رواية بيت جبر الفصل الثالث وأربعون 43 - بقلم هُدىٰ آذار

مَســاء الخير
ورجعنــا وياكُم بـ بارت جديد من قُصة
بيَت جبُر
للكاتبة : هُدىٰ آذار
لاتنســـون التصويت والتعليق بين الفقرات
قِراءة مُمتعة.
____________________

دموعي ينزلن واني احاول اوقفهِن بهل اثنـاء اندزتلي رِسالة كُل ظني هوَ فتحتهـا وجان انصدم ب رسالة من محمّد
محمَد
مشتاقـلج شَمس

بدون احساس وبكلب مكسور كتبتلة
شَمس
اني هم محمَد

مـادري ليش هيج سويت وليش كتلة اني هم بوقت مـا اني جنت مافكر بي اصلاً، بـدة يحجي وياي بحماس وجـان حَيل فرحان ع كلمتي هـاي

محمَد
شكد مـا حاولوا وياي شكد ما فشلوني يم ابوي وتبرة مني ابوي بسببهم وبسبب افعالي
وعلي ابن عمج احتـار شنو يسوي بية كالي حَتى ٤ ارهاب البسك وسُراج اكثر من مرة نتضارب سوية وكل هذا وماكدرت، رادوني انسى وماكدرت، ماكدرت انساج شَمس، صح اني غلطت بس هذا ما يعني انحرم منج! اني احبج شّمس احبج

شَمس
محمَد اني تعبانة حَيل تعبانة ..

محمَد
شبيج شَمس !

شَمس
مادري بس احس الدنيا كُلها ضايگة علية

محمَد
احجي فضفضي !

شَمس
ماكدر بس جَد مخنوگة وتعبانة حَيل

محمَد
زيـن شنو صاير وشنو الي وصلج لهل شي ؟

بـدة محمَد يحجي وياي ويهدئني، ماجان بالي يم احد غير سُراج واحس كلبي محروك حرك منـة

حَسيت روحي نسيت كُلشي وي محمَد، ماجنت محتاجة غير شخُص يحتويني ويهدئني من الي اني بي

ماحجينـة ع ايّ موضوع لا سابق ولا جاي، ردت بس يكون يمي واهدئ من الي اني بي

ماعرفت شلون احط عيني بعينـة باليوم الي جاي ولا عرفت شنو راح اكولة لو راد يواجهني، مادري بس بكُل الاحوال راح اختار انّي اشرد منـة ومُستحيل احاجي بعَد ..

نمت وكعدت اليـوم الثاني صادف يوم جُمعـة، جنت تعبانة حَيل وقرفانة ومتندمة بنفس الوقت، صرت اكلُب بمُحادثاتي البارحة وي محمَد ومصدومة كايلي بالاخير احبج واني كايلتلة احبك ياربي اني شِمسوية احس قُرفت من نفسي، هواي مشاعِر جانن عندي لدرجة احس صدعت بما فيه

ماحس روحي جنت بوعيي ليلة البارحة ابـد، ضليت صافنة بفراشي حَدما صاحوني كمت بدلت ونزلت، الكُل كاعِد سوية وجدو جـاي يُقرة حَديث الكِساء بصوت عالي والباقين يستمعولة، سُراج جان كاعد اول ما اجيت صارت عينة عليّ، اتجنبتة تمامًا بعيوني ورحت كعدت وحدي بالزاوية

صـارت عيني ع الموبايل دزلي محمَد صباح الخير
حتى نفسيتي ماتطيق ترُد عليّ ضليت حاطة الموبايل وصافنة وتايهة بنفس الوقت

كملـوا الدُعاء وكال جَدو
جبُر
شبيج بوية شمس شو روحج جنها لايجة؟

شَمس
ها لا مابية شي بس دايخة شوية

مانطيت جواب ولا الي خُلك اجاوب احد اساسًا مُجرد نزلت حتى مايحجون علية او يكولون شعندج

خليت وطبيت بغرفة بيبي و جدو كاعدة ع الموبايل وصافنة بين الي ارُد ع محمَد وبيـن ال لا
صاحوني علمود الغدة تغديت وصعدت بسـرعة لغرفتي

هلكد ما جنت خاملة وتعبـانة نمت بدون مادري
كعدت ع صوت سيوف وهيَ تكعدني

سيوف
بيبي تريدج يمنـة خُطار مرت اخوهة وتريدج

شَمس
سيوف عوفيني والله نعسانة

سيوف
ولج والله بيبي سبتني سباية عليج دنزلي شجاج

شَمس
اوف سيـوف اوف

كمت من فراشي ميتة من تعب كلتلي اخو بيبي يمهـا البسي حجاب وانزلي، لبسِت صاية وشـال وطلعت من الغرفة شفت سُراج كاعد ينكث بـ دشداشتة ويريد ينزل

باوعلي وضل واكِف، احتاريت اذا ارجع لو اكمِل بس كلت خل اكمِل احسَن

كملت طريقي وهوَ واكف بمكانة يباوعلي وصلت يمة تقريبًا وصلني صوتـة
سُراج
شَمس مُمكِن نحجي شوية، ليش جاي تتهربين مني

عفتـة وكملت مشيي صـار وراي وصار يحجي
سُراج
عود ليش هل تجاهُل اريد احاجيج شَمس

ماهتميت لكلامة وكإنّي ما اسمعة اساسًا، نزلت وهوَ وراي ويستغفر بـ عَدم صبُر

سلمت ع الرجـال ومرتة وكعدت يمهُم و سُراج هم سلم وكعد

-
يُمة بسم الله ما شاء الله شنـو هل جمال يُمة

ابتسمت الها بتملمُل، اندارت لبيبي الي جانت مبتسمة وكالت
- شنو ام حَسن ليش ضامة هل گُمر عنة

صالحة
والله ملتهية تدرس

اخو بيبي
ما شاء الله شكَد تشبهج بصغرج ام حَسـن

ضلوا يحجون وعيون المـرة اكلتني اكِل واني حرف واحد مانطقت كاعدة وصافنة بالوجوه

محمَد راسلني هـواي جاوبتة بـس ب برود

محمَد
شمسي بيج شي احد مضوجج بس كليلي الله عليج

شَمس
مامضوجني شي بس اني تعبانة

محمَد
ماتكدرين نطلع شوية؟

شَمس
محمَد انتَ شبيك وين تريد نطلع هيَ هيتة لو شنو !
اني اريد اروح اترخص

محمَد
ويـن رايحة شَمس اعتذر والله
تعاي لا تضوجين حبابة خل نحجي شويـة

ضل يحجي واني مالي خُلكة عفتـة و صعدت لفوگ حتى عشة صاحوني عليّ كتلهُم ماريد

ثاني يوم صـار روتين عـادي، تغديت ورحت لغُرفة بيبي ضليت كاعدة بيها خصوصًا بالوقت الي كان سُراج جاي بي من دوام

الكُل سئلني شبيـج خصوصًا بيبي ضلت تلح علية بس جنت اعيد واكرر مابية ايّ شي

للعصُر تقريبًا صاحوني حتى اكعُد يمهُم

جبُر
جدي شمالج معتكفة صارلج شجم يوم تعاي اكعدي سولفي شمالج

شَمس
ماعندي شي جدو هيج

رحت كعدت يمهُم وجنت متلافيـة الكلام وساكتة شوية وبيبي خابرتها مرت اخوهة ضَلت تحجي وياهة اخر شي بيبي كام تكُلها بعدين نحجي سدت الموبايل بيبي ومدري شحجت وي جدو بهمس

جبُر
لا كليلها لا، لا سالفة تصير سالفة زلم ولا شي من الاساس سديها انتِ وياهة

صالحة
هو انة هم هجي كلت

حَسن
ها بوية خيركم شكو

جبُر
مجبِل ( اخو بيبيتي ) يريد شَمس لابن ابنة وانة سديت السالفة

حَسن
همة من زمان رادوا يناسبونة ترة

جبُر
ايّ بوية وانة كتلهم ماعدي بِنات منين اجيبلهُم اولاد عمهن حاجزيهن كلهن فَ هسة هوَ مودي طارش لبيبيتك يريد البت

سُراج
اصلاً هيَ شكو طبت يمهم عرفة ولفة

جبُر
رادوا يسلمون اعليها بوية هم عيب وفشلة وهيَ شضلتلها شوية وكامت البت

من كالوا هيج احس خفِت كعدت عدل و كلت لجدو بخوف

شَمس
جدو ترة اني ماريد

جبُر
جدي ما اطيج شبيج تصوفرتي

سَجاد
لا ليش ما تطوها اطوها عايزة عمرها ١٩ سنة

جبُر
خاب ماتاكل خرة وتنجب هوَ انة ش شفت منها

سَجاد
جا شتريدها تكابلك طول عمرها اطيها احسن

شَمس
يوه سَجـاد حباب لا تشاقة وياي هيج شقة

خليت وكمت بـ انزعاج، صاحني جدو رجعت وكفت كدامة

جبُر
جَدي شبيج هل ايام

سَجاد
مادري شو متغيرة حَتى ما تداهر وياي نفس قبل

شَمس
والله مابية شي بس هيج

امير
هرمونات

شَمس
ايَ هيج يعني

عفتهُم ورحت للمطبخ كعدنة اني وسَبب نسوي العشـة شوية وطب سُراج وجهة يبين يريد يحاجيني حاولت اتلافى بشكل تـام هوَ هم فتح الثلاجة صُفن شوية سدها وراح

لليل جنـة كاعدين خابروا ع جَدو

جبُر
هَسـة يا مجبل يا خوية كتلك بعدهي الفرخة صغيرة

مجبِل
ويـن صغيرة شيخ ترة البت راح تصير ثاني جامعـة و الولد هم دكتور و انة ردتلة بنية واصلة وبنفس الوقت بت اصول وصارتلي الفرصة حتى اخذ منكم

جبُر
نصيبكم مو يمنـة مِجبِل خوية، البت بعدهي حتى صدمة وفاة ابوها ما متقبلتها

سُراج بهمس
شهل لزكة هـاي عود ماكو هجي ملحّة

مجبِل
شيخ جبُر جبت عمرك وياي تكلي ماعدي بنات و اولاد عمهن حاجزيهن هايّ هسة مني حاجزها

جبُر
والله يا مجبِل اجذب اعليك اذا اكلك محجوزة بس هاي البت من ريحة ابوها

من شفت هَيج جدو ملامحة ارتخن خفت واشرتلـة ب انُ لا

شَمس
بيبي ترة مُستحيل لا تفكرون بهيج شي

صالحة
بيبي هاي قسمة ما تتفوت ترة مو لانه يخصني بس شايفة حمودي شني يخبل وعلي وهو دكتور ٥ طب عام

شَمس
يا بيبي انتِ صدُك تحجين وشعلية بي اني ماريد

سـدة جدو من عندة

سُراج
شني سالفة شهل لزكة عود

جبُر
والله انتم لو ترجعـون للمنطق هوَ حگة

زَعيم
لا بالله حگة حجي مجبِل من يوم الوعيت ع الدنيـا وهوَ يمشي ويصيح شيخ جبُر اطلبك مـرة نريد نزيد النسِب بيناتنة

جبُر
اها، وانة اضل اتحجج الة هاي حاجزها هذا وهاي حاجزها هذا هسة اعلى شمِس عنبل

صالحة
وهسة شبي ابنة لابن اخوي وعلي كامل مكمل

زَعيم
محمَد مو؟ والله للامانة ملتقي بي انة الولد خلوق حَيل ومتواضع الولد

صالحة
ايّ والله حباب وهمة عدهم خير من الله، وانة يمة شمس بيت اهلي اولاد اخواني و اولادهم كلهم واصلين

شَمس
بيبي انتِ شبيج هوَ اني عليكم وبعدني ما متعودة كلش نوب ع ناس غُربة؟ لهل درجة!!

حجيتها واني وجهي صـاير نار من القهر والعَصبية الي بية

جبُر
لا جَدي هاهي عوفيها واذا الله كاتبلكم نصيب فَ موهسة بعدين

شَمس
لا هسة ولا بعدين جدو ماريد اني

صالحة
ولج يُمة شبيج هيَ هاي سِنة الحياة المرة لبيت رجلها والقيمة الزينة تجيلها مرة بالعمر

شَمس
بيبي حبابة لا تلحين علية

جبُر
هاهيّ اسكتوا سدوا موضوع

سدوا الموضوع حَسيت روحي مفورة من العَصبية، كتلهم صاعدة انام لحد يكعدني

صالحة
لا تنامين بدون عِشا يُمة ما يصلح

شَمس
بيبي والله دايخة راح انام

صعدت لفوگ جنت منفسّة حيل، حاجاني محمَد رديت عليّ سولفتلة ع الي صـار، اتخبل من الغيـرة لمّن كتلة هَيج صـار، وضل بس يغلط عليهُم ويكول مُستحيل

محمَد
شَمس اني بس اخلي الوضع يهدئ واجي اني اخطبج ماعليج مُستحيل اخليج لغيري مُستحيل

شَمس
هههه دحتـار برسُل هسة انتَ

محمَد
شمسي لا تغارين ماكو مُقارنة بين حُبي لرسُل وحُبي الج انتِ غير والله غير مُستحيل انساج شَمس مُستحيل

ضل يحجي ويعبرلي واني احس ولاشي يطُب لعقلي وما مستوعبة شي بس ليش داحاجي مادري

عفتـة يكتب وخليت ونمت كعدت الساعة بـ ٣ بليل
جِنت تعبانة ونعسـانة بنفس الوقت
واحس روحي دايخة حيل من النوم
وبنفس الوقت كلش جوعانـة

رديت ع محمَد بـ ها، ماجنت ادري انُ هوَ كاعِد راسًا دزلي
محمَد
تكدرين اخابر؟

كتلة اوكي
خابرنـي ضل يحجي كتلة خلي اريد انزل اكُل كلي ضلي وياي ضليت ع الخَط ونزلت واحجي ع كيفي محد جان موجود والبيت هااادئ، الصالة اضويتها مسدودة، وبس اضوية هادئة صفرة مفتوحة خافتة، شفت اكو بطانية عَ تخُم صُفنت هـاي المن يجوز واحد من الولد نازل وراجع صاعد

شَمس
ايّ محمَد كمل

حجيت هَيج ورحت للمطبخ داسوي بالاكِل واحجي

- ايّ
- صحيح
- محمَد مادري
- ماعرُف بس تعبانة

داحجي وماحِس إلا الموبايل انوخذ مني بسرعة، اني هنانة اتشاهدت على روحي وعرفت هـاي المرة مُستحيل انفذ منها

سُراج
لـج شَمسسسسسسسس

مادريت بي شلـون اجة ويمتى، اخذ الموبايل بسـرعة يمي و وكف كدامي، باوعتلة عيونـة ينبضن من العَصبية و وجهة كلة احمَر ماحس الا ركعني راشدي بكل قوتـة ولزمني من شعَري حيل وجرة لورة

سُراج
انتِ شني من بَشر شني !!!

محمَد راسًا غلق الاتصال دزلة بَصمة وكالة
سُراج
حضر روحك حيووووووان اليوم موووتك على ايدي والله

اندار الية واني لازمة خَدي واحس خَدي صار ناررر من الضربة

سُراج
تعــاي لج حيوانة تعـااااي

ماحس الا جرني بكل قوتة لبـرة وطلعني عيوني جانت تبجي بهدوء ماكدرت احجي بصوت عالي خاف احد يسمع

ماتجرأت احجي كلمة واساسًا ماعندي كلام احجي، جرني من ايدي بقوة واتجهنـة للديوان وهوَ يردد

سُراج
والله لـ اليوم اريد اشرب من دمكم والله
اليوم موتج ع ايدي يـا شمس اليوم موتج ع ايدي
اريد اعرف شنـو هل جرأة الي عندج
شمربين بنات احنـة لو .......

وصلنة للديوان شمرني بسـرعة للگاع طحت ع وجهي سد الباب و دنگ لمستواي لزم فكي وشال راسي حيل الـة

سُراج
ولج انتِ شنوووووو هل صلافة !!!
شلونننن تتجرأين تسوين هجي شي ولج انتِ شني فهميني انتِ شنيييييي

كال هَيج وهوَ يعصر بفكي حَيل ونهى كلامـة بضربة ثانية على خَدي بكل قوتة

كام عني وهوَ يحاول يفتح الموبايل

سُراج
وانة اكول هل ايام شبيها كالبة وجهة ولج تعبررررر علية شَمس تعبرررر علية سوالفج ادري بيج والله ادري بيج بس كلت بطلت تابت بس ابو طبع مايغير طبعة افتحيليا

هزيت راسي بـ لا واني جنت اشهگ بالبجي وشعري مغطي كل وجهي

وخر شعري بـ عُنف وافتراسية ولزم وجهي بكل قوة وصـار يخُضة ويحجي

وجهة حُمر ونظراتة كِلها تخـوف نطق كلامة وهوَ صاك بـ سنونة حيل

سُراج
ولج وعلي هسة اكتلج هنانة ومايرفلي جفِن عليج افتحي الموبايل لا اكسرة فووووووووك راسج هسة افتحيييييي

هَزيت راسي بـ لا بخوف واني احاول اوخر منة

حط ايـدة ع ركبتي حاوطهـا حَيل وكام يباوعلي بنطرات ولا كانهُ سُراج كدامي

سُراج
و الله و الله اموتتتتتج بيدي هَسة
وجفن مااااايرفعلي تعرفييييييين شني جفن ما يرفلي افتحي افتحيييي لا اموتج

زاد بجيي واحس روحي اختنكت
وخر ايدة من رگبتي وصاح بصوت عالي

سُراج
لاخر مرة اكلج افتحي لااااااخر مرة

صاح بصوت عـالي وهوَ صام ايدي ويباوعلي ضل يضرب ع راسي حيل ويكلي

سُراج
عقلج هذا ماجاااااي يستوعبني جاااااي اكلج افتحييييييي

نكزت من صوتـة وكُلشي بية خاف راسًا كمت اردد وبـ صوت خايف ويرجِف الرمز

فتحـة وصار يقرة الرسائل واني اتلملت بيني وبين نفسي وصرت ابجي، اذا وصلت لجدو شراح يسوي !! لا مُستحيل يوصلهـا

سُراج
انة هممممم انتِ همممم بت الكلب انتِ همممممم تحبيييي؟؟؟؟؟ والله الصوج موبيج الصوج بعمي الماعرف يربيج الصوج بي الماعرف يعلمج ماتتلاعبين هجي الصوج بي
ماريد ماريددد حتى اكمل قرفكم ماريد

ولج نفسي كام تلعب منج يشهد الله، يشهد الله علية صرت اشوفج وحدة عااااااااهرة، ايّ لهدرررررجة والله لهلدرجة واكثررر بعد اكثرررررر

ولج ولد متزوج وعدة بت وابـنة بالطريق شني تحسين بشني تفكرين وانتِ هجي تسويننننن، ردعناج مررررة ثنيننن ثلاثةةة ومستمرررررررة مستمرررررة لو شني ؟؟؟؟؟

تردين تتزوجي مووو ؟ هاهيّ ولا يهمـج يجي ياخذج وتتتحمليـن الذل والاهانة، انة رايح وجَدي هسة يدري ب كل الي صاير من ورى وبساعتها هوَ يمة الجواب

لو يكتلج ويخلصنة من عـارج، لو يزوجج ويستر اعليج

من كال هجي رفعت عيوني بفزع اريد احاجي و وجهي جان مخنوگ من البجي، اول ماشاف وجهي نفس الاسد الي شاف فريستة اجاني بسرعة وضربني ع وجهي

سُراج
ماريد اشوف وجهج مارررريد اشوفة قررررقان منج قررررفان، حجاية وحدة ماريد احاجيج بيها جَدي اليحاجيج يا حُثالة

كال هجي وخلة وطلع ...
احس اخذ روحي بطلعتـة هاي، رحت بسرعة الة يم الباب ودنكت ع رجلي واني ابجي واشهگ

شَمس
لا سُراج لا الله يخليك لا حباب لاااا، لايدري جدو حباب

سُراج
وخرررري عن رجلي جااااي اكلج وخررررري

شَمس
سُراج الله يخليك الله يخليك لا

سُراج
ولجج ٣ مرات نبهتج ٣
علي اتدخل امير اتدخل الكائنات تدخلت انة فوك راسج وكل احنة وماصرنة بعينج ولا انرديتي وتردين هسة اسكتلج والله لو اموت

شَمس
سُراج بروح زينبببببب لااا بروح زينبب

كتلة هَيج واني اترجـآ وابجي باوعلي بكتم للعَصبية اخذ نفس وكانهُ صدرة جان يرجف باوع للسمـا ورجع دنگلي

سُراج
كومي طب للديوان كومي

باوعتلة بخـوف عاط بية

سُراج
جاااااي اكلج كوووومي

كمت بخـوف ودخلت للديـوان، طَب وراي سد الباب وباوعلي

سُراج
زيـن هَسة انة اريد اروح واكتلة، اكتلة وافضحج ويـا لو شني ؟ زيـن هل هوى جاي يبتزج؟ جـاي يجبرج !!! لووو برضاتج جاي ترحيلة برررررضاتج !!!

شَمس انتِ شني ؟ شني من داخل
لا والله احجيلي
انة جــاااااد ترة جااااااد احجيلي انتِ شني خل اعرف من يا صنف؟
هل ياترى انتِ صنفج هيج؟
صنف ملاعب و رخُص ؟

من كال هيج كمت اهز راسي وابجي

سُراج
لاا تكليلي لاااا لا تكليلييييي انة اريد اشوف اريد اعرف انتِ شني وليش تسويننننن هيج ليششش !!

تقدم الي واني ارجَع لورة بخــوف استوقفني الحَايط وكف كدامي والمسافة الي تفصلنة حَيل قليلة

سُراج
احجيلي ليش رديتي عليّ، بعدج تحبي ؟؟؟

هزيت راسي بـ لا

سُراج
للااااااا تخبليني لااااا تكولين لا جاااا ليششش، ليششش رديتي عليّ هااا ليشششش

احجي انطقي لا تتخورسين احجيي

شَمس
مادري والله مادري مادري
من صعدت من يمك جنت ضايجة وحاجاني ورديت

سُراج
شَمس انتِ متخيلة شسويتي لو لا
ولـج اني الي احجي ع الي يضربوننن تخليني اضررررربج !
بسبببج تفهمين شنيي بسببج، بسببج سويت كل هذا نبهتج مرة وثنين وثلاثة تسوين ليششش ماتخافين انتِ لو شني بس اردفهم!!!

بس الصوج بية والله انة الرخيتلج الحَبل من اول مرة انة الصوج بية

شَمس
والله ماسويها بعَد والموبايل اخذة ماريدة بس حباب لتكول لجدو حباب

سُراج
ماكلة شلوننننن سلونننننن جا شلون تنردين هـاااا شلون تنردينننننن

شَمس
والله ماسويها بعَد والله سُراج

سُراج
انة رايح لهل حيوان هذا مو تردي ؟ خل يجي يخطب يگبع وياخذ وها اها يلة ارتاحي راح تصيرين الة، صيري على شرِج وخل يطلع حليب امج من خشمج ومن بعدهـا يهفج بميت نعال ويوديج النة انة متاكد من هسناريو، بس عاد ترجعيلنة وعينج مكسورة مو گوية هجي

من حجـة هيج وتخيلت وي كلامة احس جسمي كام يرجف وخفت
شَمس
لا والله لا، لا سُراج الله عليك ماريدة حباب لا

سُراج
ماتردي موووو ماترديييي

لزم ايدي من جهة زَندي وطبع اصابعة بقـوة علية
سُراج
اذا ماتردي ليشششش جاي تحاجييي ليشششش شمقصرين احنة ويـاج كليلييي شو جَدي مدللج دلال ومحد يكلج اعلى عينج حاجب حتى نكول ونتحجج الج بـ رايدة حنان من بعد ابوها مني مقصر وياج بس فهميني منيييييي

ماجان يطلع صوت مني غير صوت شهگاتي

سُراج
ضلي هنا ضلي وحسابي ويـاج ماكمل

شَمس
ويـن رايح سُراج

جاوبتة بخوف باوعلي وصاح بعلوا صوتـة
سُراج
وانتِ شدخلج؟؟؟؟ تاكليـن خرة وتسكتين وتكعدين هنانة حرف ماريد فهمتيي

يحجي وياي بـ اسلوب يخليني اكره روحي للحظة راح وقفل باب الديـوان علية كعدت ابجي والوم بروحي شلون سمحت لروحي احاجي

كُلة بسببة عيشني تلخبُط بمشاعري وبكُلشي
الله يلعنك سُراج الله يلعنك حتى نفسي خليتني ما اعرفهـا شتريد

ضليت كاعدة بمكاني وابجي بقوتي، احس روحي تعبت وبعد مابيهـا ابَد

مضت ساعة ونُص تقريبًا وهوَ ماكـو، سمعت صوت الاذان جـاي يصيح

كعدت اندعي مـا يكون صاير شي، سِجدت ع الكاع واني ع نفس بجيتي واحجي

يـارب بس هاي المرة يارب سامحني عليها

سمعت صوت الباب وهوَ ينفتح، فزيت مرعوبة باوعتلة بخوف ورجعت لــورة

وكف كدامي وهوَ يغلي مثل البركان، عيونة مشتعلة نـار وتجـدح وكأنها تكدر تحرُق المكان باكملة. عروگة نافرة بوجهه ورگُبتة، وجانت بارزة مثل سيوف مشدودة، وملامحه كلها مكبوسة غضب، جبينه مجعص، حنكة مشدود، وإيده ترجِل من قوة العصبية.

من شفت حالتها هَيج خفت ازيد وماكدرت اسيطُر ع رجـفة ايدي باوعلها ورجع باوعلي

سُراج
شربحتي هَسة؟ مو خسرتي وخسرتيني ويـاج
حَضري روحج هل اسبوع يجي هل كوا. يخُطبج وتزوجين وتخلصينـا من شرِج ..

من گال هَيج احسة صدمني. باوعتلة واني منتظرتة يحجي شي ثاني، يكول لا، يكول اشاقة بس حجية جان جِدي

كمت وكفت كدامة واني ابجي وكتلة
شَمس
الله عليك سُراج؟ الله عليك

سُراج
ههه جا شتردين؟ تردين تنفدين منها عادي ؟ تردي اخليج تكود.ن ويـا ؟ اشدلي كرون لو شني
هاهي التردينة راح يصيرلج
هوَ ربج كالها ( الخبيثـون للخبيثات )
ف اكليها

تقربت من يمـة واني ابجي واحجي
شَمس
لا سُراج حباب لا تعاقبني هل شكل لااا

سُراج
جـا انتِ تحجين ويا شتردين متكليلي شتردين
لو ما ابـو خوش رجال جان اجة وسوى ما سوى بس ابو خوش رجال بس للاسف الخلفة عايبة انّ جان انتِ او هوَ بس بختج بـ ابو وهوَ هم فرخ بسرعة يضم راسة فَ ماراح تنفضحين
وخري وخري لا تدنين يمي ماريد اشوف خلقتج كدامي انقرف والله انقررررررف

حَتى اخوي سَجاد يجوز مو ل الله عـلاقتج ويا الله اعلم شني الي ب بالج

من گال هَيج احس كلبي انطعن بسجينة، حاولت احجي ماكدرت، جان منطيني گفـا ماكدرت احجي شي مع كثرة الكلام الي تزاحم براسي

عفت السَفينـة تُغرگ لان الامواج بسببي اعتلت ودرت وجهي ورحت واني نفس المَيتـة وصلت للباب واجاني صوتـة

سُراج
جربـي تفكرين تتهربين مني لان ماراح تكدرين، ديري بالج تحاوليـن تنتحرين وديري بالج ترُفضين ايّ شي اكولة انة، راح تلكيني حاضر فوك راسج، ألاحگج بنَفَسج قبل ما يطلع حَتى، وكل وجع تدورينه راح أعيشجيا غصـب، ماكو مهرب مني
انة انة وانتِ انتِ يـا شَمس ..

كال هَيج بحدية وهوَ يباوع للحايط باوعتلة بـ انكسار وجاوبتة بهدوئي الي عّمني من كلامة الاخير قبل نُطقة لهل جُملة

شَمس
هوَ اني متت بعد مايهمني ايّ شي تسوي ..

كلت هَيج وخليت وطلعت طلع وراي بهدوء ماكال ايّ شي شافني صعَدت للغرُفة انداريت حَتى اشوف بعـدة موجود او لا

لكيتة واكف يم غُرفتة ويباوعلي منتظرني اطُب
باوعتلـة دار وجهة عَني بسرعة
اتذكرت من كالي قرفت منج، دمعتي نزلت بـدون ماحس وطبيت بسرعة للغرفة

من أوّل ما طبّيت للغرفة حسّيت روحي بدت تختتك، وكأن الجدران ضاقت علية وصارت على صَدري. وكفت كدام المراية وصرت اباوع لروحي، عيوني متورّمة من الدموع اللي ما لحگت تنشف حَتى، و وجهي كُلة احمر بس الاكثر حمار اصابعة الي مطبوعة على ثنين خدودي

باوعت لـ ايدي جنت لابسة تراك نُص ردن اصابعة مخليات المنطقة حَمرة دم

غمضت عيوني وصرت اتخيل صوتة وهوَ يكُلي حتى سَجاد الله اعلم شنو نيتج ويا، ومن يكلي عمي مارباج الصوج بي، صوتة جان مثل سكين تنغرز وتنكسر جوّاي.

رجعن اتذكرت لمّن كالي ( الخبيثون للخبيثات) الكلمة ما غادرت أذني ولا كدرت أتخطاها..

گعدت عالسرير وصرت احس نفسي غَريبـة بمكاني، الحزن جان أكبر من دموعي، حَسيت اريد اعيط حتى اعبر عن ألمي الي اني بي، وعيوني جانت منتظرة ايّ مُعجزة تصير وتنقذني من الي اني بي

ماكدرت انـام ابد، ضليت كاعدة وابجي، تكلبت بمكاني حاولت اهدئ بي الافكار ما خلتني والخوف اجتاحني

حَسيت روحي اختتكت وبعد ماتحملت، اريد بس حُضن يلمني ويآويني من الي اني بي

فكرت بـ بيبي كلت خل انزل يمهـا، جـانت الساعة قريبة للـ ٦ الصُبح فتحت الباب ونزلت وتقدمت خطوات

شفت سُراج فتح باب غُرفتة وطلع، شكلة جان حيل تعبـان ومبين سهران ومو نايم اول ما شافني فتح عيونة حَيل وتقدملي بعصبية

سُراج
ويـن تردين ترحين

شَمس
والله ردت اروح لبيبي

سُراج
ل بيبي موووو

شَمس
والله ل بيبي والله

سُراج
ليش تردين ترحيلها

شَمس
مادري بس اريدها
كلت هّيج وشهگت بالبجي، دار وجهة وتنفس بغضب

سُراج
روحي لغرفتج بسرعة شّمس

شَمس
والله اريد اروح لبيبي والله ماكول الها شَي

سُراج
اسكتي وطبي من بعد شينـج تگوين بعينج

شَمس
سُراج ترة حرامممم عليك اني مو اول وحدة احب نسيت انتَ شلون حبيت زَينب تررررة حالك من حالي

حجيت هيج وعليت صوتي شوية ماحس الا سُفطني ع الحايط بسرعة وحط ايدة ع حلكي

سُراج
ولج لسانج هذااااا لا يجيبها بالطارييييي
تردين تقارنين روحج وياهة؟؟؟
تردين تجيبين زينب الج و الة !!
جان استحيتي اعلى روحج من حاولتي تقارنين بيناتجن
زينب عَفيفة خجولة محترمة انتِ شنوووووو ها
انتِ شني كولي

هوَ يحجي واني اكره بروحي اكثر احس طاقتي اُستنزفت وبعد ماكدررر اسوي ايّ شي

ضليت بس ابجي واباوعلة، ركز بعيوني لثواني وعافني

سُراج
يلة كدامي بسرعة، بسرعة لغرفتج

شَمس
الله ياخذني، الله ياخذني ويخلصك مني

سُراج
لا تمسلتين زايد امشي بدون حجي

خَليت ورجعت للغرفة واني بقمة تعاستي ضليت كاعدة ابجي وخايفة خـايفة لا فعلاً يزوجنيـاه خايفة لا كُلشي يتحطم بلحظة

من صارت صدُك احس تراجعت، لا ماكدر رسُل و اولادة واهلة مُستحيل اكدر مُستحيل، اصلاً بمحمَد كُلة ما اثق ولا اكدر اثُق

ماكدرت انام ولا اجاني نـوم ابد
ضليت افكر سُراج كالي ابو خوش انسان يعني اكيد حجوا سوا واكيد ماراح يضل بـس هوَ يحجي ويـا، اكيد راح يحجي وي واحد من الولد، شكد راح يكون ردهُم موحلو الله ياخذج شَمس الله ياخذج على فعلتج هـاي

لـ ١٠ تقريبًا احس انتهيت بين الجوع بين العطَش بين التعب والنُعاس وعيوني مترضى تاخذ نوم وبين البجي كعدت سيوف شافتني انصدمت وضلت تسألني شبيج وشلون كتلها تعبانة ومداكدر انـام

نازلة سيوف مسولفة لـ بيبي وجدو وضلوا يلحون انُ انزل، حاولت امسح دموعي امشط شعري و ابدل بس شكلي جان حَيل واضح عليّ كُلشي

ماجان اكو احد بالبيت من الولد اول ماشفت بيبي ضليت حاضنتها وابجي وهيَ مستغربـة انخبصوا بية وحاولوا يفتهمون مني ايّ شي

ضليت اكلهُم تذكرت بابا وماكدرت انـام
بيني وبين نفسي قرفت من نفسي وي سُراج
ياريت لو جنت فعلاً مذكرة بابا وباجية مو منزلة راسة هيج

ضلوا يحجون علية ويكلولي استهدي برحمٰن ومَدري شنو بس كُب كلامهم ماكدر يطمني ولو شويـة

طبينة للغرفة اني وبيبي حاولت انـام ماكدر ضلت تُقرة ع راسي ايات قرانية هديت شوية بس ماكدرت انام

للظهر تقريبًا كلتلي بيبي كومي اسبحي وتغدي بلكت تتعبين وتنامين بس اني مجنت اريد اسوي ايّ شي ع كد ما تعبانة

ضليت كاعدة بمكاني وماسوي ايّ شي، اجـة سَجاد بساعتها تلافيتة بشكِل حيل واضح حتى هوَ لاحظة

كلتلي بيبي راح نوصيلج سُراج على بروفين لان امير كايللهُم كتلها ماريد كالت خابروا

بهـل اثناء اجـة سُراج من الدوام، شفتة طب للغُرفة باوعتلة ما يباوعلي اساسًا

سلم ع بيبي وبيبي تحاجي
صالحة
يُمة مدري شبيها مدري مصيوبة عين مدري مخروعة مدري مريضة البت بس تبجي حتى مانامت

تقدم الي وانطاني حب باوعتلة بندول ( حب وجع راس )
سُراج بهمس
ميحتاج تتعايرين وتجذبين انتباه وتدللين زايد اخذي وانجبي

باوعتلة ودمعتي نزلت
سُراج
هه
استهزء ودار وجهة وراح

اتذكرت قَبل وشلـون يفزع برعُب من يشوفني متأذية عرفت بساعتها انّي خسرت نظرتة علية

بيبي كلتلي اخذي العـلاج بلكت ينومج حسبالها جايبلي ڤاليوم كتلها ايّ وشربتة

حاولت انام ماكدرت ابـد واحس راسي صـار طبول اكثر، للمُغرب تقريبًا بيبي عافتني ع أمل انام شوي
شوي وطلعت جـنت مسطورة سَطر ومو گادرة انام ابد

اتفحص وجه جدو اتفحص وجوه الولد
متأكدة يكلهُم متاكدة راح يكون بهل حقـارة هاي

باوعت الوجوه طبيعية ويـاي ونفس العادة كعدت بين جدو وبيبي شوية واحس الدنيـا جاي تدور داير مدايري

جبُر
بوية شتحسين شبيج

شَمس
جدو مادري بس نفسي جاي تلعب ودوخة موطبيعية عدي

جبُر
ولك سُراج ماتشوف بت عمك شبيهـا ؟!
خاف مريضة شو شني شبيك اليوم مغندب اعلينا

سُراج
جدي ترة مابيها شي لان مانايمة هجي صاير بيها ماكو داعي تكبرون موضوعها وتسوها محور كون هل بيت شني ما نتمرض ما يصير بينة شي شو كلساع صايرلنة شي بس نسكت الا هيَ تعظمون سالفتها تكلك شني

حَسن
يااااا مـكسور الركبة شهل كلام التعبان والبذيء الي نفسك ماتستحي اعلى طولك انتَ تغار من بت عمرهة ١٩ سنة

جبُر
لا وحگ ابو فاضِل هذا ولا صاحي

سُراج
ايّ مو صاحي مو صاحي
اغار ع شني اغار ؟؟  غير عدها شي الي يخليني اغار منة عيب بوية عيب لا تكول هجي علية

صـارت بيناتهُم وسُراج جان حَيل عصبي حَيل

سُراج
انة اغار منها على شني على شني
جاي اكلكم البت جاي تطوها اكثر من لازم اهتمام
اهتمام ما الة ايّ داعي

سَجاد
وهسة انتَ ليشش منفعل ليششش كال هجي وخاف اعليها شني يعني انتَ شضرك

سُراج
مو ركبتنـا من ورة دلالة الهـا ركبتنـا

جبُر
ولكككك سراج لا تخليني هسة انسى عمرك واهينك وحگ علي الكرار

سُراج
انتَ مو كادر غير بس اعلى سُراج يا سُراج يا قندررررة
وهيَ محد يكلها شي

زَعيم
سُراج كافي ترة الجاي تسوي عيب وحگ ربك عيب شني سالفة ترة سيوف ما تسوي سوايتك
هم سيوف لو مسويتها نكول ميخالف تغار منها انتَ شني عذرك

سَجاد
لا مصخها زايد ساعة هجي وساعة هجي ما عرفنـاه شيريد حَتى

امير
مايصير كافي سُراج البت مريضة صدك هاي انتَ الواعي والدارس غير ستوها طالعة من مُصيبة طبعًا هجي تصير صحتها ركيكة

حجوا عليّ كلهم ماضل واحد ماحجة ضدة خصوصًا عمي حَسن وجدو وبيبي وسَجاد انهاروا عليّ

ضل يباوعلي ويريد يحجي، الحجي يصير ع طرف لسانة بس يسكت، ضليت منتظرة ع ايّ لحظة يحجي سُراج وقررت باللحظة الي يحجي بيها اكتل روحي واخلص من عندي ب ايَ طريقة جانت

اندار الي بعَصبية وگالي
سُراج
ارتاحيتي هَسة ارتاحيتي ؟؟؟؟

دموعي جـانت تنزل بهدوء بهل لحظة هـاي ماحس الا عمي حَسن اجـآ وضربة راشدي

حسَن
لا يـاااااا عايب يـا ابن العايب
تففففف اعلى هجي خلفـة عايبة، تحط گورها وي گور بت يتيمة مالها غير الله وهمة، هاي بـ بدال ما تسندها وتكون وياها والله انّك عايب واعتف انّي ماعرفت اربي زين

كال هَيج واني انصدمت سُراج ضل واكف ويباوع لابـو بغضب و الولد وعمي حَسين جانوا يحاولون يسكتون عمي حَسن
بس عمي حَسن جـان عصبي حيل

ماكو لحظات وطلع سُراج بـسرعة وجدو ضل يصيح ورا
جبُر
درب يسِد مـا يرد يـا حقير
من ماتت زِينب لحد هسة وهوَ متخبللل
خبالك اعلى روحك لك حيوان
مو اعلى بتي

وسُراج يصيح
من يوم الطبتلنة لسـة ماشفنة غير التعاسة العـار تجيبلكُميا هاااااي العارررر

من كال هجي طلع عمي بسرعة و الولد لحكوا سُراج واكف ب باب المطبخ وعمي واكف ويهـادد عليّ وكوة زَعيم وعلي لازمي

هيَ صـارت هجي و جدي راح فوكاهم وكام يصيح

جبُر
سولي طريق ميل ميلللل خل اكسر راسة لهل عار هذااا ميل ولك منية عارررر منية تجيب النـة العار هاااا
ماغيرك عارررر

حَسيت بجسمي كام يرجِف من الخـوف ومن المنظر الي داشوفة كدامي رجلية ضلن يرجفن وجسمي كلة صار يرجف مرة وحدة ماتحملت تضل واكفة وطحت بسـرعة ع التخم

بيبي صار تصيح
ولكم ماتت البت ماتت

اجـة جَدي وعمي حَسين يهدون بية ويكلولي خل يولي و الولد كلهُم ورة سُراج راحـوا

جابتلي مي سيوف اول ما لزمتة طاح وانكسر من ايدي كد ما ايدي جانت ترجف

ضَليت ابجي بصوت عالي ع انكسـارة ودنكت للكاع واني متهسترة بالبجي واعيط
جدو والله مادري مادري و وكع من ايدي

جَدي صار عصبي حيل وصار يصيح
جبُر
خلة بالبت خرعة ولكم خلة بيها خرعة
ارد افهم شبي شاد هجي وياهة شبي

طب سَجاد بهل اثناء شافني وهم ضل يحجي وياي واني مستمرة ع رجفتي، رجفة جسمي كلهة جانت غير اعتيادية

رادوا ياخذوني للمُستشفى كلتلهُم بس اريد انـام طبيت لغرفة وبهل اثنـاء احس ماتحملت وحيلي كلة انهد و وكعِت ..

جنت احس بـ اصواتهم داير مدايري بس احس روحي مو كادرة احرك شي مني ولا افتح عيوني

يحاجوني اذا اني زينة اهز الهُم راسي، شوية وحسيت روحي انتهيت من النعُاس ونمت

ماكعدت غير ثاني يوم جنت بغرفة بيبي
صرت افكـر بسُراج وشلـون ضل ساكت ومتحمل الحجي وما حجة

مادري شنو صار بعدهي ياترى حجة او لا؟
و وينـة هوّ هسة

جنت خجلانة حَيل منهُم لان المُشكلة صارت بسببي طلعت يمهُم والكل جـان يحجي ع سُراج حتى امة تكول متخبل الولد

همة يحجـون عليّ واني بداخلي نار تحركني، ادري بكُلشي وادري انُ لو احد بمكانة جان حجة من اول مرة وماضل متحمل علية هلكد وبكُل بساطة خبث علية يم جَدو

مـر اكثر من اسبوع كامل، اني جنت نفس الجثة الهادمة، وسُراج ماجة للبيت ابد، وجدو جـان بس يحجي عليّ

ضلوا الولد يهدون بالوضع ويحاولون يصلحـون بالوضع قَدر الامكان

سالفة محمَد والخطوبة من بعد الي صار عرفتها مُجرد تخويف من سُراج الي لان مبين هوَ مو من نوع الي يتصرف بهـاي العشوائية

صحتي جـانت بالنازل لان اكلي حَيل قّل وجنت يادوب انقِش بالاكِل

يوم من الايام سمعت للولد بالغلط انُ هُمّ يحجـون
علي
سُراج قافل يكول اعلى موتي اطب للبيت، شني انة صغير ويضربني

سَجاد
هوَ قافل اعلى شمس قافل اعليها

علي
تدري انة بالبداية عبالي يحبها وهجي حاط بالة وياهة

سَجاد
ماتسكت علي شيحبها

علي
لا اعلى هجي تمسلت وين الحُب

امير
سُراج ضال مجلب بموقف من زمان ولازك اعليّ

سَجاد
شكو شصاير شني من موقف

علي
هجي مرة مراددتة شمس وهوَ منبوز منها

سَجاد
زين هسة يضل هجي ابيتك شني حلتلة الكعدة

علي
لا وين حاليتلة الكعدة حيل معصب ومنفس ٢٤ ساعة

امير
سيارتي عدة يومية ونازل بيها للدراك وماكدر احاجي حتى
كلت اذا اكلة سيارتي مو رياضية لا شو شيصير بيها حتى انة يطبكني وي جدي وعمي

علي
لا هسة هوَ هادي شوية بس يكول مارجع يريدهم همّ اليطيحون اعليّ الكوا.

امير
احنة نقنعة ماعليكم

بصدفة سمعتهُم يحجـون بالصالة واني جنت بغرفة بيبي
تنهدت واحس نفسي اني المسؤولة عن كُلشي صـار ولازم اكفر عن الذنب الي سويتـة كافي كبرياء وكافي سكوت الي سويتـة جان كافي لحد الان فَ احسن شي احاجي اني

بيومها قررت احاجي بس المُشكلة موبايل ماعندي وايبادي مابي ايّ تطبيق وماكدر انزل تطبيقات

انتظرت لليل لمن الكُل نـام اخذت موبايل بيبي وراسلتة

شَمس
سُراج موجود ؟

بنفس اللحظة رّد
سُراج
ها يُمة ها حبيبتي خيرج ليش كاعدة لهل وقت !

حسيت روحي ترددت، بس بنفس الوقت جنت مُصرة، اخذت نفس وكتبت
شَمس
اني شَمس

بس كتبت هَيج صار صمت
شوية وكتب
سُراج
ليش موبايل امي بـ ايدج؟
ضل البيت لمطيرة طارت بي فرد طيرة؟؟؟
لو شني !

شَس
سُراج اريد احاجيك بس افهمني الله يخليك جَد اني غبية اعترف اني غبية ومافتهم بس والله كُلشي جان بدون قصد وبهاي الفتـرة اني تلافيتة موبس بالوجه حَتى بال رسائل وكلشي والله العظيم بس بلحظة من صارت بينة صعدت وجنت حيل ضايجة ضايجة بشكل موطبيعي ومن راسلني جاوبتـة لان جنت احس بنقص مادري شنو ولا اعرف شلون اوصفة بس والله العظيم ماجنت اقصد رجعة والله صدكني واذا تريد شوف رسائلي ويـا وشوفني شلون جِنت احاجي والله جنت احاجي ب برود تـام

الله عليك سُراج ماريد كُل هاي المشاكل تصيـر بسببي ارجع للبيت بيبي متمرمرة عليك، وحتى علاوي مشتاقلك اني اسفة والله اسفة

ادري الاسف مايفيد بس والله ماعيدها بعد وحتى الكلية اذا تريد انقلني منها شتسوي سوي بـس لا تسوي هيج بروح زَينب

كتبت هَيج ضل يشوف برسائل ومايرد ابد

شَمس
سُراج متندمة، ماسويها بعَد صدك كافي

شفتة يكتب كلبي ضل يخفُق شوية ودز
سُراج
اني راجِع لبيت اهلي ان مو اليوم باجُر، خافي اعلى روحج انتِ
السالفة الي كتلج اعليها ترة قيد التنفيذ
على ساعة تصير حضري روحج

حجة هَيج واحس كلبي انوخذ بعدني مارادة عليّ شفتة حضرني دموعي كام تنزل
يعني لهل درجة صـار يكرهني ؟

مسحت الرسائل وعفت الموبايل
مادري بـ شنو جاي يفكر بالضبُط بس شيصير خل يصيـر

اليوم الثانـي جانوا كلهُم بالدوامـات وكاعدين كل احنـة للظهر تقريبًا اجـوي الولد، اجـة امير وشكلة جـان عبوس ومثكل علية بشكل موطبيعي ضليت صافنة شبي امير ياترى!

شويـة وگال
امير
اكو شي يخُص شَمس ارد احجي
يُتبع........
________________

روان

انصدمت بوجود سَعدية جوة، كملت مشيي طَبيعي وهيَ طول مـا ع الدرج تباوعلي، مانسى بيوم الي ضربتني وياهِن بـ اخر يوم

ردت اعبرها وامشي بس احس اكو شي منعني

وكفت كدامهـا وكتلها
هلاو سَعدية

ردت ادنى ابوسهـا انصدمت وهيَ تدور وجهة وتكلي بـ غطرسّة
سعيدة
هلة

باوعت واني مصدومة، سعدية لم تعود سعدية
سعيدة صارت سُعاد

حلو ولا يهمج
عفتها ورحت للمطبخ لكيت بي ريوگ اكيد مروان مسوي اكلت وغسلت ورحت يم الحجية سالتها على مروان كلتلي طالع مَشية

باوعت سعدية حطت الغَدة ع النـار وكعدت تنظف بالبيت رُغم هوَ نظيف ومابي ايّ شي

شدت دشداشتها وصـارت تشيل هذا تحطة هنـا والبيت انكلب كلاب

اني ضليت يم الحجية شويـة واجة مروان تنوعتلها جانت صابغة شعرهـا اصفر ومسرحتة وصاير حلو، وسعيدة شكلها بشكل عام يبين محبوب وبشوش

وكفت بالنُص وصاحت
هلا يشمعة بيتي هلا بشيخنـا

وراحتلة تركُض

روان
عمدارررر البانيـة التطبخ وتنفخ

كلت هجي والحجية جـانت نايمة، تنوعت اجـة مروان دنكت راسي ع الموبايل، جنت بعدني بـ سيت النوم ورجلية كلهن طالعات وحاطة رجل على رجل وكاعدة

اجـة كعد كدامي اجت جابتلة ماي واجت

سعدية
اجيبلك شي بعد روحي؟

مروان
ايّ والله رحم الله والديج معدلة سعدية معدلة

رفعت راسي الة واحس الغيـرة ماكلة كلبي اكل
باوعتلة وخزرتة صارت ابتسامة جانبية ع وجهة

سعدية
والله من اجيت لسة بحدي كاعدة انظف

مروان
بس سعدية البيت نظيف شتنظفين

سعدية
لا ميخالف يبعد روحي البيت يتبع راعيتة يكولون وهذا ابويتي قابل منخية اعليّ
خل اروحن احطنلك اكل

هيَ تحجي وانة صافنة، هذا التلوك ابد مو شخصية سعدية، شسواهة هجي مادري

اول ماطلعت تنوعتلة، كاعد ع التخم وجاتف ايد بـ ايد ويتنوعلي

مروان
ايّ مدام

روان
عاجبك الوضع حضرة السُلطـان سُليمان؟

من كتلة هجي ضحك وهز راسـة

مروان
شر البليةِ مايضحك
بوية ترة مو اول ولا اخر واحد يتزوج ثنين شني هيَ

روان
والله حركات الدلع والغنج وهاي السوالف التعبانة ماتمشي وياي تـرة

مروان
لا لتخافين اعدل بيناتجن

يحجي ويباوعلي بمكر، متعمد يغيضني ومتعمد يحركني
بـس اكيد ما ابين الة انُ هوَ يهمني

روان
شعلية روح وين ماتريد ماتلكة نفسي

جان يباوعلي بـ تمعُن من كتلة هجي صُفن عليّ وابتسم، ماحس الا اجة يمي كعد

كمت بـسرعة جرني لحُضنة

روان
وخرررر مروان ترة ماناسية شلون صيحت علية يم الحجية

جان مثبتني بحُضنة وحاط شعري ويشم بي وانة ماعاول اوخر منـة، ماحس الا ع صوت الحجية

فضيلة
ولك مروان خلصت الاماكن

من سمعناه صوتهـا ثنينة نزينـة و وخرنا

مروان
اا حجية عثرت الفرخة عثرت

فضيلة
عثرت بحبك لو شني يُمة

من كد ماستحيت خليت وطلعت، رحت للمطبخ لكيت سعدية جاي تسوي يصينية الاكل

طلعت زلاطة وجاي اسويهـا ماحس الا عاطت

سعدية
عوفي انة اسوي هاي شلون جاي تسوين شهل فـهاوة

حجتها ب اسلوب حيل ناتر ومُستفز
تنوعتلها وانة متعجبة هاي شبيها

جنت اسوي الزلاطة بـ السجينة، رفعت السجينة بوجها وكتلة

روان
اكلج عاد لا تاخذينة بصوت وتسوين هاي سوالف علية وعود انة اسكتلج ومدري شنو ترة والله العظيم العب بيج فلك اذا ما جزتي مني

سعدية
انتِ تلعبين بية فلك بطول زري انتِ

روان
ايّ انة الي بطول زرج العب بيج فلك
تجرين وياي عدل وماعليج بية ماعلية بيج
لا والله وتضلين تعوجين وياي اعوج وياج

مروان
ها ها ها شكوووو خير

سعدية
يبعد روحي والله ما كلتلها شي هي اجتي تصيح اعلية

مروان
بدينا بهاي السوالف
اسمعن انتِ وياها

روان
اكِلك روان لا تسويلي هاي السوالف واسمعي انتِ وياهة ومدري شنو، اني كلتلها مالج علاقة بية مالي علاقة بيج
غير هذا ماعندي

خليت ومشيت بعَصبية
والله يا الله يريد يمشي هاي السوالف مال الضراير والرجال الي يؤمر ونسوانة ينفذن ويخافن منة علية شو دروح شلون الي خلك

مروان
روووووان تعـاي

مارديت عليّ وعفتة ورحِت صعدت، شفتة صعد وراي ويصيح

مروان
انة مو وياج احجي لوشنـووو

روان
يعني والله اذا قرر يسويلي حياتي بهل هيئة اعوفة واروح هوَ انة كوة متحملة شرج نوب اتحملة هوَ علية والله لو اموت

دموعي صـارن بعيوني وانة اتخيل الحياة الي يريد يحطني بيـها مروان طبيت للغرفة سديت الباب خلّة ايدة ع الباب وطب

مروان
عود شني هل تجاهلللل روان صدِك تحجين انتِ
شني ما الي احترام يمـج شوية عاد

درت وجهي الة وعيوني جانن مدمعات وحجيت بعصبية
روان
اكلك مروان من هسة اكلك مرتك اي انة وياك موضدك على عيني وعلى راسي ماكلك شي من كل النواحي انة مالي علاقة بيكم
بس مال تعال تهيني وتدوس على ذيلي وتريدني اسكتلها وعود تجي وثنينة تسكتنة وانتِ اسكتي وانتِ هم اسكتي وهاهي انة مايصرفلي هجي، ماطول هيَ ماتعيل بيـة انة هم ماعيلن بيهة مو هيَ كاعدة من اجت لسة لسانهة هاطولة وتريدني اسكتلها شني مكطمة لو ماعدي لسان و ....

انة احجي وهوَ يباوع لعيوني تقدم الي وانة واكفة واحجي بعدني ما مكملة حَط اصبعة ع شفتي

مروان
اششش

شال ايدة الثانيـة وحط اصبعة ع عيني اليمين
ضغط عليها وگال وهوَ يمسح الدمعة بـ اصبعة

مروان
هاي الدمعة، دمعة غيـرة او شني بالضبط

ففتحت عيوني وتنوعتلة واني احس بثگل اعلى گلبي والكلام صعب يطلع مني شما حاولت احجي

ضل مكابلني و واكف وحاط عيونة بعيوني

مروان
ليش دجلَة والفُرآت مغورگات هجي ؟

ماعرفت شحاجي وشلون اوصفلة شعوري
ردت اروح ضل مچلِب بية

گعد ع الجرباية وگعدني يمـة

مروان
شبيج بوية حاجيني ليش منغاضة كليلي الي بكلبج

بدت دموعي تنزل واتنوعلة ومحتارة شحجي

حضن وجهي وكام يتنوع ب استغراب ويمسح دموعي

مروان
روان والله جاي تقهريني شبيج احجي

روان
مادري مروان مـادري

مروان
ضايجة من وجود سعدية لو شني ؟

روان
موهيج

مروان
جا شني احجيلي ليش تخليني هجي محتام اعليج!

روان
مادري مروان هوَ صحيح انُ انة الثانية و انُ انة الي دخلت وانة جنت راضية وعارفة بالسالفة ورضيت بس احسن كلبي ماراح يتحمل والله احس انة مو بحمل هجي شي ماكدر اشارك ايّ شي الي وي شخُص ثاني واحس انة ما مجبورة اعيش هجي حياة واتحمل واسكت

مروان
روان، انة اعرف شكد كلامج طالع من كلج ومجروح، وانة ما الومج لأن الشعور مو سهل. بس صدگيني، لو ما جان عندي حب صادق الج ماچنت دخلت خطوة وحدة بهلسالفة.

ولا جنت ورطت روحي ويـاج، انتِ غير وادري بيج قنقينة وما تتحاجين ولا تتحملين مونفس نسواني الي عِدي يتحملن هاي سوالف ويسكتن وحتى لو ما سكتن فَ هنّ متعودات على هجي اجواء بس انة اريدج تعرفين شي

انتِ مو مجرد زوجة ثانية ولا شي، انتِ روحي وبيتي، انتِ الي حبيتها وگلبت حياتي، انتِ حُب مروان الاول والاخير لا من بعدج حُب ولا من بعدج عشِگ، يجوز انة اود سعدية بالنهاية هيَ بت معدلة وما شفت منها الا الخير بس ك حُب وعشگ وهيام جان الج وبس .

تره الحب مو عدد ولا ترتيب، الحب احساس حقيقي ما ينقسم ولا ينقاس. وانة احبج انتِ، وكلشي محسوب بالعدل، لان الله امر بالعدل وانة ما اكدر اظلم.

بس كلبي، والله، ما يعرف غير اسمج. صدگيني وجودج هو راحتي وانة ما اشوفج اقل من ايّ انسانة بالدنيا.

بالعكس انتِ مالية عيوني وكلبي وصدكيني محَد بكلبي وعيني غيرج بس بنفس الوكت انة رجال اخافن الله ماكدر احط خطيتها بركبتي و اتجاهل وجودهـا نهائيًا بوجودج

وهمين انة مايهون اعلية احرك كلبج وأذيج وادري بيج انتِ لو ماتحبيني ما تشعرين هل شعور بس انة هم مسؤول امام الله

جـان يحجي وياي بهدوء وهوَ رافع حنچي بـ ايدة ويحجي بهدوءء تـام بحيث كلامة يدخل للكلب رأسًا

روان
يعني مروان انتَ تحبني انة وبَس ؟

مروان
بس صدكيني، اصلاً ماجنت اعرف معنى الحُب گبلج
جنت اعرف مسؤولية، مسؤوليتي اجيب المرتي ما ازعل مرتي احط لمرتي ها اها ماجنت اعرف او احس بقيمة المرة فعلاً انُ تروح لاهلها اشتاگ الها، لو اروحن لفد مكان ويكون بالي يمها واشتاگ واحن للبيت بس اعلمودهـا
وهذا الشي انة ماشفتة غير وياج انتِ

ابتسمت من گال هجي وتنوعتلة بحُب

مروان
انة بس اريدج توثقيـن بمكانتج الباقي كِلة ينحل وداعتج

روان
اممم وشنـي الي يثبتلي انتَ فعلاً تحبني ؟

من كتلة هجي فتح عيونة بوسعهِن وعاط

مروان
ولج بت الاوادم كِل السويتة اعلمودج وتكليلي مني يكوللللللللل يـا ظالمة النفِس

ضحگت من گال هَجي
ضمني لحضنـة وگال
مروان
فصعونتي لا تضوجين اهم شي رضاج يالبوللة

روان
صدك وخر نسيت انة زعلانة منك شلون تصيح اعلية يم الحجية

مروان
يبوووووو ذليتيني ذل ولج عمي بعد ماعيططط
المطلوب روان تصير بوللة و مروان يصير خِدّة وخدر
انتِ هجي يلة ترضين اعلية

من كال خِدّة وخدر ضحكت
جرني لحُضنـة حضني وباس راسي

روان
ترة والله اذا عدتها ...

بعدني ما مكملة صاح

مروان
ولج والله لسان هو انة استرجي بعَد اسوي شي طنكرتي اعلية يومين شيفكني بعَد منج ماكدر انة

ضل يشاقة ويـاي وقبل لا ننزل وصاني
مروان
روان لخاطر الله علكيفج وي سعَدية ترة انة مارضى بالغلط وسعدية مو اهل الله وفطيرة ترة

روان
يمعود انة الفطيرة انتَ شايف سعدية شصايرة؟
صايرة لسان وتحجي من ورة خشمها تصور اسلم اعليها الصبح تدور وجهة وتكلي هلة

مروان
هاي سعدية هجي سوت

روان
اي والله مدري شبيها مشيشة اعلية وجاية

مروان
مو المسعدة تحجي وي سعاد والظاهر خوش معلمتها انة اعلمها اذا ما كطعت التواصل بـ سُعاد، انة رايح هسة احجي وياهة بس انتِ هم كضي رويحتج شوية

روان
اليدك بابي يلكة جوابي

مروان
خو يالبوللة الباب التجيك منة ريح سدة واستريح

روان
ماعدي هشي انة بقاموسي

مروان
بت بيت جبُر بعد

روان
وشبيهم ماعاجبيك!

مروان
اعلى راسي والله صدِك جذِب
بس اكلج شو انتِ ماخذة راحتج بالبيت الي تلبسيهن بالـ غرفة تلبسيهن برة شني السلفة خالي ؟

روان
ترة ماكو رجال واذا

مروان
ميخالف انة اغار حتى لو من نساوين شني رجيلج مرمرة وطالعة

روان
اويي كال شنو كال، كال يغارررر

مروان
ايّ اغارررررن طبعًا اغارن عندج شككك لو تردين تجربين نار غيرتي شلون تحرك؟
لسة اتذكر من توديلي صورج من جنتي ب بيت جبر خرب عرضج وعلي جنت اوج ل الله وانطفي نوب انتِ اخخخخ تلعبين بـ اعصابيييييي بوللة موبيدج والله

جنة نحجي استوقفنـا صوت سعدية
تصيح الحجية تريدك

نزلنـة ثنينة وما خلاني انزل الا البس دشداشة
تغدينـا و مروان كال راح اروحن انام بالـ ٤ كعدني عدي مشية

سعدية
تنـام جوة شيصعدك

مروان
لا صاعد اريدن هدوء

خلـة وصعَد تنوعتلها تكسر خاطري رُغم كلشي ماكدر اخلي واصعد وراه راسًا خاف تتحسس او تضوج، راسلني مروان حتى اصعد كتلة شوية و اصعَد

ضليت جوة لمن شفتها طبت لغرفتها خليت وصعدت، اول مـا شافني فَز

مروان
أيست منج وردت انامن ويـن صرتي

روان
هجي جوة جنت

مروان
مو راسلتج كتلج تعايي

روان
قابل ارضعك شتريد مني

حجيتهـا بدفاع وحماس باوعت لمروان ضحگ وانصدم بنفس الوقت، عضيت شفتي بخجل وغمضت عيوني وغميت گصتي

روان
جُفصت مووووو ادري جُفصت

استغل الفرصة وكام يتساخف وياي بالكـلام ويضحك
نيمني يمة وهوَ يكلي
شو صاير ماكدر انامن الا اعلى ريحتج، صارلي ساعة اتكلب بالفراش و ولا نمت

الساعة بـ ٤ ضبُط اندك الباب ماجنة نايمين جنة كاعدين طلع مروان طلعت سعدية ماجان فاتح كل الباب بس ماد راسة كال الهـا هَسة اجي باوعت بعيونها اكو غضب مع انُ هيَ ماشافتني بس انة شفتها ب انعكاس المراية

سعدية انة اعرفها كلش زين ابد مو بحال هجي سوالف وهبشة ارض الله بهوش الله ولا تحجي ولا تسولف شبيها هجي صايرا مادري

سبح مروان وبَدل وضل يوصيني اكعد يم الحجية ولـ ٧/٨ هو بالبيت

باسني بخدي وكلي ايّ شي تحتاجي بس خابريني بسرعة ارد، خلة وراح واني رحِت سبحت وتزوگت ونزلت

بس شافتني سوت روحهـا تخابر
- والله شحجيلج لكيت البيت شحالة كنست وطبخت وغسلت اماعين وكِلة اعلية

صفنت عليها من كالت غسلت اماعين لان اساسًا مروان شال الصينية وانة غسلتهة ومن كيفي حَتى محد كالي، هيَ سالفة نفسية كلت دامها سوت غدة انة اغسل الماعين، نفسي ما تتقبل اضل كاعدة وساكتة

سكتت عنها لان صدك مالي خلك اضل اتعارك واتناقش كلت الله يهديها وترجع لوعيها بنفس الوكت احسها نرفزتني بالحجي مالتهـا الزايد وكانهُ جاي تريد تسمعني عينك عينك

طلعت من غرفة الحجية لكيتها تخابر وام مروان كاعدة وصايرة هيكل عظمي وتباوع لمكان مجهول نفس المريض النفسي خفت من منظرها شلون صايرة وشكد متغيرة تنوعتلها لكيتها تحضرت عود سدت المويايل وباوعتلي

روان
اكلِج سعدية ترة والله مالي خلِك مو تسوين هجي وترديني اسكتلج ترة روحي بخشمي واعلى ساعة واعيط بيج انة والله

سَعدية
اكلج انتِ يالزعطوطة مو جاية تهوبزين فوك راسي اعلى اساس جذب ماجيت لكيت البيت وصخ محتارة بس بكشختج ونفختج وعايفة الخيسة

روان
هيَ يا خيسة ترة البيت حيل نظيف ومابي شي وانة انظفة بس انتِ هجي تحبين تتعايرين زايد
وهوَ رب الي جذبتي تكولين انة غسلت اماعين وهوَ انة الي غسلتهن اتامل منج بالباقي

تنوعتلي ام مروان وانة احجي سعدية كامت وكامت تصيح وام مروان تتنوعلي وتخوزر بية. منظرها رعبني وخفت اضل اتنوع لعيونهـا اكثر

عفتهن وطبيت لغرفة الحجية سولفتلها كلتلي خلها تولي مالج حاج بيها

اتنوع من الباب ام مروان وسعدية حلك ب حلك ويحجـن
ويحجن بهمس ومادري شعدهن

صاح الاذان كمت اريد اتوضة اتنوع سعدية لبست ثوب حلو ومرتبة روحها خوش ترتيب طالعة جنها ذوق الضباط بس للامانة جانت حلوة، خصوصًا هيَ حافة وصابغة ومسوية تاتو فَ طالعة حلوة

اتجاهلت الموضوع وماصار ب بالي ابد، اتنوع الها تصير كدامي وتتموع انة هنانة ما تحملت وضحكت
درت وجهي وكلت يارب مو تنمُر والله بس هاي ويـن تريد توصل

درت وجهي الهة وكتلهة بعفوية
روان
عمي حلوة والله حلوة تخبلين

سعدية
وانة طالبة منج شهادة على انّي حلوة لولا ادري بروحي حلوة واخبل همين شوفي روحج انتِ يالمعصعصة

كالت هجي وخلت وطبت خلتني اشلوط
طبيت وراهة وانة اصيح
روان
وعلي ان ما احترمتي نفسج يسعدية فلا يصير ابدددد خير

تنوعتلي بطرف عينها ودارت شعرها بيدها اعلية
من سوت هجي ضحگت
صدك اعلى كولة مروان شر البلية ما يضحك

والله وكت سعدية ام الهوايش هجي تسوي خرب يومج سعدية، ضحكت عليها بدون حقد لان سعدية انة من زمان اعرفها واعرف هيَ شني بس المُشكلة صدمتني ب تغيراتها النفسية والجسدية

شوية واجة مروان من شافهـا هم ضحگ
حقة يضحگ انة من رحتلهم بالاسبوع مرة تسبح وجنت انصدم شلون مروان اليسبح كلساعَ متزوج ذني المعفنات

مروان
يبيبي المثل يكول لو ما الغيرة ما تحچَت الخِنيزة

كعدوا هوَ والحجية يضحگون، المشكلة ماترضى اجيس شي، وهيَ كل ظنها انة ازعل لو اريد اتلوك ل مروان متدري مـا اهتم

كملنـا عشة وهيَ كاعدة يمة وانة كاعدة يم الحجية وبكلبي اضحك ع تصرفاتها وماخذتها ع منبع الضحك مو الغيرة والجد

ضلينة كاعديـن ومروان يسولف يومة شلون جـان ويحجي ع السوالف مال الناس

صارت بـ ٩ تقريبًا كال راح اطلع مابطي فد ساعة واجي
صدك والله ل ١٠:٣٠ واجـة اتلگتة سعدية و وكفت تحجي  ويـا مدري شني اتنوع الهم فجأة حطت ايدها على صدرة وتحجي

اشرلها ب ايّ عرفتها تريد يمة بالغُرفة خلت وراحت لغرفتهم راح لامة هوَ

شوية واجانة للغرفة الحجية جـانت نايمة وانة اراسل ب علي
تنوعلي وگال
مروان
ها شجاي تسوين

روان
اراسل ب علاوي

مروان
فوكاهة علاوي تدلعي؟
اسمة علي ترة

صغرت عيوني وتنوعتلة
روان
علاوي اسمة

اتنفس بغضب وگال
مروان
يالله شلون راح تكضي

روان
مو صاحتلك ماتروح؟

حجيت ب لا أُبالية عكس الي بية، تنوعلي وگال وهوَ يحط ايدة على ايدي

مروان
حبيبتي روان هذا الشي حق..

بعدة ما مكمل كلام قاطعتة ب هدوء

روان
هاي شبيك مروان غير حجينة الظهر والله انة مُستحيل اوكف بوجهكم بنهاية انتَ رجال وعليك حقوق والك واجبات ومحد يكدر يمنع هذا الشي

مروان
من نفسج

روان
اكيد مروان انة ماعدي شي يجوز اضل يم الحجية

مروان
لا اصعدي فوك هسة شوية واجيج

روان
لا عليش شوية وتجيني ضل يمها

مروان
روان ماكدر شوية واجيج فهمني

روان
مروان لتعاند ضل جوة ماكو داعي صدِك

مروان
ترة مو علمودج، انة ماكدر انام الا اشتم ريحتج

ماحجيت شي ماردت اعكرلة الجو او اخلي بقلق ادري هذا الشي حقها وانة اختاريت ارجع ودامني اختاريت ارجع لازم اتحمل الي موجود هاهيّ بعد انكتب علية ولا انة اول ولا اخر وحدة رجلها يتزوج وحدة عليها ايّ روان ايّ اصبري وعادي وطبيعي

ضليت احجي وي روحي هجي اريد نفسي تهدئ بس ما جنت اكدر احس غير بنار بكلبي

ضليت امشي بالغرفة واتنفس سريع اريد استوعب هذا الشي او اتقبلة بس ماجنت اكدر

صرت افكر الي يسويلياه مُمكِن يسويلهيا واحس ووحي ماتحملت الفكرة ابد ودموعي وحدهن كامن يجرن

ماكدرت اضم شهگاتي وخفت لا المرة تگعد خليت وصعدت لغرفتي بسرعة، قفلتها اعلية وضليت كاعدة وابجي

يـاربي والله ماتحمل انة شلون قبلت بهجي وضعية شلون
هوَ انة علاوي جنت اغار اعليّ من ملوكة ومن اجتِ للدنيا تخبلتتت وكوة تاقلمت زين شلون هسة  بية وشلون اصبر

ضليت بغرفتي وابجي وبين المتندمة وبين الي اخذت خطوة وبعد ماكدر اتراجع عنهـا

بهاي اللحظة بالذات جنت احس براكين الدنيا كلهة متجمعة بداخلي بس ماجنت اكدر احجي شي ابد

مُضت ساعة تقريبًا حسيت ع صوت الباب ينفتح همزين انة جنت سادة الضويات عدلت نومتي وسويت روحي نايمة بس ماكدرت امسح دموعي

مروان
نايمة فصعونتي؟

مارديت سويت روحي نايمة، شوية صار صمت سمعت صوت الدوش انفتح حسيت كلبي انعصر وماتحملت مابجي ضليت بس ابجي بصوت ناصي

كوة هدئت روحي وانة اباوع للمراية وجهي صاير احمَر نعلت الشيطان وضليت اردد ( حرام عليج روان حرام عليج لا تصيرين انانية هيجي )

هدئت روحي ومسحت دموعي ونمت ووغطيت راسي
الضوة فتحة خفت لا يشوفني

شويـة وسمعت صوت خطواتة طلع، لمن سمعتة سد الضوة ارتاحيت، اجـة للفراش دناني يمـة وهوَ يهمس

مروان
فصعونتي تعاي يمي بحضني

حطني بحُضنة وصـار يبوس بوجهي وانة احس صابني شعور قرف من عدها الي شلون راح اتحمل ؟

بنفس الوكت ماكدرت احجي وهمين ماكدرت اسكت
سويت روحي نعسانة ودرت وجهي بتملمُل

مروان
ماتكعدين مشتاقلج

عقلي كام يحجي هواي حجي وروحي قرفت من عدة جاوبتة ب صوت مزعوج

روان
مروان اريد انام نعسانة

حط راسة بركُبتي وهمسلي
مروان
بس مشتاقلج

روان
ترة ستوك جنت يم مرتك المن بعد

مروان
يعني ترة هيَ الشغلة مو جسدية كد ما تعبير للاشتياق

روان
الله يخليك ويخلي اشتياقك اريد انام مروان عوفني

مروان
استغفرالله شحاجيج بلة بالج ضارب شطح مدري نعسانة
ديلة نامي نامي

ضل حاضني ونـايم حَسيت روحي مقيدة بـ حمل انة مو كدة ابد

سكتت وضليت بس افكر حتى لايحس علية ابد، حسيت انفاسة ثگلن عرفتة نام وخرت منة وكمت صليت

دعيت وكتلة
يـارب الهمني الصبُر وخليني مـا اظلمها واظلمة واظلم روحي وياهة ماريد هل شعور الاناني يصير بيـة

كملت صلاة ورحت راسلت رّحمة وحجيتلها كِل الي صار

رَحمة
والله با روان ماتصورين شكد ربج راح يكرمج بسبب فعلج هذا وكولي كالت رَحمة والله العظيم هذا الفعل مو اي واحد يسوي خصوصًا الي بعمرج مستحيل تفكر تسوي هجي وتسكت وتضم بجيها وغيرتها عن رجلها حَتى لا يصير يوخي الحذر وما يروح لمرتـة، بس هذني كلهن محسوبات عد الله ولو هي صادقة راح يحننلج كلبها عليج وتصير نفسج ولو هيَ موزينة الله يطلع زينج من عيونهـا

ضلت تحجي وياي كلام صدك يطمن وحسستني شكد الي مسويتة صح والله راح يرضى علية، كالتلي استمري بي ولا تغندبين عليّ ولا كذا هم تكسبي وتكسبين حُبة اكثر وهم بنفس الوكت ما تلحين عليّ وتمللي وهم الج يم ربج لان بنهاية هيَ مرتة

ارتاحيت وانة احاجيهـا حَيل كتلها ان شاء الله وسديتها منها
ايّ والله كلامها صحيح يجوز اذا صار بس الية وصرت انانية وحرمتها منة الله يبتليني بفَد شي ثاني

فَ خلينـا هجي والله الي يحلهّا ..
نمت، وكعدت ثاني يوم متأخرة على صوت دكة الباب كمت صحت منو

سعدية
انة، يعني شلون تنامين للظهاري
يبو سَعدية شكد مالي خِلك الج

كمت من النوم الحلو انُ مروان كلش حريص على غرفتنا مفتاح يمي ومفتاح يمة وايّ واحد يطلع يقفلها والي يطب يقفلها

نزلت لجـوة ضلت تحجي

سعدية
عروس لو شني للظهاري نايمة ارد افتهم شكووو

فضيلة
وانتِ شعليج للظهاري نايمة ما تنجبين ولج سعدية هم صايرلج بلة

روان
وعلي يسعدية مالي خِلگج اتچفي شري احسلج ترة جاي اتلافاج بما فيه

ضلت تحجي وتريد تتعـارك
روان
احجيلج حجاية بس سعدية اذا ضليتي هجي وعلي محد يخسر غيرج ف نصيحتي الج تفكين ياخة مني وتصيرين وياي مو اعلية ولا تخلين واحد يشيشج اعلية لان انتِ تخسرين

كتلها هجي وعفتها تحجي وحدهي اجة مروان وجنت احاول ابين طبيعية ويـا، رُغم الوجع الي جان بكلبي

مَـر اكثر من اسبوع على روتيـن حيل عادي ويومة نفس الدكة ونفس الرطينـة نعيشها، ومن بعّد هل مـرة مروان طب لسعدية مـرة وحدة ثانية وهم جان مغصوب حتى لا تزعل لو شي ويريد العدل والرخاء. يسود بالبيت

جنت ماخذة كِلشي بـ ضحكتي ولا أُباليتي وجنت اكول
ميـخالف الدنيا اكبر من هجي شي

وجان الرفيق الدائم بهذا المشوار رَحمة، جنت احجيلها يومية شنو صـار وشلون وهيَ جانت خير الـ شخص الي يحلك مشاكلك بـ لمح البصر، وجانت هيَ مُصبرتي الوحيدة
جنت ادري لو اضل وحدي جان اتعارك وي مروان وابجي ونتعارك وماكو شي يصيـر

اما هيَ ف بالعكس جانت تشجعني اكعِد واستمر وجانت تكلي مروان يستاهل وهوَ يحبج

مروان قرر يعزم اهلي وسوينـة عزيمة ودعيناهم سعدية راحت لاهلها وضلت تذب حجي شعلية ب اهلها ومدري شنـو

لليوم الثاني رجعت سَعدية بس جانت مالها خلك وتعبانة وكل ساع تدوخ مروان كال الها اخذج تكلة لا ماعدي شي

رحنـا لكربلاء هيَ ماراحت ويانة، اول مارجعنـا لكيناهة كاعدة بالصالة واكشخة ولابسـة و ام مروان بصفها

اول ماشافتـة ام مروان هلهت وكانهُ وعيها جان راجعلها وطبيعية

ام مروان
مبارك يبني مبارك

مروان
شكو يُمة

ام مروان
من بعد ١٥ سنة راح تصيـر يمة اب

باوعتلها وانة مصدومة هااااي شجاي تحجي

مروان
يمة شجاي تحجين شني اصير اب

كامت سعدية جابت اوراق وسونـار وكالت وهي تنعم صوتها
سعدية
طلعت حامِل يمــروان ..

كام يقرة مروان بالتحاليل وعيونـة دمعن تنوع للحجية وكام يصيح

مروان
صدك حامل صدكككك حامل حجية

الحجية كام تهلهل وامة تهلهل، راح وشبگ سعـدية حيل وضل مجلب بية

انة ماعرف شسوي جنت بس مصمنمة و واكفة و مروان منطيني ظهرة وسعدية تباوعلي بنظرات انتصـار

ماعرفت شسوي سـاعتها بين المصدومة وبين الي اكـو شعور فرحة بس جان شعور حَيل قليل وشعور الـ غصة غلب كِلشي

رحت صعدت لفوگ وماجان احد منتبه لوجودي اساسًا، حتى مروان ما افتگدني

صعَدت لفوگ ودموعي صـارن يجرن وحدهن بكل هدوء، بيـن ناري وبيـن هدوئي الخارجي جان اكو شي ماكدر اوصفة ابد !

ضليت اباوع للمراية بهدوء ودموعي ينزلن
شسـوي، شلون هَسة؟
المفروض افرح الة لان الله طُعمة من بعد ١٥ سنة
لو انكسر وي كلبي ؟

ماجنت اسمع شـي ثاني غير اصوات ضحك
طلعت من الغرفـة اريد اشوف لهل درجة اني انتسيّت ؟

صرت يم الـمُدرج وصرت اباوعلهم من الصالة كلهم كاعدين والضحكة ماليتهم ملي و سعـدية تحجي

سعـدية
هيَ من اول ليلة اجيت بيها لهنانة انة حسيت بعدها مدري شبية بس ماعبالي بهاي السرعة وضليت تعبانة وبس دايخة نفس ماتعرفون بس ماعبالي، واليوم كلش تخربطت ورحنة اني وخالتي لـ الدكتورة وفجأة تصدمني انُ انة حامل

مروان
الحمدلله الحمدلله ماكو احد كد فرحتي
سَعدية اطلبي كِلشي، ايَ شي تردي مستعد اسويلجيا والله

سعدية
الله يديمك يروحي ان شاء الله تبقى سند النة ويجيك وليد يشبهك ويشيل اسمك

مروان
كلشي من الله حياه الله، انة بس اريدن طفِل ماريدن شي غيرة ابد والله فرحتي بيج ما يوصفهـا واحد
سبحان الله عسى ان تكرهوا شيء ويجعل الله فيه خيرًا كثيرا الحمدلله والشكر ع الرزق الي الله طعمنيا الحمدلله والشكر

منا وجـاي ماريدج لا تتحركين ولا ترحين لا يمنة ولا يسرة وعلة كيفج بكلشي

فضيلة
ايّ ونكطعلها عد السادة هم وماريدكم تحجون لواحد منازلمن يثبت ب بطنها

مروان
ماحجي شني حجية، الا امشي واحجي
اما بنعمة ربك فَ حدث وانة الله اطاني، اطاني ومن بعد ١٥ سنة

فضيلة
يمة العيون ماترحم

مروان
لا ترحم خليني فرحان خليني
يلة كومي سعدية كومي نـامي لا تضلين هنانة منا وجاي اريد كِلشي ب التزام كِلشي يلة

لزمها من ايدها وباسهـا من راسها وكومها للغرفة احس انفاسي ضاگن وشهگت بالبجي
حطيت ايدي على حلكي وطبيت بسرعة لغرفتي

نار تطلع مني روحي احسها انعلت عل
ضليت كاعدة بمكاني وابجي بقوة

نارررر بكلبي محد يطفيها محددد
حسيت روحي اختنگ كمت فتحت الشباك كلة و وكفت بالبلكونة وصرت ابجي

ماحس الا انفتح الباب واجاني صوتة
مروان
روان رواااان وينج

صوتـة جان حيل فرحان اجاني للبلكون وكال

مروان
روان كلبي راح يطلع من مكانة، انة ما مصدك روان

غمضت عيوني ونزلت دمعتي بهدوء اجاني صوتة الخافت وهوَ يكلي

مروان
روان شبيج

اجة وحط ايدة ع متني نترتة بسرعة
روان
عووووووفني لا تلمسني

عفتة وطبيت بسرعة للغرفة اجة وراي بسرعة لزم ايدي و وكفني و هوَ متفاجئ

مروان
روان جاااااي تبجين !!!
ديري وجهج خل اشوف

روان
ماريد مروان عوفني ماررررريد

مروان
ولج رووووان ديري وجهج

درت وجهي الة وتنوعتلة
روان
شتريد مني شتريد

مروان
جاي تبجين!!!! شبيج ؟

روان
شبية مووووو شبية

ضل صافن علية وتنوعلي ب استغراب
مروان
لان سعدية حامل ! 
معقولة وصلت بيج لهاي الدرجة روان!
بدال ما تفرحين لية تنصبيها عززة؟

روان
ليش دائمًا روان الي لازم تكون مثالية، روان لازم تضحي روان لازم تسكت ليششششش دائمًا هجي ليشششش
انة هم انسان هم انسان عندة كلب وعندة مشاعر جنت اسكت لمن تروح يمها واضحك بوجهك وانة ميتة من جوة اضل بس ابجي هنانة وهسة هسة بكل بساطة من عرفت حتى ما باوعتلي من هسة انتَ هجي اذا جابت شلون تصير ام فلان يااااا روان يا بطيخ

كتلة هجي وجنت منهـارة بالبجي والصايح وهوَ جان يعاين بـ استغراب وصدمة

مروان
صِدك زعطوطة انتِ شمس
او اوكفي معقولة غيرة النسوان هجي؟

روان
حتى لو غيرة النسوان موهجي حتى لو انت شايف غير
بس انة مو ايّ مرة مو ايّ مرة
انة ماقبل اشاركك وي احد ماكدررر

مروان
اششششش حجاية لا تحجين
انتِ لو صدكك تحبيني جان فرحتي اعلى فرحتج
تدرين بية ١٥ سنة ماعدي بزر وهسة لمن الله يرزقني تجين تسوينها اعلية عزة بدال ما تشاركيني ب اهم لحظة ب حياتي لان انتِ اهم شخص بحياتي !!

روان
هههههههه صحيح يحيث شفتك من اول ثانية تتكلب وين روان وينها مو نسيتني وطيزتني وبعدين لا تكول انتِ اهم شخص بحياتي وحتى لو صدك جنت منا وجاي ماراح اكون

اخذ نفس بعصبية ونفرة ب عدم صبر جرني الة وحجة بهدوء
مروان
روان حبيبتي يجوز انتِ ماراح تكونين ام هل طفل بس انة متاكد الله راح يرزقني منج اولاد كمر نفسج ومتاكد راح احبهم اعلى حبج واكثر بس اريد تعرفين شي انُ انتِ اول انسان علمني معنى الحب وحبي الج راح يزيد ما ينقص والله
تعاي خل نتفاهم كافي بجي

روان
كتلك مارررررريد ماررررريد وخر عني

كتلة هجي ونفرت منـة بسرعة

مروان
تررررررة زودتيها شبيج تخبلتي علية

روان
ايّ تخبلت عليك بس روح مـاريد اشوفك

اجة يمي وهوَ يخزرني ويحط ايدة ع جتوفي ويهزني
مروان
ولج روان كافي لا تتخبلين كافي

روان
موووو كافي موووو كافي روح الها موووو كافي

من شافني شلون تهسترت بالبجي وضليت اشاهگ واريد بس اروح انصدم، ضل يحاول وياي انُ يحضني وانة ابعدة

حدما حضني بكل قوتة وضل ضامني لصدرة حيل

مروان
اش اهدي بوية كافي انسي كلشي انعل ابو كلشي كلبج راح يوكف كافي بجي

ماكدرت اقاومة اكثر واستسلمت بحُضنة راح كعد ع الجرباية وضل حاضني وساكت عاينت بالمراية وجهة مكبوت واحمر ويباوع للحايط وصافن

كمت من يمة تنوعلي وجر ايدي

مروان
ويـن

روان
ارد اغسل

مروان
ارد احاجيج

روان
ماريد شي حباب

مروان
روان اخاف

تنوعتلة ب استفاهم

مروان
اخاف على سعدية من امي وهي هم كالتلي اخاف من خالتي ساعة تضحكلها وساعة تخوفها شلون اعوفها بحدها
وماكدر اعوفج وحدج بهل حالة

من حاجاني هجي باوعتلة واستهزئت
روان
ههههههه عبالي تريد تحاجيني اعلية، روح مروان روح
روح يمها ولا تخاف اعلية انة ماعدي شي

مروان
يالله روان لا تفهميني غلط ابروح الحسين والعباس كلبي انمرد واحس روحي تهت بين دربين بس خل افهمج البية والحاس بي الله يخليج انة بين نارين روان بين نارين

روان
لا بيننننن نارين ولا بطيخ روح مروان روح جاي اكلك

حجيت هجي بعَصبية صم ايدة وغمض عيونة بعدم صبر

مروان
روان شبيج تخبلتي بس  كليلي تخبلتي !!!

روان
بس عوفني
من ماشوفك ما اتخبل هذا يكفيني

مروان
خوش رايح

دار وجهة وراح وصحت حيل

روان
تريدلك حجة حتى بس تروح

مروان
شسوي بس اريد افهم شسويلج روااااان مو والله راح تموتيني
رايح انة شوية واجيج نتفاهم لا تنامين اقل الخمس دقايق ويمج

روان
لا تجي بعد ماريدك

مروان
اي خوش

خلة وطلع
كعدت ابجي وراسي احسة يريد ينفجر، مضت اكثر من نص ساعة وهوَ ماكو اخر شي خليت ونمت

شوية وحَسيت بي من يحضني فزيت و وخرت منة راسًا

مروان
اسم الله اسم الله شبيج

روان
وخرر مني مروان ترة مو طايقة روحي

مروان
تكعدين نحجي
مردتي كلبي من شفت دموعج ماناشفات على وجهج

روان
ماريد احجي ايّ شي اريد انام بس كلش نعسانة

كلت هجي بنعُاس وتعب وخليت ودرت وجهي ونمت
تنهد وضل يحجي مَدري شنو كل ظنة اني فعلاً كاعدة ميدري نمت

اليوم الثاني كعدت هوَ ماهوَ خابرت علي كتلة تكدر تجيني كلي الظهر  اجيج

جنت محتاجة اروح لاهلي شوية وانفه على نفسي
بدلت ونزلت لجـوة لكيتهم كلهم كاعدين حتى مروان

غريب شلون حتى ماصاحلي
كعدت ع التخُم تنوعلي وگال

مروان
انزلي اكلي روان

روان
لا ماشتهي

فضيلة
ولج يمة ما تنزلين تاكلين شمالج

روان
حجية نفسي تلعب ماريد

ام مروان
ها خاف غرتي وتردين تحبلين هههههه

تنوعتلها بـ استغراب وسعدية ضحكت
مروان
يمة شبيـج

سعدية
تؤتؤ هاي شبية

مروان
ها ها شبيج

انفزع وتنوعلها بـ خوف
سعدية
والله مادري شو دخت ماريد بعَد

مروان
سعدية لازم تاكلين شلون تضلين بدون اكل هجي

سعدية
ماكدر مروان ماكدر اذا تكدر تساعدني اطب لغرفتي

ام مروان
مبينة حبالتج صعبة، شدوا روسكم يكرعان

مروان
تؤ يلة كومي

اخذ ب ايدها وسندها وكومهـا للغرفة و ورة مدة يلة طلع
كعد ع التخم انة ع نفس كعدتي وصافنة

اجة كعد يمي و تنوعلي وهمس بـ اسمي
بهل اثناء دگ موبايلي
علاوي

روان
ها حبيبي

علي
ها حبيبتي انة طلعت من وكت مشتاقلج تجين ؟

روان
ايّ ايّ يلة ماعدي شي

علي
يلة فد ٥ دقايق انة يمج

سديتـة منة وكمت ومروان يباوعلي ب استغراب

روان
ااا علي اجة يريد ياخذني ل اهلي مشتاقتلهم فد شجم يوم واجي

مروان
بس ماعتقد ماخذة اذني ؟

روان
ايّ وانة هسة كتلك

مروان
روان ليش تتملعبين وحدج بدون ما تاخذين اذني

فضيلة
وهسة هي شمسوية اخيها ومر اعليها شني شمسوية جريمة

روان
مادري والله ويـن المُشكلة بالضبط علي راح يجي رايحة احضر روحي

صعدت للغرفة شفتة وراي صعَد ما اهتميت
سد الباب وتنوعلي بغضب

مروان
شني عود رايحة زعلانة لو شني بضبط؟؟؟

روان
تؤ لا زعلانة ولا شي رايحة هجي شكم يوم واجي

مروان
روان شايفة اذا طلع غير شي انتقم والله!!!

روان
ماكو داعي لانتقم ولا اكو داعي لغير شي الي عندي كتلكيا

مروان
هاهيّ روان هاهيّ بس ديري بالج تسوين غير حركة لان والله ماراح اسمحلج

روان
هههه ترة انة تورطت يعني بعد ماكدر اخطي ايّ خطوة ثانيـة

مروان
هه ايّ صحيح تورطتي
شتحسبيها احسبيها المُهم السالفة هجي والله صارت
وانتِ صرتي الي وهاهيّ انتهينـا

عفتة يحجي اخذتلي شكم شَي ورحت نزلت خابرني علي كتلة طالعة طلع ويـاي سلم ع علي ورحنـا

ضل علي يحجي ويـاي وشكلي مبين موزين كتلة بعدين احجيلك ماقبل كلي هسة احجيلي خل افتهم

حجيتلة كلشي وجنت احجي وابجـي وعلي يمشي

علي
هـا يروان هوَ انة هذا الخفت منة والله هذا الخفت منة يصير يعني انة امانة الله فرحت لمروان فرحة هاي من بعد ١٥ سنة ويصير عندة مُعجزة هاي ترة والله فرحة خو انة مو كلش ويا بس والعباس فرحة

بس بنفس الوكت انة اعرف ب احساس النسوان، ومو على احسابج

روان
هذا الي اريدة علي هذا الي اريدة، ماريد يكون على حسابي ماريد يكون على حسابي والله
لك بجذب ماكالي كلمة تسر الخاطر ما كالي حجاية بيها حظ احتار بيها وكانهُ انة ما موجودة
علي كسر كلبي والله كسر كلبي

علي
ماعاش اليكسرلج كلبج وانة موجود لبوتي
بس انة حاجيتج وكتلج كبلها شبيدي اعليج هسة؟
ومع هذا اذا ردتي تتطلكين وتشوفين روحج ماتكدرين انة وياج مو اعليج

روان
والناس علي وجدي وهوَ

علي
طُز بكل واحد يحجي وانعل ابو الي يحجي بيج لو يمسج بحجاية وحدة دامج وي علي راح تعيشين وتضلين عايشة بـ زودة وابن امة وابـو اليحجيلة كلمة ويـاج ..... يُتبععع
توقعاتكُم؟