رواية بيت جبر الفصل السابع 7 - بقلم هُدىٰ آذار

مساء الخير
البارت طويل دمج بارتين سوى
لا تنسـون التصويت ⭐️
قِرائة مُمتِعة
للكاتبة : هُدىٰ آذار
____________________

اميـر
بس دكتوره بلا زحمه اكو مريضه جوه شابـه بيهه ربو شلونهه حالتهه

الدكتوره
مابيـهه شي وحالتهه صارت زينه بس ههسه ماريد احد يدخل لان الطوارئ مشوشه شويه

سَحبت نفس الحمدلله والشكـر انو فرس مابيـهه شي

استاذ اميٌر كاعد وهذا علي يفتـر من مكان لمكان وكاتف ادي ويمشي

والله دخت وتوترت شبيك اخذت الممر يا رايح يا راجع

باوعلي و اجـه كعد يم اميـر

شويـه استاذ امير كلي طبي يمهه شوفيهه اني هم طبيت يمهه سوده عليـه شصاير بيهه ضليت يمهه لحد ما فزت

(تعرفون الاحداث ف راح نسوي تسريع)

طلعنـا وردت ادفع تكاليف المستشفى بس استاذ امير ما رضه شافني حيـل مُصره ف اخذني ع جهه وصار يحجي وياي

اميـر
ايلول شبيج الدنيـا الليل الساعه بـ ٩ مستحيل تلگون سياره ومانريد فرس تضل واگفه اني اخذكم مراح ينقص شي

استاذ رجاءً تدري فرس شكد متوتره منك يعني ماكو داعي احنه نروح والتكاليف كلهن اني ادفعهن

اميـر
ايلول عيب هذا الحجي شنو انت تدفع واني ادفع مابيناتنه احنه

استاذ لا بيناتنه شنو ما ابيناتنه شكد دفعت انطيهن اني بنهايه انت استاذنا لا اكثر ولا اقل ومساعدتك النه مراح ننسالكيـاهه

اميـر
ليش هل جديه ايلول
تمام خلاص ادفعي كلشي بس خلوني اني اوصلكم

ماصعد وي هذا اني استاذ شكرا الك احنه نرجع وحدنه

اميـر
ايلول بس هل مـره اسمحيلي !
مراح يحجي وياج شي

ماگدرت ارده اكثر لان جان يحجي ب ود وتفهم ويايه كتلـه تمام رحنـه اني و فرس وياهم وصلونـه وفرس ذكرتني ب جاكيت علي الي ناسيتـه عندي

عود اكله عليّ؟
لا خيولي نفس ما سيارتي عنده اني هم هذا الجاكيت عندي ومانطي هيج وحده بوحـده اريد

اليـوم الثاني داومنه جامعه اني وفرس نحجـي عادي بس مو نفس قبـل

الدنيـا بدت تبرد مع انُ اول ما اجينه جانت كلش حاره

كاعده بالنـادي اكُل شويه شفت شاب كعد بالطاوله مالتي

استغربت وكتله
انت شلون تكعد قبل لا تستاذن ومنو انت

آدم
احزري منو اني

ومنو انت و اي ان كان شلون تكعد بدون ما تاخذ اذني

آدم
ههههههههههههه بعدج عصبيه ومن تعصبين تصيرين نفس البندوره الحمره انـي ادم عجل ماذكرتيني صديق المراهقه

يا آدم
صفنت حته اذكر لكيتني مذكرته

عزززه انت آدم

ضحگ وانطاني ايده اصافحت ويا واني اضحك ومصدومه

لك شجابك وشون اجيت وشون عرفتني اخبارك من زمان نقطعت عني

بالثاني متوسط اهلي نقلونـي لمدرسه مُختلطه غير الي بيهه فرس وتعرفت ع آدم هناك بس مجرد سنه و انقلت وبعدهه اخباره نقطعت تقريبًا

آدم
ههههههه والله اني قبولي هنا

معقوله صدفـه بهل ثُخـن ههههههه

آدم
لا اكيد مو صدفه

لعد شلون ؟؟؟

آدم
اخذت امي لعيادة ابوج وسلمت علية وكتلة انا صديق ايلول، رحب بية وسولفلي عن قبولج هنا وانا اساسًا معدلي مايقبل موصل ولازم اجي محافظات ف اختاريت جامعتج ههههه

يعني اجيت علمودي

آدم
طبعـا علمودج شكد مشتاقلج
متغيره وحليانه زايدددد

وانت بعدك باهت زايد شعرك اشگرك وحواجبك شگر ولحيتگ شگر وعيونگ صفر والدنيا مشتعله يمك دصبغ اسود شبيك خنشوفك مو صرت باهت هههههههههههه

آدم
شگران من الله شنسوي

ضلينـه نضحك اني ويا واستذكرنه بعض من مواقفنه
آدم حباب بس بنفس الوقت لحوح ويسولف هواي
واني مالي خلك للسوالف الهواي
بحيث حجالي قصة حياتة كلهة واني صافنة واباوعلة ومنتظرتة يكمل
واسلكلة ب اي و اي
طبعًا اني مستمعة ابد موزينة
لان بية مُتلازمة الملل
امل راسًا من الاحاديث الطويلة

طلب رقمي اتبادلنا بالارقام وكمت لان صدعت
يايُمة آدم شكد تحجي
يحسب نفسة حّبة بس هوَ قطع روحي ( جُملة موصلية افهموها انتوا )

علـي بعد ما حجيت ويا ابد ولا هوه حجـه ويايه
آدم جان يلح عليه انُ نطلع سوه بس اني جنت ارفض لان جان الجو شتوي وحيـل ينعس ف ماطلعنه اني ويا ابد

مرت الايام واني مغلسـه ع سالفه سيارتي نهائياً
لان مال اروح واطخلة راسي لو يموت

ردتة يحس على نفسة وهوَ يتنازل ويجيبها بس ماكو
يوم من الايام أحس حيل طگت روحي و اريد سيـارتي
يعني اني خوما جاية اكعد بالسكن اريد نطلع اني وفرس ونتونس
بس المُشكلة ماريد احاجي و ماعرف وشلون اسوي فيكـه و احجي ويا

جنة كاعدين بليل اني وفرس ونسولف
شجعتني اراسلة
شفتة مُتصل
فَدزيتـله رساله
مرحبـا علي
اريد سيارتي ياريت تدزلي الموقع و اروح اخذهه

مـارد عليه لان ماجان فاتح وره ساعه شفته متصـل بس مايرد عليه اني متت هذا شبي وليش مايحترم

ايلول
شوفي شلون ما مُحترم ياربي ذرة احترام ما عندة

فرس
هسة يجوز جاي يخابر ملتهي شي شبيج ياعيني انطي مجال

ايلول
لا عناد بية ادري بي والله عود يابة هوَ ثكيل ومايرد بسرعة
اصبري اذا ما ارزلة

دحتـرم شويـه يعني اني اراسلك وانت متصل وماترد

هم مارد
بس اني ضليت اغلي نار من فعلة
يعني بالعادة اني هم اسلك للناس هيج
والناس هم مُمكِن تتعامل وياي هيج
اني مو من نوع الي يدقق والوقت واذا شفت الرسالة المفروض ترد ومدري شنو
لا ابد، واصلاً اني ضد الي يلحون ويدققون بهيج امور
بس بساعتها حسيت فكرة انُ هوَ مايرد رأسًا
معناهة هوَ ما متحمس للرسالة
مو هامتة الرسالة
ولا هامتة اني
ومادري ليش هلفكرة قهرتني

وره ٥ دقايق دزلـي موقع

فتحته موقع گراج سيـارات ..

ماحجه شي ولا گال شي غير انُ دز الموقع كلش اتنرفزت من عنده شلون يسوي هيج ويتجاهلني بهطريقه

جد انك ما محترم وماتقدر الشخص المقابيـل متصل وماترد شكد فشله

علـي
ايلول مو تردين موقع الصخام انطيجيـا تره اني مو فارغلج ابد عندي شغل ومشاكل فوك راسي كافية

ان شاء الله تموت شدخلني بيك

حجيت هيـج ع كد ماجنت ضايجه شلون يتجاهلني وراساً انطيته بلوك ، اني دائما اي احد يضوجني اكله ان شاء الله تموت وهاي عَ لساني دومها .

ايلول
والنبي يقهر هوَ هذا الانسان الي تنطي احترام ينجلب عليك

فرس
ولج ايلول يجوز الولد مشغول وبعدين انتِ ليش مهتمة ل اسلوبة وياج

ايلول
اسكتي فرس اتفلي بكصتي بعد اذا حجيت ويا
اني احجي ويا والله لو اموتتتتتتتتتتتتت
همجي ما عندة اسلوب حوار

فرس
خل نشوف ديلا
نامي نامي الوقت تاخر الي يسمعج يكول انتِ عندج اسلوب حوار غير بنُص الحجي وكتيلة ابو شوارب اسكُت

ايلول
اهو ابتليت سولفتلج
اسكتي فرس

جاي نحجي وكعدت هاي البنية الي ويانة باوعتلنة صفح ورجعت نامت

ايلول بهمس
كُلها مخابيل اني الله وين ذبني

فرس
بس انتِ العاقلة عمي
نامي هسة نامي

نمنة واليـوم الثاني رحنة للجامعه واني حته مانايمه شفت آدم بطريقي عبرته ورحت جان مزاجي حيـل سيء

صادفت ثاني محاضره ل استاذ اميـر

ف جنه كاعديـن ومنتضرينه شويـه طب النه استاذ حيدر ، كالوله الطلاب استاذ تره عدنه محاضره استاذ امير اليوم

حيـدر
استـاذ امير اخذ اجازه لان اخو حالته جدًا خطره وابن عمـه كذالك تعرضوا لحادث وان شاء الله يكومون بسلامه بس ادعولهم انتوا

اميـره
استاذ يعني يطول

حـيدر
اي والله اليوم الصـبح كلفني اسويله الاجازات المتراكمه يعني رصـيده بالاجازات لان كتلكم شوية وضعة العائلي متكركب

هوَ يحجـي هيج واني كلبي انغز .
الطلاب كلـهه كام يندعولهم باوعت الفرس وكتلـهه

ابن عمه يعني علي؟

فرس
ما اعرف ايلول حيـل انقهرت اني تلكينة شحاله هسه !

طول المحاضـره اني فكري اتشوش مادري شصـار بيه ، فتحت الموبايل وقريت شكاتبه العلي اخر مراسـله شفت كاتبه ان شاء الله تموت ، احس كلبي كام يوجعنـي ، تمالكني شعور خوف موطبيعي

جسمي برد واحس گوه اشوف بعيونـي ماخفت عليه و ولا اعرف شنو الشعور الي تمالكني ويجوز مو هوَ حته بـس اني البارحه كايلتله ان شاء الله تموت يمة بس لاصايرلة شي اليوم

دموعي نزلن بالمحاضره فرس تحجي ويايه واني ابجي و اباوعلهه

مسحَت دموعي وكمت
استاذ عادي اكوم شوي

حيـدر
تمام تفضلي

فرس
استاذ اكوم وياهه ؟

حيدر
تفضلي

طلعت وجانت مبينه شكد حالتي صعـبه احس ما اعاول اطلع و اخابر استاذ اميـر

رحت بسرعه للحديقـه وكعدت بيهه ودموعي ينزلن ، اجتي فرس ورايه

فرس
انتِ دتبجين ع علي لو شنو!!

لـج البارحه كتله ان شاء الله تموت و واخاف انُ هوه يكون

فرس
ان شاء الله مو هوَ ياربي والله اني جسمي كام يرجف شصـاير بيهم ايلول نخابره نشوف ؟

اي اي هسه اخابره واشوف

خابرت ع استـاذ امير مايرد ادك ادك عليـه ماكو موبايله يدك وهوه مايرد

مايرد مايرد شوفي

فرس
زين دكي على علي

دگيت عليّ موبايـله مغلق اساساً

ماعرفت شسوي بس احس خوف ورعب اتملكني بشكل موطبيعي

فرس خابري استاذ امير انتِ بلكت يرد عليج الله يخليج

فرس
اذا انتِ تدكين مايرد عليج مثلا راح يرد عليه شبيج ايلول

جربي الله يخليج

خابرت فرس هم ماكو مايرد ضلينـه متحيرين حيل

اني راح اسال استاذ حيدر بس يطلع احسن شي

فرس
انجبي ايلول شبيج تفشليـن روحج ديري بالج ويله خل نرجع للمحاضره تدرين بي شكد صارم استاذ حيـدر

لج ماكدر والله ماكدر ماريد متوتره روحي ارجعي انتِ اني مارجع اريد اضـل هنانه بلكي يرد

فرس
ايلول والله هذا صارم يروح يرزلنـه هسه

روحي فرس انتِ طبي للمحاضره وكوليله ايلول شويه متخربطه حبابه ماكدر اطب احس راسي راح ينفجـر مادري شسوي

فرس
لا ما اعوفج دروحي يله شيسوي خل يسوي هسه خل ننتظر بلكت يرد استاذ امير

ضليـت اكلب بالمحادثه وابجي واخاف ليكون هوَ انتبهت عليّ من كاتبلي مشاكل فوك راسي كافية

زين شنو قصده من يگول مشاكل فوك راسي كافية

فرس
الله اعلم شصاير عدهم ان شاء الله تنحل عن قريب اني حيل ضايجه والله العضيم حته علي حيل حباب ومايستاهل
زين ايلول اني ادري بيج حساسة
اتذكر مرة من جيرانة ابو سعيد مات وانتِ حتى ماشايفتة وكعدتي تبجين وتفكرين بشعور مرتة واولادة
بس مو لهدرجة هاي شبيج جسمج جاي يرجف حيل
باعي ايدج

ما ادري فرس بس خفت والله خفت
تقريباً ساعة ونص مرن خلصت المحاضره وطلع استـاذ حيدر واستاذ امير ما راد عليـنه

جانت عدنه محاضرة ثانية و اني مابيه احضر جنت فوك مانعسانه وضايجه وروحي طالعه وفرس هم جانت حيل مقهوره

ضغطي عرفته هبط راحت فرس جابتلي اكل كوه اكلت كاعدين سوه وصافنين موبايل فرس دگ احنه نزينه

فرس
استاذ اميـر ...

اااي اي بسرعه ردي وفتحي السبيكر

فرس
الو هلاو استـاذ شلونك

اجانه صوته بس مو صوت استاذ امير ذاك لا جان صوته حيللل تعبان !!

اميـر
اهلاً فرس

فرس
استاذ خو ماكو شي صوتك تعبـان

فرس تعت بالكلام عت واني كلبـي يريد يطگ راسا حجيت

استاذ الله يخليك طمنـه استاذ حيدر گال النه وحيل ضلينه قلقيـن شنو الصاير ؟

اميـر
ماكو شي يابنـات لاتخافون بس شوي امورنا متلخبطه بالبيت

استـاذ بس كول منو الي حالتـه خطره اخوك و ابن عمك منو منهم!

اميـر
علي اتصاوب وحالته خطره شويه مانريد منكم غير الدعاء

يحجـي بالگوه وصوته مبحوح ومبين تعبان باوعت لفرس واني كلي ندم صرت ابجي وبين ع صوتي وكتله

استـاذ يصير نجي نشوفه وين هوَ بيا مستشفى

اميـر
شكرا ايلول متقصرن بس الدنيـا مكلوبه يمنه مراح تكدرون تشوفونه

استاذ يعني هوَ حالته شلونهه و وين اصابته

اميـر
اصابته بالصدر وقريبـه ع الكتف ، شويه المكان خطـر اني اترخص ماكدر احجي اكثر واعتذر اذا تخابرون وما ارد لان الجو يمي حيـل مخبوص

فرس
طيب استاذ اخوك شبي ؟

جر حَسره وماكال شـي ضل ساكت .

اميـر
ماريد منكم غير الدعاء، احنة ب أمس الحالة الة..

الله عليك استاذ طمنه عنهم لا تكطع

فرس
اي استاذ لا تخلي بالنـه طمنه عليك

اميـر
ان شاء الله، يلا مع السلامة
سـد الموبايل وكطع اخـر خيط امل موجود عندي

شفتـي فرس طلع علي الي متصاوب

فرس
شفتي شلون صوته تعبان سوده علـيه مبين كلش ضايج اخو وابن عمه زين اخو شبي ماكال شي احس السالفه معقـده

حته مانطانا مكانه ونروح نشوفه

فرس
كافي هسه شبيج تبجين ان شاء الله يصير زين اندعيله وهايهيه بس مبينه حاله اخو امير ازيد وماراد يحجي شفتي شلون استاذ حيدر كال اخذ اجازه شهر يعني السالفه مال اخو جبيره ولا جان ليش ياخذ اجازه

اي صـح مادري شصاير الهم ان شاء الله يكونون بخير اني حرجع للقسم ماريد اضل حيل مالي خلك احضرر محاضره

فرس
اي كومي اثنيناتنه انروح

ليـش روحي احضري انتِ

فرس
دشوفي حالتج ايدج جاي ترجف ماعوفج وحدج

رحنـه اني و فرس للقسم الداخلي مالتنـه حسيت ب تأنيب ضمير موطبيعي صرت اشوف رسائلنه اذكر حجينه اذكر هوه مرات يحاول يشرح الي واني شلون اعصب عليّ احس بشعور موحلو

حسيت انُ شخص اني مزعلته ويصيرله شي سيء و هذا بحد ذاته عقاب حيل جبيـر

احس عيوني ورمن من البجي ع شنو ما ادري ضليت بس ابجي

فرس
لج انتِ صدُك تحجين ليش هشكل تبجين

مادري مادري

فرس
اكلج بس لا تحبي هههههههههههه اسفة والله ماريد اضحك بس مشايفة شكلج وانتِ شلون تبجين عليّ

هاي شبيـج شنو احبه انا بيا حال والدفان يغمزلي
ههه احب ابو شوارب اكيد لا مُستحيل
بس ماعرف شبيه كتلج لانُ صار هيج والبارحه كتله هيج ف احس ضميري تأنب وانتِ تدرين حتى عَ الطلي ابجي اذا يردون يذبحوا

فرس
اي بس موهيج كتلتي روحج

انجبي هسه انتِ ماتدرين عاد

فرس
اي صح بس موهلشكل امممم الله اعلم بعد

شو اسكتي فرس هسه اني عايزتلج ولا شون مزاجي وردي وابررلج خابرينا استاذ امير بله

فرس
شبيج ايلول فشله نضل كل شوي مخابرين والدنيا الظهر الساعه ب ٢ خل تصير عصر ونخابـره هسه فشله

مانمت ابد ولا اخذت عيني نـوم ضليت گاعده صارت بالـ ٤ كتلهه يلا خل نخابره خابرنا مارد ابد

اني ضلت حسبه تاخذني وحسبه تجيبني حيل خفت انُ صاير بي شي

ضلينـه نخابر ومايرد علينه اخر شي السـاعه بـ ٨ رد ع فرس حاجتـه فرس واني جنت اسمع

گـال حالته زينه ومستقره بس باجر عنده عمليـه وشويه خطره العمليـه واذا نجحت الخطر يروح

استاذ امير جان موطبيعي بشكل صوته بالكوه يحجي ويـانه

گتله استاذ نجي گال مانگدر ابـد هواي ناس يمه گتله يكدر يحجي ويايه هم گال لا

يعني شلون استاذ لا تنطينيا احجي ويا ولا تخلينه نجي شلون يعني

حجيت هيـج ويا وبجيت وفرس تكولي اسكتي

اميـر
مانگدر والله العظيم المستشفى ما فرغت ناس رايحه وناس جايـه واني موبالمستشفى حته تكدرن تجن ومو خاليه هي هواي ناس من اقاربنا حالياً هناك
اني بالبيت ب اغلب الاحيـان واروح للمستشفى مرتين باليوم اطمن ع حالته وارجع اخواني و اولاد عمي يمه وحجي مايكدر يحجي بالعنايه المشدده محد يدخل اله الله شاهد

فرس
تمام استاذ انت انتبه ع نفسك كلشي يخلص فتره وتعدي

اتنهـد وگال اتمنى ..

سد الموبايل وراح وخلاني متحيـره لليل تقريبـاً شفت استاذ امير متصل راسلته

استـاذ شلون صار علي

اميـر
مو بخير والله ايلول باجر عمليتـه وان شاء الله يكون بخير

استـاذ الله عليك اريد اجي اشوفه

اميـر
احنه مايخلونه نشوفه بالعنايه المركزه ايلول وعد اذا صار زين بعد العمليه اني اجـي اخذج بس موهسه

دزلي صوره الـه جان نايم والاجهزه من كل كتر عليّ احس انهبد حيلي

ما ادري لو جـان ما دزيتله هلرساله ويصير هيج ويا ياترى هم راح ازعل عليّ هيج ، مادري اني خايفه علي ّمادري لان كتله هيـج تندمت

جان خوف متمالكني بشكل موطبيعي عليّ

بليـل كوه نمت ضليت بس اباوع لصورته وابجي ، جنت حيل مقهوره . خابرت ماما وسولفتلها وحيل انقهرت خطية وكالتلي لا تتركيهم بالمستشفى ورديلهم الجميل

جنه ع تواصل وي استاذ امير الي عرفتـه مسوي العمليـه وناجحه الحمدلله مـر يوم كامل تقريبـاً واني احس مادري شصايرلي

اليوم الي ورآ صادف يوم جمعه جنت كاعده بمكاني واكلب بالموبايل اجتني فرس

فرس
داتراسل وي استاذ اميـر وگال اني بايت يم علي ومحد يمنه باجر الصُبح اضل موجود اذا تردن تعالن ف شتكولين نروح؟

اااي والله هيج كلج

فرس
اي والله وكالي ايلول ليش هيج ضايجه هلكد كتله استاذ ايلول تنقهر حته ع الدجاجه فشلتينه لاتسوين هيجي

انتِ شبيج فرس روحي انتِ ويا تعرفـين اني من البدايه حيل اتاثر و احب الدرامـا لاصيرين مدري شلون ف باجـر الصبح نروح

استاذ اميـر كايل ل فرس تعالن من وقت حته خاف لا واحد يجي قبل الوقت هذا

الصـبح كوه كعدت فرس بالـ ٦ بدلنه ورحنه

فرس
اي ادري من الـ ٦ عدنه دوام اشو حته دوام مو بالـ ٦

فرس حبابه نروح من وقت نفس ماكال استاذ امير حته محد يجي

فرس
اي من وقت معناهه بيش معناهه ب٨ ب٩ مو بالـ ٦

فرس لتربكيني فوك ما اني مرتبكه اسكتي

رحنه للمستشفى الي كال عليهه استاذ امير خابرته فرس حته يجينه راساً رد جانت مستحيه خاف يكون نايم ضلينه واكفيـن شويه و اجه استاذ امير

جان ينزل من الدرج كبالنـه اني وفرس وحده تكل للثانيه معقوله هذا استاذ امير؟

جان شكله تعبان بشكل خيالي وعيونه حمررر دم ومبيـن مانايم ابد

اجه يمنه سلمنه عليه كال

امير
بنات ليش جايات من الصـبح وليش زحمتن روحجن اساسًا

فرس
استـاذ والله هاي ايلول خبصتنه

اميـر
يعني لو تضل عليج ماتجين مو آنِسة فرس

فرس
لا والله استاذ اكيد اجي بس بوقت ما يكون زيـن يعني مو بهل وقت

ابتسم الـها واني بالي مو يمهم اساسي صعدنـه للطابق الموجود هوَ بي وصلت للغرفـه ما جان ودي اطب خفت لا اضعف يمه خفت لا انزل دموعي يمـه مادري شنو صارلي وشنو هذا الخوف الي تراودلي الزايد عن حده! مادري شصـار !

امير
يلا تفضلوا بنات شبيكم واكفـات

فرس
لج شبيج انسطرتي امشي يـله

مادري ماريد اطب فرس

فرس
فشلتينه ايلول والقران راح ارجع شبيج

حاولت اقـوي نفسي وصرت نفس الام وبنتها فرس تمشي گبالي واني وراهه

اميـر
اجونه ضيوف علاوي

طبينـه باوعتله واني متوتره وكوه لازمه الدمعه مالتي من انُ تنـزل فرس تحمدتله ع السلامـه باوعتله وكتله

الحمدلله ع سلامتك ماتشوف شر ان شاء الله

ابتسم وهوه يباوعلي وكوه حجـة
علي
الله يسلمـج

كعدنه يمه ع المقاعد الموجوده كباله اني مدنگه وافرك ب اديه ومدري شصاريلي و فرس تحجي

فرس
ايلول من الصبح جابتنه حته ما لحگنه نجيب الك شي ويانه

علي
جيتكم هاي كافيه والله
اميـر ليش خليتهن يجن ويعذبن روحهن ماجان اكو داعي

اميـر
والله كلتلهن بس ايلول جانت مصره الا تجي

علـي
ايلول
ههه ايلول شو ساكته عكس كل مره

اني مادري شحجي يعني

باوعتلـه وعيوني مدمعه ومبين عليه شكد متلخبـطه باوعلي بنظرات استغراب راسا سكتت

استاذ اميـر ضل يسال فرس ع الجامعه وهسوالف واني ساكتة ومدنگة وهوَ ساكت

علي
جوعان اني ماجيبلنه اكل

اميـر
اي صح رايح اجيب اكل

فرس
استاذ عادي اروح وياك اريد اجيب من الصيديله الي جوه شـي ايلول انتِ ضلي هسه اجي

اميـر
اي اهلاً وسهلاً اتفضلي

باوعتلهه وخزرتها همستلي

فرس
اريد اجيب ورد من المحل الي جوة احس كلش فشلة طابين هيج ف ضلي يمة
باوعتلها بنظرات انزعاج وتوتر
شبيج مايصير يضل وحدة
الرهاب الاجتماعي يخاف منج انتِ ايلول شبيج هسة

راحوا همه واني ضليت گاعده ماعرف شحجي

علـي
اجيتوا ب سيـارتج مو؟

لا اجينه تكسي

علـي
شنو ما جبتي سيارتج؟

لا ماجبتـهه

ابتسم من گلت هيج وكال

علـي
خبصتيني خبص عليهه وهسه ماجبتيهه

يحجي بالگوه وكال جملته وصار يگح

كلبي انقـبض عليّ راسًا كتله

بس تصير زين نروح ونجيبهـا سوى

علـي
اذا هيـج من هسه انه مابيـه شي

ابتسمت وسكتت ماحجيت شي

علـي
نادرًا ما تبتسميلي شصاير اليـوم
المهم تدريـن و اني تصاوبت منو اول شخص اجه ابالي

منو؟

علـي
انتِ

اني ؟

علـي
اي انتِ اذكرت من كتيلي قبل ساعتيـن بـس من الحادثه ان شاء الله تموت كلت جا هاي شكد بخيته هَاي البت كلت الامير انة نوب ايّ حاجة مستعصية عندي اروح لايلول تندعيلي

علي حرام عليك موهيج والله
شوف والله العظيم ما اقصد بس انت جفصت ابطنيَ وحجيت هاي الحجايه واني حيل ضجت من بعد ماحجيتهه يعني البارحه و اول البارحه اني بس افكـر وحيل ضجت

علـي
اي جا هي هينه الصارت ردت اموت من وره دعائج عليّ

بس والله العظيم اني ماجنت متقصده وحجيتهه هچي

علـي
صارت عويريصه عليّ والله من والله دعائج يا ايلول

شنو عويري صص شنووو؟؟؟

ماعرفت الفُظ الكلمة حَتى ضحك وكالي

علي
يعني خبـصه صارت

ضليت ساكته وعيوني مدمعه وهوَ يحجي

علي
شبيج شو جنج لايجه روحج

شنو لايجه روحج انت شجاي تحجي ماجاي افهم عليك
تنفس وكال

علي
يعني احسج مو ع بعضج
خل احجي وياج بالعامية لان مراح تفهمين لهجتي

يعني هسه الصار وياك بسبب دعائي

علي
اي والله هل تشوفين حالتي الدكتور كالي حته بعد ماتخلف ومن وره دعائج نحرمت من البزره

بزره شنو
ها اطفال !
عزه صدك تحجي عود

يحجـي وياي و اني رايحه نقبض كلبي من كال هيجي ودموعي صارن ينزلن

اني اسفـه والله

علي
ججذبب جذب يمعوده ليش تبجين شبيج اشاقه وعلي جذب اشاقه وياج والله شبيج كمتي تبجين اشاقه والله

علي شبيك شجايرتحجي صدك لو تشاقه

علي
جا هي البزره شعليهه انه انصابيت بصدري البزره شعليهه ماتكليلي ماعرفتج هَيج حساسه والله

كال هيج وضحك حيل
ومن كد ما ضحك كام يكح
وصدرة يوجعة
هسة غير يسكت مايسكت
بس يضحك
احس الموقف يفشل
صدك شجاب هاي على هاي
خرب غبائج ايلول
حتى العربي هواي عليج والله
احجي بيني بين روحي وانطي مي حتى يشرب

ليش تصير ماصخ وتخرعني

علي
وهسه انتِ عليمن بله هذا البجي ومادري شنو هاي كله خوف عليه والله يعمي طكيت ي علي

ماميته عليك اني

علي
جا ليش تبجين وخايفة ها

ااا لانُ كتلك هيج وخفت يصيرلك فدشي يمعود اني حته ع الدجاجه ابجي لا حسبالك

علي
ها جا يعني اني تساويت وي الدجاجه انعم الله عليج

ايلول
لعد شبيهه الدجاجه حيوان وتنطينه بيوض انت شتنطينه اكثر فائده من البشر تره

علي
تكليلي تجفص وانت منبع التجفيص

جذبت اني ؟

علي ب ابتسامه عريضه
لا ابد

سكتت و سكت محد حجـه شي شوي شفت ايده نمدت الي

علي
تقبلين صداقتي ؟

اتفاجئت من الي سوى خصوصا جان مفاجئ من دون لا سوابق لا اي شـي كتله
يعني شنو

علي
يعني نكون اصدقاء ؟

ماطولك مريض ماراح اخجلك يله قابـله

مَديت ايدي اله حته اتصافح ويـا باوعلي وابتسم ابتسامه جانبيه

علي
مشكلتي ماحب احد يكلي عله عينك حاجب بـس انتِ جاي تحجين هواي حجي وياي واطيح ليش مادري

اني غير من يوم يومي

علي
ههههه اي صدك غير

تعجبت هل مره ماعلق ع لبسي ولا كالي شي مع اني جنت لابسه نفس كل مره بس جنت لابسه جاكيت لان بارده

علي
بله وين الكوت مالتي

عندي بالبيت ضامته

علي
خوش حجي

جاي نحجي سوى طبوا فرس و استاذ امير

فرس جانت جايبه بوكي مال ورد و علبه جُكليت وياهه حطته يم علي ورجعت تحمدتله ع سلامه زين تعرف الاصول اكثر مني

علي
والله ماتقصرين احسن من بعض ناس

فرس
ههههه تره هي وصتني اجيب يعني ثنينه بيهه اني وياهه واحد

رجعنه لهاي السوالف بس تريدلك لزمه عليه

امير
يعمي اهدئوا اهدئوا ماكو داعي للصريخ لان مابيه حيل اشيل علي اذا طردونا

علي
لتخاف صديق اكدر امشي

امير
اي واضح تكدر تمشي
يله تعالوا نتريگ

لا استـاذ شكرًا متريكين احنه

اميـر
تره كالتلي فرس انكم مامتريكين

خو انتِ ماتضمين السالفه ابد

فرس
شسوي والله هوَ ضغط عليه احجي
بس شكرًا الك استاذ والله مانشتهي هسة

حاولوا ويانة بس احنة جنة قافلين وفعلاً نستحي نكعد وياهم وناكل

امير
احس علاقتنا صارت عائلية هاهي بعد ف عليمن مستحين

ابتسمنة على كلامة وكلنالهُم انُ لازم نروح وفعلاً رحنا

جنت مرتاحه حَيل انُ شفته وفرحانه اكثر بعرض الصداقه مالتـه

الي عرفته انُ اليوم يخرجونه من المستشفى

مضـه يومنه عـادي لحد بليل تقريبـاً بابـ ٧ اجاني مسـج من علي مكتوب بي هلاو شلونج

تفاجأت انُ راسلني وبنفس الوقت فرحت لان جان بالي يمـه

ضلينه نتراسل وهوه يسالني واني اساله جان بالبيت وكالي شوي صرت احسـن

برزت شخصـيه تختلف عن شخصيه علي الي اعرفهه جذريًا ضليت مصدومه ع كد ما جان غيـر بشكل موطبيعي ، انـي هم بطبيعتي اذا ارتاح لشخص اكون جداً ثرثاره ويـا ضليت احجي ويـا وهوَ يحاجيني حجينه ع كُلشي ع حياتي و ع حيـاته و ع هواي اشياء ابد ماجاب طاري اللبس ولا جاب طاري الحجـاب تفاجئات منه بهاي السالفـه .

علي اريد اكُلك شي بس موتزعل
يتبع...
__________________

في بيت جبُر :

وصلوا للبيـت ونزلوا جانت الساعه بـ ٢ ونص بليل تقريبـاً والكُل نايم رادوا ينزلونـه بهدوء ويتفاهمون ويـا رادوا يصنعون اي شي في سبيـل ينقذونه بـس

نزلوا وهوه يون من الوجع الي صايبـه وصلوا للدرج ويردون يصعدونه ماحسوا الا صاح صوت حيـل قوووي رج البيت بي رجج

الصوت جان مخيف لدرجه مستحيل احد يتخيلهه ، دفع امير وزعيـم بسرعه وركض يريد يطلع ويصيـح ب عالي صوته

بسرعتـه راح و لزم السجينـه وحطهه ع گلبـه وصار يصيح
غيث
ماتنطوني مووو ماتنطونـي هسههه اكتل روحي هسهه

الولد واگفين ويخافون يتحركون حركـه ويسوي بروحه شي

امير
انطيكككك والله انطيك بس عوف السجيـنه غيثثث عوفهه

غيث بصايح وبجي
اررررريد هسه تراونيااا هسه لا والله اكتل روحي والله اكتل روحيي

صاروا يجرجرون ويا بالحجي وهوه لازم السجينه ومنهـار ع الصوت العالي والصريخ الي صار الكل كعد وجان الكل مصدوم ب الي جاي يصير .

بعدهم ماطالعين من سالفه سجاد بعدهه سالفه سجاد ماثره بيهه هواي

جبر
شجاااي يصير ولكم شجااي يصير احجوووا

غيث
اطلعوا مناااا اطلعوا مارررريد احددد

امير
الله يخليكم اطلعوا كلكمم اطلعوووا يتوتررر بس يشوفكم اطلعوااا

امير بالكوه طلع الكل من المطـبخ اخر شي تقرب يمـه زعيم وامير وصاروا يجروون السجينه من عنده

جر السجينه زعيـم و امير لزمه انهزم من اميـر وجان باب المطبخ عباره عن زچاج راح ودفر الباب ب ايده

ايـده گام تنززف حيل الكزاز والدم عبـوا المطبخ وهوه بهل حاله جان ما يهتـم للوجع او مايحس بي حتٌه وجان يصرخ ويريد ينهـزم من عدهم .

البـيت انگلب گلاب ومحد يعرف شنـو يتصرف ويا الولد جانوا لازمينه زعيـم و امير و اجوا اولاد عمهم الثانين(مصطفى ومرتضى ابن جبر محسن الي طالع من بيت اهله وبيتهم بصفـهم) وهوَ جان متهستر بالبجي والصايـح

لفولـه ايده كوه وهمه لازمينه

اميـر
خل ناخذه لدكتور نفسي مانخلي حالته هيج

زعيـم
اي مالهه غير هيج

جبر
تردووون تفضحوووني ولكم انتتوووا تردون تفضحوني وتموتوني تالي عمرييي انه هيج يصيرر بيه بسببكم ولكم سمعتي صارت بالكاع انه شملفي ب بيتي هـاااا
واحدددد يكتل والثاني يكبسللل شملفي ب بيتي انه فهمووووني احجووا وياي راح اموتت من وراكم

امير
شيخخ شتررريد تريددد اخوووي يموت تريد احطه بغرفه واكعد واسكت عله حالته شترريد كلي

جبر
يطبه مرضضض ولكم انتوا شنووو شنووو اولاددد الجبيرر عودد اولاد العوَد حسن

حسن
بويه والله مادري شسوي والله مادري شسوي انهد حيلي والله انهد حيلي

امير
شيخ انه ماكدرر اشوف اخوي يموت وانه كاعد وساكت وكلشي ما اسوي ماكدرر شيخ ماكدر لازم اخذه دكتور لازم

جبر
شيسويله الدكتور ها شيسويله احجي شلون يكدر يعالجه ادمن عله السم هذا يموت روحه يله يرتاح

مرتضى
علي يمه بس سراج لازم واحد يروح ويا
عمي روحوا انتم وخلونه يم غيث احنه

اميـر قفقف
زعيم جيبلنا منوم اقوى شي جيبه بلكت يهدأ وينام يله

راحوا جابو اله منـوم هوَ من ذاته تعب من الصايح والبجي الي سوا وخصوصاً هوَ ماجان نايم ٤ ايام راساً نـام

الكل ماخذ حذره الكل يبجي ومايعرف منين اجته هل مصيبـه بينمـا جبر الي هد البيت عليهم وهوه يصيح ويكللهم خربتولي سمعتي

اميـر سوه اجازته لان حالته جانت ابد ماتسمحلـه

مجرد ماراح للدوام وهوَ يسوي الاجازه خابروا وهمه يكلوله الحك غيث ما خلـه شي ماكسره بحيث نص الطريق ورجع ووصى حيدر يسويلهيا

راح اميـر للبيـت وهوَ مخترع ، طب للغرفه كلشي بيهه جان مكسر وغيث گوه لازمينه زعيم و الولد الثانين

جان يبجي و وجهه احمر ويصيح حيل

غيث
امير اميررررر اجه اميرررر

راحله اميـر يرگض حضنه

غيث
اميرررر الله عليكك راح اموتت اميررر انطوني من عنده اميرررر راح اموتتت والله ، والله اكتل نفسي اميررر اترجاك يا اميـر اترجاك

جبر
تريد من هذني السم ولكك كبالنه يااا ادبسزز يا ما مربه لو ابوكم مربيكم عدل ما سويتي هيج بس اخخخخخ اخخ انطمر يله فضحتنا الصوت لوين واصل والله ياغيث اموتك تموت هسه بمكانك اذا ماتسكت اموتك تموت

غيث
ما الك دخل انتت ما الكم دخللل

وخر من اميـر وجان يريد يتهجم ع جده وكوووه لزموا
لازمينه الولد كوه واجه جبر وضربه حيللل

جبر
يا حقيررر يااا ماا مربه ولك تتتهجم عليهه اني

غيث ضل يباوعله وهوه مرعوب ويبجي كام يصيح وحضن راسه ب ايده وسد اذانه

غيث
اطلعوووووا عني اطلعوووا عني الله ياخذكم

هـذا الشي الي زيـد جنون امير وخلا الكُل يشوفون شي من اميـر ولاول مـره يصير

راح كعـد يم غيث وضمه لحضنـه وضل يعيط

امير
والقران اخذ اخوووي ونطلع منا وحق الله وبعد ماتشوفولناا وجه
وحق القرررران

حسن
اميررر لا تحجي وي جدك هجي ولكك

جبر
هذااااا اميررر بعددد بعددد شتترجه منهم ولدكك ي حسن ماتجيبولنا غير العارات

اميـر
شيخخ ولد مريض ولد مريض الله يخليك اطلع لخاطر محمدد اطلع ماريدد اخسررره بسببكمم
هاااي جاي تسمع امي شلووون جاي تبجي ماريد ابنهه يموت كبال عيونهه ماريددد شيخ اطلع عوفه انه ادبررره بسسس عوفووا عوفوووااا ولحد يساعدني ماريد واحد يساعدني بي انه اتكفله وحدي بس عوفوا

جان اميـر يصيح بصوووت عالي و وجهه صار احمر من العصبيـه

زعيم
كااافي اهدئ شبيكك كافي
شيخ كافي مايصير هذا الحجي مايصير

جبر
حته زعيم صاير مثلهم من اهمداني عله هيج خلفه

اميـر
ابدال ماترحون لعلي روحوا العلي ع فراششش الموت روحوا اله ليش جاي تخربووون هنا ليشش

جبر
غيررر من وره اخوكك علي ع فراشش الموت من وره منوو ها انه الكبسلتت انه !!!

اميـر
شيخخخ تررررره علي اقرررب الي من غيثث انت شتحجي شيخخ علي تعرفه شتعنيلي انتت شجاي تحجي
زعيمم الله يخليك زعيم

زعيم
كافي اميرر كافي شيخ يله خل نروح لعلاوي سراج وحده خلي امير و الولد مصطفى ومرتضى يم غيث يله

اميـر
لا خل يرحون انه هنانه ماعدي شي الكل يروح يله علي وحده لتعوفونه وزعيم ضل طمني عليّ كلبي مشتعل نار  ...

راحـوا يـم علي كلهه ووصل الموضوع لاكثر الناس انُ علي متصاوب بـس محَد يدري بسالفه غيث .

استغـل الوضع اميـر وحاول يتواصل وي دكتور نفسي بمـا انُ الكل مو بالبيت ويكدر براحتـه
گال لامه ونسوان عمه والبنات يكعدن بغرفه والدكتور يطب خاف كلشي يصيـر و غيث يسوي شي
أجـه الدكتور طب لغيث وشاف حالتـه
حَاول يحجي ويا وباسلوبه الخاص حجابهم كلشـي صار

اميـر
ها دكتور بـشر ؟ علاجه سهل لو صعـب ؟

الدكتـور
يتعـالج استاذ اميـر وعلاجـه ان شاء الله سهل وانـي بالبيت ان شاء الله اجي ويتم علاجـه لان ادري بيكم ماتحطوا ب مصحه عقـليه بس استاذ امير احس بي شيَ مادري غيث بي شي غير سالفـه المخدرات و الادمـان الولد موطبيعي

اميـر
يعني شلون دكتور فهمني ماجاي افهم عليك هواي والله بالي حيل متشوش

الدكتـور
مادري والله يا ابنيَ عنده اعراض غريبـه
بس اني أشك انفصام بالشخـصيه

اميـر
أنفصام بالشخصـيه شنو دكتور كول يالله اكيد جاي يسوي هيج لان هوه مو بوعييه ب تاثير المخدرات بـس شجاب انفصام الشخصـيه اله؟

الدكتـور
اني حجيت ويـا وستفسرت منـه وحاولت اخذه وارده بالحجي
يكلـي احس الناس تحجي عليـه وإحس كلهه تستنقصـني وهواي اعراض بينتلي هالشـي ومادري بعد هذا شك ومانكدر نتاكد الا يتشافـه غيث بشكل تام وينظف جسمه من المخدرات وبعدهه اكدر اشخص مرضة

اميـر
شكد يحتاج حته يتشافه دكتور

الدكتـور
ان شاء الله وقت قليل بس كتلك اني شاك بغير اشياء ماكدر افـسرهه الا اذا اتشافـه حاليـا ياريت تكونون حذرين منه لانه شخص مو واعي انـي راح اكتب الكم مهدأت

اميـر
دكتور المهدأت حيل تضرر الشخـص ياريت تقلل الي منهن

الدكتور
أبنـي اخوك حالته متدهوره صح هي تضره بعدين بس ههسه لازم انقذه ف اني راح اكتبلـه مهدأت ومنومـات هواي حته هاي الفتره بينما يتعالج ما يضر روحـه او يسبب فد ضرر الـة او للاخرين تمام

اميـر
تمام دكتور ماتقـصر

كتب الدكتور العلاجات وكلشي الغيث
بـس الدكتور جان شاك انُ صاير ويا شي غير المخدرات
اكوفدشي مأثر عليّ حيـل
هالشي حيل دوخنـي واثر عليه و عله نفسيتي
كلش صعب انُ اشوف اخوي هيج كدامي يدمر

جسـمه ما جان متشبـع بالمخدرات بشكل جبيـر لذالك جانت نسَبه الشفاء عاليـه
بَس أكو تصـرفات غيث جان يسويهه المدمنين ما يسـوهه

الي بحالتـه والي ماخذ بگد ما ماخذ غيث يمشـون ع رجليهم وعادي ويگدرون يستغنون عنـهه ويبينون نٌاس طبيعين حيَل

بـس غيث ماجان انسان طبيعي ، گدر بمرور ايام و ومع العلاج يستغي عنهه ومـايطلبهه بَس جانت حالته العصـبيه حيل متدهوره

يكسـر و تجي مـرات يريد يحرگ بروحه وهواي مرات يخربط حيـل بالحجي ويحجي اشيـاء يخلينـه نتعجب

ايده كام حيـل تورم وجانت مبينه خطره الايد الي جرحـهه اخذوا بوقتـهه للدكتور وجانت تحتاج عمليـه لان الاوتـار والاعصاب كُلهه مال الايد اليمين مقطوعه !

سسووا العمليـه وبوقت العمليـه قَبل البنج شرد منـهم وگوه لزموا

الناس كلهه تباوع وكلهه تعرفـهم ويعرفونهم ل يا بيـت راجعيين وجان الكل متعجب ب الجـاي يصَير بيهُم

الدكتـور جَان يكللهم بـ استمرار ابنكم صـار عنده انفصام بالشخـصيه وهاي قبل لايدمن لان مستحيـل اعراضه بسبب المخدرات

ماجـان احدَ يعرف العلـه مـالته وين وشلـون

ايام وليالي مضـت هوَ يتصراع وي روحـه يبجي ويعيط ويكسـر بغرفتـه من دون مايدري ولايحَس بروحه

تجي مـرات يريد يشنق روحـه ويموتهه
الولـد ماتركوا ثانيـه وجانوا مسـوين كُل يوم ع واحد يسهـر يم غيث ، صـح گام ينـام هواي بسبب مفعول الادويـه بَس يخافون لافجاه يگعد ويأذي نفسـه لذالك جانوا اخوانه و اولاد عمه حريصيـين عليّ حيل

جان دائمـا يلح ع الكليه ويريد يداوم ويحرمص الهم
يكسر كلبهم من يكللهم ماريد محاضرات تفوتني
وهاي اخر سنة الي
اريـد بس اروح
ويخبصهم خبَص عليهه
بـس مايكدرون يخلوا يروح لان حالته ابدا ماجانت تساعد

مضت الايام وبمـضي الايام بـده غيث ينسه سالفه مخدرات وتعاطي بـس ضل بي شي حيَل مجهول ومحد يعرفـه

بهـاي الفتره زينب(اخت امير و غيث و زعيـم وسويف) مـرت سراج (اخو علي سجاد وملاك وزينب ) جانت والده جديد وغيث جـان يحب ياذي هذا الطفل وجان دائما يستغفلهم ويروح للطفـل

احتاروا ويـا وتعبوا حيَل ..
جانوا الشباب عايفين شغلهم وكلشي ومحتارين بـ غيث
الشـي الوحيَد الي جان ينقذ اميـر و علي من تعبهم فرس و ايلول

كعدوا وحجـوا ويـا
صالحـه (مَرت جبـر )

صالحـه
بيبي بس احجيلي شنو الي بيك ليش جاي تتحلم هجي شصاير وياك ها

غيـث بهدوء مُميت
ذوله بيبي ذوله تعبوني بيبي
يكلولي اكتل روحك ماجاي اتحمـل ابد يحجون براسي اربعه وعشرين ساعه بيبي يكلولي اكتل روحك تعبت تعتب تعبـان حيَل

يحجي شويـه وياهم بهدوء وبعديـن ينفعل اخرشي صالحـه ضلت تلح عليهم وتكول الهـم نشوف شيخ يجي ويشوفـه

صدك جابوا شيـخ للبيت وشافـه وحاول يحجـي ويا
بده يقرالـه ايات قرانيـه لمده طويَله
هدأ ورجع لطبيعتـه شوَيه وبده يحجي

غيث
جنت رايـح الهم بنص الليل وجنت خايف وامشـي وصوت جلاب و وكعت بنكره بيهه جلب صاح بوجهي احس هذا الجلب من صاح بوجهي مادري شصـارلي

كاللهم الشيـخ احتمـال هاي تابعه تلبست ويـا اخذ اله استخـاره وطَلعت صدك كٰال الهم شلون الدوسه صارت ويـا ويرادله فتـره يله يتعالـج منَهه

بده علاجه الشـيخ ويا وجان شيخ ع نياتـه وماياخذ فلوس ولاشي يسوي ل الله لذالك صدگوا بي

صـار اكو تحسَن جبير ب غيث خلال هـاي الفتره

اخوانـه جانوا حايريـن بَي
ماخلوا شي ماسووا الـه

جان الكل وين مايروح يسال اي شيخ يشوفوا كبالهم يجيبوا
اي دكتور نفسانـي يسمعون بي يجيبوا الـه وكل واحد يشتغل من جهه

خصوصـًا اميـر جَان واگف ويـا حيَل ومايخلي لحظة وحده

بَس جان غيث محتاج يفضفض لواحد مايعرفـه وفعلاً جابو اله احسن طبيب نفسانـي وصار ياخذه جلسات وحَيل فاده

شغلتـه جانت بيَن الطبيب وبين الشـيخ وثنينهن جانوا يسعون بيهن

مارجع نفـس الاول
بَس صـار هادئ
مايسوي شـي عدواني گبال الكُل
جان يأذي نفسه بصمت بَس
وجان يعيـش هصراعات وي روحـه دوم ومايكدر يفضفض او يحجي ، جان دائماً يحاول يحجي لامير بس جان شي يستوقفه ومايكدر يكمل

ماصار يحب يكعد وي اي احد ولا يحب يطلع
واذا طلعـوا شوي يرجع بسرعه معصب
ومايحب يشوف ناس ابـد
يحجـون ويا اخوانه يحاولون يطلعونه من الي هوَ بي
بس هوه جان قافـل
يحَب يكون بغرفه وحده وهايهيه
ومايحجي غير كلمـه ثنيَن

گاعديـن كلهم سوا ومجموعيـن يحجون سوه وجبـر جان مكسور ويكول المشاكل مادري منين جاي تطلع الـي وصالحه تكلـه

صالحـه
الجدر مايتربع الا ع ٣ يشيـخ
وهاي سالفه سجاد وسالفه غيث و الله اعلـم شراح يصير بعد

بعدهه مامكمله حجيـهه اندگ الباب

صالحـه
يمه بسم الله والله كلبي طفـر

زعيـم
كولي يالله منو مثلا

طلع زعيـم يشوف منـو

فتحَ الباب وتفاجئ ب بنـيه هل بنيـه لابَسه اسود من فوك ليجوه وكلشي مامبين منـهه

صوت بجيـهه عالي وصارت تترجـة زعيـم حته تطب وتحجي وي شيـخ جبر

زعيـم
طبي خويه طبي

طبـت البنيه وجانت گوه تمشي وزعيـم مستغرب ب الجاي يصيـر طبت الهـم حيث ماكان الكل مجتمـع

راحَت ودنگت ع رجلييـن جبر وذبت روحهه يمـه وصارت تگله .... يتبـععععع
توقعاتكم ؟ منـو هاي البنيه ياترى؟ وهل احنه نعرفهـا؟

ايلول
جاي تحجي ايلول ودگ موبايلهه ردت علي

مرحبـا اهلاً استاذ اها تمام دقايق اوكي

ايلول
فـرس استاذ اميـر يريدج يكول خل تجي لمكتبـي

اميـره
منينلج رقم استاذ امير عود

ايلول
حبيبتي استاذ اميـر قريب النـه وبعدين موحلوه تدخلين كومي فرس شوفي شنو يريد

اباوعلهه ماتت من الغيض كمت واني مستغربه شنو الي يريده مني استاذ امير

رحَت للعماده طبيت لمكتبه لگيتـه كاعد هوَ و استاذ حيدر صديقه المُقرب

استاذ صحت عليه

اميـر
اي فرس تعالي تفضلي يلا حيدر اشوفك بوقت ثانـي ان شاء الله

حيدر
تمام رايح عندي محاضره هسه

راح استاذ حيدر و ضلينـه بَس اني واستاذ امير هوه كاعد ع الكرسي واني گدامه والباب مفتوح وغرفه العماده گبالنه

اميـر
فرس اريد احجي ويـاج بشغلـه

تفضـل استاذ كول

اميـر
فرس درجاتج وكلشي جاي يصيـر تره موزين مادري وين تردين توصليـن بس طول الدرس ما منتبهه اگومج تصفنين بوجهي شكم مره ومره ب الامتحانات اليوميه درجاتج ابداً موحلوه مادري شنـو الغرض من هاي السوالف كلهه معقوله بعد ذيج السالفه ؟ ما اني اعتذرت وكلنه خلاص خلص كلشي انتِ براحتـج فرس بس هاي الوضعيـه موحلوه وتضرج انتِ واني بصراحه ما اتحمل انسان مُهمل يعني ماحب احد يكون مُهمل تجاه عملـه وانتِ جايه من الموصل لهنا قاطعه مسافات مو مـال تعيدين سنه ع الماده مالتي بـس لان حسب م سمعت ب بقيه المواد زينه ف شنو الغرض ب انج يمي ابد موزينه مادري شنو ف اذا اكو سبب مبرر انطينيا وترة حتى ايلول ب الكوزات( الامتحانات اليومية) زينة وغالبًا حتى تاخذ درجات كاملة اما انتِ فَ لا ؟ ذيج الايام نكول جنتِ ضايجة اليوم شبيج مصفرة !

ضليت ساكتـه وماعرف شحجي لان فعلياً من اجي واحط الكتب كبالي اكدر اقره كل المواد الا مادتـه خلاص حطيته براسي و الي احطه براسي اقفل عليه واني قافله ع استاذ اميـر وشون اوخر هاي الفكره من راسـي مادري احس حتى الماده كرهتهه من ورا ذيج السالفة الي صارت

ضليت واگفه وساكتـه ومدنگه راسي ماعرفت شحجي حتـه اتنهد وگال

امـير
ماكو جواب مبرر عندجيا تنطينيا ؟

ان شاء الله اشد حيلي ع الجايات استاذ

امـير
بـ أمل لهل شي لان جاي انزعج حيل من الجاي يصير .

اگدر اطلع استاذ ؟

حسيته راد يحجي شي وراسا انسحَب دنك ولزم القلم يكتب و گال

امـير
تفضلي

طلعـت واني خجلانه وبنفس الوقت ضايجة وماعرف شنو اتصرف بالضبط رحت للقاعه لكيت ايلول طالعه وهـاي اميره كاعده وتحجي وي ساره ع استاذ اميـر

ضايجه مقهوره ماعرف شنو الي اسـوي بَس احس انُ خلاص عيب الداسوي وهوه موتحدي حته هيـج اهمل دراستي بسببـه

بليـل تقريبـاً ع ٨ اجتني رساله من استاذ اميـر استغربت معقوله هوه راسلنـي ، صفنت وي روحي وكلت ليش الي نريده م يريدنه ومن نصير م نريده يريدنـه ، من جنت مهووسه بي اني احجي وهوه كوه تطلع منه كلمـه بينما هسه كُلشي أنعكس ، اجذب اذا اكول طلع عن بالي ، لا ابد ماطلع و ٢٤ ساعه تفكيري بي بس ياترى نفس التفكيـر ، اكيد كلشي تغير جنت قبل افكر بي بغير صوره صوره حب وهوس عالي اما هسه مادري شنو الشعور بـس مختلف بي نوع من الحقد ع الي سوا ويايه

امـير
دائما افكر شنو السبب الي يخليج تتغيرييـن عن قبل

صرت مارخص روحي هه هذا الفرق ، حتاريت شنو اكتبله وضليت ساكته

امـير
انـي اعتذرت من عندج شنو الي صار بعد ؟ ماريدج تهملين الماده لان كرهتيني مو معناهه كرهتيني تكرهين الماده ايلول كالتلي انتِ تتحسسين وتكرهين الشخص بس لا تكرهين الماده وتخسرين هواي سوالف جاي اقصد بدراستج.

استاذ اني كتلك ان شاء الله احسن من نفسي ومراح تشوف اهمـال من عندي مره ثانيـه

مـارد ع الرساله بعد اني هم سكتت

ضليـت كاعده وصافنـه هسه بله اني شجابني ع هاي السالفه وشلون وليش نحطيـت بيهه

تذكرت اول ماطب النـه استاذ اميـر شلون نسحرت بيَ وبجماله هوه يجـوز عادي الجمـال بس جان مرتب بطريقه مُميزه

يلبس قاط كامل بدون جاكيت بس الجوه يلبـسه الي هوه اليلگ ودائما يعتمد بلبـسه ع الاسود وشعره منثور بطريقه حيل حلـوه والي يميزه اكثر واكثر هدوئه وتعاملـه وي الطلاب شلون حلو

ومن يحجي وياك يجذب انتباهك ع كد ما هدوئه والكلام الي يطلع منـه رزن بشكل موطبيعي كلمه كلمتييـن بس تجذب النظر حيل .

عنده ابتسامـه ساحره وعيونه العسليٌه ولحيتـه الخفيفه مكملات وضعـه ، هوه صـح هواي اكـو ناس حلوه بس قله تشوف شخصيتهـا هيج نفس شخصيـه استاذ امير

اه اه منـج يا ساره مادري وين جان عقلي بذاك اليوم
اني خطات يـوم صحيح
بس اثره لسـه ضـال
بـس مُستحيل اخلي يدوم وراح اصحح الغلط الي سويتـه
مو فرس هيـج ولا اصلهه هيـج ولا تربيتهه هيـج

داحجي وي روحي وابتسمت بدون مادري اجاني مسجت منـه

اميـر
أقضي الليالي بين ألفِ قصيدةٍ
‏وإذا التقينا خانني التعبيرُ

لا تباوعيـن الي بعد لان انسـه كل القصائد الي محضرهه للمحاضره من اشوفج .

أحس گلبي كام يدگ سريع
اني بحلم لوشنووو
هذا التليكرام معقولـه وحده كام يدز رسائل؟؟؟؟
ضليت صافنه ع الديصير
ماحَس الا اجتني رساله منه بعد

اميـر
سوي روحج ماشفتي شي ولا تردين حته بس انه بليل احضر هواي قصائد من اجي واشوفج انسه كلشي ف بعد لاتباوعيلي حفاظًا ع مهنتي بالتدريس

ابتسمت ع حجيـه وكانما اني بحلـم من احلامي الي يوميه احلم بيٌهن عزا شديصيـر وشلون معقوله اني بحلم

ضليت ساكته وبس اباوع ماعرف شنو ارد والضحكه انملت ع وجهي بشعور لا ارادي من عندي

اميـر
تصبحين ع خير، اشوفج ع خير

تمام وانت من اهله

كل ساع اباوع للرسائل مالته معقوله بحلم علم مادري بروحي والضحـكه انملت ع شفايفي ب ابتسامه عريضه

احس رجعت ضحكتلي الحياه من جدديد نمت واني كلي طاقه وحيويـه ونشاط لباجر حته يجي كعدت الصبح بدلت ولبست وتجيكت ع اخر حبـايه رحنه بعدهه وانصدمت بسالفه اخوان استاذ اميـر

حيل ضجت عليـهم وضجت ع استاذ امير لان استاذ حيدر كالحياخذ اجازه تقريبـا الشهر

بعدهه خابرنا والي زاد خوفي عليه من يحجي ويانه صوته جان حيل تعبـان ويادوب يحجيله كلمـه ثنين

العصـر جنه كاعديـن راسلت استاذ اميـر بوقتهه وجاوبني

ها استاذ بالي يمك والله شلون صرت

دزلي مقطع صوتي

اميـر
مابيه شي انه بس اخواني ثنينهم حالتهم موينـه حيل تعبان ومالي خلك

اول مره يحجي وياي بهاي الصيغه وكانما اجه وبده يشكيلي من دون ما اكله

استاذ اذا تحب احجيلي الي عندك

اميـر
مابيه شي بس المشاكل جاي تجي وحده وره ثانيـه
الله جاي يختبرني ب اعز اخو عندي واعز صديق واخو وكلشي الي علي حيـل احبه وعلاقتي بي كلش قويه وهسه هوه ابد موزين و غيث اخوي الصغير وكلش علاقتي بي قويه مادري من وين اتلكاهه بـس شو كلها مليوصه الامور

استاذ لا تخاف والله فتره وتخلص مستحيل تضـل عليكم من دون ما تخلص صدك لا السيء يبقه ولا الحلو يدوم ابد هي هاي دنيتنا فترات و اختابارات ولازم نرضه بكل اختبار ونجتازه بكل ثقه ونرضي رب العالمين بي ونطلع ناجحين منه بكل سلام

اميـر
ان شاء الله

ضـل يسالني ع الجامعه وشبيهه وشلون وكذا

نداوم بالجامعه واحسهه فارغه وصلت بيه مرحله انو ماداوم احسن الـي متعوده ع وجوده مهما كان صح مرات اكرهه واجتي فتره ماطقت وجوده ابد بس وجوده حيل يعنيلي مهمـا كان

ايلول وبجيهه ع ابن عم استاذ اميـر وشلون جانت مهتمه لسالفته
وبيوم من الايام سالنـي استاذ اميـر

اميـر
شهل اهتمام الي موجهته ايلول ل علـي

لانُ انتوا ساعدتونه استاذ بهواي شغلات خصوصا علي هواي ساعد ايلول ف ايلول تعتبره صديق الهه

اميـر
ههههههه لايمعوده وينهم وين الصداقه فاره وبزون ذوله ع كد مايتعاركون لعبوا نفسي

عرك الحبايب جذاب استاذ

امير
راح اكلـج شي بس موتكولين بي لايلول تمام و اوعديني حته اكول

تمام استاذ وعـد ماحجي بس شنو السالفه

اميـر
علي يحب ايلول ورايدها بس الظاهر هذا الشي من طرف واحد

يحبهه يحبهه؟
لو قصدك مُعجب بيها أُستاذ
اميـر
احنة ماعدنة اعجاب، عدنة حُب احنة ناس كُبل نطب بالمضمون هههههه
اي يحبهه بس مشاعره كلش ملخبطه هوَ حيـل عصبي وهي عصبية وثنيناتهُم مايتفاهمون مابيناتهم كيمياء هواي ومادري شلـون راح يتفاهمون وان شاء الله يوصلون لنقطه حلوه لان علي يستحق ايلول و ايلول تستحق علي

مادري صدمتني هههه بس ماعتقد ايلول مشاعرهه تجاه علي هيج ابد

اميـر
شمدريج
قابل هذا البجي ومادري شنو هيج ع الخالي بلاش

ايلول بطبعهه حيل حساسه تبجي حته ع الدجاجه التموت

اميـر
اي مثـل ذيج البنيه الي بالي الرادت تترك الجامعه علمود استاذ رزلهه

سمعه ايلول الي الله لا يحرمنا منهه هههههههههه والله استاذ هاي سالفه من ايلول مو مني ابد ولا تصدگ انو من عندي وماحاجيتهه اني ابد

اميـر
صدك والله؟

اي والله استاذ هاي من عدهه رادت تشبكهه عليك مستحيل يعني اعوف الدوام علمودك

اميـر
ههه لايابوي منو اني وتعوفين جامعه علمودي
المهم اذا هيج السالفه ف انتي محضوضه حيل لان عندج صديقه مثل ايلول ، تذكرني ايلول ب علي لذالك جدا احبهم يجتمعون نفس الطيبه ونفس النقاوه

نهينه حديثنه سوه وجان ضايـج ومبين بسبب كلمـه علمودك
ضليت ساكته وماعرف شـرد شويه دزلي رساله

اميـر
اني شعني الج؟

ضليت محتـاره شنو اجاوبه وشنو قصده من دزلي هيج احس حركاته وكلشي ديلمح الي لغير شي معقوله الي بالي صـحيح كمت ابلعم وماعرف شنو ارد قويت نفسي وكتبتله

أستاذي يعني شنو ؟

اميـر
اي صدك فرس استاذ حيدر جاي ياخذ محاضراتي لو منو؟

ماعرف ليش دار الموضوع بسرعه وحته ما رد عليه بس هنانه تاكدت انـو استاذ امير ممكن يكون معجب بيه او عنده مشاعر الي من خلال حجيه الي لاحضته عليّ

وكذالك مستغرب من اسلوبي الجديد، لان بذاك الوقت اني بيوم من الايام راويتة اسلوب جريء

ضحكت هواي وجانت عندي فرحـه حيل جبيره بداخلي يعني معقوله استاذ امير يبادلني بنفس الحُب وبنفس المشاعر؟

شي كلش غريب وكلش حلو انتابنيَ ماجنت اكدر ابين اله اي شي من مشاعري وجان اسلوبي ويا بارد وارد عليّ بكلمه ثنين بس ابد ماعفته وحده لان جان كلش مضطهد ونفسيته تعبانه حيـل

اليوم الثاني اتفقنـا نروح للمسشتفى اني و ايلول رحنـه وبوقتهـا وكعدنه ننتضر استاذ امير حته يجينه

من شفتـه حيَل ضجت ونقهرت كلش متغير وكلش تعبان يعني ابداً مو استاذ اميـر الي احنه نعرفـه جان مهلوك وحسبالك كابر ميـت سنه

سلمت عليه وهوه يباوعلي ب ابتسامـه هادئه تاخذ گلبي ع كد ما ممليـه هدوء و حُب

ايلول فضحتنه فضيحـه تمشي گبالنه وبَس تريد توصل صرنه وراهه باوعلي ب ابتسامه وكلي بهمس

اميـر
شلونج؟

زينه

ضحگ بوجهـي ابتسمت ونزلت راسي
يمه شهل حركات احس راح اموت

اميـر
شسالفه ايلول

لاتسالني لان فشلتني

اميـر
ههههه شكد حلو من يصير الامر متبادل أحسن من طرف الواحد

فهمت قصده ع الطاير معقولـه قصده علينا؟ هوَ ديشوفني هيـج
كلبي بده ينبض ع سريع بمه معقوله صار كلشي صدك
اني ذكيه بهاي السوالف و الكفهن وهن طايرات عكس ايلول الي دائما تستثول بهيج امور

طبينـه بالگوه لان ايلول لزمتهه البجيه بالباب مادري شبيهه نسطرت

ضلينـه گاعدين شوي وگال استاذ اميـر راح اجيب ريوگ كلت هاي فرصتـي حتى اجيب الة شـي لان حيل استحيت من سالفة اجينه خالين

گمت ويا و ايلول ماقابله وتخزر بيـه نزلنه سوى ووجهه يضحگ اول مره اشوف هيج ولد احس وجهه مريح للنضـر واحد من يباوعله تصير سكينه بگلبه مهما جان متوتر وضحگته تاخذ الگلب من صدگ

صعدنه بالمصعد لاخ جان مفتوح جانت اكو مسافه ابيناتنه احنه الاثنين شوي وحجه وهوه يدور وجهه الي ويباوعلي

اميـر
شلونهه الجامعه من دوني بكل صراحه؟

نفس النجف وهي خاليـه من الامام علي
گتلـه هيج واني أبتسم
مادري منين اجتني هاي الجرأه وشلون حجيتهه مادري

گتله وبتسمت ودنگت العب ب اصابيعي
اسمع صوت ضحكتـه الخفيفه وابتسم

اميـر
فرس

نعم استاذ

اميـر
ارفعي راسج جاي احاجيج باوعيلي

رفعت راسي وباوعتله عيوني اجن بعيونـه
حاولت اتمالك نفسي وماضعف وبين قوتي واضل اباوعله كـالي

اميـر
مَا كُنْتُ أُومِنُ بِالعُيُونِ وَفِعْلها
حَتَّى دَهَتْنِي في الهَوَى عَيْنَاَكِ
اَلْحُسْنُ قَدْ وَلاَّكِ حَقَّا عرْشَهُ
فَتَحَكَّمِي في قَلْبِ مَنْ يَهْوَاكِ
ذكرتيني بهـاي البيت مادري ليـش بس كُل ما اشوفج ينطبع براسي هل بيت

ابتسمتلـه وسكتت بس احس فراشات بكلبي صارن ع حجيـه طلعنا من المصعد وكمل حجيـه

اميـر
اي الطلاب شلونها كلهم شلونهم

مادري ليش من حجه هيج اجت ابالي اميره خصوصا هي شكد تحجي بـي دائماً

زينين خصوصا هاي الطالبـه اميره شگد تحجي بيك مبينه معجبه بيك استاذ

اميـر
اميرررره يا اميره شو ذكريني بيهه ها اها هاي البنيه الشاطره مو؟

أي الشاطره
كتله هيـج بحَسره أحس اريد اكله شون يحجي عنهه

اميـر
اي البنيه حيل شاطره وجميله ومرتبه هي راسلتنـي و سألت عليه حته يوميه تسالني خطـيه كل الطلاب هيج والله ابد ماقصرتوا

الله يدومكم ان شاء الله

كلت هيـج من دون ما ادري بروحي گلي

اميـر
تره هي طالبتي يعني مو اكثـر

تدري استاذ هي هواي تحجي بيك ومبينه معجبه ماتحسهه هيـج وبعدين لايگيين البعض ليش لا خصوصا الاسماء اميره و اميـر بس باع التناسق حشكلون ثنائي يجنن

اميـر
شوفي فرس مو كلشي لازم يكون متناغم
ولا شي احنه نخطط اله ويصير
الحب من يجي يجي مثل الضيف المايدگ الباب يطب راساً
ميسال عن الشخص وعن شنو هوَ وشنو مذهبه شنو شكله شنو اخلاقـه ميسال عن شي راسا يحَب اما بنسبه للتناغم بين امير و اميـره ف لا فرس خطأنه يجوز هل أمير ميحتاج اميـره حته يلگاهه ولا محتاج يدورهه يجـوز القدر يكتب لهل اميـر قصه حب وي فرسَه مو الا اميـره
طبَعاً القلب وما يهوى واذا هل قلب هوى الفرس مالتـه هم راح ياخذه ويصيـر الفرس و الاميـر مو الا الاميـر و الاميـره ، عرفتي قصدي شنو

الحُب ممكن يخلي الانسان يتنازل عن هواي امور
عن مبـادئ هو راسمهه براسـه لشريك حياته
او مادري شلون اوصف الـج بس كُلشي
يجوز هوَ راسمة شي ويوكع بحُب شخص لا يمة ولا كربا
غير عنه وغير عن اهلة وبيئتة وكُلشي
هذا الحُب اذا راد يجي فـ يجي ويمحسبلك حساب

يعني هسه عندج اني اقرب مثـال

ماجنت أومن بالحب ولا جنت اريد اعيشه وجان كل تفكيري انُ خلاص ازوج زواج تقليدي وبَس وازوج من بعد ٣ سنوات من اصـير ٣٠ سنه واخذ الدكتوراء واكون روحي من صدك كل تخطيطاتي وكلشي راح والحُب دخل الحياتي من دون أستأذان ...

يحجـي واني متعجبه الصدمات ممتتااليـه صدمه ورا صدمه كمت ماعرف شنو احجي حته صدمني ب اخر حجايه اله باوعتله وكتله

ليـش استاذ انت مرتبط حالياً

اميـر
لا
بس جاي احب ..
الحب حلـو و الاحلى انك تعيـشه بشكل متبادل

جرأت روحي اكثر وسالتـه
ليش استاذ انت و الي تحبهه مو شي متبادل؟

اميـر
ماعتقد .. مادري بالضبط شنـو بس اني متاكد من مشاعري
اما هَي ؟
مادري الله اعلـم شكلي راح اعيش قصه حُب من طرف ههه بس اكيد مراح اخليها تستمر، لان اني ضد كل شي يصير بالخفية، ف اذا شفت شي مُتبادل مُباشرتًا اعلن خطوة رسمية لكن بالبداية ضروري اتاكد منها لان صراحتًا اني ماحب الاشياء الغير مُباشرة وضِد التلميحات .

سكتت ماكلـت شَي احسه بس يريد يحجيني راح جاب اكل واجـه شفت محَل مفتوح بي هواي شغلات كتلـه اطب الـهَ وفعلا طبيت شتريت بوكي ورد لان احنه كل شي ماجبنٌا وشكم شغله وطلعنه

اخذه من عندي اشتمه بعمق ورجعه الي وگال

اميـر
ذكرتيني بـ
‏وَشَمَمْتُ وَرْدًا فِي الهَوَى لَكِنّهُ
‏لا وَرْدَ يُشْبِهُ بالهوى خَدّيْكَ
المهـم يحلم علي ياخذ هل ورد اخذه الي

استاذ انت مريض مثلاً؟

اميـر
امرض روحي وجيبيليا؟

اسم الله عليك استاذ

اميـر
لشوفيني قوي ترا كلبي مريض وتعبان

تهون وتخلص استاذ بـس كول يالله

تنهـد وحرك راسـه بالـ أي

صعدنـا يمهم وبعدهه رجعنـه للقَسم مالتنـه بدينه انداوم واستاذ امير ماكو وجانت كل محاضراته ل استاذ حيدر وجنت كلش اضوج بسبب هشي
وخصوصا حجي اميره وهي تكول استاذ اميـر و استاذ اميـر وبَس تحجي بـي

بيـوم الايام گاعدين بمحاضره استـاذ حيدر

لسـوء الحظ انُ اميره انتقلت للستيج الي بصفي وسـاره جانت گبالي وايلول من الجهه الثانيـه

جان عدنـه امتحـان گاعدين نمتحن شفـت اميره تنطي لسـاره غلست ع الموضوع وكعدت احل واحاول اركز بـ حَلي وحدي

شوي اميـره صارت تحجي وياي بهمس و تاشر ع سـؤال استاذ حيدر حيل متشددد وعيونه ١٠ على ١٠ ويركز علينه حيـل توترت وصرت ماعرف اكتب حتـه

باوعتلهه وكتلهه واني جزعانه
كافييي شبيج خليني امتحن وحلي بكيفـج

داحجي ماحَس غير ع صوت استـاذ حَيدر

حيـدر
فرررس والطالبـه الي بصفها ؟؟؟؟
شنو هذا الحجي بقاعه الامتحـان !

اني سكتت وهي سكتت

حيـدر
تفضلن كومن

استاذ هي حاجتني والله وكتلهه دامتحن

اميـره
استاذ والله تجذب هي تحجي ويايه واني كتلهه اريد امتحن وعصبت عليـه

حيدر
احنه اهنانه مو صف اول ابتدائي روحـن بَسرعه للعمادة وتحجن الهم السالفه وديرن بالج ماتنحجي بشكل صحيح لان انـي جاي وأسال و اشـوف مو عيب شنو هاي السوالف الي جاي تصير هنا وانتن طالبات جامعه محترمه!!

يلـه تفضلن للعماده بسرعه يلـه !

ماكدرت احجي شي خليت وگمت وعفت امتحـاني الي هوَ جان مهم رحنه للاداره ومحد حجـت وي الثانيه حَته

جـانت اول محاضره النه وبعدهه الدنيـا الصبح اول ماطبينه شفت استاذ اميٌر طالع من غرفه العماده فرحَت حيل باوع لتجاهنه وابتسم حسَيت روحي انقذت ردت اروحلـه لاتجاهه

راسًا اميـره راحَت اله ضليت واگفه بمكاني واباوعلهم سلمت عليه وضلت تحاجي مادري شنو بجذب ما اجـه ضل بس يباوعلي وهي تحجيله وتبجـي راد يجي ب اتجاهي شفت استاذ حيدر اجـه ومن اجه وشافني صرخ بسرعه

حيـدر
حضرتجن لسـه ماطابات؟؟؟؟
شمنتضره ست فررس ما تطبين؟؟

أجه استـاذ امير وراأسا گال

أميـر
استـاذ حيدرر شبيك؟؟
ليـش هصايح

حيـدر
وديتهن للعماده صارلي شگد وهنه لسـه بعدهن

اعتذر استاذ بـس ابدًا مو من حقك تصـيح عليه مهما كنت وحتى لو كنت استاذي

عفتـهم كلهم ومشـيت رأسًا سمعت استاذ امير صاح ب اسمي عفته وطبـيت للعميد

دكتور ممكن احجي ويـاك بلا زحمه

گلي تفضـلي همه رأسًا طبوا ورايه استاذ امير واميـره و استاذ حيـدر

حيـدر
دكتور مادري شنو السالفه ثنين طالبات من قسم العربي يحجن وي بعض بالمحاضره وعدهن امتحان ومثل الاطفال وحده ضلت تذبهه ع الثانيـه وتگول هي حجت وياي وطلبت مساعده مني وهسه دكتور اني اترخص انت شوف شنو السالفه وتصرف لان استاذ عماد وكف ع الطلاب كلت الة شوي واجي

العميد كاله روح ضلينه اني واستاذ امير واميـره

اميـره
دكتور اني مامحتاجه من عدهه مساعده حته اطلب منهه هي كَ جاي تتبله عليه

دكتور صدگني هي الي حجت وياي اول شي وهي اساسًا جانت تحجي وي الطالبه الي گبالي وترد الهه ونوب التفتت الي وضلت تاشرلي ع سوال وتلـح واني كتلهه دامتحن والله العضيم

اميره
استاذ جاي تتبلى عليه والله هي الي طلبت اني مو بحاجتهه ابد والله درجاتي ولا مره مو كامله ودرجات فرس دائما موزينه وهي واضحه بوضوح الشمس

العميـد
بس كافي شنو هل سوالف مال الاطفال
المشكله الكامـرات هاي الفتره ديسولهن صيانه والا جان عرفنا
بدون هل تملعب الي جاي يصير

استـاذ امير شنو مستواهن الدراسـي ومنو احسن عندك بالدرس؟

اميـر
دكتور فرس بنيه حبابه و اميـره كذالك اكيد صاير سوء فهم واذا تسمحلي احلة اني

العميد
شنو شغلي اني هنا استاذ امير ياريت ترد ع كد الجواب منو احسن مستواهه الدراسـي هاي الطالبه ولا هاي وياريت تسميلي بالاسـم ؟ وصدك هاي البنيه درجاتهه كلهه كاملات والثانيـه موزينه درجاتهه وأدوار ترسب عند حضرتك

اباوع ل استـاذ امير ضل يباوعلي ومايعرف شيرد

اميـر
استاذ خلي الموضوع ينسد وهنة طالبات بيناتهن وهسه يعتذرن لبعض ويعتذرن من استاذ حيدر وينتهي النقاش

العميد
استاااذ اميـررر سؤالي واضح ليش جاي تستر احنه هنا نمشي بالقانون صح حجي الطالبـه ومنـو احسن مستواهه الدراسي . اخر مره اسال واريد جواب

تنهـد استاذ اميـر وگال
اميـر
يتبعععع توقعاتكممم؟؟؟؟؟
________________________

ايلول
مضـه يومنه عـادي لحد بليل تقريبـاً بابـ ٧ اجاني مسـج من علي مكتوب بي هلاو شلونج

تفاجأت انُ راسلني وبنفس الوقت فرحت لان جان بالي يمـه

ضلينه نتراسل وهوه يسالني واني اساله جان بالبيت وكالي شوي صرت احسـن

برزت شخصـيه تختلف عن شخصيه علي الي اعرفهه جذرياً ضليت مصدومه ع كد ما جان غيـر بشكل موطبيعي ، انـي هم بطبيعتي اذا ارتاح لشخص اكون جداً ثرثاره ويـا ضليت احجي ويـا وهوهَ يحاجيني حجينه ع كُلشي ع حياتي و ع حيـاته و ع هواي اشياء ابد ماجاب طاري اللبس ولا جاب طاري الحجـاب تفاجئات منه بهاي السالفـه .

علي اريد اكُلك شي بس موتزعل

علي
تعودت على چفصاتج احجي

ايلول
صوتك من اجينة نشوفك بالمُستشفى نفس صوت البزونة ههههههههه

علي
هذا صوت رجولي بس شوية تعبان من البنج بس انتِ ما متعودة عليّ

ايلول
رجولة من نوع مياوووو

علي
🤨

ايلول
اشاقة اشاقة

علي
خليتيني اكوم ابحبح واريد اطلع صوت البنج

ايلول
ههههههههههههه

علي
راح اصمم صوت خاص الج ولايهمج
فتح فويس وهوَ يحاول يطلع البحة الي بصوتة من ورة البنج
ضحكني الموضوع وهوَ يحاول بس انتبهت انُ عندة صوت حيل حلو
ويجذب مو خشن ومبحوح لا اني اكره هيج صوت لان احسهم متشبعين بالجكاير، هذا صوتة حلو بدون بحة مدري شلون حسبالك صوت مطرب

ايلول
علي انصدمت بحجيك وياي نصة مافهمتة لمن كمت تحاجيني عدل

علي
احاجيج عدل شنو ولج احجي عدل

ايلول
يعني انتَ تكلي احجي عدل عادي بس اني اكلك تحاجيني عدل لا موعادي

علي
اي طبعًا مو عادي انة زلمة احترميني

ايلول
انة مرة احترمني

علي
حبيت ال انة برسالة، جا بصوتج شلون

ايلول
باع اللهجة

علي
تنوع احنة نكول مو باع

ايلول
لهجتكم مدري شلونها

علي
لهجة اهل الكرم والجود خوما لهجتكم اكعود اسكوت
خو اسمائكم ما شاء الله، شكد صار عندي واجب بالموصل
اريد واحد اسمة عبود ماكو
كلة آرين وسفين ومدري شنو
حتى ماكدر الفظهن

ايلول
احنة كلاس عيني
خوما مثلكم جبـار و كاطع ومدري منو

علي
على الاقل نغسل دشاديشنة ب بتايت، ما نغسلهن بشامبو مال وجه هههههههههههههههههههه
شفت هذا الموقف بعيني وكفت يم محل جاي اريد اشتري ببسي اجت وحدة صغيرة تكلة عمو اريد شامبو ماما ودتني نريد نغسل ملابسنة هههههههههههه

ايلول
المُهم لهجتنا تجنن واحنة نجنن وانتَ غيور لتحجي

علي
هنا اتفق، لمن تحجين كدامي وتنسين نفسج وتضربين مصلاوي احس الدنيا ورد

ضحكت وهوَ يحجي وسكتت شوية وكال

علـي
ايلول انتِ مرتبـطه ؟

شمناسـبه هلسوال

علـي
هسه اني مو صرت صديقج اكو صديق مايعرف صديقته مرتبطه لا

لا واكره هذا المصطلح اصلاً

علي
حلٌو تدريـن اني مرتبط يعني اني مزوج وشي

صدمني وهوَ يكلـي هيج معقوله هوَ مزوج؟ واني حته مادري

ها حلـو بس اني ماعرف بهذا الشي

علـي
اي والله شويه انه اخاف من الحسد وشي

تخاف من الحسد هههههه ليش يعني انك تكون متزوج هذا الشي حلو وثمين مثلاً وتخاف من عنده من الحسد

علـي
اي والله لان مرتي حيل حلوووه وعندي ٤ جهال من عندهه وبعد ع الطريق ان شاء الله

هذا شبي صدُك يحجي عود لوشنو

يله شـد حيلك وسووا فريق طوبه ل تقصرون
بس عود انت صدُك تحجي لو تشاقه ويايه

علـي
لا صدُك احجي
لاجذب اشاقه ويـاج بعدني عزابي

اهـا حلووو

علـي
تمام لا تاخذين دور النرفزه وعدم فهم وخلي نكمل

مـادري شلون استدرجني بالحجي وصرت احجي واني ماحَس بروحي حجينـه هواي لدرجه استمرينه بالحجي ٥ سااعات كل واحد بينـه صار يعرف كلشي عن الثانـي لدرجـه حته مشكلتي وي فرس حجيتـله عليهه

علـي
امير معجب ب فرس تدرين؟

والله ؟؟؟

علـي
هوَ گالي بهذا الشـي

شكالك الله عليك احجيلي ب تفصـيل

علـي
جنه كاعدين سوه كلي صديق هوَ يسميني صديق المهم
كلي صديق اظن اني وكعت بالحب كتله شلون كلي 
اكو طالبـه عندي  ومن هاي الحركـات

ليقترب لفرس احسن

علـي
ليش وين المشكله اذا حبهـا ورادها بالحلال و اخذهه

انـي اخاف ع فرس حيـل واخوهه كُلش محافظ وملتزم وماريدها تحصل حجايه وتوصل اله بعني جد متصور شكد بالكليه كلشي يوصل ويسوون عداوات وسوالف اي شي موحلو بالكليـه تخيلة
لان يصير عدهم استعداد يوصلون حته ل اخو فرس

علـي
لتخافين احنة نحب الحلال مانطول بالحرام، واخذيها مني خصوصًا امير مايطول ويخطبها بس يلاكي اشارة منها

شهكت واني اسمع كلامة عزا بعيني شجاي يصير
رحت داصيح لفرس اجت رسالة

علي
الله عليج لا تكولين لفرس
ايلولللل ديربالج

ايلول
ليششش

علي
امير هوَ يكول الها ماحب تكون من طرفنا قبل من طرفة حبابة اسكتي

ايلول
شنو جاي تسون مؤامرات ومدري شنـو ترة صديقتي خير

علي
ايلول علمودي اسكتي

ايلول
ماتحملللللل والله

علي
بداعتي اسكتي بس هل مرة

ايلول
منا ليومين اذا ماكال اني اكول الها

علي
اكلج شنو السالفه استخبارات أمنيه شو ماجان عدنه هجي ولو اني كليتي عسكريه بس ولد

والله احسـن الك واريح الك بالل

علـي
هااااا تردين تصيرين بكليه كلهه ولد اريح ؟؟؟

لا باباا موهيـج اقصد الي اقصده انُ نفس صنفك ماكو صنف ثاني احسن وبعدين الولد لعبان نفس بس البنات ماعايزات هم نفس الشـي سوالفهن وهنه ميتات ع استاذ امير عدهن استاذ امير جنتل مان يجنن

علي
هي هي هي شو تحجين ع الولد وتحجين ع اميـر شبيج

هسه انت شعليك

علي
غير انه هم ولد

يا والله نسيـت

حجيت هيجي وضحگت شفت الرساله نقرت وماجاوب دقيقه ثنين ثلاثه ماكو اني هم عفته

علي
؟

هذا شبي بس لايريديني ابرر اله لو اكله اسفه لو اكله ماجنت اقصد ههههههههههههههه

؟؟

علي
يعنـي انتِ شنو تسوين السوايه وتسكتين هسه بالجذب ماتحجيلج شي حتى

شتريدنـي اسوي مثلاً

علـي
لا تسوين يابه يله رايح مع السلامه

الله وياك

سديت الموبايل واني اضحك
والله حلوه شلون قصفته يرببي هههههههه لا وفوكاهه منتضر حضره علي انُ اكله مو بالقصـد

شوَي واجت رساله منـه

علـي
انت شنوو تحرگين وتخلين واحد محترگ وترحين حضرتج

لعد شسويلك يا عيني

علـي
المشكله عفت لعد شسويلك وركزت على ياعيني
الله ياعيني
والله حلوه

ابتسمت من گال هيـج وحتاريت شكتب

علـي
شعجب ماتحجين موصلي يعني حجيج نفس حجي اهل بغداد مرات

مو احنـه عشنا ب بغداد بالتهجير هواي ف نحجي نفسهم واني خصوصاً مامعاشره هواي اهل الموصل الاصليين واهلي حجيهم هيجي بـس انت لهجتك مادري شلونهه

علـي
شبيهه لهجتي يعني مافتهمت

يعني ساعه تكول انه ساعه تكول اني ساعه تحجي حجي ماعرفه ومافهمهه ساعه تحجي حجي عادي

علـي
لهجتي غير عن الجاي احجيهه ويـاج بس حته تفهمين جاي احجي هيجي يعني لهجتنه جنوبيه حيل

بلـه احجي بيهه خلشوف افهمك

علـي
تكحزي غادي منانه يله بويه

اقره بالجملـه بالدقيقتين واني ماعرفت الفضهه حته

علـي
ها صفنتي هههههههههههههههه

شنو هاي شنو معناهه

علـي
معناهه تدني منا وخري منا شويه

الله يعني تگزح معناهه اتدنه يلا اتگزح منانه

علـي
تكحز بويه تكحز مو تكزح هههههههه خربتي اللهجه والله لو يسمعج جبر يابويه

والله خبصتنه بهل جبر هذاا بليتنه بلوه بي

علـي
اي غير شيخنا وجدنا هذا شلون چا

شيخه امدانـي نيالك ونيال شيخك

اي المهم انطيني بعد كلمات تحجوهن

علـي
اندار عليك

ها هاي اعرفهه معناهه افديك او هيـج شي مووو

علـي
اي صح عفيـة

اي چا شحسبالك

علـي
احنه نكول عبالك مو حسبالك

اهو لادقق نفس الشـي نفس المعنى

علـي
أي صـح

علي سوال

علـي
يالله واخيرا فتحتي المواضيع راح دماغي واني افكر شفتح موضوع ويـاج ماخليت موضوع تافه مافتحته لدرجه حته فكرت اسالـج شكلتي اليوم

هههه لا جد اسمـع انت ليش دخلت كليه عسكريه

علـي
خل اسولفلج
احنة هاي ولد يعني احنة بيت جبر اوكفي خل احسبلج ٨

ايلول
حيلللل ٨ من شكم ولد

علي
٣ عمام عدي وابوي
فَ احنة كلنة نفس الگصة يعني نفس الكبر تقريبًا
ف من جنة اطفال، نلعب ف جنت اكلهم انة وحدي وانتم كلكم علية
وجدي جان يشوف هذا الشي
ويخاف مني ويكل لابوي حسين هذا ابنك عدواني دير بالك عليّ لا يسويلنة سالفة نوب، بس انة راسخة هاي ب بالي واحب العرك وهاي السوالف ف جدي كال روح عسكرية انتَ، وانة صارت ب بالي وكبرت ورحت عسكرية

ايلول
زيـن هسه انت شنو رتبتك

علـي
نجمتين و ..

شنو يعني نجمتيـن و ...

علـي
يعني ...... كعام بس عندي شغـل غير بالأمن وهاي السوالف

هههههههههههه اذكرت هاي مال لو ملازم لو ملازم لو عقيد لو ماريد

علـي
يكلولي بالبيت ماعدك سالفه چا لو يشوفوج چا شكالو عليج المهم شنـو يعني هسه انتِ تردين ملازم

لاشكراً ماريـد ملازم اني اذا اريد اخذ ف اخذ  استاذ جامعي محامـي هيج واحد انتيكـا كون

علـي
هلاو انتيكـا چا شبينه احنه بويه نگرص ؟

تـره اكو سمعه عليكم انتوا الضباط تدورون نسوان

علـي
بكل بيت بي الزين والموزين ف شما بالج كومه ناس لا تعممين

بس الاغلبيـه هيجي ولا تنكـر

علـي
ماراح انكر صح حجيج .

لا والله يعني صح حجيي

علـي
اي صح يعني تدرين احنه قبل عدنه ممنوع احد يسوي اي حسـاب تواصل اجتماعـي ممنوع صورته تنشر واذا تنشر تغوش وجهك
هسه لا وين صاروا اغلبهم يستغلون البنات بفيديوهاتهم وصورهم المغرية لبعض البنات المُراهقات
يعني تدرين هاي الحالات شكد صايرة عدنة؟ وتجي شكاوي عليهم ويتخزون كدام الكل
اذكر صارت وي مقدم، تخيلي مقدم وانرفعت قضية عليّ واتحقق بالموضوع وطلع صدك
بس نفس ماكلتي مو كلهم الاغلبية

ايلول
اي يعني والله اني من اشوف حساباتهم نفسيتي تنسد احسهم كلهم جذابين ومادري يعني حتى حجيهم مو منطقي هسة انتَ شعندك ناشر روحك وشواربك ومدري شنـو وحاط اغنية ومدري شنو تحسة ديغري استغفرالله
بلة انتَ منهم استاذ علي، اكيد شنو فرقك عنهم

علـي
ماحب ابري لروحي ولا احب ابين الج انه مثالي وجنتل مان ع كولتج انه احب النسوان ليش ماحبهن هنه الي جابنا وسونا وهنه اساس الحياه ف اي احبهن بس مو معناهه اروح العب ب اعراض الناس وادور بنات ومادري شنـو ماحب هذا الشي لو اريد من ذاتي جان ازوجت
واكلج شي ماراح تصدكي ؟

ايلول
اي بلة؟

علي
انة ماعدي انستكرام
بس فيس عدي

ايلول
ماكايل شي

علي
فيس مال طيبين تطبين عليّ تلكي كلة عشاير و اصدقائي جم واحد
بس الانستكرام هذا من جوة لجوة حسب ما اشوف يم غيث ابن عمي

ايلول
زين ليش ماعندك؟
علي
ما الحك صراحتًا، اني اغلبية وقتي لو دوام مركز لو مهمات جانبية لو طلعات عشائرية، ونص الشهر انة واجب ب غير محافظات

ايلول
لعد ذولة شلون ينشرون وكذا

علي
سهل انك تكون ضابط وبالسلك العسكري وما الى ذالك
بس صعُب تبرز روحك وتخليلك مكان وتصعد مرتبتك وتخليلك حجاية بين الكُل ف انة مشتغل على حياتي الواقعية اكثر ومالي بسوالف الميديا هاي

انت شكد عمرك بلـه علي

علـي
عمري شتتوقعيني ؟

امممم اتوقعك ٢٨/٢٩ هيج شـي

علـي
أي عمري ٢٨

تدري اكبر من عندي بـ ٩ سنوات اني مصارلي هواي من طابه للـ ١٩

علي
اي والله انه لو متزوج بعمر الـ ٩ سنوات جان هسه بتي بگدچ شفتي شلون

وين اكو يزوجون بهل عمـر ، بس تدري انت جبير ف ليش مامزوج عود ؟

علـي
اكو هواي
يعني الي يزوج غير يكون مستقر ماديًا؟

ايلول
لعد انت شنو راتبك عايز وين تودي؟

علي
راتبي ما اخذ منة غير نصة هذا اضمة والنص الثاني الي

ايلول
كُلة تصرفة؟

علي
هذا النص الثاني نصة الي ونصة للبيت بنهاية انة فرد من افرد هذا البيت ف اشارك حالي حال الكل

ايلول
بس انت صارلك هواي يعني لو كل شهر ٥٠٠ الف انتَ هم لام ومكون نفسك

علي
انة لو ما مكون نفسي شعدي احاجيج هسة؟  شعدنة تملعب خالي ؟

ايلول
هاااااااا

علي
بابا انتِ بالاول متوسط يجوز من انة بديت الم روحي وحاليًا الحمدلله مكون نفسي من كل النواحي عوزي بس بت الحلال

ايلول
حلو الله يوفقك
بلة علي اذاردت تزوج تاخذهه بكدك لو اصغر منك، بعتبار انتم عدكم البنية الي عمرهة ٢٨ وممزوجة جبيرة

علـي
وهوَ فعلاً جبيرة، البنية تكبر اسرع من الولد، يعني انة احس الزواج المثالي العمر للولد من ٢٨ وفوك من يكون نفسة ويكون عارف نفسة شيريد ومحدد وجهتة للزواج مو للعب، اما البنية احس من بداية العشرين ولفوك بس متتجاوز ال ٢٥
الحب مايعرف عمر يجوز اوگع ببنيـه گدج

كدي ؟ شجاك فرق ٩ سنوات شنو احنه بيـا زمن متگولي ابويه خو ما ابويـه وماخذته

علي
انه ماكلت انتِ تاخذيني كلت البنيه الي تاخذني

لا تعال اخذني الله عليك حباب اخذني حباب

علي
افكر بالموضوع واردلج خبـر ان شاء الله ، الله يكتبلنه الي بي صالح هههههههههههههههه

صدك روحه خطيه والله يالله من كل وعقلك اخذ ابو شوارب

علي
بابا لا تكولين ابو شوارب موحلو تره هل لقب

اني يعجبني انت شعليك

علي
يعجبج امممم خلاص ماطول يعجبج هايهيه امشـي عليّ وبزودج وابـن ابوي اذا احاجيج كلمة ماطولهة منج مقبولة

أبتسمـت ع الي حجـا

علي
عازمج باجر

ايلول
انتَ بعدك مريض وين تطلع؟

علي
لا انة زين لتخافين علية باجر من تطلعين من الجامعة اجيج شكلتي

ايلول
اممممم افكر وارجعلك خبر

علي
اترجاج اصبري شنو يكول امير لفرس مستر
مستر شنوووو آنِسة آنِسة
آنِسة فرس سيادتة طالب لقائج رجاءً لترفضين

ايلول
شنو اقصى امنياتك؟

علي
لقائج

ايلول
هههههههههه يلا راح اوافق ماريد احرجك بس اجيب فرس وياي من هسة اكلك

علي
ها شني شكو محضر خير ان شاء الله؟

ايلول
صديقتي لازم تكون وياي وين ماروح

علي
مسافة أمآن ؟

ايلول
لا موهيج تدري انُ احنة عدنة بثقافتنة يعني عادي الصداقة بين الولد والبنية، بس اني اعرف انُ عدكم لا فَ اني ماشايفة تفكيرك شنو تجاهي

علي
تفكيري تجاهج انُ انتِ شي حيل حلو يصعب توصيفة
غير هذا التفكير ماعندي

ابتسمت ع كلامة تفكيرة حلو رُغم عندة تصرفات همجية 😒
اليوم الثاني رحنة للجامعة، و اني فرس رجعت علاقتنا نفس قبل واكثر بعد واستاذ امير ماجان يداوم نهاية الدوام كلت لفرس يلة و اني جنت كايلتلها سابقًا شو هاي طنكرت علية ومارضت
شكد حاولت اقنعها قُفلت تكلي تعبانة واريد انام
غندبت وردت ماروح بس هوَ ضل يلح علية
رحت للسكن ومحتارة شلبس

ايلول
هسة ما الله يهديج وترحين وياي حبابة فرس

فرس
من يمتى انتِ تتوترين مادري ياربي هاي بالمستشفى وهاي هسة اريد افهم الرهاب الاجتماعي منين اجاج وانتِ جنتِ الرهاب يخاف منج مو جنتِ بالموصل وي اولاد خالتج اكرام صداقة ومدري شنو وطلعون وهسة وي آدم مرات بالجامعة شو ماشوفج هيج
لو هاي بس وي علاوي

ايلول
انجبي فرس اني ما اتوتر واخاف منة
اني اخاف من تفكيرة، تدرين هنا كلشي يختلف

فرس
هو قدملج عرض صداقة وانتِ وافقتي
+ اذا على تفكيرة لتخافين مربايين ١٠ مرات بيت جبر

ايلول
هههههههه كمتِ تحجين ب ب بيت جبر شنووو

فرس
لج ايّ ع كد ما علي يحجيلج عليهم صرت اتمنى اروح الهم واشوفهم

ايلول
عكسج احس ماريد احسهم ناس معقدين وهيج وبس واحد يتعارك وياهم يهدون عليّ بالبرنو

فرس
برنو شنو

ايلول
رشاشة

فرس
رشاشة شنو

ايلول
اهووووو سلااح
اقيم علاقتج ب استاذ امير ٥/١٠ شنو ما معلمج على هاي السوالف

فرس
امير اقوى شي عندة
أيجدي فيكِ وجدي
اميررررر كلام وفعل يجنن ياربيييي احسة بعالم خاص

ايلول
دعوفي امير وكوليلي شلبس

فرس
البسي لبس اوادم وانجبي لا تخلين علي ينجلط

ايلول
لا هو ميدخل بلبسي همزين يدري بية اذا يدخل اضربة جلاق واعوفة

فرس
ايلول والنبي لهجتج صايرة جنوبية حيللللل

ايلول
لج لعد غير ذاك اليوم كلت انة 😂😂
تخيلي كلتها من دون مادري

فرس
اي حقج اذا كُل وقتج وي علاوي

ايلول
لان مريض ماريد اكسر خاطرة خطية ماريدة يحس بالوحشة

فرس
ولج بيتهم مليان وتكليلي وحشة ديلا البسي

لبست فستان ابيض طويل وحلو شافتني فرس كالتلي راح انطيج بشت عليّ

ايلول
فرس والنبي حارة ماكدرر

فرس
لج ايلول انتِ مقتنعة لابسة نص ردان وطالعة اوفر والله نوب وي علي البسي هذا فوكاهن والله حلو جربي وشوفي

ماجنت مقتنعة ابد لبستة شفتة حلو ويا

فرس
شوفي حسبالك طقم

ايلول
بس حارة يخنك فرس

فرس
ايلول والنبي غلطط لبسج هذا غلط
حيل ماترهم صدكيني
يعني باعي ايدج شكد بيضة ومطلعتها كُلها شلون ماتردين واحد ميباوع

ايلول
الي مهتم لدينة خلي هوَ ميباوع ويغض البصر اني شعلية وانخنك

فرس
الواجب على الطرفين ايلول كل شي بالمعقول حلو

ايلول
اوف حلبسة اسُكتي

للامانة هوَ حلو بس المُشكِلة حارة، لبست تراجي حُمر وجنطة حمرة كلتلي ايلول حطي شي رفضت
احس وجهي ميتنفس بالمكياج، وماحب شكلي بي ابد حتى حمرة حسب مزاجي احط
فرس نطت وماتت حَتى تخلي شعري مفتوح، وهوَ فعلاً بهيج ستايل مفتوح يكون حيل حلو
تعاركت وياها وكتلها

ايلول
لبست البشت وانسمطت كلت ميخالف تردين تسمطين جد جدي ليش

فرس
انتِ مومال ستايلات امداج هاي لو اني تلاكيني كل يوم مسوية شكل

ايلول
فرس انسوي كُل شي عمي بس اتذكري احنة بعدنة ب العاشر يعني برد ماكووو اول ايام اجينة صارت باردة اجت موجة برد وفكرناهم وراح البرد، بس يجي البرد تدللين الي تردي اسويلجيا هسة خل اتنفس لان ماجاي اتحمل احس ودي احط سبلت فوك راسي واخلص

فرس
لج اني مرة اجيت اني واخوية للبصرة لدكتور تذكرين من وصفولنا دكتور هنا للربو مالتي جانت شتا بشهر ال١ تخيلي الدنيا تمطر والجو حار هههههه

ايلول
خوش اكلناهة

جاي نحجي ونضحك خابرني علي كلي اني قريب ع السكن

طلعت والشمس صاقعتني الساعة بـ ١ اني شبية وقبلت اطلع
شفتة ب سيارتة من بعيد رحتلة وصعدت

ايلول
اي ادري ماخذني تدريب ب ١ سيادتك؟
جان عفتها لل مغرب

علي
انة متعمد بهيج وقت حتى ناس تحل من دواماتها تعبانة كل واحد على بيتة ماريد ناس

ايلول
بيك رهاب ؟

علي
وياج عندي رهاب بس رهاب شوي مختلف

مافد يوم صعدت ويا وشفتة طبيعي دائِمًا الاحظة يكون متوتر وميباوعلي او يجنب يباوعلي والي اكتشفتة انُ هوَ بطبعة خجول

اسوق بمكانك خاف متكدر؟ اول البارحة انتَ بالعناية المُشددة يمعود

علي
لاتخافين علية الاسد من ينجرح يصير اقوى
كالها وباوعلي وابتسم

ايلول
حمة علينا حمة

علي
طالعة حلوة هواي

خجلت وكتلة اوكي

علي
اوكي شنو

ايلول
اقصد شكرًا

علي
عفوًا عفوًا

ضلينة ساكتين بالربع ساعة مدري شبينة ثنينة
شوية وكال

علي
شعجب ما كتيلي راح تخطفني وين راح توديني

ايلول
صدُك وين راح توديني ؟

علي
مطعم كعدة عربية تحبين المندي مو

ايلول
اي شي يخص الاكل احبة ماكول لا لنعمة الله

علي
فدوة للمعدلة عمي ههههههههههه مو معدلة والله معدلة انة كلت لامي يمة ايلول بنية معدلة

هااااا شنووو ليش اُمك شمعرفها بية

صفن شوية وضحك وهز واسة
علي
والله عيب شلون ماخليها تعرفج

احسك حجيت شي بكلبك

علي
ولاشي

وصلنة للمطعم ونزلنة سوى
هنانة بدل ابتسامتة ل غضب وكلبلي ملامحة كلهن وصرت احس حجي الدنيا كلها بي بس مايحجي
اني موغبية وافتهمت ع اللبس و الناس
يعني شيريد اتستر اكثر
فوك ما فرس حركت جد جدي
يريد يحرك روحي بعَد

كعدنة ب اخر الناس
ايلول
هسة هاي طاولات كومة مكعدنة هنا ليششش

علي
طاگنة اكتئاب وحدنة مخابيل دتعاي تعاي

جرلي الكرسي وكعدت
اباوعلة باوع وصفن شوية

علي
ولا اكلج تعاي صيري كدامي وانة هنانة

ايلول
علي شبيك فشلتنة بعدين اني ماحب انطي وجهي لاااحد استحي والله وارتبك وما اكل

علي
شتنطين وجهج لاحد انة راح اغطيج فصمة انتِ
احسن مما تكعدين وتنطيهم كفاج لا يحسدون شعرج
انة علمودج ترة

ايلول
مو شعر ربانزل والله وترتني اكعُددددد هسة

علي
والله اكعود بس كومي صيري كدامي يلا ايلول

باوعتلة ب انزعاج وكمت
ياربي شنو تفكيرة هذا
ضجت وكعدت

ايلول
لو تموت بعد ما اطلع وياك
شهل اسلوب علي جاي تضمني وكانما طالعة بدون ملابس بعد استر من هيج شلبس

علي
ايلول حتى مانعكر كعدتنة وانتِ تكليلي لا تدخل وانة اضوج وتصعد عدي خلينا كاعدين

يحجي وهوَ مزعوووووج وضايج بشكل

علي
يعني هو حجاب شراح ينقصج بس كليلي

ايلول
ها يعني بعدك بسوالفك ؟
كوم رجعني ماريد اكعد هنا
ولا اكلك اني ارجع ماريد اشوفك اصلاً

علي
استغفرالله ايلول اسكتي فوكاهة انتِ الضايجة
اكعدي هل نحجي

عفتة وكمت
صدك ضوجني يعني شهل تصرفات مادري وكدام الكُل فوكاهة، امداي لان صعدت لو يموت بعد ماصعد ويا خنكني بتصرفاتة بالموبايل شي بس يشوفني شي ثاني

طلعت بـسرعة ضليت واكفة اريد تكسي يوكف بسرعة اجة وراي هوَ

علي
لا تخبليني عليج بنص الشارع اصعدي بسيارة ايلول

ماريد وخر لا افشلك هسة
علي حيل عصبت وخر داكُلك

هوَ عصب واني عصبت وثنينة كوة متحملين

علي
ايلول جاي احاجيج بالتي هيَ احسن وبكل احترام
اصعدي اني اوصلج ماريد لا مطعم ولا هم يحزنون احنة مال مطعم ماريددد شي بس خل نصعد ونتفاهم !!!

ردت احجي، هوَ جان لابس قميص ابيض
انصدمت ب انُ اكو دم دائرة صارت ع القميص من فوك

ايلول
علي هاااااي شنووووو

دنگ راسة وانصدم بالدم
بسرعة حط ايدة عليها،

علي
اخ اعتقد الخياط طك

موكتلك لا تسوق كتلك لا تطلع موكتلك امشي خل نروح للمستشفى باع شصار. بيك

علي
ماريد مستشفى بس اصعدي بسيارة

انطيني البصمة اني اسوق شوف حالتك شلونهااا

لازم كتفة بوجع، اصابتة باليمين وضغط عليها ونوب عصب

صعدنة بالسيـارة كُبل فتح ازارات قميصة
من شفت المنظر ما تحملت كُبل درت وجهي

ايلول
علي هاي شصايرررررر

علي
بسيطة بسيطة بس واحد مفتوح مو كلهن

ايلول
بس انطيني لوكيشن لو دليني خل نروح للمستشفى

علي
اي يلا امشي

علي
انة راح اموت موتي على ايدج على ايدج

ايلول
اني اني شعلية ها اذا انتَ فشلتني كدام الكل

علي
ماطلع وياج بعد احسن شي والله

ايلول
على اساس اني اريد والله لو تموت بعد ماطلع وياك

علي
خوش ايلول انشوف شنوو النهاية وياج
اخ خرب هُبل

باوعتلة صدك متوجع
الطريق الي دلاني عليّ هوَ طريق السكن
بس غير طريق

ايلول
علي هاي احنة ويـن؟؟

علي
للسكن كُبل

ايلول
صدك تحجي لازمك مستشفى

علي
ماعدي شي هو خياط واحد مفتوح مو معضلة

باوعتلة يحجي من ورا خشمة ماحبيت اكبر راسة وصلت للسكن نزلت
ودي اخذة لبيتهم بس ادري بي مايقبل شكد مكروه

نزلت وسديت الباب وراي حيل
سمعت صوت صايح بس مافهمتة شكال
هوَ اني اطلع حيفي بسيـارتة حيل يستاهل

طبيت للسكن وماصايرلي من طلعت غير ٤٠ د بس
لكيت فرس بعدهي منايمة

فرس
هاي شنووووو شبسرعة؟؟؟

لبسي شبي بي شي لو مستورررر احجي

فرس
مستور من جوة بس من جهة الصدر شوية دلع الفُستان جبيرة

فرس اكيد علي دازج علية انتِ شوو وخري

حجيتلها الي صار وهيَ تضحك

فرس
اكُلج هذا والله يغار عزة شكد كيوتتتت

ايلول
فرس ليش يغار متكوليلي اني لو اموت ماروح بعد ويـا وهاهيّ
اني بعد اركب ويا بسيارة لو اموتتتتتتت همجي ميفتهم

فرس
هسة باجُر اشوفج ويا وكولي فرس كالت هههههههههه

ايلول
دوخري وخري انتهتتتت بعد

عفتها ورحت نمت
ضليت افكر بي وخايفة عليّ بنفس الوقت شفتة ماراسل اني هم ماراسلت وخليت ونمت
كعدت العصر باوعت ماكو رسالة منة هذا شبي
والله خفت عليّ خاف بي شي

شوية اندزتلي رسالة منة
علي
كولي هذا الرجال الكلب ابن كلب
ميت عدل عفتة حالتة تعبانة خطية
وصل، كدر يسوق لا بعدة ينزف، صار زين
شهل كلب القاسي

ايلول
عدل اسلوبك الهمجي وبعدها احاجيك

علي
استغفرالله اريد اشوفج

ايلول
الا تخبلت يلا اصعد وياك

علي
اسف ع الصار اليوم بس ظروف جبرتني اسوي هيج

ايلول
ظروفك نكعها واشرب مايها
مو انتَ كلتللي احسن شي بعد منطلع سوى هاهي

علي
عمت عينك يعلي على هل جذبة، فلك طرني
ولج ابيع عمري حتى اطلع وياج وين لاكيها لا يابوي 

ايلول
الي صار اليوم ما مقبول
دزيتها وداكتب ..

علي
رحت للمستشفى وفتحوا الخياطات كلهن وعادوهن من جديد تخيلي على نفس الوكفة ستوني طلعت واحس روحي رايحة من الالم

داريد ارزلة دز الرسالة، كلبي قُبضني، سودة بوجهي
هاي كُلة من وراي ؟ ياربي والله هوَ يعيل اني شعلية

علي
حالتي حالة
وجهي اصفر
امي شافتني تكلي يمة شمالك جنك بيك ابو صفار
وجدي وافقها برأي
كلهم يكولون بيك ابو صفار
بس محد يدري هاي ايلول هيج سوت بية

ايلول
علي اني شعلية انتَ مومنطقي والله فشلتني

علي
هسة خل نطلع ما ننزل بسيارة جايبلج شغلة ك اعتذار كالوا تحبيها

ايلول
ما

علي
اويلي ع المـا شكد حلوة منج

علي
اترجاج، سيادتة جااااي يترجاج ؟؟؟؟

ايلول
كلت ما ماريد علي

علي
خل اروح اضوج وخياطي يطك

ايلول
هوَ شنو يطگ ليش تحسسني قماش هوَ
انتَ جاي تضحك علية مووو

علي
اريدج تحنين

ايلول
ماحن ولاشي

علي
مانطول نص ساعة نطلع بسرعة ونجي اريد انطيج شي شبيج

سكتت

علي
إيلول والله تعبت، تعالي نطلع شوية، مشوار بسيط، يعني آخر انفاسي خل التقطهن يمج ،واذا  متت، خلي تكون آخر مرة أشوفج بيها تضحكين

ايلول
اسم الله هاي شبيك تحجي بالموت

علي
اخ ايلول مختنك واحسها اخر انفاسي مدري شبية تعبان ومحد يمي وفوك كل الدنيا انتِ زعلانة مني
تدرين تعاركت وي الكل وطلعت وحدي بالجذب محد كالي اروح وياك شو شنو حتى امير هذا تشوفي الكلب عافني ورحت وحدي خيطت جرحي، هوَ الظاهر انة مالي احد بهاي الدنيا يلا مع السلامة ..

دزلياهة والرسالة بيها حزن جبير
اجيت ابجي عليها
يا سودة علية شبي

صورلي هوَ كدام السكن
كتلة يلا حطلع
جنت لابسة تراك مال بيت شتوي رفعت شعري وطلعت
همزين فرس نايمة شيخلصني من لسانها انوب

استاذنت من عمو الحارس وطلعت
هوَ هم مايدقق كلش بس بليل يجيبون حراسات مُشددة شوي

صعدت بالسيـارة بيها ريحة دُخان
باوعت جكارة بيدة

ايلول
تدخن؟

علي
لا بس اليوم كمت ادخن بسببج

ايلول
شصاير شبيك

علي
خلي نفتر شوية

اول شي سوا صعد التظليل كالعادة
ردت احجي بس حسيتها مو بوضع احجي بي فَ سكتت

ماردتة يكون ضايج وصح هوَ زعلني بس اني كلبي رهيف على كولتة ف حجيت ويـا

ايلول
لا تضوج كُل شي ينحل

علي
اخ شينحل
الا اذا
دار وجهة علية
الا اذا انتِ ترضين وتضحكين وياي هسة

ابتسمت وكتلة ماعدي شي يلا بسسسسسسس موتعيدها

علي
ماعيدها
شنو زعطوط وتكليلي لا تعيدها
بس يلا مقبولة منج عسل عسل ماعيدها يلا
تشوفين شنو جبتلج؟
غمضي عيونج

غمضت عيوني وابتسمت
امممم شجايبلي

فتحت لكيت جايبلي نستلة kitkat عشقي
اموت عليها اذا ما اكل باليوم ثنين ثلاثة مارتاح
باوعتلة ابتسمت
ياااااا شمدريك بية احبها

علي
افة عليج ايلول، استخبارااتتتتت ولا نسيتي شغلي
بالكبار مبيضها بهاي ماعرف

اكيد فرس كايلتلك

علي
عرفت بعد مالج شغل من منـو

اخذتها من عندة واني ماكدر اخفي ابتسامتي
فرحتني سالفة انُ هوَ جاب الي شي احبة

علي
خلاص نوب كل ساع كت كت
افرغ الي عدي واجيبلجياهة بسرعة ترضين هههههههههههههه

ايلول
يا عزة بعينك كت كت منووووو كت كات كت كات 🤭
خلي اصوررررها

علي
يلا صوريها

ايلول
وخر جكارتك، اني اعلمك هاي اخر مرة تشرب ماعدنة ولد تشرب جكاير، ههههه موبس انتَ تكول ماعدنة نسوان اني هم اكلك ماعدنة واد

علي
اول شي لا تكولين انة اعلمك السانج الزمي شوية ثاني شي احنة مانكول ولد نكول زلم ثالث شي فدوة لهل ضحكة رابع شي ماوخرها خلي يبين فرق الثقافات بيناتنة انة كلبي محترك وانتِ تلعبين عليّ

فاتحة كامرتي داخذ صور وهوَ يحجي واني اباوعلة صفح

علي
هاي هلكد فرحتج؟
وعلي يومية اجيبلج كت كت وعلي وهاي حلفت
وهم كارتونة موبس وحدة

داكتب وهوَ يحجي هيج فَ كتبت ع الصورة
بالجنوب يسموها كت كت مو كت كات
ونزلتها ع الانستـا كلوز ( بس القريبين )

شوية وصار يضحك ويسولف ويـاي وعادي ولاكانهُ قبل شوية متعاركين ويسوق بالشوارع

علي
ايلول شنو رأيج بالزواج ؟

ةعلي، لا تحچيلي عن الزلم، والله بس أسمع الكلمة أحس روحي تحترگ.

علي (يضحك):
خالة شبيج انتِ؟ مو كل الزلم عايبة، ترى احنه بشر مو سلالة ديناصورات انقرضت من الأخلاق.

إيلول (تضحك بس متنكدة):
لا والله، سلالة عايبة، وشيّابه بعد، من واحد يصير ضامن الي ويا ويحس نفسه ملك الجاذبية لان وحدة عبرتة وكذا يروح يخون براحتة..

علي
بوية انتِ مني(منو) حاط ب بالج هاي الفكرة وداعتج غلط مو كلها سوة

إيلول
آني جدي أحچي ترة، كلهم كَصة وحدة.

علي
حطي راء ورة الك تصير كَرصة
اكلي كَرصة الخبز ونامي واكعدي بلكة مغيرة هل تفكيرر ههههههه

ايلول
متضحك ترة
تدلل على نفسك، تدري لو الزلم بيهم خير، جان ماجنت اسمع بقصص الخيانة والغدر هلكد قبل لا انام واضوج

علي
هوَ صدك انة مابية خير
لو بية خير، ما أخليج تفكرين هل تفكير
بس يلة منا وجاي اخليج تغيرين تفكيرج

ايلول
متكدر

باوعلي ورفع ايدة وصاح
اسمعيي لججج
علي
ان كانت الحياة ضدي وانتَ ضدي ف انا اعشق التحدي

يُمة جفلني من كال اسمعي لج

مخبل انتَ

علي
جا ماتدرين؟
بية خيط انة ترة، بس بَس يم الاحبهُم، كدام الناس ثكيل والله

ضحكت على سوالفة، طاقتة تجنن، عندة طاقة فضيعة، ولو مرات يضرب، ماطولنة شوية ورجعت للسكن
اول ماطبيت لكيت فرس نايمة لسة
الحمدلله والشكر ربي همزيـن نايمة جان اكلت راسي
بدلت ملابسي وكعدتها حَتى تكوم تصلي لان صاح الاذان

كمنة نصلي وهيَ كملت قبلي وكاعدة ع موبايلها شهكت

فرس
لج هااااي وين جنتِ طالعة ؟؟؟؟

امدة حضج ايلول ضايفتها للكلوز وتردين تضمين السالفة
بس اني اول تالي ما اضم عليها
سولفتلها

فرس
اريد اتفل بكصتج تذكرين من كلتيلي اذا احجي ويا بعد اتفلي بكصتي ؟ اليوم الثاني انهاريتي بجي عليّ من دخل مُستشفى
واليوم ولج اليوم تكولين ما اطلع ويـا بعد لو اموت شصار هسة هااااااا

لج اسُكتي خل اسولفلج بس اسُكتي
حطيت ايدي ع حلكها اريدها تسُكت وهيَ تضحك وتريد تسولف
بهل اثناء واحنة جاي نحجي ...... يتبععععععع

لا تنسون التصويت حبايب