رواية بيت جبر الفصل الحادي وأربعون 41 - بقلم هُدىٰ آذار

مَســاء الخير
ورجعنــا وياكُم بـ بارت جديد من قُصة
بيَت جبُر
للكاتبة : هُدىٰ آذار
لاتنســـون التصويت والتعليق بين الفقرات
قِراءة مُمتعة.
____________________

فَرس

صحَيت ع صوت سُراج وهوَ يصيـح ب اسمائنـا اني و ايلول صحيت لكيتنـة ب شوارع الموصل

سُراج
حلكي طاح وانة احجي استشهدتوا شني عمي

فَرس
لا والله بس لانُ تعبانين ومنايمين
ايلول يلة اكُعدي

كعدت ايلول كعدت وشَمس جانت نايمـة

سُراج
هسة بالبداية اذب فَرس لو ايلول؟

ايلول
لا عيني هوَ ذبنة يم فَرس اضل يمها اليـوم

باوعلنة سُراج بالمراية وكإنما جان بحلكة حجي بس ما الة سُلطة

ايلول
العصُـر اخلي خالة تمر علية هسة الدنيـا الصُبح وحُسام ومرتة يكونون بالدوام

سُراج
خوما عليجن شي ؟

ايلول
لا أمآن

وصلنـا للبيت ونزل ويانة، نزل الجنطـة ونزلها النـة

فَرس
اصبُر خل ننطيك مي

سُراج
لا رحم الله والديج هم يلة نريد نرجَع
سدن البـاب اقفلنـة زين ما اوصيجن

فَرس و ايلول
ان شاء الله ..

سدينـا الباب وطبينـة
ايلول
شفتي شلون غندب من كلت اضل يمج

جاوبتهـا ب جزع واني اتنهد
فَرس
ايّ

ايلول
سُبحان الله كُلهم نفس الصنف

اول ماطبينا جانت الساعة بـ ٧ حُسام ومرتة بعدهُم نايمين عفت جنطتي بالباب حَتى يعرفون اني جاية و طبينـة لغرفتي نزعنـا صاياتنا وشالاتنة
كعدت ع الجرباية وتذكرت اميـر من جان يجيني
حَتى غرفتي بيهـا ذكرت منـة

اجت ب بالي رسائلهم لمن جانت تكلة
لوما تزوجت جان كُلشي غير وهوَ يكُلها لوما

دمعتي نزلت غصبًا عني اجاني صوت ايلول وهيَ تكُلي شبيج وتحط ايدها ع كتفي بس اني احس مويمهـا و بالي كُلة يم امير وشلون كدر يسوي هَيج بيـة

عقلي مُباشرتًا سوة مُقارنة لافعالة وللمُحادثات احس ماتحملت وبجيت، حضنتني ايلول وضلت تطبطب علية

ايلول
سودة عليـة يحبيبي والله خيولي هل مُطي هذا شنـو يروحلج فدوة

من گالت مُطي بعزة بجيتي واجتني الضحكة

فَرس
ليش هيج ايلول بس اريد افهم ليش، مرات اكول خاف ظلمتة وشغلة قَديمة، بس شغلة قَديمة ليش يرد والله ليش يرد
يعني ماجان المفروض ينطي وياخذ وياهة لهل حّد ابد

ايلول صافنة علية وعوزها ما تبجي
ايلول
والله هُمة ذولة الزلِم ما يملي عينهُم الا التراب، حَتى علي فد واحد لوما عيب من اهلة واهلي جـان طلگتة

فَرس
لا ايلول علي يختلف حَيل يختلف

ايلول
اممم يعني هوَ من ناحية النسوان صدك ماعندة نسوان موبايلة من تطبيلة تحسين روحج بنية داخلة حمام زلم بالغلط بس هم عندة سوالف مَدري شلونها

ولو ترجعيـن للواقع استاذ امير هم هيج موجنتِ تاخذين موبايلة وتشوفينة شلون يرد عليهِن؟

شوفي فَرس خلينا نتفق على شي وهذا الشي لازم تتقبلي وتدخلي لعقلج، مـال أُستاذ امير يخون مُستحيل

كولي غلط اكُلج ايّ بس خيانة لا فَرس مُستحيل مهمّا جانت علاقتة هاي قبِل

فَرس
وانتِ شمدريج شنو صعبة عندة من يعوفني ويروح الها لو تلعب بعقلة ويضل وياهة ؟

ايلول
لا والله فَرس ماعتقد أُستاذ اميـر هَيج نفسيتة مُستحيل، ولو هوَ هيج جان استغل مكانتة و وسامتة ولعب جولة

فَرس
هوَ عاد عايز طُبي لموبايلة وشوفي حتى ابو الأمنية بي ماكو بنية ماعندهيا

ايلول
وشيحجي وياهن؟ غزل وحبچيات مثلاً لو مُحترّم؟
ترة والله أُستاذ امير مُحترم لا تظُلمي ..

فَرس
صحيح ايلول بس من بعَد هل سالفة اني بعد ما أمن بي ماكدر ايلول ماكدر شلون انطـا كلبة يحجي ويـاهة شلون!
هوَ ذاك اليوم يبيع مثاليات براسي والثقة يا الثقة يكُلي الثقة اذا انكسرت بالعلاقة بعد ما تتصلح والثقة اهم من الحُب حَتى
وطلع كلامة صحيح

ايلول
والله مادري فَرس مادري يعني شنو ناوية تسوين؟

فَرس
مـاريدة بعَد احجي وي حُسام وهاهيّ وشيسوي خل يسوي

ايلول
يعني صدُك تحجين انتِ؟

فَرس
والله ايلول مداتشاقة، تتذكرين شسوة بية بسبب سالفة سَارة؟؟ وهيَ سالفة سخيفة يم سالفتة هاي !
ماريد ولا اتقبل لا ماضية ولا الي سوى هَسة

ايلول
عوفج من البجي والحجي هَسة وديري بالج تحجين لحُسام ولاشي خل نام ونكعُد ونحجي عود

كالت هيج وباستني من خَدي ورجعت تثاوبت
ايلول
يلة حبيبتي يلة همة الزلم هيج والله شلون نخدعنا مادري اني راح انام وانتِ افرشي بالكاع ونامي ولا تكعدينـا إلا العصُر

اتصل موبايلها شالتة على عليّ

ايلول
ها علي نايمة اني

علي
وصلتوا

ايلول
داكُلك نايمة يعني طبعًا وصلنة
فَرس حبابة طفي الضوة خلنام

علي
ها جا شني يم فَرس ؟؟

ايلول
ايّ

علي
شو حتى ماخذتي أذن ؟؟

ايلول
أذن شنو أذن منو هوَ اني اهلي ومديعرفوني ويـن ماوين نوبّ اخذ أذن منك، علي عوفني اريدانام

علي
ايّ بالله حگج مني يگدرلج انتِ عرمة

ضلوا يحجـون سوة، اندكت الباب عرفتـة حُسام
كمت فتحتة ضل يستفسُر ليش رجعتي وشكو ذبيتهـا براس ايلول كتلة حَيل تخربطت واجينـة ضل يحجي وكلي انتِ تلعبين وحدج عبالك طريق الموصل ساعة ثنين

سكتت عـنة لان ماجان الي خلُك طبيت للغرفة لكيت ايلول غافيـة و الموبايل مفتوح، ابتسمت ع منظرها، شعرها مفرود وملامحها ناعمة والي يشوفها ويعرفها يحِس شكد طيبة كلبها و فطاريتها واضحة ع وجهة

غَطيتها لان اجتِ وطني وفرشت الي كعدت ع فراشي وصرت افكر
قرار الانفـصال قرار صعُب اجيبة منـا احُطة منـا الگا صعُب
بس وإن صعُب اني ماكدر بعَد أثُق بي ولا اكدر أمِن

من اتذكر رسايلة الهة احس ديطعني ب گلبي ضليت ابجي بفراشي وحٍتى مانمت من القهَر والخنكة الي صابتني

لمن حَسيت انُ حُسام وريڤان طلعوا، طلعت بـرة بالطارما ضليت افكر بكلام سُراج و علي لمّن يحجـون على مسرّة واميـر

يعني جان يحب غيري ؟
واكيد هم جان يكتبلها شعُر ويقرالهيا !
لا مُحال جان متأذي لمن عافتـة
ومتأكدة حّن لمن سولفوا
مهمّا صار تضل حُبة القَديم

التفكير ارهقني والغيـرة احسها اكلتني اكِل من الداخل، ماكدرت انام ولا كدرت اهدئ من ورة التفكير الي دمرني

طبيت للغرفة فتحت الموبايل جان بالجنطة وصامِت، لكيت امير مراسلني ومخابرني كووومة

فِتحت المُراسلـة وبديت اقرة
اميـر
-ليـش ماتردين فَرس، ردي علية
-انة جنت ادري، ادري راح يصير هجي وجنت احاول، احاول كِل مابية مانوصل لهجي نُقطة

- فَرس ادري بيـج هية كارهتني وما تطيقين تشوفيني حَتى بس مو كِلشي اعلى كيفج، مُستحيل زواجنـا ينتهي ومُستحيل تنتهي القصة بهاي البساطة
- اني احبج وما اكدر بـدونج وما يهمني وجود ايّ انسان بحياتي غيرج انتِ و اهلي فقَط ..

- من اول رِسالة حسيت روحي جاي اخونج وحسيت شنو جان يكون شعورج لو شفتيها وعرفت لو شفتيهـا راح تزعلين هواي وحطيت روحي مكانج ولكيت روحي ماتحمل ابد
- حاولت اخليهـا تروح صدكيني بس هيَ جانت تجر بالكـلام ولمن خابرتني الله يشهد ما رديت لمن كام تلح رديت بعصبيَة اعليها وجانت اول جملها مني الها ( شكد انتِ بلا كَرامة جاي اكلج انة رجال متزوج ومرتي احبها ) الله يشهد اعلية هـاي اول جملة كلتها الها

- ومن بعِدها صـارت تبجي وتحجي اعلى رجلها شلـون معنفها ومتطلگة مِن عدة وهسة جـاي يهدد بيـها وكِل ساع مسوي شي واهلها ملوا وجزعوا من عدة، هذا الي صـار الله شاهد ر انة من سمعت تأثرت ! تأثرت ك شخص جاي يحجيلي ويفضفضلي مو كَ حُب قَديم

- ادري هسة انتِ بيمن جـاي تفكرين، وجاي اكِل بروحي الف مَرة لان خليت خمريتي ترهق عقلها بالتفكير وازعل قلبها، بس يا فَرسي كوني واثقة بحُبي وهُيامي بيج

- تدريـن يجوز بالبداية انتقائي الج جان مُجرّد اعجاب لاكثر بهدوئج بملامحج بسمارج الخَفيف وهيئتج الخارجية، بس حاليًا اني فعلاً حاب وحاب كِل تفصيلة وحاب كِل شي بيج من جوة روحي ومن عُمق گلبي

-إي صح، صح جان عندي حب قديم، وهاي حقيقة ما أنكرها. وما حجيتة الج لان ماحس هوَ شي يستحق يخليج توضجين اعليّ، بالنهاية انة حَذر ب عدم ازعاجج، حَتى الرسمية الي جنت استعملها وي الطلاب عفتها علمود عيونج ماتزعل

-أريدج تعرفين شي مُهــم، ماكو شي اسمة ما الحب إلا للحبيب الأولي ، الحُب الحقيقي، مو أول شخص مر بحياتي. الحُب مو بس ذكرى، الحب اختيار وتجربة ونضج. واني اليوم اختاريتج إنتِ، لأنج الأحسن، الأحن، والأجدر بقلبي وعمري. الماضي خلص، والحاضر والمستقبل إلج إنت وحدج.

- ادري زعلانة وحقج تزعلين وانـة واحد حيوان لان تجاوبت رُغم قسمًا بالله، وهاي جاي احلف هسة وعافيـة أُمي يا فَرس ذرة وحدة ما حنيت وجـان فكري محصور ماريد ازعلج حَتى لو بغيابج، حسيت روحي انة، حسيت انُ جاي اقترف ذنب وجاي اخونج من وراج، وادري خُمريتي متستاهل هجي ابد

- حقج تزعليـن والله وانة اراضيج، اراضيج اعلى عيني وراسي بس مـال تذبين حلقتج وترحين وانتِ جازمة موضوعنـا وتكليلي هاهيّ انتهى، هذا مو حجي ابد يـا فَرس وانة مُستحيل اسمحلج تخطين هاي الخطوة، سمعتي مُستحيل

- ماجنت اريد اعوفج ترحيَن، ولو مو علي يوكف بوجهي والله لو جيش كامِل يوكف بوجهي هم ما يكضني عنج، بس ماجنت رايد أذيج اكثر من هذا ..

- دايخ وتعبـان بشكل موطبيعي لوبيدي هسة انة يمج واكعدج يمي والي تردي سوي، وراح احاول اناملي شوية ومن بعدها اجيج بي بالبداية اريد اتطمن عليج

ضـال مخابر اكثر من مُخابرة و وينج ومدري شنو عفت الموبايل وكعدت صُفنت على رسائلة
بـس هذا ما يعني يخفي الي شِفتة
اني شفت بعيوني رسائلة المُترددة وكإنهُ جانت تشيل رارباك بالمشاعـر بشكل واضح شلون يريدني ماصدكة؟

شجعت روحي وكتبتلة
فَرس
- اني شفت بعيوني كُلشي وشفت تردُدك شلون جان واضح، وارباك هم جـان واضح بس مو بسببي وإنمّا بسببها هيَ مُستحيل تروح من بالي مُحادثتكُم من تكول الك لوما وضعنا جان هسة كُل شي متغير ؟ وانتَ تكول الها لوما ..
لا تنكُر امير انتَ حنيت الهـا ..

اول ماراسلتـة فتح الرسـالة وكانهُ جان منتظرني
خابرني رُفضتـة
خابر مَرة ثانيـة هم رُفضتـة

امير
فَرس انتِ عفتي الكلام الي جنت اكول الها بي مُستحيل اعوف فَرس وهيَ بعيوني كِل شي حلو واجيتي لهاي ؟

فَرس
هاي تعنيلي تعنيلي !!!
تذكر ذيج المـرة من كتلي الثقة اهم شي بالعلاقة حتى اهم من الحُب وفعلاً هذا الي صار ثقتي انكسرت بيك انكسرت، يعني مهمّا سويت ماراح تكدر ترجعهـا

امير
راح اكدر ارجعها

فَرس
ماتكدر امير ماتكدر داجيبها منـا ارجعها منـا ماكدر ارجع الك بعد هاهيّ كِل واحد بطريق و الله يوفقك و الله يوفقني

امير
انتِ صدِك تحجين!
ادري بيج ضايجة حبيبتي بس هذا مو يعني انّي اكدر اتحمل كلامج والله تعبـان هواي لا تثگلين هجي

فَرس
مداتشاقة اني اميـر احنة بعد ما نرهم سوية

امير
هذا الي توصلتيلة؟

فَرس
ايّ

امير
شلون تكدرين؟ شلون من بعد كِل الي صار بيناتنة!
كافي لا تهذيـن كافي
ادري بيج تدللين بس مو لهل دَرجة

فَرس
خليك ما ماخذني ع محمَل الجَــد حدما تنصدم العصُر واني كايلة لحُسام

امير
لخاطر الله لا تغثيني بهل طَريقة

فَرس
هاي حقيقة ..

امير
مو بكيفج فَرس، حَتى لو كلتيلة وحَتى لو وكف وياج وحَتى لو كلكم صرتوا ضَدي ماراح يهمني، انة احبج وهذا يكفيني

فَرس
الحُب موكُلشي
القائِل: انتَ .

امير
الله كَريم فَرس ارتاحي هسة نـامي والباقي انة ادبرة واتحملة .
ديري بالج على نفسج مو علمودي علمودج انتِ

مـا رديت عليّ بس جنت احِس انُ هذا الوداع الاخيـر
سديت الموبايل واستمريت ابجي
محتـارة شلون افاتح حُسام وشنـو اكُلة

محَد يكدر يصدكني لو اكُلة حتى ماضية الجان مُزدحِم بغيري غَثني وشكلي فارق
ومو مُحادثتهُم هيَ مُشكلتي الاساسية، كد ما فكرة حُبة القديم ومُحاولاتة هلكد علمودها وحُبة الهة ما اكدر استخطي بسهولة ابد ..

مـادري شلون نمت بلحظتها مِن التعب الي جِنت بي
ماكعدت إلا على صوت بجي ايلول

فتحت عيوني بنُعاس عيني اجت عليها رأسًا كاعدة كدامي وتبجي
كمت بـ استغراب وكتلها

فَرس
شبيج ايلول

ايلول
لـج فَرسس سُراج وشَمس محترگة سيارة بيهُم بالطريق ومسوين حادث

من گالتلي هيج فتحت عيوني ع وسعهِن بصدمة
شنوووووووووووو

فَرس
عزززززززة ولـج هسة شنوووو ميتين لوشنووو

ايلول
لا ثنينهُم بالمُستشفى بس حالة شَمس كُلش خَطرة

فَرس
يُمة بسم الله الرحمٰن الرحيم كلبي طاررر والله
شمدريج انتِ شمدريج؟

ايلول
جنت نايمـة واندك الباب حُسام شايف بالمنشور ناشرينـا صفحة ... وقاري بتعليقات انُ من بيت جبُر واجة دك الباب كلي منو وصلكُم كتلة سُراج وشَمس كلي مسوين حَادث برجعة
علي مارد علية ابد وحُسام راح الهُم وهيج شوية وعلي رد دزلي رسالة كلي شَمس حالتها خطرة ادعولها

هيَ تحجي واني احس روحي بحلم واريد اكعُد مِن عندة، حسيت روحي مِتت من القهر عليهُم وخفت على شّمس خصوصًا امير مادازلي ايّ شي بعَد

ضـليت اراسل سيوف كلتلي ايّ خبر منهُم مانعرفة

ضلينـة كاعدين ومترددين شِنسوي وتأنيب الضمير موتنـا تموت وكُل ساع نشوف الفيديو الكامرات مصورتـة شلون مكلوبة السيارة بيهُم ونموووت من القهّر

ايلول
فَرس امير بهيج سوالف يرُد احسّن مِن علي حبابة خابري

فَرس
شبيج ايلول والله ولا احاجي مـاريد

ايلول
فَرس مو وقت سوالفج بس نريد نعرُف شصار وياهُم حبـابة

فَرس
هسة حُسام مديرد جان خابرتـة

ايلول
خابري أُستـاذ امير ونطينيـا يا فَرس والله بالي يمهُم

خابرتـة وانطيتهيا شوية ورد

امير
فَرس !

ايلول
اااا هاي اني أُستاذ

امير
هلا ايلول

ايلول
أُستاذ وضع شَمس وسُراج شلونة ؟

امير
سُراج زين، بس شَمس موزينة ابد نزيف داخلي وكسر بالجُمجمة وفاقدة الوعي وماندري يمتى تصحى

من كال هيج احس كلبي انمرد مرّد وحسيت روحي المُسبب بهذا الشي كعدت ع الجرباية واسمع امير يسال ايلول عني

امير
فَرس شلونها ؟

ايلول
شلونة أُستاذ من سمعنا لسة مادري شصار بينـة

تنهد وگال
امير
ادعولها وان شاء الله خير ..

سد الاتـصال واني و ايلول كعدنـا ندعي لشَمس تصير بخير، بنفس اليـوم ايلول راحت لبيت خالتها

اجة حُسام وسالتة عليهة كال حالتهـا مو كُلش وضل يصرخ علية انُ انتن السبب وتتملعِبن بكيفجن يا اخذنة يا رجعنة عبالك الطَريق ساعتيـن

سكتت عنة لان مالي خُلك وكلت بيني وبين نفسي اذا ع هيج عصب شلون اذا اكُلة اني بعد ماريد امير
مايهمني كلامة مهمّا حجة المُهم اني ماخذة موقف وهاهي

حجة ويـاي امير كتلة استعد على ايّ لحظة احاجي حُسام جاوبني بـ ما خايف من شي وحَتى لو صار ضدي ماراح اسمعلة

عفتـة يحجي وحدة وسَديت الموبايل، حتى مالي خُلك احاجي
خابرتني ايلول فجـأة العصُر كلتلي علي حيجي ياخذني اروح اشوف شَمس ترحين وياي؟ بالبداية ماردت اروح حتى لا اشوفة وادري بروحي اضعف، بس بعدين ايلول ضلت تلح علية وكالتلي روحي علمود شَمس ماعليج بي هوَ

كمت سبحت ولبست صايتي احترامًا لاهلة ادري بيهُم كلهُم موجودين والله لو بَس هوَ جـان ماهتميت

لبست شـال احمَر وجنطة حمرة، و حطيت ميكب خفيف وحلو وصبغت اظافري بلـون احمَر

ضليت منتـظرة عمّا اجوني علي و ايلول طلعت الهُم سلمت على علي وصعدت

علي
شلونـج فَرس

فَرس
الحمدلله بخير

علي
ما برد گلبج ؟

من گال هيج ضحگت ب استهزاء
فَرس
ههه گلبي موبس برد گلبي مات

علي
لا ويـن يموت بعدة بعِز حُبة
مايموت مايموت

فَرس
لا علي مـات هاهيّ

علي
لا خوية ماكو هجي شي تكعدون انتِ و امير وتفتهمون واحد من الثاني شني عود هل موديل چفة وبرود والصمت العقابي عود اكعدوا عمي وتعاتبوا بيناتكُم

فَرس
كعدنا وحجينا علي

علي
ايّ وشتوصلتوا ؟

فَرس
علي اني بعد ماكدر اكون وي امير

علي
دنجبي انجبي، صدك اسمحيلي اكِلج انجبي عاد انتِ اختي الصغيرة، شني هيَ الما اكدر اكون ويا رجلج هذا عمي رجلج ولج امير يحبج وعلي يحبج شايفة من نجي للموصل شلـون يفرح وهاي كل ساع ونشر الموقع الموصل لقاء الاحبةِ يشبه خريف مدري ربيع ويضل يتفلسف

يعني هوَ لو مايحبج يفتخر بيج كدام الكِل هجي ؟ والله انة مرات اكلة ولك لا تنشر لا تسوي وهوَ يكلي لاااا انة متونس وفرحان ب واقعي

فَرس
وشمدريك ما يريد يغيضها بية ؟ وينشُر علية !

علي
ولج البت تزوجت اتقي الله فَرس شني هل تفكيرات، الله وكيلج من اول يوم تزوجت بي امير كال تحرم علية بعَد لا بنظرة ولا برسالة ولا بشي واصلاً هيَ ما مهتمة ولا تتنوع(تباوع) بس هاي لكت الها خوش لگوة من بعد ما طلكت ورجعتلة بس مال بريد يغثها بيج لو مدري شني لا بالله امير يحبج

سكتت ماحجيت شي

علي
ولج عقلج افتحي ولا تخسـرين امير، انة امير عدي من اكلج اعز من سُراج وسَجاد تكليلي لهل درجة ايّ لهل درجة
انة واميـر ٢٤ ساعة سوية ماكوشي بحياتي ما يعرفة وماكو شي بحياتة ما اعرفة انة

و واحدنـا يعرف كلشي بحياة الثاني وانة اعرف شكد يحبج عمي والله كفيلكم العباس من اول يوم اجة بيها من دوام جنت انة مار اعليّ سيارتة مدري شبيها، كعد يلغث اعلية بطريق كِلة ويكلي جذبتني وبطريقة مُختلفة ومدري شني وحتى ترة حـان اعجاب وشي عادي يعني بس هسة انة جاي احس شكد حبكم صار قوي من كل الجوانب فَ مال تنهي هجي لا بالله انة مارضة اعليج

ايلول
تريد تحاجي حُسـام عود بس من صارت سالفة شَمس أجلتها ؟؟

علي
لا والله صدِك تحجين فَرس ؟ لا بالله انة ازعل اعليج

فَرس
هيَ مـال زعل علي ترة هاي علاقتنا
وهذا انسب حل يعني تتوقع اذا رجعنا راح ترجع ثقتي بي؟
مُستحيل ..

علي
ترجَع فَرس ترجَع ليش ماترجَع لا تسوينها كِلش احنة هم كل احنة طحنا اعليّ المسكين وعلي لو تشوفين جَدي وابوي شسووا بي وهاي غير ملامتنا احنة، وانة اكلج ازعلي وأدبي هم

ايلول
هههههههههههه أدبي
دخل أدبك اني يلة فَرس تأدب أستاذ امير

علي
انتِ انجبي شمسويلج انة قابل

ايلول
اهوووووو علي لا تغلطط انجبي شنوو انجب انتَ خو

علي
ولج لاااااا يالكائنات لااااا يا أُمة مُحمددد لا
لا تكليلي انجبي وعلي ماتحمل ترة اعيط بيج ايلول
عيب عيب اكبر منج ب ٩ سنين تكليلي انجب شني
انة عمري ٩ سنين رجال مشورب وانتِ لابسة حُفاظة
اكو وحدة تكل لعمهة هجي مايصير يابوية

ايلول
يلة يلة نعتذر زوجي المهتلف

علي
مرتي هتلية والله ما الها حّل

صدك ايلول شنـي رأيج انتِ فرضًا صار هجي بيناتنا يعني حطي روحج بمكان فَرس شجنتِ تسوين ؟

فَرس
والله تنطيك بلوك وتختفي من كُل حياتك

علي
شوفي فَرس مو تقليلاً منج ابد بس انتِ زعلج ثگيل ابد مو مثل ايلول

ايلول
خل احجي

فَرس
اوكفي بس هذا مو زعل عادي ترة

ايلول
خل امسلتتتت

علي
عمي خل تمسلت، يلة يابعدطولي مسلتي ؟

ايلول
علييييييييييي والله ماحجي

علي
لاااااا ولج والله اتغشمر ويـاج شبيج
كل هل رشاقة ومتشاقة يحلووو

بس كال الها هيج ابتسمت
اشرلي بمعنى شوفي

ايلول
امممم باعوا بصراحـة الموضوع يزعل ومُستحيل انكر انُ شي يقهَر ولو واحد يتصرف بس بمشاعرة وبكلبة جان كال مارجع وبس، بس لو ترجعـون للواقع النظرية راح تتغير

اول شي أُستاذ امير يحب فَرس وحُبة نقي وهذا الشي مُستحيل فَرس تناقش بي

ثاني شي هذا حُبة القَديم وانتِ يا فَرس ماتكدرين تجادلينة عليّ بنهاية هوَ ماجان يعرفج بس بنفس الوقت ما اكدر انكر كمية الشعور السيء الي مُمكِن يصيبنة ع الماضي الي عاشة

علي
حبيبتي ترة هوَ ماضي شني قابل تغارن اعليّ !

ايلول وفَرس
طبعًاااااا

علي
لا بربجن؟

ايلول
علي لعد شلون بربك ؟ البنية الي تحب من كُل وعقلها تغار من كُل شي هسة انتَ خلي روحك مكان فَرس ولكيتني اني عندي علاقة قَديمة شسوي الله عليك؟ لو ما تنقهر وعادي

علي
يابة والعباس طلقة براسة الي فكر بيج وبكلبة الي حبج بي
ايلول لا تلعبيييين ب اعصابي تررررررة فررررت والعباس

ايلول
هاي شبيك شو اخذتهـا بجدية دنحجي ع استاذ امير احنة

علي
من خرة بـ امير كافي سدي الموضوع

دارت الي وجهة ايلول اني ضحكت وهيَ ضحكت
صدك ضـاج وعصب

فَرس
شوف شلون الموضوع يضوج لمُجرد التفكير بي لا تلومني بي بعَد

علي
انعل ابو امير شعلية بيكم دروحواااا فرت هسة انة والله

ضحگت ايلول بصوت عالي

علي
انتِ انجبي شبيج

ايلول
اسفة بس شكلك يضحك
اذا صدك شلون ؟

علي
اهوووووو عاد لا تخلينـة نسوي حادث هسة حبابة ايلول اسكتي ضجت

ايلول
لا حبيبي لا تضوج هوَ منو بحياتي اني غيرك

رأسًا عصبيتة تحولت الابتسامة عَريضة، حسيت بي راد يحجي شي بس سكت لان جنت موجودة

وصلنة للمُستشفى باوعت من بعَيد امير كاعد ويمـة سَجاد

علي
يكلك امير صارلة ٣ ايام حتى للبيت ماراح منتظر فَرس تجي

للحظة حَسيت گلبي نُبض، بس حاولت اقوي واهدئ نفسي
تقدمنـا الهُم حاولت ماحط عيني بـ عينة سلمت ايلول عليهُم انداريت لسَجاد وسلمت عليّ ودرت وجهي

حاولت ماحط عيني بعينـة ولا اخلي عيونٰة تلتقي اساسًا اجوا علي و ايلول من ورايّ وطبينـا للغرفة

جان موجود ابو امير وجدهُم وبيبيتهُم وسُراج
وشَمس جانت كاعدة

سلمنـا عليهُم ورحنة يم شّمس اني و ايلول كعدنـا، اعتذرت منها وشيلت روحي مسؤولية الي صار وضليت احجي وياهة بقهر ع حالتها الي وصلت الهـا بسببنا

بهَل اثنـاء طب امير هوَ وسّجاد سويت روحي ما مهتمة الة وضليت احجي وي شَمس
شويـة وايلول همستلي

ايلول
احس أُستاذ امير ما رمش على طول ما يباوع عليج، عيونة راح تشكِل

باوعتلهة وخزرتها حتى تسكُت شويـة حَطيت عيني بعينـة باوعتلة يباوعلي بسرعة درت وجهي عنة حَسيت ماتحملت

علي
اكلك اميـر اريدك شوية بلة

طلعوا ثنينهُم صاحتني بيبيتهُم رحت كعدت يمها وسُراج كام

صالحة
شلونج يُمة حبيبتي

فَرس
الحمدلله زينـة

صالحة
يمة يبعدروحي روحج هم علكيفج وي امير والله العظيم سودة اعلية حتى الاكل كوة ياكل يكطُر اتكطُر اعلى رويحتة

جبُر
لا ليـش اعلكيفها وياه يطبة مَرض خل يتأدب شوية، بوية تنوعي لا تطينة مجال ولا شي خل يولي وازعل زعلة اجبيـرة اعليّ

حَسين
لابوية هم مو هجي الحجي مانريد السالفة تكبر وهيَ بنيتنة وامير يحبها ورايدها مانريد يتخرب بيتهُم البعدة ما معمور وتوصل السالفة لاخيها ومدري شني، والله يابوية انة لعبتلج بيه فلك بس هم مايعني انتِ تكبرين السالفة حيل

صالحة
لا مو انة سمعت منة يكلي
يُمة تريد نهائي هاهيّ

جبُر
لا تتشاقة مو صدك، هيَ مال تكبرها ما تكبرها، هيَ عاقلة وتفتهم وهوَ بعد صار رجلها حلالها وما الها غيرة ف مال انُ تفصخون الخطوبة لا بالله انة مارضة لان احنة ما اخذناج حتى نرجعج، وانتِ بنيتنا بعد صرتي ومانرضة نسمع عنج الموزينة

لا تخلين لحظة شيطانينة تخرب كلشي ازعلي وشكد ماتردين هماتين بس السالفة مومال تنهون كِلشي
شني هيَ قابل خيانة جبيرة لا سامح الله
وهوَ هم ترة امير كلبة اعليج يبوية بس بعد ذيجّ الله يغفر ذنبهـا

حسين
وبعدين يابوية والله امير مايتعوض مو لانه ابني بس والله رجال صايم مصلي يخاف الله ما طالع عن طريق ويحبج وشاريج اعتبريني ابوج وجـاي ينصحج
وانة اطيحلج حظة والله

ماكدرت احجي شي لان حَيل ارتبكت كلت الهُم ان شاء الله وسكتت بس بيبيتهُم ضلت تلح علية بيني وبينها صالحي ومَدري شنـو

اشرت لايلول انُ يلة بنفس اللحظة اجوي علي وامير

ايلول
يلة هَسة احنة نستأذن لان ورانة طَريق مانكدر نتأخر

سلمنـة عليهُم وطلعنـا، علي صاح لايلول ومشوا سوية ماحبيت اكون وياهُم ف مشيت وحدي ورة

حَسيت بـ احد جاي يمشي وراي درت وجهي لكيت امير، صار بمستواي وصار يحجي

امير
شلونج؟

ماجاوبت

امير
مشتاقلج ..

ماجاوبت

امير
فرس تنوعيلي

فَرس
مالي خُلك، رجاءً روح

امير
ماروح فَرس شلون اروح وانتِ داري ؟

فَرس
انساني امير انساني

امير
‏أتذكُرُ أول الأيام لمّا
‏تلاقينا وكيف جرى الكلامُ
‏أتذكر ساعةً فيها ابتدأنا
‏هوانا وابتدا فينا الغرامُ
‏أتذكر كم رسمنا من خيالٍ
‏وأحلامٍ، وكم ضحكَ الظلامُ
‏وكم نطقت ضمائرنا بشيءٍ
‏يغلفُّهُ حياءٌ وابتسامُ
‏سلامًا يا حبيبي لست أنسى
‏فنسيانُ الهوى عندي حرامُ.

خزرتة بغيض جبيـر ورحت بسرعة من جهة ايلول امشي
صار من جهتي ولزم ايدي

امير
شهل قساوة ماجاي اعرفج

فَرس
امير هد ايدي شبيك

علي
امير شبيك

ماهتم لكلام احد وصـار يمشي كدامهُم وهوَ لازم ايدي
امير
مهمّا قسيتي مهمّا زعلتي مرجعج لية انة وحدي

فَرس
امير داكُلك اتركني شبيك

باوعلي ب التسامة مُزيفة، اجت عيوني لعيونة التعبانة

امير
اذا تكدريـن سوي شي

فعليًا ماكدرت اسوي شي لان المُستشفى حيل مُزدحِمة سكتت وضليت اهمس بيني وبينة

فَرس
تـرة والله العظيم انتَ بلا ذوق داكلك اتركني شبيك امير!!

امير
ماهدج فَرس ماهدج شتردين تسويـن يعني ؟؟؟

من شفتة عَصب سكتت ماردت احد يشوفنة واتفشل

علي
صوتك انتَ بالمُستشفى

امير
علي اهتم بروحك وعوفني مو كِلها صارت شيوخ فوك راسي، تطلعون الواحد من طورة وتكلولة اسكت لا تحجي

كام يمشي اسرع وقابض ع ايدي حَيل حسبالك خايف لا اشرد
وعلي و ايلول احس بيهُم ورانـا

علي
ها شني ؟ السيارة منا لو تحاجيها وتجون؟

امير
لا روحوا انة اوديها

فَرس
ترة ماررررريد اروح وياك!!!

امير بعصبية
انتِ تسكتيننن
اندار لعلي وكالة
روحوا علي

علي
يمعـود ترة هيَ اذا تجي، تجي ب فرد جية ما النة خلك حوادث احنة

امير
لا تخـاف مانموت وحَتى لا متنـة المُهم احنة سوى

من گال هيج جان يحجي ويمشي لسيـارتة شهگت ايلول وصارت كدامة

ايلول
أُستاذ انتَ بيك شي

فَرس
اميررر داكُلك اتركني ما اصعد ويـاك

وصلنـا للسيارة فتح الباب بسرعة
امير
ايلول وخري يلة فَرس اصعدي

علي
امير راح اضل وراك سوق عدل

امير
هاهيّ علي انة مو جاهل ادري اخذ ايلول وروحوا

اخذ علي ايلول الي جـانت دتصيح وتكول صدُك تحجون وخايفة وخلونة وحدنة

امير
يلة اصعدي !

فَرس
ماريد اصعددد ماريد

علّت النبـرة مالتة وگال ب اسلوب اخشن
امير
فَرس جااااي اكلج اصعدي شبيج!

فَرس
بس اني ماررريد اصعَددد

امير
مو بكيفج تصعديـن

جان اكو رجال ومرتـة كدامنة شافونـا وضلوا يباوعون ماكدرت اجازف اكثر وصعدت سَد الباب وراي وصعد بسرعة، قُفل الباب
باوعتلة بغيض جبيـر وكتلة ب صوت عالي
انتَ شجـــاااي تحِس !!

ضل مركز بعيوني لثواني وگال بصوت هادي
امير
عيونـج
عدل كعدتـة وهوَ يطلع موبايلة ويتنهد ..
ما متعـــود اعليهن يكونن بهل قَسـاوة هاي .

فَرس
بسببك كُلشي بسببك انتَ

يكلب بموبايلة ويحجي
امير
ايّ انة ماكتلج لا صحيح كِلشي بسببي، بس قابل اعوف كِلشي مكسر ؟ لازززم اصلح الوضعع

سمعت صوت رنة هاتف باوعلي واشرلب اسكت
ماعرفت ديخابر منوو وشلـون ..

شويـة و سمعت صوت بنيـة

امير
الو السلام عليكُم مسرّة
من گال مسرّة احس نـارررر وشبّت بية

مسرّة
وعليكُم السلام اهلاً امير
خوما عندك شي ؟ شو مختفي

امير
هوَ شنـي المختفي ليش تحسسيني انة وياج ٢٤ ساعة ميانة ونحجي !
ترة حجينالة يوم واحد !

مسرّة
مدافهم امير شبيك عَصبي ؟

امير
مسرّة فرس يمي وشافت كِل مُحادثاتنا
تكدريـن تحجين شنو حجينة بالمُكالمة؟

سكتت

امير
احجي ليش ساكتة !

مسرّة
يعني هَسة انتَ مقتنع جايبني تريد ابرر الها ؟
اذا هيَ ماعندها ثقة بيك ف هاي مُشكلتها مو مُشكلتي
كالت هَيج وسدت الموبايل

فَرس
هاي انتَ سدتسوي

امير
شكدددددددد حَقيرررررة
سد الموبايل وحطة ع السيارة وباوعلي
سمعتي شكالت؟ اذا هيَ ماعندها ثقة بيك فَ هاي مُشكلتها مو مُشكلتي

وانتِ صدك ماعندج ثقة بية

فَرس
ههههههههه شايفة كُل هذا وتريدني اثق لسة وبعدك تحجي بالثقة !

امير
فَرس انة عندي ثقة بروحي وما اقبل لا انتِ ولا اهلي حَتى الواكفين وياج ضِدي يزعزعون هل ثِقة
و انـة احبج وما ابدلج ب ايّ شخص وهذا الشي انتِ كون تفتهمي وتثقين بي

فَرس
هسة انتَ جايبني تريد تدافع لنفسك لو تدافع لعلاقتنة مادري ؟

امير
انة جايبج حتى احط عقلج براسـج واخليج تفهمين انّي ما اعوفج مهمّا صاررر

فَرس
لا عوفني احسَن الك من هسة اكُلك ليش أملك بشي مايصير اني بعد مالي رجعـة وياك

باوعلي بعَصبية وگالي
امير
هيَ مو بكيفج فَرس مُستحيل اعوفـج

فَرس
لا مو مُستحيل وهسة ارجع واحجي وي حُسام بكلشي

امير
شبيج فَرس تهدديني يعني عود انة اخاف من حُسام لو شني ؟
هاي انة رايح وياج وانة الاحاجي هماتين حتى لا تضلين تلزميها اعلية حُسام يا حُسام

من كال هيج ضليت صافنة بوجهة

امير
مو انتِ تردين تدخلين حُسام؟ شبيج صفنتي

فَرس
هسة انتَ جاي تهددني لوشنو

امير
اهددج شنو حبيبتي اذا احد غلطان فَ هوَ انة، بس انة جاي اكلج ما استاهل تاخذين قرار جبير مثل هذا بحقي
يعني ازعلي وثكلي زعل تدللين انتِ وتمونين
بس مال تعوفيني لا انة ارضاهة ولا غيري يرضاهة

فَرس
بنهاية هيَ حياتي اني امير محد الة دخل يدخل بيها

باوعلي بعصَبية وصار يصيح
امير
انتِ صدككككك تحجيـن شهللل اعناد !! شنو شفتيني وياهة بالفراش لو شنوووو !! مهمّا صاررر فَرس لا تبينين الي علاقتنا بهل شكل ركيكة بحيث هجي بلمح البَصر تكدرين تستغنين وعادي

فَرس
انتَ الي وصلتنا لهل حَد انتتتَ

سمعنة صوت هورن سيـارة باوع صفح علياشرلة ينزل الجامة

علي
شبيككك اميررر تخبلتتت اخذ سايدك وامشي عدل

ضرب ع الستيـرن بعصبيّة وگال
استغفرالله استغفرالله يا الاهي ..

سكتت وما حجيـت شي، درت وجهي للجامـة والدموع متكومات بعيوني ومادري شلون كابتتهن

امير
فَرس اني احبج تفهمين شنو احبج، تصدكين من اكلج صارلي ٣ ايام مانايم نفس الاوادم؟ لا ليلي ليل ولا نهاري نهار حتى الي يروح انة ماروح ويا ضال هنا بلكت المحج شوية وانتِ حَتى رد على رسائلي مارديتي

تذكريـن الي صار وسالفتج وي سَارة

من كال هيج انداريت الة بغضب
فَرس
ديربالك تقارن ديربالك، انتَ كُلش زين تدري شنو نيتي وتعرفني احبك من البداية

امير
يابنت الناس ماريد اقارن مارررريد بس اريد اشرحلج والله ارد اكلج رُغم الي صار ورُغم جنت بقمة عصبيتي عفتج؟؟ لو اجبت جبت اهلي وجيتج لمن حسيتج بخطر !
هذا الي انة ردت احجي ماردت اكلج واقارنلج بالسوالف

فَرس يشهدددد الله علية احبج وحُبي الج كثر من عشرتنا سوية وانة ماتخيل روحي بدونج!

فَرس
نفس ما ماجنت تتخيل روحك بدونهـا مو؟

كتلة ودموعي نزلن من عيوني ااخذ ايدي وباسها حَيل

امير
مو مُهم تكونين حُبي الاول كد ما انج تكونين حُبي الصـادق والابدي، انتِ الدرب الي اختاريت اكمل بي فَ مايهمني ايّ شي سابق او جاي

ضليت ساكتة واباوع للطريق وايدي ماخذهة يمة

امير
احجيلي الي بيج، احجيلي كِل الستاؤولات الي براسج وهَسة انهيهن الج
لا تضلين تبجين وتمرديـن بكلبي
والله اسف والله، ادري الاسف مايفيد بشي بس والله العَظيم نيتي شريفة بحيث من اول ما راسلتني انة افكر بيج وحاسج وياي وحاطج ب بين عيوني والله

فَرس
امير ماريد اسمع تبريرات كافي الله يخليك احس بروحي تعبانة ومو طايقة شي

امير
راح اسكت فَرس ماريد اضايقج وادري يحتاجلج فترة يلة تفهميني بس ماريدج تطوليـن علية

ضل ساكت واني ساكنة ودايرة وجهي، ردت اسحب ايدي ماقبل ضل لازمهـا

امير
مصبغة احمَر شكو هيَ ايدج منانة ناعمة وحلوة
باسها علكيف رجعت سحبتها منة
ماحجة شـي بس اتنهد ..

وصلنـة للبيت ماردتة يحجي وي حُسام ولا يجيب طاري للموضوع اساسًا

فَرس
امير اذا متريد السالفة تكبر لا تنزل وياي

امير
لا فَرس ارد احاجي

فَرس
ماحجيلة بـس خلاص لا تنزل

امير
وانتِ ؟

فَرس
شبية

امير
شوكت ترضين ؟

باوعتلة وكتلة
فَرس
هواي كسرتني ويجوز انسى بس بصعوبة ..

كلت هيج وخليت ونزلت سيـارة علي ورانـا، نزلت ايلول اجتني بسرعة وجانت مبينة ضايجـة

ايلول
هـا فَرس خوماصار شي

هزيتلها راسي ب لا
فرَس
شبيج ضايجة؟

ايلول
علي صدك ضوجني ما يقبل اضل يمج هسة تعاركنـا اني ويا عركة شكُبرها يكُلي شكو حُسام موجود ونوبّ يجون اولاد خالتج ياخدوج لا عيني لا مارضة اني وضل بحجي واني احجي ومالي خُلكة ابدد

فَرس
حبيبي روحي ماعندي شي والله اول ماتوصلين نتخابر لا تضوجي تدرين بي يغار عليج

كوة خليتهـا يروح، علي وامير جانوا واكفين سوى
طبيت للبيت اني وهُمة راحـوا

راسي مُثقل بالافكار، ماكدر افصل كُلشي صعبة من كُل نواحي وادري اول واحد راح يعارِض حُسام وراح يوكف بوجهي ومستعد حَتى يُغصبني

ومن ناحية ثاني ماكدر انكُر حُبي لامير وتعلقي بوجودة مهمّا صار، بس بنفس الوقت ماكدر استخطي الي صـار ابد ..

بـدة الوقِت يمشي وامير جان يحاجيني يومية
بس اني ماجنت ارد عليّ نفس لهفة قبِل

احتـار شنو يسويلي وشنـو يحجي
اوقات يدز هدية و اوقات يدز شعـر واحتار بيا طَريقة اليرضيني بيها

ريڤان ضلت تبحوش ع انُ شكو وليش امير ميجيج وليش ملابسة الحلقة كتلها الحلقة ضامتها واميـر ميجي مشغول

حاول هواي وياي حَتى يجي ويشوفني بس اني جنت ارفُض وكتلة بس تجي ما اطلعلك ابد مهمّا حاولت
معَ هـذا ماسمع مني واجـة بيوم من الايام لبيتنـا، تعاملت ويا بـ اسلوب بارد وجَاف رُغم مُحاولاتة لصُلحي ..

اجت فَترة امتحانات الدور الثانـي وهوّ انشغل حيل وياهُم، بعدها بمُدة بدينـا اني و ايلول نجهز للدوام لان اساسًا عُطلتنا من الـ ١ للـ ٢ جانت تقريبًا شهرين بَس ..

لمينـة ملابسة و اميـر كال سجلتلكُم وكُلشي تمام
احنة متفقين عَ اساس نروح بسيارة ايلول، بس علي ضال يلح عليها انُ هوَ يجي عليها وبعدين هوَ يجيبلهيا ع اساس عندة شغُل بالموصل

اول ماكلتلي عرفت علي مايريدها تجيب السيـارة اساسًا سكتت وتحضرنـا و ع اساس يجينة علي

رمشولي طلعت الجنطة بصعوبـة من الباب
رفعت راسي تفاجئت بوجود اميـر و علي

نزل اميـر و اخذ الجنطة وهوَ يباوعلي بـ ابتسامة عَميقة، صاير وسيم اكثر وشكلة كبران اكثر باللحية الكثيفة

امير
إِنَّ المُحِبَّ إِذا تَرادَفَ هَمُّهُ
يَلقى المُحبّ فَيَستَريحُ إِلَيهِ
اللهُم صلِ على مُحمَد وآلِ مُحمد، هيج غيابي يحلي ؟

ماكدرت اضُم الابتسامة الخفيفة الي انرسمت على وجهي بس حاولت اخفيهـا، درت وجهي وكتلة

فَرس
هاي وبعد وحدة بالطارمـة

امير
صار مدام

باوعت ايلول وعلي يباوعولنة ويضحكون

علي
ها شني

شمهمّا حاولت تكتم ضحكتك يم علي ماتكدر، ضحكت بخُفة ورحت صعدت سلمت عليّ ورحِت يم ايلول بوستها

ايلول
مشتاقتلج صـار ٣ ايام ممشاوفين

صعَدهن امير وصعَد

علي
بوية اسمععع صارلهن ٣ ايام ما متشاوفين
و ايلول تكلها مشتاقتلج

امير
اي جا مو حظي انة صارلي شكد ههه

ايلول
الي ياكِل بضرسة، مايضر غير نفسة

من كالت هيج ايلول ضحكنـا كُلنة

علي
بربك مو مرتي الهتلية صايرة مرة معدلة حتى ب امثال جاي تحجي

ايلول
رجلي المهتلف رجاءً اسكت

امير
عمي ويـن الاحترامات شني مرتي الهتلية شني رجلي المهتلف وين كاعدين

علي
جا شتريد اكللها زرقاء اليمامة، وعلي هيَ هتلية قابل مجذب بس يمي تنخرس

ايلول
وشنو هسة زرقاء اليمامة

علي
ايّ وعلي تروحلج فدوة هاي الخايسة شني يمج

امير
استغفرالله صدك تحجي جذب خايسة شني المَرة ميتة

علي
شبيك تعبيـر مجازي

جنت كاعدة بالنُص تقريبًا وعيوني بالمراية، فجأة شفتة دار المراية عليّ وعلية، صار يباوع بنظرات حُب واشتياق درت وجهي بسـرعة ..

ضلوا يسولفون بالطَريق واحنة نسولف وساعات نسولف سوى اخر شي تعبنـا ونمنـة، كعدت عَ صوت امير وهوَ يكعدني باوعت موكفين السيـارة ودنيا الظهُر

ابتسم بوجهي بهدوء وكال
امير
يلة خل ننزل نصلي و ناكل ونرجع

هزيت راسي باوعت ايلول نازلة وعلي واكف كدامها ويضحكون سويـة

نزلت من السيارة سد الباب وراي رحنـا اني و ايلول غسلنـا و صلينـا وطلعنا يمهُم للمطعم

ايلول وعلي جانوا كاعدين كدامنـا و اني ويـا سوية

ضل يقطع بالبيتزا وينطيني حَتى اكل واني اكل علكيفي
كملنـا سوية وطلعنا ايلول غسلت قبلي وطلعت جنت واكفة اعدل روحي واحط حُمرة، طلعت لكيت امير واكفلي

اول ماشافني تقدم الي وكال
امير
انطيني ايدج فَرس

استغربت منة اخذ ايدي بهدوء وطلع من جيبة الحَلقة راد يلبسنياهة سحبت ايدي ..

امير
فَرس شبيج

فَرس
ماريد امير

امير
فَرس كافي الله يخليج البسيها والله ما يهون اعلية كِل يوم مُضى وانتِ ما لابستها، وهم ماطيتجياهة لان ادري بيج ما تلبسيها وتعوفيها ردتج كدامي تلبسيها

فَرس
ماريد امير ماريد

امير
هوَ شني الماتردين وليش!!

فَرس
امير ترة والله هووووواي تحب تلح كتلك ماريددد!

كتلة هَيج باوعلي بعصبية عفتة ومشيت للسيـارة جانوا صاعدين بيها

صعَد بالسيـارة وهوَ نارر من العَصبية
امير
تررررة مالها معنى ابدد

علي
خير ياستار شبيكم؟

امبر
فَرس حلقتج كتلج البسيهـا شني يعني معناهة ما لابستها ؟؟

علي
لا فرس عيب ليش ما لابستها !

فَرس
شنووالعبب بالموضوع اني ماريدها وبَس ..

علي
فَرس انتِ هسة بنية مخطوبة غلط ما تلبسين حلقة وهسة راح تداومن انتن فَ مايصير

فَرس
ماريدها اني علي

امير
يعني شني ما ترديها تردين تنفصلين صدك انتِ لو شني اريد افهم بس ؟

ضليت ساكتة ..

امير
تررررة هواي طولتي بالزعل فَرس ما خليت شي ماسويتلجيا شني يعني تردين تخليها للسنة الجاية ترة زواجنـا بُقالة شهرين و اقل ! وانتِ من و زعلج حتى كِلشي ما محضرين

فَرس
ومنو كلك اتزوجك اصلاً من بعد الي صاررر !!

دار جسمة كلة الي وهوَ يباوعلي بتعجب
امير
كلت ماضغط عليها خل شوية ترتاح شو كمتي تتمطينين ازيدددد!  شهل تمسلت فَرس

علي
اوكف اوكف فَرس يعني هسة انتِ شني هاهي خاصمة امورج؟ ماتردي بعَد

امير
ايّ مو هيَ بكيفها ..

علي
هسة دسكت انتَ احجي فَرس

ماحجيت شي

امير
هاج الحلقة البسيها

فَرس
كلت ماريد ترة هيَ مو غصُب ؟؟ 

ايلول
فَرس شبيج!!!

امير
عوفيهـا شو عوفيها هاهي تمام براحتج ما اجبرج بعد ازيد والله لان هيَ مساع هم كلتلي شبيك تلح والظاهر انة فعلاً لحيت هواي

علي
ترة مو هجي تنحل امير

امير
علي رجاءً هاهي سدوا الموضوع

الكل سكت وماكام يحجي واني احس نار تاكل بكلبي اكل من القهَر ماكدر ماكدررر اسامحة ابـد وبنفس الوقت ماكدر اعوفة

ايلول ضلت تكتبلي بالموبايل
ايلول
موهيج، راح تخسري بهاي تصرفاتج والله
وهسة شلون اذا داومنـا وشافوج بدون حلقة ياكلوج بالحجي اكل ويكيفون وتنطين مجـال للبنات
والله غبية وما تعرفين تتصرفين
هسة اميرة وسـارة يكيفن

من گالت هَيج حسيت شكد كلامهـا صح ماريد ابين يم ذني احنة علاقتنة واصلة لهيج مرحلة
كتبتلها

فَرس
وشنو الحل قابل تردين اتنازلة مثلاً ؟ واكلة ايّ يلة جيبها

ايلول
انتِ مسلتي واني احتار بتمسلتج
سوي روحج نايمة هسة احاجي اني

سويت نفس ماكالت وسويت روحي نايمة، فَد نُص ساعـة وبدوا يحجون ثلاثتهُم

ايلول
أسُتاذ ترة والله فَرس بعدهي تحبك بس هيَ حيل متنرفزة

من كالت هيج كرصتها خرب حضج ايلول هيَ هيج

امير
ايلول والله جزعت والله ماخليت شي ماسويتلهيا حَتى ترضى وهيَ ماكو قافلة يعني هسَة هيَ فورتني والله احس بداخلي بُركان مال نار وهيَ بكل بساطة نامت بهجي تصرفات تبينلي شكد انة مومهم!

علي
بعدهي صغيرة امير بعدهي صغيرة طول بالك وياهة وبعدين انتَ هم جافص بـ بطنها وسابقًا معاقبها عقاب جبير ف حبت ترجعلكيا

امير
علي انة ماكايل شي والله على عيني وعلى راسي ميخالف كِلشي تمون وتستاهل بس مو لهل دَرجة حيل مصختها يعني هسة رضة لا ترضى عمي احاول وياهة بعَد بس الحلقة لازم تلبسها شني هيَ هيتة

علي
لا بالله حگك ايلول ماكو اذا نزعتي الحلقة ساعة الا اشنقج

ايلول
كُل شي وجاب ايلول بالنُص

علي
لا بس جاي اكلِج

ايلول
أُستاذ عوفك من علي هَسة واسمعني انطيني الحلقة اني اخليها تقتنع وتلبسها

امير
وين متشوفيها قافلة

ايلول
لا ماعليك اني اقنعها احسن مِمّا تجيها مُضايقات خلي الكِل يدري هيَ مخطوبة احسن

امير
هوَ غير هجي الحجي، ايلول بروح جدج اقنعيها ختلبسها والله عتت كلبي عت طلعتي تفتهمين اكثر منها

ايلول
ايّ لا افتهم اني

علي
ااااااااايه تفتتهم تفتهممم كل الها شمحضرة لبس هالسنة

امير
شمحضرة، ايلول ترة مالنة خلك البسهن جُبب وفضنهة هاهي بعد صرتن ب اسامينا كدام العالم والناس

ايلول
ترة اختنُك منها

علي
تررررة اختونوك منها
ليش بوية توختنكين منها ؟ ترة هيَ جبة مو عِبا اذا البسج عِبا شسوين

ايلول
اهو علي من هسة بديت بسوالفك كُلي

علي
حبيبتي ترديني انجلط وانام بالمُستشفى لو شني سولفيلي؟

ايلول
اسم الله عليك
ترة بكُل الاحوال اني مُحجبة يعني اعرف البس

علي
الله كريم ايلول هَسة عود بعدين نتفاهم

سكتوا كلهُم و ايلول حطت راسها عَ جتفي نامت

احنـة جنة طالعين من الصُبح فَ بـ ٣ وصلنا
نزلوا جُنطنة وبالطريق علي جاب النـة مسواگ

نفس غُرفتنا هيَ ضلت النـة، بس امير كال مايصير تضلن وحدجن لازم وياجن وحدة ثالثة لان جايات هواي جدد مراحل اولى

دوامنـا جان باجُر فَ اول ماطبينا لكينـة بنية ولكينة مرتبيها ٣ سراير

البنيـة جانت مَدري شلونها و اسلوبها حَيل موحلو وما ارتاحينـا ابد وياهة

انطتني ايلول الحلقـة ولبستها، كعدنا الصُبح اني و ايلول وهيَ
مابيناتنة شي حتى صباح الخير ما تكول

الجـو حار بشهر الـ ٩ وحَتى نسمة هوى بـارد ما عندهُم

ايلول
ههههههههههه عزا فَرس نزيت باعي علي شموديلي
اجيت يمهـا موديلها صورة مطبوعة الساعـة بـ ٦ الصُبح

📜 أمر إداري / عسكري
إلى: السيدة زوجتي الهتيلة، ايلول المُحترمة.
الموضوع: تعليمات الدوام لليوم الموافِق ١٥/٩
استنادًا إلى الصلاحيات المخوّلة إليّ، تقرر ما يلي:
1️⃣ يُمنع استخدام المكياج (مع التأكيد إنك أصلاً ما تحتاجين ).
2️⃣ يُمنع التكلم مع الشباب منعًا باتًا، والي يحاجيح ادفريه فورًا، مع إحالتهُ لِلجنة الانضباط و الفصل عليه.
3️⃣ اللِبس الضيق خَط احمر .
4️⃣ تُمنع الضحكة العالية أثناء الدوام وتعتبر مخالفة انضباطية.
على الجهات ذات العلاقة (زوجتي الهتليـة ايلول) الالتزام التام بما ورد أعلاه،
مع التقدير...
التوقيع: العقيــد علي حِسن آل جبُر آل حمدآن
آمِر فوج مُباشر لحياتج .

من قريتهـا متت من الضحِك على كلامة لا وطابعها وكذا مسويها صدُك

فَرس
هسة مادري انتِ هتلية لو مُحترمة

ايلول
من ادري اكُلج ههههههههههههههههه

نور
هسة ماعدجن حجي غيـر الشباب شنو سالفة

ايلول
حبيبتي خير ترة احنة مخطوبات

نور
لا كلش

فَرس
الظاهر ما شافت الحلقات

ايلول
نعذرها يجوز متميز الحلقة من المحبس

خلت وطلعت لبست جُبة رسمـية حلوة سودة ومفتوحة من الجوانب وتصير ٩٠ وجواهة كيلوت ابيض عَريض جانت حيل حلوة وبنفس الوقت مستـورة

ايلول للست فُستـان حلو اسود ورتبنـا نفسنا وطلعنـا
نمشي ونحجي

فَرس
ياترى استاذ امير يجينـا ؟

ايلول
غير ياخذ الـ ١ هوَ ان شاء الله تردينـا يصعد وياج؟

فَرس
هم صدُك كلامـج

رحنـة للـ قاعة مالتنة كعدنـا اني و ايلول بالبداية صار وقت المُحاضرة والكُل جـان طاب
ماجانوا منزلين جدول بس اوقات مُحاضرات

صارت خَنسـة وطب أمير فجـأة من شفتة انصدمت وباوعت لـ ايلول هذا شيسوي هنـا

ايلول بهمس
عـزاااا حموتتت صعد وراج فَرس

ضحكت بخُفة واني اباوعلة شلون خُطف الاضواء بلحظة وحدة، لابس قاط نيلي والابتسامة ع وجهة وفـارد شعرة بطريقة حيل حلوة كالعادة

اول ماشفتة اتذكرت اول مـرة طب بيها لقاعتنة نفس الطلة ونفي الروح ونفس الوسامة و جمال الحضور بس هَل مـرة جانت انظارة الي غير

اول ما شاف الحلقة بـ ايدي ابتسم ابتسامة عميقة وصعَد ع الستيج وبدة يحجي

امير
أهلاً بكم جميعًا.
كما تعلمون، أنا تشرفت بتدريسكم في المرحلة الأولى، وها أنا اليوم ألتقي بكم مرة أخرى في المرحلة الثانية. وهذا يعني أن العلاقة العلمية بيننا لم تنقطع، بل تجددت لتصبح أعمق وأكثر نضجًا.

مادتي هي اللغة العربية، لغة الضاد، لغة القرآن والأدب والجمال. دراستنا لها ليست مجرد حروف أو قواعد، بل هي فهم للمعنى، وارتباط بالهوية، وتذوق للجمال الذي يجعل الإنسان أرقى.

أنتظر منكم الجدية والالتزام، كما سأكون أنا ملتزمًا بأن أقدّم لكم كل ما أستطيع. النجاح الحقيقي ليس لي وحدي ولا لكم وحدكم، بل هو ثمرة جهد مشترك بين الأستاذ وطلابه.

أرحب بكم مرة أخرى، وأتمنى أن تكون هذه المرحلة محطة نجاح وتفوّق لنا جميعًا.

ايّ استفسـار اعزائي قبل لا نبلش ؟

اميـرة
أُستـاذ هذا اسعد قرار بنسبة النة صعودك ويـانة بس مُمكِن اعرف السبب ؟

امير
أعرف أغلبكم يتسائل ليش أنا وياكم بالمرحلة الثانية، بعد ما درستكم بالمرحلة الأولى.
أكولها بصراحة، الأسباب مو كلها علمية. أكو سبب خلاني أحب أستمر وياكم، سبب خاص وغالي، يمكن بعضكم يلاحظة والبعض الآخر يمكن ما يفهمة.
المُهِم وجودي هنا مو صدفة، ولا مُجرد قرار إداري، إنما اختيار عن قناعة، حتى أگدر أواصل وياكُم مشوار أكبر وأحلى.

باوعتلي ايلول وابتسمت، بادلتها بالابتسامة رُفعت راسي لكيتة واكف ويباوعلي ومبتسم

نزع الستـرة وضل باليلگ والقميص فرد شعرة
باوعت ل ايلول وعيوني جانن يحجن

ايلول
أُستاذ امير طالع حلو حد اللعنة خرب يومج فَرس والله خوش اختيار بس هسة تلكين عيون البنات اكلنة اكِل

فَرس
اسُكتي احس اريد اموتتتتت من القهَر شو

ايلول
صراحة حقج، همزين رجلي مهتلف جان متت من القهر
هم حلو وهم مرتب لا عيني ماريد

ضحكت بقهر ع كلامـهة ودرت بوجهي اباوع للبنات الولد ضلت تباوعلي شلون درت وجهي رجعت درت وجهي

ايلول
حبيبي ميحتاج تباعيـن كلهة تباوعلة هوَ اني وكمت اباوعلة
دركزي ركزي مو تردين تصيرين سجاجة.

طلعت دفتري مال المُلاحظات وقلم، حاولت اطرل كُل الافكار واركز ويا السنة اريدها تكون غيـر

بدة يشرح واني صافنة عليّ حتى افهم الشرح وكُل شوي يحط عينة بعيني واني اهز راسي حَسيتـة أُستاذ وديشرح هلكد ماطبيت بالمود

شويـة واجة يمي دنگ علية وگال بهمِس
امير
ماجاي اركز لا تتنوعيلي

من گال هّيج استحيت وضليت مدنگة شوي واجاني صوتة
امير
فَرس انتبهي

فَرس
اهووو هسة شسوي اباوع لو انتبه

خلص المُحاضرة كُلها وهوَ ساعة يحفِز وساعـة يحجي
خلصت المُحاضرة وكعد يحفزنـا انتبهوا لدروسكم ومحد يفيدكم غير شهادتكم وتكدرون تطورون من نفسكم ومدري شنو
بهاي الاثنـاء اندگت الباب گال اتفضـل

باوعت طبت بنيـة لابسة قاط بنطرون عَريض و سترك تغطي الورك بس مفتوحة، البنية جَميلة بشكِل ناعـم وحلو وبيضة حيل

باوعت لاميـر وتقدمت الة مدت ايدها دتصافحة
اميـر حط ايدة ع صدرة وگال
امير
اهلاً وسهلاً ست .

دار وجهة وراح ديجيب جنطتـة و سترتـة
وهيَ اكلتة اكل بعيونـهة شلون تباوع

صعدت يمـة بالستيج ومَدري شكالتلة

امير
ايّ اهلاً وسهلاً
دار وجهة وادنى عنهـا شوية مبين جـان يحاول يتلافاهة

طُلاب الأُستـاذة، ست مسرّة تجيكُم السنة بمادة الادب وان شاء الله ماتقصر وياكُم، كُل التوفيق ...

كال هيج ونزل عـن الستيج واني دخلت بصدمة مو طبيعية وصل يمي والتفت لـ مسرّة وكال الهـا
امير
يُتبععععع ....

____________

شَمس

سُراج
علاوي هـوَ الذُكرى الوحيدة الي ضلت الي من زَينب، ماعندي شي غيـرة يذكرني بيها وهُمَّ اول وتـالي يمة
انة ابد ما مانع بـ علاقتهُم وبالعكس فرحان انُ علاوي جاي يعوضهُم

بس انة ما اكدر اخلي يكبر وهوَ مايعرف انُ زَينب امة.

بهجي انة راح اظلم زينب، زينب هواي تحب علاوي وجانت من اكبر امنياتها تشوفة يصيحلها ماما ..

دار وجهة لزَعيم وگالة
سُراج
مفتهمني زَعيم مو؟

زَعيم
اكيد خوية حقك نفس ما زينب مرتك هيَ اختي وماكدر ابني سعادتي اعليها وهيَ بالكبر

شَمس
بس ترى هيَ موهيج

سُراج
رجاءً شَمس سدي الموضوع ..

جبُر
سدي الموضوع جـدي سدي

سكتت ماحجيت شَي وجهة بين انُ هوَ انزعج خلة وطلع

شَمس
ضوجتة بكلامي؟

حَسن
ميخالف بوية قابل انتِ متقصدة اعليّ، هوَ حساس اعلى كِلشي يخص زينب هـاي راح تدور سنتها وهوَ ما كادر ينساهة .

مادري ليش اجاني شعـور اعرُف سُراج اخذ شَمس عن حُب؟ هوَ اكيد ايّ بس شلون
استحيت اسئلهُم فَ سكتت
بس بنفس الوقت ضجت لان ضوجتـة لهل حد هذا

من جبت طاري للموضوع وهوَ وجهة كُلة انكلب بصورة موطبيعية
وجان مبين انُ هوَ كاتم غصة بحيث ماراد يطول بالگعدة اكثر حَتى لا تطلع وتفُضحة

مـادري وين طلع وحتى مارجع بعَد
ضجت هواي من نفسي وحسيت روحي اني السبب بكُل شي

طبوا الكُل ينامـون و زَعيم گال لسّبب تصعد يمـة هيَ وعلاوي لانُ جان بس يبجي وسَبب تعبانة ومانايمة

كعدت بالصالـة وبالي جان يمة
ماكدرت ما اراسلة لان ملامح وجهة ضلت مرسومة براسي من ضاج هلكد

مايمي رقمـة بس اعرف حسابة مال الانستا، اجيت اراسلة جان موخر البلوك من عندي لان بـ عقد ايلول هوَ حظرني

راسلتـة

شَمس
سُراج وينـك
انتَ بخير ؟
اسفة اذا ضوجتك بالكلام بس ماجنت اظن تضوج هيج
ضـل بالي يمك وينك ؟

فتح رسائلي ورة وقت قصير

سُراج
لا شَمس ولا يهمج عادي

شَمس
انتَ ويـن؟

سُراج
متجِه للنجـف

من گال هيج صُفنت، اكيد رايح يشوفها

شَمس
اسفة سُراج

سُراج
عادي لا تضلين تعتذرين

جان يجاوبني بـ برود جبير كتلة انتبه ع نفسك حطلي لايك عَ رسـالتي

تندمت انّي راسلتـة من كد ما جان بارد بالكلام وياي ورة شجم ساعـة نشر صورة الـة مبتسم رُغم ملامحة التعبـانة ومبينة الصورة هوَ بالمقبرة وكاتب
المفروض الانسان من يزور حبيبة يرتاح، يحس حضوره يخفف عنه، وينسى كل ثگل الدنيا بلحظة.
بس أنة كل ما أزورة، تثگل عليّ الدنيـا أكثر.
لأن اللي يحب المفروض يلگة حضن، مو يلگة گبر.
المفروض يسمع صوت ضحكتة، مو يقرة اسمة منحوت ع الحجر.المفروض إذا يجي يروح وهوَ خفيف مو يطلع محمَل وجع فوگ وجعـة ..

طّبيت ع التعليقات كومة مع انُ ستوة ناشرهـا
اغلبها يترحمون بس شدني تعليق لـ صديقة
- رحم الله شريكة حياتك، وأسأل الله أن يرزقكم اللقاء في الجنة معًا.
راد عليّ سُراج
- ان شاء الله اذا مو بالدنيـا بالاخرة ..

بهاي اللحظة بالذات مادري ليش بس صابني شعور حَيل غريب، شعور سيء ومُزعج بداخلي ماكان اكو سَبب معلوم ابد ولا واضح بالنسبة الي

مـادري ليش بس رحت ومسحت اخر رسالة مال انتبه عَ نفسك وسديت الموبايل وكعدت

ضليت كاعدة وافكـر وبنفس الوقت جنت ضايجة ومنفسة على اللاشيء

كعدوا من النـوم جدو وبيبي ضلوا يكلولي شكو شبيج كتلهم مابية شي بس جنت ضايجة سألوا ع سُراج ويـن

سَجاد
رايح للنجف للمكبرة وهسة جاي بطريق

صالحة
سودة اعلية اليوم هوَ انهضم من سالفتج يشمس

جبُر
جا شَمس شعليها البت حجت لله قابل متعمدة تغثة

سَجاد
شكو شصاير

حجالة جدو

سَجاد
مرد گلبي بالمنشور الي ناشرة هوَ شفتوا

فتح الـ موبايل وراوه الهُم كعدت بيبي وام زينب يبجون والكُل اكتئب واني ضليت الوم بنفسي ع الصار واكول لو ساكتة احسَن

حسَن
بوية لا تضوجين ترة انتِ ماكلتي شي هوَ تلكينك رادلة حجة امس اجاني كالي ارد اروح للنجف مشتاگ لزينب تجون وياي

شَمس
لا عمو والله اني السّبب لو ساكتة احسن الي

جبُر
كافي شني نظل ننگد اعلى رواحتنـة الولد مريض لا تضلن تنگدن وهو هجي حالتة
يلة سَجاد يلة خل نطلع كوم طلعنـا نروح شوية للحضيرة نشتم هوى

سّجاد
يلة ماعدنة شي امشوا خل نتونس وهم ناخذ اكلنـا هناكَ اذا هاي

حَسن
لا اليوم انة عازمكم اعلى روح زينب نجيب النة شو شني من برة بوية رَعيم تجيبلنا لو يروح سَجاد

زّعيم
لا بدربي انة هم اريد امرن بالـ محلات أشوفهن وهم راح اخذ علاوي وسّبب وياي واحنة نلحگهُم

شَمس
بيبي اني مالي خُلك اروح

سَجاد
دنجبي انجبي ولج وروحي عدنة خيول انتِ ما شايفتهن

حَسن
لااا عمي روحي ويانة نتونس شني تضلين وحدج شكو هَسة علي و امير وغَيث بس يجون هم نخليهم يجونة

جبُر
لا جدي كومي هم نتونس شوية

لحوا علية انُ نروح سويـة صدك والله كمت بدلت لبست جُبة وحجابي وجدو وصاني اخط مصلايات صلاة هناكَ نصلي واخذنة فراش وخدرنا جاي ومدري شنو، وطلعنـة كل احنـة
زَعيم وسبب وعلاوي راحوا يجيبون اكل ويجونـة
و علي وامير طالعين وغّيث بالشغُل يجي بعد الصلاة مال المُغرب
ف بس سَجاد واحنـة

سَجاد
يرادلنة دربين راح اخذ جَدي وعمامي واجيجن انتن

عمامي ماعدهُم سيارات ثنينهُم لان معتمدين ع الولد دائمًا موجودين باوعت لسيارة بابا مصفوفة اخَر شي

شَمس
جدو خل اطلع سيـارة بابا اني

جبُر
جدي وين تطلعيها وين تعرفين

شَمس
جدو اني اعرف ترة اسوق

سَجاد
لا والله

شَمس
والله يعني جنت اطلع بيها موهجي فَ خل نروح بيها والله محتاجة اسوق

جبُر
يلة محد هنانة اخذيهة بس خاف شَمس ما تعرفين اتسوقيـن

شَمس
جدووووو والله اعرف هَسة اطلعها وشوفني

جبُر
يلة امشي ما اريد ارفضلج شي

سَجاد
والله عمي زين شكتلة مايكل الها لا

ضحكت بخُبث وكتلة
انتَ اسكُت ماعليك

رحت صعدت لفوك جبت المفتاح واجيت واني نازلة شفت سُراج مراسل
- ليش ماسحتها ؟

ماهتميت و بالاحرى ماعندي رد رحت للسيـارة طلعتها

سَجاد
للاااا توب توب

شَمس
جااا شعبالك

سَجاد
حبيت ال جا ضلعيي

ضحكنـا باوعت لسيوف تباوعلنة صفح ادري بيها هسة بس تلزمني تضل بس تحجي علية غيورة وما تتحمل بس مُستحيل تبين الة هذا الشي

صعد وياي جدو بالصدر ونسوان عمامي وبيبي ويانة
وسيوف وعمامي بسيارة سّجاد

سَجاد
الله حيو شيخ جبُر هاي شني هاي تالي عمرك تصعدلك وي مرة بصدر هههههههههههههههه

جبُر
انجب ولك انجب تاج راسك هاي انة لان هنانة ما اكول شي

شَمس
لو تموت ما تكدر تخرب بيناتنة عيني
ويلة اطلع وراي مو تريدني امشي وراك

سَجاد
ها صارت مزاود انة اعلمج
اصلاً انتِ منين تندلين الطريق

شَمس
جدو يمي يعيني احتار بروحك

ضحكت وصعدت الجامات وهوَ راح ركض يريد بسرعة بسرعة يلحكني اني بسرعة حركت ومشيت

جبُر
جدي صوابج بعدة ماطاب علكيفج

شَمس
لا جدو احس روحي زينـة صح اكو ألم بس مو فائق اتحمل واكدر اسوق بس دليني منين

شفت سَجاد طلع من وراي وبسرعة اتجـه لطريقة

شَمس
يااا جدوو راح يغلبنة

جبُر
لا ماعليج اطلعي من هنانة هسة نوصل قبلة

دلاني جَدو ع الطريق وصدك جـان مُختصر، بحيث اباوع لسَجاد سيارتة بعيدة واحنة تقريبًا بدينة نتقرب ع الباب

نزلت الجامة واشرتلة من بعيـد واني اضحك عليّ
شفتة داسلها دست ع سريع اني هم

صالحة
ولج يشميسة لا تدعمينة

شَمس
بيبي بابا معلمني ع سياقة كُلش زين لتخافين بـ امان انتِ

وصلنـة يم الباب وهوَ وراي بتقريبًا متر
نزلنة ونزلنـة الاشياء وهوَ يباوع بغيض

نزلوا وعمو حَسن يكلي

حَسن
عفية هاي النسوان السنعة خوما الزلم الغبرة

من كال هَيج ضحكت وسَجاد ضل يكول

سَجاد
للاا بالله جدي طعني بظهري لو ادري جان طالع بهذا الطَريق

طبينـا جوة للحضيرة ماجان بيها احد نفس المزرعة الجبيـرة واكو بيوت وجوة البيوت اكو فُرسان

واكو جوة نفس الكعدة مرتبة بس مكشوفة ع البـرة رحنة ودينة الغراص ومشينة اني وسَجاد وسيوف للخيول

سَجاد
الابيض لغيث و سُراج
والاسود هذا مال زَعيـم
والجوزيات امير وعلي وانة

شَمس
الله البيض يجننن يجنننن

سّجاد
هذا الـ راعِد مال سُراج
وهذا الـ عاصِف مال غَيث

شَمس
كُلش حلواتت نظيفات فوك اللازم

سَجاد
كولي غيث وسُراج نظيفين وانتوا وصخين واسكتي
يلة وخرن خل اطلع الخيل مالتي

رحنـة اني وسيوف صرنا صفح اخاف منهن طلعـة ورُكبة بسرعة وصار يروح ويجي بي وكُل ساع ويريد يجي لطريقنة واني وسيوف نخـاف

جانت الساعة بـ ٦ تقريبًا اجوا الولد كلهُم وكُل واحد راح لخيلة يحاجي وكانهُ انسان ويطبطبون عليّ

وانصدمت شلون وكانهُ كل واحد يعرف صاحبة ويستجيب ويا بهل اثنـاء اجوا زَعيم وسَبب

صاحلي علي حتى اجي المسة ماكدر احس اخاف واتقزز بنفس الوقت
صاحولنة رحنـة غسلنة وتوضينا وصلينـة
وضلينا كاعدين يحجون عمّا اجـة سُراج

جـان مبدل لابس دشداشة سودة وجـاي، ضلوا يحجون ويـا ويتشاقون يحاولون يغيرولة جو واني كاعدة يم جدو يكشرلي تُفاح واكل

سَجاد
عود شني ما عندها ادين وتكشرلها

جبُر
هم حجة سليمة البين ولك هسة سيوف ونكول ميخالف تنينتها وتغار منها شبيك بس ارد افهم

شّمس
خطية غلبتة اليوم خلي جدو

علي
لا بربج سيارة عمي انتِ اجيتي بيها ؟؟؟

شَمس
اااي اني جبتهُم وغلبت سَجاد ههههههههههه

سَجاد
دنجبي والله لانُ جَدي غدرني

جبُر
المُهم كسرت خشمك انجب يلة انجب

سَجاد
حقوق الزلم وين عمي
انة اعلمج هسة ناخذلنة شجم جولة بالخيول ونطلع وارد اشوف شلون تكسريني

شَمس
اسهل ما يُمكِن تدلل

علي
ولج اخذي سيارتي وروحي واكسري خشمة

سَجاد
لاااا جا شني تضحكون اعلية الا اخذ سيارة زَعيم حتى نتساوة بسرعة والا اكلكم لا عمي خليج اعلى سيارة علي وانة اعلى سيـارة امير وخو اكو فرق بالسرعة بس والله الا اكسرج

شَمس
نشوووووف ترة صارلي اسوق من عُمري ١٠ سنوات والله

سَجاد
لا من بعدج بالحفاظة

شَمس
والله بابا معلمني انتوا ماتدرون امير شنو رأيك انتَ شايف سياقتي

امير
لا امانة الله مضبوطة حيل

جبُر
لا مبينة اليوم خوش سايقة

سَجاد
اليوم نشوف

سُراج
هسة شني هاي سوالف ترة بعدهي ما صايرة زينة

رفعت راسي الـة بعدة بملامحة المزعوجة ويباوعلي

شَمس
لا اليوم سقت وشفت ما تأثر علية

سُراج
هيَ بكيفج ترة ضغط شلون ما تأثر عليج

شَمس
متأثر هسَة انتَ شعليك ؟

سُراج
صدك شعلية يطبج مَرض

شَمس
هسة شنو هل كلام البذيء اقل شي ويطُبج مرض
جدو ترة مايصير ماحب هيج كلام اني

جبُر
ولك سُراج مو هجي جدي شبيك وي بت عمك

سُراج بعصبية
ايّ لا تكولين كلام بذيء احترمي واحترمج

شَمس
ترة انتَ البلشت بيها

علي
عمي صلوااااااا على مُحمد شبيكم

سَجاد
كعدة وبيها سُراج وشَمس لا والله فلا تنگعد

سُراج
صارلك ساعة تلغث وياها ترة ماكلنة ولا حجينة شي
بس هيَ ماتدور واحد يدور مصلحتها تدور تمضحك وتسخت

كال هجي وخلة وكام
حسَن
هسة ليش اكلان الخـرة سُراج شبيك بوية

شَمس
هوَ ضـايج ويذبها بية ترة مالي علاقة لو جنت ضايج عليها

دار وجهة الي بعَصبية وكال
سُراج
لا تكوليـن عليها الها اسم، زَينب اسمها

كال هيج بعصبية وانفعال حسبالك اني شنـو كتلة ماكدرت اضم دمعتي جدو وعمو عاطوا بي هوَ خلة وراح باتجاه الخيول

جبُر
جدي ليش تلاسني خلّة يولي شبيج

شَمس
جدوو يعني اني شدخلني هوَ اقل شي وكالي طبج مرض ماحب واحد هجي يحجي وياي هسة مو سَجاد يتشاقة وياي وحتى علي والبقية بس ميكلولياهة بهذا الاسلوب

حَسن
عمي ضايج عوفي اتجاهلي هوَ احنة وساكتين اعليّ

صالحة
دورة سنة زينب اجت وتلكينة ضايج خيولي يُمة امسحي دميعاتج

جبُر
يلة يجدي يلة خل يولي

كال هيج وباسني ع راسي
هوَ اني اساسًا جنت ضايجة ومكبوتة ونوبّ اجاني احس صدك داس على طرفي

خليت وكمت ماريد ابجي يمهُم بس جان واضح شكد اني ضايجة

خليت وانطيتهُم ظهري هيج ورة يم ورود واكو نفس المسطبة كعدت وضليت بـس ابجي بهدوء

اجت ورايّ سيوف كتلها حبابة عوفيني اني اعرُف روحي كابتة هواي وبعَد ما اتحمل، حاولت اسكت روحي ما سكتت اجـة سَجاد كعد يمي هوَ وسيوف

سَجاد
اهو شمس كافي لا تضوجين شبيج احنة جايين نتونس

شَمس
سَجاد والله لعب نفسي على كُلشي ويقلل أدبة

سَجاد
ضايج اعلى زينب شَمس

شَمس
اي لعد اني شعلية اني زينب قابل

سيوف
دوري وجهج شوفي جدي وابوي شلون رزلوا خل يولي وامسحي دموعج يلة

اول مادرت وجهي لكيت جدو كاعد ويرزل بي و هوَ يباوعلي بهدوء درت وجهي بسرعة ماريد اشوفة حتى

سَجاد
يلة كافي من تروحلج فدوة سيوف الفاهية

سيوف
خو انتَ تروحلها فدوة اني شكو

شّمس
اكلكم ثنينكم كافي
واحد كاتل روحة ع ثاني ويجون يتعاركون وي بعض يمي

سّجاد
منو كاتل روحة انة اكتل روحي اعلة هاي

سيوف
لا والله طبعًا كاتب نفسك علية ومكطعها هم بس انة ما منطيتك وجه

من كالت هيج سَجداد طگهة بضحگة جبيرة وكام يمهم وهوَ يكلهم

سَجاد
ولكم اسمعوا كال شنووووو كال انة كاتل روحي اعلى سيوف بس سيوف ما مطيتني مجال

علي
جا جذب ههههههههههههه

زَعيم
ولج سيوف تعاااااااي تعااااي

صاحلها زَعيم وكعدوا يحجون ومَدري شنو واني ضليت كاعدة بمكاني ، حَسيت اكو احد وراي ومسحت دموعي الي جانن جافات ع خدودي من الهوى الحلو الي جاي يجيني
ودرت وجهي

سُراج واكف بوجهي
درت وجهي بسرعة كعد يمي

شَمس
بس ترة محد سامحلك تكعِد

سُراج
اسف، جنت ضايج على .....

شَمس
تررررة ماريد اسمع !! ومالي دخل بمشاكلك الشخَصية

كتلة هيج وخليت وكمت يمهُم بسرعة
شفت علي كدامي كتلة
يلة نرجع

علي
لا وين بعد وكت خيولي لا يخربلج مزاجج خل نتونس شوية

شَمس
والله تعبت

علي
عمي يا تعبتي بعدنة ب البداية احنة من نجي لهنا نضل لليل يلة نرجع يلة تعـاي خل اراويج فرسي شيسوي حركات

رحنـا اني ويا لاتجاه الخيول وسُراج اجة ورانـا

سُراج
شَمس لا تجاهلين كلامي هجي مرة ثانية

علي
عمي دكافي سُراج شبيك ليش تصيرون هجي خنكعد نفس العالم والناس نتونس شوية شجاكم

هوَ سكت واني رحت بالاتجاه الثاني من علي
علي
هذا الشاهيـن مالتي
شوفي شراح يسوي

حط ايدة ع وجهة ضل يعبث بوجهة وكإنما جاي يدور حنـان جان شكلة حيل حلو كعدنا نضحك واحنـة نشوفة شيسوي

كام يصور فيديو لايلول نحجي بي ويراويها الاجواء كِلها

علي
هاج تنوعي ايلولة اليوم احنـة اجينة للحضيرة هذولة اهلي وهاي شميسة وهاي فرسي الشاهين
حط ايدة ع وجهة والفرس حضنة
ياريتج بمُچانة ايلولة تنوعي ذولة اهلي كاعدين هناك
سَجاد وسيوف يتعاركون وهذا سُراج المكتئب واكف يم فرسة وامير جاي يراسل مدري مني كلي لصديقتج خل تكضة انة اخوك لا ولج اشاقة الولد جاي يسوي اسئلة امتحانة

اباوعلة وابتسم شكد حلو علي بالحُب صدُك محظوظة ايلول بي
بس بنفس الوقت ما انكُر انُ هوَ هم هواي محظوظ بيها
ثنينهُم من اهل الله وفُطر وهذا الشي الكُل متفق عليّ

حسيتة من ذولة الكبار ومن يصورون
خابرت ايلول ضلينا نحجي وياهة اني وعلي
ضليت اضحك على سوالفهُم

مخلصيها يا مرتي الهتيلة ويا رجلي المهتلف
والثنين مستقبلين الكلام بشكل عادي
رُغم اني اعرف علي حيل يضوج من احد يقلل أدبة ويا
حَى لو جدي

اجـوا الولد كالولة يلة
انطاني الموبايل وكالي
علي
افتحيلها كامرا بروح ابوج شَمس ختعيش اللحظة ويانة اليوم هيَ مكِدرّة مدري شبيها

ابتسمت الة وكتلة من عيوني
مَـر سُراج من يمنة يباوعلي ومعصب ويتنهد ويستغفر

تجاهلتة ورحت وكفت ع جهة وجدو وعمو اجوا وكفوا يمي

حضني عمو حَسن وكلي
حَسن
خوما ضايجة عمي

ابتسمت بوجهة وكتلة لا

كلت بكلبي الله لا يحرمني منهُم ومن حنانهُم منين مادور وجهي تجيني منهُم مُعاملة حلوة

باوعتلهُم صفوا كلهُم هيَ نفس الساحة التُرابية وداير مداير اكو زرع ولكدام همّ زرع هواي

طلعوا خيولهُم وجان الكل مصفوف ويتغالبـون بيناتهُم

زَعيم وسُراج وعلي وامير جانوا مُحترفين بشكل خيالي
ولو كلنة الاعلى بعَد ف امير وسُراج صدك خيالة
بي بنفس الوقت مرات زَعيم و علي يكسروهُم

ضلوا بالـ ٤٠ دقيقة هُمة بس ياخذون الطريق روحة جية سديت الموبايل من ايلول راحت تتعشى وسَجاد عاف الفرس واجـة

شَمس
ها وتريد تغلبني

سَجاد
ولج اسكتي انة وغَيث ما مدربين ابد مونفس ذولة ٢٤ ساعة هنانة يجون

جبُر
شبيك تكحكح وفحطان شوف اخوانك شلون
بومية تعال هنانة رياضة بوية رياضةة

سَجاد
ايّ والله جدي صحيح حجيك يومية اجي ان شاء الله ولو مالي خلك بس اسويلي وكت واجي

سيوف
من جك...

سَجاد
سيوف ماي بسرعة غَصيت

جبُر
هو هوووو جيبي ماي لابن عمج

هاي الفاهية انفزعت وراحت تركُض اني عرفت السالفة وضحكت عرفت رادت تفلتها وتكول من جكاير بس سكتت
راحلها سَجاد وهوَ يكول انة اعلمها

رحنـة سوية لان تعبت من الوكفة اجتِ سيوف تركض جايبة ماي

سَجاد
وعلي انقهرت اعليها سودة اعلية ما اصيح اعليها
ولو هيَ ادبسز
تعاي تعاي ولج شلون ردتي تفلتيها وتكولين لجدي يشرب جكاير

سيوف
هااا شسمة

سَجاد
انجبي ولج انجبي والله اذا حجيتيها مرة ثانية اموتج

سيوف
ترة هسة اروح اكِلة اذت ماتسكت عني

سَجاد
مو اجيج الفاهية هم طالعلج لسان
تعلمتي من شَمس

من گال هيج أخذت كلاص المي من سيوف ودرتة عليّ حيل

شَمس
لا تكول فاهية مرة ثانية علينااا

ضحكنا اني وسيوف ورحنا بسرعة يم جدو وعمامي وهوَ ورانة لبدنة وراهُم ويريد يجينـا وجدو يرزل بي

فجأة ما سمعنة غيـر طيحة قوية فزينا كل احنة باوعنة سُراج طايح هوَ وفرسة

زَعيم
ولككك سُراج بالك وين شبيك

راحولة كلهُم يركضون الة نزيت وتقدمت الـة ضليت واكفة بعيد جان طايح ع رُكبتة وملابسها كُلهن متربات

جبُر
شلون هجي شلون بوية دكوم تأذيت

سُراج
لا جدي لا عدت عدت ايدك علي اطينياهة

انطا ايدة علي وكام وصار ينكث بملابسة

علي
ايّ شجاااااك اكو واحد يوكف بالنص ويصفن على شني تصفن ماشايف جدي مثلاً
ضل واكف وخيل زَعيم اجا طاير طيرة

علي جان يسولف ويباوعلي، اتذكرت كلامة ذيج المَرة ارتبكت ودرت وجهي
هوَ سُراج ليش يصفن علية هيج ويضوج لمن اتشاقة وي احد بيهُم
مال حُب ؟ مُستحيل هوَ يحب زّينب ولسة وفي الهة بس شبي مادري امرة غَريب هل بني آدمي

كعد جوة وكُل احنـة رحنة طبينة شال البنطرون رجلة جانت متأذية شدوها الـة كال مابيها شي شوية وتروح

باوعتلة رفع راسـة وباوعلي وتنهد

ضلوا يحجـون شوية ومَدري شنو كلت لسَجاد يصير نطبي السيارات هنا كلي ايّ جدو ماقبل كال مسافة ضيگة خاف للسيارات علي كالة لا عادي

رحنة طببنـا السيارات اني وسَجاد علي انطاني سويج سيـارتة
كعدنـا نتسابق ونضحك

باوعت من بعيـد سُراج يباوعلي بحقد شوية وكام مدري شيحجي وياهُم وجدو كام يصيح مادري شنو الفلم بس مبين جان الكُل ضدة وبس هوَ الي ماعاجبة الوضع، اخر شي خلة وراح طلع وهوَ ضايج مو شلون ماجان

ماكدرت على سَجاد وبنفس الوقت جدو ماقبل نضل اكثر كلي لايصير شو شنـو

رجعنـا للبيت والي صعد وياي بس جدو والباقين توزعـوا ب باقي السيارات

ضل يوصيني ماعليج بسُراج وتجاهلي واني اكُلة ايّ وان شاء الله

وصلنـا وجانوا الولد منتظرينـا برة وماطابين بس الباقبن طابين
علي
يلة حتى نخليها بنهاية لان احنة كل احنة ايدنا بسيارات

جَدي كالي انزلي هُمة يصفوها نزلنـة وانطيت السويج لعلي
طبينـا لجوة تعبانة هواي

اول ماصعدت سُراج جان يخابر

سُراج
سـت صفاء اهلاً وسهلاً تنورينـا
باجُر غداكُم يمنـا ان شاء الله
لا صدِك جدب تجـون وماتمرون والله ماتصير

ما شاءَ الله شوف شلون يضحك وطبيعي هاي لو اني جان عاط صـرنا يم بعُض مر ولا كانهُ اني موجودة

عابت الـة شكد بارد ومُستفز رحت بدلت وكعدت ع موبايلي اتصفح طَبيت ع الانستا اباوع لحسابة صورة بيضة
هاي شنو حسابة محذوف لو شنو

بدلت لحسابي الثاني عندي حساب هيج مجهول باوعت حسابة يطلع وطبيعي

يعني حاظرني!!!!!! لا صدُك مخبل هذا والله مو صوجة صوجي اني الانطي اكثر من اللازم اهتمام
ساعات يبين هوَ ولا عنة وساعات ولا كانهُ
شكدددد اكرهة نرجسي وما ينعرف شيريد

يومي جـانت مُتعِب خليت ونمت، اليوم الثاني جان يوم جُمعـة نزلت لكيت الدنيـا مخبوصة ورَحمة جايتنة تُطبخ هيَ وروان

وهوَ واكف فوك روسهِن

شَمس
هاي شكو بيبي

صالحة
زميلة سُراج تريد تجي يمة هَسة ع الغدة بدلي وانزلي انتِ

شَمس
لا اعرفها ولا تعرفني عليش انزل

سُراج
الخشم العالي عمي، حاشاها تنزل عيب شني

شَمس
احس لو متدخل كُلش احسَن

صالحة
شَمس سُراج والله العظيم اذا تتعاركون مرة ثانية ثنينكم ازفكم نعتب ع جبير ع الصغير، لا الجبير يكول خل اسكت ولا الصغير يحترم

شَمس
بيبي ترة هوَ يبدي بسالفة مو اني
كُلشي وذبيتوا بية والله حتى كرهت عيشتي من ورة ومن ورة هسوالف

كلت هيج وخليت وصعدت ميتـة من الضوحة والقهَر

شوية واجتِ سيوف تبدل
كتلها تاخُذ فُستاني حلو اسود بس كُلش مرتب لبستة طلعت تخبُل بي ظفرت شعـرها هيَ متعودة تظُفرة شعرها حيل طويل اطول شعر بينـة وثخين وبي لون ما شاء الله

وحطت حُمرة سحرية باوعتلهة وكتلة
ديري بالج سَجاد يلمحج كالت لا طلعـوا

كلتلي انزلي كتلها ماريد انزل

ضَليت فوگ شويـة واجتِ سيوف كلتلي بيبي تصيحلج

سيوف
ولج يمها وكلتلي صيحيي شَمس تعاي شوفي النزاكة والجمـال تجنن تجنن

شّمس
ايّ وشعلية بيها مالي خُلك سيوف

ضلت تلح علية حَتى نزل واني هم صابني فضول انزل واشوفهـا، لبست تراك البسة للنـوم بس هوَ نازك ومرتب ردانة نُص ويصير حد وحد ومشطت شعري حطيتة كعكة ونزلت

لكيتهـا كاعدة احلى من الصورة صراحـة كاعدة ويمها ولد شعرة كاري وهيج يطلع بال ٤ سنوات

سلمت عليها البنية كُلش حبابة

صَفاء
انتِ شَمس والله سُراج شكد مدح بيهـا كال بنت عمي شطورة وكذا شلونها الصيدلة

شّمس
لا زينـة سهلة عادي احنة مرحلة اولى

صَفاء
ايّ الصيدلة صعبة بس انتِ كدها ان شاء الله
حمودي ماماتي اكعُد حبيبي

باوعت تنادي للطفِل الي يمها
يعني ابنهـا
عزة واني حسبالي ممتزوجة

صَفاء
تروح يم بابا ؟

محمَد
ايّ ماما

شَمس
ابو برة؟

صالحة
اي يُمة يم الولد كاعدين

شَمس
اااااا تعال حمودي تعال اطلعك اني حبيبي

طلعتـة ومديت راسي دليتة عَ الـ ديوان لمن شفتة طب يلة طَبيت
كلت بيني وبين روحي والله سئت الظن

تغدوا وراحـوا وهُمة واني رحِت صعدت بدلت ونزلت اتغدة لان ماتغديت وياهُم

لكيت سـُراج كاعد هوَ وعلي وامير ويسولفون بمدري شنـو

شَمس
اكو واحد ممتغدي راح اصُب الي

امير
الف عافية ماكلين كل احنـة

صَبيت اكل وشفت علي وامير طلعوا كعدت بالصـالة اكل وسُراج كاعد بس بعيد عني شوي

سُراج
شَمس ارد احاجيج

باوعتلة وكتلة تفضل

باوعتلة ضَل ساكت ..
استغربت شبي هذا ؟

كام من مكانة وتقرب كعد يمي بس خلة مسافة بيناتنة

سُراج
هـواي حجي اريد احجي وياج واكو يعجبج واكو لا واكو تحصيل حاصل من هل كلام فَ ياريت تسمعيني زيـن
يُتبع.........