ ولج اخخخ شمسووووية بروحج شوو صايرة حلوة
ضليت فاتحة الباب و واكفة جوة
نصي صوتـك يا مخبل الناس نايمة احنة بالشارع
لازم گلبة ويباوعلي بـ اندهاش
علي
هـاي شدعوة هلكد حلوة
ماكدررررررر انة ماكدر
ولج تعـاااااااااااي
تحبين مني تحبينيييييي صدِك ؟؟؟؟
حجـاهة بنبرة حَيللل تضحك، باوعتلة واني اضحك ماحس الا فتح ادي واجة يريد يحضني
سديت الباب بوجهة علكيف
علي
انننة اعلمج ايلول انة اااااعلمج
كالهـا بنبرة عصبية
وراسًا قطعها بضحكة وهوَ يكُلي
اموتتتتتتت عليـج، واعشگ الگاع التمشين اعليها
هجي مستعِد انزل وابوسهـاااا
لككككك يا عسى كِل الناس تكرهني
وتضلين بس انتِ حابتني
من كتيلياهة لسة وانة شيطان متربع براسي عليج
ماعاولت اخلص من الي يمي واجي
اجيتج وانة نـاوي شررر
بَسسسسسسس
اعوذ بالله من شيطان رجيممم
تصيرين الي مو ما تصيرين
إلا انتقم يا ايلول
ضحكت وكتلة
ايلول
ايّ ان شاء الله عود
علي
تستهزئين انة اعلمج
ردي
خابرني خليت وطَبيت
طبيت لغرفتي ورديت عليّ بدلع
ايلول
نعم تفضل
علي
اشتعلوااااا اهلج يهتلية
ايلول
يـا يـا اني هتلية يالمهتلفففففف
علي
مهتلف بس يحبج وطاير بحبج، احبج يا منجم الخير ويا مصنع راحتي ويامنبع العافية والخيـر احبج يا معمل الابتسامة
كوليلي احبك مرة ثانية، خل يفرح گلبي بيهـا
صوتة وفرحتة مُستحيللل اكدر اعبر عنهـن
هوَ اني اكدر اخلي ينتظر اكثر
لو گلبي راح ينتظر
علي
ولج يهتلية يظالمة النفس
كافي ارحمينييييي
كولي من خرررررة بالدنيااااا
موتيني كافي
كليلي لاااا هسة افلش التيلفون اعلى راسي
وحق العباس ابو فاضل
غمضت عيوني واحس گلبي راح يطير من اللهفة
اخذت نَفس وكتلة بكُل حماس
ايلول
احبك علي مادري شلون بَس جد اني احبكككك
علي
يابوية والعباس ابو فاضل صارت رجفة بگلبي
بشرفج ايلول عيديها
ابتسامتي شگت حلگي شگ
ايلول
عليييييي شبيك
علي
بس عيديها بربج عيديها اصبري خل اصحصح
ايّ كولي شني ؟؟
ايلول
احبك يالمهتلـف
احبك يـابو شوارب ههههههههههههههههه
اجاني صوت تنهيدة طويلـة
علي
احس اريدج يمي واحضنج حيلللللل
هذا اقصى مُناي
احبج يـا الهتلية
اخخخخ بديتتت انجن بيج زاااايد
مستحيلللل انتِ بشررر مثلنـا مستحيلللل
اقسم بالله تسوين كل الناس العرفتهم بحياتي
كلهم تسويهم انتِ
اهلي ومرتي وبيتي وعائلتي وكِل ناسي
اوف ولهـاااااااانة انة ولهااااااااان بيج
وعلي احِس هسة بس اريد اشوفج
ماجاي اشوف ايّ واحد بالكوكب غيرج وغيري
يحجي بحماس وصوت رجولي بس روح طفوليـة ضليت اضحك ويـا وماعرف شرد على كلامـة
ايلول
علاوييي كافي ونّبي خجلتتتت
علي
وعيونج من تصيحين علي اموت واروح
نوبّ تصيحين علاوي وبهذا التجمعص والدلع؟ اطيح واموت وحگ علي
ساحرتني انتِ غرگان هااااااايم بيج
اشگ گلبي الج واراويج شلـون بس انتِ بي ؟؟
نظرة منج تخليني بيها اطول من طولي، وهذا انة العاقل الثگيل، سحرتيني بجمالج يابوووووية
حول نبرتة فجأة من الولهان للـ عصبي
علي
ولـج شني هل جمال صايرة؟!
عود الامتحانات تعبتج والحر تعبج واجيتي هنانة ارتاحيتي لو شني ؟
ترة وجهج مابي مجال كلششششش منور صاير
نوبّ شتلبسين بـ بالبيت بلة؟؟؟
خوما تلبسين مشلتح؟
مشلتح ماكوووو نقطة راس سطر
ايلول
انتَ دتحاسبني وناسي نفسك يالصوال والجـوال
علي
عمي ليش مكبرة المواضيع يبعدروحي،
لا تعقدين الامور فدوة اروحلج
عالشغـل، شغلي مضوجج؟
انعل ابـو اعوفة وهاهيّ
ايلول
علي مو تعوفني
علي
ايلولة انة اذا عفتج معناهة انة ميت
والميت هم يتعاتب ؟
ايلول
يُمة اسم الله لاتكول هيج
علي
لا اسم الله ولا شي، انة ماعوفج إلا اموت
ايلول
واذا اهلي ما انطوني الك؟
علي
اخطفج
ايلول
هههههههه علي لا تتحمس
علي
والله العظيم ما اشاقة
بس خل يعارضون الاثنين
اريدها من الله اعلى الله
اعوف اهلي واعوف اهلج
واخذج وانهزم
اوكفي لا انسى سالفتي الاصليـة
اكلج يمتى يرجعون اهلج للبيت
ماتحمل حتى لو متزوجيـن مخطوبين خاطبين مايهمني
المهم لا تصـيرين حلوة هلكدددددددد
ايلول
يعني شلـون اضم روحي بقوطية
علي
اهااااا وصلتي يبعد روحيييي
بقوطية وبجيبي وهـا اهاااااا
ايلول
لا اصير اناني
علي
وعلي واكثر بعَد هجي اريد محد يشوفج غيري
اريد اتملك كلشي بيج
ايلولة بروح ابـوج، الرحمة للعدل والميت
بروح ابوج ي ايلولة بالج اعلى نفسج
اذا مو علمودج اعلمودي انة
حطيني بـ بين عيونج
واعتبريني اموتتتتتتتن انة ب كل تفصيلة تطلع من جسمج
حتى لو بس خيالها موهيَ
انة هم اموتن
حسيت عيوني لمعن من الحُب من يحاجيني هيج، غيرتة موبس داتقبلها، غيرتة داحبها، ومداحسها خنگ، شنو شلون من يمتى مادري بس جَد اني هذا شعوري
ايلول
صار علي تدلل
علي
بووووووية مآت علي
ضلينـا بهل يوم نضحگ ونشاقة سويـة
الحب صار واضح ابينة
ورغبتنا ببعض صـارت ازيد من كُل مّرة
ضل وياي بطرل هـاي الايام بس ما التقينا ابدًا، هوَ هم كمل شغلة ورجع لبيتهم
مضن شكم يوم واجـوي اهلي من السَفر
فرحتي جانت ما تتوصف ابددددًا
قبلها بيـوم رحنة اني وخالتي للبيت نظفنـا وزينـا وتحضرنا لاستقبالهُم
اللقاء جـان مملي حُب ومملي اشتياق
حَتى بابا جنة مشتاقين لبعُض هـووووواي
جنت حيل فرحانة كونهم موجودين وياي
وهمة هم فرحانين
سالفـة يضلون شايليهة من بـالهُم، ويردون بس يكملون اجازتهم يرجعون لكندا
جانـوا حاسبين بس شهر واحد ويروحون
لان دوامهم نقلوه
گضيت ايامي وي علي و وي اهلي
وجانت من احلى ايامي
بلشت الايام تخلص
والـ عد تنازلي يبلش
علي
ايلولة لازم امشي اعليج و اعقد بس عـاد
الباقي كِلة بعدين
ايلول
تمام علي بابا هم خاف هوووواي ويـاك فَ تعـال
علي
بالبداية اجي احاجي انة اخذ الاوكي منة يلة اروحن واحاجي اهلي فَ باجُر انة يمكم ان شا ءالله اخابرة قبل لا اجي واجيكم
ايلول
يـااااا كِل الهلااااااا تنورونـا
علي
منورة بـأهل الموصل
يارببببب انة ما مصدگ واخيرًا راح تصيرين الي
ما مصدگ وعلي
ايلول
ولا اني مصدگة شلون قبلت وراح ارتبط ب انسان
يمة مصدومة حَتى من نفسي
علي
انة مو اي واحد حبيبتي انة علي استاهلج وتستاهليني
مخلوقين لبعضنا احنة الله وكيلج
اجـة اليوم الثاني وجنة منتظري بكُل حماس
بابا الظاهر منطي علي خـَبر
الوضع هاااادي وما معلوم نهائيًا
اجتي فَرس يمنـا
صعدنا فوگ بغرفتي
واني وياهة نضحك وميتين من الفرح ثنينـة
مع هذا جان اكو شعور بية خايف
خايفة لا ابوية يرفُض او يطلع النـا عائِق
فَرس ضلت تطمن بيـة وتكلي هلمرة كُلشي راح يجري صح
جهزنـا نفسنا ثنينة لان امير و علي ثنينهُم راح يجون و
فتحنة اغنية اهل الكوت وكمـنا نغني وياهة
فَرس
واطگ روحي واموت
واجابل اهل الكوت
واصير مخبلة
واعيش مسودنة
الطُم على الخـدين
خل ميضل دمع بالعين
ايلول
واروح للمُلة علي
اكلة يا مُلة علي
شـايب وانة بنية
انطوني فصليـة
فَرس
اوكع واحِب ايدة
ارويحتي بـ ايدة
حَسبالة انة اريدة
ايلول
واطگ روحي واموتتت
واجابِل اهل الكوت
كعدنـا نرگُص ونضحگ وي الاغنيـة، شوية ودزلي صورة علي انُ هوَ بالموصل فرحت وكتبتلة
ايلول
منتظرتك بـ فارغ الصبُر
ماكو نُص ساعة اندگت الباب
جنت لابـسة فُستان اببض وبي ورد ناعمات احمر قاتِم
يصير مخصر من فوگ وكلوش من جوة
وردان عريضة وحلوة
وجنت لابسة حجاب الاميرة لون احمر
لان محد يثبت علية نفسة ومستحيل استعمل شال غيرة
وصبغت اظافري احمر
رحنـة اني وفَرس نفتح الباب
اول ما فتحت الباب انصدمت
باوعت لعلي و ودّي ما اشيل عيوني عنـة
لابس تشيرت جوزي نص ردان و بنظرون بيجي
عضلاتة بارزة ومخفف شعرة من فوگ وصاير اقلع للمصلع
جان لابس نظارات لان شَمس
اول مافتحت الباب نزع النظارات وباوعلي بـ ابتسامة جبيرة
بـ ايدة علاگة حلاة حطهـا بـ ايدي وهوَ يهمس
علي
هلا بـ ايلولي هلا شطالعة كيكة قابلة للاكل ؟
ايلول
هـلا بيك
اهلاً أُستاذ تعال اتفضل
طَب أمير
ورا سلم عَ فرس وطبـوا ثنينهم
رحب بابا بيهُم ترحيب حـار، وصاروا ياخذون ويطـون بالحجي، اباوع لعلي صافن علية، كُل مرة ولا يباوعلي يستحي إلا هل مرة جان مركز علية بشكل جبير
بابا يحجي على صدام وهوَ كتبلي
علي
صارلي ساعة احاول اطي واخذ ويـا راح يختم تاريخ العراق كِلة وانة گلبي ملهوف لكلمتة عليج
ايلول
الامور تبشر بخير لا تخافففففف
همس بـ يا الله رسد الموبايل
كملوا موضواعيهُم العامـة وبلشوا يسولفون
اميـر
عمي ابو ايلول، اعتقد سبب المجيء بالنسبة الك صـار واضح احنة اجيناكُم للباب وترة علاوي مُصر ونيتة زين، وكل غايتنا نصير اهل، اذا صار قصور من عدنة بالايام الماضية فَ نعتذر ونحب نسمع منكُم هسة الي يرضيكم واحنة مستعدين للصغيرة والجبيرة حتى نرضيكم
ابو ايلول
والله ياعمـو من الاخير اطيكمياهة
اني ..... يُتبععععععععع
لا تنسـون التصويت⭐️
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!